ایک تو ہرطرف سے اشمل اشمل کی آوازیں آتیں رہتیں ہیں. میرا نام نہ ہوا وظیفہ ہو گیا جسے ہر وقت دادو پڑھنا اپنا فرضِ عین سمجھتی ہیں. حالانکہ ان کا فرض میری شادی ہونا چاہیے مگر اللہ تو جانتا ہے میرا ایک ہی شوق ہے بس شادی ہو جائے وہ بھی جلدی سے کسی امیر کبیر شخص سے چاہے بوڑھا ہو چلے گا مگر وہ تو زیادہ چل نہیں سکے گا …… ؟؟ اشمل مسلسل تیار ہوتے ہوئے خودکلامی کر رہی تھی.
کتنی بار منع کیا ہے یوں خود سے باتیں نہیں کرتے. پتہ نہیں تمہیں کب اثر ہو گا ……. ؟؟
مجھے ڈر لگتا ہے کہیں تو اپنی اس عادت سے کسی بڑی مصیبت میں نہ پھنس جائے. دادو نے کہتے ہوئے چائے کا کپ سائیڈ ٹیبل پر رکھا
دادو آپ نے کبھی کوئی بندہ خودکلامی کی وجہ سے مصیبت میں پھنستا دیکھا ہے. کم از کم میں نے تو نہیں دیکھا. اشمل نے آئینے میں دیکھتے ہوئی اپنی پونی باندھی
یہ جو تو اپنے دل کی باتیں اتنی اونچی آواز میں کرتی ہے اس وجہ سے پھنس سکتی ہے. ارے کوئی یوں سرعام اپنے راز کسی کو دیتا ہے. دادو نے پلنگ کے کنارے بیٹھتے ہوئے سمجھایا
تو کیا کروں، کس سے بات کروں ……. ؟؟ میری نہ کوئی سہیلی ہے، نہ کزن، نہ کلاس فیلو، بس میں ہوں اور یہ خودکلامی اشمل نے فائل میں اپنے ڈاکومنٹس چک کیے.
ارے لڑکی کبھی کبھی تو تجھے یوں ہنستا بولتا دیکھ کر مجھے شک ہونے لگتا ہے کہ تیرے ساتھ کوئی باہر کی چیز تو نہیں جس سے تو باتیں کرتی ہے اور وہ مجھے نظر نہیں آتی دادو نے اپنا چشمہ درست کرتے ہوئے اندیشہ ظاہر کیا تو اشمل کھکھلا کر ہنس دی.
کاش میرے ساتھ کوئی باہر کی چیز ہوتی تو میں بھی آج باہر ہوتی یوں نوکری کی تلاش میں ماری ماری پھر نہ رہی ہوتی. اشمل نے حسرت سے کہا
توبہ کر لڑکی کیا اول فول بکتی رہتی ہو. اللہ بچائے ایسی چیزوں سے دادی نے فورا اپنے کانوں کو ہاتھ لگایا
اچھا چلتی ہوں دعا کرنا کہ یہ نوکری مل جائے پتہ نہیں انٹرویو میں کیا کیا پوچھیں گے …… ؟؟ اشمل نے دادو سے کہتے ہوئے اپنی چادر اوڑھی.
میری تو دعا ہے کہ تجھے جلدازجلد نوکری مل جائے مجھ سے تو اب اس گھر کا خرچ نہیں چلتا. اللہ بخشے تیرے دادا کو مرحوم اچھے وقتوں میں یہ گھر بنا کر دے گئے ورنہ پتہ نہیں ہمارا کیا ہوتا ……. ؟؟دادو نے دکھ سے کہتے ہوئے اشمل کی طرف پھونک ماری
کچھ پڑھ کر پھونک مارتے ہیں یوں نہیں کہ اپنے دکھڑے سنائے اور خانہ پوری کے طور پر پھووووووو اشمل منہ بناتی اپنا بیگ اٹھانے لگی
میرے پاس تو بس دکھ ہی دکھ ہیں. انھوں نے ہی مجھے بوڑھا کر دیا ہے ورنہ میری عمر کیا ہے …… ؟؟ دادو کو اپنے کم عمر ہونے پر غرور تھا جو وہ کسی نہ کسی بہانے سب کو بتاتی رہتیں تھیں.
میرے حساب میں اگر دادا گھر کی بجائے ابا کو پیدا نہ کرتے تو یہ زیادہ بڑا احسان ہوتا آپ کے ساتھ ساتھ مجھ پر بھی اشمل کہتی ہوئی باہر جانے لگی.
شرم کر انھوں نے تیرا نام اتنے پیار سے اشمل رکھا تھا اور تو ان کی شان میں کیسے گستاخی کر رہی ہے …… ؟؟ دادو کو اشمل کا یوں کہنا برا لگا
بڑا نام رکھا ہے. پتہ مجھے کلاس میں لڑکیاں اشمل کی جگہ کھٹمل کہتیں تھیں. سخت نفرت ہے مجھے اپنے نام سے اور اشمل کہتے کہتے رکی کیوں کہ دادو کی آنکھیں بھیگنے لگیں تھیں.
ویسے یہ چائے آپ اپنے لیے لائیں تھیں یا میرے ……. ؟؟ اشمل نے بات بدلی
جس کے پاس وقت ہو وہ پی لے. آخر وہ اسی کی دادو تھیں سیدھا جواب مشکل ہی ملتا تھا.
آپ پی لیں مگر میرے لیے دعا ضرور کر دیجیے گا. اشمل کہتی ہوئی مڑی.
دعا تو کروں گی مگر اپنی اس خودکلامی والی عادت کو قابو میں رکھنا پچھلی بار بھی تم نے باس کے بارے میں اظہارِ خیال کافی بلند آواز میں کیا تھا. دادو ہنسی جس پر اشمل مسکراتے ہوئے سر ہلانے لگی
گھر سے باہر نکلتے ہی دھوپ اور دھول نے اس کا استقبال کیا. جس پر اس نے پرشکوہ نظرسے آسمان کی طرف دیکھا
ہائے اشمل ہم غریب لڑکیاں بھی کیا نصیب لے کر پیدا ہوتیں ہیں. اللہ اتنا رنگ روپ دیتا ہے مگر پیدل چل چل کر خراب ہو جاتا ہے اور یہ گاڑیوں میں بیٹھیں بدصورت سی عورتیں ہمیں ایسے دیکھتی ہیں جیسے ہم کسی اور دنیا کی مخلوق ہوں. اشمل نے روڈ پر چلتی گاڑیوں کی طرف دیکھ کر کہا
پتہ نہیں یہ نوکری بھی ملے گی یا نہیں مگر میں کوشش تو ضرور کروں گی کیا پتہ کسی امیر کبیر شخص کی نظر یوں راہ چلتے مجھ پر پڑ جائے اور میرے دن بدل جائیں. اس وقت فٹ پاتھ پر کوئی نہیں تھا اس لیے وہ اپنا محبوب مشغلہ خودکلامی آسانی سے اونچی آواز میں فرما رہی تھی.
♣️♣️♣️♣️
کب تک سرکار اس فائل کو گھورتے رہیں گے …… ؟؟ اب بس بھی کرو کچھ نہیں ہے اس میں بذاتِ خود میں اسے کئی بار دیکھ چکا ہوں. ارحم نے فائل پر جھکے اسفند یار کی طرف دیکھتے ہوئے کہا
تمہیں یقین ہے کہ اس میں کچھ نہیں ہے ……… ؟؟ اسفند نے فائل بند کرتے ہوئے پوچھا
میرے کہنے کا مطلب ہے کہ جو معلومات تمہیں چاہیے وہ اس میں نہیں ہے. ارحم نے کرسی پر بیٹھتے ہوئے جواب دیا لیکن اسفند کے پوچھنے کا انداز ایسا تھا کہ اب وہ خود بھی شش و پنج میں مبتلا تھا.
دو قتل اس فائل کی وجہ سے ہوئے ہیں اور تم کہہ رہے کہ اس میں کچھ نہیں. اسفند کی آنکھوں کی چمک بتا رہی تھی کہ اسے اس فائل سے کچھ خاص ملا ہے. کچھ ایسا جو ان کے لیے مددگار ثابت ہو سکتا ہے.
کمال کی چیز ہے تو آخر کامیاب ہو ہی گیا. ارحم کے لہجے میں اس کی قابلیت کا اقرار تھا.
کامیاب ہوا تو نہیں مگر کامیابی کا راستہ ضرور مل گیا ہے. اسفند نے ہاتھ میں پکڑا بال پن فائل پر اچھالتے ہوئے کہا
یارررر کبھی تو خوش ہو جایا کر عجیب جذبات سے عاری شخص ہے. نہ کبھی میں نے تجھے روتے دیکھا نہ کبھی کسی بات پر خوشی سے اچھلتے. ہمارے ڈیپارٹمنٹ کا سب سے قابل آفیسر ہے مگر مجال ہے کہ تجھے اتنی عزت، شہرت اور مال و دولت ساتھ کبھی غرور کیے دیکھا ہو. کیا ہے تو …..؟ ؟
جس فائل کو سب آفیسر نے چھان کر بیکار قرار دیا تھا اس سے کوئی نشان مل جانا بےشک اسفند کی ذہانت کا نتیجہ تھا مگر وہ پھر بھی خوش نہ تھا.ارحم کی بات پر اسفند نے اپنے کندھے اچکائے اور کرسی ساتھ ٹیک لگا کر بیٹھ گیا.
میری مان تو تُو پہلی فرصت میں کسی اچھے ماہر نفسیات سے مل. جیسے لوگوں کو بےخوابی کی بیماری ہوتی ہے ویسے ہی تجھ میں جذبات کی کمی ہے اور میرے نزدیک بہت بڑی بیماری ہے. یعنی یہ کیا بندہ ہر حال میں ایک جیسا رہے ……. ؟؟
نہ ہنسے، نہ روئے، نہ کسی کے آنے کی خوشی، نہ کسی کے مرنے کا دکھ اور تو اور کسی کے لیے دل نرم نہیں، بس ہر وقت کام اور فرصت میں سونا یہ کیسی زندگی ہے ……. ؟؟ ارحم کے خاموش ہوتے ہی اسفند نے ڈرامائی انداز میں اپنا گلہ صاف کیا.
اگر اور کچھ نہیں کہنا تو میں کہوں. اسفند کے سپاٹ لہجے میں کہے گئے اس جملہ کا مطلب تھا کہ کام پر فوکس کرو.
جی کہیں، میں تو پیدا ہی آپ کی بات ماننے کے لیے ہوا ہوں. ویسے بھی ماتحت ہوں آپ کا،. نہ کی گنجائش ہی کہاں ہے …..؟ ؟
بس زرا خیال رکھیے گا میں آپ جیسا تمام انسانی رشتوں سے فارغ انسان نہیں اور نہ ہی میرا دل صرف خون بنانے کا کام کرتا ہے. ارحم کے جواب پر اسفند نے سر ہلاتے ہوئے ایک نام فائل کور پر لکھا جسے دیکھتے ہی ارحم کو شدید جھٹکا لگا
جناب کو معلوم ہے کہ یہ پلازہ کس کا ہے اور اس میں بزنس کس کا چلتا ہے ……. ؟؟ ارحم نے بےیقینی سے اسفند کی طرف دیکھا
معلوم ہے. دو لفظی جواب انتہائی سکون سے دیا گیا.
تو پھر ……؟ ؟ ارحم کہتا ہوا کھڑا ہوگیا.
جو باتیں لوگوں کو معلوم ہیں اور جو باتیں ہم دونوں جانتے ہیں ان میں فرق ہے نااااااا اسفند پوچھ رہا تھا یا بتا مگر ارحم سمجھنے سے قاصر تھا.
موت ہے. سیدھی سیدھی موت انتہائی سنجیدگی سے ارحم نے سرد لہجے میں کہا
ہاں یہ تو ہے مگر بے فکر رہ تیری باری فلحال نہیں ہے اور “موت” کی میرے سے بنتی نہیں ورنہ جب پورا گاؤں “قتل” ہوا تھا اور دس دن تک مجھے کھانے کو کچھ نہیں ملا تھا تب مرتا.
اگر تب نہیں مرا تو اب بھی نہیں مروں گا اور بالفرض مر بھی گیا تو کسی کا کوئی نقصان نہیں ہو گا کیونکہ میں نے ایسا کچھ کیا ہی نہیں کہ میرے بعد کوئی پریشان یا اداس ہو. اسفند کے جواب پر ارحم نے ایک گہرا سانس ہوا کی سپرد کیا.
حکم یک لفظی سوال ارحم نے پوچھا
وہی جو ہر بار ہوتا ہے. اسفند کہتا ہوا اٹھ کھڑا ہوا جبکہ ارحم نے اسے دکھ سے دیکھا.
بعض اوقات کچھ حادثے انسان کی معصومیت، شرارتیں، سکون سب کچھ چھین لیتے ہیں اور وہ محض سانس لیتی مشین بن جاتا ہے. ایسا ہی انسپکٹر اسفند یار ولی ساتھ تھا.
♣️♣️♣️♣️♣️
اشمل نے بس سے اترتے ہی سڑک پار دیو ہیکل کئی منزلہ شیشے کے پلازہ کو ستائش سے دیکھا جس پر بڑے بڑے حروف میں khan traveling agency لکھا تھا.
پتہ نہیں یہاں بھی جاب ملے گی کہ نہیں …..؟ ؟ ویسے اپنے سابقہ تجربوں کی روشنی میں تو نہیں ملے گی مگر اشمل بولتی ہوئی سڑک کراس کرنے لگی.
پلازہ کی انٹرس انتہائی جدید طرز کی تھی اس کے اندر جو لڑکیاں اور لڑکے آ جا رہے تھے وہ اپنے حلیوں سے بہت ہائی کلاس کے لگ رہے تھے. جنھیں دیکھ کر اشمل کے دل کی دھڑکن تیز ہو گئی اور ہاتھوں میں پسینہ آنے لگا کمتری کے احساس سے چہرے کا رنگ بدل گیا.
اشمل میری جان!!! میری مان تو یہاں سے چلی جا. یہ جگہ تیرے کام کرنے کے قابل نہیں ہے. ابھی وہ اپنی سوچ میں گم اردگرد کا جائزہ لے رہی تھی کہ ویٹنگ ایریا میں اسے ایک فقیر زمین پر بیٹھا نظر آیا. اشمل بھی کچھ دیر آرام کی نیت سے اس طرف چل دی.
ویٹنگ ایریے میں زیادہ تر لوگ اپنی اپنی بسوں کا انتظار کر رہے تھے. کچھ باتوں میں مشغول تھے. کہیں لڑکیاں اور کہیں لڑکے گروپ میں بیٹھے تھے.
اشمل سب کو کراس کرتی آخر میں جا بیٹھی وہاں اس کے آس پاس کوئی نہیں تھا. بس کچھ فاصلے پر ایک فقیر زمین پر بیٹھا انگلیوں سے فرش پر کچھ بنا رہا تھا. اشمل کے وہاں بیٹھنے پر فقیر نے ایک نظر اٹھا کر اسے دیکھا اور پھر اپنے کام میں مصروف ہو گیا.
ایسے کیا دیکھ رہے ہو ……. ؟؟ یہ جگہ تمہارے باپ کی ہے جو تمہارے سوا کوئی اور یہاں بیٹھ نہیں سکتا. میں کونسا یہاں تمہارے بزنس میں شامل ہونے آئی ہوں. اشمل فقیر کے دیکھنے پر بڑبڑاتی ہوئی سڑک پر چلتی گاڑیوں کو دیکھنے لگی.
اشمل اٹھ کب تک یہاں بیٹھی رہے گی. جا کر انٹرویو دے حالانکہ انٹرویو کا فائدہ تو ہے نہیں مگر پھر بھی جہاں اتنی جگہوں پر دیا ہے ایک اور سہی مایوسی سے اشمل نے اپنے ہاتھوں کی لکیروں کو دیکھا
لگتا ہے اپنے نصیب میں اچھی زندگی اور پیسہ نہیں وہ عادت کے مطابق اتنی اونچی آواز میں خود کلامی کر رہی تھی کہ پاس بیٹھا فقیر اسے بآسانی سن سکتا تھا. اپنے اندر ہمت جمع کرتی وہ اٹھی تو دوبارہ نظر فقیر پر پڑی.
فقیر بابا خیر تم بابا تو نہیں ہو مگر کیا کیا جائے. مخاطب تم جیسوں کو ایسے ہی کیا جاتا ہے. چلو میں زرا ماڈرن طریقے سے مخاطب کر لیتی ہوں.
مسٹر فقیر!!! دعا کرو مجھے آج نوکری مل جائے. میں بہت ضرورت مند ہوں. اگر آج مجھے یہ نوکری مل گی تو میں تمہیں روز دس روپے دیا کروں گی. اشمل کہتی ہوئی انٹرس کی طرف بڑھ گئی جبکہ فقیر اسے حیرت سے جاتا ہوا دیکھنے لگا
♣️♣️♣️♣️♣️
اشمل نے جیسے ہی اندر قدم رکھا انتہائی ٹھنڈے اور خوشبودار ماحول نے اسے خوش آمدید کہا. ریسپشن پر ایک خوبصورت لڑکی مسکرا مسکرا کر آنے والوں کے نام کمپیوٹر میں چک کرنے کے بعد انھیں مختلف کیبن کی طرف بھیج رہی تھی.
ھال نما وہ کمرہ اس وقت مختلف عمر اور حلیوں کے مرد و عورتوں سے بھرا پڑا تھا. ایک دیوار پر فل سائز ایل ای ڈی لگی تھی جس پر کوئی اینکر زوروشور سے مہنگائی کا رونا رو رہا تھا.
اشمل نے ایک نظر اپنے حلیے پر ڈالتے ہوئے سر نفی میں ہلایا. اشمل یہاں نوکری نہیں ملنے والی، اپنا وقت برباد نہ کر اور لوٹ جا کچھ سوچتے ہوئے وہ تیزی سے پلٹی تو سامنے سے آتے وجود ساتھ زبردست ٹکرائی .
مس دیکھ کر _ آپ کو بھی چوٹ لگ سکتی تھی. مخالف شخص نے ناگوار چہرے ساتھ تمیز سے کہا اور اپنا کوٹ درست کرنے لگا کیا دیکھ کر …..؟؟ نظر آپ کو نہیں آتا اور بھاشن مجھے دے رہے. اشمل کی آواز اتنی تیز اور لہجہ اتنا تلخ تھا کہ آس پاس موجود لوگوں نے ایک ساتھ نظر اٹھا کر ان کی طرف دیکھا سوری مگر غلطی آپ کی بھی ہے. اس سوٹڈ بوٹڈ شخص نے معزرت کی. جس پر اشمل غصے سے سر نفی میں ہلاتی باہر کی طرف جانے لگی. ویسے آپ یہاں کس کام سے آئیں تھیں میرا مطلب اشمل جو جاتا دیکھ کر اس شخص نے پوچھا
گھی، آٹا،. چینی وغیرہ لینی تھی ملے گی ….؟؟ ؟ اب کی بار اشمل کے چہرے پر بلا کی معصومیت تھی.
کیااااااا …..؟ ؟ مخالف نے حیرت سے بےساختہ پوچھا گویا سننے میں غلطی ہو.
جتنا بیہودہ سوال تھا اس کی نسبت جواب تو خاصا مناسب دیا ہے. اشمل کے تاثرات پل پل بدل رہے تھے.
سوری مس میرا مطلب تھا کہ ابھی وہ اتنا ہی بول پایا تھا کہ اس کا پی اے بھاگا بھاگا آیا.
سر عمران آپ جلدی کریں candidates کی ایک لمبی لائن آپ کا انتظار کر رہی ہے. آگے ہی ہم لیٹ ہو گئے ہیں. انٹرویو کا وقت نو بجے تھا جبکہ اب دس بج رہے ہیں. پی اے کی بات سنتے ہی عمران نے اپنی کلائی پر بندھی گھڑی کی طرف دیکھا
آپ بھی کیا انٹرویو کے لیے آئیں ہیں ….. ؟؟ عمران نے اشمل کے ہاتھ میں فائل دیکھ کر پوچھا
جس پر اشمل نے کھا جانے والی نظروں سے اسے دیکھا
پلیز آئیے عمران نے اخلاق کا اعلیٰ مظاہرہ کرتے ہوئے اسے ساتھ آنے کا کہا جس پر اشمل نے اسے گھورا
انٹرویو یقیناً آپ لیں گے …..؟ ؟ اشمل کے پوچھنے پر عمران نے مسکراتے ہوئے سر ہاں میں ہلایا
پھر رہنے دیں. میں نے کونسا سا سلیکٹ ہو جانا ہے. اشمل کہتے ہوئے پلٹی
مس بات سنیں اتنی بدگمانی اچھی نہیں ہوتی. اگر آپ میں قابلیت ہے اور ہمارے ادارے نے آپ کو انٹرویو کال کی ہے تو انٹرویو دیے بغیر مت جائیں. آگے آپ کی مرضی ___ عمران کہتا ہوا پی اے ساتھ آگے بڑھ گیا جبکہ اشمل نا چاہتے ہوئے بھی ان کے پیچھے چلنے لگی.
♣️♣️♣️♣️♣️
جاری ہے.