No Download Link
Rate this Novel
Episode 10
انتقام محبت
از قلم زرش نور
قسط نمبر ١٠
وہ چھوٹے چھوٹے قدم اٹھاتی حازم کے برابر میں بیٹھنے لگی ،تبھی ادینہ ایک ساٸیڈ سے نکل کر اس کے آگے آگٸی اور حاز م کے برابربیٹھ گٸی۔
زہرہ سیما پھپھو کے پاس جا کر بیٹھ گٸی۔
حازم نے ایک نظر اپنے برابر بیٹھ ادینہ پر ڈالی اور دوسری زہرہ پر اور موباٸل کے بہانے سے وہاں سے اٹھ گیا ۔ واپس آ کر وہ زہرہ کی ساتھ والی چٸیر پر بیٹھ گیا۔
کھانا کھاتے ہوۓ یاور ہمایوں نے ایک اچٹتی نظر دونوں پر ڈالی تھی۔
کھانے خاموشی سے کھایا گیا۔کھانے کے بعد چاۓ کا دور چلا، ہمایوں صاحب اور حازم الیکشن کے بارے میں باتیں کرنے لگے۔
ہمایوں صاحب ایم این اے کی سیٹ پر جب کہ حازم ان کے ساتھ ایم پی اے کی سیٹ پرالیکشن لڑ رہا تھا۔
خواتین بس ان دونوں کو سن رہیں تھیں۔۔۔جبکہ یاور یوسف صاحب کی وہیل چٸیر سنبھالتا ہوا انہیں لے کر باہر آ گیا۔
یوسف صاحب ایک ایکسیڈنٹ میں اپنی دونوں ٹانگیں کھو چکے تھے ۔اس کے بعد وہ بس وہیل چٸیر کے ہی ہو کر رہ گٸے۔
یاور کا معمول ہے وہ جب بھی حویلی میں ہوتا ہے تو وہ رات گٸے تک دونو ں دادا پوتا ایسے ہی لان میں بیٹھے باتیں کرتے رہتے ہیں۔
پاکستان کی ڈپلومیسی کے حوالے سے خارجہ پالیسی پر شاعری، ساٸنس اور مختلیف موضوعات پر گھنٹوں باتیں کرتے ہیں۔
ایک دوسرے سے بہت سی باتوں میں اختلاف راۓ بھی رکھتے ہیں۔ اس دوران انہیں کوٸی ڈسٹرب نہیں کرتا ہے۔
یوسف صاحب کی بہت خواہش تھی کہ یاور سیاست میں جاۓ۔لیکن وہ اس سب سے کوسوں دور رہتا ہے۔
یوسف صاحب اکثر اپنے بیٹے ہمایوں کو کہتے ہیں کہ ہمایوں اگر یاور سیاست میں آ جاۓ تو یہ تم سے زیادہ آگے جاۓ گا۔
جبکہ ہمایوں صاحب یاور سے سخت نالاں رہتے ہیں۔اور وجہ اس کا الیکشن کمپٸین میں ان کا ساتھ نہ دینا بلکہ اکثر الیکشنز کے دوران وہ گاٶں سے ہی چلا جاتا ہے۔حالانکہ ہمایوں صاحب کو زیادہ تر ووٹ اسی کی وجہ سے ملتے ہیں۔
ان کے گاٶں کے خوشحال میں اس کا بہت ہاتھ ہے۔گاٶں کے لوگ اس کی بہت عزت کرتے ہیں۔اپنا ہر مسٸلہ اس کو ہی بتاتے ہیں۔
وہ ان کے چھوٹے چھوٹےمساٸل کو پوری زمہ داری سے پورا کرتا ہے۔۔۔
لیکن آج وہ خا موش رہ کر بس یوسف صاحب کو سن رہا تھا۔
برخودار کیا بات ہے آج تم بہت چپ چپ ہو؟
نہیں دادا جی بس آج صرف آپ کو سننے کا دل کر رہا ہے۔
اچھا بتاٶ ۔۔۔جسے ڈھونڈنے گٸے تھے، وہ ملی ہے کہ نہیں۔
یاور نے ان کی بات پر نظر اٹھا کر اندر سب کے ساتھ بیٹھی زہرہ جمال پر اپنی نظریں ٹکاٸی اور نفی میں سر ہلا دیا۔۔۔
”وہ اس وقت ضبط کی آخری حدوں کو چھو رہا تھا۔۔اس کے لٸے بس یہی بات ہی سوہان روح تھی کہ وہ کسی اور کی ہو چکی ہے۔“اس کا سر درد سے پھٹا جا رہا تھا۔۔۔ اس نے تو اس پر ہمیشہ بس اپنا ہی حق سمجھا تھا۔لیکن آج اسے پتا چلا تھا کہ وہ تو کبھی اس کی تھی ہی نہیں۔
وہ دادا جان کو ان کے کمرے میں چھوڑ کر لوٹا تو اس نے حازم کو الگ کمرے میں جاتے دیکھا جبکہ رومینہ بیگم اور زہرہ جمال ایک کمرے کی طرف بڑھ گٸیں تھیں۔
وہ گہری سوچ میں گم وہیں کھڑا رہ گیا۔ تبھی سیما بیگم اس کے برابر آ کر کھڑی ہو گٸیں۔۔۔
”تمہاری پھپھو اچھا نہیں کر رہیں ہیں ؟ “وہ کبھی بھی حازم کو زہرہ کا نہیں ہونے دیں گی۔ان کی بات پر یاور نے نا سمجھی سے ماں کی طرف دیکھا۔
رومینہ آپی کبھی بھی حازم اور زہرہ کے حق میں نہیں تھیں۔ انہوں نے آج سے ٢٢ سال پہلے اس چھوٹی سی بچی کے ساتھ جو ضد شروع کی تھی وہ ضد اب نفرت کے ایک تناور درخت میں بدل گٸی ہے۔
تب میں نے رمیز بھاٸی کو بہت کہا تھا کہ وہ تمہارا اور زہرہ کا نکاح کر دیں۔لیکن رمیز بھاٸی کا کہنا تھا کہ ہالے نور کی وجہ سے زہرہ کو اس گھر میں کوٸی قبول نہںں کرے گا۔۔۔
یاور نے ان کی بات پر ایک آس سے ماں کو دیکھا۔جیسے کہہ رہا ہو ایسا کیوں نہیں ہو ا؟کاش ۔۔۔۔کے آگے سارے لفظ دم توڑ دیتے ہیں ۔کیونکہ اس کے بعد کے تمام لفظ بےمعنی ہو جاتے ہیں، کیونکہ کاش کے بعد لفظ اگر آ جا تا ہے۔اگر ایسا ہو جاتا تو،یا اگر ویسا ہو جاتا تو۔
یاور نے افسردہ سی ماں کو اپنے حصار میں لیا اور انہیں ان کے کمرے کے باہر چھوڑتے ہوۓ ۔ان کی پیشانی پر اپنے لب رکھےاور اپنے کمرے کی طرف بڑھ گیا۔
اس وقت اس کے اندر ایک جنگ چھڑی ہوٸی تھی۔۔اور اسے تنہاٸی چاٸیے تھی۔
کمرے میں آ کر اس نے ہاتھ میں موجود موباٸل بیڈ پر پھینکا اور واش روم میں گھس گیا۔۔
دسمبر کی سرد راتوں میں یخ ٹھنڈے پانی سر پر پڑ رہا تھا۔لیکن اس کے اندر جل رہی آگ میں کوٸی کمی نہیں آ رہی تھی۔۔۔
کافی دیر کے بعد جب اسے محسوس ہوا کہ اس کا جسم اب سن ہو رہا ہے تو وہ باہر آ گیا۔
سگریٹ اور لاٸٹر لے کر بلاٸنڈرز دھکیلتا ہوا وہ اپنے کمرےکی بالکونی میں آ گیا۔اور سگریٹ پہ سگریٹ پھونکنے لگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زہرہ جمال کا آج دل بہت دکھ رہا تھا۔جیسے جیسے حازم خان اس کی ذات کی نفی کر رہا تھا۔زہرہ کے دل میں نفرت پھر سے سر اٹھانے لگی۔اپنے باپ کے بارے میں سن کر اسکے اندر موجود نفرت کہیں سو گٸی تھی۔لیکن ختم تو بہرحال نہیں ہوٸی تھی۔
حازم سے زیادہ رومینہ خان کا رویہ اسے مجبور کر رہا تھا کہ وہ سب کچھ بولنے کی بجاۓ سب کا بدلہ لے۔
بات بات پر ماں کا طعنہ سننے کی اس میں اب سکت نہیں رہی تھی۔
حازم خان اپنی ماں سے تو محبت کا دعویدار تھا لیکن زہرہ جمال کی ماں اس کے لٸے بس ایک دشمن تھی۔
اس وقت بھی وہ زمین پر میٹرس بچھاۓ سو رہی تھی۔رومینہ بیگم کا خیال تھا کہ وہ ان کے برابر سونے کی اوقات نہیں رکھتی۔۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔
رات کے نہ جانے کس پہر اس کی آنکھ لگی۔۔صبح اس کی آنکھ کسی کھٹکے کی آواز پر کھلی اس نے مندی مندی آنکھوں سے دیکھا تو دروازے میں حازم خان کھڑا تھا۔۔بظاہر ماں سے بات کر رہا تھا جبکہ اس کی نظر زہرہ پر ٹکی تھیں۔۔۔
زہرہ کی نظر جوں ہی اس پر پڑی وہ دوسری طرف کروٹ لے کر لیٹ گٸی۔۔ رومینہ بیگم ادینہ کے بلانے پر اس کی طرف بڑھ گٸ۔جو انہیں اپنی پرشین کیٹ دکھا رہی تھی جو یاور اس کے لٸےلے کر آیا تھا۔۔۔
حازم دروازہ بند کر کے بیڈ پر بیٹھ گیا۔
کافی دیر کی خاموشی کے بعد کمرے میں اس کی آواز گونجی۔
اٹھو تیار ہو جاٶ ، مجھے کچھ کام ہے شام تک میں نے شہر کے لٸے نکلنا ہے۔
وہ منہ سے کچھ بھی نہیں بولی اور اٹھ کر اپنے کپڑے لے کر واش روم میں گھس گٸی۔
حازم کی آنکھیں ساری رات جاگنے کی وجہ سے سرخ ہورہی تھیں۔
اس نے ایک نظر باتھ روم کے دروازےپر ڈالی اور زہرہ کی خالی کی گٸی جگہ پر لیٹ گیا۔ اس کی خوشبو نے اس کا احاطہ کر لیا تھااور اگلے پانچ منٹ میں وہ نیند کی وادی میں گم ہو چکا تھا۔
وہ باہر آٸی تو اسے اپنی جگہ پر خواب خرگوش کے مزے لیتے دیکھ کر اس کا حلق تک کڑوا ہو گیا۔وہ سر جھٹک کر بیرونی دروازے کی طرف بڑھی۔جوں ہی دروازہ کھلا سامنے ہی رومینہ بیگم کھڑی تھیں۔ انہوں نے ایک نظر زہرہ کے سراپے پر ڈالی اور دوسری نظر اس کی جگہ پر سوۓ حازم پر انکی آنکھوں میں خون اتر آیا۔ انہوں نے اپنے تہیہ کچھ اور ہی اخذ کر لیا تھا۔
زہرہ ان پر ایک جتاتی نظر ڈالتی باہر کی طرف بڑھ گٸی ،جہاں سب لوگ ناشتے کی ٹیبل پر موجود تھے۔
سب کو سلام کرتے ہوۓ اس نے چٸیر سنبھالی تبھی ادینہ نے جان بوجھ کر چاۓ کا کپ نیچے گرایا جس سے گرم گرم چاۓ زہرہ کے پاٶں پر گر گٸی۔اس نے ضبط سے ہونٹ بھینچ لٸے۔ یاور ہمایوں اپنی جگہ پر کھڑا ہو گیا۔
ادینہ یہ کیا ہے؟
بھیا وہ غلطی سے کپ گر گیا۔
یاور نے ایک تیز نظر ادینہ پر ڈالی کیونکہ وہ اسے کپ گراتے دیکھ چکا تھا۔
اس نے فورا ملازمہ کو اگمینٹن لانے کو کہا اور زہرہ جمال کی چٸیر کو گھما کر اپنی طرف موڑ کر پنجوں کے بل اس کے قریب بیٹھ گیا۔اس کا پاٶں سینڈل سے آزاد کرتے ہوۓ اٹھا کر اپنے گھٹنے پر رکھا اور نرمی سے اس پر دواٸی لگا کر اٹھ کھڑا ہوا۔
سب کی نظریں یاور ہمایوں پر ٹکی تھی۔وہ بڑی سے بڑی بات پر بھی کبھی ادینہ سے اونچی آواز میں نہیں بولاتھا۔وہ بھی حیران نظروں سے اپنے جان چھڑکتے بھاٸی کو دیکھ رہی تھی۔۔
وہ اپنی جگہ سے اٹھ کر جوں ہی مڑا سامنے ہی خشمگیں نظروں سے گھورتے حازم پر پڑی ۔وہ تیزی سے اس کی ساٸیڈ سے نکلتا ہوا بیرونی دروازے کی طرف مڑ گیا۔
پاس کھڑی رومینہ بیگم کے شیطانی دماغ نے ایک منصوبہ ترتیب دیا اور ان کے ہونٹوں پر ایک زہریلی مسکراہٹ آ ٹھہری۔
حازم خان کی آنکھوں میں وہ لمحہ بس ٹھہر گیا۔جب اس کا پاٶں یاور کے ہاتھوں میں تھا۔ سب کے بہت اصرار پر بی وہ وہاں پر نہیں رکا اور اسی وقت وہاں سے نکل آیا۔
سارے راستے وہ ہونٹ بھینچے رش ڈراٸیونگ کرتا رہا اور زہرہ کی طرف ایک غلط نگاہ بھی نہ ڈالی۔۔۔۔
۔۔۔۔۔۔۔۔۔۔