ناول ”انتقام محبت “

از قلم زرش نور

قسط نمبر ١

زہرہ کمرے میں بند دونوں ہاتھوں میں چہرہ چھپاۓ یخ بستہ فرش پردو زانوں بیٹھی تھی۔اس کا جسم ہولے ہولے کانپ رہا تھا۔۔پچھلے دو ماہ سے وہ جس لمحے سے ڈر رہی تھی۔وہ سر پرآن پہنچا تھا۔۔ لاٶنج میں اس کی آواز گونج رہی تھی اور اندر زہرہ جمال کا دل پتے کی طرح لرز رہا تھا۔اس کی آنکھوں کے سامنے ماں کا بے یقین چہرہ گھوم رہا تھا۔۔فاران کی سوالیہ آنکھیں اسے خود پر جمی محسوس ہو رہیں تھیں۔ممانی کی ان دیکھی تیکھی نظریں اسے اپنے جسم کے آر پار ہوتی محسوس ہو رہی تھی۔۔اس کے بس میں ہوتا تو باہر موجود شخص کا چہرہ نوچ لیتی۔۔۔۔ جس نے اسے بےپردہ کر دیا تھا۔بےعزت کر دیا تھا۔معاشرے میں اس کے وجود کو مسخ کرنے اسے اندھی اور گہری کھاٸی میں دھکا دینے کے لٸے آن پہنچا تھا۔۔۔اس کے جسم میں ایک سنسنی دوڑ رہی تھی۔۔۔

پھر اسے اپنے کمرے کے باہر بہت سے قدموں کی آواز آٸی۔۔زہرہ جمال نے آنے والے وقت کے خوف سے آنکھیں بند کر لیں۔۔”جسم میں لگے زخم تو مندمل ہو جاتے ہیں ۔لیکن روح میں لگنے والے چابک دار الفاظ ہمیشہ کے لٸے ناسور بن جاتے ہیں۔

تبھی کان کے پردوں کو چیرتی ہوٸی اس کی آواز گونجی۔۔

میں اپنی بیوی کو یہاں سے لے جانے آیا ہوں اور دنیا کی کوطاقت مجھے روک نہیں سکتی۔۔۔
بھاری قدموں کی آواز کمرے کے دروازے پر آ کر خاموش ہوگٸی تھی۔اور پھر دھاڑ سے دروازہ کھول کر وہ اندر داخل ہوا۔۔۔
ادھر ادھر نظر دوڑانے کے بعد اس کی نظر ایک کونے میں گھٹری بنی بیٹھی زہرہ پر رک گٸی۔
وہ چھوٹے چھوٹے قدم لیتا اس کے پاس موجود چٸیر پر ٹک گیا۔۔۔۔
زہرہ جمال اپنا سامان پیک کر لیا ہے تم نے؟ میرے پاس وقت بہت کم ہے اسی لٸے میں نے تمہیں پہلے ہی کال کر کے بتا دیا تھا کہ چلنے کی تیاری مکمل کر لو۔

اس کی بات پر اس نے جھٹکے سے سر اوپر اٹھایا۔اور انگلی اٹھا کر اسے وارن کرنا چاہا۔لیکن اس سے پہلے ہی اس کی انگلی حازم خان کی دو انگلیوں کے درمیان میں تھی۔اور اس کے ایک جھٹکے سے وہ نازک سی انگلی ٹوٹ بھی سکتی تھی۔۔اس نے اس پر دباٶ ڈالا تو زہرہ جمال کے منہ سے ایک سسکی برآمد ہوٸی۔۔
جس پر وہ نرم پڑ گیا۔اور گرفت ڈھیلی کر دی۔۔
زہرہ جمال ۔۔۔۔میرے ساتھ چل رہی ہو تو یہ بھول جاٶ کہ تم اپنی یونیورسٹی کی کوٸی مقرر تھی یا اپنی یونی کے میگزین کی ایڈیٹر ہو۔تم حازم خان کی بیوی ہو اور مجھے عورت کا اونچی آواز میں بولنا پسند نہیں ہے۔عورت چار دیواری کے اندر رہ کر جو کرنا چاہے کر سکتی ہے ۔لیکن چار دیواری کے تقدس کو پار کرنے کی کوشش اب کبھی نہ کرنا۔۔۔
زہرہ نے اس کی ڈھیلی گرفت دیکھ کر جھٹکے سے اپنا ہاتھ چھڑایا اور کھڑی ہو گٸی۔۔میری عزت کو روند کر تمہیں یاد آیا کہ عورت کی عزت چار دیواری میں ہے۔تب کیوں نہیں پتہ چلا جب دھوکے سے یونیورسٹی سے لے کر گٸے تھے۔کیا تب نہیں جانتے تھےکہ میں کیا ہوں؟اور کون ہوں؟
جانتا تھا ۔۔۔۔اسی لٸے لے کر گیا تھا۔
اس کی بات پر زہرہ جمال نے جانچتی نظروں سے اسے دیکھا۔۔

اس کے دیکھنے پر حازم خان نےاپنی آنکھیں اس کی گرے آنکھوں پر ٹکا دیں ۔جس پر زہرہ جمال نے گبھرا کر نظریں نیچی کر لیں ۔

تم کیا جانو گی حازم خان کی محبت کو ؟ تم تومیری روح میں بسی ہو۔

ہممم۔۔۔۔۔!اس کی بات پر زہرہ جمال نےسر جھٹکا۔

جن سے محبت کی جاتی ہے ۔انہیں رسوا نہیں کرتے حازم خان۔

اس کی بات پر اس نے ایک زوردار قہقہ لگایا۔”محبت میں رسوا نہیں کرتے۔ہاں تم ٹھیک کہہ رہی ہو زہرہ جمال محبت میں رسوا نہیں کرتے لیکن کیا کروں اس دل میں محبت کی آگ کے ساتھ ایک آگ اور بھی جل رہی ہے،انتقام کی آگ۔“

جہاں محبت ہوتی ہے وہاں اور کوٸی لامعنی جذبہ نہیں ہوتا۔کیونکہ محبت یا تو ہوتی ہے یا پھر بالکل بھی نہیں ہوتی۔۔۔۔تم اپنا انتقام لو حازم خان۔میں تو اپنی موت آپ مر چکی ہوں۔۔۔اب تو بس ایک لاش ہے جو تمہارے ساتھ گھسیٹ رہی ہوں۔۔مجھے تو تمہارے دھوکے نے مار دیا ہے۔

اس کی بات پر حازم خان کے دل میں ایک درد اٹھا تھا۔۔۔۔
اپنا سامان لو اور باہر آ جاٶ ۔۔۔۔
حازم خان کیا تم مجھے کسی اور راستے سے اس گھر سے نہیں لے جا سکتے۔
زہرہ کی بات پر اس کے باہر کی طرف جاتے قدم تھم گٸے۔اس نے مڑ کر اس کے چہرے پر کچھ تلاشنہ چاہا اور وہ کامیاب بھی رہا۔

نہیں۔۔۔۔۔وہ بے حس بن گیا۔

وہ فاران کی نظروں سے بچنا چاہتی تھی۔لیکن یہ ظالم شخص جس نے پہلے اس سے اس کی محبت چھینی اور اب اسے اس محبت کے سامنے رسوا کر رہا تھا۔۔۔

اسے اس شخص سے شدید نفرت محسوس ہوٸی۔۔۔

اس کی گہری براٶن آنکھیں ابھی بھی زہرہ کے چہرے پر جمی تھیں۔
اس نے آگے بڑھ کر اس کا بیگ اٹھایا اور استحقاق سے اس کا ہاتھ تھام کر آگے بڑھ گیا۔
زہرہ نے اپنا ہاتھ چھڑانے کی پوری کوشش کی لیکن اس کی گرفت سخت تھی۔
باہر آ کر اسنے سب پر ایک نظر دوڑاٸی اور اس کا ہاتھ تھامے بیرونی دروازے کی طرف مڑ گیا۔زہرہ نے بھول کر بھی کسی کی طرف نہیں دیکھا۔
باہر آ کر بلیک سوک کی فرنٹ سیٹ پر اسے بیٹھ کر ٹھا کی آواز کے ساتھ دروازہ بند کرتے ہوۓ وہ ڈراٸیونگ سیٹ کی طرف بڑھ گیا۔

اس کی گاڑی آگے بڑھتے ہی اس کے پیچھے کھڑی دو گارڈذ کی جیپیں بھی حرکت میں آٸی۔۔۔۔۔

حازم خان ولد رمیز خان حاکم علی خان کا پوتا پاکستان کی سیاست کا ابھرتا ہوا ستارہ۔۔۔۔۔۔۔۔۔اپنے خاندان کا واحد چشم وچراغ۔۔۔۔نازو نعم سے پلہ بڑا کچھ بگڑا ہوا اکسفورڈ سے سیاسیات کی ڈگری لے کر لوٹا تھا۔۔۔تھوڑ امغرور لڑکیوں سے دور بھاگنے والا ،سیاست کے تمام داٶ پیچ جاننے والا اپنے مخالفین کا سر کچلنے والا اور یہ ساری خصوصیات اپنے دادا سے وارثت میں ملیں تھیں اسے۔۔

گاڑی میں ابھر رہی سوں سوں کی آواز پر حازم نے جنجھلا کر اس کی طرف دیکھا۔

سٹاپ اٹ یار ۔۔۔۔تم یہ اپنی اپنی سوں سوں بند کرو۔

زہرہ نے ایک شکایتی نظر اپنے برابر بیٹھے شخص پر ڈالی اور رخ موڑ کر دوسری طرف باہر دیکھنے لگی۔۔لیکن آنسو تواتر سے اس کے چہرے کو بھگو رہے تھے۔۔

مجھے نہ یہ روتی دھوتی عورتیں نہ زہر لگتی ہیں۔خود کو مظلوم ظاہر کر کے لوگوں کی ہمدردیاں بٹورتی ہیں۔۔

اس کی بات پر اس کے آنسو اس کی آنکھوں میں ہی برف ہوۓ تھے۔۔۔۔ وہ کوٸی سخت جواب دینا چاہتی تھی جب حازم نے دوبارہ بولنا شروع کیا۔

تم عورتوں کی کون سی اقسام سے تعلق رکھتی ہو؟

اس کی بات پرزہرہ نے اجنبھا نے اسے دیکھا۔
کیا مطلب؟
مطلب ۔۔۔۔ میری مما ہیں آزاد پرندہ اور میری دادی محبت کا پیکر اور میری پھپھو شکایتوں کا پٹارہ اور تم مجھے لگتا ہے طنز کرنے میں ماہر ہو گی یا پھر اس نے تھوڑی دیر کا وقفہ لیا سر سے پیر تک اسے غور سے دیکھا۔۔۔۔ ۔۔زہرہ جمال نے سوالیہ نظریں اس پرجما دیں۔۔

پھر کیا؟ ”وہ رونا دھونا بھول چکی تھی۔“

حازم اسے چپ کروانے کی اپنی سی کوشش میں کامیاب ٹھہرا تھا۔۔

”یا پھر ۔۔۔۔۔ وفا کا پیکر “

اور اپنے بارے میں کیا خیال ہے حازم خان؟

میں۔۔۔میں انتقام محبت پر یقین رکھتا ہوں ۔وہ چاہےکسی بھی روپ میں ہو۔بیوی ہومحبوبہ ہو یا پھر ماں ہی کیوں نہ ہو۔

آخر میں آ کر اس کا لہجہ سرد ہو گیا تھا۔۔
مجھے تو تم ایک خاموش سمندر لگ رہے ہو۔۔۔ جس میں ایک خاموش طوفان چھپا ہے۔اور جب اس طوفان میں سونامی آتا ہے تو سب کچھ بہا کر لے جاتا ہے۔

اس کی بات پر حازم خان کی مسکراہٹ سمٹ گٸی تھی۔۔اوراس نے گاڑی کی رفتار حد سے سوا کر دی تھی۔۔۔
۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔