Anchal By Zarish Noor Readelle50111 Episode 8

ناول ” دھانی آنچل“

از قلم زرش نور

قسط نمبر ٨

جو باتیں حویلی کے باہر گونج رہی تھیں ۔آج ان کی بازگشت اس وقت حویلی کی بیٹھک میں سناٸی دے رہی تھی۔

ازلان چوہدری حاکم علی کے سامنے بیٹھا ان کے طہ کردہ رشتے سے انکار کر رہا تھا۔

رشتے سے انکار کی معقول وجہ بتاٶ ۔

ازلان چوہدری نے دوانگلیوں سے پیشانی مسلی میں مشال کو پسند کرتا ہوں۔

حکم علی چوہدری جواب تو پہلے سے ہی جانتے تھے۔ وہ پاشا سےسب معلوم کر چکے تھے۔لیکن پھر بھی اس کی زبان سے سننا چاہتے تھے۔

تم جانتے ہو کیا کہہ رہے ہو؟

اب ہم اپنے گھروں میں کام کرنے والیوں کو اپنی بہو بناٸیں گے۔

ازلان ہمارے گھروں کے مردوں کی دوسری عورتوں کے ساتھ راتیں گزرانا کوٸی معیوب بات نہیں ہے ۔اگر اتنی ہی آچھی لگتی ہے تو کوٸی بات نہیں کچھ راتوں کا مہمان بنا لو اس کو ، لیکن شادی کے بارے میں سوچنا بھی مت۔

ازلان چوہدری نے غصے سے مٹھیاں بھینچ لیں ۔اگر اس وقت ان کی جگہ کوٸی اور یہ بات کرتا تو ازلان چوہدری اسے گولیوں سے بھون ڈالتا۔
لیکن پھر بھی وہ تحمل سے بولا
دادا جان اگر میں کسی سے شادی کروں گا ، تو وہ مشال منصور ہوگی۔وہ نہیں تو کوٸی بھی نہیں۔آپ سامعیہ کے لٸے کوٸی اورر شتہ ڈھونڈ لیں۔
حاکم علی اپنے اس لاڈلے پوتے کو دیکھ رہے تھے۔جو انہیں اپنی جان سے بھی زیادہ عزیز تھا۔لیکن اپنی عزت سے بڑھ کر نہیں۔

ازلان چوہدری اپنی بات ختم کر کے جا چکا تھا۔

حاکم علی چوہدری نے کچھ سوچتے ہوۓ پاشا کو بلایا اور اسے کچھ ضروری ہدایات دے کر روانہ کر دیا۔
۔۔۔۔۔۔۔۔۔۔۔۔۔۔۔

ازلان چوہدری کو صبح سویرے اسلام آباد کے لٸے نکلنا تھا۔سیف کو وہ ساتھ نہیں لے کر جا رہا تھا، کیونکہ اس کی نٸی نٸی شادی ہوٸی تھی۔وہ چاہتا تھا کہ وہ کچھ دن اپنے گھر پر اپنی بیوی کے ساتھ کچھ وقت گزار لے۔

یہی سوچتے ہوۓ وہ سونے کی کوشش کرنے لگا لیکن کافی دیر کروٹ پہ کروٹ بدل بدل کر تھک کر وہ اٹھ کر بیٹھ گیا، اور موباٸل اٹھا کر گیلری میں دن کو لی گٸیں تصویریں نکال کر دیکھنے لگا۔ وہ زوم کر کر کے اس کے ایک ایک نقش کو اپنے اندر اتارنے لگا۔لیکن اس کی آنکھوں کی پیاس پھر بھی ختم نہیں ہو رہی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔

ازلان چوہدری پورے ایک ماہ کے بعد گاٶں لوٹاتھا۔اس دوران اس نے سیف سے رابطہ کرنے کی بہت کوشش کی ۔لیکن اس کا نمبر مسلسل بند جا رہا تھا۔اسے ابھی بھی فرصت نہیں تھی لیکن دل کے ہاتھوں مجبور ہو کر وہ صرف ایک دن کے لٸے آیا تھا۔گھر میں سب نے اس کا پرتپاک استقبال کیا۔بہت خوشگوار ماحول میں کھانا کھایا گیا۔

حاکم علی کا رویہ بھی اس کے ساتھ نارمل ہی تھا۔ اسے ڈھونڈنے پر بھی کسی کے چہرے پر یا کسی کے رویہ سے کوٸی ناراضگی نظر نہیں آٸی۔

بابا آج آ ہی گیا ہے تو کیوں نہ شادی کی تاریخ رکھ لی جاۓ۔

شجاع چوہدری کی بات پر اس نے حکم علی کی طرف دیکھا لیکن وہ نظریں چرا گٸے۔

شجاع بیٹا صبح بات کریں گے ۔ابھی فی الحال بچہ تھکا آیا ہے اسے آرام کرنے دو۔
جاٶ بیٹا آرام کرو صبح بات کریں گے۔

کمرے میں آ کر اس نے دونوں ہاتھوں میں سر گرا لیا۔ وہ خود بھی نہیں جانتا تھا کہ یہ کیسی محبت ہے جس میں اسے ایک پل کے لٸے بھی سکون حاصل نہیں ہوتا۔
پچھلے ایک ماہ میں ایک رات بھی وہ سکون سے نہیں سو پایا۔ساری رات سیگریٹ پہ سیگریٹ پھونکتا رہتا تھا۔

اس نے بہت سہل زندگی گزاری تھی۔پڑھاٸی کے دوران بھی شہر میں ہر وقت اس کے گرد لڑکیوں کا ایک ہجوم ہوتا تھا۔ایک تو پیسے کی فروانی تھی ۔پھر کچھ رنگین مزاج طبعیت اور ساتھ میں چارمنگ پرسنالٹی۔لڑکیاں خود ہی اس کی طرف کھینچی چلی آتی تھیں۔
اس نے کبھی سوچا بھی نہیں تھا کہ گاٶں میں رہنے والی کسی عام سی لڑکی کے عشق میں وہ اس طرح سے گرفتار ہو جاۓ گا۔

۔۔۔۔۔۔۔۔۔۔۔۔۔۔۔۔۔۔۔۔۔
صبح وہ نمازپڑھ کر نیچے آیا تو سب سور ہے تھے۔وہ چپکے سے باہر نکل آیا۔ابھی اندھیرا چھٹا نہیں تھا، وہ کھیتوں کی طرف نکل آیا۔اسے ہمیشہ سے یہاں آکر بہت سکون حاصل ہوتا تھا۔ یہاں کی خاموشی اسے بہت بھلی لگتی ۔وہ کھیتوں سے ہوتا ہوا سیف کے گھر والے راستے کی طرف چل دیا۔تقریباًدس منٹ کی مسافت کے بعد وہ ان کے گھر کے باہر کھڑا تھا۔لیکن دروازے پر لگا بڑا ساتالا اس کامنہ چڑا رہا تھا۔
اس نے وہیں کھڑے کھڑے پاشا کو کال کی۔اور اسے جلدی سے وہاں پہنچنے کے لٸے بولا۔

وہ سوچنے لگا آخر یہ سب لوگ کہاں گٸے ہوں گے۔ شاید اپنی پھپھو کے گاٶں گٸے ہوں۔

تبھی دور سے پاشا آتا دکھاٸی دیا۔
پاس آ کر اس نے مٶدب انداز میں سلام کیا ۔

ازلان نے اس سے سیف کی بابت پوچھا تو جو کچھ اس نے بتایا ، ازلا ن گہری سوچ میں ڈوب گیا۔

اس کے کہنے کے مطابق شادی کے دوسرے دن سکینہ پھپھو کا انتقال ہو گیا تھا ۔ ان کی تدفین کے لٸے وہ لوگ ان کے گاٶں گٸے تھے۔پھر ایک ہفتے کے بعد واپس آۓ اور رات کے پہر ہی یہاں سے کہیں چلے گٸے۔

ازلان گہری سوچ میں ڈوبا گھر لوٹ آیا۔
ناشتے کے میز پر سبھی لوگ موجود تھے۔سامعیہ اس کے برابر بیٹھی تھی۔ازلان سب کے چہروں پر ایک نظر دوڑاٸی اورحاکم علی پر آ کر اس کی نظر رک گٸی۔

چاچو آپ رات کو کچھ کہہ رہے تھے۔حاکم علی کے چہرے پر نظریں گاڑے اس نے شجاع احمد سے سوال کیا۔

جی بیٹا میں کہہ رہا تھا کہ تم آۓ ہوۓ ہو تو ہم کوٸی تاریخ رکھ لیتے ہیں ۔
کس کی تاریخ میں سمجھا نہیں۔وہ انجان بن کر بولا۔

بیٹا تمہاری اور سامعیہ کی شادی کی تاریخ۔

کیوں دادا جان آپ نے چاچو کو بتایا نہیں جو میں نے آپ سے کہا تھا۔
حاکم علی نے اپنی جگہ پر پہلو بدلا۔

کیا بابا جان ؟ ازلان کس بارے میں کہہ رہا ہے۔

میں آپ کو بتاتا ہوں چاچو ۔
آپ سامعیہ کے لٸے کوٸی اور رشتہ ڈھونڈ لیں کیونکہ میں فیالحال شادی نہیں کرنا چاہتا۔

سامعیہ کے ہاتھ سے چمچ پلیٹ میں گر گٸی۔پاس بیٹھی بی جان نے ازلان کا ہاتھ پکڑ لیا۔زارا اور شجاع منہ کھولے حاکم علی کی طرف دیکھنے لگے۔جبکہ ازلان اپنی بات مکمل کر کے نیپکن سے ہاتھ صاف کرتا ہوا جانے کے لٸے اٹھ کھڑا ہوا۔
چلتا ہوں بی جا ن مجھے آج اسمبلی کے سیشن میں پہنچنا ہے۔
بی جان نے اس کی پیشانی چومی جبکہ باقی سب کو لگ رہا تھا سانپ سونگھ گیا ہو۔