،،،،،،،،،
ﺁﭖ ﻟﻮﮒ ﻣﯿﺮﯼ ﺯﻧﺪﮔﯽ ﻣﯿﮟ ﻧﮧ ﺁﺗﮯ ﺗﻮ ﻣﯿﮟ ﺍﯾﮏ ﺑﮩﺖ ﺑُﺮﺍ ﺍﻧﺴﺎﻥ ﺑﻨﺘﺎ۔ ﭘﺎﭘﺎ ﮐﯽ ﻣﻮﺕ ﮐﮯ ﺑﻌﺪ ﻣﯿﮟ ﻭﯾﺴﮯ ﮨﯽ ﺗﮭﺎ ﺟﯿﺴﮯ ﺳﻤﻨﺪﺭ ﻣﯿﮟ ﺍﯾﮏ ﭼﮭﻮﭨﯽ ﺳﯽ ﮐﺸﺘﯽ، ﺟﺲ ﮐﯽ ﮐﻮﺋﯽ ﺳﻤﺖ ﻧﮩﯿﮟ ﮨﻮﺗﯽ۔ ﮈﻭﺏ ﺟﺎﺗﯽ، ﺗﻮ ﮈﻭﺏ ﺟﺎﺗﯽ۔ ﻣﯿﮟ ﺍُﺱ ﻭﻗﺖ ﺑﮩﺖ ﺩﻋﺎ ﮐﯿﺎ ﮐﺮﺗﺎ ﺗﮭﺎ ﮐﮧ ﻣﺴﭩﺮ ﺳﮑﻨﺪﺭ ﮐﻮ ﮐﭽﮫ ﻧﮧ ﮨﻮ، ﺍُﻥ ﮐﺎ ﭨﺮﯾﭩﻤﻨﭧ ﺻﺤﯿﺢ ﮨﻮ ﺟﺎﺋﮯ ﮐﯿﻮﻧﮑﮧ ﻣﯿﮟ ﻧﮩﯿﮟ ﭼﺎﮨﺘﺎ ﺗﮭﺎ ﺁﭖ ﮐﮯ ﮔﮭﺮ ﻣﯿﮟ ﻭﮦ ﺗﮑﻠﯿﻒ ﺁﺋﮯ ﺟﺲ ﺳﮯ ﻣﯿﮟ ﺍﻭﺭ ﻣﯿﺮﯼ ﻓﯿﻤﻠﯽ ﮔﺰﺭ ﺭﮨﯽ ﺗﮭﯽ۔ ” ﻭﮦ ﭼﭗ ﮨﻮ ﮔﯿﺎ۔ ﺍﻣﺎﻣﮧ ﺑﮭﯽ ﺑﻮﻝ ﻧﮩﯿﮟ ﺳﮑﯽ۔ ﭘﺎﻧﯽ ﺩﻭﻧﻮﮞ ﮐﯽ ﺁﻧﮑﮭﻮﮞ ﻣﯿﮟ ﺗﮭﺎ ﺍﻭﺭ ﺩﺭﺩ ﺑﮭﯽ ﺍﻭﺭ ﺩﻭﻧﻮﮞ ﯾﮧ ﺩﻭﻧﻮﮞ ﭼﯿﺰﯾﮟ ﭼﮭﭙﺎﻧﮯ ﮐﯽ ﮐﻮﺷﺶ ﻣﯿﮟ ﺗﮭﮯ۔
” ﻣﯿﮟ ﭘﺎﮐﺴﺘﺎﻥ ﺻﺮﻑ ﺁﭖ ﺳﮯ ﺑﺎﺕ ﮐﺮﻧﮯ ﺍﻭﺭ ﯾﮧ ﺳﺐ ﺑﺘﺎﻧﮯ ﮐﮯ ﻟﺌﮯ ﺁﯾﺎ ﮨﻮﮞ۔ ﺁﭖ ﻧﮯ ﺍﭘﻨﯽ ﺑﯿﭩﯽ ﮐﯽ ﺗﺮﺑﯿﺖ ﺑﮩﺖ ﺍﭼﮭﯽ ﮐﯽ ﮨﮯ۔ ﻭﮦ ﺑﮩﺖ ﻋﺰﺕ ﺍﻭﺭ ﺣﯿﺎ ﻭﺍﻟﯽ ﮨﮯ ﺍﻭﺭ ﻣﯿﮟ ﻧﮯ ﺍﺗﻨﮯ ﺳﺎﻟﻮﮞ ﻣﯿﮟ ﺍُﺱ ﮐﮯ ﻟﺌﮯ ﻣﺤﺒﺖ ﮐﺎ ﺟﺬﺑﮧ ﺭﮐﮭﻨﮯ ﮐﮯ ﺑﺎﻭﺟﻮﺩ ﺍُﻥ ﺣﺪﻭﺩ ﮐﺎ ﺍﺣﺘﺮﺍﻡ ﮐﯿﺎ ﮨﮯ ﺟﻮ ﺁﭖ ﻧﮯ ﺍُﺱ ﮐﮯ ﻟﺌﮯ ﻃﮯ ﮐﯽ ﮨﯿﮟ ﺍﻭﺭ ﺟﺴﮯ ﺍُﺱ ﻧﮯ ﮐﺒﮭﯽ ﻧﮩﯿﮟ ﺗﻮﮌﺍ۔ ﻣﯿﮟ ﺁﭖ ﮐﯽ ﺑﯿﭩﯽ ﮐﻮ ﺍﺗﻨﯽ ﮨﯽ ﻋﺰﺕ ﺍﻭﺭ ﺍﺣﺘﺮﺍﻡ ﮐﮯ ﺳﺎﺗﮫ ﺍﭘﻨﯽ ﺯﻧﺪﮔﯽ ﺍﻭﺭ ﮔﮭﺮ ﮐﺎ ﺣﺼﮧ ﺑﻨﺎﻧﺎ ﭼﺎﮨﺘﺎ ﮨﻮﮞ۔ ” ﻋﺒﺪﺍﻟﻠﮧ ﻧﮯ ﺍﭘﻨﮯ ﺑﯿﮓ ﺳﮯ ﺍﯾﮏ ﭼﮭﻮﭨﯽ ﺳﯽ ﮈﺑﯿﺎ ﻧﮑﺎﻝ ﮐﺮ ﺍُﺱ ﻟﻔﺎﻓﮯ ﮐﮯ ﺍﻭﭘﺮ ﺭﮐﮫ ﺩﯼ۔ ﺟﻮ ﺍُﺱ ﻧﮯ ﻣﯿﺰ ﭘﺮ ﺭﮐﮭﺎ ﺗﮭﺎ۔
ﺍُﺱ ﺧﻮﺑﺼﻮﺭﺕ ﻟﻔﺎﻓﮯ ﮐﮯ ﺍﻭﭘﺮ ﺍﯾﮏ ﺧﻮﺑﺼﻮﺭﺕ ﺳُﺮﺥ ﮈﺑﯿﺎ ﻣﯿﮟ ﻋﻨﺎﯾﮧ ﺳﮑﻨﺪﺭ ﮐﺎ ﻧﺼﯿﺐ ﺗﮭﺎ، ﺟﻮ ﺍُﺗﻨﺎ ﮨﯽ ﺧﻮﺑﺼﻮﺭﺕ ﺗﮭﺎ۔ ﻧﻢ ﺁﻧﮑﮭﻮﮞ ﮐﮯ ﺳﺎﺗﮫ ﺍﻣﺎﻣﮧ ﺍُﺱ ﮈﺑﯿﺎ ﺳﮯ ﻧﻈﺮﯾﮟ ﻧﮩﯿﮟ ﮨﭩﺎ ﺳﮑﯽ۔ ﺍُﺱ ﮐﯽ ﻣﺮﺿﯽ ﺳﮯ ﮐﺒﮭﯽ ﮐﭽﮫ ﻧﮩﯿﮟ ﮨﻮﺗﺎ ﺗﮭﺎ، ﻟﯿﮑﻦ ﺟﻮ ﺑﮭﯽ ﮨﻮﺗﺎ ﺗﮭﺎ، ﻭﮦ ﺑﮩﺘﺮﯾﻦ ﮨﻮﺗﺎ ﺗﮭﺎ۔

۔ Ring” ﺧﻮﺑﺼﻮﺭﺕ ﮨﮯ، ﭘﺮ ﻧﻘﻠﯽ ﮨﮯ۔ ” ﺣﻤﯿﻦ ﻧﮯ ﮈﻧﺮ ﭨﯿﺒﻞ ﭘﺮ ﺑﯿﭩﮭﮯ ﻓﺶ ﺍﻭﺭ ﭼﭙﺲ ﮐﮭﺎﺗﮯ ﮨﻮﺋﮯ ﮈﺑﯿﺎ ﮐﻮ ﺭﺋﯿﺴﮧ ﮐﯽ ﻃﺮﻑ ﺳﺮﮐﺎﯾﺎ، ﺟﻮ ﺳﻼﺩ ﮐﺎ ﺍﯾﮏ ﭘﯿﺎﻟﮧ ﮐﮭﺎﺗﮯ ﮨﻮﺋﮯ ﺍﺱ ﮐﯽ ﺑﺎﺕ ﺳُﻦ ﺭﮨﯽ ﺗﮭﯽ۔
ﮐُﮭﻠﯽ ﮨﻮﺋﯽ ﮈﺑﯿﺎ ﮐﻮ ﺑﻨﺪ ﮐﺮﺗﮯ ﮨﻮﺋﮯ ﺍُﺱ ﻧﮯ ﺍُﺳﯽ ﮨﺎﺗﮫ ﺳﮯ ﺍﭘﻨﮯ ﮔﻼﺳﺰ ﭨﮭﯿﮏ ﮐﯿﮯ ﺍﻭﺭ ﺑﮍﮮ ﺗﺤﻤﻞ ﺳﮯ ﮐﮩﺎ۔
۔ ” I know ”
ﻭﮦ ﻓﺶ ﺍﻭﺭ ﭼﭙﺲ ﺗﻘﺮﯾﺒﺎً ﻧﮕﻞ ﺭﮨﺎ ﺗﮭﺎ ﺍﻭﺭ ﺳﺎﺗﮫ TV ﻻﺅﻧﺞ ﻣﯿﮟ ﺍﺳﮑﺮﯾﻦ ﺭﮔﺒﯽ ﮐﺎ ﺍﯾﮏ ﻣﯿﭻ ﺩﯾﮑﮫ ﺭﮨﺎ ﺗﮭﺎ۔
ﺭﺋﯿﺴﮧ ﻭﯾﮏ ﺍﯾﻨﮉ ﮔﺰﺍﺭﻧﮯ ﻭﮨﺎﮞ ﺁﺋﯽ ﺗﮭﯽ، ﺍﻣﺮﯾﮑﮧ ﻭﺍﭘﺲ ﺁﻧﮯ ﮐﮯ ﺑﻌﺪ ﺍﻭﺭ ﺍﮔﻠﮯ ﺩﻥ ﻋﻨﺎﯾﮧ ﺑﮭﯽ ﻭﮨﺎﮞ ﭘﮩﻨﭻ ﺭﮨﯽ ﺗﮭﯽ ﺍﻭﺭ ﺍﺱ ﻭﻗﺖ ﺍﯾﮏ ﻓﺎﺳﭧ ﻓﻮﮈ ﺳﮯ ﮨﻮﻡ ﮈﯾﻠﯿﻮﺭﯼ ﮐﺮﻭﺍﻧﮯ ﮐﮯ ﺑﻌﺪ ﻭﮦ ﮐﮭﺎﻧﺎ ﮐﮭﺎﻧﮯ ﻣﯿﮟ ﻣﺼﺮﻭﻑ ﺗﮭﮯ ﺟﺐ ﺭﺋﯿﺴﮧ ﻧﮯ ﻭﮦ ﺍﻧﮕﻮﭨﮭﯽ ﺍُﺳﮯ ﺩﮐﮭﺎﺋﯽ ﺗﮭﯽ۔
” ﺗﻢ ﻧﮯ ﮐﺴﯽ ﮐﻮ ﺩﯾﻨﯽ ﮨﮯ ﯾﺎ ﺗﻤﮩﯿﮟ ﮐﺴﯽ ﻧﮯ ﺩﯼ ﮨﮯ؟ ” ﺣﻤﯿﻦ ﻧﮯ ﻣﯿﭻ ﺩﯾﮑﮭﺘﮯ ﺩﯾﮑﮭﺘﮯ ﭼﻠﯽ ﺳﺎﺱ ﮐﯽ ﺑﻮﺗﻞ ﺗﻘﺮﯾﺒﺎً ﺍﭘﻨﯽ ﭘﻠﯿﭧ ﻣﯿﮟ ﺧﺎﻟﯽ ﮐﺮﺗﮯ ﮨﻮﺋﮯ ﺍُﺱ ﺳﮯ ﭘﻮﭼﮭﺎ۔
” ﮨﺸﺎﻡ ﻧﮯ ﺩﯼ ﮨﮯ۔ ” ﺭﺋﯿﺴﮧ ﻧﮯ ﮐﺴﯽ ﺗﻤﮩﯿﺪ ﮐﮯ ﺑﻐﯿﺮ ﻣﺪﮨﻢ ﺁﻭﺍﺯ ﻣﯿﮟ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﮐﮩﺎ۔ ﺍﺱ ﺑﺎﺭ ﺣﻤﯿﻦ ﻧﮯ ﺳﮑﺮﯾﻦ ﺳﮯ ﻧﻈﺮﯾﮟ ﮨﭩﺎ ﻟﯽ ﺗﮭﯿﮟ۔
” ﺟﺐ ﻭﮦ ﻭﺍﭘﺲ ﺁﺋﮯ ﮔﺎ ﺗﻮ ﻣﯿﮟ ﺍُﺳﮯ ﻭﺍﭘﺲ ﮐﺮ ﺩﻭﮞ ﮔﯽ۔ ” ﺍُﺱ ﻧﮯ ﺍﯾﮏ ﻟﻤﺤﮧ ﮐﮯ ﺗﻮﻗﻒ ﮐﮯ ﺑﻌﺪ ﺍُﺳﯽ ﺳﺎﻧﺲ ﻣﯿﮟ ﮐﮩﺎ۔
” ﻣﻄﻠﺐ؟ ” ﺣﻤﯿﻦ ﺍﺏ ﺳﻨﺠﯿﺪﮦ ﮨﻮ ﮔﯿﺎ ﺗﮭﺎ۔
” ﺍُﺱ ﻧﮯ ﻣﺠﮭﮯ ﭘﺮﻭﭘﻮﺯ ﮐﯿﺎ ﮨﮯ ﻟﯿﮑﻦ ﻣﯿﮟ ﻧﮯ ﺍُﺱ ﮐﺎ ﭘﺮﻭﭘﻮﺯﻝ ﻗﺒﻮﻝ ﻧﮩﯿﮟ ﮐﯿﺎ۔ ﻣﯿﮟ ﭼﺎﮨﺘﯽ ﮨﻮﮞ ﭘﮩﻠﮯ ﺩﻭﻧﻮﮞ ﻓﯿﻤﻠﯿﺰ ﺁﭘﺲ ﻣﯿﮟ ﺑﺎﺕ ﮐﺮﻟﯿﮟ۔ ” ﺭﺋﯿﺴﮧ ﻧﮯ ﺍُﺳﮯ ﻣﺨﺘﺼﺮﺍً ﺑﺘﺎﯾﺎ۔
” ﻟﯿﮑﻦ ﮨﺸﺎﻡ ﺗﻮ ﺍﺑﮭﯽ ﺍﭘﻨﯽ ﻓﯿﻤﻠﯽ ﮐﮯ ﺳﺎﺗﮫ ﺑﺤﺮﯾﻦ ﻣﯿﮟ ﮨﻮﮔﺎ۔ ﺍُﺱ ﮐﯽ ﻓﯿﻤﻠﯽ ﮐﯿﺎ ﻭﮨﺎﮞ ﺳﮯ ﺁ ﮐﺮ ﺑﺎﺕ ﮐﺮﮮ ﮔﯽ؟ ” ﺣﻤﯿﻦ ﻧﮯ ﺟﻮﺍﺑﺎً ﺍُﺱ ﺳﮯ ﭘﻮﭼﮭﺎ۔ ﻭﮦ ﮐﭽﮫ ﺩﯾﺮ ﭘﮩﻠﮯ ﮨﺸﺎﻡ ﺍﻭﺭ ﺍُﺱ ﮐﯽ ﻓﯿﻤﻠﯽ ﮐﮯ ﺣﻮﺍﻟﮯ ﺳﮯ ﺑﺎﺕ ﮐﺮ ﺭﮨﮯ ﺗﮭﮯ۔
ﺗﯿﻦ ﺩﻥ ﭘﮩﻠﮯ ﺑﺤﺮﯾﻦ ﻣﯿﮟ ﮨﻮﻧﮯ ﻭﺍﻟﮯ ﺭﺍﺋﻞ ﻓﯿﻤﻠﯽ ﮐﮯ ﺍُﺱ ﭘﻠﯿﻦ ﮐﺮﯾﺶ ﻣﯿﮟ ﻭﮨﺎﮞ ﮐﮯ ﺣﮑﻤﺮﺍﻥ ﺍﻭﺭ ﺍُﺱ ﮐﯽ ﻓﯿﻤﻠﯽ ﮐﮯ ﭼﮭﮯ ﺍﻓﺮﺍﺩ ﮐﯽ ﮨﻼﮐﺖ ﮨﻮﺋﯽ ﺗﮭﯽ۔ ﺑﺤﺮﯾﻦ ﮐﺎ ﺣﮑﻤﺮﺍﻥ ﮨﺸﺎﻡ ﮐﺎ ﺗﺎﯾﺎ ﺗﮭﺎ ﺍﻭﺭ ﺍُﺱ ﺣﺎﺩﺛﮯ ﮐﯽ ﺍﻃﻼﻉ ﻣﻠﻨﮯ ﮐﮯ ﻓﻮﺭﯼ ﺑﻌﺪ ﮨﺸﺎﻡ ﺍﭘﻨﯽ ﻓﯿﻤﻠﯽ ﮐﮯ ﺳﺎﺗﮫ ﺑﺤﺮﯾﻦ ﭼﻼ ﮔﯿﺎ ﺗﮭﺎ۔ ﺭﺋﯿﺴﮧ ﺑﮭﯽ ﺍُﺱ ﮐﮯ ﺳﺎﺗﮫ ﮨﯽ ﺍﻣﺮﯾﮑﮧ ﻭﺍﭘﺲ ﺁﺋﯽ ﺗﮭﯽ۔
” ﮨﺸﺎﻡ ﺗﻮ ﺁﺟﺎﺋﮯ ﮔﺎ ﺍﮔﻠﮯ ﮨﻔﺘﮯ، ﻟﯿﮑﻦ ﺍُﺱ ﮐﯽ ﻓﯿﻤﻠﯽ ﺍﺑﮭﯽ ﺭﮨﮯ ﮔﯽ ﻭﮨﺎﮞ۔ ” ﺭﺋﯿﺴﮧ ﻧﮯ ﺍُﺱ ﺳﮯ ﮐﮩﺎ۔
” ﺗﻮ ﭘﮭﺮ ﮐﯿﺎ ﮨﻮﮔﺎ؟ ” ﺣﻤﯿﻦ ﻧﮯ ﺩﻭﺑﺎﺭﮦ ﭼﭙﺲ ﮐﮭﺎﻧﺎ ﺷﺮﻭﻉ ﮐﺮﺗﮯ ﮨﻮﺋﮯ ﮐﮩﺎ۔
” ﺍﺳﯽ ﻟﺌﮯ ﺗﻮ ﺗﻢ ﺳﮯ ﺑﺎﺕ ﮐﺮ ﺭﮨﯽ ﮨﻮﮞ، ﺗﻢ ﺑﺘﺎﺅ۔ ” ﺭﺋﯿﺴﮧ ﻧﮯ ﺍُﺳﮯ ﺟﻮﺍﺑﺎً ﮐﮩﺎ۔
” ﻣﻤﯽ ﮐﺮﯾﮟ ﮔﯽ ﺻﺎﻑ ﺻﺎﻑ ﺩﻭ ﭨﻮﮎ ﺍﻧﮑﺎﺭ۔ ” ﭼﻠﯽ ﺳﺎﺱ ﻣﯿﮟ ﻣﭽﮭﻠﯽ ﮐﺎ ﭨﮑﮍﺍ ﮈﺑﻮﺗﮯ ﮨﻮﺋﮯ ﺣﻤﯿﻦ ﻧﮯ ﺟﯿﺴﮯ ﻣﺴﺘﻘﺒﻞ ﮐﺎ ﻧﻘﺸﮧ ﺩﻭ ﺟﻤﻠﻮﮞ ﻣﯿﮟ ﺍُﺱ ﮐﮯ ﺳﺎﻣﻨﮯ ﮐﮭﯿﻨﭽﺎ۔
” ﮨﺎﮞ ﻣﺠﮭﮯ ﭘﺘﮧ ﮨﮯ۔ ” ﺭﺋﯿﺴﮧ ﻧﮯ ﮔﮩﺮﺍ ﺳﺎﻧﺲ ﻟﯿﺎ۔ ”
ﺗﻤﮩﯿﮟ ﭘﺴﻨﺪ ﺗﻮ ﻧﮩﯿﮟ ﮨﮯ ﻧﺎ؟ ” ﺣﻤﯿﻦ ﻧﮯ ﺍُﺱ ﺳﮯ ﺍﺱ ﻃﺮﺡ ﺳﺮﺳﺮﯼ ﺳﮯ ﺍﻧﺪﺍﺯ ﻣﯿﮟ ﭘﻮﭼﮭﺎ ﺟﯿﺴﮯ ﯾﮧ ﮐﻮﺋﯽ ﻋﺎﻡ ﺳﯽ ﺑﺎﺕ ﺗﮭﯽ۔
” ﮨﮯ۔ ” ﺍُﺱ ﻧﮯ ﯾﮏ ﻟﻔﻈﯽ ﺟﻮﺍﺏ ﺩﯾﺎ ﺍﻭﺭ ﺍﯾﮏ ﭘﻮﺭﺍ ﺯﯾﺘﻮﻥ ﺍُﭨﮭﺎ ﮐﺮ ﻧﮕﻼ۔
۔ ” Too bad ” ﺣﻤﯿﻦ ﻧﮯ ﺟﯿﺴﮯ ﺍﻓﺴﻮﺱ ﮐﺮﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺎ۔
” ﻋﻨﺎﯾﮧ ﺍﻭﺭ ﻋﺒﺪﺍﻟﻠﮧ ﮐﺎ ﭘﺘﮧ ﮨﮯ ﺗﻤﮩﯿﮟ ﺍﺱ ﮐﮯ ﺑﺎﻭﺟﻮﺩ ﺗﻢ ﻧﮯ۔۔۔۔۔۔۔۔۔۔۔۔ ” ﺭﺋﯿﺴﮧ ﻧﮯ ﺍُﺱ ﮐﯽ ﺑﺎﺕ ﮐﺎﭨﯽ۔
” ﮨﺸﺎﻡ ﭘﯿﺪﺍﺋﺸﯽ ﻣﺴﻠﻤﺎﻥ ﮨﮯ۔۔۔۔۔۔۔۔۔۔۔۔۔ ”
” ﻟﯿﮑﻦ ﺑﺤﺮﯾﻨﯽ ﮨﮯ، ﺑﻠﮑﮧ ﻋﺮﺏ ﮨﮯ۔ ” ﺣﻤﯿﻦ ﻧﮯ ﺍُﺳﮯ ﺑﺎﺕ ﻣﮑﻤﻞ ﮐﺮﻧﮯ ﮐﺎ ﻣﻮﻗﻊ ﻧﮩﯿﮟ ﺩﯾﺎ ﺗﮭﺎ۔
” ﻭﯾﺴﮯ ﺗﻮ ﻭﮦ ﺍﻣﺮﯾﮑﯽ ﮨﮯ۔ ” ﺭﺋﯿﺴﮧ ﻧﮯ ﺟﯿﺴﮯ ﻣﺪﺍﻓﻌﺎﻧﮧ ﺍﻧﺪﺍﺯ ﻣﯿﮟ ﮐﮩﺎ۔
” ﺍﻣﺮﯾﮑﯽ ﺗﻮ ﻣﻤّﯽ ﮐﻮ ﻭﯾﺴﮯ ﮨﯽ ﺯﮨﺮ ﻟﮕﺘﮯ ﮨﯿﮟ۔ ” ﺣﻤﯿﻦ ﻧﮯ ﺑﮯ ﺣﺪ ﺍﻃﻤﯿﻨﺎﻥ ﺳﮯ ﺗﺼﻮﯾﺮ ﮐﺎ ﺍﯾﮏ ﺍﻭﺭ ﺗﺎﺭﯾﮏ ﭘﮩﻠﻮ ﺍُﺳﮯ ﺩﮐﮭﺎﯾﺎ۔
” ﺍﺳﯽ ﻟﺌﮯ ﺗﻢ ﺳﮯ ﺑﺎﺕ ﮐﺮ ﺭﮨﯽ ﮨﻮﮞ۔ ” ﺭﺋﯿﺴﮧ ﻧﮯ ﺳﻼﺩ ﮐﮭﺎﻧﺎ ﺑﻨﺪ ﮐﺮ ﺩﯾﺎ۔
” ﺗﻢ ﺍﯾﮏ ﺑﺎﺕ ﺑﺘﺎﺅ، ﺗﻤﮩﯿﮟ ﺻﺮﻑ ﻭﮦ ﭘﺴﻨﺪ ﮨﮯ ﯾﺎ ﻣﺤﺒﺖ ﻭﻏﯿﺮﮦ ﮨﮯ؟ ” ﺭﺋﯿﺴﮧ ﻧﮯ ﺍُﺳﮯ ﺟﻮﺍﺑﺎً ﮔﮭﻮﺭﺍ۔
” ﺻﺮﻑ ﺟﻨﺮﻝ ﻧﺎﻟﺞ ﮐﮯ ﻟﺌﮯ ﭘﻮﭼﮫ ﺭﮨﺎ ﮨﻮﮞ۔ ” ﺣﻤﯿﻦ ﻧﮯ ﻣﺪﺍﻓﻌﺎﻧﮧ ﺍﻧﺪﺍﺯ ﻣﯿﮟ ﺑﮯ ﺍﺧﺘﯿﺎﺭ ﮐﮩﺎ۔
” ﯾﮧ ﺟﻨﺮﻝ ﻧﺎﻟﺞ ﮐﺎ ﺳﻮﺍ ﻝ ﻧﮩﯿﮟ ﮨﮯ۔ ” ﺭﺋﯿﺴﮧ ﻧﮯ ﺟﺘﺎﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺎ۔
” ﮐﺎﻣﻦ ﺳﯿﻨﺲ ﮐﺎ ﮨﻮ ﮔﺎ ﭘﮭﺮ … ﻭﮦ ﺗﻮ ﻣﯿﺮﯼ ﻭﯾﺴﮯ ﮨﯽ ﺧﺮﺍﺏ ﮨﮯ۔ ” ﭘﻠﯿﭧ ﺻﺎﻑ ﮐﺮﺗﮯ ﮨﻮﺋﮯ ﺣﻤﯿﻦ ﻧﮯ ﺑﮯ ﺣﺪ ﺍﻃﻤﯿﻨﺎﻥ ﺳﮯ ﮐﮩﺎ۔
” ﺗﻢ ﮐﭽﮫ ﮐﺮ ﺳﮑﺘﮯ ﮨﻮ ﯾﺎ ﻧﮩﯿﮟ؟ ” ﺭﺋﯿﺴﮧ ﻧﮯ ﺍُﺱ ﮐﻮ ﺍﮔﻼ ﺟﻤﻠﮧ ﺑﻮﻟﻨﮯ ﺳﮯ ﭘﮩﻠﮯ ﮐﮩﺎ۔
” ﻣﯿﮟ ﺻﺮﻑ ﮐﻮﺷﺶ ﮐﺮ ﺳﮑﺘﺎ ﮨﻮﮞ ﻟﯿﮑﻦ ﺍﺱ ﮐﺎ ﻓﺎﺋﺪﮦ ﻧﮩﯿﮟ … ﻟﯿﮑﻦ ﺳﺐ ﺳﮯ ﭘﮩﻠﮯ ﯾﮧ ﺿﺮﻭﺭﯼ ﮨﮯ ﮐﮧ ﺗﻢ ﻣﯿﺮﯼ ﻣﻼﻗﺎﺕ ﮨﺸﺎﻡ ﺳﮯ ﮐﺮﺍﺅ … ﻣﯿﮟ ﺩﯾﮑﮭﻨﺎ ﭼﺎﮨﺘﺎ ﮨﻮﮞ ﺗﻤﮩﺎﺭﮮ ﺣﻮﺍﻟﮯ ﺳﮯ ﻭﮦ ﺩﺭﺍﺻﻞ ﮐﺘﻨﺎ ﺳﯿﺮﯾﺲ ﮨﮯ۔ ”
” ﻭﮦ ﻣﯿﮟ ﮐﺮﻭﺍ ﺩﻭﮞ ﮔﯽ، ﻭﮦ ﻣﺴﺌﻠﮧ ﻧﮩﯿﮟ ﮨﮯ۔ ” ﺭﺋﯿﺴﮧ ﻧﮯ ﮐﭽﮫ ﻣﻄﻤﺌﻦ ﮨﻮﺗﮯ ﮨﻮﺋﮯ ﮐﮩﺎ۔
” ﺍﻭﺭ ﺍﮔﺮ ﻣﻤّﯽ ﯾﺎ ﺑﺎﺑﺎ ﻧﮩﯿﮟ ﻣﺎﻧﺘﮯ ﭘﮭﺮ؟ ” ﺣﻤﯿﻦ ﻧﮯ ﯾﮏ ﺩﻡ ﺍُﺱ ﺳﮯ ﮐﮩﺎ۔ ﻭﮦ ﺧﺎﻣﻮﺵ ﺑﯿﭩﮭﯽ ﺭﮨﯽ، ﭘﮭﺮ ﺍُﺱ ﻧﮯ ﮐﮩﺎ۔
” ﻣﺠﮭﮯ ﻭﮦ ﺍﭼﮭﺎ ﻟﮕﺘﺎ ﮨﮯ ﻟﯿﮑﻦ ﺍﯾﺴﯽ ﺟﺬﺑﺎﺗﯽ ﻭﺍﺑﺴﺘﮕﯽ ﻧﮩﯿﮟ ﮨﮯ ﮐﮧ ﻣﯿﮟ ﺍُﺳﮯ ﭼﮭﻮﮌ ﻧﮧ ﺳﮑﻮﮞ۔ ”
” ﺍﭼﮭﮯ ﮐﯽ ﺍﻣﯿﺪ ﺭﮐﮭﻨﯽ ﭼﺎﮨﯿﮯ ﻟﯿﮑﻦ ﺑﺪﺗﺮﯾﻦ ﮐﮯ ﻟﺌﮯ ﺗﯿﺎﺭ ﺭﮨﻨﺎ ﭼﺎﮨﯿﮯ … ﺑﺎﺑﺎ ﮐﻮ ﺍﻋﺘﺮﺍﺽ ﻧﮩﯿﮟ ﮨﻮﮔﺎ، ﻟﯿﮑﻦ ﻣﻤّﯽ ﮐﺎ ﻣﯿﮟ ﮐﮩﮧ ﻧﮩﯿﮟ ﺳﮑﺘﺎ، ﮐﻮﺷﺶ ﮐﺮﻭﮞ ﮔﺎ … ﻟﯿﮑﻦ ﮨﺸﺎﻡ ﻧﮯ ﺍﭘﻨﯽ ﻓﯿﻤﻠﯽ ﺳﮯ ﺑﺎﺕ ﮐﯽ ﮨﮯ ﺗﻤﮩﯿﮟ ﭘﺮﻭﭘﻮﺯ ﮐﺮﻧﮯ ﺳﮯ ﭘﮩﻠﮯ؟ ﮐﯿﻮﮞ ﮐﮧ ﺍﮔﺮ ﺍﺱ ﮐﯽ ﻓﯿﻤﻠﯽ ﮐﻮ ﮐﻮﺋﯽ ﺍﻋﺘﺮﺍﺽ ﮨﻮﺍ ﺗﻮ ﻣﻤﯽ ﺑﺎﺑﺎ ﻣﯿﮟ ﺳﮯ ﮐﻮﺋﯽ ﺑﮭﯽ ﺍﺱ ﭘﺮﻭﭘﻮﺯﻝ ﭘﺮ ﻏﻮﺭ ﻧﮩﯿﮟ ﮐﺮﮮ ﮔﺎ۔ ” ﺣﻤﯿﻦ ﮐﻮ ﺑﺎﺕ ﮐﺮﺗﮯ ﮐﺮﺗﮯ ﺧﯿﺎﻝ ﺁﯾﺎ ﺗﮭﺎ۔ ﺍﭘﻨﯽ ﻓﯿﻤﻠﯽ ﺳﮯ ﺑﺎﺕ ﮐﺮ ﮐﮯ ﮨﯽ ﺍُﺱ ﻧﮯ ﻣﺠﮫ ﺳﮯ ﺑﺎﺕ ﮐﯽ ﮨﮯ، ﺍُﺱ ﮐﯽ ﻓﯿﻤﻠﯽ ﮐﻮ ﮐﻮﺋﯽ ﺍﻋﺘﺮﺍﺽ ﻧﮩﯿﮟ ﮨﮯ۔ ” ﺭﺋﯿﺴﮧ ﻧﮯ ﺍُﺳﮯ ﺟﯿﺴﮯ ﯾﻘﯿﻦ ﺩﮨﺎﻧﯽ ﮐﺮﻭﺍﺋﯽ ﺗﮭﯽ۔
ﺣﻤﯿﻦ ﺍُﺱ ﮐﯽ ﺑﺎﺕ ﺳﻨﺘﮯ ﮨﻮﺋﮯ ﺍﭘﻨﮯ ﻣﯿﺰ ﭘﺮ ﺩﮬﺮﮮ ﻓﻮﻥ ﮐﯽ ﺳﮑﺮﯾﻦ ﭘﺮ ﮐﭽﮫ ﺩﯾﮑﮫ ﺭﮨﺎ ﺗﮭﺎﺍﻭﺭ ﺍﭘﻨﯽ ﺍﻧﮕﻠﯽ ﺳﮯ ﺳﮑﺮﯾﻦ ﮐﻮ ﺳﮑﺮﻭﻝ ﮐﺮﺭﮨﺎ ﺗﮭﺎ، ﺭﺋﯿﺴﮧ ﮐﻮ ﻟﮕﺎ ﺍُﺱ ﻧﮯ ﺍُﺱ ﮐﯽ ﺑﺎﺕ ﻏﻮﺭ ﺳﮯ ﻧﮩﯿﮟ ﺳﻨﯽ ﺗﮭﯽ۔
” ﺗﻢ ﻣﯿﺮﯼ ﺑﺎﺕ ﺳُﻦ ﺭﮨﮯ ﮨﻮ؟ ” ﺭﺋﯿﺴﮧ ﻧﮯ ﺟﯿﺴﮯ ﺍُﺳﮯ ﻣﺘﻮﺟﮧ ﮐﯿﺎ۔
” ﮨﺎﮞ، ﻣﯿﮟ ﮨﺸﺎﻡ ﮐﮯ ﺑﺎﺭﮮ ﻣﯿﮟ search ﮐﺮ ﺭﮨﺎ ﮨﻮﮞ۔ ” ﺍُﺱ ﻧﮯ ﺟﻮﺍﺑﺎً ﮐﮩﺎ۔
” ﮐﯿﺎ؟ ” ﺭﺋﯿﺴﮧ ﭼﻮﻧﮑﯽ۔
” ﮨﺸﺎﻡ ﮐﻮ ﺍﻭﺭ ﺍُﺱ ﮐﯽ ﻓﯿﻤﻠﯽ ﮐﻮ ﭘﺘﮧ ﮨﮯ ﮐﮧ ﺗﻢ ﺍﯾﮉﺍﭘﭩﮉ ﮨﻮ؟ ” ﺣﻤﯿﻦ ﺍُﺳﯽ ﻃﺮﺡ ﺳﮑﺮﯾﻦ ﺳﮑﺮﻭﻝ ﮐﺮ ﺭﮨﺎ ﺗﮭﺎ …
” ﮨﺸﺎﻡ ﮐﻮ ﭘﺘﮧ ﮨﮯ ﺗﻮ ﻇﺎﮨﺮ ﮨﮯ ﺍُﺱ ﮐﯽ ﻓﯿﻤﻠﯽ ﮐﻮ ﺑﮭﯽ ﭘﺘﮧ ﮨﻮ ﮔﺎ۔ ” ﻭﮦ ﺍﯾﮏ ﻟﻤﺤﮧ ﮐﮯ ﻟﺌﮯ ﭨﮭﭩﮭﮑﯽ ﺍﻭﺭ ﭘﮭﺮ ﺍُﺱ ﻧﮯ ﮐﮩﺎ۔
” ﺍﻭﮦ ”! ﺣﻤﯿﻦ ﺍﭘﻨﮯ ﻓﻮﻥ ﮐﯽ ﺳﮑﺮﯾﻦ ﭘﺮ ﮐﭽﮫ ﭘﮍﮬﺘﮯ ﭘﮍﮬﺘﮯ ﺑﮯ ﺍﺧﺘﯿﺎﺭ ﭼﻮﻧﮑﺎ ﺗﮭﺎ۔
” ﮐﯿﺎ ﮨﻮﺍ؟ ” ﺭﺋﯿﺴﮧ ﭼﻮﻧﮑﯽ۔
” ﺗﻤﮩﺎﺭﮮ ﻟﺌﮯ ﺍﯾﮏ ﺍﭼﮭﯽ ﺧﺒﺮ ﮨﮯ ﺍﻭﺭ ﺷﺎﯾﺪ ﺑُﺮﯼ ﺑﮭﯽ۔ ” ﺣﻤﯿﻦ ﻧﮯ ﺍﯾﮏ ﮔﮩﺮﺍ ﺳﺎﻧﺲ ﻟﮯ ﮐﺮ ﺳﺮ ﺍُﭨﮭﺎﯾﺎ ﺍﻭﺭ ﺍُﺳﮯ ﺩﯾﮑﮭﺎ ﺍﻭﺭ ﭘﮭﺮ ﺍﭘﻨﺎ ﻓﻮﻥ ﺍُﺱ ﮐﮯ ﺳﺎﻣﻨﮯ ﺭﮐﮫ ﺩﯾﺎ۔

ﻭﮦ ﺷﺨﺺ ﺩﯾﻮﺍﺭ ﭘﺮ ﻟﮕﯽ ﺭﺋﯿﺴﮧ ﮐﯽ ﺗﺼﻮﯾﺮ ﮐﮯ ﺳﺎﻣﻨﮯ ﺍﺏ ﭘﭽﮭﻠﮯ ﭘﻨﺪﺭﮦ ﻣﻨﭧ ﺳﮯ ﮐﮭﮍﺍ ﺗﮭﺎ۔ ﭘﻠﮑﯿﮟ ﺟﮭﭙﮑﺎﺋﮯ ﺑﻐﯿﺮ، ﭨﮑﭩﮑﯽ ﻟﮕﺎﺋﮯ ﺍﺱ ﻟﮍﮐﯽ ﮐﺎ ﭼﮩﺮﮦ ﺩﯾﮑﮭﺘﮯ ﮨﻮﺋﮯ … ﭼﮩﺮﮮ ﻣﯿﮟ ﮐﻮﺋﯽ ﺷﺒﺎﮨﺖ ﺗﻼﺵ ﮐﺮﺗﮯ ﮨﻮﺋﮯ، ﺳﺎﻻﺭ ﺳﮑﻨﺪﺭ ﮐﮯ ﺷﺠﺮﮦ ﻣﯿﮟ ﺩﺑﮯ ﺁﺗﺶ ﻓﺸﺎﮞ ﮐﯽ ﺷﺮﻭﻋﺎﺕ ﮈﮬﻮﻧﮉﺗﮯ ﮨﻮﺋﮯ۔ ﺍﮔﺮ ﻭﮦ ﺍﺱ ﺷﺨﺺ ﮐﻮ ﻧﺸﺎﻧﮧ ﺑﻨﺎ ﺳﮑﺘﺎ ﺗﮭﺎ ﺗﻮ ﺍﺳﯽ ﺍﯾﮏ ﺟﮕﮧ ﺳﮯ ﺑﻨﺎ ﺳﮑﺘﺎ ﺗﮭﺎ۔ ﻭﮦ ﮨﻮﻧﭧ ﮐﺎﭨﺘﮯ ﮨﻮﺋﮯ ﮐﭽﮫ ﺑﮍﺑﮍﺍ ﺑﮭﯽ ﺭﮨﺎ ﺗﮭﺎ، ﺧﻮﺩ ﮐﻼﻣﯽٍ…۔ ﺍﯾﮏ ﺳﮑﯿﻨﮉﻝ ﮐﺎ ﺗﺎﻧﺎ ﺑﺎﻧﺎ ﺗﯿﺎﺭ ﮐﺮﻧﮯ ﮐﮯ ﻟﺌﮯ ﺍﯾﮏ ﮐﮯ ﺑﻌﺪ ﺍﯾﮏ ﻣﮑﺮ ﻭ ﻓﺮﯾﺐ ﮐﺎ ﺟﺎﻝ، ﻭﺟﻮﮨﺎﺕ، ﺣﻘﺎﺋﻖ ﮐﻮ ﻣﺨﻔﯽ ﮐﺮﻧﮯٍ۔ ﻭﮦ ﺍﯾﮏ ﮔﮩﺮﺍ ﺳﺎﻧﺲ ﻟﮯ ﮐﺮ ﺍﭘﻨﮯ ﻋﻘﺐ ﻣﯿﮟ ﺑﯿﭩﮭﮯ ﻟﻮﮔﻮﮞ ﮐﻮ ﮐﭽﮫ ﮨﺪﺍﯾﺎﺕ ﺩﯾﻨﮯ ﮐﮯ ﻟﺌﮯ ﻣﮍﺍ ﺗﮭﺎ۔
ﺳﯽ ﺁﺋﯽ ﺍﮮ ﮨﯿﮉ ﮐﻮﺍﺭﭨﺮﺯ ﮐﮯ ﺍﺱ ﮐﻤﺮﮮ ﮐﯽ ﺩﯾﻮﺍﺭﻭﮞ ﭘﺮ ﻟﮕﮯ ﺑﻮﺭﮈﺯ ﭼﮭﻮﭨﮯ ﺑﮍﮮ ﻧﻮﭨﺲ، ﭼﺎﺭﭨﺲ، ﻓﻮﭨﻮﮔﺮﺍﻓﺲ ﺍﻭﺭ ﺍﯾﮉﺭﯾﺴﺰ ﮐﯽ ﭼِﭩﻮﮞ ﺳﮯ ﺑﮭﺮﮮ ﮨﻮﺋﮯ ﺗﮭﮯ۔
ﮐﻤﺮﮮ ﻣﯿﮟ ﻣﻮﺟﻮﺩ ﭼﺎﺭ ﺁﺩﻣﯿﻮﮞ ﻣﯿﮟ ﺳﮯ ﺗﯿﻦ ﺍﺱ ﻭﻗﺖ ﺑﮭﯽ ﮐﻤﭙﯿﻮﭨﺮ ﭘﺮ ﻣﺨﺘﻠﻒ ﮈﯾﭩﺎﮐﮭﻨﮕﺎﻟﻨﮯ ﻣﯿﮟ ﻣﺼﺮﻭﻑ ﺗﮭﮯ ، ﯾﮧ ﮐﺎﻡ ﻭﮦ ﭘﭽﮭﻠﮯ ﮈﯾﮍﮪ ﻣﺎﮦ ﺳﮯ ﮐﺮﺭﮨﮯ ﺗﮭﮯ۔ ﺍﺱ ﮐﻤﺮﮮ ﻣﯿﮟ ﺟﮕﮧ ﺟﮕﮧ ﺑﮍﮮ ﺑﮍﮮ ﮈﺑّﮯ ﭘﮍﮮ ﺗﮭﮯ ﺟﻮ ﻣﺨﺘﻠﻒ ﻓﺎﺋﻠﺰ، ﭨﯿﭙﺲ، ﻣﯿﮕﺰﯾﻨﺰ ﺍﻭﺭ ﻧﯿﻮﺯ ﭘﯿﭙﺮﺯ ﮐﮯ ﺗﺮﺍﺷﻮﮞ ﺍﻭﺭ ﺩﻭﺳﺮﮮ ﺭﯾﮑﺎﺭﮈ ﺳﮯ ﺑﮭﺮﮮ ﮨﻮﺋﮯ ﺗﮭﮯ، ﮐﻤﺮﮮ ﻣﯿﮟ ﻣﻮﺟﻮﺩ ﺭﯾﮑﺎﺭﮈ ﮐﯿﺒﻨﭩﺲ ﭘﮩﻠﮯ ﮨﯽ ﺑﮭﺮﯼ ﮨﻮﺋﯽ ﺗﮭﯿﮟ ، ﮐﻤﺮﮮ ﻣﯿﮟ ﻣﻮﺟﻮﺩﺗﻤﺎﻡ ﮈﯾﭩﺎ ﺍﻥ ﮐﻤﭙﯿﻮﭨﺮﺯ ﮐﯽ ﮨﺎﺭﮈ ﮈﺳﮑﺲ ﻣﯿﮟ ﺑﮭﯽ ﻣﺤﻔﻮﻅ ﺗﮭﺎ۔
ﮐﻤﺮﮮ ﻣﯿﮟ ﻣﻮﺟﻮﺩ ﺩﻭ ﺁﺩﻣﯽ ﭘﮩﻠﮯ ﮈﯾﮍﮪ ﻣﺎﮦ ﺳﮯ ﺳﺎﻻﺭ ﺳﮑﻨﺪﺭ ﮐﮯ ﺑﺎﺭﮮ ﻣﯿﮟ ﺁﻥ ﻻﺋﻦ ﺁﻧﮯ ﻭﺍﻻ ﺗﻤﺎﻡ ﺭﯾﮑﺎﺭﮈ ﺍﻭﺭ ﻣﻌﻠﻮﻣﺎﺕ ﺍﮐﭩﮭﯽ ﮐﺮﺗﮯ ﺭﮨﮯ ﺗﮭﮯ۔ ﮐﻤﺮﮮ ﻣﯿﮟ ﻣﻮﺟﻮﺩ ﺗﯿﺴﺮﺍ ﺷﺨﺺ ﺳﺎﻻﺭ ﺍﻭﺭ ﺍﺱ ﮐﯽ ﻓﯿﻤﻠﯽ ﮐﮯ ﮨﺮ ﻓﺮﺩ ﮐﮯ ﺍﯼ ﻣﯿﻠﺰ ﮐﺎ ﺭﯾﮑﺎﺭﮈ ﮐﮭﻨﮕﺎﻟﺘﺎ ﺭﮨﺎ ﺗﮭﺎ۔ ﭼﻮﺗﮭﺎ ﺷﺨﺺ ﺍﺱ ﮐﯽ ﻓﯿﻤﻠﯽ ﺍﻭﺭ ﻣﺎﻟﯽ ﻣﻌﻠﻮﻣﺎﺕ ﮐﻮ ﭼﯿﮏ ﮐﺮﺗﺎ ﺭﮨﺎ ﺗﮭﺎ۔ﺍﺱ ﺳﺎﺭﯼ ﺟﺪﻭﺟﮩﺪ ﮐﺎ ﻧﺘﯿﺠﮧ ﺍﻥ ﺗﺼﻮﯾﺮﻭﮞ ﺍﻭﺭ ﺷﺠﺮﮦ ﻧﺴﺐ ﮐﯽ ﺻﻮﺭﺕ ﻣﯿﮟ ﺍﻥ ﺑﻮﺭﮈﺯ ﭘﺮ ﻣﻮﺟﻮﺩ ﺗﮭﺎ۔ ﻭﮦ ﭼﺎﺭ ﻟﻮﮒ ﺩﻋﻮﯼٰ ﮐﺮﺳﮑﺘﮯ ﺗﮭﮯ ﮐﮧ ﺳﺎﻻﺭ ﺍﻭﺭ ﺍُﺱ ﮐﯽ ﻓﯿﻤﻠﯽ ﮐﯽ ﭘﻮﺭﯼ ﺯﻧﺪﮔﯽ ﮐﺎ ﺭﯾﮑﺎﺭﮈ ﺍﮔﺮ ﺧﺪﺍ ﮐﮯ ﭘﺎﺱ ﻣﻮﺟﻮﺩ ﺗﮭﺎ ﺗﻮ ﺍﺱ ﮐﯽ ﺍﯾﮏ ﮐﺎﭘﯽ ﺍﺱ ﮐﻤﺮﮮ ﻣﯿﮟ ﺑﮭﯽ ﺗﮭﯽ۔ ﺳﺎﻻﺭ ﮐﯽ ﺯﻧﺪﮔﯽ ﮐﮯ ﺑﺎﺭﮮ ﻣﯿﮟ ﮐﻮﺋﯽ ﺍﯾﺴﯽ ﭼﯿﺰ ﻧﮩﯿﮟ ﺗﮭﯽ ﺟﻮ ﺍُﻥ ﮐﮯ ﻋﻠﻢ ﻣﯿﮟ ﻧﮩﯿﮟ ﺗﮭﯽ ﯾﺎ ﺟﺲ ﮐﮯ ﺑﺎﺭﮮ ﻣﯿﮟ ﻭﮦ ﺛﺒﻮﺕ ﻧﮩﯿﮟ ﺩﮮ ﺳﮑﺘﮯ ﺗﮭﮯ۔
۔ CIA ﮐﮯ Sting Operations ﺳﮯ ﻟﮯ ﮐﺮ ﺍُﺱ ﮐﯽ ﭨﯿﻦ ﺍﯾﺞ ﮐﯽ ﮔﺮﻝ ﻓﺮﯾﻨﮉﺯ ﺗﮏ ﺍﻭﺭ ﺍُﺱ ﮐﮯ ﻣﺎﻟﯽ ﻣﻌﺎﻣﻼﺕ ﺳﮯ ﻟﮯ ﮐﺮ ﺍُﺱ ﮐﯽ ﺍﻭﻻﺩ ﮐﯽ ﭘﺮﺳﻨﻞ ﺍﻭﺭ ﭘﺮﺍﺋﯿﻮﭦ ﻻﺋﻒ ﺗﮏ ﺍُﻥ ﮐﮯ ﭘﺎﺱ ﮨﺮ ﭼﯿﺰ ﮐﯽ ﺗﻔﺼﯿﻼﺕ ﺗﮭﯿﮟ۔
ﻟﯿﮑﻦ ﺳﺎﺭﺍ ﻣﺴﺌﻠﮧ ﯾﮧ ﺗﮭﺎ ﮐﮧ ﮈﯾﮍﮪ ﺩﻭ ﻣﺎﮦ ﮐﯽ ﺍﺱ ﻣﺤﻨﺖ ﺍﻭﺭ ﭘﻮﺭﯼ ﺩﻧﯿﺎ ﺳﮯ ﺍﮐﭩﮭﮯ ﮐﯿﮯ ﮨﻮﺋﮯ ﺍﺱ ﮈﯾﭩﺎ ﻣﯿﮟ ﺳﮯ ﻭﮦ ﺍﯾﺴﯽ ﮐﻮﺋﯽ ﭼﯿﺰ ﻧﮩﯿﮟ ﻧﮑﺎﻝ ﺳﮑﮯ ﺗﮭﮯ ﺟﺲ ﺳﮯ ﻭﮦ ﺍﺱ ﮐﯽ ﮐﺮﺩﺍﺭ ﮐﺸﯽ ﮐﺮ ﺳﮑﺘﮯ۔
ﻭﮦ ﭨﯿﻢ ﺟﻮ ﭘﻨﺪﺭﮦ ﺳﺎﻝ ﺳﮯ ﺍﺱ ﻃﺮﺡ ﮐﮯ ﻣﻘﺎﺻﺪ ﭘﺮ ﮐﺎﻡ ﮐﺮﺗﯽ ﺭﮨﯽ ﺗﮭﯽ۔ ﯾﮧ ﭘﮩﻠﯽ ﺑﺎﺭ ﺗﮭﺎ ﮐﮧ ﻭﮦ ﺍﺗﻨﯽ ﺳﺮ ﺗﻮﮌ ﻣﺤﻨﺖ ﮐﮯ ﺑﺎﻭﺟﻮﺩ ﺍﺱ ﺷﺨﺺ ﺍﻭﺭ ﺍﺱ ﮐﮯ ﮔﮭﺮﺍﻧﮯ ﮐﮯ ﮐﺴﯽ ﺷﺨﺺ ﮐﮯ ﺣﻮﺍﻟﮯ ﺳﮯ ﮐﺴﯽ ﻗﺴﻢ ﮐﺎ ﺳﮑﯿﻨﮉﻝ ﻧﮑﺎﻝ ﻧﮩﯿﮟ ﭘﺎﺋﯽ ﺗﮭﯽ۔ ﺩﻭ ﺳﻮ ﭘﻮﺍﺋﻨﭩﺲ ﮐﯽ ﺟﻮ ﭼﯿﮏ ﻟﺴﭧ ﺍُﻧﮩﯿﮟ ﺩﯼ ﮔﺌﯽ ﺗﮭﯽ، ﻭﮦ ﺩﻭ ﺳﻮ ﮐﺮﺍﺳﺰ ﺳﮯ ﺑﮭﺮﯼ ﮨﻮﺋﯽ ﺗﮭﯽ ﺍﻭﺭ ﯾﮧ ﺍُﻥ ﮐﯽ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﮨﻮ ﺭﮨﺎ ﺗﮭﺎ۔ ﺍﻧﮩﻮﮞ ﻧﮯ ﺍﯾﺴﺎ ﺻﺎﻑ ﺭﯾﮑﺎﺭﮈ ﮐﺴﯽ ﮐﺎ ﻧﮩﯿﮟ ﺩﯾﮑﮭﺎ ﺗﮭﺎ۔
ﮐﺴﯽ ﺣﺪ ﺗﮏ ﻭﮦ ﺳﺘﺎﺋﺶ ﮐﮯ ﺟﺬﺑﺎﺕ ﺭﮐﮭﻨﮯ ﮐﮯ ﺑﺎﻭﺟﻮﺩ ﺍﯾﮏ ﺁﺧﺮﯼ ﮐﻮﺷﺶ ﮐﺮﺭﮨﮯ ﺗﮭﮯ۔ ﺍﯾﮏ ﺁﺧﺮﯼ ﮐﻮﺷﺶ۔ ﮐﻤﺮﮮ ﮐﮯ ﺍﯾﮏ ﺑﻮﺭﮈ ﺳﮯ ﺩﻭﺳﺮﮮ ﺍﻭﺭ ﺩﻭﺳﺮﮮ ﺳﮯ ﺗﯿﺴﺮﮮ ﺑﻮﺭﮈ ﺗﮏ ﺟﺎﺗﮯ ﺟﺎﺗﮯ ﻭﮦ ﺁﺩﻣﯽ ﺳﺎﻻﺭ ﮐﮯ ﻓﯿﻤﻠﯽ ﭨﺮﯼ ﮐﯽ ﺍﺱ ﺗﺼﻮﯾﺮ ﭘﺮ ﺭُﮐﺎ ﺗﮭﺎ۔ ﺍﺱ ﺗﺼﻮﯾﺮ ﮐﮯ ﺁﮔﮯ ﮐﭽﮫ ﺍﻭﺭ ﺗﺼﻮﯾﺮﯾﮟ ﺗﮭﯿﮟ ﺍﻭﺭ ﺍﻥ ﮐﮯ ﺳﺎﺗﮫ ﮐﭽﮫ ﺑﻠﭧ ﭘﻮﺍﺋﻨﭩﺲ۔ ﺍﯾﮏ ﺩﻡ ﺟﯿﺴﮯ ﺍُﺳﮯ ﺑﺠﻠﯽ ﮐﺎ ﺟﮭﭩﮑﺎ ﻟﮕﺎ ﺗﮭﺎ۔ ﺍُﺱ ﻧﮯ ﺍﺱ ﻟﮍﮐﯽ ﮐﯽ ﺗﺼﻮﯾﺮ ﮐﮯ ﻧﯿﭽﮯ ﺍﺱ ﮐﯽ ﺗﺎﺭﯾﺦِ ﭘﯿﺪﺍﺋﺶ ﺩﯾﮑﮭﯽ ﭘﮭﺮ ﻣﮍ ﮐﺮ ﮐﻤﭙﯿﻮﭨﺮ ﮐﮯ ﺳﺎﻣﻨﮯ ﺑﯿﭩﮭﮯ ﮨﻮﺋﮯ ﺁﺩﻣﯽ ﮐﻮ ﻭﮦ ﺳﺎﻝ ﺑﺘﺎﺗﮯ ﮨﻮﺋﮯ ﮐﮩﺎ۔
” ﺩﯾﮑﮭﻮ ﺍﺱ ﺳﺎﻝ ﺍﻥ dates ﭘﺮ ﯾﮧ ﮐﮩﺎﮞ ﺗﮭﺎ؟ ”
ﮐﻤﭙﯿﻮﭨﺮ ﭘﺮ ﺑﯿﭩﮭﮯ ﮨﻮﺋﮯ ﺁﺩﻣﯽ ﻧﮯ ﭼﻨﺪ ﻣﻨﭩﻮﮞ ﮐﮯ ﺑﻌﺪ ﺳﮑﺮﯾﻦ ﭘﺮ ﻧﻤﻮﺩﺍﺭ ﮨﻮﻧﮯ ﻭﺍﻟﯽ ﺗﺤﺮﯾﺮ ﭘﮍﮬﺘﮯ ﮨﻮﺋﮯ ﮐﮩﺎ۔
” ﭘﺎﮐﺴﺘﺎﻥ۔ ”
ﺳﻮﺍﻝ ﮐﺮﻧﮯ ﻭﺍﻟﮯ ﺁﺩﻣﯽ ﮐﮯ ﮨﻮﻧﭩﻮﮞ ﭘﺮ ﺑﮯ ﺍﺧﺘﯿﺎﺭ ﻣﺴﮑﺮﺍﮨﭧ ﺁﺋﯽ ﺗﮭﯽ۔
” ﮐﺐ ﺳﮯ ﮐﺐ ﺗﮏ؟ ”
ﺍُﺱ ﺁﺩﻣﯽ ﻧﮯ ﺍﮔﻼ ﺳﻮﺍﻝ ﮐﯿﺎ، ﮐﻤﭙﯿﻮﭨﺮ ﮐﮯ ﺳﺎﻣﻨﮯ ﺑﯿﭩﮭﮯ ﮨﻮﺋﮯ ﺷﺨﺺ ﻧﮯ ﮐﯽ ﺑﻮﺭﮈ ﭘﺮ ﺍﻧﮕﻠﯿﻮﮞ ﮐﻮ ﺣﺮﮐﺖ ﺩﯾﺘﮯ ﮨﻮﺋﮯ، ﺍﺳﮑﺮﯾﻦ ﭘﺮ ﺩﯾﮑﮭﺘﮯ ﮨﻮﺋﮯ ﺍُﺳﮯ ﺗﺎﺭﯾﺨﯿﮟ ﺑﺘﺎﺋﯿﮟ۔
” ﺁﺧﺮﮐﺎﺭ ﮨﻤﯿﮟ ﮐﭽﮫ ﻣﻞ ﮨﯽ ﮔﯿﺎ۔ ” ﺍﺱ ﺁﺩﻣﯽ ﻧﮯ ﺑﮯ ﺍﺧﺘﯿﺎﺭ ﺍﯾﮏ ﺳﯿﭩﯽ ﺑﺠﺎﺗﮯ ﮨﻮﺋﮯ ﮐﮩﺎ ﺗﮭﺎ۔ ﺍُﻧﮩﯿﮟ ﺟﮩﺎﺯ ﮈﺑﻮﻧﮯ ﮐﮯ ﻟﺌﮯ ﺗﺎﺭﭘﯿﮉﻭ ﻣﻞ ﮔﯿﺎ ﺗﮭﺎ۔
ﯾﮧ ﭘﻨﺪﺭﮦ ﻣﻨﭧ ﭘﮩﻠﮯ ﮐﯽ ﺭﻭﺩﺍﺩ ﺗﮭﯽ۔ ﭘﻨﺪﺭﮦ ﻣﻨﭧ ﺑﻌﺪ ﻭﮦ ﺍﺏ ﺟﺎﻧﺘﺎ ﺗﮭﺎ ﮐﮧ ﺍُﺳﮯ ﺍﺱ ﺁﺗﺶ ﻓﺸﺎﮞ ﮐﺎ ﻣﻨﮧ ﮐﮭﻮﻟﻨﮯ ﮐﮯ ﻟﺌﮯ ﮐﯿﺎ ﮐﺮﻧﺎ ﺗﮭﺎ۔

ﺍُﺱ ﻧﮯ ﺍﭘﻨﮯ ﺩﻭﻧﻮﮞ ﮨﺎﺗﮭﻮﮞ ﮐﻮ ﻣﭩﮭﯿﻮﮞ ﮐﯽ ﻃﺮﺡ ﺑﮭﯿﻨﭻ ﮐﺮ ﮐﮭﻮﻻ، ﺍﯾﮏ ﺑﺎﺭ، ﺩﻭ ﺑﺎﺭ، ﺗﯿﻦ ﺑﺎﺭ، ﭘﮭﺮ ﺍﭘﻨﯽ ﺁﻧﮑﮭﻮﮞ ﮐﻮ ﺍﻧﮕﻠﯿﻮﮞ ﮐﯽ ﭘﻮﺭﻭﮞ ﺳﮯ ﻣﺴﻼ۔ ﮐُﺮﺳﯽ ﮐﯽ ﭘﺸﺖ ﺳﮯ ﭨﯿﮏ ﻟﮕﺎﺋﮯ، ﺍﭘﻨﯽ ﻟﻤﺒﯽ ﭨﺎﻧﮕﻮﮞ ﮐﻮ ﺍﺳﭩﮉﯼ ﭨﯿﺒﻞ ﮐﮯ ﻧﯿﭽﮯ ﺭﮐﮭﮯ foot holder ﭘﺮ ﺳﯿﺪﮬﺎ ﮐﺮﺗﮯ ﮨﻮﺋﮯ ﻭﮦ ﺟﯿﺴﮯ ﮐﺎﻡ ﮐﺮﻧﮯ ﮐﮯ ﻟﺌﮯ ﺍﯾﮏ ﺑﺎﺭ ﭘﮭﺮ ﺗﺎﺯﮦ ﺩﻡ ﮨﻮ ﮔﯿﺎ ﺗﮭﺎ۔ ﭘﭽﮭﻠﮯ ﭼﺎﺭ ﮔﮭﻨﭩﮯ ﺳﮯ ﻣﺴﻠﺴﻞ ﺍُﺱ laptop ﭘﺮ ﮐﺎﻡ ﮐﺮﺗﮯ ﺭﮨﻨﮯ ﮐﮯ ﺑﺎﻭﺟﻮﺩ، ﺟﻮ ﺍﺱ ﻭﻗﺖ ﺑﮭﯽ ﺍُﺱ ﮐﮯ ﺳﺎﻣﻨﮯ ﮐﮭﻼ ﮨﻮﺍ ﺗﮭﺎ ﺍﻭﺭ ﺟﺲ ﭘﺮ ﭼﻤﮑﺘﯽ ﮔﮭﮍﯼ ﺍﺱ ﻭﻗﺖ ﺳﻮﺋﭩﺰﺭ ﻟﯿﻨﮉ ﻣﯿﮟ ﺭﺍﺕ ﮐﮯ 2:34 ﮨﻮ ﺟﺎﻧﮯ ﮐﺎ ﺍﻋﻼﻥ ﮐﺮ ﺭﮨﯽ ﺗﮭﯽ۔
ﻭﮦ ﮈﯾﻮﺱ ﻣﯿﮟ ﻭﺭﻟﮉ ﺍﮐﻨﺎﻣﮏ ﻓﻮﺭﻡ ﮐﺎ keynote ﺍﺳﭙﯿﮑﺮ ﺗﮭﺎ ﺟﺲ ﮐﯽ ﺗﻘﺮﯾﺮ ﮐﻞ ﺩﻧﯿﺎ ﮐﮯ ﮨﺮ ﺑﮍﮮ ﭼﯿﻨﻞ ﺍﻭﺭ ﺍﺧﺒﺎﺭ ﮐﯽ ﮨﯿﮉ ﻻﺋﻨﺰ ﺑﻨﻨﮯ ﻭﺍﻟﯽ ﺗﮭﯽ۔ 3:40 ﭘﺮ ﺍُﺱ ﻧﮯ ﺑﺎﻵﺧﺮ ﺍﭘﻨﺎ ﮐﺎﻡ ﺧﺘﻢ ﮐﯿﺎ۔ laptop ﮐﻮ ﺑﻨﺪ ﮐﺮ ﮐﮯ ﻭﮦ ﺍﺳﭩﮉﯼ ﭨﯿﺒﻞ ﺳﮯ ﺍُﭨﮫ ﮐﮭﮍﺍ ﮨﻮﺍ ﺗﮭﺎ، ﻭﮦ ﻣﻮﺳﻢ ﺳﺮﻣﺎ ﺗﮭﺎ ﺍﻭﺭ ﮈﯾﻮﺱ ﻣﯿﮟ ﺳﻮﺭﺝ ﻃﻠﻮﻉ ﮨﻮﻧﮯ ﻣﯿﮟ ﺍﺑﮭﯽ ﻭﻗﺖ ﺗﮭﺎ۔ ﺍﺗﻨﺎ ﻭﻗﺖ ﮐﮧ ﻭﮦ ﭼﻨﺪ ﮔﮭﻨﭩﮯ ﮐﮯ ﻟﺌﮯ ﺳﻮ ﺟﺎﺗﺎ۔ ﺍﻭﺭ ﭼﻨﺪ ﮔﮭﻨﭩﻮﮞ ﮐﯽ ﻧﯿﻨﺪ ﺍُﺱ ﮐﮯ ﻟﺌﮯ ﮐﺎﻓﯽ ﺗﮭﯽ، ﻧﻤﺎﺯ ﮐﮯ ﻟﺌﮯ ﺩﻭﺑﺎﺭﮦ ﺟﺎﮔﻨﮯ ﺳﮯ ﭘﮩﻠﮯ۔ ﻭﮦ ﺍُﺱ ﮐﯽ ﺯﻧﺪﮔﯽ ﮐﺎ ﻣﻌﻤﻮﻝ ﺗﮭﺎ ﺍﻭﺭ ﺍﺏ ﺍﺗﻨﮯ ﺳﺎﻟﻮﮞ ﺳﮯ ﺗﮭﺎ ﮐﮧ ﺍُﺳﮯ ﻣﻌﻤﻮﻝ ﺳﮯ ﺯﯾﺎﺩﮦ ﻋﺎﺩﺕ ﻟﮕﻨﮯ ﻟﮕﺎ ﺗﮭﺎ۔ ﺻﻮﻓﮧ ﮐﮯ ﺳﺎﻣﻨﮯ ﻣﻮﺟﻮﺩ ﺳﯿﻨﭩﺮ ﭨﯿﺒﻞ ﭘﺮ ﺳﻮﺋﭩﺰﺭ ﻟﯿﻨﮉ ﺍﻭﺭ ﺍﻣﺮﯾﮑﮧ ﮐﮯ ﮐﭽﮫ ﺑﯿﻦ ﺍﻻﻗﻮﺍﻣﯽ ﺟﺮﯾﺪﻭﮞ ﮐﯽ ﮐﺎﭘﯿﺰ ﭘﮍﯼ ﺗﮭﯿﮟ ﺍﻭﺭ ﺍُﻥ ﻣﯿﮟ ﺳﮯ ﺍﯾﮏ ﮐﮯ ﺳﺮﻭﺭﻕ ﭘﺮ ﺣﻤﯿﻦ ﺳﮑﻨﺪﺭ ﮐﯽ ﺗﺼﻮﯾﺮ ﺗﮭﯽ۔ 500 Young Global Leaders ﮐﯽ ﻓﮩﺮﺳﺖ ﻣﯿﮟ ﭘﮩﻠﮯ ﻧﻤﺒﺮ ﭘﺮ ﺑﺮﺍﺟﻤﺎﻥ، ﺍﭘﻨﯽ ﻣﺨﺼﻮﺹ ﺷﺮﺍﺭﺗﯽ ﻣﺴﮑﺮﺍﮨﭧ ﺍﻭﺭ ﭼﻤﮑﺘﯽ ﮨﻮﺋﯽ ﺁﻧﮑﮭﻮﮞ ﮐﮯ ﺳﺎﺗﮫ ﮐﯿﻤﺮﮦ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻝ ﮐﺮ ﺩﯾﮑﮭﺘﮯ ﮨﻮﺋﮯ۔
ﺍﯾﮏ ﻟﻤﺤﮧ ﮐﮯ ﻟﺌﮯ ﺳﺎﻻﺭ ﮐﻮ ﯾﻮﻧﮩﯽ ﻟﮕﺎ ﺗﮭﺎ ﺟﯿﺴﮯ ﻭﮦ ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻝ ﮐﺮ ﺩﯾﮑﮫ ﺭﮨﺎ ﺗﮭﺎ۔ ﺍُﺳﯽ ﺍﻋﺘﻤﺎﺩ، ﺩﻟﯿﺮﯼ ﺍﻭﺭ ﻭﻗﺎﺭ ﮐﮯ ﺳﺎﺗﮫ ﺟﻮ ﺍﺱ ﮐﺎ ﺧﺎﺻﮧ ﺗﮭﺎ۔
ﺳﺎﻻﺭ ﺳﮑﻨﺪﺭ ﮐﮯ ﮨﻮﻧﭩﻮﮞ ﭘﺮ ﻣﺴﮑﺮﺍﮨﭧ ﻟﮩﺮﺍﺋﯽ، ﺍُﺱ ﻧﮯ ﺟﮭﮏ ﮐﺮ ﻭﮦ ﻣﯿﮕﺰﯾﻦ ﺍُﭨﮭﺎﯾﺎ ﺗﮭﺎ۔ ﻭﮦ ﻭﺭﻟﮉ ﺍﮐﻨﺎﻣﮏ ﻓﻮﺭﻡ ﻣﯿﮟ ﭘﮩﻠﯽ ﺑﺎﺭ ﺁ ﺭﮨﺎ ﺗﮭﺎ ﺍﻭﺭ ﺩﻧﯿﺎ ﮐﮯ ﺍﺱ prestigious ﻓﻮﺭﻡ ﮐﺎ ﺟﯿﺴﮯ ﻧﯿﺎ ﭘﻮﺳﭩﺮ ﺑﻮﺍﺋﮯ ﺗﮭﺎ۔ ﻭﮨﺎﮞ ﭘﮍﺍ ﮐﻮﺋﯽ ﻣﯿﮕﺰﯾﻦ ﺍﯾﺴﺎ ﻧﮩﯿﮟ ﺗﮭﺎ ﺟﺲ ﻣﯿﮟ ﺍُﺱ ﻧﮯ ﺣﻤﯿﻦ ﺳﮑﻨﺪﺭ ﯾﺎ ﺍُﺱ ﮐﯽ ﮐﻤﭙﻨﯽ ﮐﮯ ﺣﻮﺍﻟﮯ ﺳﮯ ﮐﭽﮫ ﻧﮧ ﭘﮍﮬﺎ ﮨﻮ۔
۔ ” Devilishly Handsome, Dangerousl Meticulous ” ﺳﺎﻻﺭ ﺳﮑﻨﺪﺭ ﮐﮯ ﮨﻮﻧﭩﻮﮞ ﭘﺮ ﻣﺴﮑﺮﺍﮨﭧ ﮔﮩﺮﯼ ﮨﻮﺋﯽ۔ ﻭﮦ ﮨﯿﮉ ﻻﺋﻦ ﺣﻤﯿﻦ ﺳﮑﻨﺪﺭ ﮐﮯ ﺑﺎﺭﮮ ﻣﯿﮟ ﺗﮭﯽ۔ ﺟﺲ ﺳﮯ ﺍﺱ ﮐﯽ ﻣﻼﻗﺎﺕ ﮐﻞ ﺍُﺳﯽ ﻓﻮﺭﻡ ﻣﯿﮟ ﮨﻮﻧﮯ ﻭﺍﻟﯽ ﺗﮭﯽ، ﺟﮩﺎﮞ ﺍُﺱ ﮐﺎ ﺑﯿﭩﺎ ﺑﮭﯽ ﺧﻄﺎﺏ ﮐﺮﻧﮯ ﻭﺍﻻ ﺗﮭﺎ۔ ﺍُﺱ ﻧﮯ ﺍُﺱ ﻣﯿﮕﺰﯾﻦ ﮐﻮ ﺩﻭﺑﺎﺭﮦ ﺳﯿﻨﭩﺮ ﭨﯿﺒﻞ ﭘﺮ ﺭﮐﮫ ﺩﯾﺎ۔
ﺍُﺱ ﮐﮯ ﺑﯿﮉ ﺳﺎﺋﯿﮉ ﭨﯿﺒﻞ ﭘﺮ ﭘﮍﺍ ﺳﯿﻞ ﻓﻮﻥ ﮐﮭﭩﮑﺎ، ﺑﺴﺘﺮ ﭘﺮ ﺑﯿﭩﮭﺘﮯ ﮨﻮﺋﮯ ﺳﺎﻻﺭ ﻧﮯ ﺍُﺳﮯ ﺍُﭨﮭﺎ ﮐﺮ ﺩﯾﮑﮭﺎ۔ ﻭﮦ ﻭﺍﻗﻌﯽ ﺷﯿﻄﺎﻥ ﺗﮭﺎ، ﺧﯿﺎﻝ ﺁﻧﮯ ﭘﺮ ﺑﮭﯽ ﺳﺎﻣﻨﮯ ﺁ ﺟﺎﺗﺎ ﺗﮭﺎ۔
۔ ”?Awake” ﻭﮦ ﺣﻤﯿﻦ ﺳﮑﻨﺪﺭ ﮐﺎ ﭨﯿﮑﺴﭧ ﺗﮭﺎ، ﺍُﺳﮯ ﺑﺎﭖ ﮐﯽ ﺭﻭﭨﯿﻦ ﮐﺎ ﭘﺘﮧ ﺗﮭﺎ۔ ﻭﮦ ﺧﻮﺩ ﺑﮭﯽ insomniac ﺗﮭﺎ۔
۔ ”Yes” ﺳﺎﻻﺭ ﻧﮯ ﺟﻮﺍﺑﺎً ﭨﯿﮑﺴﭧ ﮐﯿﺎ۔
” ﺑﮍﯼ ﺍﭼﮭﯽ ﻓﻠﻢ ﺁﺭﮨﯽ ﺗﮭﯽ، ﺳﻮﭼﺎ ﺁﭖ ﮐﻮ ﺑﺘﺎﺩﻭﮞ۔ ” ﺟﻮﺍﺏ ﺁﯾﺎ۔ ﺳﺎﻻﺭ ﮐﻮ ﺍُﺱ ﺳﮯ ﺍﯾﺴﮯ ﮨﯽ ﮐﺴﯽ ﺟﻮﺍﺏ ﮐﯽ ﺗﻮﻗﻊ ﺗﮭﯽ۔ ﺩﻭﺳﺮﺍ ﭨﯿﮑﺴﭧ ﺁﯾﺎ ﺟﺲ ﻣﯿﮟ ﺍُﺱ ﭼﯿﻨﻞ ﮐﺎ ﻧﻤﺒﺮ ﺑﮭﯽ ﺗﮭﺎ ﺟﺲ ﭘﺮ ﻭﮦ ﻣﻮﻭﯼ ﺁﺭﮨﯽ ﺗﮭﯽ، ﺍُﺱ ﮐﯽ ﮐﺎﺳﭧ ﮐﮯ ﻧﺎﻣﻮﮞ ﮐﮯ ﺳﺎﺗﮫ ﺟﺲ ﻣﯿﮟ ﭼﺎﺭﻟﯿﺰ ﺗﮭﯿﺮﻥ ﮐﺎ ﻧﺎﻡ ﺑﻼﮎ ﻟﯿﭩﺮﺯ ﻣﯿﮟ ﻟﮑﮭﺎ ﮨﻮﺍ ﺗﮭﺎ۔ ﻭﮦ ﺑﺎﭖ ﮐﻮ ﺗﻨﮓ ﮐﺮﻧﮯ ﮐﮯ ﻣﻮﮈ ﻣﯿﮟ ﺗﮭﺎ۔ ﺳﺎﻻﺭ ﮐﻮ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ۔
۔ ” Thank you for the recommendation” ﺳﺎﻻﺭ ﻧﮯ ﺯﯾﺮِ ﻟﺐ ﻣﺴﮑﺮﺍﮨﭧ ﮐﮯ ﺳﺎﺗﮫ ﺍُﺱ ﮐﮯ ﭨﯿﮑﺴﭧ ﮐﺎ ﺟﻮﺍﺏ ﺩﯾﺎ۔ ﺍُﺱ ﮐﯽ ﺑﺎﺕ ﮐﺎ ﺟﻮﺍﺏ ﻧﮧ ﺩﯾﻨﺎ ﺍﺱ ﺳﮯ ﺯﯾﺎﺩﮦ ﺑﮩﺘﺮ ﺗﮭﺎ۔
۔ ” I am seriously thinking of getting married ” ﺍﮔﻼ ﺟﻤﻠﮧ ﺑﮯ ﺳﺮ ﻭ ﭘﯿﺮ ﮐﮯ ﺗﮭﺎ۔ ﺳﺎﻻﺭ ﺳﮑﻨﺪﺭ ﮔﮩﺮﺍ ﺳﺎﻧﺲ ﻟﮯ ﮐﺮ ﺭﮦ ﮔﯿﺎ۔ ﻭﮦ ﻭﺭﻟﮉ ﺍﮐﻨﺎﻣﮏ ﻓﻮﺭﻡ ﮐﺎ ﯾﻨﮓ ﺳﭩﺎﺭ ﺳﭙﯿﮑﺮ ﺗﮭﺎ ﺟﻮ ﺍﭘﻨﯽ ﺗﻘﺮﯾﺮ ﺳﮯ ﺍﯾﮏ ﺭﺍﺕ ﭘﮩﻠﮯ ﺑﺎﭖ ﺳﮯ ﺭﺍﺕ ﮐﮯ ﺍﺱ ﻭﻗﺖ ﺍﺱ ﻃﺮﺡ ﮐﯽ ﺑﮯ ﺗﮑﯽ ﺑﺎﺗﯿﮟ ﮐﺮ ﺭﮨﺎ ﺗﮭﺎ۔
۔ ” What an idea! Tread it on TAI ” ﺍُﺱ ﻧﮯ ﺍُﺳﮯ ﺟﻮﺍﺑﯽ ﭨﯿﮑﺴﭧ ﮐﯿﺎ ﺍﻭﺭ ﭘﮭﺮ ﮔﮉ ﻧﺎﺋﭧ ﮐﺎ ﻣﯿﺴﺞ۔ ﮐﮭﭩﺎﮎ ﺳﮯ ﺍﯾﮏ smiley ﺍُﺱ ﮐﯽ ﺍﺳﮑﺮﯾﻦ ﭘﺮ ﺍُﺑﮭﺮﯼ ﺗﮭﯽ۔ ﺩﺍﻧﺖ ﻧﮑﺎﻟﺘﮯ ﮨﻮﺋﮯ۔
۔ ” I am serious ” ﺳﺎﻻﺭ ﻓﻮﻥ ﺭﮐﮫ ﺩﯾﻨﺎ ﭼﺎﮨﺘﺎ ﺗﮭﺎ، ﻟﯿﮑﻦ ﭘﮭﺮ ﺭُﮎ ﮔﯿﺎ۔
۔ Options“ ﭼﺎﮨﯿﮯ ﯾﺎ approval ؟ ” ﺍُﺱ ﻧﮯ ﺍﺱ ﺑﺎﺭ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﺍُﺳﮯ ﭨﯿﮑﺴﭧ ﮐﯿﺎ۔
۔ ”Suggestions” ﺟﻮﺍﺏ ﺍُﺳﯽ ﺗﯿﺰ ﺭﻓﺘﺎﺭﯼ ﺳﮯ ﺁﯾﺎ۔
۔ TV” ﺑﻨﺪ ﮐﺮ ﮐﮯ ﺳﻮ ﺟﺎﺅ۔ ” ﺍُﺱ ﻧﮯ ﺟﻮﺍﺑﺎً ﺍُﺳﮯ ﭨﯿﮑﺴﭧ ﮐﯿﺎ۔
” ﺑﺎﺑﺎ ﻣﯿﮟ ﺻﺮﻑ ﯾﮧ ﺳﻮﭺ ﺭﮨﺎ ﮨﻮﮞ ﮐﮧ ﺭﺋﯿﺴﮧ ﺍﻭﺭ ﻋﻨﺎﯾﮧ ﮐﯽ ﺷﺎﺩﯼ ﮐﯿﮯ ﺑﻐﯿﺮ ﻣﯿﺮﺍ ﺷﺎﺩﯼ ﮐﺮﻧﺎ ﻣﻨﺎﺳﺐ ﻧﮩﯿﮟ، ﺧﺎﺹ ﻃﻮﺭ ﭘﺮ ﺟﺐ ﺟﺒﺮﯾﻞ ﮐﯽ ﺷﺎﺩﯼ ﮐﺎ ﻓﯽ ﺍﻟﺤﺎﻝ ﮐﻮﺋﯽ ﺍﻣﮑﺎﻥ ﻧﮩﯿﮟ۔ ” ﻭﮦ ﺍُﺱ ﮐﮯ ﺍﺱ ﺟﻤﻠﮯ ﭘﺮ ﺍﺏ ﺑﺎﻵﺧﺮ ﮐﮭﭩﮑﺎ ﺗﮭﺎ۔ ﺍُﺱ ﮐﯽ ﺑﺎﺗﯿﮟ ﺍﺗﻨﯽ ﺑﮯ ﺳﺮﻭﭘﺎ ﻧﮩﯿﮟ ﺗﮭﯿﮟ، ﺟﺘﻨﺎ ﻭﮦ ﺍُﻧﮩﯿﮟ ﺳﻤﺠﮫ ﺭﮨﺎ ﺗﮭﺎ۔ ﺭﺍﺕ ﮐﮯ ﺍﺱ ﭘﮩﺮ ﻭﮦ ﻓﻠﻢ ﺳﮯ ﺍﭘﻨﯽ ﺷﺎﺩﯼ ﺍﻭﺭ ﺍﭘﻨﯽ ﺷﺎﺩﯼ ﺳﮯ ﻋﻨﺎﯾﮧ ﺍﻭﺭ ﺭﺋﯿﺴﮧ ﮐﯽ ﺷﺎﺩﯼ ﮐﺎ ﺫﮐﺮ ﻟﮯ ﮐﺮ ﺑﯿﭩﮭﺎ ﺗﮭﺎ ﺗﻮ ﮐﻮﺋﯽ ﻣﺴﺌﻠﮧ ﺗﮭﺎ۔ ﺍﻭﺭ ﻣﺴﺌﻠﮧ ﮐﮩﺎﮞ ﺗﮭﺎ، ﯾﮧ ﺳﺎﻻﺭ ﮐﻮ ﮈﮬﻮﻧﮉﻧﺎ ﺗﮭﺎ۔
” ﺗﻮ؟ ” ﺍُﺱ ﻧﮯ ﺍﮔﻠﮯ ﭨﯿﮑﺴﭧ ﻣﯿﮟ ﺟﯿﺴﮯ ﮐﭽﮫ ﺍﻭﺭ ﺍُﮔﻠﻮﺍﻧﮯ ﮐﮯ ﻟﺌﮯ ﺩﺍﻧﮧ ﮈﺍﻻ، ﺟﻮﺍﺏ ﺧﺎﺻﯽ ﺩﯾﺮ ﺑﻌﺪ ﺁﯾﺎ۔ ﯾﻌﻨﯽ ﻭﮦ ﺍﺏ ﺳﻮﭺ ﺳﻮﭺ ﮐﺮ ﭨﯿﮑﺴﭧ ﮐﺮ ﺭﮨﺎ ﺗﮭﺎ۔ ﻭﮦ ﺩﻭﻧﻮﮞ ﺑﺎﭖ ﺑﯿﭩﺎ ﺟﯿﺴﮯ ﺷﻄﺮﻧﺞ ﮐﯽ ﺍﯾﮏ ﺑﺴﺎﻁ ﺑﭽﮭﺎ ﮐﺮ ﺑﯿﭩﮫ ﮔﺌﮯ ﺗﮭﮯ۔
” ﺗﻮ ﺑﺲ ﭘﮭﺮ ﮨﻤﯿﮟ ﻋﻨﺎﯾﮧ ﺍﻭﺭ ﺭﺋﯿﺴﮧ ﮐﮯ ﺣﻮﺍﻟﮯ ﺳﮯ ﮐﭽﮫ ﺳﻮﭼﻨﺎ ﭼﺎﮨﯿﮯ۔ ” ﺟﻮﺍﺏ ﺳﻮﭺ ﺳﻤﺠﮫ ﮐﺮ ﺁﯾﺎ ﺗﮭﺎ، ﻟﯿﮑﻦ ﻣﺒﮩﻢ ﺗﮭﺎ۔
” ﺭﺋﯿﺴﮧ ﮐﮯ ﺑﺎﺭﮮ ﻣﯿﮟ ﯾﺎ ﻋﻨﺎﯾﮧ ﮐﮯ ﺑﺎﺭﮮ ﻣﯿﮟ؟ ” ﺳﺎﻻﺭ ﻧﮯ ﺑﮍﮮ ﮐُﮭﻠﮯ ﺍﻟﻔﺎﻅ ﻣﯿﮟ ﺍُﺱ ﺳﮯ ﭘﻮﭼﮭﺎ۔ ﺣﻤﯿﻦ ﮐﻮ ﺷﺎﯾﺪ ﺑﺎﭖ ﮐﮯ ﺍﺱ ﺑﮯ ﺩﮬﮍﮎ ﺳﻮﺍﻝ ﮐﯽ ﺗﻮﻗﻊ ﻧﮩﯿﮟ ﺗﮭﯽ، ﻭﮦ ﺍﻣﺎﻣﮧ ﻧﮩﯿﮟ ﺗﮭﯽ ﺟﺲ ﮐﻮ ﻭﮦ ﮔﮭﻤﺎ ﭘﮭﺮﺍ ﻟﯿﺘﺎ ﺗﮭﺎ، ﻭﮦ ﺳﺎﻻﺭ ﺳﮑﻨﺪﺭ ﺗﮭﺎ ﺟﻮ ﺍُﺳﯽ ﮐﯽ ﻃﺮﺡ ﻟﻤﺤﻮﮞ ﻣﯿﮟ ﺑﺎﺕ ﮐﯽ ﺟﮍ ﺗﮏ ﭘﮩﻨﭻ ﺟﺎﺗﺎ ﺗﮭﺎ۔
” ﺭﺋﯿﺴﮧ ﮐﮯ ﺑﺎﺭﮮ ﻣﯿﮟ۔ ” ﺑﺎﻵﺧﺮ ﺍُﺳﮯ ﮨﺘﮭﯿﺎﺭ ﮈﺍﻟﺘﮯ ﮨﻮﺋﮯ ﮐﮩﻨﺎ ﭘﮍﺍ، ﺳﺎﻻﺭ ﮐﮯ ﻟﺌﮯ ﺟﻮﺍﺏ ﻏﯿﺮ ﻣﺘﻮﻗﻊ ﻧﮩﯿﮟ ﺗﮭﺎ۔ ﻟﯿﮑﻦ ﺣﯿﺮﺍﻥ ﻭﮦ ﺍُﺱ ﮐﯽ ﭨﺎﺋﻤﻨﮓ ﭘﺮ ﮨﻮﺍ ﺗﮭﺎ۔
” ﺗﻢ ﺧﻮﺩ ﺭﺋﯿﺴﮧ ﮐﮯ ﻟﺌﮯ ﺑﺎﺕ ﮐﺮ ﺭﮨﮯ ﮨﻮ ﯾﺎ ﺭﺋﯿﺴﮧ ﻧﮯ ﺗﻤﮩﯿﮟ ﺑﺎﺕ ﮐﺮﻧﮯ ﮐﮯ ﻟﺌﮯ ﮐﮩﺎ ﮨﮯ؟ ” ﺳﺎﻻﺭ ﮐﺎ ﺍﮔﻼ ﭨﯿﮑﺴﭧ ﭘﮩﻠﮯ ﺳﮯ ﺑﮭﯽ direct ﺗﮭﺎ۔ ﺣﻤﯿﻦ ﮐﺎ ﺟﻮﺍﺏ ﺍﻭﺭ ﺑﮭﯽ ﺩﯾﺮ ﺳﮯ ﺁﯾﺎ۔
” ﻣﯿﮟ ﺧﻮﺩ ﮐﺮ ﺭﮨﺎ ﮨﻮﮞ۔ ” ﺳﺎﻻﺭ ﮐﻮ ﺍُﺱ ﮐﮯ ﺟﻮﺍﺏ ﭘﺮ ﯾﻘﯿﻦ ﻧﮩﯿﮟ ﺁﯾﺎ۔
” ﺭﺋﯿﺴﮧ ﮐﮩﯿﮟ ﺍﻧﻮﺍﻟﻮﮈ ﮨﮯ؟ ” ﺍُﺱ ﻧﮯ ﺍﮔﻼ ﭨﯿﮑﺴﭧ ﮐﯿﺎ۔ ﺟﻮﺍﺏ ﺍﯾﮏ ﺑﺎﺭ ﭘﮭﺮ ﺩﯾﺮ ﺳﮯ ﺁﯾﺎ ﺍﻭﺭ ﯾﮏ ﺩﻡ ﺳﺎﻻﺭ ﮐﻮ ﺍﺣﺴﺎﺱ ﮨﻮﺍ ﮐﮧ ﯾﮧ ﭨﯿﮑﺴﭩﻨﮓ ﺩﻭ ﻟﻮﮔﻮﮞ ﮐﮯ ﺩﺭﻣﯿﺎﻥ ﻧﮩﯿﮟ ﮨﻮ ﺭﮨﯽ ﺗﮭﯽ۔ ﺗﯿﻦ ﻟﻮﮔﻮﮞ ﮐﮯ ﺩﺭﻣﯿﺎﻥ ﮨﻮ ﺭﮨﯽ ﺗﮭﯽ۔ ﻭﮦ، ﺣﻤﯿﻦ ﺍﻭﺭ ﺭﺋﯿﺴﮧ۔
ﻭﮦ ﺗﺎﺧﯿﺮ ﺟﻮ ﺣﻤﯿﻦ ﮐﯽ ﻃﺮﻑ ﺳﮯ ﺟﻮﺍﺏ ﺁﻧﮯ ﭘﺮ ﮨﻮ ﺭﮨﯽ ﺗﮭﯽ، ﻭﮦ ﺍﺱ ﻟﺌﮯ ﮨﻮ ﺭﮨﯽ ﺗﮭﯽ ﮐﯿﻮﮞ ﮐﮧ ﻭﮦ ﺳﺎﻻﺭ ﮐﮯ ﺳﺎﺗﮫ ﮨﻮﻧﮯ ﻭﺍﻟﮯ ﺳﻮﺍﻝ، ﺟﻮﺍﺏ ﺭﺋﯿﺴﮧ ﮐﻮ ﺑﮭﯽ ﺑﮭﯿﺞ ﺭﮨﺎ ﺗﮭﺎ ﺍﻭﺭ ﭘﮭﺮ ﺍُﺱ ﮐﯽ ﻃﺮﻑ ﺳﮯ ﺁﻧﮯ ﻭﺍﻟﮯ ﺟﻮﺍﺑﺎﺕ ﺍُﺳﮯ ﻓﺎﺭ ﻭﺭﮈ ﮐﺮ ﺭﮨﺎ ﺗﮭﺎ۔ ﻭﮦ ﺍُﻥ ﺩﻭﻧﻮﮞ ﮐﯽ ﺑﭽﭙﻦ ﮐﯽ ﻋﺎﺩﺕ ﺗﮭﯽ، ﺍﯾﮏ ﺩﻭﺳﺮﮮ ﮐﮯ ﻟﺌﮯ spokes person ﮐﺎ ﺭﻭﻝ ﺍﺩﺍ ﮐﺮﻧﺎ ﺍﻭﺭ ﺯﯾﺎﺩﮦ ﺗﺮ ﯾﮧ ﺭﻭﻝ ﺭﺋﯿﺴﮧ ﮨﯽ ﺍُﺱ ﮐﮯ ﻟﺌﮯ ﮐﯿﺎ ﮐﺮﺗﯽ ﺗﮭﯽ۔
” ﮐﻮﺋﯽ ﺍُﺳﮯ ﭘﺴﻨﺪ ﮐﺮﺗﺎ ﮨﮯ۔ ” ﺟﻮﺍﺏ ﺩﯾﺮ ﺳﮯ ﺁﯾﺎ ﺗﮭﺎ ﻟﯿﮑﻦ ﺍُﺱ ﮐﮯ direct ﺳﻮﺍﻝ ﮐﮯ ﺑﺪﻟﮧ ﻣﯿﮟ ﺑﮯ ﺣﺪ ﮈﭘﻠﻮﻣﯿﭩﮏ ﺍﻧﺪﺍﺯ ﻣﯿﮟ ﺩﯾﺎ ﮔﯿﺎ ﺗﮭﺎ ﺍﻭﺭ ﯾﮧ ﺣﻤﯿﻦ ﮐﺎ ﺍﻧﺪﺍﺯ ﻧﮩﯿﮟ ﺗﮭﺎ۔ ﯾﮧ ﺭﺋﯿﺴﮧ ﮐﺎ ﺍﻧﺪﺍﺯ ﺗﮭﺎ۔
” ﮐﻮﻥ ﭘﺴﻨﺪ ﮐﺮﺗﺎ ﮨﮯ؟ ﮨﺸﺎﻡ؟ ” ﺳﺎﻻﺭ ﻧﮯ ﺟﻮﺍﺑﺎً ﺑﮯ ﺣﺪ ﺍﻃﻤﯿﻨﺎﻥ ﺳﮯ ﭨﯿﮑﺴﭧ ﮐﯿﺎ۔ ﺍُﺳﮯ ﯾﻘﯿﻦ ﺗﮭﺎ ﺍُﺱ ﮐﮯ ﺟﻮﺍﺑﯿﮧ ﺳﻮﺍﻝ ﻧﮯ ﺩﻭﻧﻮﮞ ﺑﮩﻦ، ﺑﮭﺎﺋﯽ ﮐﮯ ﭘﯿﺮ ﺗﻠﮯ ﺳﮯ ﮐﭽﮫ ﻟﻤﺤﻮﮞ ﮐﮯ ﻟﺌﮯ ﺯﻣﯿﻦ ﻧﮑﺎﻟﯽ ﮨﻮ ﮔﯽ۔ ﺍُﻥ ﮐﻮ ﯾﮧ ﺍﻧﺪﺍﺯﮦ ﻧﮩﯿﮟ ﮨﻮ ﺳﮑﺘﺎ ﺗﮭﺎ ﮐﮧ ﺳﺎﻻﺭ ﺍﺗﻨﺎ ” ﺑﺎﺧﺒﺮ ” ﮨﻮ ﺳﮑﺘﺎ ﺗﮭﺎ۔
ﺣﺴﺐِ ﺗﻮﻗﻊ ﺍﯾﮏ ﻟﻤﺒﮯ ﻭﻗﻔﮯ ﮐﮯ ﺑﻌﺪ ﺍﯾﮏ ﭘﻮﺭﮮ ﻣﻨﮧ ﮐﮭﻮﻟﮯ ﮨﻨﺴﺘﯽ ﮨﻮﺋﯽ smiley ﺁﺋﯽ ﺗﮭﯽ۔
۔ ” Good Shoot ” ﯾﮧ ﺣﻤﯿﻦ ﮐﺎ ﺟﻮﺍﺏ ﺗﮭﺎ۔
” ﺭﺋﯿﺴﮧ ﺳﮯ ﮐﮩﻮ ﺁﺭﺍﻡ ﺳﮯ ﺳﻮ ﺟﺎﺋﮯ۔ ﮨﺸﺎﻡ ﮐﮯ ﺑﺎﺭﮮ ﻣﯿﮟ ﺁﻣﻨﮯ ﺳﺎﻣﻨﮯ ﺑﯿﭩﮫ ﮐﺮ ﺑﺎﺕ ﮨﻮ ﮔﯽ۔ ﻣﯿﮟ ﺍﺱ ﻭﻗﺖ ﺁﺭﺍﻡ ﮐﺮﻧﺎ ﭼﺎﮨﺘﺎ ﮨﻮﮞ ﺍﻭﺭ ﺗﻢ ﺩﻭﻧﻮﮞ ﺍﺏ ﻣﺠﮭﮯ ﻣﺰﯾﺪ ﮐﻮﺋﯽ ﭨﯿﮑﺴﭧ ﻧﮩﯿﮟ ﮐﺮﻭ ﮔﮯ۔ ”
ﺳﺎﻻﺭ ﻧﮯ ﺍﯾﮏ voice message ﺣﻤﯿﻦ ﮐﻮ ﺑﮭﯿﺠﺘﮯ ﮨﻮﺋﮯ ﻓﻮﻥ ﺭﮐﮫ ﺩﯾﺎ۔ ﻭﮦ ﺟﺎﻧﺘﺎ ﺗﮭﺎ ﺍﺱ ﮐﮯ ﺑﻌﺪ ﻭﮦ ﻭﺍﻗﻌﯽ ﺑﮭﻮﺗﻮﮞ ﮐﯽ ﻃﺮﺡ ﻏﺎﺋﺐ ﮨﻮ ﺟﺎﺋﯿﮟ ﮔﮯ،ﺧﺎﺹ ﻃﻮﺭ ﭘﺮ ﺭﺋﯿﺴﮧ۔

ﺟﺒﺮﯾﻞ ﻧﯿﻨﺪ ﻣﯿﮟ ﻓﻮﻥ ﮐﯽ ﺁﻭﺍﺯ ﭘﺮ ﮨﮍﺑﮍﺍ ﮐﺮ ﺍُﭨﮭﺎ ﺗﮭﺎ۔ ﺍُﺳﮯ ﭘﮩﻼ ﺧﯿﺎﻝ ﮨﺎﺳﭙﭩﻞ ﮐﺎ ﺁﯾﺎ ﺗﮭﺎ ﻟﯿﮑﻦ ﺍُﺱ ﮐﮯ ﭘﺎﺱ ﺁﻧﮯ ﻭﺍﻟﯽ ﻭﮦ ﮐﺎﻝ ﮨﺎﺳﭙﭩﻞ ﺳﮯ ﻧﮩﯿﮟ ﺁﺋﯽ ﺗﮭﯽ، ﺍُﺱ ﭘﺮ ﻧﺴﺎﺀ ﮐﺎ ﻧﺎﻡ ﭼﻤﮏ ﺭﮨﺎ ﺗﮭﺎ۔ ﻭﮦ ﻏﯿﺮ ﻣﺘﻮﻗﻊ ﺗﮭﺎ۔ ﺍﯾﮏ ﮨﻔﺘﮯ ﭘﮩﻠﮯ ﺍﺳﻔﻨﺪ ﮐﯽ ﺗﺪﻓﯿﻦ ﮐﮯ ﺩﻭﺭﺍﻥ ﺍُﺱ ﮐﯽ ﻣﻼﻗﺎﺕ ﻧﺴﺎﺀ ﺳﮯ ﺍﯾﮏ ﻟﻤﺒﮯ ﻋﺮﺻﮯ ﮐﮯ ﺑﻌﺪ ﮨﻮﺋﯽ ﺗﮭﯽ ﺍﻭﺭ ﺍُﺱ ﮐﮯ ﺑﻌﺪ ﺍﺱ ﻃﺮﺡ ﺭﺍﺕ ﮐﮯ ﺍﺱ ﻭﻗﺖ ﺁﻧﮯ ﻭﺍﻟﯽ ﮐﺎﻝ۔۔۔۔۔۔۔۔۔
ﮐﺎﻝ ﺭﯾﺴﯿﻮ ﮐﺮﺗﮯ ﮨﻮﺋﮯ ﺩﻭﺳﺮﯼ ﻃﺮﻑ ﺳﮯ ﺍُﺱ ﻧﮯ ﺟﺒﺮﯾﻞ ﺳﮯ ﻣﻌﺬﺭﺕ ﮐﯽ ﺗﮭﯽ ﮐﮧ ﻭﮦ ﺭﺍﺕ ﮐﮯ ﺍﺱ ﻭﻗﺖ ﺍُﺳﮯ ﮈﺳﭩﺮﺏ ﮐﺮ ﺭﮨﯽ ﺗﮭﯽ ﺍﻭﺭ ﭘﮭﺮ ﺑﮯ ﺣﺪ ﺍﺿﻄﺮﺍﺏ ﮐﮯ ﻋﺎﻟﻢ ﻣﯿﮟ ﺍُﺱ ﻧﮯ ﺟﺒﺮﯾﻞ ﺳﮯ ﮐﮩﺎ ﺗﮭﺎ۔
” ﺗﻢ ﻋﺎﺋﺸﮧ ﮐﮯ ﻟﺌﮯ ﮐﭽﮫ ﮐﺮ ﺳﮑﺘﮯ ﮨﻮ؟ ” ﺟﺒﺮﯾﻞ ﮐﭽﮫ ﺣﯿﺮﺍﻥ ﮨﻮﺍ۔
” ﻋﺎﺋﺸﮧ ﮐﮯ ﻟﺌﮯ ﮐﯿﺎ؟ ”
” ﻭﮦ ﭘﻮﻟﯿﺲ ﮐﺴﭩﮉﯼ ﻣﯿﮟ ﮨﮯ۔ ”
۔ ”?What” ﻭﮦ ﮨﮑﺎ ﺑﮑﺎ ﺭﮦ ﮔﯿﺎ ” ﮐﯿﻮﮞ؟ ”
” ﻗﺘﻞ ﮐﮯ ﮐﯿﺲ ﻣﯿﮟ؟ ” ﻭﮦ ﺩﻭﺳﺮﯼ ﻃﺮﻑ ﺳﮯ ﮐﮩﮧ ﺭﮨﯽ ﺗﮭﯽ۔ ﺟﺒﺮﯾﻞ ﺷﺎﮐﮉ ﺭﮦ ﮔﯿﺎ۔
” ﮐﺲ ﮐﺎ ﻗﺘﻞ؟ ” ﻭﮦ ﺍﺏ ﺭﻭﻧﮯ ﻟﮕﯽ ﺗﮭﯽ۔
” ﺍﺳﻔﻨﺪ ﮐﺎ۔ ” ﺟﺒﺮﯾﻞ ﮐﺎ ﺩﻣﺎﻍ ﮔﮭﻮﻡ ﮐﺮ ﺭﮦ ﮔﯿﺎ۔

ﻭﮦ ﯾﺨﻨﯽ ﻣﯿﮟ ﮈﻭﺑﮯ ﮨﻮﺋﮯ ﺭﻭﭨﯽ ﮐﮯ ﭨﮑﮍﮮ ﭼﻤﭽﮯ ﮐﮯ ﺳﺎﺗﮫ ﺍﭘﻨﮯ ﺑﺎﭖ ﮐﻮ ﮐﮭﻼ ﺭﮨﺎ ﺗﮭﺎ، ﺍُﺱ ﮐﺎ ﺑﺎﭖ ﻟﻘﻤﮯ ﮐﻮ ﭼﺒﺎﻧﮯ ﺍﻭﺭ ﻧﮕﻠﻨﮯ ﻣﯿﮟ ﺗﻘﺮﯾﺒﺎً ﺩﻭ ﻣﻨﭧ ﻟﮯ ﺭﮨﺎ ﺗﮭﺎ۔ ﻭﮦ ﮨﺮ ﺑﺎﺭ ﺻﺮﻑ ﺍﺗﻨﯽ ﮨﯽ ﯾﺨﻨﯽ ﭘﯿﺎﻟﮯ ﻣﯿﮟ ﮈﺍﻟﺘﺎ ﺟﺲ ﻣﯿﮟ ﺍﯾﮏ ﭨﮑﮍﺍ ﮈﻭﺏ ﺟﺎﺗﺎ ﭘﮭﺮ ﭼﻤﭽﮧ ﺳﮯ ﺍﺱ ﭨﮑﮍﮮ ﮐﻮ ﺑﺎﭖ ﮐﮯ ﻣﻨﮧ ﻣﯿﮟ ﮈﺍﻟﻨﮯ ﮐﮯ ﺑﻌﺪ ﻭﮦ ﺑﮯ ﺣﺪ ﺗﺤﻤﻞ ﺳﮯ ﭘﯿﺎﻟﮯ ﻣﯿﮟ ﻧﯿﺎ ﭨﮑﮍﺍ ﮈﺍﻟﺘﺎ ﺟﻮ ﮔﺮﻡ ﯾﺨﻨﯽ ﻣﯿﮟ ﭘﮭﻮﻟﻨﮯ ﻟﮕﺘﺎ ﺗﮭﺎ۔ ﻭﮦ ﺍﯾﮏ ﮨﯽ ﻭﻗﺖ ﻣﯿﮟ ﯾﺨﻨﯽ ﺍﺱ ﭘﯿﺎﻟﮯ ﻣﯿﮟ ﮈﺍﻟﺘﺎ ﺗﻮ ﯾﺨﻨﯽ ﺍﺏ ﺗﮏ ﭨﮭﻨﮉﯼ ﮨﻮ ﭼﮑﯽ ﮨﻮﺗﯽ۔ ﯾﺨﻨﯽ ﮐﺎ ﺍﯾﮏ ﭘﯿﺎﻟﮧ ﭘﯿﻨﮯ ﻣﯿﮟ ﺍﺱ ﮐﺎ ﺑﺎﭖ ﺗﻘﺮﯾﺒﺎً ﺍﯾﮏ ﮔﮭﻨﭩﮧ ﻟﮕﺎﺗﺎ ﺗﮭﺎ۔ ﭨﮭﻨﮉﯼ ﯾﺨﻨﯽ ﻣﯿﮟ ﮈﻭﺑﮯ ﮨﻮﺋﮯ ﺭﻭﭨﯽ ﮐﮯ ﭨﮑﮍﮮ ﺑﮭﯽ ﻭﮦ ﺍﺳﯽ ﺭﻏﺒﺖ ﺳﮯ ﮐﮭﺎﺗﺎ ﺟﯿﺴﮯ ﻭﮦ ﺍﻥ ﮔﺮﻡ ﻟﻘﻤﻮﮞ ﮐﻮ ﮐﮭﺎ ﺭﮨﺎ ﺗﮭﺎ۔ ﺳﮑﻨﺪﺭ ﻋﺜﻤﺎﻥ ﮐﮯ ﺫﺍﺋﻘﮯ ﮐﯽ ﺣﺲ ﺁﮨﺴﺘﮧ ﺁﮨﺴﺘﮧ ﺧﺘﻢ ﮨﻮﺭﮨﯽ ﺗﮭﯽ، ﮔﺮﻡ ﺍﻭﺭ ﭨﮭﻨﮉﯼ ﺧﻮﺭﺍﮎ ﻣﯿﮟ ﺗﺨﺼﯿﺺ ﮐﺮﻧﺎ ﻭﮦ ﮐﺐ ﮐﺎ ﭼﮭﻮﮌ ﭼﮑﮯ ﺗﮭﮯ۔ ﺻﺮﻑ ﺍُﻥ ﮐﯽ ﺩﯾﮑﮫ ﺑﮭﺎﻝ ﮐﺮﻧﮯ ﻭﺍﻟﮯ ﻓﯿﻤﻠﯽ ﮐﮯ ﺍﻓﺮﺍﺩ ﺗﮭﮯ ﺟﻮ ﺍﺱ ﺗﺨﺼﯿﺺ ﮐﻮ ﺍُﻥ ﮐﮯ ﻟﺌﮯ ﺍﺏ ﺑﮭﯽ ﺑﺮﻗﺮﺍﺭ ﺭﮐﮭﻨﮯ ﮐﯽ ﮐﻮﺷﺶ ﮐﺮﺭﮨﮯ ﺗﮭﮯ۔ ﻭﮦ ﺍﺏ ﺑﮭﯽ ﺧﻮﺭﺍﮎ ﮐﻮ ﺍُﻥ ﮐﮯ ﻟﺌﮯ ﻣﻤﮑﻨﮧ ﺣﺪ ﺗﮏ ﺫﺍﺋﻘﮧ ﺩﺍﺭ ﺑﻨﺎﮐﺮ ﺩﮮ ﺭﮨﮯ ﺗﮭﮯ ، ﯾﮧ ﺟﺎﻧﺘﮯ ﮨﻮﺋﮯ ﺑﮭﯽ ﮐﮧ ﻭﮦ ﺍﺱ ﺫﺍﺋﻘﮯ ﺳﮯ ﻟﻄﻒ ﺍﻧﺪﻭﺯ ﮨﻮ ﺳﮑﺘﮯ ﺗﮭﮯ ﻧﮧ ﺍﺱ ﺫﺍﺋﻘﮯ ﮐﻮ ﯾﺎﺩ ﺭﮐﮫ ﺳﮑﺘﮯ ﺗﮭﮯ۔ ﺑﺎﭖ ﮐﻮ ﮐﮭﺎﻧﺎ ﮐﮭﻼﻧﮯ ﮐﮯ ﺳﺎﺗﮫ ﺳﺎﺗﮫ ﺳﺎﻻﺭ ﺍﻭﺭ ﺍﻣﺎﻣﮧ ﻧﮯ ﺑﮭﯽ ﻭﮨﯿﮟ ﺑﯿﭩﮭﮯ ﺑﯿﭩﮭﮯ ﮐﮭﺎﻧﺎ ﮐﮭﺎﯾﺎ ﺗﮭﺎ۔ ﻭﮦ ﺟﺐ ﺑﮭﯽ ﯾﮩﺎﮞ ﺁﺗﺎ ﺗﮭﺎ، ﺗﯿﻨﻮﮞ ﻭﻗﺖ ﮐﺎ ﮐﮭﺎﻧﺎ ﺑﺎﭖ ﮐﮯ ﮐﻤﺮﮮ ﻣﯿﮟ ﺍُﺳﮯ ﮐﮭﺎﻧﺎ ﮐﮭﻼﺗﮯ ﮨﻮﺋﮯ ﯾﮩﯽ ﮐﮭﺎﺗﺎ ﺗﮭﺎ ﺍﻭﺭ ﺍﺱ ﮐﯽ ﻋﺪﻡ ﻣﻮﺟﻮﺩﮔﯽ ﻣﯿﮟ ﯾﮧ ﮐﺎﻡ ﺍﻣﺎﻣﮧ ﺍﻭﺭ ﺑﭽﮯ ﮐﺮﺗﮯ ﺗﮭﮯ۔ ﺍﻥ ﮐﮯ ﮔﮭﺮ ﮐﺎ ﮈﺭﺍﺋﻨﮓ ﺭﻭﻡ ﺍﯾﮏ ﻋﺮﺻﮧ ﺳﮯ ﻧﮧ ﮨﻮﻧﮯ ﮐﮯ ﺑﺮﺍﺑﺮ ﺍﺳﺘﻌﻤﺎﻝ ﮨﻮﺭﮨﺎ ﺗﮭﺎ۔ ﺍﺱ ﮐﮯ ﻣﺎﮞ ﺑﺎﭖ ﮐﺎ ﺑﯿﮉﺭﻭﻡ ﺍﺱ ﮐﯽ ﻓﯿﻤﻠﯽ ﮐﮯ ﺍﻓﺮﺍﺩ ﮐﯽ ﺑﮩﺖ ﺳﺎﺭﯼ ﺳﺮﮔﺮﻣﯿﻮﮞ ﮐﺎ ﻣﺮﮐﺰ ﺗﮭﺎ۔ ﯾﮧ ﺍُﺱ ﺷﺨﺺ ﮐﻮ ﺗﻨﮩﺎﺋﯽ ﺳﮯ ﺑﭽﺎﻧﮯ ﮐﯽ ﺍﯾﮏ ﮐﻮﺷﺶ ﺗﮭﯽ ﺟﻮ ﮐﺌﯽ ﺳﺎﻟﻮﮞ ﺳﮯ ﺍﺱ ﮐﻤﺮﮮ ﻣﯿﮟ ﺑﺴﺘﺮ ﺗﮏ ﻣﺤﺪﻭﺩ ﺗﮭﺎ ﺍﻭﺭ ﺍﻟﺰﺍﺋﻤﺮ ﮐﯽ ﺁﺧﺮﯼ ﺍﺳﭩﯿﺞ ﻣﯿﮟ ﺩﺍﺧﻞ ﮨﻮ ﭼﮑﺎ ﺗﮭﺎ۔
ﭨﺮﺍﻟﯽ ﻣﯿﮟ ﭘﮍﺍ ﻧﯿﭙﮑﻦ ﺍُﭨﮭﺎ ﮐﺮ ﺍُﺱ ﻧﮯ ﺳﮑﻨﺪﺭ ﻋﺜﻤﺎﻥ ﮐﮯ ﮨﻮﻧﭩﻮﮞ ﮐﮯ ﮐﻮﻧﮯ ﺳﮯ ﻧﮑﻠﻨﮯ ﻭﺍﻟﯽ ﯾﺨﻨﯽ ﮐﮯ ﻭﮦ ﻗﻄﺮﮮ ﺻﺎﻑ ﮐﯿﮯ ﺟﻮ ﭼﻨﺪ ﻟﻤﺤﮯ ﭘﮩﻠﮯ ﻧﻤﻮﺩﺍﺭ ﮨﻮﺋﮯ ﺗﮭﮯ۔ ﺍﻧﮩﻮﮞ ﻧﮯ ﺧﺎﻟﯽ ﺁﻧﮑﮭﻮﮞ ﺳﮯ ﺍُﺳﮯ ﺩﯾﮑﮭﺎ ﺟﻦ ﺳﮯ ﻭﮦ ﺍُﺳﮯ ﮨﻤﯿﺸﮧ ﺩﯾﮑﮭﺘﮯ ﺗﮭﮯ۔ ﻭﮦ ﺍُﻧﮩﯿﮟ ﮐﮭﺎﻧﺎ ﮐﮭﻼﺗﮯ ﮨﻮﺋﮯ ﺟﻮﺍﺏ ﮐﯽ ﺗﻮﻗﻊ ﮐﮯ ﺑﻐﯿﺮ ﺍُﻥ ﺳﮯ ﺑﺎﺕ ﮐﺮﻧﮯ ﮐﯽ ﮐﻮﺷﺶ ﮐﯿﺎ ﮐﺮﺗﺎ ﺗﮭﺎ۔ ﺍﺱ ﮐﮯ ﺑﺎﭖ ﮐﯽ ﺧﺎﻣﻮﺷﯽ ﮐﮯ ﻭﻗﻔﮯ ﺍﺏ ﮔﮭﻨﭩﻮﮞ ﭘﺮ ﻣﺸﺘﻤﻞ ﮨﻮﻧﮯ ﻟﮕﮯ ﺗﮭﮯ۔ ﮔﮭﻨﭩﻮﮞ ﮐﮯ ﺑﻌﺪ ﮐﻮﺋﯽ ﻟﻔﻆ ﯾﺎ ﺟﻤﻠﮧ ﺍُﻥ ﮐﮯ ﻣﻨﮧ ﺳﮯ ﻧﮑﻠﺘﺎ ﺗﮭﺎ ﺟﺲ ﮐﺎ ﺗﻌﻠﻖ ﺍُﻥ ﮐﯽ ﺯﻧﺪﮔﯽ ﮐﮯ ﮐﺴﯽ ﺳﺎﻝ ﮐﯽ ﮐﺴﯽ ﯾﺎﺩ ﺳﮯ ﮨﻮﺗﺎ ﺗﮭﺎ ﺍﻭﺭ ﻭﮦ ﺳﺐ ﺍﺱ ﺟﻤﻠﮯ ﮐﻮ ﺳﺎﻝ ﮐﮯ ﺳﺎﺗﮫ ﺟﻮﮌﻧﮯ ﮐﯽ ﮐﻮﺷﺶ ﻣﯿﮟ ﻟﮓ ﺟﺎﺗﮯ ﺗﮭﮯ۔
ﺳﮑﻨﺪﺭ ﻋﺜﻤﺎﻥ ﮐﮭﺎﻧﺎ ﮐﮭﺎﺗﮯ ﮨﻮﺋﮯ ﮨﻤﯿﺸﮧ ﯾﮏ ﭨﮏ ﺍُﺳﮯ ﺩﯾﮑﮭﺘﮯ ﺗﮭﮯ۔ ﺍﺏ ﺑﮭﯽ ﺩﯾﮑﮫ ﺭﮨﮯ ﺗﮭﮯ۔ ﺳﺎﻻﺭ ﺟﺎﻧﺘﺎ ﺗﮭﺎ ﺍُﺱ ﮐﺎ ﺑﺎﭖ ﺟﯿﺴﮯ ﺍﯾﮏ ﺍﺟﻨﺒﯽ ﮐﺎ ﭼﮩﺮﮦ ﭘﮩﭽﺎﻧﻨﮯ ﮐﯽ ﮐﻮﺷﺶ ﮐﺮﺭﮨﺎ ﺗﮭﺎ۔ ﺍﻥ ﮐﻮ ﮐﮭﺎﻧﺎ ﮐﮭﻼﻧﮯ ﮐﯽ ﮐﻮﺋﯽ ﺍﺣﺘﯿﺎﻁ، ﮐﻮﺋﯽ ﻣﺤﺒﺖ، ﮐﻮﺋﯽ ﻟﮕﻦ ﺍُﻥ ﮐﯽ ﯾﺎﺩﺩﺍﺷﺖ ﭘﺮ ﮐﮩﯿﮟ ﻣﺤﻔﻮﻅ ﻧﮩﯿﮟ ﮨﻮﺭﮨﯽ ﺗﮭﯽ۔ ﻭﮦ ﺍﯾﮏ ﺍﺟﻨﺒﯽ ﮐﮯ ﮨﺎﺗﮫ ﺳﮯ ﮐﮭﺎﻧﺎ ﮐﮭﺎ ﺭﮨﮯ ﺗﮭﮯ ﺍﻭﺭ ﺍُﻥ ﮐﮯ ﺧﺘﻢ ﮨﻮﺗﮯ ﮨﻮﺋﮯ ﺩﻣﺎﻏﯽ ﺧﻠﯿﮯ ﺍُﺱ ﺍﺟﻨﺒﯽ ﮐﮯ ﭼﮩﺮﮮ ﮐﻮ ﮐﻮﺋﯽ ﻧﺎﻡ ﺩﯾﻨﮯ ﮐﯽ ﮐﻮﺷﺶ ﻣﯿﮟ ﻟﮕﮯ ﺭﮨﺘﮯ ﺗﮭﮯ۔
ﺳﺎﻻﺭ ﺟﺎﻧﺘﺎ ﺗﮭﺎ ﮐﮧ ﺍﺱ ﮐﮯ ﺑﺎﭖ ﮐﻮ ﺍُﺱ ﮐﮯ ﮨﺎﺗﮫ ﺳﮯ ﮐﮭﺎﯾﺎ ﮨﻮﺍ ﻭﮦ ﺩﻭﭘﮩﺮ ﮐﺎ ﮐﮭﺎﻧﺎ ﺑﮭﯽ ﯾﺎﺩ ﻧﮩﯿﮟ ﮨﻮﮔﺎ ۔ ﻭﮦ ﺟﺘﻨﯽ ﺑﺎﺭ ﺍُﺱ ﮐﮯ ﮐﻤﺮﮮ ﻣﯿﮟ ﺁﺗﺎ ﮨﻮﮔﺎ، ﻭﮦ ﺍﭘﻨﮯ ﺑﺎﭖ ﮐﮯ ﻟﺌﮯ ﺍﯾﮏ ﻧﯿﺎ ﺷﺨﺺ ، ﺍﯾﮏ ﻧﯿﺎ ﭼﮩﺮﮦ ﮨﻮﮔﺎ ﺍﻭﺭ ﺻﺮﻑ ﻭﮨﯽ ﻧﮩﯿﮟ، ﺍُﺱ ﮐﯽ ﻓﯿﻤﻠﯽ ﮐﮯ ﺑﺎﻗﯽ ﺳﺐ ﺍﻓﺮﺍﺩ ﺑﮭﯽ۔ ﺳﮑﻨﺪﺭ ﻋﺜﻤﺎﻥ ﺷﺎﯾﺪ ﺣﯿﺮﺍﻥ ﮨﻮﺗﮯ ﮨﻮﮞ ﮔﮯ ﮐﮧ ﺍُﻥ ﮐﮯ ﮐﻤﺮﮮ ﻣﯿﮟ ﺑﺎﺭ ﺑﺎﺭ ﻧﺌﮯ ﻟﻮﮒ ﮐﯿﻮﮞ ﺁﺗﮯ ﺗﮭﮯ۔ ﻭﮦ ﺍﭘﻨﮯ ﮔﮭﺮ ﻣﯿﮟ ” ﺍﺟﻨﺒﯿﻮﮞ ” ﮐﮯ ﺳﺎﺗﮫ ﺭﮦ ﺭﮨﮯ ﺗﮭﮯ۔
ﺍُﺱ ﻧﮯ ﯾﺨﻨﯽ ﮐﺎ ﺁﺧﺮﯼ ﭼﻤﭻ ﺍﭘﻨﮯ ﺑﺎﭖ ﮐﮯ ﻣﻨﮧ ﻣﯿﮟ ﮈﺍﻻ۔ ﭘﮭﺮ ﭘﯿﺎﻟﮧ ﭨﺮﺍﻟﯽ ﻣﯿﮟ ﺭﮐﮫ ﺩﯾﺎ۔ ﺍﺏ ﻭﮦ ﺍﭘﻨﮯ ﺑﺎﭖ ﮐﻮ ﭼﻤﭻ ﮐﮯ ﺳﺎﺗﮫ ﭘﺎﻧﯽ ﭘﻼ ﺭﮨﺎ ﺗﮭﺎ۔ ﺍُﺱ ﮐﺎ ﺑﺎﭖ ﻟﻤﺒﺎ ﮔﮭﻮﻧﭧ ﻧﮩﯿﮟ ﻟﮯ ﺳﮑﺘﺎ ﺗﮭﺎ۔
ﺍﻣﺎﻣﮧ ﮐﭽﮫ ﺩﯾﺮ ﭘﮩﻠﮯ ﮐﻤﺮﮮ ﺳﮯ ﺍُﭨﮫ ﮐﺮ ﮔﺌﯽ ﺗﮭﯽ۔ ﺍُﺱ ﮐﺎ ﺳﺎﻣﺎﻥ ﭘﮩﻠﮯ ﮨﯽ ﺍﯾﺌﺮ ﭘﻮﺭﭦ ﺟﺎ ﭼﮑﺎ ﺗﮭﺎ۔ ﺍﺏ ﺑﺎﮨﺮ ﺍﯾﮏ ﮔﺎﮌﯼ ﺍُﺱ ﮐﮯ ﺍﻧﺘﻈﺎﺭ ﻣﯿﮟ ﮐﮭﮍﯼ ﺗﮭﯽ ﺟﻮ ﺍﺳﮯ ﺗﮭﻮﮌﯼ ﺩﯾﺮ ﻣﯿﮟ ﺍﯾﺌﺮﭘﻮﺭﭦ ﻟﮯ ﺟﺎﺗﯽ۔ ﺍﺱ ﮐﺎ ﺳﭩﺎﻑ ﺑﮯ ﺻﺒﺮﯼ ﺳﮯ ﺍﺱ ﮐﻤﺮﮮ ﺳﮯ ﺍُﺱ ﮐﯽ ﺑﺮﺁﻣﺪﮔﯽ ﮐﺎ ﻣﻨﺘﻈﺮ ﺗﮭﺎ۔
ﺳﺎﻻﺭ ﻧﮯ ﮔﻼﺱ ﻭﺍﭘﺲ ﺭﮐﮭﺘﮯ ﮨﻮﺋﮯ ﺑﯿﮉ ﭘﺮ ﺑﯿﭩﮫ ﮐﺮ ﺍﭘﻨﮯ ﺑﺎﭖ ﮐﯽ ﮔﺮﺩﻥ ﮐﮯ ﮔﺮﺩ ﭘﮭﯿﻼ ﮨﻮﺍ ﻧﯿﭙﮑﻦ ﮨﭩﺎﯾﺎ۔ ﭘﮭﺮ ﮐﭽﮫ ﺩﯾﺮ ﺗﮏ ﺳﮑﻨﺪﺭ ﻋﺜﻤﺎﻥ ﮐﺎ ﮨﺎﺗﮫ ﺍﭘﻨﮯ ﮨﺎﺗﮭﻮﮞ ﻣﯿﮟ ﻟﯿﮯ ﻭﮦ ﺑﯿﭩﮭﺎ ﺭﮨﺎ۔ﺁﮨﺴﺘﮧ ﺁﮨﺴﺘﮧ ﺍﺱ ﻧﮯ ﺍﻧﮩﯿﮟ ﺍﭘﻨﯽ ﺭﻭﺍﻧﮕﯽ ﮐﺎ ﺑﺘﺎﯾﺎ ﺗﮭﺎ ﺍﻭﺭ ﺍُﺱ ﺗﺸﮑﺮ ﻭ ﺍﺣﺴﺎﻥ ﻣﻨﺪﯼ ﮐﺎ ﺑﮭﯽ ﺟﻮ ﻭﮦ ﺍﭘﻨﮯ ﺑﺎﭖ ﮐﮯ ﻟﺌﮯ ﮨﻤﯿﺸﮧ ﻣﺤﺴﻮﺱ ﮐﺮﺗﺎ ﺗﮭﺎ ﺧﺎﺹ ﻃﻮﺭ ﭘﺮ ﺁﺝ۔ ﺳﮑﻨﺪ ﺭ ﻋﺜﻤﺎﻥ ﺧﺎﻟﯽ ﻧﻈﺮﻭﮞ ﺳﮯ ﺍُﺳﮯ ﺩﯾﮑﮫ ﺍﻭﺭ ﺳُﻦ ﺭﮨﮯ ﺗﮭﮯ۔ ﻭﮦ ﺟﺎﻧﺘﺎ ﺗﮭﺎ ﻭﮦ ﮐﭽﮫ ﺑﮭﯽ ﺳﻤﺠﮫ ﻧﮩﯿﮟ ﭘﺎ ﺭﮨﮯ ﺗﮭﮯ۔ ﻟﯿﮑﻦ ﯾﮧ ﺍﯾﮏ ﺭﺳﻢ ﺗﮭﯽ ﺟﻮ ﻭﮦ ﮨﻤﯿﺸﮧ ﺍﺩﺍ ﮐﺮﺗﺎ ﺗﮭﺎ۔ ﺍُﺱ ﻧﮯ ﺍﭘﻨﯽ ﺑﺎﺕ ﺧﺘﻢ ﮐﺮﻧﮯ ﮐﮯ ﺑﻌﺪ ﺑﺎﭖ ﮐﮯ ﮨﺎﺗﮫ ﭼﻮﻣﮯ ﭘﮭﺮ ﺍُﻧﮩﯿﮟ ﻟﭩﺎ ﮐﺮ ﮐﻤﺒﻞ ﺍﻭﮌﮬﺎ ﺩﯾﺎ۔

ﺳﮑﻨﺪ ﺭ ﻋﺜﻤﺎﻥ ﺧﺎﻟﯽ ﻧﻈﺮﻭﮞ ﺳﮯ ﺍُﺳﮯ ﺩﯾﮑﮫ ﺍﻭﺭ ﺳُﻦ ﺭﮨﮯ ﺗﮭﮯ۔ ﻭﮦ ﺟﺎﻧﺘﺎ ﺗﮭﺎ ﻭﮦ ﮐﭽﮫ ﺑﮭﯽ ﺳﻤﺠﮫ ﻧﮩﯿﮟ ﭘﺎ ﺭﮨﮯ ﺗﮭﮯ۔ ﻟﯿﮑﻦ ﯾﮧ ﺍﯾﮏ ﺭﺳﻢ ﺗﮭﯽ ﺟﻮ ﻭﮦ ﮨﻤﯿﺸﮧ ﺍﺩﺍ ﮐﺮﺗﺎ ﺗﮭﺎ۔ ﺍُﺱ ﻧﮯ ﺍﭘﻨﯽ ﺑﺎﺕ ﺧﺘﻢ ﮐﺮﻧﮯ ﮐﮯ ﺑﻌﺪ ﺑﺎﭖ ﮐﮯ ﮨﺎﺗﮫ ﭼﻮﻣﮯ ﭘﮭﺮ ﺍُﻧﮩﯿﮟ ﻟﭩﺎ ﮐﺮ ﮐﻤﺒﻞ ﺍﻭﮌﮬﺎ ﺩﯾﺎ، ﺍﻭﺭ ﮐﭽﮫ ﺩﯾﺮ ﺑﮯ ﻣﻘﺼﺪ ﺑﯿﮉ ﮐﮯ ﭘﺎﺱ ﮐﮭﮍﺍ ﺍُﻧﮩﯿﮟ ﺩﯾﮑﮭﺘﺎ ﺭﮨﺎ ﺗﮭﺎ۔ ﺍُﺱ ﮐﮯ ﺑﻌﺪ ﭘﺘﮧ ﻧﮩﯿﮟ ﮐﺐ ﻭﮦ ﺍﭘﻨﮯ ﺑﺎﭖ ﮐﮯ ﭘﺎﺱ ﺁﻧﮯ ﮐﮯ ﻗﺎﺑﻞ ﮨﻮﺗﺎ۔ ﺳﺎﻻﺭ ﯾﮧ ﻧﮩﯿﮟ ﺟﺎﻧﺘﺎ ﺗﮭﺎ ﻭﮦ ﺁﺧﺮﯼ ﮐﮭﺎﻧﺎ ﺗﮭﺎ ﺟﻮ ﺍُﺱ ﻧﮯ ﺍﭘﻨﮯ ﺑﺎﭖ ﮐﮯ ﺳﺎﺗﮫ ﮐﮭﺎﯾﺎ ﺗﮭﺎ۔
ﺗﺎﺵ ﮐﺎ ﺗﺮﭖ ﮐﺎ ﭘﺘّﮧ ﭘﮭﯿﻨﮑﺎ ﺟﺎﻧﮯ ﻭﺍﻻ ﺗﮭﺎ ﺍﻭﺭ ” ﻣﮩﻠﺖ ” ﺧﺘﻢ ﮨﻮﻧﮯ ﻭﺍﻟﯽ ﺗﮭﯽ۔۔۔۔۔

ﻻﮎ ﺍﭖ ﻣﯿﮟ ﺑﯿﭩﮭﮯ ﺍُﺱ ﺭﺍﺕ ﻋﺎﺋﺸﮧ ﻋﺎﺑﺪﯾﻦ ﻧﮯ ﺍﭘﻨﯽ ﺯﻧﺪﮔﯽ ﮐﻮ recap ﮐﺮﻧﮯ ﮐﯽ ﮐﻮﺷﺶ ﮐﯽ ﺗﮭﯽ۔ ﻣﮕﺮ ﺍُﺱ ﮐﯽ ﺯﻧﺪﮔﯽ ﻣﯿﮟ ﺍﺗﻨﺎ ﺑﮩﺖ ﮐﭽﮫ ﮨﻮ ﭼﮑﺎ ﺗﮭﺎ ﮐﮧ ﻭﮦ ﺍﺱ ﮐﻮﺷﺶ ﻣﯿﮟ ﺑﮭﯽ ﻧﺎﮐﺎﻡ ﮨﻮ ﺭﮨﯽ ﺗﮭﯽ۔ ﯾﻮﮞ ﺟﯿﺴﮯ ﻭﮦ 28 ﺳﺎﻝ ﮐﯽ ﺯﻧﺪﮔﯽ ﻧﮩﯿﮟ ﺗﮭﯽ ﺁﭨﮫ ﺳﻮ ﺳﺎﻝ ﮐﯽ ﺯﻧﺪﮔﯽ ﺗﮭﯽ۔ ﮐﻮﺋﯽ ﺑﮭﯽ ﻭﺍﻗﻌﮧ ﺍُﺱ ﺗﺮﺗﯿﺐ ﺳﮯ ﯾﺎﺩ ﻧﮩﯿﮟ ﺁ ﺭﮨﺎ ﺗﮭﺎ ﺟﺲ ﺗﺮﺗﯿﺐ ﺳﮯ ﻭﮦ ﺍُﺱ ﮐﯽ ﺯﻧﺪﮔﯽ ﻣﯿﮟ ﮨﻮﺍ ﺗﮭﺎ ﺍﻭﺭ ﻭﮦ ﯾﺎﺩ ﮐﺮﻧﺎ ﭼﺎﮨﺘﯽ ﺗﮭﯽ۔
ﻻﮎ ﺍﭖ ﮐﮯ ﺑﺴﺘﺮ ﭘﺮ ﭼﺖ ﻟﯿﭩﮯ، ﭼﮭﺖ ﮐﻮ ﮔﮭﻮﺭﺗﮯ ﮨﻮﺋﮯ ﺍُﺱ ﻧﮯ ﯾﮧ ﺳﻮﭼﻨﮯ ﮐﯽ ﮐﻮﺷﺶ ﮐﯽ ﺗﮭﯽ ﮐﮧ ﺍُﺱ ﮐﯽ ﺯﻧﺪﮔﯽ ﮐﺎ ﺳﺐ ﺳﮯ ﺑﺪﺗﺮﯾﻦ ﻭﺍﻗﻌﮧ ﮐﯿﺎ ﺗﮭﺎ۔ ﺳﺐ ﺳﮯ ﺗﮑﻠﯿﻒ ﺩﮦ ﺗﺠﺮﺑﮧ ﺍﻭﺭ ﺩﻭﺭ۔۔۔۔۔۔۔۔
ﺑﺎﭖ ﮐﮯ ﺑﻐﯿﺮ ﺯﻧﺪﮔﯽ ﮔﺰﺍﺭﻧﺎ؟
ﺍﺣﺴﻦ ﺳﻌﺪ ﺳﮯ ﺷﺎﺩﯼ؟
ﺍُﺱ ﮐﮯ ﺳﺎﺗﮫ، ﺍُﺱ ﮐﮯ ﮔﮭﺮ ﻣﯿﮟ ﮔﺰﺍﺭﺍ ﮨﻮﺍ ﻭﻗﺖ؟
ﺍﯾﮏ ﻣﻌﺬﻭﺭ ﺑﯿﭩﮯ ﮐﯽ ﭘﯿﺪﺍﺋﺶ؟
ﺍﺣﺴﻦ ﺳﻌﺪ ﺳﮯ ﻃﻼﻕ؟
ﺍﺳﻔﻨﺪ ﮐﯽ ﻣﻮﺕ؟
ﯾﺎ ﭘﮭﺮ ﺍﭘﻨﮯ ﮨﯽ ﺑﯿﭩﮯ ﮐﮯ ﻗﺘﻞ ﮐﮯ ﺍﻟﺰﺍﻡ ﻣﯿﮟ ﺩﻥ ﺩﮨﺎﮌﮮ ﮨﺎﺳﭙﭩﻞ ﺳﮯ ﭘﻮﻟﯿﺲ ﮐﮯ ﮨﺎﺗﮭﻮﮞ ﮔﺮﻓﺘﺎﺭ ﮨﻮﻧﺎ؟
ﺍﻭﺭ ﺍﻥ ﺳﺎﺭﮮ ﻭﺍﻗﻌﺎﺕ ﮐﮯ ﺑﯿﭽﻮﮞ ﺑﯿﭻ ﮐﺌﯽ ﺍﻭﺭ ﺍﯾﺴﮯ ﺗﮑﻠﯿﻒ ﺩﮦ ﻭﺍﻗﻌﺎﺕ ﺟﻮ ﺍُﺱ ﮐﮯ ﺫﮨﻦ ﮐﯽ ﺩﯾﻮﺍﺭ ﭘﺮ ﺍﭘﻨﯽ ﺟﮭﻠﮏ ﺩﮐﮭﺎﺗﮯ ﮨﻮﺋﮯ ﺟﯿﺴﮯ ﺍُﺱ ﻓﮩﺮﺳﺖ ﻣﯿﮟ ﺷﺎﻣﻞ ﮨﻮﻧﮯ ﮐﮯ ﻟﺌﮯ ﺑﮯ ﻗﺮﺍﺭ ﺗﮭﮯ۔
ﻭﮦ ﻃﮯ ﻧﮩﯿﮟ ﮐﺮ ﺳﮑﯽ۔ ﮨﺮ ﺗﺠﺮﺑﮧ، ﮨﺮ ﺣﺎﺩﺛﮧ، ﺍﭘﻨﯽ ﺟﮕﮧ ﺗﮑﻠﯿﻒ ﺩﮦ ﺗﮭﺎ، ﺍﭘﻨﯽ ﻃﺮﺡ ﺳﮯ ﮨﻮﻟﻨﺎﮎ۔ ﻭﮦ ﺍُﻥ ﮐﮯ ﺑﺎﺭﮮ ﻣﯿﮟ ﺳﻮﭼﺘﮯ ﮨﻮﺋﮯ ﺟﯿﺴﮯ ﺯﻧﺪﮔﯽ ﮐﮯ ﻭﮦ ﺩﻥ ﺟﯿﻨﮯ ﻟﮕﯽ ﺗﮭﯽ ﺍﻭﺭ ﺍﮔﻠﮯ ﻭﺍﻗﻌﮧ ﮐﮯ ﺑﺎﺭﮮ ﻣﯿﮟ ﺳﻮﭼﻨﺎ ﺷﺮﻭﻉ ﮐﺮﺗﮯ ﮨﻮﺋﮯ ﺍُﺳﮯ ﯾﮧ ﺍﻧﺪﺍﺯﮦ ﻟﮕﺎﻧﺎ ﻣﺸﮑﻞ ﮨﻮ ﺭﮨﺎ ﺗﮭﺎ ﮐﮧ ﭘﭽﮭﻼ ﻭﺍﻗﻌﮧ ﺯﯾﺎﺩﮦ ﺗﮑﻠﯿﻒ ﺩﮦ ﺗﮭﺎ ﯾﺎ ﭘﮭﺮ ﺟﻮ ﺍُﺳﮯ ﺍﺏ ﯾﺎﺩ ﺁ ﺭﮨﺎ ﺗﮭﺎ۔
ﮐﺒﮭﯽ ﮐﺒﮭﺎﺭ ﻋﺎﺋﺸﮧ ﻋﺎﺑﺪﯾﻦ ﮐﻮ ﻟﮕﺘﺎ ﺗﮭﺎ ﮐﮧ ﻭﮦ ﮈﮬﯿﭧ ﺗﮭﯽ۔ ﺗﮑﻠﯿﻒ ﺍﻭﺭ ﺫﻟّﺖ ﺳﮩﮧ ﺳﮩﮧ ﮐﺮ ﻭﮦ ﺍﺏ ﺷﺮﻣﻨﺪﮦ ﮨﻮﻧﺎ ﺍﻭﺭ ﺩﺭﺩ ﺳﮯ ﻣﺘﺎﺛﺮ ﮨﻮﻧﺎ ﭼﮭﻮﮌ ﭼﮑﯽ ﺗﮭﯽ۔ ﺯﻧﺪﮔﯽ ﻣﯿﮟ ﻭﮦ ﺍﺗﻨﯽ ﺫﻟّﺖ ﺍﻭﺭ ﺗﮑﻠﯿﻒ ﺳﮩﮧ ﭼﮑﯽ ﺗﮭﯽ ﮐﮧ ﺷﺮﻡ ﺍﻭﺭ ﺷﺮﻣﻨﺪﮔﯽ ﮐﮯ ﻟﻔﻆ ﺟﯿﺴﮯ ﺍُﺱ ﮐﯽ ﺯﻧﺪﮔﯽ ﺳﮯ ﺧﺎﺭﺝ ﮨﻮ ﮔﺌﮯ ﺗﮭﮯ۔ ﻭﮦ ﺍﺗﻨﯽ ﮈﮬﯿﭧ ﮨﻮ ﭼﮑﯽ ﺗﮭﯽ ﮐﮧ ﻣﺮﻧﺎ ﺑﮭﯽ ﺑﮭﻮﻝ ﮔﺌﯽ ﺗﮭﯽ۔ ﺍُﺳﮯ ﮐﺴﯽ ﺗﮑﻠﯿﻒ ﺳﮯ ﮐﭽﮫ ﻧﮩﯿﮟ ﮨﻮﺗﺎ ﺗﮭﺎ۔ ﺩﻝ ﺗﮭﺎ ﺗﻮ ﻭﮦ ﺍﺗﻨﮯ ﭨﮑﮍﮮ ﮨﻮ ﭼﮑﺎ ﺗﮭﺎ ﮐﮧ ﺍﺏ ﺍﻭﺭ ﭨﻮﭨﻨﺎ ﺍُﺱ ﮐﮯ ﺑﺲ ﻣﯿﮟ ﻧﮩﯿﮟ ﺭﮨﺎ ﺗﮭﺎ۔ ﺫﮨﻦ ﺗﮭﺎ ﺗﻮ ﺍُﺱ ﭘﺮ ﺟﺎﻟﮯ ﮨﯽ ﺟﺎﻟﮯ ﺗﮭﮯ۔ ﻋﺰﺕِ ﻧﻔﺲ، ﺫﻟّﺖ، ﻋﺰّﺕ ﺟﯿﺴﮯ ﻟﻔﻈﻮﮞ ﮐﻮ ﭼﮭﭙﺎ ﺩﯾﻨﮯ ﻭﺍﻟﮯ ﺟﺎﻟﮯ۔ ﯾﮧ ﺳﻮﭼﻨﺎ ﺍُﺱ ﻧﮯ ﮐﺐ ﮐﺎ ﭼﮭﻮﮌﺩﯾﺎ ﺗﮭﺎ ﮐﮧ ﯾﮧ ﺳﺐ ﺍُﺱ ﮐﮯ ﺳﺎﺗﮫ ﮨﯽ ﮐﯿﻮﮞ ﮨﻮﺗﺎ ﺗﮭﺎ، ﺍُﺱ ﻧﮯ ﺗﻮ ﮐﺴﯽ ﮐﺎ ﮐﭽﮫ ﻧﮩﯿﮟ ﺑﮕﺎﮌﺍ ﺗﮭﺎ۔ ﺍﺱ ﺳﻮﺍﻝ ﮐﺎ ﺟﻮﺍﺏ ﻭﯾﺴﮯ ﺑﮭﯽ ﺍُﺳﮯ ﺍﺣﺴﻦ ﺳﻌﺪ ﻧﮯ ﺭﭨﻮﺍ ﺩﯾﺎ ﺗﮭﺎ۔
” ﻟﮑﮭﻮ ! ﺍﺱ ﮐﺎﻏﺬ ﭘﺮ ﮐﮧ ﺗﻢ ﮔﻨﺎﮦ ﮔﺎﺭ ﮨﻮ۔ ﺍﻟﻠﮧ ﺳﮯ ﻣﻌﺎﻓﯽ ﻣﺎﻧﮕﻮ، ﭘﮭﺮ ﻣﺠﮫ ﺳﮯ ﻣﻌﺎﻓﯽ ﻣﺎﻧﮕﻮ، ﭘﮭﺮ ﻣﯿﺮﮮ ﮔﮭﺮ ﻭﺍﻟﻮﮞ ﺳﮯ ﻣﻌﺎﻓﯽ ﻣﺎﻧﮕﻮ، ﺑﮯ ﺣﯿﺎ ﻋﻮﺭﺕ ”!
ﭘﺘﮧ ﻧﮩﯿﮟ ﯾﮧ ﺁﻭﺍﺯ ﺍُﺱ ﮐﮯ ﮐﺎﻧﻮﮞ ﻣﯿﮟ ﮔﻮﻧﺠﻨﺎ ﺑﻨﺪ ﮐﯿﻮﮞ ﻧﮩﯿﮟ ﮨﻮﺗﯽ ﺗﮭﯽ۔ ﺩﻥ ﻣﯿﮟ، ﺭﺍﺕ ﻣﯿﮟ، ﺳﯿﻨﮑﮍﻭﮞ ﺑﺎﺭ ﺍﻥ ﺟﻤﻠﻮﮞ ﮐﯽ ﺑﺎﺯﮔﺸﺖ ﺍُﺳﮯ ﺍُﺱ ﮐﮯ ﺍﺱ ﺳﻮﺍﻝ ﮐﺎ ﺟﻮﺍﺏ ﺩﯾﺘﯽ ﺭﮨﺘﯽ ﺗﮭﯽ ﮐﮧ ﯾﮧ ﺳﺐ ﺍُﺱ ﮐﮯ ﺳﺎﺗﮫ ﮨﯽ ﮐﯿﻮﮞ ﮨﻮﺗﺎ ﺗﮭﺎ۔
ﻭﮦ ﺍﯾﮏ ﮔﻨﺎﮦ ﮔﺎﺭ ﻋﻮﺭﺕ ﺗﮭﯽ۔ ﯾﮧ ﺟﻤﻠﮧ ﺍُﺱ ﻧﮯ ﺍﺗﻨﯽ ﺑﺎﺭ ﺍﭘﻨﮯ ﮨﺎﺗﮫ ﺳﮯ ﮐﺎﻏﺬ ﭘﺮ ﻟﮑﮫ ﮐﺮ ﺍﺣﺴﻦ ﺳﻌﺪ ﮐﻮ ﺩﯾﺎ ﺗﮭﺎ ﮐﮧ ﺍﺏ ﺍُﺳﮯ ﯾﻘﯿﻦ ﮨﻮ ﮔﯿﺎ ﺗﮭﺎ ﮐﮧ ﻭﮦ ﺟﻤﻠﮧ ﺣﻘﯿﻘﺖ ﺗﮭﺎ۔ ﺍُﺱ ﮐﺎ ﮔﻨﺎﮦ ﮐﯿﺎ ﺗﮭﺎ، ﺻﺮﻑ ﯾﮧ ﺍُﺳﮯ ﯾﺎﺩ ﻧﮩﯿﮟ ﺁﺗﺎ ﺗﮭﺎ۔ ﻣﮕﺮ ﺍُﺳﮯ ﭘﮭﺮ ﺑﮭﯽ ﯾﻘﯿﻦ ﺗﮭﺎ ﮐﮧ ﺟﻮ ﺑﮭﯽ ﮔﻨﺎﮦ ﺍُﺱ ﻧﮯ ﮐﺒﮭﯽ ﺯﻧﺪﮔﯽ ﻣﯿﮟ ﮐﯿﺎ ﮨﻮ ﮔﺎ۔ ﺑﮩﺖ ﺑﮍﺍ ﮨﯽ ﮐﯿﺎ ﮨﻮ ﮔﺎ۔ ﺍﺗﻨﺎ ﺑﮍﺍ ﮐﮧ ﺍﻟﻠﮧ ﺗﻌﺎﻟﯽٰ ﺍُﺳﮯ ﯾﻮﮞ ﺑﺎﺭ ﺑﺎﺭ ” ﺳﺰﺍ ” ﺩﮮ ﺭﮨﺎ ﺗﮭﺎ … ﺳﺰﺍ ﮐﺎ ﻟﻔﻆ ﺑﮭﯽ ﺍُﺱ ﻧﮯ ﺍﺣﺴﻦ ﺳﻌﺪ ﺍﻭﺭ ﺍُﺱ ﮐﮯ ﮔﮭﺮ ﻣﯿﮟ ﮨﯽ ﺳُﻨﺎ ﺍﻭﺭ ﺳﯿﮑﮭﺎ ﺗﮭﺎ … ﺟﮩﺎﮞ ﮔﻨﺎﮦ ﺍﻭﺭ ﺳﺰﺍ ﮐﮯ ﻟﻔﻆ ﮐﺴﯽ ﻭﺭﺩ ﮐﯽ ﻃﺮﺡ ﺩﮨﺮﺍﺋﮯ ﺟﺎﺗﮯ ﺗﮭﮯ … ﻭﺭﻧﮧ ﻋﺎﺋﺸﮧ ﻋﺎﺑﺪﯾﻦ ﻧﮯ ﺗﻮ ﺍﺣﺴﻦ ﺳﻌﺪ ﮐﯽ ﺯﻧﺪﮔﯽ ﻣﯿﮟ ﺷﺎﻣﻞ ﮨﻮﻧﮯ ﺳﮯ ﭘﮩﻠﮯ ﺍﻟﻠﮧ ﮐﻮ ﺧﻮﺩ ﭘﺮ ﺻﺮﻑ ” ﻣﮩﺮﺑﺎﻥ ” ﺩﯾﮑﮭﺎ ﺗﮭﺎ۔
” ﺑﮯ ﺣﯿﺎ ﻋﻮﺭﺕ ”! ﻭﮦ ﮔﺎﻟﯽ ﺍُﺱ ﮐﮯ ﻟﺌﮯ ﺗﮭﯽ۔ ﻋﺎﺋﺸﮧ ﻋﺎﺑﺪﯾﻦ ﮐﻮ ﮔﺎﻟﯽ ﺳُﻦ ﮐﺮ ﺑﮭﯽ ﯾﮧ ﯾﻘﯿﻦ ﻧﮩﯿﮟ ﺁﯾﺎ ﺗﮭﺎ … ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍﯾﮏ ﮔﺎﻟﯽ ﺍﭘﻨﮯ ﻟﺌﮯ ﺳُﻦ ﮐﺮ ﻭﮦ ﮔﻨﮓ ﺭﮦ ﮔﺌﯽ ﺗﮭﯽ … ﮐﺴﯽ ﻣﺠﺴﻤﮯ ﮐﯽ ﻃﺮﺡ … ﮐﮭﮍﯼ ﮐﯽ ﮐﮭﮍﯼ … ﯾﻮﮞ ﺟﯿﺴﮯ ﺍُﺱ ﻧﮯ ﮐﻮﺋﯽ ﺳﺎﻧﭗ ﯾﺎ ﺍﮊﺩﮨﺎ ﺩﯾﮑﮫ ﻟﯿﺎ ﺗﮭﺎ … ﻭﮦ ﻧﺎﺯ ﻭ ﻧﻌﻢ ﻣﯿﮟ ﭘﻠﯽ ﺗﮭﯽ … ﮔﺎﻟﯽ ﺗﻮ ﺍﯾﮏ ﻃﺮﻑ، ﺍُﺱ ﻧﮯ ﮐﺒﮭﯽ ﺍﭘﻨﮯ ﻧﺎﻧﺎ ﻧﺎﻧﯽ ﯾﺎ ﻣﺎﮞ ﺳﮯ ﺍﭘﻨﮯ ﻟﺌﮯ ﮐﻮﺋﯽ ﺳﺨﺖ ﻟﻔﻆ ﺑﮭﯽ ﻧﮩﯿﮟ ﺳُﻨﺎ ﺗﮭﺎ … ﺍﯾﺴﺎ ﻟﻔﻆ ﺟﺲ ﻣﯿﮟ ﻋﺎﺋﺸﮧ ﮐﮯ ﻟﺌﮯ ﺗﻮﮨﯿﻦ ﯾﺎ ﺗﻀﺤﯿﮏ ﮨﻮﺗﯽ ﺍﻭﺭ ﺍﺏ ﺍُﺱ ﻧﮯ ﺍﭘﻨﮯ ﺷﻮﮨﺮ ﺳﮯ ﺍﭘﻨﮯ ﻟﺌﮯ ﺟﻮ ﻟﻔﻆ ﺳُﻨﺎ ﺗﮭﺎ ﺍُﺱ ﻣﯿﮟ ﺗﻮ ﺍﻟﺰﺍﻡ ﺍﻭﺭ ﺗﮩﻤﺖ ﺗﮭﯽ … ﻭﮦ ” ﺑﮯ ﺣﯿﺎ ” ﺗﮭﯽ … ﻋﺎﺋﺸﮧ ﻋﺎﺑﺪﯾﻦ ﻧﮯ ﺍﭘﻨﮯ ﺁﭖ ﮐﻮ ﺑﮩﻼﯾﺎ ﺗﮭﺎ، ﺳﻮ ﺗﺎﻭﯾﻠﯿﮟ ﺩﮮ ﮐﺮ ﮐﮧ ﯾﮧ ﮔﺎﻟﯽ ﺍُﺱ ﮐﮯ ﻟﺌﮯ ﮐﯿﺴﮯ ﮨﻮﺳﮑﺘﯽ ﺗﮭﯽ … ﯾﺎ ﺷﺎﯾﺪ ﺍُﺱ ﻧﮯ ﻏﻠﻂ ﺳُﻨﺎ ﺗﮭﺎ … ﯾﺎ ﭘﮭﺮ ﺍُﻥ ﺍﻟﻔﺎﻅ ﮐﺎ ﻣﻄﻠﺐ ﻭﮦ ﻧﮩﯿﮟ ﺗﮭﺎ ﺟﻮ ﻭﮦ ﺳﻤﺠﮫ ﺭﮨﯽ ﺗﮭﯽ … ﻭﮦ ﺍُﺱ ﮐﯿﻔﯿﺖ ﭘﺮ ﺍﯾﮏ ﮐﺘﺎﺏ ﻟﮑﮫ ﺳﮑﺘﯽ ﺗﮭﯽ ۔ ﺍﻥ ﺗﻮﺟﯿﮩﺎﺕ، ﺍُﻥ ﻭﺿﺎﺣﺘﻮﮞ ﭘﺮ ﺟﻮ ﭘﮩﻠﮯ ﮔﺎﻟﯽ ﺳُﻨﻨﮯ ﮐﮯ ﺑﻌﺪ ﺍﮔﻠﮯ ﮐﺌﯽ ﺩﻥ ﻋﺎﺋﺸﮧ ﻋﺎﺑﺪﯾﻦ ﻧﮯ ﺍﭘﻨﮯ ﺁﭖ ﮐﻮ ﺩﯾﮟ ﺗﮭﯿﮟ … ﺍﭘﻨﯽ ﻋﺰّﺕِ ﻧﻔﺲ ﮐﻮ ﺩﻭﺑﺎﺭﮦ ﺑﺤﺎﻝ ﮐﺮﻧﮯ ﮐﮯ ﻟﺌﮯ … Antibiotics ﮐﮯ ﺍﯾﮏ ﮐﻮﺭﺱ ﮐﯽ ﻃﺮﺡ … ﻟﯿﮑﻦ ﯾﮧ ﺳﺐ ﺻﺮﻑ ﭘﮩﻠﯽ ﮔﺎﻟﯽ ﮐﯽ ﺩﻓﻌﮧ ﮨﻮﺍ ﺗﮭﺎ، ﭘﮭﺮ ﺁﮨﺴﺘﮧ ﺁﮨﺴﺘﮧ ﻋﺎﺋﺸﮧ ﻋﺎﺑﺪﯾﻦ ﻧﮯ ﺳﺎﺭﯼ ﺗﻮﺟﯿﮩﺎﺕ ﺍﻭﺭ ﻭﺿﺎﺣﺘﻮﮞ ﮐﻮ ﺩﻓﻦ ﮐﺮﺩﯾﺎ ﺗﮭﺎ … ﻭﮦ ﺍﺏ ﮔﺎﻟﯿﺎﮞ ﮐﮭﺎﺗﯽ ﺗﮭﯽ ﺍﻭﺭ ﺑﮯ ﺣﺪ ﺧﺎﻣﻮﺷﯽ ﺳﮯ ﮐﮭﺎﺗﯽ ﺗﮭﯽ، ﺍﻭﺭ ﺑﮩﺖ ﺑﮍﯼ ﺑﮍﯼ … ﺍﻭﺭ ﺍُﺳﮯ ﯾﻘﯿﻦ ﺗﮭﺎ ﮐﮧ ﻭﮦ ﯾﮧ ﮔﺎﻟﯿﺎﮞ deserve ﮐﺮﺗﯽ ﺗﮭﯽ ﮐﯿﻮﻧﮑﮧ ﺍﺣﺴﻦ ﺳﻌﺪ ﺍُﺳﮯ ﯾﮧ ﮐﮩﺘﺎ ﺗﮭﺎ … ﭘﮭﺮ ﻭﮦ ﻣﺎﺭﺍ ﮐﮭﺎﻧﺎ ﺑﮭﯽ ﺍﺳﯽ ﺳﮩﻮﻟﺖ ﺳﮯ ﺳﯿﮑﮫ ﮔﺌﯽ ﺗﮭﯽ … ﺍﭘﻨﯽ ﻋﺰّﺕِ ﻧﻔﺲ ﮐﻮ ﺍﯾﮏ ﺍﻭﺭ ﺳﻠﯿﭙﻨﮓ ﮈﻭﺯ ﺩﯾﺘﮯ ﮨﻮﺋﮯ … ﭘﺎﻧﭻ ﺍﻓﺮﺍﺩ ﮐﺎ ﻭﮦ ﮔﮭﺮﺍﻧﮧ ﺍُﺳﮯ ﯾﮧ ﯾﻘﯿﻦ ﺩﻻﻧﮯ ﻣﯿﮟ ﮐﺎﻣﯿﺎﺏ ﮨﻮ ﮔﯿﺎ ﺗﮭﺎ ﮐﮧ ﺍُﺱ ﮐﮯ ﺳﺎﺗﮫ ﺟﻮ ﮐﭽﮫ ﺑﮭﯽ ﮨﻮ ﺭﮨﺎ ﺗﮭﺎ، ﻭﮦ ﺍُﺳﮯ deserve ﮐﺮ ﺭﮨﯽ ﺗﮭﯽ ۔
ﻭﮦ ﻣﻮﻣﻨﯿﻦ ﮐﮯ ﺍﯾﮏ ﺍﯾﺴﮯ ﮔﺮﻭﮦ ﻣﯿﮟ ﭘﮭﻨﺲ ﮔﺌﯽ ﺗﮭﯽ ﺟﻮ ﺯﺑﺎﻥ ﮐﮯ ﭘﺘﮭﺮﻭﮞ ﺳﮯ ﺍُﺳﮯ ﺑﮭﯽ ﻣﻮﻣﻦ ﺑﻨﺎﻧﺎ ﭼﺎﮨﺘﮯ ﺗﮭﮯ ﮐﯿﻮﻧﮑﮧ ﻭﮦ ” ﮔﻨﺎﮦ ﮔﺎﺭ ” ﺗﮭﯽ۔
ﺍﺣﺴﻦ ﺳﻌﺪ ﺍُﺱ ﮐﯽ ﺯﻧﺪﮔﯽ ﻣﯿﮟ ﮐﯿﺴﮯ ﺁﯾﺎ ﺗﮭﺎ ﺍﻭﺭ ﮐﯿﻮﮞ ﺁ ﮔﯿﺎ ﺗﮭﺎ … ﺍﯾﮏ ﻭﻗﺖ ﺗﮭﺎ ﺍُﺳﮯ ﻟﮕﺘﺎ ﺗﮭﺎ ﻭﮦ ﺍُﺱ ﮐﯽ ﺧﻮﺵ ﻗﺴﻤﺘﯽ ﺑﻦ ﮐﺮ ﺍُﺱ ﮐﯽ ﺯﻧﺪﮔﯽ ﻣﯿﮟ ﺁﯾﺎ ﺗﮭﺎ ﺍﻭﺭ ﭘﮭﺮ ﺍﯾﮏ ﻭﮦ ﻭﻗﺖ ﺗﮭﺎ ﺟﺐ ﺍُﺳﮯ ﻭﮦ ﺍﯾﮏ ﮈﺭﺍﺅﻧﺎ ﺧﻮﺍﺏ ﻟﮕﻨﮯ ﻟﮕﺎ ﺗﮭﺎ، ﺟﺲ ﮐﮯ ﺧﺘﻢ ﮨﻮﻧﮯ ﮐﺎ ﺍﻧﺘﻈﺎﺭ ﻭﮦ ﺷﺪّ ﻭ ﻣﺪ ﺳﮯ ﮐﺮﺗﯽ ﺗﮭﯽ … ﺍﻭﺭ ﺍﺏ ﺍﺳﮯ ﻟﮕﺘﺎ ﺗﮭﺎ ﻭﮦ ﻭﮦ ﻋﺬﺍﺏ ﺗﮭﺎ ﺟﻮ ﺍﻟﻠﮧ ﺗﻌﺎﻟﯽٰ ﻧﮯ ﺍُﺳﮯ ﺍُﺱ ﮐﮯ ﮐﺮﺩﮦ، ﻧﺎﮐﺮﺩﮦ ﮔﻨﺎﮨﻮﮞ ﭘﺮ ﺍﺱ ﺩﻧﯿﺎ ﻣﯿﮟ ﮨﯽ ﺩﮮ ﺩﯾﺎ ﺗﮭﺎ۔
ﻭﮦ ﮨﺎﺅﺱ ﺟﺎﺏ ﮐﺮﺭﮨﯽ ﺗﮭﯽ ﺟﺐ ﺍﺣﺴﻦ ﺳﻌﺪ ﮐﺎ ﭘﺮﻭﭘﻮﺯﻝ ﺍُﺱ ﮐﮯ ﻟﺌﮯ ﺁﯾﺎ ﺗﮭﺎ۔ ﻋﺎﺋﺸﮧ ﮐﮯ ﻟﺌﮯ ﯾﮧ ﮐﻮﺋﯽ ﺍﻧﻮﮐﮭﯽ ﺑﺎﺕ ﻧﮩﯿﮟ ﺗﮭﯽ۔ ﺍُﺱ ﮐﮯ ﻟﺌﮯ ﺩﺭﺟﻨﻮﮞ ﭘﺮﻭﭘﻮﺯﻟﺰﭘﮩﻠﮯ ﺑﮭﯽ ﺁﭼﮑﮯ ﺗﮭﮯ ﺍﻭﺭ ﺍﺱ ﮐﮯ ﻧﺎﻧﺎ ﻧﺎﻧﯽ ﮐﮯ ﮨﺎﺗﮭﻮﮞ ﺭﺩ ﺑﮭﯽ ﮨﻮﭼﮑﮯ ﺗﮭﮯ۔ ﺍُﺱ ﮐﺎ ﺧﯿﺎﻝ ﺗﮭﺎ ﮐﮧ ﯾﮧ ﭘﺮﻭﭘﻮﺯﻝ ﺑﮭﯽ ﮐﺴﯽ ﻏﻮﺭ ﮐﮯ ﺑﻐﯿﺮ ﺭﺩ ﮐﺮ ﺩﯾﺎ ﺟﺎﺋﮯ ﮔﺎ ﮐﯿﻮﻧﮑﮧ ﺍُﺱ ﮐﮯ ﻧﺎﻧﺎ، ﻧﺎﻧﯽ ﺍُﺱ ﮐﯽ ﺗﻌﻠﯿﻢ ﻣﮑﻤﻞ ﮨﻮﺋﮯ ﺑﻐﯿﺮ ﺍُﺳﮯ ﮐﺴﯽ ﻗﺴﻢ ﮐﮯ ﺭﺷﺘﮯ ﻣﯿﮟ ﺑﺎﻧﺪﮬﻨﮯ ﭘﺮ ﺗﯿﺎﺭ ﻧﮩﯿﮟ ﺗﮭﮯ۔ ﻣﮕﺮ ﺍﺱ ﺑﺎﺭ ﺍﯾﺴﺎ ﻧﮩﯿﮟ ﮨﻮﺍ ﺗﮭﺎ … ﺍﺣﺴﻦ ﺳﻌﺪ ﮐﮯ ﻭﺍﻟﺪﯾﻦ ﮐﯽ ﻣﯿﭩﮭﯽ ﺯﺑﺎﻥ ﻋﺎﺋﺸﮧ ﻋﺎﺑﺪﯾﻦ ﮐﯽ ﻓﯿﻤﻠﯽ ﭘﺮ ﺍﺛﺮ ﮐﺮﮔﺌﯽ ﺗﮭﯽ، ﺍﻭﺭ ﺍﺱ ﭘﺮ ﺑﮭﯽ۔
” ﮨﻤﯿﮟ ﺻﺮﻑ ﺍﯾﮏ ﻧﯿﮏ ﺍﻭﺭ ﺍﭼﮭﯽ ﺑﭽﯽ ﭼﺎﮨﯿﮯ، ﺍﭘﻨﮯ ﺑﯿﭩﮯ ﮐﮯ ﻟﺌﮯ … ﺑﺎﻗﯽ ﺳﺐ ﮐﭽﮫ ﮨﮯ ﮨﻤﺎﺭﯼ ﭘﺎﺱ، ﮐﺴﯽ ﭼﯿﺰ ﮐﯽ ﮐﻤﯽ ﻧﮩﯿﮟ ﮨﮯ … ﺍﻭﺭ ﺁﭖ ﮐﯽ ﺑﯿﭩﯽ ﮐﯽ ﺍﺗﻨﯽ ﺗﻌﺮﯾﻔﯿﮟ ﺳﻨﯽ ﮨﯿﮟ ﮨﻢ ﻟﻮﮔﻮﮞ ﻧﮯ ﮐﮧ ﺑﺲ ﮨﻢ ﺁﭖ ﮐﮯ ﮨﺎﮞﺠﮭﻮﻟﯽ ﭘﮭﯿﻼ ﮐﺮ ﺁﺋﮯ ﺑﻐﯿﺮ ﻧﮩﯿﮟ ﺭﮦ ﺳﮑﮯ ” ﺍﺣﺴﻦ ﮐﮯ ﺑﺎﭖ ﻧﮯ ﺍُﺱ ﮐﮯ ﻧﺎﻧﺎ ﺳﮯ ﮐﮩﺎ ﺗﮭﺎ۔ ﻋﺎﺋﺸﮧ ﻋﺎﺑﺪﯾﻦ ﺟﻮ ﺟﺐ ﭘﺘﮧ ﭼﻼ ﺗﮭﺎ ﮐﮧ ﺍُﺱ ﮐﯽ ﺍﯾﮏ ﻧﻨﺪ ﺍُﺱ ﮐﮯ ﺳﺎﺗﮫ ﻣﯿﮉﯾﮑﻞ ﮐﺎﻟﺞ ﻣﯿﮟ ﮨﯽ ﭘﮍﮬﺘﯽ ﺗﮭﯽ … ﺍُﻥ ﺩﻭﻧﻮﮞ ﮐﺎ ﺁﭘﺲ ﻣﯿﮟ ﺑﮩﺖ ﺭﺳﻤﯽ ﺳﺎ ﺗﻌﺎﺭﻑ ﺗﮭﺎ … ﻣﮕﺮ ﺍُﺳﮯ ﺣﯿﺮﺕ ﮨﻮﺋﯽ ﺗﮭﯽ ﮐﮧ ﺍُﺱ ﺭﺳﻤﯽ ﺗﻌﺎﺭﻑ ﭘﺮ ﺑﮭﯽ ﺍُﺱ ﮐﯽ ﺍﺗﻨﯽ ﺗﻌﺮﯾﻔﯿﮟ ﻭﮦ ﻟﮍﮐﯽ ﺍﭘﻨﯽ ﻓﯿﻤﻠﯽ ﻣﯿﮟ ﮐﺮﺳﮑﺘﯽ ﺗﮭﯽ ﺟﻮ ﮐﺎﻟﺞ ﻣﯿﮟ ﺑﺎﻟﮑﻞ ﺧﺎﻣﻮﺵ ﺍﻭﺭ ﻟﺌﮯ ﺩﯾﮯ ﺭﮨﺘﯽ ﺗﮭﯽ … ﻋﺎﺋﺸﮧ ﻋﺎﺑﺪﯾﻦ ﮐﮯ ﻟﺌﮯ ﮐﺴﯽ ﮐﯽ ﺯﺑﺎﻥ ﺳﮯ ﺍﭘﻨﯽ ﺗﻌﺮﯾﻔﯿﮟ ﺳُﻨﻨﺎ ﮐﻮﺋﯽ ﺍﭼﮭﻨﺒﮯ ﮐﯽ ﺑﺎﺕ ﻧﮩﯿﮟ ﺗﮭﯽ، ﻭﮦ ﮐﺎﻟﺞ ﮐﮯ ﺳﺐ ﺳﮯ ﻧﻤﺎﯾﺎﮞ ﺳﭩﻮﮈﻧﭩﺲ ﻣﯿﮟ ﺳﮯ ﺍﯾﮏ ﺗﮭﯽ، ﺍﻭﺭ ﻭﮦ ﮨﺮ ﻃﺮﺡ ﺳﮯ ﻧﻤﺎﯾﺎﮞ ﺗﮭﯽ، academic ﻗﺎﺑﻠﯿﺖ ﻣﯿﮟ، ﻧﺼﺎﺑﯽ ﺍﻭﺭ ﻏﯿﺮ ﻧﺼﺎﺑﯽ ﺳﺮﮔﺮﻣﯿﻮﮞ ﻣﯿﮟ ﺍﻭﺭ ﭘﮭﺮ ﺍﭘﻨﯽ personality ﮐﯽ ﻭﺟﮧ ﺳﮯ ﺑﮭﯽ … ﻭﮦ ﺍﭘﻨﮯ batch ﮐﯽ ﻧﮧ ﺻﺮﻑ ﺣﺴﯿﻦ ﺑﻠﮑﮧ ﺑﮯ ﺣﺪ ﺳﭩﺎﺋﻠﺶ ﻟﮍﮐﯿﻮﮞ ﻣﯿﮟ ﮔﺮﺩﺍﻧﯽ ﺟﺎﺗﯽ ﺗﮭﯽ … ﺑﮯ ﺣﺪ practicing ﻣﺴﻠﻤﺎﻥ ﮨﻮﺗﮯ ﮨﻮﺋﮯ ﺑﮭﯽ ﺍﻭﺭ ﻣﮑﻤﻞ ﻃﻮﺭ ﭘﺮ ﺣﺠﺎﺏ ﺍﻭﮌﮬﮯ ﮨﻮﺋﮯ ﺑﮭﯽ … ﺣﺠﺎﺏ ﻋﺎﺋﺸﮧ ﻋﺎﺑﺪﯾﻦ ﭘﺮ ﺳﺠﺘﺎ ﺗﮭﺎ … ﯾﮧ ﺍُﺱ ﮐﮯ charisma ﮐﻮ ﺑﮍﮬﺎﻧﮯ ﮐﯽ ﭼﯿﺰ ﺗﮭﯽ ﺍﻭﺭ ﯾﮧ ﺭﺍﺋﮯ ﺍُﺱ ﮐﮯ ﺑﺎﺭﮮ ﻣﯿﮟ ﻟﮍﮐﮯ ﺍﻭﺭ ﻟﮍﮐﯿﻮﮞ ﮐﯽ ﻣﺘﻔﻘﮧ ﺭﺍﺋﮯ ﺗﮭﯽ … ﺍﻭﺭ ﺍﺏ ﺍُﺱ ﻟﮍﮐﯽ ﮐﮯ ﻟﺌﮯ ﺍﺣﺴﻦ ﺳﻌﺪ ﮐﺎ ﭘﺮﻭﭘﻮﺯﻝ ﺁﯾﺎ ﺗﮭﺎ، ﺟﺲ ﮐﯽ ﻓﯿﻤﻠﯽ ﮐﻮ ﺍُﺱ ﮐﮯ ﻧﺎﻧﺎ ﻧﺎﻧﯽ ﻧﮯ ﭘﮩﻠﯽ ﻣﻼﻗﺎﺕ ﻣﯿﮟ ﮨﯽ Ok ﮐﺮ ﺩﯾﺎ ﺗﮭﺎ۔ ﭘﺘﮧ ﻧﮩﯿﮟ ﮐﻮﻥ ” ﺳﺎﺩﮦ ” ﺗﮭﺎ … ﺍُﺱ ﮐﮯ ﻧﺎﻧﺎ، ﻧﺎﻧﯽ ﺟﻨﮩﯿﮟ ﺍﺣﺴﻦ ﮐﮯ ﻣﺎﮞ ﺑﺎﭖ ﺑﮩﺖ ﺷﺮﯾﻒ ﺍﻭﺭ ﺳﺎﺩﮦ ﻟﮕﮯ ﺗﮭﮯ ﯾﺎ ﭘﮭﺮ ﻭﮦ ﺧﻮﺩ ﮐﮧ ﺍﻧﮩﻮﮞ ﻧﮯ ﺍُﺱ ﺧﺎﻧﺪﺍﻥ ﮐﮯ ﺑﺎﺭﮮ ﻣﯿﮟ ﻟﻤﺒﯽ ﭼﻮﮌﯼ ﺗﺤﻘﯿﻖ ﺻﺮﻑ ﺍﺱ ﻟﺌﮯ ﻧﮩﯿﮟ ﮐﺮﻭﺍﺋﯽ ﮐﯿﻮﻧﮑﮧ ﺍﻧﮩﻮﮞ ﻧﮯ ﺍﺣﺴﻦ ﺳﻌﺪ ﮐﮯ ﻣﺎﮞ ﺑﺎﭖ ﮐﯽ ﺩﯾﻨﺪﺍﺭﯼ ﮐﺎ ﭘﺎﺱ ﮐﯿﺎ ﺗﮭﺎ۔ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﺍﻧﮩﻮﮞ ﻧﮯ ﺷﺎﺩﯼ ﺳﮯ ﭘﮩﻠﮯ ﺍﺣﺴﻦ ﺳﻌﺪ ﺍﻭﺭ ﻋﺎﺋﺸﮧ ﮐﯽ ﺍﯾﮏ ﻣﻼﻗﺎﺕ ﮐﺮﻭﺍﻧﺎ ﺿﺮﻭﺭﯼ ﺳﻤﺠﮭﺎﺗﮭﺎ … ﺍﺣﺴﻦ ﺳﻌﺪ ﺍُﺱ ﻭﻗﺖ ﺍﻣﺮﯾﮑﮧ ﻣﯿﮟ ﺭﯾﺬﯾﮉﻧﺴﯽ ﮐﺮﺭﮨﺎ ﺗﮭﺎ ﺍﻭﺭ ﭼﮭﭩﯿﻮﮞ ﻣﯿﮟ ﭘﺎﮐﺴﺘﺎﻥ ﺁﯾﺎ ﮨﻮﺍ ﺗﮭﺎ۔
ﺍﺣﺴﻦ ﺳﻌﺪ ﺳﮯ ﭘﮩﻠﯽ ﻣﻼﻗﺎﺕ ﻣﯿﮟ ﻋﺎﺋﺸﮧ ﮐﻮ ﺍﯾﮏ ﻟﻤﺒﮯ ﻋﺮﺻﮧ ﮐﮯ ﺑﻌﺪ ﺟﺒﺮﯾﻞ ﯾﺎﺩ ﺁﯾﺎ ﺗﮭﺎ … ﺍُﺳﮯ ﻭﮦ ﺟﺒﺮﯾﻞ ﮐﯽ ﻃﺮﺡ ﮐﯿﻮﮞ ﻟﮕﺎ ﺗﮭﺎ، ﻋﺎﺋﺸﮧ ﮐﻮ ﺍﺱ ﺳﻮﺍﻝ ﮐﺎ ﺟﻮﺍﺏ ﮐﺒﮭﯽ ﻧﮩﯿﮟ ﻣﻼ۔ ﻭﮦ ﺷﮑﻞ ﻭ ﺻﻮﺭﺕ ﻣﯿﮟ ﺻﺮﻑ ﻣﻨﺎﺳﺐ ﺗﮭﺎ، ﺗﻌﻠﯿﻤﯽ ﻗﺎﺑﻠﯿﺖ ﻣﯿﮟ ﺑﮯ ﺣﺪ ﺍﭼﮭﺎ … ﺍﻭﺭ ﺑﺎﺕ ﭼﯿﺖ ﻣﯿﮟ ﺑﮯ ﺣﺪ ﻣﺤﺘﺎﻁ … ﺍُﺱ ﮐﺎ ﭘﺴﻨﺪﯾﺪﮦ ﻣﻮﺿﻮﻉ ﺻﺮﻑ ﺍﯾﮏ ﺗﮭﺎ ﻣﺬﮨﺐ، ﺟﺲ ﭘﺮ ﻭﮦ ﮔﮭﻨﭩﻮﮞ ﺑﺎﺕ ﮐﺮﺳﮑﺘﺎ ﺗﮭﺎ ﺍﻭﺭ ﺍُﺱ ﮐﮯ ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﮐﮯ ﺩﺭﻣﯿﺎﻥ connecting factor ﯾﮩﯽ ﺗﮭﺎ … ﭘﮩﻠﯽ ﮨﯽ ﻣﻼﻗﺎﺕ ﻣﯿﮟ ﻭﮦ ﺩﻭﻧﻮﮞ ﻣﺬﮨﺐ ﮐﯽ ﺑﺎﺕ ﮐﺮﻧﮯ ﻟﮕﮯ ﺗﮭﮯ ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﺍُﺱ ﮐﮯ awe ﻣﯿﮟ ﺁﺋﯽ ﺗﮭﯽ۔ ﻭﮦ ﺣﺎﻓﻆِ ﻗﺮﺁﻥ ﺗﮭﺎ ﺍﻭﺭ ﻭﮦ ﺍُﺳﮯ ﺑﺘﺎﺭﮨﺎ ﺗﮭﺎ ﮐﮧ ﺍُﺱ ﮐﯽ ﺯﻧﺪﮔﯽ ﻣﯿﮟ ﮐﺒﮭﯽ ﮐﺴﯽ ﻟﮍﮐﯽ ﮐﮯ ﺳﺎﺗﮫ ﺩﻭﺳﺘﯽ ﻧﮩﯿﮟ ﺭﮨﯽ، ﻭﮦ ﻋﺎﻡ ﻟﮍﮐﻮﮞ ﮐﯽ ﻃﺮﺡ ﮐﺴﯽ ﺍُﻟﭩﯽ ﺳﯿﺪﮬﯽ ﺣﺮﮐﺘﻮﮞ ﻣﯿﮟ ﻧﮩﯿﮟ ﭘﮍﺍ … ﻭﮦ ﻣﺬﮨﺐ ﮐﮯ ﺑﺎﺭﮮ ﻣﯿﮟ ﺟﺎﻣﻊ ﻣﻌﻠﻮﻣﺎﺕ ﺭﮐﮭﺘﺎ ﺗﮭﺎ … ﺍﻭﺭ ﻭﮦ ﻣﻌﻠﻮﻣﺎﺕ ﻋﺎﺋﺸﮧ ﺳﮯ ﺑﮯ ﺣﺪ ﺯﯾﺎﺩﮦ ﺗﮭﯿﮟ ﻟﯿﮑﻦ ﻭﮦ ﺍﯾﮏ ﺳﺎﺩﮦ ﺯﻧﺪﮔﯽ ﮔﺰﺍﺭﻧﺎ ﭼﺎﮨﺘﺎ ﺗﮭﺎ ﺍﻭﺭ ﻋﺎﺋﺸﮧ ﺑﮭﯽ ﯾﮩﯽ ﭼﺎﮨﺘﯽ ﺗﮭﯽ … ﺍﯾﮏ ﻋﻤﻠﯽ ﻣﺴﻠﻤﺎﻥ ﮔﮭﺮﺍﻧﮯ ﮐﮯ ﺧﻮﺍﺏ ﺩﯾﮑﮭﺘﮯ ﮨﻮﺋﮯ … ﻭﮦ ﺍﺣﺴﻦ ﺳﻌﺪ ﺳﮯ ﻣﺘﺎﺛﺮ ﮨﻮﺋﯽ ﺗﮭﯽ ﺍﻭﺭ ﺍُﺱ ﮐﺎ ﺧﯿﺎ ﻝ ﺗﮭﺎ ﻭﮦ ﺍﭘﻨﯽ ﻋﻤﺮ ﮐﮯ ﺩﻭﺳﺮﮮ ﻟﮍﮐﻮﮞ ﺳﮯ ﺑﮯ ﺣﺪ mature ﺍﻭﺭ ﻣﺨﺘﻠﻒ ﺗﮭﺎ … ﻭﮦ ﺍﮔﺮ ﮐﺒﮭﯽ ﺷﺎﺩﯼ ﮐﺮﻧﮯ ﮐﺎ ﺳﻮﭼﺘﯽ ﺗﮭﯽ ﺗﻮ ﺍﯾﺴﮯ ﮨﯽ ﺁﺩﻣﯽ ﺳﮯ ﺷﺎﺩﯼ ﮐﺮﻧﮯ ﮐﺎ ﺳﻮﭼﺘﯽ ﺗﮭﯽ … ﺍﺣﺴﻦ ﺳﻌﺪ ﭘﮩﻠﯽ ﻣﻼﻗﺎﺕ ﻣﯿﮟ ﺍُﺳﮯ ﻣﺘﺎﺛﺮ ﮐﺮﻧﮯ ﻣﯿﮟ ﮐﺎﻣﯿﺎﺏ ﺭﮨﺎ … ﺍُﺱ ﮐﯽ ﻓﯿﻤﻠﯽ ﺍُﺱ ﮐﮯ ﮔﮭﺮ ﻭﺍﻟﻮﮞ ﺳﮯ ﭘﮩﻠﮯ ﮨﯽ ﻣﺘﺎﺛﺮ ﺗﮭﯽ … ﯾﮧ ﺻﺮﻑ ﻧﻮﺭﯾﻦ ﺍﻟﮩﯽٰ ﺗﮭﯽ ﺟﺲ ﻧﮯ ﺍﺣﺴﻦ ﮐﯽ ﻓﯿﻤﻠﯽ ﭘﺮ ﮐﭽﮫ ﺍﻋﺘﺮﺍﺿﺎﺕ ﮐﺌﮯ ﺗﮭﮯ۔ ﺍُﺳﮯ ﻭﮦ ﺑﮯ ﺣﺪ ” ﮐﭩّﺮ ” ﻟﮕﮯ ﺗﮭﮯ ﺍﻭﺭ ﺍُﺱ ﮐﯽ ﺍﺱ ﺭﺍﺋﮯ ﮐﻮ ﺍُﺱ ﮐﮯ ﺍﭘﻨﮯ ﻣﺎﮞ ﺑﺎﭖ ﻧﮯ ﯾﮧ ﮐﮩﺘﮯ ﮨﻮﺋﮯ ﺭﺩ ﮐﺮﺩﯾﺎ ﺗﮭﺎ ﮐﮧ ﻭﮦ ﺧﻮﺩ ﺿﺮﻭﺭﺕ ﺳﮯ ﺯﯾﺎﺩﮦ ﻟﺒﺮﻝ ﺗﮭﯽ ﺍﺱ ﻟﺌﮯ ﻭﮦ ﺍُﻧﮩﯿﮟ ﺍﺱ ﻧﻈﺮ ﺳﮯ ﺩﯾﮑﮫ ﺭﮨﯽ ﺗﮭﯽ۔ ﻧﻮﺭﯾﻦ ﺷﺎﯾﺪ ﮐﭽﮫ ﺍﻭﺭ ﺑﺤﺚ ﻭ ﻣﺒﺎﺣﺜﮧ ﮐﺮﺗﯽ ﺍﮔﺮ ﺍُﺳﮯ ﯾﮧ ﻧﮧ ﻣﺤﺴﻮﺱ ﮨﻮﺟﺎﺗﺎ ﮐﮧ ﻋﺎﺋﺸﮧ ﻋﺎﺑﺪﯾﻦ ﺑﮭﯽ ﻭﮨﯽ ﭼﺎﮨﺘﯽ ﺗﮭﯽ ﺟﻮ ﺍُﺱ ﮐﮯ ﻣﺎﮞ ﺑﺎﭖ ﭼﺎﮨﺘﮯ ﺗﮭﮯ۔ ﻧﻮﺭﯾﻦ ﺍﻟﮩﯽٰ ﻧﮯ ﺍﭘﻨﮯ ﺫﮨﻦ ﻣﯿﮟ ﺍﺑﮭﺮﻧﮯ ﻭﺍﻟﮯ ﺗﻤﺎﻡ ﺧﺪﺷﺎﺕ ﮐﻮ ﯾﮧ ﮐﮩﮧ ﮐﺮ ﺳُﻼ ﺩﯾﺎ ﺗﮭﺎ ﮐﮧ ﻋﺎﺋﺸﮧ ﮐﻮ ﺍﺣﺴﻦ ﮐﮯ ﻭﺍﻟﺪﯾﻦ ﮐﮯ ﭘﺎﺱ ﻧﮩﯿﮟ ﺭﮨﻨﺎ ﺗﮭﺎ … ﺍﻣﺮﯾﮑﮧ ﺍﺣﺴﻦ ﮐﮯ ﺳﺎﺗﮫ ﺭﮨﻨﺎ ﺗﮭﺎ ﺍﻭﺭ ﺍﻣﺮﯾﮑﮧ ﮐﺎ ﻣﺎﺣﻮﻝ ﺑﮍﮮ ﺑﮍﻭﮞ ﮐﻮ moderate ﮐﺮ ﺩﯾﺘﺎ ﺗﮭﺎ۔
ﺷﺎﺩﯼ ﺑﮩﺖ ﺟﻠﺪﯼ ﮨﻮﺋﯽ ﺗﮭﯽ ﺍﻭﺭ ﺑﮯ ﺣﺪ ﺳﺎﺩﮔﯽ ﺳﮯ … ﯾﮧ ﺍﺣﺴﻦ ﺳﻌﺪ ﮐﮯ ﻭﺍﻟﺪﯾﻦ ﮐﺎ ﻣﻄﺎﻟﺒﮧ ﺗﮭﺎ ﺍﻭﺭ ﻋﺎﺋﺸﮧ ﺍﻭﺭ ﺍُﺱ ﮐﮯ ﻧﺎﻧﺎ، ﻧﺎﻧﯽ ﺍُﺱ ﭘﺮ ﺑﮯ ﺣﺪ ﺧﻮﺵ ﺗﮭﮯ … ﻋﺎﺋﺸﮧ ﺍﯾﺴﯽ ﮨﯽ ﺷﺎﺩﯼ ﭼﺎﮨﺘﯽ ﺗﮭﯽ ﺍﻭﺭ ﯾﮧ ﺍُﺳﮯ ﺍﭘﻨﯽ ﺧﻮﺵ ﻗﺴﻤﺘﯽ ﻟﮕﯽ ﺗﮭﯽ ﮐﮧ ﺍُﺳﮯ ﺍﯾﺴﯽ ﺳﻮﭺ ﺭﮐﮭﻨﮯ ﻭﺍﻻ ﺳﺴﺮﺍﻝ ﻣﻞ ﮔﯿﺎ ﺗﮭﺎ۔ ﺍﺣﺴﻦ ﺳﻌﺪ ﮐﯽ ﻓﯿﻤﻠﯽ ﮐﯽ ﻃﺮﻑ ﺳﮯ ﺟﮩﯿﺰ ﮐﮯ ﺣﻮﺍﻟﮯ ﺳﮯ ﮐﻮﺋﯽ ﻣﻄﺎﻟﺒﮧ ﻧﮩﯿﮟ ﺁﯾﺎ ﺗﮭﺎ ﺑﻠﮑﮧ ﺍﻧﮩﻮﮞ ﻧﮯ ﺳﺨﺘﯽ ﺳﮯ ﻋﺎﺋﺸﮧ ﮐﮯ ﻧﺎﻧﺎ ﻧﺎﻧﯽ ﮐﻮ ﺍُﻥ ﺭﻭﺍﯾﺘﯽ ﺗﮑﻠﻔﺎﺕ ﺳﮯ ﻣﻨﻊ ﮐﯿﺎ ﺗﮭﺎ۔ ﻣﮕﺮ ﯾﮧ ﻋﺎﺋﺸﮧ ﮐﯽ ﻓﯿﻤﻠﯽ ﮐﮯ ﻟﺌﮯ ﺍﺱ ﻟﺌﮯ ﻣﻤﮑﻦ ﻧﮩﯿﮟ ﺗﮭﺎ ﮐﯿﻮﻧﮑﮧ ﻋﺎﺋﺸﮧ ﮐﮯ ﻟﺌﮯ ﺍُﺱ ﮐﮯ ﻧﺎﻧﺎ ﻧﺎﻧﯽ ﺑﮩﺖ ﮐﭽﮫ ﺧﺮﯾﺪﺗﮯ ﺭﮨﺘﮯ ﺗﮭﮯ ﺍﻭﺭ ﺟﺲ ﮐﻼﺱ ﺳﮯ ﻭﮦ ﺗﻌﻠﻖ ﺭﮐﮭﺘﯽ ﺗﮭﯽ ، ﻭﮨﺎﮞ ﺟﮩﯿﺰ ﺳﮯ ﺯﯾﺎﺩﮦ ﻣﺎﻟﯿﺖ ﮐﮯ ﺗﺤﺎﺋﻒ ﺩﻟﮩﻦ ﮐﮯ ﺧﺎﻧﺪﺍﻥ ﮐﯽ ﻃﺮﻑ ﺳﮯ ﻣﻮﺻﻮﻝ ﮨﻮﺟﺎﺗﮯ ﺗﮭﮯ ﺍﻭﺭ ﻋﺎﺋﺸﮧ ﮐﯽ ﺷﺎﺩﯼ ﮐﯽ ﺗﻘﺮﯾﺐ ﻣﯿﮟ ﺑﮭﯽ ﺍﯾﺴﺎ ﮨﯽ ﮨﻮﺍ ﺗﮭﺎ۔ ﺑﮩﺖ ﺳﺎﺩﮔﯽ ﺳﮯ ﮐﯽ ﺟﺎﻧﮯ ﻭﺍﻟﯽ ﺗﻘﺮﯾﺐ ﺑﮭﯽ ﺷﮩﺮ ﮐﮯ ﺍﯾﮏ ﺑﮩﺘﺮﯾﻦ ﮨﻮﭨﻞ ﻣﯿﮟ ﻣﻨﻌﻘﺪ ﮨﻮﺋﯽ ﺗﮭﯽ، ﺍﺣﺴﻦ ﺳﻌﺪ ﺍﻭﺭ ﺍُﺱ ﮐﮯ ﺧﺎﻧﺪﺍﻥ ﮐﻮ ﻋﺎﺋﺸﮧ ﺍﻭﺭ ﺍُﺱ ﮐﯽ ﻓﯿﻤﻠﯽ ﮐﯽ ﻃﺮﻑ ﺳﮯ ﺩﯾﮯ ﺟﺎﻧﮯ ﻭﺍﻟﮯ ﺗﺤﺎﺋﻒ ﮐﯽ ﻣﺎﻟﯿﺖ ﺑﮯ ﺷﮏ ﻻﮐﮭﻮﮞ ﻣﯿﮟ ﺗﮭﯽ ﻣﮕﺮ ﺍﺱ ﮐﮯ ﺑﺮﻋﮑﺲ ﺷﺎﺩﯼ ﭘﺮ ﺩﯾﮯ ﺟﺎﻧﮯ ﻭﺍﻟﮯ ﻋﺎﺋﺸﮧ ﮐﮯ ﻣﻠﺒﻮﺳﺎﺕ ﺍﻭﺭ ﺯﯾﻮﺭﺍﺕ ﺍﺣﺴﻦ ﺳﻌﺪ ﮐﮯ ﺧﺎﻧﺪﺍﻧﯽ ﺭﮐﮫ ﺭﮐﮭﺎﺅ ﺍﻭﺭ ﻣﺎﻟﯽ ﺣﯿﺜﯿﺖ ﺳﮯ ﻣﻄﺎﺑﻘﺖ ﻧﮩﯿﮟ ﺭﮐﮭﺘﮯ ﺗﮭﮯ … ﻭﮦ ﺻﺮﻑ ﻣﻨﺎﺳﺐ ﺗﮭﮯ … ﻋﺎﺋﺸﮧ ﮐﯽ ﻓﯿﻤﻠﯽ ﮐﺎ ﺩﻝ ﺑﺮﺍ ﮨﻮﺍ ﺗﮭﺎ ﻟﯿﮑﻦ ﻋﺎﺋﺸﮧ ﻧﮯ ﺍُﻧﮩﯿﮟ ﺳﻤﺠﮭﺎﯾﺎ ﺗﮭﺎ ﺍُﺱ ﮐﺎ ﺧﯿﺎﻝ ﺗﮭﺎ، ﻭﮦ ” ﺳﺎﺩﮔﯽ ” ﺳﮯ ﺷﺎﺩﯼ ﮐﺮﻧﺎ ﭼﺎﮨﺘﮯ ﺗﮭﮯ ﺍﻭﺭ ﺍﮔﺮ ﺍﻧﮩﻮﮞ ﻧﮯ ﺯﯾﻮﺭﺍﺕ ﺍﻭﺭ ﺷﺎﺩﯼ ﮐﮯ ﻣﻠﺒﻮﺳﺎﺕ ﭘﺮ ﺑﮭﯽ ﺑﮩﺖ ﺯﯾﺎﺩﮦ ﭘﯿﺴﮧ ﺧﺮﭺ ﻧﮩﯿﮟ ﮐﯿﺎ ﺗﻮ ﺑﮭﯽ ﯾﮧ ﻧﺎﺧﻮﺵ ﮨﻮﻧﮯ ﻭﺍﻟﯽ ﺑﺎﺕ ﻧﮩﯿﮟ ﺗﮭﯽ، ﮐﻢ ﺍﺯ ﮐﻢ ﺍُﺱ ﮐﺎ ﺩﻝ ﺻﺮﻑ ﺍﻥ ﭼﮭﻮﭨﯽ ﻣﻮﭨﯽ ﺑﺎﺗﻮﮞ ﮐﯽ ﻭﺟﮧ ﺳﮯ ﮐﮭﭩّﺎ ﻧﮩﯿﮟ ﮨﻮﺍ ﺗﮭﺎ۔
ﺍُﺱ ﮐﺎ ﺩﻝ ﺷﺎﺩﯼ ﮐﯽ ﺭﺍﺕ ﺍُﺱ ﻭﻗﺖ ﺑﮭﯽ ﮐﮭﭩّﺎ ﻧﮩﯿﮟ ﮨﻮﺍ ﺗﮭﺎ، ﺟﺐ ﮐﻤﺮﮮ ﻣﯿﮟ ﺁﻧﮯ ﮐﮯ ﺑﻌﺪ ﺍُﺱ ﮐﮯ ﻗﺮﯾﺐ ﺑﯿﭩﮫ ﮐﺮ ﭘﮩﻼ ﺟﻤﻠﮧ ﺍﺣﺴﻦ ﺳﻌﺪ ﻧﮯ ﺍﭘﻨﯽ ﻧﺌﯽ ﻧﻮﯾﻠﯽ ﺩﻟﮩﻦ ﺍﻭﺭ ﺍُﺱ ﮐﮯ ﺣﺴﻦ ﭘﺮ ﻧﮩﯿﮟ ﮐﮩﺎ ﺗﮭﺎ ﺑﻠﮑﮧ ﺍُﺱ ﮐﯽ ﻣﺎﮞ ﮐﮯ ﺣﻮﺍﻟﮯ ﺳﮯ ﮐﮩﺎ ﺗﮭﺎ۔
” ﺗﻤﮩﺎﺭﯼ ﻣﺎﮞ ﮐﻮ ﺷﺮﻡ ﻧﮩﯿﮟ ﺁﺗﯽ … ﺍﺱ ﻋﻤﺮ ﻣﯿﮟ ﻓﺎﺣﺸﺎﺅﮞ ﮐﯽ ﻃﺮﺡ sleeveless ﻟﺒﺎﺱ ﭘﮩﻦ ﮐﺮ ﻣﺮﺩﻭﮞ ﮐﮯ ﺳﺎﺗﮫ ﭨﮭﭩﮭﮯ ﻟﮕﺎﺗﯽ ﭘﮭﺮ ﺭﮨﯽ ﮨﮯ … ﺍﻭﺭ ﺍُﺳﯽ ﻃﺮﺡ ﺗﻤﮩﺎﺭﯼ ﺑﮩﻨﯿﮟ ﺍﻭﺭ ﺗﻤﮩﺎﺭﮮ ﺧﺎﻧﺪﺍﻥ ﮐﯽ ﺳﺎﺭﯼ ﻋﻮﺭﺗﯿﮟ ﭘﺘﮧ ﻧﮩﯿﮟ ﺁﺝ ﮐﯿﺎ ﭘﮩﻦ ﮐﺮ ﺷﺎﺩﯼ ﻣﯿﮟ ﺷﺮﮐﺖ ﮐﺮﻧﮯ ﭘﮩﻨﭽﯽ ﮨﻮﺋﯽ ﺗﮭﯿﮟ۔ ” ﻋﺎﺋﺸﮧ ﮐﺎ ﺍﻧﺪﺭ ﮐﺎ ﺳﺎﻧﺲ ﺍﻧﺪﺭ ﺍﻭﺭ ﺑﺎﮨﺮ ﮐﺎ ﺑﺎﮨﺮ ﺭﮦ ﮔﯿﺎ ﺗﮭﺎ، ﺟﻮ ﺍُﺱ ﻧﮯ ﺍﭘﻨﮯ ﮐﺎﻧﻮﮞ ﺳﮯ ﺳُﻨﺎ ﺗﮭﺎ، ﺍُﺳﮯ ﺍُﺱ ﭘﺮ ﯾﻘﯿﻦ ﻧﮩﯿﮟ ﺁﯾﺎ ﺗﮭﺎ ، ﺍﺣﺴﻦ ﮐﺎ ﯾﮧ ﻟﺐ ﻭﻟﮩﺠﮧ ﺍﺗﻨﺎ ﻧﯿﺎ ﺍﻭﺭ ﺍﺟﻨﺒﯽ ﺗﮭﺎ ﮐﮧ ﺍُﺳﮯ ﯾﻘﯿﻦ ﺁ ﺑﮭﯽ ﻧﮩﯿﮟ ﺳﮑﺘﺎ ﺗﮭﺎ، ﺍُﻥ ﮐﮯ ﺩﺭﻣﯿﺎﻥ ﻧﺴﺒﺖ ﻃﮯ ﮨﻮﻧﮯ ﮐﮯ ﺑﻌﺪ ﻭﻗﺘﺎً ﻓﻮﻗﺘﺎً ﺑﺎﺕ ﭼﯿﺖ ﮨﻮﺗﯽ ﺭﮨﯽ ﺗﮭﯽ ﺍﻭﺭ ﻭﮦ ﮨﻤﯿﺸﮧ ﺑﮍﮮ ﺧﻮﺷﮕﻮﺍﺭ ﺍﻧﺪﺍﺯ ﺍﻭﺭ ﺩﮬﯿﻤﮯ ﻟﺐ ﻭ ﻟﮩﺠﮧ ﻣﯿﮟ ﺑﮍﯼ ﺷﺎﺋﺴﺘﮕﯽ ﺍﻭﺭ ﺗﻤﯿﺰ ﮐﮯ ﺳﺎﺗﮫ ﺑﺎﺕ ﮐﺮﺗﺎ ﺗﮭﺎ، ﺍﺗﻨﺎ ﺍﮐﮭﮍ ﻟﮩﺠﮧ ﺍُﺱ ﻧﮯ ﭘﮩﻠﯽ ﺑﺎﺭ ﺳُﻨﺎ ﺗﮭﺎ ﺍﻭﺭ ﺟﻮ ﻟﻔﻆ ﻭﮦ ﺍُﺱ ﮐﯽ ﻣﺎﮞ ﺍﻭﺭ ﺧﺎﻧﺪﺍﻥ ﮐﯽ ﻋﻮﺭﺗﻮﮞ ﮐﮯ ﻟﺌﮯ ﺍﺳﺘﻌﻤﺎﻝ ﮐﺮ ﺭﮨﺎ ﺗﮭﺎ، ﻭﮦ ﻋﺎﺋﺸﮧ ﻋﺎﺑﺪﯾﻦ ﮐﮯ ﻟﺌﮯ ﻧﺎﻗﺎﺑﻞِ ﯾﻘﯿﻦ ﺗﮭﮯ۔
” ﺗﻤﮩﺎﺭﯼ ﻣﺎﮞ ﮐﻮ ﮐﯿﺎ ﺁﺧﺮﺕ ﮐﺎ ﺧﻮﻑ ﻧﮩﯿﮟ ﮨﮯ؟ ﻣﺴﻠﻤﺎﻥ ﮔﮭﺮﺍﻧﮯ ﮐﯽ ﻋﻮﺭﺕ ﺍﯾﺴﯽ ﮨﻮﺗﯽ ﮨﮯ؟ ﺍﻭﺭ ﭘﮭﺮ ﺑﯿﻮﮦ ﮨﮯ ﻭﮦ۔ ” ﻋﺎﺋﺸﮧ ﺁﻧﮑﮭﯿﮟ ﭘﮭﺎﮌﮮ ﺍُﺱ ﮐﺎ ﭼﮩﺮﮦ ﺩﯾﮑﮫ ﺭﮨﯽ ﺗﮭﯽ، ﻭﮦ ﺍُﺳﮯ ﯾﮧ ﺳﺐ ﮐﯿﻮﮞ ﺳُﻨﺎ ﺭﮨﺎ ﺗﮭﺎ؟ ﺍُﺱ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﺭﮨﺎ ﺗﮭﺎ۔ ﻭﮦ ﺍﯾﮏ ﺩﻥ ﮐﯽ ﺩﻟﮩﻦ ﺗﮭﯽ ﺍﻭﺭ ﯾﮧ ﻭﮦ ﻟﻔﻆ ﻧﮩﯿﮟ ﺗﮭﮯ ﺟﻮ ﻭﮦ ﺳﻨﻨﮯ ﮐﮯ ﻟﺌﮯ ﺍﭘﻨﯽ ﺯﻧﺪﮔﯽ ﮐﮯ ﺍﯾﮏ ﺍﮨﻢ ﺩﻥ ﮐﮯ ﺍﻧﺘﻈﺎﺭ ﻣﯿﮟ ﺗﮭﯽ۔ ﻭﮦ ﺁﺩﮬﺎ ﮔﮭﻨﭩﮧ ﺍﯾﺴﯽ ﻋﻮﺭﺗﻮﮞ ﮐﮯ ﺑﺎﺭﮮ ﻣﯿﮟ ﻟﻌﻨﺖ ﻣﻼﻣﺖ ﮐﺮﺗﺎ ﺭﮨﺎ ﺗﮭﺎ ﺍﻭﺭ ﺍُﺳﮯ ﯾﮧ ﺑﮭﯽ ﺑﺘﺎﺗﺎ ﺭﮨﺎ ﺗﮭﺎ ﮐﮧ ﺍُﺱ ﮐﯽ ﻓﯿﻤﻠﯽ ﮐﻮ ﯾﮧ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﺍُﺱ ﮐﯽ ﻣﺎﮞ ﺍﻭﺭ ﺑﮩﻨﯿﮟ ﺍﺗﻨﯽ ﺁﺯﺍﺩ ﺧﯿﺎﻝ ﺗﮭﯿﮟ ﺍﻭﺭ ﺍﻣﺮﯾﮑﮧ ﻣﯿﮟ ﺍُﻥ ﮐﺎ ﯾﮧ ﻻﺋﻒ ﺳﭩﺎﺋﻞ ﺗﮭﺎ … ﺍﻧﮩﻮﮞ ﻧﮯ ﺗﻮ ﺍُﺱ ﮐﮯ ﻧﺎﻧﺎ ﻧﺎﻧﯽ ﺍﻭﺭ ﺧﻮﺩ ﺍُﺳﮯ ﺩﯾﮑﮫ ﮐﺮ ﯾﮧ ﺭﺷﺘﮧ ﻃﮯ ﮐﯿﺎ ﺗﮭﺎ۔ ﻭﮦ ﺍﺣﺴﻦ ﺳﻌﺪ ﺳﮯ ﯾﮧ ﮐﮩﻨﮯ ﮐﯽ ﺟﺮﺍﺕ ﻧﮩﯿﮟ ﮐﺮﺳﮑﯽ ﮐﮧ ﻭﮦ ﺍﺱ ﺭﺷﺘﮧ ﮐﮯ ﻃﮯ ﮨﻮﻧﮯ ﭘﮩﻠﮯ ﺍﻣﺮﯾﮑﮧ ﻣﯿﮟ ﺩﻭ ﺗﯿﻦ ﺑﺎﺭ ﺍُﺱ ﮐﯽ ﻣﺎﮞ ﺍﻭﺭ ﺑﮩﻨﻮﮞ ﺳﮯ ﻣﻞ ﭼﮑﺎ ﺗﮭﺎ … ﺍﻭﺭ ﻧﺴﺒﺖ ﻃﮯ ﮨﻮﺗﮯ ﮨﻮﺋﮯ ﺑﮭﯽ ﺍُﺱ ﮐﯽ ﻓﯿﻤﻠﯽ ﺍُﺱ ﮐﯽ ﻣﺎﮞ ﺍﻭﺭ ﺑﮩﻨﻮﮞ ﺳﮯ ﻣﻞ ﭼﮑﯽ ﺗﮭﯽ … ﻭﮦ ﺁﺯﺍﺩ ﺧﯿﺎﻝ ﺗﮭﮯ ﺗﻮ ﯾﮧ ﺍُﻥ ﺳﮯ ﭼﮭﭙﺎ ﮨﻮﺍ ﻧﮩﯿﮟ ﺗﮭﺎ ﺟﺲ ﮐﺎ ﺍﻧﮑﺸﺎﻑ ﺍُﺱ ﺭﺍﺕ ﮨﻮﻧﮯ ﭘﺮ ﻭﮦ ﯾﻮﮞ ﺻﺪﻣﮧ ﺯﺩﮦ ﮨﻮﮔﺌﮯ ﺗﮭﮯ۔ ﺍﺣﺴﻦ ﺳﻌﺪ ﮐﮯ ﭘﺎ ﺱ ﻣﺬﮨﺐ ﮐﯽ ﺍﯾﺴﯽ ﺗﻠﻮﺍﺭ ﺗﮭﯽ ﺟﺲ ﮐﮯ ﺳﺎﻣﻨﮯ ﻋﺎﺋﺸﮧ ﻋﺎﺑﺪﯾﻦ ﺑﻮﻟﻨﮯ ﮐﯽ ﮨﻤﺖ ﻧﮩﯿﮟ ﮐﺮﺳﮑﺘﯽ ﺗﮭﯽ۔ ﺍُﺱ ﻧﮯ ﺩﻝ ﮨﯽ ﺩﻝ ﻣﯿﮟ ﯾﮧ ﻣﺎﻥ ﻟﯿﺎ ﺗﮭﺎ ﮐﮧ ﻏﻠﻄﯽ ﺍُﺱ ﮐﯽ ﻣﺎﮞ ﺍﻭﺭ ﺑﮩﻨﻮﮞ ﮨﯽ ﮐﯽ ﺗﮭﯽ … ﻭﮦ ﺍﺳﻼﻣﯽ ﻟﺤﺎﻅ ﺳﮯ ﻣﻨﺎﺳﺐ ﻟﺒﺎﺱ ﻣﯿﮟ ﻧﮩﯿﮟ ﺗﮭﯿﮟ ﺍﻭﺭ ﺍﺣﺴﻦ ﺍﻭﺭ ﺍُﺱ ﮐﯽ ﻓﯿﻤﻠﯽ ﺍﮔﺮ ﺧﻔﺎ ﺗﮭﯽ ﺗﻮ ﺷﺎﯾﺪ ﯾﮧ ﺟﺎﺋﺰ ﮨﯽ ﺗﮭﺎ۔
ﺍُﺱ ﺭﺍﺕ ﺍﺣﺴﻦ ﺳﻌﺪ ﻧﮯ ﺍﺱ ﺍﺑﺘﺪﺍﺋﯿﮯ ﮐﮯ ﺑﻌﺪ ﺍﯾﮏ ﻟﻤﺒﯽ ﺗﻘﺮﯾﺮ ﻣﯿﮟ ﺍُﺳﮯ ﺑﯿﻮﯼ ﺍﻭﺭ ﺍﯾﮏ ﻋﻮﺭﺕ ﮐﯽ ﺣﯿﺜﯿﺖ ﺳﮯ ﺍُﺱ ﮐﺎ ﺩﺭﺟﮧ ﺍﻭﺭ ﻣﻘﺎﻡ ﺳﻨﺎ ﺍﻭﺭ ﺳﻤﺠﮭﺎ ﺩﯾﺎ ﺗﮭﺎ … ﺟﻮ ﺳﯿﮑﻨﮉﺭﯼ ﺗﮭﺎ … ﻭﮦ ﺳﺮ ﮨﻼﺗﯽ ﺭﮨﯽ ﺗﮭﯽ … ﻭﮦ ﺳﺎﺭﯼ ﺁﯾﺎﺕ ﺍﻭﺭ ﺍﺣﺎﺩﯾﺚ ﮐﮯ ﺣﻮﺍﻟﮯ ﺁﺝ ﮐﯽ ﺭﺍﺕ ﮐﮯ ﻟﺌﮯ ﮨﯽ ﺟﯿﺴﮯ ﺍﮐﭩﮭﺎ ﮐﺮﺗﺎ ﺭﮨﺎ ﺗﮭﺎ … ﻭﮦ ﺑﮯ ﺣﺪ ﺧﺎﻣﻮﺷﯽ ﺳﮯ ﺳﺐ ﮐﭽﮫ ﺳُﻨﺘﯽ ﮔﺌﯽ ﺗﮭﯽ … ﻭﮦ ﻭﻗﺘﯽ ﻏﺼﮧ ﻧﮩﯿﮟ ﺗﮭﺎ، ﻭﮦ ﺍﺭﺍﺩﺗﺎً ﺗﮭﺎ … ﻭﮦ ﺍُﺳﮯ ﻧﻔﺴﯿﺎﺗﯽ ﻃﻮﺭ ﭘﺮ ﮨﻼﺩﯾﻨﺎ ﭼﺎﮨﺘﺎ ﺗﮭﺎ ﺍﻭﺭ ﻭﮦ ﺍُﺱ ﻣﯿﮟ ﮐﺎﻣﯿﺎﺏ ﺭﮨﺎ ﺗﮭﺎ۔ﻋﺎﺋﺸﮧ ﺟﯿﺴﯽ ﭘﺮ ﺍﻋﺘﻤﺎﺩ ﻟﮍﮐﯽ ﮐﯽ ﺷﺨﺼﯿﺖ ﭘﺮ ﯾﮧ ﭘﮩﻠﯽ ﺿﺮﺏ ﺗﮭﯽ ﺟﻮ ﺍُﺱ ﻧﮯ ﻟﮕﺎﺋﯽ ﺗﮭﯽ … ﺍُﺱ ﻧﮯ ﺍُﺳﮯ ﺑﺘﺎﯾﺎ ﺗﮭﺎ ﮐﮧ ﺍُﺱ ﮔﮭﺮ ﺍﻭﺭ ﺍُﺱ ﮐﯽ ﺯﻧﺪﮔﯽ ﻣﯿﮟ ﻭﮦ ﺍُﺱ ﮐﮯ ﻣﺎﮞ ﺑﺎﭖ ﺍﻭﺭ ﺑﮩﻨﻮﮞ ﮐﮯ ﺑﻌﺪ ﺁﺗﯽ ﮨﮯ … ﺍﻭﺭ ﮨﺎﮞ ﺍﺱ ﻓﮩﺮﺳﺖ ﻣﯿﮟ ﺍُﺱ ﻧﮯ ﺍﻟﻠﮧ ﮐﻮ ﺑﮭﯽ ﭘﮩﻠﮯ ﻧﻤﺒﺮ ﭘﺮ ﺭﮐﮭﺎ ﺗﮭﺎ … ﻋﺎﺋﺸﮧ ﻋﺎﺑﺪﯾﻦ ﮐﻮ ﺍُﺱ ﻧﮯ ﺟﯿﺴﮯ ﺍُﺱ ﺩﺍﺋﺮﮮ ﺳﮯ ﺑﺎﮨﺮ ﮐﮭﮍﺍ ﮐﺮﺩﯾﺎ ﺗﮭﺎ ﺟﺲ ﮐﮯ ﺍﻧﺪﺭ ﺍُﺱ ﮐﯽ ﺍﭘﻨﯽ ﺯﻧﺪﮔﯽ ﮔﮭﻮﻣﺘﯽ ﺗﮭﯽ۔ 21 ﺳﺎﻝ ﮐﯽ ﺍﯾﮏ ﻧﻮﻋﻤﺮ ﻟﮍﮐﯽ ﺟﺲ ﻃﺮﺡ ﮨﺮﺍﺳﺎﮞ ﮨﻮﺳﮑﺘﯽ ﻭﮦ ﻭﯾﺴﮯ ﮨﯽ ﮨﺮﺍﺳﺎﮞ ﺍﻭﺭ ﺣﻮﺍﺱ ﺑﺎﺧﺘﮧ ﮨﻮﺋﯽ ﺗﮭﯽ۔ﺍﺣﺴﻦ ﺳﻌﺪ ﻧﮯ ﺍُﺱ ﺳﮯ ﮐﮩﺎ ﺗﮭﺎ ﺍُﺱ ﮐﮯ ﺍﻭﺭ ﻋﺎﺋﺸﮧ ﮐﮯ ﺩﺭﻣﯿﺎﻥ ﺟﻮ ﺑﺎﺕ ﭼﯿﺖ ﮨﻮﮔﯽ ﻋﺎﺋﺸﮧ ﺍُﺳﮯ ﮐﺴﯽ ﺳﮯ share ﻧﮩﯿﮟ ﮐﺮﮮ ﮔﺎ … ﻋﺎﺋﺸﮧ ﻧﮯ ﺍُﺱ ﮐﯽ ﺑﮭﯽ ﺣﺎﻣﯽ ﺑﮭﺮﻟﯽ ﺗﮭﯽ، ﺍُﺱ ﮐﺎ ﺧﯿﺎﻝ ﺗﮭﺎ ﯾﮧ ﺍﯾﮏ ﻋﺎﻡ ﻭﻋﺪﮦ ﺗﮭﺎ ﺟﻮ ﮨﺮ ﻣﺮﺩ ﺑﯿﻮﯼ ﺳﮯ ﻟﯿﺘﺎ ﺗﮭﺎ … ﻣﮕﺮ ﻭﮦ ﺍﯾﮏ ﻋﺎﻡ ﻭﻋﺪﮦ ﻧﮩﯿﮟ ﺗﮭﺎ، ﺍﺣﺴﻦ ﺳﻌﺪ ﻧﮯ ﺍُﺱ ﮐﮯ ﺑﻌﺪ ﺍُﺱ ﺳﮯ ﻗﺮﺁﻥ ﭘﺎﮎ ﭘﺮ ﺭﺍﺯﺩﺍﺭﯼ ﮐﺎ ﺣﻠﻒ ﻟﯿﺎ ﺗﮭﺎ ﯾﮧ ﮐﮩﺘﮯ ﮨﻮﺋﮯ ﮐﮧ ﻭﮦ ﺍُﺱ ﮐﯽ ﺑﯿﻮﯼ ﺗﮭﯽ ﺍﻭﺭ ﺷﻮﮨﺮ ﮐﮯ ﻃﻮﺭ ﭘﺮ ﻭﮦ ﯾﮧ ﺍﺳﺘﺤﻘﺎﻕ ﺭﮐﮭﺘﺎ ﺗﮭﺎ ﮐﮧ ﻭﮦ ﺍُﺳﮯ ﺟﻮ ﮐﮩﮯ ﻭﮦ ﺍُﺱ ﮐﯽ ﺍﻃﺎﻋﺖ ﮐﺮﮮ … 21 ﺳﺎﻝ ﮐﯽ ﻋﻤﺮ ﺗﮏ ﻭﮦ ﻋﺎﺋﺸﮧ ﻋﺎﺑﺪﯾﻦ ﮐﯽ ﺯﻧﺪﮔﯽ ﮐﯽ ﺳﺐ ﺳﮯ ﺑُﺮﯼ ﺭﺍﺕ ﺗﮭﯽ ﻟﯿﮑﻦ ﺍُﺳﮯ ﯾﮧ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﻭﮦ ﺍﺱ ﮐﮯ ﺑﻌﺪ ﺑُﺮﯼ ﺭﺍﺗﻮﮞ ﮐﯽ ﮔﻨﺘﯽ ﺑﮭﯽ ﺑﮭﻮﻟﻨﮯ ﻭﺍﻟﯽ ﺗﮭﯽ۔
ﺍُﺱ ﺭﺍﺕ ﺍﺣﺴﻦ ﺳﻌﺪ ﮐﺎ ﻏﺼّﮧ ﺍﻭﺭ ﺭﻭﯾّﮧ ﺻﺮﻑ ﺍُﺱ ﮐﺎ ﻏﺼّﮧ ﺍﻭﺭ ﺭﻭﯾّﮧ ﻧﮩﯿﮟ ﺗﮭﺎ۔ ﺍﮔﻠﯽ ﺻﺒﺢ ﻋﺎﺋﺸﮧ ﻋﺎﺑﺪﯾﻦ ﮐﻮ ﺍُﺱ ﮐﯽ ﻓﯿﻤﻠﯽ ﺑﮭﯽ ﺍُﺳﯽ ﺍﻧﺪﺍﺯ ﻣﯿﮟ ﻣﻠﯽ ﺗﮭﯽ … ﺑﮯ ﺣﺪ ﺳﺮﺩ ﻣﮩﺮﯼ، ﺑﮯ ﺣﺪ ﺍﮐﮭﮍﺍ ﮨﻮﺍ ﻟﮩﺠﮧ، ﺍُﺱ ﮐﺎ ﺍﺣﺴﺎﺱِ ﺟﺮﻡ ﺍﻭﺭ ﺑﮍﮬﺎ ﺗﮭﺎ ﺍﻭﺭ ﺍُﺱ ﻧﮯ ﺩﻋﺎ ﮐﯽ ﺗﮭﯽ ﮐﮧ ﺍُﺱ ﺭﺍﺕ ﻭﻟﯿﻤﮧ ﮐﯽ ﺗﻘﺮﯾﺐ ﻣﯿﮟ ﺍُﺱ ﮐﯽ ﻣﺎﮞ ﺍﻭﺭ ﺑﮩﻨﯿﮟ ﺍﯾﺴﮯ ﮐﻮﺋﯽ ﻟﺒﺎﺱ ﻧﮧ ﭘﮩﻨﯿﮟ ﺟﺲ ﭘﺮ ﺍُﺳﮯ ﺍﯾﮏ ﺍﻭﺭ ﻃﻮﻓﺎﻥ ﮐﺎ ﺳﺎﻣﻨﺎ ﮐﺮﻧﺎ ﭘﮍﮮ۔
ﻟﯿﮑﻦ ﺷﺎﺩﯼ ﮐﮯ ﭼﻨﺪ ﺩﻧﻮﮞ ﮐﮯ ﺍﻧﺪﺭ ﺍُﺳﮯ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ ﮐﮧ ﺍُﺱ ﮐﯽ ﻓﯿﻤﻠﯽ ﮐﯽ ﺧﻔﮕﯽ ﮐﯽ ﻭﺟﮧ ﺍُﺱ ﮐﯽ ﺍﭘﻨﯽ ﻓﯿﻤﻠﯽ ﮐﺎ ﺁﺯﺍﺩ ﺧﯿﺎﻝ ﮨﻮﻧﺎ ﻧﮩﯿﮟ ﺗﮭﺎ … ﺍُﻥ ﮐﯽ ﺧﻔﮕﯽ ﮐﯽ ﻭﺟﮧ ﺍُﻥ ﮐﯽ ﺗﻮﻗﻌﺎﺕ ﮐﺎ ﭘﻮﺭﺍ ﻧﮧ ﮨﻮﻧﺎ ﺗﮭﺎ ﺟﻮ ﻭﮦ ﻋﺎﺋﺸﮧ ﮐﯽ ﻓﯿﻤﻠﯽ ﺳﮯ ﻟﮕﺎﺋﮯ ﺑﯿﭩﮭﮯ ﺗﮭﮯ، ﺷﺎﺩﯼ ﺳﺎﺩﮔﯽ ﺳﮯ ﮐﺮﻧﮯ ﺍﻭﺭ ﺟﮩﯿﺰ ﯾﺎ ﮐﭽﮫ ﺑﮭﯽ ﻧﮧ ﻻﻧﮯ ﮐﺎ ﻣﻄﻠﺐ ” ﮐﭽﮫ ﺑﮭﯽ ” ﻧﮧ ﻻﻧﺎ ﻧﮩﯿﮟ ﺗﮭﺎ۔ ﺍُﻥ ﮐﻮ ﺗﻮﻗﻊ ﺗﮭﯽ ﮐﮧ ﺍُﻥ ﮐﮯ ﺍﮐﻠﻮﺗﮯ ﺍﻭﺭ ﺍﺗﻨﮯ ﻗﺎﺑﻞ ﺑﯿﭩﮯ ﮐﻮ ﻋﺎﺋﺸﮧ ﮐﯽ ﻓﯿﻤﻠﯽ ﮐﻮﺋﯽ ﺑﮍﯼ ﮔﺎﮌﯼ ﺿﺮﻭﺭ ﺩﯾﺘﯽ … ﻋﺎﺋﺸﮧ ﮐﮯ ﻧﺎﻡ ﮐﻮﺋﯽ ﮔﮭﺮ، ﮐﻮﺋﯽ ﭘﻼﭦ ، ﮐﻮﺋﯽ ﺑﯿﻨﮏ ﺑﯿﻠﻨﺲ ﺿﺮﻭﺭ ﮐﯿﺎ ﺟﺎﺗﺎ … ﺟﯿﺴﮯ ﺍُﻥ ﮐﮯ ﺧﺎﻧﺪﺍﻥ ﮐﯽ ﺩﻭﺳﺮﯼ ﺑﮩﻮﺅﮞ ﮐﮯ ﻧﺎﻡ ﮨﻮﺗﺎ ﺗﮭﺎ … ﺷﺎﺩﯼ ﺳﺎﺩﮔﯽ ﺳﮯ ﮨﻮﻧﮯ ﮐﺎ ﻣﻄﻠﺐ ﺍُﻥ ﮐﮯ ﻧﺰﺩﯾﮏ ﺻﺮﻑ ﺷﺎﺩﯼ ﮐﯽ ﺗﻘﺮﯾﺒﺎﺕ ﮐﺎ ﺳﺎﺩﮦ ﮨﻮﻧﺎ ﺗﮭﺎ۔ ﺷﺎﺩﯼ ﮐﮯ ﺗﯿﺴﺮﮮ ﺩﻥ ﯾﮧ ﮔﻠﮯ ﺷﮑﻮﮮ ﻋﺎﺋﺸﮧ ﺳﮯ ﮐﺮ ﻟﯿﮯ ﮔﺌﮯ ﺗﮭﮯ ﺍﻭﺭ ﺍﺱ ﮐﻮﺷﺶ ﮐﮯ ﺳﺎﺗﮫ ﮐﮧ ﻭﮦ ﺍﻧﮩﯿﮟ ﺍﭘﻨﯽ ﻓﯿﻤﻠﯽ ﺗﮏ ﭘﮩﻨﭽﺎﺋﮯ ﺟﻮ ﻋﺎﺋﺸﮧ ﻧﮯ ﭘﮩﻨﭽﺎ ﺩﺋﯿﮯ ﺗﮭﮯ ﺍﺏ ﺷﺎﮐﮉ ﮨﻮﻧﮯ ﮐﯽ ﺑﺎﺭﯼ ﺍﺱ ﮐﯽ ﻓﯿﻤﻠﯽ ﮐﯽ ﺗﮭﯽ۔ ﺷﺎﺩﯼ ﮐﮯ ﺗﯿﻦ ﺩﻥ ﺑﻌﺪ ﭘﮩﻠﯽ ﺑﺎﺭ ﻧﻮﺭﯾﻦ ﺍﻟﮩﯽٰ ﻧﮯ ﺍﭘﻨﯽ ﺑﯿﭩﯽ ﮐﻮ ﯾﮧ ﺁﭘﺸﻦ ﺩﯾﺎ ﺗﮭﺎ ﮐﮧ ﻭﮦ ﺍﺑﮭﯽ ﺍُﺱ ﺭﺷﺘﮧ ﮐﮯ ﺑﺎﺭﮮ ﻣﯿﮟ ﺍﭼﮭﯽ ﻃﺮﺡ ﺳﻮﭺ ﻟﮯ … ﺟﻮ ﻟﻮﮒ ﺗﯿﺴﺮﮮ ﺩﻥ ﺍﯾﺴﮯ ﻣﻄﺎﻟﺒﮯ ﮐﺮﺳﮑﺘﮯ ﮨﯿﮟ، ﻭﮦ ﺁﮔﮯ ﭼﻞ ﮐﺮ ﺍُﺳﮯ ﺍﻭﺭ ﺑﮭﯽ ﭘﺮﯾﺸﺎﻥ ﮐﺮﺳﮑﺘﮯ ﺗﮭﮯ، ﻋﺎﺋﺸﮧ ﮨﻤﺖ ﻧﮩﯿﮟ ﮐﺮﺳﮑﯽ ﺗﮭﯽ … ﺍﭘﻨﯽ ﺩﻭﺳﺘﻮﮞ ﺍﻭﺭ ﮐﺰﻧﺰ ﮐﮯ ﭨﯿﮑﺴﭧ ﻣﯿﺴﺠﺰ ﺍﻭﺭ ﮐﺎﻟﺰ ﺍﻭﺭ ﭼﮭﯿﮍ ﭼﮭﺎﮌ ﮐﮯ ﺩﻭﺭﺍﻥ ﻭﮦ ﯾﮧ ﮨﻤّﺖ ﻧﮩﯿﮟ ﮐﺮ ﺳﮑﯽ ﺗﮭﯽ ﮐﮧ ﻭﮦ ﻣﺎﮞ ﺳﮯ ﮐﮩﮧ ﺩﯾﺘﯽ ﮐﮧ ﺍُﺳﮯ ﻃﻼﻕ ﭼﺎﮨﯿﮯ ﺗﮭﮯ۔ ﺍُﺱ ﻧﮯ ﻭﮨﯽ ﺭﺍﺳﺘﮧ ﭼُﻨﺎ ﺗﮭﺎ ﺟﻮ ﺍﺱ ﻣﻌﺎﺷﺮﮮ ﻣﯿﮟ ﺳﺐ ﭼﻨﺘﮯ ﺗﮭﮯ … ﺳﻤﺠﮭﻮﺗﮯ ﮐﺎ ﺍﻭﺭ ﺍﭼﮭﮯ ﻭﻗﺖ ﮐﮯ ﺍﻧﺘﻈﺎﺭ ﮐﺎ … ﺍُﺱ ﮐﺎ ﺧﯿﺎﻝ ﺗﮭﺎ ﯾﮧ ﺳﺐ ﮐﭽﮫ ﻭﻗﺘﯽ ﺗﮭﺎ … ﯾﮧ ﭼﻨﺪ ﻣﻄﺎﻟﺒﮯ ﭘﻮﺭﮮ ﮨﻮﻧﮯ ﮐﮯ ﺑﻌﺪ ﺳﺐ ﮐﭽﮫ ﺑﺪﻝ ﺟﺎﻧﮯ ﻭﺍﻻ ﺗﮭﺎ ﺍﻭﺭ ﭘﮭﺮ ﺍﯾﮏ ﺑﺎﺭ ﻭﮦ ﺍﺣﺴﻦ ﮐﮯ ﺳﺎﺗﮫ ﺍﻣﺮﯾﮑﮧ ﭼﻠﯽ ﺟﺎﺗﯽ ﺗﻮ ﻭﮦ ﺍﻭﺭ ﺍﺣﺴﻦ ﺍﻭﺭ ﻃﺮﯾﻘﮯ ﺳﮯ ﺯﻧﺪﮔﯽ ﮔﺰﺍﺭﺗﮯ۔
ﺍﺣﺴﻦ ﮐﯽ ﻓﯿﻤﻠﯽ ﮐﯽ ﺳﺎﺭﯼ ﺷﮑﺎﯾﺎﺕ ﺧﺘﻢ ﮐﺮ ﺩﯼ ﮔﺌﯽ ﺗﮭﯿﮟ۔ ﺍُﺳﮯ ﺷﺎﺩﯼ ﮐﮯ ﺍﯾﮏ ﮨﻔﺘﮧ ﮐﮯ ﺑﻌﺪ ﺍﯾﮏ ﺑﮍﯼ ﮔﺎﮌﯼ ﺩﯼ ﮔﺌﯽ ﺗﮭﯽ، ﻋﺎﺋﺸﮧ ﮐﮯ ﻧﺎﻡ ﻧﻮﺭﯾﻦ ﻧﮯ ﺍﭘﻨﺎ ﺍﯾﮏ ﭘﻼﭦ ﭨﺮﺍﻧﺴﻔﺮ ﮐﺮﺩﯾﺎ ﺗﮭﺎ ﺍﻭﺭ ﻋﺎﺋﺸﮧ ﮐﮯ ﻧﺎﻧﺎ ﻧﮯ ﺍُﺱ ﮐﻮ ﮐﭽﮫ ﺭﻗﻢ ﺗﺤﻔﮯ ﻣﯿﮟ ﺩﯼ ﺗﮭﯽ ﺟﻮ ﺍُﺱ ﻧﮯ ﺍﺣﺴﻦ ﮐﮯ ﻣﻄﺎﻟﺒﮯ ﭘﺮ ﺍُﺱ ﮐﮯ ﺍﮐﺎﺅﻧﭧ ﻣﯿﮟ ﭨﺮﺍﻧﺴﻔﺮ ﮐﺮﺩﯼ ﺗﮭﯽ۔ ﻭﮦ ﺍُﺱ ﮐﮯ ﺑﻌﺪ ﺩﻭ ﮨﻔﺘﻮﮞ ﮐﮯ ﻟﺌﮯ ﮨﻨﯽ ﻣﻮﻥ ﻣﻨﺎﻧﮯ ﺑﯿﺮﻭﻥِ ﻣﻠﮏ ﭼﻠﮯ ﮔﺌﮯ ﺗﮭﮯ۔
ﺍﺣﺴﻦ ﺳﻌﺪ ﻧﮯ ﭘﮩﻠﯽ ﺑﺎﺭ ﺍُﺱ ﭘﺮ ﮨﺎﺗﮫ ﺑﮭﯽ ﮨﻨﯽ ﻣﻮﻥ ﮐﮯ ﺩﻭﺭﺍﻥ ﮐﺴﯽ ﺑﺎ ﺕ ﭘﺮ ﺑﺮﮨﻢ ﮨﻮ ﮐﺮ ﺍُﭨﮭﺎﯾﺎ ﺗﮭﺎ۔ ﺍُﺱ ﺳﮯ ﭘﮩﻠﮯ ﺍُﺱ ﻧﮯ ﺍُﺳﮯ ﮔﺎﻟﯿﺎﮞ ﺩﯼ ﺗﮭﯿﮟ … ﻋﺎﺋﺸﮧ ﻋﺎﺑﺪﯾﻦ ﺳﮯ ﺑﮩﺖ ﺑﮍﯼ ﻏﻠﻄﯽ ﮨﻮ ﮔﺌﯽ ﺗﮭﯽ، ﺍﭘﻨﯽ ﺯﻧﺪﮔﯽ ﮐﮯ ﺑﺎﺭﮮ ﻣﯿﮟ … ﻋﺎﺋﺸﮧ ﻧﮯ ﺟﺎﻥ ﻟﯿﺎ ﺗﮭﺎ … ﺍُﺱ ﮐﺎ ﺷﻮﮨﺮ ﺑﮩﺖ ﺍﭼﮭﺎ ﻣﺴﻠﻤﺎﻥ ﺗﮭﺎ ﻟﯿﮑﻦ ﺍﭼﮭﺎ ﺍﻧﺴﺎﻥ ﻧﮩﯿﮟ ﺗﮭﺎ ﺍﻭﺭ ﻋﺎﺋﺸﮧ ﻧﮯ ﺍُﺱ ﮐﺎ ﺍﻧﺘﺨﺎﺏ ﺍُﺱ ﮐﮯ ﺍﭼﮭﮯ ﻣﺴﻠﻤﺎﻥ ﮨﻮﻧﮯ ﮐﯽ ﻭﺟﮧ ﺳﮯ ﮐﯿﺎ ﺗﮭﺎ، ﺍﺱ ﺩﮬﻮﮐﮯ ﻣﯿﮟ ﺟﺲ ﻣﯿﮟ ﻭﮦ ﺍُﻥ ﺑﮩﺖ ﺳﺎﺭﮮ ﺍﭼﮭﮯ ﻣﺴﻠﻤﺎﻧﻮﮞ ﺍﻭﺭ ﺍﻧﺴﺎﻧﻮﮞ ﮐﯽ ﻭﺟﮧ ﺳﮯ ﺁﺋﯽ ﺗﮭﯽ ﺟﻮ ﻣﻨﺎﻓﻖ ﺍﻭﺭ ﺩﻭ ﺭُﺧﮯ ﻧﮩﯿﮟ ﺗﮭﮯ۔
ﻭﮦ ﺍﯾﮏ ﻣﮩﯿﻨﮧ ﮐﮯ ﺑﻌﺪ ﻭﺍﭘﺲ ﺍﻣﺮﯾﮑﮧ ﭼﻼ ﮔﯿﺎ ﺗﮭﺎ ﻟﯿﮑﻦ ﺍﯾﮏ ﻣﮩﯿﻨﮧ ﻣﯿﮟ ﻋﺎﺋﺸﮧ ﺑﺪﻝ ﮔﺌﯽ ﺗﮭﯽ۔ ﻭﮦ ﺍﯾﮏ ﻋﺠﯿﺐ ﻭ ﻏﺮﯾﺐ ﺧﺎﻧﺪﺍﻥ ﻣﯿﮟ ﺁﮔﺌﯽ ﺗﮭﯽ۔ ﺟﻮ ﺑﻈﺎﮨﺮ ﺗﻌﻠﯿﻢ ﯾﺎﻓﺘﮧ ﺍﻭﺭ ﺭﻭﺷﻦ ﺧﯿﺎﻝ ﺗﮭﺎ ﻟﯿﮑﻦ ﺍﻧﺪﺭ ﺳﮯ ﺑﮯ ﺣﺪ ﮔﮭﭩﻦ ﺫﺩﮦ ﺗﮭﺎ ﺍﻭﺭ ﺍﺱ ﮔﮭﭩﻦ ﺍﻭﺭ ﻣﻨﺎﻓﻘﺖ ﮐﺎ ﻣﻨﺒﻊ ﺍﺣﺴﻦ ﺳﻌﺪ ﮐﺎ ﺑﺎﭖ ﺗﮭﺎ ﺍﺱ ﮐﺎ ﺍﻧﺪﺍﺯﮦ ﺍُﺳﮯ ﺑﮩﺖ ﺟﻠﺪ ﮨﻮ ﮔﯿﺎ ﺗﮭﺎ … ﺍﺣﺴﻦ ﺻﺮﻑ ﺍﭘﻨﮯ ﺑﺎﭖ ﮐﯽ copy ﺑﻦ ﮔﯿﺎ ﺗﮭﺎ ﺍﻭﺭ ﺍُﺳﮯ ﺍﭘﻨﯽ ﻣﺎﮞ ﮐﯽ copy ﺑﻨﺎﻧﺎ ﭼﺎﮨﺘﺎ ﺗﮭﺎ ﺟﺴﮯ ﻭﮦ ﺍﯾﮏ ﺁﺋﯿﮉﯾﻞ ﻣﺴﻠﻤﺎﻥ ﻋﻮﺭﺕ ﺳﻤﺠﮭﺘﺎ ﺗﮭﺎ … ﻭﮦ ﺍﻭﺭ ﺍُﺱ ﮐﯽ ﺑﮩﻨﯿﮟ، ﻭﮦ ﻋﺎﺋﺸﮧ ﻋﺎﺑﺪﯾﻦ ﮐﻮ ﺍُﻥ ﮐﮯ ﺟﯿﺴﺎ ﺑﻨﺎﻧﺎ ﭼﺎﮨﺘﺎ ﺗﮭﺎ … ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﮐﻮ ﺑﮩﺖ ﺟﻠﺪ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ ﻭﮦ ” ﺁﺋﯿﮉﯾﻞ ﻣﺴﻠﻢ ﻋﻮﺭﺗﯿﮟ ” ﻧﻔﺴﯿﺎﺗﯽ ﻣﺴﺎﺋﻞ ﮐﺎ ﺷﮑﺎﺭ ﺗﮭﯿﮟ، ﺍُﺱ ﮔﮭﺮ ﮐﮯ ﻣﺎﺣﻮﻝ ﺍﻭﺭ ﺳﻌﺪ ﮐﮯ ﺭﻭﯾﮯ ﺍﻭﺭ ﻣﺰﺍﺝ ﮐﯽ ﻭﺟﮧ ﺳﮯ … ﺍُﺱ ﮐﯽ ﻧﻨﺪﻭﮞ ﮐﮯ ﻟﺌﮯ ﺭﺷﺘﻮﮞ ﮐﯽ ﺗﻼﺵ ﺟﺎﺭﯼ ﺗﮭﯽ، ﻟﯿﮑﻦ ﻋﺎﺋﺸﮧ ﮐﻮ ﯾﻘﯿﻦ ﺗﮭﺎ ﺟﻮ ﻣﻌﯿﺎﺭ ﺍﺣﺴﻦ ﺍﻭﺭ ﺳﻌﺪ ﺍُﻥ ﺩﻭﻧﻮﮞ ﮐﮯ ﻟﺌﮯ ﻟﮯ ﮐﺮ ﺑﯿﭩﮭﮯ ﺗﮭﮯ ، ﺍﻥ ﮐﮯ ﻟﺌﮯ ﺭﺷﺘﻮﮞ ﮐﯽ ﺗﻼﺵ ﺍﻭﺭ ﺑﮭﯽ ﻣﺸﮑﻞ ﮨﻮﺟﺎﺗﯽ ﺗﮭﯽ۔
ﻋﺎﺋﺸﮧ ﺷﺎﺩﯼ ﮐﮯ ﺩﻭ ﻣﮩﯿﻨﻮﮞ ﮐﮯ ﺍﻧﺪﺭ ﺍﻧﺪﺭ ﺍُﺱ ﻣﺎﺣﻮﻝ ﺳﮯ ﻭﺣﺸﺖ ﺫﺩﮦ ﮨﻮﮔﺌﯽ ﺗﮭﯽ۔ ﺍﻭﺭ ﺍﺱ ﺳﮯ ﭘﮩﻠﮯ ﮐﮧ ﻭﮦ ﺍﺣﺴﻦ ﺳﻌﺪ ﮐﺎ ﻟﯿﺎ ﮨﻮﺍ ﺣﻠﻒ ﺗﻮﮌ ﮐﺮ ﺍﭘﻨﮯ ﻧﺎﻧﺎ، ﻧﺎﻧﯽ ﺳﮯ ﺳﺐ ﮐﭽﮫ share ﮐﺮﺗﯽ ﺍﻭﺭ ﺍﻧﮩﯿﮟ ﮐﮩﺘﯽ ﮐﮧ ﻭﮦ ﺍُﺳﮯ ﺍﺱ ﺟﮩﻨﻢ ﺳﮯ ﻧﮑﺎﻝ ﻟﯿﮟ … ﺍُﺳﮯ ﭘﺘﮧ ﭼﻼ ﺗﮭﺎ ﮐﮧ ﻭﮦ ﭘﺮﯾﮕﻨﻨﭧ ﺗﮭﯽ … ﻭﮦ ﺧﺒﺮ ﺟﻮ ﺍُﺱ ﻭﻗﺖ ﺍُﺳﮯ ﺧﻮﺵ ﻗﺴﻤﺘﯽ ﻟﮕﺘﯽ، ﺍُﺳﮯ ﺍﭘﻨﯽ ﺑﺪﻗﺴﻤﺘﯽ ﻟﮕﯽ ﺗﮭﯽ۔ﻋﺎﺋﺸﮧ ﻋﺎﺑﺪﯾﻦ ﺍﯾﮏ ﺑﺎﺭ ﭘﮭﺮ ﺳﻤﺠﮭﻮﺗﮧ ﮐﺮﻧﮯ ﭘﺮ ﺗﯿﺎﺭ ﮨﻮﮔﺌﯽ، ﺍﯾﮏ ﺑﺎﺭ ﭘﮭﺮ ﺍﺱ ﺍُﻣﯿﺪ ﮐﮯ ﺳﺎﺗﮫ ﮐﮧ ﺑﭽﮧ ﺍﺱ ﮔﮭﺮ ﻣﯿﮟ ﺍُﺱ ﮐﮯ ﺳﭩﯿﭩﺲ ﮐﻮ ﺑﺪﻝ ﺩﯾﻨﮯ ﻭﺍﻻ ﺗﮭﺎ ﺍﻭﺭ ﮐﭽﮫ ﻧﮩﯿﮟ ﺗﻮ ﮐﻢ ﺍﺯ ﮐﻢ ﺍُﺱ ﮐﮯ ﺍﻭﺭ ﺍﺣﺴﻦ ﺳﻌﺪ ﮐﮯ ﺗﻌﻠﻖ ﮐﻮ ﺗﻮ … ﯾﮧ ﺑﮭﯽ ﺍُﺱ ﮐﯽ ﺧﻮﺵ ﻓﮩﻤﯽ ﺗﮭﯽ، ﻭﮦ ﭘﺮﯾﮕﻨﻨﺴﯽ ﺍُﺱ ﮐﮯ ﻟﺌﮯ ﺍﯾﮏ ﺍﻭﺭ ﭘﮭﻨﺪﮦ ﺛﺎﺑﺖ ﮨﻮﺍ ﺗﮭﺎ۔ ﺍﺣﺴﻦ ﺳﻌﺪ ﺍﻭﺭ ﺍُﺱ ﮐﯽ ﻓﯿﻤﻠﯽ ﻧﮯ ﯾﮧ ﻓﯿﺼﻠﮧ ﮐﯿﺎ ﺗﮭﺎ ﮐﮧ ﻭﮦ ﺑﭽﮯ ﮐﯽ ﭘﯿﺪﺍﺋﺶ ﺗﮏ ﭘﺎﮐﺴﺘﺎﻥ ﻣﯿﮟ ﮨﯽ ﺭﮨﮯ ﮔﯽ۔ ﻋﺎﺋﺸﮧ ﻧﮯ ﻧﻮ ﻣﮩﯿﻨﮯ ﺟﺘﻨﮯ ﺻﺒﺮ ﺍﻭﺭ ﺗﺤﻤﻞ ﮐﮯ ﺳﺎﺗﮫ ﮔﺰﺍﺭﮮ ﺗﮭﮯ، ﺻﺮﻑ ﻭﮦ ﮨﯽ ﺟﺎﻧﺘﯽ ﺗﮭﯽ۔ ﻭﮦ ﮨﺎﺅﺱ ﺟﺎﺏ ﮐﮯ ﺑﻌﺪ ﺟﺎﺏ ﮐﺮﻧﺎ ﭼﺎﮨﺘﯽ ﺗﮭﯽ ﻟﯿﮑﻦ ﺍُﺱ ﮐﮯ ﺳﺴﺮﺍﻝ ﻭﺍﻟﻮﮞ ﺍﻭﺭ ﺍﺣﺴﻦ ﮐﻮ ﯾﮧ ﭘﺴﻨﺪ ﻧﮩﯿﮟ ﺗﮭﺎ ﺍﺱ ﻟﺌﮯ ﻋﺎﺋﺸﮧ ﻧﮯ ﺍُﺱ ﭘﺮ ﺍﺻﺮﺍﺭ ﻧﮩﯿﮟ ﮐﯿﺎ۔ ﺍُﺱ ﮐﮯ ﺳﺴﺮﺍﻝ ﻭﺍﻟﻮﮞ ﮐﻮ ﻋﺎﺋﺸﮧ ﮐﺎ ﺑﺎﺭ ﺑﺎﺭ ﺍﭘﻨﮯ ﻧﺎﻧﺎ ﻧﺎﻧﯽ ﮐﮯ ﮔﮭﺮ ﺟﺎﻧﺎ ﺍﻭﺭ ﺍُﻥ ﮐﺎ ﺍﭘﻨﮯ ﮔﮭﺮ ﺁﻧﺎ ﺑﮭﯽ ﭘﺴﻨﺪ ﻧﮩﯿﮟ ﺗﮭﺎ ﺗﻮ ﻋﺎﺋﺸﮧ ﻧﮯ ﯾﮧ ﺑﺎﺕ ﺑﮭﯽ ﺑﻨﺎ ﭼﻮﮞ ﭼﺮﺍﮞ ﮐﮯ ﻣﺎﻥ ﻟﯽ ﺗﮭﯽ۔ ﻭﮦ ﺍﺏ ﮐﺴﯽ ﺳﻮﺷﻞ ﻣﯿﮉﯾﺎ ﻓﻮﺭﻡ ﭘﺮ ﻧﮩﯿﮟ ﺗﮭﯽ ﮐﯿﻮﮞ ﮐﮧ ﺍﺣﺴﻦ ﮐﻮ ﺧﻮﺩ ﮨﺮ ﻓﻮﺭﻡ ﭘﺮ ﮨﻮﻧﮯ ﮐﮯ ﺑﺎﻭﺟﻮﺩ ﯾﮧ ﭘﺴﻨﺪ ﻧﮩﯿﮟ ﺗﮭﺎ ﮐﮧ ﻭﮦ ﻭﮨﺎﮞ ﮨﻮ ﺍﻭﺭ ﺍُﺱ ﮐﮯ contacts ﻣﯿﮟ ﮐﻮﺋﯽ ﻣﺮﺩ ﮨﻮ، ﭼﺎﮨﮯ ﻭﮦ ﺍُﺱ ﮐﺎ ﮐﻮﺋﯽ ﺭﺷﺘﮧ ﺩﺍﺭ ﯾﺎ ﮐﻼﺱ ﻓﯿﻠﻮ ﮨﯽ ﮐﯿﻮﮞ ﻧﮧ ﮨﻮ ﺍﻭﺭ ﻋﺎﺋﺸﮧ ﻧﮯ ﺍﭘﻨﯽ ﺑﮩﻨﻮﮞ ﮐﮯ ﺍﻋﺘﺮﺍﺿﺎﺕ ﮐﮯ ﺑﺎﻭﺟﻮﺩ ﺍﭘﻨﯽ ID ﺧﺘﻢ ﮐﺮ ﺩﯼ ﺗﮭﯽ، ﺍُﺱ ﮐﮯ ﭘﺎﺱ ﻭﯾﺴﮯ ﺑﮭﯽ ﮐﻮﺋﯽ ﺍﯾﺴﯽ ﺑﺎﺕ ﻧﮩﯿﮟ ﺗﮭﯽ ﺟﺲ ﮐﮯ ﺍﻇﮩﺎﺭ ﮐﮯ ﻟﺌﮯ ﺍُﺳﮯ ﻓﯿﺲ ﺑﮏ ﮐﮯ ﮐﺴﯽ ﺍﮐﺎﺅﻧﭧ ﮐﯽ ﺿﺮﻭﺭﺕ ﭘﮍﺗﯽ۔
ﺍﺣﺴﻦ ﺳﻌﺪ ﮐﯽ ﻣﺎﮞ ﮐﻮ ﯾﮧ ﭘﺴﻨﺪ ﻧﮩﯿﮟ ﺗﮭﺎ ﮐﮧ ﻭﮦ ﺍﭘﻨﮯ ﮐﻤﺮﮮ ﻣﯿﮟ ﺍﮐﯿﻠﮯ ﺑﯿﭩﮭﮯ، ﺻﺒﺢ ﺩﯾﺮ ﺗﮏ ﺳﻮﺗﯽ ﺭﮨﮯ، ﻋﺎﺋﺸﮧ ﺻﺒﺢ ﺳﻮﯾﺮﮮ ﻓﺠﺮ ﮐﯽ ﻧﻤﺎﺯ ﭘﮍﮬﻨﮯ ﮐﮯ ﺑﻌﺪ ﮨﺮ ﺣﺎﻟﺖ ﻣﯿﮟ ﻻﺅﻧﺞ ﻣﯿﮟ ﺁﺟﺎﺗﯽ ﺗﮭﯽ۔ ﮔﮭﺮ ﻣﯿﮟ ﻣﻼﺯﻡ ﺗﮭﮯ ﻟﯿﮑﻦ ﺳﺎﺱ ﺳﺴﺮ ﮐﯽ ﺧﺪﻣﺎﺕ ﺍُﺱ ﮐﯽ ﺫﻣﮧ ﺩﺍﺭﯼ ﺗﮭﯽ ﺍﻭﺭ ﺍُﺳﮯ ﺍﺱ ﭘﺮ ﺑﮭﯽ ﺍﻋﺘﺮﺍﺽ ﻧﮩﯿﮟ ﮨﻮﺗﺎ ﺗﮭﺎ۔ ﮐﮭﺎﻧﺎ ﺑﻨﺎﻧﮯ ﮐﯽ ﻭﮦ ﺫﻣﮧ ﺩﺍﺭﯼ ﺟﻮ ﺍﺱ ﺳﮯ ﭘﮩﻠﮯ ﺗﯿﻦ ﺧﻮﺍﺗﯿﻦ ﻣﯿﮟ ﺗﻘﺴﯿﻢ ﺗﮭﯽ، ﺍﺏ ﻋﺎﺋﺸﮧ ﮐﯽ ﺫﻣﮧ ﺩﺍﺭﯼ ﺗﮭﯽ ﺍﻭﺭ ﯾﮧ ﺑﮭﯽ ﻭﮦ ﭼﯿﺰ ﻧﮩﯿﮟ ﺗﮭﯽ ﺟﺲ ﺳﮯ ﺍُﺳﮯ ﺗﮑﻠﯿﻒ ﭘﮩﻨﭽﺘﯽ … ﻭﮦ ﺑﮩﺖ ﺗﯿﺰ ﮐﺎﻡ ﮐﺮﻧﮯ ﮐﯽ ﻋﺎﺩﯼ ﺗﮭﯽ ﺍﻭﺭ ﻧﺎﻧﺎ ﻧﺎﻧﯽ ﮐﮯ ﮔﮭﺮ ﻣﯿﮟ ﺑﮭﯽ ﻭﮦ ﺑﮍﮮ ﺷﻮﻕ ﺳﮯ ﺍُﻥ ﮐﮯ ﻟﺌﮯ ﮐﺒﮭﯽ ﮐﺒﮭﺎﺭ ﮐﮭﺎﻧﺎ ﺑﻨﺎﯾﺎ ﮐﺮﺗﯽ ﺗﮭﯽ … ﻭﮦ ﺫﻣﮧ ﺩﺍﺭﯾﻮﮞ ﺳﮯ ﻧﮩﯿﮟ ﮔﮭﺒﺮﺍﺗﯽ ﺗﮭﯽ، ﺗﺬﻟﯿﻞ ﺳﮯ ﮔﮭﺒﺮﺍﺗﯽ ﺗﮭﯽ۔ ﺍُﺱ ﮔﮭﺮ ﮐﮯ ﺍﻓﺮﺍﺩ ﺳﺘﺎﺋﺶ ﺍﻭﺭ ﺣﻮﺻﻠﮧ ﺍﻓﺰﺍﺋﯽ ﺟﯿﺴﮯ ﻟﻔﻈﻮﮞ ﺳﮯ ﻧﺎ ﺁﺷﻨﺎ ﺗﮭﮯ … ﻭﮦ ﺗﻨﻘﯿﺪ ﮐﺮﺳﮑﺘﮯ ﺗﮭﮯ، ﺗﻌﺮﯾﻒ ﻧﮩﯿﮟ … ﯾﮧ ﺻﺮﻑ ﻋﺎﺋﺸﮧ ﻧﮩﯿﮟ ﺗﮭﯽ ﺟﺲ ﮐﯽ ﺧﺪﻣﺖ ﮔﺰﺍﺭﯼ ﮐﻮ ﻭﮦ ﺳﺮﺍﮨﻨﮯ ﺳﮯ ﻗﺎﺻﺮ ﺗﮭﮯ، ﻭﮨﺎﮞ ﮐﻮﺋﯽ ﺑﮭﯽ ﮐﺴﯽ ﮐﻮ ﺳﺮﺍﮨﺘﺎ ﻧﮩﯿﮟ ﺗﮭﺎ۔
ﻭﮦ ﺍﺱ ﮔﮭﺮ ﻣﯿﮟ ﯾﮧ ﺳﻮﺍﻝ ﮐﺮﺗﯽ ﺗﻮ ﺍﭘﻨﮯ ﺁﭖ ﮐﻮ ﮨﯽ ﺍﺣﻤﻖ ﻟﮕﺘﯽ ﮐﮧ ﺍُﺱ ﻧﮯ ﮐﮭﺎﻧﺎ ﮐﯿﺴﺎ ﺑﻨﺎﯾﺎ ﺗﮭﺎ … ﺷﺮﻭﻉ ﺷﺮﻭﻉ ﻣﯿﮟ ﺑﮍﮮ ﺷﻮﻕ ﺳﮯ ﮐﯿﮯ ﺟﺎﻧﮯ ﻭﺍﻟﮯ ﺍﻥ ﺳﻮﺍﻻﺕ ﮐﺎ ﺟﻮﺍﺏ ﺍُﺳﮯ ﺑﮯ ﺣﺪ ﺗﻀﺤﯿﮏ ﺁﻣﯿﺰ ﺟﻤﻠﻮﮞ ﺍﻭﺭ ﺗﻤﺴﺨﺮ ﺳﮯ ﻣﻼ ﺗﮭﺎ، ﮐﺒﮭﯽ ﮐﺒﮭﺎﺭ ﺍُﺳﮯ ﻟﮕﺘﺎ ﻭﮦ ﺑﮭﯽ ﻧﻔﺴﯿﺎﺗﯽ ﮨﻮﻧﺎ ﺷﺮﻭﻉ ﮨﻮ ﮔﺌﯽ ﺗﮭﯽ۔
ﺍﺣﺴﻦ ﺳﻌﺪ ﺍُﺱ ﮐﮯ ﻟﺌﮯ ﺍﯾﮏ ﺍﯾﺴﺎ ﺿﺎﺑﻄﮧ ﻃﮯ ﮐﺮ ﮔﯿﺎ ﺗﮭﺎ، ﻭﮦ ﻏﻠﻄﯽ ﮐﺮﮮ ﮔﯽ ﺗﻮ ﮐﺎﻏﺬ ﭘﺮ ﻟﮑﮫ ﮐﺮ ﺍﭘﻨﯽ ﻏﻠﻄﯽ ﮐﺎ ﺍﻋﺘﺮﺍﻑ ﮐﺮﮮ ﮔﯽ … ﺍﻟﻠﮧ ﺳﮯ ﺣﮑﻢ ﻋﺪﻭﻟﯽ ﮐﯽ ﻣﻌﺎﻓﯽ ﻣﺎﻧﮕﮯ ﮔﯽ، ﭘﮭﺮ ﺍُﺱ ﺷﺨﺺ ﺳﮯ ﺟﺲ ﮐﯽ ﺍُﺱ ﻧﮯ ﻧﺎﻓﺮﻣﺎﻧﯽ ﮐﯽ ﮨﻮ۔
جاری ہے۔