،،،،
ﺍﻣﺎﻣﮧ ﮐﭽﮫ ﺍﻟﺠﮭﯽ ﺗﮭﯽ ﻟﯿﮑﻦ ﻭﮦ ﺍﺳﮯ ﻟﮯﮐﺮ ﭼﻠﯽ ﮔﺌﯽ ﺗﮭﯽ۔ ﺍﺳﮯ ﻧﮩﻼﻧﮯ ﮐﯽ ﮐﻮﺷﺶ ﮐﮯ ﺁﻏﺎﺯ ﻣﯿﮟ ﮨﯽ ﺍﺳﮯ ﭘﺘﺎ ﭼﻞ ﮔﯿﺎ ﺗﮭﺎ ﮐﮧ ﺍﺱ ﺑﭽﯽ ﮐﮯ ﺑﺎﻟﻮﮞ ﮐﻮ ﮐﺎﭨﮯ ﺑﻐﯿﺮ ﺍﺱ ﮐﻮ ﻧﮩﻼﯾﺎ ﻧﮩﯿﮟ ﺟﺎ ﺳﮑﺘﺎ۔ ﺍﺱ ﮐﮯ ﺳﺮ ﻣﯿﮟ ﺑﮍﮮ ﺑﮍﮮ ﭘﮭﻮﮌﮮ ﺗﮭﮯ ﺍﻭﺭ ﺍﺱ ﺳﮯ ﺭﺳﻨﮯ ﻭﺍﻟﯽ ﭘﯿﭗ ﻧﮯ ﺍﺱ ﮐﯽ ﺑﺎﻟﻮﮞ ﮐﯽ ﻟﭩﻮﮞ ﮐﻮ ﺁﭘﺲ ﻣﯿﮟ ﺍﺱ ﻃﺮﺡ ﺟﻮﮌ ﺩﯾﺎ ﺗﮭﺎ ﮐﮧ ﺍﺏ ﺍﻥ ﮐﺎ ﮐﮭﻠﻨﺎ ﻣﻤﮑﻦ ﻧﮩﯿﮟ ﺗﮭﺎ۔ ﺍﺱ ﻧﮯ ﺷﯿﻮﻧﮓ ﮐﭧ ﻣﯿﮟ ﭘﮍﯼ ﻗﯿﻨﭽﯽ ﺳﮯ ﭼﻨﯽ ﮐﮯ ﺳﺎﺭﮮ ﺑﺎﻝ ﺟﮍ ﺳﮯ ﮐﺎﭨﻨﮯ ﺷﺮﻭﻉ ﮐﯿﮯ۔ ﻭﮦ ﺍﺱ ﮐﺎ ﺳﺮ ﮔﻨﺠﺎ ﻧﮩﯿﮟ ﮐﺮ ﺳﮑﺘﯽ ﺗﮭﯽ ﮐﯿﻮﻧﮑﮧ ﻭﮦ ﭘﮭﻮﮌﻭﮞ ﺳﮯ ﺑﮭﺮﺍ ﮨﻮﺍ ﺗﮭﺎ۔ ﺍﻣﺎﻣﮧ ﮐﻮ ﺍﺱ ﺑﭽﯽ ﮐﻮ ﻧﮩﻼﺗﮯ ﮨﻮﺋﮯ ﺑﮩﺖ ﺭﺣﻢ ﺍﻭﺭ ﺗﺮﺱ ﺁﯾﺎ ﺗﮭﺎ۔ ﭼﻨﯽ ﭼﭗ ﭼﺎﭖ ﻧﮩﺎﺗﯽ ﺭﮨﯽ ﺍﺱ ﻧﮯ ﺭﻭﻧﺎ ﺩﮬﻮﻧﺎ ﻧﮩﯿﮟ ﻣﭽﺎﯾﺎ۔ ﻧﮧ ﮨﯽ ﺑﺎﻝ ﮐﭩﻨﮯ ﭘﺮ ﭘﮭﻮﮌﻭﮞ ﭘﮧ ﮨﺎﺗﮫ ﻟﮕﻨﮯ ﭘﺮ ﮐﺴﯽ ﺗﮑﻠﯿﻒ ﮐﺎ ﺍﻇﮩﺎﺭ ﮐﯿﺎ ﺗﮭﺎ۔
ﻭﮦ ﺑﻶﺧﺮ ﺟﺐ ﭼﻨﯽ ﮐﻮ ﻣﮑﻤﻞ ﯾﻮ ﮐﭧ ﻣﯿﮟ ﻧﮩﻼ ﺩﮬﻼ ﮐﺮ ﺣﻤﯿﻦ ﮐﺎ ﮨﯽ ﺍﯾﮏ ﺟﻮﮌﺍ ﭘﮩﻨﺎﺋﮯ ﺑﺎﮨﺮ ﻻﺋﯽ ﺗﻮ ﺍﺳﮯ ﺩﯾﮑﮫ ﮐﺮ ﺳﺐ ﺳﮯ ﭘﮩﻠﮯ ﭼﯿﺦ ﻣﺎﺭﻧﮯ ﻭﺍﻻ ﺣﻤﯿﻦ ﺗﮭﺎ۔

ﺍﻭﮦ ﻣﺎﺋﯽ ﮔﺎﮈ ! ﻣﻤﯽ ﺁﭖ ﻧﮯ ﺍﺳﮯ ﻣﺰﯾﺪ ﺑﺪﺻﻮﺭﺕ ﺍﻭﺭ ﺧﻮﻓﻨﺎﮎ ﺑﻨﺎ ﺩﯾﺎ ﮨﮯ۔ ﺍﻭﺭ ﺁﭖ ﻧﮯ ﻣﯿﺮﯼ ﺳﺐ ﺳﮯ ﻓﯿﻮﺭﭦ ﺷﺮﭦ ﺑﮭﯽ ﺧﺮﺍﺏ ﮐﺮ ﻟﯽ۔ ﻣﻤﯽ ﯾﮧ ﻟﮍﮐﯽ ﺗﮭﯽ، ﺁﭖ ﻧﮯ ﺍﺳﮯ ﻟﮍﮐﺎ ﺑﻨﺎ ﺩﯾﺎ۔ ﺍﻟﻠﮧ ﺍﺱ ﮐﮯ ﻟﯿﮯ ﺁﭖ ﮐﻮ ﻣﻌﺎﻑ ﻧﮩﯿﮟ ﮐﺮﮮ ﮔﺎ۔ ﺍﻣﺎﻣﮧ ﮐﻮ ﺍﺱ ﮐﯽ ﺑﺎﺕ ﭘﺮ ﮨﻨﺴﯽ ﺁﺋﯽ۔ ﺳﺎﻻﺭ ﭨﮭﯿﮏ ﮐﮩﺘﺎ ﺗﮭﺎ ﻭﮦ ﻋﺠﯿﺐ ﻭ ﻏﺮﯾﺐ ﮨﯽ ﺗﮭﺎ۔

ﺍﺱ ﺳﺎﻝ ﺻﺮﻑ ﭼﻨﯽ ﺳﺎﻻﺭ ﺳﮑﻨﺪﺭ ﮐﮯ ﺧﺎﻧﺪﺍﻥ ﻣﯿﮟ ﻧﮩﯿﮟ ﺁﺋﯽ ﺗﮭﯽ۔ ﺍﺱ ﺳﺎﻝ ﮐﺎ ﺩﻭﺳﺮﺍ ﺑﮍﺍ ﻭﺍﻗﻌﮧ ﺳﺎﻻﺭ ﺳﮑﻨﺪﺭ ﮐﮯ ﺑﺮﯾﻦ ﭨﯿﻮﻣﺮ ﮐﯽ ﺗﺸﺨﯿﺺ ﺗﮭﺎ۔
ﺍﺏ ﺍﺱ ﮐﺎ ﮐﯿﺎ ﮐﺮﻭ ﮔﮯ؟ ﺍﻣﺎﻣﮧ ﻧﮯ ﺍﭘﻨﮯ ﺑﯿﮉ ﭘﺮ ﺳﺎﻻﺭ ﺍﻭﺭ ﺍﭘﻨﮯ ﺩﺭﻣﯿﺎﻥ ﭘﺮﺳﮑﻮﻥ ﮔﮩﺮﯼ ﻧﯿﻨﺪ ﻣﯿﮟ ﭼﻨﯽ ﮐﻮ ﺩﯾﮑﮭﺘﮯ ﮨﻮﺋﮯ ﺳﺎﻻﺭ ﺳﮯ ﭘﻮﭼﮭﺎ ﺍﻭﺭ ﻭﮦ ﺑﮭﯽ ﺍﺱ ﻭﻗﺖ ﭼﻨﯽ ﮐﻮ ﮨﯽ ﺩﯾﮑﮫ ﺭﮨﺎ ﺗﮭﺎ .
ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﮐﺴﯽ ﻧﮯ ﻣﺤﺒﺖ ﺍﻭﺭ ﺷﻔﻘﺖ ﺳﮯ ﺍﺱ ﮐﺎ ﭘﯿﭧ ﺑﮭﺮﻧﮯ ﺗﮏ ﺍﺳﮯ ﮐﮭﻼﯾﺎ ﺗﮭﺎ۔ ﺍﻭﺭ ﻭﮦ ﺑﮯ ﺣﺪ ﺭﻏﺒﺖ ﺳﮯ ﺍﻣﺎﻣﮧ ﺍﻭﺭ ﺣﻤﯿﻦ ﮐﮯ ﮨﺎﺗﮭﻮﮞ ﺳﮯ ﻟﻘﻤﮯ ﻟﮯ ﻟﮯ ﮐﺮ ﮐﮭﺎﺗﯽ ﺭﮨﯽ۔ ﺧﺎﺹ ﻃﻮﺭ ﭘﺮ ﺣﻤﯿﻦ ﮐﮯ ﮨﺎﺗﮭﻮﮞ ﺳﮯ۔ ﺟﻮ ﺑﮩﺖ ﺿﺪ ﮐﺮ ﮐﮯ ﺍﺱ ﮐﺎﺭ ﺧﯿﺮ ﻣﯿﮟ ﺷﺎﻣﻞ ﮨﻮﺍ ﺗﮭﺎ۔
ﺍﻭﮦ ﻣﺎﺋﯽ ﮔﺎﮈ ! ﺣﻤﯿﻦ ﻧﮯ ﺍﭘﻨﮯ ﮨﺎﺗﮫ ﻣﯿﮟ ﭘﮑﮍﺍ ﭘﮩﻼ ﮨﯽ ﻟﻘﻤﮧ ﮐﮭﺎﻧﮯ ﭘﺮ ﺟﯿﺴﮯ ﺧﻮﺷﯽ ﺳﮯ ﻣﺨﺼﻮﺹ ﺍﻧﺪﺍﺯ ﻣﯿﮟ ﭼﯿﺦ ﻣﺎﺭﺗﮯ ﮨﻮﺋﮯ ﻧﻌﺮﮦ ﻟﮕﺎﯾﺎ ﺗﮭﺎ۔ ﻣﻤﯽ ﯾﮧ ﻣﺠﮭﮯﭘﺴﻨﺪ ﮐﺮﺗﯽ ﮨﮯ۔
ﭼﮫ ﻓﭧ ﺩﻭﺭ ﺑﯿﭩﮭﮯ ﺟﺒﺮﯾﻞ ﻧﮯ ﺍﯾﮏ ﮐﺘﺎﺏ ﮐﯽ ﻭﺭﻕ ﮔﺮﺩﺍﻧﯽ ﮐﺮﺗﮯ ﮨﻮﺋﮯ ﺍﯾﮏ ﻟﻤﺤﮯ ﮐﮯ ﻟﯿﮯ ﻧﻈﺮ ﺍﭨﮭﺎ ﮐﺮ ﺍﺳﮯ ﺩﯾﮑﮭﺎ ﺍﻭﺭ ﭘﮭﺮ ﺑﮯ ﺣﺪ ﺗﺤﻤﻞ ﺳﮯ ﺍﮔﻼ ﺻﻔﺤﮧ ﭘﻠﭩﺘﮯ ﮨﻮﺋﮯ ﺟﻮﺍﺑﯽ ﺳﺮﮔﻮﺷﯽ ﮐﯽ۔
ﺻﺮﻑ ﯾﮩﯽ ﺗﻤﮩﯿﮟ ﭘﺴﻨﺪ ﮐﺮﺗﯽ ﮨﮯ۔
ﺳﺎﻻﺭ ﻧﮯ ﮐﭽﮫ ﺩﯾﺮ ﭘﮩﻠﮯ ﮨﯽ ﺍﻣﺎﻣﮧ ﮐﻮ ﺍﺱ ﮐﮯ ﺍﻭﺭ ﺍﺱ ﮐﮯ ﺑﺎﭖ ﺍﻭﺭ ﺧﺎﻧﺪﺍﻥ ﮐﮯ ﺣﻮﺍﻟﮯ ﺳﮯ ﭘﯿﺶ ﺁﻧﮯ ﻭﺍﻟﮯ ﺗﻤﺎﻡ ﻭﺍﻗﻌﺎﺕ ﮐﻮ ﺍﭘﻨﮯ ﺍﺣﺴﺎﺱ ﺟﺮﻡ ﮐﮯ ﺳﺎﺗﮫ ﺁﮔﺎﮦ ﮐﯿﺎ ﺗﮭﺎ ﺍﻭﺭ ﭼﻨﯽ ﮐﮯ ﻟﺌﮯ ﺍﻣﺎﻣﮧ ﮐﯽ ﮨﻤﺪﺭﺩﯼ ﺍﻭﺭ ﺗﺮﺱ ﻣﯿﮟ ﺑﮯ ﭘﻨﺎﮦ ﺍﺿﺎﻓﮧ ﮐﺮ ﺩﯾﺎ ﺗﮭﺎ۔ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﺍﮨﻢ ﺗﺮﯾﻦ ﺳﻮﺍﻝ ﻭﮦ ﺗﮭﺎ ﺟﻮ ﺍﺱ ﻭﻗﺖ ﺍﻣﺎﻣﮧ ﻧﮯ ﭘﻮﭼﮭﺎ ﺗﮭﺎ۔
ﻣﯿﮟ ﺍﺳﮯ ﮐﺴﯽ ﯾﺘﯿﻢ ﺧﺎﻧﮯ ﯾﺎ ﻭﯾﻠﻔﯿﺌﺮ ﮨﻮﻡ ﻣﯿﮟ ﺩﺍﺧﻞ ﮐﺮﻭﺍﻧﮯ ﻻﯾﺎ ﮨﻮﮞ۔ ﺟﻮ ﮐﭽﮫ ﺍﺱ ﮐﮯ ﺳﺎﺗﮫ ﮨﻮﺍ ﻣﺠﮫ ﭘﮧ ﺍﺗﻨﯽ ﺫﻣﮧ ﺩﺍﺭﯼ ﺗﻮ ﺁﺗﯽ ﮨﮯ ﮐﮧ ﻣﯿﮟ ﺍﺱ ﮐﯽ ﺯﻧﺪﮔﯽ ﺧﺮﺍﺏ ﻧﮧ ﮨﻮﻧﮯ ﺩﻭﮞ۔ ﺳﺎﻻﺭ ﻧﮯ ﺳﻨﺠﯿﺪﮔﯽ ﺳﮯ ﺍﻣﺎﻣﮧ ﺳﮯ ﮐﮩﺎ۔
ﺗﻢ ﺍﺣﺴﺎﺱ ﺟﺮﻡ ﮐﺎ ﺷﮑﺎﺭ ﮨﻮ ﺭﮨﮯ ﮨﻮ؟ ﺍﺱ ﮐﮯ ﺍﻋﺘﺮﺍﻑ ﮐﮯ ﺑﺎﻭﺟﻮﺩ ﺍﻣﺎﻣﮧ ﮐﮩﮯ ﺑﻐﯿﺮ ﻧﮧ ﺭﮦ ﺳﮑﯽ۔
ﮨﺎﮞ۔ ﺟﻮ ﮐﭽﮫ ﺍﺱ ﮐﮯ ﺑﺎﭖ ﻧﮯ ﺍﭘﻨﮯ ﺧﺎﻧﺪﺍﻥ ﮐﮯ ﺳﺎﺗﮫ ﮐﯿﺎ ﺍﺱ ﻣﯿﮟ ﻣﯿﮟ ﺑﮭﯽ ﻗﺼﻮﺭﻭﺍﺭ ﮨﻮﮞ، ﺗﮭﻮﮌﯼ ﺳﯽ ﺯﯾﺎﺩﮦ ﮐﻨﺴﺮﻥ ﺩﮐﮭﺎﺗﺎ ﻣﯿﮟ ﺗﻮ ﯾﮧ ﺳﺐ ﻧﮧ ﮨﻮﺗﺎ ﺟﻮ ﮨﻮ ﮔﯿﺎ۔ ﺳﺎﻻﺭ ﺍﺳﮯ ﺩﯾﮑﮭﺘﮯ ﮨﻮﺋﮯ ﮐﮩﮧ ﺭﮨﺎ ﺗﮭﺎ۔ ﺍﻣﺎﻣﮧ ﻧﮯ ﺍﺱ ﮐﺎ ﮨﺎﺗﮫ ﺗﮭﭙﮑﺎ۔
ﺗﻢ ﺍﺳﮯ ﺍﭘﻨﮯ ﭘﺎﺱ ﺭﮐﮫ ﮐﺮ ﮐﺴﯽ ﯾﺘﯿﻢ ﺧﺎﻧﮯ ﻣﯿﮟ ﺩﺍﺧﻞ ﻧﮩﯿﮟ ﮐﺮﻭﺍ ﺳﮑﺘﮯ ﮨﻮ۔ ﺧﺎﺹ ﻃﻮﺭ ﭘﺮ ﺍﺱ ﺻﻮﺭﺕ ﺣﺎﻝ ﻣﯿﮟ، ﺟﺐ ﺍﺱ ﮐﮯ ﺭﺷﺘﮧ ﺩﺍﺭ ﻣﻮﺟﻮﺩ ﮨﯿﮟ ﺍﻭﺭ ﮐﻮﺭﭦ ﻧﮯ ﺍﻧﮩﯿﮟ ﺍﺱ ﮐﯽ ﮔﺎﺭﮈﯾﻦ ﺷﭗ ﺑﮭﯽ ﺩﮮ ﺭﮐﮭﯽ ﮨﮯ۔ ﻭﮦ ﺗﻤﮩﺎﺭﮮ ﺧﻼﻑ ﻗﺎﻧﻮﻧﯽ ﮐﺎﺭﻭﺍﺋﯽ ﮐﺮ ﺳﮑﺘﮯ ﮨﯿﮟ۔ ﺍﻣﺎﻣﮧ ﻧﮯ ﺟﯿﺴﮯ ﺍﺳﮯ ﺧﺒﺮﺩﺍﺭ ﮐﯿﺎ ﺗﮭﺎ۔
ﻣﺠﮭﮯ ﭘﺮﻭﺍﮦ ﻧﮩﯿﮟ۔ ﺍﺱ ﮐﺎ ﺑﮭﯽ ﮐﭽﮫ ﻧﮧ ﮐﭽﮫ ﺍﻧﺘﻈﺎﻡ ﮐﺮ ﻟﻮﮞ ﮔﺎ۔ ﻓﯽ ﺍﻟﺤﺎﻝ ﻣﯿﮟ ﻧﮯ ﺍﭘﻨﯽ ﻟﯿﮕﻞ ﭨﯿﻢ ﺳﮯ ﮐﮩﺎ ﮨﮯ ﮐﮧ ﻭﮦ ﺍﺱ ﮐﮯ ﺑﺎﺭﮮ ﻣﯿﮟ ﻣﺠﮭﮯ ﺍﯾﮉﻭﺍﺋﺲ ﮐﺮﯾﮟ۔ ﮐﻮﺭﭦ ﮐﻮ ﺍﭘﺮﻭﭺ ﮐﯿﺎ ﺟﺎ ﺳﮑﺘﺎ ﮨﮯ۔ ﺍﺱ ﺑﭽﯽ ﮐﮯ ﻟﯿﮯ ﮔﺎﺭﮈﯾﻦ ﺷﭗ ﺑﺪﻟﯽ ﺟﺎ ﺳﮑﺘﯽ ﮨﮯ۔ ﻭﮦ ﺍﻣﺎﻣﮧ ﺳﮯ ﮐﮩﮧ ﺭﮨﺎ ﺗﮭﺎ ﺍﻭﺭ ﺍﺱ ﺳﺎﺭﯼ ﮔﻔﺘﮕﻮ ﮐﮯ ﺩﻭﺭﺍﻥ ﺳﺎﻻﺭ ﻧﮯ ﺍﯾﮏ ﻟﻤﺤﮯ ﮐﮯ ﻟﯿﮯ ﺑﮭﯽ ﺍﺱ ﺑﭽﯽ ﮐﻮ ﮔﻮﺩ ﻣﯿﮟ ﻟﯿﻨﮯ ﮐﮯ ﺁﭘﺸﻦ ﭘﺮ ﺳﻮﭼﺎ ﮨﯽ ﻧﮩﯿﮟ ﺗﮭﺎ۔ ﻭﮦ ﺻﺮﻑ ﺍﺱ ﺑﭽﯽ ﮐﯽ ﺑﮩﺘﺮ ﻧﮕﮩﺪﺍﺷﺖ ﭼﺎﮨﺘﺎ ﺗﮭﺎ۔
ﯾﮧ ﺧﯿﺎﻝ ﭘﮩﻠﯽ ﺑﺎﺭ ﺍﺱ ﮔﮭﺮ ﻣﯿﮟ ﺣﻤﯿﻦ ﮐﻮ ﺁﯾﺎ ﺗﮭﺎ ﺟﻮ ﺩﻭﺳﺮﮮ ﺩﻥ ﺍﻣﺎﻣﮧ ﺳﮯ ﭼﻨﯽ ﮐﺎ ﻧﺎﻡ ﭘﻮﭼﮭﻨﮯ ﮐﯽ ﺟﺪﻭﺟﮩﺪ ﮐﺮ ﺭﮨﺎ ﺗﮭﺎ۔
ﻣﺠﮭﮯ ﯾﺎﺩ ﮨﯽ ﻧﮩﯿﮟ ﺭﮨﺎ ﺗﻤﮩﺎﺭﮮ ﺑﺎﺑﺎ ﺳﮯ ﺍﺱ ﮐﺎ ﻧﺎﻡ ﭘﻮﭼﮭﻨﺎ۔
ﺍﻣﺎﻣﮧ ﮐﻮ ﺍﺱ ﮐﮯ ﺍﺳﺘﻔﺴﺎﺭ ﭘﺮ ﯾﺎﺩ ﺁﯾﺎ۔
ﻣﯿﮟ ﺍﺱ ﮐﺎ ﻧﺎﻡ ﺭﮐﮫ ﺩﻭﮞ؟ ﺣﻤﯿﻦ ﻧﮯ ﻣﺎﮞ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﺍﺳﮯ ﺗﺠﻮﯾﺰ ﭘﯿﺶ ﮐﯽ۔
ﻧﮩﯿﮟ ﺗﻢ ﯾﮧ ﻧﮩﯿﮟ ﮐﺮ ﺳﮑﺘﮯ۔ ﺟﺒﺮﯾﻞ ﻧﮯ ﺟﯿﺴﮯﺍﺳﮯ ﻟﮕﺎﻡ ﮈﺍﻟﻨﮯ ﮐﯽ ﮐﻮﺷﺶ ﮐﯽ۔
ﮐﯿﻮﮞ؟ ﺣﻤﯿﻦ ﻧﮯ ﺍﭘﻨﺎ ﭘﻮﺭﺍ ﻣﻨﮧ ﺍﻭﺭ ﺁﻧﮑﮭﯿﮟ ﺑﯿﮏ ﻭﻗﺖ ﭘﻮﺭﯼ ﻃﺮﺡ ﮐﮭﻮﻝ ﮐﺮ ﺍﻧﮩﯿﮟ ﮔﻮﻝ ﮐﺮﺗﮯ ﮨﻮﺋﮯ ﺗﻌﺠﺐ ﮐﯽ ﺍﻧﺘﮩﺎ ﭘﺮ ﭘﮩﻨﭽﺘﮯ ﮨﻮﺋﮯ ﮐﮩﺎ۔
ﮐﯿﻮﻧﮑﮧ ﺍﺱ ﮐﺎ ﭘﮩﻠﮯ ﮨﯽ ﺍﯾﮏ ﻧﺎﻡ ﮨﮯ۔ ﺟﺒﺮﯾﻞ ﻧﮯ ﺍﺳﯽ ﭨﮭﻨﮉﮮ ﺍﻧﺪﺍﺯ ﻣﯿﮟ ﺍﺱ ﮐﮯ ﺳﻮﺍﻝ ﮐﺎ ﺍﯾﺴﮯ ﺟﻮﺍﺏ ﺩﯾﺎ ﺟﯿﺴﮯ ﻭﮦ ﺍﺱ ﮐﯽ ﻋﻘﻞ ﭘﺮ ﺍﻓﺴﻮﺱ ﮐﺮ ﺭﮨﺎ ﮨﻮ۔
ﺗﻤﮩﯿﮟ ﺍﺱ ﮐﺎ ﻧﺎﻡ ﭘﺘﺎ ﮨﮯ؟ ﺗﮍﺍﻕ ﺳﮯ ﺍﮔﻼ ﺳﻮﺍﻝ ﺟﺒﺮﯾﻞ ﮐﯽ ﻃﺮﻑ ﺍﭼﮭﺎﻻ ﮔﯿﺎ۔
ﻧﮩﯿﮟ۔ ﺟﺒﺮﯾﻞ ﮔﮍﺑﮍﺍﯾﺎ۔
ﺣﻤﯿﻦ ﻧﮯ ﺍﺳﯽ ﺍﻧﺪﺍﺯ ﻣﯿﮟ ﺍﭘﻨﮯ ﺳﯿﻨﮯ ﭘﺮ ﮨﺎﺗﮫ ﺭﮐﮭﺘﮯ ﮨﻮﺋﮯ ﺍﺳﯽ ﮈﺭﺍﻣﺎﺋﯽ ﺍﻧﺪﺍﺯ ﻣﯿﮟ ﮐﮩﺎ۔ ﻣﻤﯽ ﺍﺱ ﮐﺎ ﻧﺎﻡ ﻧﮩﯿﮟ ﺟﺎﻧﺘﯽ۔ ﻭﮦ ﺍﺏ ﺍﻣﺎﻣﮧ ﮐﯽ ﻃﺮﻑ ﻣﺘﻮﺟﮧ ﺗﮭﺎ۔ ﻭﮦ ﺟﯿﺴﮯ ﻋﺪﺍﻟﺖ ﻣﯿﮟ ﺍﺱ ﮐﺎ ﮐﯿﺲ ﻟﮍﻧﮯ ﮐﮯ ﻟﯿﮯ ﺳﺮ ﺩﮬﮍ ﮐﯽ ﺑﺎﺯﯼ ﻟﮕﺎ ﺭﮨﺎ ﺗﮭﺎ۔
ﺍﻭﺭ ﺗﻢ؟ ﮐﯿﺎ ﺗﻢ ﻧﮩﯿﮟ ﭼﺎﮨﺘﮯ ﮐﮧ ﺍﺱ ﮐﺎ ﮐﻮﺋﯽ ﻧﺎﻡ ﮨﻮ؟
ﺍﺱ ﮐﮯ ﺍﻧﺪﺍﺯ ﻣﯿﮟ ﺍﺱ ﻗﺪﺭ ﻣﻼﻣﺖ ﺗﮭﯽ ﮐﮧ ﺍﯾﮏ ﻟﻤﺤﮧ ﮐﻮ ﺟﺒﺮﯾﻞ ﮐﻮ ﺑﮭﯽ ﻣﺪﺍﻓﻌﺎﻧﮧ ﺍﻧﺪﺍﺯ ﺍﺧﺘﯿﺎﺭ ﮐﺮﻧﺎ ﭘﮍﺍ۔
ﻣﯿﮟ ﻧﮯ ﯾﮧ ﺗﻮ ﻧﮩﯿﮟ ﮐﮩﺎ۔
ﻣﯿﮟ ﻧﮯ ﺧﻮﺩ ﺳﻨﺎ ﮨﮯ۔ ﺣﻤﯿﻦ ﻧﮯ ﺍﭘﻨﯽ ﻣﻮﭨﯽ ﻣﻮﭨﯽ ﺳﯿﺎﮦ ﺁﻧﮑﮭﯿﮟ ﻣﮑﻤﻞ ﮔﻮﻝ ﮐﺮﺗﮯ ﮨﻮﺋﮯ ﺍﮨﻢ ﮔﻮﺍﮦ ﮐﺎ ﺭﻭﻝ ﺍﺩﺍ ﮐﯿﺎ۔
ﺟﺒﺮﯾﻞ ﻧﮯ ﻓﻮﺭﯼ ﻃﻮﺭ ﭘﺮ ﺍﭘﻨﺎ ﭼﮩﺮﮦ ﮐﺘﺎﺏ ﮐﮯ ﭘﯿﭽﮭﮯ ﭼﮭﭙﺎﻧﮯ ﻣﯿﮟ ﮨﯽ ﻋﺎﻓﯿﺖ ﺳﻤﺠﮭﯽ۔ ﻭﮦ ﺍﺱ ﭼﮭﻮﭨﮯ ﺑﮭﺎﺋﯽ ﮐﻮ ﺗﻮ ﺗﺐ ﺑﮭﯽ ﭼﭗ ﻧﮩﯿﮟ ﮐﺮﻭﺍ ﺳﮑﺎ ﺗﮭﺎ ﺟﺐ ﺍﺳﮯ ﺑﻮﻟﻨﺎ ﻧﮩﯿﮟ ﺁﺗﺎ ﺗﮭﺎ۔
ﺣﻤﯿﻦ ! ﺍﺱ ﮐﮯ ﭘﯿﺮﻧﭩﺲ ﻧﮯ ﺍﺱ ﮐﺎ ﮐﻮﺋﯽ ﻧﮧ ﮐﻮﺋﯽ ﻧﺎﻡ ﺿﺮﻭﺭ ﺭﮐﮭﺎ ﮨﻮ ﮔﺎ۔ ﻭﮦ ﺍﺗﻨﯽ ﺑﮍﯼ ﮨﮯ۔
ﺍﻣﺎﻣﮧ ﻧﮯ ﺍﺱ ﺑﺎﺭ ﻣﺪﺍﺧﻠﺖ ﮐﺮﻧﺎ ﺿﺮﻭﺭﯼ ﺳﻤﺠﮭﺎ۔ ﺣﻤﯿﻦ ﮐﻮ ﺍﺱ ﮐﯽ ﺑﺎﺕ ﭘﺮ ﺟﯿﺴﮯ ﮐﺮﻧﭧ ﻟﮓ ﮔﯿﺎ۔
ﭘﯿﺮﻧﭩﺲ۔۔۔۔۔۔ ﺍﺱ ﮐﮯ ﺣﻠﻖ ﺳﮯ ﻋﺠﯿﺐ ﺳﯽ ﺁﻭﺍﺯ ﻧﮑﻠﯽ۔ﺟﺒﺮﯾﻞ ﮐﻮ ﮐﺘﺎﺏ ﮨﭩﺎ ﮐﺮ ﺍﺳﮯ ﺩﯾﮑﮭﻨﺎ ﭘﮍ ﮔﯿﺎ۔
ﺍﻭﮦ ﻣﺎﺋﯽ ﮔﺎﮈ ! ﺣﻤﯿﻦ ﮐﯽ ﺁﻭﺍﺯ ﺻﺪﻣﮧ ﺯﺩﮦ ﺗﮭﯽ۔ ﭘﮭﺮ ﯾﮧ ﺍﻥ ﮐﮯ ﭘﺎﺱ ﮐﯿﻮﮞ ﻧﮩﯿﮟ؟
ﺍﺱ ﻧﮯ ﺍﺳﯽ ﺻﺪﻣﮯ ﻣﯿﮟ ﺍﻣﺎﻣﮧ ﺳﮯ ﺟﯿﺴﮯ ﺍﺣﺘﺠﺎﺟﺎً ﮐﮩﺎ ﺗﮭﺎ۔ ﺍﻭﺭ ﯾﮧ ﻭﮦ ﺳﻮﺍﻝ ﺗﮭﺎ ﺟﺲ ﮐﺎ ﺟﻮﺍﺏ ﺍﻣﺎﻣﮧ ﻧﮧ ﺩﮮ ﺳﮑﯽ، ﺍﺱ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﺗﮭﺎ۔
ﮐﯿﺎ ﺍﺱ ﮐﺎ ﮐﻮﺋﯽ ﺑﮩﻦ ﯾﺎ ﺑﮭﺎﺋﯽ ﺑﮭﯽ ﻧﮩﯿﮟ؟
ﻧﮩﯿﮟ، ﺍﺱ ﮐﺎ ﮐﻮﺋﯽ ﺑﮭﯽ ﻧﮩﯿﮟ۔ ﺍﻣﺎﻣﮧ ﻧﮯﺟﻮﺍﺏ ﺩﯾﺎ۔ﺣﻤﯿﻦ ﮐﺎ ﭼﮩﺮﮦ ﮐﮭﻞ ﺍﭨﮭﺎ۔۔
ﺗﺐ ﺗﻮ ﻣﯿﮟ ﺍﺱ ﮐﺎ ﻧﺎﻡ ﺭﮐﮫ ﺳﮑﺘﺎ ﮨﻮﮞ۔ ﮔﻔﺘﮕﻮ ﺟﮩﺎﮞ ﺳﮯ ﺷﺮﻭﻉ ﮨﻮﺋﯽ ﺗﮭﯽ، ﮔﮭﻮﻡ ﭘﮭﺮ ﮐﺮ ﭘﮭﺮ ﻭﮨﯽ ﺁﮔﺌﯽ ﺗﮭﯽ۔ ﺣﻤﯿﻦ ﮐﻮﺋﯽ ﺑﺎﺕ ﺑﮭﻮﻟﺘﺎ ﻧﮩﯿﮟ ﺗﮭﺎ ﺍﻭﺭ ﯾﮧ ﺍﺱ ﮐﮯ ﻣﺎﮞ ﺑﺎﭖ ﮐﯽ ﺑﺪﻗﺴﻤﺘﯽ ﺗﮭﯽ۔
ﺍﻭﮐﮯ ! ﺗﻢ ﺍﺱ ﮐﺎ ﻧﺎﻡ ﺭﮐﮫ ﻟﻮ۔ ﺍﻣﺎﻣﮧ ﻧﮯ ﺟﯿﺴﮯ ﮨﺎﺗﮫ ﺟﻮﮌﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﺍﺱ ﮐﮯ ﺳﺎﻣﻨﮯ ﮨﺘﮭﯿﺎﺭ ﮈﺍﻟﮯ۔
ﻣﻤﯽ ! ﮐﯿﺎ ﯾﮧ ﮨﻤﺎﺭﮮ ﺳﺎﺗﮫ ﺭﮨﮯ ﮔﯽ؟ ﺣﻤﯿﻦ ﻧﮯ ﺍﯾﮏ ﺍﻭﺭ ﺳﻮﺍﻝ ﺳﮯ ﺍﺳﮯ ﻣﺸﮑﻞ ﻣﯿﮟ ﮈﺍﻟﻨﺎ ﺿﺮﻭﺭﯼ ﺳﻤﺠﮭﺎ۔
ﻧﮩﯿﮟ۔ ﺍﻣﺎﻣﮧ ﻧﮯ ﺍﺳﯽ ﻃﺮﺡ ﮐﺎﻡ ﻣﯿﮟ ﻣﺼﺮﻭﻑ ﺍﺱ ﮐﯽ ﻃﺮﻑ ﻣﺘﻮﺟﮧ ﮨﻮﺋﮯ ﺑﻐﯿﺮ ﮐﮩﺎ۔
ﮐﯿﻮﮞ؟ ﺣﻤﯿﻦ ﻧﮯ ﺟﯿﺴﮯ ﭼﯿﺦ ﻧﻤﺎ ﺍﻧﺪﺍﺯ ﻣﯿﮟ ﺳﻮﺍﻝ ﮐﯿﺎ۔ﺍﻣﺎﻣﮧ ﺻﺮﻑ ﮔﮩﺮﯼ ﺳﺎﻧﺲ ﻟﮯ ﮐﺮ ﺭﮦ ﮔﺌﯽ۔
ﺟﺐ ﺗﻤﮩﺎﺭﮮ ﺑﺎﺑﺎ ﺁﺋﯿﮟ ﮔﮯ ﺗﻮ ﺍﻥ ﮨﯽ ﺳﮯ ﭘﻮﭼﮭﻨﺎ۔ ﺍﺱ ﻧﮯ ﺑﻼ ﮐﻮ ﺍﭘﻨﮯ ﺳﺮ ﺳﮯ ﭨﺎﻟﻨﮯ ﮐﯽ ﮐﻮﺷﺶ ﮐﯽ۔
ﻣﻤﯽ ! ﮐﯿﺎ ﮨﻢ ﺍﺳﮯ ﺍﮈﺍﭘﭧ ﮐﺮ ﺳﮑﺘﮯ ﮨﯿﮟ؟ ﺍﻣﺎﻣﮧ ﮐﺎ ﺩﻣﺎﻍ ﮔﮭﻮﻡ ﮔﯿﺎ ﺗﮭﺎ ﺍﺱ ﺳﻮﺍﻝ ﭘﺮ۔
ﻧﮩﯿﮟ، ﯾﮧ ﻧﮩﯿﮟ ﮨﻮ ﺳﮑﺘﺎ۔
ﺗﻢ ﺍﺳﮯ ﺍﮈﺍﭘﭧ ﮐﯿﻮﮞ ﮐﺮﻧﺎ ﭼﺎﮨﺘﮯ ﮨﻮ؟ ﺟﺒﺮﯾﻞ ﻧﮯ ﺟﯿﺴﮯ ﮨﻮﻝ ﮐﺮ ﮐﮩﺎ۔
ﮐﯿﻮﻧﮑﮧ ﻣﺠﮭﮯ ﺍﯾﮏ ﺑﮯ ﺑﯽ ﭼﺎﮨﯿﺌﮯ۔
ﺍﺱ ﻧﮯ ﺑﮯ ﺣﺪ ﻧﺮﻭﭨﮭﮯ ﺍﻧﺪﺍﺯ ﻣﯿﮟ ﺍﻋﻼﻥ ﮐﯿﺎ۔ ﺟﺒﺮﯾﻞ ﺟﯿﺴﮯ ﻏﺶ ﮐﮭﺎ ﮔﯿﺎ ﺗﮭﺎ۔ ﺍﻣﺎﻣﮧ ﺩﻡ ﺑﺨﻮﺩ ﺍﭘﻨﮯ ﺳﺎﮌﮬﮯ ﺗﯿﻦ ﺳﺎﻟﮧ ﺑﯿﭩﮯ ﮐﯽ ﺷﮑﻞ ﺩﯾﮑﮫ ﮐﺮ ﺭﮦ ﮔﺌﯽ۔ ﺟﺒﮑﮧ ﻻﺅﻧﺞ ﻣﯿﮟ ﺁﺗﮯ ﮨﻮﺋﮯ ﺳﮑﻨﺪﺭ ﻋﺜﻤﺎﻥ ﺍﭘﻨﯽ ﮨﻨﺴﯽ ﭘﺮ ﻗﺎﺑﻮ ﻧﮩﯿﮟ ﺭﮐﮫ ﺳﮑﮯ ﺗﮭﮯ۔ ﺣﻤﯿﻦ ﻧﮯ ﺳﮑﻨﺪﺭ ﻋﺜﻤﺎﻥ ﮐﻮ ﺍﻧﺪﺭ ﺁﺗﮯ ﺍﻭﺭ ﮨﻨﺴﺘﮯ ﺩﯾﮑﮫ ﻟﯿﺎ۔ ﻭﮦ ﺍﭘﻨﯽ ﺟﮕﮧ ﺳﮯ ﺍﭨﮫ ﮐﺮ ﺟﺎ ﮐﺮ ﺍﻥ ﮐﯽ ﭨﺎﻧﮕﻮﮞ ﺳﮯ ﻟﭙﭧ ﮔﯿﺎ ﺍﻭﺭ ﺍﺱ ﻧﮯ ﺍﯾﮏ ﺑﺎﺭ ﭘﮭﺮ ﻭﮦ ﻣﻄﺎﻟﺒﮧ ﭘﯿﺶ ﮐﯿﺎ۔
ﺍﯾﮏ ﺩﻥ ﺁﺋﮯ ﮔﺎ ﺟﺐ ﺑﮯ ﺑﯽ ﺁﭖ ﮐﮯ ﭘﺎﺱ ﮨﻮ ﮔﺎ۔ ﺍﻧﮩﻮﮞ ﻧﮯ ﺍﺳﮯ ﺗﮭﭙﮑﺘﮯ ﮨﻮﺋﮯ ﺗﺴﻠﯽ ﺩﯼ۔
ﺍﯾﮏ ﺩﻥ؟ ﺣﻤﯿﻦ ﮐﯽ ﺁﻧﮑﮭﯿﮟ ﻋﺎﺩﺗﺎً ﮔﻮﻝ ﮨﻮﺋﯽ۔ ﺁﺝ ﮐﯿﻮﮞ ﻧﮩﯿﮟ؟
ﺳﮑﻨﺪﺭ ﻧﮯ ﺯﻣﯿﻦ ﭘﺮ ﺑﯿﭩﮭﯽ ﮐﮭﻠﻮﻧﻮﮞ ﺳﮯ ﮐﮭﯿﻠﺘﯽ ﭼﻨﯽ ﮐﻮ ﺩﯾﮑﮭﺎ۔ ﺟﺘﻨﺎ ﺗﺮﺣﻢ ﺍﻭﺭ ﺍﺣﺴﺎﺱ ﺟﺮﻡ ﺳﺎﻻﺭ ﮐﮯ ﺩﻝ ﻣﯿﮟ ﭼﻨﯽ ﮐﮯ ﻟﯿﮯ ﺗﮭﺎ ﺍﺗﻨﺎ ﮨﯽ ﺳﮑﻨﺪﺭ ﮐﮯ ﺩﻝ ﻣﯿﮟ ﺑﮭﯽ ﺍﺱ ﮐﮯ ﻟﯿﮯ ﺗﮭﺎ۔ ﻭﮦ ﺟﯿﺴﮯ ﺍﻥ ﺩﻭﻧﻮﮞ ﮐﺎ ﻣﺸﺘﺮﮐﮧ ﺍﺣﺴﺎﺱ ﺟﺮﻡ ﺗﮭﺎ۔
ﺑﯿﭩﺎ ﺍﺳﮯ ﻭﺍﭘﺲ ﺟﺎﻧﺎ ﮨﮯ۔ ﻭﮦ ﺁﭖ ﮐﯽ ﺑﮯ ﺑﯽ ﻧﮩﯿﮟ ﮨﻮ ﺳﮑﺘﯽ ۔ﺳﮑﻨﺪﺭ ﻧﮯ ﺍﺏ ﺣﻤﯿﻦ ﮐﻮ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﺎ ﺁﻏﺎﺯ ﮐﯿﺎ۔
ﺍﺳﮯ ﮐﮩﺎﮞ ﺟﺎﻧﺎ ﮨﮯ؟ ﺣﻤﯿﻦ ﮐﻮ ﺳﮑﻨﺪﺭ ﮐﯽ ﺑﺎﺕ ﭘﺮ ﺍﯾﮏ ﺍﻭﺭ ﺟﮭﭩﮑﺎ ﻟﮕﺎ۔
ﺍﭘﻨﯽ ﻓﯿﻤﻠﯽ ﮐﮯ ﭘﺎﺱ۔ ﺳﮑﻨﺪﺭ ﻧﮯ ﻣﺨﺘﺼﺮﺍً ﮐﮩﺎ۔
ﻟﯿﮑﻦ ﻣﻤﯽ ﻧﮯ ﺗﻮ ﮐﮩﺎ ﺗﮭﺎ ﮐﮧ ﺍﺱ ﮐﯽ ﮐﻮﺋﯽ ﻓﯿﻤﻠﯽ ﻧﮩﯿﮟ ﮨﮯ۔
ﺳﮑﻨﺪﺭ ﻧﮯ ﺍﻣﺎﻣﮧ ﺍﻭﺭ ﺍﻣﺎﻣﮧ ﻧﮯ ﺍﻧﮩﯿﮟ ﺩﯾﮑﮭﺎ۔ ﺁﭖ ﮐﮯ ﺑﺎﺑﺎ ﺍﺱ ﮐﻮ ﮐﺴﯽ ﻧﺮﺳﺮﯼ ﻣﯿﮟ ﺩﺍﺧﻞ ﮐﺮﻭﺍﻧﺎ ﭼﺎﮨﺘﮯ ﮨﯿﮟ۔ﺍﻣﺎﻣﮧ ﻧﮯ ﺍﺱ ﮐﮯ ﻟﯿﮯ ﺍﯾﮏ ﺟﻮﺍﺏ ﮈﮬﻮﻧﮉﺍ۔
ﯾﮧ ﮨﻤﺎﺭﮮ ﺳﺎﺗﮫ ﮐﯿﻮﮞ ﻧﮩﯿﮟ ﺭﮦ ﺳﮑﺘﯽ؟ ﮨﻤﺎﺭﺍ ﮔﮭﺮ ﺍﺗﻨﺎ ﺑﮍﺍ ﮨﮯ۔ ﺍﺱ ﻧﮯ ﮨﺎﺗﮫ ﭘﮭﯿﻼ ﮐﺮ ﺍﺗﻨﺎ ﭘﺮ ﺯﻭﺭ ﺩﯾﺎ۔
ﯾﮧ ﮨﻤﺎﺭﺍ ﮔﮭﺮ ﻧﮩﯿﮟ ﮨﮯ۔ ﯾﮧ ﺁﭖ ﮐﮯ ﺩﺍﺩﺍ ﺍﺑﻮ ﮐﺎ ﮔﮭﺮ ﮨﮯ۔ﺍﻧﺪﺭ ﺁﺗﮯ ﮨﻮﺋﮯ ﺳﺎﻻﺭ ﻧﮯ ﺍﺱ ﮐﮯ ﺳﻮﺍﻝ ﮐﺎ ﺟﻮﺍﺏ ﭘﯿﺶ ﮐﯿﺎ۔
ﺣﻤﯿﻦ ﺳﻮﭺ ﻣﯿﮟ ﭘﮍﺍ۔
ﯾﮧ ﮨﻤﺎﺭﮮ ﺳﺎﺗﮫ ﮐﻨﺸﺎﺳﺎ ﻣﯿﮟ ﺭﮦ ﺳﮑﺘﯽ ﮨﮯ۔ ﺍﺳﮯ ﮐﻨﺸﺎﺳﺎ ﻭﺍﻟﮯ ﮔﮭﺮ ﮐﺎ ﺧﯿﺎﻝ ﺁﯾﺎ۔
ﻟﯿﮑﻦ ﻭﮦ ﺑﮭﯽ ﮨﻤﺎﺭﺍ ﮔﮭﺮ ﻧﮩﯿﮟ، ﮨﻢ ﺍﺳﮯ ﺟﻠﺪ ﭼﮭﻮﮌ ﺩﯾﮟ ﮔﮯ۔
ﺳﺎﻻﺭ ﻧﮯ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﺍﺱ ﮐﮯ ﺳﺎﺗﮫ ﯾﻮﮞ ﺑﺎﺕ ﮐﺮﻧﯽ ﺷﺮﻭﻉ ﮐﯽ ﺟﯿﺴﮯ ﻭﮦ ﮐﺴﯽ ﺑﮍﮮ ﺁﺩﻣﯽ ﺳﮯ ﺑﺎﺕ ﮐﺮ ﺭﮨﺎ ﮨﻮ۔
ﺣﻤﯿﻦ ﺍﺏ ﺑﮭﯽ ﺳﻮﭺ ﻣﯿﮟ ﭘﮍﺍ ﺗﮭﺎ، ﺟﯿﺴﮯ ﻭﮦ ﭼﻨﯽ ﮐﮯ ﻟﯿﮯ ﺍﯾﮏ ﮔﮭﺮ ﮐﯽ ﺗﻼﺵ ﻣﯿﮟ ﺗﮭﺎ۔ ﺟﮩﺎﮞ ﺍﺳﮯ ﺭﮐﮭﺎ ﺟﺎ ﺳﮑﺘﺎ ﺍﻭﺭ ﺍﻣﺎﻣﮧ ﮐﻮ ﮔﮭﺮ ﮐﮯ ﺫﮐﺮ ﭘﺮ ﺟﯿﺴﮯ ﺍﭘﻨﺎ ﮔﮭﺮ ﯾﺎﺩ ﺁﯾﺎ۔
ﮨﻤﺎﺭﮮ ﭘﺎﺱ ﺍﭘﻨﺎ ﮔﮭﺮ ﮐﯿﻮﮞ ﻧﮩﯿﮟ ﮨﮯ؟
ﮨﻤﺎﺭﺍ ﺍﭘﻨﺎ ﮔﮭﺮ ﮨﻮ ﮔﺎ۔ ﺍﻣﺎﻣﮧ ﻧﮯ ﺟﯿﺴﮯ ﺣﻤﯿﻦ ﮐﻮ ﺑﮩﻼﯾﺎ۔
ﮐﺐ؟
ﺑﮩﺖ ﺟﻠﺪ۔
ﺍﻣﺎﻣﮧ ﭼﺎﺋﮯ ﺑﻨﺎ ﮐﺮ ﺳﮑﻨﺪﺭ ﺍﻭﺭ ﺳﺎﻻﺭ ﮐﻮ ﭘﯿﺶ ﮐﺮ ﺭﮨﯽ ﺗﮭﯽ۔
ﺍﺳﯽ ﻟﯿﮯ ﻣﻨﻊ ﮐﺮﺗﺎ ﺗﮭﺎ ﻣﯿﮟ ﮐﮧ ﻓﻀﻮﻝ ﺧﺮﭼﯿﺎﮞ ﻣﺖ ﮐﺮﻭ۔ ﻭﻗﺖ ﭘﺮ ﺍﭘﻨﺎ ﮔﮭﺮ ﺑﻨﺎ ﻟﻮ۔ ﺟﯿﺴﮯ ﺗﻤﮩﺎﺭﮮ ﺳﺎﺭﮮ ﺑﮭﺎﺋﯿﻮﮞ ﻧﮯ ﺑﻨﺎ ﻟﯿﮯ۔ ﺳﮑﻨﺪﺭ ﻋﺜﻤﺎﻥ ﮐﻮ ﺍﺱ ﻣﻮﺿﻮﻉ ﮔﻔﺘﮕﻮ ﺳﮯ ﻭﮦ ﭘﻼﭦ ﺍﻭﺭ ﻭﮦ ﺍﻧﮕﻮﭨﮭﯽ ﯾﺎﺩ ﺁﺋﯽ۔ ﻭﮦ ﭘﻼﭦ ﺍﺱ ﻭﻗﺖ ﮨﻮﺗﺎ ﺗﻮ ﭼﺎﺭ ﭘﺎﻧﭻ ﮐﺮﻭﮌ ﮐﺎ ﮨﻮﺗﺎ۔ ﺍﺱ ﺭﻧﮓ ﮐﯽ ﺍﺱ ﻭﻗﺖ ﮐﯽ ﻣﺎﺭﮐﯿﭧ ﭘﺮﺍﺋﺲ ﺳﮯ ﮈﺑﻞ۔ﺳﮑﻨﺪﺭ ﻧﮯ ﺭﻭﺍﻧﯽ ﺳﮯ ﮐﮩﺎ۔ ﺍﭘﻨﮯ ﻟﯿﮯ ﭼﺎﺋﮯ ﮈﺍﻟﺘﯽ ﺍﻣﺎﻣﮧ ﺍﯾﮏ ﻟﻤﺤﮯ ﮐﮯ ﻟﯿﮯ ﭨﮭﭩﮑﯽ۔
ﮐﺲ ﺭﻧﮓ ﮐﯽ؟ ﺍﺱ ﻧﮯ ﺟﯿﺴﮯ ﺣﯿﺮﺍﻥ ﮨﻮ ﮐﺮ ﺳﮑﻨﺪﺭ ﺳﮯ ﭘﻮﭼﮭﺎ۔
ﺟﻮ ﺭﻧﮓ ﺗﻢ ﻧﮯ ﭘﮩﻨﯽ ﮨﻮﺋﯽ ﮨﮯ۔ ﺳﮑﻨﺪﺭ ﻧﮯ ﭼﺎﺋﮯ ﮐﺎ ﮔﮭﻮﻧﭧ ﻟﯿﺘﮯ ﮨﻮﺋﮯ ﮐﮩﺎ۔ ﺳﺎﻻﺭ ﮐﻮ ﻏﻠﻄﯽ ﮐﺎ ﺍﺣﺴﺎﺱ ﮨﻮﺍ ﻟﯿﮑﻦ ﺍﺏ ﺗﯿﺮ ﮐﻤﺎﻥ ﺳﮯ ﻧﮑﻞ ﭼﮑﺎ ﺗﮭﺎ۔ ﺍﻣﺎﻣﮧ ﻧﮯ ﺑﮯ ﯾﻘﯿﻨﯽ ﺳﮯ ﮨﺎﺗﮫ ﻣﯿﮟ ﭘﮩﻨﯽ ﺍﻧﮕﻮﭨﮭﯽ ﮐﻮ ﺩﯾﮑﮭﺎ۔ ﭘﮭﺮ ﺳﺎﻻﺭ ﮐﻮ ﺍﻭﺭ ﭘﮭﺮ ﺳﮑﻨﺪﺭ ﻋﺜﻤﺎﻥ ﮐﻮ۔
ﯾﮧ ﭘﻼﭦ ﺑﯿﭻ ﮐﺮ ﺁﺋﯽ ﮨﮯ؟
ﮨﺎﮞ۔ ﺍﯾﮏ ﮐﺮﻭﮌ ﺳﯿﻨﺘﯿﺲ ﻻﮐﮫ ﮐﯽ۔ ﺫﺭﺍ ﺳﻮﭼﻮ ﺩﺱ ﮔﯿﺎﺭﮦ ﺳﺎﻝ ﭘﮩﻠﮯ ﻭﮦ ﭘﻼﭦ ﻧﮧ ﺑﮑﺘﺎ ﺗﻮ ﺁﺝ ﻭﮦ ﺍﺳﻼﻡ ﺁﺑﺎﺩ ﻣﯿﮟ ﺟﺲ ﺟﮕﮧ ﭘﺮ ﮨﮯ ﺍﺱ ﺳﮯ ﭼﺎﺭ ﮔﻨﺎ ﺯﯾﺎﺩﮦ ﻗﯿﻤﺖ ﮨﻮ ﭼﮑﯽ ﮨﻮﺗﯽ۔
ﺳﮑﻨﺪﺭ ﻧﮯﻧﮧ ﺍﻣﺎﻣﮧ ﮐﮯ ﺗﺎﺛﺮﺍﺕ ﭘﺮ ﻏﻮﺭ ﮐﯿﺎ، ﻧﮧ ﺳﺎﻻﺭ ﮐﮯ۔ ﻭﮦ ﺭﻭﺍﻧﯽ ﻣﯿﮟ ﭼﺎﺋﮯ ﭘﯿﺘﮯ ﮨﻮﺋﮯ ﺑﺎﺕ ﮐﺮﺗﮯ ﮔﺌﮯ۔
ﺍﻣﺎﻣﮧ ﺳﺎﮐﺖ ﺍﻭﺭ ﺩﻡ ﺑﺨﻮﺩ ﺳﺎﻻﺭ ﮐﻮ ﺩﯾﮑﮫ ﺭﮨﯽ ﺗﮭﯽ ﺟﻮ ﺍﺱ ﺳﮯ ﻧﻈﺮﯾﮟ ﭼﺮﺍﺋﮯ ﭼﺎﺋﮯ ﭘﯿﻨﮯ ﻣﯿﮟ ﻣﺼﺮﻭﻑ ﺗﮭﺎ ﺍﺱ ﻭﻗﺖ ﻭﮦ ﯾﮩﯽ ﮐﺮ ﺳﮑﺘﺎ ﺗﮭﺎ۔
ﮐﻤﺮﮮﻣﯿﮟ ﯾﮑﺪﻡ ﺍﭘﻨﯽ ﺑﺎﺕ ﮐﮯ ﺍﺧﺘﺘﺎﻡ ﭘﺮ ﭼﮭﺎﻧﮯ ﻭﺍﻟﯽ ﺧﺎﻣﻮﺷﯽ ﺳﮯ ﺳﮑﻨﺪﺭ ﻋﺜﻤﺎﻥ ﮐﻮ ﻟﮕﺎ ﮐﭽﮫ ﭨﮭﯿﮏ ﻧﮩﯿﮟ۔
ﭼﺎﺋﮯﮐﺎ ﺁﺧﺮﯼ ﮔﮭﻮﻧﭧ ﻟﯿﺘﮯ ﮨﻮﺋﮯ ﻭﮦ ﺭﮐﮯ۔ ﺍﻧﮩﻮﮞ ﻧﮯ ﺳﺎﮐﺖ ﺑﯿﭩﮭﯽ ﺍﻣﺎﻣﮧ ﮐﻮ ﺩﯾﮑﮭﺎ ﺟﻮ ﺳﺎﻻﺭ ﮐﻮ ﮔﮭﻮﺭ ﺭﮨﯽ ﺗﮭﯽ۔ ﭘﮭﺮ ﺳﯿﮑﻨﮉ ﮐﮯ ﮨﺰﺍﺭﻭﯾﮟ ﺣﺼﮯ ﻣﯿﮟ ﺍﻧﮩﯿﮟ ﺍﺱ ﺧﺎﻣﻮﺷﯽ ﮐﯽ ﻭﺟﮧ ﺳﻤﺠﮫ ﺁ ﮔﺌﯽ ﺗﮭﯽ۔
ﺍﺳﮯ ﺍﺏ ﺑﮭﯽ ﻧﮩﯿﮟ ﭘﺘﺎ؟ ﺍﻧﮩﻮﮞ ﻧﮯ ﺑﮯ ﯾﻘﯿﻨﯽ ﺳﮯ ﺍﭘﻨﮯ ﺑﯿﭩﮯ ﺳﮯ ﭘﻮﭼﮭﺎ۔
ﺍﺏ ﭘﺘﺎ ﭼﻞ ﮔﯿﺎ ﮨﮯ۔ ﺳﮑﻨﺪﺭ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﻭﮦ ﻓﻮﺭﯼ ﻃﻮﺭ ﭘﺮ ﺍﺱ ﺍﻧﮑﺸﺎﻑ ﭘﺮ ﮐﯿﺎ ﺭﺩ ﻋﻤﻞ ﮐﺮﮮ۔ ﺟﻮ ﺍﯾﮏ ﺭﺍﺯ ﮐﻮ ﻏﯿﺮ ﺍﺭﺍﺩﯼ ﻃﻮﺭ ﭘﺮ ﺍﻓﺸﺎ ﮐﺮﻧﮯ ﭘﺮ ﺍﻥ ﮐﯽ ﺷﺮﻣﻨﺪﮔﯽ ﭼﮭﭙﺎ ﻟﯿﺘﺎ۔
ﺍﻣﺎﻣﮧ ﻧﮯ ﺍﭘﻨﮯ ﮨﺎﺗﮫ ﮐﯽ ﭘﺸﺖ ﮐﻮ ﭘﮭﯿﻼ ﮐﺮ ﺍﺱ ﺍﻧﮕﻮﭨﮭﯽ ﮐﻮ ﺩﯾﮑﮭﺎ۔ ﭘﮭﺮ ﺳﮑﻨﺪﺭ ﮐﻮ ﺍﻭﺭ ﭘﮭﺮ ﺳﺎﻻﺭ ﮐﻮ۔ ﻭﮦ ﺍﮔﺮ ﮐﮩﺘﺎ ﺗﮭﺎ ﮐﮧ ﻭﮦ ﺍﻧﻤﻮﻝ ﺗﮭﯽ ﺗﻮ ﻏﻠﻂ ﻧﮩﯿﮟ ﮐﮩﺘﺎ ﺗﮭﺎ۔ ﺍﺱ ﮐﯽ ﺯﻧﺪﮔﯽ ﻣﯿﮟ ﺑﮩﺖ ﺳﺎﺭﮮ ﻟﻤﺤﮯ ﺁﺋﮯ ﺟﺐ ﺍﺱ ﮐﺎ ﺩﻝ ﺑﺲ ﺳﺎﻻﺭ ﮐﮯ ﮔﻠﮯ ﻟﮓ ﺟﺎﻧﮯ ﮐﻮ ﭼﺎﮨﺎ ﺗﮭﺎ۔ ﮐﺴﯽ ﻟﻔﻆ ﺍﻭﺭ ﮐﺴﯽ ﺍﻇﮩﺎﺭ ﮐﮯ ﺑﻐﯿﺮ۔
—–—— ﺗﻢ ﻧﮯ ﺭﻧﮓ ﺍﺗﺎﺭ ﺩﯼ؟ ﺍﺱ ﺭﺍﺕ ﺍﻣﺎﻣﮧ ﮐﮯ ﮨﺎﺗﮫ ﻣﯿﮟ ﺍﺱ ﺭﻧﮓ ﮐﻮ ﻧﮧ ﭘﺎ ﮐﺮ ﻭﮦ ﭘﻮﭼﮭﮯ ﺑﻨﺎ ﻧﮧ ﺭﮦ ﺳﮑﺎ۔ ﻣﯿﮟ ﺑﮯ ﻭﻗﻮﻑ ﻧﮩﯿﮟ ﮨﻮﮞ ﺟﻮ ﺍﺗﻨﯽ ﻗﯿﻤﺘﯽ ﺭﻧﮓ ﮨﺮ ﻭﻗﺖ ﭘﮩﻨﮯ ﺭﮨﻮﮞ۔ ﺍﻣﺎﻣﮧ ﻧﮯ ﺟﻮﺍﺑﺎً ﮐﮩﺎ۔ ﺗﻤﮩﯿﮟ ﻣﺠﮭﮯ ﺑﺘﺎﻧﺎ ﭼﺎﮨﯿﮯ ﺗﮭﯽ ﺍﺱ ﮐﯽ ﻗﯿﻤﺖ۔ ﺍﺱ ﻧﮯ ﺳﺎﻻﺭ ﺳﮯ ﮐﮩﺎ۔ ﺻﺮﻑ ﺍﺱ ﺧﺪﺷﮯ ﮐﮯ ﺗﺤﺖ ﻧﮩﯿﮟ ﺑﺘﺎﯾﺎ ﺗﮭﺎ ﺗﻤﮩﯿﮟ ﺍﻭﺭ ﺩﯾﮑﮫ ﻟﻮ ﻣﯿﺮﺍ ﺍﻧﺪﺍﺯﮦ ﭨﮭﯿﮏ ﺗﮭﺎ۔ ﺗﻢ ﺍﺳﮯ ﺑﮭﯽ ﺍﺏ ﻻﮐﺮ ﻣﯿﮟ ﺭﮐﮫ ﺩﻭ ﮔﯽ۔ ﺳﺎﻻﺭ ﮐﭽﮫ ﻧﺎﺧﻮﺵ ﺳﺎ ﺩﻭﺑﺎﺭﮦ ﭨﯽ ﻭﯼ ﮐﯽ ﻃﺮﻑ ﻣﺘﻮﺟﮧ ﮨﻮﺍ۔ ﺍﯾﮏ ﻟﻤﺤﮧ ﮐﮯ ﻟﯿﮯ ﺍﻣﺎﻣﮧ ﺧﺎﻣﻮﺵ ﺭﮨﯽ ﭘﮭﺮ ﺍﺱ ﻧﮯ ﮐﮩﺎ ﺗﻮ ﺍﻭﺭ ﮐﮩﺎﮞ ﺭﮐﮭﻮﮞ؟ ﺳﺎﺗﮫ ﻟﯿﮯ ﭘﮭﺮﻧﺎ ﺑﮯ ﻭﻗﻮﻓﯽ ﮨﮯ۔ ﮔﻢ ﮨﻮ ﺟﺎﺋﮯ ﺗﻮ؟ ﻣﺠﮭﮯ ﺗﻮ ﮨﺎﺭﭦ ﺍﭨﯿﮏ ﮨﯽ ﮨﻮ ﺟﺎﺋﮯ ﮔﺎ ﺟﻮ ﺍﯾﮏ ﮐﺮﻭﮌ ﺳﮯ ﺑﮭﯽ ﻣﮩﻨﮕﯽ ﺍﻧﮕﻮﭨﮭﯽ ﻣﯿﮟ ﮔﻢ ﮐﺮ ﺩﻭﮞ۔ ﺗﻘﺮﯾﺒﺎً ﺳﻮﺍ ﺩﻭ ﮐﺮﻭﮌ۔ ﺳﺎﻻﺭ ﭨﯽ ﻭﯼ ﭘﺮ ﻧﻈﺮﯾﮟ ﺟﻤﺎﺋﮯ ﺑﮍﺑﮍﺍﯾﺎ۔ ﺍﻣﺎﻣﮧ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ۔ ﮐﯿﺎ؟ ﺍﺱ ﮐﯽ ﻣﻮﺟﻮﺩﮦ ﻗﯿﻤﺖ۔ ﻭﮦ ﺍﺳﯽ ﺍﻧﺪﺍﺯ ﻣﯿﮟ ﺑﻮﻻ۔ ﺍﺱ ﻟﯿﮯ ﺗﻮ ﻧﮩﯿﮟ ﭘﮩﻦ ﺭﮨﯽ۔۔ ﺑﮯ ﻭﻗﻮﻓﯽ ﺗﮭﯽ ﻭﯾﺴﮯ ﯾﮧ۔ﺍﺱ ﻧﮯ ﺍﯾﮏ ﮨﯽ ﺳﺎﻧﺲ ﻣﯿﮟ ﮐﭽﮫ ﺗﻮﻗﻒ ﮐﮯ ﺑﻌﺪ ﮐﮩﺎ۔ ﮐﯿﺎ؟ ﺳﺎﻻﺭ ﺍﺱ ﺑﺎﺭ ﺍﺱ ﮐﯽ ﻃﺮﻑ ﻣﺘﻮﺟﮧ ﮨﻮﺍ۔ ﺍﯾﮏ ﭘﻼﭦ ﺑﯿﭻ ﮐﺮ ﺍﻧﮕﻮﭨﮭﯽ ﺧﺮﯾﺪﻧﺎ ﺍﻭﺭ ﻭﮦ ﺑﮭﯽ ﺍﺗﻨﯽ ﻣﮩﻨﮕﯽ۔ ﻣﯿﮟ ﺗﻤﮩﺎﺭﯼ ﺟﮕﮧ ﮨﻮﺗﯽ ﺗﻮ ﮐﺒﮭﯽ ﻧﮧ ﺧﺮﯾﺪﺗﯽ۔ ﺍﺳﯽ ﻟﯿﮯ ﺗﻢ ﻣﯿﺮﯼ ﺟﮕﮧ ﻧﮩﯿﮟ ﮨﻮ ﺍﻣﺎﻣﮧ ! ﺳﺎﻻﺭ ﻧﮯ ﺟﺘﺎﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺎ۔ ﻭﮦ ﻧﺎﺩﻡ ﮨﻮﺋﯽ ﻟﯿﮑﻦ ﺍﺱ ﻧﮯ ﻇﺎﮨﺮ ﻧﮩﯿﮟ ﮐﯿﺎ۔ ﻭﮦ ﭘﻼﭦ ﮨﻮﺗﺎ ﺗﻮ ﺁﺝ ﺍﺳﮯ ﺑﯿﭻ ﮐﺮ ﮔﮭﺮ ﺑﻨﺎ ﭼﮑﮯ ﮨﻮﺗﮯ ﮨﻢ۔ﺍﺱ ﻧﮯ ﭼﻨﺪ ﻟﻤﺤﻮﮞ ﮐﯽ ﺧﺎﻣﻮﺷﯽ ﮐﮯ ﺑﻌﺪ ﮐﮩﺎ۔ ﺗﻤﮩﺎﺭﮮ ﺧﻮﺍﺑﻮﮞ ﮐﺎ ﺍﯾﮑﮍﻭﮞ ﭘﺮ ﭘﮭﯿﻼ ﮨﻮﺍ ﮔﮭﺮ ﭼﻨﺪ ﮐﺮﻭﮌ ﻣﯿﮟ ﺑﻦ ﺟﺎﺗﺎ؟ ﻭﮦ ﺍﺏ ﺍﺳﮯ ﭼﮍﺍﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﭽﮫ ﯾﺎﺩ ﺩﻻ ﺭﮨﺎ ﺗﮭﺎ۔ﺍﻭﺭ ﺍﻣﺎﻣﮧ ﮐﻮ ﺍﯾﮏ ﺟﮭﻤﺎﮐﮯ ﮐﮯﺳﺎﺗﮫ ﻭﮦ ﺳﮑﺮﯾﭗ ﺑﮏ ﯾﺎﺩ ﺁﺋﯽ ﺟﺲ ﻣﯿﮟ ﺍﺱ ﻧﮯ ﺍﭘﻨﮯ ﻣﻤﮑﻨﮧ ﮔﮭﺮ ﮐﯽ ﮈﮬﯿﺮﻭﮞ ﮈﺭﺍﺋﻨﮕﺰ ﺑﻨﺎ ﺭﮐﮭﯽ ﺗﮭﯽ۔ ﺍﭼﮭﺎ ﮐﯿﺎ ﻣﺠﮭﮯ ﯾﺎﺩ ﺩﻻ ﺩﯾﺎ۔ ﻣﯿﮟ ﺗﻮ ﮐﻞ ﮨﯽ ﻭﮦ ﺳﮑﺮﯾﭗ ﺑﮏ ﻧﮑﺎﻟﺘﯽ ﮨﻮﮞ، ﻣﺪﺕ ﮨﻮ ﮔﺌﯽ ﺍﺳﮯ ﺩﯾﮑﮭﮯ ﮨﻮﺋﮯ ﺍﻭﺭ ﺍﺱ ﻣﯿﮟ ﮐﭽﮫ ﺍﯾﮉ ﮐﯿﮯ۔۔ ﺍﻣﺎﻣﮧ ﮐﺎ ﺫﮨﻦ ﺑﺮﻕ ﺭﻓﺘﺎﺭﯼ ﺳﮯ ﺍﻧﮕﻮﭨﮭﯽ ﺳﮯ ﮨﭧ ﮐﺮ ﮔﮭﺮ ﭘﺮ ﭼﻼ ﮔﯿﺎ ﺗﮭﺎ ﺍﻭﺭ ﭘﮭﺮ ﺳﺎﻻﺭ ﮐﻮ ﺍﻣﺮﯾﮑﮧ ﻣﯿﮟ ﺧﺮﯾﺪﮮ ﺍﻭﺭ ﺑﯿﭻ ﺩﯾﻨﮯ ﻭﺍﻟﮯ ﮔﮭﺮ ﮐﺎ ﺧﯿﺎﻝ ﺁﯾﺎ۔ ﺗﻤﮩﯿﮟ ﺍﯾﮏ ﭼﯿﺰ ﺩﮐﮭﺎﺅﮞ؟ ﺳﺎﻻﺭ ﻧﮯ ﭨﯿﺒﻞ ﭘﺮ ﭘﮍﮮ ﺍﭘﻨﮯ ﻟﯿﭗ ﭨﺎﭖ ﮐﻮ ﺍﭨﮭﺎ ﻟﯿﺎ۔ ﮐﯿﺎ؟ ﻭﮦ ﭼﻮﻧﮑﯽ۔ ﺳﺎﻻﺭ ﺍﺏ ﻟﯿﭗ ﭨﺎﭖ ﮐﮭﻮﻝ ﮐﺮ ﺍﺱ ﻣﯿﮟ ﺳﮯ ﺗﺼﻮﯾﺮﻭﮞ ﻭﺍﻟﮯ ﺣﺼﮯ ﻣﯿﮟ ﺟﺎ ﮐﺮ ﺍﺱ ﮔﮭﺮ ﮐﯽ ﺗﺼﻮﯾﺮﯾﮟ ﮈﮬﻮﻧﮉ ﺭﮨﺎ ﺗﮭﺎ ﺍﻭﺭ ﻭﮦ ﭼﻨﺪ ﻣﻨﭩﻮﮞ ﻣﯿﮟ ﺳﮑﺮﯾﻦ ﭘﺮ ﻧﻤﻮﺩﺍﺭ ﮨﻮ ﮔﺌﯽ ﺗﮭﯽ۔ ﯾﮧ ﮐﯿﺎ ﮨﮯ؟ ﺍﻣﺎﻣﮧ ﻧﮯ ﺍﯾﮏ ﮐﮯ ﺑﻌﺪ ﺍﯾﮏ ﺍﺳﮑﺮﯾﻦ ﭘﺮ ﻧﻤﻮﺩﺍﺭ ﮨﻮﻧﮯ ﻭﺍﻟﯽ ﺍﻥ ﺗﺼﻮﯾﺮﻭﮞ ﮐﻮ ﺩﯾﮑﮭﺘﮯ ﮨﻮﺋﮯ ﺳﺎﻻﺭ ﺳﮯ ﭘﻮﭼﮭﺎ۔۔۔ ﺍﯾﮏ ﮔﮭﺮ۔۔۔۔۔۔۔ ﺍﯾﮏ ﺟﮭﯿﻞ۔۔۔۔۔۔ ﺍﺱ ﮐﮯ ﮔﺮﺩ ﭘﮭﯿﻼ ﻻﻥ۔۔۔۔۔۔ ﻭﮦ ﺍﺱ ﮐﯽ ﺑﺎﺕ ﭘﺮ ﮨﻨﺴﯽ۔ ﻭﮦ ﺗﻮ ﻣﺠﮭﮯ ﻧﻈﺮ ﺁﺭﮨﺎ ﮨﮯ، ﻟﯿﮑﻦ ﮐﺲ ﮐﺎ ﮔﮭﺮ ﮨﮯ ﯾﮧ۔ ﺍﺱ ﻧﮯ ﺳﺎﻻﺭ ﺳﮯ ﭘﻮﭼﮭﺎ۔ ﺍﻭﺭ ﻣﺠﮭﮯ ﮐﯿﻮﮞ ﺩﮐﮭﺎ ﺭﮨﮯ ﮨﻮ؟ ﺟﺐ ﺣﻤﯿﻦ ﭘﯿﺪﺍ ﮨﻮﺍ ﺗﮭﺎ ﺍﻭﺭ ﻣﯿﮟ ﺗﻤﮩﺎﺭﮮ ﭘﺎﺱ ﺍﻣﺮﯾﮑﮧ ﺳﮯ ﺁﯾﺎ ﺗﮭﺎ ﺗﻮ ﺍﺱ ﺭﺍﺕ ﺗﻢ ﻧﮯ ﻣﺠﮭﮯ ﺑﺘﺎﯾﺎ ﺗﮭﺎ ﮐﮧ ﺗﻢ ﻧﮯ ﺧﻮﺍﺏ ﻣﯿﮟ ﺍﯾﮏ ﮔﮭﺮ ﺩﯾﮑﮭﺎ ﺗﮭﺎ۔ ﮐﯿﺎ ﻭﮦ ﮔﮭﺮ ﺍﯾﺴﺎ ﺗﮭﺎ۔ ﺗﻤﮩﯿﮟ ﺧﻮﺍﺏ ﯾﺎﺩ ﮨﮯ ﻧﺎ؟ ﺳﺎﻻﺭ ﻧﮯ ﺍﺱ ﺳﮯ ﭘﻮﭼﮭﺎ۔ ﮨﺎﮞ ﯾﺎﺩ ﮨﮯ۔ ﻟﯿﮑﻦ ﻭﮦ ﮔﮭﺮ ﺍﯾﺴﺎ ﻧﮩﯿﮟ ﺗﮭﺎ۔ ﻭﮦ ﺟﮭﯿﻞ ﺑﮭﯽ ﺍﯾﺴﯽ ﻧﮩﯿﮟ ﺗﮭﯽ۔ ﺍﻭﺭ ﯾﮧ ﮐﮩﮧ ﮐﺮ ﺍﺱ ﻧﮯ ﺳﺎﻻﺭ ﮐﮯ ﺍﺣﺴﺎﺱ ﺟﺮﻡ ﺳﮯ ﺟﯿﺴﮯ ﮨﻮﺍ ﻧﮑﺎﻝ ﺩﯼ۔ ﮐﯿﻮﮞ؟ ﺗﻢ ﮐﯿﻮﮞ ﭘﻮﭼﮫ ﺭﮨﮯ ﮨﻮ ﯾﮧ ﺳﺐ؟ ﺍﻭﺭ ﯾﮧ ﮔﮭﺮ ﮐﺲ ﮐﺎ ﮨﮯ؟ ﺍﻣﺎﻣﮧ ﮐﻮ ﺍﺏ ﺍﻟﺠﮭﻦ ﮨﻮﺋﯽ۔ ﺗﻤﮩﺎﺭﮮ ﻟﯿﮯ ﺧﺮﯾﺪﺍ ﺗﮭﺎ۔ ﺳﺎﻻﺭ ﭘﮭﺮ ﺗﺼﻮﯾﺮﻭﮞ ﮐﻮ ﺳﮑﺮﻭﻝ ﮐﺮﻧﮯ ﻟﮕﺎ۔ ﺍﻣﺎﻣﮧ ﮐﻮ ﺍﺱ ﮐﯽ ﺑﺎﺕ ﭘﺮ ﺟﯿﺴﮯ ﺟﮭﭩﮑﺎ ﻟﮕﺎ۔ ﮐﯿﺎ ﻣﻄﻠﺐ ﻣﯿﺮﮮ ﻟﯿﮯ۔ ﮨﺎﮞ ﺗﻤﮩﺎﺭﮮ ﻟﯿﮯ mortagage ﮐﯿﺎ ﺗﮭﺎ ﺍﻣﺮﯾﮑﮧ ﻣﯿﮟ ۔ﺗﻤﮩﯿﮟ ﺳﺮﭘﺮﺍﺋﺰ ﺩﯾﻨﺎ ﭼﺎﮨﺘﺎ ﺗﮭﺎ۔ ﺗﻤﮩﺎﺭﯼ ﺑﺮﺗﮫ ﮈﮮ ﭘﺮ ﮔﻔﭧ ﮐﺮ ﮐﮯ ﻟﯿﮑﻦ۔۔۔۔۔۔ ﻟﯿﮑﻦ؟ ﺍﻣﺎﻣﮧ ﻧﮯ ﺍﺱ ﮐﮯ ﺧﺎﻣﻮﺵ ﮨﻮﻧﮯ ﭘﺮ ﭘﻮﭼﮭﺎ۔ ﻟﯿﮑﻦ ﭘﮭﺮ ﻣﯿﮟ ﻧﮯ ﺍﺳﮯ ﺑﯿﭻ ﺩﯾﺎ۔ ﺳﻮﺩ ﺳﮯ ﻣﯿﮟ ﺩﻧﯿﺎ ﻣﯿﮟ ﺗﻮ ﮔﮭﺮ ﻟﮯ ﺳﮑﺘﺎ ﺗﮭﺎ، ﺟﻨﺖ ﻣﯿﮟ ﮔﮭﺮ ﻧﮩﯿﮟ ﻟﮯ ﺳﮑﺘﺎ۔ ﺗﻢ ﻟﮯ ﺑﮭﯽ ﻟﯿﺘﮯ ﺗﻮ ﻣﯿﮟ ﺍﺱ ﮔﮭﺮ ﻣﯿﮟ ﮐﺒﮭﯽ ﻧﮩﯿﮟ ﺟﺎﺗﯽ۔ ﺻﺮﻑ ﺍﯾﮏ ﮔﮭﺮ ﮨﯽ ﮐﯽ ﺗﻮ ﻓﺮﻣﺎﺋﺶ ﮐﯽ ﮨﮯ ﺗﻢ ﺳﮯ ﭘﻮﺭﯼ ﺯﻧﺪﮔﯽ ﻣﯿﮟ، ﻭﮦ ﺑﮭﯽ ﺣﺮﺍﻡ ﮐﮯ ﭘﯿﺴﮯ ﺳﮯ ﺑﻨﺎ ﮐﺮ ﺩﯾﺘﮯ ﻣﺠﮭﮯ؟ ﺍﻣﺎﻣﮧ ﻧﮯ ﺳﻨﺠﯿﺪﮔﯽ ﺳﮯ ﮐﮩﺎ۔ ﻣﯿﮟ ﺗﻤﮩﺎﺭﮮ ﺧﻮﺍﺑﻮﮞ ﮐﺎ ﮔﮭﺮ ﺑﻨﺎ ﮐﺮ ﺩﯾﻨﺎ ﭼﺎﮨﺘﺎ ﺗﮭﺎ ﺍﯾﮑﮍﻭﮞ ﭘﺮ ﭘﮭﯿﻼ۔۔۔۔۔ ﺟﮭﯿﻞ ﮐﻨﺎﺭﮮ۔۔۔۔۔۔۔ ﺳﻤﺮ ﮨﺎﺅﺱ۔۔۔۔۔۔۔ﺍﻭﺭ ﺟﻠﺪﯼ ﺑﻨﺎﻧﺎ ﭼﺎﮨﺘﺎ ﺗﮭﺎ۔ ﺑﮍﮬﺎﭘﮯ ﺗﮏ ﭘﮩﻨﭽﻨﮯ ﺳﮯ ﭘﮩﻠﮯ۔ ﺍﻣﺎﻣﮧ ﻧﮯ ﺳﺮ ﺟﮭﭩﮑﺎ۔ ﺗﻢ ﻭﺍﻗﻌﯽ ﺑﮯ ﻭﻗﻮﻑ ﮨﻮ۔ ﻣﯿﺮﮮ ﺧﻮﺍﺑﻮﮞ ﮐﮯ ﮔﮭﺮ ﮐﯽ ﺍﯾﻨﭩﯿﮟ ﺣﺮﺍﻡ ﮐﮯ ﭘﯿﺴﻮﮞ ﺳﮯ ﺭﮐﮭﯽ ﺟﺎﺋﮯ ﯾﮧ ﺧﻮﺍﮨﺶ ﻧﮩﯿﮟ ﮐﯽ ﺗﮭﯽ ﻣﯿﮟ ﻧﮯ ﺍﻭﺭ ﺍﯾﮑﮍﻭﮞ ﮐﺎ ﮔﮭﺮ ﺗﻢ ﺳﮯ ﮐﮩﺎ ﺗﮭﺎ ﻟﯿﮑﻦ ﺩﻋﺎ ﺍﻟﻠﮧ ﺳﮯ ﮐﺮﺗﯽ ﺗﮭﯽ ﮐﮧ ﻭﮦ ﺍﺳﮯ ﻣﮑﻤﻞ ﮐﺮﮮ ﺍﻭﺭ ﺍﺗﻨﮯ ﻭﺳﺎﺋﻞ ﺩﮮ۔ ﺗﻢ ﺳﮯ ﺍﯾﮏ ﺑﺎﺭ ﺑﮭﯽ ﻣﯿﮟ ﻧﮯ ﻧﮩﯿﮟ ﮐﮩﺎ ﮐﮧ ﺍﺗﻨﺎ ﮐﻤﺎﺅ ﯾﺎ ﺍﺳﯽ ﺳﺎﻝ ﮔﮭﺮ ﮐﮭﮍﺍ ﮐﺮ ﮐﮯ ﺩﻭ۔ ﮐﺒﮭﯽ ﺑﮭﯽ ﯾﺎﺩ ﺩﮨﺎﻧﯽ ﻧﮩﯿﮟ ﮐﺮﺍﺋﯽ ﺗﻤﮩﯿﮟ۔ ﭘﮭﺮ ﮐﯿﻮﮞ ﺟﻠﺪﯼ ﺗﮭﯽ ﺗﻤﮩﯿﮟ ﺍﺱ ﮔﮭﺮ ﮐﮯ ﻟﯿﮯ۔ ﺍﺳﮯ ﺍﻓﺴﻮﺱ ﮨﻮ ﺭﮨﺎ ﺗﮭﺎ۔ ﺗﻢ ﻧﮯ ﮐﺒﮭﯽ ﻣﺠﮫ ﺳﮯ ﻧﮩﯿﮟ ﮐﮩﺎ، ﻣﺠﮭﮯ ﺭﯾﻤﺎﻧﮉ ﻧﮩﯿﮟ ﺩﯾﺌﮯ، ﻟﯿﮑﻦ ﻣﺠﮭﮯ ﭘﺘﺎ ﺗﻮ ﺗﮭﺎ ﻧﺎ ﮐﮧ ﺗﻤﮩﺎﺭﯼ ﺧﻮﺍﮨﺶ ﮨﮯ ﯾﮧ۔ ﻣﯿﮟ ﭼﺎﮨﺘﺎ ﺗﮭﺎ ﻣﯿﮟ ﺗﻤﮩﺎﺭﯼ ﺧﻮﺍﮨﺶ ﭘﻮﺭﯼ ﮐﺮﺩﻭﮞ۔ ﺗﻢ ﻧﮯ ﺻﺮﻑ ﺍﯾﮏ ﭼﯿﺰ ﻣﺎﻧﮕﯽ ﺗﮭﯽ ﻣﺠﮫ ﺳﮯ ﺍﺱ ﻟﯿﮯ۔ﻭﮦ ﺍﺱ ﺳﮯ ﮐﮩﺘﺎ ﺟﺎ ﺭﮨﺎ ﺗﮭﺎ۔ ﺍﻣﺎﻣﮧ ﮨﻨﺲ ﭘﮍﯼ۔ ﺗﻢ ﺧﻮﺍﺏ ﺩﯾﮑﮫ ﺭﮨﮯ ﮨﻮ ﺳﻮﺩ ﺳﮯ ﭘﺎﮎ ﺍﯾﮏ ﺍﺳﻼﻣﯽ ﻣﺎﻟﯿﺎﺗﯽ ﻧﻈﺎﻡ ﮐﺎ، ﺟﺴﮯ ﺩﻧﯿﺎ ﻣﯿﮟ ﺭﺍﺋﺞ ﮐﺮ ﺳﮑﻮ ﺍﻭﺭ ﻣﯿﮟ ﺧﻮﺍﺏ ﺩﯾﮑﮭﺘﯽ ﮨﻮﮞ ﺍﯾﮑﮍﻭﮞ ﭘﺮ ﭘﮭﯿﻠﮯ ﺍﯾﮏ ﮔﮭﺮ ﮐﺎ۔ ﺣﻼﻝ ﮐﮯ ﭘﯿﺴﮯ ﺳﮯ ﺑﻨﮯ ﮨﻮﺋﮯ ﮔﮭﺮ ﮐﺎ۔ ﺧﻮﺍﺏ ﺗﻤﮩﺎﺭﺍ ﺑﮭﯽ ﺍﻟﻠﮧ ﮨﯽ ﭘﻮﺭﺍ ﮐﺮ ﺳﮑﺘﺎ ﮨﮯ ﺍﻭﺭ ﻣﯿﺮﺍ ﺑﮭﯽ۔ ﺍﺱ ﻟﯿﮯ ﺍﺳﮯ ﺍﻟﻠﮧ ﭘﺮ ﮨﯽ ﭼﮭﻮﮌ ﺩﯾﺘﮯ ﮨﯿﮟ۔ ﻭﯾﺴﮯ ﺑﮭﯽ ﻣﯿﮟ ﻧﮯ ﺳﻮﭼﺎ ﮨﮯ ﻭﮦ ﺍﻧﮕﻮﭨﮭﯽ ﺑﯿﭻ ﮐﺮ ﺍﺱ ﺳﮯ ﮐﻮﺋﯽ ﭘﻼﭦ ﺗﻮ ﻟﮯ ﮐﺮ ﺭﮐﮫ ﮨﯽ ﺳﮑﺘﯽ ﮨﻮﮞ ﻣﯿﮟ۔ ﺳﺎﻻﺭ ﻧﮯ ﺑﮯ ﺣﺪ ﺧﻔﮕﯽ ﺳﮯ ﺍﺱ ﮐﯽ ﺑﺎﺕ ﮐﺎﭨﯽ۔ ﺗﻢ ﺍﺳﮯ ﺑﯿﭻ ﺩﻭ ﮔﯽ؟ ﻭﮦ ﮨﻨﺲ ﭘﮍﯼ۔ ﻧﮩﯿﮟ، ﺗﻢ ﺳﻤﺠﮭﺘﮯ ﮨﻮ ﻣﯿﮟ ﺍﺳﮯ ﺑﯿﭻ ﺳﮑﺘﯽ ﮨﻮﮞ؟ ﮨﺎﮞ۔ ﺳﺎﻻﺭ ﻧﮯ ﺍﺳﯽ ﻧﺮﻭﭨﮭﮯ ﺍﻧﺪﺍﺯ ﻣﯿﮟ ﮐﮩﺎ۔ ﻭﮦ ﺍﯾﮏ ﺑﺎﺭ ﭘﮭﺮ ﮨﻨﺲ ﭘﮍﯼ۔ ﺗﻤﮩﯿﮟ ﭘﺘﺎ ﮨﮯ ﺩﻧﯿﺎ ﻣﯿﮟ ﺻﺮﻑ ﺍﯾﮏ ﻣﺮﺩ ﮨﮯ ﺟﻮ ﻣﯿﺮﮮ ﻟﯿﮯ ﺍﯾﺴﯽ ﺍﻧﮕﻮﭨﮭﯽ ﺧﺮﯾﺪ ﺳﮑﺘﺎ ﮨﮯ۔ ﺍﺏ ﺗﻢ ﺭﻭ ﮐﺮ ﻣﺠﮭﮯ ﺟﺬﺑﺎﺗﯽ ﮐﺮﻭ ﮔﯽ۔ ﺳﺎﻻﺭ ﻧﮯ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺍﺑﮭﺮﺗﯽ ﻧﻤﯽ ﮐﻮ ﺩﯾﮑﮫ ﮐﺮ ﺣﻔﺎﻇﺘﯽ ﺑﻨﺪ ﺑﺎﻧﺪﮬﻨﮯ ﮐﯽ ﮐﻮﺷﺶ ﮐﯽ۔ ﯾﮧ ﺍﻧﮕﻮﭨﮭﯽ ﺍﻧﻤﻮﻝ ﮨﮯ۔ ﺗﻢ ﺍﻧﻤﻮﻝ ﮨﻮ۔ ﺍﺱ ﻧﮯ ﭨﮭﯿﮏ ﺑﮭﺎﻧﭙﺎ ﺗﮭﺎ۔ ﺍﻣﺎﻣﮧ ﮐﯽ ﺁﻧﮑﮭﯿﮟ ﺑﺮﺳﻨﮯ ﻟﮕﯽ ﺗﮭﯽ۔ ﭘﮭﺮ ﺍﯾﮏ ﺑﺎﺕ ﻣﺎﻧﻮ۔ ﺳﺎﻻﺭ ﻧﮯ ﺍﺱ ﮐﺎ ﮨﺎﺗﮫ ﺗﮭﺎﻣﺎ۔ ﮐﯿﺎ؟ ﺍﺳﮯ ﮨﺎﺗﮫ ﻣﯿﮟ ﭘﮩﻦ ﻟﻮ۔ ﮔﻢ ﮨﻮ ﺟﺎﺋﮯ ﮔﯽ۔ ﻭﮦ ﺭﻭﺗﮯ ﮨﻮﺋﮯ ﺑﻮﻟﯽ۔ ﻣﯿﮟ ﺍﻭﺭ ﻟﮯ ﺩﻭﮞ ﮔﺎ۔ ﺍﺱ ﻧﮯ ﺍﻣﺎﻣﮧ ﮐﮯ ﺁﻧﺴﻮ ﭘﻮﻧﭽﮭﮯ۔ ﺗﻤﮩﺎﺭﮮ ﭘﺎﺱ ﺑﯿﭽﻨﮯ ﮐﮯ ﻟﯿﮯ ﺍﺏ ﮐﭽﮫ ﮨﮯ ﮨﯽ ﻧﮩﯿﮟ۔ﺍﻣﺎﻣﮧ ﻧﮯ ﺁﻧﺴﻮﺅﮞ ﮐﯽ ﺑﺎﺭﺵ ﻣﯿﮟ ﺑﮭﯽ ﮨﻮﺵ ﻣﻨﺪﯼ ﺩﮐﮭﺎﺋﯽ۔ ﻭﮦ ﮨﻨﺴﺎ۔ ﺗﻢ ﻣﺠﮭﮯ ﺍﯾﺴﭩﯿﻤﯿﭧ ﮐﺮ ﺭﮨﯽ ﮨﻮ۔ ﺍﺱ ﺳﮯ ﭘﮩﻠﮯ ﻭﮦ ﮐﭽﮫ ﺍﻭﺭ ﮐﮩﺘﺎ ﺑﺎﮨﺮ ﻣﯿﭩﺮﺱ ﭘﺮ ﺳﻮﯾﺎ ﮨﻮﺍ ﺣﻤﯿﻦ ﺟﺎﮒ ﮔﯿﺎ۔ ﻭﮦ ﺩﻭﻧﻮﮞ ﺑﯿﮏ ﻭﻗﺖ ﺍﺱ ﮐﯽ ﻃﺮﻑ ﻣﺘﻮﺟﮧ ﮨﻮﺋﮯ۔ ﻭﮦ ﻧﯿﻨﺪ ﻣﯿﻦ ﮐﭽﮫ ﺑﮍﺑﮍﺍﯾﺎ ﺗﮭﺎ۔ ﺍﺏ ﮐﯿﺎ ﮐﮩﮧ ﺭﮨﺎ ﮨﮯ؟ ﺳﺎﻻﺭ ﺣﯿﺮﺍﻥ ﮨﻮﺍ۔ ﺍﻣﺎﻣﮧ ﻧﮯ ﺍﺳﮯ ﺩﻭﺑﺎﺭﮦ ﻟﭩﺎ ﮐﺮ ﺗﮭﭙﮑﻨﺎ ﺷﺮﻭﻉ ﮐﺮ ﺩﯾﺎ ﺍﻭﺭ ﺍﺱ ﮐﮯ ﺑﺮﺍﺑﺮ ﺍﻧﮕﻮﭨﮭﺎ ﻣﻨﮧ ﻣﯿﮟ ﮈﺍﻟﮯ ﻟﯿﭩﯽ ﮨﻮﺋﯽ ﭼﻨﯽ ﮐﻮ ﺩﯾﮑﮭﺎ۔ ﺳﺎﻻﺭ ﺍﺱ ﮐﮯ ﺑﺎﺭﮮ ﻣﯿﮟ ﺟﻮ ﺑﮭﯽ ﻃﮯ ﮐﺮﻧﺎ ﮨﮯ ﺟﻠﺪﯼ ﮐﺮﻭ۔ ﺣﻤﯿﻦ ﺟﺲ ﻃﺮﺡ ﺍﺱ ﺳﮯ ﺍﭨﯿﭻ ﮨﻮ ﺭﮨﺎ ﮨﮯ ﻣﯿﮟ ﻧﮩﯿﮟ ﭼﺎﮨﺘﯽ ﮐﭽﮫ ﺍﻭﺭ ﻭﻗﺖ ﯾﮩﺎﮞ ﺭﮨﻨﮯ ﮐﮯ ﺑﻌﺪ ﯾﮧ ﯾﮩﺎﮞ ﺳﮯ ﺟﺎﺋﮯ ﺗﻮ ﻭﮦ ﺍﭖ ﺳﯿﭧ ﮨﻮ۔ ﺍﻣﺎﻣﮧ ﻧﮯ ﭼﻨﯽ ﭘﺮ ﭼﺎﺩﺭ ﭨﮭﯿﮏ ﮐﺮﺗﮯ ﮨﻮﺋﮯ ﺳﺎﻻﺭ ﺳﮯ ﮐﮩﺎ۔ ﺻﺒﺢ ﻃﮯ ﮐﺮ ﻟﻮﮞ ﮔﺎ ﮐﮧ ﺍﺳﮯ ﮐﮩﺎﮞ ﭼﮭﻮﮌ ﮐﺮ ﺁﻧﺎ ﮨﮯ۔ ﺟﻮ ﺩﻭ ﭼﺎﺭ ﺍﺩﺍﺭﮮ ﻣﺠﮭﮯ ﻣﻨﺎﺳﺐ ﻟﮓ ﺭﮨﮯ ﮨﯿﮟ ﺍﻥ ﮐﮯ ﺑﺎﺭﮮ ﻣﯿﮟ ﺍﻧﻔﺎﺭﻣﯿﺸﻦ ﻻﯾﺎ ﮨﻮﮞ۔ ﺍﮔﻠﮯ ﺩﻥ ﻭﮦ ﺍﺱ ﺑﭽﯽ ﮐﻮ ﻟﮯ ﮐﺮ ﺍﻥ ﭼﺎﺭﻭﮞ ﺍﺩﺍﺭﻭﮞ ﻣﯿﮟ ﮔﺌﮯ ﺗﮭﮯ ﺟﮩﺎﮞ ﻭﮦ ﺍﺳﮯ ﺭﮐﮭﻨﺎ ﭼﺎﮨﺘﮯ ﺗﮭﮯ۔ ﺩﻭ ﺍﺩﺍﺭﻭﮞ ﻧﮯ ﻣﻨﺎﺳﺐ ﻗﺎﻧﻮﻧﯽ ﮐﺎﺭﻭﺍﺋﯽ ﮐﮯ ﺑﻐﯿﺮ ﺍﺱ ﺑﭽﯽ ﮐﻮ ﻓﻮﺭﯼ ﻃﻮﺭ ﭘﺮ ﺍﭘﻨﯽ ﺗﺤﻮﯾﻞ ﻣﯿﮟ ﻟﯿﻨﮯ ﺳﮯ ﺍﻧﮑﺎﺭ ﮐﺮ ﺩﯾﺎ۔ ﺟﻦ ﺩﻭ ﺍﺩﺍﺭﻭﮞ ﻧﮯ ﺍﺱ ﺑﭽﯽ ﮐﻮ ﻭﻗﺘﯽ ﻃﻮﺭ ﭘﺮ ﻟﯿﻨﮯ ﭘﺮ ﺁﻣﺎﺩﮔﯽ ﻇﺎﮨﺮ ﮐﯽ ﻭﮨﺎﮞ ﺑﭽﻮﮞ ﮐﯽ ﭘﺮﻭﺭﺵ ﺍﻭﺭ ﺩﯾﮑﮫ ﺑﮭﺎﻝ ﮐﮯ ﺍﻧﺘﻈﺎﻣﺎﺕ ﺩﯾﮑﮫ ﮐﺮ ﻭﮦ ﺩﻭﻧﻮﮞ ﺧﻮﺵ ﻧﮩﯿﮟ ﮨﻮﺋﮯ۔ ،،،،،،،، ﺷﺎﻡ ﮐﻮ ﻭﮦ ﭘﮭﺮ ﭼﻨﯽ ﮐﮯ ﺳﺎﺗﮫ ﻭﺍﭘﺲ ﮔﮭﺮ ﭘﮩﻨﭻ ﭼﮑﮯ ﺗﮭﮯ ﺍﻭﺭ ﺣﻤﯿﻦ ﮐﯽ ﺑﺎﭼﮭﯿﮟ ﭼﻨﯽ ﮐﻮ ﺍﯾﮏ ﺑﺎﺭ ﭘﮭﺮ ﺩﯾﮑﮫ ﮐﺮ ﮐﮭﻞ ﮔﺌﯽ ﺗﮭﯽ۔ ﻭﮦ ﺻﺒﺢ ﺑﮭﯽ ﺑﮍﯼ ﻣﺸﮑﻞ ﺳﮯ ﭼﻨﯽ ﮐﻮ ﺭﺧﺼﺖ ﮐﺮﻧﮯ ﭘﺮ ﺗﯿﺎﺭ ﮨﻮﺍ ﺗﮭﺎ۔ ﺍﻭﺭ ﺍﺏ ﭼﻨﯽ ﮐﯽ ﻭﺍﭘﺲ ﺁﻣﺪ ﺍﺱ ﮐﮯ ﻟﯿﮯ ﺍﮎ ﺑﮓ ﻧﯿﻮﺯ ﺗﮭﯽ۔ ﺍﮔﻠﮯ ﭼﻨﺪ ﺩﻥ ﺳﺎﻻﺭ ﻧﮯ ﭼﻨﯽ ﮐﯽ ﮔﺎﺭﮈﯾﻦ ﺷﭗ ﮐﮯ ﺣﻮﺍﻟﮯ ﺳﮯ ﻗﺎﻧﻮﻧﯽ ﮐﺎﺭﻭﺍﺋﯽ ﮐﺮﻧﮯ ﺍﻭﺭ ﭼﻨﯽ ﮐﯽ ﭘﯿﺪﺍﺋﺶ ﺍﻭﺭ ﺍﺱ ﺳﮯ ﻣﺘﻌﻠﻘﮧ ﺑﺎﻗﯽ ﮐﺎﻏﺬﺍﺕ ﭘﻮﺭﮮ ﮐﺮﻧﮯ ﮐﯽ ﮐﻮﺷﺶ ﮐﯽ ﺍﻭﺭ ﺟﺐ ﺩﻭ ﺗﯿﻦ ﺩﻧﻮﮞ ﻣﯿﮟ ﻭﮦ ﺍﻥ ﮐﺎﻣﻮﮞ ﻣﯿﮟ ﭘﮭﻨﺴﺎ ﺭﮨﺎ ﺗﻮ ﺣﻤﯿﻦ ﻧﮯ ﭼﻨﯽ ﮐﮯ ﺑﺎﺭﮮ ﻣﯿﮟ ﯾﮧ ﺑﮭﯽ ﺩﺭﯾﺎﻓﺖ ﮐﯿﺎ ﮐﮧ ﻭﮦ ﮔﻮﻧﮕﯽ ﺗﮭﯽ۔ ﮐﯿﻮﻧﮑﮧ ﻭﮦ ﺍﻥ ﺗﯿﻦ ﭼﺎﺭ ﺩﻧﻮﮞ ﻣﯿﮟ ﺑﺎﻟﮑﻞ ﺧﺎﻣﻮﺵ ﺭﮨﯽ۔ ﺍﻭﺭ ﯾﮧ ﭼﻨﯽ ﮐﮯ ﺑﺎﺭﮮ ﻣﯿﮟ ﺍﯾﮏ ﺧﻮﻓﻨﺎﮎ ﺍﻧﮑﺸﺎﻑ ﺗﮭﺎ ﺟﺲ ﻧﮯ ﺍﻣﺎﻣﮧ ﺍﻭﺭ ﺳﺎﻻﺭ ﺩﻭﻧﻮﮞ ﮐﻮ ﮨﻮﻻ ﺩﯾﺎ ﺗﮭﺎ۔ ﻣﻤﯽ ﯾﮧ ﮔﻮﻧﮕﯽ ﮨﮯ۔ ﺣﻤﯿﻦ ﻧﮯ ﮐﮩﺎ۔ ﻣﺠﮭﮯ ﭘﻮﺗﺎ ﯾﻘﯿﻦ ﮨﮯ۔ ﻧﮩﯿﮟ، ﺳﻦ ﺗﻮ ﺭﮨﯽ ﮨﮯ۔ ﺍﻣﺎﻣﮧ ﻧﮯ ﭼﻨﯽ ﺳﮯ ﺑﺎﺕ ﮐﺮﻧﮯ ﮐﯽ ﮐﻮﺷﺶ ﮐﮯ ﺑﻌﺪ ﻧﺘﯿﺠﮧ ﻧﮑﺎﻟﺘﮯ ﮨﻮﺋﮯ ﮐﮩﺎ۔ﻭﮦ ﮨﺮ ﺁﻭﺍﺯ ﭘﺮ ﻣﺘﻮﺟﮧ ﮨﻮﺗﯽ ﺗﮭﯽ۔ ﻣﻤﯽ ﯾﮧ ﺍﻣﭙﻮﺭﭨﻨﭧ ﻧﮩﯿﮟ ﮨﮯ۔ ﺍﮨﻢ ﺑﺎﺕ ﺑﻮﻟﻨﺎ ﮨﮯ۔ ﺍﻭﺭ ﯾﮧ ﺑﻮﻝ ﻧﮩﯿﮟ ﺳﮑﺘﯽ۔ ﺣﻤﯿﻦ ﻧﮯ ﺍﺱ ﮐﯽ ﻣﻌﺬﻭﺭﯼ ﭘﺮ ﺍﻇﮩﺎﺭ ﺍﻓﺴﻮﺱ ﮐﺮﺗﮯ ﮨﻮﺋﮯ ﺍﭘﻨﯽ ﺁﻧﮑﮭﻮﮞ ﻣﯿﮟ ﺣﺘﯽ ﺍﻟﻤﻘﺪﻭﺭ ﺭﻧﺠﯿﺪﮔﯽ ﺍﻭﺭ ﺍﻓﺴﻮﺱ ﺷﺎﻣﻞ ﮐﯿﺎ۔ ﺳﺐ ﺳﮯ ﺍﮨﻢ ﺑﺎﺕ ﺳﻨﻨﺎ ﮨﮯ۔ ﺍﻣﺎﻣﮧ ﻧﮯ ﺑﮍﮮ ﻏﻠﻂ ﻣﻮﻗﻊ ﭘﺮ ﺍﭘﻨﮯ ﺑﯿﭩﮯ ﮐﻮ ﻧﺼﯿﺤﺖ ﮐﯽ ﮐﻮﺷﺶ ﮐﯽ ﺗﮭﯽ۔ ﻣﯿﮟ ﺍﯾﺴﺎ ﻧﮩﯿﮟ ﺳﻤﺠﮭﺘﺎ، ﯾﮩﺎﮞ ﺑﮩﺖ ﺳﺎﺭﯼ ﭼﯿﺰﯾﮟ ﺍﯾﺴﯽ ﮨﯿﮟ، ﺟﻮ ﺳﻦ ﺳﮑﺘﯽ ﮨﯿﮟ ﻟﯿﮑﻦ ﭼﻨﺪ ﮨﯽ ﺍﯾﺴﯽ ﮨﮯ ﺟﻮ ﺑﻮﻝ ﺳﮑﺘﯽ ﮨﮯ ۔ ﻣﺤﻤﺪ ﺣﻤﯿﻦ ﺳﮑﻨﺪﺭ ﮐﯽ ﺩﺍﻧﺎﺋﯽ ﻧﮯ ﺍﻣﺎﻣﮧ ﮐﻮ ﮨﻤﯿﺸﮧ ﮐﯽ ﻃﺮﺡ ﭼﺎﺭﻭﮞ ﺷﺎﻧﮯ ﭼﺖ ﮔﺮﺍﯾﺎ ﺗﮭﺎ۔ ———–———- ﭼﻨﯽ ﮐﮯ ﻧﺼﯿﺐ ﻣﯿﮟ ﮐﺴﯽ ﺍﺩﺍﺭﮮ ﻣﯿﮟ ﭘﺮﻭﺭﺵ ﭘﺎﻧﺎ ﻧﮩﯿﮟ ﻟﮑﮭﺎ ﺗﮭﺎ۔ ﺍﺱ ﮐﮯ ﻧﺼﯿﺐ ﻣﯿﮟ ﺳﺎﻻﺭ ﺳﮑﻨﺪﺭ ﮐﮯ ﮔﮭﺮ ﻣﯿﮟ ﮨﯽ ﭘﻠﻨﺎ ﺑﮍﮬﻨﺎ ﻟﮑﮭﺎ ﺗﮭﺎ۔ ﺟﺐ ﺗﮏ ﺳﺎﻻﺭ ﻗﺎﻧﻮﻧﯽ ﻣﻌﺎﻣﻼﺕ ﮐﻮ ﻧﭙﭩﺎ ﮐﺮ ﭼﻨﯽ ﮐﮯ ﻟﯿﮯ ﺍﯾﮏ ﺍﺩﺍﺭﮮ ﮐﺎ ﺍﻧﺘﺨﺎﺏ ﮐﺮﺗﺎ۔ ﭼﻨﯽ ﮐﻮ ﺷﺪﯾﺪ ﻧﻤﻮﻧﯿﮧ ﮨﻮ ﮔﯿﺎ ﺗﮭﺎ۔ ﺩﻭ ﺩﻥ ﺑﻌﺪ ﺍﻥ ﻟﻮﮔﻮﮞ ﮐﻮ ﻭﺍﭘﺲ ﮐﺎﻧﮕﻮ ﺟﺎﻧﺎ ﺗﮭﺎ۔ ﺍﻥ ﮐﯽ ﺗﯿﻦ ﮨﻔﺘﮯ ﮐﯽ ﭼﮭﭩﯽ ﺧﺘﻢ ﮨﻮ ﺭﮨﯽ ﺗﮭﯽ۔ ﺍﯾﮏ ﻋﺠﯿﺐ ﺧﺪﺷﮧ ﺍﻥ ﺩﻭﻧﻮﮞ ﮐﻮ ﻻﺣﻖ ﮨﻮﺍ ﺗﮭﺎ ﺍﮔﺮ ﺍﺱ ﺑﭽﯽ ﮐﯽ ﻧﮕﮩﺪﺍﺷﺖ ﻧﮩﯿﮟ ﮨﻮﺗﯽ ﺍﻭﺭ ﺍﮔﺮ ﻭﮦ ﺍﺱ ﮐﮯ ﺍﺱ ﻃﺮﺡ ﭼﮭﻮﮌ ﺟﺎﻧﮯ ﭘﺮ ﺧﺪﺍﻧﺨﻮﺍﺳﺘﮧ ﻣﺮ ﺟﺎﺗﯽ ﺗﻮ ﻭﮦ ﺧﻮﺩ ﮐﻮ ﮐﺒﮭﯽ ﻣﻌﺎﻑ ﻧﮩﯿﮟ ﮐﺮﺗﮯ۔ ﺳﺎﻻﺭ ﺍﻭﺭ ﺍﻣﺎﻣﮧ ﻧﮯ ﻓﯿﺼﻠﮧ ﮐﯿﺎ ﮐﮧ ﺍﻣﺎﻣﮧ ﺑﭽﻮﮞ ﮐﮯ ﺳﺎﺗﮫ ﺗﺐ ﺗﮏ ﻭﮨﯽ ﺭﮨﮯ ﮔﯽ ﺟﺐ ﺗﮏ ﭼﻨﯽ ﮐﯽ ﺣﺎﻟﺖ ﺳﻨﺒﮭﻞ ﻧﮩﯿﮟ ﺟﺎﺗﯽ۔ﺳﺎﻻﺭ ﻭﺍﭘﺲ ﭼﻼ ﮔﯿﺎ ﺗﮭﺎ۔ ﺍﻣﺎﻣﮧ ﺩﻭ ﮨﻔﺘﮯ ﺍﻭﺭ ﭘﺎﮐﺴﺘﺎﻥ ﻣﯿﮟ ﺭﮨﯽ۔ ﭼﻨﯽ ﮐﯽ ﺣﺎﻟﺖ ﺳﻨﺒﮭﻞ ﮔﺌﯽ ﺗﮭﯽ۔ ﻣﮕﺮ ﺍﺏ ﻭﮦ ﺑﭽﻮﮞ ﮐﮯ ﺳﺎﺗﮫ ﺍﻭﺭ ﺧﺎﺹ ﻃﻮﺭ ﭘﺮ ﺣﻤﯿﻦ ﮐﮯ ﺳﺎﺗﮫ ﺍﺱ ﻃﺮﺡ ﺍﭨﯿﭻ ﮨﻮ ﮔﺌﯽ ﺗﮭﯽ ﮐﮧ ﻭﮦ ﺍﻥ ﺳﮯ ﺍﻟﮓ ﮨﻮﻧﮯ ﭘﺮ ﺗﯿﺎﺭ ﮨﯽ ﻧﮩﯿﮟ ﺗﮭﯽ۔ﺳﺎﻻﺭ ﺍﻥ ﻟﻮﮔﻮﮞ ﮐﻮ ﭘﺎﮐﺴﺘﺎﻥ ﺳﮯ ﻭﺍﭘﺲ ﻟﮯ ﺟﺎﻧﮯ ﮐﮯ ﻟﯿﮯ ﺁﯾﺎ ﺗﮭﺎ ﺍﻭﺭ ﺣﻤﯿﻦ ﮐﻮ ﺑﺘﺎﺋﮯ ﺑﻨﺎ ﻭﮦ ﺩﻭﺑﺎﺭﮦ ﭼﻨﯽ ﮐﻮ ﺍﯾﮏ ﺍﺩﺍﺭﮮ ﻣﯿﮟ ﭼﮭﻮﮌﻧﮯ ﮔﯿﺎ۔ ﻭﮦ ﺩﻭﻧﻮﮞ ﺑﺎﺭ ﺍﺱ ﺳﮯ ﻟﭙﭧ ﮐﺮ ﭼﯿﺨﯿﮟ ﻣﺎﺭ ﮐﺮ ﺭﻭﻧﮯ ﻟﮕﯽ۔ ﻭﮦ ﺍﺱ ﮐﮯ ﻋﻼﻭﮦ ﮐﺴﯽ ﺍﻭﺭ ﮐﯽ ﮔﻮﺩ ﻣﯿﮟ ﺑﮭﯽ ﺟﺎﻧﮯ ﮐﻮ ﺗﯿﺎﺭ ﻧﮩﯿﮟ ﺗﮭﯽ۔ ﻭﮦ ﺯﺑﺮﺩﺳﺘﯽ ﺍﺳﮯ ﺗﮭﻤﺎ ﮐﺮ ﺑﺎﮨﺮ ﻧﮑﻠﺘﺎ ﺍﻭﺭ ﺍﺱ ﮐﯽ ﭼﯿﺨﻮﮞ ﮐﯽ ﺁﻭﺍﺯ ﺳﻦ ﮐﺮ ﮐﺴﯽ ﻋﺠﯿﺐ ﮐﯿﻔﯿﺖ ﻣﯿﮟ ﻭﺍﭘﺲ ﭼﻼ ﺁﺗﺎ ﻭﮦ ﺍﺱ ﮐﯿﮕﻮﺩ ﻣﯿﮟ ﺁﺗﮯ ﮨﯽ ﭼﭗ ﮨﻮ ﺟﺎﺗﯽ۔ ﻭﮦ ﺟﺒﺮﯾﻞ ﮐﻮ ﻗﺮﺁﻥ ﭘﺎﮎ ﺧﻮﺩ ﺣﻔﻆ ﮐﺮﻭﺍ ﺭﮨﺎ ﺗﮭﺎ ﺍﻭﺭ ﭘﺎﮐﺴﺘﺎﻥ ﺳﮯ ﭼﻠﮯ ﺟﺎﻧﮯ ﮐﮯ ﺑﻌﺪ ﺩﻭ ﮨﻔﺘﻮﮞ ﺗﮏ ﻭﮦ ﺭﻭﺯ ﺍﺳﮑﺎﺋﭗ ﭘﺮ ﺟﺒﺮﯾﻞ ﮐﻮ ﭘﮍﮬﺎﺗﺎ۔ ﭘﮭﺮ ﺑﭽﻮﮞ ﺍﻭﺭ ﺍﻣﺎﻣﮧ ﺳﮯ ﺑﺎﺕ ﮐﺮﺗﺎ ﺗﻮ ﭼﻨﯽ ﺑﮭﯽ ﺍﺱ ﻣﺎﺣﻮﻝ ﮐﺎ ﺣﺼﮧ ﮨﻮﺗﯽ۔ ﻭﮦ ﺳﺎﻻﺭ ﮐﻮ ﺍﺳﮑﺮﯾﻦ ﭘﺮ ﻧﻤﻮﺩﺍﺭ ﮨﻮﺗﮯ ﺩﯾﮑﮫ ﮐﺮ ﺍﺳﯽ ﻃﺮﺡ ﺧﻮﺷﯽ ﺳﮯ ﭼﯿﺨﯿﮟ ﻣﺎﺭﺗﯽ۔ ﺍﻭﮞ ﺁﮞ ﮐﺮﺗﯽ۔۔۔ ﺍﻭﺭ ﺍﺱ ﻧﮯ ﺍﭘﻨﯽ ﺯﻧﺪﮔﯽ ﮐﺎ ﭘﮩﻼ ﻟﻔﻆ ﺑﮭﯽ ﺳﺎﻻﺭ ﮐﮯ ﭘﺎﮐﺴﺘﺎﻥ ﺁﻧﮯ ﭘﺮ ﺍﺳﮯ ﺩﯾﮑﮫ ﮐﺮ ﺑﺎﻗﯽ ﺑﭽﻮﮞ ﮐﮯ ﺳﺎﺗﮫ ﺍﺱ ﮐﯽ ﻃﺮﻑ ﺑﮭﺎﮔﺘﮯ ﮨﻮﺋﮯ ﺍﺩﺍ ﮐﯿﺎ ﺗﮭﺎ۔ ﺑﺎ۔۔۔۔۔ﺑﺎ۔۔۔۔۔۔ ﻭﮦ ﺳﺎﻻﺭ ﮐﯽ ﻃﺮﻑ ﺑﮭﺎﮔﺘﮯ ﮨﻮﺋﮯ ﺑﻮﻟﺘﯽ ﺟﺎ ﺭﮨﯽ ﺗﮭﯽ ﺍﻭﺭ ﺍﺱ ﺑﺎﺕ ﮐﻮ ﺳﺐ ﺳﮯ ﭘﮩﻠﮯ ﺣﻤﯿﻦ ﻧﮯ ﻧﻮﭨﺲ ﮐﯿﺎ۔ ﺍﻭﮦ ﻣﺎﺋﯽ ﮔﺎﮈ ! ﯾﮧ ﺑﻮﻝ ﺳﮑﺘﯽ ﮨﮯ۔ﺳﺎﻻﺭ ﮐﯽ ﻃﺮﻑ ﺑﮭﺎﮔﺘﮯ ﮨﻮﺋﮯ ﺣﻤﯿﻦ ﮐﻮ ﺟﯿﺴﮯ ﺑﺮﯾﮏ ﻟﮓ ﮔﺌﯽ۔ ﻭﮦ ﺍﭘﻨﯽ ﻣﻮﭨﯽ ﺁﻧﮑﮭﯿﮟ ﮔﻮﻝ ﮐﺮ ﮐﮯ ﭼﻨﯽ ﮐﻮ ﺩﯾﮑﮫ ﺭﮨﺎ ﺗﮭﺎ۔ ﺟﻮ ﺍﺏ ﺳﺎﻻﺭ ﮐﮯ ﭘﯿﺮﻭﮞ ﺳﮯ ﻟﭙﭩﯽ ﺗﮭﯽ۔ ﺳﺎﻻﺭ ﻋﻨﺎﯾﮧ ﮐﻮ ﺍﭨﮭﺎﺋﮯ ﮨﻮﺋﮯ ﺗﮭﺎ۔ ﺍﻭﺭ ﻭﮦ ﺍﺱ ﮐﯽ ﭨﺎﻧﮕﻮﮞ ﺳﮯ ﻟﭙﭩﯽ ﺑﺎ۔۔۔۔۔ﺑﺎ۔۔۔۔۔۔ ﺑﻮﻟﺘﯽ ﺟﺎ ﺭﮨﯽ ﺗﮭﯽ۔ ﻣﻨﮧ ﺍﻭﭘﺮ ﮐﯿﮯ ﮨﻮﺋﮯ، ﭼﻤﮑﺘﯽ ﺁﻧﮑﮭﻮﮞ ﮐﯿﺴﺎﺗﮫ، ﭘﺪﺭﺍﻧﮧ ﺷﻔﻘﺖ ﺍﮔﺮ ﮐﻮﺋﯽ ﭼﯿﺰ ﺗﮭﯽ ﺗﻮ ﺍﺱ ﻭﻗﺖ ﺳﺎﻻﺭ ﻧﮯ ﭼﻨﯽ ﮐﮯ ﻟﯿﮯ ﻭﮨﯽ ﻣﺤﺴﻮﺱ ﮐﯽ۔ﺍﻭﺭ ﮐﺲ ﺭﺷﺘﮯ ﺳﮯ، ﯾﮧ ﺍﺳﮯ ﺳﻤﺠﮫ ﻧﮩﯿﮟ ﺁﯾﺎ۔ ﺳﺎﻻﺭ ﻧﮯ ﻋﻨﺎﯾﮧ ﮐﻮ ﺍﺗﺎﺭﺍ ﺍﻭﺭ ﺍﭘﻨﯽ ﭨﺎﻧﮕﻮﮞ ﺳﮯ ﻟﭙﭩﯽ ﭼﻨﯽ ﮐﻮ ﺍﭨﮭﺎ ﻟﯿﺎ۔ ﻭﮦ ﮐﮭﻠﮑﮭﻼﺋﯽ۔ ﺍﺱ ﻧﮯ ﻋﻨﺎﯾﮧ ﮐﯽ ﻃﺮﺡ ﺑﺎﺭﯼ ﺑﺎﺭﯼ ﺳﺎﻻﺭ ﮐﮯ ﮔﺎﻝ ﭼﻮﻣﮯ۔ ﭘﮭﺮ ﻭﮦ ﺳﺎﻻﺭ ﮐﯽ ﮔﺮﺩﻥ ﮐﮯ ﮔﺮﺩ ﮨﺎﺗﮫ ﻟﭙﯿﭧ ﮐﺮ ﺍﺱ ﮐﮯ ﺳﺎﺗﮫ ﯾﻮﮞ ﭼﭙﮏ ﮔﺌﯽ ﮐﮧ ﺍﺏ ﻧﯿﭽﮯ ﻧﮩﯿﮟ ﺍﺗﺮﮮ ﮔﯽ۔ ﻭﮦ ﮐﯿﺴﮯ ﺍﻥ ﮐﮯ ﮔﮭﺮ ﺍﻭﺭ ﺯﻧﺪﮔﯿﻮﮞ ﮐﺎ ﺣﺼﮧ ﺑﻦ ﮔﺌﯽ ﺍﻧﮩﯿﮟ ﺍﺣﺴﺎﺱ ﺗﮏ ﻧﮩﯿﮟ ﮨﻮﺍ۔ﺳﻮﺍﺋﮯ ﺣﻤﯿﻦ ﮐﮯ، ﺟﻮ ﺩﻥ ﻣﯿﮟ ﺗﻘﺮﯾﺒﺎً ﺗﯿﻦ ﺳﻮ ﺑﺎﺭ ﯾﮧ ﺍﻋﻼﻥ ﮐﺮﺗﺎ ﺗﮭﺎ ﮐﮧ ﻭﮦ ﺍﺱ ﮐﯽ ﺑﮩﻦ ﮨﮯ۔ ﺳﺎﻻﺭ ﻭﺍﭘﺲ ﺟﺎﻧﮯ ﺳﮯ ﭘﮩﻠﮯ ﺍﻣﺎﻣﮧ ﮐﮯ ﺳﺎﺗﮫ ﺑﯿﭩﮫ ﮐﺮ ﭼﻨﯽ ﮐﮯ ﻟﯿﮯ ﮨﺮ ﺍﻣﮑﺎﻥ ﮐﻮ ﺯﯾﺮ ﻏﻮﺭ ﻻﺗﺎ ﺭﮨﺎ ﺗﮭﺎ۔ ﺍﻭﺭ ﮨﺮ ﺍﻣﮑﺎﻥ ﮐﻮ ﺭﺩ ﮐﺮﺗﺎ ﺭﮨﺎ ﯾﮩﺎﮞ ﺗﮏ ﮐﮧ ﺍﻣﺎﻣﮧ ﻧﮯ ﮐﮩﮧ ﮨﯽ ﺩﯾﺎ۔ ﺗﻢ ﺍﺳﮯ ﺍﮈﺍﭘﭧ ﮐﺮﻧﺎ ﭼﺎﮨﺘﮯ ﮨﻮ؟ ﮨﺎﮞ۔ ﻟﯿﮑﻦ ﯾﮧ ﮐﺎﻡ ﺗﻤﮩﺎﺭﯼ ﻣﺮﺿﯽ ﮐﮯ ﺑﻨﺎ ﻧﮩﯿﮟ ﮨﻮ ﺳﮑﺘﺎ۔ﭘﺎﻟﻨﺎ ﺗﻮ ﺗﻤﮩﯿﮟ ﮨﮯ۔ ﺗﻢ ﭘﺎﻝ ﺳﮑﺘﯽ ﮨﻮ؟ ﺳﺎﻻﺭ ﻧﮯ ﺍﺱ ﺳﮯ ﭘﻮﭼﮭﺎ۔ ﭘﮩﻠﮯ ﮐﻮﻥ ﭘﺎﻝ ﺭﮨﺎ ﮨﮯ؟ ﺍﻣﺎﻣﮧ ﻧﮯ ﻋﺠﺐ ﺟﻮﺍﺏ ﺩﮮ ﮐﺮ ﺟﯿﺴﮯ ﺳﺎﻻﺭ ﮐﻮ ﺍﺱ ﻣﺸﮑﻞ ﺳﮯ ﻧﮑﺎﻝ ﻟﯿﺎ ﺗﮭﺎ۔ ﺍﮔﺮ ﺍﺱ ﮐﮯ ﻧﺼﯿﺐ ﻣﯿﮟ ﮨﻤﺎﺭﮮ ﮨﯽ ﮔﮭﺮ ﻣﯿﮟ ﭘﺮﻭﺭﺵ ﭘﺎﻧﺎ ﻟﮑﮭﺎ ﮨﮯ ﺗﻮ ﮨﻢ ﮐﯿﺴﮯ ﺭﻭﮎ ﺳﮑﺘﮯ ﮨﯿﮟ۔ ﭼﻨﯽ ﮐﻮ ﺍﮈﺍﭘﭧ ﮐﺮﺗﮯ ﻭﻗﺖ ﺳﺎﻻﺭ ﻧﮯ ﺍﺱ ﮐﻮ ﺍﭘﻨﯽ ﻭﻟﺪﯾﺖ ﺑﮭﯽ ﺩﯼ ﺗﮭﯽ۔ ﺭﺋﯿﺴﮧ ﺳﺎﻻﺭ ﺍﭘﻨﮯ ﻧﺼﯿﺐ ﻣﯿﮟ ﺍﻭﺭ ﺍﭘﻨﮯ ﺳﮯ ﻣﻨﺴﻠﮏ ﮨﺮ ﺷﺨﺺ ﮐﮯ ﻧﺼﯿﺐ ﻣﯿﮟ ﺧﻮﺵ ﻧﺼﯿﺒﯽ ﮐﮯ ﻋﻼﻭﮦ ﺍﻭﺭ ﮐﭽﮫ ﻧﮧ ﺗﮭﺎ۔ ﺧﻮﺵ ﻧﺼﯿﺒﯽ ﮐﺎ ﻭﮦ ﭘﺮﻧﺪﮦ ﺟﻮ ﺟﺲ ﮐﮯ ﺳﺮ ﭘﺮ ﺑﯿﭩﮭﺘﺎ ﺍﺳﮯ ﺑﺎﺩﺷﺎﮦ ﺑﻨﺎ ﺩﯾﺘﺎ۔ ﺍﻭﺭ ﺍﺳﮯ ﺍﯾﮏ ﺑﺎﺩﺷﺎﮦ ﮨﯽ ﮐﯽ ﻣﻠﮑﮧ ﺑﻨﻨﺎ ﺗﮭﺎ۔ ————****——–
ﮐﺎﻧﮕﻮ ﮐﺎ ﺁﺧﺮﯼ ﺳﺎﻝ ﺳﺎﻻﺭ ﮐﮯ ﻟﯿﮯ ﮐﺌﯽ ﺣﻮﺍﻟﻮﮞ ﺳﮯ ﺑﮯ ﺣﺪ ﮨﻨﮕﺎﻣﮧ ﺧﯿﺰ ﺭﮨﺎ۔ ﻭﮦ ﻭﺭﻟﮉ ﺑﻨﮏ ﮐﮯ ﺳﺎﺗﮫ ﺍﭘﻨﮯ ﺁﺧﺮﯼ ﺳﺎﻝ ﻣﯿﮟ ﺍﭘﻨﮯ ﺳﺎﺭﮮ ﻣﻌﺎﻣﻼﺕ ﮐﻮ ﻭﺍﺋﻨﮉ ﺍﭖ ﮐﺮ ﺭﮨﺎ ﺗﮭﺎ۔ ﺍﻣﺮﯾﮑﯽ ﺣﮑﻮﻣﺖ ﻧﮯ ﺍﺳﮯ ﺻﺪﺭ ﮐﮯ ﻋﮩﺪﮮ ﮐﯽ ﭘﯿﺸﮑﺶ ﮐﯽ ﺗﮭﯽ۔ ﻭﺭﻟﮉ ﺑﻨﮏ ﮐﺎ ﭘﮩﻼ ﮐﻢ ﻋﻤﺮ ﺗﺮﯾﻦ ﻣﺴﻠﻤﺎﻥ ﺻﺪﺭ۔ ﺑﯿﺎﻟﯿﺲ ﺳﺎﻝ ﮐﯽ ﻋﻤﺮ ﻣﯿﮟ ﺍﺱ ﻋﮩﺪﮮ ﭘﺮ ﮐﺎﻡ ﮐﺮﻧﮯ ﮐﮯ ﻟﯿﮯ ﮐﻮﺋﯽ ﮐﭽﮫ ﺑﮭﯽ ﮐﺮﻧﮯ ﮐﻮ ﺗﯿﺎﺭ ﮨﻮ ﺳﮑﺘﺎ ﺗﮭﺎ۔
ﻭﮦ ﺗﺎﺭﯾﺦ ﮐﺎ ﺣﺼﮧ ﺑﻦ ﺳﮑﺘﺎ ﺗﮭﺎ۔ ﺑﮯﺣﺪ ﺁﺳﺎﻧﯽ ﺳﮯ۔ ﺍﺱ ﻧﮯ ﺍﻣﺮﯾﮑﮧ ﻣﯿﮟ ﮨﻮﻧﮯ ﻭﺍﻟﯽ ﻣﯿﭩﻨﮓ ﺍﻭﺭ ﺍﺱ ﺁﻓﺮ ﮐﮯ ﺑﺎﺭﮮ ﻣﯿﮟ ﺳﺐ ﺳﮯ ﭘﮩﻠﮯ ﮐﺎﻧﮕﻮ ﻭﺍﭘﺲ ﺁﻧﮯ ﭘﺮ ﺍﻣﺎﻣﮧ ﮐﻮ ﺑﺘﺎﯾﺎ ﺗﮭﺎ۔
ﺗﻮ؟ ﺍﺱ ﻧﮯ ﺳﺎﻻﺭ ﺳﮯ ﭘﻮﭼﮭﺎ۔
ﺗﻮ ﮐﯿﺎ؟ ﺳﺎﻻﺭ ﻧﮯ ﺍﺳﯽ ﺍﻧﺪﺍﺯ ﻣﯿﮟ ﮐﮩﺎ۔
ﺗﻢ ﻧﮯ ﮐﯿﺎ ﮐﮩﺎ؟ ﺍﻣﺎﻣﮧ ﻧﮯ ﺍﺱ ﺳﮯ ﭘﻮﭼﮭﺎ۔
ﻣﯿﮟ ﻧﮯ ﺳﻮﭼﻨﮯ ﮐﮯ ﻟﯿﮯ ﭨﺎﺋﻢ ﻟﯿﺎ ﮨﮯ۔ ﺍﻣﺎﻣﮧ ﺍﺱ ﮐﮯ ﺟﻮﺍﺏ ﺳﮯ ﺑﮯ ﺣﺪ ﻧﺎﺧﻮﺵ ﮨﻮﺋﯽ۔
ﺳﻮﭼﻨﮯ ﮐﮯ ﻟﯿﮯ ﭨﺎﺋﻢ؟ ﺗﻢ ﺍﻧﮑﺎﺭ ﮐﺮ ﮐﮯ ﻧﮩﯿﮟ ﺁﺋﮯ؟ ﺍﺱ ﻧﮯ ﺟﯿﺴﮯ ﺳﺎﻻﺭ ﮐﻮ ﯾﺎﺩ ﺩﻻﯾﺎ۔
ﺍﻧﮑﺎﺭ ﮐﯿﺎ ﺗﮭﺎ، ﻗﺒﻮﻝ ﻧﮩﯿﮟ ﮨﻮﺍ۔ ﻣﺠﮭﮯ ﺳﻮﭼﻨﮯ ﮐﮯ ﻟﯿﮯ ﮐﮩﺎ ﮔﯿﺎ ﮨﮯ۔
ﺗﻢ ﮐﯿﺎ ﺳﻮﭺ ﺭﮨﮯ ﮨﻮ ﺳﺎﻻﺭ؟ ﺗﻢ ﯾﮧ ﺁﻓﺮ ﻗﺒﻮﻝ ﮐﺮﻧﺎ ﭼﺎﮨﺘﮯ ﮨﻮ؟ ﺍﺱ ﻧﮯ ﺳﺎﻻﺭ ﺳﮯ ﮈﺍﺋﺮﯾﮑﭧ ﺳﻮﺍﻝ ﮐﯿﺎ۔
ﮐﺮﻧﯽ ﭼﺎﮨﯿﮯ ﮐﯿﺎ؟ ﺳﺎﻻﺭ ﻧﮯ ﺟﻮﺍﺑﺎً ﭘﻮﭼﮭﺎ۔
ﻧﮩﯿﮟ۔ ﺍﺗﻨﺎ ﺣﺘﻤﯽ ﺍﻭﺭ ﺩﻭ ﭨﻮﮎ ﺟﻮﺍﺏ ﺁﯾﺎ ﺗﮭﺎ ﮐﮧ ﺳﺎﻻﺭ ﺑﻮﻝ ﮨﯽ ﻧﮧ ﺳﮑﺎ۔
ﺗﻤﮩﯿﮟ ﯾﺎﺩ ﻧﮩﯿﮟ ﺗﻢ ﮐﺲ ﻣﻘﺼﺪ ﮐﮯ ﻟﯿﮯ ﮐﺎﻡ ﮐﺮ ﺭﮨﮯ ﮨﻮ ﺍﻭﺭ ﮐﯿﺎ ﮐﺮﻧﺎ ﭼﺎﮨﺘﮯ ﮨﻮ؟ ﺍﻣﺎﻣﮧ ﻧﮯ ﺟﯿﺴﮯ ﺍﺳﮯ ﯾﺎﺩ ﺩﻻﯾﺎ۔
ﺑﺎﻟﮑﻞ ﯾﺎﺩ ﮨﮯ۔
ﭘﮭﺮ ﺍﻟﺠﮭﻦ ﮐﺲ ﺑﺎﺕ ﮐﯽ ﮨﮯ؟ ﺍﻣﺎﻣﮧ ﻧﮯ ﭘﻮﭼﮭﺎ۔
ﺍﻟﺠﮭﻦ ﻧﮩﯿﮟ ﮨﮯ، ﺻﺮﻑ ﯾﮧ ﺳﻮﭺ ﺭﮨﺎ ﮨﻮﮞ ﮐﮧ ﺍﺑﮭﯽ ﺗﮭﻮﮌﺍ ﻭﻗﺖ ﭼﺎﮨﯿﮯ ﻣﺠﮭﮯ ﺍﭘﻨﮯ ﭘﺮﻭﺟﯿﮑﭧ ﮐﻮ ﻋﻤﻠﯽ ﺷﮑﻞ ﻣﯿﮟ ﺩﻧﯿﺎ ﮐﮯ ﺳﺎﻣﻨﮯ ﻻﻧﮯ ﮐﮯ ﻟﯿﮯ۔ﻭﺭﻟﮉ ﺑﻨﮏ ﮐﮯ ﺻﺪﺭ ﮐﮯ ﻃﻮﺭ ﭘﺮ ﮐﺎﻡ ﮐﺮ ﻟﻮﮞ ﮔﺎ ﺗﻮ ﺍﺱ ﭘﺮﻭﺟﯿﮑﭧ ﻣﯿﮟ ﺑﮩﺖ ﻣﺪﺩ ﻣﻠﮯ ﮔﯽ۔ ﮈﮬﯿﺮﻭﮞ ﮐﻤﭙﻨﯿﺰ ﺍﻭﺭ ﺍﻧﻮﯾﺴﭩﺮﺯ ﮨﻤﺎﺭﮮ ﭘﺎﺱ ﺁﺋﯿﮟ ﮔﮯ۔ ﺑﮩﺖ ﺳﯽ ﺟﮕﮩﻮﮞ ﭘﺮ ﻣﺠﮭﮯ ﺗﻌﺎﺭﻑ ﮐﺮﻭﺍﻧﺎ ﮨﯽ ﻧﮩﯿﮟ ﭘﮍﮮ ﮔﺎ۔
ﺍﻣﺎﻣﮧ ﻧﮯ ﺍﺳﮯ ﭨﻮﮐﺎ۔ ﺑﺲ ! ﺻﺮﻑ ﯾﮧ ﻭﺟﮧ ﮨﮯ؟ ﻭﮦ ﺍﻥ ﭼﻨﺪ ﺍﻧﺴﺎﻧﻮﮞ ﻣﯿﮟ ﺳﮯ ﺗﮭﯽ ﺟﺲ ﮐﮯ ﺳﺎﻣﻨﮯ ﻭﮦ ﺟﮭﻮﭦ ﻧﮩﯿﮟ ﺑﻮﻝ ﺳﮑﺘﺎ ﺗﮭﺎ۔ ﻭﮦ ﺍﺱ ﮐﺎ ﺟﮭﻮﭦ ﭘﮑﮍ ﻟﯿﺘﯽ ﺗﮭﯽ ﭘﺘﺎ ﻧﮩﯿﮟ ﯾﮧ ﺧﺼﻮﺻﯿﺖ ﺳﺎﺭﯼ ﺑﯿﻮﯾﻮﮞ ﮐﯽ ﮨﻮﺗﯽ ﮨﯿﮟ ﯾﺎ ﺻﺮﻑ ﺍﻣﺎﻣﮧ ﮨﺎﺷﻢ ﮐﯽ ﺗﮭﯽ۔
ﻭﺭﻟﮉ ﺑﻨﮏ ﮐﮯ ﺻﺪﺭ ﮐﮯ ﻃﻮﺭ ﭘﺮ ﺍﯾﮏ ﻣﺴﻠﻤﺎﻥ ﮐﯽ ﺗﻌﯿﻨﺎﺗﯽ ﺍﯾﮏ ﺍﻋﺰﺍﺯ ﺑﮭﯽ ﺗﻮ ﮨﮯ۔ ﺳﺎﻻﺭ ﻧﮯ ﺍﺱ ﺑﺎﺭ ﺑﮯ ﺣﺪ ﻣﺪﮬﻢ ﺁﻭﺍﺯ ﻣﯿﮟ ﻭﮦ ﺗﺮﻏﯿﺐ ﺑﮭﯽ ﺳﺎﻣﻨﮯ ﺭﮐﮭﯽ۔
ﻭﺭﻟﮉﺑﻨﮏ ﮐﯿﺎ ﮨﮯ ﺳﺎﻻﺭ؟ ﮐﭽﮫ ﺑﮭﯽ ﻧﮩﯿﮟ۔ ﺳﻮﺩ ﮐﺎ ﮐﺎﻡ ﮐﺮﻧﮯ ﻭﺍﻟﯽ ﻗﻮﻣﻮﮞ ﮐﺎ ﺍﺟﺘﻤﺎﻉ ﺍﻭﺭ ﮐﯿﺎ ﮨﮯ؟ ﮐﯿﺎ ﺍﻋﺰﺍﺯ ﻭﺍﻟﯽ ﺑﺎﺕ ﮨﮯ ﺍﺱ ﻣﯿﮟ ﮐﮧ ﺳﻮﺩ ﮐﺎ ﮐﺎﻡ ﮐﺮﻧﮯ ﻭﺍﻟﯽ ﺍﻥ ﻗﻮﻣﻮﮞ ﮐﯽ ﺳﺮﺑﺮﺍﮨﯽ ﺍﯾﮏ ﻣﺴﻠﻤﺎﻥ ﮐﮯ ﭘﺎﺱ ﮨﻮ۔ ﯾﮧ ﺍﻋﺰﺍﺯ ﻧﮩﯿﮟ ﺑﻠﮑﮧ ﺷﺮﻡ ﺳﮯ ﮈﻭﺏ ﻣﺮﻧﮯ ﻭﺍﻟﯽ ﺑﺎﺕ ﮨﮯ ﺍﯾﮏ ﻣﺴﻠﻤﺎﻥ ﮐﮯ ﻟﯿﮯ۔
ﺍﻣﺎﻣﮧ ﻧﮯ ﺟﯿﺴﮯ ﺍﺳﮯ ﺁﺋﯿﻨﮧ ﻧﮩﯿﮟ ﺟﻮﺗﺎ ﺩﮐﮭﺎﯾﺎ ﺗﮭﺎ۔ ﺟﺲ ﭘﺮﻭﺟﯿﮑﭧ ﭘﺮ ﺗﻢ ﮐﺎﻡ ﮐﺮ ﺭﮨﮯ ﮨﻮ ﺍﺱ ﻣﯿﮟ ﮐﺎﻣﯿﺎﺑﯽ ﺗﻤﮩﯿﮟ ﺍﻟﻠﮧ ﻧﮯ ﺩﯾﻨﯽ ﮨﮯ۔ ﺗﻤﮩﺎﺭﮮ ﻋﻠﻢ، ﺗﺠﺮﺑﮯ ﺍﻭﺭ ﻗﺎﺑﻠﯿﺖ ﺍﻭﺭ ﻭﺭﻟﮉ ﺑﻨﮏ ﮐﮯ ﺳﺎﺗﮫ ﻣﻨﺴﻠﮏ ﺷﻨﺎﺧﺖ ﻧﮯ ﻧﮩﯿﮟ۔ ﺗﻢ ﺍﺏ ﭼﺎﻟﯿﺲ ﺳﺎﻝ ﮐﮯ ﮨﻮ ﭼﮑﮯ ﮨﻮ، ﺑﭽﮯ ﺑﮍﮮ ﮨﻮ ﺭﮨﮯ ﮨﯿﮟ۔ ﭘﺎﻧﭻ ﺳﺎﻝ ﻭﺭﻟﮉ ﺑﻨﮏ ﮐﺎ ﺻﺪﺭ ﺭﮨﻨﮯ ﮐﮯ ﺑﻌﺪ ﺗﻢ ﺳﯿﻨﺘﺎﻟﯿﺲ ﺳﺎﻝ ﮐﮯ ﮨﻮ ﭼﮑﮯ ﮨﻮ ﮔﮯ۔ ﭘﮭﺮ ﺍﺱ ﮐﮯ ﺑﻌﺪ ﺗﻢ ﺍﯾﮏ ﺍﺳﻼﻣﯽ ﻣﺎﻟﯿﺎﺗﯽ ﻧﻈﺎﻡ ﭘﺮ ﮐﺎﻡ ﮐﺮﻧﺎ ﺷﺮﻭﻉ ﮐﺮﻭ ﮔﮯ؟ ﺟﺐ ﺗﻢ ﺍﭘﻨﯽ ﺳﺎﺭﯼ ﺟﻮﺍﻧﯽ ﻭﺭﻟﮉ ﺑﻨﮏ ﮐﻮ ﺩﮮ ﭼﮑﮯ ﮨﻮ ﮔﮯ۔ ﺗﻢ ﯾﻘﯿﻨﺎً ﻣﺬﺍﻕ ﮐﺮ ﺭﮨﮯ ﮨﻮ ﭘﮭﺮ۔۔۔۔۔۔ ﺍﭘﻨﮯ ﺳﺎﺗﮫ، ﺍﻭﺭ ﺍﻥ ﻟﻮﮔﻮﮞ ﮐﮯ ﺳﺎﺗﮫ، ﺟﻨﮩﯿﮟ ﺗﻢ ﺍﯾﮏ ﻣﻤﮑﻨﮧ ﺍﻧﻘﻼﺏ ﮐﺎ ﺣﺼﮧ ﺑﻨﺎﺋﮯ ﺑﯿﭩﮭﮯ ﮨﻮ۔ ﻭﮦ ﮐﮩﺘﮯ ﮨﻮﺋﮯ ﺍﭨﮫ ﮔﺌﯽ۔
ﺗﻤﮩﯿﮟ ﭘﺘﺎ ﮨﮯ ﺍﻣﺎﻣﮧ ! ﻣﯿﺮﯼ ﺯﻧﺪﮔﯽ ﮐﺎ ﺳﺐ ﺳﮯ ﺑﮩﺘﺮﯾﻦ ﺍﺛﺎﺛﮧ ﮐﯿﺎ ﮨﮯ؟ ﺗﻤﮩﺎﺭﯼ ﯾﮧ ﻇﺎﻟﻤﺎﻧﮧ ﺻﺎﻑ ﮔﻮﺋﯽ۔ ﺟﻮ ﻣﺠﮭﮯ ﻣﯿﺮﯼ ﺍﻭﻗﺎﺕ ﻣﯿﮟ ﻟﮯ ﺁﺗﯽ ﮨﮯ۔ ﺗﻢ ﻣﺠﮫ ﺳﮯ ﺍﻣﭙﺮﯾﺲ ﮐﯿﻮﮞ ﻧﮩﯿﮟ ﮨﻮ ﺟﺎﺗﯽ؟
ﺍﻣﺎﻣﮧ ﺍﺱ ﺑﺎﺭ ﺭﮎ ﮐﺮ ﺍﺳﮯ ﺩﯾﮑﮭﻨﮯ ﻟﮕﯽ۔
ﻣﯿﮟ ﺍﻟﺠﮭﺎ ﺗﮭﺎ ﻟﯿﮑﻦ ﮔﻤﺮﺍﮦ ﻧﮩﯿﮟ ﮨﻮﺍ۔ ﺗﻢ ﭨﮭﯿﮏ ﮐﮩﮧ ﺭﮨﯽ ﮨﻮ۔ ﻭﻗﺖ ﮔﺰﺭﺗﺎ ﺟﺎﺭﮨﺎ ﮨﮯ۔ ﻭﮦ ﺍﺏ ﺍﭘﻨﺎ ﺍﻋﺘﺮﺍﻓﯽ ﺑﯿﺎﻥ ﺩﮮ ﺭﮨﺎ ﺗﮭﺎ۔ ﺍﻣﺎﻣﮧ ﮐﻮ ﭼﮩﺮﮦ ﮐﮭﻞ ﺍﭨﮭﺎ ﺗﮭﺎ۔
ﻣﺠﮭﮯ ﺗﻢ ﺳﮯ ﻣﺘﺎﺛﺮ ﮨﻮﻧﮯ ﺗﻤﮩﺎﺭﮮ، ﮔﻦ ﮔﺎﻧﮯ ﮐﮯ ﻟﯿﮯ ﺑﻨﺎﯾﺎ ﮨﯽ ﻧﮩﯿﮟ ﮔﯿﺎ ﺳﺎﻻﺭ۔ ﺍﺱ ﮐﮯ ﻟﯿﮯ ﺩﻧﯿﺎ ﮨﮯ۔ﻣﺠﮭﮯ ﺗﻤﮩﯿﮟ ﭼﯿﻠﻨﺞ ﮐﺮ ﮐﮯ ﺗﻤﮩﯿﮟ ﺁﮔﮯ ﺑﮍﮬﺎﻧﮯ ﮐﮯ ﻟﯿﮯ ﺗﻤﮩﺎﺭﺍ ﺳﺎﺗﮭﯽ ﺑﻨﺎﯾﺎ ﮔﯿﺎ ﮨﮯ۔ ﯾﮧ ﮐﺎﻡ ﮐﻮﺋﯽ ﺍﻭﺭ ﻧﮩﯿﮟ ﮐﺮ ﺳﮑﺘﺎ۔ ﻭﮦ ﺍﺏ ﻣﺴﮑﺮﺍﺗﮯ ﮨﻮﺋﮯ ﮐﮩﮧ ﺭﮨﯽ ﺗﮭﯽ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﻭﮦ ﺁﻓﺮ ﻣﯿﮉﯾﺎ ﮐﮯ ﺫﺭﯾﻌﮯ ﻣﻨﻈﺮ ﻋﺎﻡ ﭘﺮ ﺁﮔﺌﯽ ﺗﮭﯽ ﺍﻭﺭ ﻭﺭﻟﮉ ﺑﻨﮏ ﮐﮯ ﺍﮔﻠﮯ ﻣﻤﮑﻨﮧ ﺻﺪﺭ ﮐﮯ ﻃﻮﺭ ﭘﺮ ﺳﺎﻻﺭ ﺳﮑﻨﺪﺭ ﮐﺎ ﻧﺎﻡ ﺑﮩﺖ ﺳﯽ ﺟﮕﮩﻮﮞ ﭘﺮ ﺍﭼﮭﺎﻻ ﺟﺎﻧﮯ ﻟﮕﺎ۔ ﯾﮧ ﺍﺱ ﮐﮯ ﺧﺎﻧﺪﺍﻥ ﺍﻭﺭ ﺣﻠﻘﮧ ﺍﺣﺒﺎﺏ ﮐﮯ ﻟﯿﮯ ﺑﮯ ﺣﺪ ﻓﺨﺮ ﮐﺎ ﺑﺎﻋﺚ ﺑﻨﻨﮯ ﻭﺍﻟﯽ ﺧﺒﺮ ﺗﮭﯽ ﺍﻭﺭ ﺳﺎﻻﺭ ﮐﮯ ﺍﻧﮑﺎﺭ ﮐﺮﻧﮯ ﮐﮯ ﺑﺎﻭﺟﻮﺩ ﮐﻮﺋﯽ ﺑﮭﯽ ﯾﮧ ﻣﺎﻧﻨﮯ ﮐﻮ ﺗﯿﺎﺭ ﻧﮧ ﺗﮭﺎ ﮐﮧ ﻭﮦ ﺍﺱ ﺁﻓﺮ ﮐﻮ ﻗﺒﻮﻝ ﮐﺮﻧﮯ ﺳﮯ ﺍﻧﮑﺎﺭ ﮐﺮ ﺳﮑﺘﺎ ﮨﮯ۔
ﺳﮑﻨﺪﺭ ﻋﺜﻤﺎﻥ ﺧﺎﺹ ﻃﻮﺭ ﭘﺮ ﺍﺱ ﮐﮯ ﺍﺱ ﻓﯿﺼﻠﮯ ﺳﮯ ﺧﻮﺵ ﻧﮩﯿﮟ ﮨﻮﺋﮯ ﺗﮭﮯ۔
ﺗﻢ ﻋﻘﻞ ﺳﮯ ﭘﯿﺪﻝ ﮨﻮ ﺍﻭﺭ ﮨﻤﯿﺸﮧ ﺭﮨﻮ ﮔﮯ۔ ﺍﻧﮩﻮﮞ ﻧﮯ ﺑﮯ ﺣﺪ ﺧﻔﮕﯽ ﮐﺎ ﺍﻇﮩﺎﺭ ﮐﺮﺗﮯ ﮨﻮﺋﮯ ﺳﺎﻻﺭ ﺳﮯ ﮐﮩﺎ۔
ﺳﺎﻻﺭ ﭼﻨﺪ ﺩﻥ ﮐﮯ ﻟﯿﮯ ﭘﺎﮐﺴﺘﺎﻥ ﺁﯾﺎ ﮨﻮﺍ ﺗﮭﺎ ﺍﻭﺭ ﺳﮑﻨﺪﺭ ﻧﮯ ﺿﺮﻭﺭﯼ ﺳﻤﺠﮭﺎ ﺗﮭﺎ ﮐﮧ ﻭﮦ ﺍﯾﮏ ﺑﺎﺭ ﺍﺳﮯ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﺮﺗﮯ ﺍﻭﺭ ﺍﺱ ﮐﻮﺷﺶ ﮐﮯ ﺩﻭﺭﺍﻥ ﺳﺎﻻﺭ ﮐﯽ ﺑﺘﺎﺋﯽ ﮨﻮﺋﯽ ﻭﺟﮧ ﭘﺮ ﻭﮦ ﺳﯿﺦ ﭘﺎ ﮨﻮ ﮔﺌﮯ۔
ﺗﻢ ﻭﺭﻟﮉ ﺑﻨﮏ ﮐﺎ ﺻﺪﺭ ﻧﮩﯿﮟ ﺑﻨﻨﺎ ﭼﺎﮨﺘﮯ۔ ﺗﻢ ﺳﻮﺩ ﺳﮯ ﭘﺎﮎ ﺍﯾﮏ ﺍﺳﻼﻣﯽ ﻣﺎﻟﯿﺎﺗﯽ ﻧﻈﺎﻡ ﺑﻨﺎﻧﮯ ﮐﺎ ﺧﯿﺎﻟﯽ ﭘﻼﺅ ﭘﮑﺎﺗﮯ ﺍﻭﺭ ﮐﮭﺎﺗﮯ ﺭﮨﻨﺎ ﭼﺎﮨﺘﮯ ﮨﻮ۔ ﻭﮦ ﺍﺗﻨﺎ ﺗﻠﺦ ﮨﻮﻧﺎ ﻧﮩﯿﮟ ﭼﺎﮨﺘﮯ ﺗﮭﮯ ﺟﺘﻨﺎ ﮨﻮ ﮔﺌﮯ ﺗﮭﮯ۔ ﺗﻤﮩﺎﺭﯼ ﻃﺮﺡ ﮈﮬﯿﺮﻭﮞ ﻟﻮﮒ ﯾﮧ ﺧﯿﺎﻟﯽ ﭘﻼﺅ ﺑﻨﺎ ﺭﮨﮯ ﮨﯿﮟ، ﺳﺎﺭﯼ ﺩﻧﯿﺎ ﻣﯿﮟ ﺍﻭﺭ ﺑﻨﺎﺗﮯ ﮨﯽ ﺟﺎ ﺭﮨﮯ ﮨﯿﮟ۔ ﻧﮧ ﭘﮩﻠﮯ ﮐﻮﺋﯽ ﮐﭽﮫ ﮐﺮ ﺳﮑﺎ ﺗﮭﺎ ﻧﮧ ﮨﯽ ﺁﺋﻨﺪﮦ ﮐﭽﮫ ﮨﻮﻧﮯ ﻭﺍﻻ ﮨﮯ۔ ﺍﻭﺭ ﻣﺠﮭﮯ ﯾﻘﯿﻦ ﮨﮯ ﺗﻤﮩﺎﺭﮮ ﺍﺱ ﺫﮨﻨﯽ ﻓﺘﻮﺭ ﮐﮯ ﭘﯿﭽﮭﮯ ﺍﻣﺎﻣﮧ ﮐﺎ ﮨﺎﺗﮫ ﮨﻮ ﮔﺎ۔ ﺍﺱ ﺳﮯ ﻣﺸﻮﺭﮦ ﺗﻮ ﮐﯿﺎ ﮨﻮ ﮔﺎ ﻧﺎ ﺗﻢ ﻧﮯ۔
ﺗﻢ ﺟﺎﻧﺘﮯ ﮨﻮ ﺳﺎﻻﺭ ﯾﮧ ﺟﻮ ﻣﻮﺟﻮﺩﮦ ﻧﻈﺎﻡ ﮨﮯ ﺍﺳﮯ ﮨﭩﺎﻧﺎ ﮐﯿﻮﮞ ﻣﺸﮑﻞ ﮨﮯ؟ ﮐﯿﻮﻧﮑﮧ ﯾﮧ ﺍﻓﺮﺍﺩ ﮐﺎ ﺑﻨﺎﯾﺎ ﮨﻮﺍ ﻧﻈﺎﻡ ﻧﮩﯿﮟ ﮨﮯ۔ ﺭﯾﺎﺳﺘﻮﮞ ﮐﺎ ﺑﻨﺎﯾﺎ ﮨﻮﺍ ﻧﻈﺎﻡ ﮨﮯ۔ ﻓﻼﺣﯽ ﺭﯾﺎﺳﺘﻮﮞ ﮐﺎ ﻧﻈﺎﻡ۔۔۔۔۔۔۔۔۔ ﻭﮦ ﺑﮯ ﺷﮏ ﺍﺳﻼﻣﯽ ﻧﮧ ﮨﻮ ﻟﯿﮑﻦ ﺍﭘﻨﮯ ﺍﻧﺪﺭ ﺍﺱ ﻧﻈﺎﻡ ﮐﻮ ﭼﻼ ﮐﺮ ﮐﻢ ﺍﺯ ﮐﻢ ﺍﭘﻨﮯ ﻣﻌﺎﺷﺮﮮ ﻣﯿﮟ ﻟﻮﮔﻮﮞ ﮐﻮ ﺍﯾﮏ ﻓﻼﺣﯽ ﺳﺴﭩﻢ ﺩﯾﮯ ﮨﻮﺋﮯ ﮨﯿﮟ۔ ﺗﻢ ﺍﻓﺮﺍﺩ ﮐﻮ ﭼﯿﻠﻨﺞ ﮐﺮ ﺳﮑﺘﮯ ﮨﻮ ﺭﯾﺎﺳﺘﻮﮞ ﮐﻮ ﻧﮩﯿﮟ۔
ﺁﭖ ﭨﮭﯿﮏ ﮐﮩﺘﮯ ﮨﯿﮟ، ﺟﺐ ﺗﮏ ﮐﺴﯽ ﻗﻮﻡ ﮐﮯ ﺍﻓﺮﺍﺩ ﺻﺮﻑ ﺍﭘﻨﮯ ﻟﯿﮯ ﺟﯿﺌﮯ ﺍﻭﺭ ﻣﺮﯾﮟ ﮔﮯ ﺗﺐ ﺗﮏ ﮐﭽﮫ ﻧﮩﯿﮟ ﺑﺪﻟﮯ ﮔﺎ۔ ﺟﺐ ﻟﻮﮒ ﻗﻮﻡ ﮐﮯ ﻟﯿﮯ ﺳﻮﭼﻨﺎ ﺷﺮﻭﻉ ﮐﺮ ﺩﯾﮟ ﮔﮯ، ﺳﺐ ﮐﭽﮫ ﺑﺪﻝ ﺟﺎﺋﮯ ﮔﺎ۔ ﺍﺱ ﻧﮯ ﺳﮑﻨﺪﺭ ﻋﺜﻤﺎﻥ ﺳﮯ ﮐﮩﺎ۔
ﺟﻦ ﻣﻌﺎﺷﺮﻭﮞ ﺍﻭﺭ ﺍﻗﻮﺍﻡ ﮐﯽ ﻣﺜﺎﻟﯿﮟ ﺁﭖ ﺩﮮ ﺭﮨﮯ ﮨﯿﮟ ﺍﻥ ﮐﮯ ﮈﮬﯿﺮﻭﮞ ﺍﻓﺮﺍﺩ ﻧﮯ ﺍﭘﻨﯽ ﺯﻧﺪﮔﯿﺎﮞ ﻟﯿﺒﺎﺭﭨﺮﯾﺰ، ﻻﺋﺒﺮﯾﺮﯾﺰ ﭘﺮ ﺻﺮﻑ ﺍﺱ ﺧﻮﺍﺏ ﺍﻭﺭ ﻋﺰﻡ ﮐﮯ ﺳﺎﺗﮫ ﮔﺰﺍﺭﯼ ﺗﮭﯽ ﮐﮧ ﺟﻮ ﮐﺎﻡ ﻭﮦ ﻓﺮﺩ ﮐﮯ ﻃﻮﺭ ﭘﺮ ﮐﺮ ﺭﮨﮯ ﮨﯿﮟ ﻭﮦ ﺍﻥ ﮐﯽ ﻗﻮﻡ ﮐﮯ ﻟﯿﮯ ﺑﮩﺘﺮ ﺛﺎﺑﺖ ﮨﻮ۔ ﺍﻥ ﻣﯿﮟ ﺳﮯ ﮐﻮﺋﯽ ﺑﮭﯽ ﭘﺮﺳﻨﻞ ﮔﻠﻮﺭﯼ ﮐﮯ ﻟﯿﮯ ﺯﻧﺪﮔﯽ ﻗﺮﺑﺎﻥ ﻧﮩﯿﮟ ﮐﺮ ﺭﮨﺎ ﺗﮭﺎ۔ ﻭﮦ ﺑﺎﻧﯽ ﺍﻭﺭ ﻣﻮﺟﺪ ﮐﮯ ﻃﻮﺭ ﭘﺮ ﮐﻮﺋﯽ ﭘﮩﭽﺎﻥ ﺑﻨﺎ ﮐﺮ ﺗﺎﺭﯾﺦ ﮐﺎ ﺣﺼﮧ ﺑﻨﻨﺎ ﭼﺎﮨﺘﮯ ﺗﮭﮯ ﺍﻭﺭ ﯾﮩﯽ ﺧﻮﺍﮨﺶ ﻣﯿﺮﯼ ﺑﮭﯽ ﮨﮯ۔ﺍﯾﮏ ﮐﻮﺷﺶ ﻣﺠﮭﮯ ﺑﮭﯽ ﺍﭘﻨﯽ ﻗﻮﻡ ﮐﮯ ﻟﯿﮯ ﮐﺮﻧﮯ ﺩﮮ۔
ﺳﮑﻨﺪﺭ ﻋﺜﻤﺎﻥ ﺑﮩﺖ ﺩﯾﺮ ﺗﮏ ﮐﭽﮫ ﺑﻮﻝ ﮨﯽ ﻧﮧ ﺳﮑﮯ ﺗﮭﮯ۔ ﺍﺱ ﻧﮯ ﺍﻥ ﮨﯽ ﮐﯽ ﺑﺎﺗﻮﮞ ﮐﺎ ﺣﻮﺍﻟﮧ ﺩﮮ ﮐﺮ ﺍﻥ ﺳﮯ ﺑﺤﺚ ﮐﯽ ﺗﮭﯽ ﺍﻭﺭ ﮨﻤﯿﺸﮧ ﮐﯽ ﻃﺮﺡ ﻭﮦ ﺑﺤﺚ ﺟﯿﺖ ﮔﯿﺎ۔
ﻭﺭﻟﮉ ﺑﻨﮏ ﮐﮯ ﮐﺘﻨﮯ ﺻﺪﺭ ﮔﺰﺭ ﭼﮑﮯ ﮨﯿﮟ ﻣﺠﮫ ﺳﮯ ﭘﮩﻠﮯ؟ ﮐﺴﯽ ﮐﻮ ﻧﺎﻡ ﺑﮭﯽ ﯾﺎﺩ ﻧﮩﯿﮟ ﮨﻮﮞ ﮔﮯﮐﮧ ﺍﻧﮩﻮﮞ ﻧﮯ ﻭﺭﻟﮉ ﺑﻨﮏ ﮐﮯ ﺻﺪﺭ ﮐﮯ ﻃﻮﺭ ﭘﺮ ﮐﯿﺎ ﮐﺎﺭﻧﺎﻣﮯ ﺳﺮﺍﻧﺠﺎﻡ ﺩﯾﮯ ﺗﮭﮯ۔ ﺍﯾﮏ ﮐﻮﺷﺶ ﮐﺮﻧﺎ ﭼﺎﮨﺘﺎ ﮨﻮﮞ ﺷﺎﯾﺪ ﺍﺱ ﻣﯿﮟ ﮐﺎﻣﯿﺎﺏ ﮨﻮ ﺟﺎﺅﮞ ﺍﻭﺭ ﺍﮔﺮ ﻧﺎﮐﺎﻡ ﺑﮭﯽ ﺭﮨﺎ ﺗﻮ ﺑﮭﯽ ﮐﻮﺋﯽ ﺍﺣﺴﺎﺱ ﺟﺮﻡ ﺗﻮ ﻧﮩﯿﮟ ﮨﻮ ﮔﺎ ﮐﮧ ﻣﯿﮟ ﺳﻮﺩ ﮐﮭﺎﻧﮯ ﺍﻭﺭ ﮐﮭﻼﻧﮯ ﻭﺍﻟﻮﮞ ﮐﮯ ﺳﺎﺗﮫ ﺯﻧﺪﮔﯽ ﮔﺰﺍﺭ ﮐﺮ ﻣﺮﺍ۔
ﭨﮭﯿﮏ ﮨﮯ۔ ﺗﻢ ﺟﻮ ﮐﭽﮫ ﮐﺮﻧﺎ ﭼﺎﮨﺘﮯ، ﮨﻮ ﮐﺮﻭ۔ ﺍﻧﮩﻮﮞ ﻧﮯ ﺑﮯ ﺣﺪ ﻣﺎﯾﻮﺳﯽ ﺳﮯ ﮐﮩﺎ۔ ﺗﻢ ﻧﮯ ﭘﮩﻠﮯ ﮐﺒﮭﯽ ﻣﯿﺮﯼ ﺑﺎﺕ ﻧﮩﯿﮟ ﻣﺎﻧﯽ ﺗﻮ ﺍﺏ ﮐﯿﺴﮯ ﻣﺎﻧﻮ ﮔﮯ۔ ﺳﺎﻻﺭ ﻣﺴﮑﺮﺍﯾﺎ۔ ﻭﮦ ﺑﺎﭖ ﮐﯽ ﻣﺎﯾﻮﺳﯽ ﮐﻮ ﺳﻤﺠﮫ ﺳﮑﺘﺎ ﺗﮭﺎ۔ ﻭﮦ ﺍﻥ ﮐﺎ ﺧﻮﺍﺏ ﺗﻮﮌ ﺭﮨﺎ ﺗﮭﺎ۔
ﻣﺠﮭﮯ ﯾﻘﯿﻦ ﮨﮯ ﭘﺎﭘﺎ، ﻣﯿﮟ ﺟﻮ ﺑﮭﯽ ﮐﺮﻧﮯ ﺟﺎ ﺭﮨﺎ ﮨﻮﮞ ﻭﮦ ﺻﺤﯿﺢ ﮨﻮ ﮔﺎ۔ ﺍﺱ ﻟﯿﮯ ﺁﭖ ﭘﺮﯾﺸﺎﻥ ﻧﮧ ﮨﻮ۔ ﺍﺱ ﻧﮯ ﺳﮑﻨﺪﺭ ﮐﻮ ﺗﺴﻠﯽ ﺩﯼ۔
ﺍﻭﺭ ﯾﮧ ﯾﻘﯿﻦ ﺗﻤﮩﯿﮟ ﮐﯿﻮﮞ ﮨﮯ؟ ﺳﮑﻨﺪﺭ ﻃﻨﺰ ﮐﯿﮯ ﺑﻐﯿﺮ ﻧﮧ ﺭﮦ ﺳﮑﮯ۔
ﮐﯿﻮﻧﮑﮧ ﺁﭖ ﻧﮯ ﺯﻧﺪﮔﯽ ﻣﯿﮟ ﺟﺐ ﺟﺐ ﻣﺠﮭﮯ ﺟﺲ ﺑﮭﯽ ﻓﯿﺼﻠﮯ ﺳﮯ ﺭﻭﮐﺎ ﮨﮯ ﻭﮦ ﻣﯿﺮﮮ ﻟﯿﮯ ﺑﮩﺖ ﺍﭼﮭﺎ ﺛﺎﺑﺖ ﮨﻮﺍ ﮨﮯ۔ ﺁﭖ ﮐﯽ ﻣﻤﺎﻧﻌﺖ ﮔﮉ ﻟﮏ ﭼﺎﺭﻡ ﮨﮯ ﻣﯿﺮﮮ ﻟﯿﮯ۔
ﺳﮑﻨﺪﺭ ﭨﮭﯿﮏ ﮐﮩﺘﮯ ﺗﮭﮯ ﻭﮦ ﻭﺍﻗﻌﯽ ﮈﮬﯿﭧ ﺗﮭﺎ۔ ﻣﮕﺮ ﺍﺱ ﻧﮯ ﺳﯿﻨﺲ ﺁﻑ ﮨﯿﻮﻣﺮ ﺑﺎﭖ ﺳﮯ ﮨﯽ ﻟﯿﺎ ﺗﮭﺎ۔ ﺟﻦ ﮐﺎ ﭘﺎﺭﮦ ﻟﻤﺤﮧ ﻣﯿﮟ ﭼﮍﮬﺎ ﺍﻭﺭ ﺍﺗﺮﺍ ﺍﻭﺭ ﻭﮦ ﮨﻨﺲ ﭘﮍﮮ۔
ﮐﻤﯿﻨﮯ !

ﺷﮑﺮﯾﮧ ! ﺳﺎﻻﺭ ﻧﮯ ﺟﻮﺍﺑﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﮐﮩﺎ۔

ﺍﻭﺭ ﯾﮧ ﻓﻠﻮ ﮐﺐ ﺳﮯ ﭼﻞ ﺭﮨﺎ ﮨﮯ ﺗﻤﮩﺎﺭﺍ؟ ﻓﺮﻗﺎﻥ ﻧﮯ ﺳﺎﻻﺭ ﺳﮯ ﭘﻮﭼﮭﺎ۔ ﻭﮦ ﺁﭨﮫ ﻣﮩﯿﻨﮯ ﮐﮯ ﺑﻌﺪ ﻣﻞ ﺭﮨﮯ ﺗﮭﮯ۔
ﯾﮧ ﺗﻮ ﺍﺏ ﺍﯾﮏ ﮈﯾﮍﮪ ﻣﺎﮦ ﺳﮯ ﮐﭽﮫ ﻣﺴﺘﻘﻞ ﮨﯽ ﮨﻮ ﮔﯿﺎ ﮨﮯ۔ ﺁﺗﺎ ﺟﺎﺗﺎ ﺭﮨﺘﺎ ﮨﮯ۔ ﺳﺮ ﺩﺭﺩ ﮐﮯ ﺳﺎﺗﮫ۔ ﺷﺎﯾﺪ ﮐﺴﯽ ﭼﯿﺰ ﮐﯽ ﺍﻟﺮﺟﯽ ﮨﮯ۔ ﺳﺎﻻﺭ ﻧﮯ ﻻﭘﺮﻭﺍﯾﺊ ﺳﮯ ﮐﮩﺎ۔
ﺗﻢ ﮐﻮﺋﯽ ﻣﯿﮉﯾﺴﻦ ﻟﮯ ﺭﮨﮯ ﮨﻮ؟ ﻓﺮﻗﺎﻥ ﻧﮯ ﭘﻮﭼﮭﺎ۔
ﮨﺎﮞ ﻭﮨﯽ ﺍﯾﻨﭩﯽ ﺑﺎﺋﯿﻮﭨﮏ ﻟﯿﮑﻦ ﺍﺛﺮ ﮐﺒﮭﯽ ﮨﻮﺟﺎﺗﺎ ﮨﮯ ﮐﺒﮭﯽ ﻧﮩﯿﮟ۔ ﺳﺎﻻﺭ ﻧﮯ ﺑﺘﺎﯾﺎ۔
ﺗﻢ ﺑﻠﮉ ﭨﯿﺴﭧ ﮐﺮﻭﺍﻟﻮ ﮐﮩﯿﮟ ﮐﻮﺋﯽ ﺍﻭﺭ ﻣﺴﺌﻠﮧ ﻧﮧ ﮨﻮ۔ﻓﺮﻗﺎﻥ ﺍﺱ ﻭﻗﺖ ﻣﺮ ﮐﮯ ﺑﮭﯽ ﯾﮧ ﻧﮩﯿﮟ ﺳﻮﭺ ﺳﮑﺘﺎ ﺗﮭﺎ ﮐﮧ ﻣﺴﺌﻠﮧ ﺍﺗﻨﺎ ﺑﮍﺍ ﮨﻮ ﺳﮑﺘﺎ ﮨﮯ۔ ﺳﺎﻻﺭ ﮐﮯ ﮐﺮﻭﺍﺋﮯ ﺟﺎﻧﮯ ﻭﺍﻟﮯ ﭨﯿﺴﭩﺲ ﻧﮯ ﻓﺮﻗﺎﻥ ﮐﮯ ﭘﯿﺮﻭﮞ ﮐﮯ ﻧﯿﭽﮯ ﺳﮯ ﺯﻣﯿﻦ ﻧﮑﺎﻝ ﺩﯼ ﺗﮭﯽ۔ ﺍﺳﮯ ﯾﮧ ﯾﻘﯿﻦ ﮨﯽ ﻧﮩﯿﮟ ﺁﯾﺎ ﺗﮭﺎ ﮐﮧ ﯾﮧ ﺭﭘﻮﺭﭨﺲ ﺳﺎﻻﺭ ﮐﯽ ﮨﻮ ﺳﮑﺘﯽ ﮨﮯ۔
ﮐﯿﻮﮞ؟ ﻣﺰﯾﺪ ﭨﯿﺴﭩﺲ ﮐﯿﻮﮞ؟ ﮐﻮﺋﯽ ﺍﯾﺴﺎ ﺳﯿﺮﯾﺲ ﻣﺴﺌﻠﮧ ﺗﻮ ﻧﮩﯿﮟ ﻣﺠﮭﮯ۔ ﺩﻭﺳﺮﮮ ﺩﻥ ﻣﺰﯾﺪ ﭨﯿﺴﭧ ﮐﺎ ﮐﮩﻨﮯ ﭘﺮ ﺳﺎﻻﺭ ﻧﮯ ﺍﯾﮏ ﺑﺎﺭ ﭘﮭﺮ ﻻﭘﺮﻭﺍﺋﯽ ﺳﮯ ﺍﺱ ﮐﯽ ﺑﺎﺕ ﮨﻮﺍ ﻣﯿﮟ ﺍﮌﺍﻧﮯ ﮐﯽ ﮐﻮﺷﺶ ﮐﯽ۔ ﺍﺳﮯ ﻻﮨﻮﺭ ﻣﯿﮟ ﮐﺎﻣﻮﮞ ﮐﺎ ﮈﮬﯿﺮ ﻧﭙﭩﺎﻧﺎ ﺗﮭﺎ ﺍﻭﺭ ﺍﺱ ﮈﮬﯿﺮ ﻣﯿﮟ ﮐﺴﯽ ﮨﺎﺳﭙﭩﻞ ﻣﯿﮟ ﺟﺎ ﮐﺮ ﻣﺰﯾﺪ ﭨﯿﺴﭧ ﮐﺮﻭﺍﻧﺎ ﺍﺱ ﮐﮯ ﻟﯿﮯ ﺑﮯ ﺣﺪ ﻣﺸﮑﻞ ﮐﺎﻡ ﺗﮭﺎ۔ ﻓﺮﻗﺎﻥ ﺧﻮﺩ ﻣﯿﮟ ﮨﻤﺖ ﭘﯿﺪﺍ ﻧﮩﯿﮟ ﮐﺮ ﺳﮑﺎ ﮐﮧ ﻭﮦ ﺍﺳﮯ ﺑﺘﺎﺗﺎ ﮐﮧ ﺍﺱ ﮐﮯ ﺍﺑﺘﺪﺍﺋﯽ ﭨﯿﺴﭧ ﮐﺲ ﭼﯿﺰ ﮐﯽ ﺟﺎﻧﺐ ﺍﺷﺎﺭﮦ ﮐﺮ ﺭﮨﮯ ﺗﮭﮯ۔
ﯾﮧ ﺿﺮﻭﺭﯼ ﮨﮯ ﺳﺎﻻﺭ۔ ﮐﺎﻡ ﮨﻮﺗﮯ ﺭﮨﯿﮟ ﮔﮯ ﻟﯿﮑﻦ ﺻﺤﺖ ﭘﺮ ﮐﻤﭙﺮﻭﻣﺎﺋﺰ ﻧﮩﯿﮟ ﮐﯿﺎ ﺟﺎ ﺳﮑﺘﺎ۔ ﻓﺮﻗﺎﻥ ﻧﮯ ﺟﻮﺍﺏ ﻣﯿﮟ ﮐﮩﺎ۔
ﺻﺤﺖ ﺑﺎﻟﮑﻞ ﭨﮭﯿﮏ ﮨﮯ ﯾﺎﺭ ! ﺻﺤﺖ ﮐﻮ ﮐﯿﺎ ﮨﻮﺍ ﮨﮯ؟ ﺍﯾﮏ ﻣﻌﻤﻮﻟﯽ ﻓﻠﻮ ﮨﻮﻧﮯ ﭘﺮ ﺗﻢ ﻧﮯ ﻣﺠﮭﮯ ﮈﺍﮐﭩﺮﻭﮞ ﮐﯽ ﻃﺮﺡ ﮨﺎﺳﭙﭩﻠﺰ ﮐﮯ ﭼﮑﺮﻭﮞ ﭘﺮ ﻟﮕﺎ ﺩﯾﺎ۔ ﺳﺎﻻﺭ ﻧﮯ ﺍﺳﯽ ﺍﻧﺪﺍﺯ ﻣﯿﮟ ﮐﮩﺎ۔
ﺍﻭﺭ ﻭﯾﺴﮯ ﺑﮭﯽ ﺍﮔﻠﮯ ﻣﮩﯿﻨﮯ ﻣﺠﮭﮯ ﺍﻣﺮﯾﮑﮧ ﺟﺎﻧﺎ ﮨﮯ ﻭﮨﺎﮞ ﻣﯿﮉﯾﮑﻞ ﭼﯿﮏ ﺍﭖ ﮐﺮﻭﺍﻧﺎ ﮨﮯ۔ ﺗﻢ ﻓﮑﺮ ﻧﮧ ﮐﺮﻭ ﺳﺐ ﭨﮭﯿﮏ ﮨﮯ۔ ﻭﮦ ﺍﺏ ﺍﺳﮯ ﭨﺎﻟﻨﮯ ﮐﯽ ﮐﻮﺷﺶ ﮐﺮ ﺭﮨﺎ ﺗﮭﺎ۔
ﺳﺐ ﭨﮭﯿﮏ ﻧﮩﯿﮟ ﮨﮯ ﺳﺎﻻﺭ۔ ﻓﺮﻗﺎﻥ ﮐﻮ ﺑﻶﺧﺮ ﺍﺳﮯ ﭨﻮﮐﻨﺎ ﭘﮍﺍ۔
ﮐﯿﺎ ﻣﻄﻠﺐ۔؟ ﺳﺎﻻﺭ ﺍﺱ ﮐﯽ ﺑﺎﺕ ﭘﺮ ﭨﮭﭩﮑﺎ۔
ﻣﯿﮟ ﺗﻤﮩﺎﺭﮮ ﭘﺎﺱ ﭘﮩﻨﭻ ﺭﮨﺎ ﮨﻮﮞ ﺁﺩﮬﮯ ﮔﮭﻨﭩﮯ ﻣﯿﮟ۔ﻓﺮﻗﺎﻥ ﻧﮯ ﻓﻮﻥ ﭘﺮ ﻣﺰﯾﺪ ﮐﭽﮫ ﮐﮩﮯ ﻓﻮﻥ ﺭﮐﮫ ﺩﯾﺎ ﺗﮭﺎ۔
ﺳﺎﻻﺭ ﺍﺱ ﮐﮯ ﺍﻧﺪﺍﺯ ﭘﺮ ﺍﻟﺠﮭﺎ ﺗﮭﺎ۔ ﻟﯿﮑﻦ ﻭﮦ ﺍﺳﮯ ﺻﺮﻑ ﺍﯾﮏ ﮈﺍﮐﭩﺮ ﮐﺎ ﻓﺮﻭﻓﯿﺸﻨﻠﺰﻡ ﺳﻤﺠﮭﺎ۔
ﺗﻢ ﻓﻮﺭﯼ ﻃﻮﺭ ﭘﺮ ﮐﮩﯿﮟ ﻧﮩﯿﮟ ﺟﺎ ﺭﮨﮯ۔ ﻣﺠﮭﮯ ﺍﺳﯽ ﮨﻔﺘﮯ ﻣﯿﮟ ﺗﻤﮩﺎﺭﮮ ﺳﺎﺭﮮ ﭨﯿﺴﭩﺲ ﮐﺮﻭﺍﻧﮯ ﮨﯿﮟ۔ ﺍﻭﺭ ﺍﺱ ﮐﮯ ﺑﻌﺪ ﮨﯽ ﺗﻢ ﮐﮩﯿﮟ ﺟﺎ ﺳﮑﺘﮯ ﮨﻮ۔
ﻓﺮﻗﺎﻥ ﻭﺍﻗﻌﯽ ﻧﮧ ﺻﺮﻑ ﺁﺩﮬﮯ ﮔﮭﻨﭩﮯ ﻣﯿﮟ ﭘﮩﻨﭻ ﮔﯿﺎ ﺗﮭﺎ ﺑﻠﮑﮧ ﺍﺱ ﻧﮯ ﺳﺎﻻﺭ ﮐﻮ ﺍﭘﻨﯽ ﺳﯿﭧ ﮐﯿﻨﺴﻞ ﮐﺮﻭﺍﻧﮯ ﮐﮯ ﻟﯿﮯ ﺑﮭﯽ ﮐﮩﮧ ﺩﯾﺎ ﺗﮭﺎ۔
ﮐﯿﺎ ﻣﺴﺌﻠﮧ ﮨﮯ ﻓﺮﻗﺎﻥ؟ ﺗﻢ ﻣﺠﮭﮯ ﺻﺎﻑ ﺻﺎﻑ ﮐﯿﻮﮞ ﻧﮩﯿﮟ ﺑﺘﺎ ﺩﯾﺘﮯ۔ ﮐﯿﺎ ﭼﮭﭙﺎ ﺭﮨﮯ ﮨﻮ؟ ﮐﯿﻮﮞ ﺿﺮﻭﺭﺕ ﮨﮯ ﻣﺠﮭﮯ ﺍﺗﻨﮯ ﻟﻤﺒﮯ ﭼﻮﮌﮮ ﭨﯿﺴﭩﺲ ﮐﯽ؟ ﺳﺎﻻﺭ ﺍﺏ ﭘﮩﻠﯽ ﺑﺎﺭ ﻭﺍﻗﻌﯽ ﮐﮭﭩﮑﺎ ﺗﮭﺎ۔ ﻓﺮﻗﺎﻥ ﮐﻮ ﺍﺣﺴﺎﺱ ﮨﻮ ﮔﯿﺎ ﮐﮧ ﺍﺳﮯ ﺑﺘﺎﺋﮯ ﺑﻐﯿﺮ ﻭﮦ ﺍﺳﮯ ﭨﯿﺴﭩﺲ ﭘﺮ ﺁﻣﺎﺩﮦ ﻧﮩﯿﮟ ﮐﺮ ﺳﮑﺘﺎ ﺗﮭﺎ۔
ﻣﯿﮟ ﺻﺮﻑ ﯾﮧ ﮐﻨﻔﺮﻡ ﮐﺮﻧﺎ ﭼﺎﮨﺘﺎ ﮨﻮﮞ ﮐﮧ ﯾﮧ ﮐﻮﺋﯽ ﭨﯿﻮﻣﺮ ﻧﮩﯿﮟ ﮨﮯ۔ ﻭﮦ ﺩﻧﯿﺎ ﮐﺎ ﻣﺸﮑﻞ ﺗﺮﯾﻦ ﺟﻤﻠﮧ ﺗﮭﺎ ﺟﺴﮯ ﺍﺩﺍ ﮐﺮﻧﮯ ﮐﮯ ﻟﯿﮯ ﻓﺮﻗﺎﻥ ﻧﮯ ﻭﮦ ﺳﺎﺭﮮ ﻟﻔﻆ ﺍﮐﮭﭩﮯ ﮐﯿﮯ ﯾﻮﮞ ﺟﯿﺴﮯ ﺳﺎﻻﺭ ﺳﮯ ﺯﯾﺎﺩﮦ ﻭﮦ ﺍﭘﻨﮯ ﺁﭖ ﮐﻮ ﺗﺴﻠﯽ ﺩﯾﻨﺎ ﭼﺎﮨﺘﺎ ﺗﮭﺎ۔
ﭨﯿﻮﻣﺮ؟ ﺳﺎﻻﺭ ﻧﮯ ﺑﮯ ﯾﻘﯿﻨﯽ ﺳﮯ ﮐﮩﺎ۔
ﺑﺮﯾﻦ ﭨﯿﻮﻣﺮ ! ﻓﺮﻗﺎﻥ ﻧﮯ ﺍﮔﻠﮯ ﺩﻭ ﻟﻔﻆ ﺟﺲ ﺩﻗﺖ ﺳﮯ ﮐﮩﮯ ﺳﺎﻻﺭ ﺍﺱ ﺩﻗﺖ ﺳﮯ ﺑﮭﯽ ﺍﻧﮩﯿﮟ ﺑﻮﻝ ﻧﮩﯿﮟ ﺳﮑﺎ۔ ﺍﺱ ﮐﮯ ﮐﺎﻥ ﺳﺎﺋﯿﮟ ﺳﺎﺋﯿﮟ ﮐﺮﻧﮯ ﻟﮕﮯ ﺗﮭﮯ۔ ﻭﮦ ﺑﮯ ﯾﻘﯿﻨﯽ ﺳﮯ ﻓﺮﻗﺎﻥ ﮐﻮ ﺩﯾﮑﮭﺘﺎ ﺭﮨﺎ ﭘﮭﺮ ﺍﺱ ﻧﮯ ﮐﮩﺎ۔
ﯾﮧ ﭨﯿﺴﭩﺲ ﺟﻮ ﺗﻢ ﻧﮯ ﮐﺮﻭﺍﺋﮯ ﮨﯿﮟ ﯾﮧ ﺍﻧﮉﯾﮑﯿﭧ ﮐﺮ ﺭﮨﮯ ﮨﯿﮟ ﮐﮧ۔۔۔۔۔۔۔۔۔۔ ﻭﮦ ﺧﻮﺩ ﺑﮭﯽ ﺟﻤﻠﮧ ﭘﻮﺭﺍ ﻧﮩﯿﮟ ﮐﺮ ﭘﺎﯾﺎ۔
۔۔۔۔۔۔۔۔۔۔۔۔۔ +——-+
ﺍﺱ ﻧﮯ ﻓﻮﻥ ﭘﺮ ﺳﺎﻻﺭ ﮐﻮ ﮐﺎﻝ ﻣﻼﺋﯽ۔ ﭼﻨﺪ ﻣﺮﺗﺒﮧ ﺑﯿﻞ ﺟﺎﻧﮯ ﮐﮯ ﺑﻌﺪ ﻓﻮﻥ ﺍﭨﮭﺎ ﻟﯿﺎ ﮔﯿﺎ ﻟﯿﮑﻦ ﺍﭨﮭﺎﻧﮯ ﻭﺍﻻ ﻓﺮﻗﺎﻥ ﺗﮭﺎ۔ ﺍﻣﺎﻣﮧ ﺣﯿﺮﺍﻥ ﮨﻮﮔﺌﯽ ﺳﺎﻻﺭ ﻻﮨﻮﺭ ﻣﯿﮟ ﺗﮭﺎ ﺍﻭﺭ ﺍﺱ ﻧﮯ ﮐﭽﮫ ﻣﺼﺮﻭﻓﯿﺎﺕ ﮐﯽ ﺑﻨﺎ ﭘﺮ ﺍﭘﻨﯽ ﺳﯿﭧ ﺁﮔﮯ ﮐﺮﻭﺍ ﻟﯽ ﮨﮯ۔ ﺍﺱ ﻧﮯ ﺍﻣﺎﻣﮧ ﮐﻮ ﺑﺘﺎﯾﺎ ﺗﮭﺎ ﺍﻭﺭ ﯾﮧ ﺑﮭﯽ ﺑﺘﺎﯾﺎ ﮐﮧ ﻓﺮﻗﺎﻥ ﺍﺱ ﮐﮯ ﺑﺎﺭ ﺑﺎﺭ ﻓﻠﻮ ﮐﯽ ﻭﺟﮧ ﺳﮯ ﺍﺳﮯ ﺑﻠﮉ ﭨﯿﺴﭧ ﮐﺮﻭﺍﻧﮯ ﮐﺎ ﮐﮩﮧ ﺭﮨﺎ ﺗﮭﺎ ﺍﻭﺭ ﺍﻣﺎﻣﮧ ﻧﮯ ﺍﺳﮯ ﮐﮩﺎ ﺗﮭﺎ ﮐﮧ ﺍﺳﮯ ﻓﺮﻗﺎﻥ ﮐﯽ ﺑﺎﺕ ﻣﺎﻥ ﻟﯿﻨﯽ ﭼﺎﮨﺌﮯ۔
ﻟﯿﮑﻦ ﺍﺱ ﮐﮯ ﺑﻌﺪ ﺍﻣﺎﻣﮧ ﺍﻭﺭ ﺳﺎﻻﺭ ﮐﯽ ﺍﻥ ﭨﯿﺴﭧ ﺭﭘﻮﺭﭨﺲ ﮐﮯ ﺣﻮﺍﻟﮯ ﺳﮯ ﮐﻮﺋﯽ ﺑﺎﺕ ﻧﮩﯿﮟ ﮨﻮﺋﯽ ﺗﮭﯽ۔
ﺍﻭﺭ ﺍﺏ ﻓﺮﻗﺎﻥ ﺍﯾﮏ ﺑﺎﺭ ﭘﮭﺮ ﺳﺎﻻﺭ ﮐﮯ ﻓﻮﻥ ﭘﺮ ﺗﮭﺎ ﺗﻮ ﯾﮧ ﻻﮨﻮﺭ ﻣﯿﮟ ﺍﺱ ﮐﯽ ﺳﺎﻻﺭ ﺳﮯ ﺗﯿﺴﺮﯼ ﻣﻼﻗﺎﺕ ﺗﮭﯽ ﺍﻥ ﭼﻨﺪ ﺩﻧﻮﮞ ﻣﯿﮟ۔۔ ﻭﮦ ﺳﻮﭼﮯ ﺑﻨﺎ ﻧﮧ ﺭﮦ ﺳﮑﯽ۔ﻭﮦ ﺍﺏ ﺍﺱ ﺳﮯ ﺍﺱ ﮐﺎ ﺍﻭﺭ ﺑﭽﻮﮞ ﮐﺎ ﺣﺎﻝ ﭘﻮﭼﮫ ﺭﮨﺎ ﺗﮭﺎ ﻟﯿﮑﻦ ﺍﺱ ﮐﺎ ﺍﻧﺪﺍﺯ ﺑﮩﺖ ﻋﺠﯿﺐ ﺗﮭﺎ۔ ﻭﮦ ﺧﻮﺵ ﻣﺰﺍﺟﯽ ﺟﻮ ﺍﺱ ﮐﮯ ﻃﺮﺯ ﺗﺨﺎﻃﺐ ﮐﺎ ﺣﺼﮧ ﮨﻮﺗﯽ ﺗﮭﯽ ﻭﮦ ﺁﺝ ﺍﻣﺎﻣﮧ ﮐﻮ ﻣﮑﻤﻞ ﻃﻮﺭ ﭘﺮ ﻏﺎﺋﺐ ﻣﺤﺴﻮﺱ ﮨﻮﺋﯽ۔
ﺳﺎﻻﺭ ﺍﺑﮭﯽ ﺗﮭﻮﮌﯼ ﺩﯾﺮ ﻣﯿﮟ ﻓﻮﻥ ﮐﺮﺗﺎ ﮨﮯ ﺗﻤﮩﯿﮟ۔ ﺍﺱ ﻧﮯ ﺍﺑﺘﺪﺍﺋﯽ ﻋﻠﯿﮏ ﺳﻠﯿﮏ ﮐﮯ ﺑﻌﺪ ﮐﮩﺎ۔
ﻓﻮﻥ ﺁﭖ ﮐﻮ ﮐﯿﺴﮯ ﺩﮮ ﺩﯾﺎ ﺍﺱ ﻧﮯ؟ ﯾﮧ ﺑﺎﺕ ﺍﻣﺎﻣﮧ ﮐﻮ ﺑﮯ ﺣﺪ ﺣﯿﺮﺍﻥ ﮐﻦ ﻟﮕﯽ۔
ﮨﺎﮞ، ﻭﮦ ﮨﺎﺳﭙﭩﻞ ﻣﯿﮟ ﺁﺋﮯ ﮨﻮﺋﮯ ﺗﮭﮯ ﺍﻭﺭ ﺳﺎﻻﺭ ﮐﻮ ﻣﺠﮫ ﺳﮯ ﮐﺎﻡ ﺗﮭﺎ ۔ﻭﮦ ﺫﺭﺍ ﻭﺍﺵ ﺭﻭﻡ ﺗﮏ ﮔﯿﺎ ﮨﮯ ﺗﻮ ﻓﻮﻥ ﯾﮩﯿﮟ ﭼﮭﻮﮌ ﮔﯿﺎ۔
ﺍﻣﺎﻣﮧ ﮐﮯ ﻟﯿﮯ ﯾﮧ ﻧﺎﻗﺎﺑﻞ ﯾﻘﯿﻦ ﺗﮭﺎ۔ﻭﮦ ﻭﺍﺵ ﺭﻭﻡ ﺟﺎﺗﮯ ﮨﻮﺋﮯ ﺍﭘﻨﺎ ﻓﻮﻥ ﮐﮩﯿﮟ ﭼﮭﻮﮌ ﮐﺮ ﺟﺎﻧﮯ ﻭﺍﻟﻮﮞ ﻣﯿﮟ ﻧﮩﯿﮟ ﺗﮭﺎ۔ ﻟﯿﮑﻦ ﺍﺱ ﻧﮯ ﻣﺰﯾﺪ ﺳﻮﺍﻝ ﺟﻮﺍﺏ ﮐﯽ ﺑﺠﺎﺋﮯ ﺳﺎﻻﺭ ﮐﯽ ﮐﺎﻝ ﮐﺎ ﺍﻧﺘﻈﺎﺭ ﻣﻨﺎﺳﺐ ﺳﻤﺠﮭﺎ۔
ﺳﺎﻻﺭ ﺍﯾﻢ ﺁﺭ ﺁﺋﯽ ﮐﺮﻭﺍ ﺭﮨﺎ ﺗﮭﺎ۔ ﺍﻭﺭ ﺍﺱ ﮐﮯ ﮨﻮﻧﮯ ﻭﺍﻟﮯ ﭨﯿﺴﭧ ﺍﻥ ﺳﺎﺭﮮ ﺧﺪﺷﺎﺕ ﮐﯽ ﺗﺼﺪﯾﻖ ﮐﺮ ﺭﮨﮯ ﺗﮭﮯ ﺟﻮ ﻓﺮﻗﺎﻥ ﮐﻮ ﮨﻮﺋﮯ ﺗﮭﮯ۔ ﺍﺳﮯ ﺑﺮﯾﻦ ﭨﯿﻮﻣﺮ ﺗﮭﺎ۔ ﺑﺮﯾﻦ ﭨﯿﻮﻣﺮ ﻣﮩﻠﮏ ﺗﮭﺎ ﺍﺱ ﮐﯽ ﺑﮭﯽ ﺗﺼﺪﯾﻖ ﮨﻮ ﮔﺌﯽ ﺍﻭﺭ ﻭﮦ ﭘﮩﻼ ﻣﻮﻗﻊ ﺗﮭﺎ ﺟﺐ ﺳﺎﻻﺭ ﻧﮯ ﭘﮩﻠﯽ ﺑﺎﺭ ﺑﯿﭩﮫ ﮐﺮ ﺍﭘﻨﯽ ﺯﻧﺪﮔﯽ ﮐﮯ ﺑﯿﺎﻟﯿﺲ ﺳﺎﻟﻮﮞ ﮐﮯ ﺑﺎﺭﮮ ﻣﯿﮟ ﺳﻮﭼﺎ۔ ﻣﮩﻠﺖ ﮐﺎ ﻭﮦ ﺍﺻﻮﻝ ﺟﻮ ﻗﺮﺁﻥ ﻣﺠﯿﺪ ﻣﯿﮟ ﺗﮭﺎ ﺍﺳﮯ ﺍﺏ ﺳﻤﺠﮫ ﺁﯾﺎ۔ﻟﯿﮑﻦ ﯾﮧ ﯾﻘﯿﻦ ﮐﺮﻧﺎ ﻣﺸﮑﻞ ﺗﮭﺎ ﮐﮧ ﻭﮦ ﻗﺎﻧﻮﻥ ﺍﺏ ﺍﺱ ﮐﯽ ﺍﭘﻨﯽ ﺯﻧﺪﮔﯽ ﭘﺮ ﻻﮔﻮ ﮨﻮﻧﮯ ﺟﺎﺭﮨﺎ ﺗﮭﺎ۔
ﻣﯿﮉﯾﮑﻞ ﺳﺎﺋﻨﺲ ﺑﮩﺖ ﺗﺮﻗﯽ ﮐﺮ ﮔﺌﯽ ﮨﮯ۔ ﮨﺮ ﭼﯿﺰ ﮐﺎ ﻋﻼﺝ ﻣﻤﮑﻦ ﮨﮯ۔ ﺍﺱ ﭨﯿﻮﻣﺮ ﮐﮯ ﻣﮩﻠﮏ ﮨﻮﻧﮯ ﮐﯽ ﺗﺼﺪﯾﻖ ﭘﺮ ﻓﺮﻗﺎﻥ ﺍﺱ ﺳﮯ ﮐﻢ ﺍﭖ ﺳﯿﭧ ﻧﮩﯿﮟ ﮨﻮﺍ ﺗﮭﺎ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﺍﺱ ﻧﮯ ﮔﻢ ﺻﻢ ﺑﯿﭩﮭﮯ ﺳﺎﻻﺭ ﮐﻮ ﺗﺴﻠﯽ ﺩﯾﻨﺎ ﺷﺮﻭﻉ ﮐﯽ۔
ﺗﻢ ﺍﺏ ﺻﺮﻑ ﺍﺗﻨﺎ ﺳﻮﭼﻮ ﮐﮧ ﺳﺐ ﮐﭽﮫ ﭨﮭﯿﮏ ﮨﻮ ﺟﺎﺋﮯ ﮔﺎ۔ ﺍﺱ ﻧﮯ ﺳﺮ ﺍﭨﮭﺎ ﮐﺮ ﻓﺮﻗﺎﻥ ﮐﻮ ﺩﯾﮑﮭﺎ ﺍﻭﺭ ﮐﮩﺎ۔ ﺗﻢ ﮈﺍﮐﭩﺮ ﮨﻮ ﮐﺮ ﻣﺠﮫ ﺳﮯ ﯾﮧ ﺑﺎﺕ ﮐﮩﮧ ﺭﮨﮯ ﮨﻮ۔ ﻓﺮﻗﺎﻥ ﺑﻮﻝ ﻧﮧ ﭘﺎﯾﺎ۔ ﻭﮦ ﺩﻭﻧﻮﮞ ﺩﯾﺮ ﺗﮏ ﭼﭗ ﺭﮨﮯ۔
ﺗﻢ ﻓﻮﺭﯼ ﻃﻮﺭ ﭘﺮ ﺍﻣﺮﯾﮑﮧ ﭼﻠﮯ ﺟﺎﺅ،، ﺑﻠﮑﮧ ﻣﯿﮟ ﺗﻤﮩﺎﺭﮮ ﺳﺎﺗﮫ ﭼﻠﺘﺎ ﮨﻮﮞ۔ ﻭﮨﺎﮞ ﺑﮩﺘﺮﯾﻦ ﮈﺍﮐﭩﺮﺯ ﺍﻭﺭ ﺍﺳﭙﺘﺎﻝ ﮨﯿﮟ۔ﮨﻮ ﺳﮑﺘﺎ ﮨﮯ ﻭﮨﺎﮞ ﺍﺱ ﮐﺎ ﻋﻼﺝ ﮨﻮ ﺟﺎﺋﮯ ﯾﺎ ﮐﻮﺋﯽ ﺍﻭﺭ ﺣﻞ ﮨﻮ۔ ﻭﮦ ﺍﺏ ﮈﺍﮐﭩﺮ ﺑﻦ ﮐﺮ ﻧﮩﯿﮟ ﺍﺱ ﮐﺎ ﺍﯾﮏ ﻋﺰﯾﺰ ﺩﻭﺳﺖ ﺑﻦ ﮐﺮ ﺑﺎﺕ ﮐﺮ ﺭﮨﺎ ﺗﮭﺎ۔
ﺍﻣﺎﻣﮧ ﺳﮯ ﮐﯿﺎ ﮐﮩﻮﮞ؟ ﺍﺱ ﻧﮯ ﻋﺠﯿﺐ ﺳﻮﺍﻝ ﮐﯿﺎ۔
ﺍﺑﮭﯽ ﮐﭽﮫ ﮐﮩﻨﮯ ﮐﯽ ﺿﺮﻭﺭﺕ ﻧﮩﯿﮟ۔ ﺍﯾﮏ ﺑﺎﺭ ﺍﻣﺮﯾﮑﮧ ﺳﮯ ﭨﯿﺴﭧ ﮨﻮﻧﮯ ﺩﻭ۔ ﺩﯾﮑﮭﻮ، ﻭﮨﺎﮞ ﮐﮯ ﮈﺍﮐﭩﺮﺯ ﮐﯿﺎ ﮐﮩﺘﮯ ﮨﯿﮟ۔ ﻓﺮﻗﺎﻥ ﻧﮯ ﮐﮩﺎ۔
ﯾﮩﺎﮞ ﮐﮯ ﮈﺍﮐﭩﺮﺯ ﮐﯿﺎ ﮐﮩﺘﮯ ﮨﯿﮟ؟ ﻓﺮﻗﺎﻥ ﺍﺱ ﮐﮯ ﺍﺱ ﺳﻮﺍﻝ ﮐﻮ ﻧﻈﺮﺍﻧﺪﺍﺯ ﮐﺮ ﮔﯿﺎ ﺗﮭﺎ۔
ﭘﺎﮐﺴﺘﺎﻥ ﻣﯿﮟ ﺑﺮﯾﻦ ﭨﯿﻮﻣﺮ ﮐﺎ ﻋﻼﺝ ﺍﻭﺭ ﻧﯿﻮﺭﻭ ﺳﺮﺟﺮﯼ ﺍﺗﻨﯽ ﺍﯾﮉﻭﺍﻧﺴﮉ ﻧﮩﯿﮟ ﺟﺘﻨﯽ ﺍﻣﺮﯾﮑﺎ ﻣﯿﮟ، ﺍﺱ ﻟﯿﮯ ﯾﮩﺎﮞ ﮐﮯ ﮈﺍﮐﭩﺮﺯ ﮐﯽ ﺭﺍﺋﮯ ﻣﯿﺮﮮ ﻟﯿﮯ ﺍﺗﻨﯽ ﺍﮨﻤﯿﺖ ﻧﮩﯿﮟ ﺭﮐﮭﺘﯽ۔
ﺍﺳﮯ ﻓﺮﻗﺎﻥ ﮐﯽ ﺑﮯ ﺑﺴﯽ ﭘﺮ ﺧﻮﺩ ﺳﮯ ﺯﯾﺎﺩﮦ ﺗﺮﺱ ﺁﺭﮨﺎ ﺗﮭﺎ ﻭﮦ ﺍﺳﮯ ﮐﭽﮫ ﺑﺘﺎﻧﺎ ﺑﮭﯽ ﻧﮩﯿﮟ ﭼﺎﮨﺘﺎ ﺗﮭﺎ ﺍﻭﺭ ﮐﭽﮫ ﭼﮭﭙﺎﻧﺎ ﺑﮭﯽ ﻧﮩﯿﮟ۔
————*
جاری ہے۔