)
۔
ﺳﺎﻻﺭ ﺳﮑﻨﺪﺭ ﺭﻭﺳﭩﺮﻡ ﮐﮯ ﭘﯿﭽﮭﮯ ﭘﮩﻨﭻ ﭼﮑﺎ ﺗﮭﺎ۔ ﻣﺠﻤﻊ ﮐﻮ ﺳﺎﻧﭗ ﺳﻮﻧﮕﮫ ﮔﯿﺎ ﺗﮭﺎ۔ ﺍﺏ ﻭﮦ ﺑﺴﻢ ﺍﻟﻠﮧ ﺍﻟﺮﺣﻤﻦ ﺍﻟﺮﺣﯿﻢ ﭘﮍﮬﻨﮯ ﮐﮯ ﺑﻌﺪ ﻗﺮﺁﻧﯽ ﺁﯾﺎﺕ ﮐﯽ ﺗﻼﻭﺕ ﮐﺮ ﺭﮨﺎ ﺗﮭﺎ۔۔

ﻭﮦ ﭨﯽ ﻭﯼ ﺁﻥ ﻧﮩﯿﮟ ﮐﺮﻧﺎ ﭼﺎﮨﺘﯽ ﺗﮭﯽ ﻟﯿﮑﻦ ﺍﺳﮯ ﺑﮯ ﭼﯿﻨﯽ ﮐﮯ ﺑﺎﻋﺚ ﺑﻨﺪ ﮐﺮ ﮐﮯ ﺑﮭﯽ ﻧﮩﯿﮟ ﺑﯿﭩﮫ ﺳﮑﺘﯽ ﺗﮭﯽ۔ ﻭﮦ ﺳﺮﺩ ﺍﻭﺭ ﺑﮯ ﺣﺲ ﻭ ﺣﺮﮐﺖ ﻭﺟﻮﺩ ﮐﮯ ﺳﺎﺗﮫ ﺑﺖ ﺑﻨﯽ ﺍﺱ ﺷﺨﺺ ﮐﻮ ﭨﯽ ﻭﯼ ﭘﺮ ﺩﯾﮑﮫ ﺭﮨﯽ ﺗﮭﯽ۔ ﺍﮔﺮ ﺍﺱ ﮐﮯ ﻭﺟﻮﺩ ﻣﯿﮟ ﮐﮩﯿﮟ ﺣﺮﮐﺖ ﺗﮭﯽ ﺗﻮ ﻭﮦ ﺍﺱ ﮐﮯ ﺩﻝ ﮐﯽ ﺩﮬﮍﮐﻦ ﺗﮭﯽ۔ ﺳﺎﻻﺭ ﺳﮑﻨﺪﺭ ﻧﮯ ﺯﻧﺪﮔﯽ ﻣﯿﮟ ﺑﮩﺖ ﺳﺎﺭﯼ ﺗﻘﺮﯾﺮﯾﮟ ﮐﯽ ﺗﮭﯽ ﻟﯿﮑﻦ ﺍﻥ ﻣﯿﮟ ﺳﮯ ﮐﻮﺋﯽ ﺗﻘﺮﯾﺮ ﻻﮐﮭﻮﮞ ﮐﮯ ﺍﯾﺴﮯ ﻣﺠﻤﻊ ﮐﮯ ﺳﺎﻣﻨﮯ ﻧﮩﯿﮟ ﺗﮭﯽ۔ ﺟﺲ ﺳﮯ ﻭﮦ ﺍﻧﺴﺎﻧﯽ ﮨﻤﺪﺭﺩﯼ ﮐﮯ ﻋﻼﻭﮦ ﮐﻮﺋﯽ ﺗﻌﻠﻖ ﻧﮩﯿﮟ ﺭﮐﮭﺘﺎ ﺗﮭﺎ۔ ﻭﮦ ﻣﻘﺎﻣﯽ ﺯﺑﺎﻥ ﻣﯿﮟ ﺍﻥ ﺳﮯ ﺑﺎﺕ ﮐﺮ ﺭﮨﺎ ﺗﮭﺎ ﺍﻭﺭ ﻭﮦ ﺗﺮﺟﻤﮧ ﮨﻮ ﮐﺮ ﺍﺱ ﮐﮯ ﺳﺎﺗﮫ ﺍﺳﮑﺮﯾﻦ ﭘﺮ ﺁﺭﮨﺎ ﺗﮭﺎ۔ ﻧﮧ ﺍﻣﺎﻣﮧ ﮐﻮ ﺍﻧﺪﺍﺯﮦ ﺗﮭﺎ ﺍﻭﺭ ﻧﮧ ﺳﺎﻻﺭ ﺳﮑﻨﺪﺭ ﮐﻮ ﮐﮧ ﻭﮦ ﺁﺝ ﺍﻓﺮﯾﻘﮧ ﮐﮯ ﺍﺱ ﺳﯿﺎﮦ ﻓﺎﻡ ﻣﺠﻤﻌﮯ ﮐﮯ ﺳﺎﻣﻨﮯ ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﮐﺎ ﺁﺧﺮﯼ ﺧﻄﺒﮧ ﺩﮨﺮﺍﺋﮯ ﮔﺎ۔ ﺍﺱ ﻧﮯ ﮨﻤﯿﺸﮧ ﮐﯽ ﻃﺮﺡ ﺑﺴﻢ ﺍﻟﻠﮧ ﺳﮯ ﺗﻘﺮﯾﺮ ﮐﺎ ﺁﻏﺎﺯ ﮐﯿﺎ ﭘﮭﺮ ﻗﺮﺁﻧﯽ ﺁﯾﺎﺕ ﺳﻨﺎﺋﯽ ﮐﮧ ﻋﺰﺕ ﺍﻭﺭ ﺫﻟﺖ ﺻﺮﻑ ﺍﻟﻠﮧ ﮐﮯ ﮨﺎﺗﮫ ﻣﯿﮟ ﮨﮯ ﺍﻭﺭ ﺍﺱ ﮐﮯ ﺑﻌﺪ ﺍﺱ ﻧﮯ ﺳﺮ ﺍﭨﮭﺎ ﮐﺮ ﻣﺠﻤﻊ ﮐﻮ ﺩﯾﮑﮭﺎ۔ ﺍﯾﮏ ﻟﻤﺤﮯ ﮐﮯ ﻟﯿﮯ ﻭﮦ ﺑﮭﻮﻝ ﮔﯿﺎ ﮐﮧ ﺍﺳﮯ ﮐﯿﺎ ﮐﮩﻨﺎ ﺗﮭﺎ۔ ﺍﺱ ﻧﮯ ﺩﻭﺑﺎﺭﮦ ﺭﻭﺳﭩﺮﻡ ﭘﺮ ﺭﮐﮭﮯ ﺍﺱ ﮐﺎﻏﺬ ﭘﺮ ﻧﻈﺮ ﺩﻭﮌﺍﺋﯽ ﺟﺲ ﭘﺮ ﺍﺱ ﻧﮯ ﺗﻘﺮﯾﺮ ﮐﮯ ﻧﮑﺎﺕ ﻟﮑﮭﮯ ﺗﮭﮯ۔ﻭﮦ ﮨﻤﯿﺸﮧ ﺻﺮﻑ ﻧﮑﺎﺕ ﻟﮑﮫ ﮐﺮ ﮨﯽ ﺗﻘﺮﯾﺮ ﮐﯿﺎ ﮐﺮﺗﺎ ﺗﮭﺎ۔ﺍﺳﮯ ﺍﭘﻨﯽ ﯾﺎﺩﺍﺷﺖ ﺍﻭﺭ ﻋﻠﻢ ﭘﺮ ﺍﯾﺴﺎ ﮨﯽ ﺍﻧﺪﮬﺎ ﯾﻘﯿﻦ ﺗﮭﺎ۔ﺍﻭﺭ ﺍﺏ ﻭﮦ ﺑﺎﻟﮑﻞ ﺧﺎﻟﯽ ﺫﮨﻦ ﮐﮯ ﺳﺎﺗﮫ ﮨﻮﻧﻘﻮﮞ ﮐﯽ ﻃﺮﺡ ﺍﺱ ﻣﺠﻤﻊ ﮐﻮ ﺩﯾﮑﮫ ﺭﮨﺎ ﺗﮭﺎ ﺟﻮ ﺍﺱ ﮐﮯ ﺍﮔﻠﮯ ﺍﻟﻔﺎﻅ ﮐﮯ ﻣﻨﺘﻈﺮ ﺗﮭﮯ۔ ﺍﺱ ﮐﮯ ﭘﭽﮭﻠﮯ ﺍﻟﻔﺎﻅ ﺍﻥ ﮐﮯ ﺳﺮ ﺳﮯ ﮔﺰﺭﮮ ﺗﮭﮯ۔ ﺍﻓﺮﯾﻘﮧ ﮐﮯ ﻭﮦ ﻗﺒﺎﺋﻞ ﺟﻮ ﺍﺱ ﻭﻗﺖ ﻭﮨﺎﮞ ﺍﮐﮭﭩﮯ ﺗﮭﮯ ﻭﮦ ﺁﺝ ﺑﮭﯽ ﺍﻟﻠﮧ ﮐﯽ ﻋﺒﺎﺩﺕ ﻧﮩﯿﮟ ﮐﺮﺗﮯ ﺗﮭﮯ ﻧﮧ ﮨﯽ ﺍﻟﻠﮧ ﮐﮯ ﻭﺟﻮﺩ ﮐﻮ ﻣﺎﻧﺘﮯ ﺍﻭﺭ ﭘﮩﭽﺎﻧﺘﮯ ﺗﮭﮯ۔ ﯾﮩﯽ ﻭﮦ ﻟﻤﺤﮧ ﺗﮭﺎ ﺟﺐ ﺍﺳﮯ ﺁﺧﺮﯼ ﺧﻄﺒﮧ ﯾﺎﺩ ﺁﯾﺎ ﺗﮭﺎ۔۔ﻣﯿﮟ ﺍﯾﮏ ﺍﯾﺴﯽ ﺗﻨﻈﯿﻢ ﮐﺎ ﺣﺼﮧ ﮨﻮﮞ ﺟﻨﮩﻮﮞ ﻧﮯ ﻣﺎﺿﯽ ﻣﯿﮟ ﺍﺱ ﺧﻄﮯ ﺍﻭﺭ ﺁﭖ ﻟﻮﮔﻮﮞ ﮐﯿﺴﺎﺗﮫ ﺑﮩﺖ ﺯﯾﺎﺩﺗﯿﺎﮞ ﮐﯽ ﮨﯿﮟ ﺁﭖ ﻟﻮﮔﻮﮞ ﮐﻮ ﮐﻤﺘﺮ ﺳﻤﺠﮭﺎ ﮔﯿﺎ۔ ﺁﭖ ﻟﻮﮔﻮﮞ ﮐﮯ ﺣﻘﻮﻕ ﭼﮭﯿﻨﮯ ﮔﺌﮯ ﺍﻭﺭ ﺁﭖ ﻟﻮﮔﻮﮞ ﮐﮯ ﻭﺳﺎﺋﻞ ﭘﺮ ﻧﺎﺟﺎﺋﺰ ﻗﺒﻀﮧ ﮐﯿﺎ ﮔﯿﺎ۔۔ﻣﯿﮟ ﺍﻥ ﺳﺐ ﮐﮯ ﻟﯿﮯ ﺁﭖ ﺳﮯ ﻣﻌﺬﺭﺕ ﺧﻮﺍﮦ ﮨﻮﮞ ﮐﯿﻮﻧﮑﮧ ﻣﯿﮟ ﺍﯾﮏ ﺍﯾﺴﮯ ﻣﺬﮨﺐ ﮐﺎ ﻣﺎﻧﻨﮯ ﻭﺍﻻ ﮨﻮﮞ ﺟﻮ ﯾﮧ ﺳﺐ ﮔﻨﺎﮦ ﻗﺮﺍﺭ ﺩﯾﺘﺎ ﮨﮯ ﻣﯿﮟ ﺍﯾﮏ ﺍﯾﺴﮯ ﻣﺬﮨﺐ ﮐﺎ ﻣﺎﻧﻨﮯ ﻭﺍﻻ ﮨﻮﮞ ﺟﺲ ﮐﮯ ﭘﯿﻐﻤﺒﺮ ﺣﻀﺮﺕ ﻣﺤﻤﺪ ﺻﻠﯽ ﺍﻟﻠﮧ ﻋﻠﯿﮧ ﻭﺁﻟﮧ ﻭﺳﻠﻢ ﺍﻣﺎﻧﺘﻮﮞ ﻣﯿﮟ ﺧﯿﺎﻧﺖ ﺳﮯ ﻣﻨﻊ ﮐﺮﺗﮯ ﺗﮭﮯ ﻭﮦ ﺍﭘﻨﮯ ﺑﮭﺎﺋﯽ ﮐﮯ ﻟﯿﺌﮯ ﺑﮭﯽ ﻭﮨﯽ ﭘﺴﻨﺪ ﮐﺮﻧﮯ ﮐﯽ ﺗﻠﻘﯿﻦ ﮐﺮﺗﮯ ﺗﮭﮯ ﺟﻮ ﺍﭘﻨﮯ ﻟﯿﺌﮯ۔۔۔۔۔ﺟﻨﮩﻮﮞ ﻧﮯ ﺑﺘﺎﯾﺎ ﮐﮧ ﮐﺴﯽ ﮔﻮﺭﮮ ﮐﻮ ﮐﺎﻟﮯ ﭘﺮ ﺍﻭﺭ ﮐﺴﯽ ﮐﺎﻟﮯ ﮐﻮ ﮔﻮﺭﮮ ﭘﺮ ﮐﻮﺉ ﺑﺮﺗﺮﯼ ﻧﮩﯿﮟ۔ ﻭﮦ ﺍﻧﺴﺎﻧﯽ ﻣﺴﺎﻭﺍﺕ ﮐﯽ ﺑﺎﺕ ﮐﺮﺗﮯ ﺗﮭﮯ۔ﺫﺍﺕ ﭘﺎﺕ، ﺭﻧﮓ ﻭ ﻧﺴﻞ ﮐﻮ ﻧﮩﯿﮟ ﻣﺎﻧﺘﮯ ﺗﮭﮯ۔ﺳﺎﻻﺭ ﺳﮑﻨﺪﺭ ﺣﺎﻓﻆ ﺗﮭﺎ، ﻣﺒﻠﻎ ﻧﮩﯿﮟ ﺗﮭﺎ۔ ﻣﻘﺮﺭ ﺗﮭﺎ، ﻣﻔﺴﺮ ﻧﮩﯿﮟ ﺗﮭﺎ۔۔ﺯﻧﺪﮔﯽ ﻣﯿﮟ ﮐﺒﮭﯽ ﺍﺱ ﻧﮯ ﺍﭘﻨﮯ ﭘﺮﻭﻓﯿﺸﻦ ﻣﯿﮟ ﻣﺬﮨﺐ ﮐﻮ ﻻﻧﮯ ﮐﯽ ﮐﻮﺷﺶ ﻧﮩﯿﮟ ﮐﯽ ﺗﮭﯽ ﻭﮦ ﺁﺝ ﺑﮭﯽ ﺍﺳﯽ ﻧﯿﺖ ﺳﮯ ﻭﮨﺎﮞ ﺁﯾﺎ ﺗﮭﺎ ﭘﺮ ﺍﺱ ﻭﻗﺖ ﺟﻮ ﺯﺑﺎﻥ ﺳﮯ ﻧﮑﻞ ﺭﮨﺎ ﺗﮭﺎ ﻭﮦ ﺩﻝ ﮐﯽ ﺁﻭﺍﺯ ﺗﮭﯽ ﺟﻮ ﺩﻟﻮﮞ ﺗﮏ ﺟﺎ ﺭﮨﯽ ﺗﮭﯽ۔۔
ﺍﻓﺮﯾﻘﮧ ﻣﯿﮟ ﻏﯿﺮ ﺍﻧﺴﺎﻧﯽ ﺣﺎﻻﺕ ﻣﯿﮟ ﺭﮨﻨﮯ ﻭﺍﻻ ﻭﮦ ﺳﯿﺎﮦ ﻓﺎﻡ ﻣﺠﻤﻊ ﺍﺱ ﮐﯽ ﺑﺎﺗﯿﮟ ﺳﻦ ﺭﮨﺎ ﺗﮭﺎ ﺍﻭﺭ ﺍﺏ ﭘﮩﻠﯽ ﺑﺎﺭ ﺳﺎﮐﺖ ﻭ ﺻﺎﻣﺖ ﺧﺎﻣﻮﺷﯽ ﮐﮯ ﺳﺎﺗﮫ ﺳﻦ ﺭﮨﺎ ﺗﮭﺎ۔۔۔ﺍﻭﺭ ﺍﺱ ﺧﺎﻣﻮﺷﯽ ﮐﻮ ﺍﯾﮏ ﺑﮯ ﺍﺧﺘﯿﺎﺭ ﺩﺍﺩ ﻭ ﺗﺤﺴﯿﻦ ﻧﮯ ﺗﻮﮌﺍ ﺗﮭﺎ ﯾﮧ ﺩﺍﺩ ﺳﺎﻻﺭ ﺳﮑﻨﺪﺭ ﮐﮯ ﺟﻤﻠﮯ ﭘﺮ ﻧﮩﯿﮟ ﻣﻠﯽ ﺗﮭﯽ ﯾﮧ ﺩﺍﺩ ﺧﺎﺗﻢ ﺍﻟﻨﺒﯿﯿﻦ ﮐﮯ ﺁﺧﺮﯼ ﺧﻄﺒﮯ ﮐﮯ ﺍﯾﮏ ﺑﻨﯿﺎﺩﯼ ﻓﻠﺴﻔﮯ ﮐﻮ ﻣﻠﯽ ﺗﮭﯽ۔ﺁﺝ ﭼﻮﺩﮦ ﺳﻮ ﺳﺎﻝ ﺑﻌﺪ ﺑﮭﯽ ﻭﮦ ﭘﯿﻐﺎﻡ ﺩﻟﻮﮞ ﮐﻮ ﺗﺴﺨﯿﺮ ﮐﺮ ﺭﮨﺎ ﺗﮭﺎ ﺍﻥ ﭘﺮ ﻣﺮﮨﻢ ﺑﮭﯽ ﺭﮐﮫ ﺭﮨﺎ ﺗﮭﺎ۔ﺍﺱ ﻟﯿﺌﮯ ﮐﮧ ﻭﮦ ﭘﯿﻐﺎﻡ ﺍﻧﺴﺎﻧﯿﺖ ﮐﮯ ﻟﯿﺌﮯ ﺗﮭﺎ ۔ﮨﯿﮉ ﮐﻮﺍﺭﭨﺮﺯ ﻣﯿﮟ ﺑﯿﭩﮭﮯ ﻟﻮﮒ ﺍﺏ ﺑﮭﯽ ﮔﻨﮓ ﺗﮭﮯ۔ﻻﮐﮭﻮﮞ ﮐﺎ ﻭﮦ ﻣﺠﻤﻊ ﺍﺱ ﺁﺩﻣﯽ ﮐﻮ ﺍﭘﻨﮯ ﺭﻋﺐ ﻣﯿﮟ ﻧﮩﯿﮟ ﻟﮯ ﭘﺎ ﺭﮨﺎ ﺗﮭﺎ ﻟﯿﮑﻦ ﺍﺳﮑﯽ ﺯﺑﺎﻥ ﺳﮯ ﺍﺩﺍ ﮨﻮﻧﮯ ﻭﺍﻟﮯ ﺍﻟﻔﺎﻅ ﺍﺱ ﻻﮐﮭﻮﮞ ﮐﮯ ﻣﺠﻤﻌﮯ ﮐﻮ ﺟﯿﺴﮯ ﺍﺱ ﮐﯽ ﻣﭩﮭﯽ ﻣﯿﮟ ﻟﮯ ﺁﺋﮯ ﺗﮭﮯ۔۔ﺳﺎﻻﺭ ﻧﮯ ﻭﮦ ﺍﺳﻢ ﺍﻋﻈﻢ ﭘﮍﮬﺘﮯ ﮨﻮﺋﮯ ﺍﻓﺮﯾﻘﮧ ﮐﯽ ﻧﺒﺾ ﭘﺮ ﮨﺎﺗﮫ ﺭﮐﮫ ﺩﯾﺎ ﺗﮭﺎ ﺟﻮ ﭼﻮﺩﮦ ﺳﻮ ﺳﺎﻝ ﭘﮩﻠﮯ ﺑﮭﯿﺠﺎ ﮔﯿﺎ ﺗﮭﺎ۔
ﺍﻣﺎﻣﮧ ﺑﮭﯽ ﺩﻡ ﺑﺨﻮﺩ ﺗﮭﯽ۔ ﻭﮦ ﺷﺨﺺ ﮐﺲ ﺟﮕﮧ ﮐﮭﮍﺍ ﮐﯿﺎ ﺩﮨﺮﺍ ﺭﮨﺎ ﺗﮭﺎ ۔۔۔
ﯾﮧ ﻟﻮﮒ ﺑﺎﺑﺎ ﮐﮯ ﻟﯿﮯ ﺗﺎﻟﯿﺎﮞ ﮐﯿﻮﮞ ﺑﺠﺎ ﺭﮨﮯ ﮨﯿﮟ؟؟ ﻭﮦ ﺟﺒﺮﯾﻞ ﮐﮯ ﺳﻮﺍﻝ ﭘﺮ ﺟﯿﺴﮯ ﭼﻮﻧﮏ ﭘﮍﯼ۔ﺍﻣﺎﻣﮧ ﺍﺳﮑﺎ ﭼﮩﺮﮦ ﺩﯾﮑﮫ ﮐﺮ ﺭﮦ ﮔﺊ۔ﺗﺎﻟﯿﻮﮞ ﮐﯽ ﮔﻮﻧﺞ ﺍﺏ ﺗﮭﻢ ﺭﮨﯽ ﺗﮭﯽ۔ﻭﮦ ﺑﮩﺖ ﺩﯾﺮ ﺗﮏ ﺑﺠﺘﯽ ﺭﮨﯽ ﺗﮭﯽ۔ﺍﺗﻨﯽ ﺩﯾﺮ ﺗﮏ ﮐﮧ ﺳﺎﻻﺭ ﮐﻮ ﯾﺎﺩ ﺁﮔﯿﺎ ﺗﮭﺎ ﮐﮧ ﺍﺳﮯ ﺁﺝ ﻭﮨﺎﮞ ﮐﯿﺎ ﮐﮩﻨﺎ ﺗﮭﺎ۔ﻟﯿﮑﻦ ﺍﺏ ﺍﭘﻨﮯ ﺑﮭﻮﻟﮯ ﮨﻮﺋﮯ ﺍﻟﻔﺎﻅ ﯾﺎﺩ ﺁﻧﮯ ﭘﺮ ﺍﺗﻨﯽ ﺧﻮﺷﯽ ﻧﮩﯿﮟ ﮨﻮﺋﯽ ۔۔۔ﺗﺎﺛﯿﺮ ﺍﺱ ﻣﯿﮟ ﺗﮭﯽ ﺟﻮ ﺑﮭﻮﻝ ﮐﺮ ﯾﺎﺩ ﺁﯾﺎ ﺗﮭﺎ۔۔۔۔
ﻣﯿﮟ ﺍﻓﺮﯾﻘﮧ ﻣﯿﮟ ﺍﭘﻨﮯ ﻣﺬﮨﺐ ﮐﮯ ﺍﻧﮩﯿﮟ ﺍﺻﻮﻟﻮﮞ ﺍﻭﺭ ﺍﺳﯽ ﺳﻮﭺ ﮐﯿﺴﺎﺗﮫ ﮐﺎﻡ ﮐﺮﻧﮯ ﺁﯾﺎ ﮨﻮﮞ ﺍﻭﺭ ﻣﯿﮟ ﺁﭖ ﻟﻮﮔﻮﮞ ﺳﮯ ﻭﻋﺪﮦ ﮐﺮﺗﺎ ﮨﻮﮞ ﮐﮧ ﺍﮔﺮ ﻣﺠﮭﮯ ﯾﮧ ﺍﺣﺴﺎﺱ ﮨﻮﺍ ﮐﮧ ﻣﯿﮟ ﺍﻥ ﺍﺻﻮﻟﻮﮞ ﭘﺮ ﺁﭖ ﻟﻮﮔﻮﮞ ﮐﯽ ﻓﻼﺡ ﮐﮯ ﻟﯿﮯ ﮐﺎﻡ ﻧﮩﯿﮟ ﮐﺮﺳﮑﺘﺎ ﺗﻮ ﻣﯿﮟ ﯾﮩﺎﮞ ﺳﮯ ﭼﻼ ﺟﺎﺅﮞ ﮔﺎ۔ﻟﯿﮑﻦ ﻣﯿﮟ ﺍﻥ ﻃﺎﻗﺘﻮﮞ ﮐﮯ ﮨﺎﺗﮫ ﻣﻀﺒﻮﻁ ﻧﮩﯿﮟ ﮐﺮﻭﻧﮕﺎ ﺟﻨﮑﮯ ﺧﻼﻑ ﭘﯿﭩﺮﺱ ﺍﯾﺒﺎﮐﺎ ﻧﮯ ﺟﻨﮓ ﮐﯽ ﺍﻭﺭ ﺟﻦ ﺳﮯ ﻟﮍﺗﮯ ﮨﻮﺋﮯ ﺍﺱ ﻧﮯ ﺟﺎﻥ ﺩﯼ۔ﻟﯿﮑﻦ ﺍﯾﺒﺎﮐﺎ ﻧﮯ ﺍﭘﻨﯽ ﺟﺎﻥ ﺍﺱ ﻟﯿﮯ ﻗﺮﺑﺎﻥ ﻧﮩﯿﮟ ﮐﯽ ﮐﮧ ﻭﮦ ﺍﭘﻨﮯ ﻟﻮﮔﻮﮞ ﮐﻮ ﺑﺪﺗﺮﯾﻦ ﺣﺎﻟﺖ ﻣﯿﮟ ﺟﯿﺘﺎ ﺩﯾﮑﮭﮯ ﻭﮦ ﺍﭘﻨﮯ ﻟﻮﮔﻮﮞ ﮐﮯ ﻟﯿﺌﮯ ﺧﻮﺍﺏ ﺩﯾﮑﮭﺘﺎ ﺗﮭﺎ۔۔۔ﺍﯾﮏ ﺍﭼﮭﯽ ﺯﻧﺪﮔﯽ ﮐﺎ ﺧﻮﺍﺏ۔۔۔۔۔ﺳﺎﻻﺭ ﺳﮑﻨﺪﺭ ﺍﺏ ﺍﻧﮩﯿﮟ ﺍﯾﺒﺎﮐﺎ ﮐﯽ ﺁﺧﺮﯼ ﺍﯼ ﻣﯿﻞ ﺳﻨﺎ ﺭﮨﺎ ﺗﮭﺎ۔
ﻻﮐﮭﻮﮞ ﮐﺎ ﻭﮦ ﻣﺠﻤﻊ ﺟﻮ ﻧﺎﻗﺎﺑﻞ ﺗﺴﺨﯿﺮ ﭘﮩﺎﮌ ﻟﮓ ﺭﮨﺎ ﺗﮭﺎ ﺍﺏ ﺗﺴﺨﯿﺮ ﮨﻮ ﭼﮑﺎ ﺗﮭﺎ۔ﻭﮦ ﺳﺎﻻﺭ ﮐﮯ ﺍﻟﻔﺎﻅ ﭘﺮ ﺭﻭ ﺭﮨﺎ ﺗﮭﺎ۔۔ﺗﺎﻟﯿﺎﮞ ﺑﺠﺎ ﺭﮨﺎ ﺗﮭﺎ۔ﺍﺳﮑﮯ ﺍﻟﻔﺎﻅ ﭘﺮ ﻧﻌﺮﮮ ﻟﮕﺎ ﺭﮨﺎ ﺗﮭﺎ۔
ﺳﺎﻻﺭ ﺍﭘﻨﯽ ﺗﻘﺮﯾﺮ ﺧﺘﻢ ﮐﺮ ﮐﮯ ﺭﻭﺳﭩﺮﻡ ﺳﮯ ﮨﭧ ﭼﮑﺎ ﺗﮭﺎ۔ﻭﺍﭘﺲ ﺍﭘﻨﯽ ﻧﺸﺴﺖ ﮐﯽ ﻃﺮﻑ ﺟﺎﺗﮯ ﮨﻮﺋﮯ ﻻﮐﮭﻮﮞ ﮐﺎ ﻭﮦ ﻣﺠﻤﻊ ﺳﺎﻻﺭ ﺳﮑﻨﺪﺭ ﮐﺎ ﻧﺎﻡ ﭘﮑﺎﺭ ﺭﮨﺎ ﺗﮭﺎ۔ﺁﻧﺴﻮ ﺻﺮﻑ ﺍﺱ ﻣﺠﻤﻊ ﮐﯽ ﺁﻧﮑﮭﻮﮞ ﺳﮯ ﻧﮩﯿﮟ ﺑﻠﮑﮧ ﺍﻣﺎﻣﮧ ﮐﯽ ﺁﻧﮑﮭﻮﮞ ﺳﮯ ﺑﮭﯽ ﺭﻭﺍﻧﮧ ﮨﻮ ﭼﮑﮯ ﺗﮭﮯ۔ﻭﮦ ﻣﺠﻤﻊ ﺳﺎﻻﺭ ﮐﻮ ﺍﭘﻨﺎ ﻧﺠﺎﺕ ﺩﮨﻨﺪﮦ ﮐﮯ ﻃﻮﺭ ﭘﺮ ﺩﯾﮑﮭﺘﮯ ﮨﻮﺋﮯ ﺭﻭ ﺭﮨﺎ ﺗﮭﺎ ﺍﻭﺭ ﺍﻣﺎﻣﮧ ﺍﺱ ﻧﺠﺎﺕ ﺩﮨﻨﺪﮦ ﮐﯽ ﺟﺎﻥ ﺍﯾﮏ ﺑﺎﺭ ﭘﮭﺮ ﺑﭻ ﺟﺎﻧﮯ ﭘﺮ ۔ ۔۔۔۔

ﺁﭖ ﮐﯿﻮﮞ ﺭﻭ ﺭﮨﯽ ﮨﯿﮟ ﻣﻤﯽ۔۔ﺟﺒﺮﯾﻞ ﻧﮯ ﮐﭽﮫ ﭘﺮﯾﺸﺎﻥ ﮨﻮ ﮐﺮ ﻣﺎﮞ ﮐﻮ ﺩﯾﮑﮭﺎ ۔۔ﺍﻣﺎﻣﮧ ﻧﮯ ﮐﭽﮫ ﺑﮭﯽ ﮐﮩﮯ ﺑﻐﯿﺮ ﺍﺳﮯ ﺧﻮﺩ ﺳﮯ ﻟﭙﭩﺎ ﻟﯿﺎ ﺗﮭﺎ۔

ﺗﻤﮩﯿﮟ ﭘﺘﺎ ﮨﮯ ﺗﻤﮩﺎﺭﮮ ﺍﻧﺪﺭ ﺧﻮﺩﮐﺸﯽ ﮐﺮﻧﮯ ﮐﯽ ﺧﻮﺍﮨﺶ ﺁﺝ ﺑﮭﯽ ﺍﺳﯽ ﻃﺮﺡ ﻣﻮﺟﻮﺩ ﮨﮯ ﺟﺲ ﻃﺮﺡ ﺳﺘﺮﮦ ﺳﺎﻝ ﭘﮩﻠﮯ ﺗﮭﯽ۔ ﺳﺎﻻﺭ ﺳﮑﻨﺪﺭ ﻧﮯ ﻟﯿﭗ ﭨﺎﭖ ﭘﺮ ﺁﺧﺮﯼ ﺍﯼ ﻣﯿﻞ ﮐﺎ ﺟﻮﺍﺏ ﺩﯾﺘﮯ ﮨﻮﺋﮯ ﺍﯾﮏ ﮔﮩﺮﺍ ﺳﺎﻧﺲ ﻟﯿﺘﮯ ﮨﻮﺋﮯ ﺍﻣﺎﻣﮧ ﮐﯽ ﺁﺧﺮﯼ ﭘﮭﭩﮑﺎﺭ ﺳﻨﯽ ۔۔۔ﻭﮦ ﺍﺏ ﺍﭘﻨﺎ ﮐﺎﻡ ﻧﻤﭩﺎ ﭼﮑﺎ ﺗﻮ ﺍﻣﺎﻣﮧ ﮐﯽ ﻃﺮﻑ ﻣﺘﻮﺟﮧ ﮨﻮﺍ۔ﻭﮦ ﭘﺮﯾﺸﺎﻥ ﺗﮭﯽ ﺍﺳﮯ ﺍﻧﺪﺍﺯﮦ ﺗﮭﺎ۔ﺟﻮ ﮐﭽﮫ ﺁﺝ ﮨﻮﺍ ﺗﮭﺎ ﺍﺱ ﮐﮯ ﺑﻌﺪ ﺍﺱ ﮐﮯ ﺫﮨﻨﯽ ﺗﻨﺎﺅ ﮐﺎ ﺍﻧﺪﺍﺯﮦ ﻟﮕﺎ ﺳﮑﺘﺎ ﺗﮭﺎ۔
ﺗﻢ ﭨﮭﯿﮏ ﮐﮩﺘﯽ ﮨﻮ۔۔۔ﺳﺎﻻﺭ ﻧﮯ ﻟﯿﭗ ﭨﺎﭖ ﺑﻨﺪ ﮐﺮ ﮐﮯ ﺑﯿﮉ ﮐﯽ ﻃﺮﻑ ﺟﺎﺗﮯ ﮨﻮﺋﮯ ﮐﮩﺎ۔
ﺗﻤﮩﯿﮟ ﭘﺘﺎ ﮨﮯ ﻣﺠﮭﮯ ﺗﻤﮩﺎﺭﯼ ﮐﯿﻮﮞ ﺿﺮﻭﺭﺕ ﮨﮯ ﺍﻭﺭ ﻣﯿﮟ ﮐﯿﻮﮞ ﻓﮑﺮﻣﻨﺪ ﺭﮨﺘﯽ ﮨﻮﮞ ﺗﻤﮩﺎﺭﮮ ﻟﯿﮯ۔۔؟؟
ﻭﮦ ﺍﺳﮑﮯ ﺍﻋﺘﺮﺍﻑ ﭘﺮ ﺑﺮﮨﻢ ﮨﻮﺉ ﺗﮭﯽ۔ﮐﯿﻮﻧﮑﮧ ﺑﭽﮯ ﭘﺮﯾﺸﺎﻥ ﮨﻮﺟﺎﺗﮯ ﮨﯿﮟ۔ﺗﻢ ﮐﻮﺋﯽ ﺳﭙﺮﻣﯿﻦ ﻧﮩﯿﮟ ﮨﻮ ﺟﻮ ﻭﮦ ﺗﻤﮩﺎﺭﮮ ﮐﻤﺎﻻﺕ ﺩﯾﮑﮫ ﮐﺮ ﺗﺎﻟﯿﺎﮞ ﺑﺠﺎﺋﯿﮟ ﮔﮯ۔ﺗﻤﮩﯿﮟ ﮐﭽﮫ ﮨﻮﮔﺎ ﺗﻮ۔۔۔۔۔۔۔۔۔۔
ﻭﮦ ﺑﺎﺕ ﮐﺮﺗﮯ ﮐﺮﺗﮯ ﺭﻭﮨﺎﻧﺴﯽ ﮨﻮﮔﺊ۔ ﺑﺎﺕ ﻣﮑﻤﻞ ﻧﮧ ﮐﺮﺳﮑﯽ۔ﻭﮦ ﮔﮩﺮﯼ ﺧﺎﻣﻮﺷﯽ ﮐﯿﺴﺎﺗﮫ ﺍﺳﮑﯽ ﺑﺎﺕ ﺳﻨﺘﺎ ﺭﮨﺎ۔ﭘﮭﺮ ﺍﺱ ﻧﮯ ﺳﺮ ﺍﭨﮭﺎ ﮐﺮ ﺍﻣﺎﻣﮧ ﮐﻮ ﺩﯾﮑﮭﺎ ﺟﻮ ﺍﺳﮑﮯ ﺑﺎﻟﻤﻘﺎﺑﻞ ﮐﮭﮍﯼ ﺗﮭﯽ ﺍﻭﺭ ﻭﮦ ﺑﺴﺘﺮ ﭘﺮ ﺑﯿﭩﮭﺎ ﮨﻮﺍ ﺗﮭﺎ۔۔
ﺗﻢ ﭨﮭﯿﮏ ﮐﮩﺘﯽ ﮨﻮ۔ﺟﻮﺍﺏ ﭘﮩﻠﮯ ﺳﮯ ﻣﺪﮬﻢ ﺁﻭﺍﺯ ﻣﯿﮟ ﺁﯾﺎ ﺗﮭﺎ۔۔۔ﻭﮦ ﺍﻭﺭ ﺑﺮﮨﻢ ﮨﻮﺉ۔
ﻣﯿﮟ ﻣﺬﺍﻕ ﻧﮩﯿﮟ ﮐﺮ ﺭﮨﯽ۔۔ﺍﺳﮯ ﻟﮕﺎ ﺟﯿﺴﮯ ﮨﻤﯿﺸﮧ ﮐﯽ ﻃﺮﺡ ﻭﮦ ﺍﺳﮯ ﺯﭺ ﮐﺮ ﺭﮨﺎ ﮨﮯ۔
ﺍﺏ ﺍﮔﺮ ﺍﯾﮏ ﺑﺎﺭ ﭘﮭﺮ ﺗﻢ ﻧﮯ ﯾﮧ ﺟﻤﻠﮧ ﺩﮨﺮﺍﯾﺎ ﺗﻮ ﻣﯿﮟ ﺍﺱ ﮐﻤﺮﮮ ﺳﮯ ﭼﻠﯽ ﺟﺎﺅﮞ ﮔﯽ ﺗﻤﮩﯿﮟ ﻣﯿﺮﯼ ﮨﺮ ﺑﺎﺕ ﺍﺣﻤﻘﺎﻧﮧ ﻟﮓ ﺭﮨﯽ ﮨﮯ۔
ﯾﻮ ﺁﺭ ﺭﺍﺋﭧ۔۔ ﻭﮦ ﺍﺱ ﺑﺎﺭ ﺯﭺ ﮨﻮﮐﺮ ﺟﮭﻼﺗﮯ ﮨﻮﺋﮯ ﮨﻨﺲ ﭘﮍﯼ ﺗﮭﯽ۔ﭘﮭﺮ ﺍﺳﮑﮯ ﭘﺎﺱ ﺑﺴﺘﺮ ﭘﺮ ﺑﯿﭩﮫ ﮔﺊ۔۔۔
ﺁﺧﺮﯼ ﺧﻄﺒﮧ ﺳﻨﺎ ﺭﮨﮯ ﺗﮭﮯ ﺁﺝ ﺗﻮ ﺳﺎﺭﺍ ﺳﻨﺎﺗﮯ ﺍﺩﮬﻮﺭﯼ ﺑﺎﺕ ﮐﯿﻮﮞ ﮐﯽ۔۔ﻭﮦ ﺍﺏ ﺍﺱ ﭘﺮ ﻃﻨﺰ ﮐﺮ ﺭﮨﯽ ﺗﮭﯽ۔
ﮨﻤﺖ ﻧﮩﯿﮟ ﭘﮍﯼ۔۔۔ﺍﺳﯽ ﻟﯿﮯ ﺗﻮ ﮐﮩﺘﺎ ﮨﻮﮞ ﺗﻢ ﺟﻮ ﺑﮭﯽ ﮐﮩﺘﯽ ﺭﮨﯽ ﮨﻮ ﭨﮭﯿﮏ ﮐﮩﺘﯽ ﺭﮨﯽ ﮨﻮ ﮐﻞ ﺑﮭﯽ ﺍﻭﺭ ﺁﺝ ﺑﮭﯽ۔۔۔۔۔۔۔۔۔۔۔
ﺍﻣﺎﻣﮧ ﺍﺱ ﮐﺎ ﻣﻨﮧ ﺩﯾﮑﮫ ﮐﺮ ﺭﮦ ﮔﺊ۔
ﭘﯿﭩﺮﺱ ﺍﯾﺒﺎﮐﺎ ﺍﭘﻨﯽ ﺯﻧﺪﮔﯽ ﮐﮯ ﺁﺧﺮﯼ ﻟﻤﺤﮯ ﺗﮏ ﺍﻣﻦ ﮐﮯ ﻟﯿﺌﮯ ﻟﮍﺍ۔ﻭﮦ ﻧﯿﻮﯾﺎﺭﮎ ﮐﯽ ﺍﯾﮏ ﺳﮍﮎ ﭘﺮ ﺍﭘﻨﯽ ﺟﺎﻥ ﺑﭽﺎﻧﮯ ﮐﮯ ﻟﯿﮯ ﻟﮍﺗﺎ ﺭﮨﺎ ﺍﻧﮩﯽ ﻃﺎﻗﺘﻮﮞ ﮐﮯ ﮨﺮﮐﺎﺭﻭﮞ ﮐﯿﺴﺎﺗﮫ ﺟﻨﮑﮯ ﺳﺎﺗﮫ ﺗﻢ ﮐﮭﮍﮮ ﮨﻮ ﺍﻭﺭ ﺟﻨﮑﮯ ﺳﺎﺗﮫ ﻣﻠﮑﺮ ﺗﻢ ﺍﻓﺮﯾﻘﮧ ﮐﯽ ﺗﻘﺪﯾﺮ ﺑﺪﻟﻨﺎ ﭼﺎﮨﺘﮯ ﮐﻮ۔۔۔ﺍﺱ ﻧﮯ ﺳﺎﻻﺭ ﮐﻮ ﻭﮦ ﺁﺋﯿﻨﮧ ﺩﮐﮭﺎﯾﺎ ﺟﻮ ﺻﺮﻑ ﺍﺳﮯ ﺍﻣﺎﻣﮧ ﮨﺎﺷﻢ ﮨﯽ ﺩﮐﮭﺎ ﺳﮑﺘﯽ ﺗﮭﯽ ﺗﻢ ﺳﻤﺠﮭﺘﮯ ﮨﻮ ﻭﮦ ﺗﻤﮩﯿﮟ ﯾﮧ ﺳﺐ ﮐﺮﻧﮯ ﺩﯾﻨﮕﮯ؟؟؟
ﺗﻢ ﺳﻤﺠﮭﺘﯽ ﮨﻮ ﻣﯿﮟ ﯾﮧ ﺳﺐ ﮐﺮﻧﺎ ﭼﺎﮨﺘﺎ ﮨﻮﮞ؟؟ ﺍﺱ ﻧﮯ ﺟﻮﺍﺑﺎً ﺍﺳﯽ ﺍﻧﺪﺍﺯ ﻣﯿﮟ ﭘﻮﭼﮭﺎ۔۔۔ﻭﮦ ﺑﻮﻝ ﻧﮩﯿﮟ ﺳﮑﯽ۔۔۔ﭘﮭﺮ ﺍﻣﺎﻣﮧ ﻧﮯ ﭘﻮﭼﮭﺎ۔۔۔۔
ﭘﮭﺮ ﺗﻢ ﮐﯿﺎ ﮐﺮﻧﺎ ﭼﺎﮨﺘﮯ ﮨﻮ۔
ﻣﯿﮟ ﭘﮩﻼ ﺍﺳﻼﻣﯽ ﻣﺎﻟﯿﺎﺗﯽ ﻧﻈﺎﻡ ﺑﻨﺎﻧﺎ ﭼﺎﮨﺘﺎ ﮨﻮﮞ ﺟﻮ ﺳﻮﺩ ﺳﮯ ﭘﺎﮎ ﮨﻮ ﻟﯿﮑﻦ ﭘﻮﺭﯼ ﺩﻧﯿﺎ ﮐﮯ ﻟﯿﮯ ﮨﻮ ﺑﺎﺿﺎﺑﻄﮧ ﻗﺎﺑﻞ ﻋﻤﻞ ﺍﻭﺭ ﺟﻮ ﺍﺱ ﮐﯽ ﺟﮕﮧ ﻟﯿﻨﮯ ﮐﯽ ﺻﻼﺣﯿﺖ ﺭﮐﮭﺘﺎ ﮨﻮ۔ﺟﻮﺍﺏ ﺍﺗﻨﺎ ﻏﯿﺮ ﻣﺘﻮﻗﻊ ﺗﮭﺎ ﮐﮧ ﻭﮦ ﺣﯿﺮﺍﻧﯽ ﺳﮯ ﺳﺎﻻﺭ ﺳﮑﻨﺪﺭ ﮐﺎ ﭼﮩﺮﮦ ﺩﯾﮑﮫ ﮐﺮ ﺭﮦ ﮔﺊ۔
ﺗﻤﮩﯿﮟ ﻟﮕﺘﺎ ﮨﮯ ﻣﯿﮟ ﻧﮩﯿﮟ ﮐﺮ ﭘﺎﺅﮞ ﮔﺎ؟؟؟ ﺑﮩﺖ ﺩﯾﺮ ﺗﮏ ﺍﯾﮏ ﺩﻭﺳﺮﮮ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﮯ ﺍﺱ ﺧﺎﻣﻮﺷﯽ ﮐﻮ ﺳﺎﻻﺭ ﻧﮯ ﺗﻮﮌﺍ ﺗﮭﺎ۔
ﯾﮧ ﮐﺎﻡ ﺩﻧﯿﺎ ﻣﯿﮟ ﺍﮔﺮ ﮐﻮﺉ ﮐﺮ ﺳﮑﺘﺎ ﮨﮯ ﺗﻮ ﻭﮦ ﺻﺮﻑ ﺗﻢ ﮐﺮ ﺳﮑﺘﮯ ﮨﻮ ﺳﺎﻻﺭ۔
ﺍﺱ ﺑﺎﺭ ﮔﻨﮓ ﮨﻮﻧﮯ ﮐﯽ ﺑﺎﺭﯼ ﺳﺎﻻﺭ ﮐﯽ ﺗﮭﯽ۔ﯾﮧ ﺟﻮﺍﺏ ﻧﮩﯿﮟ ﻭﮦ ﺍﻋﺘﻤﺎﺩ ﺗﮭﺎ ﺟﺲ ﮐﯽ ﺍﺳﮯ ﺿﺮﻭﺭﺕ ﺗﮭﯽ۔ﺍﺳﮑﺎ ﺧﻮﻥ ﺑﮍﮬﺎ۔۔ﺍﻭﺭ ﺳﯿﺮﻭﮞ ﮐﮯ ﺣﺴﺎﺏ ﺳﮯ ﺑﮍﮬﺎ ﺗﮭﺎ۔
ﺗﮭﯿﻨﮏ ﯾﻮ۔۔۔ﺍﻣﺎﻣﮧ ﮐﯽ ﻃﺮﻑ ﺩﯾﮑﮭﮯ ﺑﻐﯿﺮ ﺳﺮ ﺟﮭﮑﺎﺋﮯ ﺳﺎﻻﺭ ﻧﮯ ﺍﭘﻨﺎ ﺗﺸﮑﺮ ﺍﺱ ﺗﮏ ﭘﮩﻨﭽﺎ ﺩﯾﺎ۔ﺷﮑﺮﯾﮧ ﮐﯽ ﺿﺮﻭﺭﺕ ﺳﻤﺠﮫ ﻣﯿﮟ ﻧﮩﯿﮟ ﺁﺉ ﺗﮭﯽ ﻟﯿﮑﻦ ﻭﮦ ﺍﺱ ﮐﺎ ﭼﮩﺮﮦ ﺩﯾﮑﮭﺘﯽ ﺭﮨﯽ ﯾﻮﮞ ﺟﯿﺴﮯ ﻭﮦ ﻣﻨﺘﻈﺮ ﺗﮭﯽ ﮐﮧ ﻭﮦ ﮐﭽﮫ ﮐﮩﮯ۔۔۔۔۔
ﺗﻤﮩﯿﮟ ﺑﮩﺖ ﻣﺸﮑﻼﺕ ﮐﺎ ﺳﺎﻣﻨﺎ ﮐﺮﻧﺎ ﭘﮍﮮ ﮔﺎ۔۔۔ﺑﻶﺧﺮ ﺳﺎﻻﺭ ﻧﮯ ﮐﮩﺎ ۔ﻭﮦ ﮨﻨﺲ ﭘﮍﯼ ﯾﻮﮞ ﺟﯿﺴﮯ ﺍﺱ ﻧﮯ ﮐﻮﺉ ﻋﺠﯿﺐ ﺑﺎﺕ ﮐﺮﺩﯼ ﮨﻮ۔۔۔
ﺗﻢ ﻣﺸﮑﻼﺕ ﮐﯽ ﺑﺎﺕ ﻣﺠﮫ ﺳﮯ ﮐﺮ ﺭﮨﮯ ﮨﻮ ﺳﺎﻻﺭ؟ ﺯﻧﺪﮔﯽ ﻣﯿﮟ ﺑﮍﮮ ﺑﺮﮮ ﺩﻥ ﮔﺰﺍﺭﮮ ﮨﯿﮟ ﻣﯿﮟ ﻧﮯ۔ ﺍﺱ ﻧﮯ ﺍﯾﮏ ﮔﮩﺮﺍ ﺳﺎﻧﺲ ﻟﯿﺎ۔۔۔۔۔
ﻟﯿﮑﻦ ﻭﮦ ﺑﺮﮮ ﺩﻥ ﻣﯿﺮﯼ ﻭﺟﮧ ﺳﮯ ﻧﮩﯿﮟ ﺁﺋﮯ ﺗﮭﮯ ﺍﺏ ﺷﺎﯾﺪ ﻣﯿﺮﯼ ﻭﺟﮧ ﺳﮯ ﺑﮭﯽ ﺁﺋﮯ۔ﺳﺐ ﺳﮯ ﻣﺸﮑﻞ ﭼﯿﺰ ﯾﮩﯽ ﮨﮯ ﻣﯿﺮﮮ ﻟﯿﺌﮯ ﻣﯿﮟ ﺟﻮ ﮐﺮﻧﮯ ﺟﺎﺭﮨﺎ ﮨﻮﮞ ﺍﺳﮑﮯ ﺍﺛﺮﺍﺕ ﺗﻢ ﺗﮏ ﺍﻭﺭ ﺑﭽﻮﮞ ﺗﮏ ﺁﺋﯿﮟ ﮔﮯ۔ ﻭﺍﺣﺪ ﮐﻤﺰﻭﺭ ﮐﺮﻧﮯ ﻭﺍﻟﯽ ﺷﮯ ﯾﮩﯽ ﮨﮯ ﻣﺠﮭﮯ۔۔
ﺗﻢ ﯾﮧ ﻣﺖ ﺳﻮﭼﻮ۔ ﺟﻮ ﮐﺮﻧﺎ ﭼﺎﮨﺘﮯ ﮨﻮ ﻭﮦ ﮐﺮﻭ ﺑﺎﻗﯽ ﺩﯾﮑﮭﺎ ﺟﺎﺋﮯ ﮔﺎ۔ ﺯﻧﺪﮔﯽ ﺍﺱ ﺳﮯ ﺑﺪﺗﺮ ﺗﻮ ﺑﮩﺮﺣﺎﻝ ﻧﮩﯿﮟ ﮨﻮ ﮔﯽ ﺟﯿﺴﯽ ﻣﯿﮟ ﮔﺰﺍﺭ ﺁﺋﯽ ﮨﻮﮞ۔
ﺍﻣﺎﻣﮧ ﮐﻮ ﺍﺱ ﻭﻗﺖ ﯾﮧ ﺑﺎﺕ ﮐﺮﺗﮯ ﮨﻮﺋﮯ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﺟﻦ ﻣﺸﮑﻼﺕ ﺳﮯ ﺳﺎﻻﺭ ﺧﻮﻓﺰﺩﮦ ﺗﮭﺎ ﻭﮦ ﯾﮧ ﻣﺸﮑﻼﺕ ﻧﮩﯿﮟ ﺗﮭﯽ ﺟﻮ ﻭﮦ ﺳﻮﭺ ﺭﮨﯽ ﺗﮭﯽ۔ﻭﮦ ﺻﺮﻑ ﻣﺎﻟﯽ ﻣﺴﺎﺋﻞ ﮐﮯ ﺣﻮﺍﻟﮯ ﺳﮯ ﺍﺳﮯ ﻣﺘﻨﺒﮧ ﮐﺮ ﺭﮨﺎ ﺗﮭﺎ۔
ﻣﯿﮟ ﺳﻮﻧﮯ ﮐﺎ ﭼﻤﭽﮧ ﻣﻨﮧ ﻣﯿﮟ ﻟﯿﮑﺮ ﭘﯿﺪﺍ ﮨﻮﺋﯽ ﺗﮭﯽ، ﺑﭽﭙﻦ ﺳﮯ ﺩﻧﯿﺎ ﮐﯽ ﮨﺮ ﻧﻌﻤﺖ ﻣﻠﯽ۔ ﭘﮭﺮ ﺍﯾﮏ ﺍﻭﺭ ﻭﻗﺖ ﺁﯾﺎ ﺟﺐ ﺍﭘﻨﯽ ﺑﻨﯿﺎﺩﯼ ﺿﺮﻭﺭﯾﺎﺕ ﺑﮭﯽ ﭘﻮﺭﯼ ﻧﮩﯿﮟ ﮐﺮ ﺳﮑﺘﯽ ﺗﮭﯽ۔ ﺩﻭﺳﺮﻭﮞ ﮐﮯ ﺳﺮ ﭘﺮ ﻣﺤﺘﺎﺟﯽ ﮐﯽ ﺯﻧﺪﮔﯽ ﮔﺰﺍﻧﯽ ﭘﮍﯼ۔ ﻧﻮﮐﺮﯼ ﮐﺮﻧﺎ ﭘﮍﯼ، ﻭﮦ ﻭﻗﺖ ﺑﮭﯽ ﮔﺰﺭ ﮔﯿﺎ۔ ﭘﮭﺮ ﺗﻤﮩﺎﺭﮮ ﺳﺎﺗﮫ ﮔﺰﺭﮮ ﭘﭽﮭﻠﮯ ﺳﺎﺕ ﺳﺎﻝ ﻣﯿﮟ ﺩﻧﯿﺎ ﮐﯽ ﮨﺮ ﻧﻌﻤﺖ ﻭ ﺁﺳﺎﺋﺶ ﻣﻠﯽ۔ ﭘﮩﻠﮯ ﺳﮯ ﺑﮍﮪ ﮐﺮ ﺍﻭﺭ ﺑﮩﺘﺮ۔۔۔۔ ﻟﯿﮑﻦ ﻣﯿﮟ ﯾﮧ ﮐﺒﮭﯽ ﻧﮩﯿﮟ ﺑﮭﻮﻟﯽ ﮐﮧ ﯾﮧ ﻭﻗﺖ ﺑﮭﯽ ﮔﺰﺭ ﺟﺎﺋﮯ ﮔﺎ۔ ﭼﯿﺰﻭﮞ ﮐﯽ ﺍﮨﻤﯿﺖ ﻧﮩﯿﮟ ﮨﻮﺗﯽ، ﺍﻧﺴﺎﻥ ﮐﺎ ﮐﻮﺋﯽ ﻧﻌﻢ ﺍﻟﺒﺪﻝ ﻧﮩﯿﮟ۔ ﺗﻮ ﺟﺐ ﺗﮏ ﺑﭽﮯ ﺍﻭﺭ ﺗﻢ ﻣﯿﺮﮮ ﭘﺎﺱ ﮨﻮ ﻣﺠﮭﮯ ﮐﻮﺋﯽ ﭘﺮﻭﺍﮦ ﻧﮩﯿﮟ۔
ﺍﺱ ﻧﮯ ﺳﺎﻻﺭ ﮐﻮ ﺩﯾﮑﮭﺎ۔ ﻭﮦ ﺧﺎﻣﻮﺷﯽ ﺳﮯ ﺍﺱ ﮐﯽ ﺑﺎﺕ ﺳﻦ ﺭﮨﺎ ﺗﮭﺎ۔ ﻭﮦ ﺍﺳﮯ ﮨﻮﻻﻧﺎ ﻧﮩﯿﮟ ﭼﺎﮨﺘﺎ ﺗﮭﺎ ﯾﮧ ﮐﮩﮧ ﮐﺮ ﮐﮯ ﺑﭽﮯ ﺍﻭﺭ ﻭﮦ ﺑﮭﯽ ﮐﺒﮭﯽ ﺍﺱ ﺳﮯ ﭼﮭﻦ ﺳﮑﺘﮯ ﺗﮭﮯ۔ﺟﯿﺴﮯ ﭘﮩﻠﮯ ﭼﮭﯿﻦ ﻟﯿﮯ ﮔﺌﮯ ﺗﮭﮯ ﺍﻭﺭ ﮨﺮ ﺁﺯﻣﺎﺋﺶ ﻣﺎﻝ ﭘﺮ ﺷﺮﻭﻉ ﮨﻮ ﮐﺮ ﻣﺎﻝ ﭘﺮ ﺧﺘﻢ ﻧﮩﯿﮟ ﮨﻮﺗﯽ۔
ﭘﮩﻠﯽ ﺑﺎﺭ ﺳﺎﻻﺭ ﮐﯽ ﻧﻈﺮ ﺍﻣﺎﻣﮧ ﮐﮯ ﮨﺎﺗﮫ ﻣﯿﮟ ﭘﮩﻨﯽ ﺍﻧﮕﻮﭨﮭﯽ ﭘﺮ ﭘﮍﯼ ﺗﮭﯽ۔ ﺟﻮ ﺍﺱ ﻧﮯ ﺍﺳﮯ ﺷﺎﺩﯼ ﮐﮯ ﺗﺤﻔﮯ ﮐﮯ ﻃﻮﺭ ﭘﺮ ﺩﯼ ﺗﮭﯽ۔ ﻭﮦ ﺑﮯ ﺣﺪ ﺣﯿﺮﺍﻧﯽ ﮐﮯ ﻋﺎﻟﻢ ﻣﯿﮟ ﺍﺳﮯ ﺩﯾﮑﮭﺘﮯ ﮨﻮﺋﮯ ﮐﭽﮫ ﺑﻮﻟﻨﺎ ﺑﮭﯽ ﺑﮭﻮﻝ ﮔﯿﺎ۔ ﺍﺱ ﮐﺎ ﺧﯿﺎﻝ ﺗﮭﺎ ﮐﮧ ﯾﮧ ﺍﻧﮕﻮﭨﮭﯽ ﺑﮭﯽ ﺍﺱ ﮔﮭﺮ ﻣﯿﮟ ﻣﻮﺟﻮﺩ ﻻﮐﺮ ﻣﯿﮟ ﭘﮍﮮ ﺩﻭﺳﺮﮮ ﺯﯾﻮﺭﺍﺕ ﮐﮯ ﺳﺎﺗﮫ ﺟﻞ ﮔﺌﯽ ﮨﻮ ﮔﯽ۔ ﺍﺱ ﺟﮕﻤﮕﺎﺗﯽ ﺑﯿﺶ ﻗﯿﻤﺖ ﺍﻧﮕﻮﭨﮭﯽ ﮐﻮ ﺍﺏ ﺍﺱ ﮐﯽ ﻣﺨﺮﻭﻃﯽ ﺍﻧﮕﻠﯽ ﻣﯿﮟ ﺳﺠﺎ ﺩﯾﮑﮫ ﮐﺮ ﺍﺳﮯ ﺍﯾﮏ ﻋﺠﯿﺐ ﺳﯽ ﺧﻮﺷﯽ ﮨﻮﺋﯽ ﺗﮭﯽ۔ ﻧﺎﻗﺎﺑﻞ ﺑﯿﺎﻥ ﺧﻮﺷﯽ۔ ﺍﺱ ﻧﮯ ﺍﻣﺎﻣﮧ ﮐﺎ ﮨﺎﺗﮫ ﺗﮭﺎﻡ ﻟﯿﺎ۔
ﯾﮧ ﮐﮩﺎﮞ ﺳﮯ ﺁﺋﯽ؟ ﮔﻔﺘﮕﻮ ﮐﺎ ﻣﻮﺿﻮﻉ ﻋﺠﯿﺐ ﺍﻧﺪﺍﺯ ﻣﯿﮟ ﺑﺪﻻ ﺗﮭﺎ۔ ﺍﻣﺎﻣﮧ ﮨﻨﺴﯽ ﺍﻭﺭ ﺍﺱ ﻧﮯ ﮨﺘﮭﯿﻠﯽ ﭘﺮ ﮨﯽ ﺍﭘﻨﺎ ﮨﺎﺗﮫ ﭘﮭﯿﻼ ﺩﯾﺎ ﺗﮭﺎ۔ ﺍﺳﮯ ﺳﺎﻻﺭ ﮐﯽ ﺧﻮﺷﯽ ﺍﻭﺭ ﮐﯿﻔﯿﺖ ﮐﺎ ﺍﻧﺪﺍﺯﮦ ﺗﻮ ﻧﮩﯿﮟ ﮨﻮﺍ ﻟﯿﮑﻦ ﺧﻮﺩ ﻭﮦ ﺍﺱ ﺍﻧﮕﻮﭨﮭﯽ ﮐﻮ ﺩﯾﮑﮫ ﮐﺮ ﮐﮭﻞ ﺳﯽ ﮔﺌﯽ۔ ﺍﺱ ﮐﮯ ﺳﺎﺗﮫ ﺍﺱ ﮐﯽ ﺟﺬﺑﺎﺗﯽ ﻭﺍﺑﺴﺘﮕﯽ ﺗﮭﯽ۔ ﻭﮦ ﺩﯾﺮ ﺳﮯ ﻣﻼ ﺗﮭﺎ ﻟﯿﮑﻦ ﻣﻨﮧ ﺩﮐﮭﺎﺋﯽ ﮐﺎ ﺗﺤﻔﮧ ﺗﮭﺎ۔ ﺍﻭﺭ ﺍﺱ ﮐﮯ ﮨﺎﺗﮫ ﻣﯿﮟ ﺟﺐ ﻭﮦ ﭘﮩﻨﯽ ﮨﻮﺗﯽ ﺗﮭﯽ ﺗﻮ ﺍﺱ ﮐﯽ ﺧﻮﺑﺼﻮﺭﺗﯽ ﺩﯾﮑﮭﻨﮯ ﻭﺍﻟﻮﮞ ﮐﻮ ﻣﺒﮩﻮﺕ ﮐﺮ ﺩﯾﺘﯽ ﺗﮭﯽ ﺍﺗﻨﺎ ﺗﻮ ﺍﻣﺎﻣﮧ ﺟﺎﻧﺘﯽ ﺗﮭﯽ ﻟﯿﮑﻦ ﺍﺱ ﮐﯽ ﻗﯿﻤﺖ ﮐﺎ ﺍﻧﺪﺍﺯﮦ ﺍﺳﮯ ﺁﺝ ﺑﮭﯽ ﻧﮩﯿﮟ ﺗﮭﺎ۔ ﺳﺎﻻﺭ ﻧﮯ ﺍﺱ ﮐﮯ ﺍﯾﺌﺮ ﺭﻧﮕﺰ ﺍﻭﺭ ﭼﯿﻦ ﮐﻮ ﻧﻮﭨﺲ ﻧﮩﯿﮟ ﮐﯿﺎ ﺍﻭﺭ ﻭﮦ ﺍﻧﮕﻮﭨﮭﯽ ﭘﮧ ﺍﭨﮏ ﮔﯿﺎ ﺗﮭﺎ ﺑﺲ۔
ﺗﻢ ﻧﮯ ﻣﯿﺮﮮ ﺍﯾﺌﺮ ﺭﻧﮕﺰ ﺍﻭﺭ ﭼﯿﻦ ﻧﮩﯿﮟ ﺩﯾﮑﮭﯽ؟ ﻭﮦ ﺍﺳﮯ ﺍﺏ ﺩﻭﻧﻮﮞ ﭼﯿﺰﯾﮟ ﮨﺎﺗﮫ ﺳﮯ ﭼﮭﻮﺗﮯ ﮨﻮﺋﮯ ﺩﮐﮭﺎ ﺭﮨﯽ ﺗﮭﯽ ﮐﺴﯽ ﺑﭽﮯ ﮐﯽ ﻃﺮﺡ ﺧﻮﺷﯽ ﺍﻭﺭ ﺟﻮﺵ ﺳﮯ۔ﺳﺎﻻﺭ ﻧﮯ ﻣﺴﮑﺮﺍﺗﮯ ﮨﻮﺋﮯ ﺍﻥ ﭼﯿﺰﻭﮞ ﮐﻮ ﺩﯾﮑﮭﺎ ﺍﻭﺭ ﭘﮭﺮ ﺍﻣﺎﻣﮧ ﮐﮯ ﯾﮏ ﺩﻡ ﺳﺐ ﺑﮭﻮﻝ ﺑﮭﺎﻝ ﮐﺮ ﺟﮕﻤﮕﺎ ﺍﭨﮭﻨﮯ ﻭﺍﻟﮯ ﭼﮩﺮﮮ ﭘﺮ ﻧﻈﺮ ﮈﺍﻟﯽ۔ ﺗﯿﻨﻮﮞ ﭼﯿﺰﻭﮞ ﮐﻮ ﺩﯾﮑﮭﺘﮯ ﮨﻮﺋﮯ ﺍﺳﮯ ﯾﺎﺩ ﺁﯾﺎ ﺗﮭﺎ۔ ﻭﮦ ﭼﯿﻦ ﮈﺍﮐﭩﺮ ﺳﺒﻂ ﻋﻠﯽ ﮐﯽ ﺩﯼ ﮨﻮﺋﯽ ﺗﮭﯽ ﺍﻭﺭ ﺍﯾﺌﺮ ﺭﻧﮕﺰ ﺍﻣﺎﻣﮧ ﮐﻮ ﺷﺎﺩﯼ ﮐﮯ ﺗﺤﺎﺋﻒ ﻣﯿﮟ ﺍﺱ ﮐﮯ ﺳﺎﺱ ﺳﺴﺮ ﻧﮯ ﺩﯾﮯ ﺗﮭﮯ ﺍﻭﺭ ﻭﮦ ﺍﻧﮕﻮﭨﮭﯽ ﺍﺱ ﻧﮯ ﺳﮑﻨﺪﺭ ﻋﺜﻤﺎﻥ ﮐﯽ ﻃﺮﻑ ﺳﮯ ﻣﻠﻨﮯ ﻭﺍﻟﯽ ﺟﺎﺋﺪﺍﺩ ﻣﯿﮟ ﺳﮯ ﺍﯾﮏ ﭘﻼﭦ ﮐﻮ ﺑﯿﭻ ﮐﺮ ﺧﺮﯾﺪﯼ ﮔﺌﯽ۔ ﺍﻥ ﺗﯿﻨﻮﮞ ﻣﯿﮟ ﺳﮯ ﮐﻮﺋﯽ ﭼﯿﺰ ﺳﻮﺩ ﺍﻭﺭ ﺣﺮﺍﻡ ﮐﮯ ﭘﯿﺴﮯ ﺳﮯ ﻧﮩﯿﮟ ﺧﺮﯾﺪﯼ ﮔﺌﯽ ﺗﮭﯽ ﺍﻭﺭ ﻭﮦ ﺯﯾﻮﺭ ﻭﺍﭘﺲ ﺁﮔﯿﺎ ﺗﮭﺎ۔
ﺗﻢ ﮐﯿﺎ ﺳﻮﭺ ﺭﮨﮯ ﮨﻮ؟ ﺍﻣﺎﻣﮧ ﻧﮯ ﺍﺳﮯ ﻣﺨﺎﻃﺐ ﮐﯿﺎ۔
ﮐﭽﮫ ﻧﮩﯿﮟ ﺍﯾﺴﮯ ﮨﯽ ﺍﮎ ﺧﯿﺎﻝ ﺁﯾﺎ ﺗﮭﺎ۔ ﺳﺎﻻﺭ ﮔﮩﺮﺍ ﺳﺎﻧﺲ ﻟﯿﮑﺮ ﺑﺎﺕ ﭨﺎﻝ ﮔﯿﺎ ﺗﮭﺎ۔
ﺍﺱ ﺍﻧﮕﻮﭨﮭﯽ ﮐﯽ ﻗﯿﻤﺖ ﮐﯿﺎ ﮨﮯ؟ ﭘﺘﺎ ﻧﮩﯿﮟ ﺍﻣﺎﻣﮧ ﮐﻮ ﺍﯾﮏ ﺩﻡ ﺳﮯ ﺍﺱ ﮐﯽ ﻗﯿﻤﺖ ﮐﺎ ﺧﯿﺎﻝ ﮐﯿﺴﮯ ﺁﮔﯿﺎ۔
ﯾﮧ ﺍﻧﻤﻮﻝ ﮨﮯ۔ ﮐﯿﻮﻧﮑﮧ ﺗﻤﮩﺎﺭﮮ ﮨﺎﺗﮫ ﻣﯿﮟ ﮨﮯ۔ ﺳﺎﻻﺭ ﻧﮯ ﺍﺱ ﮐﺎ ﮨﺎﺗﮫ ﭼﻮﻣﺎ ﺍﻭﺭ ﻭﮨﯽ ﺟﻮﺍﺏ ﺩﯾﺎ ﺟﻮ ﺍﺱ ﺍﻧﮕﻮﭨﮭﯽ ﮐﮯ ﭘﮩﻨﺎﺗﮯ ﻭﻗﺖ ﺩﯾﺎ ﺗﮭﺎ۔ ﻭﮦ ﮨﻤﯿﺸﮧ ﮐﯽ ﻃﺮﺡ ﺳﺮﺷﺎﺭ ﮨﻮﺋﯽ ﺗﮭﯽ۔ ﯾﮧ ﺑﮩﺖ ﺩﻓﻌﮧ ﭘﯿﺶ ﮐﯿﺎ ﺟﺎﻧﮯ ﻭﺍﻻ ﺧﺮﺍﺝ ﺗﺤﺴﯿﻦ ﺗﮭﺎ ﺟﻮ ﮨﺮ ﺑﺎﺭ ﻧﯿﺎ ﻟﮕﺘﺎ ﺗﮭﺎ ﮐﯿﻮﻧﮑﮧ ﮨﻤﯿﺸﮧ ﺍﭼﮭﺎ ﻟﮕﺘﺎ ﺗﮭﺎ۔
ﭘﯿﮑﻨﮓ ﻣﮑﻤﻞ ﮨﻮ ﮔﺌﯽ؟ ﺳﺎﻻﺭ ﻧﮯ ﻣﻮﺿﻮﻉ ﺑﺪﻝ ﺩﯾﺎ۔
ﮨﺎﮞ۔ ﻣﮑﻤﻞ ﮨﻮ ﮔﺌﯽ۔ ﺍﻣﺎﻣﮧ ﺍﭨﮫ ﮐﮭﮍﯼ ﮨﻮﺋﯽ۔ ﻭﮦ ﺗﯿﻦ ﺩﻥ ﺑﻌﺪ ﭘﺎﮐﺴﺘﺎﻥ ﺟﺎ ﺭﮨﮯ ﺗﮭﮯ۔
ﺗﻢ ﮐﺘﻨﮯ ﺩﻥ ﭨﮭﮩﺮﻭ ﮔﮯ ﻭﮨﺎﮞ؟ ﺍﻣﺎﻣﮧ ﻧﮯ ﭘﻮﭼﮭﺎ۔
ﺍﯾﮏ ﮨﻔﺘﮧ۔ ﺳﺎﻻﺭ ﻧﮯ ﻟﯿﭩﮯ ﻟﯿﭩﮯ ﺟﻮﺍﺏ ﺩﯾﺎ۔
ﮐﯿﻮﮞ؟ ﺗﻢ ﮨﻤﺎﺭﮮ ﺳﺎﺗﮫ ﻭﮨﺎﮞ ﺯﯾﺎﺩﮦ ﺩﻥ ﮐﯿﻮﮞ ﻧﮩﯿﮟ ﭨﮭﮩﺮﻭ ﮔﮯ۔ ﺍﻣﺎﻣﮧ ﮐﻮ ﺍﻋﺘﺮﺍﺽ ﮨﻮﺍ۔
ﺍﯾﮏ ﮨﻔﺘﮧ ﺑﮭﯽ ﺯﯾﺎﺩﮦ ﮨﮯ ﻣﯿﺮﮮ ﻟﯿﮯ۔ ﮐﺎﻡ ﮐﺎ ﮈﮬﯿﺮ ﮨﮯ ﯾﮩﺎﮞ ﺍﻭﺭ ﻣﺠﮭﮯ ﺗﻤﮩﺎﺭﮮ ﻭﺍﭘﺲ ﺁﻧﮯ ﺳﮯ ﭘﮩﻠﮯ ﮔﮭﺮ ﮐﺎ ﺑﻨﺪﻭﺑﺴﺖ ﺑﮭﯽ ﮐﺮﻧﺎ ﮨﮯ۔
ﻣﯿﮟ ﺑﮭﯽ ﺗﻤﮩﺎﺭﮮ ﺳﺎﺗﮫ ﮨﯽ ﺍﯾﮏ ﮨﻔﺘﮧ ﺑﻌﺪ ﻭﺍﭘﺲ ﺁﺟﺎﺅﮞ ﮔﯽ۔ ِﺍﻣﺎﻣﮧ ﻧﮯ ﮐﮩﺎ۔
ﻧﮩﯿﮟ، ﺗﻢ ﺍﺏ ﺍﯾﮏ ﻣﺎﮦ ﺑﻌﺪ ﮨﯽ ﺁﻧﺎ۔ ﺗﻤﮩﯿﮟ ﺁﺭﺍﻡ ﮐﯽ ﺿﺮﻭﺭﺕ ﮨﮯ، ﻭﮨﺎﮞ ﮔﮭﺮ ﮐﺎ ﻣﺎﺣﻮﻝ ﺗﺒﺪﯾﻞ ﮨﻮ ﮔﺎ ﺗﻮ ﺑﮩﺖ ﺍﭼﮭﺎ ﻣﺤﺴﻮﺱ ﮐﺮﻭ ﮔﯽ۔ ﯾﮩﺎﮞ ﺑﭽﻮﮞ ﮐﮯ ﺳﺎﺗﮫ ﺑﮩﺖ ﭘﺮﯾﺸﺎﻧﯽ ﮨﻮﺗﯽ ﮨﮯ ﺗﻤﮩﯿﮟ۔ ﺳﺎﻻﺭ ﻧﮯ ﺍﺳﮯ ﮐﮩﺎ۔
ﻣﺠﮭﮯ ﺑﭽﻮﮞ ﺳﮯ ﺯﯾﺎﺩﮦ ﺗﻤﮩﺎﺭﯼ ﭘﺮﯾﺸﺎﻧﯽ ﮨﻮﺗﯽ ﮨﮯ۔ ﻭﮦ ﺍﯾﮏ ﺑﺎﺭ ﭘﮭﺮ ﻭﺍﺭﮈﺭﻭﺏ ﮐﮯ ﺳﺎﻣﻨﮯ ﮐﮭﮍﯼ ﺗﮭﯽ۔ ﺳﺎﻻﺭ ﻧﮯ ﺍﺳﮯ ﺩﯾﮑﮭﺎ۔ ﻭﮦ ﻭﺍﺭﮈﺭﻭﺏ ﺳﮯ ﭨﯿﮏ ﻟﮕﺎﺋﮯ ﺍﺳﮯ ﺩﯾﮑﮫ ﺭﮨﯽ ﺗﮭﯽ۔ ﺍﻭﺭ ﺍﺱ ﮐﮯ ﺍﻧﺪﺍﺯ ﻣﯿﮟ ﮐﭽﮫ ﺗﮭﺎ ﺟﺲ ﻧﮯ ﺳﺎﻻﺭ ﮐﻮ ﭼﻮﻧﮑﺎ ﺩﯾﺎ۔
ﻣﯿﺮﯼ ﮐﯿﺎ ﭘﺮﯾﺸﺎﻧﯽ؟ ﺍﺱ ﻧﮯ ﭘﻮﭼﮭﺎ ﺗﮭﺎ۔
ﭘﺘﺎ ﻧﮩﯿﮟ۔ ﺑﺲ ﻣﺠﮭﮯ ﮈﺭ ﻟﮕﺘﺎ ﮨﮯ۔ ﺍﺱ ﻧﮯ ﺁﺩﮬﯽ ﺑﺎﺕ ﮐﺮ ﮐﮯ ﻭﺍﺭﮈﺭﻭﺏ ﺩﻭﺑﺎﺭﮦ ﮐﮭﻮﻟﯽ۔
ﮐﺲ ﭼﯿﺰ ﺳﮯ ﮈﺭ ﻟﮕﺘﺎ ﮨﮯ؟ ﺳﺎﻻﺭ ﻧﮯ ﭘﻮﭼﮭﺎ۔ ﺍﻣﺎﻣﮧ ﻧﮯ ﻭﯾﺴﮯ ﮨﯽ ﮐﮭﮍﮮ ﮐﮭﮍﮮ ﮔﺮﺩﻥ ﻣﻮﮌ ﮐﺮ ﺍﺳﮯ ﺩﯾﮑﮭﺎ۔ ﮐﺲ ﭼﯿﺰ ﺳﮯ ﮈﺭ ﻟﮕﺘﺎ ﮨﻮ ﮔﺎ ﻣﺠﮭﮯ؟ ﻭﮦ ﺟﯿﺴﮯ ﮐﺴﯽ ﺳﺎﺋﮑﺎﭨﺮﺳﭧ ﺳﮯ ﺍﭘﻨﮯ ﻣﺴﺌﻠﮯ ﮐﺎ ﺣﻞ ﭘﻮﭼﮫ ﺭﮨﯽ ﺗﮭﯽ۔
ﻣﯿﺮﯼ ﻣﻮﺕ ﺳﮯ؟ ﺍﻭﺭ ﻭﮦ ﺳﺎﺋﮑﺎﭨﺮﺳﭧ ﺑﮯ ﺣﺪ ﺑﮯ ﺭﺣﻢ ﺗﮭﺎ۔
ﺍﻣﺎﻣﮧ ﮨﻞ ﻧﮧ ﺳﮑﯽ۔ ﺍﺱ ﻧﮯ ﺟﯿﺴﮯ ﻧﺸﺘﺮ ﺍﺱ ﮐﮯ ﺟﺴﻢ ﻣﯿﮟ ﻣﻮﺟﻮﺩ ﻧﺎﺳﻮﺭ ﭘﺮ ﺳﯿﺪﮬﺎ ﮨﯽ ﻣﺎﺭ ﺩﯾﺎ ﺗﮭﺎ۔
ﺍﯾﺴﮯ ﮐﯿﻮﮞ ﺩﯾﮑﮫ ﺭﮨﯽ ﮨﻮ؟ ﺳﺎﻻﺭ ﺍﺱ ﮐﯽ ﻧﻈﺮﻭﮞ ﺳﮯ ﺍﻟﺠﮭﺎ ﺗﮭﺎ۔
ﺗﻢ ﺑﮩﺖ ﺑﮯ ﺭﺣﻢ ﮨﻮ ﺍﻭﺭ ﮨﻤﯿﺸﮧ ﺳﮯ ﮨﻮ۔
ﺗﻢ ﻧﮯ ﺳﻮﺍﻝ ﮐﯿﺎ ﺗﮭﺎ ﻣﺠﮫ ﺳﮯ، ﻣﯿﮟ ﻧﮯ ﺍﻧﺪﺍﺯﮦ ﻟﮕﺎﯾﺎ۔ ﺻﺤﯿﺢ ﺍﻧﺪﺍﺯﮦ ﻟﮕﺎﯾﺎ ﮐﯿﺎ؟ ﻭﮦ ﺟﯿﺴﮯ ﺩﺍﺩ ﭼﺎﮨﺘﺎ ﺗﮭﺎ۔
ﺍﺏ ﺗﻤﮩﯿﮟ ﭘﺘﺎ ﭼﻼ، ﻣﯿﮟ ﺗﻢ ﺳﮯ ﮐﯿﻮﮞ ﮐﮩﺘﯽ ﮨﻮﮞ ﮐﮧ ﺗﻤﮩﺎﺭﮮ ﺍﻧﺪﺭ ﺁﺝ ﺑﮭﯽ ﻣﻮﺕ ﮐﺸﺶ ﺭﮐﮭﺘﯽ ﮨﮯ۔ ﻭﮦ ﺟﻮ ﮐﮩﻨﺎ ﭼﺎﮦ ﺭﮨﯽ ﺗﮭﯽ ﻭﮦ ﮐﮩﮧ ﻧﮧ ﺳﮑﯽ ﺍﻭﺭ ﺟﻮ ﮐﮩﮧ ﺩﯾﺎ ﺍﺱ ﮐﮯ ﻏﻠﻂ ﮨﻮﻧﮯ ﮐﺎ ﺍﻧﺪﺍﺯﮦ ﮨﻮ ﮔﯿﺎ ﺍﺳﮯ۔
ﻣﻮﺕ ﺳﮯ ﮐﻮﻥ ﻓﯿﺴﯽ ﻧﯿﭧ ﮨﻮﺗﺎ ﮨﮯ ﺍﻣﺎﻣﮧ، ﮐﻮﺋﯽ ﭘﺎﮔﻞ ﮨﻮ ﮔﺎ ﺟﻮ ﺍﯾﺴﮯ ﺳﻮﭼﮯ ﮔﺎ۔ ﺍﻭﺭ ﺍﯾﮏ ﻭﻗﺖ ﻣﯿﮟ، ﻣﯿﮟ ﭘﺎﮔﻞ ﺗﮭﺎ ﺍﺏ ﻧﮩﯿﮟ ﮨﻮﮞ۔ ﻭﮦ ﻋﺠﯿﺐ ﺍﻧﺪﺍﺯ ﻣﯿﮟ ﻣﺴﮑﺮﺍﺗﮯ ﮨﻮﺋﮯ ﺑﻮﻻ۔
ﺍﺏ ﺑﮭﯽ ﮨﻮ۔ ﺍﻣﺎﻣﮧ ﮐﮩﮯ ﺑﻨﺎ ﻧﮧ ﺭﮦ ﺳﮑﯽ۔ ﻭﮦ ﮨﻨﺴﺎ ﺗﮭﺎ ﯾﻮﮞ ﺟﯿﺴﮯ ﺍﺱ ﮐﮯ ﺟﻤﻠﮯ ﺳﮯ ﻣﺤﻈﻮﻅ ﮨﻮﺍ ﮨﻮ۔
ﺗﻢ ﮨﻤﯿﺸﮧ ﭨﮭﯿﮏ ﮐﮩﺘﯽ ﮨﻮ۔

ﺍﺱ ﮐﯽ ﮨﻨﺴﯽ ﻧﮯ ﺍﻣﺎﻣﮧ ﮐﻮ ﮐﻢ ﺗﭙﺎﯾﺎ ﺍﻭﺭ ﺍﺱ ﮐﮯ ﺟﻤﻠﮯ ﻧﮯ ﺯﯾﺎﺩﮦ۔ ﻭﮦ ﻭﺍﺭﮈﺭﻭﺏ ﮐﻮ ﭘﻮﺭﯼ ﻗﻮﺕ ﺳﮯ ﺑﻨﺪ ﮐﺮﺗﯽ ﮨﻮﺋﯽ ﻭﺍﺵ ﺭﻭﻡ ﻣﯿﮟ ﮔﮭﺲ ﮔﺌﯽ۔ ﺍﺳﮯ ﭘﺘﺎ ﺗﮭﺎ ﻭﮦ ﺍﺏ ﺍﺳﮯ ﺯﭺ ﮐﺮﮮ ﮔﺎ ﺍﻭﺭ ﮐﺮﺗﺎ ﮨﯽ ﺟﺎﺋﮯ ﮔﺎ۔ ﯾﮧ ﺍﺱ ﮐﺎ ﺫﮨﻨﯽ ﺗﮭﮑﻦ ﺍﺗﺎﺭﻧﮯ ﮐﺎ ﺍﯾﮏ ﻃﺮﯾﻘﮧ ﺗﮭﺎ۔ ﺍﺳﮯ ﺯﭺ ﮐﺮﻧﺎ۔

ﮐﺎﻧﮕﻮ ﺑﺤﺮﺍﻥ ﺍﻭﺭ ﺍﺱ ﺳﮯ ﭘﮩﻠﮯ ﮨﻮﻧﮯ ﻭﺍﻟﮯ ﻭﺍﻗﻌﺎﺕ ﺳﯽ ﺁﺋﯽ ﺍﮮ ﮐﮯ ﻟﯿﮯ ﺳﺎﻻﺭ ﺳﮑﻨﺪﺭ ﮐﻮ ﺍﺱ ﻟﺴﭧ ﻣﯿﮟ ﮈﺍﻟﻨﮯ ﮐﺎ ﺑﺎﻋﺚ ﺑﻨﺎ ﺗﮭﺎ ﺟﻦ ﭘﺮ ﺑﺎﻗﺎﻋﺪﮦ ﻧﻈﺮ ﺭﮐﮭﯽ ﺟﺎﺗﯽ ﺗﮭﯽ۔ ﻭﮦ ﺍﻓﺮﯾﻘﮧ ﻣﯿﮟ ﺍﺏ ﺍﻥ ﮐﺎ ﺳﺐ ﺳﮯ ﺍﮨﻢ ﮐﺎﺭﻧﺪﮦ ﺗﮭﺎ۔ ﺍﻥ ﮐﮯ ﻟﯿﮯ ﮐﺎﻡ ﮐﺮ ﺭﮨﺎ ﺗﮭﺎ ﻟﯿﮑﻦ ﺍﻥ ﮐﺎ ﺳﺎﺗﮭﯽ ﻧﮩﯿﮟ ﺗﮭﺎ۔ ﺍﺱ ﻧﮯ ﮐﺎﻧﮕﻮ ﺍﻭﺭ ﺍﻓﺮﯾﻘﮧ ﻣﯿﮟ ﺍﯾﮏ ﺑﮯ ﺣﺪ ﻧﺎﺯﮎ ﺻﻮﺭﺕ ﺣﺎﻝ ﻣﯿﮟ ﺍﻥ ﺳﺐ ﮐﻮ ﺍﯾﮏ ﺷﺮﻣﻨﺎﮎ ﺻﻮﺭﺕ ﺣﺎﻝ ﺳﮯ ﻧﮑﺎﻻ ﺗﮭﺎ۔ ﺍﺱ ﮐﯽ ﺗﻘﺮﯾﺮ ﻣﯿﮟ ﺍﭘﻨﮯ ﮨﯽ ﺍﺩﺍﺭﮮ ﺍﻭﺭ ﺳﺎﻣﺮﺍﺟﯽ ﻗﻮﺗﻮﮞ ﭘﺮ ﮐﯽ ﺟﺎﻧﮯ ﻭﺍﻟﯽ ﺗﻨﻘﯿﺪ ﮐﺴﯽ ﮐﻮ ﺑﺮﯼ ﻧﮩﯿﮟ ﻟﮕﯽ۔ﺍﮔﺮ ﺻﻮﺭﺕ ﺣﺎﻝ ﮐﻨﭩﺮﻭﻝ ﻣﯿﮟ ﺁ ﺟﺎﺗﯽ ﺗﻮ ﻭﮦ ﺍﺱ ﺳﮯ ﺯﯾﺎﺩﮦ ﮔﺎﻟﯿﺎﮞ ﮐﮭﺎﻧﮯ ﭘﺮ ﺗﯿﺎﺭ ﺗﮭﮯ ﻟﯿﮑﻦ ﺍﮔﺮ ﮐﻮﺋﯽ ﭼﯿﺰ ﺳﺎﻻﺭ ﺳﮑﻨﺪﺭ ﮐﯽ ﺗﻘﺮﯾﺮ ﻣﯿﮟ ﺍﻧﮩﯿﮟ ﻗﺎﺑﻞ ﺍﻋﺘﺮﺍﺽ ﻟﮕﯽ ﻭﮦ ﺍﭘﻨﮯ ﻣﺬﮨﺐ ﺍﻭﺭ ﭘﯿﻐﻤﺒﺮ ﮐﺎ ﺣﻮﺍﻟﮧ ﺗﮭﺎ۔ ﻭﮦ ﺍﻓﺮﯾﻘﮧ ﻣﯿﮟ ﺑﮯ ﺷﮏ ﺍﻥ ﮐﮯ ﻟﯿﮯ ﺍﮨﻢ ﺗﮭﺎ ﻟﯿﮑﻦ ﮐﻮﺋﯽ ﺍﮨﻢ ﺗﺮﯾﻦ ﺷﺨﺺ ﺑﮭﯽ ﺍﺳﻼﻣﯽ ﺳﻮﭺ ﮐﮯ ﭘﺮﭼﺎﺭ ﮐﮯ ﻟﯿﮯ ﻭﺭﻟﮉ ﺑﻨﮏ ﮐﺎ ﻋﮩﺪﮦ ﺍﺳﺘﻌﻤﺎﻝ ﻧﮩﯿﮟ ﮐﺮ ﺳﮑﺘﺎ ﺗﮭﺎ۔

ﺳﯽ ﺁﺋﯽ ﺍﮮ ﮐﻮ ﺳﺎﻻﺭ ﺳﮑﻨﺪﺭ ﮐﻮ ﻣﺎﻧﯿﭩﺮ ﮐﺮﺗﮯ ﮨﻮﺋﮯ ﯾﮧ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ ﮐﮧ ﻭﮦ ﮐﺴﯽ ﺍﺳﻼﻣﯽ ﻣﺎﻟﯿﺎﺗﯽ ﻧﻈﺎﻡ ﮐﻮ ﻗﺎﺋﻢ ﮐﺮﻧﮯ ﮐﺎ ﺳﻮﭺ ﺭﮨﺎ ﮨﮯ ﺟﻮ ﺳﻮﺩ ﺳﮯ ﭘﺎﮎ ﮨﻮ۔ ﺍﻥ ﮐﮯ ﻟﯿﮯ ﯾﮧ ﭘﺮﯾﺸﺎﻥ ﮐﻦ ﺑﺎﺕ ﻧﮩﯿﮟ ﺗﮭﯽ۔ ﻭﮦ ﺍﺱ ﮐﻮ ﺍﯾﮏ ﺧﯿﺎﻟﯽ ﭘﻼﺅ ﺳﮯ ﺯﯾﺎﺩﮦ ﺍﮨﻤﯿﺖ ﺩﯾﻨﮯ ﭘﺮ ﺗﯿﺎﺭ ﻧﮩﯿﮟ ﺗﮭﮯ۔ﺍﮔﺮ ﮐﻮﺋﯽ ﺑﺎﺕ ﭘﺮﯾﺸﺎﻥ ﮐﻦ ﺗﮭﯽ ﺗﻮ ﻭﮦ ﺳﺎﻻﺭ ﮐﺎ ﯾﮏ ﺩﻡ ﺳﺎﻣﻨﮯ ﺁﻧﮯ ﻭﺍﻻ ﻣﺬﮨﺒﯽ ﺗﺸﺨﺺ ﺗﮭﺎ۔ ﺟﻮ ﺍﻥ ﮐﮯ ﻧﺰﺩﯾﮏ ﺍﻓﺮﯾﻘﮧ ﺟﯿﺴﯽ ﺣﺴﺎﺱ ﺟﮕﮧ ﭘﺮ ﺍﻥ ﮐﮯ ﻟﯿﮯ ﭘﺮﯾﺸﺎﻧﯿﺎﮞ ﮐﮭﮍﯼ ﮐﺮﻧﮯ ﮐﺎ ﺑﺎﻋﺚ ﺑﻦ ﺳﮑﺘﺎ ﮨﮯ۔ ﺍﺳﮯ ﮨﺮ ﺟﮕﮧ ﻣﺎﻧﯿﭩﺮ ﮐﯿﺎ ﺟﺎﻧﮯ ﻟﮕﺎ ﺍﻭﺭ ﭘﮩﻠﯽ ﻏﯿﺮ ﻣﻌﻤﻮﻟﯽ ﺳﺮﮔﺮﻣﯽ ﺟﻮ ﺳﯽ ﺁﺋﯽ ﺍﮮ ﻧﮯ ﺭﯾﮑﺎﺭﮈ ﮐﯽ ﺗﮭﯽ، ﻭﮦ ﺍﯾﺒﺎﮐﺎ ﮐﯽ ﺗﺪﻓﯿﻦ ﮐﮯ ﺗﯿﻦ ﮨﻔﺘﮯ ﺑﻌﺪ ﻣﺴﻘﻂ ﻣﯿﮟ ﺳﺎﻻﺭ ﺳﮑﻨﺪﺭ ﮐﯽ ﺳﻤﻨﺪﺭ ﻣﯿﮟ ﺍﯾﮏ ﻻﻧﭻ ﭘﺮ ﭘﺎﻧﭻ ﻟﻮﮔﻮﮞ ﺳﮯ ﺍﯾﮏ ﻣﻼﻗﺎﺕ ﺗﮭﯽ۔ ﺟﻦ ﻣﯿﮟ ﺳﮯ ﺍﯾﮏ ﻣﺴﻘﻂ ﮐﯽ ﺭﺍﺋﻞ ﻓﯿﻤﻠﯽ ﺳﮯ ﺗﮭﺎ۔ ﺳﺎﻻﺭ ﺳﻤﯿﺖ ﻭﮦ ﭘﺎﻧﭽﻮﮞ ﭘﺮﺍﻧﮯ ﺷﻨﺎﺳﺎ ﺍﻭﺭ ﺩﻭﺳﺖ ﺗﮭﮯ۔ ﺍﯾﮏ ﮨﯽ ﯾﻮﻧﯿﻮﺭﺳﭩﯽ ﺳﮯ ﻓﺎﺭﻍ ﺍﻟﺘﺤﺼﯿﻞ ﺗﮭﮯ۔ ﻭﮦ ﺍﭘﻨﯽ ﺍﭘﻨﯽ ﻓﯿﻠﮉ ﮐﮯ ﻧﺎﻣﻮﺭ ﻟﻮﮒ ﺗﮭﮯ۔ ﻭﮦ ﺳﺐ ﺩﻧﯿﺎ ﮐﮯ ﺍﻧﮉﺭ ﻓﻮﺭﭨﯽ ﮔﻠﻮﺑﻞ ﻟﯿﮉﺭﺯ ﮐﯽ ﻓﮩﺮﺳﺖ ﻣﯿﮟ ﺷﺎﻣﻞ ﺗﮭﮯ ﺟﻦ ﮐﮯ ﺑﺎﺭﮮ ﻣﯿﮟ ﭘﯿﺶ ﮔﻮﺋﯽ ﺗﮭﯽ ﮐﮧ ﻭﮦ ﺩﺱ ﺳﺎﻝ ﺑﻌﺪ ﺩﻧﯿﺎ ﮐﮯ ﻣﻤﺘﺎﺯ ﺗﺮﯾﻦ ﻟﯿﮉﺭﺯ ﻣﯿﮟ ﺳﮯ ﮨﻮﮞ ﮔﮯ۔ ﺍﻥ ﻣﯿﮟ ﺳﮯ ﮐﻮﺋﯽ ﺑﺎﺕ ﺳﯽ ﺁﺋﯽ ﺍﮮ ﮐﮯ ﻟﯿﮯ ﭘﺮﯾﺸﺎﻥ ﮐﻦ ﻧﮩﯿﮟ ﺗﮭﯽ ﺳﻮﺍﺋﮯ ﺍﺱ ﺁﺧﺮﯼ ﻣﻤﺎﺛﻠﺖ ﮐﮯ۔ ﺳﺎﻻﺭ ﺳﻤﯿﺖ ﻭﮦ ﭘﺎﻧﭻ ﮐﮯ ﭘﺎﻧﭻ ﺍﻓﺮﺍﺩ ﻣﺴﻠﻤﺎﻥ ﺗﮭﮯ۔ ﺑﺎﻋﻤﻞ ﺍﻭﺭ ﺣﺎﻓﻆ ﻗﺮﺁﻥ۔

ﻭﮦ ﭘﺎﮐﺴﺘﺎﻥ ﻣﯿﮟ ﺍﻣﺎﻣﮧ ﮐﮯ ﻗﯿﺎﻡ ﮐﺎ ﺗﯿﺴﺮﺍ ﮨﻔﺘﮧ ﺗﮭﺎ۔ ﻭﮦ ﺷﺮﻭﻉ ﮐﮯ ﺩﻭ ﮨﻔﺘﮯ ﻻﮨﻮﺭ ﻣﯿﮟ ﮈﺍﮐﭩﺮ ﺳﺒﻂ ﻋﻠﯽ ﺍﻭﺭ ﺳﻌﯿﺪﮦ ﺍﻣﺎﮞ ﮐﮯ ﭘﺎﺱ ﮔﺰﺍﺭ ﮐﺮ ﺍﺏ ﺑﺎﻗﯽ ﺩﻭ ﮨﻔﺘﮯ ﺍﺳﻼﻡ ﺁﺑﺎﺩ ﺭﮨﻨﮯ ﺁﺋﯽ ﺗﮭﯽ۔
ﻭﮨﺎﮞ ﺍﻥ ﮐﯽ ﺁﻣﺪ ﮐﺎ ﺩﻭﺳﺮﺍ ﺩﻥ ﺗﮭﺎ ﺟﺐ ﺳﺎﻻﺭ ﻧﮯ ﺍﺳﮯ ﺍﻣﺮﯾﮑﮧ ﻣﯿﮟ ﮐﺴﯽ ﭘﺮﺍﻧﮯ ﺩﻭﺳﺖ ﮐﮯ ﺑﺎﺭﮮ ﻣﯿﮟ ﺑﺘﺎﯾﺎ ﺗﮭﺎ ﺟﻮ ﺍﺏ ﺍﭘﻨﯽ ﻓﯿﻤﻠﯽ ﮐﮯ ﺳﺎﺗﮫ ﭘﺎﮐﺴﺘﺎﻥ ﻣﯿﮟ ﻣﻘﯿﻢ ﺗﮭﺎ ﺍﻭﺭ ﺳﺎﻻﺭ ﺳﮯ ﻣﻠﻨﺎ ﭼﺎﮨﺘﺎ ﺗﮭﺎ۔ ﺍﺳﮯ ﻣﺒﺎﺭﮐﺒﺎﺩ ﺩﯾﻨﮯ ﮐﮯ ﻟﯿﮯ۔
ﮐﺌﯽ ﺳﺎﻟﻮﮞ ﺑﻌﺪ ﺳﻌﺪ ﺍﭘﻨﯽ ﻓﯿﻤﻠﯽ ﮐﮯ ﺳﺎﺗﮫ ﺳﺎﻻﺭ ﺳﮯ ﻣﻠﻨﮯ ﺍﺱ ﮐﮯ ﮔﮭﺮ ﺁﯾﺎ ﺗﮭﺎ۔ ﻭﮦ ﻣﮑﻤﻞ ﻃﻮﺭ ﭘﺮ ﺑﺎﺭﯾﺶ ﺗﮭﺎ، ﺍﺱ ﮐﯽ ﺩﺍﮌﮬﯽ ﺳﻔﯿﺪ ﮨﻮ ﭼﮑﯽ ﺗﮭﯽ ﺟﺲ ﮐﻮ ﺍﺱ ﻧﮯ ﺭﻧﮕﺎ ﻧﮩﯿﮟ ﺗﮭﺎ۔ ﻭﮦ ﺑﮯ ﺣﺪ ﻣﮩﻨﮕﮯ ﺑﺮﺍﻧﮉﮈ ﺷﻠﻮﺍﺭ ﻗﻤﯿﺺ ﻣﯿﮟ ﻣﻠﺒﻮﺱ ﺗﮭﺎ۔ ﻟﯿﮑﻦ ﺷﻠﻮﺍﺭ ﭨﺨﻨﻮﮞ ﺳﮯ ﺍﻭﭘﺮ ﺗﮭﯽ۔ﺍﺱ ﮐﮯ ﺳﺎﺗﮫ ﻧﻘﺎﺏ ﻟﯿﮯ ﮨﻮﺋﮯ ﺍﺱ ﮐﯽ ﺑﯿﻮﯼ، ﺍﯾﮏ ﺁﭨﮫ ﺳﺎﻟﮧ ﺑﭽﮧ ﺍﻭﺭ ﺩﻭ ﺑﭽﯿﺎﮞ ﺑﮭﯽ ﺗﮭﯽ۔
ﻭﮦ ﺍﻭﺭ ﺍﺱ ﮐﯽ ﺑﯿﻮﯼ ﺳﺎﻻﺭ ﺍﻭﺭ ﺍﻣﺎﻣﮧ ﺳﮯ ﺑﮍﯼ ﮔﺮﻡ ﺟﻮﺷﯽ ﺳﮯ ﻣﻠﮯ۔ ﺍﻣﺎﻣﮧ ﺟﺎﻧﺘﯽ ﺗﮭﯽ ﺳﻌﺪ ﺳﺎﻻﺭ ﮐﮯ ﺷﻨﺎﺳﺎﺅﮞ ﻣﯿﮟ ﺳﮯ ﺗﮭﺎ، ﻗﺮﯾﺒﯽ ﺩﻭﺳﺖ ﻧﮩﯿﮟ۔ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﺳﻌﺪ ﺍﭘﻨﯽ ﮔﭗ ﺷﭗ ﺍﻭﺭ ﺑﻠﻨﺪ ﻭ ﺑﺎﻧﮓ ﻗﮩﻘﮩﻮﮞ ﮐﮯ ﺩﻭﺭﺍﻥ ﺳﺎﻻﺭ ﮐﮯ ﺍﺱ ﮐﮯ ﺳﺎﺗﮫ ﺍﻣﺮﯾﮑﮧ ﻣﯿﮟ ﮔﺰﺭﮮ ﮨﻮﺋﮯ ﻭﻗﺖ ﮐﮯ ﺑﺎﺭﮮ ﻣﯿﮟ ﺍﯾﺴﮯ ﺍﯾﺴﮯ ﻗﺼﮯ ﻧﮑﺎﻝ ﮐﺮ ﺳﻨﺎﺗﺎ ﺭﮨﺎ ﺟﯿﺴﮯ ﻭﮦ ﺍﻭﺭ ﺳﺎﻻﺭ ﮔﮩﺮﮮ ﺩﻭﺳﺖ ﺭﮨﮯ ﮨﻮ۔
ﻣﺠﮭﮯ ﺗﻮ ﮨﻤﯿﺸﮧ ﺳﮯ ﺍﻧﺪﺍﺯﮦ ﺗﮭﺎ ﮐﮧ ﺳﺎﻻﺭ ﺑﮩﺖ ﺗﺮﻗﯽ ﮐﺮﻧﮯ ﻭﺍﻻ ﮨﮯ ﺑﺲ ﺫﺭﺍ ﻗﺒﻠﮧ ﺧﺮﺍﺏ ﺗﮭﺎ ﺍﺱ ﮐﺎ۔ ﭼﺎﺋﮯ ﭘﯿﻨﮯ ﮐﮯ ﺩﻭﺭﺍﻥ ﺍﺱ ﻧﮯ ﺍﻣﺎﻣﮧ ﭘﺮ ﺍﻧﮑﺸﺎﻑ ﮐﯿﺎ ﺟﯿﺴﮯ۔۔ﺍﻣﺎﻣﮧ ﺍﻭﺭ ﺳﺎﻻﺭ ﻧﮯ ﺑﮯ ﺍﺧﺘﯿﺎﺭ ﺍﯾﮏ ﺩﻭﺳﺮﮮ ﮐﻮ ﺩﯾﮑﮭﺎ ﺍﻭﺭ ﻣﺴﮑﺮﺍ ﮐﺮ ﺭﮦ ﮔﺌﮯ۔
ﺍﻭﺭ ﺍﺏ ﺩﯾﮑﮭﯿﮯ ﺑﮭﺎﺑﮭﯽ ﮐﯿﺴﺎ ﺑﺪﻻ ﮨﮯ۔ ﻣﯿﺮﯼ ﮐﻮﺷﺸﯿﮟ ﮐﯿﺴﮯ ﺭﻧﮓ ﻻﺋﯽ ﮨﯿﮟ۔ ﺳﻌﺪ ﮐﮩﮧ ﺭﮨﺎ ﺗﮭﺎ ﺍﻭﺭ ﺳﺎﻻﺭ ﻧﮯ ﺍﭘﻨﺎ ﮐﭗ ﺭﮐﮭﺘﮯ ﮨﻮﺋﮯ ﺍﺳﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﮐﮩﺎ۔ ﻟﯿﮑﻦ ﺗﻢ ﺑﺎﻟﮑﻞ ﻧﮩﯿﮟ ﺑﺪﻟﮯ۔ ﻣﯿﺮﯼ ﮐﻮﺷﺸﯿﮟ ﮐﻮﺋﯽ ﺭﻧﮓ ﻧﮩﯿﮟ ﻻ ﺳﮑﯽ۔ ﺍﺱ ﮐﺎ ﻣﺠﮭﮯ ﺑﮍﺍ ﺍﻓﺴﻮﺱ ﮨﮯ۔ ﺳﺎﻻﺭ ﻧﮯ ﺟﺘﺎﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺎ۔ ﺳﻌﺪ ﻧﮯ ﺑﮯ ﺍﺧﺘﯿﺎﺭ ﻗﮩﻘﮩﮧ ﻟﮕﺎﯾﺎ۔
ﺍﺭﮮ ﮨﻢ ﭘﺮ ﮐﮩﺎﮞ ﮐﺴﯽ ﮐﺎ ﺭﻧﮓ ﭼﮍﮬﻨﺎ ﺗﮭﺎ۔ ﮨﻢ ﭘﺮ ﺗﻮ ﺍﭘﻨﺎ ﮨﯽ ﺭﻧﮓ ﺑﮍﺍ ﭘﮑﺎ ﺗﮭﺎ۔ ﺑﮭﺎﺑﮭﯽ ﯾﮧ ﺁﭖ ﮐﺎ ﺷﻮﮨﺮ ﻧﺎﺋﭧ ﮐﻠﺐ ﺍﻭﺭ ﮈﺳﮑﻮ ﮐﺎ ﺑﮍﺍ ﺷﻮﻗﯿﻦ ﺗﮭﺎ۔ ﻣﺠﮭﮯ ﺑﮭﯽ ﮐﮭﯿﻨﭻ ﮐﮭﯿﻨﭻ ﮐﺮ ﺳﺎﺗﮫ ﻟﮯ ﺟﺎﻧﮯ ﮐﯽ ﮐﻮﺷﺶ ﮐﺮﺗﺎ ﺗﮭﺎ۔ ﻧﺖ ﻧﺌﯽ ﻟﮍﮐﯿﻮﮞ ﺳﮯ ﺩﻭﺳﺘﯽ، ﺑﮍﯼ ﺭﻧﮕﯿﻦ ﺯﻧﺪﮔﯽ ﮔﺰﺍﺭﯼ ﺍﺱ ﻧﮯ۔
ﺳﺎﻻﺭ ﻧﮯ ﭨﮭﯿﮏ ﮐﮩﺎ ﺗﮭﺎ، ﻭﮦ ﻧﮩﯿﮟ ﺑﺪﻻ ﺗﮭﺎ۔ ﭘﯿﺸﺘﺮ ﻟﻮﮒ ﺧﻮﺩ ﮐﻮ ﺑﮩﺘﺮﯾﻦ ﻣﺴﻠﻤﺎﻥ ﺛﺎﺑﺖ ﮐﺮﻧﮯ ﮐﮯ ﻟﯿﮯ ﺩﻭﺳﺮﻭﮞ ﮐﮯ ﮨﺮ ﻋﯿﺐ ﺍﻭﺭ ﺧﺎﻣﯽ ﮐﻮ ﺩﮐﮭﺎﻧﮯ ﺍﻭﺭ ﺟﺘﺎﻧﮯ ﮐﯽ ﻭﺑﺎ ﻣﯿﮟ ﻣﺒﺘﻼ ﮨﻮﺗﮯ ﮨﯿﮟ ﺍﻭﺭ ﺍﻥ ﮐﺎ ﺍﺳﻼﻡ ﺍﻧﮩﯿﮟ ﺻﺮﻑ ﻣﻘﺎﺑﻠﮧ ﺍﻭﺭ ﻣﻮﺍﺯﻧﮧ ﺳﮑﮭﺎﺗﺎ ﮨﮯ، ﭘﺮﺩﮦ ﭘﻮﺷﯽ ﻧﮩﯿﮟ۔ ﻭﮦ ﺍﭘﻨﯽ ﺑﯿﻮﯼ ﮐﮯ ﺳﺎﻣﻨﮯ ﯾﮧ ﺛﺎﺑﺖ ﮐﺮﻧﮯ ﮐﯽ ﮐﻮﺷﺶ ﮐﺮ ﺭﮨﺎ ﺗﮭﺎ ﮐﮧ ﻭﮦ ﮐﺘﻨﮯ ﻧﯿﮏ ﺷﺨﺺ ﮐﯽ ﺑﯿﻮﯼ ﮨﮯ۔ ﺍﺣﺴﺎﺱ ﮐﻤﺘﺮﯼ ﮐﯽ ﯾﮧ ﺍﯾﮏ ﺑﮭﯿﺎﻧﮏ ﺷﮑﻞ ﮨﻮﺗﯽ ﮨﮯ۔ ﺳﻌﺪ ﺍﺏ ﺍﭘﻨﮯ ﺍﻧﮑﺸﺎﻑ ﺳﮯ ﺟﯿﺴﮯ ﺧﻮﺩ ﮨﯽ ﻣﺤﻈﻮﻅ ﮨﻮﺍ ﺗﮭﺎ ﺍﻭﺭ ﭘﻠﯿﭧ ﻣﯿﮟ ﺍﯾﮏ ﻧﯿﺎ ﮐﺒﺎﺏ ﺭﮐﮭﺘﮯ ﮨﻮﺋﮯ ﮨﻨﺲ ﺭﮨﺎ ﺗﮭﺎ۔ﺍﻣﺎﻣﮧ ﮐﺎ ﭼﮩﺮﮦ ﭘﮭﯿﮑﺎ ﭘﮍﺍ ﺗﮭﺎ۔
ﺑﮭﺎﺑﮭﯽ ! ﺑﺎﻟﮑﻞ ﭨﮭﯿﮏ ﮐﮩﮧ ﺭﮨﺎ ﮨﮯ ﺳﻌﺪ۔ ﻣﯿﺮﯼ ﮐﺎﻓﯽ ﺭﻧﮓ ﺑﺮﻧﮕﯽ ﻟﮍﮐﯿﻮﮞ ﺳﮯ ﺩﻭﺳﺘﯽ ﺗﮭﯽ ﻟﯿﮑﻦ ﺳﻌﺪ ﮐﻮ ﺻﺮﻑ ﺍﯾﮏ ﮨﯽ ﺭﻧﮓ ﮐﯽ ﻟﮍﮐﯽ ﭘﺴﻨﺪ ﺗﮭﯽ۔ ﺍﻭﺭ ﻣﯿﮟ ﺫﺭﺍ ﺷﻮﻗﯿﻦ ﻣﺰﺍﺝ ﺗﮭﺎ، ﮈﺳﮑﻮ ﺍﻭﺭ ﮐﻠﺒﺰ ﺁﺗﺎ ﺟﺎﺗﺎ ﺭﮨﺘﺎ ﺗﮭﺎ۔ ﻟﯿﮑﻦ ﺳﻌﺪ ﻇﺎﮨﺮ ﮨﮯ ﻣﯿﺮﮮ ﺟﯿﺴﺎ ﺷﻮﻗﯿﻦ ﻣﺰﺍﺝ ﻧﮩﯿﮟ ﺗﮭﺎ ﺍﺱ ﻟﯿﮯ ﻭﮦ ﺍﭘﻨﯽ ﮔﺮﻝ ﻓﺮﯾﻨﮉ ﮐﮯ ﺳﺎﺗﮫ ﮔﮭﺮ ﭘﺮ ﮨﯽ ﺭﮨﻨﺎ ﭘﺴﻨﺪ ﮐﺮﺗﺎ ﺗﮭﺎ۔
ﮐﺒﺎﺏ ﺗﻮ ﺳﻌﺪ ﻧﮯ ﭘﻠﯿﭧ ﻣﯿﮟ ﺭﮐﮫ ﻟﯿﺎ ﺗﮭﺎ ﻟﯿﮑﻦ ﭘﻠﯿﭧ ﺍﺱ ﮐﮯ ﮨﺎﺗﮫ ﺳﮯ ﭼﮭﻮﭨﺘﮯ ﭼﮭﻮﭨﺘﮯ ﺑﭽﯽ ﺗﮭﯽ۔ ﺳﺎﻻﺭ ﻧﮯ ﮐﺌﯽ ﺳﺎﻟﻮﮞ ﺑﻌﺪ ﺍﯾﺴﯽ ﮐﻢ ﻇﺮﻓﯽ ﺍﻭﺭ ﺑﮯ ﻟﺤﺎﻇﯽ ﮐﺎ ﻣﻈﺎﮨﺮﮦ ﮐﯿﺎ ﺗﮭﺎ ﺟﻮ ﺍﯾﮏ ﺯﻣﺎﻧﮯ ﻣﯿﮟ ﺍﺱ ﮐﺎ ﺷﻨﺎﺧﺘﯽ ﻧﺸﺎﻥ ﺗﮭﺎ۔
ﮐﯿﺎ ﻧﺎﻡ ﺗﮭﺎ ﺍﺱ ﮐﺎ؟ ﮨﺎﮞ، ﺁﺳﭩﯿﻔﻨﯽ ! ﺍﺏ ﺗﻮ ﻋﻠﯿﮏ ﺳﻠﯿﮏ ﮨﯽ ﺭﮦ ﮔﺌﯽ ﮨﻮ ﮔﯽ ﯾﺎ ﻭﮦ ﺑﮭﯽ ﻧﮩﯿﮟ۔ ﺍﺱ ﮐﯽ ﯾﺎﺩﺍﺷﺖ ﺳﻔﺎﮐﺎﻧﮧ ﺣﺪ ﺗﮏ ﺗﯿﺰ ﺗﮭﯽ۔ ﺍﻭﺭ ﺍﺱ ﻭﻗﺖ ﺍﺱ ﻧﮯ ﺳﻌﺪ ﮐﺎ ﻗﺘﻞ ﮨﯽ ﮐﺮ ﺩﯾﺎ ﺗﮭﺎ۔ ﺳﻌﺪ ﮐﺎ ﺍﻧﺪﺭ ﮐﺎ ﺳﺎﻧﺲ ﺍﻧﺪﺭ ﺍﻭﺭ ﺑﺎﮨﺮ ﮐﺎ ﺳﺎﻧﺲ ﺑﺎﮨﺮ ﺭﮦ ﮔﯿﺎ۔ ﺍﺱ ﺳﺐ ﮐﯽ ﺍﺑﺘﺪﺍ ﺳﻌﺪ ﻧﮯ ﮐﯽ ﺗﮭﯽ ﺍﻭﺭ ﺍﻧﺘﮩﺎ ﺍﺏ ﺳﺎﻻﺭ ﮐﺮ ﺭﮨﺎ ﺗﮭﺎ۔ ﺳﻌﺪ ﺟﻮﺍﺏ ﮐﯿﺎ ﺩﯾﺘﺎ ﺍﺱ ﮐﺎ ﺗﻮ ﺳﺎﻧﺲ ﻟﯿﻨﺎ ﻣﺤﺎﻝ ﮨﻮﮔﯿﺎ ﺗﮭﺎ۔
ﺍﻣﺎﻣﮧ ﺍﺱ ﮐﯽ ﺑﯿﻮﯼ ﮐﮯ ﺗﺎﺛﺮﺍﺕ ﺩﯾﮑﮫ ﻧﮧ ﭘﺎﺋﯽ ﮐﯿﻮﻧﮑﮧ ﺍﺱ ﮐﮯ ﭼﮩﺮﮮ ﭘﺮ ﻧﻘﺎﺏ ﺗﮭﺎ۔ ﻟﯿﮑﻦ ﺍﺱ ﮐﯽ ﺁﻧﮑﮭﯿﮟ ﯾﮧ ﺑﺘﺎﻧﮯ ﮐﮯ ﻟﯿﮯ ﮐﺎﻓﯽ ﺗﮭﯽ ﮐﮧ ﻭﮦ ﺳﺎﻻﺭ ﮐﮯ ﺍﻧﮑﺸﺎﻓﺎﺕ ﺳﮯ ﺧﻮﺵ ﻧﮩﯿﮟ ﮨﻮﺋﯽ ﺗﮭﯽ۔ ﺍﻣﺎﻣﮧ ﮐﻮ ﺑﮭﯽ ﺳﺎﻻﺭ ﮐﺎ ﯾﮧ ﺟﻮﺍﺑﯽ ﻭﺍﺭ ﮐﭽﮫ ﺑﮭﺎﯾﺎ ﻧﮩﯿﮟ۔
ﺑﮭﺎﺑﮭﯽ ﺁﭖ ﮐﭽﮫ ﻟﯿﮟ۔ ﺍﺱ ﻧﮯ ﺻﻮﺭﺕ ﺣﺎﻝ ﮐﻮ ﺳﻨﺒﮭﺎﻟﺘﮯ ﮨﻮﺋﮯ ﺑﺮﻭﻗﺖ ﺳﻌﺪ ﮐﯽ ﺑﯿﻮﯼ ﻋﺎﻟﯿﮧ ﮐﯽ ﺗﻮﺟﮧ ﺍﺱ ﮔﻔﺘﮕﻮ ﺳﮯ ﮨﭩﺎﻧﮯ ﮐﯽ ﮐﻮﺷﺶ ﮐﯽ۔
ﻧﮩﯿﮟ۔ ﺑﭽﮯ ﺍﻭﺭ ﯾﮧ ﻟﮯ ﺭﮨﮯ ﮨﯿﮟ، ﺑﺲ ﮐﺎﻓﯽ ﮨﯿﮟ۔ ﮨﻢ ﮐﭽﮫ ﺩﯾﺮ ﭘﮩﻠﮯ ﮨﯽ ﮐﺴﯽ ﻟﻨﭻ ﺳﮯ ﺁﺋﮯ ﮨﯿﮟ ﺗﻮ ﻣﺠﮭﮯ ﻃﻠﺐ ﻧﮩﯿﮟ۔ ﺍﻣﺎﻣﮧ ﮐﻮ ﻋﺎﻟﯿﮧ ﮐﺎ ﻟﮩﺠﮧ ﺑﮯ ﺣﺪ ﮐﮭﺮﺩﺭﺍ ﻟﮕﺎ۔
ﺁﭖ ﺗﻮ ﺧﺘﻢ ﻧﺒﻮﺕ ﭘﺮ ﯾﻘﯿﻦ ﻧﮩﯿﮟ ﺭﮐﮭﺘﯽ ﺗﮭﯽ ﻧﺎ؟ ﮐﯿﺎ ﺳﻮﺍﻝ ﺗﮭﺎ ﺟﻮ ﺳﻌﺪ ﮐﯽ ﺑﯿﻮﯼ ﮐﯽ ﺯﺑﺎﻥ ﺳﮯ ﺍﻣﺎﻣﮧ ﮐﮯ ﻟﯿﮯ ﻧﮑﻼ ﺗﮭﺎ۔ ﮐﻤﺮﮮ ﻣﯿﮟ ﺍﯾﮏ ﺩﻡ ﺧﺎﻣﻮﺷﯽ ﻧﮩﯿﮟ ﺳﮑﺘﮧ ﭼﮭﺎﯾﺎ ﺗﮭﺎ۔ﻭﮦ ﺗﺠﺴﺲ ﻧﮩﯿﮟ ﺗﮭﺎ ﺟﻮﺍﺑﯽ ﻭﺍﺭ ﺗﮭﺎ۔ ﺳﻌﺪ ﺳﮯ ﻧﮩﯿﮟ ﺁﯾﺎ ﺗﮭﺎ ﺍﺱ ﮐﯽ ﺑﯿﻮﯼ ﺳﮯ ﺁﯾﺎ ﺗﮭﺎ۔
ﻧﮩﯿﮟ۔ ﺍﻟﺤﻤﺪﻟﻠﮧ ﻣﯿﮟ ﻣﺴﻠﻤﺎﻥ ﮨﻮﮞ۔ ﭼﺎﺋﮯ ﮐﺎ ﮐﭗ ﮨﻮﻧﭩﻮﮞ ﺳﮯ ﮨﭩﺎ ﮐﺮ ﺍﻣﺎﻣﮧ ﻧﮯ ﺑﮯ ﺣﺪ ﻣﺸﮑﻞ ﺳﮯ ﻣﺴﮑﺮﺍﻧﮯ ﮐﯽ ﮐﻮﺷﺶ ﮐﯽ۔
ﺍﻭﮦ ! ﺍﭼﮭﺎ، ﻣﺠﮭﮯ ﺍﻧﮩﻮﮞ ﻧﮯ ﯾﮧ ﻧﮩﯿﮟ ﺑﺘﺎﯾﺎ ﺗﮭﺎ۔ ﻭﮦ ﺍﺳﯽ ﺑﮯ ﻧﯿﺎﺯﯼ ﺳﮯ ﺳﻌﺪ ﮐﯽ ﻃﺮﻑ ﺍﺷﺎﺭﮦ ﮐﺮﺗﮯ ﮨﻮﺋﮯ ﺑﻮﻟﯽ۔ ﺗﻮ ﺑﮭﺎﺑﮭﯽ ﺁﭖ ﭘﮭﺮ ﮐﻮﺋﯽ ﺍﺩﺍﺭﮦ ﺟﻮﺍﺋﻦ ﮐﺮ ﻟﯿﮟ ﻧﺎ۔ ﺁﭖ ﮐﻮ ﺗﻮ ﺑﮩﺖ ﺯﯾﺎﺩﮦ ﺍﺻﻼﺡ ﺍﻭﺭ ﻋﻠﻢ ﮐﯽ ﺿﺮﻭﺭﺕ ﮨﻮ ﮔﯽ۔ ﺟﺐ ﺗﮏ ﺁﭖ ﭘﺎﮐﺴﺘﺎﻥ ﻣﯿﮟ ﮨﮯ، ﺁﭖ ﻣﯿﺮﮮ ﺳﺎﺗﮫ ﻣﺪﺭﺳﮯ ﭼﻠﯿﮟ۔ ﻭﮨﺎﮞ ﺩﺭﺱ ﻗﺮﺁﻥ ﺑﮭﯽ ﮨﻮﺗﺎ ﮨﮯ ﺍﻭﺭ ﺭﻭﺣﺎﻧﯽ ﺍﻭﺭ ﺍﺧﻼﻗﯽ ﺗﺮﺑﯿﺖ ﺑﮭﯽ۔
ﺁﭖ ﮐﺎ ﺑﮩﺖ ﺷﮑﺮﯾﮧ۔ ﻟﯿﮑﻦ ﻣﺠﮭﮯ ﺍﺳﻼﻡ ﻗﺒﻮﻝ ﮐﯿﮯ ﺍﻭﺭ ﻗﺎﺩﯾﺎﻧﯿﺖ ﭼﮭﻮﮌﮮ ﺳﻮﻟﮧ ﺳﺘﺮﮦ ﺳﺎﻝ ﮨﻮ ﭼﮑﮯ ﮨﯿﮟ ﺍﻭﺭ ﻣﯿﮟ ﺍﯾﮏ ﺣﺎﻓﻆ ﻗﺮﺁﻥ ﮐﯽ ﺑﯿﻮﯼ ﮨﻮﮞ۔ ﺍﻣﺎﻣﮧ ﻧﮯ ﺍﺱ ﮐﯽ ﺑﺎﺕ ﺑﮍﯼ ﻧﺮﻣﯽ ﺳﮯ ﮐﺎﭨﯽ۔
ﻭﮦ ﺗﻮ ﻣﯿﮟ ﺑﮭﯽ ﮨﻮﮞ۔ ﻋﺎﻟﯿﮧ ﻧﮯ ﺍﺳﯽ ﺍﻧﺪﺍﺯ ﻣﯿﮟ ﮐﮩﺎ۔ ﻟﯿﮑﻦ ﺍﺱ ﺳﮯ ﮐﯿﺎ ﻓﺮﻕ ﭘﮍﺗﺎ ﮨﮯ۔
ﺁﭖ ﮐﻮ ﻧﮩﯿﮟ ﭘﮍﺍ ﮨﻮ ﮔﺎ، ﻣﺠﮭﮯ ﭘﮍﺍ ﮨﮯ۔
ﺑﮭﺎﺑﮭﯽ ﺁﭖ ﮐﻮ ﺍﺱ ﺣﻮﺍﻟﮯ ﺳﮯ ﺟﺐ ﺑﮭﯽ ﮨﻤﺎﺭﯼ ﻣﺪﺩ ﮐﯽ ﺿﺮﻭﺭﺕ ﭘﮍﮮ، ﮨﻢ ﺣﺎﺿﺮ ﮨﯿﮟ۔ ﺍﺏ ﻣﯿﻞ ﺟﻮﻝ ﺗﻮ ﮨﻮﺗﺎ ﺭﮨﮯ ﮔﺎ۔ ﻣﯿﮟ ﺍﻥ ﺷﺎﺀﺍﻟﻠﮧ ﺍﺱ ﺳﺎﻝ ﻭﻗﺖ ﻧﮑﺎﻝ ﮐﺮ ﺗﺒﻠﯿﻎ ﮐﮯ ﻟﯿﮯ ﮐﭽﮫ ﺩﻥ ﮐﺎﻧﮕﻮ ﺑﮭﯽ ﺁﺅﮞ ﮔﺎ۔ ﺗﻮ ﺁﭖ ﻟﻮﮔﻮﮞ ﮐﯽ ﺧﺪﻣﺖ ﻣﯿﮟ ﺣﺎﺿﺮ ﮨﻮﮞ ﮔﺎ۔ ﻭﯾﺴﮯ ﺑﮭﯽ ﺍﭼﮭﺎ ﮨﮯ ﮨﻤﺎﺭﮮ ﺑﭽﮯ ﺁﭘﺲ ﻣﯿﮟ ﻣﻠﺘﮯ ﺭﮨﮯ۔ ﺳﻌﺪ ﻧﮯ ﺍﭘﻨﯽ ﻃﺮﻑ ﺳﮯ ﺑﺮﻭﻗﺖ ﻣﺪﺍﺧﻠﺖ ﮐﺮﺗﮯ ﮨﻮﺋﮯ ﮔﻔﺘﮕﻮ ﺳﻨﺒﮭﺎﻟﻨﮯ ﮐﯽ ﮐﻮﺷﺶ ﮐﯽ۔
ﺟﯽ ﺑﮭﺎﺑﮭﯽ ! ﭨﮭﯿﮏ ﮐﮩﮧ ﺭﮨﮯ ﮨﯿﮟ ﯾﮧ۔ ﮨﻤﺎﺭﮮ ﺑﭽﻮﮞ ﮐﻮ ﺁﭘﺲ ﻣﯿﮟ ﻣﻠﺘﮯ ﺭﮨﻨﺎ ﭼﺎﮨﯿﮯ ﺍﻭﺭ ﮨﻤﯿﮟ ﺑﮭﯽ۔ ﺑﮩﺖ ﺳﯽ ﭼﯿﺰﻭﮞ ﻣﯿﮟ ﺁﭖ ﮐﻮ ﺍﭘﻨﮯ ﺑﭽﻮﮞ ﮐﯽ ﺗﺮﺑﯿﺖ ﮐﺮﺗﮯ ﮨﻮﺋﮯ ﮨﻤﺎﺭﯼ ﺭﮨﻨﻤﺎﺋﯽ ﮐﯽ ﺿﺮﻭﺭﺕ ﮨﻮ ﮔﯽ۔ ﻋﺎﻟﯿﮧ ﻧﮯ ﺍﭘﻨﮯ ﺷﻮﮨﺮ ﮐﯽ ﮔﻔﺘﮕﻮ ﻣﮑﻤﻞ ﮐﺮﻧﮯ ﮐﯽ ﮐﻮﺷﺶ ﮐﯽ۔
ﺍﮔﺮ ﮐﺒﮭﯽ ﺍﯾﺴﯽ ﺿﺮﻭﺭﺕ ﭘﮍﯼ ﺗﻮ ﻣﯿﮟ ﺍﻭﺭ ﺍﻣﺎﻣﮧ ﺿﺮﻭﺭ ﺁﭖ ﺳﮯ ﺭﮨﻨﻤﺎﺋﯽ ﻟﯿﻨﮯ ﮐﯽ ﮐﻮﺷﺶ ﮐﺮﯾﮟ ﮔﮯ ﻟﯿﮑﻦ ﻓﯽ ﺍﻟﺤﺎﻝ ﮨﻤﯿﮟ ﻟﮕﺘﺎ ﮨﮯ ﮨﻤﯿﮟ ﺍﺱ ﮐﯽ ﺿﺮﻭﺭﺕ ﻧﮩﯿﮟ۔ ﺍﺱ ﺑﺎﺭ ﺳﺎﻻﺭ ﻧﮯ ﮔﻔﺘﮕﻮ ﻣﯿﮟ ﻣﺪﺍﺧﻠﺖ ﮐﺮ ﮐﮯ ﺟﯿﺴﮯ ﺍﯾﮏ ﻓﻞ ﺳﭩﺎﭖ ﻟﮕﺎﻧﮯ ﮐﯽ ﮐﻮﺷﺶ ﮐﯽ۔
ﯾﺎﺭ ﺑﭽﮯ ﮐﮩﺎﮞ ﮨﯿﮟ ﺗﻤﮩﺎﺭﮮ؟ ﺗﻢ ﺍﻥ ﺳﮯ ﺗﻮ ﻣﻠﻮﺍﺗﮯ۔ ﻣﯿﮟ ﭼﺎﮨﺘﺎ ﮨﻮﮞ ﺍﺣﺴﻦ ﺍﻭﺭ ﺟﺒﺮﯾﻞ ﺑﮭﯽ ﺁﭘﺲ ﻣﯿﮟ ﻣﺘﻌﺎﺭﻑ ﮨﻮ۔
ﺟﯽ، ﺟﯽ ﺿﺮﻭﺭ۔ ﺑﭽﮯ ﺍﺑﮭﯽ ﻣﻼﺯﻡ ﻻ ﮨﯽ ﺭﮨﺎ ﮨﻮ ﮔﺎ۔ ﻭﮦ ﻻﻥ ﻣﯿﮟ ﮐﮭﯿﻞ ﺭﮨﮯ ﮨﯿﮟ۔
۔?
ﺍﮔﺮ ﮐﺒﮭﯽ ﺍﯾﺴﯽ ﺿﺮﻭﺭﺕ ﭘﮍﯼ ﺗﻮ ﻣﯿﮟ ﺍﻭﺭ ﺍﻣﺎﻣﮧ ﺿﺮﻭﺭ ﺁﭖ ﺳﮯ ﺭﮨﻨﻤﺎﺋﯽ ﻟﯿﻨﮯ ﮐﯽ ﮐﻮﺷﺶ ﮐﺮﯾﮟ ﮔﮯ ﻟﯿﮑﻦ ﻓﯽ ﺍﻟﺤﺎﻝ ﮨﻤﯿﮟ ﻟﮕﺘﺎ ﮨﮯ ﮨﻤﯿﮟ ﺍﺱ ﮐﯽ ﺿﺮﻭﺭﺕ ﻧﮩﯿﮟ۔ ﺍﺱ ﺑﺎﺭ ﺳﺎﻻﺭ ﻧﮯ ﮔﻔﺘﮕﻮ ﻣﯿﮟ ﻣﺪﺍﺧﻠﺖ ﮐﺮ ﮐﮯ ﺟﯿﺴﮯ ﺍﯾﮏ ﻓﻞ ﺳﭩﺎﭖ ﻟﮕﺎﻧﮯ ﮐﯽ ﮐﻮﺷﺶ ﮐﯽ۔
ﯾﺎﺭ ﺑﭽﮯ ﮐﮩﺎﮞ ﮨﯿﮟ ﺗﻤﮩﺎﺭﮮ؟ ﺗﻢ ﺍﻥ ﺳﮯ ﺗﻮ ﻣﻠﻮﺍﺗﮯ۔ ﻣﯿﮟ ﭼﺎﮨﺘﺎ ﮨﻮﮞ ﺍﺣﺴﻦ ﺍﻭﺭ ﺟﺒﺮﯾﻞ ﺑﮭﯽ ﺁﭘﺲ ﻣﯿﮟ ﻣﺘﻌﺎﺭﻑ ﮨﻮ۔
ﺟﯽ، ﺟﯽ ﺿﺮﻭﺭ۔ ﺑﭽﮯ ﺍﺑﮭﯽ ﻣﻼﺯﻡ ﻻ ﮨﯽ ﺭﮨﺎ ﮨﻮ ﮔﺎ۔ ﻭﮦ ﻻﻥ ﻣﯿﮟ ﮐﮭﯿﻞ ﺭﮨﮯ ﮨﯿﮟ۔ ﺍﺱ ﺳﮯ ﭘﮩﻠﮯ ﻭﮨﺎﮞ ﮐﻮﺋﯽ ﺍﻭﺭ ﺑﺎﺕ ﮨﻮﺗﯽ ﻣﻼﺯﻡ ﮐﮯ ﺳﺎﺗﮫ ﻋﻨﺎﯾﮧ ﺍﻭﺭ ﺟﺒﺮﯾﻞ ﮐﻤﺮﮮ ﻣﯿﮟ ﺩﺍﺧﻞ ﮨﻮﺋﮯ ﺗﮭﮯ۔ ﺳﻌﺪ ﻧﮯ ﺩﻭﻧﻮﮞ ﺑﭽﻮﮞ ﮐﻮ ﺑﮍﯼ ﮔﺮﻡ ﺟﻮﺷﯽ ﺳﮯ ﭘﯿﺎﺭ ﮐﯿﺎ۔ ﭘﮭﺮ ﺟﺒﺮﯾﻞ ﺍﻭﺭ ﺍﺣﺴﻦ ﮐﻮ ﺍﯾﮏ ﺩﻭﺳﺮﮮ ﺳﮯ ﻣﺘﻌﺎﺭﻑ ﮐﯿﺎ۔ ﻭﮦ ﺩﻭﻧﻮﮞ ﺍﯾﮏ ﺟﯿﺴﮯ ﺗﮭﮯ۔ﺭﯾﺰﺭﻭﮈ، ﺗﻤﯿﺰﺩﺍﺭ۔

ﻭﮦ ﻟﻮﮒ ﺁﺩﮪ ﮔﮭﻨﭩﮧ ﺍﻭﺭ ﺑﯿﭩﮭﮯ ﺗﮭﮯ ﺍﻭﺭ ﭘﮭﺮ ﺍﻧﮩﯿﮟ ﺍﭘﻨﮯ ﮔﮭﺮ ﺁﻧﮯ ﮐﯽ ﺩﻋﻮﺕ ﺩﮮ ﮐﺮ ﭼﻠﮯ ﮔﺌﮯ۔ ﻭﮦ ﺍﯾﮏ ﯾﺎﺩﮔﺎﺭ ﺍﻭﺭ ﺧﻮﺷﮕﻮﺍﺭ ﻣﻼﻗﺎﺕ ﻧﮩﯿﮟ ﺗﮭﯽ ﻟﯿﮑﻦ ﺍﻧﮩﯿﮟ ﯾﮧ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﺍﻥ ﮐﯽ ﮨﺮ ﻣﻼﻗﺎﺕ ﺍﯾﺴﺎ ﮨﯽ ﺗﺎﺛﺮ ﻟﯿﮯ ﮨﻮﺋﮯ ﺭﮨﻨﮯ ﻭﺍﻟﯽ ﺗﮭﯽ۔

ﺳﺎﻻﺭ ﺍﯾﮏ ﮨﻔﺘﮧ ﺑﻌﺪ ﻭﺍﭘﺲ ﮐﺎﻧﮕﻮ ﭼﻼ ﮔﯿﺎ ﺗﮭﺎ ﺍﻭﺭ ﺍﻣﺎﻣﮧ ﺍﺳﻼﻡ ﺁﺑﺎﺩ ﺳﮯ ﻻﮨﻮﺭ ﺳﺎﻻﺭ ﮐﮯ ﺳﺎﺗﮫ ﺁﺋﯽ ﺗﮭﯽ۔ ﻭﮨﺎﮞ ﺳﮯ ﻭﺍﭘﺲ ﺍﺳﻼﻡ ﺁﺑﺎﺩ ﺁﻧﮯ ﭘﺮ ﺍﻣﺎﻣﮧ ﺍﻭﺭ ﺑﭽﻮﮞ ﮐﻮ ﺳﮑﻨﺪﺭ ﺍﻭﺭ ﻃﯿﺒﮧ ﮐﮯ ﺳﺎﺗﮫ ﺑﮩﺖ ﺳﺎ ﻭﻗﺖ ﮔﺰﺍﺭﻧﮯ ﮐﻮ ﻣﻼ ﺗﮭﺎ۔ ﺍﻭﺭ ﺍﺱ ﮐﮯ ﺟﺎﻧﮯ ﻣﯿﮟ ﺍﺑﮭﯽ ﺍﯾﮏ ﮨﻔﺘﮧ ﺑﺎﻗﯽ ﺗﮭﺎ۔ﺟﺐ ﺳﮑﻨﺪﺭ ﻧﮯ ﺑﮍﮮ ﻏﻮﺭ ﻭ ﺧﻮﺽ ﮐﮯ ﺑﻌﺪ ﺍﺱ ﮐﻮ ﮨﺎﺷﻢ ﻣﺒﯿﻦ ﮐﮯ ﺑﺎﺭﮮ ﻣﯿﮟ ﺑﺘﺎﯾﺎ ﺗﮭﺎ۔
ﻭﮦ ﻣﺠﮫ ﺳﮯ ﮐﺌﯽ ﺩﻓﻌﮧ ﻣﻠﻨﮯ ﺁﺋﮯ ﮨﯿﮟ۔ ﺗﻤﮩﺎﺭﺍ ﻧﻤﺒﺮ ﻟﯿﻨﮯ ﮐﮯ ﻟﯿﮯ۔ ﻟﯿﮑﻦ ﻣﯿﮟ ﺍﺗﻨﯽ ﮨﻤﺖ ﺍﭘﻨﮯ ﺍﻧﺪﺭ ﻧﮩﯿﮟ ﭘﺎﺗﺎ ﺗﮭﺎ ﮐﮧ ﺗﻤﮩﺎﺭﺍ ﺍﻭﺭ ﺍﻥ ﮐﺎ ﺭﺍﺑﻄﮧ ﮐﺮﻭﺍﺗﺎ۔ ﮐﯿﻮﻧﮑﮧ ﻣﯿﮟ ﻧﮩﯿﮟ ﭼﺎﮨﺘﺎ ﺗﮭﺎ ﮐﮧ ﺗﻢ ﭘﮭﺮ ﭘﺮﯾﺸﺎﻥ ﮨﻮ۔
ﺳﮑﻨﺪﺭ ﻋﺜﻤﺎﻥ ﺍﺱ ﺳﮯ ﮐﮩﮧ ﺭﮨﮯ ﺗﮭﮯ۔ ﻟﯿﮑﻦ ﻣﺠﮭﮯﻟﮕﺎ ﻣﯿﮟ ﺑﮩﺖ ﺯﯾﺎﺩﺗﯽ ﮐﺮﻭﮞ ﮔﺎ ﺗﻤﮩﺎﺭﮮ ﺳﺎﺗﮫ ﺑﮭﯽ ﺍﻭﺭ ﺍﻥ ﮐﮯ ﺳﺎﺗﮫ ﺑﮭﯽ۔ ﺍﮔﺮ ﺍﻥ ﮐﯽ ﯾﮧ ﺧﻮﺍﮨﺶ ﭘﻮﺭﯼ ﻧﮧ ﮐﺮﻭﮞ۔ﻭﮦ ﺑﮯ ﯾﻘﯿﻨﯽ ﺳﮯ ﺍﻥ ﮐﺎ ﭼﮩﺮﮦ ﺩﯾﮑﮫ ﺭﮨﯽ ﺗﮭﯽ۔ ﻭﮦ ﻣﺠﮫ ﺳﮯ ﮐﯿﻮﮞ ﻣﻠﻨﺎ ﭼﺎﮨﺘﺎ ﮨﮯ؟
ﯾﮧ ﺳﻮﺍﻝ ﺍﻧﺴﺎﻥ ﻣﺎﮞ ﺑﺎﭖ ﺳﮯ ﻧﮩﯿﮟ ﭘﻮﭼﮭﺘﺎ۔ ﺳﮑﻨﺪﺭ ﻧﮯ ﺩﮬﯿﻤﮯ ﻟﮩﺠﮯ ﻣﯿﮟ ﺍﺱ ﺳﮯ ﮐﮩﺎ۔ ﺍﺱ ﮐﮯ ﺣﻠﻖ ﻣﯿﮟ ﺟﯿﺴﮯ ﭘﮭﻨﺪﺍ ﻟﮕﺎ ﺗﮭﺎ۔ ﻭﮦ ﭨﮭﯿﮏ ﮐﮩﮧ ﺭﮨﮯ ﺗﮭﮯ ﯾﮧ ﺳﻮﺍﻝ ﺍﻧﺴﺎﻥ ﻣﺎﮞ ﺑﺎﭖ ﺳﮯ ﻧﮩﯿﮟ ﭘﻮﭼﮭﺘﺎ۔ ﻟﯿﮑﻦ ﺍﺳﮯ ﺗﻮ ﯾﮧ ﺑﮭﻮﻝ ﮨﯽ ﮔﯿﺎ ﺗﮭﺎ ﮐﮧ ﺍﺱ ﮐﮯ ﻣﺎﮞ ﺑﺎﭖ ﺑﮭﯽ ﮨﯿﮟ۔ ﺯﻧﺪﮔﯽ ﮐﮯ ﺳﻮﻟﮧ ﺳﺘﺮﮦ ﺳﺎﻝ ﺍﻥ ﮐﮯ ﺑﻐﯿﺮ ﮔﺰﺍﺭﮮ، ﺍﻥ ﮐﮯ ﮨﻮﺗﮯ ﮨﻮﺋﮯ ﺑﮭﯽ۔ ﻭﮦ ﺁﺝ ﺑﮭﯽ ﺍﻥ ﺳﮯ ﻣﺤﺒﺖ ﮐﺮﺗﯽ ﺗﮭﯽ، ﺁﺝ ﺑﮭﯽ ﺍﻥ ﮐﮯ ﻟﯿﮯ ﺟﺬﺑﺎﺗﯽ ﺗﮭﯽ۔ ﻟﯿﮑﻦ ﭘﭽﮭﻠﮯ ﭼﻨﺪ ﺳﺎﻟﻮﮞ ﻧﮯ ﺳﺐ ﺑﺪﻝ ﺩﯾﺎ ﺗﮭﺎ۔
ﺍﺏ ﻣﻠﻨﮯ ﮐﺎ ﻓﺎﺋﺪﮦ ﻧﮩﯿﮟ۔
ﺳﮑﻨﺪﺭ ﮐﻮ ﯾﻘﯿﻦ ﻧﮩﯿﮟ ﺁ ﺭﮨﺎ ﺗﮭﺎ ﮐﮧ ﻭﮦ ﺍﺱ ﺳﮯ ﻣﻠﻨﮯ ﺳﮯ ﺍﻧﮑﺎﺭ ﮐﺮ ﺭﮨﯽ ﺗﮭﯽ۔ ﻭﮦ ﺗﻮ ﺻﺮﻑ ﺍﭘﻨﮯ ﺧﺎﻧﺪﺍﻥ ﺳﮯ ﻣﻠﻨﮯ ﮐﮯ ﻟﯿﮯ ﻣﻨﺘﯿﮟ ﮐﺮﺗﯽ ﺭﮨﯽ ﺗﮭﯽ۔ ﺍﻧﮑﺎﺭ ﺗﻮ ﮨﻤﯿﺸﮧ ﺩﻭﺳﺮﯼ ﻃﺮﻑ ﺳﮯ ﮨﻮﺗﺎ ﺗﮭﺎ۔
ﻣﺎﮞ ﺑﺎﭖ ﮐﮯ ﺑﺎﺭﮮ ﻣﯿﮟ ﮨﻢ ﻓﺎﺋﺪﮮ ﺍﻭﺭ ﻧﻘﺼﺎﻥ ﻧﮩﯿﮟ ﺳﻮﭼﺘﮯ۔ ﺻﺮﻑ ﺣﻖ ﺍﻭﺭ ﻓﺮﺽ ﺳﻮﭼﺘﮯ ﮨﯿﮟ۔
ﺍﻧﮩﻮﮞ ﻧﮯ ﺍﺱ ﺑﺎﺭ ﺑﮭﯽ ﭨﮭﯿﮏ ﮐﮩﺎ ﺗﮭﺎ۔
ﭘﺎﭘﺎ ﻣﯿﮟ ﺍﺏ ﺍﺱ ﻣﻌﻠﻖ ﭘﻞ ﭘﺮ ﻧﮩﯿﮟ ﺟﮭﻮﻝ ﺳﮑﺘﯽ۔ ﻣﯿﺮﮮ ﺑﭽﮯ ﮨﯿﮟ ﺍﺏ، ﻣﯿﮟ ﺍﭘﻨﯽ ﺫﮨﻨﯽ ﺍﻟﺠﮭﻨﯿﮟ ﺍﻥ ﺗﮏ ﻣﻨﺘﻘﻞ ﻧﮩﯿﮟ ﮐﺮﻧﺎ ﭼﺎﮨﺘﯽ۔ ﻣﯿﮟ ﺑﮩﺖ ﺧﻮﺵ ﺍﻭﺭ ﭘﺮﺳﮑﻮﻥ ﮨﻮﮞ ﺍﭘﻨﯽ ﺯﻧﺪﮔﯽ ﻣﯿﮟ۔ ﺑﺲ ﺍﯾﺴﮯ ﮨﯽ ﺭﮨﻨﺎ ﭼﺎﮨﺘﯽ ﮨﻮﮞ۔ﮐﺴﯽ ﻟﻌﻨﺖ ﻣﻼﻣﺖ ﮐﺎ ﺑﻮﺟﮫ ﻧﮩﯿﮟ ﺍﭨﮭﺎ ﺳﮑﺘﯽ ﺍﺏ۔ ﮐﺴﯽ ﻣﻌﺎﻓﯽ ﺗﻼﻓﯽ ﮐﯽ ﺿﺮﻭﺭﺕ ﺑﮭﯽ ﻧﮩﯿﮟ ﺭﮨﯽ ﺍﺏ۔ﺑﺲ ﺟﻮ ﮔﺰﺭ ﮔﯿﺎ، ﻭﮦ ﮔﺰﺭ ﮔﯿﺎ۔ ﻣﯿﮟ ﻭﺍﭘﺲ ﭘﻠﭧ ﮐﺮ ﻧﮩﯿﮟ ﺩﯾﮑﮭﻨﺎ ﭼﺎﮨﺘﯽ۔
ﺍﺳﮯ ﺍﻧﺪﺍﺯﮦ ﮨﯽ ﻧﮩﯿﮟ ﮨﻮﺍ ﮐﮧ ﺍﺱ ﮐﯽ ﺁﻧﮑﮭﯿﮟ ﮐﺐ ﺑﺮﺳﻨﺎ ﺷﺮﻭﻉ ﮨﻮﺋﯽ۔
ﺍﻣﺎﻣﮧ ! ﻭﮦ ﻣﺴﻠﻤﺎﻥ ﮨﻮ ﭼﮑﮯ ﮨﯿﮟ۔ ﻭﮦ ﺟﺎﻣﺪ ﮨﻮ ﮔﺌﯽ ﺗﮭﯽ۔ﺳﻤﺠﮫ ﻧﮩﯿﮟ ﺁ ﺭﮨﺎ ﺗﮭﺎ ﮐﮧ ﻭﮦ ﮐﯿﺎ ﺭﺩﻋﻤﻞ ﺩﮮ۔ ﺧﻮﺵ ﮨﻮ؟ ﻭﮦ ﺧﻮﺵ ﺗﮭﯽ۔ ﺭﻭ ﭘﮍﮮ؟ ﻭﮦ ﭘﮩﻠﮯ ﮨﯽ ﺭﻭ ﺭﮨﯽ ﺗﮭﯽ۔ ﺍﻟﻠﮧ ﮐﺎ ﺷﮑﺮ ﺍﺩﺍ ﮐﺮﮮ؟ ﻭﮦ ﮨﻤﯿﺸﮧ ﮐﺮﺗﯽ ﺭﮨﺘﯽ ﺗﮭﯽ۔
ﻭﮦ ﻣﺴﻠﻤﺎﻥ ﻧﮧ ﮨﻮﺗﮯ، ﺗﺐ ﺑﮭﯽ ﻣﯿﮟ ﺗﻢ ﺳﮯ ﮐﮩﺘﺎ ﮐﮧ ﺍﻥ ﺳﮯ ﻣﻞ ﻟﻮ۔ ﺑﻌﺾ ﮔﻨﺎﮨﻮﮞ ﮐﯽ ﺳﺰﺍ ﺟﺐ ﺍﻟﻠﮧ ﺩﯾﻨﺎ ﭼﺎﮨﺘﺎ ﮨﮯ ﺗﻮ ﭘﮭﺮ ﮨﻤﯿﮟ ﻧﮩﯿﮟ ﺩﯾﻨﯽ ﭼﺎﮨﯿﮯ۔ ﺳﮑﻨﺪﺭ ﻧﮯ ﺍﺳﮯ ﺳﻤﺠﮭﺎﯾﺎ ﺗﮭﺎ۔ ﻭﮦ ﺍﺱ ﮐﯽ ﺍﻧﺪﺭ ﮐﯽ ﮐﯿﻔﯿﺖ ﺳﮯ ﺑﮯ ﺧﺒﺮ ﺗﮭﺎ۔ ﺳﻮﺍﻝ ﻣﻌﺎﻓﯽ ﮐﺎ ﺗﻮ ﺗﮭﺎ ﮨﯽ ﻧﮩﯿﮟ۔ ﻭﮦ ﺍﻥ ﮐﺎ ﺳﺎﻣﻨﺎ ﺍﺱ ﻟﯿﮯ ﻧﮩﯿﮟ ﮐﺮﻧﺎ ﭼﺎﮨﺘﯽ ﺗﮭﯽ ﮐﯿﻮﻧﮑﮧ ﻭﮦ ﺍﭘﻨﮯ ﻭﺟﻮﺩ ﮐﻮ ﺑﮑﮭﺮﺗﺎ ﮨﻮﺍ ﻧﮩﯿﮟ ﺩﯾﮑﮫ ﺳﮑﺘﯽ ﺗﮭﯽ۔ ﺍﺱ ﻧﮯ ﺑﮯ ﺣﺪ ﻣﺸﮑﻞ ﺳﮯ ﺍﭘﻨﮯ ﺁﭖ ﮐﻮ ﺳﻤﯿﭩﺎ ﺗﮭﺎ۔
ﺍﺱ ﻧﮯ ﺳﮑﻨﺪﺭ ﻋﺜﻤﺎﻥ ﺳﮯ ﺑﺤﺚ ﻧﮩﯿﮟ ﮐﯽ۔ ﻭﮦ ﺍﮔﻠﮯ ﺩﻥ ﮨﺎﺷﻢ ﻣﺒﯿﻦ ﺳﮯ ﻣﻠﻨﮯ ﭘﺮ ﺑﮭﯽ ﺗﯿﺎﺭ ﮨﻮ ﮔﺌﯽ۔ ﻟﯿﮑﻦ ﻭﮦ ﺍﺱ ﺭﺍﺕ ﺳﻮ ﻧﮧ ﺳﮑﯽ ﺗﮭﯽ۔
ﻭﮦ ﺍﮔﻠﮯ ﺳﮧ ﭘﮩﺮ ﺍﻥ ﮐﮯ ﮔﮭﺮ ﺁﺋﮯ ﺗﮭﮯ۔ ﻭﮦ ﮐﻤﺮﮮ ﻣﯿﮟ ﺁﺋﯽ ﺗﻮ ﺑﺎﭖ ﭘﺮ ﭘﮩﻠﯽ ﻧﻈﺮ ﭘﮍﺗﮯ ﮨﯽ ﺭﻭﺋﯽ ﻧﮧ ﮨﯽ ﺭﻭﻧﮯ ﮐﺎ ﺗﮩﯿﮧ ﮐﯿﮯ ﮨﻮﺋﮯ ﺗﮭﯽ۔ ﻭﮦ ﺑﮯ ﺣﺪ ﺿﻌﯿﻒ ﻟﮓ ﺭﮨﮯ ﺗﮭﮯ۔ ﯾﮧ ﺗﻨﺘﻨﮯ ﻭﺍﻻ ﻭﮦ ﻭﺟﻮﺩ ﻧﮩﯿﮟ ﺗﮭﺎ ﺟﺲ ﺳﮯ ﻭﮦ ﺳﺎﺭﯼ ﺯﻧﺪﮔﯽ ﮈﺭﺗﯽ ﺭﮨﯽ ﺗﮭﯽ۔ ﮨﺎﺷﻢ ﻣﺒﯿﻦ ﻧﮯ ﺍﺳﮯ ﮔﻠﮯ ﻟﮕﺎﯾﺎ۔ﻭﮦ ﻧﻢ ﺁﻧﮑﮭﻮﮞ ﺳﮯ ﺑﮍﮮ ﺣﻮﺻﻠﮯ ﺳﮯ ﺍﻥ ﺳﮯ ﻣﻞ ﮐﺮ ﺍﻟﮓ ﮨﻮﺋﯽ ﺗﮭﯽ۔ ﭘﮩﻠﮯ ﮐﯽ ﻃﺮﺡ ﺍﻥ ﺳﮯ ﻟﭙﭩﯽ ﻧﮩﯿﮟ ﺭﮨﯽ ﺗﮭﯽ۔ﺍﻭﺭ ﭘﮭﺮ ﻭﮦ ﺁﻣﻨﮯ ﺳﺎﻣﻨﮯ ﺻﻮﻓﻮﮞ ﭘﺮ ﺑﯿﭩﮫ ﮔﺌﮯ۔ ﮐﻤﺮﮮ ﻣﯿﮟ ﺍﻥ ﺩﻭﻧﻮﮞ ﮐﮯ ﻋﻼﻭﮦ ﮐﻮﺋﯽ ﻧﮩﯿﮟ ﺗﮭﺎ۔ ﻭﮦ ﺩﻭﻧﻮﮞ ﺗﮭﮯ ﺍﻭﺭ ﻃﻮﯾﻞ ﺍﻭﺭ ﮔﮩﺮﯼ ﺧﺎﻣﻮﺷﯽ۔ ﭘﮭﺮ ﺍﺱ ﺧﺎﻣﻮﺷﯽ ﮐﻮ ﮨﺎﺷﻢ ﻣﺒﯿﻦ ﮐﯽ ﮨﭽﮑﯿﻮﮞ ﺍﻭﺭ ﺳﺴﮑﯿﻮﮞ ﻧﮯ ﺗﻮﮌﺍ۔ ﻭﮦ ﺍﺏ ﺑﭽﻮﮞ ﮐﯽ ﻃﺮﺡ ﺑﻠﮏ ﺑﻠﮏ ﮐﺮ ﺭﻭ ﺭﮨﺎ ﺗﮭﺎ۔ ﺍﻣﺎﻣﮧ ﺍﻧﮩﯿﮟ ﭼﭗ ﭼﺎﭖ ﺩﯾﮑﮭﺘﯽ ﺭﮨﯽ۔ ﻭﮦ ﺑﮭﯽ ﺑﮯ ﺁﻭﺍﺯ ﺭﻭﺗﯽ ﺭﮨﯽ۔ﺍﺱ ﮐﯽ ﺁﻧﮑﮭﻮﮞ ﺳﮯ ﺑﺮﺳﻨﮯ ﻭﺍﻟﮯ ﺁﻧﺴﻮ ﺍﺱ ﮐﯽ ﭨﮭﻮﮌﯼ ﺳﮯ ﭨﭙﮑﺘﮯ ﮨﻮﺋﮯ ﺍﺱ ﮐﯽ ﮔﻮﺩ ﻣﯿﮟ ﺭﮐﮭﮯ ﮨﺎﺗﮭﻮﮞ ﭘﺮ ﮔﺮ ﺭﮨﮯ ﺗﮭﮯ۔
ﻭﻗﺖ ﻭﺍﻗﻌﯽ ﺑﮍﺍ ﻇﺎﻟﻢ ﮨﻮﺗﺎ ﮨﮯ۔ ﻣﺠﮫ ﺳﮯ ﺑﮩﺖ ﺑﮍﺍ ﮔﻨﺎﮦ ﮨﻮ ﮔﯿﺎ۔ ﻣﯿﮟ ﻧﮯ ﺑﮩﺖ ﺑﮍﺍ ﻇﻠﻢ ﮐﯿﺎ ﺍﭘﻨﮯ ﺁﭖ ﭘﺮ۔ ﺍﭘﻨﮯ ﺧﺎﻧﺪﺍﻥ ﭘﺮ۔ ﭘﺘﺎ ﻧﮩﯿﮟ ﮐﯿﺴﮯ ﮨﻮ ﮔﯿﺎ ﯾﮧ ﺳﺐ ﮐﭽﮫ۔
ﮨﺎﺷﻢ ﻣﺒﯿﻦ ﺭﻭﺗﮯ ﮨﻮﺋﮯ ﺍﻋﺘﺮﺍﻑ ﮐﺮ ﺭﮨﮯ ﺗﮭﮯ ﺍﻭﺭ ﺍﻣﺎﻣﮧ ﮐﻮ ﯾﺎﺩ ﺁ ﮔﯿﺎ ﺗﮭﺎ۔ ﺍﻧﮩﻮﮞ ﻧﮯ ﺍﯾﮏ ﺑﺎﺭ ﺍﺱ ﺳﮯ ﮐﮩﺎ ﺗﮭﺎ ﮐﮧ ﺟﻮ ﮐﭽﮫ ﻭﮦ ﮐﺮﻧﮯ ﺟﺎ ﺭﮨﯽ ﺗﮭﯽ ﻭﮦ ﺍﺱ ﭘﺮ ﺑﮩﺖ ﭘﭽﮭﺘﺎﺋﮯ ﮔﯽ۔ ﺍﯾﮏ ﻭﻗﺖ ﺁﺋﮯ ﮔﺎ، ﺍﺳﮯ ﺍﭘﻨﯽ ﻏﻠﻄﯽ ﮐﺎ ﺍﺣﺴﺎﺱ ﮨﻮ ﺟﺎﺋﮯ ﮔﺎ۔ ﺍﻭﺭ ﻭﮦ ﻭﺍﭘﺲ ﭘﻠﭧ ﮐﺮ ﺍﻥ ﺳﮯ ﻣﻌﺎﻓﯽ ﻣﺎﻧﮕﻨﮯ ﺁﺋﮯ ﮔﯽ۔ ﺍﻭﺭ ﺗﺐ ﻭﮦ ﺍﺳﮯ ﻣﻌﺎﻑ ﻧﮩﯿﮟ ﮐﺮﯾﮟ ﮔﮯ۔
ﻣﺠﮭﮯ ﻟﮕﺘﺎ ﮨﮯ ﺍﻣﺎﻣﮧ ! ﻣﺠﮭﮯ ﺗﻤﮩﺎﺭﯼ ﺑﺪ ﺩﻋﺎ ﻟﮓ ﮔﺌﯽ ﮨﮯ۔ﮨﺎﺷﻢ ﻣﺒﯿﻦ ﻧﮯ ﺭﻭﺗﮯ ﮨﻮﺋﮯ ﮐﮩﺎ۔
ﻣﺠﮭﮯ ﺑﺪ ﺩﻋﺎ ﮐﺎ ﮐﺒﮭﯽ ﺧﯿﺎﻝ ﺑﮭﯽ ﻧﮩﯿﮟ ﺁﯾﺎ ﺍﺑﻮ۔ ﺁﭖ ﮐﮯ ﻟﯿﮯ ﮐﯿﺎ، ﮐﺴﯽ ﮐﮯ ﻟﯿﮯ ﺑﮭﯽ ﻧﮩﯿﮟ۔ ﺍﺱ ﻧﮯ ﺑﻶﺧﺮ ﮨﺎﺷﻢ ﻣﺒﯿﻦ ﺳﮯ ﮐﮩﺎ۔ ﺁﭖ ﻧﮯ ﺩﯾﺮ ﺳﮯ ﮐﯿﺎ، ﻟﯿﮑﻦ ﺻﺤﯿﺢ ﺍﻭﺭ ﺍﭼﮭﺎ ﻓﯿﺼﻠﮧ ﮐﯿﺎ۔ ﯾﮧ ﺍﯾﮏ ﺟﻤﻠﮧ ﮐﮩﺘﮯ ﮨﻮﺋﮯ ﺍﻣﺎﻣﮧ ﮐﻮ ﺑﮯ ﺣﺪ ﺗﮑﻠﯿﻒ ﮨﻮﺋﯽ ﺗﮭﯽ۔ ﺍﺳﮯ ﻭﺳﯿﻢ ﯾﺎﺩ ﺁﯾﺎ ﺗﮭﺎ۔ ﺍﺳﮯ ﺍﭘﻨﺎ ﻭﮦ ﺧﺎﻧﺪﺍﻥ ﯾﺎﺩ ﺁﯾﺎ ﺗﮭﺎ ﺟﻮ ﺳﺎﺭﺍ ﻏﯿﺮ ﻣﺴﻠﻢ ﺗﮭﺎ ﺍﻭﺭ ﻏﯿﺮ ﻣﺴﻠﻢ ﮨﯽ ﺭﮨﻨﮯ ﻭﺍﻻ ﺗﮭﺎ۔ ﻭﺍﭘﺲ ﺗﻮ ﯾﺎ ﻭﮦ ﭘﻠﭩﯽ ﺗﮭﯽ ﯾﺎ ﮨﺎﺷﻢ ﻣﺒﯿﻦ۔۔۔۔۔۔۔
ﺗﻤﮩﺎﺭﺍ ﺳﺎﻣﻨﺎ ﮐﺮﻧﮯ ﮐﯽ ﮨﻤﺖ ﻧﮩﯿﮟ ﺗﮭﯽ ﻣﺠﮫ ﻣﯿﮟ۔ ﺑﮩﺖ ﻭﻗﺖ ﻟﮕﺎ ﺩﯾﺎ ﻣﯿﮟ ﻧﮯ ﺗﻤﮩﺎﺭﮮ ﺳﺎﻣﻨﮯ ﺁﻧﮯ ﻣﯿﮟ۔ ﻟﯿﮑﻦ ﺑﺲ ﻣﻌﺎﻓﯽ ﻣﺎﻧﮕﻨﺎ ﭼﺎﮨﺘﺎ ﺗﮭﺎ ﺍﻭﺭ ﺗﻤﮩﺎﺭﯼ ﺍﯾﮏ ﺍﻣﺎﻧﺖ ﺗﮭﯽ ﻣﯿﺮﮮ ﭘﺎﺱ۔ ﻭﮦ ﻣﺮﻧﮯ ﺳﮯ ﭘﮩﻠﮯ ﺗﻤﮩﯿﮟ ﺩﯾﻨﺎ ﭼﺎﮨﺘﺎ ﮨﻮﮞ۔ﻭﮦ ﺍﺏ ﺍﭘﻨﮯ ﺳﺎﺗﮫ ﻻﺋﮯ ﮨﻮﺋﮯ ﺑﯿﮓ ﺳﮯ ﺍﯾﮏ ﻟﻔﺎﻓﮧ ﻧﮑﺎﻝ ﮐﺮ ﺍﺳﮯ ﺩﮮ ﺭﮨﮯ ﺗﮭﮯ۔
ﯾﮧ ﮐﯿﺎ ﮨﮯ؟ ﺍﺱ ﻧﮯ ﻟﻔﺎﻓﮧ ﺗﮭﺎﻣﮯ ﺑﻐﯿﺮ ﺍﻥ ﺳﮯ ﭘﻮﭼﮭﺎ۔
ﺟﺎﺋﺪﺍﺩ ﻣﯿﮟ ﺗﻤﺎﺭﺍ ﺣﺼﮧ۔ ﺍﺳﯽ ﺣﺼﮯ ﮐﮯ ﻟﯿﮯ ﺗﻤﮩﺎﺭﮮ ﺑﮭﺎﺋﯿﻮﮞ ﮐﻮ ﺧﻔﺎ ﮐﺮ ﺩﯾﺎ ﮨﮯ ﻣﯿﮟ ﻧﮯ۔ ﻭﮦ ﯾﮧ ﺑﮭﯽ ﻟﯿﻨﺎ ﭼﺎﮨﺘﮯ ﺗﮭﮯ ﻣﺠﮫ ﺳﮯ۔ ﻟﯿﮑﻦ ﻣﯿﮟ ﺗﻤﮩﺎﺭﯼ ﭼﯿﺰ ﺍﻧﮩﯿﮟ ﻧﮩﯿﮟ ﺩﮮ ﺳﮑﺘﺎ ﺗﮭﺎ۔ ﺳﺎﺭﯼ ﻋﻤﺮ ﺗﻤﮩﯿﮟ ﮐﭽﮫ ﻧﮩﯿﮟ ﺩﮮ ﺳﮑﺎ۔ ﮐﭽﮫ ﺗﻮ ﺩﯾﻨﺎ ﭼﺎﮨﺘﺎ ﺗﮭﺎ ﺗﻤﮩﯿﮟ ﻣﺮﻧﮯ ﺳﮯ ﭘﮩﻠﮯ۔
ﻭﮦ ﺍﻥ ﮐﯽ ﺑﺎﺕ ﭘﺮ ﺭﻭ ﭘﮍﯼ۔ ﺍﺑﻮ ﺍﺱ ﮐﯽ ﺿﺮﻭﺭﺕ ﻧﮩﯿﮟ ﺗﮭﯽ ﻣﺠﮭﮯ، ﻣﯿﮟ ﺍﺳﮯ ﻟﮯ ﮐﺮ ﮐﯿﺎ ﮐﺮﻭﮞ ﮔﯽ۔ ﺍﮔﺮ ﻣﯿﺮﮮ ﺑﮭﺎﺋﯿﻮﮞ ﮐﻮ ﻣﯿﺮﺍ ﺣﺼﮧ ﺩﯾﻨﮯ ﺳﮯ ﺍﻥ ﮐﯽ ﺯﻧﺪﮔﯽ ﻣﯿﮟ ﺁﭖ ﮐﮯ ﻟﯿﮯ ﮐﻮﺋﯽ ﮔﻨﺠﺎﺋﺶ ﻧﮑﻠﺘﯽ ﮨﮯ ﺗﻮ ﺍﻧﮩﯿﮟ ﺩﯾﮟ۔
ﮨﺎﺷﻢ ﻣﺒﯿﻦ ﻧﮯ ﺑﮯ ﺣﺪ ﻣﺎﯾﻮﺳﯽ ﺳﮯ ﻧﻔﯽ ﻣﯿﮟ ﺳﺮ ﮨﻼﯾﺎ۔ﻣﯿﮟ ﺍﺏ ﺍﻥ ﮐﮯ ﻟﯿﺌﻠﮯ ﻏﯿﺮ ﻣﺴﻠﻢ ﮨﻮﮞ ﺍﻣﺎﻣﮧ۔ ﻭﮦ ﻣﺠﮭﮯ ﺍﭘﻨﯽ ﺯﻧﺪﮔﯽ ﺳﮯ ﻧﮑﺎﻝ ﮐﺮ ﭘﮭﯿﻨﮏ ﭼﮑﮯ ﮨﯿﮟ۔ ﺟﯿﺴﮯ ﮐﺒﮭﯽ ﻣﯿﮟ ﻧﮯ ﺗﻤﮩﯿﮟ ﻧﮑﺎﻻ ﺗﮭﺎ۔ ﻭﮦ ﺷﮑﺴﺖ ﺧﻮﺭﺩﮦ ﺍﻧﺪﺍﺯ ﻣﯿﮟ ﮐﮩﮧ ﺭﮨﮯ ﺗﮭﮯ۔
ﭘﮭﺮ ﺁﭖ ﻣﯿﺮﺍ ﺣﺼﮧ ﺑﯿﭻ ﮐﺮ ﺍﭘﻨﮯ ﻟﯿﮯ ﮐﻮﺋﯽ ﮔﮭﺮ ﻟﮯ ﻟﯿﮟ۔ﮐﻮﺋﯽ ﺟﮕﮧ۔ ﻣﯿﺮﮮ ﭘﺎﺱ ﺍﺏ ﺳﺐ ﮐﭽﮫ ﮨﮯ۔ ﺍﻣﺎﻣﮧ ﻧﮯ ﻭﮦ ﻟﻔﺎﻓﮧ ﭘﮑﮍ ﮐﺮ ﺍﻥ ﮐﮯ ﺑﯿﮓ ﻣﯿﮟ ﻭﺍﭘﺲ ﺭﮐﮫ ﺩﯾﺎ ﺗﮭﺎ۔
ﺗﻢ ﻧﮯ ﻣﺠﮭﮯ ﻣﻌﺎﻑ ﻧﮩﯿﮟ ﮐﯿﺎ؟ ﺍﻧﮩﻮﮞ ﻧﮯ ﺭﻧﺠﯿﺪﮔﯽ ﺳﮯ ﮐﮩﺎ۔
ﻣﯿﮟ ﺁﭖ ﮐﻮ ﻣﻌﺎﻑ ﮐﺮﻧﮯ ﻭﺍﻟﯽ ﮐﻮﻥ ﮨﻮﺗﯽ ﮨﻮﮞ ﺍﺑﻮ۔ ﯾﮧ ﻓﯿﺼﻠﮧ ﺗﻮ ﺁﭖ ﮐﮯ ﻟﯿﮯ ﺍﻟﻠﮧ ﻧﮯ ﮐﺮﻧﺎ ﮨﮯ۔ ﻣﯿﮟ ﺻﺮﻑ ﯾﮧ ﺩﻋﺎ ﮐﺮ ﺳﮑﺘﯽ ﮨﻮﮞ ﮐﮧ ﺍﻟﻠﮧ ﺁﭖ ﮐﻮ ﻣﻌﺎﻑ ﮐﺮ ﺩﮮ۔ ﺑﮍﯼ ﻣﻌﺎﻓﯽ ﺗﻮ ﻭﮨﺎﮞ ﺳﮯ ﺁﻧﯽ ﭼﺎﮨﯿﮯ۔
ﻭﮦ ﺳﺮ ﺟﮭﮑﺎﺋﮯ ﺑﯿﭩﮭﮯ ﺭﮨﮯ ﭘﮭﺮ ﺍﻧﮩﻮﮞ ﻧﮯ ﮐﮩﺎ۔
ﺗﻢ ﮨﻢ ﺳﮯ ﻣﻠﺘﯽ ﺭﮨﻮ ﮔﯽ ﻧﺎ؟ ﻋﺠﯿﺐ ﺁﺱ ﺍﻭﺭ ﺣﺴﺮﺕ ﺗﮭﯽ۔ ﺍﻣﺎﻣﮧ ﻧﮯ ﺳﺮ ﮨﻼ ﺩﯾﺎ ﺗﮭﺎ۔ ﻣﺎﮞ ﺑﺎﭖ ﮐﺎ ﯾﮧ ﺣﺎﻝ ﺍﺳﮯ ﺩﻝ ﮔﺮﻓﺘﮧ ﮐﯿﮯ ﮨﻮﺋﮯ ﺗﮭﺎ۔ ﮨﺎﺷﻢ ﻣﺒﯿﻦ ﮐﮯ ﭼﮩﺮﮮ ﭘﺮ ﺍﺱ ﻣﻼﻗﺎﺕ ﮐﮯ ﺩﻭﺭﺍﻥ ﭘﮩﻠﯽ ﺑﺎﺭ ﻣﺴﮑﺮﺍﮨﭧ ﺁﺋﯽ ﺗﮭﯽ۔
ﻣﯿﮟ ﺟﺎﺋﺪﺍﺩ ﮐﺎ ﯾﮧ ﺣﺼﮧ ﺗﻤﮩﺎﺭﮮ ﺑﭽﻮﮞ ﮐﮯ ﻧﺎﻡ ﮐﺮ ﺩﯾﺘﺎ ﮨﻮﮞ ﺍﻣﺎﻣﮧ۔
ﺍﺑﻮ ﻣﯿﮟ ﺁﭖ ﮐﯽ ﺟﺎﺋﺪﺍﺩ ﺍﻭﺭ ﺭﻭﭘﮯ ﭘﯿﺴﮯ ﻣﯿﮟ ﺳﮯ ﮐﭽﮫ ﺑﮭﯽ ﻧﮩﯿﮟ ﻟﻮﮞ ﮔﯽ۔ ﻣﯿﮟ ﻟﻮﮞ ﮔﯽ ﺑﮭﯽ ﺗﻮ ﺳﺎﻻﺭ ﻭﺍﭘﺲ ﮐﺮ ﺩﮮ ﮔﺎ۔ ﺍﺱ ﻧﮯ ﮨﺎﺷﻢ ﺳﮯ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﮐﮩﺎ ﺗﮭﺎ۔
ﮨﺎﺷﻢ ﻣﺒﯿﻦ ﮐﭽﮫ ﺩﯾﺮ ﺑﯿﭩﮭﮯ ﺭﮨﮯ۔ ﭘﮭﺮ ﺍﺳﮯ ﺳﺎﺗﮫ ﻟﮯ ﮐﺮ ﺍﺱ ﮐﯽ ﻣﺎﮞ ﺳﮯ ﻣﻠﻮﺍﻧﮯ ﻟﮯ ﮔﺌﮯ۔ ﺳﮑﻨﺪﺭ ﺍﻭﺭ ﺍﻥ ﮐﯽ ﺑﯿﻮﯼ ﺑﮭﯽ ﺳﺎﺗﮫ ﮔﺌﮯ ﺗﮭﮯ۔ ﻭﮦ ﺍﯾﮏ ﺍﻭﺭ ﺟﺬﺑﺎﺗﯽ ﻣﻼﻗﺎﺕ ﺗﮭﯽ۔
ﺗﻢ ﺍﺏ ﺑﮩﺖ ﺑﮩﺎﺩﺭ ﮨﻮ ﮔﺌﯽ ﮨﻮ۔ ﺍﺱ ﺭﺍﺕ ﺳﺎﻻﺭ ﻧﮯ ﺍﺱ ﺳﮯ ﮐﮩﺎ۔ ﺍﺱ ﻧﮯ ﺍﭘﻨﮯ ﺍﺱ ﺩﻥ ﮐﯽ ﺭﻭﺩﺍﺩ ﺳﻨﺎﺋﯽ ﺗﮭﯽ ﺍﺳﮯ ﻓﻮﻥ ﭘﺮ۔
ﮐﯿﺴﮯ؟ ﻭﮦ ﺍﺱ ﮐﮯ ﺗﺒﺼﺮﮮ ﭘﺮ ﺣﯿﺮﺍﻥ ﮨﻮﺋﯽ۔ ﺗﻢ ﺁﺝ ﺍﯾﮏ ﺑﺎﺭ ﺑﮭﯽ ﻧﮩﯿﮟ ﺭﻭﺋﯽ ﻣﺠﮭﮯ ﺍﭘﻨﮯ ﭘﯿﺮﻧﭩﺲ ﺳﮯ ﻣﻼﻗﺎﺕ ﮐﮯ ﺑﺎﺭﮮ ﻣﯿﮟ ﺑﺘﺎﺗﮯ ﮨﻮﺋﮯ۔ ﻭﮦ ﭼﭗ ﺭﮨﯽ، ﭘﮭﺮ ﺍﺱ ﻧﮯ ﺳﺎﻻﺭ ﺳﮯ ﮐﮩﺎ۔
ﺁﺝ ﺍﯾﮏ ﺍﻭﺭ ﺑﻮﺟﮫ ﻣﯿﺮﮮ ﮐﻨﺪﮬﻮﮞ ﺍﻭﺭ ﺩﻝ ﺳﮯ ﮨﭧ ﮔﯿﺎ ﮨﮯ۔ ﺑﮩﺖ ﺩﯾﺮ ﺳﮯ ﺳﮩﯽ ﻟﯿﮑﻦ ﺍﻟﻠﮧ ﺗﻌﺎﻟﯽ ﻧﮯ ﮔﻤﺮﺍﮨﯽ ﺳﮯ ﻧﮑﺎﻝ ﻟﯿﺎ ﮨﮯ ﻣﯿﺮﮮ ﻣﺎﮞ ﺑﺎﭖ ﮐﻮ۔ ﺩﻋﺎﺋﯿﮟ ﻗﺒﻮﻝ ﮨﻮﺗﯽ ﮨﯿﮟ ﺳﺎﻻﺭ۔ ﺩﯾﺮ ﺳﮯ ﺳﮩﯽ، ﻟﯿﮑﻦ ﻗﺒﻮﻝ ﮨﻮ ﺟﺎﺗﯽ ﮨﮯ۔ ﺍﻣﺎﻣﮧ ﮐﮯ ﻟﮩﺠﮯ ﻣﯿﮟ ﻋﺠﯿﺐ ﻃﻤﺎﻧﯿﺖ ﺗﮭﯽ ﺟﻮ ﮨﺰﺍﺭﻭﮞ ﻣﯿﻞ ﺩﻭﺭ ﺑﯿﭩﮭﮯ ﺳﺎﻻﺭ ﻧﮯ ﻣﺤﺴﻮﺱ ﮐﯽ۔
ﺗﻤﮩﺎﺭﯼ ﮨﻮ ﺟﺎﺗﯽ ﮨﮯ۔ ﺍﺱ ﻧﮯ ﻣﺪﮬﻢ ﺁﻭﺍﺯ ﻣﯿﮟ ﺍﻣﺎﻣﮧ ﺳﮯ ﮐﮩﺎ۔
ﮐﯿﺎ ﺗﻤﮩﺎﺭﯼ ﻧﮩﯿﮟ ﮨﻮﺗﯽ؟ ﺍﺱ ﻧﮯ ﺟﻮﺍﺑﺎً ﭘﻮﭼﮭﺎ۔
ﻣﯿﺮﯼ ﺑﮭﯽ ﮨﻮﺗﯽ ﮨﯿﮟ۔ ﻟﯿﮑﻦ ﺗﻤﮩﺎﺭﯼ ﺯﯾﺎﺩﮦ ﮨﻮﺗﯽ ﮨﮯ۔ ﻭﮦ ﮐﮩﮧ ﺭﮨﺎ ﺗﮭﺎ۔
ﺍﻟﺤﻤﺪ ﺍﻟﻠﮧ ! ﺍﻣﺎﻣﮧ ﻧﮯ ﺟﻮﺍﺑﺎً ﮐﮩﺎ۔ ﻭﮦ ﮨﻨﺲ ﭘﮍﺍ۔
ﺗﻢ ﻣﯿﺮﮮ ﭘﯿﺮﻧﭩﺲ ﮐﻮ ﺍﻭﻟﮉ ﮨﻮﻡ ﺳﮯ ﻧﮑﺎﻝ ﮐﺮ ﺍﻧﮩﯿﮟ ﮐﻮﺋﯽ ﮔﮭﺮ ﻟﮯ ﺩﻭ۔ ﺍﻥ ﮐﮯ ﭘﺎﺱ ﻣﯿﺮﮮ ﺟﺎﺋﺪﺍﺩ ﮐﺎ ﺟﻮ ﺣﺼﮧ ﮨﮯ ﺍﺳﮯ ﺑﯿﭻ ﮐﺮ۔ ﺑﮯ ﺷﮏ ﭼﮭﻮﭨﺎ ﮔﮭﺮ ﮨﻮ ﻟﯿﮑﻦ ﻣﯿﮟ ﺍﻧﮩﯿﮟ ﺍﻭﻟﮉ ﮨﻮﻡ ﻣﯿﮟ ﻧﮩﯿﮟ ﺩﯾﮑﮫ ﺳﮑﺘﯽ۔
ﻣﯿﮟ ﭘﺎﭘﺎ ﺳﮯ ﮐﮩﮧ ﺩﻭﮞ ﮔﺎ ﻭﮦ ﮐﺮ ﺩﯾﮟ ﮔﮯ ﯾﮧ ﮐﺎﻡ۔ ﺍﻥ ﮐﺎ ﺧﯿﺎﻝ ﺑﮭﯽ ﺭﮐﮭﯿﮟ ﮔﮯ۔ ﺗﻢ ﺍﺳﻼﻡ ﺁﺑﺎﺩ ﻣﯿﮟ ﻣﺴﺘﻘﻞ ﺭﮨﻨﺎ ﭼﺎﮨﺘﯽ ﮨﻮ ﺗﻮ ﺭﮦ ﺳﮑﺘﯽ ﮨﻮ ﺍﻣﺎﻣﮧ۔ ﺗﻢ ﺍﻭﺭ ﺑﭽﮯ ﻭﮨﺎﮞ۔۔۔۔۔۔۔۔

ﺍﻣﺎﻣﮧ ﻧﮯ ﺍﺱ ﮐﯽ ﺑﺎﺕ ﮐﺎﭦ ﺩﯼ۔ ﻣﯿﮟ ﺗﻤﮩﺎﺭﮮ ﭘﺎﺱ ﺭﮨﻨﺎ ﭼﺎﮨﺘﯽ ﮨﻮﮞ ﺍﻭﺭ ﺍﺳﯽ ﺗﺎﺭﯾﺦ ﮐﻮ ﻭﺍﭘﺲ ﺁﺭﮨﯽ ﮨﻮﮞ۔

ﺳﯽ ﺁﺋﯽ ﺍﮮ ﻧﮯ ﺳﺎﻻﺭ ﺳﮑﻨﺪﺭ ﮐﯽ ﺍﺱ ﺳﺮﮔﺮﻣﯽ ﮐﻮ ﺻﺮﻑ ﻣﺎﻧﯿﭩﺮ ﺍﻭﺭ ﺭﯾﮑﺎﺭﮈ ﻧﮩﯿﮟ ﮐﯿﺎ ﺗﮭﺎ ﺍﺱ ﻣﻼﻗﺎﺕ ﻣﯿﮟ ﺷﺎﻣﻞ ﭘﺎﻧﭻ ﺍﻓﺮﺍﺩ ﮐﻮ ﺑﮭﯽ ﺍﭘﻨﯽ ﻭﺍﭺ ﻟﺴﭧ ﻣﯿﮟ ﮈﺍﻝ ﺩﯾﺎ ﺗﮭﺎ۔ ﺍﮔﻠﮯ ﺁﻧﮯ ﻭﺍﻟﯽ ﻣﮩﯿﻨﻮﮞ ﻣﯿﮟ ﺳﺎﻻﺭ ﺳﮑﻨﺪﺭ ﺍﻭﺭ ﺍﻥ ﭘﺎﻧﭻ ﺍﻓﺮﺍﺩ ﮐﮯ ﺑﮩﺖ ﺳﺎﺭﮮ ﺗﻔﺮﯾﺤﯽ ﺩﻭﺭﮮ ﮨﻮﺗﮯ ﺭﮨﮯ ﺗﮭﮯ۔ ﻟﯿﮑﻦ ﺍﺏ ﺳﯽ ﺁﺋﯽ ﺍﮮ ﺻﺮﻑ ﺳﺎﻻﺭ ﺳﮑﻨﺪﺭ ﮐﯽ ﻧﮩﯿﮟ، ﺍﻥ ﭘﺎﻧﭻ ﺍﻓﺮﺍﺩ ﮐﯽ ﻧﻘﻞ ﻭ ﺣﺮﮐﺖ ﮐﻮ ﺑﮭﯽ ﻣﺎﻧﯿﭩﺮ ﮐﺮ ﺭﮨﯽ ﺗﮭﯽ۔ ﻭﮦ ﭘﺎﻧﭻ ﺍﻓﺮﺍﺩ ﺳﺎﻻﺭ ﺳﮯ ﺻﺮﻑ ﭼﻨﺪ ﻣﺎﮦ ﻣﻠﺘﮯ ﺭﮨﮯ ﭘﮭﺮ ﺍﺱ ﮐﮯ ﺑﻌﺪ ﺍﻥ ﮐﯽ ﻣﻼﻗﺎﺗﻮﮞ ﮐﺎ ﺳﻠﺴﻠﮧ ﺧﺘﻢ ﮨﻮ ﮔﯿﺎ۔ ﻭﮦ ﭘﺎﻧﭻ ﺍﻓﺮﺍﺩ ﺍﺏ ﺁﭘﺲ ﻣﯿﮟ ﻧﮩﯿﮟ ﻣﻞ ﺭﮨﮯ ﺗﮭﮯ ﻟﯿﮑﻦ ﺍﻧﻔﺮﺍﺩﯼ ﻃﻮﺭ ﭘﺮ ﺍﺳﯽ ﻃﺮﺡ ﻣﻼﻗﺎﺗﯿﮟ ﮐﺮ ﺭﮨﮯ ﺗﮭﮯ۔

ﻭﮦ ﺍﯾﮏ ﺍﺳﻼﻣﯽ ﻣﺎﻟﯿﺎﺗﯽ ﺳﺴﭩﻢ ﭘﺮ ﮐﺎﻡ ﮐﺮ ﺭﮨﮯ ﺗﮭﮯ ﺍﻭﺭ ﯾﮧ ﺑﺎﺕ ﺳﯽ ﺁﺋﯽ ﺍﮮ ﺟﺎﻧﺘﯽ ﺗﮭﯽ ﻟﯿﮑﻦ ﺍﺱ ﻧﻈﺎﻡ ﮐﯽ ﺷﮑﻞ ﮐﯿﺎ ﺗﮭﯽ۔ ﻭﮦ ﺍﺳﮯ ﺑﻮﺟﮭﻨﮯ ﻣﯿﮟ ﮐﺎﻣﯿﺎﺏ ﻧﮩﯿﮟ ﮨﻮ ﺭﮨﮯ ﺗﮭﮯ۔ ﺍﻭﺭ ﺍﺱ ﮐﯽ ﻭﺟﮧ ﺻﺮﻑ ﺍﯾﮏ ﺗﮭﯽ۔ ﺍﯾﮏ ﺟﮕﺴﺎ ﭘﺰﻝ ﮐﯽ ﻃﺮﺡ ﺍﺱ ﻧﻈﺎﻡ ﺳﮯ ﻣﻨﺴﻠﮏ ﮨﻮﻧﮯ ﻭﺍﻟﮯ ﺳﺐ ﺍﻓﺮﺍﺩ ﮐﮯ ﭘﺎﺱ ﺍﺱ ﮐﺎ ﺍﯾﮏ ﺍﯾﮏ ﭨﮑﮍﺍ ﺗﮭﺎ۔ ﺍﻭﺭ ﻭﮦ ﺍﺱ ﭨﮑﮍﮮ ﮐﻮ ﺍﭼﮭﯽ ﻃﺮﺡ ﺟﺎﻧﺘﺎ ﺍﻭﺭ ﺳﻤﺠﮭﺘﺎ ﺗﮭﺎ۔۔ ﻟﯿﮑﻦ ﻭﮦ ﭨﮑﮍﺍ ﺍﺱ ﺗﺼﻮﯾﺮ ﻣﯿﮟ ﮐﮩﺎﮞ ﻟﮕﻨﺎ ﺗﮭﺎ ﯾﮧ ﺻﺮﻑ ﺍﯾﮏ ﺷﺨﺺ ﺟﺎﻧﺘﺎ ﺗﮭﺎ۔ ﺳﺎﻻﺭ ﺳﮑﻨﺪﺭ۔

ﻣﻤﯽ ! ﺣﻤﯿﻦ ﮐﺐ ﺑﮍﺍ ﮨﻮ ﮔﺎ؟ ﺍﺱ ﺩﻥ ﺟﺒﺮﯾﻞ ﻧﮯ ﺍﭘﻨﯽ ﺁﺭﭦ ﺑﮏ ﻣﯿﮟ ﮐﭽﮫ ﺑﻨﺎﺗﮯ ﮨﻮﺋﮯ ﺍﻣﺎﻣﮧ ﺳﮯ ﭘﻮﭼﮭﺎ۔
ﺑﮍﺍ ﺗﻮ ﮨﻮ ﮔﯿﺎ ﮨﮯ۔ ﺍﻣﺎﻣﮧ ﻧﮯ ﺍﺱ ﮐﮯ ﺳﻮﺍﻝ ﺍﻭﺭ ﺍﻧﺪﺍﺯ ﭘﺮ ﻏﻮﺭ ﮐﯿﮯ ﺑﻐﯿﺮ ﮐﮩﺎ۔
ﺗﻮ ﭘﮭﺮ ﺭﻭﺗﺎ ﮐﯿﻮﮞ ﮨﮯ؟ ﺍﻣﺎﻣﮧ ﺑﮯ ﭼﺎﺭﮔﯽ ﺳﮯ ﺍﭘﻨﮯ ﺑﮍﮮ ﺑﯿﭩﮯ ﮐﻮ ﺩﯾﮑﮫ ﮐﺮ ﺭﮦ ﮔﺌﯽ۔
ﺁﭖ ﺍﺱ ﺳﮯ ﭘﻮﭼﮭﯿﮟ ﮐﮧ ﺍﺱ ﮐﻮ ﮐﯿﺎ ﭼﺎﮨﯿﮯ؟ ﻭﮦ ﺍﻣﺎﻣﮧ ﮐﻮ ﺟﯿﺴﮯ ﻣﺴﺌﻠﮯ ﮐﺎ ﺣﻞ ﺑﺘﺎ ﺭﮨﺎ ﺗﮭﺎ۔
ﻣﯿﮟ ﭘﻮﭼﮫ ﻧﮩﯿﮟ ﺳﮑﺘﯽ ﺍﻭﺭ ﯾﮧ ﺑﺘﺎ ﻧﮩﯿﮟ ﺳﮑﺘﺎ۔ﺍﻣﺎﻣﮧ ﺍﺏ ﺑﮭﯽ ﺍﺳﮯ ﺍﭨﮭﺎﺋﮯ ﻻﺅﻧﺞ ﻣﯿﮟ ﭨﮩﻠﺘﮯ ﮨﻮﺋﮯ ﺍﺳﮯ ﺗﮭﭙﮏ ﺭﮨﯽ ﺗﮭﯽ۔ ﻭﮦ ﺑﻐﯿﺮ ﺁﻧﺴﻮﺅﮞ ﮐﮯ ﮔﻼ ﭘﮭﺎﮌ ﭘﮭﺎﮌ ﮐﺮ ﺭﻭﺗﺎ ﺗﮭﺎ ﺍﻭﺭ ﭘﮭﺮ ﺭﻭﻧﮯ ﮐﮯ ﺑﯿﭽﻮﮞ ﺑﯿﭻ ﺑﮭﯽ ﺩﻟﭽﺴﭗ ﭼﯿﺰ ﻧﻈﺮ ﺁﻧﮯ ﭘﺮ ﺍﯾﮏ ﺩﻡ ﺭﻭﻧﺎ ﺑﻨﺪ ﮐﺮ ﮐﮯ ﺍﺱ ﮐﺎ ﺟﺎﺋﺰﮦ ﻟﯿﻨﮯ ﻣﯿﮟ ﻣﺼﺮﻭﻑ ﮨﻮ ﺟﺎﺗﺎ ﺍﻭﺭ ﺟﺐ ﺍﺱ ﮐﺎﻡ ﺳﮯ ﻓﺎﺭﻍ ﮨﻮ ﺟﺎﺗﺎ ﺗﻮ ﺍﯾﮏ ﺑﺎﺭ ﭘﮭﺮ ﺍﭘﻨﮯ ﺭﻭﻧﮯ ﮐﮯ ﺳﻠﺴﻠﮯ ﮐﻮ ﻭﮨﯽ ﺳﮯ ﺟﺎﺭﯼ ﺭﮐﮭﺘﺎ ﺟﮩﺎﮞ ﭼﮭﻮﮌﺍ ﺗﮭﺎ۔
ﺳﺎﺕ ﺁﭨﮫ ﻣﺎﮦ ﮐﯽ ﻋﻤﺮ ﻣﯿﮟ ﮨﯽ ﺍﺱ ﻧﮯ ﺑﯿﮏ ﻭﻗﺖ ﭼﺎﺭ ﺩﺍﻧﺖ ﻧﮑﺎﻟﻨﮯ ﺷﺮﻭﻉ ﮐﯿﮯ۔
ﺍﺱ ﮐﻮ ﺟﻠﺪﯼ ﮐﺲ ﺑﺎﺕ ﮐﯽ ﮨﮯ؟ ﺑﯿﮏ ﻭﻗﺖ ﭼﺎﺭ ﺩﺍﻧﺘﻮﮞ ﮐﻮ ﻧﮑﻠﺘﮯ ﺩﯾﮑﮫ ﮐﺮ ﺳﺎﻻﺭ ﻧﮯ ﮐﮩﺎ۔ ﺟﺒﺮﯾﻞ ﺍﻭﺭ ﻭﮦ، ﺣﻤﯿﻦ ﺳﮑﻨﺪﺭ ﮐﮯ ﺑﺎﺭﮮ ﻣﯿﮟ ﺍﯾﮏ ﺟﯿﺴﮯ ﺗﺎﺛﺮﺍﺕ ﺭﮐﮭﺘﮯ ﺗﮭﮯ۔
ﯾﮧ ﺗﻢ ﺧﻮﺩ ﺍﺱ ﺳﮯ ﭘﻮﭼﮫ ﻟﻮ۔ ﺍﻣﺎﻣﮧ ﻧﮯ ﺟﻮﺍﺏ ﺩﯾﺎ۔
ﺣﻤﯿﻦ ﺍﻥ ﭼﺎﺭ ﺩﺍﻧﺘﻮﮞ ﮐﮯ ﻇﮩﻮﺭ ﭘﺬﯾﺮ ﮨﻮﻧﮯ ﺳﮯ ﭘﮩﻠﮯ ﺑﮭﯽ ﺻﺮﻑ ﺑﮍﻭﮞ ﮐﮯ ﮐﮭﺎﻧﮯ ﻭﺍﻟﯽ ﮨﺮ ﺍﺱ ﭼﯿﺰ ﻣﯿﮟ ﺩﻟﭽﺴﭙﯽ ﻟﯿﺘﺎ ﺗﮭﺎ ﺟﻮ ﭼﭩﺨﺎﺭﮮ ﻭﺍﻟﯽ ﮨﻮﺗﯽ ﺗﮭﯽ۔ﺍﭘﻨﮯ ﭘﻮﭘﻠﮯ ﻣﻨﮧ ﮐﮯ ﺳﺎﺗﮫ ﺑﮭﯽ ﭼﭙﺲ ﺍﺱ ﮐﯽ ﭘﺴﻨﺪﯾﺪﮦ ﺧﻮﺭﺍﮎ ﺗﮭﯽ۔ ﺟﺴﮯ ﻭﮦ ﺻﺮﻑ ﭼﺒﺎ ﻧﮩﯿﮟ ﺳﮑﺘﺎ ﺗﮭﺎ، ﻧﮕﻞ ﺑﮭﯽ ﺳﮑﺘﺎ ﺗﮭﺎ۔ ﻭﮦ ﭼﭙﺲ ﮐﺎ ﭘﯿﮑﭧ ﺗﮏ ﭘﮩﭽﺎﻧﺘﺎ ﺗﮭﺎ ﺍﻭﺭ ﺍﯾﺴﺎ ﻣﻤﮑﻦ ﻧﮩﯿﮟ ﺗﮭﺎ ﮐﮧ ﺟﺒﺮﯾﻞ ﺍﻭﺭ ﻋﻨﺎﯾﮧ ﺍﺱ ﮐﮯ ﻗﺮﯾﺐ ﺑﯿﭩﮫ ﮐﺮ ﮐﻮﺋﯽ ﭼﯿﺰ ﺍﻃﻤﯿﻨﺎﻥ ﺳﮯ، ﺍﺳﮯ ﮐﮭﻼﺋﮯ ﺑﻐﯿﺮ ﺧﻮﺩ ﮐﮭﺎ ﻟﯿﺘﮯ۔
ﻭﮦ ﻋﺠﯿﺐ ﻭ ﻏﺮﯾﺐ ﺑﭽﮧ ﺗﮭﺎ ﺍﻭﺭ ﯾﮧ ﻧﺎﻡ ﺍﺱ ﮐﮯ ﺑﺎﺭﮮ ﻣﯿﮟ ﺳﺎﻻﺭ ﻧﮯ ﺩﯾﺎ ﺗﮭﺎ۔ ﺟﺲ ﮐﺎ ﺧﯿﺎﻝ ﺗﮭﺎ ﮐﮧ ﺍﺱ ﻧﮯ ﺍﯾﺴﯽ ﻣﺨﻠﻮﻕ ﮐﺒﮭﯽ ﻧﮩﯿﮟ ﺩﯾﮑﮭﯽ۔
ﺳﮑﻨﺪﺭ ﻋﺜﻤﺎﻥ ﻧﮯ ﺍﺱ ﺳﮯ ﮐﮩﺎ ﺗﮭﺎ۔ ﻣﯿﮟ ﻧﮯ ﺩﯾﮑﮭﯽ ﮨﮯ۔ﻭﮦ ﺗﻤﮩﺎﺭﯼ ﮐﺎﭘﯽ ﮨﮯ۔
ﯾﮧ ﺯﯾﺎﺩﺗﯽ ﮨﮯ۔ ﺳﺎﻻﺭ ﻧﮯ ﺍﺱ ﮐﯽ ﺑﺎﺕ ﭘﺮ ﺍﺣﺘﺠﺎﺝ ﮐﯿﺎ ﺗﮭﺎ۔ ﻭﮦ ﺍﻭﺭ ﻃﯿﺒﮧ ﺍﻥ ﮐﮯ ﭘﺎﺱ ﮐﺎﻧﮕﻮ ﺁﺋﮯ ﺗﮭﮯ ﺟﺐ ﻭﮦ ﺩﻭﻧﻮﮞ ﺣﻤﯿﻦ ﺳﮑﻨﺪﺭ ﮐﮯ ﮨﺎﺗﮭﻮﮞ ﺑﻨﻨﮯ ﻭﺍﻟﯽ ﺍﺱ ﮐﯽ ﺩﺭﮔﺖ ﺩﯾﮑﮫ ﺭﮨﮯ ﺗﮭﮯ۔ ﻭﮦ ﺗﺐ ﺩﺱ ﻣﺎﮦ ﮐﺎ ﺗﮭﺎ ﺍﻭﺭ ﺳﺐ ﺳﮯ ﭘﮩﻠﮯ ﺍﺱ ﻧﮯ ﺟﻮ ﻟﻔﻆ ﺑﻮﻟﻨﺎ ﺷﺮﻭﻉ ﮐﯿﺎ ﺗﮭﺎ ﻭﮦ ” ﺳﺎﻻ ” ﺗﮭﺎ۔ ﺍﻭﺭ ﮨﺮ ﺑﺎﺭ ﺳﺎﻻﺭ ﮐﻮ ﮔﮭﺮ ﻣﯿﮟ ﺩﺍﺧﻞ ﮨﻮﺗﮯ ﺩﯾﮑﮫ ﮐﺮ ﻭﮦ ﺑﮯ ﺣﺪ ﺧﻮﺷﯽ ﺳﮯ ﮨﺎﺗﮫ ﭘﺎﺅﮞ ﻣﺎﺭﺗﺎ ﺳﺎﻻ ﺳﺎﻻ ﭼﻼﺗﮯ ﮨﻮﺋﮯ ﺍﺱ ﮐﯽ ﻃﺮﻑ ﺟﺎﻧﮯ ﮐﯽ ﮐﻮﺷﺶ ﮐﺮﺗﺎ۔
ﺑﯿﭩﺎ ﺑﺎﺑﺎ ! ﭘﮩﻠﯽ ﺑﺎﺭ ﺳﺎﻻﺭ ﮐﮯ ﻟﯿﮯ ﻭﮦ ﻟﻔﻆ ﺳﻦ ﮐﺮ ﮨﻨﺴﯽ ﺳﮯ ﺑﮯ ﺣﺎﻝ ﮨﻮﻧﮯ ﮐﮯ ﺑﺎﻭﺟﻮﺩ ﺍﻣﺎﻣﮧ ﻧﮯ ﺍﺱ ﻟﻔﻆ ﮐﻮ ﺑﺪﻟﻨﮯ ﮐﯽ ﮐﻮﺷﺶ ﮐﯽ ﺗﮭﯽ۔ ﻭﮦ ﺳﺎﻻﺭ ﭘﺮ ﮨﺎﺗﮫ ﺭﮐﮭﺘﮯ ﮨﻮﺋﮯ ﺍﺳﮯ ﺗﻮﮌ ﺗﻮﮌ ﮐﺮ ﺳﮑﮭﺎ ﺭﮨﯽ ﺗﮭﯽ۔ ﺑﺎ۔۔۔۔۔۔۔ﺑﺎ۔
” ﺳﺎﻻ ” ﺣﻤﯿﻦ ﻧﮯ ﻣﺎﮞ ﮐﯽ ﻣﺤﻨﺖ ﭘﺮ ﭘﺎﻧﯽ ﭘﮭﯿﺮﺗﮯ ﮨﻮﺋﮯ ﺳﺎﻻﺭ ﮐﮯ ﻟﯿﮯ ﻭﮨﯽ ﻟﻔﻆ ﺍﺳﺘﻌﻤﺎﻝ ﮐﯿﺎ ﺟﻮ ﻭﮦ ﺳﺎﻻﺭ ﮐﮯ ﻟﯿﮯ ﺍﭘﻨﯽ ﻣﺎﮞ ﮐﻮ ﭘﮑﺎﺭﺗﮯ ﺳﻨﺘﺎ ﺗﮭﺎ۔
ﺗﻢ ﺍﺳﮯ ﺑﺎﺑﺎ ﻣﺖ ﺳﮑﮭﺎﺅ ﺻﺮﻑ ” ﺭ “ ﻟﮕﻮﺍ ﺩﻭ ﻣﯿﺮﮮ ﻧﺎﻡ ﮐﮯ ﺳﺎﺗﮫ۔ ﯾﮧ ﺑﮭﯽ ﻏﻨﯿﻤﺖ ﮨﮯ ﻣﯿﺮﮮ ﻟﯿﮯ۔ﺳﺎﻻﺭ ﻧﮯ ﺍﺳﮯ ﻣﺸﻮﺭﮦ ﺩﯾﺎ ﺗﮭﺎ۔ ﻭﮦ ﺑﮩﺮﺣﺎﻝ ﮐﭽﮫ ﺯﯾﺎﺩﮦ ﻣﺤﻈﻮﻅ ﻧﮩﯿﮟ ﮨﻮﺍ ﺗﮭﺎ ﺍﺱ ﻃﺮﺯ ﺗﺨﺎﻃﺐ ﺳﮯ، ﺟﻮ ﺳﮑﻨﺪﺭ ﺍﻭﺭ ﻃﯿﺒﮧ ﮐﮯ ﻟﯿﮯ ﺍﯾﮏ ﺗﻔﺮﯾﺢ ﺑﻦ ﮔﺌﯽ ﺗﮭﯽ۔ ﺟﺒﺮﯾﻞ ﺗﺤﻤﻞ ﺳﮯ ﺍﭘﻨﮯ ﺍﮐﻠﻮﺗﮯ ﭼﮭﻮﭨﮯ ﺑﮭﺎﺋﯽ ﮐﻮ ﺩﯾﮑﮭﺘﺎ ﺭﮨﺘﺎ ﺗﮭﺎ ﺟﺲ ﻧﮯ ﺍﺱ ﮐﮯ ﮔﮭﺮ ﮐﮯ ﺍﻣﻦ ﻭ ﺳﮑﻮﻥ ﮐﻮ ﺗﮩﮧ ﻭ ﺑﺎﻻ ﮐﺮ ﮐﮯ ﺭﮐﮭﺎ ﮨﻮﺍ ﺗﮭﺎ۔ ﭘﮩﻠﮯ ﺍﺱ ﮐﺎ ﺧﯿﺎﻝ ﺗﮭﺎ ﮐﮧ ﺣﻤﯿﻦ ﺑﮍﺍ ﮨﻮ ﺟﺎﺋﮯ ﺍﻭﺭ ﭼﻠﻨﺎ ﺷﺮﻭﻉ ﮨﻮ ﺟﺎﺋﮯ ﺗﻮ ﭨﮭﯿﮏ ﮨﻮ ﺟﺎﺋﮯ ﮔﺎ۔ ﻟﯿﮑﻦ ﺟﺐ ﺍﺱ ﻧﮯ ﭼﻠﻨﺎ ﺷﺮﻭﻉ ﮐﯿﺎ ﺗﻮ ﯾﮧ ﺩﯾﮑﮫ ﮐﺮ ﺍﺳﮯ ﺍﻧﺪﺍﺯﮦ ﮨﻮﺍ ﮐﮧ ﻭﮦ ﺍﺱ ﻣﺴﺌﻠﮯ ﮐﺎ ﻏﻠﻂ ﺣﻞ ﺗﮭﺎ۔
ﺣﻤﯿﻦ ﺳﮑﻨﺪﺭ ﮐﻮ ﭘﯿﺮ ﻧﮩﯿﮟ ﭘﺮ ﻣﻞ ﮔﺌﮯ ﺗﮭﮯ۔ ﺍﻭﺭ ﻭﮦ ﺍﺏ ﮐﮩﯿﮟ ﺑﮭﯽ ﺟﺎ ﺳﮑﺘﺎ ﺗﮭﺎ ﺍﻭﺭ ﮐﮩﯿﮟ ﺳﮯ ﻣﺮﺍﺩ ﮐﮩﯿﮟ ﺑﮭﯽ۔۔۔ ﺍﻭﺭ ﺍﺱ ﮐﯽ ﻓﯿﻮﺭﭦ ﺟﮕﮧ ﺑﺎﺗﮫ ﺭﻭﻡ ﺗﮭﯽ۔ ﻭﮦ ﺑﮭﯽ ﻭﮨﺎﮞ ﺍﺱ ﻭﻗﺖ ﺟﺎﻧﺎ ﭘﺴﻨﺪ ﮐﺮﺗﺎ ﺗﮭﺎ ﺟﺐ ﺟﺒﺮﯾﻞ ﺍﺳﮯ ﺑﺎﺗﮫ ﺭﻭﻡ ﻣﯿﮟ ﺟﺎﺗﺎ ﺩﮐﮭﺎﺋﯽ ﺩﯾﺘﺎ ﺍﻭﺭ ﺟﺒﺮﯾﻞ ﻧﮯ ﺍﺱ ﮐﮯ ﮨﺎﺗﮭﻮﮞ ﮐﺌﯽ ﺑﺎﺭ ﺧﺎﺻﯽ ﺷﺮﻣﻨﺎﮎ ﺻﻮﺭﺕ ﺣﺎﻝ ﮐﺎ ﺳﺎﻣﻨﺎ ﮐﯿﺎ۔ ﺟﺲ ﺑﺎﺗﮫ ﺭﻭﻡ ﮐﻮ ﺑﭽﮯ ﺍﺳﺘﻌﻤﺎﻝ ﮐﺮﺗﮯ ﺗﮭﮯ ﺍﺱ ﻣﯿﮟ ﻻﮎ ﻧﮩﯿﮟ ﺗﮭﺎ ﺍﻭﺭ ﺩﺭﻭﺍﺯﮮ ﮐﺎ ﮨﯿﻨﮉﻝ ﮔﮭﻤﺎ ﮐﺮ ﺍﺳﮯ ﮐﮭﻮﻟﻨﺎ ﺣﻤﯿﻦ ﮐﮯ ﺑﺎﺋﯿﮟ ﮨﺎﺗﮫ ﮐﺎ ﮐﮭﯿﻞ ﺗﮭﺎ۔ ﺟﺒﺮﯾﻞ ﮐﮯ ﻟﯿﮯ ﺣﻤﯿﻦ ﮐﯽ ﻣﻮﺟﻮﺩﮔﯽ ﻣﯿﮟ ﺑﺎﺗﮫ ﺭﻭﻡ ﺟﺎﻧﺎ ﺟﺎﻥ ﺟﻮﮐﮭﻮﮞ ﮐﺎ ﮐﺎﻡ ﺗﮭﺎ۔ ﻭﮦ ﺑﺎﺗﮫ ﺭﻭﻡ ﮐﮯ ﺩﺭﻭﺍﺯﮮ ﮐﯽ ﺍﻧﺪﺭﻭﻧﯽ ﻃﺮﻑ ﺑﺎﺗﮫ ﺭﻭﻡ ﻣﯿﮟ ﭘﮍﯼ ﺍﻥ ﺳﺐ ﭼﯿﺰﻭﮞ ﮐﻮ ﺭﮐﺎﻭﭨﻮﮞ ﮐﮯ ﻃﻮﺭ ﭘﺮ ﺩﺭﻭﺍﺯﮮ ﮐﮯ ﺳﺎﻣﻨﮯ ﮈﮬﯿﺮ ﮐﺮﺗﺎ۔
ﺳﺎﻻﺭ ﺳﮑﻨﺪﺭ ﺍﮔﺮ ﺍﺳﮯ ﻋﺠﯿﺐ ﻭ ﻏﺮﯾﺐ ﮐﮩﺘﺎ ﺗﮭﺎ ﺗﻮ ﺣﻤﯿﻦ ﺳﮑﻨﺪﺭ ﺑﺎﭖ ﮐﮯ ﺩﯾﮯ ﮔﺌﮯ ﺍﺱ ﭨﺎﺋﭩﻞ ﭘﺮ ﭘﻮﺭﺍ ﺍﺗﺮﻧﮯ ﮐﯽ ﮐﻮﺷﺶ ﮐﺮ ﺭﮨﺎ ﺗﮭﺎ ﺍﻭﺭ ﭘﻮﺭﯼ ﺩﻝ ﺟﻤﻌﯽ ﮐﮯ ﺳﺎﺗﮫ۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﻧﺎﺋﺐ ﺻﺪﺭ ﮐﮯ ﻃﻮﺭ ﭘﺮ ﺳﺎﻻﺭ ﻧﮯ ﺍﻓﺮﯾﻘﮧ ﮐﮯ ﻟﯿﮯ ﮐﺴﯽ ﻣﺸﯿﻦ ﮐﯽ ﻃﺮﺡ ﮐﺎﻡ ﮐﯿﺎ ﺗﮭﺎ۔ ﻭﮦ ﻣﺸﮑﻞ ﺗﺮﯾﻦ ﺍﮨﺪﺍﻑ ﮐﮯ ﺣﺼﻮﻝ ﮐﮯ ﻟﯿﮯ ﻧﺎﻣﺴﺎﻋﺪ ﺗﺮﯾﻦ ﺣﺎﻻﺕ ﻣﯿﮟ ﮐﺎﻡ ﮐﺮ ﺭﮨﺎ ﺗﮭﺎ ﺍﻭﺭ ﮐﺎﻣﯿﺎﺑﯽ ﺳﮯ ﮐﺮ ﺭﮨﺎ ﺗﮭﺎ۔
ﺳﺎﻻﺭ ﺳﮑﻨﺪﺭ ﮐﯽ ﻣﻼﺯﻣﺖ ﮐﺎ ﺩﻭﺭﺍﻧﯿﮧ ﺧﺘﻢ ﮨﻮﻧﮯ ﮐﮯ ﻗﺮﯾﺐ ﺁﺭﮨﺎ ﺗﮭﺎ۔ ﺑﻨﮏ ﻧﮯ ﯾﮧ ﺩﻭﺭﺍﻧﯿﮧ ﺧﺘﻢ ﮨﻮﻧﮯ ﺳﮯ ﺩﻭ ﺳﺎﻝ ﭘﮩﻠﮯ ﮨﯽ ﺳﺎﻻﺭ ﺳﮑﻨﺪﺭ ﮐﻮ ﻣﻼﺯﻣﺖ ﻣﯿﮟ ﺗﻮﺳﯿﻊ ﮐﯽ ﺁﻓﺮ ﮐﯽ ﺗﮭﯽ ﺍﻭﺭ ﺍﺱ ﻧﮯ ﯾﮧ ﺁﻓﺮ ﻗﺒﻮﻝ ﻧﮩﯿﮟ ﮐﯽ ﺗﮭﯽ۔ ﭘﮭﺮ ﺍﺱ ﺁﻓﺮ ﮐﻮ ﺑﺎﺭ ﺑﺎﺭ ﺑﮩﺘﺮ ﭘﯿﮑﺠﺰ ﮐﮯ ﺳﺎﺗﮫ ﺍﺳﮯ ﺍﺻﺮﺍﺭ ﮐﯿﺴﺎﺗﮫ ﭘﯿﺶ ﮐﯿﺎ ﺟﺎﺗﺎ ﺭﮨﺎ۔ ﻟﯿﮑﻦ ﺳﺎﻻﺭ ﮐﺎ ﺍﻧﮑﺎﺭ ﻗﺎﺋﻢ ﺭﮨﺎ ﺗﮭﺎ۔ ﻭﮦ ﺍﻓﺮﯾﻘﮧ ﻣﯿﮟ ﺍﭘﻨﮯ ﻗﯿﺎﻡ ﮐﻮ ﺍﺏ ﺧﺘﻢ ﮐﺮﻧﺎ ﭼﺎﮨﺘﺎ ﺗﮭﺎ۔ ﺍﻭﺭ ﻭﺭﻟﮉ ﺑﻨﮏ ﮐﮯ ﺳﺎﺗﮫ ﺍﻣﺮﯾﮑﻦ ﺣﮑﻮﻣﺖ ﮐﮯ ﻟﯿﮯ ﺑﮭﯽ ﯾﮧ ﺗﺸﻮﯾﺶ ﮐﯽ ﺑﺎﺕ ﺗﮭﯽ۔ ﺍﻓﺮﯾﻘﮧ ﮐﻮ ﺳﺎﻻﺭ ﺳﮑﻨﺪﺭ ﺳﮯ ﺑﮩﺘﺮ ﮐﻮﺋﯽ ﻧﮩﯿﮟ ﭼﻼ ﺳﮑﺘﺎ ﺗﮭﺎ۔ ﺍﺱ ﻧﮯ ﭘﭽﮭﻠﮯ ﭼﻨﺪ ﺳﺎﻟﻮﮞ ﻣﯿﮟ ﻧﮧ ﺻﺮﻑ ﻭﺭﻟﮉ ﺑﻨﮏ ﮐﯽ ﺳﺎﮐﮫ ﺍﻭﺭ ﺍﻣﯿﺞ ﮐﻮ ﮨﯽ ﺍﻓﺮﯾﻘﮧ ﻣﯿﮟ ﺑﺪﻝ ﮐﺮ ﺭﮐﮫ ﺩﯾﺎ ﺗﮭﺎ ﺑﻠﮑﮧ ﺍﺱ ﻧﮯ ﺍﻣﺮﯾﮑﻦ ﺣﮑﻮﻣﺖ ﮐﮯ ﻟﯿﮯ ﺑﮭﯽ ﻭﮨﺎﮞ ﺧﯿﺮ ﺳﮕﺎﻟﯽ ﮐﮯ ﺟﺬﺑﺎﺕ ﺩﻭﺑﺎﺭﮦ ﭘﯿﺪﺍ ﮐﺮﻧﮯ ﻣﯿﮟ ﺑﮩﺖ ﮐﺎﻣﯿﺎﺑﯽ ﺣﺎﺻﻞ ﮐﯽ ﺗﮭﯽ۔ ﺍﺱ ﮐﺎ ﻭﺭﻟﮉ ﺑﻨﮏ ﮐﻮ ﺍﺱ ﻭﻗﺖ ﭼﮭﻮﮌ ﮐﺮ ﺟﺎﻧﺎ ﺍﻥ ﮐﮯ ﻟﯿﮯ ﺑﮍﺍ ﺩﮬﭽﮑﺎ ﮨﻮﺗﺎ۔ ﻟﯿﮑﻦ ﻭﮦ ﺭﮐﻨﮯ ﭘﺮ ﺗﯿﺎﺭ ﻧﮩﯿﮟ ﺗﮭﺎ ﺍﻭﺭ ﺍﻣﺮﯾﮑﻦ ﺣﮑﻮﻣﺖ ﮐﻮ ﺳﻮﭼﻨﺎ ﭘﮍ ﺭﮨﺎ ﺗﮭﺎ ﮐﮧ ﻭﮦ ﺍﺳﮯ ﺍﯾﺴﯽ ﮐﯿﺎ ﭼﯿﺰ ﭘﯿﺶ ﮐﺮﮮ ﺟﻮ ﺍﺳﮯ ﺭﻭﮎ ﺳﮑﮯ۔
ﻭﺭﻟﮉ ﺑﻨﮏ ﮐﯽ ﺻﺪﺍﺭﺕ ﮨﯽ ﯾﻘﯿﻨﺎً ﺍﯾﮏ ﺍﯾﺴﺎ ﺗﺎﺝ ﺗﮭﺎ ﺟﻮ ﺍﺱ ﮐﻮ ﭘﮩﻨﺎ ﮐﺮ ﺍﺳﮯ ﺭﻭﮐﺎ ﺟﺎ ﺳﮑﺘﺎ ﺗﮭﺎ۔ ﺳﺎﻻﺭ ﺍﺱ ﻋﮩﺪﮮ ﮐﮯ ﻟﯿﮯ ﻣﻮﺯﻭﮞ ﺗﺮﯾﻦ ﺍﻭﺭ ﮐﻢ ﻋﻤﺮ ﺗﺮﯾﻦ ﺍﻣﯿﺪﻭﺍﺭ ﺗﮭﺎ۔ ﻣﮕﺮ ﺍﺱ ﻋﮩﺪﮮ ﭘﺮ ﺳﺎﻻﺭ ﮐﯽ ﺗﻌﯿﻨﺎﺗﯽ ﺍﻣﺮﯾﮑﯽ ﺣﮑﻮﻣﺖ ﮐﮯ ﻟﯿﮯ ﺧﻮﺩ ﺍﯾﮏ ﻣﺴﺌﻠﮧ ﺑﻦ ﮔﺊ ﺗﮭﯽ۔ ﻭﮦ ﺍﯾﮏ ﺑﻨﯿﺎﺩ ﭘﺮﺳﺖ ﻣﺴﻠﻤﺎﻥ ﮐﻮ ﻭﮦ ﻭﺭﻟﮉ ﺑﻨﮏ ﮐﺎ ﺻﺪﺭ ﻧﮩﯿﮟ ﺑﻨﺎ ﺳﮑﺘﮯ ﺗﮭﮯ۔ ﺍﻭﺭ ﻭﮦ ﺍﺱ ﺑﻨﯿﺎﺩ ﭘﺮﺳﺖ ﻣﺴﻠﻤﺎﻥ ﮐﻮ ﮐﺴﯽ ﺍﻭﺭ ﭼﯿﺰ ﮐﯽ ﺁﻓﺮ ﮐﺮ ﮐﮯ ﺭﻭﮎ ﺑﮭﯽ ﻧﮩﯿﮟ ﭘﺎ ﺭﮨﮯ ﺗﮭﮯ۔ﻟﯿﮑﻦ ﺍﺑﮭﯽ ﺍﻣﺮﯾﮑﯽ ﺣﮑﻮﻣﺖ ﺍﻭﺭ ﻭﺭﻟﮉ ﺑﻨﮏ ﮐﮯ ﭘﺎﺱ ﺍﺱ ﭘﺮ ﺳﻮﭼﻨﮯ ﮐﮯ ﻟﯿﮯ ﻭﻗﺖ ﺗﮭﺎ ﮐﯿﻮﻧﮑﮧ ﺳﺎﻻﺭ ﮐﯽ ﻣﻼﺯﻣﺖ ﮐﺎ ﺩﻭﺭﺍﻧﯿﮧ ﺧﺘﻢ ﮨﻮﻧﮯ ﻣﯿﮟ ﺍﺑﮭﯽ ﺍﯾﮏ ﺳﺎﻝ ﺑﺎﻗﯽ ﺗﮭﺎ۔

ﺍﺱ ﺍﯾﮏ ﺳﺎﻝ ﻣﯿﮟ ﺳﺎﻻﺭ ﺳﮑﻨﺪﺭ ﮐﯽ ﺯﻧﺪﮔﯽ ﻣﯿﮟ ﺗﯿﻦ ﺑﮍﮮ ﻭﺍﻗﻌﺎﺕ ﮨﻮﺋﮯ ﺍﻭﺭ ﺍﻥ ﺗﯿﻨﻮﮞ ﻧﮯ ﺍﻥ ﮐﯽ ﺯﻧﺪﮔﯽ ﭘﺮ ﮔﮩﺮﮮ ﻧﻘﻮﺵ ﭼﮭﻮﮌﮮ۔ ﺍﻥ ﻭﺍﻗﻌﺎﺕ ﻧﮯ ﺍﯾﮏ ﺑﺎﺭ ﭘﮭﺮ ﺍﺱ ﮐﯽ ﺯﻧﺪﮔﯽ ﺑﺪﻝ ﺩﯼ۔

ﭼﻨﯽ ﺳﮯ ﺳﺎﻻﺭ ﺳﮑﻨﺪﺭ ﮐﺎ ﺗﻌﺎﺭﻑ ﻏﺎﺋﺒﺎﻧﮧ ﺭﮨﺎ ﺗﮭﺎ۔ ﻏﻼﻡ ﻓﺮﯾﺪ ﮐﮯ ﺣﻮﺍﻟﮯ ﺳﮯ ﺳﮑﻨﺪﺭ ﻋﺜﻤﺎﻥ ﺳﮯ ﺍﺳﮯ ﮐﺌﯽ ﺑﺎﺭ ﺧﺒﺮﯾﮟ ﻣﻠﺘﯽ ﺭﮨﯽ ﺗﮭﯽ۔ ﺳﮑﻨﺪﺭ ﻋﺜﻤﺎﻥ ﻧﮯ ﻏﻼﻡ ﻓﺮﯾﺪ ﮐﮯ ﺫﺭﯾﻌﮯ ﮔﺎﺅﮞ ﮐﯽ ﻣﺴﺠﺪ ﮐﮯ ﺍﻣﺎﻡ ﮐﻮ ﭘﮩﻨﭽﺎﺋﯽ ﺟﺎﻧﮯ ﻭﺍﻟﯽ ﺍﻣﺪﺍﺩ ﮐﮯ ﺑﺎﺭﮮ ﻣﯿﮟ ﺳﺎﻻﺭ ﮐﻮ ﻣﻄﻠﻊ ﮐﺮ ﺩﯾﺎ ﺗﮭﺎ ﮐﯿﻮﻧﮑﮧ ﯾﮧ ﺍﻣﺪﺍﺩ ﺳﺎﻻﺭ ﮐﮯ ﮐﮩﻨﮯ ﭘﺮ ﮨﯽ ﺍﺱ ﻧﮯ ﺷﺮﻭﻉ ﮐﯽ ﺗﮭﯽ۔ ﻏﻼﻡ ﻓﺮﯾﺪ ﮐﻮ ﺍﺱ ﻣﯿﮟ ﮨﯿﺮ ﭘﮭﯿﺮ ﮐﮯ ﻧﺘﯿﺠﮯ ﻣﯿﮟ ﻣﻼﺯﻣﺖ ﺳﮯ ﻓﺎﺭﻍ ﮐﺮﻧﮯ ﮐﺎ ﺣﮑﻢ ﺳﺎﻻﺭ ﮨﯽ ﮐﺎ ﺗﮭﺎ۔ﺑﺪ ﺩﯾﺎﻧﺘﯽ ﺍﻭﺭ ﺑﮯ ﺍﯾﻤﺎﻧﯽ ﺍﺱ ﮐﮯ ﻟﯿﮯ ﻗﻄﻌﯽ ﻧﺎﻗﺎﺑﻞ ﺑﺮﺩﺍﺷﺖ ﺗﮭﯽ۔
ﻏﻼﻡ ﻓﺮﯾﺪ ﮐﮯ ﮨﺎﺗﮭﻮﮞ ﺍﯾﮏ ﺑﭽﯽ ﮐﮯ ﺳﻮﺍ ﭘﻮﺭﮮ ﺧﺎﻧﺪﺍﻥ ﮐﺎ ﻗﺘﻞ ﺳﮑﻨﺪﺭ ﻋﺜﻤﺎﻥ ﮐﻮ ﺑﺮﯼ ﻃﺮﺡ ﮨﻼ ﮔﯿﺎ۔ ﻭﮦ ﺍﺏ ﻏﻼﻡ ﻓﺮﯾﺪ ﮐﮯ ﻟﯿﮯ ﺳﻮﺍﺋﮯ ﺍﺱ ﮐﮯ ﮐﭽﮫ ﻧﮩﯿﮟ ﮐﺮ ﺳﮑﺘﮯ ﺗﮭﮯ ﺍﻭﺭ ﺍﺱ ﮐﯽ ﺑﭻ ﺟﺎﻧﮯ ﻭﺍﻟﯽ ﻭﺍﺣﺪ ﺍﻭﻻﺩ ﮐﯽ ﺩﯾﮑﮫ ﺑﮭﺎﻝ ﺍﻭﺭ ﮐﻔﺎﻟﺖ ﮐﯽ ﺫﻣﮧ ﺩﺍﺭﯼ ﺍﭨﮭﺎﺋﯿﮟ۔ ﺍﻭﺭ ﺳﺎﻻﺭ ﮐﮯ ﮐﮩﻨﮯ ﭘﺮ ﻭﮦ ﺳﮑﻨﺪﺭ ﻋﺜﻤﺎﻥ ﻧﮯ ﺍﭨﮭﺎ ﻟﯽ ﺗﮭﯽ۔ ﻭﮦ ﺍﺱ ﮐﮯ ﻟﯿﮯ ﻣﺎﮨﺎﻧﮧ ﺭﻗﻢ ﺩﯾﺘﮯ ﺗﮭﮯ ﺟﻮ ﺍﺱ ﮐﮯ ﺭﺷﺘﮧ ﺩﺍﺭ ﺁ ﮐﺮ ﻟﮯ ﺟﺎﺗﮯ ﺗﮭﮯ ﺍﻭﺭ ﮐﺒﮭﯽ ﮐﺒﮭﺎﺭ ﻭﮦ ﺳﮑﻨﺪﺭ ﻋﺜﻤﺎﻥ ﮐﻮ ﭼﻨﯽ ﺑﮭﯽ ﺩﮐﮭﺎ ﺩﯾﺘﮯ ﺗﮭﮯ۔ ﺗﺎﮐﮧ ﺍﻧﮩﯿﮟ ﺗﺴﻠﯽ ﺭﮨﮯ ﮐﮧ ﻭﮦ ﺭﻗﻢ ﻭﺍﻗﻊ ﺍﺱ ﭘﺮ ﺧﺮﭺ ﮨﻮ ﺭﮨﯽ ﮨﮯ۔ ﯾﮧ ﺷﺎﯾﺪ ﺍﺳﯽ ﻃﺮﺡ ﭼﻠﺘﺎ ﺭﮨﺘﺎ ﺍﮔﺮ ﺳﺎﻻﺭ ﺍﺱ ﺳﺎﻝ ﺍﭘﻨﯽ ﻓﯿﻤﻠﯽ ﮐﮯ ﺳﺎﺗﮫ ﺩﻭ ﮨﻔﺘﻮﮞ ﮐﮯ ﻟﯿﮯ ﭘﺎﮐﺴﺘﺎﻥ ﻧﮧ ﺁﯾﺎ ﮨﻮﺗﺎ۔ ﺍﯾﮏ ﻟﻤﺒﮯ ﻋﺮﺻﮯ ﮐﮯ ﺑﻌﺪ ﺳﮑﻨﺪﺭ ﮐﯽ ﺑﺠﺎﺋﮯ ﻭﮦ ﺧﻮﺩ ﮔﺎﺅﮞ ﮐﺎ ﺳﮑﻮﻝ ﺩﯾﮑﮭﻨﮯ ﮔﯿﺎ ﺗﮭﺎ۔ ﺍﺳﮑﻮﻝ ﺍﻧﺘﻈﺎﻣﯿﮧ ﮐﮯ ﭼﻨﺪ ﻟﻮﮔﻮﮞ ﮐﮯ ﺳﺎﺗﮫ ﺳﺎﻻﺭ ﺍﭼﺎﻧﮏ ﺍﺱ ﮐﮯ ﮔﮭﺮ ﮔﯿﺎ۔ ﺟﺲ ﮈﯾﮍﮪ ﺳﺎﻝ ﮐﯽ ﭼﻨﯽ ﮐﻮ ﺳﺎﻻﺭ ﻧﮯ ﺩﯾﮑﮭﺎ ﻭﮦ ﺍﺳﮯ ﺳﺎﺕ ﺁﭨﮫ ﻣﺎﮦ ﮐﯽ ﺍﯾﮏ ﺑﭽﯽ ﻟﮕﯽ ﺗﮭﯽ۔ ﺑﮯ ﺣﺪ ﮐﻤﺰﻭﺭ، ﺩﺑﻠﯽ ﭘﺘﻠﯽ، ﺍﺱ ﮐﯽ ﺳﺎﻧﻮﻟﯽ ﺭﻧﮕﺖ ﯾﺮﻗﺎﻥ ﺟﯿﺴﯽ ﭘﯿﻼﮨﭧ ﻟﯿﮯ ﮨﻮﺋﮯ ﺗﮭﯽ۔ﺍﺱ ﮐﺎ ﭼﮩﺮﮦ ﺳﯿﺎﮦ ﭘﯿﭗ ﺯﺩﮦ ﺩﺍﻧﻮﮞ ﺳﮯ ﺑﮭﺮﺍ ﮨﻮﺍ ﺗﮭﺎ۔ ﺟﺲ ﻭﻗﺖ ﺳﺎﻻﺭ ﺍﺱ ﮔﮭﺮ ﮐﮯ ﺻﺤﻦ ﻣﯿﮟ ﺩﺍﺧﻞ ﮨﻮﺍ ﻭﮦ ﺩﺍﻧﮧ ﭼﮕﺘﯽ ﮨﻮﺋﯽ ﻣﺮﻏﯿﻮﮞ ﮐﮯ ﭘﺎﺱ ﺑﯿﭩﮭﯽ ﺗﮭﯽ ﺍﻭﺭ ﺍﺱ ﺩﺍﻧﮯ ﺍﻭﺭ ﮔﻨﺪﮔﯽ ﮐﻮ ﺑﻼ ﺗﮑﻠﻒ ﺍﭘﻨﮯ ﻣﻨﮧ ﻣﯿﮟ ﮈﺍﻝ ﺭﮨﯽ ﺗﮭﯽ۔ ﻭﮦ ﯾﮧ ﺳﻮﭺ ﺑﮭﯽ ﻧﮩﯿﮟ ﺳﮑﺘﺎ ﺗﮭﺎ ﮐﮧ ﺍﺱ ﮐﯽ ﮐﻔﺎﻟﺖ ﮐﮯ ﻟﯿﮯ ﻣﻌﻘﻮﻝ ﺭﻗﻢ ﺑﮭﯿﺠﻨﮯ ﮐﮯ ﺑﺎﻭﺟﻮﺩ ﻭﮦ ﺍﺱ ﺣﺎﻝ ﻣﯿﮟ ﮨﻮ ﺳﮑﺘﯽ ﮨﮯ۔ ﭼﻨﯽ ﮐﮯ ﺭﺷﺘﮧ ﺩﺍﺭ ﻧﺮﻭﺱ ﺍﻭﺭ ﮔﮭﺒﺮﺍﺋﮯ ﮨﻮﺋﮯ ﺗﮭﮯ ﻭﮦ ﻟﻮﮒ ﮈﺳﭙﻠﮯ ﺍﻭﺭ ﭘﺮﯾﺰﻧﭩﯿﺸﻦ ﮐﮯ ﻟﯿﮯ ﮨﻨﮕﺎﻣﯽ ﺑﻨﯿﺎﺩﻭﮞ ﭘﺮ ﺍﺳﮯ ﺍﺏ ﺳﺠﺎ ﺳﻨﻮﺍﺭ ﻧﮩﯿﮟ ﺳﮑﺘﮯ ﺗﮭﮯ۔
ﯾﮧ ﺑﺲ ﺍﯾﺴﮯ ﮨﯽ ﺭﮨﺘﯽ ﮨﮯ۔ ﺟﺘﻨﯽ ﺑﺎﺭ ﺑﮭﯽ ﮐﭙﮍﮮ ﺑﺪﻟﻮ ﯾﮧ ﺟﺎ ﮐﺮ ﻣﺮﻏﯿﻮﮞ ﻣﯿﮟ ﮔﮭﺲ ﺟﺎﺗﯽ ﮨﮯ۔ ﺣﻤﯿﺪﮦ ! ﺍﺭﯼ ﺍﻭ ﺣﻤﯿﺪﮦ ! ﺫﺭﺍ ﭼﻨﯽ ﮐﻮ ﺩﯾﮑﮫ۔۔۔۔۔ ﮐﭙﮍﮮ ﺑﺪﻟﻮﺍ، ﺻﺎﺣﺐ ﻧﮯ ﻣﻠﻨﺎ ﮨﮯ۔
ﻭﮦ ﭘﮩﻼ ﻣﻮﻗﻊ ﺗﮭﺎ ﺟﺐ ﺳﺎﻻﺭ ﻧﮯ ﭼﻨﯽ ﮐﻮ ﺑﻐﻮﺭ ﺩﯾﮑﮭﺎ۔
ﺳﺎﻻﺭ ﻧﮯ ﭼﻨﯽ ﮐﻮ ﺍﭨﮭﺎ ﻟﯿﺎ ﺍﻭﺭ ﻭﮦ ﺑﮭﯽ ﺑﮍﮮ ﺁﺭﺍﻡ ﺳﮯ ﮐﺴﯽ ﺟﮭﺠﮏ ﮐﮯ ﺑﻐﯿﺮ ﺍﺱ ﮐﮯ ﭘﺎﺱ ﺁ ﮔﺌﯽ۔ ﺍﺱ ﻧﮯ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍﺱ ﺣﻠﯿﮯ ﮐﺎ ﺷﺨﺺ ﺩﯾﮑﮭﺎ ﺗﮭﺎ۔ﺳﺎﻻﺭ ﻧﮯ ﺍﺳﮯ ﺗﮭﭙﮑﺘﮯ ﮨﻮﺋﮯ ﭘﭽﮑﺎﺭﺍ ﺗﮭﺎ۔ ﻭﮦ ﭘﻠﮑﯿﮟ ﺟﮭﭙﮑﺎﺋﮯ ﺑﻐﯿﺮ ﺍﺳﮯ ﺩﯾﮑﮭﺘﯽ ﺭﮨﯽ۔
ﮨﺎﮞ ﺑﺲ ﺗﮭﻮﮌﯼ ﺑﯿﻤﺎﺭ ﮨﯽ ﺭﮨﺘﯽ ﮨﮯ۔ ﺷﺮﻭﻉ ﺳﮯ ﮨﯽ ﺍﯾﺴﯽ ﮨﮯ۔ ﮈﺍﮐﭩﺮ ﮐﯽ ﺩﻭﺍﺋﯽ ﺳﮯ ﺑﮭﯽ ﻓﺮﻕ ﻧﮩﯿﮟ ﭘﮍﺍ۔ ﺍﺏ ﭘﯿﺮ ﺻﺎﺣﺐ ﺳﮯ ﺩﻡ ﮐﺮﺍ ﮐﮯ ﻻﺋﮯ ﮨﯿﮟ۔ ﺍﻧﮩﻮﮞ ﻧﮯ ﺗﻌﻮﯾﺰ ﺑﮭﯽ ﺩﯾﺎ ﮨﮯ ﮔﻠﮯ ﻣﯿﮟ ﮈﺍﻟﻨﮯ ﮐﮯ ﻟﯿﮯ۔۔۔۔۔۔ ﺣﻤﯿﺪﮦ ﻭﮦ ﺗﻮ ﺍﺑﮭﯽ ﮈﺍﻻ ﻧﮩﯿﮟ ﺗﻢ ﻧﮯ۔
ﺳﺎﻻﺭ ﻣﯿﺎﮞ ﺑﯿﻮﯼ ﺳﮯ ﺍﺏ ﺍﺱ ﺑﭽﯽ ﮐﮯ ﺑﺎﺭﮮ ﻣﯿﮟ ﭘﻮﭼﮫ ﺭﮨﺎ ﺗﮭﺎ۔ ﺍﻭﺭ ﻭﮦ ﮔﮍﺑﮍﺍﺋﮯ ﮨﻮﺋﮯ ﺍﺱ ﮐﮯ ﭼﮩﺮﮮ ﺍﻭﺭ ﺟﺴﻢ ﭘﺮ ﺭﺳﺘﮯ ﮨﻮﺋﮯ ﺩﺍﻧﻮﮞ ﮐﯽ ﻭﺟﻮﮨﺎﺕ ﺍﻭﺭ ﻋﻼﺝ ﺑﯿﺎﻥ ﮐﺮ ﺭﮨﮯ ﺗﮭﮯ۔
ﺳﺎﻻﺭ ﮐﻮ ﺍﺣﺴﺎﺱ ﮨﻮ ﮔﯿﺎ ﮐﮧ ﻭﮦ ﻏﻠﻂ ﺟﮕﮧ ﭘﺮ ﺗﮭﯽ۔ ﺍﺱ ﮐﺎ ﺧﯿﺎﻝ ﻧﮩﯿﮟ ﺭﮐﮭﺎ ﺟﺎ ﺭﮨﺎ ﺗﮭﺎ۔ ﺍﺱ ﮐﯽ ﮐﻔﺎﻟﺖ ﮐﮯ ﻟﯿﮯ ﺩﯼ ﺟﺎﻧﮯ ﻭﺍﻟﯽ ﺍﻣﺪﺍﺩ ﺍﺱ ﭘﺮ ﺧﺮﭺ ﻧﮩﯿﮟ ﮨﻮ ﺭﮨﯽ ﺗﮭﯽ۔ﭘﺘﺎ ﻧﮩﯿﮟ ﻭﮦ ﮐﻮﻥ ﺳﯽ ﺫﮨﻨﯽ ﺭﻭ ﺗﮭﯽ ﺟﺲ ﻣﯿﮟ ﺍﺱ ﻧﮯ ﭼﻨﯽ ﮐﻮ ﻓﻮﺭﯼ ﻃﻮﺭ ﭘﺮ ﻭﮨﺎﮞ ﺳﮯ ﻟﮯ ﺟﺎﻧﮯ ﺍﻭﺭ ﮐﺴﯽ ﺩﺍﺭﺍﻻﻣﺎﻥ ﻣﯿﮟ ﺩﺍﺧﻞ ﮐﺮﻭﺍﻧﮯ ﮐﺎ ﻓﯿﺼﻠﮧ ﮐﺮ ﻟﯿﺎ۔ ﺍﺱ ﻧﮯ ﯾﮧ ﻓﯿﺼﻠﮧ ﭼﻨﯽ ﮐﮯ ﺭﺷﺘﮧ ﺩﺍﺭﻭﮞ ﮐﻮ ﺑﮭﯽ ﺳﻨﺎ ﺩﯾﺎ ﺗﮭﺎ۔ ﺍﻥ ﮐﮯ ﺍﺣﺘﺠﺎﺝ ﮐﮯ ﺑﺎﻭﺟﻮﺩ ﻭﮦ ﭼﻨﯽ ﮐﻮ ﻭﮨﺎﮞ ﺳﮯ ﻟﮯ ﺁﯾﺎ ﺗﮭﺎ۔ﺍﺱ ﮔﺎﺅﮞ ﺳﮯ ﺍﺳﻼﻡ ﺁﺑﺎﺩ ﻭﺍﭘﺴﯽ ﭘﺮ ﺳﺎﻻﺭ ﺍﭘﻨﯽ ﮔﺎﮌﯼ ﺧﻮﺩ ﮈﺭﺍﺋﯿﻮ ﮐﺮﺗﺎ ﺭﮨﺎ ﺗﮭﺎ ﺍﻭﺭ ﭼﻨﯽ ﺑﺮﺍﺑﺮ ﻭﺍﻟﯽ ﺳﯿﭧ ﭘﺮ ﺑﯿﭩﮭﯽ ﺩﺭﻭﺍﺯﮮ ﮐﯽ ﮐﮭﮍﮐﯽ ﺳﮯ ﭼﭙﮑﯽ ﺍﻃﻤﯿﻨﺎﻥ ﺳﮯ ﭘﻮﺭﺍ ﺭﺍﺳﺘﮧ ﺑﺎﮨﺮ ﺩﯾﮑﮭﺘﯽ ﺭﮨﯽ۔ ﻭﮦ ﺍﮔﺮ ﺑﮯ ﭼﯿﻦ ﮨﻮﺋﯽ ﺗﮭﯽ ﺗﻮ ﺻﺮﻑ ﺗﺐ، ﺟﺐ ﺳﺎﻻﺭ ﻧﮯ ﺍﺳﮯ ﮔﺎﮌﯼ ﻣﯿﮟ ﺑﭩﮭﺎﺗﮯ ﮨﻮﺋﮯ ﺍﺳﮯ ﺳﯿﻔﭩﯽ ﺑﯿﻠﭧ ﺑﺎﻧﺪﮬﻨﮯ ﮐﯽ ﮐﻮﺷﺶ ﮐﯽ ﺗﮭﯽ۔ ﺟﻮ ﺍﺱ ﮐﮯ ﮨﺎﺗﮫ ﭘﺎﺅﮞ ﻣﺎﺭﻧﮯ ﭘﺮ ﺳﺎﻻﺭ ﻧﮯ ﮐﮭﻮﻝ ﺩﯼ ﺗﮭﯽ۔ ﺍﺳﮯ ﺍﺱ ﻭﻗﺖ ﺣﻤﯿﻦ ﯾﺎﺩ ﺁﯾﺎ ﺗﮭﺎ۔ ﻭﮦ ﺑﮭﯽ ﺍﺱ ﻋﻤﺮ ﻣﯿﮟ ﺍﺳﯽ ﻃﺮﺡ ﺳﯿﭧ ﺑﯿﻠﭧ ﺳﮯ ﺟﺎﻥ ﭼﮭﮍﺍﺗﺎ ﺗﮭﺎ۔
ﺑﯿﻠﭧ ﮐﮭﻮﻟﻨﮯ ﭘﺮ ﻭﮦ ﺍﯾﮏ ﺑﺎﺭ ﭘﮭﺮ ﭘﺮﺳﮑﻮﻥ ﮨﻮﮔﺌﯽ ﺗﮭﯽ۔ﺍﺱ ﻧﮯ ﺍﯾﮏ ﺑﺎﺭ ﺑﮭﯽ ﺳﺎﻻﺭ ﮐﻮ ﺩﯾﮑﮭﻨﮯ ﮐﯽ ﮐﻮﺷﺶ ﻧﮩﯿﮟ ﮐﯽ ﺗﮭﯽ۔ ﺳﺎﻻﺭ ﺍﺱ ﮐﺎ ﺍﻧﮩﻤﺎﮎ ﺩﯾﮑﮫ ﮐﺮ ﻣﺴﮑﺮﺍﺗﺎ ﺭﮨﺎ ﺗﮭﺎ۔ ﺍﺱ ﻧﮯ ﺭﺍﺳﺘﮯ ﻣﯿﮟ ﺍﯾﮏ ﺟﮕﮧ ﺭﮎ ﮐﺮ ﺍﺳﮯ ﺍﯾﮏ ﺟﻮﺱ ﮐﺎ ﮈﺑﮧ ﺍﻭﺭ ﺑﺴﮑﭧ ﮐﺎ ﺍﯾﮏ ﭘﯿﮑﭧ ﻟﮯ ﮐﺮ ﺩﯾﺎ۔ ﻭﮦ ﻣﻨﭩﻮﮞ ﻣﯿﮟ ﺩﻭﻧﻮﮞ ﭼﯿﺰﯾﮟ ﮐﮭﺎ ﮔﺌﯽ ﺟﯿﺴﮯ ﻭﮦ ﮐﺌﯽ ﺩﻧﻮﮞ ﮐﯽ ﺑﮭﻮﮐﯽ ﺗﮭﯽ۔
ﺍﺳﻼﻡ ﺁﺑﺎﺩ ﺁﺗﮯ ﮨﻮﺋﮯ ﮔﺎﮌﯼ ﻣﯿﮟ ﺳﻔﺮ ﮐﮯ ﺩﻭﺭﺍﻥ ﺳﺎﻻﺭ ﺍﺱ ﺑﭽﯽ ﮐﯽ ﺭﮨﺎﺋﺶ ﮐﮯ ﻟﯿﮯ ﻣﻨﺎﺳﺐ ﺗﺮﯾﻦ ﺟﮕﮧ ﮐﮯ ﺑﺎﺭﮮ ﻣﯿﮟ ﺳﻮﭼﺘﺎ ﺭﮨﺎ۔ ﺍﺱ ﻭﻗﺖ ﺍﯾﮏ ﻟﻤﺤﮯ ﮐﮯ ﻟﯿﮯ ﺑﮭﯽ ﺍﺱ ﻧﮯ ﻧﮩﯿﮟ ﺳﻮﭼﺎ ﮐﮧ ﻭﮦ ﺍﺳﮯ ﺧﻮﺩ ﭘﺎﻟﮯ ﮔﺎ۔ ﻭﮦ ﺍﺗﻨﯽ ﺑﮍﯼ ﺫﻣﮧ ﺩﺍﺭﯼ ﻟﯿﻨﮯ ﮐﮯ ﺑﺎﺭﮮ ﻣﯿﮟ ﺳﻮﭺ ﺑﮭﯽ ﻧﮩﯿﮟ ﺳﮑﺘﺎ ﺗﮭﺎ ﺍﻭﺭ ﺍﮔﺮ ﺳﻮﭼﺘﺎ ﺑﮭﯽ ﺗﻮ ﺍﻣﺎﻣﮧ ﺳﮯ ﭘﻮﭼﮭﮯ ﺑﻨﺎ ﻧﮩﯿﮟ ﮐﺮ ﺳﮑﺘﺎ ﺗﮭﺎ۔
ﺍﺳﻼﻡ ﺁﺑﺎﺩ ﭘﮩﻨﭽﻨﮯ ﭘﺮ ﮔﮭﺮ ﮐﮯ ﮔﯿﺮﺍﺝ ﻣﯿﮟ ﺍﺱ ﮐﮯ ﺑﭽﻮﮞ ﻧﮯ ﺑﮭﺎﮔﺘﮯ ﮨﻮﺋﮯ ﺍﺱ ﮐﺎ ﺍﺳﺘﻘﺒﺎﻝ ﮐﯿﺎ۔ ﮔﺎﮌﯼ ﮐﮯ ﺍﻧﺪﺭ ﺳﺐ ﺳﮯ ﭘﮩﻠﮯ ﭼﻨﯽ ﮐﻮ ﺳﺎﮌﮬﮯ ﺗﯿﻦ ﺳﺎﻟﮧ ﺣﻤﯿﻦ ﺳﮑﻨﺪﺭ ﻧﮯ ﺩﯾﮑﮭﺎ۔ ﮨﻤﯿﺸﮧ ﮐﯽ ﻃﺮﺡ ﺍﺱ ﮐﯽ ﺁﻧﮑﮭﯿﮟ ﮔﻮﻝ ﮨﻮ ﮔﺌﯽ ﺗﮭﯽ، ﯾﻮﮞ ﺟﯿﺴﮯ ﺍﺱ ﻧﮯ ﺟﻨﮕﻞ ﮐﺎ ﮐﻮﺋﯽ ﺟﺎﻧﻮﺭ ﺩﯾﮑﮫ ﻟﯿﺎ ﺗﮭﺎ۔ ﺳﺎﻻﺭ ﻧﮯ ﺣﻤﯿﻦ ﮐﻮ ﮨﭩﺎ ﮐﺮ ﮔﺎﮌﯼ ﮐﺎ ﺩﺭﻭﺍﺯﮦ ﮐﮭﻮﻻ ﺍﻭﺭ ﭼﻨﯽ ﮐﻮ ﺑﺎﮨﺮ ﻧﮑﺎﻝ ﻟﯿﺎ۔ ﭼﻨﯽ ﺳﮯ ﺁﻧﮯ ﻭﺍﻟﯽ ﺑﺪﺑﻮ ﮐﮯ ﺑﮭﺒﮭﮑﮯ ﺳﺐ ﺳﮯ ﭘﮩﻠﮯ ﺣﻤﯿﻦ ﻧﮯ ﮨﯽ ﻣﺤﺴﻮﺱ ﮐﯿﮯ۔
ﺍﻭﮦ ﻣﺎﺋﯽ ﮔﺎﮈ ! ﯾﮧ ﮐﺘﻨﯽ ﺑﺪﺑﻮﺩﺍﺭ ﮔﻨﺪﯼ ﺍﻭﺭ ﺑﺪ ﺻﻮﺭﺕ ﮨﮯ۔ﻭﮦ ﺑﮯ ﺍﺧﺘﯿﺎﺭ ﻧﺎﮎ ﭘﮧ ﮨﺎﺗﮫ ﺭﮐﮭﮯ ﮐﮩﺘﺎ ﮔﯿﺎ۔
ﺣﻤﯿﻦ ! ﺳﺎﻻﺭ ﻧﮯ ﺍﺳﮯ ﮈﺍﻧﭩﻨﮯ ﻭﺍﻟﮯ ﺍﻧﺪﺍﺯ ﻣﯿﮟ ﭘﮑﺎﺭ ﮐﮯ ﮔﮭﻮﺭﺍ۔
ﻟﯿﮑﻦ ﭨﮭﯿﮏ ﮨﮯ۔ ﺷﺎﯾﺪ ﺍﺳﮯ ﺍﺱ ﻃﺮﺡ ﺭﮨﻨﺎ ﭘﺴﻨﺪ ﮨﻮ۔ ﻣﯿﺮﺍ ﻣﻄﻠﺐ ﮨﮯ ﮐﭽﮫ ﻟﻮﮒ ﻣﺨﺘﻠﻒ ﮨﻮﺗﮯ ﮨﯿﮟ۔ ﻣﺠﮭﮯ ﺍﺱ ﮐﺎ ﮨﯿﺌﺮ ﺍﺳﭩﺎﺋﻞ ﺍﭼﮭﺎ ﻟﮕﺎ ﮨﮯ۔ ﯾﮧ ﮐﻮﻝ ﮨﮯ۔
ﺣﻤﯿﻦ ﻧﮯ ﮨﻤﯿﺸﮧ ﮐﯽ ﻃﺮﺡ ﺑﺎﭖ ﮐﯽ ﭘﮭﭩﮑﺎﺭ ﮐﮯ ﺑﻌﺪ ﺳﯿﮑﻨﮉﺯ ﻣﯿﮟ ﺍﭘﻨﺎ ﺑﯿﺎﻥ ﺗﺒﺪﯾﻞ ﮐﺮ ﺩﯾﺎ ﺗﮭﺎ۔
ﺑﺎﺑﺎ ! ﻣﯿﮟ ﺑﮭﯽ ﺍﺱ ﮐﯽ ﻃﺮﺡ ﮨﯿﺌﺮ ﺍﺳﭩﺎﺋﻞ ﺑﻨﺎﻧﺎ ﭼﺎﮨﺘﺎ ﮨﻮﮞ۔ ﺳﺎﻻﺭ ﻧﮯ ﺍﺱ ﮐﯽ ﺯﺑﺎﻥ ﮐﯽ ﻗﯿﻨﭽﯽ ﮐﻮ ﻧﻈﺮﺍﻧﺪﺍﺯ ﮐﯿﺎ ﺗﮭﺎ۔ ﻭﮦ ﺍﯾﮏ ﭼﮭﻮﭨﮯ ﺳﺎﺋﺰ ﮐﺎ ﺧﺎﻣﻮﺵ ﻧﮧ ﮨﻮﻧﮯ ﻭﺍﻻ ﺟﻦ ﺗﮭﺎ۔ ﺟﻮ ﺍﺱ ﮔﮭﺮ ﮐﮯ ﺍﻓﺮﺍﺩ ﮐﮯ ﮔﺮﺩ ﮨﺮ ﻭﻗﺖ ﻣﻨﮉﻻﺗﺎ ﺭﮨﺘﺎ ﺗﮭﺎ ﺍﻭﺭ ﺍﺱ ﮐﮯ ﺳﻮﺍﻻﺕ۔۔۔۔۔۔ ﺧﺘﻢ ﻧﮧ ﮨﻮﻧﮯ ﻭﺍﻟﮯ ﺳﻮﺍﻻﺕ ﻧﮯ ﺍﻣﺎﻣﮧ ﺍﻭﺭ ﺳﺎﻻﺭ ﮐﯽ ﺁﺋﯿﮉﯾﻞ ﻭﺍﻟﺪﯾﻦ ﺑﻨﻨﮯ ﮐﯽ ﮨﺮ ﺧﻮﺍﮨﺶ ﺍﻭﺭ ﻣﻌﻠﻮﻣﺎﺕ ﮐﻮ ﺧﺘﻢ ﮐﺮﺩﯾﺎ ﺗﮭﺎ۔
I think she is goldi look
ﺣﻤﯿﻦ ﮐﯽ ﺗﻌﺮﯾﻔﻮﮞ ﮐﺎ ﺳﻠﺴﻠﮧ ﺟﺎﺭﯼ ﺗﮭﺎ۔
ﯾﮧ ﮔﻮﻟﮉﯼ ﻟﮏ ﻧﮩﯿﮟ ﮨﮯ، ﯾﮧ ﮔﻨﺪﯼ ﮨﮯ، ﺍﺱ ﻧﮯ ﮐﺌﯽ ﮨﻔﺘﻮﮞ ﺳﮯ ﺍﭘﻨﮯ ﺑﺎﻝ ﻧﮩﯿﮟ ﺩﮬﻮﺋﮯ۔ ﺟﺒﺮﯾﻞ ﻧﮯ ﺍﺳﮯ ﭨﻮﮎ ﮐﺮ ﺑﺘﺎﯾﺎ۔ ﻭﮦ ﺗﯿﻨﻮﮞ ﺍﺏ ﺳﺎﻻﺭ ﮐﮯ ﭘﯿﭽﮭﮯ ﺍﻧﺪﺭ ﺟﺎ ﺭﮨﮯ ﺗﮭﮯ۔
ﺁﻝ ﺭﺍﺋﭧ ! ﻣﮕﺮ ﺍﺱ ﮐﺎ ﯾﮧ ﻣﻄﻠﺐ ﻧﮩﯿﮟ ﮨﮯ ﮐﮧ ﯾﮧ ﮐﻮﻝ ﻧﮩﯿﮟ۔ ﺟﻮﺍﺏ ﭘﮭﺮ ﺗﮍﺍﺥ ﺳﮯ ﺁﯾﺎ ﺗﮭﺎ۔ ﺟﺒﺮﯾﻞ ﺑﮯ ﺍﺧﺘﯿﺎﺭ ﭘﭽﮭﺘﺎﯾﺎ۔ ﺍﺱ ﻧﮯ ﺍﺱ ﮐﮯ ﺗﺒﺼﺮﮮ ﮐﺎ ﺟﻮﺍﺏ ﺩﮮ ﮐﺮ ﺳﺎﻻﺭ ﮐﮯ ﭘﯿﭽﮭﮯ ﻟﮕﻨﮯ ﻭﺍﻟﯽ ﺑﻼ ﺍﭘﻨﮯ ﭘﯿﭽﮭﮯ ﻟﮕﺎ ﻟﯽ ﺗﮭﯽ۔
ﺍﮔﺮ ﻣﯿﮟ ﮐﺌﯽ ﻣﮩﯿﻨﻮﮞ ﺗﮏ ﺍﭘﻨﮯ ﺑﺎﻝ ﻧﮧ ﺩﮬﻮﺅﮞ ﺗﻮ ﻣﯿﺮﮮ ﺑﺎﻝ ﺑﮭﯽ ﺍﯾﺴﮯ ﮨﻮﮞ ﮔﮯ؟ ﻣﯿﺮﺍ ﻣﻄﻠﺐ ﮨﮯ ﮔﻮﻟﮉﻥ ﺑﺮﺍﺅﻥ ﯾﺎ ﺍﯾﺶ ﮔﺮﮮ ﯾﺎ ﻣﺴﭩﺮﮈ ﯾﻠﻮ۔ ﺍﺱ ﮐﺎ ﺫﮨﻦ ﺍﺏ ﮐﮩﯿﮟ ﺳﮯ ﮐﮩﯿﮟ ﭘﮩﻨﭻ ﭼﮑﺎ ﺗﮭﺎ۔
ﻧﮩﯿﮟ۔ ﺟﺒﺮﯾﻞ ﻧﮯ ﺑﮯ ﺣﺪ ﺳﺨﺖ ﻟﮩﺠﮯ ﻣﯿﮟ ﻓﻞ ﺳﭩﺎﭖ ﻟﮕﺎﯾﺎ۔
ﺍﻭﮐﮯ ! ﺣﻤﯿﻦ ﻧﮯ ﺍﻃﻤﯿﻨﺎﻥ ﺳﮯ ﮐﮩﺎ۔ ﻟﯿﮑﻦ ﻣﯿﮟ ﺍﭘﻨﮯ ﺑﺎﻝ ﮈﺍﺋﯽ ﺗﻮ ﮐﺮ ﺳﮑﺘﺎ ﮨﻮﮞ۔
ﺟﺒﺮﯾﻞ ﻧﮯ ﺍﺱ ﺑﺎﺭ ﺍﺳﮯ ﻣﮑﻤﻞ ﻃﻮﺭ ﭘﮧ ﻧﻈﺮﺍﻧﺪﺍﺯ ﮐﯿﺎ۔
ﺍﻣﺎﻣﮧ ﻧﮯ ﺳﺎﻻﺭ ﮐﻮ ﺍﺱ ﺑﭽﯽ ﮐﻮ ﺍﭨﮭﺎﺋﮯ ﺩﯾﮑﮭﺎ۔ ﻭﮦ ﻃﯿﺒﮧ ﮐﮯ ﺳﺎﺗﮫ ﺑﯿﭩﮭﯽ ﭼﺎﺋﮯ ﭘﯽ ﺭﮨﯽ ﺗﮭﯽ۔ ﺍﻭﺭ ﻭﮦ ﭼﺎﺋﮯ ﭘﯿﻨﺎ ﮨﯽ ﺑﮭﻮﻝ ﮔﺌﯽ۔
ﯾﮧ ﮐﻮﻥ ﮨﮯ؟
ﺑﻌﺪ ﻣﯿﮟ ﺑﺘﺎﺅﮞ ﮔﺎ۔ ﺗﻢ ﺍﺳﮯ ﻧﮩﻼ ﮐﺮ ﮐﭙﮍﮮ ﺑﺪﻝ ﺩﻭ ﺍﺱ ﮐﮯ۔ ﭘﮭﺮ ﻣﯿﮟ ﺍﺱ ﮐﻮ ﮈﺍﮐﭩﺮ ﮐﻮ ﺩﮐﮭﺎﻧﺎ ﭼﺎﮨﺘﺎ ﮨﻮﮞ۔
ﺍﻣﺎﻣﮧ ﮐﭽﮫ ﺍﻟﺠﮭﯽ ﺗﮭﯽ ﻟﯿﮑﻦ ﻭﮦ ﺍﺳﮯ ﻟﮯﮐﺮ ﭼﻠﯽ ﮔﺌﯽ ﺗﮭﯽ۔ ﺍﺳﮯ ﻧﮩﻼﻧﮯ ﮐﯽ ﮐﻮﺷﺶ ﮐﮯ ﺁﻏﺎﺯ ﻣﯿﮟ ﮨﯽ ﺍﺳﮯ ﭘﺘﺎ ﭼﻞ ﮔﯿﺎ ﺗﮭﺎ ﮐﮧ ﺍﺱ ﺑﭽﯽ ﮐﮯ ﺑﺎﻟﻮﮞ ﮐﻮ ﮐﺎﭨﮯ ﺑﻐﯿﺮ ﺍﺱ ﮐﻮ ﻧﮩﻼﯾﺎ ﻧﮩﯿﮟ ﺟﺎ ﺳﮑﺘﺎ۔ ﺍﺱ ﮐﮯ ﺳﺮ ﻣﯿﮟ ﺑﮍﮮ ﺑﮍﮮ ﭘﮭﻮﮌﮮ ﺗﮭﮯ ﺍﻭﺭ ﺍﺱ ﺳﮯ ﺭﺳﻨﮯ ﻭﺍﻟﯽ ﭘﯿﭗ ﻧﮯ ﺍﺱ ﮐﯽ ﺑﺎﻟﻮﮞ ﮐﯽ ﻟﭩﻮﮞ ﮐﻮ ﺁﭘﺲ ﻣﯿﮟ ﺍﺱ ﻃﺮﺡ ﺟﻮﮌ ﺩﯾﺎ ﺗﮭﺎ ﮐﮧ ﺍﺏ ﺍﻥ ﮐﺎ ﮐﮭﻠﻨﺎ ﻣﻤﮑﻦ ﻧﮩﯿﮟ ﺗﮭﺎ۔
جاری ہے۔