Aab E Hayat By Umerah Ahmed Readelle50099 Episode 30

ﻋﻨﺎﯾﮧ ﻧﮯ ﺍﯾﺮﮎ ﮐﻮ ﮐﮭﮍﮐﯽ ﺳﮯ ﺩﯾﮑﮭﺎ ﺗﮭﺎ ﺍﻭﺭ ﺩﯾﮑﮭﺘﯽ ﺭﮦ ﮔﺊ ﺗﮭﯽ۔
ﻋﻨﺎﯾﮧ ! ﮐﭽﻦ ﻣﯿﮟ ﮐﺎﻡ ﮐﺮﺗﯽ ﺍﻣﺎﻣﮧ ﻧﮯ ﺍﺳﮯ ﺍﺗﻨﯽ ﺩﯾﺮ ﮐﮭﮍﮐﯽ ﺳﮯ ﺑﺎﮨﺮ ﺟﮭﺎﻧﮑﺘﮯ ﺩﯾﮑﮫ ﮐﺮ ﭘﮑﺎﺭﺍ ﺗﮭﺎ۔ ﻋﻨﺎﯾﮧ ﺍﺱ ﻗﺪﺭ ﻣﮕﻦ ﺗﮭﯽ ﮐﮧ ﺍﺳﮯ ﻣﺎﮞ ﮐﯽ ﺁﻭﺍﺯ ﺳﻨﺎﺋﯽ ﻧﮩﯿﮟ ﺩﯼ۔ﺍﻣﺎﻣﮧ ﮐﭽﻦ ﺍﯾﺮﯾﺎ ﺳﮯ ﺧﻮﺩ ﺑﮭﯽ ﺳﭩﻨﮓ ﺍﯾﺮﯾﺎ ﮐﯽ ﺍﺱ ﮐﮭﮍﮐﯽ ﮐﮯ ﺳﺎﻣﻨﮯ ﺁ ﮔﺊ ﺟﺲ ﺳﮯ ﻋﻨﺎﯾﮧ ﺑﺎﮨﺮ ﺩﯾﮑﮫ ﺭﮨﯽ ﺗﮭﯽ ﺍﻭﺭ ﮐﮭﮍﮐﯽ ﺳﮯ ﺑﺎﮨﺮ ﻧﻈﺮ ﺁﻧﮯ ﻭﺍﻟﮯ ﻣﻨﻈﺮ ﻧﮯ ﺍﺳﮯ ﺑﮭﯽ ﻋﻨﺎﯾﮧ ﮨﯽ ﮐﯽ ﻃﺮﺡ ﻣﻨﺠﻤﺪ ﮐﯿﺎ ﺗﮭﺎ۔ ﺍﯾﺮﮎ ﺍﯾﮏ ﮐﯿﮑﮍﮮ ﮐﯽ ﻃﺮﺡ ﺍﭘﻨﮯ ﭼﺎﺭﻭﮞ ﮨﺎﺗﮭﻮﮞ ﺍﻭﺭ ﭘﯿﺮﻭﮞ ﭘﺮ ﭼﻞ ﺭﮨﺎ ﺗﮭﺎ۔ ﻭﮦ ﭼﻮﭘﺎﺋﮯ ﮐﯽ ﻃﺮﺡ ﻧﮩﯿﮟ ﭼﻞ ﺭﮨﺎ ﺗﮭﺎ۔ ﻭﮦ ﺍﭘﻨﯽ ﭘﺸﺖ ﮐﮯ ﺑﻞ ﭼﻞ ﺭﮨﺎ ﺗﮭﺎ۔ ﺍﭘﻨﺎ ﭘﯿﭧ ﺍﻭﻧﭽﺎ ﮐﯿﮯ، ﺍﭘﻨﮯ ﺩﻭﻧﻮﮞ ﮨﺎﺗﮭﻮﮞ ﮐﮯ ﺑﻞ ﺍﭘﻨﮯ ﺍﻭﭘﺮﯼ ﺩﮬﮍ ﮐﻮ ﺍﭨﮭﺎﺋﮯ۔ ﺍﭘﻨﯽ ﭨﺎﻧﮕﯿﮟ، ﮔﮭﭩﻨﻮﮞ ﮐﮯ ﺑﻞ ﺍﭨﮭﺎﺋﮯ۔ ﻭﮦ ﺑﮍﯼ ﺩﻗﺖ ﺳﮯ ﭼﻞ ﺑﻠﮑﮧ ﺭﯾﻨﮓ ﺭﮨﺎ ﺗﮭﺎ۔ ﻟﯿﮑﻦ ﺭﮐﮯ ﺑﻐﯿﺮ، ﺑﮯ ﺣﺪ ﺍﻃﻤﯿﻨﺎﻥ ﺳﮯ۔ ﻭﮦ ﺍﺱ ﻃﺮﺡ ﺍﺩﮬﺮ ﺳﮯ ﺍﺩﮬﺮ ﺟﺎﺗﮯ ﮨﻮﺋﮯ ﭼﮩﻞ ﻗﺪﻣﯽ ﻣﯿﮟ ﻣﺼﺮﻭﻑ ﺗﮭﺎ ﺟﯿﺴﮯ ﯾﮧ ﺍﺱ ﮐﮯ ﭼﻠﻨﮯ ﮐﺎ ﻧﺎﺭﻣﻞ ﻃﺮﯾﻘﮧ ﺗﮭﺎ۔ ﻭﮦ ﺟﺐ ﺗﮭﮏ ﺟﺎﺗﺎ، ﺑﯿﭩﮫ ﮐﺮ ﺗﮭﻮﮌﯼ ﺩﯾﺮ ﺳﺎﻧﺲ ﻟﯿﺘﺎ ﭘﮭﺮ ﺍﺳﯽ ﻃﺮﺡ ﭼﻠﻨﺎ ﺷﺮﻭﻉ ﮐﺮ ﺩﯾﺘﺎ۔
ﯾﮧ ﮐﯿﺎ ﮐﺮ ﺭﮨﺎ ﮨﮯ؟ ﻋﻨﺎﯾﮧ ﻧﮯ ﺍﺏ ﮐﭽﮫ ﭘﺮﯾﺸﺎﻥ ﮨﻮﮐﺮ ﺍﻣﺎﻣﮧ ﺳﮯ ﭘﻮﭼﮭﺎ۔۔
ﭘﺘﺎ ﻧﮩﯿﮟ۔
ﮐﯿﺎ ﯾﮧ ﭼﻞ ﻧﮩﯿﮟ ﺳﮑﺘﺎ؟ ﻋﻨﺎﯾﮧ ﮐﻮ ﺗﺸﻮﯾﺶ ﮨﻮﺉ۔
ﭘﺘﺎ ﻧﮩﯿﮟ۔ ﺍﻣﺎﻣﮧ ﺍﻭﺭ ﮐﯿﺎ ﺟﻮﺍﺏ ﺩﯾﺘﯽ۔
ﺟﺒﺮﯾﻞ ﺗﻢ ﺫﺭﺍ ﺟﺎ ﮐﺮ ﺍﺳﮯ ﺍﻧﺪﺭ ﻟﮯ ﺁﺅ۔ ﺟﺒﺮﯾﻞ ﺍﻭﭘﺮ ﻭﺍﻟﯽ ﻣﻨﺰﻝ ﺳﮯ ﺳﯿﮍﮬﯽ ﺍﺗﺮ ﺭﮨﺎ ﺗﮭﺎ۔ ﺟﺐ ﺍﻣﺎﻣﮧ ﻧﮯ ﭘﻠﭧ ﮐﺮ ﺍﺳﮯ ﮐﮩﺎ۔
ﮐﺴﮯ؟ ﺟﺒﺮﯾﻞ ﻧﮯ ﺟﻮﺍﺑﺎً ﮐﮭﮍﮐﯽ ﮐﮯﭘﺎﺱ ﺁﺗﮯ ﮨﻮﺋﮯ ﮐﮩﺎ ﺍﻭﺭ ﺍﻣﺎﻣﮧ ﮐﻮ ﺍﺱ ﮐﮯ ﺳﻮﺍﻝ ﮐﺎ ﺟﻮﺍﺏ ﺩﯾﻨﮯ ﮐﯽ ﺿﺮﻭﺭﺕ ﻧﮧ ﭘﮍﯼ۔ ﺍﺱ ﻧﮯ ﺍﯾﺮﮎ ﮐﻮ ﺩﯾﮑﮫ ﻟﯿﺎ ﺗﮭﺎ۔ ﭘﮭﺮ ﻭﮦ ﺭﮐﮯ ﺑﻨﺎ ﺑﺎﮨﺮ ﻧﮑﻞ ﺁﯾﺎ۔
ﮨﯿﻠﻮ ! ﺟﺒﺮﯾﻞ ﻧﮯ ﺍﯾﺮﮎ ﮐﮯ ﺳﺎﺗﮫ ﭨﮩﻠﺘﮯ ﮨﻮﺋﮯ ﺍﺱ ﺳﮯ ﮐﮩﺎ۔ ﺍﺱ ﮐﯽ ﺳﺮﺥ ﮨﻮﺗﯽ ﺭﻧﮕﺖ، ﭘﮭﻮﻻ ﮨﻮﺍ ﺳﺎﻧﺲ ﺍﻭﺭ ﻣﺎﺗﮭﮯ ﭘﺮ ﭼﻤﮑﺘﮯ ﭘﺴﯿﻨﮯ ﮐﮯ ﻗﻄﺮﻭﮞ ﺳﮯ ﺍﺳﮯ ﯾﮧ ﺍﻧﺪﺍﺯﮦ ﮨﻮﮔﯿﺎ ﺗﮭﺎ ﮐﮧ ﻭﮦ ﺗﮭﮏ ﭼﮑﺎ ﮨﮯ۔ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﺻﺮﻑ ﻟﻮﮔﻮﮞ ﮐﯽ ﺗﻮﺟﮧ ﺣﺎﺻﻞ ﮐﯿﮯ ﺭﮐﮭﻨﮯ ﮐﮯ ﻟﯿﮯ ﺧﻮﺩ ﭘﺮ ﻇﻠﻢ ﮐﺮ ﺭﮨﺎ ﺗﮭﺎ۔
ﮨﯿﻠﻮ ! ﺍﺱ ﻧﮯ ﺑﮭﯽ ﺟﺒﺮﯾﻞ ﮐﯽ ﮨﯿﻠﻮ ﮐﺎ ﺟﻮﺍﺏ ﺍﺗﻨﮯ ﮨﯽ ﭘﺮﺟﻮﺵ ﻟﯿﮑﻦ ﺗﮭﮑﮯ ﮨﻮﺋﮯ ﺍﻧﺪﺍﺯ ﻣﯿﮟ ﺩﯾﺎ ﺗﮭﺎ۔
ﯾﮧ ﮐﻮﺉ ﻧﺊ ﺍﯾﮑﺴﺮﺳﺎﺋﺰ ﮨﮯ؟ ﺟﺒﺮﯾﻞ ﻧﮯ ﺍﺱ ﮐﮯ ﺳﺎﺗﮫ ﮨﻠﮑﮯ ﻗﺪﻣﻮﮞ ﺳﮯ ﭼﻠﺘﮯ ﮨﻮﺋﮯ ﮐﮩﺎ۔
ﻧﮩﯿﮟ۔ ﺍﯾﺮﮎ ﮐﺎ ﺟﻮﺍﺏ ﺁﯾﺎ۔
ﭘﮭﺮ؟
ﻣﯿﮟ ﮐﯿﮑﮍﺍ ﮨﻮﮞ۔ ﺍﻭﺭ ﮐﯿﮑﮍﮮ ﺍﯾﺴﮯ ﮨﯽ ﭼﻠﺘﮯ ﮨﯿﮟ۔ ﺍﯾﺮﮎ ﻧﮯ ﺍﺱ ﺑﺎﺭ ﺍﺱ ﮐﯽ ﻃﺮﻑ ﺩﯾﮑﮭﮯ ﺑﻨﺎ ﮐﮩﺎ۔
ﺍﻭﮦ ﺁﺋﯽ ﺳﯽ ! ﺟﺒﺮﯾﻞ ﻧﮯ ﺑﮯ ﺍﺧﺘﯿﺎﺭ ﮐﮩﺎ۔ ﺍﻭﺭ ﯾﮧ ﺗﺒﺪﯾﻠﯽ ﮐﺐ ﺁﺉ؟ ﺁﺧﺮﯼ ﺑﺎﺭ ﺟﺐ ﻣﯿﮟ ﻧﮯ ﺗﻤﮩﯿﮟ ﺩﯾﮑﮭﺎ ﺗﮭﺎ ﺗﻮ ﺗﻢ ﺍﻧﺴﺎﻥ ﺗﮭﮯ۔ ﺟﺒﺮﯾﻞ ﺍﺱ ﺳﮯ ﯾﻮﮞ ﺑﺎﺕ ﮐﺮ ﺭﮨﺎ ﺗﮭﺎ ﺟﯿﺴﮯ ﺍﺳﮯ ﺍﺱ ﮐﯽ ﺑﺎﺕ ﮐﺎ ﯾﻘﯿﻦ ﺁﮔﯿﺎ ﺗﮭﺎ۔
ﺁﺝ ﺭﺍﺕ، ﺍﯾﺮﮎ ﻧﮯ ﭘﮭﻮﻟﮯ ﮨﻮﺋﮯ ﺳﺎﻧﺲ ﮐﯿﺴﺎﺗﮫ ﮐﮩﺎ۔
ﺍﻭﮦ ! ﮐﯿﮑﮍﮮ ﺍﮐﺜﺮ ﺭﮎ ﮐﺮ ﺁﺭﺍﻡ ﺑﮭﯽ ﮐﺮﺗﮯ ﮨﯿﮟ، ﺗﻢ ﻧﮩﯿﮟ ﮐﺮﻭ ﮔﮯ؟ ﺟﺒﺮﯾﻞ ﻧﮯ ﺑﻶﺧﺮ ﺍﺳﮯ ﻣﺸﻮﺭﮦ ﺩﯾﻨﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺎ۔
ﺍﯾﺮﮎ ﮐﮯ ﻟﯿﮯ ﺟﯿﺴﮯ ﺗﻨﮑﮯ ﮐﻮ ﺳﮩﺎﺭﺍ ﻭﺍﻟﯽ ﺑﺎﺕ ﮨﻮﺉ ﺗﮭﯽ۔ ﻭﮦ ﮈﮬﮯ ﺟﺎﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﻓﭧ ﭘﺎﺗﮫ ﭘﺮ ﭼﺖ ﻟﯿﭩﮯ ﮨﻮﺋﮯ ﺑﻮﻻ ۔
ﺍﻭﮦ ﯾﺲ ! ﻣﯿﮟ ﺑﮭﻮﻝ ﮔﯿﺎ ﺗﮭﺎ۔ ﺍﭼﮭﺎ ﮨﻮﺍ ﺗﻢ ﻧﮯ ﯾﺎﺩ ﺩﻻ ﺩﯾﺎ۔ﺍﺱ ﻧﮯ ﺟﺒﺮﯾﻞ ﮐﮯ ﻗﺪﻣﻮﮞ ﻣﯿﮟ ﻟﯿﭩﮯ ﻟﯿﭩﮯ ﮐﮩﺎ۔
ﮈﻭﻧﭧ ﻣﺎﺋﻨﮉ ! ﮐﯿﮑﮍﮮ ﺍﺗﻨﯽ ﺍﯾﻔﺮﭦ ﮐﺮﻧﮯ ﮐﮯ ﺑﻌﺪ ﮐﮭﺎﺗﮯ ﭘﯿﺘﮯ ﺑﮭﯽ ﮨﯿﮟ۔ ﺟﺒﺮﯾﻞ ﻧﮯ ﺍﺳﮯ ﺍﮔﻠﯽ ﺑﺎﺕ ﯾﺎﺩ ﺩﻻﺉ۔
ﺁﮨﺎﮞ ! ﻣﺠﮭﮯ ﺑﮭﯽ ﮐﮭﺎﻧﮯ ﮐﻮ ﮐﭽﮫ ﭼﺎﮨﯿﺌﮯ۔ ﺍﯾﺮﮎ ﮐﯽ ﺑﮭﻮﮎ ﻭﺍﻗﻌﯽ ﺍﺱ ﮐﯽ ﺑﺎﺕ ﺳﮯ ﭼﻤﮑﯽ ﺗﮭﯽ۔ ﺍﺱ ﮐﮯ ﺑﺎﺯﻭ ﺍﻭﺭ ﮐﻤﺮ ﺍﺱ ﻭﻗﺖ ﺷﻞ ﮨﻮ ﺭﮨﮯ ﺗﮭﮯ۔
ﮨﻤﺎﺭﮮ ﮔﮭﺮ ﻣﯿﮟ ﮐﯿﮑﮍﻭﮞ ﮐﯽ ﮐﭽﮫ ﺧﻮﺭﺍﮎ ﮨﮯ، ﺍﮔﺮ ﺗﻤﮩﯿﮟ ﺍﻧﭩﺮﺳﭧ ﮨﻮ ﺗﻮ ﺗﻢ ﺟﺎ ﮐﮯ ﮐﮭﺎ ﺳﮑﺘﮯ ﮨﻮ۔ ﺟﺒﺮﯾﻞ ﻧﮯ ﮐﮩﺎ۔
ﺍﯾﺮﮎ ﺍﯾﮑﺪﻡ ﺍﺳﯽ ﻃﺮﺡ ﮐﯿﮑﮍﺍ ﺑﻨﮯ ﺑﻨﮯ ﺍﺱ ﮐﮯ ﺳﺎﺗﮫ ﭼﻠﻨﮯ ﻟﮕﺎ۔ ﺟﺒﺮﯾﻞ ﺭﮐﺎ ﺍﻭﺭ ﺍﺱ ﻧﮯ ﺑﮍﯼ ﺷﺎﺋﺴﺘﮕﯽ ﺳﮯ ﺍﺱ ﺳﮯ ﮐﮩﺎ۔ ﻣﺠﮭﮯ ﺍﭼﮭﺎ ﻟﮕﮯ ﮔﺎ ﺍﮔﺮ ﺗﻢ ﮐﭽﮫ ﺩﯾﺮ ﮐﮯ ﻟﯿﮯ ﺩﻭﺑﺎﺭﮦ ﺍﻧﺴﺎﻥ ﺑﻦ ﺟﺎﺅ۔ ﻣﯿﺮﯼ ﻣﻤﯽ ﺍﻭﺭ ﺑﮩﻦ ﮐﯿﮑﮍﻭﮞ ﺳﮯ ﺑﮩﺖ ﮈﺭﺗﯽ ﮨﯿﮟ۔
ﻭﮦ ﺭﮐﺎ، ﺑﯿﭩﮭﺎ ﺍﻭﺭ ﺍﭨﮫ ﮐﺮ ﮐﮭﮍﺍ ﮨﻮ ﮔﯿﺎ۔
ﺟﺒﺮﯾﻞ ﮐﯿﺴﺎﺗﮫ ﮔﮭﺮ ﻣﯿﮟ ﺩﺍﺧﻞ ﮨﻮﺗﮯ ﮨﻮﺋﮯ ﺍﺱ ﻧﮯ ﺍﻣﺎﻣﮧ ﺍﻭﺭ ﻋﻨﺎﯾﮧ ﮐﯽ ﺣﯿﺮﺍﻥ ﻧﻈﺮﯾﮟ ﻣﺤﺴﻮﺱ ﮐﺮ ﻟﯽ ﺗﮭﯽ۔
ﺍﯾﺮﮎ ﺗﻢ ﮐﯿﺎ ﮐﺮ ﺭﮨﮯ ﺗﮭﮯ ﺑﺎﮨﺮ؟ ﺍﺱ ﮐﮯ ﺍﻧﺪﺭ ﺁﺗﮯ ﮨﯽ ﻋﻨﺎﯾﮧ ﻧﮯ ﺍﺱ ﺳﮯ ﭘﻮﭼﮭﺎ ﺗﮭﺎ۔ ﺳﻮﮦ ﺟﻮﺍﺑﺎً ﻓﺎﺗﺤﺎﻧﮧ ﺍﻧﺪﺍﺯ ﻣﯿﮟ ﻣﺴﮑﺮﺍﯾﺎ۔ ﯾﻮﮞ ﺟﯿﺴﮯ ﻭﮦ ﺟﻮ ﭼﺎﮨﺘﺎ ﺗﮭﺎ ﺣﺎﺻﻞ ﮐﺮ ﻟﯿﺎ ﮨﻮ۔
ﯾﮧ ﺍﯾﺮﮎ ﻧﮩﯿﮟ ﺍﯾﮏ ﮐﯿﮑﮍﺍ ﮨﮯ۔ ﺟﺒﺮﯾﻞ ﻧﮯ ﺍﺱ ﮐﺎ ﺗﻌﺎﺭﻑ ﮐﺮﺍﯾﺎ۔ ﺍﻭﺭ ﺑﮩﺘﺮ ﮨﮯ ﺁﺋﻨﺪﮦ ﺍﺳﮯ ﺍﺳﯽ ﻧﺎﻡ ﺳﮯ ﭘﮑﺎﺭﺍ ﺟﺎﺋﮯ۔
ﺗﻢ ﺍﺗﻨﮯ ﺩﻥ ﺳﮯ ﺁﺋﮯ ﮐﯿﻮﮞ ﻧﮩﯿﮟ؟ ﺍﻣﺎﻣﮧ ﻧﮯ ﻣﻮﺿﻮﻉ ﺑﺪﻟﻨﮯ ﮐﻮﺷﺶ ﮐﯽ۔
ﻣﯿﮟ ﻣﺼﺮﻭﻑ ﺗﮭﺎ۔ ﻭﮦ ﺍﺏ ﺍﭘﻨﮯ ﺑﺎﺯﻭ ﺍﻭﺭ ﮐﻼﺋﯿﺎﮞ ﺩﺑﺎ ﺭﮨﺎ ﺗﮭﺎ۔
ﺟﺒﺮﯾﻞ ﺍﻭﺭ ﻋﻨﺎﯾﮧ ﻧﮯ ﻧﻈﺮﻭﮞ ﮐﺎ ﺗﺒﺎﺩﻟﮧ ﮐﯿﺎ ﺍﻭﺭ ﮨﻨﺴﯽ ﮐﻮ ﺭﻭﮐﺎ۔ ﺍﻧﮩﯿﮟ ﺍﻧﺪﺍﺯﮦ ﺗﮭﺎ ﺍﯾﮏ ﮐﯿﮑﮍﺍ ﺑﻦ ﮐﺮ ﭘﻨﺪﺭﮦ ﺑﯿﺲ ﻣﻨﭧ ﭼﮩﻞ ﻗﺪﻣﯽ ﮐﺎ ﻧﺘﯿﺠﮧ ﮐﯿﺎ ﻧﮑﻠﻨﮯ ﻭﺍﻻ ﮨﮯ ﺍﺏ۔۔۔۔
ﺗﻢ ﺑﻌﺾ ﺩﻓﻌﮧ ﺑﮯ ﺣﺪ ﺍﺣﻤﻘﺎﻧﮧ ﺣﺮﮐﺘﯿﮟ ﮐﺮﺗﮯ ﮨﻮ۔ ﻋﻨﺎﯾﮧ ﻧﮯ ﺍﺱ ﺳﮯ ﮐﮩﺎ۔
ﺗﻢ ﻭﺍﻗﻌﯽ ﺍﯾﺴﺎ ﺳﻤﺠﮭﺘﯽ ﮨﻮ؟ ﺍﯾﺮﮎ ﺍﺱ ﮐﮯ ﺗﺒﺼﺮﮮ ﭘﺮ ﮐﭽﮫ ﻣﻀﻄﺮﺏ ﮨﻮﺍ۔
ﮨﺎﮞ ﺑﺎﻟﮑﻞ۔
ﺍﯾﺮﮎ ﮐﮯ ﭼﮩﺮﮮ ﭘﺮ ﺍﺏ ﮐﭽﮫ ﻣﺎﯾﻮﺳﯽ ﺁﺉ۔
ﺍﮔﺮ ﺗﻢ ﮨﻤﺎﺭﮮ ﮔﮭﺮ ﮐﮯ ﺍﻧﺪﺭ ﺁﻧﺎ ﭼﺎﮨﺘﮯ ﺗﮭﮯ ﺗﻮ ﺍﺱ ﮐﺎ ﺳﯿﺪﮬﺎ ﺭﺍﺳﺘﮧ ﺩﺭﻭﺍﺯﮮ ﭘﺮ ﺩﺳﺘﮏ ﺩﮮ ﮐﺮ ﺍﺟﺎﺯﺕ ﻣﺎﻧﮕﻨﺎ ﮨﮯ۔ ﮐﯿﮑﮍﺍ ﺑﻦ ﮐﺮ ﮨﻤﺎﺭﮮ ﮔﮭﺮ ﮐﮯ ﺳﺎﻣﻨﮯ ﭘﮭﺮﻧﺎ ﻧﮩﯿﮟ ﯾﺎ ﺗﻢ ﯾﮧ ﭼﺎﮨﺘﮯ ﮨﻮ ﮐﮧ ﮨﻢ ﺧﻮﺩ ﺗﻤﮩﯿﮟ ﮐﯿﮭﻨﭻ ﮐﮭﯿﻨﭻ ﮐﺮ ﺍﻧﺪﺭ ﺑﻼﺋﯿﮟ۔ ﻋﻨﺎﯾﮧ ﻧﮯ ﮐﭽﮫ ﺧﻔﮕﯽ ﺳﮯ ﮐﮩﺎ۔
ﺍﯾﺮﮎ ﮐﺎ ﭼﮩﺮﮦ ﺳﺮﺥ ﮨﻮﺍ۔ ﯾﮧ ﺷﺮﻣﻨﺪﮔﯽ ﺗﮭﯽ ﺍﺱ ﺑﺎﺕ ﮐﯽ ﮐﮧ ﻭﮦ ﺍﺱ ﮐﯽ ﺣﺮﮐﺖ ﮐﻮ ﺳﻤﺠﮫ ﮔﺌﮯ ﺗﮭﮯ۔
ﻣﺴﺰ ﺳﺎﻻﺭ ﻣﺠﮭﮯ ﭘﺴﻨﺪ ﻧﮩﯿﮟ ﮐﺮﺗﯽ۔ ﺍﯾﺮﮎ ﻧﮯ ﺍﺱ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﺍﻣﺎﻣﮧ ﮐﻮ ﺩﯾﮑﮭﺘﮯ ﮨﻮﺋﮯ ﮐﮩﺎ۔ ﺍﻣﺎﻣﮧ ﺍﺳﮯ ﺩﯾﮑﮫ ﮐﺮ ﺭﮦ ﮔﺊ۔ ﺍﺳﮯ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﺍﺱ ﮐﮯ ﭘﮩﻠﯽ ﺑﺎﺭ ﺳﻤﺠﮭﺎﻧﮯ ﮐﺎ ﺍﺛﺮ ﺍﯾﺮﮎ ﭘﺮ ﯾﮧ ﮨﻮ ﮔﺎ۔
ﺧﯿﺮ ! ﻭﮦ ﺗﻮ ﮨﻢ ﻣﯿﮟ ﺳﮯ ﮐﻮﺋﯽ ﺑﮭﯽ ﻧﮩﯿﮟ ﮐﺮﺗﺎ۔ ﺧﺎﺹ ﻃﻮﺭ ﭘﺮ ﻣﯿﮟ، ﺑﭧ ﯾﻮ ﺁﺭ ﺳﭩﻞ ﻭﯾﻠﮑﻢ۔ ﯾﮧ ﺟﺒﺮﯾﻞ ﺗﮭﺎ ﺟﻮ ﻓﺮﯾﺞ ﺳﮯ ﺳﻮﻓﭧ ﮈﺭﻧﮏ ﻧﮑﺎﻝ ﺭﮨﺎ ﺗﮭﺎ۔
ﻣﯿﺮﮮ ﺑﮭﯽ ﺗﻤﮩﺎﺭﮮ ﺑﺎﺭﮮ ﻣﯿﮟ ﺍﯾﺴﮯ ﮨﯽ ﺧﯿﺎﻻﺕ ﮨﯿﮟ۔ﺍﯾﺮﮎ ﻧﮯ ﺍﺳﮯ ﭨﮑﮍﺍ ﺗﻮﮌ ﺟﻮﺍﺏ ﺩﯾﺎ۔
ﺍﻭﮦ ﺭﯾﺌﻠﯽ ! ﺟﺒﺮﯾﻞ ﺍﺳﮯ ﺯﭺ ﮐﺮ ﺭﮨﺎ ﺗﮭﺎ۔
ﻣﺴﺰ ﺳﺎﻻﺭ ! ﻣﯿﮟ ﻓﺮﯾﺞ ﺳﮯ ﮐﻮﺉ ﮈﺭﻧﮏ ﻟﮯ ﺳﮑﺘﺎ ﮨﻮﮞ؟
ﻧﮩﯿﮟ۔ ﺟﻮ ﺁﺧﺮﯼ ﺗﮭﺎ ﻭﮦ ﻣﯿﮟ ﻧﮯ ﻟﮯ ﻟﯿﺎ۔ ﻟﯿﮑﻦ ﺗﻢ ﯾﮧ ﭘﯽ ﺳﮑﺘﮯ ﮨﻮ۔ ﺍﻣﺎﻣﮧ ﺳﮯ ﭘﮩﻠﮯ ﺟﺒﺮﯾﻞ ﻧﮯ ﺍﺱ ﺳﮯ ﮐﮩﺎ ﺍﻭﺭ ﺍﭘﻨﮯ ﮨﺎﺗﮫ ﻣﯿﮟ ﭘﮑﮍﺍ ﻭﮦ ﮐﯿﻦ ﺟﺲ ﺳﮯ ﺍﺱ ﻧﮯ ﺍﺑﮭﯽ ﺩﻭ ﮔﮭﻮﻧﭧ ﻟﯿﮯ ﺗﮭﮯ ﺍﺱ ﮐﮯ ﺳﺎﻣﻨﮯ ﺭﮐﮫ ﺩﯾﺎ۔ ﺍﻭﺭ ﺧﻮﺩ ﺍﻧﺪﺭﻭﻧﯽ ﮐﻤﺮﮮ ﮐﯽ ﻃﺮﻑ ﭼﻼ ﮔﯿﺎ۔ ﻋﻨﺎﯾﮧ ﻻﺅﻧﺞ ﮐﯽ ﺻﻔﺎﺉ ﻣﯿﮟ ﺍﻣﺎﻣﮧ ﮐﯽ ﻣﺪﺩ ﮐﺮ ﺭﮨﯽ ﺗﮭﯽ۔ ﺍﯾﺮﮎ ﮐﭽﮫ ﺩﯾﺮ ﺩﯾﮑﮭﺘﺎ ﺭﮨﺎ ﭘﮭﺮ ﺍﺱ ﻧﮯ ﮐﯿﻦ ﺍﭨﮭﺎ ﮐﺮ ﺍﯾﮏ ﮨﯽ ﺳﺎﻧﺲ ﻣﯿﮟ ﺍﺳﮯ ﺧﺘﻢ ﮐﺮ ﻟﯿﺎ۔
ﺍﮔﺮ ﻣﺪﺩ ﮐﯽ ﺿﺮﻭﺭﺕ ﮨﻮ ﺗﻮ ﻣﯿﮟ ﻣﺪﺩ ﮐﺮ ﺳﮑﺘﺎ ﮨﻮﮞ۔ﺍﯾﺮﮎ ﻧﮯ ﺍﻧﮩﯿﮟ ﺁﻓﺮ ﮐﯽ۔
ﺗﻤﮩﺎﺭﮮ ﺑﺎﺯﻭ ﺍﺏ ﺩﻭ ﺩﻥ ﺗﮏ ﮐﭽﮫ ﺍﭨﮭﺎﻧﮯ ﮐﮯ ﻗﺎﺑﻞ ﻧﮩﯿﮟ ﮨﻮﮞ ﮔﮯ ﺍﺱ ﻟﯿﮯ ﺁﺭﺍﻡ ﮐﺮﻭ۔ ﮨﻢ ﺧﻮﺩ ﮨﯽ ﮐﺮﻟﯿﮟ ﮔﮯ ﺍﯾﺮﮎ۔ ﺍﻣﺎﻣﮧ ﻧﮯ ﺟﻮﺍﺑﺎً ﺍﺱ ﺳﮯ ﮐﮩﺎ۔
ﻣﯿﺮﺍ ﻧﺎﻡ ﺍﯾﺮﮎ ﻧﮩﯿﮟ ﮨﮯ۔ ﺍﯾﺮﮎ ﻧﮯ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﺍﻣﺎﻣﮧ ﮐﻮ ﺟﻮﺍﺏ ﺩﯾﺎ۔
ﮨﺎﮞ ﮨﺎﮞ ﭘﺘﺎ ﮨﮯ ﺗﻤﮩﺎﺭﺍ ﻧﺎﻡ ﺍﺏ ﮐﯿﮑﮍﺍ ﮨﮯ۔ ﻋﻨﺎﯾﮧ ﻧﮯ ﮨﻮﻭﺭ ﭼﻼﺗﮯ ﮨﻮﺋﮯ ﻣﺬﺍﻕ ﺍﮌﺍﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺎ۔
ﻣﯿﺮﺍ ﻧﺎﻡ ﻋﺒﺪﺍﻟﻠﮧ ﮨﮯ۔۔۔ﺍﻣﺎﻣﮧ ﺍﻭﺭ ﻋﻨﺎﯾﮧ ﻧﮯ ﺑﯿﮏ ﻭﻗﺖ ﭘﮩﻠﮯ ﺍﺳﮯ ﭘﮭﺮ ﺍﯾﮏ ﺩﻭﺳﺮﮮ ﮐﻮ ﺩﯾﮑﮭﺎ۔
ﮐﯿﺎ ﻣﻄﻠﺐ؟ ﺍﻣﺎﻣﮧ ﮐﭽﮫ ﮨﮑﺎ ﺑﮑﺎ ﺳﯽ ﺭﮦ ﮔﺊ۔
ﺍﺏ ﻣﯿﺮﺍ ﻧﺎﻡ ﺍﯾﺮﮎ ﻧﮩﯿﮟ، ﻋﺒﺪﺍﻟﻠﮧ ﮨﮯ۔ ﺍﯾﺮﮎ ﻧﮯ ﺍﭘﻨﺎ ﺟﻤﻠﮧ ﺳﻨﺠﯿﺪﮔﯽ ﺳﮯ ﺩﮨﺮﺍﯾﺎ۔
ﮐﺲ ﻧﮯ ﺑﺪﻻ ﮨﮯ ﺗﻤﮩﺎﺭﺍ ﻧﺎﻡ؟ ﻋﻨﺎﯾﮧ ﺑﮭﯽ ﺩﻧﮓ ﺗﮭﯽ۔
ﻣﯿﮟ ﻧﮯ ﺧﻮﺩ۔ ﺍﺱ ﻧﮯ ﻓﺨﺮﯾﮧ ﺍﻧﺪﺍﺯ ﻣﯿﮟ ﮐﮩﺎ۔
ﺍﯾﺮﮎ ﺍﯾﮏ ﺑﮩﺖ ﺧﻮﺑﺼﻮﺭﺕ ﻧﺎﻡ ﺗﮭﺎ۔ ﺍﻣﺎﻣﮧ ﻧﮯ ﺍﺱ ﺳﮯ ﮐﮩﺎ۔ ﮐﯿﻮﮞ ﻋﻨﺎﯾﮧ؟ ﺍﺱ ﻧﮯ ﺭﻭﺍﻧﯽ ﻣﯿﮟ ﻋﻨﺎﯾﮧ ﺳﮯ ﭘﻮﭼﮭﺎ۔
ﻋﺒﺪﺍﻟﻠﮧ ﺯﯾﺎﺩﮦ ﺧﻮﺑﺼﻮﺭﺕ ﻧﺎﻡ ﮨﮯ ﻣﻤﯽ ! ﻋﻨﺎﯾﮧ ﻧﮯ ﻣﺎﮞ ﮐﯽ ﺗﺎﺋﯿﺪ ﻧﮩﯿﮟ ﮐﯽ ﻟﯿﮑﻦ ﺑﮍﮮ ﺟﺘﺎﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﺑﺘﺎﯾﺎ ﮐﮧ ﻭﮦ ﻋﺒﺪﺍﻟﻠﮧ ﺳﮯ ﮐﯿﺎ ﻣﻔﮩﻮﻡ ﻟﮯ ﺭﮨﯽ ﮨﮯ۔
ﺍﻣﺎﻣﮧ ﺟﺲ ﻣﻮﺿﻮﻉ ﺳﮯ ﺑﭽﻨﺎ ﭼﺎﮨﺘﯽ ﺗﮭﯽ ﺑﺎﺕ ﭘﮭﺮ ﻭﮨﯽ ﺁﮔﺊ ﺗﮭﯽ۔
ﺍﺱ ﻧﺎﻡ ﮐﺎ ﻣﻄﻠﺐ ﺟﺎﻧﺘﮯ ﮨﻮ؟ ﺍﻣﺎﻣﮧ ﻧﮯ ﺍﮔﻼ ﺳﻮﺍﻝ ﮐﯿﺎ۔
ﮨﺎﮞ۔ ﺍﻟﻠﮧ ﮐﺎ ﺑﻨﺪﮦ۔ ﺍﺱ ﻧﮯ ﺍﯾﮏ ﺑﺎﺭ ﭘﮭﺮ ﺍﻣﺎﻣﮧ ﮐﻮ ﻻﺟﻮﺍﺏ ﮐﺮ ﺩﯾﺎ۔ ﻣﯿﮟ ﭼﺎﮨﺘﺎ ﮨﻮﮞ ﮐﮧ ﺁﭖ ﺳﺐ ﻣﺠﮭﮯ ﻋﺒﺪﺍﻟﻠﮧ ﮐﮩﺎ ﮐﺮﮮ ﺍﺏ۔ ﺍﺱ ﻧﮯ ﺍﮔﻼ ﻣﻄﺎﻟﺒﮧ ﮐﯿﺎ۔
ﺍﺱ ﺳﮯ ﮐﯿﺎ ﮨﻮ ﮔﺎ؟ ﺍﺱ ﺑﺎﺭ ﺍﻣﺎﻣﮧ ﮐﮯ ﺳﻮﺍﻝ ﭘﺮ ﻭﮦ ﺧﺎﻣﻮﺵ ﮨﻮ ﮔﯿﺎ۔ ﻭﺍﻗﻌﯽ ﺍﺱ ﺳﮯ ﮐﯿﺎ ﮨﻮ ﺳﮑﺘﺎ ﺗﮭﺎ۔
ﻭﮦ ﮐﭽﮫ ﺩﯾﺮ ﺍﯾﺴﮯ ﮨﯽ ﮐﮭﮍﺍ ﺭﮨﺎ ﭘﮭﺮ ﮐﭽﮫ ﮐﮩﮯ ﺑﻐﯿﺮ ﺧﺎﻣﻮﺷﯽ ﺳﮯ ﺩﺭﻭﺍﺯﮦ ﮐﮭﻮﻝ ﮐﺮ ﺑﺎﮨﺮ ﻧﮑﻞ ﮔﯿﺎ۔ ﺍﻣﺎﻣﮧ ﮐﻮ ﻋﺠﯿﺐ ﻗﻠﻖ ﮨﻮﺍ۔
ﻋﺒﺪﺍﻟﻠﮧ ﺑﺮﺍ ﻧﮩﯿﮟ ﮨﮯ۔ ﻭﮦ ﻋﻨﺎﯾﮧ ﮐﯽ ﺁﻭﺍﺯ ﭘﺮ ﮐﺮﻧﭧ ﮐﮭﺎ ﮐﺮ ﭘﻠﭩﯽ ﺗﮭﯽ۔

ﻋﻨﺎﯾﮧ ! ﻭﮦ ﺍﯾﺮﮎ ﮨﮯ۔ ﺻﺮﻑ ﻧﺎﻡ ﺑﺪﻝ ﻟﯿﻨﮯ ﺳﮯ ﻭﮦ ﻋﺒﺪﺍﻟﻠﮧ ﻧﮩﯿﮟ ﮨﻮ ﺳﮑﺘﺎ ﺑﯿﭩﺎ۔ ﺍﻣﺎﻣﮧ ﻧﮯ ﮐﮩﻨﺎ ﺿﺮﻭﺭﯼ ﺳﻤﺠﮭﺎ ﺗﮭﺎ۔ ﻋﻨﺎﯾﮧ ﺧﺎﻣﻮﺵ ﺭﮨﯽ ﺗﮭﯽ۔

ﺳﺎﻻﺭ ﻧﮯ ﺍﺱ ﻓﺎﺋﻞ ﻣﯿﮟ ﻟﮕﮯ ﮐﺎﻏﺬﺍﺕ ﮐﻮ ﺑﺎﺭﯼ ﺑﺎﺭﯼ ﺩﯾﮑﮭﺎ، ﺁﺧﺮﯼ ﮐﺎﻏﺬ ﻓﺎﺋﻞ ﻣﯿﮟ ﺭﮐﮭﻨﮯ ﮐﮯ ﺑﻌﺪ ﺍﺱ ﻧﮯ ﺍﭘﻨﮯ ﺳﺎﻣﻨﮯ ﺑﯿﭩﮭﮯ ﺣﻤﯿﻦ ﮐﻮ ﺩﯾﮑﮭﺎ۔ ﻓﺎﺋﻞ ﺑﻨﺪ ﮐﯽ ﺍﻭﺭ ﺍﺳﮯ ﻭﺍﭘﺲ ﺗﮭﻤﺎ ﺩﯼ۔
ﺗﻮ ﺍﺱ ﺳﺎﺭﮮ ﺗﺠﺮﺑﮯ ﺳﮯ ﺗﻢ ﻧﮯ ﮐﯿﺎ ﺳﯿﮑﮭﺎ؟
ﺑﮩﺖ ﺳﯽ ﺑﺎﺗﯿﮟ۔ ﺣﻤﯿﻦ ﻧﮯ ﮔﮩﺮﺍ ﺳﺎﻧﺲ ﻟﯿﮑﺮ ﮐﮩﺎ۔ ﺳﺎﻻﺭ ﻧﮯ ﺍﭘﻨﯽ ﮨﻨﺴﯽ ﭼﮭﭙﺎﺉ۔
ﺻﺮﻑ ﺩﻭ ﺑﺎﺗﯿﮟ ﺑﺘﺎ ﺩﻭ۔
ﺑﭽﮯ ﺍﭼﮭﮯ ﮐﻼﺋﻨﭩﺲ ﻧﮩﯿﮟ ﮨﻮﺗﮯ۔ ﺍﺱ ﻧﮯ ﺑﮯ ﺳﺎﺧﺘﮧ ﮐﮩﺎ۔
ﺍﻭﺭ؟ ﺳﺎﻻﺭ ﻧﮯ ﭘﻮﭼﮭﺎ۔
ﺑﺰﻧﺲ ﺁﺳﺎﻥ ﻧﮩﯿﮟ ﮨﮯ۔ ﺍﺱ ﻧﮯ ﺳﺎﻻﺭ ﺳﮯ ﮐﮩﺎ۔
ﺩﺭﺳﺖ۔ ﺳﺎﻻﺭ ﻧﮯ ﺍﺱ ﮐﯽ ﺗﺎﺋﯿﺪ ﮐﯽ۔ ﭘﮭﺮ ﺍﺱ ﺳﮯ ﮐﮩﺎ۔ﮨﺮ ﻭﮦ ﭼﯿﺰ ﺟﻮ ﺍﭼﮭﯽ ﻟﮕﮯ ﺍﻭﺭ ﺩﻭﺳﺮﻭﮞ ﮐﯽ ﻣﻠﮑﯿﺖ ﮨﻮ ﮨﻤﺎﺭﯼ ﺯﻧﺪﮔﯽ ﮐﺎ ﻣﻘﺼﺪ ﻧﮩﯿﮟ ﮨﻮ ﺳﮑﺘﯽ۔ ﮨﻤﺎﺭﯼ ﭘﺴﻨﺪﯾﺪﮦ ﭼﯿﺰ ﻭﮨﯽ ﮨﻮﻧﯽ ﭼﺎﮨﯿﺌﮯ ﺟﻮ ﮐﮧ ﮨﻤﺎﺭﮮ ﭘﺎﺱ ﮨﮯ، ﮐﺴﯽ ﺩﻭﺳﺮﮮ ﮐﯽ ﭼﯿﺰ ﭼﮭﯿﻨﻨﮯ ﮐﺎ ﺣﻖ ﮨﻤﯿﮟ ﻧﮩﯿﮟ۔
ﺗﻤﮩﯿﮟ ﭘﺘﺎ ﮨﮯ، ﺍﻧﺴﺎﻥ ﮐﮯ ﭘﺎﺱ ﺳﺐ ﺳﮯ ﻃﺎﻗﺘﻮﺭ ﭼﯿﺰ ﮐﯿﺎ ﮨﮯ؟ ﺍﺱ ﻧﮯ ﺣﻤﯿﻦ ﺳﮯ ﭘﻮﭼﮭﺎ۔
ﮐﯿﺎ؟ ﺣﻤﯿﻦ ﻧﮯ ﮐﮩﺎ۔
ﻋﻘﻞ۔ ﺍﮔﺮ ﺍﺱ ﮐﺎ ﺩﺭﺳﺖ ﺍﺳﺘﻌﻤﺎﻝ ﺁﺗﺎ ﮨﻮ۔ ﺍﻭﺭ ﺗﻤﮩﯿﮟ ﭘﺘﺎ ﮨﮯ، ﺍﻧﺴﺎﻥ ﮐﮯ ﭘﺎﺱ ﺳﺐ ﺳﮯ ﺧﻄﺮﻧﺎﮎ ﭼﯿﺰ ﮐﯿﺎ ﮨﮯ؟
ﮐﯿﺎ؟ ﺣﻤﯿﻦ ﻧﮯ ﭘﮭﺮ ﺍﺳﯽ ﺍﻧﺪﺍﺯ ﻣﯿﮟ ﮐﮩﺎ۔
ﻋﻘﻞ۔ ﺍﮔﺮ ﺍﺱ ﮐﺎ ﺩﺭﺳﺖ ﺍﺳﺘﻌﻤﺎﻝ ﻧﮧ ﺁﺗﺎ ﮨﻮ ﺗﻮ ﯾﮧ ﺻﺮﻑ ﺩﻭﺳﺮﻭﮞ ﮐﻮ ﻧﮩﯿﮟ ﺧﻮﺩ ﺁﭖ ﮐﻮ ﺑﮭﯽ ﺗﺒﺎﮦ ﮐﺮ ﺳﮑﺘﯽ ﮨﮯ۔
ﺣﻤﯿﻦ ﺟﺎﻧﺘﺎ ﺗﮭﺎ ﺳﺎﻻﺭ ﮐﺲ ﮐﯽ ﻋﻘﻞ ﮐﯽ ﺑﺎﺕ ﮐﺮ ﺭﮨﺎ ﺗﮭﺎ۔ ﻭﮦ ﺍﺱ ﮐﯽ ﮨﯽ ﺑﺎﺕ ﮐﺮ ﺭﮨﺎ ﺗﮭﺎ۔۔
ﻭﮦ ﺩﻧﯿﺎ ﮐﮯ ﺩﻭ ﺫﮨﯿﻦ ﺗﺮﯾﻦ ﺩﻣﺎﻍ ﺗﮭﮯ۔ ﺻﺮﻑ ﺑﺎﭖ ﺑﯿﭩﺎ ﻧﮩﯿﮟ۔ ﭘﯿﻨﺘﺎﻟﯿﺲ ﺳﺎﻝ ﮐﯽ ﻋﻤﺮ ﻣﯿﮟ ﻭﮦ ﺍﯾﮏ ﺳﻮﺩ ﺳﮯ ﭘﺎﮎ ﺍﺳﻼﻣﯽ ﻣﺎﻟﯿﺎﺗﯽ ﻧﻈﺎﻡ ﮐﺎ ﮈﮬﺎﻧﭽﮧ ﮐﮭﮍﺍ ﮐﺮ ﭼﮑﺎ ﺗﮭﺎ۔ ﻭﮦ ﺭﺳﮏ ﻟﯿﺘﺎ ﺗﮭﺎ، ﭼﯿﻠﻨﺞ ﻗﺒﻮﻝ ﮐﺮﺗﺎ ﺗﮭﺎ، ﻧﺌﮯ ﺭﺍﺳﺘﮯ ﮈﮬﻮﻧﮉﻧﺎ ﺍﻭﺭ ﺑﻨﺎﻧﺎ ﺟﺎﻧﺘﺎ ﺗﮭﺎ۔ ﺑﺮﯾﻦ ﭨﯿﻮﻣﺮ ﺳﮯ ﻟﮍﺗﮯ ﮨﻮﺋﮯ ﺑﮭﯽ ﻭﮦ ﺍﭘﻨﯽ ﺯﻧﺪﮔﯽ ﮐﮯ ﺍﯾﮏ، ﺍﯾﮏ ﺩﻥ ﮐﻮ ﺑﺎﻣﻘﺼﺪ ﮔﺰﺍﺭ ﺭﮨﺎ ﺗﮭﺎ۔ ﺍﯾﮏ ﺩﻧﯿﺎ ﺍﺱ ﮐﮯ ﻧﺎﻡ ﺳﮯ ﻭﺍﻗﻒ ﺗﮭﯽ۔ ﺍﯾﮏ ﺩﻧﯿﺎ ﺍﺳﮯ ﻣﺎﻧﺘﯽ ﺗﮭﯽ، ﻭﮦ ﺟﺲ ﻓﻮﺭﻡ ﭘﮧ ﮐﮭﮍﺍ ﮨﻮ ﮐﺮ ﺑﺎﺕ ﮐﺮﺗﺎ ﺗﮭﺎ ﻓﻨﺎﻧﺲ ﮐﯽ ﺩﻧﯿﺎ ﮐﮯ ﮔﺮﻭ ﺍﺱ ﮐﻮ ﺧﺎﻣﻮﺷﯽ ﺍﻭﺭ ﺗﻮﺟﮧ ﺳﮯ ﺳﻨﺘﮯ ﺗﮭﮯ۔ ﻭﮦ ﻓﻨﺎﻧﺲ ﮐﯽ ﺩﻧﯿﺎ ﻣﯿﮟ ﻟﯿﺠﻨﮉﺭﯼ ﮐﯽ ﺣﯿﺜﯿﺖ ﺍﺧﺘﯿﺎﺭ ﮐﺮ ﭼﮑﺎ ﺗﮭﺎ۔
ﺍﺱ ﺳﺎﺭﮮ ﺗﺠﺮﺑﮯ ﻧﮯ ﺣﻤﯿﻦ ﺳﮑﻨﺪﺭ ﮐﻮ ﭘﮩﻠﯽ ﺑﺎﺭ ﺳﻨﺠﯿﺪﮦ ﮐﯿﺎ ﺗﮭﺎ۔ ﺍﺱ ﻧﮯ ﺍﺱ ﺭﺍﺕ ﺍﯾﮏ ﺑﺎﺕ ﺍﭘﻨﮯ ﺑﺎﭖ ﮐﻮ ﻧﮩﯿﮟ ﺑﺘﺎﺋﯽ ﺗﮭﯽ ﺍﻭﺭ ﻭﮦ ﯾﮧ ﺗﮭﯽ ﮐﮧ ﺍﺳﮯ ﺯﻧﺪﮔﯽ ﻣﯿﮟ ﺑﺰﻧﺲ ﮨﯽ ﮐﺮﻧﺎ ﺗﮭﺎ ﺍﭘﻨﮯ ﺑﺎﭖ ﺳﮯ ﺯﯾﺎﺩﮦ ﺑﮍﺍ ﺍﻭﺭ ﮐﺎﻣﯿﺎﺏ ﺑﻨﻨﺎ ﺗﮭﺎ۔ ﺍﺳﮯ ﺩﻧﯿﺎ ﮐﺎ ﺍﻣﯿﺮ ﺗﺮﯾﻦ ﺁﺩﻣﯽ ﺑﻨﻨﺎ ﺗﮭﺎ۔
۔۔۔۔۔۔۔۔۔۔۔۔۔۔۔۔
ﻣﻤﯽ ﻣﯿﮟ ﻗﺮﺁﻥ ﭘﺎﮎ ﭘﮍﮬﻨﺎ ﭼﺎﮨﺘﺎ ﮨﻮﮞ۔ ﮈﻧﺮ ﭨﯿﺒﻞ ﭘﺮ ﺍﺱ ﺭﺍﺕ ﺍﯾﺮﮎ ﺍﭘﻨﯽ ﻓﯿﻤﻠﯽ ﮐﮯ ﺳﺎﺗﮫ ﮐﺊ ﺩﻧﻮﮞ ﺑﻌﺪ ﺳﺎﺗﮫ ﺑﯿﭩﮭﺎ ﺗﮭﺎ۔ ﮐﯿﺮﻭﻟﯿﻦ ﮐﺎ ﺑﻮﺍﺋﮯ ﻓﺮﯾﻨﮉ ﺑﮭﯽ ﻭﮨﯽ ﺗﮭﺎ۔
ﻭﮦ ﮐﯿﺎ ﮨﮯ؟ ﺍﯾﮏ ﻟﻤﺤﮧ ﮐﻮ ﮐﯿﺮﻭﻟﯿﻦ ﮐﯽ ﺳﻤﺠﮫ ﻣﯿﮟ ﻧﮧ ﺁﯾﺎ۔ ﮐﮧ ﻭﮦ ﮐﺲ ﭼﯿﺰ ﮐﮯ ﭘﮍﮬﻨﮯ ﮐﯽ ﺧﻮﺍﮨﺶ ﮐﺎ ﺍﻇﮩﺎﺭ ﮐﺮ ﺭﮨﺎ ﮨﮯ۔
ﻣﺴﻠﻤﺰ ﮐﯽ ﮨﻮﻟﯽ ﺑﮏ۔ ﺟﻮ ﻋﻨﺎﯾﮧ ﮐﯽ ﻓﯿﻤﻠﯽ ﭘﮍﮬﺘﯽ ﮨﮯ۔ﺍﺱ ﻧﮯ ﻣﺎﮞ ﮐﻮ ﻭﺿﺎﺣﺖ ﺩﯼ۔
ﮐﯿﺮﻭﻟﯿﻦ ﮐﮯ ﭘﺎﺭﭨﻨﺮ ﺭﺍﻟﻒ ﻧﮯ ﮐﮭﺎﻧﺎ ﮐﮭﺎﺗﮯ ﮐﮭﺎﺗﮯ ﺭﮎ ﮐﺮ ﺍﻥ ﺩﻭﻧﻮﮞ ﮐﻮ ﺩﯾﮑﮭﺎ۔
ﺗﻢ ﭨﺮﺍﻧﺴﻠﯿﺸﻦ ﭘﮍﮬﻨﺎ ﭼﺎﮨﺘﮯ ﮨﻮ؟ ﮐﯿﺮﻭﻟﯿﻦ ﻧﮯ ﮐﮩﺎ۔
ﻧﮩﯿﮟ ﻣﯿﮟ ﻋﺮﺑﯽ ﭘﮍﮬﻨﺎ ﭼﺎﮨﺘﺎ ﮨﻮﮞ۔ ﺟﯿﺴﮯ ﻭﮦ ﭘﮍﮬﺘﮯ ﮨﯿﮟ۔ ﻭﮦ ﺳﻨﺠﯿﺪﮦ ﺗﮭﺎ۔
ﻟﯿﮑﻦ ﺗﻤﮩﯿﮟ ﻋﺮﺑﯽ ﻧﮩﯿﮟ ﺁﺗﯽ۔ ﮐﯿﺮﻭﻟﯿﻦ ﺑﮭﯽ ﺍﺏ ﺳﻨﺠﯿﺪﮦ ﺗﮭﯽ۔
ﮨﺎﮞ ! ﻟﯿﮑﻦ ﺟﺒﺮﯾﻞ ﻣﺠﮭﮯ ﺳﮑﮭﺎ ﺩﮮ ﮔﺎ۔ ﺍﺱ ﻧﮯ ﻣﺎﮞ ﺳﮯ ﮐﮩﺎ۔
ﺍﺱ ﮐﯽ ﺿﺮﻭﺭﺕ ﮐﯿﺎ ﮨﮯ؟ ﮐﯿﺮﻭﻟﯿﻦ ﮐﻮ ﺧﺎﻣﻮﺵ ﺩﯾﮑﮫ ﮐﺮ ﺭﺍﻟﻒ ﺑﻮﻟﮯ ﺑﻐﯿﺮ ﻧﮧ ﺭﮦ ﺳﮑﺎ۔ ﯾﮧ ﻣﺴﻠﻤﺎﻧﻮﮞ ﮐﯽ ﮨﻮﻟﯽ ﺑﮏ ﮨﮯ ﺗﻤﮩﯿﮟ ﺍﺱ ﮐﻮ ﭘﮍﮬﻨﮯ ﮐﮯ ﻟﯿﮯ ﺍﯾﮏ ﻧﺊ ﺯﺑﺎﻥ ﺳﯿﮑﮭﻨﮯ ﮐﯽ ﺿﺮﻭﺭﺕ ﻧﮩﯿﮟ۔ ﺗﻢ ﺍﺱ ﮐﯽ ﭨﺮﺍﻧﺴﻠﯿﺸﻦ ﭘﮍﮪ ﺳﮑﺘﮯ ﮨﻮ ﺍﮔﺮ ﺗﻤﮩﯿﮟ ﺍﯾﮏ ﮐﺘﺎﺏ ﮐﮯ ﻃﻮﺭ ﭘﺮ ﺍﺳﮯ ﭘﮍﮬﻨﮯ ﻣﯿﮟ ﺩﻟﭽﺴﭙﯽ ﮨﮯ ﺗﻮ۔ ﺍﺱ ﻧﮯ ﺭﺍﻟﻒ ﮐﯽ ﺑﺎﺕ ﮐﺎ ﺟﻮﺍﺏ ﺩﯾﻨﮯ ﮐﯽ ﺯﺣﻤﺖ ﺑﮭﯽ ﻧﮩﯿﮟ ﮐﯽ۔۔
ﻣﻤﯽ ! ﺭﺍﻟﻒ ﮐﻮ ﻣﮑﻤﻞ ﻃﻮﺭ ﭘﺮ ﻧﻈﺮﺍﻧﺪﺍﺯ ﮐﺮ ﮐﮯ ﺍﺱ ﻧﮯ ﺳﻮﺍﻟﯿﮧ ﺍﻧﺪﺍﺯ ﻣﯿﮟ ﮐﯿﺮﻭﻟﯿﻦ ﮐﯽ ﻃﺮﻑ ﺩﯾﮑﮭﺎ۔
ﻭﮦ ﺍﯾﮏ ﮔﮩﺮﺍ ﺳﺎﻧﺲ ﻟﯿﮑﺮ ﺭﮦ ﮔﺊ۔ ﺍﺱ ﮐﮯ ﺍﻭﺭ ﺍﯾﺮﮎ ﮐﮯ ﺗﻌﻠﻘﺎﺕ ﺁﺝ ﮐﻞ ﺟﺲ ﻧﻮﻋﯿﺖ ﮐﮯ ﺗﮭﮯ ﺍﺱ ﻣﯿﮟ ﯾﮧ ﺑﮍﯼ ﺑﺎﺕ ﺗﮭﯽ ﮐﮧ ﻭﮦ ﮐﺴﯽ ﮐﺎﻡ ﮐﮯ ﻟﯿﮯ ﺍﺱ ﺳﮯ ﺍﺟﺎﺯﺕ ﻣﺎﻧﮓ ﺭﮨﺎ ﺗﮭﺎ ﻭﺭﻧﮧ ﻭﮦ ﮐﻮﺉ ﮐﺎﻡ ﮐﺮ ﮐﮯ ﺑﮭﯽ ﺍﺳﮯ ﺑﺘﺎﻧﮯ ﮐﯽ ﺯﺣﻤﺖ ﻧﮩﯿﮟ ﮐﺮﺗﺎ ﺗﮭﺎ۔
ﺗﻤﮩﺎﺭﯼ ﺍﺳﭩﮉﯾﺰ ﻣﺘﺎﺛﺮ ﮨﻮ ﮔﯽ ﺍﯾﺮﮎ۔ ﮐﯿﺮﻭﻟﯿﻦ ﮐﻮ ﺟﻮ ﻭﺍﺣﺪ ﻣﺴﺌﻠﮧ ﺗﮭﺎ ﺍﺱ ﻧﮯ ﺍﺱ ﮐﺎ ﺫﮐﺮ ﮐﯿﺎ۔۔
ﻭﮦ ﻣﺘﺎﺛﺮ ﻧﮩﯿﮟ ﮨﻮ ﮔﯽ۔ ﺁﺉ ﭘﺮﺍﻣﺲ۔ ﺍﺱ ﻧﮯ ﻓﻮﺭﺍً ﻣﺎﮞ ﮐﻮ ﯾﻘﯿﻦ ﺩﮨﺎﻧﯽ ﮐﺮﺍ ﺩﯼ۔
ﺍﻭﮐﮯ ! ﭨﮭﯿﮏ ﮨﮯ، ﻟﯿﮑﻦ ﺍﮔﺮ ﺗﻤﮩﺎﺭﯼ ﺍﺳﭩﮉﯾﺰ ﻣﺘﺎﺛﺮ ﮨﻮﺋﯽ ﺗﻮ ﻣﯿﮟ ﺗﻤﮩﯿﮟ ﺭﻭﮎ ﺩﻭﮞ ﮔﯽ۔
ﺍﯾﺮﮎ ﮐﺎ ﭼﮩﺮﮦ ﮐﮭﻞ ﺍﭨﮭﺎ۔
ﺗﻢ ﮐﺐ ﺟﺎﺅ ﮔﮯ ﺟﺒﺮﯾﻞ ﮐﮯ ﭘﺎﺱ ﻗﺮﺁﻥ ﭘﮍﮬﻨﮯ؟ ﮐﯿﺮﻭﻟﯿﻦ ﻧﮯ ﭘﻮﭼﮭﺎ۔
ﮨﻔﺘﮯ ﻣﯿﮟ ﺩﻭ ﺑﺎﺭ۔ ﺍﯾﺮﮎ ﻧﮯ ﮐﮩﺎ۔
ﭨﮭﯿﮏ ﮨﮯ۔ ﻭﮦ ﺟﯿﺴﮯ ﻣﻄﻤﺌﻦ ﮨﻮﺉ۔
ﺁﭖ ﺟﺒﺮﯾﻞ ﮐﯽ ﻣﻤﯽ ﮐﻮ ﻓﻮﻥ ﮐﺮ ﮐﮯ ﺑﺘﺎ ﺩﯾﮟ ﮐﮧ ﺁﭖ ﻧﮯ ﻣﺠﮭﮯ ﺍﺟﺎﺯﺕ ﺩﮮ ﺩﯼ ﮨﮯ۔ ﺍﯾﺮﮎ ﻧﮯ ﮐﮩﺎ۔
ﭨﮭﯿﮏ ﮨﮯ ﻣﯿﮟ ﻓﻮﻥ ﮐﺮ ﺩﻭﮞ ﮔﯽ۔۔ ﮐﯿﺮﻭﻟﯿﻦ ﻧﮯ ﮐﮩﺎ۔ ﺍﯾﺮﮎ ﺷﮑﺮﯾﮧ ﺍﺩﺍ ﮐﺮﺗﮯ ﮨﻮﺋﮯ ﮐﮭﺎﻧﺎ ﮐﮭﺎ ﮐﮯ ﺍﭨﮫ ﮐﮭﮍﺍ ﮨﻮﺍ۔
ﺗﻢ ﺑﮯ ﻭﻗﻮﻓﯽ ﮐﺮ ﺭﮨﯽ ﮨﻮ۔ ﺍﺱ ﮐﮯ ﻭﮨﺎﮞ ﺳﮯ ﺟﺎﺗﮯ ﮨﯽ ﺭﺍﻟﻒ ﻧﮯ ﺑﮯ ﺣﺪ ﻧﺎﺧﻮﺵ ﺍﻧﺪﺍﺯ ﻣﯿﮟ ﮐﯿﺮﻭﻟﯿﻦ ﺳﮯ ﮐﮩﺎ۔
ﮐﯿﺴﯽ ﺑﮯ ﻭﻗﻮﻓﯽ؟ ﻭﮦ ﺳﻤﺠﮭﺘﮯ ﮨﻮﺋﮯ ﺑﮭﯽ ﻧﮧ ﺳﻤﺠﮭﯽ ﺗﮭﯽ۔
ﺗﻤﮩﺎﺭﺍ ﺑﯿﭩﺎ ﭘﮩﻠﮯ ﮨﯽ ﺗﻤﮩﺎﺭﮮ ﻟﯿﮯ ﺩﺭﺩ ﺳﺮ ﺑﻨﺎ ﮨﻮﺍ ﮨﮯ ﺍﻭﺭ ﺗﻢ ﺍﺳﮯ ﻗﺮﺁﻥ ﭘﺎﮎ ﺍﻭﺭ ﻋﺮﺑﯽ ﺳﯿﮑﮭﻨﮯ ﺑﮭﯿﺞ ﺭﮨﯽ ﮨﻮ ﺗﺎﮐﮧ ﻭﮦ ﺍﻧﺘﮩﺎ ﭘﺴﻨﺪ ﮨﻮ ﺟﺎﺋﮯ۔ ﻭﮦ ﺑﮭﯽ ﺍﯾﮏ ﻣﺴﻠﻤﺎﻥ ﺧﺎﻧﺪﺍﻥ ﮐﮯ ﭘﺎﺱ۔
ﮐﯿﺮﻭﻟﯿﻦ ﮨﻨﺲ ﭘﮍﯼ ﺗﮭﯽ۔
ﺗﻢ ﺍﺱ ﺧﺎﻧﺪﺍﻥ ﮐﻮ ﺟﺎﻧﺘﮯ ﻧﮩﯿﮟ ﮨﻮ ﺭﺍﻟﻒ۔۔ ﻣﯿﮟ ﺳﺎﮌﮬﮯ ﺗﯿﻦ ﺳﺎﻝ ﺳﮯ ﺟﺎﻧﺘﯽ ﮨﻮﮞ۔ ﻧﯿﺒﺮﺯ ﮨﯿﮟ ﮨﻤﺎﺭﮮ۔ ﺟﯿﻤﺰ ﮐﯽ ﻣﻮﺕ ﮐﮯ ﺑﻌﺪ ﺍﻧﮩﻮﮞ ﻧﮯ ﮨﻤﺎﺭﺍ ﺑﮩﺖ ﺧﯿﺎﻝ ﺭﮐﮭﺎ۔ ﻣﯿﮟ ﻣﺎﺭﮎ ﺍﻭﺭ ﺳﺒﻞ ﮐﻮ ﺍﮐﺜﺮ ﺍﻥ ﻟﻮﮔﻮﮞ ﮐﮯ ﭘﺎﺱ ﭼﮭﻮﮌ ﮐﺮ ﺟﺎﺗﯽ ﺗﮭﯽ۔ ﻭﮦ ﺍﯾﺮﮎ ﮐﻮ ﮐﭽﮫ ﺑﺮﺍ ﻧﮩﯿﮟ ﺳﮑﮭﺎﺋﯿﮟ ﮔﮯ۔ ﺳﮑﮭﺎﻧﺎ ﮨﻮﺗﺎ ﺗﻮ ﺍﺳﮯ ﻣﯿﺮﯼ ﺍﺟﺎﺯﺕ ﮐﮯ ﺑﻨﺎ ﺑﮭﯽ ﺳﮑﮭﺎﻧﺎ ﺷﺮﻭﻉ ﮐﺮ ﺩﯾﺘﮯ۔ ﻣﺠﮭﮯ ﮐﯿﺴﮯ ﭘﺘﺎ ﭼﻠﺘﺎ۔ﮐﯿﺮﻭﻟﯿﻦ ﮐﮩﮧ ﺭﮨﯽ ﺗﮭﯽ۔
ﺗﻢ ﭘﮭﺮ ﺑﮭﯽ ﺳﻮﭺ ﻟﻮ۔ ﻣﯿﮟ ﻧﮩﯿﮟ ﺳﻤﺠﮭﺘﺎ ﮐﮧ ﯾﮧ ﺍﯾﮏ ﺍﭼﮭﺎ ﻓﯿﺼﻠﮧ ﮨﮯ۔ ﺍﯾﮏ ﮈﺳﭩﺮﺑﮉ ﺑﭽﮯ ﮐﻮ ﻗﺮﺁﻥ ﭘﮍﮬﺎﻧﺎ۔ ﻭﮦ ﺍﮔﺮ ﻣﺴﻠﻤﺎﻧﻮﮞ ﮐﯽ ﻃﺮﺡ ﺗﺸﺪﺩ ﭘﺴﻨﺪ ﮨﻮ ﮔﯿﺎ ﺗﻮ؟ ﺭﺍﻟﻒ ﮐﮯ ﺍﭘﻨﮯ ﺧﺪﺷﺎﺕ ﺗﮭﮯ۔
ﺍﯾﺮﮎ ﺍﺱ ﺍﺟﺎﺯﺕ ﮐﮯ ﺍﮔﻠﮯ ﮨﯽ ﺩﻥ ﺩﻭﺑﺎﺭﮦ ﺍﻣﺎﻣﮧ ﺍﻭﺭ ﺳﺎﻻﺭ ﮐﮯ ﮔﮭﺮ ﭘﮩﻨﭻ ﮔﯿﺎ ﺟﺒﺮﯾﻞ ﮐﮯ ﭘﺎﺱ ﻗﺮﺁﻥ ﭘﺎﮎ ﮐﺎ ﺁﻏﺎﺯ ﮐﺮﻧﮯ۔
ﻭﮦ ﺍﯾﮏ ﺩﻥ ﭘﮩﻠﮯ ﺑﮭﯽ ﺍﺳﯽ ﻃﺮﺡ ﺟﺒﺮﯾﻞ ﮐﮯ ﭘﺎﺱ ﮔﯿﺎ ﺗﮭﺎ۔ ﻭﮦ ﺍﺱ ﻭﻗﺖ ﻗﺮﺁﻥ ﮐﯽ ﺗﻼﻭﺕ ﮐﺮ ﺭﮨﺎ ﺗﮭﺎ۔ ﺍﯾﺮﮎ ﺍﺱ ﮐﮯ ﭘﺎﺱ ﺟﺎ ﮐﺮ ﺑﯿﭩﮫ ﮔﯿﺎ ﺗﮭﺎ ﺍﻭﺭ ﭘﮭﺮ ﺍﺱ ﮐﮯ ﭘﺎﺱ ﺍﺗﻨﯽ ﺩﯾﺮ ﺗﮏ ﺑﯿﭩﮭﺎ ﺭﮨﺎ ﮐﮧ ﺟﺒﺮﯾﻞ ﮐﻮ ﺑﻶﺧﺮ ﺗﻼﻭﺕ ﺧﺘﻢ ﮐﺮ ﮐﮯ ﺍﺱ ﺳﮯ ﭘﻮﭼﮭﻨﺎ ﭘﮍﺍ ﺗﮭﺎ ﮐﮧ ﻭﮦ ﻭﮨﺎﮞ ﮐﺴﯽ ﮐﺎﻡ ﺳﮯ ﺗﻮ ﻧﮩﯿﮟ ﺁﯾﺎ ﺗﮭﺎ؟
ﻣﯿﮟ ﺑﮭﯽ ﺍﯾﺴﮯ ﻗﺮﺁﻥ ﭘﺎﮎ ﭘﮍﮬﻨﺎ ﺍﻭﺭ ﺳﯿﮑﮭﻨﺎ ﭼﺎﮨﺘﺎ ﮨﻮﮞ ﺟﯿﺴﮯ ﺗﻢ ﭘﮍﮪ ﺭﮨﮯ ﮨﻮ۔ ﺍﺱ ﻧﮯ ﺟﺒﺮﯾﻞ ﮐﻮ ﺟﻮﺍﺏ ﺩﯾﺎ۔ ﻭﮦ ﺍﺱ ﮐﯽ ﺷﮑﻞ ﺩﯾﮑﮫ ﮐﺮ ﺭﮦ ﮔﯿﺎ۔
ﻣﯿﺮﯼ ﺗﻮ ﯾﮧ ﻣﺬﮨﺒﯽ ﮐﺘﺎﺏ ﮨﮯ ﺍﺱ ﻟﯿﮯ ﭘﮍﮪ ﺭﮨﺎ ﮨﻮﮞ ﻣﯿﮟ، ﺗﻢ ﭘﮍﮪ ﮐﺮ ﮐﯿﺎ ﮐﺮﻭ ﮔﮯ؟ ﺍﺱ ﻧﮯ ﺍﯾﺮﮎ ﮐﻮ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯽ۔
ﻣﺠﮭﮯ ﺩﻟﭽﺴﭙﯽ ﮨﮯ، ﺟﺎﻧﻨﮯ ﻣﯿﮟ ﺍﻭﺭ ﻣﺠﮭﮯ ﺍﭼﮭﺎ ﻟﮕﺘﺎ ﮨﮯ ﺟﺐ ﺗﻢ ﺗﻼﻭﺕ ﮐﺮﺗﮯ ﮨﻮ۔ ﺍﯾﺮﮎ ﻧﮯ ﺟﻮﺍﺑﺎً ﮐﮩﺎ۔ ﺗﻢ ﺍﻧﭩﺮﻧﯿﭧ ﭘﺮ ﭨﺮﺍﻧﺴﻠﯿﺸﻦ ﭘﮍﮪ ﺳﮑﺘﮯ ﮨﻮ ﯾﺎ ﻣﯿﮟ ﺗﻤﮩﯿﮟ ﺩﮮ ﺩﻭﮞ ﮔﺎ ﺍﯾﮏ ﺍﻧﮕﻠﺶ ﭨﺮﺍﻧﺴﻠﯿﺸﻦ۔ ﺍﻭﺭ ﺗﻤﮩﯿﮟ ﺗﻼﻭﺕ ﺍﭼﮭﯽ ﻟﮕﺘﯽ ﮨﮯ ﺗﻮ ﺗﻢ ﻭﮦ ﺑﮭﯽ ﻭﮨﺎﮞ ﺳﮯ ﮈﺍﺅﻥ ﻟﻮﮈ ﮐﺮ ﺳﮑﺘﮯ ﮨﻮ۔ ﺗﻤﮩﯿﮟ ﺍﺱ ﮐﮯ ﻟﯿﮯ ﻗﺮﺁﻥ ﭘﺎﮎ ﮐﯽ ﺗﻼﻭﺕ ﺳﯿﮑﮭﻨﮯ ﮐﯽ ﺿﺮﻭﺭﺕ ﻧﮩﯿﮟ۔ ﺟﺒﺮﯾﻞ ﻧﮯ ﻧﺮﻣﯽ ﺳﮯ ﺍﺳﮯ ﺟﯿﺴﮯ ﺭﺍﺳﺘﮧ ﺩﮐﮭﺎﯾﺎ ﺗﮭﺎ۔
ﻟﯿﮑﻦ ﻣﯿﮟ ﭨﺮﺍﻧﺴﻠﯿﺸﻦ ﻧﮩﯿﮟ ﭘﮍﮬﻨﺎ ﭼﺎﮨﺘﺎ ﺍﻭﺭ ﻣﯿﮟ ﺗﻼﻭﺕ ﺳﻨﻨﺎ ﻧﮩﯿﮟ ﺧﻮﺩ ﮐﺮﻧﺎ ﭼﺎﮨﺘﺎ ﮨﻮﮞ۔ ﺟﯿﺴﮯ ﺗﻢ ﮐﺮﺗﮯ ﮨﻮ۔
ﺍﯾﺮﮎ ﺍﺏ ﺑﮭﯽ ﻣﺼﺮ ﺗﮭﺎ۔
ﯾﮧ ﺑﮩﺖ ﻟﻤﺒﺎ ﮐﺎﻡ ﮨﮯ ﺍﯾﺮﮎ، ﺍﯾﮏ ﺩﻥ ﻣﯿﮟ ﻧﮩﯿﮟ ﮨﻮ ﺳﮑﺘﺎ۔ ﺟﺒﺮﯾﻞ ﻧﮯ ﺍﺳﮯ ﭨﺎﻟﻨﮯ ﮐﯽ ﮐﻮﺷﺶ ﮐﯽ، ﻭﮦ ﻧﮧ ﭨﻼ۔
ﮐﺘﻨﺎ ﻟﻤﺒﺎ ﮐﺎﻡ ﮨﮯ؟ ﺍﯾﺮﮎ ﻧﮯ ﭘﻮﭼﮭﺎ۔
ﺗﻤﮩﯿﮟ ﺗﻮ ﮐﺊ ﺳﺎﻝ ﻟﮓ ﺟﺎﺋﯿﮟ ﮔﮯ۔
ﺍﻭﮦ ! ﺗﻮ ﮐﻮﺉ ﻣﺴﺌﻠﮧ ﻧﮩﯿﮟ، ﻣﯿﺮﮮ ﭘﺎﺱ ﺑﮩﺖ ﻭﻗﺖ ﮨﮯ۔ ﺍﯾﺮﮎ ﻧﮯ ﻣﻄﻤﺌﻦ ﮨﻮ ﮐﺮ ﮐﮩﺎ۔
ﺟﺒﺮﯾﻞ ﻋﺠﺐ ﻣﺸﮑﻞ ﻣﯿﮟ ﭘﮍ ﮔﯿﺎ ﺗﮭﺎ۔
ﺗﻢ ﺳﺐ ﺳﮯ ﭘﮩﻠﮯ ﺍﭘﻨﯽ ﻣﻤﯽ ﺳﮯ ﭘﻮﭼﮭﻮ۔ ﺟﺒﺮﯾﻞ ﻧﮯ ﺑﻶﺧﺮ ﮐﮩﺎ۔
ﻣﻤﯽ ﮐﻮ ﮐﻮﺉ ﺍﯾﺸﻮ ﻧﮩﯿﮟ ﮨﻮ ﮔﺎ، ﻣﺠﮭﮯ ﭘﺘﺎ ﮨﮯ۔ ﺍﺱ ﻧﮯ ﺟﺒﺮﯾﻞ ﮐﻮ ﯾﻘﯿﻦ ﺩﻻﻧﮯ ﮐﯽ ﮐﻮﺷﺶ ﮐﯽ۔
ﺍﮔﺮ ﺍﻧﮩﯿﮟ ﮐﻮﺉ ﺍﯾﺸﻮ ﻧﮩﯿﮟ ﮨﻮ ﮔﺎ ﺗﻮ ﺍﻧﮩﯿﮟ ﯾﮧ ﺑﺎﺕ ﻣﻤﯽ ﺳﮯ ﯾﺎ ﻣﺠﮫ ﺳﮯ ﮐﮩﻨﯽ ﮨﻮ ﮔﯽ۔ ﺟﺒﺮﯾﻞ ﺍﺱ ﮐﯽ ﯾﻘﯿﻦ ﺩﮨﺎﻧﯽ ﺳﮯ ﻣﺘﺎﺛﺮ ﮨﻮﺋﮯ ﺑﻐﯿﺮ ﺑﻮﻻ۔
ﻣﯿﮟ ﺍﭘﻨﮯ ﻟﯿﮯ ﮐﭽﮫ ﺑﮭﯽ ﻓﯿﺼﻠﮧ ﮐﺮ ﺳﮑﺘﺎ ﮨﻮﮞ۔ ﻣﺠﮭﮯ ﮨﺮ ﮐﺎﻡ ﻣﻤﯽ ﺳﮯ ﭘﻮﭼﮭﻨﮯ ﮐﯽ ﺿﺮﻭﺭﺕ ﻧﮩﯿﮟ۔ ﺍﯾﺮﮎ ﻧﮯ ﺍﺱ ﺳﮯ ﮐﮩﺎ۔
ﺗﻢ ﺍﺑﮭﯽ ﭼﮭﻮﭨﮯ ﮨﻮ ﺍﯾﺮﮎ ﺍﻭﺭ ﺯﯾﺎﺩﮦ ﺳﻤﺠﮭﺪﺍﺭ ﺑﮭﯽ ﻧﮩﯿﮟ ﮨﻮ۔ ﺟﺐ ﺗﮏ ﺗﻢ ﺍﭨﮭﺎﺭﮦ ﺳﺎﻝ ﮐﮯ ﻧﮩﯿﮟ ﮨﻮ ﺟﺎﺗﮯ۔ﺗﻤﮩﯿﮟ ﺍﭘﻨﺎ ﮨﺮ ﮐﺎﻡ ﻣﻤﯽ ﺳﮯ ﭘﻮﭼﮫ ﮐﺮ ﮐﺮﻧﺎ ﭼﺎﮨﯿﺌﮯ ﺍﻭﺭ ﯾﮧ ﮐﻮﺉ ﺑﺮﯼ ﺑﺎﺕ ﻧﮩﯿﮟ۔ﺟﺒﺮﯾﻞ ﻧﮯ ﺍﺳﮯ ﺳﻤﺠﮭﺎﯾﺎ ﺗﮭﺎ۔

ﺑﻶﺧﺮ ﺍﯾﺮﮎ ﻧﮯ ﮨﺎﺭ ﻣﺎﻥ ﻟﯽ۔ ﺍﻭﺭ ﺍﮔﻠﮯ ﺩﻥ ﻣﺎﮞ ﮐﯽ ﺍﺟﺎﺯﺕ ﮐﯿﺴﺎﺗﮫ ﺁﻧﮯ ﮐﺎ ﮐﮩﺎ۔

ﺍﻣﺎﻣﮧ ﮐﮯ ﻟﯿﮯ ﮐﯿﺮﻭﻟﯿﻦ ﮐﯽ ﻓﻮﻥ ﮐﺎﻝ ﺍﯾﮏ ﺳﺮﭘﺮﺍﺋﺰ ﺗﮭﯽ۔ ﺍﺱ ﻧﮯ ﺑﮍﮮ ﺧﻮﺷﮕﻮﺍﺭ ﺍﻧﺪﺍﺯ ﻣﯿﮟ ﺍﺱ ﺳﮯ ﺑﺎﺕ ﭼﯿﺖ ﮐﺮﺗﮯ ﮨﻮﺋﮯ ﺍﻣﺎﻣﮧ ﮐﻮ ﺍﺱ ﺍﺟﺎﺯﺕ ﮐﮯ ﺑﺎﺭﮮ ﻣﯿﮟ ﺑﺘﺎﯾﺎ ﺗﮭﺎ ﺟﻮ ﺍﺱ ﻧﮯ ﺍﯾﺮﮎ ﮐﻮ ﺩﯼ ﺗﮭﯽ ﺍﻭﺭ ﺍﻣﺎﻣﮧ ﺣﯿﺮﺍﻥ ﺭﮦ ﮔﺊ۔
ﺍﺳﮯ ﺍﯾﺮﮎ ﺍﻭﺭ ﺟﺒﺮﯾﻞ ﮐﮯ ﺩﺭﻣﯿﺎﻥ ﮨﻮﻧﮯ ﻭﺍﻟﯽ ﮔﻔﺘﮕﻮ ﮐﺎ ﻋﻠﻢ ﻧﮩﯿﮟ ﺗﮭﺎ۔
ﻣﻤﯽ ! ﻣﺠﮭﮯ ﯾﻘﯿﻦ ﺗﮭﺎ ﻧﮧ ﻭﮦ ﺍﭘﻨﯽ ﻣﻤﯽ ﺳﮯ ﺑﺎﺕ ﮐﺮﮮ ﮔﺎ، ﻧﮧ ﮨﯽ ﻭﮦ ﺍﺳﮯ ﺍﺟﺎﺯﺕ ﺩﯾﮟ ﮔﯽ۔ ﺟﺒﺮﯾﻞ ﻧﮯ ﻣﺎﮞ ﮐﮯ ﺍﺳﺘﻔﺴﺎﺭ ﭘﺮ ﺍﺳﮯ ﺑﺘﺎﯾﺎ۔
ﻟﯿﮑﻦ ﺍﺏ ﺍﺱ ﮐﯽ ﻣﻤﯽ ﻧﮯ ﻣﺠﮭﮯ ﮐﺎﻝ ﮐﺮ ﮐﮯ ﮐﮩﺎ ﮨﮯ ﮐﮧ ﺍﻧﮩﯿﮟ ﮐﻮﺉ ﺍﻋﺘﺮﺍﺽ ﻧﮩﯿﮟ ﮨﮯ ﺗﻮ ﺍﺏ ﮐﯿﺎ ﮐﺮﯾﮟ؟ ﺍﻣﺎﻣﮧ ﻧﮯ ﮐﮩﺎ۔
ﮐﯿﺎ ﮐﺮﻧﺎ ﮨﮯ؟ ﻭﮦ ﮨﻨﺲ ﭘﮍﺍ۔ ﻗﺮﺁﻥ ﭘﺎﮎ ﺳﮑﮭﺎﺅﮞ ﮔﺎ ﺍﺳﮯ ﺍﺏ۔ ﺟﺒﺮﯾﻞ ﻧﮯ ﻣﺎﮞ ﺳﮯ ﮐﮩﺎ ﺗﮭﺎ۔
ﺍﺳﮯ ﺍﭘﻨﮯ ﺟﻮﺍﺏ ﭘﮧ ﺍﻣﺎﻣﮧ ﮐﮯ ﭼﮩﺮﮮ ﭘﮧ ﺧﻮﺷﯽ ﻧﻈﺮ ﻧﮩﯿﮟ ﺁﺋﯽ۔

ﺁﭖ ﮐﻮ ﭘﺮﯾﺸﺎﻧﯽ ﮐﺲ ﺑﺎﺕ ﮐﯽ ﮨﮯ؟ ﺟﺒﺮﯾﻞ ﻧﮯ ﺟﯿﺴﮯ ﻣﺎﮞ ﮐﻮ ﮐﺮﯾﺪﻧﮯ ﮐﯽ ﮐﻮﺷﺶ ﮐﯽ۔ ﺍﻣﺎﻣﮧ ﺍﺱ ﺳﮯ ﮐﮩﮧ ﻧﮧ ﺳﮑﯽ ﮐﮧ ﺍﺳﮯ ﺳﺎﺭﺍ ﻣﺴﺌﻠﮧ ﻋﻨﺎﯾﮧ ﮐﯽ ﻭﺟﮧ ﺳﮯ ﮨﻮ ﺭﮨﺎ ﮨﮯ۔ ﻣﺠﮭﮯ ﮐﻮﺉ ﻣﺴﺌﻠﮧ ﻧﮩﯿﮟ ﮨﮯ۔ ﺟﻮ ﺑﮭﯽ ﮨﻮﺗﺎ ﮨﮯ ﺍﻟﻠﮧ ﮐﯽ ﻣﺮﺿﯽ ﺳﮯ ﮨﯽ ﮨﻮﺗﺎ ﮨﮯ ﺍﻭﺭ ﮨﻢ ﮐﭽﮫ ﺑﮭﯽ ﺑﺪﻟﻨﮯ ﭘﮧ ﻗﺎﺩﺭ ﻧﮩﯿﮟ ﮨﮯ۔ ﭨﮭﯿﮏ ﮨﮯ، ﺍﯾﺮﮎ ﺗﻢ ﺳﮯ ﻗﺮﺁﻥ ﭘﺎﮎ ﺳﯿﮑﮭﻨﺎ ﭼﺎﮨﺘﺎ ﮨﮯ ﺗﻮ ﺗﻢ ﺍﺳﮯ ﺳﮑﮭﺎﺅ۔ ﺍﻣﺎﻣﮧ ﻧﮯ ﺑﻶﺧﺮ ﺟﯿﺴﮯ ﮨﺘﮭﯿﺎﺭ ﮈﺍﻝ ﺩﯾﯿﮯ۔

ﺍﻣﺎﻣﮧ ﮐﮯ ﻟﯿﮯ ﮐﯿﺮﻭﻟﯿﻦ ﮐﯽ ﻓﻮﻥ ﮐﺎﻝ ﺍﯾﮏ ﺳﺮﭘﺮﺍﺋﺰ ﺗﮭﯽ۔ ﺍﺱ ﻧﮯ ﺑﮍﮮ ﺧﻮﺷﮕﻮﺍﺭ ﺍﻧﺪﺍﺯ ﻣﯿﮟ ﺍﺱ ﺳﮯ ﺑﺎﺕ ﭼﯿﺖ ﮐﺮﺗﮯ ﮨﻮﺋﮯ ﺍﻣﺎﻣﮧ ﮐﻮ ﺍﺱ ﺍﺟﺎﺯﺕ ﮐﮯ ﺑﺎﺭﮮ ﻣﯿﮟ ﺑﺘﺎﯾﺎ ﺗﮭﺎ ﺟﻮ ﺍﺱ ﻧﮯ ﺍﯾﺮﮎ ﮐﻮ ﺩﯼ ﺗﮭﯽ ﺍﻭﺭ ﺍﻣﺎﻣﮧ ﺣﯿﺮﺍﻥ ﺭﮦ ﮔﺊ۔
ﺍﺳﮯ ﺍﯾﺮﮎ ﺍﻭﺭ ﺟﺒﺮﯾﻞ ﮐﮯ ﺩﺭﻣﯿﺎﻥ ﮨﻮﻧﮯ ﻭﺍﻟﯽ ﮔﻔﺘﮕﻮ ﮐﺎ ﻋﻠﻢ ﻧﮩﯿﮟ ﺗﮭﺎ۔
ﻣﻤﯽ ! ﻣﺠﮭﮯ ﯾﻘﯿﻦ ﺗﮭﺎ ﻧﮧ ﻭﮦ ﺍﭘﻨﯽ ﻣﻤﯽ ﺳﮯ ﺑﺎﺕ ﮐﺮﮮ ﮔﺎ، ﻧﮧ ﮨﯽ ﻭﮦ ﺍﺳﮯ ﺍﺟﺎﺯﺕ ﺩﯾﮟ ﮔﯽ۔ ﺟﺒﺮﯾﻞ ﻧﮯ ﻣﺎﮞ ﮐﮯ ﺍﺳﺘﻔﺴﺎﺭ ﭘﺮ ﺍﺳﮯ ﺑﺘﺎﯾﺎ۔
ﻟﯿﮑﻦ ﺍﺏ ﺍﺱ ﮐﯽ ﻣﻤﯽ ﻧﮯ ﻣﺠﮭﮯ ﮐﺎﻝ ﮐﺮ ﮐﮯ ﮐﮩﺎ ﮨﮯ ﮐﮧ ﺍﻧﮩﯿﮟ ﮐﻮﺉ ﺍﻋﺘﺮﺍﺽ ﻧﮩﯿﮟ ﮨﮯ ﺗﻮ ﺍﺏ ﮐﯿﺎ ﮐﺮﯾﮟ؟ ﺍﻣﺎﻣﮧ ﻧﮯ ﮐﮩﺎ۔
ﮐﯿﺎ ﮐﺮﻧﺎ ﮨﮯ؟ ﻭﮦ ﮨﻨﺲ ﭘﮍﺍ۔ ﻗﺮﺁﻥ ﭘﺎﮎ ﺳﮑﮭﺎﺅﮞ ﮔﺎ ﺍﺳﮯ ﺍﺏ۔ ﺟﺒﺮﯾﻞ ﻧﮯ ﻣﺎﮞ ﺳﮯ ﮐﮩﺎ ﺗﮭﺎ۔
ﺍﺳﮯ ﺍﭘﻨﮯ ﺟﻮﺍﺏ ﭘﮧ ﺍﻣﺎﻣﮧ ﮐﮯ ﭼﮩﺮﮮ ﭘﮧ ﺧﻮﺷﯽ ﻧﻈﺮ ﻧﮩﯿﮟ ﺁﺋﯽ۔

ﺁﭖ ﮐﻮ ﭘﺮﯾﺸﺎﻧﯽ ﮐﺲ ﺑﺎﺕ ﮐﯽ ﮨﮯ؟ ﺟﺒﺮﯾﻞ ﻧﮯ ﺟﯿﺴﮯ ﻣﺎﮞ ﮐﻮ ﮐﺮﯾﺪﻧﮯ ﮐﯽ ﮐﻮﺷﺶ ﮐﯽ۔ ﺍﻣﺎﻣﮧ ﺍﺱ ﺳﮯ ﮐﮩﮧ ﻧﮧ ﺳﮑﯽ ﮐﮧ ﺍﺳﮯ ﺳﺎﺭﺍ ﻣﺴﺌﻠﮧ ﻋﻨﺎﯾﮧ ﮐﯽ ﻭﺟﮧ ﺳﮯ ﮨﻮ ﺭﮨﺎ ﮨﮯ۔ ﻣﺠﮭﮯ ﮐﻮﺉ ﻣﺴﺌﻠﮧ ﻧﮩﯿﮟ ﮨﮯ۔ ﺟﻮ ﺑﮭﯽ ﮨﻮﺗﺎ ﮨﮯ ﺍﻟﻠﮧ ﮐﯽ ﻣﺮﺿﯽ ﺳﮯ ﮨﯽ ﮨﻮﺗﺎ ﮨﮯ ﺍﻭﺭ ﮨﻢ ﮐﭽﮫ ﺑﮭﯽ ﺑﺪﻟﻨﮯ ﭘﮧ ﻗﺎﺩﺭ ﻧﮩﯿﮟ ﮨﮯ۔ ﭨﮭﯿﮏ ﮨﮯ، ﺍﯾﺮﮎ ﺗﻢ ﺳﮯ ﻗﺮﺁﻥ ﭘﺎﮎ ﺳﯿﮑﮭﻨﺎ ﭼﺎﮨﺘﺎ ﮨﮯ ﺗﻮ ﺗﻢ ﺍﺳﮯ ﺳﮑﮭﺎﺅ۔ ﺍﻣﺎﻣﮧ ﻧﮯ ﺑﻶﺧﺮ ﺟﯿﺴﮯ ﮨﺘﮭﯿﺎﺭ ﮈﺍﻝ ﺩﯾﯿﮯ۔

ﮔﯿﺎﺭﮦ ﺳﺎﻝ ﮐﯽ ﻋﻤﺮ ﻣﯿﮟ ﻗﺮﺁﻥ ﭘﺎﮎ ﺳﮯ ﺍﯾﺮﮎ ﮐﺎ ﻭﮦ ﭘﮩﻼ ﺑﺎﻗﺎﻋﺪﮦ ﺗﻌﺎﺭﻑ ﺗﮭﺎ۔ ﺍﺱ ﺳﮯ ﭘﮩﻠﮯ ﻭﮦ ﺍﺱ ﮐﺘﺎﺏ ﮐﺎ ﺻﺮﻑ ﻧﺎﻡ ﺟﺎﻧﺘﺎ ﺗﮭﺎ۔ ﺟﻨﺮﻝ ﻧﺎﻟﺞ ﮐﮯ ﻃﻮﺭ ﭘﮧ۔۔۔
ﻭﮦ ﺳﺎﻻﺭ ﺍﻭﺭ ﺍﻣﺎﻣﮧ ﮐﮯ ﮔﮭﺮ ﺟﺎ ﮐﺮ ﻣﺴﻠﻤﺎﻧﻮﮞ ﮐﮯ ﻗﺮﯾﺐ ﮨﻮﺍ ﺗﮭﺎ ﺍﻭﺭ ﺟﺒﺮﯾﻞ ﮐﯽ ﺗﻼﻭﺕ ﺳﻦ ﺳﻦ ﮐﺮ ﻭﮦ ﻗﺮﺁﻥ ﭘﺎﮎ ﺳﮯ ﻣﺘﺎﺛﺮ ﮨﻮﻧﺎ ﺷﺮﻭﻉ ﮨﻮ ﮔﯿﺎ ﺗﮭﺎ۔ ﻭﮦ ﺯﺑﺎﻥ ﺍﻭﺭ ﻭﮦ ﺗﻼﻭﺕ ﺍﺳﮯ ﺟﯿﺴﮯ ﮐﺴﯽ ﻓﯿﻨﭩﺴﯽ ﻣﯿﮟ ﻟﮯ ﺟﺎﺗﯽ ﺗﮭﯽ۔
ﺟﺲ ﺩﻥ ﺍﺱ ﻧﮯ ﺟﺒﺮﯾﻞ ﺳﮯ ﻗﺮﺁﻧﯽ ﻗﺎﻋﺪﮦ ﮐﺎ ﭘﮩﻼ ﺳﺒﻖ ﻟﯿﺎ ﺗﮭﺎ ﺍﺱ ﺭﺍﺕ ﺍﺱ ﻧﮯ ﺁﻥ ﻻﺋﻦ ﻗﺮﺁﻥ ﭘﺎﮎ ﮐﺎ ﭘﻮﺭﺍ ﺍﻧﮕﻠﺶ ﺗﺮﺟﻤﮧ ﭘﮍﮪ ﻟﯿﺎ ﺗﮭﺎ۔ ﻭﮦ ﮐﺘﺎﺑﯿﮟ ﭘﮍﮬﻨﮯ ﮐﺎ ﺷﻮﻗﯿﻦ ﺍﻭﺭ ﻋﺎﺩﯼ ﺗﮭﺎ ﺍﻭﺭ ﺍﺱ ﻧﮯ ﻗﺮﺁﻥ ﮐﻮ ﺑﮭﯽ ﺍﯾﮏ ﮐﺘﺎﺏ ﮐﮯ ﻃﻮﺭ ﭘﮧ ﭘﮍﮬﺎ ﺗﮭﺎ۔ ﺑﮩﺖ ﺳﺎﺭﯼ ﭼﯿﺰﻭﮞ ﮐﻮ ﺳﻤﺠﮭﺘﮯ ﮨﻮﺋﮯ، ﺑﮩﺖ ﺳﯽ ﭼﯿﺰﻭﮞ ﮐﻮ ﻧﮧ ﺳﻤﺠﮭﺘﮯ ﮨﻮﺋﮯ، ﺑﮩﺖ ﺳﯽ ﺑﺎﺗﻮﮞ ﺳﮯ ﻣﺘﺎﺛﺮ ﮨﻮﺗﮯ ﮨﻮﺋﮯ، ﺑﮩﺖ ﺳﮯ ﺍﺣﮑﺎﻣﺎﺕ ﺳﮯ ﺍﻟﺠﮭﺘﮯ ﮨﻮﺋﮯ، ﺑﮩﺖ ﺳﺎﺭﮮ ﻭﺍﻗﻌﺎﺕ ﮐﻮ ﺍﭘﻨﯽ ﮐﺘﺎﺏ ﺑﺎﺋﺒﻞ ﺳﮯ ﻣﻨﺴﻠﮏ ﮐﺮﺗﮯ ﮨﻮﺋﮯ۔
ﺟﺒﺮﯾﻞ ﮐﻮ ﺣﯿﺮﺕ ﻧﮩﯿﮟ ﮨﻮﺋﯽ ﺗﮭﯽ ﺟﺐ ﺍﮔﻠﮯ ﺩﻥ ﺍﯾﺮﮎ ﻧﮯ ﺍﺳﮯ ﻗﺮﺁﻧﯽ ﻗﺎﻋﺪﮦ ﮐﺎ ﺳﺒﻖ ﺑﺎﻟﮑﻞ ﭨﮭﯿﮏ ﭨﮭﯿﮏ ﺳﻨﺎﯾﺎ ﺗﮭﺎ۔ ﻟﯿﮑﻦ ﻭﮦ ﯾﮧ ﺟﺎﻥ ﮐﺮ ﺧﺎﻣﻮﺵ ﺿﺮﻭﺭ ﮨﻮ ﮔﯿﺎ ﺗﮭﺎ ﮐﮧ ﺍﯾﺮﮎ ﻧﮯ ﺍﯾﮏ ﺭﺍﺕ ﻣﯿﮟ ﺑﯿﭩﮫ ﮐﺮ ﻗﺮﺁﻥ ﭘﺎﮎ ﮐﺎ ﭘﻮﺭﺍ ﺗﺮﺟﻤﮧ ﭘﮍﮪ ﻟﯿﺎ ﺗﮭﺎ۔
ﺍﺱ ﮐﺎ ﻓﺎﺋﺪﮦ ﮐﯿﺎ ﮨﻮﺍ؟ ﺟﺒﺮﯾﻞ ﻧﮯ ﺍﺱ ﺳﮯ ﭘﻮﭼﮭﺎ۔
ﮐﺲ ﭼﯿﺰ ﮐﺎ؟ ﻗﺮﺁﻥ ﭘﺎﮎ ﭘﮍﮬﻨﮯ ﮐﺎ؟ ﺍﯾﺮﮎ ﻧﮯ ﺍﺱ ﮐﮯ ﺳﻮﺍﻝ ﮐﯽ ﻭﺿﺎﺣﺖ ﭼﺎﮨﯽ۔
ﮨﺎﮞ۔ ﺟﺒﺮﯾﻞ ﻧﮯ ﺟﻮﺍﺏ ﺩﯾﺎ۔
ﺍﯾﺮﮎ ﮐﻮ ﮐﻮﺉ ﺟﻮﺍﺏ ﻧﮩﯿﮟ ﺳﻮﺟﮭﺎ۔ ﺍﺱ ﮐﺎ ﺧﯿﺎﻝ ﺗﮭﺎ ﮐﮧ ﺟﺒﺮﯾﻞ ﺍﺱ ﺳﮯ ﻣﺘﺎﺛﺮ ﮨﻮ ﮔﺎ۔ ﻭﮦ ﻣﺘﺎﺛﺮ ﻧﮩﯿﮟ ﮨﻮﺍ ﺗﮭﺎ، ﺍﻟﭩﺎ ﺍﺱ ﺳﮯ ﺳﻮﺍﻝ ﮐﺮ ﺭﮨﺎ ﺗﮭﺎ۔
ﻓﺎﺋﺪﮦ ﺗﻮ ﻧﮩﯿﮟ ﺳﻮﭼﺎ ﻣﯿﮟ ﻧﮯ۔ ﻣﯿﮟ ﻧﮯ ﺗﻮ ﺑﺲ ﺗﺠﺴﺲ ﻣﯿﮟ ﭘﮍﮬﺎ ﮨﮯ ﻗﺮﺁﻥ ﭘﺎﮎ۔ﺍﯾﺮﮎ ﻧﮯ ﮐﮩﺎ۔
ﺗﻮ ﺍﺏ ﺗﻤﮩﺎﯼ ﮐﯿﺎ ﺭﺍﺋﮯ ﮨﮯ ﻗﺮﺁﻥ ﭘﺎﮎ ﮐﮯ ﺑﺎﺭﮮ ﻣﯿﮟ؟ ﺍﺏ ﺑﮭﯽ ﺳﯿﮑﮭﻨﺎ ﭼﺎﮨﺘﮯ ﮨﻮ؟ ﺟﺒﺮﯾﻞ ﻧﮯ ﺍﺱ ﺳﮯ ﭘﻮﭼﮭﺎ۔
ﮨﺎﮞ۔ ﺍﺏ ﺍﻭﺭ ﺑﮭﯽ ﺯﯾﺎﺩﮦ۔۔۔ ﺍﯾﺮﮎ ﻧﮯ ﮐﮩﺎ۔ ﻣﺠﮭﮯ ﯾﮧ ﺑﮯ ﺣﺪ ﺍﻧﭩﺮﺳﭩﻨﮓ ﻟﮕﯽ ﮨﮯ۔
ﺟﺒﺮﯾﻞ ﺍﺱ ﮐﯽ ﺑﺎﺕ ﭘﮧ ﻣﺴﮑﺮﺍﯾﺎ ﺗﮭﺎ۔
ﻣﻘﺪﺱ ﮐﺘﺎﺑﻮﮞ ﮐﻮ ﺻﺮﻑ ﭘﮍﮪ ﻟﯿﻨﺎ ﮐﻮﺉ ﺑﮍﯼ ﺑﺎﺕ ﻧﮩﯿﮟ ﮨﻮﺗﯽ۔ ﺟﺒﺮﯾﻞ ﻧﮯ ﺍﺱ ﺳﮯ ﮐﮩﺎ ﺗﮭﺎ۔ ﺍﺳﮯ ﭘﮍﮬﻨﮯ ﮐﯿﺴﺎﺗﮫ ﺳﺎﺗﮫ ﺍﺱ ﭘﮧ ﻋﻤﻞ ﺑﮭﯽ ﺿﺮﻭﺭﯼ ﮨﮯ۔
ﺍﯾﺮﮎ ﺍﺱ ﮐﻮ ﺑﻐﻮﺭ ﺩﯾﮑﮭﺘﮯ ﮨﻮﺋﮯ ﺍﺱ ﮐﯽ ﺑﺎﺕ ﺳﻦ ﺭﮨﺎ ﺗﮭﺎ۔
ﺍﺱ ﺩﻥ ﺟﺒﺮﯾﻞ ﻧﮯ ﺍﺳﮯ ﺩﻭﺳﺮﺍ ﺳﺒﻖ ﻗﺮﺁﻧﯽ ﻗﺎﻋﺪﮦ ﮐﺎ ﻧﮩﯿﮟ ﺩﯾﺎ ﺗﮭﺎ۔ ﺍﺱ ﻧﮯ ﺍﺳﮯ ﺩﻭﺳﺮﺍ ﺳﺒﻖ ﺍﯾﮏ ﺍﭼﮭﺎ ﺍﻧﺴﺎﻥ ﺑﻨﻨﮯ ﮐﮯ ﺣﻮﺍﻟﮯ ﺳﮯ ﺩﯾﺎ ﺗﮭﺎ۔
ﮐﻮﺉ ﺑﮭﯽ ﺍﯾﺴﯽ ﭼﯿﺰ ﺟﺲ ﮐﺎ ﺗﻌﻠﻖ ﺍﻟﻠﮧ ﺳﮯ ﮨﮯ ﺍﻭﺭ ﭘﮭﺮ ﺟﻮ ﮨﻢ ﺳﯿﮑﮭﺘﮯ ﮨﯿﮟ ﺗﻮ ﭘﮭﺮ ﺍﺱ ﺩﻥ ﮨﻤﺎﺭﮮ ﺍﻧﺪﺭ ﺩﻭﺳﺮﻭﮞ ﮐﮯ ﻟﯿﮯ ﮐﭽﮫ ﺯﯾﺎﺩﮦ ﺑﮩﺘﺮﯼ ﺁﻧﯽ ﭼﺎﮨﯿﺌﮯ ﺗﺎﮐﮧ ﻧﻈﺮ ﺁﺋﮯ ﮐﮧ ﮨﻢ ﮐﻮﺉ ﺧﺎﺹ ﭼﯿﺰ ﺳﯿﮑﮫ ﺭﮨﮯ ﮨﯿﮟ۔
ﻭﮦ ﺳﺎﺭﮮ ﺳﺒﺠﯿﮑﭧ ﺟﻮ ﮨﻢ ﺳﮑﻮﻝ ﻣﯿﮟ ﭘﮍﮬﺘﮯ ﮨﯿﮟ ﺍﻭﺭ ﺟﻮ ﮨﻢ ﻭﮨﺎﮞ ﺳﯿﮑﮭﺘﮯ ﮨﯿﮟ ﻭﮦ ﮨﻤﺎﺭﯼ ﭘﺮﺳﻨﺎﻟﭩﯽ ﭘﺮ ﺍﺛﺮ ﺍﻧﺪﺍﺯ ﻧﮩﯿﮟ ﮨﻮﺗﮯ، ﻭﮦ ﺻﺮﻑ ﺗﺐ ﮨﻤﺎﺭﮮ ﮐﺎﻡ ﺁﺗﮯ ﮨﯿﮟ ﺟﺐ ﮨﻤﯿﮟ ﺍﯾﮕﺰﺍﻣﺰ ﺩﯾﻨﺎ ﮨﻮ، ﺟﺎﺏ ﮐﺮﻧﯽ ﮨﻮ، ﯾﺎ ﺑﺰﻧﺲ ﮐﺮﻧﺎ ﮨﻮ۔ﮐﺘﺎﺑﯿﮟ ﮨﻤﯿﮟ ﺑﺎﻋﻠﻢ ﺑﻨﺎﺗﯽ ﮨﯿﮟ۔ ﺑﺎﻋﻤﻞ ﮨﻤﯿﮟ ﺻﺮﻑ ﻭﮦ ﮐﺘﺎﺏ ﺑﻨﺎ ﺳﮑﺘﯽ ﮨﮯ ﺟﻮ ﺍﻟﻠﮧ ﺗﻌﺎﻟﯽ ﻧﮯ ﺍﻧﺴﺎﻥ ﮐﻮ ﺻﺮﻑ ﺑﺎﻋﻤﻞ ﮐﺮﻧﮯ ﮐﮯ ﻟﯿﮯ ﺍﺗﺎﺭﯼ ﮨﮯ۔
ﺍﯾﺮﮎ ﺍﺱ ﮐﯽ ﺑﺎﺕ ﺑﮍﯼ ﺗﻮﺟﮧ ﺳﮯ ﺳﻦ ﺭﮨﺎ ﺗﮭﺎ۔
ﺑﺎﺑﺎ ﻧﮯ ﻣﺠﮫ ﺳﮯ ﮐﮩﺎ ﺗﮭﺎ ﮐﮧ ﺍﮔﺮ ﮨﻢ ﺍﭼﮭﮯ ﺍﻧﺴﺎﻥ ﻧﮧ ﺑﻦ ﺳﮑﯿﮟ ﺗﻮ ﻋﺒﺎﺩﺕ ﮐﺮﻧﮯ ﺍﻭﺭ ﻣﺬﮨﺐ ﮐﮯ ﺑﺎﺭﮮ ﻣﯿﮟ ﭘﮍﮬﻨﮯ ﮐﺎ ﮐﻮﺉ ﻓﺎﺋﺪﮦ ﻧﮩﯿﮟ۔ ﮐﯿﻮﻧﮑﮧ ﻣﺬﮨﺐ ﺍﻭﺭ ﻣﺬﮨﺒﯽ ﮐﺘﺎﺑﯿﮟ ﺍﻟﻠﮧ ﻧﮯ ﺻﺮﻑ ﺍﯾﮏ ﻣﻘﺼﺪ ﮐﮯ ﻟﯿﮯ ﺍﺗﺎﺭﯼ ﮨﯿﮟ۔ ﮐﮧ ﮨﻢ ﺍﭼﮭﮯ ﺍﻧﺴﺎﻥ ﺑﻦ ﮐﺮ ﺭﮨﯿﮟ۔ ﺍﯾﮏ ﺩﻭﺳﺮﮮ ﮐﮯ ﺣﻘﻮﻕ ﻭ ﻓﺮﺍﺋﺾ ﮐﺎ ﺧﯿﺎﻝ ﺭﮐﮭﯿﮟ۔ ﺧﺎﺹ ﻃﻮﺭ ﭘﺮ ﺍﻥ ﮐﺎ، ﺟﻮ ﮨﻤﺎﺭﯼ ﺫﻣﮧ ﺩﺍﺭﯼ ﮨﮯ۔ ﺟﯿﺴﮯ ﺗﻤﮩﺎﺭﮮ ﭼﮭﻮﭨﮯ ﺑﮩﻦ ﺑﮭﺎﺉ ﺍﻭﺭ ﺗﻤﮩﺎﺭﯼ ﻣﻤﯽ ﺗﻤﮩﺎﺭﯼ ﺫﻣﮧ ﺩﺍﺭﯼ ﮨﯿﮟ۔ﺟﺒﺮﯾﻞ ﺑﮍﯼ ﺫﮨﺎﻧﺖ ﺳﮯ ﮔﻔﺘﮕﻮ ﮐﻮ ﺍﺱ ﻣﻮﺿﻮﻉ ﮐﯽ ﻃﺮﻑ ﻣﻮﮌ ﺭﮨﺎ ﺗﮭﺎ ﺟﺲ ﭘﮧ ﻭﮦ ﺍﯾﺮﮎ ﺳﮯ ﺑﺎﺕ ﮐﺮﻧﺎ ﭼﺎﮨﺘﺎ ﺗﮭﺎ۔ ﺗﻮ ﺍﺏ ﺗﻢ ﻧﮯ ﺩﯾﮑﮭﻨﺎ ﮨﮯ ﮐﮧ ﺟﺲ ﺩﻥ ﺗﻢ ﻗﺮﺁﻥ ﭘﮍﮪ ﮐﺮ ﺟﺎﺗﮯ ﮨﻮ ﺍﺱ ﺩﻥ ﺗﻤﮩﺎﺭﮮ ﺍﻧﺪﺭ ﮐﯿﺎ ﺗﺒﺪﯾﻠﯽ ﺁﺗﯽ ﮨﮯ۔ ﺍﺱ ﺩﻥ ﺗﻢ ﺍﭘﻨﯽ ﻓﯿﻤﻠﯽ ﮐﮯ ﻟﯿﮯ ﺍﻭﺭ ﺩﻭﺳﺮﻭﮞ ﮐﮯ ﻟﯿﮯ، ﮐﯿﺎ ﺍﭼﮭﺎ ﮐﺎﻡ ﮐﺮﺗﮯ ﮨﻮ۔ ﺟﺒﺮﯾﻞ ﻧﮯ ﺟﯿﺴﮯ ﺍﺳﮯ ﭼﯿﻠﻨﺞ ﺩﯾﺎ ﺗﮭﺎ۔
ﻣﯿﮟ ﮐﻮﺷﺶ ﮐﺮﻭﮞ ﮔﺎ۔ ﺍﯾﺮﮎ ﻧﮯ ﻭﮦ ﭼﯿﻠﻨﺞ ﻗﺒﻮﻝ ﮐﺮ ﻟﯿﺎ ﺗﮭﺎ۔ ﭘﮭﺮ ﺍﺱ ﻧﮯ ﺟﯿﺴﮯ ﺍﺱ ﮐﯽ ﻣﺪﺩ ﻣﺎﻧﮕﯽ۔ ﺗﻮ ﺁﺝ ﻣﯿﮟ ﮔﮭﺮ ﺟﺎ ﮐﺮ ﮐﯿﺎ ﮐﺮﻭﮞ؟
ﺗﻢ ﺁﺝ ﺍﯾﺴﺎ ﮐﺎﻡ ﻣﺖ ﮐﺮﻧﺎ ﺟﺲ ﺳﮯ ﺗﻤﮩﺎ ﺭﯼ ﻣﻤﯽ ﺍﭖ ﺳﯿﭧ ﮨﻮﺗﯽ ﮨﮯ۔
ﺟﺒﺮﯾﻞ ﻧﮯ ﺍﺱ ﺳﮯ ﮐﮩﺎ۔ ﺍﯾﺮﮎ ﮐﭽﮫ ﺧﺠﻞ ﮨﻮﺍ۔
ﺗﻢ ﻣﺠﮭﮯ ﻋﺒﺪﺍﻟﻠﮧ ﮐﮩﺎ ﮐﺮﻭ۔ ﺍﯾﺮﮎ ﻧﮯ ﺟﺎﻥ ﺑﻮﺟﮫ ﮐﺮ ﻣﻮﺿﻮﻉ ﺑﺪﻟﻨﮯ ﮐﮯ ﻟﯿﮯ ﺍﺳﮯ ﭨﻮﮐﺎ۔
ﻋﺒﺪﺍﻟﻠﮧ ﺗﻮ ﺍﻟﻠﮧ ﮐﺎ ﺑﻨﺪﮦ ﮨﻮﺗﺎ ﮨﮯ۔ ﺳﺐ ﺳﮯ ﺯﯾﺎﺩﮦ ﻣﮩﺮﺑﺎﻥ، ﺳﺐ ﮐﺎ ﺧﯿﺎﻝ ﺭﮐﮭﻨﮯ ﻭﺍﻻ ﺍﻭﺭ ﺳﺐ ﮐﺎ ﺍﺣﺴﺎﺱ ﮐﺮﻧﮯ ﻭﺍﻻ، ﮐﺴﯽ ﮐﻮ ﺗﮑﻠﯿﻒ ﻧﮧ ﺩﯾﻨﮯ ﻭﺍﻻ۔ ﻣﯿﮟ ﺗﻤﮩﯿﮟ ﻋﺒﺪﺍﻟﻠﮧ ﺗﺐ ﮐﮩﻨﺎ ﺷﺮﻭﻉ ﮐﺮﻭﮞ ﮔﺎ ﺟﺐ ﺗﻢ ﺳﺐ ﺳﮯ ﭘﮩﻠﮯ ﺍﭘﻨﯽ ﻣﻤﯽ ﮐﻮ ﺗﮑﻠﯿﻒ ﺩﯾﻨﺎ ﺑﻨﺪ ﮐﺮﻭ ﮔﮯ۔
ﺟﺒﺮﯾﻞ ﻧﮯ ﺍﺱ ﮐﯽ ﮐﻮﺷﺶ ﮐﻮ ﮐﺎﻣﯿﺎﺏ ﻧﮩﯿﮟ ﮨﻮﻧﮯ ﺩﯾﺎ ﺗﮭﺎ۔ ﺍﯾﺮﮎ ﺟﯿﺴﮯ ﮐﭽﮫ ﺍﻭﺭ ﺧﺠﻞ ﮨﻮﺍ۔ ﺍﯾﮏ ﻟﻤﺤﮯ ﮐﮯ ﻟﯿﮯ ﺍﺳﮯ ﻟﮕﺎ ﮐﮧ ﺟﺒﺮﯾﻞ ﺍﺱ ﺳﮯ ﺟﻮ ﮐﭽﮫ ﮐﮩﮧ ﺭﮨﺎ ﺗﮭﺎ ﻭﮦ ﺍﺱ ﮐﯽ ﻣﻤﯽ ﮐﮯ ﮐﮩﻨﮯ ﭘﮧ ﮐﮩﮧ ﺭﮨﺎ ﺗﮭﺎ ﻟﯿﮑﻦ ﺍﺱ ﻧﮯ ﺧﺎﻣﻮﺷﯽ ﺳﮯ ﺑﺎﺕ ﻣﺎﻥ ﻟﯽ۔
ﺍﺱ ﺩﻥ ﺍﯾﺮﮎ ﮔﮭﺮ ﺟﺎ ﮐﺮ ﭘﮩﻠﯽ ﺑﺎﺭ ﺭﺍﻟﻒ ﺳﮯ ﺧﻮﺵ ﺩﻟﯽ ﺳﮯ ﻣﻼ ﺗﮭﺎ۔ ﺭﺍﻟﻒ ﺍﻭﺭ ﮐﯿﺮﻭﻟﯿﻦ ﮐﻮ ﺍﯾﮏ ﻟﻤﺤﮯ ﮐﮯ ﻟﯿﮯ ﻟﮕﺎ ﺷﺎﯾﺪ ﺍﯾﺮﮎ ﺳﮯ ﻏﻠﻄﯽ ﮨﻮﺉ ﮨﮯ ﯾﺎ ﭘﮭﺮ ﺍﻧﮩﯿﮟ ﻭﮨﻢ ﮨﻮ ﺭﮨﺎ ﮨﮯ۔ ﺍﺱ ﻧﮯ ﭘﮩﻠﯽ ﺑﺎﺭ ﺭﺍﻟﻒ ﺳﮯ ﺧﻮﺵ ﻣﺰﺍﺟﯽ ﮐﺎ ﻣﻈﺎﮨﺮﮦ ﮐﯿﺎ ﺗﮭﺎ۔
ﺍﯾﺮﮎ ﺭﮐﮯ ﺑﻐﯿﺮ ﻭﮨﺎﮞ ﺳﮯ ﭼﻼ ﮔﯿﺎ۔ ﺭﺍﻟﻒ ﺍﻭﺭ ﮐﯿﺮﻭﻟﯿﻦ ﻧﮯ ﺍﯾﮏ ﺩﻭﺳﺮﮮ ﮐﻮ ﺣﯿﺮﺍﻧﯽ ﺳﮯ ﺩﯾﮑﮭﺎ۔
ﺍﺱ ﮐﻮ ﮐﯿﺎ ﮨﻮﺍ؟ ﺭﺍﻟﻒ ﻧﮯ ﮐﭽﮫ ﺧﻮﺷﮕﻮﺍﺭ ﺣﯿﺮﺕ ﺳﮯ ﮐﮩﺎ۔
ﭘﺘﺎ ﻧﮩﯿﮟ۔ ﮐﯿﺮﻭﻟﯿﻦ ﻧﮯ ﻻﻋﻠﻤﯽ ﮐﺎ ﺍﻇﮩﺎﺭ ﮐﯿﺎ۔
ﻭﮦ ﭘﮩﻠﯽ ﺗﺒﺪﯾﻠﯽ ﻧﮩﯿﮟ ﺗﮭﯽ ﺟﻮ ﺍﯾﺮﮎ ﻣﯿﮟ ﺁﺉ ﺗﮭﯽ۔ ﻭﮦ ﺁﮨﺴﺘﮧ ﺁﮨﺴﺘﮧ ﻣﺰﯾﺪ ﺗﺒﺪﯾﻞ ﮨﻮﺗﺎ ﮔﯿﺎ۔ ﻗﺮﺁﻥ ﭘﺎﮎ ﮐﺎ ﺳﺒﻖ ﺍﺏ ﮨﺮ ﺭﻭﺯ ﻭﮦ ﻟﯿﻨﮯ ﺟﺎﯾﺎ ﮐﺮﺗﺎ ﺗﮭﺎ۔ ﺍﮔﺮ ﮐﺒﮭﯽ ﺟﺒﺮﯾﻞ ﻧﮧ ﮨﻮﺗﺎ ﺗﻮ ﺣﻤﯿﻦ ﯾﺎ ﺍﻣﺎﻣﮧ ﺍﺳﮯ ﺳﺒﻖ ﭘﮍﮬﺎ ﺩﯾﺘﮯ۔ ﻟﯿﮑﻦ ﺍﯾﺮﮎ ﮐﻮ ﯾﮧ ﺍﻋﺘﺮﺍﻑ ﮐﺮﻧﮯ ﻣﯿﮟ ﻋﺎﺭ ﻧﮩﯿﮟ ﺗﮭﺎ ﮐﮧ ﺟﯿﺴﮯ ﺟﺒﺮﯾﻞ ﺍﺳﮯ ﭘﮍﮬﺎﺗﺎ ﺗﮭﺎ ﻭﯾﺴﮯ ﮐﻮﺉ ﻧﮩﯿﮟ ﭘﮍﮬﺎ ﺳﮑﺘﺎ ﺗﮭﺎ۔

ﺍﺱ ﮔﮭﺮ ﻣﯿﮟ ﺍﯾﺮﮎ ﮐﯽ ﺟﮍﯾﮟ ﺍﺏ ﺯﯾﺎﺩﮦ ﮔﮩﺮﯼ ﺍﻭﺭ ﻣﻀﺒﻮﻁ ﮨﻮ ﮔﺊ ﺗﮭﯽ۔ ﺍﻣﺎﻣﮧ ﮐﯽ ﺗﻤﺎﻡ ﺗﺮ ﺍﺣﺘﯿﺎﻁ ﮐﮯ ﺑﺎﻭﺟﻮﺩ۔۔۔

ﺟﺒﺮﯾﻞ ﻟﻮﮔﻮﮞ ﮐﻮ ﻧﺎ ﺳﻤﺠﮫ ﻣﯿﮟ ﺁﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﻣﺘﺎﺛﺮ ﮐﺮﺗﺎ ﺗﮭﺎ۔ ﺗﯿﺮﮦ ﺳﺎﻝ ﮐﯽ ﻋﻤﺮ ﻣﯿﮟ ﺍﺱ ﮐﺎ ﭨﮭﮩﺮﺍﺅ ﻋﺎﻡ ﺑﭽﻮﮞ ﮐﮯ ﺑﺮﻋﮑﺲ ﺗﮭﺎ۔ ﺳﺎﻻﺭ ﮐﯽ ﺑﯿﻤﺎﺭﯼ ﻧﮯ ﺍﻣﺎﻣﮧ ﮐﮯ ﺳﺎﺗﮫ ﺍﺳﮯ ﺑﮭﯽ ﺑﺪﻝ ﺩﯾﺎ ﺗﮭﺎ۔ ﺍﺱ ﻧﮯ ﺍﻣﺮﯾﮑﮧ ﻣﯿﮟ ﺳﺎﻻﺭ ﮐﯽ ﺳﺮﺟﺮﯼ ﺍﻭﺭ ﺍﺱ ﮐﮯ ﺑﻌﺪ ﻭﮨﺎﮞ ﺍﻣﺎﻣﮧ ﮐﮯ ﻗﯿﺎﻡ ﮐﮯ ﺩﻭﺭﺍﻥ ﺗﯿﻨﻮﮞ ﭼﮭﻮﭨﮯ ﺑﮩﻦ ﺑﮭﺎﺋﯿﻮﮞ ﮐﯽ ﭘﺮﻭﺍﮦ ﮐﺴﯽ ﺑﺎﭖ ﮐﯽ ﻃﺮﺡ ﮐﯽ ﺗﮭﯽ۔ ﺳﮑﻨﺪﺭ ﺍﻭﺭ ﻃﯿﺒﮧ، ﺳﺎﻻﺭ ﮐﮯ ﺑﭽﻮﮞ ﮐﯽ ﺗﺮﺑﯿﺖ ﺳﮯ ﭘﮩﻠﮯ ﺑﮭﯽ ﻣﺘﺎﺛﺮ ﺗﮭﮯ ﻟﯿﮑﻦ ﺍﻥ ﮐﯽ ﻏﯿﺮ ﻣﻮﺟﻮﺩﮔﯽ ﻣﯿﮟ ﺟﺒﺮﯾﻞ ﻧﮯ ﺟﺲ ﻃﺮﺡ ﺍﻥ ﮐﮯ ﮔﮭﺮ ﭘﺮ ﺍﭘﻨﮯ ﺑﮩﻦ ﺑﮭﺎﺉ ﮐﺎ ﺧﯿﺎﻝ ﺭﮐﮭﺎ ﺗﮭﺎ ﻭﮦ ﺍﻥ ﮐﻮ ﻣﺰﯾﺪ ﻣﺘﺎﺛﺮ ﮐﺮ ﮔﯿﺎ ﺗﮭﺎ۔ ﺍﯾﮏ ﺩﺱ ﺳﺎﻟﮧ ﺑﭽﮧ ﮐﺊ ﻣﮩﯿﻨﮯ ﺍﭘﻨﮯ ﮐﮭﯿﻞ ﮐﻮﺩ، ﺍﭘﻨﯽ ﺳﺮﮔﺮﻣﯿﺎﮞ ﺑﮭﻼ ﺑﯿﭩﮭﺎ ﺗﮭﺎ ﺍﻭﺭ ﯾﮩﯽ ﻭﮦ ﻭﻗﺖ ﺗﮭﺎ ﺟﺐ ﺟﺒﺮﯾﻞ ﺫﮨﻨﯽ ﻃﻮﺭ ﭘﺮ ﺑﮭﯽ ﺑﺪﻟﺘﺎ ﮔﯿﺎ۔
ﺗﯿﺮﮦ ﺳﺎﻝ ﮐﯽ ﻋﻤﺮ ﻣﯿﮟ ﮨﺎﺉ ﺳﮑﻮﻝ ﺳﮯ ﮈﺳﭩﻨﮑﺸﻦ ﮐﮯ ﺳﺎﺗﮫ ﭘﺎﺱ ﮐﺮ ﮐﮯ ﯾﻮﻧﯿﻮﺭﺳﭩﯽ ﺟﺎﻧﮯ ﻭﺍﻻ ﻭﮦ ﺍﭘﻨﮯ ﺳﮑﻮﻝ ﮐﺎ ﭘﮩﻼ ﺍﺳﭩﻮﮈﻧﭧ ﺗﮭﺎ۔ ﺍﻭﺭ ﻭﮦ ﻭﮨﺎﮞ ﺑﻞ ﮔﯿﭩﺲ ﻓﺎﺅﻧﮉﯾﺸﻦ ﮐﯽ ﺍﯾﮏ ﺍﺳﮑﺎﻟﺮﺷﭗ ﭘﺮ ﭘﮩﻨﭽﺎ ﺗﮭﺎ۔ ﻭﮦ ﭘﮩﻠﯽ ﺳﯿﮍﮬﯽ ﺗﮭﯽ ﺟﻮ ﻣﯿﮉﯾﺴﻦ ﮐﯽ ﻃﺮﻑ ﺟﺎﺗﮯ ﮨﻮﺋﮯ ﺍﺱ ﻧﮯ ﭼﮍﮬﯽ ﺗﮭﯽ۔

ﺳﺎﻻﺭ ﺳﮑﻨﺪﺭ ﮐﮯ ﺧﺎﻧﺪﺍﻥ ﮐﺎ ﭘﮩﻼ ﭘﺮﻧﺪﮦ ﯾﻮﻧﯿﻮﺭﺳﭩﯽ ﭘﮩﻨﭻ ﭼﮑﺎ ﺗﮭﺎ۔

ﮔﺮﯾﻨﮉ ﺣﯿﺎﺕ ﮨﻮﭨﻞ ﮐﺎ ﺑﺎﻝ ﺭﻭﻡ ﺍﺱ ﻭﻗﺖ ﻧﯿﺸﻨﻞ ﺍﺳﭙﯿﻠﻨﮓ ﺑﯽ ﮐﮯ 93 ﻭﯾﮟ ﻣﻘﺎﺑﻠﮯ ﮐﮯ ﻓﺎﺋﻨﻠﺴﭧ ﮐﺎ ﭘﮩﻼ ﺭﺍﺅﻧﮉ ﻣﻨﻌﻘﺪ ﮐﺮﻭﺍﻧﮯ ﮐﮯ ﻟﯿﮯ ﺗﯿﺎﺭ ﺗﮭﺎ۔ ﺣﻤﯿﻦ ﺳﮑﻨﺪﺭ ﺍﭘﻨﮯ ﭨﺎﺋﭩﻞ ﮐﺎ ﺩﻓﺎﻉ ﮐﺮ ﺭﮨﺎ ﺗﮭﺎ ﺍﻭﺭ ﺭﺋﯿﺴﮧ ﺳﺎﻻﺭ ﺍﺱ ﻣﻘﺎﺑﻠﮯ ﻣﯿﮟ ﭘﮩﻠﯽ ﺩﻓﻌﮧ ﺣﺼﮧ ﻟﮯ ﺭﮨﯽ ﺗﮭﯽ۔
ﺭﺋﯿﺴﮧ ﺍﺱ ﻭﻗﺖ ﺍﺳﭩﯿﺞ ﭘﺮ ﺍﭘﻨﮯ ﭘﮩﻠﮯ ﻟﻔﻆ ﮐﮯ ﺑﻮﻟﮯ ﺟﺎﻧﮯ ﮐﮯ ﺍﻧﺘﻈﺎﺭ ﻣﯿﮟ ﺗﮭﯽ۔ ﺭﺋﯿﺴﮧ ﻧﮯ ﭘﻮﭼﮭﺎ ﺟﺎﻧﮯ ﻭﺍﻻ ﻟﻔﻆ ﺑﮯ ﺣﺪ ﻏﻮﺭ ﺳﮯ ﺳﻨﺎ ﺗﮭﺎ۔ ﻭﮦ ﻟﻔﻆ ﻏﯿﺮ ﻣﺎﻧﻮﺱ ﻧﮩﯿﮟ ﺗﮭﺎ۔ ﻭﮦ ﺍﻧﮩﯽ ﺍﻟﻔﺎﻅ ﻣﯿﮟ ﺷﺎﻣﻞ ﺗﮭﺎ ﺟﺲ ﮐﯽ ﺍﺱ ﻧﮯ ﺗﯿﺎﺭﯼ ﮐﯽ ﺗﮭﯽ۔
Crustaceology
ﺍﺱ ﻧﮯ ﺯﯾﺮ ﻟﺐ ﺍﺱ ﻟﻔﻆ ﮐﻮ ﺩﮨﺮﺍﯾﺎ ﭘﮭﺮ ﺑﻨﺎ ﺁﻭﺍﺯ ﮐﮯ ﺍﺱ ﮐﮯ ﮨﺠﮯ ﮐﯿﮯ ﺍﻭﺭ ﭘﮭﺮ ﺑﻶﺧﺮ ﺍﺱ ﻧﮯ ﺍﺱ ﻟﻔﻆ ﮐﻮ ﮨﺠﮯ ﮐﺮﻧﺎ ﺷﺮﻭﻉ ﮐﯿﺎ۔
C.r.u.s.t.a.c.o.l.o.g.y
ﺭﺋﯿﺴﮧ ﻧﮯ ﺑﮯﯾﻘﯿﻨﯽ ﮐﮯ ﻋﺎﻟﻢ ﻣﯿﮟ ﺍﺱ ﮔﮭﻨﭩﯽ ﮐﻮ ﺳﻨﺎ ﺗﮭﺎ ﺟﻮ ﻟﻔﻆ ﻏﻠﻂ ﮨﻮﻧﮯ ﭘﺮ ﺑﺠﯽ ﺗﮭﯽ۔ ﺍﺱ ﮐﺎ ﺭﻧﮓ ﻓﻖ ﮨﻮﺍ۔ ﻟﯿﮑﻦ ﺍﺱ ﺳﮯ ﺯﯾﺎﺩﮦ ﺣﻤﯿﻦ ﺳﮑﻨﺪﺭ ﮐﺎ، ﺟﺴﮯ ﺍﺱ ﮐﮯ ﺑﻮﻟﻨﮯ ﮐﮯ ﺩﻭﺭﺍﻥ ﮨﯽ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ ﮐﮧ ﺍﺱ ﻧﮯ ﮐﯿﺎ ﻏﻠﻄﯽ ﮐﯽ ﺗﮭﯽ۔ ﮨﺎﻝ ﻣﯿﮟ ﺍﻣﺎﻣﮧ ﺍﻭﺭ ﺳﺎﻻﺭ، ﺟﺒﺮﯾﻞ ﺍﻭﺭ ﻋﻨﺎﯾﮧ ﮐﯿﺴﺎﺗﮫ ﻋﺠﯿﺐ ﺳﯽ ﮐﯿﻔﯿﺖ ﻣﯿﮟ ﺑﯿﭩﮭﮯ ﺗﮭﮯ ﻭﮦ ﺍﺱ ﮐﯽ ﺗﻮﻗﻊ ﺑﮩﺖ ﭘﮩﻠﮯ ﺳﮯ ﮐﺮ ﺭﮨﮯ ﺗﮭﮯ۔ ﺭﺋﯿﺴﮧ ﮐﺎ ﻓﺎﺋﻨﻞ ﺭﺍﺅﻧﮉ ﺗﮏ ﭘﮩﻨﭽﻨﺎ ﺑﮭﯽ ﺍﻥ ﮐﮯ ﻟﯿﮯ ﻧﺎﻗﺎﺑﻞ ﯾﻘﯿﻦ ﮨﯽ ﺗﮭﺎ۔ ﺍﺱ ﻧﮯ ﺍﭘﻨﯽ ﺻﻼﺣﯿﺘﻮﮞ ﺳﮯ ﺑﮍﮪ ﮐﺮ ﭘﺮ ﭘﺮﻓﺎﺭﻣﻨﺲ ﺩﮐﮭﺎﺉ ﺗﮭﯽ۔ ﻭﮦ ﭘﮩﻼ ﻣﮑﺎ ﺗﮭﺎ ﺟﻮ ﺭﺋﯿﺴﮧ ﻧﮯ ﺳﯿﺪﮬﺎ ﻣﻨﮧ ﭘﮧ ﮐﮭﺎﯾﺎ ﺗﮭﺎ۔
ﺣﻤﯿﻦ ﺍﺱ ﺳﮯ ﮐﭽﮫ ﮐﺮﺳﯿﻮﮞ ﮐﮯ ﻓﺎﺻﻠﮯ ﭘﺮ ﺗﮭﺎ۔ ﺍﻥ ﮐﮯ ﺩﺭﻣﯿﺎﻥ ﮐﭽﮫ ﺍﻭﺭ ﻓﺎﺋﻨﻠﺴﭧ ﺗﮭﮯ۔ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﺍﺱ ﻧﮯ ﺍﭨﮫ ﮐﺮ ﺭﺋﯿﺴﮧ ﮐﯽ ﮐﺮﺳﯽ ﭘﺮ ﺁ ﮐﺮ ﺍﺱ ﮐﺎ ﮐﻨﺪﮬﺎ ﺗﮭﭙﮑﺎ ﺗﮭﺎ۔
ﺣﻤﯿﻦ ﺳﮑﻨﺪﺭ ﺍﺳﭩﯿﺞ ﭘﺮ ﺍﺏ ﭘﮩﻠﮯ ﻟﻔﻆ ﮐﮯ ﻟﯿﮯ ﮐﮭﮍﺍ ﺗﮭﺎ ﺍﻭﺭ ﺍﺱ ﮐﺎ ﺍﺳﺘﻘﺒﺎﻝ ﺗﺎﻟﯿﻮﮞ ﮐﯿﺴﺎﺗﮫ ﮨﻮﺍ ﺗﮭﺎ۔ ﻭﮦ ﺍﮔﺮ ﭘﭽﮭﻠﮯ ﺳﺎﻝ ﮈﺍﺭﻟﻨﮓ ﺁﻑ ﺩﯼ ﮐﺮﺍﺅﮈ ﺗﮭﺎ ﺗﻮ ﺍﺱ ﺳﺎﻝ ﺑﮭﯽ ﻭﮦ ﮨﺎﭦ ﻓﯿﻮﺭﭦ ﮐﮯ ﻃﻮﺭ ﭘﮧ ﻣﻘﺎﺑﻠﮯ ﻣﯿﮟ ﮐﮭﮍﺍ ﺗﮭﺎ۔ ﭘﭽﮭﻠﮯ ﺳﺎﺭﮮ ﺭﺍﺅﻧﮉﺯ ﻣﯿﮟ ﺍﺱ ﻧﮯ ﻣﺸﮑﻞ ﺗﺮﯾﻦ ﺍﻟﻔﺎﻅ ﮐﻮ ﺣﻠﻮﮮ ﮐﯽ ﻃﺮﺡ ﺑﻮﺟﮭﺎ ﺗﮭﺎ۔
Vignettee
ﺍﺱ ﮐﺎ ﻟﻔﻆ ﺑﻮﻻ ﺟﺎﺭﮨﺎ ﺗﮭﺎ۔ ﻭﮦ ﺣﻤﯿﻦ ﺳﮑﻨﺪﺭ ﮐﮯ ﻟﯿﮯ ﺍﯾﮏ ﺍﻭﺭ ﺣﻠﻮﮦ ﺗﮭﺎ۔ ﻭﮦ ﺍﺱ ﺳﮯ ﺯﯾﺎﺩ ﻣﺸﮑﻞ ﺍﻭﺭ ﻟﻤﺒﮯ ﺍﻟﻔﺎﻅ ﮐﮯ ﮨﺠﮯ ﮐﺮ ﭼﮑﺎ ﺗﮭﺎ۔ ﺭﺋﯿﺴﮧ ﻧﮯ ﺑﮭﯽ ﺯﯾﺮﻟﺐ ﮐﺊ ﺩﻭﺳﺮﮮ ﻓﺎﺋﻨﻠﺴﭩﺲ ﮐﯽ ﻃﺮﺡ ﻭﮦ ﻟﻔﻆ ﮨﺠﻮﮞ ﮐﯽ ﻃﺮﺡ ﺩﺭﺳﺖ ﻃﻮﺭ ﭘﺮ ﺍﺩﺍ ﮐﯿﺎ۔
V.i,g.n.e.t.t.e
ﺑﯿﻞ ﺑﺠﯽ۔ ﮨﺎﻝ ﻣﯿﮟ ﺳﮑﺘﮧ ﮨﻮﺍ، ﭘﮭﺮ ﺳﺮﮔﻮﺷﯿﺎﮞ ﺍﺑﮭﺮﯾﮟ۔ﭘﮭﺮ ﭘﺮﻭﻧﺎﺅﻧﺴﺮ ﻧﮯ ﺩﺭﺳﺖ ﺍﺳﭙﯿﻠﻨﮓ ﺍﺩﺍ ﮐﯿﮯ۔ ﺣﻤﯿﻦ ﻧﮯ ﺳﺮ ﺟﮭﮑﺎ ﮐﺮ ﺟﯿﺴﮯ ﺍﭘﻨﯽ ﻏﻠﻄﯽ ﮐﺎ ﺍﻋﺘﺮﺍﻑ ﮐﯿﺎ ﺍﻭﺭ ﺍﭘﻨﯽ ﮐﺮﺳﯽ ﮐﯽ ﻃﺮﻑ ﭼﻠﻨﺎ ﺷﺮﻭﻉ ﮐﯿﺎ۔
ﻭﮦ ﺍﺱ ﻣﻘﺎﺑﻠﮯ ﮐﺎ ﭘﮩﻼ ﺍﭖ ﺳﯿﭧ ﺗﮭﺎ۔ ﭘﭽﮭﻠﮯ ﺳﺎﻝ ﮐﺎ ﭼﯿﻤﭙﺌﻦ ﺍﭘﻨﮯ ﭘﮩﻠﮯ ﮨﯽ ﻟﻔﻆ ﮐﻮ ﮨﺠﮯ ﮐﺮﻧﮯ ﻣﯿﮟ ﻧﺎﮐﺎﻡ ﺭﮨﺎ ﺗﮭﺎ۔ ﮨﺎﻝ ﻣﯿﮟ ﺑﯿﭩﮭﮯ ﺳﺎﻻﺭ، ﺍﻣﺎﻣﮧ، ﺟﺒﺮﯾﻞ ﺍﻭﺭ ﻋﻨﺎﯾﮧ ﺑﯿﮏ ﻭﻗﺖ ﭘﺮﯾﺸﺎﻧﯽ ﮐﯽ ﺍﯾﮏ ﻋﺠﯿﺐ ﮐﯿﻔﯿﺖ ﺳﮯ ﮔﺰﺭﮮ ﺗﮭﮯ۔ ﻭﮦ ﺍﯾﮏ ﮨﯽ ﺭﺍﺅﻧﮉ ﻣﯿﮟ ﺭﺋﯿﺴﮧ ﮐﯽ ﻧﺎﮐﺎﻣﯽ ﺩﯾﮑﮫ ﮐﺮ ﺣﻤﯿﻦ ﮐﯽ ﮐﺎﻣﯿﺎﺑﯽ ﭘﮧ ﺗﺎﻟﯿﺎﮞ ﻧﮩﯿﮟ ﺑﺠﺎﻧﺎ ﭼﺎﮨﺘﮯ ﺗﮭﮯ ﺍﻭﺭ ﺍﻧﮩﯿﮟ ﺑﺠﺎﻧﯽ ﺑﮭﯽ ﻧﮩﯿﮟ ﭘﮍﯼ ﺗﮭﯽ۔ ﻟﯿﮑﻦ ﺣﻤﯿﻦ ﺳﮯ ﻟﻔﻆ ﻧﮧ ﺑﻮﺟﮭﻨﺎ ﻏﯿﺮ ﻣﺘﻮﻗﻊ ﺗﮭﺎ۔
ﻟﯿﮑﻦ ﺍﻧﮩﯿﮟ ﯾﮧ ﺍﻧﺪﺍﺯﮦ ﻧﮩﯿﮟ ﺗﮭﺎ ﺍﺱ ﺩﻥ ﺍﻧﮩﯿﮟ ﻭﮨﺎﮞ ﺑﯿﭩﮭﮯ ﻣﻘﺎﺑﻠﮯ ﮐﮯ ﺁﺧﺮ ﺗﮏ ﺍﺳﯽ ﺻﻮﺭﺕ ﺣﺎﻝ ﮐﺎ ﺳﺎﻣﻨﺎ ﮐﺮﻧﺎ ﭘﮍﮮ ﮔﺎ۔
ﺭﺋﯿﺴﮧ ﺍﮔﻠﮯ ﺩﻭ ﻟﻔﻆ ﺑﮭﯽ ﻧﮧ ﺑﻮﺟﮫ ﺳﮑﯽ ﺗﮭﯽ ﺍﻭﺭ ﺣﻤﯿﻦ ﺳﮑﻨﺪﺭ ﺑﮭﯽ۔ ﻭﮦ ﺩﻭﻧﻮﮞ ﻓﺎﺋﻨﻞ ﻣﻘﺎﺑﻠﮯ ﮐﮯ ﺍﺑﺘﺪﺍﺉ ﻣﺮﺣﻠﮯ ﻣﯿﮟ ﮨﯽ ﻣﻘﺎﺑﻠﮯ ﺳﮯ ﺁﺅﭦ ﮨﻮ ﮔﺌﮯ ﺗﮭﮯ۔
ﺭﺋﯿﺴﮧ ﮐﯽ ﯾﮧ ﭘﺮﻓﺎﺭﻣﻨﺲ ﻏﯿﺮ ﻣﺘﻮﻗﻊ ﻧﮩﯿﮟ ﺗﮭﯽ۔ ﻟﯿﮑﻦ ﺣﻤﯿﻦ ﺳﮑﻨﺪﺭ ﮐﯽ ﺍﯾﺴﯽ ﭘﺮﻓﺎﺭﻣﻨﺲ ﺍﺱ ﺭﺍﺕ ﺍﯾﮏ ﺑﺮﯾﮑﻨﮓ ﻧﯿﻮﺯ ﺗﮭﯽ۔ ﭘﭽﮭﻠﮯ ﺳﺎﻝ ﮐﺎ ﭼﯿﻤﭙﺌﻦ ﻣﻘﺎﺑﻠﮯ ﺳﮯ ﺁﺅﭦ ﮨﻮ ﮔﯿﺎ ﺗﮭﺎ ﺍﻭﺭ ﺣﻤﯿﻦ ﮐﮯ ﭼﮩﺮﮮ ﮐﺎ ﺍﻃﻤﯿﻨﺎﻥ ﻭﯾﺴﺎ ﮨﯽ ﺗﮭﺎ ﺟﯿﺴﮯ ﺍﺳﮯ ﮐﻮﺉ ﻓﺮﻕ ﮨﯽ ﻧﮧ ﭘﮍﺍ ﮨﻮ۔ ﻭﮦ ﺩﻭﻧﻮﮞ ﻣﻘﺎﺑﻠﮯ ﺳﮯ ﺑﺎﮨﺮ ﮨﻮﻧﮯ ﮐﮯ ﺑﻌﺪ ﺍﭘﻨﮯ ﻣﺎﮞ ﺑﺎﭖ ﮐﮯ ﭘﺎﺱ ﺁ ﮐﺮ ﺑﯿﭩﮫ ﮔﺌﮯ ﺗﮭﮯ۔
ﺩﻭﻧﻮﮞ ﻧﮯ ﺍﻥ ﺩﻭﻧﻮﮞ ﮐﻮ ﺗﮭﭙﮑﺎ ﺗﮭﺎ۔ ﺗﺴﻠﯽ ﺩﯼ ﺗﮭﯽ۔ ﯾﮧ ﮨﯽ ﮐﺎﻡ ﺟﺒﺮﯾﻞ ﺍﻭﺭ ﻋﻨﺎﯾﮧ ﻧﮯ ﺑﮭﯽ ﮐﯿﺎ ﺗﮭﺎ۔
ﺑﮩﺖ ﺍﭼﮭﮯ۔ ﺍﻧﮩﻮﮞ ﻧﮯ ﺍﭘﻨﮯ ﭼﮭﻮﭨﮯ ﺑﮩﻦ ﺑﮭﺎﺋﯽ ﮐﺎ ﺣﻮﺻﻠﮧ ﺑﻨﺪﮬﺎﯾﺎ ﺗﮭﺎ۔
ﺍﻧﮩﻮﮞ ﻧﮯ ﺍﺱ ﺳﺎﻝ ﮐﮯ ﻧﺌﮯ ﭼﯿﻤﭙﺌﻦ ﮐﻮ ﺑﮭﯽ ﺩﯾﮑﮭﺎ ﺗﮭﺎ ﺍﻭﺭ ﺍﻥ ﺍﻧﻌﺎﻣﺎﺕ ﮐﮯ ﮈﮬﯿﺮ ﮐﻮ ﺑﮭﯽ ﺟﻮ ﺍﺱ ﭘﺮ ﻧﭽﮭﺎﻭﺭ ﮐﯿﮯ ﺟﺎ ﺭﮨﮯ ﺗﮭﮯ۔ ﺭﺋﯿﺴﮧ ﮐﺎ ﻏﻢ ﺟﯿﺴﮯ ﮐﭽﮫ ﺍﻭﺭ ﺑﮭﯽ ﺑﮍﮬﺎ۔ ﻭﮦ ﺳﺎﻻﺭ ﺳﮑﻨﺪﺭ ﮐﺎ ﻧﺎﻡ ﺭﻭﺷﻦ ﻧﮧ ﮐﺮ ﺳﮑﯽ ﺗﮭﯽ۔ﺟﯿﺴﮯ ﺍﻥ ﮐﮯ ﺑﮍﮮ ﺑﮩﻦ ﺑﮭﺎﺉ ﮐﺮﺗﮯ ﺗﮭﮯ۔ ﻭﮦ ﺍﻥ ﺟﯿﺴﯽ ﻧﮩﯿﮟ ﺗﮭﯽ۔ ﺍﺳﮯ ﺷﺪﯾﺪ ﺍﺣﺴﺎﺱ ﮐﻤﺘﺮﯼ ﮨﻮﺍ۔ ﻭﮦ ﺳﺐ ﺍﺱ ﺳﮯ ﺑﮩﺘﺮ ﺷﮑﻞ ﻭ ﺻﻮﺭﺕ ﮐﮯ ﺗﮭﮯ، ﺍﺱ ﺳﮯ ﺑﮩﺘﺮﯾﻦ ﺫﮨﻨﯽ ﺻﻼﺣﯿﺘﯿﮟ ﺭﮐﮭﺘﮯ ﺗﮭﮯ۔ ﻭﮦ ﮐﺴﯽ ﺑﮭﯽ ﻃﺮﺡ ﺍﻥ ﮐﺎ ﻣﻘﺎﺑﻠﮧ ﻧﮩﯿﮟ ﮐﺮ ﺳﮑﺘﯽ ﺗﮭﯽ۔
ﺍﻥ ﮐﮯ ﮔﮭﺮ ﻣﯿﮟ ﻻﻧﮯ ﻭﺍﻟﯽ ﭨﺮﺍﻓﯿﺰ، ﻣﯿﮉﻟﺰ ﻣﯿﮟ ﺍﺱ ﮐﺎ ﺑﮩﺖ ﺗﮭﻮﮌﺍ ﺣﺼﮧ ﺗﮭﺎ۔ ﺁﺝ ﭘﮩﻠﯽ ﺑﺎﺭ ﻭﮦ ﺭﻧﺠﯿﺪﮦ ﮨﻮﺉ ﺗﮭﯽ۔
ﺗﻢ ﺍﺩﺍﺱ ﮨﻮ؟ ﯾﮧ ﺣﻤﯿﻦ ﮐﯽ ﺳﺮﮔﻮﺷﯽ ﺗﮭﯽ ﺟﻮ ﺍﺱ ﻧﮯ ﮔﺎﮌﯼ ﻣﯿﮟ ﮨﻮﻧﮯ ﻭﺍﻟﯽ ﺳﺐ ﮐﯽ ﮔﻔﺘﮕﻮ ﮐﮯ ﺩﺭﻣﯿﺎﻥ ﺍﺱ ﮐﮯ ﮐﺎﻥ ﻣﯿﮟ ﮐﯽ ﺗﮭﯽ۔
ﻧﮩﯿﮟ۔ ﺭﺋﯿﺴﮧ ﻧﮯ ﺍﺳﯽ ﺍﻧﺪﺍﺯ ﻣﯿﮟ ﺟﻮﺍﺏ ﺩﯾﺎ۔
ﻣﺠﮭﮯ ﭘﺘﺎ ﮨﮯ ﺗﻢ ﺍﺩﺍﺱ ﮨﻮ۔ ﺣﻤﯿﻦ ﻧﮯ ﺍﯾﮏ ﺍﻭﺭ ﺳﺮﮔﻮﺷﯽ ﮐﯽ۔
ﺗﻢ ﻧﯿﮑﺴﭧ ﺍﯾﺌﺮ ﺟﯿﺖ ﺳﮑﺘﯽ ﮨﻮ۔ ﺍﺱ ﻧﮯ ﺟﯿﺴﮯ ﺭﺋﯿﺴﮧ ﮐﻮ ﺁﺱ ﺩﻻﺉ۔
ﻣﺠﮭﮯ ﭘﺘﺎ ﮨﮯ ﻟﯿﮑﻦ ﺍﮔﻼ ﺳﺎﻝ ﺑﮩﺖ ﺩﻭﺭ ﮨﮯ۔ ﺍﺱ ﻧﮯ ﻣﺪﮬﻢ ﺁﻭﺍﺯ ﻣﯿﮟ ﮐﮩﺎ۔
ﺣﻤﯿﻦ ﻧﮯ ﺍﺱ ﮐﯽ ﮐﻤﺮ ﻣﯿﮟ ﮔﺪﮔﺪﯼ ﮐﺮﻧﮯ ﮐﯽ ﮐﻮﺷﺶ ﮐﯽ ﻭﮦ ﺳﮑﮍ ﮐﺮ ﭘﯿﭽﮭﮯ ﮨﭩﯽ۔ ﺍﺳﮯ ﮨﻨﺴﯽ ﻧﮩﯿﮟ ﺁﺉ ﺗﮭﯽ۔ ﻭﮦ ﮨﻨﺴﻨﺎ ﭼﺎﮨﺘﯽ ﺑﮭﯽ ﻧﮩﯿﮟ ﺗﮭﯽ۔
ﻣﯿﮟ ﺑﮭﯽ ﺗﻮ ﮨﺎﺭﺍ ﮨﻮﮞ۔ ﺣﻤﯿﻦ ﮐﻮ ﺍﺱ ﮐﮯ ﻣﻮﮈ ﮐﺎ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ۔
ﺗﻢ ﺟﯿﺘﮯ ﺑﮭﯽ ﺗﻮ ﺗﮭﮯ ﻧﺎ۔ ﺍﺱ ﻧﮯ ﺟﻮﺍﺑﺎً ﮐﮩﺎ۔
ﻭﮦ ﺗﻮ ﯾﻮﻧﮩﯽ ﺗﮑﺎ ﻟﮓ ﮔﯿﺎ ﺗﮭﺎ۔ ﺍﺱ ﻧﮯ ﺟﯿﺴﮯ ﺍﭘﻨﺎ ﮨﯽ ﻣﺬﺍﻕ ﺍﮌﺍﺗﮯ ﮨﻮﺋﮯ ﮐﮩﺎ۔

ﺭﺋﯿﺴﮧ ﺟﻮﺍﺏ ﺩﯾﻨﮯ ﮐﯽ ﺑﺠﺎﺋﮯ ﮐﮭﮍﮐﯽ ﺳﮯ ﺑﺎﮨﺮ ﺩﯾﮑﮭﺘﯽ ﺭﮨﯽ۔ ﯾﮧ ﺟﯿﺴﮯ ﺍﻋﻼﻥ ﺗﮭﺎ ﮐﮧ ﻭﮦ ﺍﺱ ﻣﻮﺿﻮﻉ ﭘﺮ ﺑﺎﺕ ﻧﮩﯿﮟ ﮐﺮﻧﺎ ﭼﺎﮨﺘﯽ۔

ﺭﺋﯿﺴﮧ ﺍﭖ ﺳﯿﭧ ﮨﮯ۔
ﺍﺱ ﺭﺍﺕ ﺳﺎﻻﺭ ﻧﮯ ﺍﻣﺎﻣﮧ ﺳﮯ ﺳﻮﻧﮯ ﺳﮯ ﭘﮩﻠﮯ ﮐﮩﺎ ﺗﮭﺎ۔
ﻣﯿﮟ ﺟﺎﻧﺘﯽ ﮨﻮﮞ ﺍﻭﺭ ﺍﺳﯽ ﻟﯿﮯ ﻧﮩﯿﮟ ﭼﺎﮨﺘﯽ ﺗﮭﯽ ﮐﮧ ﻭﮦ ﺍﺱ ﻣﻘﺎﺑﻠﮯ ﻣﯿﮟ ﺣﺼﮧ ﻟﯿﺘﯽ ﺟﻦ ﻣﯿﮟ ﺑﺎﻗﯽ ﺗﯿﻨﻮﮞ ﭨﺮﺍﻓﯿﺰ ﺟﯿﺖ ﭼﮑﮯ ﺗﮭﮯ ﻟﯿﮑﻦ ﺗﻢ ﻧﮯ ﻣﻨﻊ ﻧﮩﯿﮟ ﮐﯿﺎ ﺍﺳﮯ۔ﺍﻣﺎﻣﮧ ﻧﮯ ﺍﺱ ﺳﮯ ﮐﮩﺎ۔
ﻣﯿﮟ ﮐﯿﺴﮯ ﺍﺳﮯ ﻣﻨﻊ ﮐﺮﺗﺎ۔ ﯾﮧ ﮐﮩﺘﺎ ﮐﮧ ﺗﻢ ﻧﮩﯿﮟ ﺟﯿﺖ ﺳﮑﺘﯽ ﺍﺱ ﻟﯿﮯ ﻣﺖ ﺣﺼﮧ ﻟﻮ۔ ﺍﻭﺭ ﭘﮭﺮ ﻭﮦ ﻓﺎﺋﻨﻞ ﺭﺍﺅﻧﮉ ﺗﮏ ﭘﮩﻨﭽﯽ۔ ﺑﮩﺖ ﺍﭼﮭﺎ ﮐﮭﯿﻠﯽ ﮨﮯ۔ ﯾﮧ ﺯﯾﺎﺩﮦ ﺍﮨﻢ ﭼﯿﺰ ﮨﮯ۔ﺳﺎﻻﺭ ﻧﮯ ﺍﭘﻨﮯ ﮨﺎﺗﮫ ﺳﮯ ﮔﮭﮍﯼ ﺍﺗﺎﺭﺗﮯ ﮨﻮﺋﮯ ﺑﯿﮉ ﺳﺎﺋﮉ ﭨﯿﺒﻞ ﭘﺮ ﺭﮐﮫ ﺩﯼ۔
ﻭﮦ ﺑﮩﺖ ﺳﻤﺠﮭﺪﺍﺭ ﮨﮯ۔ ﺍﯾﮏ ﺩﻭ ﺩﻥ ﺗﮏ ﭨﮭﯿﮏ ﮨﻮﺟﺎﺋﮯ ﮔﯽ ﺟﺐ ﻣﯿﮟ ﺍﺳﮯ ﺳﻤﺠﮭﺎﺅﮞ ﮔﯽ ﮐﮧ ﺣﻤﯿﻦ ﺑﮭﯽ ﺗﻮ ﮨﺎﺭﺍ ﮨﮯ۔ ﻟﯿﮑﻦ ﺍﺳﮯ ﭘﺮﻭﺍﮦ ﺗﮏ ﻧﮩﯿﮟ۔ ﺍﺳﮯ ﺍﭘﻨﮯ ﺳﮯ ﺯﯾﺎﺩﮦ ﺭﺋﯿﺴﮧ ﮨﯽ ﮐﯽ ﻓﮑﺮ ﺗﮭﯽ۔ ﺍﻣﺎﻣﮧ ﻧﮯ ﮐﮩﺎ۔
ﺍﺳﮯ ﻓﮑﺮ ﮐﯿﻮﮞ ﮨﻮ ﮔﯽ۔ ﻭﮦ ﺗﻮ ﺍﭘﻨﯽ ﻣﺮﺿﯽ ﺳﮯ ﮨﺎﺭﺍ ﮨﮯ۔ﺳﺎﻻﺭ ﻧﮯ ﺑﮯ ﺣﺪ ﺍﻃﻤﯿﻨﺎﻥ ﺳﮯ ﮐﮩﺎ۔
ﺍﻣﺎﻣﮧ ﭨﮭﭩﮏ ﮔﺊ۔ ﮐﯿﺎ ﻣﻄﻠﺐ ﮨﮯ ﺗﻤﮩﺎﺭﺍ؟
ﺳﺎﻻﺭ ﻧﮯ ﮔﺮﺩﻥ ﻣﻮﮌ ﮐﺮ ﺍﺳﮯ ﺩﯾﮑﮭﺎ ﺍﻭﺭ ﻣﺴﮑﺮﺍﯾﺎ۔ ﺗﻤﮩﯿﮟ ﺍﻧﺪﺍﺯﮦ ﻧﮩﯿﮟ ﮨﻮﺍ؟
ﮐﺲ ﺑﺎﺕ ﮐﺎ؟ ﮐﮧ ﻭﮦ ﺟﺎﻥ ﺑﻮﺟﮫ ﮐﺮ ﮨﺎﺭﺍ ﮨﮯ؟ ﺍﯾﺴﺎ ﻧﮩﯿﮟ ﮨﻮ ﺳﮑﺘﺎ۔ ﺍﻣﺎﻣﮧ ﻧﮯ ﺧﻮﺩ ﺳﻮﺍﻝ ﭘﻮﭼﮭﺎ ﺍﻭﺭ ﺧﻮﺩ ﮨﯽ ﺟﻮﺍﺏ ﺩﯾﺎ۔
ﺗﻢ ﭘﻮﭼﮫ ﻟﯿﻨﺎ ﺍﺱ ﺳﮯ ﮐﮧ ﺍﯾﺴﺎ ﮨﻮ ﺳﮑﺘﺎ ﮨﮯ ﯾﺎ ﻧﮩﯿﮟ۔ﺳﺎﻻﺭ ﻧﮯ ﺑﺤﺚ ﮐﯿﮯ ﺑﻐﯿﺮ ﺍﺱ ﺳﮯ ﮐﮩﺎ۔ ﻭﮦ ﺍﺏ ﺳﻮﻧﮯ ﮐﮯ ﻟﯿﮯ ﻟﯿﭧ ﮔﯿﺎ۔ ﺍﻣﺎﻣﮧ ﮨﮑﺎ ﺑﮑﺎ ﺍﺱ ﮐﺎ ﭼﮩﺮﮦ ﺩﯾﮑﮭﺘﯽ ﺭﮨﯽ۔ﭘﮭﺮ ﺟﯿﺴﮯ ﺍﺱ ﻧﮯ ﺟﮭﻼ ﮐﺮ ﮐﮩﺎ۔
ﺗﻢ ﺑﺎﭖ ﺑﯿﭩﺎ ﻋﺠﯿﺐ ﮨﻮ۔ ﺑﻠﮑﮧ ﻋﺠﯿﺐ ﺍﯾﮏ ﻣﮩﺬﺏ ﻟﻔﻆ ﮨﮯ۔
ﺗﻢ ﺟﺒﺮﯾﻞ ﮐﻮ ﻣﺎﺋﻨﺲ ﮐﯿﻮﮞ ﮐﺮ ﺟﺎﺗﯽ ﮨﻮ ﮨﺮ ﺑﺎﺭ۔ ﺳﺎﻻﺭ ﻧﮯ ﺍﺳﮯ ﭼﮭﯿﮍﺍ۔
ﺷﮑﺮ ﮨﮯ ﻭﮦ ﺣﻤﯿﻦ ﺍﻭﺭ ﺗﻤﮩﺎﺭﯼ ﻃﺮﺡ ﻧﮩﯿﮟ ﮨﮯ۔ ﻟﯿﮑﻦ ﻣﯿﺮﯼ ﺳﻤﺠﮫ ﻣﯿﮟ ﻧﮩﯿﮟ ﺁ ﺭﮨﺎ ﺣﻤﯿﻦ ﮐﯿﻮﮞ ﺍﺱ ﻃﺮﺡ ﮐﺮﮮ ﮔﺎ۔ ﻭﮦ ﺍﺏ ﺍﻟﺠﮭﯽ ﮨﻮﺉ ﺗﮭﯽ۔
ﺭﺋﯿﺴﮧ ﮐﮯ ﻟﯿﮯ۔ ﺳﺎﻻﺭ ﻧﮯ ﺟﻮﺍﺑﺎً ﺍﺱ ﺳﮯ ﮐﮩﺎ۔
ﺍﻭﺭ ﻣﺠﮭﮯ ﺍﺱ ﭘﺮ ﻓﺨﺮ ﮨﮯ۔ ﺍﺱ ﻧﮯ ﺁﻧﮑﮭﯿﮟ ﺑﻨﺪ ﮐﺮ ﮐﮯ ﮐﺮﻭﭦ ﻟﯽ ﺍﻭﺭ ﺳﺎﺋﮉ ﭨﯿﺒﻞ ﻟﯿﻤﭗ ﺁﻑ ﮐﺮ ﺩﯾﺎ۔

ﻭﮦ ﻏﻠﻂ ﻧﮩﯿﮟ ﮐﮩﺘﯽ ﺗﮭﯽ ﻭﮦ ﺩﻭﻧﻮﮞ ﺑﺎﭖ ﺑﯿﭩﺎ ﮨﯽ ﻋﺠﯿﺐ ﺗﮭﮯ۔