Aab E Hayat By Umerah Ahmed Readelle50099 Episode 29

،،،،،،،،،،
ﻭﮦ ﺳﺮﺟﺮﯼ ﮐﮯ ﺑﻌﺪ ﭘﺎﮐﺴﺘﺎﻥ ﻭﺍﭘﺲ ﺁﻧﺎ ﭼﺎﮨﺘﯽ ﺗﮭﯽ ﻟﯿﮑﻦ ﺁ ﻧﮧ ﺳﮑﯽ۔۔۔ﻭﮦ ﺍﺳﮯ ﻭﮨﺎﮞ ﺍﮐﯿﻠﮯ ﺍﺱ ﺟﻨﮓ ﻟﮍﻧﮯ ﮐﮯ ﻟﯿﺌﮯ ﺍﮐﯿﻼ ﻧﮩﯿﮟ ﭼﮭﻮﮌ ﺳﮑﺘﯽ ﺗﮭﯽ ﺍﺳﮯ۔۔۔ﻭﮦ ﮐﺎﻡ ﭼﮭﻮﮌ ﮐﺮ ﮔﮭﺮ ﺑﯿﭩﮭﻨﮯ ﭘﺮ ﺗﯿﺎﺭ ﮨﯽ ﻧﮩﯿﮟ ﺗﮭﺎ۔۔ﻭﮦ ﺳﺮﺟﺮﯼ ﮐﮯ ﺍﯾﮏ ﮨﻔﺘﮧ ﺑﻌﺪ ﮨﯽ ﺩﻭﺑﺎﺭﮦ ﺍﯾﺲ ﺁﺉ ﺍﯾﻒ ﮐﮯ ﭘﺮﻭﺟﯿﮑﭩﺲ ﻟﯿﯿﮯ ﺑﯿﭩﮭﺎ ﺗﮭﺎ۔۔۔ﺍﻭﺭ ﻭﮦ ﺻﺮﻑ ﺑﯿﭩﮭﯽ ﺍﺳﮯ ﺩﯾﮑﮭﺘﯽ ﺭﮨﺘﯽ۔۔۔
ﺗﯿﻤﺎﺭﺩﺍﺭﯼ ﻋﯿﺎﺩﺕ ﺩﯾﮑﮫ ﺑﮭﺎﻝ ﺍﻥ ﻟﻔﻈﻮﮞ ﮐﻮ ﺳﺎﻻﺭ ﺳﮑﻨﺪﺭ ﻧﮯ ﺑﮯ ﻣﻌﻨﯽ ﮐﺮ ﮐﮯ ﺭﮐﮫ ﺩﯾﺎ ﺗﮭﺎ۔۔۔۔۔۔۔۔
ﻭﮦ ﺍﭘﻨﯽ ﺯﻣﮧ ﺩﺍﺭﯼ ﺧﻮﺩ ﺍﭨﮭﺎ ﺭﮨﺎ ﺗﮭﺎ۔۔ﻭﮦ ﭘﮭﺮ ﺑﮭﯽ ﺍﺳﮯ ﺗﻨﮩﺎ ﭼﮭﻮﮌﻧﮯ ﭘﺮ ﺗﯿﺎﺭ ﻧﮩﯿﮟ ﺗﮭﯽ۔۔۔ﭼﮫ ﺳﺎﺕ ﻣﺎﮦ ﮐﮯ ﺑﻌﺪ ﻭﮦ ﺑﻶﺧﺮ ﺻﺤﺘﻤﻨﺪ ﮨﻮﻧﺎ ﺷﺮﻭﻉ ﮨﻮﺍ ﺗﮭﺎ ﺍﺳﮑﮯ ﻧﺌﮯ ﺑﺎﻝ ﺍﮒ ﺁﺋﮯ ﺗﮭﮯ۔۔۔ﺍﺳﮑﺎ ﻭﺯﻥ ﺑﮍﮪ ﮔﯿﺎ ﺗﮭﺎ ﺍﻭﺭ ﻭﮦ ﺟﮭﺮﯾﺎﮞ ﺑﮭﯽ ﻏﺎﺋﺐ ﮨﻮﺉ ﺟﻮ ﺭﺍﺗﻮﮞ ﺭﺍﺕ ﺁﺋﯽ ﺗﮭﯽ۔۔۔ﻭﮦ ﺍﺏ ﭘﮩﻠﮯ ﺟﯿﺴﺎ ﺳﺎﻻﺭ ﻧﻈﺮ ﺁﺗﺎ ﺗﮭﺎ۔۔۔ﻟﯿﮑﻦ ﻭﮦ ﭨﯿﻮﻣﺮ ﺍﺳﮑﮯ ﺍﻧﺪﺭ ﻣﻮﺟﻮﺩ ﺗﮭﺎ ﺍﯾﮏ ﺧﺎﻣﻮﺵ ﺁﺗﺶ ﻓﺸﺎﮞ ﮐﯽ ﻃﺮﺡ۔۔۔ﺍﺛﺮﺍﺕ ﮐﮯ ﺑﻐﯿﺮ ﺣﺮﮐﺖ ﮐﮯ ﺑﻐﯿﺮ۔۔۔ﻟﯿﮑﻦ ﺍﭘﻨﺎ ﺑﮭﯿﺎﻧﮏ ﻭﺟﻮﺩ ﺭﮐﮭﺘﮯ ﮨﻮﺋﮯ ۔ﺟﯿﺴﮯ ﻧﻈﺮ ﻧﮧ ﺁﻧﮯ ﻭﺍﻟﯽ ﻣﻮﺕ۔۔۔ﮐﺒﮭﯽ ﺑﮭﯽ ﺁﺳﮑﺘﯽ ﮨﮯ ﺍﻭﺭ ﮐﮩﯽ ﺑﮭﯽ ﺁﺟﺎﺗﯽ ﮨﮯ۔۔۔
ﻻﺅﻧﺞ ﻣﯿﮟ ﺣﻤﯿﻦ ﮐﺴﯽ ﺑﺎﺕ ﭘﺮ ﮨﻨﺴﺘﮯ ﮨﻮﺋﮯ ﺳﺎﻻﺭ ﮐﺎ ﭼﮩﺮﮦ ﺩﯾﮑﮭﺘﮯ ﮨﻮﺋﮯ ﺍﺳﮑﯽ ﺳﺮﺟﺮﯼ ﮐﮯ ﺑﻌﺪ ﭘﮩﻠﯽ ﺑﺎﺭ ﺍﺳﮯ ﺩﯾﮑﮭﻨﺎ ﯾﺎﺩ ﺁﯾﺎ ﺗﮭﺎ۔۔۔
ﺁﭨﮫ ﮔﮭﻨﭩﮯ ﺳﺮﺟﺮﯼ ﮐﮯ ﺑﻌﺪ ﭘﮩﻠﯽ ﺑﺎﺭ ﺍﺳﮯ ﺩﯾﮑﮭﻨﺎ ۔۔ﭘﮭﺮ ﺍﮔﻠﯽ ﺻﺒﺢ ﺍﺳﭙﺘﺎﻝ ﺟﺎﮐﺮ ﺍﺳﮯ ﺩﻭﺑﺎﺭﮦ ﺩﯾﮑﮭﻨﺎ ۔۔۔ﺟﺐ ﻭﮦ ﮨﻮﺵ ﻣﯿﮟ ﺁﯾﺎ ﺗﮭﺎ ۔۔ﺍﺳﮑﮯ ﻣﺘﻮﺭﻡ ﭘﭙﻮﭨﮯ ﮨﻠﻨﮯ ﻟﮕﮯ ﺗﮭﮯ۔۔۔ﻭﮦ ﺁﻧﮑﮭﯿﮟ ﮐﮭﻮﻟﻨﮯ ﮐﯽ ﺟﺪﻭﺟﮩﺪ ﮐﺮ ﺭﮨﺎ ﺗﮭﺎ۔۔۔۔۔
ﺳﺎﻻﺭ۔۔۔۔۔۔۔ﺳﺎﻝﺍﺭ۔۔۔۔۔۔۔ﻭﮦ ﺑﮯ ﺍﺧﺘﯿﺎﺭ ﺍﺳﮯ ﭘﮑﺎﺭﻧﮯ ﻟﮕﯽ ﺗﮭﯽ۔ﺍﺱ ﻧﮯ ﺑﻶﺧﺮ ﺁﻧﮑﮭﯿﮟ ﮐﮭﻮﻝ ﺩﯼ۔۔۔۔ﺍﺱ ﻧﮯ ﺳﺎﻻﺭ ﮐﻮ ﭼﮩﺮﮦ ﭼﮭﻮﺍ ﺍﻭﺭ ﭘﮭﺮ ﺍﺳﮯ ﭘﮑﺎﺭﺍ۔۔۔ﺍﺱ ﺑﺎﺭ ﺳﺎﻻﺭ ﻧﮯ ﺍﺳﮯ ﺩﯾﮑﮭﺎ ﻟﯿﮑﻦ ﺍﻥ ﺁﻧﮑﮭﻮﮞ ﻣﯿﮟ ﺍﺳﮑﮯ ﻟﯿﺌﮯ ﮐﻮﺉ ﭘﮩﭽﺎﻥ ﻧﮩﯿﮟ ﺗﮭﯽ ﻭﮦ ﺻﺮﻑ ﺍﺳﮯ ﺩﯾﮑﮫ ﺭﮨﺎ ﺗﮭﺎ ﺍﺳﮯ ﭘﮩﭽﺎﻧﻨﮯ ﮐﯽ ﮐﻮﺷﺶ ﻧﮩﯿﮟ ﮐﺮ ﺭﮨﺎ ﺗﮭﺎ۔۔ﺍﻣﺎﻣﮧ ﮐﻮ ﺩﮬﭽﮑﺎ ﻟﮕﺎ ﺗﮭﺎ۔۔ﮐﯿﺎ ﻭﮦ ﻭﺍﻗﻌﯽ ﺍﺳﮯ ﭘﮩﭽﺎﻥ ﻧﮩﯿﮟ ﭘﺎﺭﮨﺎ ﺗﮭﺎ۔۔۔ﮈﺍﮐﭩﺮﺯ ﻧﮯ ﺍﺱ ﺧﺪﺷﮯ ﮐﺎ ﺍﻇﮩﺎﺭ ﺁﭘﺮﯾﺸﻦ ﺳﮯ ﭘﮩﻠﮯ ﮐﯿﺎ ﺗﮭﺎ ﮐﮧ ﺍﺳﮑﯽ ﯾﺎﺩﺍﺷﺖ ﺟﺎﺳﮑﺘﯽ ﮨﮯ۔۔ﻭﮦ ﺷﺪﯾﺪ ﺻﺪﻣﮯ ﮐﺎ ﺷﮑﺎﺭ ﮨﻮﺉ ﺗﮭﯽ۔۔ﮔﻨﮓ۔۔ﺩﻡ ﺑﺨﻮﺩ ۔۔ﻭﮦ ﺳﺮﺩ ﮨﺎﺗﮫ ﭘﯿﺮﻭﮞ ﺳﮯ ﺍﻥ ﺁﻧﮑﮭﻮﮞ ﮐﻮ ﺩﯾﮑﮭﺘﯽ ﺭﮨﯽ ﺟﻮ ﺍﺳﮯ ﺍﺟﻨﺒﯽ ﮐﯽ ﻃﺮﺡ ﺩﯾﮑﮫ ﺭﮨﯽ ﺗﮭﯽ۔۔۔ﭘﮭﺮ ﺟﯿﺴﮯ ﺍﻥ ﺁﻧﮑﮭﻮﮞ ﻣﯿﮟ ﭼﻤﮏ ﺁﻧﺎ ﺷﺮﻭﻉ ﮨﻮﺉ۔۔ﺟﯿﺴﮯ ﺍﺳﮑﺎ ﻋﮑﺲ ﺍﺑﮭﺮﻧﺎ ﺷﺮﻭﻉ ﮨﻮﺍ ﺍﺳﮑﯽ ﭘﻠﮑﯿﮟ ﺍﺏ ﺳﺎﮐﺖ ﻧﮩﯿﮟ ﺗﮭﯽ۔ﻭﮦ ﺟﮭﭙﮑﻨﮯ ﻟﮕﯽ ﺗﮭﯽ ﻣﺎﻧﻮﺳﯿﺖ ﮐﺎ ﺍﺣﺴﺎﺱ ﻟﯿﯿﮯ۔۔۔ﺑﯿﮉ ﭘﺮ ﺍﺳﮑﮯ ﮨﺎﺗﮫ ﮐﮯ ﻧﯿﭽﮯ ﺳﺎﻻﺭ ﮐﮯ ﮨﺎﺗﮫ ﻣﯿﮟ ﺣﺮﮐﺖ ﮨﻮﺉ۔۔ﺳﺎﻻﺭ ﮐﯽ ﺯﺑﺎﻥ ﺳﮯ ﺟﻮ ﭘﮩﻼ ﻟﻔﻆ ﻧﮑﻼ ﺗﮭﺎ ﻭﮦ ﺍﺳﮑﺎ ﻧﺎﻡ ﻧﮩﯿﮟ ﺗﮭﺎ۔۔۔ﻭﮦ ﺍﻟﺤﻤﺪﻟﻠﮧ ﺗﮭﺎ۔۔۔۔ﺍﻭﺭ ﺍﻣﺎﻣﮧ ﮐﻮ ﭘﮩﻠﯽ ﺑﺎﺭ ﺍﻟﺤﻤﺪﻟﻠﮧ ﮐﺎ ﻣﻄﻠﺐ ﺳﻤﺠﮫ ﻣﯿﮟ ﺁﯾﺎ ﺗﮭﺎ۔۔ﺍﺱ ﻧﮯ ﺍﻣﺎﻣﮧ ﮐﺎ ﻧﺎﻡ ﺍﮔﻠﮯ ﺟﻤﻠﮯ ﻣﯿﮟ ﻟﯿﺎ ﺍﻭﺭ ﺍﻣﺎﻣﮧ ﮐﻮ ﻟﮕﺎ ﺍﺱ ﻧﮯ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍﭘﻨﺎ ﻧﺎﻡ ﺳﻨﺎ ﺗﮭﺎ۔ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍﺳﮯ ﺍﭘﻨﺎ ﻧﺎﻡ ﺧﻮﺑﺼﻮﺭﺕ ﻟﮕﺎ ﺗﮭﺎ۔۔ﺍﺱ ﻧﮯ ﭘﮩﻠﯽ ﭼﯿﺰ ﭘﺎﻧﯽ ﻣﺎﻧﮕﯽ ﺍﻭﺭ ﺍﻣﺎﻣﮧ ﮐﻮ ﻟﮕﺎ ﺩﻧﯿﺎ ﻣﯿﮟ ﺳﺐ ﺳﮯ ﻗﯿﻤﺘﯽ ﭼﯿﺰ ﭘﺎﻧﯽ ﮨﯽ ﺗﻮ ﮨﮯ ﺍﻭﺭ ﺍﺱ ﻧﮯ ﮐﻠﻤﮧ ﭘﮍﮬﺎ ﺗﮭﺎ۔۔ﮐﻮﺉ ﻣﺮﺗﮯ ﮨﻮﺋﮯ ﺗﻮ ﮐﻠﻤﮧ ﭘﮍﮬﺘﺎ ﮨﮯ ﭘﮭﺮ ﺯﻧﺪﮦ ﮨﻮﺟﺎﻧﮯ ﭘﺮ ﺍﺱ ﻧﮯ ﮐﻠﻤﮧ۔ﭘﮍﮬﺘﮯ ﮨﻮﺋﮯ ﮐﺴﯽ ﮐﻮ ﭘﮩﻠﯽ ﺑﺎﺭ ﺩﯾﮑﮭﺎ ﺗﮭﺎ ﺍﻭﺭ ﺍﻥ ﺳﺐ ﮐﮯ ﺩﻭﺭﺍﻥ ﺳﺎﻻﺭ ﻧﮯ ﺍﻣﺎﻣﮧ ﮐﺎ ﮨﺎﺗﮫ ﻧﮩﯿﮟ ﭼﮭﻮﮌﺍ ﺗﮭﺎ۔۔ﺟﻨﺖ ﺗﮭﯽ ﺟﻮ ﮨﺎﺗﮫ ﻣﯿﮟ ﺗﮭﯽ۔۔۔
ﺗﻤﮩﯿﮟ ﻧﮩﯿﮟ ﺁﻧﺎ ﯾﮩﺎﮞ؟؟ ﺳﺎﻻﺭ ﻧﮯ ﺍﯾﮑﺪﻡ ﺍﺳﮯ ﻣﺨﺎﻃﺐ ﮐﯿﺎ ۔۔ﻭﮦ ﺍﺑﮭﯽ ﺑﮭﯽ ﮐﭽﻦ ﮐﮯ ﺳﻨﮏ ﺳﮯ ﭨﯿﮏ ﻟﮕﺎﺋﮯ ﻭﮨﯽ ﮐﮭﮍﯼ ﺗﮭﯽ۔۔۔ﺩﻭﺭ ﺗﮭﯽ۔۔۔ﺍﺱ ﻟﯿﺌﮯ ﺧﻮﺩ ﭘﺮ ﻗﺎﺑﻮ ﭘﺎﮔﺊ ﺗﮭﯽ ۔۔ﺁﻧﺴﻮ ﺑﮭﯽ ﭼﮭﭙﺎ ﮔﺊ ﺗﮭﯽ۔۔۔
ﮨﺎﮞ ﻣﯿﮟ ﺁﺗﯽ ﮨﻮﮞ۔۔۔ﻣﯿﮟ ﺳﺐ ﺑﺎﺗﯿﮟ ﯾﮩﺎﮞ ﺑﮭﯽ ﺗﻮ ﺳﻦ ﺭﮨﯽ ﮨﻮﮞ۔۔۔ﺍﺱ ﻧﮯ ﮐﮩﺎ۔۔۔
———–++++++———-
ﻋﺎﺋﺸﮧ ﻋﺎﺑﺪﯾﻦ ﺍﭘﻨﮯ ﺑﺎﭖ ﮐﮯ ﺍﻧﺘﻘﺎﻝ ﮐﯽ ﺳﺎﺕ ﻣﺎﮦ ﺑﻌﺪ ﭘﯿﺪﺍ ﮨﻮﺉ ﺗﮭﯽ۔ﺗﯿﻦ ﺑﮩﻨﻮﮞ ﻣﯿﮟ ﺳﺐ ﺳﮯ ﭼﮭﻮﭨﯽ۔۔ﻭﮦ ﮈﺍﮐﭩﺮﺯ ﮐﮯ ﺍﯾﮏ ﻧﺎﻣﻮﺭ ﺧﺎﻧﺪﺍﻥ ﺳﮯ ﺗﻌﻠﻖ ﺭﮐﮭﺘﯽ ﺗﮭﯽ۔ﻋﺎﺋﺸﮧ ﮐﯽ ﻣﺎﮞ ﻧﻮﺭﯾﻦ ﻧﮯ ﺍﭘﻨﯽ ﺑﯿﭩﯽ ﮐﻮ ﺗﮭﻮﮌﮮ ﻋﺮﺻﮯ ﮐﮯ ﻟﯿﺌﮯ ﭘﺎﮐﺴﺘﺎﻥ ﻣﯿﮟ ﺍﭘﻨﯽ ﻣﺎﮞ ﮐﮯ ﭘﺎﺱ ﺑﮭﯿﺞ ﺩﯾﺎ ﺗﮭﺎ۔۔ﻭﮦ ﺍﻣﺮﯾﮑﮧ ﻣﯿﮟ ﻣﯿﮉﯾﺴﻦ ﺟﯿﺴﮯ ﭘﺮﻭﻓﯿﺸﻦ ﺳﮯ ﻣﻨﺴﻠﮏ ﺗﮭﮯ۔ ﺩﻭﻧﻮﮞ ﺑﯿﭩﯿﻮﮞ ﮐﯿﺴﺎﺗﮫ ﺍﺱ ﻧﻮﺯﺍﺋﯿﺪﮦ ﺑﭽﯽ ﮐﻮ ﺷﻮﮨﺮ ﮐﯽ ﺍﭼﺎﻧﮏ ﻣﻮﺕ ﮐﮯ ﺑﻌﺪ ﭘﯿﺪﺍ ﮨﻮﻧﮯ ﻭﺍﻟﮯ ﺣﺎﻻﺕ ﻣﯿﮟ ﺳﻨﺒﮭﺎﻝ ﻧﮩﯿﮟ ﺳﮑﺘﯽ ﺗﮭﯽ۔۔ﻋﺎﺋﺸﮧ ﺍﮔﻠﮯ ﭘﺎﻧﭻ ﺳﺎﻝ ﭘﺎﮐﺴﺘﺎﻥ ﻣﯿﮟ ﺭﮨﯽ۔ ﻋﺎﺋﺸﮧ ﮐﯽ ﻧﺎﻧﺎ ﻧﺎﻧﯽ ﮐﻮ ﺍﺱ ﺳﮯ ﺍﺗﻨﯽ ﺍﻧﺴﯿﺖ ﮨﻮ ﮔﺊ ﺗﮭﯽ ﺍﻭﺭ ﻭﮦ ﺑﮭﯽ ﺍﻥ ﮐﮯ ﺳﺎﺗﮫ ﺧﻮﺵ ﺍﻭﺭ ﻣﻄﻤﺌﻦ ﺗﮭﯽ۔ﮐﮧ ﻧﻮﺭﯾﻦ ﺍﺳﮯ ﻭﺍﭘﺲ ﻧﮧ ﻟﮯ ﺟﺎﺳﮑﯽ۔۔۔ﭘﺎﻧﭻ ﺳﺎﻝ ﺑﻌﺪ ﺑﻶﺧﺮ ﻭﮦ ﻋﺎﺋﺸﮧ ﮐﻮ ﺍﻣﺮﯾﮑﮧ ﺍﭘﻨﮯ ﭘﺎﺱ ﻟﮯ ﺁﺉ ﻟﯿﮑﻦ ﻋﺎﺋﺸﮧ ﮐﺎ ﺩﻝ ﻭﮨﺎﮞ ﻧﮧ ﻟﮕﺎ۔۔ﻭﮦ ﺍﭘﻨﯽ ﺑﮩﻨﻮﮞ ﮐﯿﺴﺎﺗﮫ ﻣﺎﻧﻮﺱ ﻧﮩﯿﮟ ﺗﮭﯽ۔ﻧﻮﺭﯾﻦ ﺑﮩﺖ ﻣﺼﺮﻭﻑ ﺗﮭﯽ ﺍﻭﺭ ﮐﺴﯽ ﮐﮯ ﭘﺎﺱ ﻋﺎﺋﺸﮧ ﮐﮯ ﻟﯿﺌﮯ ﻭﻗﺖ ﻧﮩﯿﮟ ﺗﮭﺎ۔۔ﻭﮦ ﺩﻭ ﺳﺎﻝ ﻭﮨﺎﮞ ﮐﺴﯽ ﻧﮧ ﮐﺴﯽ ﻃﺮﺡ ﮔﺰﺍﺭﺗﯽ ﺭﮨﯽ ﻟﯿﮑﻦ ﺳﺎﺕ ﺳﺎﻝ ﮐﯽ ﻋﻤﺮ ﻣﯿﮟ ﻧﻮﺭﯾﻦ ﮐﻮ ﺍﯾﮏ ﺑﺎﺭ ﭘﮭﺮ ﺍﺳﮑﯽ ﺿﺪ ﭘﺮ ﺍﺳﮯ ﭘﺎﮐﺴﺘﺎﻥ ﺑﮭﺠﻨﺎ ﭘﮍﺍ ﻟﯿﮑﻦ ﺍﺱ ﺑﺎﺭ ﻧﻮﺭﯾﻦ ﮐﻮ ﺍﺳﮑﮯ ﺭﮨﻦ ﺳﮩﻦ ﮐﮯ ﺣﻮﺍﻟﮯﺳﮯ ﻓﮑﺮ ﮨﻮﻧﮯ ﻟﮕﯽ ﺗﮭﯽ۔ﻭﮦ ﻋﺎﺋﺸﮧ ﮐﻮ ﻣﺴﺘﻘﻞ ﺍﻣﺮﯾﮑﮧ ﻣﯿﮟ ﮨﯽ ﺭﮐﮭﻨﺎ ﭼﺎﮨﺘﯽ ﺗﮭﯽ ﮐﯿﻮﻧﮑﮧ ﭘﺎﮐﺴﺘﺎﻥ ﻣﯿﮟ ﺍﻥ ﺻﺮﻑ ﺍﻧﮑﮯ ﻭﺍﻟﺪﯾﻦ ﺭﮦ ﮔﺌﮯ ﺗﮭﮯ ﺟﻮ ﭘﺎﮐﺴﺘﺎﻥ ﭼﮭﻮﮌ ﮐﺮ ﺍﻣﺮﯾﮑﮧ ﺁﻧﮯ ﭘﺮ ﺗﯿﺎﺭ ﻧﮩﯿﮟ ﺗﮭﮯ۔
ﭘﺎﮐﺴﺘﺎﻥ ﺑﮭﯿﺠﻨﮯ ﮐﮯ ﺑﺎﻭﺟﻮﺩ ﻧﻮﺭﯾﻦ ﮐﯽ ﮐﻮﺷﺶ ﺗﮭﯽ ﮐﮧ ﻋﺎﺋﺸﮧ ﺍﻭﺭ ﺍﺱ ﮐﯽ ﺑﮩﻨﻮﮞ ﻧﺮﯾﻤﺎﻥ ﺍﻭﺭ ﺭﺍﺋﻤﮧ ﻣﯿﮟ ﻟﮕﺎﺅ ﭘﯿﺪﺍ ﮨﻮ ﺟﺎﺋﮯ ﺍﻭﺭ ﺍﻥ ﮐﯽ ﮐﻮﺷﺶ ﮐﺎﻣﯿﺎﺏ ﺛﺎﺑﺖ ﮨﻮﺉ ﺗﮭﯽ۔۔ﻋﺎﺋﺸﮧ ﺍﻭﺭ ﺍﺳﮑﯽ ﺩﻭﻧﻮﮞ ﺑﮩﻨﯿﮟ ﺍﺏ ﺍﯾﮏ ﺩﻭﺳﺮﮮ ﮐﮯ ﻗﺮﯾﺐ ﺁﻧﮯ ﻟﮕﯽ ﺗﮭﯽ۔۔
ﺩﺱ ﺳﺎﻝ ﮐﯽ ﻋﻤﺮ ﻣﯿﮟ ﻋﺎﺋﺸﮧ ﺍﯾﮏ ﺑﺎﺭ ﭘﮭﺮ ﺍﻣﺮﯾﮑﮧ ﺁﺋﯽ ﺗﮭﯽ۔۔ﺍﻭﺭ ﺍﺱ ﺑﺎﺭ ﺍﺳﮯ ﻭﮨﺎﮞ ﺭﮨﻨﮯ ﻣﯿﮟ ﭘﮩﻠﮯ ﺟﯿﺴﮯ ﻣﺴﻠﺌﮯ ﭘﯿﺶ ﻧﮩﯿﮟ ﺁﺋﮯ ﺗﮭﮯ۔ ﻟﯿﮑﻦ ﺍﺏ ﺍﯾﮏ ﻧﯿﺎ ﻣﺴﺌﻠﮧ ﺩﺭﭘﯿﺶ ﺗﮭﺎ۔ﻭﮦ ﺳﮑﻮﻝ ﻣﯿﮟ ﺟﺎ ﮐﺮ ﭘﺮﯾﺸﺎﻥ ﮨﻮﻧﮯ ﻟﮕﯽ ﺗﮭﯽ۔۔ﻭﮦ ﭘﺎﮐﺴﺘﺎﻥ ﻣﯿﮟ ﺑﮭﯽ ﮐﻮ ﺍﯾﺠﻮﮐﯿﺸﻦ ﻣﯿﮟ ﭘﮍﮬﺘﯽ ﺭﮨﯽ ﺗﮭﯽ ﻣﮕﺮ ﻭﮨﺎﮞ ﺍﻭﺭ ﯾﮩﺎﮞ ﮐﮯ ﻣﺎﺣﻮﻝ ﻣﯿﮟ ﻓﺮﻕ ﺗﮭﺎ۔۔۔ﻋﺎﺋﺸﮧ ﮐﻮ ﺳﮑﻮﻝ ﺍﭼﮭﺎ ﻧﮩﯿﮟ ﻟﮕﺘﺎ ﺗﮭﺎ ﻧﻮﺭﯾﻦ ﺳﻤﺠﮭﺘﯽ ﺗﮭﯽ ﮐﮧ ﻭﮦ ﮐﭽﮫ ﻋﺮﺻﮧ ﺑﻌﺪ ﺧﻮﺩ ﮨﯽ ﭨﮭﯿﮏ ﮨﻮ ﺟﺎﺋﯿﮟ ﮔﯽ ﻟﯿﮑﻦ ﺟﺐ ﺍﯾﮏ ﺳﺎﻝ ﺑﻌﺪ ﺍﺳﮑﯽ ﺣﺎﻟﺖ ﭨﮭﯿﮏ ﻧﮩﯿﮟ ﮨﻮﺉ ﺍﻭﺭ ﮔﺮﯾﮉﺯ ﺧﺮﺍﺏ ﺁﻧﮯ ﻟﮕﮯ ﺗﻮ ﻧﻮﺭﯾﻦ ﮐﻮ ﺍﺳﮯ ﺍﯾﮏ ﺑﺎﺭ ﭘﮭﺮ ﭘﺎﮐﺴﺘﺎﻥ ﺑﮭﯿﺠﻨﺎ ﭘﮍﺍ۔ ﻭﮦ ﺍﺏ ﺍﺳﮯ ﺍﻭ ﻟﯿﻮﻟﺰ ﮐﮯ ﺑﻌﺪ ﻭﮨﺎﮞ ﺑﻠﻮﺍﻧﺎ ﭼﺎﮨﺘﯽ ﺗﮭﯽ۔ ﮐﯿﻮﻧﮑﮧ ﺍﻥ ﮐﺎ ﺧﯿﺎﻝ ﺗﮭﺎ ﺗﺐ ﺗﮏ ﻭﮦ ﮐﭽﮫ ﺳﻤﺠﮭﺪﺍﺭ ﮨﻮﺟﺎﺋﮯ ﮔﯽ۔
ﺗﯿﺮﮦ ﺳﺎﻝ ﮐﯽ ﻋﻤﺮ ﻣﯿﮟ ﻋﺎﺋﺸﮧ ﻋﺎﺑﺪﯾﻦ ﺍﯾﮏ ﺑﺎﺭ ﭘﮭﺮ ﺍﻣﺮﯾﮑﮧ ﺭﮨﻨﮯ ﺁﺋﯽ ﺗﮭﯽ۔ﻟﯿﮑﻦ ﺍﺱ ﺑﺎﺭ ﻭﮨﺎﮞ ﻭﮦ ﺍﭘﻨﮯ ﻟﯿﮯ ﺍﯾﮏ ﻧﯿﺎ ﻣﺴﺌﻠﮧ ﺩﯾﮑﮫ ﺭﮨﯽ ﺗﮭﯽ۔ ﺍﻣﺮﯾﮑﮧ ﺍﺳﮯ ﺍﺳﻼﻣﮏ ﻣﻠﮏ ﻧﮩﯿﮟ ﻟﮓ ﺭﮨﺎ ﺗﮭﺎ۔ﻭﮨﺎﮞ ﮐﯽ ﺷﺨﺼﯽ ﺁﺯﺍﺩﯼ ﺍﺳﮑﮯ ﻟﯿﺌﮯ ﭘﺮﯾﺸﺎﻥ ﮐﻦ ﺗﮭﯽ۔ ﻭﮨﺎﮞ ﻟﺒﺎﺱ ﮐﮯ ﺑﺎﺭﮮ ﻣﯿﮟ ﺭﻭﺍ ﺭﮐﮭﻨﮯ ﻭﺍﻟﯽ ﺁﺯﺍﺩﯼ ﺍﺳﮯ ﮨﻮﻻﻧﮯ ﻟﮕﯽ ﺗﮭﯽ ﻟﯿﮑﻦ ﺍﻥ ﻣﯿﮟ ﺳﺐ ﺳﮯ ﺑﮍﺍ ﭼﯿﻠﻨﺞ ﺍﺳﮑﮯ ﻟﯿﮯ ﯾﮧ ﺗﮭﺎ ﮐﮧ ﻭﮦ ﻭﮨﺎﮞ ﺣﺠﺎﺏ ﻣﯿﮟ ﺑﮭﯽ ﺧﻮﺩ ﮐﻮ ﻏﯿﺮ ﻣﺤﻔﻮﻅ ﺳﻤﺠﮭﺘﯽ ﺗﮭﯽ۔ ﺟﻮ ﺍﺱ ﻧﮯ ﭘﺎﮐﺴﺘﺎﻥ ﻣﯿﮟ ﻟﯿﻨﺎ ﺷﺮﻭﻉ ﮐﯿﺎ ﺗﮭﺎ ﺍﻭﺭ ﺟﺲ ﺳﮯ ﻧﻮﺭﯾﻦ ﺧﻮﺵ ﻧﮩﯿﮟ ﺗﮭﯽ۔ ﺍﺱ ﺑﺎﺭ ﻧﻮﺭﯾﻦ ﻧﮯ ﺑﻶﺧﺮ ﮔﮭﭩﻨﮯ ﭨﯿﮏ ﺩﯾﮯ۔ ﯾﮧ ﻣﺎﻥ ﻟﯿﺎ ﺗﮭﺎ ﮐﮧ ﻋﺎﺋﺸﮧ ﮐﺎ ﺍﻣﺮﯾﮑﮧ ﻣﯿﮟ ﺍﺏ ﮐﻮﺉ ﻣﺴﺘﻘﺒﻞ ﻧﮩﯿﮟ ﺗﮭﺎ۔ ﺍﻧﮩﻮﮞ ﻧﮯ ﺍﺳﮯ ﺍﻣﺮﯾﮑﮧ ﺳﮯ ﺍﯾﮏ ﺑﺎﺭ ﭘﮭﺮ ﻭﺍﭘﺲ ﭘﺎﮐﺴﺘﺎﻥ ﺑﮭﯿﺞ ﺩﯾﺎ۔ ﯾﮧ ﻋﺎﺋﺸﮧ ﻋﺎﺑﺪﯾﻦ ﮐﺎ ﺍﻧﺘﺨﺎﺏ ﺗﮭﺎ ﮐﮧ ﺍﺳﮯ ﺍﭘﻨﯽ ﺯﻧﺪﮔﯽ ﺍﯾﮏ ﺍﺳﻼﻣﮏ ﻣﻠﮏ ﻣﯿﮟ ﮔﺰﺍﺭﻧﯽ ﺗﮭﯽ۔ﻋﺎﺋﺸﮧ ﮐﮯ ﻧﺎﻧﺎ ﻧﺎﻧﯽ ﻧﮯ ﺍﺳﮯ ﮐﺎﻧﻮﻧﭧ ﻣﯿﮟ ﭘﮍﮬﺎﻧﮯ ﮐﮯ ﺑﺎﻭﺟﻮﺩ ﺑﮯ ﺑﺎﮎ ﺍﻧﺪﺍﺯ ﻣﯿﮟ ﺍﺱ ﮐﯽ ﭘﺮﻭﺭﺵ ﻧﮩﯿﮟ ﮐﯽ ﺗﮭﯽ۔ ﻋﺎﺋﺸﮧ ﮐﻮ ﺍﻧﮩﻮﮞ ﻧﮯ ﮔﮭﺮ ﻣﯿﮟ ﺍﯾﮏ ﺍﯾﺴﮯ ﻣﻮﻟﻮﯼ ﺳﮯ ﻗﺮﺁﻥ ﭘﮍﮬﺎﯾﺎ ﺗﮭﺎ ﺟﻮ ﮐﺴﯽ ﮐﻢ ﻓﮩﻢ ﺭﮐﮭﻨﮯ ﻭﺍﻻ ﮐﻮﺋﯽ ﺭﻭﺍﯾﺘﯽ ﻣﻮﻟﻮﯼ ﻧﮩﯿﮟ ﺗﮭﺎ۔۔۔ﻭﮦ ﺍﯾﮏ ﺍﭼﮭﮯ ﺍﺩﺍﺭﮮ ﮐﮯ ﻃﻠﺒﺎ ﮐﻮ ﻗﺮﺁﻥ ﺍﻭﺭ ﺣﺪﯾﺚ ﮐﯽ ﺗﻌﻠﯿﻢ ﺩﯾﺘﺎ ﺗﮭﺎ۔۔ﺧﻮﺩ ﻋﺎﺋﺸﮧ ﮐﮯ ﻧﺎﻧﺎ ﻧﺎﻧﯽ ﺑﮭﯽ ﺩﯾﻦ ﺍﻭﺭ ﺩﻧﯿﺎ ﮐﯽ ﺑﮩﺖ ﺳﻤﺠﮫ ﺭﮐﮭﺘﮯ ﺗﮭﮯ ۔ﻭﮦ ﺍﻋﻠﯽ ﺗﻌﻠﯿﻢ ﯾﺎﻓﺘﮧ ﺗﮭﮯ۔۔ﻋﺎﺋﺸﮧ ﺍﯾﮏ ﺍﯾﺴﮯ ﻣﺎﺣﻮﻝ ﻣﯿﮟ ﺟﮩﺎﮞ ﺩﯾﻦ ﮐﯽ ﺳﻤﺠﮫ ﺑﻮﺟﮫ ﺍﻭﺭ ﺍﺳﻤﯿﮟ ﮔﮩﺮﯼ ﺩﻟﭽﺴﭙﯽ ﮐﮯ ﺳﺎﺗﮫ ﭘﯿﺪﺍ ﮨﻮﺉ ﺗﮭﯽ ﺟﮩﺎﮞ ﭘﺮ ﺣﺮﺍﻡ ﺍﻭﺭ ﺣﻼﻝ ﮐﯽ ﺗﻠﻮﺍﺭﻭﮞ ﺳﮯ ﮈﺭﺍﻧﮯ ﮐﯽ ﺑﺠﺎﺋﮯ ﺩﻟﯿﻞ ﺍﻭﺭ ﻣﻨﻄﻖ ﺳﮯ ﺍﭼﮭﺎﺉ ﺍﻭﺭ ﺑﺮﺍﺉ ﺳﻤﺠﮭﺎﺉ ﺟﺎﺗﯽ ﺗﮭﯽ ﯾﮩﯽ ﻭﺟﮧ ﺗﮭﯽ ﮐﮧ ﻋﺎﺋﺸﮧ ﺍﭘﻨﮯ ﻣﺬﮨﺐ ﺳﮯ ﺟﺬﺑﺎﺗﯽ ﻟﮕﺎﺅ ﺭﮐﮭﺘﯽ ﺗﮭﯽ۔۔۔
ﻭﮦ ﻧﻤﺎﺯ ﺑﺎﻗﺎﻋﺪﮔﯽ ﺳﮯ ﭘﮍﮬﺘﯽ ﺗﮭﯽ ﺍﻭﺭ ﺣﺠﺎﺏ ﺍﻭﮌﮬﺘﯽ ﺗﮭﯽ ﺭﻭﺯﮮ ﺑﮭﯽ ﺭﮐﮭﺘﯽ ﺗﮭﯽ ﺍﭘﻨﮯ ﻧﺎﻧﺎ ﻧﺎﻧﯽ ﮐﯿﺴﺎﺗﮫ ﺣﺞ ﺑﮭﯽ ﮐﺮ ﭼﮑﯽ ﺗﮭﯽ ﻟﯿﮑﻦ ﺍﺳﮑﮯ ﺳﺎﺗﮫ ﻭﮦ ﻓﻨﻮﻥ ﻟﻄﯿﻔﮧ ﮐﯽ ﮨﺮ ﺻﻨﻒ ﻣﯿﮟ ﺑﮭﯽ ﺩﻟﭽﺴﭙﯽ ﺭﮐﮭﺘﯽ ﺗﮭﯽ۔۔ﭘﯿﻨﭩﻨﮕﺰ ﺑﻨﺎ ﻟﯿﺘﯽ ﺗﮭﯽ ﺍﺳﮑﻮﻝ ﻣﯿﮟ ﭘﻮﺭﮮ ﻟﺒﺎﺱ ﮐﯿﺴﺎﺗﮫ ﭘﯿﺮﺍﮐﯽ ﮐﮯﻣﻘﺎﺑﻠﻮﮞ ﻣﯿﮟ ﺑﮭﯽ ﺣﺼﮧ ﻟﯿﺘﯽ ﺗﮭﯽ۔۔ﮨﺮ ﻭﮦ ﮐﺎﻡ ﮐﺮﺗﯽ ﺗﮭﯽ ﺟﺲ ﻣﯿﮟ ﺍﺳﮯ ﺩﻟﭽﺴﭙﯽ ﮨﻮﺗﯽ ﺍﻭﺭ ﻧﺎﻧﺎ ﻧﺎﻧﯽ ﮐﯽ ﺍﺟﺎﺯﺕ ﮨﻮﺗﯽ۔۔۔

ﻧﻮﺭﯾﻦ ﺍﭘﻨﮯ ﻣﺎﮞ ﺑﺎﭖ ﮐﯽ ﺍﺱ ﺣﻮﺍﻟﮯ ﺳﮯ ﺑﮩﺖ ﺍﺣﺴﺎﻥ ﻣﻨﺪ ﺗﮭﯽ ۔ﻧﻮﺭﯾﻦ ﮐﯽ ﺧﻮﺍﮨﺶ ﺗﮭﯽ ﮐﮧ ﻋﺎﺋﺸﮧ ﮈﺍﮐﭩﺮ ﺑﻨﺘﯽ۔ ﺍﮔﺮ ﻧﻮﺭﯾﻦ ﮐﯽ ﺧﻮﺍﮨﺶ ﻧﮧ ﮨﻮﺗﯽ ﺗﻮ ﻭﮦ ﮈﺍﮐﭩﺮ ﺑﻨﻨﮯ ﮐﯽ ﺑﺠﺎﺋﮯ ﺁﺭﮐﯿﭩﯿﮑﭧ ﺑﻨﺘﯽ۔۔ﻟﯿﮑﻦ ﻧﻮﺭﯾﻦ ﮐﯽ ﺧﻮﺍﮨﺶ ﮐﻮ ﻣﻘﺪﻡ ﺳﻤﺠﮭﺘﮯ ﮨﻮﺋﮯ ﺍﺱ ﻧﮯ ﺯﻧﺪﮔﯽ ﮐﮯ ﺑﮩﺖ ﺳﺎﺭﮮ ﻣﻘﺎﺻﺪ ﺑﺪﻝ ﺩﯾﮯ ﺗﮭﮯ۔

ﻭﮦ ﺍﮔﻠﯽ ﺻﺒﺢ ﭘﮭﺮ ﺍﻧﮑﮯ ﺩﺭﻭﺍﺯﮮ ﭘﺮ ﮐﮭﮍﺍ ﺗﮭﺎ۔ ﺍﻣﺎﻣﮧ ﻧﮯ ﻻﻧﮉﺭﯼ ﺳﮯ ﮐﭙﮍﮮ ﻧﮑﺎﻝ ﮐﺮ ﭼﻨﺪ ﻣﻨﭧ ﭘﮩﻠﮯ ﮈﺭﺍﺋﭙﺮ ﻣﯿﮟ ﮈﺍﻟﮯ ﺗﮭﮯ ﺍﺳﮯ ﺁﺝ ﮔﯿﺮﺍﺝ ﺻﺎﻑ ﮐﺮﻧﺎ ﺗﮭﺎ ﺍﻭﺭ ﺑﯿﻞ ﺑﺠﻨﮯ ﭘﺮ ﺍﺳﮑﮯ ﺑﺎﺭﮮ ﻣﯿﮟ ﺳﻮﭼﺘﯽ ﮨﻮﺉ ﻧﮑﻠﯽ ﺗﮭﯽ۔۔ﺗﻮ ﺍﺱ ﻧﮯ ﺍﯾﺮﮎ ﮐﻮ ﺳﺎﻣﻨﮯ ﮐﮭﮍﺍ ﭘﺎﯾﺎ۔۔۔ﻟﯿﮑﻦ ﻭﮦ ﺩﺭﻭﺍﺯﮮ ﺳﮯ ﮨﭩﯽ ﻧﮩﯿﮟ۔۔ﺍﯾﺮﮎ ﻧﮯ ﮨﻤﯿﺸﮧ ﮐﯽ ﻃﺮﺡ ﺍﭘﻨﮯ ﻣﺨﺼﻮﺹ ﺍﻧﺪﺍﺯ ﻣﯿﮟ ﺳﻼﻡ ﮐﯿﺎ ﺗﮭﺎ ﻟﯿﮑﻦ ﻭﮦ ﭘﮭﺮ ﺑﮭﯽ ﻭﮨﯽ ﮐﮭﮍﯼ ﺭﮨﯽ ﺗﮭﯽ۔۔
ﺁﭖ ﺍﻧﺪﺭ ﺁﻧﮯ ﮐﻮ ﻧﮩﯿﮟ ﮐﮩﯿﮟ ﮔﯽ؟ ﺍﯾﺮﮎ ﻧﮯ ﺑﻶﺧﺮ ﮐﮩﺎ۔۔
ﺗﻢ ﺳﮑﻮﻝ ﻧﮩﯿﮟ ﮔﺌﮯ؟ ﺍﻣﺎﻣﮧ ﻧﮯ ﺍﺳﮑﺎ ﺳﻮﺍﻝ ﮔﻮﻝ ﮐﯿﺎ۔
ﻧﻮ۔۔۔ﺩﺭﺍﺻﻞ ﻣﯿﺮﯼ ﻃﺒﯿﻌﺖ ﺧﺮﺍﺏ ﮨﮯ۔۔ﺍﯾﺮﮎ ﻧﮯ ﻧﻈﺮﯾﮟ ﻣﻼﺋﮯ ﺑﻐﯿﺮ ﮐﮩﺎ۔۔۔
ﻃﺒﯿﻌﺖ ﮐﻮ ﮐﯿﺎ ﮨﻮﺍ۔۔ﻭﮦ ﻧﮧ ﭼﺎﮨﺘﮯ ﮨﻮﺋﮯ ﺑﮭﯽ ﻧﺮﻡ ﭘﮍﯼ۔۔۔
ﻣﺠﮭﮯ ﻟﮕﺘﺎ ﮨﮯ ﻣﺠﮭﮯ ﮐﯿﻨﺴﺮ ﮨﮯ۔۔۔ﺍﯾﺮﮎ ﻧﮯ ﺍﻃﻤﯿﻨﺎﻥ ﺳﮯ ﮐﮩﺎ۔۔
ﻭﮦ ﮐﭽﮫ ﻟﻤﺤﮯ ﮨﮑﺎ ﺑﮑﺎ ﺭﮨﯽ۔
ﻓﺎﺭ ﮔﺎﮈ ﺍﯾﮏ۔۔ﺟﻮ ﺑﮭﯽ ﻣﻨﮧ ﻣﯿﮟ ﺁﺋﮯ ﺑﻮﻝ ﺩﯾﺘﮯ ﮨﻮ ۔ﺍﯾﺴﮯ ﮨﻮﺗﺎ ﮨﮯ ﮐﯿﻨﺴﺮ ۔
ﻭﮦ ﺍﺳﮯ ﮈﺍﻧﭩﺘﯽ ﭼﻠﯽ۔ﮔﺊ۔ﺍﯾﺮﮎ ﮐﻮ ﻣﺎﯾﻮﺳﯽ ﮨﻮﺉ ۔ﺍﺳﮯ ﺍﻣﺎﻣﮧ ﺳﮯ ﮨﻤﺪﺭﺩﯼ ﮐﯽ ﺗﻮﻗﻊ ﺗﮭﯽ ۔
ﺁﭘﮑﻮ ﮐﯿﺴﮯ ﭘﺘﮧ ﻣﺠﮭﮯ ﮐﯿﻨﺴﺮ ﻧﮩﯿﮟ۔۔۔ﺍﺱ ﻧﮯ ﺍﻣﺎﻣﮧ ﺳﮯ ﮐﮩﺎ۔۔ﺍﻣﺎﻣﮧ ﻧﮯ ﺧﺎﻣﻮﺷﯽ ﺳﮯ ﺍﺳﮑﺎ ﺭﺍﺳﺘﮧ ﭼﮭﻮﮌﺍ ﺍﻭﺭ ﺍﯾﭙﺮﻥ ﮐﯽ ﮈﻭﺭﯾﺎﮞ ﮐﻤﺮ ﮐﮯ ﮔﺮﺩ ﮐﺴﺘﮯ ﮨﻮﺋﮯ ﺩﺭﻭﺍﺯﮦ ﮐﮭﻼ ﭼﮭﻮﮌ ﮐﺮ ﺍﻧﺪﺭ ﭼﻠﯽ ﮔﺊ۔ﺍﯾﺮﮎ ﻧﮯ ﺍﻧﺪﺭ ﺁﺗﮯ ﮨﻮﺋﮯ ﺩﺭﻭﺍﺯﮦ ﺑﻨﺪ ﮐﺮﺩﯾﺎ۔
ﺍﻣﺎﻣﮧ ﮐﭽﻦ ﻣﯿﮟ ﺍﭘﻨﮯ ﮐﺎﻡ ﻣﯿﮟ ﻣﺼﺮﻭﻑ ﮨﻮﮔﺊ ﮐﺎﺅﻧﭩﺮ ﭘﺮ ﭘﮍﮮ ﺳﯿﻞ ﻓﻮﻥ ﺳﮯ ﮐﺴﯽ ﺳﻮﺭﺕ ﮐﯽ ﺗﻼﻭﺕ ﮨﻮﺭﮨﯽ ﺗﮭﯽ ﺟﻮ ﻭﮦ ﮐﺎﻡ ﮐﺮﺗﮯ ﮨﻮﺋﮯ ﺳﻦ ﺭﮨﯽ ﺗﮭﯽ۔۔۔ﺍﯾﺮﮎ ﻧﮯ ﺑﮭﯽ ﻭﮦ ﺗﻼﻭﺕ ﺳﻨﯽ ﺍﺳﮑﯽ ﺳﻤﺠﮫ ﻣﯿﮟ ﻧﮧ ﺁﯾﺎ ﮐﮧ ﻭﮦ ﮐﮭﮍﺍ ﺭﮨﮯ ﯾﺎ ﺑﯿﭩﮫ ﺟﺎﺋﮯ ﺑﺎﺕ ﮐﺮﮮ ﯾﺎ ﻧﮧ ﮐﺮﮮ۔۔
ﺍﺱ ﻧﮯ ﺟﺒﺮﯾﻞ ﮐﻮ ﮐﺊ ﺑﺎﺭ ﺗﻼﻭﺕ ﮐﺮﺗﮯ ﺳﻨﺎ ﺗﮭﺎ ﺟﺐ ﻭﮦ ﺗﻼﻭﺕ ﮐﺮﺗﺎ ﺗﮭﺎ ﺗﻮ ﮐﻮﺉ ﺍﻭﺭ ﺑﺎﺕ ﻧﮩﯿﮟ ﮐﺮﺗﺎ ﺗﮭﺎ۔۔۔ﺍﺳﮑﯽ ﯾﮧ ﻣﺸﮑﻞ ﺍﻣﺎﻣﮧ ﻧﮯ ﺁﺳﺎﻥ ﮐﺮﺩﯼ ﺍﺱ ﻧﮯ ﺳﯿﻞ ﻓﻮﻥ ﭘﺮ ﻭﮦ ﺗﻼﻭﺕ ﺑﻨﺪ ﮐﺮﺩﯼ۔
ﺟﺒﺮﯾﻞ ﮐﯽ ﺁﻭﺍﺯ ﮨﮯ؟؟ ﺍﺱ ﻧﮯ ﭘﻮﭼﮭﺎ۔
ﮨﺎﮞ۔۔۔۔
ﺑﮩﺖ ﭘﯿﺎﺭﯼ ﮨﮯ۔۔۔۔
ﺍﻣﺎﻣﮧ ﺍﺱ ﺑﺎﺭ ﻣﺴﮑﺮﺍﺉ۔۔
ﻣﯿﮟ ﺑﮭﯽ ﺳﯿﮑﮭﻨﺎ ﭼﺎﮨﺘﺎ ﮨﻮﮞ ﯾﮧ ﻗﺮﺁﻥ۔ ﺍﯾﺮﮎ ﻧﮯ ﮐﮩﺎ ﺍﻣﺎﻣﮧ ﺧﺎﻣﻮﺵ ﺭﮨﯽ۔۔۔
ﻣﯿﮟ ﺳﯿﮑﮫ ﺳﮑﺘﺎ ﮨﻮﮞ ﮐﯿﺎ؟
ﺍﺱ ﻧﮯ ﺍﻣﺎﻣﮧ ﮐﻮ ﺧﺎﻣﻮﺵ ﭘﺎﮐﺮ ﺳﻮﺍﻝ ﮐﯿﺎ۔۔
ﺩﻟﭽﺴﭙﯽ ﮨﻮ ﺗﻮ ﺳﺐ ﮐﭽﮫ ﺳﯿﮑﮭﺎ ﺟﺎﺳﮑﺘﺎ ﮨﮯ۔ ﺍﺱ ﻧﮯ ﺍﭘﻨﮯ ﺟﻮﺍﺏ ﮐﻮ ﻣﻨﺎﺳﺐ ﮐﺮ ﮐﮯ ﭘﯿﺶ ﮐﯿﺎ۔۔۔
ﺁﭖ ﺳﮑﮭﺎ ﺳﮑﺘﯽ ﮨﯿﮟ؟؟ ﺍﺳﮑﺎ ﺍﮔﻼ ﺳﻮﺍﻝ ﺍﻭﺭ ﺑﮭﯽ ﮔﮭﻤﺎ ﺩﯾﻨﮯ ﻭﺍﻻ ﺗﮭﺎ۔
ﻧﮩﯿﮟ، ﻣﯿﮟ ﻧﮩﯿﮟ ﺳﮑﮭﺎ ﺳﮑﺘﯽ۔ ﺍﻣﺎﻣﮧ ﻧﮯ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﮐﮩﺎ۔۔۔
ﺟﺒﺮﯾﻞ ﺳﮑﮭﺎ ﺳﮑﺘﺎ ﮨﮯ؟ ﺍﺱ ﻧﮯ ﻣﺘﺒﺎﺩﻝ ﺣﻞ ﭘﯿﺶ ﮐﯿﺎ۔
ﻭﮦ ﻣﺼﺮﻭﻑ ﮨﮯ ﺑﮩﺖ ﺍﺟﮑﻞ۔ ﺍﺳﮯ ﮨﺎﺉ ﺳﮑﻮﻝ ﺧﺘﻢ ﮐﺮﻧﺎ ﮨﮯ ﺍﺱ ﺳﺎﻝ۔ ﺍﻣﺎﻣﮧ ﻧﮯ ﺟﯿﺴﮯ ﺑﮩﺎﻧﮧ ﭘﯿﺶ ﮐﺮ ﺩﯾﺎ۔
ﻣﯿﮟ ﺍﻧﺘﻈﺎﺭ ﮐﺮﺳﮑﺘﺎ ﮨﻮﮞ۔ﺍﯾﺮﮎ ﮐﮯ ﭘﺎﺱ ﺑﮭﯽ ﻣﺘﺒﺎﺩﻝ ﺣﻞ ﺗﮭﺎ۔
ﻣﺴﺰ ﺳﺎﻻﺭ ﺁﭖ ﻣﺠﮭﮯ ﭘﺴﻨﺪ ﻧﮩﯿﮟ ﮐﺮﺗﯽ۔۔ﺍﺱ ﮐﮯ ﺍﮔﻠﮯ ﺳﻮﺍﻝ ﭘﺮ ﻭﮦ ﺑﺮﯼ ﻃﺮﺡ ﭼﻮﻧﮑﯽ۔۔
ﺳﺐ ﺗﻤﮩﯿﮟ ﺑﮩﺖ ﭘﺴﻨﺪ ﮐﺮﺗﮯ ﮨﯿﮟ ﭘﮭﺮ ﻣﯿﮟ ﮐﯿﻮﮞ ﻧﮩﯿﮟ ﮐﺮﻭﮞ ﮔﯽ۔۔۔ﺍﺱ ﻧﮯ ﺑﮍﮮ ﺗﺤﻤﻞ ﺳﮯ ﺍﺳﮯ ﺳﻤﺠﮭﺎﯾﺎ۔
ﺁﭖ ﻣﺠﮭﮯ ﺍﯾﮉﺍﭘﭧ ﮐﺮ ﺳﮑﺘﯽ ﮨﯿﮟ؟ﺍﮔﻼ ﺳﻮﺍﻝ ﺍﺗﻨﺎ ﺍﭼﺎﻧﮏ ﺗﮭﺎ ﮐﮧ ﻭﮦ ﺍﺳﮑﮯ ﻟﯿﮯ ﭘﺮﺍﭨﮭﺎ ﺑﻨﺎﻧﺎ ﺑﮭﻮﻝ ﮔﺊ۔

ﺍﯾﺮﮎ ﺗﻤﮩﺎﺭﯼ ﻣﻤﯽ ﮨﯿﮟ، ﺩﻭ ﺑﮩﻦ ﺑﮭﺎﺋﯽ ﮨﯿﮟ، ﺗﻤﮩﺎﺭﯼ ﻓﯿﻤﻠﯽ ﮨﮯ۔۔۔۔۔۔۔۔۔۔
ﭘﻠﯿﺰ ! ﺍﯾﺮﮎ ﻧﮯ ﺍﺱ ﮐﯽ ﺑﺎﺕ ﮐﺎﭦ ﮐﺮ ﭘﻠﯿﺰ ﮐﮩﮧ ﮐﺮ ﺟﯿﺴﮯ ﺍﺱ ﮐﯽ ﻣﻨﺖ ﮐﯽ۔
ﺗﻤﮩﺎﺭﯼ ﻣﻤﯽ ﺗﻢ ﺳﮯ ﺑﮩﺖ ﭘﯿﺎﺭ ﮐﺮﺗﯽ ﮨﮯ ﺍﯾﺮﮎ ! ۔ ﻭﮦ ﮐﺒﮭﯽ ﺗﻤﮩﯿﮟ ﮐﺴﯽ ﺍﻭﺭ ﮐﻮ ﻧﮩﯿﮟ ﺩﯾﮟ ﮔﯿﺎﻭﺭ ﺗﻤﮩﯿﮟ ﺍﻥ ﮐﮯ ﮨﻮﺗﮯ ﮨﻮﺋﮯ ﮐﺴﯽ ﺍﻭﺭ ﮐﮯ ﭘﺎﺱ ﺟﺎﻧﮯ ﮐﯽ ﺿﺮﻭﺭﺕ ﺑﮭﯽ ﻧﮩﯿﮟ۔ﺍﻣﺎﻣﮧ ﻧﮯ ﺍﻧﮩﯿﮟ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯽ ﺗﮭﯽ۔
ﻣﻤﯽ ﮐﮯ ﭘﺎﺱ ﺍﯾﮏ ﺑﻮﺍﺋﮯ ﻓﺮﯾﻨﮉ ﮨﮯ، ﻭﮦ ﺟﻠﺪ ﮨﯽ ﺍﻥ ﺳﮯ ﺷﺎﺩﯼ ﮐﺮ ﻟﯿﮟ ﮔﯽ۔ ﮐﯿﺎ ﺁﭖ ﺗﺐ ﻣﺠﮭﮯ ﺍﯾﮉﺍﭘﭧ ﮐﺮ ﺳﮑﺘﯽ ﮨﯿﮟ؟ ﺍﺱ ﻧﮯ ﺍﺱ ﻣﺴﺌﻠﮯ ﮐﺎ ﺑﮭﯽ ﺣﻞ ﻧﮑﺎﻻ ﺗﮭﺎ۔
ﺗﻢ ﮐﯿﻮﮞ ﭼﺎﮨﺘﮯ ﮨﻮ ﮨﻤﺎﺭﮮ ﭘﺎﺱ ﺁﻧﺎ؟ ﻭﮦ ﭘﻮﭼﮭﮯ ﺑﻨﺎ ﻧﮧ ﺭﮦ ﺳﮑﯽ۔
ﮐﯿﻮﻧﮑﮧ ﯾﮧ ﻣﺠﮭﮯ ﮔﮭﺮ ﻟﮕﺘﺎ ﮨﮯ۔ ﺑﮩﺖ ﻣﺨﺘﺼﺮ ﺟﻤﻠﮯ ﻣﯿﮟ ﺍﺱ ﺑﭽﮯ ﮐﺎ ﮨﺮ ﻧﻔﺴﯿﺎﺗﯽ ﻣﺴﺌﻠﮧ ﭼﮭﭙﺎ ﺗﮭﺎ۔ ﻭﮦ ﮐﺲ ﺗﻼﺵ ﻣﯿﮟ ﮐﮩﺎﮞ ﮐﮩﺎﮞ ﭘﮭﺮ ﺭﮨﺎ ﺗﮭﺎ۔ ﺍﻣﺎﻣﮧ ﮐﺎ ﺩﻝ ﺍﻭﺭ ﭘﮕﮭﻼ۔
ﺗﻢ ﺍﭘﻨﯽ ﻣﻤﯽ ﮐﻮ ﭼﮭﻮﮌ ﮐﺮ ﮨﻤﺎﺭﮮ ﭘﺎﺱ ﺁﻧﺎ ﭼﺎﮨﺘﮯ ﮨﻮ، ﯾﮧ ﺗﻮ ﺍﭼﮭﯽ ﺑﺎﺕ ﻧﮩﯿﮟ ﮨﮯ۔ ﺍﻣﺎﻣﮧ ﻧﮯ ﺍﺳﮯ ﺟﺬﺑﺎﺗﯽ ﺑﻠﯿﮏ ﻣﯿﻞ ﮐﺮﻧﮯ ﮐﯽ ﮐﻮﺷﺶ ﮐﯽ۔
ﻣﻤﯽ ﻣﺠﮭﮯ ﭼﮭﻮﮌ ﺩﯾﮟ ﮔﯽ۔ ﻣﯿﮟ ﻧﮯ ﺁﭖ ﮐﻮ ﺑﺘﺎﯾﺎ ﻧﺎ، ﺍﻥ ﮐﺎ ﺍﯾﮏ ﺑﻮﺍﺋﮯ ﻓﺮﯾﻨﮉ ﮨﮯ۔ ﺍﯾﺮﮎ ﮐﮯ ﭘﺎﺱ ﺍﺱ ﺟﺬﺑﺎﺗﯽ ﺣﺮﺑﮯ ﮐﺎ ﺟﻮﺍﺏ ﺗﮭﺎ۔
ﻭﮦ ﺷﺎﺩﯼ ﮐﺮ ﻟﯿﮟ، ﺍﭘﻨﮯ ﺑﻮﺍﺋﮯ ﻓﺮﯾﻨﮉ ﮐﮯ ﭘﺎﺱ ﺭﮨﯿﮟ۔ ﮐﭽﮫ ﺑﮭﯽ ﮨﻮ، ﻟﯿﮑﻦ ﺗﻢ ﺍﻥ ﮐﮯ ﺑﯿﭩﮯ ﺭﮨﻮ ﮔﮯ۔ ﺗﻢ ﺳﮯ ﺍﻥ ﮐﯽ ﻣﺤﺒﺖ ﮐﻢ ﻧﮩﯿﮟ ﮨﻮ ﮔﯽ۔ ﻭﮦ ﺗﻤﮩﯿﮟ ﺍﭘﻨﯽ ﺯﻧﺪﮔﯽ ﺳﮯ ﻧﮩﯿﮟ ﻧﮑﺎﻝ ﺳﮑﺘﯿﮟ۔ ﺍﺱ ﻧﮯ ﮐﯿﺮﻭﻟﯿﻦ ﮐﯽ ﻭﮐﺎﻟﺖ ﮐﺮ ﮐﮯ ﺍﯾﺮﮎ ﮐﯽ ﻣﺎﯾﻮﺳﯽ ﮐﻮ ﺍﻭﺭ ﺑﮍﮬﺎﯾﺎ۔
ﻣﯿﮟ ﻋﻨﺎﯾﮧ ﺳﮯ ﺷﺎﺩﯼ ﮐﺮﻧﺎ ﭼﺎﮨﺘﺎ ﮨﻮﮞ۔ ﺍﺱ ﮐﮯ ﺍﮔﻠﮯ ﺟﻤﻠﮯ ﻧﮯ ﺍﻣﺎﻣﮧ ﮐﺎ ﺩﻣﺎﻍ ﮔﮭﻤﺎ ﺩﯾﺎ۔ ﻭﮦ ﺍﮔﻠﮯ ﮐﺌﯽ ﻟﻤﺤﮯ ﺑﻮﻝ ﻧﮧ ﺳﮑﯽ ﺗﮭﯽ۔
ﯾﮧ ﺑﮭﯽ ﻧﮩﯿﮟ ﮨﻮ ﺳﮑﺘﺎ۔ ﺍﺱ ﻧﮯ ﺑﻶﺧﺮ ﺍﯾﺮﮎ ﺳﮯ ﮐﮩﺎ۔
ﮐﯿﻮﮞ؟ ﻭﮦ ﺑﮯ ﺗﺎﺏ ﮨﻮﺍ۔
ﺗﻢ ﺍﺑﮭﯽ ﺍﺱ ﻃﺮﺡ ﮐﯽ ﺑﺎﺕ ﮐﺮﻧﮯ ﮐﮯ ﻟﯿﮯ ﺑﮩﺖ ﭼﮭﻮﭨﮯ ﮨﻮ۔ ﺍﺳﮯ ﺍﺱ ﺳﮯ ﺯﯾﺎﺩﮦ ﻣﻨﺎﺳﺐ ﺟﻮﺍﺏ ﻧﮩﯿﮟ ﺳﻮﺟﮭﺎ۔
ﺟﺐ ﻣﯿﮟ ﺑﮍﺍ ﮨﻮ ﺟﺎﺅﮞ، ﺗﺐ ﺷﺎﺩﯼ ﮐﺮ ﺳﮑﺘﺎ ﮨﻮﮞ ﺍﺱ ﺳﮯ؟
ﻧﮩﯿﮟ۔ ﺍﺱ ﺑﺎﺭ ﺍﺱ ﻧﮯ ﺻﺎﻑ ﮔﻮﺋﯽ ﺳﮯ ﮐﮩﺎ۔
ﮐﯿﻮﮞ؟ ﻭﮦ ﺍﺗﻨﯽ ﺁﺳﺎﻧﯽ ﺳﮯ ﮨﺎﺭ ﻣﺎﻧﻨﮯ ﻭﺍﻻ ﻧﮩﯿﮟ ﺗﮭﺎ۔
ﺍﺱ ﺳﮯ ﺷﺎﺩﯼ ﮐﯿﻮﮞ ﮐﺮﻧﺎ ﭼﺎﮨﺘﮯ ﮨﻮ ﺗﻢ؟ ﻭﮦ ﭘﻮﭼﮭﮯ ﺑﻨﺎ ﻧﮧ ﺭﮦ ﺳﮑﯽ۔
ﮐﯿﻮﻧﮑﮧ ﻣﯿﮟ ﺍﺳﮯ ﭘﺴﻨﺪ ﮐﺮﺗﺎ ﮨﻮﮞ۔
ﻟﯿﮑﻦ ﮨﻮ ﺳﮑﺘﺎ ﮨﮯ، ﻭﮦ ﺗﻤﮩﯿﮟ ﭘﺴﻨﺪ ﻧﮧ ﮐﺮﺗﯽ ﮨﻮ، ﺍﺗﻨﺎ ﮐﮧ ﺗﻢ ﺳﮯ ﺷﺎﺩﯼ ﭘﺮ ﺗﯿﺎﺭ ﮨﻮ ﺟﺎﺋﮯ۔ ﺍﯾﺮﮎ ﮐﮯ ﭼﮩﺮﮮ ﮐﺎ ﺭﻧﮓ ﺍﮌ ﮔﯿﺎ۔
ﮐﯿﺎ ﺍﺱ ﻧﮯ ﺁﭖ ﺳﮯ ﺍﯾﺴﺎ ﮐﮩﺎ؟ ﺍﺱ ﻧﮯ ﺍﯾﮏ ﺑﭽﮕﺎﻧﮧ ﺳﻮﺍﻝ ﮐﯿﺎ۔
ﻧﮩﯿﮟ ! ﻭﮦ ﺑﮩﺖ ﭼﮭﻮﭨﯽ ﮨﮯ، ﺗﻤﮩﯿﮟ ﭘﺴﻨﺪ ﯾﺎ ﻧﺎﭘﺴﻨﺪ ﮐﺮﻧﮯ ﮐﮯ ﺑﺎﺭﮮ ﻣﯿﮟ ﺍﺑﮭﯽ ﺳﻮﭺ ﺑﮭﯽ ﻧﮩﯿﮟ ﺳﮑﺘﯽ۔ ﻟﯿﮑﻦ ﯾﮧ ﻣﯿﮟ ﺗﻢ ﺳﮯ ﮐﮩﮧ ﺭﮨﯽ ﮨﻮﮞ ﺍﯾﺮﮎ ! ﺍﺱ ﻃﺮﺡ ﮐﯽ ﺑﺎﺗﯿﮟ ﮐﺮﻧﺎ ﺍﻭﺭ ﺳﻮﭼﻨﺎ ﭼﮭﻮﮌ ﺩﻭ۔ ﻭﺭﻧﮧ ﮨﻤﺎﺭﮮ ﻟﯿﮯ ﺷﺎﯾﺪ ﺗﻢ ﺳﮯ ﻣﻠﻨﺎ ﺟﻠﻨﺎ ﻣﻤﮑﻦ ﻧﮩﯿﮟ ﺭﮨﮯ ﮔﺎ۔ ﺍﯾﺮﮎ ﺍﺱ ﮐﯽ ﺧﻔﮕﯽ ﺳﮯ ﮐﭽﮫ ﭘﺮﯾﺸﺎﻥ ﮨﻮﺍ۔
ﺗﻢ ﮐﯿﺎ ﮐﺮ ﺳﮑﺘﮯ ﮨﻮ، ﻋﻨﺎﯾﮧ ﮐﮯ ﻟﯿﮯ؟ ﺍﺱ ﻧﮯ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﺍﯾﺮﮎ ﺳﮯ ﭘﻮﭼﮭﺎ۔۔
ﺳﺐ ﮐﭽﮫ۔
ﺍﺳﮯ ﻭﮨﯽ ﺟﻮﺍﺏ ﻣﻼ، ﺟﺲ ﮐﯽ ﺗﻮﻗﻊ ﺗﮭﯽ۔
ﺍﻭﮐﮯ ﭘﮭﺮ ﺳﮑﻮﻝ ﺟﺎﺅ، ﺑﺎﻗﺎﻋﺪﮔﯽ ﺳﮯ۔ ﺩﻝ ﻟﮕﺎ ﮐﺮ ﭘﮍﮬﻮ۔ﺍﭘﻨﺎ ﮐﻮﺋﯽ ﮐﯿﺮﯾﺌﺮ ﺑﻨﺎﺅ۔ ﻋﻨﺎﯾﮧ ﮐﺴﯽ ﺍﯾﺴﮯ ﻟﮍﮐﮯ ﮐﻮ ﺗﻮ ﮐﺒﮭﯽ ﭘﺴﻨﺪ ﻧﮩﯿﮟ ﮐﺮ ﺳﮑﺘﯽ ﺟﻮ ﺳﮑﻮﻝ ﻧﮧ ﺟﺎﺗﺎ ﮨﻮ، ﺍﭘﻨﯽ ﻣﺎﮞ ﮐﯽ ﺑﺎﺕ ﻧﮩﯿﮟ ﻣﺎﻧﺘﺎ ﮨﻮ، ﺍﭘﻨﮯ ﭼﮭﻮﭨﮯ ﺑﮩﻦ ﺑﮭﺎﺋﯿﻮﮞ ﮐﯽ ﭘﺮﻭﺍﮦ ﻧﮧ ﮐﺮﺗﺎ ﮨﻮ۔ ﺍﻭﺭ ﭘﮭﺮ ﺟﮭﻮﭦ ﺑﻮﻟﺘﺎ ﮨﻮ۔
ﺍﯾﺮﮎ ﮐﺎ ﭼﮩﺮﮦ ﺳﺮﺥ ﮨﻮ ﮔﯿﺎ۔ ﺍﻣﺎﻣﮧ ﻧﮯ ﺟﯿﺴﮯ ﺩﻭ ﺳﯿﮑﻨﮉﺯ ﻣﯿﮟ ﺍﺱ ﮐﯽ ﺯﻧﺪﮔﯽ ﮐﯽ ﭘﮩﻠﯽ ﻣﺤﺒﺖ ﮐﺎ ﺗﯿﺎﭘﺎﻧﭽﮧ ﮐﺮ ﻟﯿﺎ ﺗﮭﺎ۔
ﻭﮨﺎﮞ ﯾﮏ ﺩﻡ ﺧﺎﻣﻮﺷﯽ ﭼﮭﺎﺋﯽ ﺗﮭﯽ۔ ﭘﮭﺮ ﺍﺱ ﻧﮯ ﺍﻣﺎﻣﮧ ﺳﮯ ﮐﮩﺎ۔
ﻣﯿﮟ ﺍﭘﻨﮯ ﺁﭖ ﮐﻮ ﭨﮭﯿﮏ ﮐﺮ ﻟﻮﮞ ﮔﺎ۔
ﯾﮧ ﺑﮩﺖ ﺍﭼﮭﺎ ﮨﻮ ﮔﺎ ﺍﯾﺮﮎ ! ﻟﯿﮑﻦ ﺍﺱ ﮐﮯ ﺳﺎﺗﮫ ﺍﯾﮏ ﻭﻋﺪﮦ ﺑﮭﯽ ﮐﺮﻧﺎ ﮨﮯ ﺗﻢ ﻧﮯ ﻣﺠﮫ ﺳﮯ۔
ﮐﯿﺎ؟ ﻭﮦ ﺍﻟﺠﮭﺎ۔
ﺟﺐ ﺗﮏ ﺗﻢ ﮨﺎﺋﯽ ﺳﮑﻮﻝ ﭘﺎﺱ ﮐﺮ ﮐﮯ ﯾﻮﻧﯿﻮﺭﺳﭩﯽ ﻣﯿﮟ ﻧﮩﯿﮟ ﭼﻠﮯ ﺟﺎﺗﮯ، ﺗﻢ ﻋﻨﺎﯾﮧ ﺳﮯ ﺍﺱ ﻃﺮﺡ ﮐﯽ ﮐﻮﺋﯽ ﺑﺎﺕ ﻧﮩﯿﮟ ﮐﺮﻭ ﮔﮯ۔
ﻣﯿﮟ ﻭﻋﺪﮦ ﮐﺮﺗﺎ ﮨﻮﮞ، ﻣﯿﮟ ﺍﯾﺴﺎ ﮨﯽ ﮐﺮﻭﮞ ﮔﺎ۔
ﺍﻭﺭ ﺟﺐ ﺗﮏ ﺗﻢ ﯾﻮﻧﯿﻮﺭﺳﭩﯽ ﻧﮩﯿﮟ ﭘﮩﻨﭻ ﺟﺎﺗﮯ، ﮨﻢ ﺩﻭﺑﺎﺭﮦ ﺍﺱ ﺍﯾﺸﻮ ﭘﺮ ﺑﺎﺕ ﻧﮩﯿﮟ ﮐﺮﯾﮟ ﮔﮯ۔ ﻣﺤﺒﺖ، ﺷﺎﺩﯼ، ﻋﻨﺎﯾﮧ۔ ﺍﻣﺎﻣﮧ ﻧﮯ ﺟﯿﺴﮯ ﺍﻥ ﺗﯿﻦ ﭼﯿﺰﻭﮞ ﮐﮯ ﮔﺮﺩ ﺭﯾﮉ ﺯﻭﻥ ﻟﮕﺎﺗﮯ ﮨﻮﺋﮯ ﺍﺱ ﺳﮯ ﮐﮩﺎ۔
ﺍﻣﺎﻣﮧ ﮐﺎ ﺧﯿﺎﻝ ﺗﮭﺎ ﮐﮧ ﺍﺱ ﻧﮯ ﺣﻔﺎﻇﺘﯽ ﺑﻨﺪ ﺑﺎﻧﺪﮪ ﺩﯾﺎ ﺗﮭﺎ۔ ﺗﮭﻮﮌﮮ ﻋﺮﺻﮯ ﺗﮏ ﻭﮦ ﺑﮭﻮﻝ ﺟﺎﺋﮯ ﮔﺎ۔ ﺍﺳﮯ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﺍﯾﺮﮎ ﺍﯾﮏ ﻋﺎﻡ ﺍﻣﺮﯾﮑﻦ ﺑﭽﮧ ﻧﮩﯿﮟ ﺗﮭﺎ۔

ﺍﺣﺴﻦ ﺳﻌﺪ ﮐﺎ ﺑﺎﭖ ﺍﺱ ﺑﺎﺕ ﭘﺮ ﮨﻤﯿﺸﮧ ﻓﺨﺮ ﮐﺮﺗﺎ ﺗﮭﺎ ﮐﮧ ﺍﺱ ﮐﺎ ﺑﯿﭩﺎ ﺁﺝ ﮐﮯ ﺯﻣﺎﻧﮯ ﻣﯿﮟ ﭘﺎﮐﺴﺘﺎﻥ ﮐﮯ ﺑﮩﺘﺮﯾﻦ ﺍﻧﮕﻠﺶ ﻣﯿﮉﯾﻢ ﺍﻭﺭ ﮐﻮ ﺍﯾﺠﻮﮐﯿﺸﻦ ﻣﯿﮟ ﭘﮍﮬﻨﮯ ﮐﮯ ﺑﺎﻭﺟﻮﺩ ﺍﯾﮏ ﺳﭽﺎ ﺍﻭﺭ ﭘﮑﺎ ﻣﺴﻠﻤﺎﻥ ﺗﮭﺎ۔ ﺩﺍﮌﮬﯽ ﺭﮐﮭﺘﺎ ﺗﮭﺎ، ﭘﺎﻧﭻ ﻭﻗﺖ ﮐﯽ ﻧﻤﺎﺯ ﻣﺴﺠﺪ ﻣﯿﮟ ﭘﮍﮬﺘﺎ ﺗﮭﺎ، ﺣﺞ ﺍﻭﺭ ﻋﻤﺮﮮ ﮐﯽ ﺳﻌﺎﺩﺕ ﺣﺎﺻﻞ ﮐﺮ ﭼﮑﺎ ﺗﮭﺎ۔ ﻟﮍﮐﯿﻮﮞ ﺳﮯ ﮐﻮﺳﻮﮞ ﺩﻭﺭ ﺑﮭﺎﮔﺘﺎ ﺗﮭﺎ۔ ﺑﺎﻋﻤﻞ ﮨﻮﻧﮯ ﮐﮯ ﺳﺎﺗﮫ ﭘﻮﺯﯾﺸﻦ ﮨﻮﻟﮉﺭ ﺑﮭﯽ ﺗﮭﺎ۔ ﺳﻌﺪ ﺍﻭﺭ ﺍﺱ ﮐﯽ ﺑﯿﻮﯼ ﺍﺱ ﭘﺮ ﺟﺘﻨﺎ ﻓﺨﺮ ﮐﺮﺗﮯ ﮐﻢ ﺗﮭﺎ۔ ﺍﻭﺭ ﯾﮧ ﻓﺨﺮ ﻭﮦ ﺑﺮﻣﻼ ﻟﻮﮔﻮﮞ ﺗﮏ ﭘﮩﻨﭽﺎﺗﮯ ﺗﮭﮯ۔ ﺍﻥ ﮐﺎ ﮔﮭﺮ ﺍﻥ ﮐﮯ ﺳﻮﺷﻞ ﺳﺮﮐﻞ ﻣﯿﮟ ﺍﯾﮏ ﺁﺋﯿﮉﯾﻞ ﮔﮭﺮ ﺳﻤﺠﮭﺎ ﺟﺎﺗﺎ ﺗﮭﺎ۔ ﻟﯿﮑﻦ ﯾﮧ ﺻﺮﻑ ﺍﺱ ﮐﯽ ﻣﺎﮞ ﮐﺎ ﺧﺎﻧﺪﺍﻥ ﺗﮭﺎ ﺟﻮ ﺍﺱ ﺁﺋﯿﮉﯾﻞ ﮔﮭﺮ ﮐﯽ ﮐﮭﻮﮐﮭﻠﯽ ﺑﻨﯿﺎﺩﻭﮞ ﺳﮯ ﻭﺍﻗﻒ ﺗﮭﺎ ﺍﻭﺭ ﺍﺣﺴﻦ ﺳﻌﺪ ﮐﮯ ﺑﺎﭖ ﮐﻮ ﭘﺴﻨﺪ ﻧﮩﯿﮟ ﮐﺮﺗﺎ ﺗﮭﺎ۔
ﺳﻌﺪ ﻧﮯ ﺍﯾﮏ ﺍﻣﯿﺮ ﺍﻭﺭ ﺍﭼﮭﮯ ﺧﺎﻧﺪﺍﻥ ﻣﯿﮟ ﺷﺎﺩﯼ ﮐﯽ ﺗﮭﯽ۔ ﻟﯿﮑﻦ ﺍﺱ ﮐﮯ ﺑﻌﺪ ﺍﭘﻨﯽ ﺑﯿﻮﯼ ﮐﻮ ﺍﺱ ﻧﮯ ﺍﯾﮏ ﺍﭼﮭﯽ ﺍﻭﺭ ﻣﺴﻠﻤﺎﻥ ﻋﻮﺭﺕ ﺑﻨﺎﻧﮯ ﮐﮯ ﻟﯿﮯ ﺟﻮ ﮐﭽﮫ ﮐﯿﺎ ﺗﮭﺎ ﻭﮦ ﺍﺱ ﮐﮯ ﺧﺎﻧﺪﺍﻥ ﺳﮯ ﭘﻮﺷﯿﺪﮦ ﻧﮩﯿﮟ ﺗﮭﺎ۔ ﺍﮔﺮ ﺷﺎﺩﯼ ﮐﮯ ﭘﮩﻠﮯ ﺳﺎﻝ ﮨﯽ ﺍﺣﺴﻦ ﭘﯿﺪﺍ ﻧﮧ ﮨﻮﺍ ﮨﻮﺗﺎ ﺗﻮ ﺍﺱ ﮐﯽ ﺑﯿﻮﯼ ﮐﮯ ﻣﺎﮞ ﺑﺎﭖ ﮐﺐ ﮐﯽ ﺍﺱ ﮐﯽ ﻋﻠﯿﺤﺪﮔﯽ ﮐﺮﻭﺍ ﭼﮑﮯ ﮨﻮﺗﮯ۔ ﺳﻌﺪ ﺍﭘﻨﯽ ﺑﯿﻮﯼ ﮐﻮ ﺍﯾﮏ ﺑﺎﺣﺠﺎﺏ، ﻓﺮﻣﺎﻧﺒﺮﺩﺍﺭ، ﺩﯾﻦ ﺳﮯ ﻗﺮﯾﺐ ﺍﻭﺭ ﺩﻧﯿﺎ ﺳﮯ ﺩﻭﺭ ﺭﮨﻨﮯ ﻭﺍﻟﯽ ﺑﯿﻮﯼ ﺑﻨﺎﻧﺎ ﭼﺎﮨﺘﺎ ﺗﮭﺎ۔ ﺟﺲ ﮐﮯ ﻟﯿﮯ ﻭﮦ ﻣﺬﮨﺐ ﮐﺎ ﻧﺎﻡ ﺍﺳﺘﻌﻤﺎﻝ ﮐﺮﺗﺎ ﺗﮭﺎ۔ ﺳﻌﺪ ﻣﯿﮟ ﺍﺱ ﮐﮯ ﻋﻼﻭﮦ ﮐﻮﺋﯽ ﺧﺮﺍﺑﯽ ﻧﮩﯿﮟ ﺗﮭﯽ ﮐﮧ ﻭﮦ ﺍﭘﻨﯽ ﺑﯿﻮﯼ ﮐﻮ ﺍﺱ ﺳﺎﻧﭽﮯ ﻣﯿﮟ ﮈﮬﺎﻟﻨﮯ ﮐﮯ ﻟﯿﮯ ﮨﺮ ﺣﺮﺑﮧ ﺍﺳﺘﻌﻤﺎﻝ ﮐﺮﺗﺎ ﺗﮭﺎ۔ ﮔﺎﻟﻢ ﮔﻠﻮﭺ ﺳﮯ ﻟﮯ ﮐﺮ ﻣﺎﺭ ﮐﭩﺎﺋﯽ ﺗﮏ ﺍﻭﺭ ﻣﺎﮞ ﺑﺎﭖ ﮐﮯ ﮔﮭﺮ ﺟﺎﻧﮯ ﭘﺮ ﭘﺎﺑﻨﺪﯼ ﻟﮕﺎﻧﮯ ﺳﮯ ﮔﮭﺮ ﻣﯿﮟ ﻗﯿﺪ ﮐﺮﻧﮯ ﺗﮏ۔ ﺍﺱ ﮐﯽ ﺑﯿﻮﯼ ﮐﮯ ﻣﯿﮑﮯ ﻭﺍﻟﻮﮞ ﮐﮯ ﭘﺎﺱ ﮨﺰﺍﺭ ﺩﻟﯿﻠﻮﮞ ﮐﮯ ﺑﺎﻭﺟﻮﺩ ﺳﻌﺪ ﮐﮯ ﻗﺮﺁﻥ ﻭ ﺣﺪﯾﺚ ﺍﻭﺭ ﻣﺬﮨﺒﯽ ﺣﻮﺍﻟﻮﮞ ﮐﺎ ﺟﻮﺍﺏ ﻧﮩﯿﮟ ﺗﮭﺎ۔ ﺍﮔﺮ ﺍﻥ ﮐﮯ ﭘﺎﺱ ﺩﯾﻦ ﮐﺎ ﻋﻠﻢ ﮨﻮﺗﺎ ﺗﻮ ﻭﮦ ﺳﻌﺪ ﮐﮯ ﻗﺮﺁﻥ ﻭ ﺣﺪﯾﺚ ﮐﮯ ﺣﻮﺍﻟﻮﮞ ﮐﺎ ﺳﯿﺎﻕ ﻭ ﺳﺒﺎﻕ ﺑﮭﯽ ﺍﻧﮩﯿﮟ ﺑﺘﺎ ﺩﯾﺘﮯ۔
ﻭﻗﺖ ﺑﺪﻟﻨﮯ ﮐﮯ ﺳﺎﺗﮫ ﺳﻌﺪ ﻧﮩﯿﮟ ﺑﺪﻻ ﺗﮭﺎ۔ ﺑﻠﮑﮧ ﺍﺱ ﮐﯽ ﺑﯿﻮﯼ ﺑﺪﻟﺘﯽ ﭼﻠﯽ ﮔﺌﯽ۔ ﺍﺱ ﻧﮯ ﺫﮨﻨﯽ ﻃﻮﺭ ﭘﮧ ﯾﮧ ﻣﺎﻥ ﻟﯿﺎ ﺗﮭﺎ ﮐﮧ ﻭﮦ ﻭﺍﻗﻌﯽ ﺍﺳﻼﻡ ﺳﮯ ﺩﻭﺭ ﺗﮭﯽ ﺍﻭﺭ ﺩﯾﻦ ﮐﯽ ﺗﻌﻠﯿﻤﺎﺕ ﻭﮨﯽ ﺗﮭﯽ ﺟﻮ ﺳﻌﺪ ﺍﺱ ﮐﮯ ﮐﺎﻧﻮﮞ ﻣﯿﮟ ﮈﺍﻟﺘﺎ ﺗﮭﺎ۔ ﺍﻭﺭ ﺍﺳﮯ ﻭﯾﺴﺎ ﮐﺮﻧﺎ ﺗﮭﺎ، ﺟﯿﺴﮯ ﺍﺱ ﮐﺎ ﺷﻮﮨﺮ ﮐﮩﺘﺎ۔ﺍﯾﮏ ﺍﺳﭩﯿﺞ ﺁ ﮔﯿﺎ ﮐﮧ ﺩﻭﻧﻮﮞ ﻣﯿﺎﮞ ﺑﯿﻮﯼ ﺳﻮﭺ ﮐﮯ ﺣﺴﺎﺏ ﺳﮯ ﺍﯾﮏ ﺟﯿﺴﮯ ﮨﻮ ﮔﺌﮯ۔ ﺍﺱ ﮐﯽ ﺑﯿﻮﯼ ﺑﮭﯽ ﺍﺏ ﺳﻌﺪ ﮐﯽ ﻃﺮﺡ ﻟﻮﮔﻮﮞ ﭘﺮ ﻓﺘﻮﮮ ﻧﺎﻓﺬ ﮐﺮﻧﮯ ﻟﮕﯽ ﺗﮭﯽ۔ﺍﺱ ﮐﺎ ﺧﯿﺎﻝ ﺗﮭﺎ ﮐﮧ ﺟﻮ ﺧﻼﻑ ﺍﺳﻼﻡ ﮐﺎﻡ ﻭﮦ ﺭﻭﮎ ﺳﮑﺘﮯ ﮨﯿﮟ، ﺭﻭﮎ ﺩﯾﮟ ﺍﻭﺭ ﺟﺴﮯ ﺑﺮﺍ ﮐﮩﮧ ﺳﮑﺘﮯ ﮨﯿﮟ، ﺍﺳﮯ ﺑﺮﺍ ﻧﮧ ﮐﮩﯿﮟ ﺑﻠﮑﮧ ﺳﺐ ﮐﮯ ﺳﺎﻣﻨﮯ ﺍﺱ ﻃﺮﺡ ﻣﻄﻌﻮﻥ ﮐﺮﯾﮟ ﮐﮧ ﺍﮔﻼ ﺷﺮﻡ ﺳﮯ ﭘﺎﻧﯽ ﭘﺎﻧﯽ ﮨﻮ ﺟﺎﺋﮯ۔ ﺍﺳﻼﻡ ﻣﯿﮟ ﺣﮑﻢ ﮐﮯ ﻋﻼﻭﮦ ﺣﮑﻤﺖ ﻧﺎﻡ ﮐﯽ ﺑﮭﯽ ﺍﯾﮏ ﭼﯿﺰ ﮨﮯ ﺟﺲ ﺳﮯ ﻭﮦ ﻧﺎ ﻭﺍﻗﻒ ﺗﮭﮯ۔
ﺍﺣﺴﻦ ﺳﻌﺪ ﻧﮯ ﺍﯾﮏ ﺍﯾﺴﮯ ﮔﮭﺮ ﻣﯿﮟ ﭘﺮﻭﺭﺵ ﭘﺎﺋﯽ ﺗﮭﯽ ﺟﮩﺎﮞ ﭘﺮ ﺍﺱ ﮐﮯ ﻣﺎﮞ ﺑﺎﭖ ﻧﮯ ﺍﺳﮯ ﻟﻮﮔﻮﮞ ﮐﻮ ﺍﺳﯽ ﮐﺴﻮﭨﯽ ﭘﺮ ﭘﺮﮐﮭﻨﺎ ﺳﮑﮭﺎﯾﺎ، ﺟﺲ ﭘﺮ ﻭﮦ ﭘﺮﮐﮭﺎ ﮐﺮﺗﮯ ﺗﮭﮯ۔ﺍﺱ ﻧﮯ ﻣﺎﮞ ﺑﺎﭖ ﮐﮯ ﺩﺭﻣﯿﺎﻥ ﺑﭽﭙﻦ ﻣﯿﮟ ﮨﯽ ﮨﺮ ﻗﺴﻢ ﮐﮯ ﺟﮭﮕﮍﮮ ﺩﯾﮑﮭﮯ ﺗﮭﮯ ﺍﻭﺭ ﺍﺱ ﻧﮯ ﺳﯿﮑﮭﺎ ﺗﮭﺎ ﮐﮧ ﺷﻮﮨﺮ ﺍﻭﺭ ﺑﯿﻮﯼ ﮐﺎ ﺗﻌﻠﻖ ﺍﯾﺴﺎ ﮨﯽ ﮨﻮﻧﺎ ﭼﺎﮨﯿﺌﮯ۔ ﺣﺎﮐﻢ ﺍﻭﺭ ﻣﺤﮑﻮﻡ، ﺑﺮﺗﺮ ﺍﻭﺭ ﮐﻤﺘﺮ ﮐﺎ۔ ﻋﺰﺕ ﺍﻭﺭ ﺍﺣﺘﺮﺍﻡ ﭘﯿﺎﺭ ﻭ ﻣﺤﺒﺖ ﮐﺎ ﻧﮩﯿﮟ۔
ﺍﺣﺴﻦ ﺳﻌﺪ ﮐﻮ ﮐﭽﮫ ﭼﯿﺰﻭﮞ ﺳﮯ ﺷﺪﯾﺪ ﻧﻔﺮﺕ ﺗﮭﯽ۔ ﺟﻦ ﻣﯿﮟ ﻣﺎﮈﺭﻥ ﻋﻮﺭﺕ ﺍﻭﺭ ﺍﻣﺮﯾﮑﮧ ﺳﺮ ﻓﮩﺮﺳﺖ ﺗﮭﮯ۔ﺍﺣﺴﻦ ﮐﯽ ﻓﯿﻤﻠﯽ ﮐﯽ ﺳﺐ ﺳﮯ ﺧﻮﻓﻨﺎﮎ ﺑﺎﺕ ﯾﮧ ﺗﮭﯽ ﮐﮧ ﺍﺱ ﮔﮭﺮ ﻣﯿﮟ ﺭﮨﻨﮯ ﻭﺍﻻ ﮨﺮ ﻓﺮﺩ ﺧﻮﺩ ﮐﻮ ﭘﺮﻓﯿﮑﭧ ﺳﻤﺠﮭﺘﺎ ﺗﮭﺎ۔ ﺍﻧﮩﯿﮟ ﺍﺣﺴﺎﺱ ﺗﮏ ﻧﮩﯿﮟ ﺗﮭﺎ ﮐﮧ ﺍﻥ ﻣﯿﮟ ﺑﮩﺖ ﺳﺎﺭﮮ ﻧﻘﺎﺋﺺ ﺑﮭﯽ ﮨﯿﮟ۔
ﺍﺣﺴﻦ ﺑﮭﯽ ﺍﭘﻨﮯ ﺁﭖ ﮐﻮ ﮐﺎﻣﻞ ﺳﻤﺠﮭﺘﺎ ﺗﮭﺎ۔ ﺳﺐ ﺑﺮﺍﺋﯿﻮﮞ ﺳﮯ ﻣﺒﺮّﺍ ﺍﻭﺭ ﺳﺐ ﺍﭼﮭﺎﺋﯿﻮﮞ ﮐﺎ ﻣﻨﺒﻊ۔ ﺍﺣﺴﻦ ﻧﮯ ﺍﭘﻨﮯ ﺑﺎﭖ ﺳﻌﺪ ﺳﮯ ﺑﮩﺖ ﺳﯽ ﭼﯿﺰﯾﮟ ﻭﺭﺍﺛﺖ ﻣﯿﮟ ﭘﺎﺋﯽ۔ﺷﮑﻞ ﻭ ﺻﻮﺭﺕ، ﺫﮨﺎﻧﺖ، ﻣﺰﺍﺝ ﺍﻭﺭ ﻋﺎﺩﺍﺕ۔ ﻟﯿﮑﻦ ﺟﻮ ﺳﺐ ﺳﮯ ﺑﺮﯼ ﭼﯿﺰ ﺍﺣﺴﻦ ﻧﮯ ﺍﭘﻨﮯ ﺑﺎﭖ ﺳﮯ ﻟﯽ ﺗﮭﯽ، ﻭﮦ ﻣﻨﺎﻓﻘﺖ ﺗﮭﯽ۔ ﺍﺳﮯ ﻣﺎﮈﺭﻥ ﻋﻮﺭﺕ ﺍﻭﺭ ﺍﻣﺮﯾﮑﮧ ﺳﮯ ﻧﻔﺮﺕ ﺑﮭﯽ ﺗﮭﯽ ﺍﻭﺭ ﻭﮦ ﺍﯾﮏ ﻣﺎﮈﺭﻥ ﻋﻮﺭﺕ ﺳﮯ ﺷﺎﺩﯼ ﺑﮭﯽ ﮐﺮﻧﺎ ﭼﺎﮨﺘﺎ ﺗﮭﺎ۔ ﺟﺲ ﮐﮯ ﭘﺎﺱ ﺍﻣﺮﯾﮑﻦ ﺷﮩﺮﯾﺖ ﺑﮭﯽ ﮨﻮ۔ ﺍﻭﺭ ﻭﮦ ﺍﻣﺮﯾﮑﮧ ﻣﯿﮟ ﺍﻋﻠﯽ ﺗﻌﻠﯿﻢ ﺑﮭﯽ ﺣﺎﺻﻞ ﮐﺮﻧﺎ ﭼﺎﮨﺘﺎ ﺗﮭﺎ۔ ﺍﺱ ﮐﺎ ﺑﺎﭖ ﭨﮭﯿﮏ ﮐﮩﺘﺎ ﺗﮭﺎ، ﻭﮦ ﺟﻮ ﻣﺎﻧﮕﺘﺎ ﺍﺳﮯ ﻣﻞ ﺟﺎﺗﺎ۔ ﺍﺳﮯ ﯾﮧ ﺩﻭﻧﻮﮞ ﭼﯿﺰﯾﮟ ﺑﮭﯽ ﻣﻠﻨﮯ ﻭﺍﻟﯽ ﺗﮭﯽ۔ ﺍﺱ ﮐﯽ ﺧﻮﺵ ﻗﺴﻤﺘﯽ ﺍﯾﮏ ﺍﻭﺭ ﺧﺎﻧﺪﺍﻥ ﮐﯽ ﺑﺪﻗﺴﻤﺘﯽ ﻣﯿﮟ ﺑﺪﻟﻨﮯ ﻭﺍﻟﯽ ﺗﮭﯽ۔

ﺗﻤﮩﯿﮟ ﭘﺘﺎ ﮨﮯ !JB ﻟﮍﮐﯿﺎﮞ ﺗﻤﮩﯿﮟ ﮨﺎﭦ ﺳﻤﺠﮭﺘﯽ ﮨﯿﮟ۔
ﮈﻧﺮ ﭨﯿﺒﻞ ﭘﺮ ﺍﯾﮏ ﺩﻡ ﺧﺎﻣﻮﺷﯽ ﭼﮭﺎ ﮔﺌﯽ۔ ﻭﮦ ﺍﯾﺴﺎ ﮨﯽ ﻏﯿﺮ ﻣﺘﻮﻗﻊ ﺟﻤﻠﮧ ﺗﮭﺎ ﺟﻮ ﺣﻤﯿﻦ ﻧﮯ ﭘﺎﺳﺘﺎ ﮐﮭﺎﺗﮯ ﮨﻮﺋﮯ ﺑﮍﮮ ﺑﮭﺎﺋﯽ ﮐﮯ ﮔﻮﺵ ﮔﺰﺍﺭ ﮐﺮ ﺩﯾﺎ ﺗﮭﺎ۔
ﺍﻣﺎﻣﮧ، ﺳﺎﻻﺭ، ﻋﻨﺎﯾﮧ ﺍﻭﺭ ﺭﺋﯿﺴﮧ ﻧﮯ ﺑﯿﮏ ﻭﻗﺖ ﺣﻤﯿﻦ ﮐﻮ ﺩﯾﮑﮭﺎ ﭘﮭﺮ ﺟﺒﺮﯾﻞ ﮐﻮ، ﺟﻮ ﺳﺮﺥ ﮨﻮﺍ ﺗﮭﺎ۔ ﻭﮦ ﺷﺮﻣﻨﺪﮔﯽ ﻧﮩﯿﮟ ﻏﺼﮧ ﺗﮭﺎ، ﺟﻮ ﺍﮐﺜﺮ ﺍﺳﮯ ﺣﻤﯿﻦ ﮐﮯ ﺑﮯ ﻻﮒ ﺗﺒﺼﺮﻭﮞ ﭘﮧ ﺁﺟﺎﺗﺎ ﺗﮭﺎ۔
ﻣﺠﮭﮯ ﺑﮭﯽ ﮐﻮﻝ ﮐﮩﺘﯽ ﮨﯿﮟ، ﻟﯿﮑﻦ ﺗﻤﮩﯿﮟ ﺗﻮ ﮨﺎﭦ ﺳﻤﺠﮭﺘﯽ ﮨﯿﮟ۔ ﮐﺲ ﻗﺪﺭ ﺍﻓﺴﻮﺱ ﮐﯽ ﺑﺎﺕ ﮨﮯ ﻧﺎ ! ۔
ﺍﺱ ﻧﮯ ﻣﺎﮞ ﺑﺎﭖ ﮐﯽ ﻧﻈﺮﻭﮞ ﮐﯽ ﭘﺮﻭﺍﮦ ﮐﯽ، ﻧﺎ ﮨﯽ ﺟﺒﺮﯾﻞ ﮐﮯ ﺳﺮﺥ ﮨﻮﺗﮯ ﭼﮩﺮﮮ ﮐﯽ۔
Will you please shut up …..
ﺟﺒﺮﯾﻞ ﻧﮯ ﺍﺱ ﺩﻓﻌﮧ ﮐﭽﮫ ﺳﺨﺖ ﻟﮩﺠﮯ ﻣﯿﮟ ﺍﺳﮯ ﺭﻭﮐﺎ۔
ﺣﻤﯿﻦ۔۔۔۔۔۔۔۔۔ ! ﺍﻣﺎﻣﮧ ﻧﮯ ﺑﮭﯽ ﺍﺳﮯ ﺗﻨﺒﯿﮩﮧ ﮐﯽ۔
ﻣﯿﮟ ﻏﻠﻂ ﻧﮩﯿﮟ ﮐﮩﮧ ﺭﮨﺎ ﻣﻤﯽ۔ ﻣﯿﺮﯼ ﺟﺎﻧﻨﮯ ﻭﺍﻟﯽ ﮨﺮ ﻟﮍﮐﯽ ﮐﺎ ﺟﺒﺮﯾﻞ ﭘﺮ ﮐﺮﺵ ﮨﮯ۔ ﺣﻤﯿﻦ ﻧﮯ ﺑﺎﺕ ﺟﺎﺭﯼ ﺭﮐﮭﺘﮯ ﮨﻮﺋﮯ ﮐﮩﺎ۔
ﺟﺒﺮﯾﻞ ﻧﮯ ﺍﺱ ﺑﺎﺭ ﮨﺎﺗﮫ ﻣﯿﮟ ﭘﮑﮍﺍ ﮨﻮﺍ ﮐﺎﻧﭩﺎ ﭘﻠﯿﭧ ﻣﯿﮟ ﺭﮐﮫ ﺩﯾﺎ۔ ﯾﮧ ﺟﯿﺴﮯ ﺍﺱ ﮐﮯ ﺻﺒﺮ ﮐﮯ ﭘﯿﻤﺎﻧﮧ ﮐﮯ ﻟﺒﺮﯾﺰ ﮨﻮﻧﮯ ﮐﯽ ﻧﺸﺎﻧﯽ ﺗﮭﯽ۔
ﯾﮩﺎﮞ ﺗﮏ ﮐﮧ ﻣﯿﺮﯼ ﮔﺮﻝ ﻓﺮﯾﻨﮉﺯ ﺑﮭﯽ۔
ﻓﺮﯾﻨﮉﺯ ! ۔ ﺳﺎﻻﺭ ﻧﮯ ﺍﺳﮯ ﭨﻮﮐﺎ۔
ﺟﻮ ﺑﮭﯽ ﮨﻮ۔ ﺍﺱ ﻧﮯ ﺑﺎﺕ ﺍﺳﯽ ﺍﻧﺪﺍﺯ ﻣﯿﮟ ﺟﺎﺭﯼ ﺭﮐﮭﯽ۔ﻣﯿﻦ ﯾﻮ ﺁﺭ ﺳﻮ ﻟﮑﯽ۔
ﺍﻣﺎﻣﮧ ﺍﭘﻨﯽ ﺑﮯ ﺍﻧﺘﮩﺎ ﮐﻮﺷﺶ ﮐﮯ ﺑﺎﻭﺟﻮﺩ ﺍﭘﻨﯽ ﮨﻨﺴﯽ ﭘﮧ ﻗﺎﺑﻮ ﻧﮧ ﭘﺎ ﺳﮑﯽ۔ ﺍﺳﮯ ﺣﻤﯿﻦ ﮐﯽ ﮔﻔﺘﮕﻮ ﺳﮯ ﺯﯾﺎﺩﮦ ﺟﺒﺮﯾﻞ ﮐﮯ ﺭﺩ ﻋﻤﻞ ﭘﮧ ﮨﻨﺴﯽ ﺁ ﺭﮨﯽ ﺗﮭﯽ۔ ﺟﺲ ﮐﯽ ﮐﺎﻧﻮﮞ ﮐﯽ ﻟﻮﺅﯾﮟ ﺗﮏ ﺳﺮﺥ ﮨﻮ ﮔﺌﯽ ﺗﮭﯽ۔ ﻭﮦ ﻣﺎﮞ ﮐﮯ ﮨﻨﺴﻨﮯ ﭘﺮ ﮐﭽﮫ ﺍﻭﺭ ﺟﺰﺑﺰ ﮨﻮﺍ۔
ﺗﻮ ﺗﻤﮩﺎﺭﺍ ﮐﯿﺎ ﺧﯿﺎﻝ ﮨﮯ، ﮐﻮﻥ ﺳﯽ ﭼﯿﺰ ﺍﺳﮯ ﻟﮍﮐﯿﻮﮞ ﻣﯿﮟ ﭘﺎﭘﻮﻟﺮ ﮐﺮﺗﯽ ﮨﮯ؟ ﺳﺎﻻﺭ ﻧﮯ ﺻﻮﺭﺕ ﺣﺎﻝ ﮐﻮ ﺳﻨﺒﮭﺎﻟﻨﮯ ﮐﯽ ﮐﻮﺷﺶ ﮐﯽ۔
ﺍﺱ ﮐﯽ ﺑﮩﺖ ﺳﯽ ﺭﯾﺰﻥ ﮨﯿﮟ۔ ﻟﮍﮐﯿﺎﮞ ﺍﻥ ﻟﮍﮐﻮﮞ ﮐﻮ ﭘﺴﻨﺪ ﻧﮩﯿﮟ ﮐﺮﺗﯽ ﺟﻮ ﺑﮩﺖ ﺑﻮﻟﺘﮯ ﮨﻮ، ﺍﻭﺭ ﺟﮯ ﺑﯽ ﺑﺎﻟﮑﻞ ﺑﺎﺕ ﻧﮩﯿﮟ ﮐﺮﺗﺎ۔
ﺍﻭﺭ۔۔۔۔۔۔۔۔ !
ﺳﺎﻻﺭ ﻧﮯ ﺍﺳﮯ ﺁﮔﮯ ﺑﻮﻟﻨﮯ ﮐﯽ ﺗﺮﻏﯿﺐ ﺩﯼ۔
ﺍﻭﺭ ﻟﮍﮐﯿﻮﮞ ﮐﻮ ﻭﮦ ﻟﮍﮐﮯ ﺍﭼﮭﮯ ﻟﮕﺘﮯ ﮨﯿﮟ ﺟﻮ ﺍﻥ ﮐﯽ ﮐﺒﮭﯽ ﻧﮧ ﺧﺘﻢ ﮨﻮﻧﮯ ﻭﺍﻟﯽ ﺑﺎﺗﯿﮟ ﺳﻦ ﺳﮑﺘﮯ ﮨﻮ۔ ﺍﻭﺭ ﺟﮯ ﺑﯽ ﺳﺐ ﮐﯽ ﺑﺎﺗﯿﮟ ﺳﻨﺘﺎ ﮨﮯ۔ ﺧﻮﺍﮦ ﻭﮦ ﮐﺘﻨﯽ ﮨﯽ ﺍﺣﻤﻖ ﮨﻮ۔
ﺍﺱ ﺑﺎﺭ ﺳﺎﻻﺭ ﮐﻮ ﺑﮭﯽ ﮨﻨﺴﯽ ﺁﺋﯽ۔ ﺟﻮ ﺍﺱ ﻧﮯ ﮔﻼ ﺻﺎﻑ ﮐﺮ ﮐﮯ ﭼﮭﭙﺎﺋﯽ۔
ﺑﻶﺧﺮ ﺟﺒﺮﯾﻞ ﻧﮯ ﺍﺳﮯ ﭨﻮﮐﺎ۔ ﺗﻤﮩﯿﮟ ﭘﺘﺎ ﮨﮯ ﺣﻤﯿﻦ ! ﻟﮍﮐﯿﺎﮞ ﺍﻥ ﻟﮍﮐﻮﮞ ﮐﻮ ﭘﺴﻨﺪ ﮐﺮﺗﯽ ﮨﮯ، ﺟﻮ ﺍﯾﮉﯾﭧ ﻧﮩﯿﮟ ﮨﻮﺗﮯ۔ ﺍﺱ ﮐﺎ ﺍﺷﺎﺭﮦ ﺣﻤﯿﻦ ﮐﯽ ﺳﻤﺠﮫ ﻣﯿﮟ ﺁ ﮔﯿﺎ ﺗﮭﺎ۔
ﮨﺎﮞ ! ﯾﮧ ﺍﺳﯽ ﺻﻮﺭﺕ ﻣﻤﮑﻦ ﮨﮯ، ﺍﮔﺮ ﻟﮍﮐﯿﺎﮞ ﺧﻮﺩ ﺍﺣﻤﻖ ﻧﮧ ﮨﻮ۔
ﺑﺎﺑﺎ !
ﺍﺱ ﺑﺎﺭ ﻋﻨﺎﯾﮧ ﻧﮯ ﺳﺎﻻﺭ ﮐﻮ ﭘﮑﺎﺭﺍ۔ ﺍﻭﺭ ﺍﺱ ﻧﮯ ﺣﻤﯿﻦ ﮐﮯ ﺗﺒﺼﺮﮮ ﭘﺮ ﺍﺣﺘﺠﺎﺝ ﮐﯿﺎ ﺗﮭﺎ۔
ﺗﻢ ﺍﻥ ﺩﻭﻧﻮﮞ ﻟﮍﮐﯿﻮﮞ ﮐﮯ ﺑﺎﺭﮮ ﻣﯿﮟ ﮐﯿﺎ ﮐﮩﻮ ﮔﮯ؟ ﺳﺎﻻﺭ ﻧﮯ ﭘﻮﭼﮭﺎ۔
ﺗﯿﻦ ﮐﮩﯿﮟ ﺑﺎﺑﺎ ! ﺁﭖ ﻣﻤﯽ ﮐﻮ ﻟﮍﮐﯿﻮﮞ ﮐﯽ ﺻﻒ ﺳﮯ ﮐﯿﻮﮞ ﻧﮑﺎﻝ ﺭﮨﮯ ﮨﯿﮟ؟ ﺣﻤﯿﻦ ﻧﮯ ﺳﻮﺍﻝ ﮐﺎ ﺟﻮﺍﺏ ﮔﻮﻝ ﮐﯿﺎ۔ ﻭﮦ ﺍﺳﻤﺎﺭﭦ ﻧﮩﯿﮟ، ﺳﭙﺮ ﺍﺳﻤﺎﺭﭦ ﺗﮭﺎ۔ ﮨﻮﺷﯿﺎﺭ ﺍﻭﺭ ﻣﻮﻗﻊ ﺷﻨﺎﺱ۔
ﺣﻤﯿﻦ ﺑﺲ ﮐﺮ ﺩﻭ۔ ﺍﻣﺎﻣﮧ ﻧﮯ ﺍﺱ ﺑﺎﺭ ﺍﭘﻨﯽ ﮨﻨﺴﯽ ﭘﮧ ﻗﺎﺑﻮ ﭘﺎﺗﮯ ﮨﻮﺋﮯ ﮐﮩﺎ۔
ﺍﺳﮯ ﺳﻤﺠﮫ ﻧﮩﯿﮟ ﺁﺭﮨﺎ ﺗﮭﺎ ﻭﮦ ﺍﺳﮯ ﮈﺍﻧﭩﮯ ﯾﺎ ﺍﺱ ﮐﯽ ﺑﺎﺗﻮﮞ ﭘﮧ ﮨﻨﺴﮯ۔ ﻭﮦ ﺟﻮ ﺑﮭﯽ ﮐﮩﮧ ﺭﮨﺎ ﺗﮭﺎ، ﻏﻠﻂ ﻧﮩﯿﮟ ﺗﮭﺎ۔ ﺟﺒﺮﯾﻞ ﺗﯿﺮﮦ ﺳﺎﻝ ﮐﯽ ﻋﻤﺮ ﻣﯿﮟ ﺑﮭﯽ ﺍﭘﻨﮯ ﻗﺪ ﮐﺎﭨﮫ ﮐﯽ ﻭﺟﮧ ﺳﮯ ﺑﮍﺍ ﻟﮕﺘﺎ ﺗﮭﺎ۔ ﺍﺱ ﮐﯽ ﺁﻧﮑﮭﯿﮟ ﺳﺎﻻﺭ ﮐﯽ ﺁﻧﮑﮭﯿﮟ ﺗﮭﯿﮟ۔ ﺑﮍﯼ، ﺳﯿﺎﮦ ﺍﻭﺭ ﺑﮯ ﺣﺪ ﮔﮩﺮﯼ۔ ﻭﮦ ﺍﺳﯽ ﮐﯽ ﻃﺮﺡ ﺑﮯ ﺣﺪ ﻣﺘﺤﻤﻞ ﻣﺰﺍﺝ ﺗﮭﺎ۔ ﺍﻭﺭ ﻭﮦ ﺍﮔﺮ ﻟﮍﮐﯿﻮﮞ ﻣﯿﮟ ﻣﻘﺒﻮﻝ ﺗﮭﺎ ﺗﻮ ﺍﺱ ﮐﯽ ﻭﺟﮧ ﯾﮧ ﺗﮭﯽ ﮐﮧ ﻭﮦ ﺳﺐ ﮐﮯ ﻟﯿﮯ ﺍﯾﮏ ﭘﮩﯿﻠﯽ ﺗﮭﺎ۔ ﺟﺒﺮﯾﻞ ﺍﭘﻨﯽ ﮐﺸﺶ ﺳﮯ ﺑﮯ ﺧﺒﺮ ﺗﮭﺎ ﺍﻭﺭ ﺍﺳﮯ ﺍﺱ ﮐﺸﺶ ﮐﻮ ﺍﺳﺘﻌﻤﺎﻝ ﮐﺮﻧﮯ ﻣﯿﮟ ﺩﻟﭽﺴﭙﯽ ﺑﮭﯽ ﻧﮩﯿﮟ ﺗﮭﯽ۔
ﻟﯿﮑﻦ ﺩﻧﯿﺎ ﻣﯿﮟ ﺍﮔﺮ ﮐﻮﺋﯽ ﺧﺎﻣﻮﺷﯽ ﺍﻭﺭ ﻣﺘﺤﻤﻞ ﻣﺰﺍﺟﯽ ﮐﮯ ﺍﺱ ﭘﮩﺎﮌ ﻣﯿﮟ ﺷﮕﺎﻑ ﮈﺍﻝ ﮐﺮ ﺍﺳﮯ ﺑﺮﮨﻢ ﮐﺮ ﺳﮑﺘﺎ ﺗﮭﺎ ﺗﻮ ﻭﮦ ﺣﻤﯿﻦ ﺗﮭﺎ۔ ﺟﺒﺮﯾﻞ ﮐﻮ ﺗﻨﮓ ﮐﺮﻧﺎ ﺍﺱ ﮐﯽ ﺯﻧﺪﮔﯽ ﮐﺎ ﺩﻟﭽﺴﭗ ﺍﻭﺭ ﭘﺴﻨﺪﯾﺪﮦ ﺗﺮﯾﻦ ﮐﺎﻡ ﺗﮭﺎ۔ ﺍﺱ ﻧﮯ ﺟﺒﺮﯾﻞ ﮐﻮ ﺍﯾﮏ ﺳﺎﻝ ﺳﮯ ﺑﮭﺎﺋﯽ ﮐﮩﻨﺎ ﭼﮭﻮﮌ ﺩﯾﺎ ﺗﮭﺎ۔ ﮐﯿﻮﻧﮑﮧ ﺍﺳﮯ ﻟﮕﺘﺎ ﺗﮭﺎ ﺟﮯ ﺑﯽ ﮐﻮﻝ ﮨﮯ۔ ﻭﮦ ﮨﺮ ﭼﯿﺰ ﻣﯿﮟ ﮐﻮﻟﻨﯿﺲ ﻧﮑﺎﻟﺘﺎ ﺗﮭﺎ۔
ﺑﺎﺑﺎ ! ﺟﺐ ﻣﯿﮟ ﺍﺳﭙﯿﻠﻨﮓ ﺑﯽ ﺟﯿﺖ ﮐﺮ ﺁﺅﮞ ﮔﯽ ﺗﻮ ﻣﯿﮟ ﺑﮭﯽ ﺍﭘﻨﮯ ﺳﺎﺭﮮ ﮐﻼﺱ ﻓﯿﻠﻮﺯ ﮐﻮ ﺑﻼﺅﮞ ﮔﯽ۔ ﺭﺋﯿﺴﮧ ﻧﮯ ﮔﻔﺘﮕﻮ ﻣﯿﮟ ﺣﺼﮧ ﻟﯿﺘﮯ ﮨﻮﺋﮯ ﺳﺎﻻﺭ ﮐﻮ ﺍﭘﻨﯽ ﻃﺮﻑ ﻣﺘﻮﺟﮧ ﮐﯿﺎ۔
ﺭﺋﯿﺴﮧ ﺳﺎﻻﺭ ﺯﻧﺪﮔﯽ ﻣﯿﮟ ﮐﻮﺋﯽ ﺑﮍﺍ ﮐﺎﻡ ﮐﺮﻧﺎ ﭼﺎﮨﺘﯽ ﺗﮭﯽ۔ ﺍﺱ ﺑﺎﺕ ﺳﮯ ﺑﮯ ﺧﺒﺮ ﮐﮧ ﺍﺱ ﮐﯽ ﻗﺴﻤﺖ ﻣﯿﮟ ﺻﺮﻑ ﺑﮍﮮ ﮐﺎﻡ ﻟﮑﮭﮯ ﮨﯿﮟ۔

ﺑﺎﺑﺎ ﻣﺠﮭﮯ ﺁﭖ ﮐﻮ ﺣﻤﯿﻦ ﮐﮯ ﺑﺎﺭﮮ ﻣﯿﮟ ﮐﭽﮫ ﺑﺘﺎﻧﺎ ﮨﮯ۔ﺭﺋﯿﺴﮧ ﮐﯽ ﻣﻨﻤﻨﺎﺗﯽ ﺁﻭﺍﺯ ﭘﺮ ﺳﺎﻻﺭ ﺑﯿﺮﻭﻧﯽ ﺩﺭﻭﺍﺯﮮ ﺳﮯ ﻧﮑﻠﺘﮯ ﻧﮑﻠﺘﮯ ﭨﮭﭩﮏ ﮔﯿﺎ ﺗﮭﺎ۔ ﻭﮦ ﺍﺱ ﻭﻗﺖ ﻭﺍﮎ ﮐﮯ ﻟﯿﮯ ﻧﮑﻞ ﺭﮨﺎ ﺗﮭﺎ ﺍﻭﺭ ﺭﺋﯿﺴﮧ ﮨﻤﯿﺸﮧ ﮐﯽ ﻃﺮﺡ ﺍﺳﮯ ﺩﺭﻭﺍﺯﮮ ﺗﮏ ﭼﮭﻮﮌﻧﮯ ﺁﺋﯽ ﺗﮭﯽ۔ ﺳﺎﻻﺭ ﮐﻮ ﺍﭼﮭﻨﺒﺎ ﮨﻮﺍ ﺗﮭﺎ۔ﻭﮦ ﮐﺒﮭﯽ ﮐﺴﯽ ﮐﯽ ﺷﮑﺎﯾﺖ ﻧﮩﯿﮟ ﮐﺮﺗﯽ ﺗﮭﯽ ﺍﻭﺭ ﺣﻤﯿﻦ ﮐﯽ ﺷﮑﺎﯾﺖ ﮐﺎ ﺗﻮ ﺳﻮﺍﻝ ﮨﯽ ﭘﯿﺪﺍ ﻧﮩﯿﮟ ﮨﻮﺳﮑﺘﺎ۔ ﻭﮦ ﺍﺱ ﮐﯽ ﺳﺐ ﺳﮯ ﺑﮍﯼ ﺭﺍﺯﺩﺍﻥ ﺗﮭﯽ۔
ﺳﺎﻻﺭ ﻧﮯ ﮐﭽﮫ ﻏﻮﺭ ﺍﻭﺭ ﺣﯿﺮﺍﻧﯽ ﺳﮯ ﺍﺳﮯ ﺩﯾﮑﮭﺘﮯ ﮨﻮﺋﮯ ﭘﻮﭼﮭﺎ۔ ﮐﯿﺎ ﺑﺘﺎﻧﺎ ﮨﮯ؟
ﺭﺋﯿﺴﮧ ﻧﮯ ﺟﻮﺍﺏ ﺩﯾﻨﮯ ﮐﯽ ﺑﺠﺎﺋﮯ ﭘﻠﭧ ﮐﺮ ﻻﺅﻧﺞ ﮐﯽ ﻃﺮﻑ ﺩﯾﮑﮭﺎ، ﺟﮩﺎﮞ ﺳﮯﺣﻤﯿﻦ ﮐﯽ ﺁﻭﺍﺯ ﺁ ﺭﮨﯽ ﺗﮭﯽ۔ ﻭﮦ ﺍﻣﺎﻣﮧ ﺳﮯ ﺑﺎﺗﯿﮟ ﮐﺮ ﺭﮨﺎ ﺗﮭﺎ۔
ﮐﭽﮫ ﮨﮯ ﺟﻮ ﻣﯿﮟ ﺁﭖ ﮐﻮ ﺑﺘﺎﻧﺎ ﭼﺎﮨﺘﯽ ﮨﻮﮞ۔ ﺍﺱ ﻧﮯ ﺳﺮﮔﻮﺷﯽ ﻧﻤﺎ ﺁﻭﺍﺯ ﻣﯿﮟ ﺳﺎﻻﺭ ﺳﮯ ﮐﮩﺎ۔ ﺍﺱ ﺑﺎﺭﺳﺎﻻﺭ ﻧﮯ ﺍﺱ ﮐﺎ ﮨﺎﺗﮫ ﭘﮑﮍﺍ ﺍﻭﺭ ﺩﺭﻭﺍﺯﮦ ﮐﮭﻮﻝ ﮐﺮ ﺑﺎﮨﺮ ﺟﺎﺗﮯ ﮨﻮﺋﮯ ﺍﺱ ﺳﮯ ﮐﮩﺎ۔
ﺁﺅ ! ﮨﻢ ﻭﺍﮎ ﮐﮯ ﻟﯿﮯ ﭼﻠﺘﮯ ﮨﯿﮟ۔ ﺍﺳﮯ ﻧﺪﺍﺯﮦ ﮨﻮ ﮔﯿﺎ ﺗﮭﺎ ﮐﮧ ﻭﮦ ﮔﮭﺮ ﮐﮯ ﺍﻧﺪﺭ ﺣﻤﯿﻦ ﮐﮯ ﺑﺎﺭﮮ ﻣﯿﮟ ﺑﺎﺕ ﮐﺮﺗﮯ ﮨﻮﺋﮯ ﺟﮭﺠﮏ ﺭﮨﯽ ﺗﮭﯽ۔
ﺭﺋﯿﺴﮧ ﭼﭗ ﭼﺎﭖ ﺍﺱ ﮐﮯ ﺳﺎﺗﮫ ﺑﺎﮨﺮ ﻧﮑﻞ ﺁﺋﯽ ﺗﮭﯽ۔
ﺗﻮ ﺣﻤﯿﻦ ﮐﮯ ﺑﺎﺭﮮ ﻣﯿﮟ ﺗﻢ ﮐﯿﺎ ﺑﺘﺎﻧﺎ ﭼﺎﮨﺘﯽ ﮨﻮ؟ ﭘﺎﻧﭻ، ﺩﺱ ﻣﻨﭧ ﮐﯽ ﻭﺍﮎ ﺍﻭﺭ ﮨﻠﮑﯽ ﭘﮭﻠﮑﯽ ﮔﭗ ﺷﭗ ﮐﮯ ﺑﻌﺪ ﺍﺱ ﻧﮯ ﺭﺋﯿﺴﮧ ﺳﮯ ﭘﻮﭼﮭﺎ۔
ﺭﺋﯿﺴﮧ ﻧﮯ ﻓﻮﺭﯼ ﻃﻮﺭ ﭘﮧ ﮐﭽﮫ ﺟﻮﺍﺏ ﻧﮩﯿﮟ ﺩﯾﺎ۔ ﻭﮦ ﺳﻮﭺ ﻣﯿﮟ ﭘﮍ ﮔﺌﯽ۔
ﺁﺋﯽ ﺍﯾﻢ ﻧﺎﭦ ﺷﯿﻮﺭ ! ﺍﺱ ﻧﮯ ﮐﮩﺎ۔ ﮐﭽﮫ ﮨﮯ، ﺟﻮ ﻣﯿﮟ ﺁﭖ ﮐﻮ ﺑﺘﺎﻧﺎ ﭼﺎﮨﺘﯽ ﮨﻮﮞ۔ ﻟﯿﮑﻦ ﻣﺠﮭﮯ ﯾﮧ ﻧﮩﯿﮟ ﭘﺘﺎ ﮐﮧ ﻣﺠﮭﮯ ﺑﺘﺎﻧﺎ ﭼﺎﮨﯿﮯ ﯾﺎ ﻧﮩﯿﮟ۔ ﻭﮦ ﮨﻤﯿﺸﮧ ﺍﺳﯽ ﻃﺮﺡ ﺑﺎﺕ ﮐﺮﺗﯽ ﺗﮭﯽ۔ ﮨﺮ ﻟﻔﻆ ﺑﻮﻟﻨﮯ ﺳﮯ ﭘﮩﻠﮯ ﺩﺱ ﺩﻓﻌﮧ ﺗﻮﻝ ﮐﺮ۔
ﺗﻢ ﻣﺠﮫ ﭘﺮ ﭨﺮﺳﭧ ﮐﺮ ﺳﮑﺘﯽ ﮨﻮ۔ ﺳﺎﻻﺭ ﻧﮯ ﺟﯿﺴﮯ ﺍﺳﯽ ﺗﺴﻠﯽ ﺩﯼ۔
ﻣﺠﮭﮯ ﺁﭖ ﭘﺮ ﭨﺮﺳﭧ ﮨﮯ، ﻟﯿﮑﻦ ﻣﯿﮟ ﺣﻤﯿﻦ ﮐﻮ ﺑﮭﯽ ﮨﺮﭦ ﻧﮩﯿﮟ ﮐﺮﻧﺎ ﭼﺎﮨﺘﯽ۔ ﯾﮧ ﺍﺱ ﮐﺎ ﺳﯿﮑﺮﭦ ﮨﮯ ﺍﻭﺭ ﯾﮧ ﺍﭼﮭﯽ ﺑﺎﺕ ﻧﮩﯿﮟ ﮐﮧ ﻣﯿﮟ ﺍﺱ ﮐﺎ ﺳﯿﮑﺮﭦ ﮐﺴﯽ ﮐﻮ ﺑﺘﺎﺅﮞ۔ ﺷﺎﯾﺪ ﻣﺠﮭﮯ ﻧﮩﯿﮟ ﺑﺘﺎﻧﺎ ﭼﺎﮨﯿﮯ۔ ﻣﯿﮟ ﭘﻮﺭﯼ ﻃﺮﺡ ﺷﯿﻮﺭ ﻧﮩﯿﮟ، ﻣﯿﮟ ﺍﺑﮭﯽ ﺳﻮﭺ ﺭﮨﯽ ﮨﻮﮞ۔
ﺍﯾﺴﯽ ﮐﯿﺎ ﺑﺎﺕ ﮨﮯ ﺭﺋﯿﺴﮧ ! ﺳﺎﻻﺭ ﻧﮯ ﻧﺮﻡ ﺁﻭﺍﺯ ﻣﯿﮟ ﺍﺳﮯ ﮐﺮﯾﺪﺍ۔ ﻣﯿﮟ ﻭﻋﺪﮦ ﮐﺮﺗﺎ ﮨﻮﮞ ﮐﮧ ﺣﻤﯿﻦ ﮐﮯ ﺑﺎﺭﮮ ﻣﯿﮟ ﺟﻮ ﺑﮭﯽ ﺑﺎﺕ ﮨﮯ، ﻭﮦ ﺍﯾﮏ ﺳﯿﮑﺮﭦ ﺭﮨﮯ ﮔﯽ۔ ﺍﺱ ﻧﮯ ﺭﺋﯿﺴﮧ ﺳﮯ ﮐﮩﺎ۔ ﻣﮕﺮ ﻭﮦ ﻣﺘﺎﺛﺮ ﻧﮩﯿﮟ ﮨﻮﺉ۔
ﺑﺎﺑﺎ ! ﺁﭖ ﺣﻤﯿﻦ ﺳﮯ ﺑﮩﺖ ﺧﻔﺎ ﮨﻮ ﺟﺎﺋﯿﮟ ﮔﮯ ﺍﻭﺭ ﻣﯿﮟ ﯾﮧ ﻧﮩﯿﮟ ﭼﺎﮨﺘﯽ۔ ﺍﺱ ﺑﺎﺭ ﺭﺋﯿﺴﮧ ﻧﮯ ﺍﭘﻨﮯ ﺧﺪﺷﺎﺕ ﮐﺎ ﺍﻇﮩﺎﺭ ﮐﮭﻞ ﮐﺮ ﮐﯿﺎ۔ ﺳﺎﻻﺭ ﮐﯽ ﭼﮭﭩﯽ ﺣﺲ ﻧﮯ ﺍﺳﮯ ﺳﮕﻨﻞ ﺩﯾﻨﺎ ﺷﺮﻭﻉ ﮐﯿﮯ۔
ﺭﺋﯿﺴﮧ ﯾﮧ ﺍﭼﮭﯽ ﺑﺎﺕ ﻧﮩﯿﮟ ﮨﮯ۔ ﺳﺎﻻﺭ ﻧﮯ ﺍﺱ ﺑﺎﺭ ﺳﻨﺠﯿﺪﮔﯽ ﺳﮯ ﺍﺳﮯ ﮔﮭﺮﮐﺎ۔ ﺍﮔﺮ ﺣﻤﯿﻦ ﻧﮯ ﺍﯾﺴﺎ ﮐﭽﮫ ﮐﯿﺎ ﮨﮯ، ﺟﻮ ﺗﻤﮩﯿﮟ ﻟﮕﺘﺎ ﮨﮯ ﮐﮧ ﮨﻤﯿﮟ ﭘﺘﺎ ﮨﻮﻧﺎ ﭼﺎﮨﯿﮯ۔ ﺗﻮ ﺗﻢ ﮐﻮ ﮨﻤﯿﮟ ﺑﺘﺎ ﺩﯾﻨﺎ ﭼﺎﮨﯿﮯ۔ ﺍﺱ ﻃﺮﺡ ﮐﻮﺋﯽ ﺑﮭﯽ ﭼﯿﺰ ﭼﮭﭙﺎﻧﺎ ﭨﮭﯿﮏ ﻧﮩﯿﮟ۔ ﺭﺋﯿﺴﮧ ﮐﯽ ﯾﮧ ﭘﺮﺩﮦ ﭘﻮﺷﯽ ﺳﺎﻻﺭ ﮐﻮ ﺍﺱ ﻭﻗﺖ ﺑﮩﺖ ﺑﺮﯼ ﻟﮕﯽ ﺗﮭﯽ۔
ﻣﺠﮭﮯ ﺍﯾﮏ ﺩﻥ ﺩﯾﮟ۔ ﺭﺋﯿﺴﮧ ﻧﮯ ﺍﺱ ﮐﮯ ﻟﮩﺠﮯ ﻣﯿﮟ ﺟﮭﻠﮑﺘﯽ ﺧﻔﮕﯽ ﮐﻮ ﻣﺤﺴﻮﺱ ﮐﺮﺗﮯ ﮨﻮﺋﮯ ﮐﮩﺎ۔ ﻣﯿﮟ ﺁﭖ ﮐﻮ ﮐﻞ ﺑﺘﺎ ﺩﻭﮞ ﮔﯽ۔
ﻭﮦ ﺑﮯ ﺍﺧﺘﯿﺎﺭ ﮔﮩﺮﺍ ﺳﺎﻧﺲ ﻟﮯ ﮐﺮ ﺭﮦ ﮔﯿﺎ۔ ﺍﻧﮩﻮﮞ ﻧﮯ ﺍﭘﻨﮯ ﺑﭽﻮﮞ ﮐﯽ ﭘﺮﻭﺭﺵ ﺯﻭﺭ ﺯﺑﺮﺩﺳﺘﯽ ﺳﮯ ﻧﮩﯿﮟ ﮐﯽ ﺗﮭﯽ۔
ﭨﮭﯿﮏ ﮨﮯ، ﺍﯾﮏ ﺩﻥ ﺍﻭﺭ ﺳﻮﭺ ﻟﻮ ﺍﻭﺭ ﭘﮭﺮ ﻣﺠﮭﮯ ﺑﺘﺎ ﺩﻭ۔ﺍﺱ ﻧﮯ ﺑﺎﺕ ﺧﺘﻢ ﮐﺮ ﺩﯼ۔
ﻟﯿﮑﻦ ﺭﺋﯿﺴﮧ ﮐﮯ ﺍﻧﮑﺸﺎﻑ ﺳﮯ ﭘﮩﻠﮯ ﮨﯽ ﺳﮑﻮﻝ ﺳﮯ ﺍﻣﺎﻣﮧ ﮐﻮ ﮐﺎﻝ ﺁ ﮔﺌﯽ ﺗﮭﯽ۔ ﺍﮔﻠﮯ ﺩﻥ ﺳﮑﻮﻝ ﻣﯿﮟ ﺍﻧﮩﯿﮟ ﺣﻤﯿﻦ ﮐﮯ ﺑﺎﺭﮮ ﻣﯿﮟ ﺟﻮ ﺑﺘﺎﯾﺎ ﮔﯿﺎ، ﺍﺱ ﻧﮯ ﮐﭽﮫ ﺩﯾﺮ ﮐﮯ ﻟﯿﮯ ﺍﺱ ﮐﮯ ﮨﻮﺵ ﻭ ﺣﻮﺍﺱ ﺍﮌﺍ ﺩﯾﮯ۔ ﻭﮦ ﺟﻮﻧﯿﺌﺮ ﻭﻧﮓ ﻣﯿﮟ ﺑﺰﻧﺲ ﮐﺮ ﺭﮨﺎ ﺗﮭﺎ ﺍﻭﺭ ﺍﯾﺴﯽ ﮨﯽ ﺍﯾﮏ ﺑﺰﻧﺲ ﮈﯾﻞ ﮐﮯ ﻧﺘﯿﺠﮯ ﻣﯿﮟ ﺍﯾﮏ ﺑﭽﮧ ﺍﭘﻨﺎ ﺍﯾﮏ ﺑﮯ ﺣﺪ ﻣﮩﻨﮕﺎ ﮔﯿﻢ ﮔﻨﻮﺍﻧﮯ ﮐﮯ ﺑﻌﺪ ﺍﭘﻨﮯ ﻣﺎﮞ ﺑﺎﭖ ﮐﻮ ﺍﺱ ﻟﯿﻦ ﺩﯾﻦ ﮐﯽ ﺗﻔﺼﯿﻼﺕ ﺳﮯ ﺁﮔﺎﮦ ﮐﺮ ﺑﯿﭩﮭﺎ ﺗﮭﺎ ﺍﻭﺭ ﺍﺱ ﮐﺎ ﭘﺘﺎ ﺍﺱ ﮐﮯ ﻭﺍﻟﺪﯾﻦ ﮐﯽ ﺷﮑﺎﯾﺖ ﺳﮯ ﭼﻼ ﺗﮭﺎ۔ ﺟﺲ ﮐﮯ ﻧﺘﯿﺠﮯ ﻣﯿﮟ ﺳﮑﻮﻝ ﻧﮯ ﺗﺤﻘﯿﻘﺎﺕ ﮐﯽ ﺗﮭﯽ ﺍﻭﺭ ﺣﻤﯿﻦ ﺳﮑﻨﺪﺭ ﮐﻮ ﭘﮩﻼ ﻭﺍﺭﻧﻨﮓ ﻟﯿﭩﺮ ﺍﯾﺸﻮ ﮨﻮﺍ ﺗﮭﺎ۔ ﺳﺎﻻﺭ ﮐﺎ ﺩﻣﺎﻍ ﻭﺍﻗﻌﯽ ﮔﮭﻮﻡ ﮐﺮ ﺭﮦ ﮔﯿﺎ ﺗﮭﺎ۔
ﺍﺱ ﺑﺰﻧﺲ ﮐﮯ ﺁﻏﺎﺯ ﮐﻮ ﺑﮩﺖ ﻭﻗﺖ ﻧﮩﯿﮟ ﮔﺰﺭﺍ ﺗﮭﺎ۔ ﺑﺰﻧﺲ ﮐﺎ ﺁﻏﺎﺯ ﺍﺗﻔﺎﻗﯽ ﺗﮭﺎ۔ ﺍﺱ ﮐﯽ ﮐﻼﺱ ﻣﯿﮟ ﺍﺱ ﮐﺎ ﺍﯾﮏ ﮐﻼﺱ ﻓﯿﻠﻮ ﺍﯾﺴﮯ ﺟﻮﮔﺮﺯ ﻟﮯ ﮐﺮ ﺁﯾﺎ ﺗﮭﺎ۔، ﺟﻨﮩﯿﮟ ﺩﯾﮑﮫ ﮐﺮ ﺣﻤﯿﻦ ﺳﮑﻨﺪﺭ ﻣﭽﻞ ﮔﯿﺎ ﺗﮭﺎ۔ ﺍﻣﺎﻣﮧ ﻧﮯ ﺍﻥ ﺑﺮﺍﻧﮉﮈ ﺳﻨﯿﮑﺮﺯ ﮐﯽ ﺧﻮﺍﮨﺶ ﮐﻮ ﺭﺩ ﮐﺮ ﺩﯾﺎ ﺗﮭﺎ۔ ﮐﯿﻮﻧﮑﮧ۔ﭼﻨﺪ ﮨﻔﺘﮯ ﭘﮩﻠﮯ ﺣﻤﯿﻦ ﻧﮯ ﻧﺌﮯ ﺳﻨﯿﮑﺮﺯ ﻟﯿﮯ ﺗﮭﮯ۔ ﺣﻤﯿﻦ ﺳﮑﻨﺪﺭ ﮨﺮ ﺭﻭﺯ ﺍﺳﭙﻮﺭﭨﺲ ﺁﻭﺭﺯ ﻣﯿﮟ ﺍﭘﻨﮯ ﺍﺱ ﮐﻼﺱ ﻓﯿﻠﻮ ﮐﮯ ﺳﻨﯿﮑﺮﺯ ﺩﯾﮑﮭﺘﺎ ﺍﻭﺭ ﺍﻧﮩﯿﮟ ﺣﺎﺻﻞ ﮐﺮﻧﮯ ﮐﮯ ﻃﺮﯾﻘﮯ ﺳﻮﭼﺘﺎ۔ ﺍﺱ ﻧﮯ ﺍﻥ ﺳﻨﯿﮑﺮﺯ ﮐﻮ ﺑﺎﺭﭨﺮ ﭨﺮﯾﮉ ﮐﮯ ﺫﺭﯾﻌﮯ ﺣﺎﺻﻞ ﮐﺮﻧﮯ ﮐﯽ ﮐﻮﺷﺸﻮﮞ ﮐﺎ ﺁﻏﺎﺯ ﮐﺮ ﺩﯾﺎ۔
ﮐﻮﺋﯽ ﺍﯾﺴﯽ ﭼﯿﺰ، ﺟﺲ ﮐﮯ ﺑﺪﻟﮯ ﻣﯿﮟ ﻭﮦ ﮐﻼﺱ ﻓﯿﻠﻮ ﺍﻥ ﺳﻨﯿﮑﺮﺯ ﮐﻮ ﺣﻤﯿﻦ ﮐﻮ ﺩﮮ ﺩﯾﺘﺎ۔ ﺍﺱ ﮐﺎ ﻭﮦ ﮐﻼﺱ ﻓﯿﻠﻮ ﺣﻤﯿﻦ ﮐﮯ ﺍﺗﻨﮯ ﮈﺍﺋﺮﯾﮑﭧ ﺳﻮﺍﻝ ﭘﺮ ﮐﭽﮫ ﮔﮍﺑﮍﺍ ﮔﯿﺎ۔ ﺍﺱ ﻧﮯ ﮐﭽﮫ ﺗﺎﻣﻞ ﮐﮯ ﺑﻌﺪ ﺣﻤﯿﻦ ﮐﻮ ﯾﮧ ﺑﺘﺎﯾﺎ ﺗﮭﺎ ﮐﮧ ﻭﮦ ﺍﯾﮏ ﺍﻭﺭ ﮐﻼﺱ ﻓﯿﻠﻮ ﮐﯽ ﮔﮭﮍﯼ ﮐﻮ ﭘﺴﻨﺪ ﮐﺮﺗﺎ ﺗﮭﺎ ﺍﻭﺭ ﺍﮔﺮ ﺍﺳﮯ ﻭﮦ ﻣﻞ ﺟﺎﺋﮯ ﺗﻮ ﺍﺱ ﮐﮯ ﺑﺪﻟﮯ ﻭﮦ ﺳﻨﯿﮑﺮﺯ ﺩﮮ ﺳﮑﺘﺎ ﮨﮯ۔ ﺟﺲ ﮐﻼﺱ ﻓﯿﻠﻮ ﮐﯽ ﮔﮭﮍﯼ ﺍﺱ ﻧﮯ ﻣﺎﻧﮕﯽ ﺗﮭﯽ، ﺍﺳﮯ ﺍﯾﮏ ﺍﻭﺭ ﮐﻼﺱ ﻓﯿﻠﻮ ﮐﯽ ﺳﺎﺋﯿﮑﻞ ﻣﯿﮟ ﺩﻟﭽﺴﭙﯽ ﺗﮭﯽ ﺍﻭﺭ۔۔۔۔۔۔۔۔۔۔۔۔ ﺍﻭﺭ ﺳﺎﺋﯿﮑﻞ ﻭﺍﻟﮯ ﮐﻮ ﺍﯾﮏ ﺍﻭﺭ ﮐﻼﺱ ﻓﯿﻠﻮ ﮐﮯ ﺑﯿﮓ ﻣﯿﮟ۔
ﯾﮧ ﺳﻠﺴﻠﮧ ﭼﻠﺘﮯ ﭼﻠﺘﮯ ﺣﻤﯿﻦ ﺳﮑﻨﺪﺭ ﮐﮯ ﭘﺎﺱ ﻣﻮﺟﻮﺩ ﺍﯾﮏ ﮐﯽ ﺑﻮﺭﮈ ﺗﮏ ﺁ ﮔﯿﺎ ﺗﮭﺎ، ﺟﻮ ﻭﮦ ﮐﺒﮭﯽ ﮐﺒﮭﺎﺭ ﺳﮑﻮﻝ ﻟﮯ ﺟﺎ ﮐﺮ ﺑﺠﺎﺗﺎ ﺗﮭﺎ۔ ﺍﻭﺭ ﺣﻤﯿﻦ ﻧﮯ ﻓﻮﺭﯼ ﻃﻮﺭ ﭘﺮ ﺍﺱ ﮐﯽ ﺑﻮﺭﮈ ﮐﮯ ﺑﺪﻟﮯ ﻭﮦ ﺳﻨﯿﮑﺮﺯ ﺣﺎﺻﻞ ﮐﺮﻧﮯ ﮐﺎ ﻓﯿﺼﻠﮧ ﮐﺮ ﻟﯿﺎ ﺗﮭﺎ ﺍﻭﺭ ﭘﮭﺮ ﺩﻭﺳﺮﮮ ﮨﯽ ﺩﻥ ﺍﺱ ﮐﻮ ﻋﻤﻠﯽ ﺟﺎﻣﮧ ﭘﮩﻨﺎ ﺩﯾﺎ۔
ﺑﺰﻧﺲ ﮐﺎ ﭘﮩﻼ ﺍﺻﻮﻝ ﻣﺆﺛﺮ ﺍﺳﭩﺮﯾﭩﯿﺠﯽ ﺍﻭﺭ ﺩﻭﺳﺮﺍ ﻭﻗﺖ ﭘﮧ ﺩﺭﺳﺖ ﺍﺳﺘﻌﻤﺎﻝ۔ ﺳﺎﻻﺭ ﺳﮑﻨﺪﺭ ﮐﮯ ﻣﻨﮧ ﺳﮯ ﺩﻥ ﺭﺍﺕ ﺳﻨﻨﮯ ﻭﺍﻟﮯ ﺍﻟﻔﺎﻅ ﮐﻮ ﺍﺱ ﮐﮯ ﻧﻮ ﺳﺎﻟﮧ ﺑﯿﭩﮯ ﻧﮯ ﮐﺲ ﻣﮩﺎﺭﺕ ﺳﮯ ﺍﺳﺘﻌﻤﺎﻝ ﮐﯿﺎ ﺗﮭﺎ۔ ﺍﮔﺮ ﺳﺎﻻﺭ ﺩﯾﮑﮫ ﻟﯿﺘﺎ ﺗﻮ ﻋﺶ ﻋﺶ ﮐﺮ ﺍﭨﮭﺘﺎ۔
ﺣﻤﯿﻦ ﺳﮑﻨﺪﺭ ﮐﯽ ﮐﻼﺱ ﮐﮯ ﺑﺎﺭﮦ ﺍﻓﺮﺍﺩ ﻧﮯ ﺍﮔﻠﮯ ﺩﻥ ﺳﮑﻮﻝ ﮔﺮﺍﺅﻧﮉ ﻣﯿﮟ ﺍﭘﻨﯽ ﭘﺴﻨﺪﯾﺪﮦ ﺗﺮﯾﻦ ﭼﯿﺰ ﮐﮯ ﺣﺼﻮﻝ ﮐﮯ ﻟﯿﮯ ﺍﭘﻨﯽ ﮐﻢ ﻓﯿﻮﺭﭦ ﭼﯿﺰ ﮐﺎ ﺗﺒﺎﺩﻟﮧ ﮐﯿﺎ ﺗﮭﺎ ﺍﻭﺭ ﺗﺒﺎﺩﻟﮯ ﮐﯽ ﺍﺱ ﭼﯿﻦ ﮐﮯ ﺫﺭﯾﻌﮯ ﺣﻤﯿﻦ ﺳﮑﻨﺪﺭ ﻭﮦ ﺳﻨﯿﮑﺮﺯ ﺣﺎﺻﻞ ﮐﺮﻧﮯ ﻣﯿﮟ ﮐﺎﻣﯿﺎﺏ ﮨﻮ ﮔﯿﺎ ﺗﮭﺎ۔
ﮐﻼﺋﻨﭩﺲ ﮐﺎ ﺍﻃﻤﯿﻨﺎﻥ، ﮐﺎﺭﻭﺑﺎﺭ ﮐﺎ ﺗﯿﺴﺮﺍ ﺍﺻﻮﻝ ﮨﮯ ﺍﻭﺭ ﻧﻮ ﺳﺎﻝ ﮐﯽ ﻋﻤﺮ ﻣﯿﮟ ﺳﺎﻻﺭ ﺳﮑﻨﺪﺭ ﮐﮯ ﺍﺱ ﺑﯿﭩﮯ ﻧﮯ ﯾﮧ ﺗﯿﻨﻮﮞ ﭼﯿﺰﯾﮟ ﻣﺪﻧﻈﺮ ﺭﮐﮭﯽ ﺗﮭﯽ۔ ﻭﮦ ﺍﺱ ﻭﻗﺖ ﮔﯿﺎﺭﮦ ﻣﺴﺮﻭﺭ ﮐﺴﭩﻤﺮﺯ ﮐﮯ ﺩﺭﻣﯿﺎﻥ ﺭﺍﺟﮧ ﺍﻧﺪﺭ ﺑﻨﺎ ﺗﮭﺎ۔ ﺟﻮ ﺍﺱ ﮐﺎ ﺷﮑﺮﯾﮧ ﺍﺩﺍ ﮐﺮﺗﮯ ﻧﮩﯿﮟ ﺗﮭﮏ ﺭﮨﮯ ﺗﮭﮯ۔
ﺍﻭﺭ ﺍﮔﺮ ﺍﻥ ﻣﯿﮟ ﺳﮯ ﮐﺴﯽ ﻧﮯ ﺍﭘﻨﯽ ﮐﻮﺋﯽ ﭼﯿﺰ ﻭﺍﭘﺲ ﻣﺎﻧﮓ ﻟﯽ ﺗﻮ؟ ﺭﺋﯿﺴﮧ ﻧﮯ ﺍﺱ ﮐﮯ ﺳﺎﻣﻨﮯ ﺍﭘﻨﮯ ﺧﺪﺷﮯ ﮐﺎ ﺍﻇﮩﺎﺭ ﮐﺮ ﺩﯾﺎ۔
ﺍﯾﺴﺎ ﺗﻮ ﮨﻮ ﮨﯽ ﻧﮩﯿﮟ ﺳﮑﺘﺎ۔ ﺣﻤﯿﻦ ﻧﮯ ﭘﺮ ﺍﻋﺘﻤﺎﺩ ﺍﻧﺪﺍﺯ ﻣﯿﮟ ﮐﮩﺎ۔
ﮐﯿﻮﮞ؟ ﺣﻤﯿﻦ ﻧﮯ ﺍﺱ ﮐﮯ ﮐﯿﻮﮞ ﮐﮯ ﺟﻮﺍﺏ ﻣﯿﮟ ﺍﭘﻨﯽ ﺟﯿﺐ ﺳﮯ ﺍﯾﮏ ﮐﺎﻧﭩﺮﯾﮑﭧ ﻧﮑﺎﻝ ﮐﺮ ﺍﺳﮯ ﺩﮐﮭﺎﯾﺎ۔ ﺟﺲ ﭘﺮ ﺣﻤﯿﻦ ﺳﻤﯿﺖ ﺑﺎﺭﮦ ﻟﻮﮔﻮﮞ ﮐﮯ ﺳﺎﺋﻦ ﺗﮭﮯ ﺍﻭﺭ ﺍﺱ ﮐﺎﻧﭩﺮﯾﮑﭧ ﭘﺮ ﺍﺱ ﻟﯿﻦ ﺩﯾﻦ ﮐﮯ ﺣﻮﺍﻟﮯ ﺳﮯ ﺷﺮﺍﺋﻂ ﻭ ﺿﻮﺍﺑﻂ ﺩﺭﺝ ﺗﮭﮯ۔ ﺟﺲ ﻣﯿﮟ ﺍﯾﮏ ﺷﺮﻁ ﯾﮧ ﺑﮭﯽ ﺗﮭﯽ ﮐﮧ ﺍﯾﮏ ﺩﻓﻌﮧ ﭼﯿﺰﻭﮞ ﮐﺎ ﺗﺒﺎﺩﻟﮧ ﮨﻮﻧﮯ ﮐﮯ ﺑﻌﺪ ﻭﺍﭘﺲ ﻧﮩﯿﮟ ﮨﻮ ﺳﮑﺘﯽ ﺗﮭﯽ۔
ﺍﮔﺮ ﻣﻤﯽ، ﺑﺎﺑﺎ ﻧﮯ ﺗﻤﮩﺎﺭﮮ ﺳﻨﯿﮑﺮﺯ ﺩﯾﮑﮫ ﻟﯿﮯ ﺗﻮ؟ ﺣﻤﯿﻦ ﻧﮯ ﺍﺱ ﮐﮯ ﺳﻮﺍﻝ ﭘﮧ ﺳﺮ ﮐﮭﺠﺎﺗﮯ ﮨﻮﺋﮯ ﮐﮩﺎ، ﺍﺏ ﯾﮩﯽ ﺍﯾﮏ ﺍﻟﺠﮭﻦ ﮨﮯ۔ ﻣﯿﮟ ﺍﻥ ﮐﮯ ﺳﺎﻣﻨﮯ ﯾﮧ ﻧﮩﯿﮟ ﭘﮩﻨﻮﮞ ﮔﺎ، ﮨﻢ ﺍﻧﮩﯿﮟ ﺑﺘﺎﺋﯿﮟ ﮔﮯ ﮨﯽ ﻧﮩﯿﮟ۔
ﮐﯿﻮﮞ؟ ﺭﺋﯿﺴﮧ ﺍﺏ ﺑﮭﯽ ﻣﻄﻤﺌﻦ ﻧﮩﯿﮟ ﺗﮭﯽ۔
ﭘﯿﺮﻧﭩﺲ ﺑﮩﺖ ﺳﯽ ﺑﺎﺗﯿﮟ ﻧﮩﯿﮟ ﺳﻤﺠﮭﺘﮯ۔ ﺣﻤﯿﻦ ﻧﮯ ﺟﯿﺴﮯ ﮐﺴﯽ ﺑﺰﺭﮒ ﮐﯽ ﻃﺮﺡ ﻓﻠﺴﻔﮧ ﺟﮭﺎﮌﺍ۔ ﺍﺱ ﺑﺰﻧﺲ ﮈﯾﻞ ﮐﮯ ﺍﯾﮏ ﮨﻔﺘﮧ ﺑﻌﺪ ﺍﻥ ﮔﯿﺎﺭﮦ ﻟﻮﮔﻮﮞ ﻣﯿﮟ ﺳﮯ ﺍﯾﮏ ﺍﻭﺭ ﻟﮍﮐﺎ ﺍﺱ ﮐﮯ ﭘﺎﺱ ﺁﻥ ﻣﻮﺟﻮﺩ ﮨﻮﺍ ﺗﮭﺎ۔ ﺍﺱ ﺑﺎﺭ ﺍﺳﮯ ﮐﻼﺱ ﮐﮯ ﮨﯽ ﺍﯾﮏ ﻟﮍﮐﮯ ﮐﮯ ﮔﻼﺳﺰ ﭼﺎﮨﯿﮯ ﺗﮭﮯ ﺍﻭﺭ ﻭﮦ ﺣﻤﯿﻦ ﮐﮯ ﺫﺭﯾﻌﮯ ﯾﮧ ﮈﯾﻞ ﮐﺮﻧﺎ ﭼﺎﮨﺘﺎ ﺗﮭﺎ ﺍﻭﺭ ﺍﺱ ﮐﮯ ﻟﯿﮯ ﻭﮦ ﺣﻤﯿﻦ ﮐﻮ ﭘﺎﻧﭻ ﮈﺍﻟﺮﺯ ﺩﯾﻨﮯ ﭘﺮ ﺗﯿﺎﺭ ﺗﮭﺎ۔ ﻭﮦ ﺭﻗﻢ ﺑﮍﯼ ﻧﮩﯿﮟ ﺗﮭﯽ، ﻟﯿﮑﻦ ﺣﻤﯿﻦ ﺍﺱ ﺗﺮﻏﯿﺐ ﮐﮯ ﺳﺎﻣﻨﮯ ﭨﮩﺮ ﻧﮧ ﺳﮑﺎ۔ ﺍﯾﮏ ﺑﺎﺭ ﭘﮭﺮ ﺍﺱ ﻧﮯ ﺍﯾﮏ ﭘﻮﺭﯼ ﺑﺎﺭﭨﺮ ﭼﯿﻦ ﮐﮯ ﺫﺭﯾﻌﮯ ﻭﮦ ﺑﺮﺍﻧﮉﮈ ﺳﻦ ﮔﻼﺳﺰ ﺍﭘﻨﮯ ﮐﻼﺋﻨﭧ ﮐﻮ ﮈﯾﻠﯿﻮﺭ ﮐﺮ ﺩﯾﮯ ﺗﮭﮯ ﺍﻭﺭ ﭘﺎﻧﭻ ﮈﺍﻟﺮﺯ ﮐﻤﺎ ﻟﯿﮯ ﺗﮭﮯ۔ ﯾﮧ ﺍﺱ ﮐﯽ ﺯﻧﺪﮔﯽ ﮐﯽ ﭘﮩﻠﯽ ﮐﻤﺎﺋﯽ ﺗﮭﯽ ﺍﻭﺭ ﺭﺋﯿﺴﮧ ﮐﻮ ﺍﺱ ﮐﺎ ﺑﮭﯽ ﭘﺘﺎ ﺗﮭﺎ۔۔ ﻭﮦ ﺍﺱ ﺑﺎﺭ ﺑﮭﯽ ﺧﻮﺵ ﻧﮩﯿﮟ ﺗﮭﯽ۔ ﯾﮧ ﺑﺰﻧﺲ ﺍﺱ ﮐﯽ ﮐﻼﺱ ﺳﮯ ﻧﮑﻞ ﮐﺮ ﺍﺳﮑﻮﻝ ﻣﯿﮟ ﭘﮭﯿﻞ ﮔﯿﺎ ﺗﮭﺎ۔ﺍﺳﮑﻮﻝ ﻣﯿﮟ ﭼﻨﺪ ﻣﮩﯿﻨﻮﮞ ﻣﯿﮟ ﺳﺐ ﮐﻮ ﯾﮧ ﭘﺘﺎ ﺗﮭﺎ ﮐﮧ ﺍﮔﺮ ﮐﺴﯽ ﮐﻮ ﺳﮑﻮﻝ ﻣﯿﮟ ﮐﺴﯽ ﺩﻭﺳﺮﮮ ﺑﭽﮯ ﮐﯽ ﮐﻮﺋﯽ ﭼﯿﺰ ﭘﺴﻨﺪ ﺁ ﺟﺎﺋﮯ ﺗﻮ ﺍﺱ ﮐﮯ ﺣﺼﻮﻝ ﮐﮯ ﻟﯿﮯ ﺣﻤﯿﻦ ﺳﮑﻨﺪﺭ ﻭﺍﺣﺪ ﻧﺎﻡ ﺗﮭﺎ، ﺟﺲ ﮐﯽ ﺧﺪﻣﺎﺕ ﻭﮦ ﺣﺎﺻﻞ ﮐﺮ ﺳﮑﺘﮯ ﺗﮭﮯ۔ ﺣﻤﯿﻦ ﮐﻮ ﺧﻮﺩ ﺑﮭﯽ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﻭﮦ ﮐﯿﺎ ﮐﺮﻧﮯ ﺟﺎ ﺭﮨﺎ۔ ﺗﯿﻦ ﻣﺎﮦ ﮐﮯ ﺍﺱ ﻋﺮﺻﮯ ﻣﯿﮟ ﺣﻤﯿﻦ ﻧﮯ ﺍﺱ ﺑﺰﻧﺲ ﺳﮯ 175 ﮈﺍﻟﺮﺯ ﮐﻤﺎﺋﮯ ﺗﮭﮯ ﺍﻭﺭ ﺭﺋﯿﺴﮧ ﺍﺱ ﮐﮯ ﮨﺮ ﻟﯿﻦ ﺩﯾﻦ ﺳﮯ ﻭﺍﻗﻒ ﺗﮭﯽ۔
ﺣﻤﯿﻦ ﮐﮯ ﭘﺎﺱ ﺍﺏ ﺑﮩﺖ ﺳﮯ ﭘﯿﺴﮯ ﺗﮭﮯ، ﺟﻮ ﺍﺱ ﻧﮯ ﻣﻤﯽ ﺑﺎﺑﺎ ﺳﮯ ﻧﮩﯿﮟ ﻟﯿﮯ ﺗﮭﮯ۔
ﺳﺎﻻﺭ ﺍﻭﺭ ﺍﻣﺎﻣﮧ ﻧﮯ ﺍﺳﮑﻮﻝ ﻣﯿﮟ ﺣﻤﯿﻦ ﺳﮯ ﺯﯾﺎﺩﮦ ﺑﺎﺕ ﭼﯿﺖ ﻧﮩﯿﮟ ﮐﯽ ﺗﮭﯽ۔ ﺳﺎﻻﺭ ﻧﮯ ﺍﺱ ﺳﮯ ﮐﮩﺎ ﺗﮭﺎ ﻭﮦ ﺍﺱ ﻣﺴﺌﻠﮯ ﭘﺮ ﮔﮭﺮ ﻣﯿﮟ ﺑﺎﺕ ﮐﺮﯾﮟ ﮔﮯ ﺍﻭﺭ ﭘﮭﺮ ﻭﮦ ﭼﻠﮯ ﮔﺌﮯ۔ ﻟﯿﮑﻦ ﺣﻤﯿﻦ ﭘﺮﯾﺸﺎﻥ ﮨﻮ ﮔﯿﺎ ﺗﮭﺎ۔
ﭼﮭﭩﯽ ﮐﮯ ﻭﻗﺖ ﺣﻤﯿﻦ ﻧﮯ ﺭﺋﯿﺴﮧ ﮐﻮ ﺍﺱ ﺻﻮﺭﺕ ﺣﺎﻝ ﺳﮯ ﺁﮔﺎﮦ ﮐﺮ ﺩﯾﺎ ﺗﮭﺎ ﺟﻮ ﺍﺳﮯ ﭘﯿﺶ ﺁﺋﯽ ﺗﮭﯽ۔ ﻭﮦ ﺑﮯ ﺣﺪ ﭘﺮﯾﺸﺎﻥ ﮨﻮ ﮔﺌﯽ ﺗﮭﯽ۔
ﻭﺍﺭﻧﻨﮓ ﻟﯿﭩﺮ؟ ﺍﺳﮯ ﯾﻘﯿﻦ ﻧﮩﯿﮟ ﺁﯾﺎ ﺗﮭﺎ ﮐﮧ ﺣﻤﯿﻦ ﮐﮯ ﺳﺎﺗﮫ ﺍﯾﺴﺎ ﮨﻮ ﺳﮑﺘﺎ ﮨﮯ۔ ﻣﯿﮟ ﻧﮯ ﺗﻤﮩﯿﮟ ﮐﺘﻨﯽ ﺑﺎﺭ ﻣﻨﻊ ﮐﯿﺎ ﺗﮭﺎ ﻟﯿﮑﻦ ﺗﻢ ﻧﮯ ﺑﺎﺕ ﻧﮩﯿﮟ ﻣﺎﻧﯽ۔
ﻣﺠﮭﮯ ﺗﻮﻗﻊ ﻧﮩﯿﮟ ﺗﮭﯽ ﮐﮧ ﺍﯾﺴﺎ ﮨﻮ ﺟﺎﺋﮯ ﮔﺎ۔ ﻭﮦ ﺩﻭﻧﻮﮞ ﺳﮑﻮﻝ ﺑﺲ ﻣﯿﮟ ﺳﻮﺍﺭ ﮨﻮﻧﮯ ﮐﯽ ﺑﺠﺎﺋﮯ ﺍﺏ ﺍﺱ ﻣﺴﺌﻠﮯ ﮐﻮ ﮈﺳﮑﺲ ﮐﺮﻧﮯ ﻣﯿﮟ ﻣﺼﺮﻭﻑ ﺗﮭﮯ۔
ﺑﺎﺑﺎ ﺍﻭﺭ ﻣﻤﯽ ﺑﮩﺖ ﺧﻔﺎ ﮨﻮﺋﮯ ﮨﻮﮞ ﮔﮯ؟ ﺭﺋﯿﺴﮧ ﻧﮯ ﺍﺱ ﺳﮯ ﭘﻮﭼﮭﺎ۔ ﺗﻤﮩﯿﮟ ﺑﮩﺖ ﮈﺍﻧﭩﺎ ﮐﯿﺎ؟
ﻧﮩﯿﮟ ! ﯾﮩﺎﮞ ﺗﻮ ﻧﮩﯿﮟ ﮈﺍﻧﭩﺎ ﻟﯿﮑﻦ ﮔﮭﺮ ﺟﺎ ﮐﺮ ﮈﺍﻧﭩﯿﮟ ﮔﮯ۔ ﺑﺎﺑﺎ ﻧﮯ ﮐﮩﺎ ﺗﮭﺎ، ﺍﻧﮩﯿﮟ ﻣﺠﮫ ﺳﮯ ﺿﺮﻭﺭﯼ ﺑﺎﺗﯿﮟ ﮐﺮﻧﯽ ﮨﮯ ﮔﮭﺮ ﺟﺎ ﮐﺮ۔ ﺣﻤﯿﻦ ﮐﭽﮫ ﻓﮑﺮﻣﻨﺪ ﺍﻧﺪﺍﺯ ﻣﯿﮟ ﮐﮩﮧ ﺭﮨﺎ ﺗﮭﺎ۔
ﻭﮦ ﺗﻤﮩﯿﮟ ﺳﮑﻮﻝ ﺳﮯ ﻧﮑﺎﻝ ﺩﯾﮟ ﮔﮯ ﮐﯿﺎ؟ ﺭﺋﯿﺴﮧ ﮐﻮ ﺗﺸﻮﯾﺶ ﮨﻮﺋﯽ۔
ﻧﮩﯿﮟ، ﺍﯾﺴﺎ ﺗﻮ ﻧﮩﯿﮟ ﮨﻮ ﮔﺎ۔ ﺑﺎﺑﺎ ﻧﮯ ﻣﻌﺬﺭﺕ ﮐﯽ ﺍﻥ ﺳﮯ۔ﺍﻭﺭ ﻭﮦ ﻣﺎﻥ ﺑﮭﯽ ﮔﺌﮯ۔ ﺣﻤﯿﻦ ﻧﮯ ﺍﺳﮯ ﺑﺘﺎﯾﺎ۔
ﮐﺘﻨﯽ ﺑﺮﯼ ﺑﺎﺕ ﮨﮯ۔ ﺭﺋﯿﺴﮧ ﮐﻮ ﺍﻭﺭ ﺍﻓﺴﻮﺱ ﮨﻮﺍ۔ ﺑﺎﺑﺎ ﮐﻮ ﮐﺘﻨﺎ ﺑﺮﺍ ﻟﮕﺎ ﮨﻮ ﮔﺎ۔ ﻭﮦ ﺑﮩﺖ ﺷﺮﻣﻨﺪﮦ ﮨﻮ ﮔﺌﮯ ﮨﻮﮞ ﮔﮯ۔ ﺍﻭﺭ ﻣﻤﯽ ﺑﮭﯽ ﮨﻮ ﺭﮨﯽ ﮨﻮﮞ ﮔﯽ۔
ﻣﺠﮭﮯ ﭘﺘﮧ ﮨﮯ۔ ﺣﻤﯿﻦ ﮐﭽﮫ ﺧﺠﻞ ﺗﮭﺎ۔
ﺗﻤﮩﯿﮟ ﯾﮧ ﻧﮩﯿﮟ ﮐﺮﻧﺎ ﭼﺎﮨﯿﺌﮯ ﺗﮭﺎ ﺣﻤﯿﻦ۔
ﺟﺒﺮﯾﻞ ﺍﻭﺭ ﻋﻨﺎﯾﮧ ﮐﻮ ﺍﺱ ﺣﻮﺍﻟﮯ ﺳﮯ ﮐﭽﮫ ﻧﮩﯿﮟ ﺑﺘﺎﻧﺎ۔ﺳﺎﻻﺭ ﻧﮯ ﺍﻣﺎﻣﮧ ﮐﻮ ﮔﮭﺮ ﮈﺭﺍﭖ ﮐﺮﺗﮯ ﮨﻮﺋﮯ ﺍﺱ ﺳﮯ ﮐﮩﺎ ﺗﮭﺎ۔
ﺍﺱ ﺩﻥ ﺳﮑﻮﻝ ﺳﮯ ﻭﺍﭘﺴﯽ ﭘﺮ ﺣﻤﯿﻦ ﺟﺘﻨﺎ ﺳﻨﺠﯿﺪﮦ ﺗﮭﺎ ﺍﻣﺎﻣﮧ ﺍﺱ ﺳﮯ ﺑﮭﯽ ﺯﯾﺎﺩﮦ ﺳﻨﺠﯿﺪﮦ ﺗﮭﯽ۔ ﮨﺮ ﺭﻭﺯ ﮐﯽ ﻃﺮﺡ ﭘﺮﺟﻮﺵ ﺳﻼﻡ ﮐﺎ ﺟﻮﺍﺏ ﺳﻼﻡ ﺳﮯ ﻣﻼ ﺗﮭﺎ، ﻧﮧ ﮨﯽ ﮨﻤﯿﺸﮧ ﮐﯽ ﻃﺮﺡ ﻭﮦ ﺍﺱ ﺳﮯ ﺟﺎ ﮐﺮ ﻟﭙﭩﺎ ﺗﮭﺎ۔ ﺍﻭﺭ ﻧﮧ ﮨﯽ ﺍﻣﺎﻣﮧ ﻧﮯ ﺍﯾﺴﯽ ﮐﻮﺷﺶ ﮐﯽ ﺗﮭﯽ۔ ﺍﻭﺭ ﯾﮧ ﺳﺮﺩ ﻣﮩﺮﯼ ﮐﺎ ﻣﻈﺎﮨﺮﮦ ﺻﺮﻑ ﺣﻤﯿﻦ ﮐﮯ ﺳﺎﺗﮫ ﻧﮩﯿﮟ ﺑﻠﮑﮧ ﺭﺋﯿﺴﮧ ﮐﮯ ﺳﺎﺗﮫ ﺑﮭﯽ ﮨﻮﺍ ﺗﮭﺎ۔

ﺭﺍﺕ ﮐﮯ ﮐﮭﺎﻧﮯ ﺳﮯ ﻓﺎﺭﻍ ﮨﻮ ﮐﺮ ﺳﺎﻻﺭ ﻧﮯ ﺑﺎﻗﯽ ﺑﭽﻮﮞ ﮐﮯ ﺍﭘﻨﮯ ﮐﻤﺮﮮ ﻣﯿﮟ ﺟﺎﻧﮯ ﮐﮯ ﺑﻌﺪ ﺣﻤﯿﻦ ﺍﻭﺭ ﺭﺋﯿﺴﮧ ﮐﻮ ﻭﮨﺎﮞ ﺭﻭﮎ ﻟﯿﺎ ﺗﮭﺎ، ﻭﮦ ﺩﻭﻧﻮﮞ ﺳﺎﻻﺭ ﮐﮯ ﺳﺎﻣﻨﮯ ﺻﻮﻓﮯ ﭘﺮ ﺑﯿﭩﮭﮯ ﻧﻈﺮﯾﮟ ﺟﮭﮑﺎﺋﮯ ﺍﭘﻨﮯ ﮨﺎﺗﮭﻮﮞ ﮐﻮ ﺩﯾﮑﮫ ﺭﮨﮯ ﺗﮭﮯ۔
ﺗﻤﮩﯿﮟ ﯾﮧ ﺳﺐ ﭘﺘﺎ ﺗﮭﺎ ﻧﺎ ﺭﺋﯿﺴﮧ؟ ﺳﺎﻻﺭ ﻧﮯ ﺭﺋﯿﺴﮧ ﮐﻮ ﻣﺨﺎﻃﺐ ﮐﯿﺎ۔
ﺍﺱ ﻧﮯ ﺳﺮ ﺍﭨﮭﺎﯾﺎ ﺍﻭﺭ ﭘﮭﺮ ﮐﭽﮫ ﺷﺮﻣﻨﺪﮦ ﺍﻧﺪﺍﺯ ﻣﯿﮟ ﺳﺮ ﮨﻼﺗﮯ ﮨﻮﺋﮯ ﮐﮩﺎ۔ ﯾﺲ ﺑﺎﺑﺎ۔ !
ﺍﻭﺭ ﺗﻢ ﺣﻤﯿﻦ ﮐﮯ ﺑﺎﺭﮮ ﻣﯿﮟ ﻣﺠﮭﮯ ﯾﮩﯽ ﺑﺘﺎﻧﺎ ﭼﺎﮨﺘﯽ ﺗﮭﯽ؟
ﺍﺱ ﺳﻮﺍﻝ ﭘﺮ ﺍﺱ ﺑﺎﺭ ﭼﻮﻧﮏ ﮐﺮ ﺣﻤﯿﻦ ﻧﮯ ﺭﺋﯿﺴﮧ ﮐﻮ ﺩﯾﮑﮭﺎ۔ ﺟﺲ ﻧﮯ ﺍﯾﮏ ﺑﺎﺭ ﭘﮭﺮ ﺳﺮ ﮨﻼﯾﺎ۔
ﺗﻢ ﻧﮯ ﻣﺠﮭﮯ ﺑﮩﺖ ﻣﺎﯾﻮﺱ ﮐﯿﺎ۔ ﺳﺎﻻﺭ ﻧﮯ ﺟﻮﺍﺑﺎً ﺭﺋﯿﺴﮧ ﺳﮯ ﮐﮩﺎ۔
ﺑﺎﺑﺎ ﺁﺋﯽ ﺍﯾﻢ ﺳﻮﺭﯼ ! ﺭﺋﯿﺴﮧ ﻧﮯ ﺭﻭﮨﺎﻧﺴﯽ ﮨﻮ ﮐﺮ ﮐﮩﺎ۔
ﯾﮧ ﻗﺎﺑﻞ ﻣﻌﺎﻓﯽ ﻧﮩﯿﮟ۔ ﺍﻧﮩﻮﮞ ﻧﮯ ﺟﻮﺍﺑﺎً ﮐﮩﺎ۔
ﺑﺎﺑﺎ ﺍﺱ ﻣﯿﮟ ﺭﺋﯿﺴﮧ ﮐﺎ ﮐﻮﺋﯽ ﻗﺼﻮﺭ ﻧﮩﯿﮟ۔ ﺣﻤﯿﻦ ﻧﮯ ﺍﺱ ﮐﯽ ﺣﻤﺎﯾﺖ ﮐﺮﻧﮯ ﮐﯽ ﮐﻮﺷﺶ ﮐﯽ۔ ﺳﺎﻻﺭ ﻧﮯ ﺍﺳﮯ ﺗﺮﺷﯽ ﺳﮯ ﺟﮭﮍﮎ ﺩﯾﺎ۔
ﺷﭧ ﺍﭖ ! ﺣﻤﯿﻦ ﺍﻭﺭ ﺭﺋﯿﺴﮧ ﺩﻭﻧﻮﮞ ﮔﻢ ﺻﻢ ﮨﻮ ﮔﺌﮯ۔ﺍﻧﮩﻮﮞ ﻧﮯ ﺳﺎﻻﺭ ﮐﮯ ﻣﻨﮧ ﺳﮯ ﺍﺱ ﻃﺮﺡ ﮐﮯ ﺍﻟﻔﺎﻅ ﺍﻭﺭ ﺍﺱ ﺍﻧﺪﺍﺯ ﻣﯿﮟ ﺍﻥ ﮐﺎ ﺍﻇﮩﺎﺭ ﭘﮩﻠﯽ ﺑﺎﺭ ﺩﯾﮑﮭﺎ ﺗﮭﺎ۔
ﺗﻢ ﺍﺏ ﯾﮩﺎﮞ ﺳﮯ ﺟﺎﺅ۔ ﺳﺎﻻﺭ ﻧﮯ ﺭﺋﯿﺴﮧ ﺳﮯ ﮐﮩﺎ۔ ﺟﺲ ﮐﯽ ﺁﻧﮑﮭﯿﮟ ﺍﺏ ﺁﻧﺴﻮﺅﮞ ﺳﮯ ﺑﮭﺮ ﺭﮨﯽ ﺗﮭﯽ ﺍﻭﺭ ﺳﺎﻻﺭ ﮐﻮ ﺍﻧﺪﺍﺯﮦ ﺗﮭﺎ ﻭﮦ ﭼﻨﺪ ﻟﻤﺤﻮﮞ ﻣﯿﮟ ﺭﻭﻧﺎ ﺷﺮﻭﻉ ﮐﺮ ﺩﯾﮯ ﮔﯽ ﺍﻭﺭ ﻭﮦ ﻓﯽ ﺍﻟﺤﺎﻝ ﻭﮨﺎﮞ ﺑﯿﭩﮫ ﮐﺮ ﺍﺳﮯ ﺑﮩﻼﻧﺎ ﻧﮩﯿﮟ ﭼﺎﮨﺘﺎ ﺗﮭﺎ۔
ﺭﺋﯿﺴﮧ ﭼﭗ ﭼﺎﭖ ﻭﮨﺎﮞ ﺳﮯ ﭼﻠﯽ ﮔﺌﯽ۔
ﺗﻤﮩﯿﮟ ﺳﮑﻮﻝ ﻣﯿﮟ ﺑﺰﻧﺲ ﮐﮯ ﻟﯿﮯ ﺑﮭﯿﺠﺎ ﺗﮭﺎ؟ ﺳﺎﻻﺭ ﻧﮯ ﺣﻤﯿﻦ ﺳﮯ ﺑﺎﺕ ﭼﯿﺖ ﺷﺮﻭﻉ ﮐﺮ ﺩﯼ۔
ﻧﮩﯿﮟ۔
ﭘﮭﺮ ﮐﺲ ﮐﺎﻡ ﮐﮯ ﻟﯿﮯ ﺑﮭﯿﺠﺎ ﺗﮭﺎ؟ ﺳﺎﻻﺭ ﻧﮯ ﺍﮔﻼ ﺳﻮﺍﻝ ﮐﯿﺎ۔
ﭘﮍﮬﻨﮯ ﮐﮯ ﻟﯿﮯ۔ ﺣﻤﯿﻦ ﮐﺎ ﺳﺮ ﺍﺏ ﺑﮭﯽ ﺟﮭﮑﺎ ﮨﻮﺍ ﺗﮭﺎ۔
ﺍﻭﺭ ﺗﻢ ﯾﮧ ﭘﮍﮪ ﺭﮨﮯ ﺗﮭﮯ؟ ﺳﺎﻻﺭ ﻧﮯ ﺑﮯ ﺣﺪ ﺧﻔﮕﯽ ﺳﮯ ﮐﮩﺎ۔ ﻣﯿﮟ ﻧﺎﺧﻮﺵ ﮨﻮﮞ۔ ﺳﺎﻻﺭ ﻧﮯ ﺍﺱ ﺳﮯ ﮐﮩﺎ۔۔
ﺁﺋﯽ ﺍﯾﻢ ﺳﻮﺭﯼ ! ﺟﻮﺍﺏ ﺗﮍ ﺳﮯ ﺁﯾﺎ ﺗﮭﺎ۔
ﺗﻤﮩﯿﮟ ﯾﮧ ﺳﺐ ﮐﺮﻧﮯ ﮐﯽ ﺿﺮﻭﺭﺕ ﮐﯿﻮﮞ ﭘﯿﺶ ﺁﺋﯽ؟
ﺣﻤﯿﻦ ﻧﮯ ﺑﮯ ﺍﺧﺘﯿﺎﺭ ﮔﮩﺮﺍ ﺳﺎﻧﺲ ﻟﯿﺎ۔ ﭘﮭﺮ ﺍﺱ ﻧﮯ ﺑﺎﭖ ﮐﻮ ﺳﻨﯿﮑﺮﺯ ﮐﮯ ﺟﻮﮌﮮ ﮐﯽ ﻭﺟﮧ ﺳﮯ ﺍﺳﭩﺎﺭﭦ ﮐﯿﮯ ﺟﺎﻧﮯ ﻭﺍﻟﮯ ﺍﺱ ﺑﺰﻧﺲ ﮐﯽ ﺗﻔﺼﯿﻼﺕ ﺑﺘﺎﻧﺎ ﺷﺮﻭﻉ ﮐﯽ۔ ﺳﺎﻻﺭ ﭨﻮﮐﮯ ﺑﻐﯿﺮ ﺳﻨﺘﺎ ﺭﮨﺎ۔ ﺣﻤﯿﻦ ﻧﮯ ﺍﺏ ﮐﭽﮫ ﺑﮭﯽ ﻧﮩﯿﮟ ﭼﮭﭙﺎﯾﺎ۔
ﺟﺐ ﻭﮦ ﺧﺎﻣﻮﺵ ﮨﻮﺍ ﺗﻮ ﺳﺎﻻﺭ ﻧﮯ ﺍﺱ ﺳﮯ ﭘﻮﭼﮭﺎ۔ ﻭﮦ ﮐﺎﻧﭩﺮﯾﮑﭩﺲ ﮐﮩﺎﮞ ﮨﯿﮟ ﺟﻮ ﺗﻢ ﻧﮯ ﺍﻥ ﺳﺐ ﺳﮯ ﺳﺎﺋﻦ ﮐﺮﻭﺍﺋﮯ ﮨﯿﮟ؟
ﺣﻤﯿﻦ ﻭﮨﺎﮞ ﺳﮯ ﺍﭨﮫ ﮐﺮ ﮐﻤﺮﮮ ﻣﯿﮟ ﮔﯿﺎ ﺍﻭﺭ ﮐﭽﮫ ﺩﯾﺮ ﺑﻌﺪ ﺍﯾﮏ ﻓﺎﺋﻞ ﻟﮯ ﮐﺮ ﺁ ﮔﯿﺎ۔ ﺳﺎﻻﺭ ﻧﮯ ﻓﺎﺋﻞ ﮐﮭﻮﻝ ﮐﺮ ﺍﺱ ﮐﮯ ﺍﻧﺪﺭ ﻣﻮﺟﻮﺩ ﻣﻌﺎﮨﺪﮮ ﮐﯽ ﺷﻘﻮﮞ ﭘﮧ ﻧﻈﺮ ﮈﺍﻟﯽ، ﭘﮭﺮ ﺣﻤﯿﻦ ﺳﮯ ﭘﻮﭼﮭﺎ۔
ﯾﮧ ﮐﺲ ﻧﮯ ﻟﮑﮭﯽ ﮨﮯ؟
ﻣﯿﮟ ﻧﮯ ﺧﻮﺩ۔ ﺍﺱ ﻧﮯ ﺟﻮﺍﺏ ﺩﯾﺎ۔
ﺳﺎﻻﺭ ﺍﺱ ﻣﻌﺎﮨﺪﮮ ﮐﻮ ﭘﮍﮬﻨﮯ ﻟﮕﺎ۔ ﺳﺎﻻﺭ ﻣﺘﺎﺛﺮ ﮨﻮﺋﮯ ﺑﻐﯿﺮ ﻧﮧ ﺭﮦ ﺳﮑﺎ۔ ﺳﺎﻻﺭ ﻧﮯ ﻓﺎﺋﻞ ﺑﻨﺪ ﮐﯽ، ﭘﮭﺮ ﺍﺱ ﺳﮯ ﭘﻮﭼﮭﺎ۔
ﺍﻭﺭ ﺟﻮ ﺭﻗﻢ ﺗﻢ ﻧﮯ ﺍﻥ ﺳﺐ ﺳﮯ ﻟﯽ ﮨﮯ، ﻭﮦ ﮐﮩﺎﮞ ﮨﮯ؟
ﻣﯿﺮﮮ ﭘﺎﺱ۔ ﺣﻤﯿﻦ ﻧﮯ ﺟﻮﺍﺏ ﺩﯾﺎ۔
ﮐﭽﮫ ﺧﺮﭺ ﮐﯽ؟ ﺳﺎﻻﺭ ﻧﮯ ﭘﻮﭼﮭﺎ۔
ﻧﮩﯿﮟ۔ ﺍﺱ ﻧﮯ ﮐﮩﺎ۔
ﺳﺎﻻﺭ ﻧﮯ ﺳﺮ ﮨﻼﯾﺎ ﺍﻭﺭ ﻓﺎﺋﻞ ﺍﺳﮯ ﺩﯾﺘﮯ ﮨﻮﺋﮯ ﮐﮩﺎ۔ ﺍﺏ ﺗﻢ ﺍﯾﮏ ﻟﯿﭩﺮ ﻟﮑﮭﻮ ﮔﮯ ﺟﺲ ﻣﯿﮟ ﺗﻢ ﺍﭘﻨﮯ ﺍﻥ ﺳﺐ ﮐﻼﺋﻨﭩﺲ ﺳﮯ ﻣﻌﺬﺭﺕ ﮐﺮﻭ ﮔﮯ ﺍﻭﺭ ﺍﻧﮩﯿﮟ ﺍﻥ ﮐﯽ ﺭﻗﻢ ﺍﻭﺭ ﻭﮦ ﭼﯿﺰﯾﮟ ﻟﻮﭨﺎﺅ ﮔﮯ، ﺟﻮ ﺗﻤﮩﺎﺭﮮ ﭘﺎﺱ ﮨﯿﮟ۔ ﺍﺱ ﮐﮯ ﺑﻌﺪ ﺗﻢ ﻭﮦ ﺳﺎﺭﯼ ﭼﯿﺰﯾﮟ ﺍﻥ ﺳﺐ ﻟﻮﮔﻮﮞ ﺗﮏ ﻭﺍﭘﺲ ﭘﮩﻨﭽﺎﺅ ﮔﮯ ﺟﻮ ﺗﻢ ﻧﮯ ﺍﯾﮑﺴﭽﯿﻨﺞ ﮐﯽ ﮨﮯ۔ ﺣﻤﯿﻦ ﭼﻨﺪ ﻟﻤﺤﮯ ﺳﺎﮐﺖ ﺭﮨﺎ ﭘﮭﺮ ﺳﺮ ﮨﻼ ﺩﯾﺎ۔
ﺍﻭﮐﮯ ! ﺍﻭﺭ ﻣﯿﮟ ﯾﮧ ﮐﯿﺴﮯ ﮐﺮﻭﮞ؟ ﺍﺱ ﻧﮯ ﺳﺎﻻﺭ ﺳﮯ ﮐﮩﺎ۔
ﺗﻢ ﺍﯾﮏ ﺑﺰﻧﺲ ﻣﯿﻦ ﮨﻮ، ﺗﻤﮩﯿﮟ ﺍﮔﺮ ﻭﮦ ﺑﺰﻧﺲ ﮐﺮﻧﺎ ﺁﺗﺎ ﺗﮭﺎ ﺗﻮ ﯾﮧ ﺑﮭﯽ ﺁﻧﺎ ﭼﺎﮨﯿﮯ۔ ﺳﺎﻻﺭ ﺍﭨﮫ ﮐﺮ ﮐﮭﮍﺍ ﮨﻮ ﮔﯿﺎ۔ ﺍﻭﺭ ﭘﮭﺮ ﺟﺐ ﺗﻢ ﯾﮧ ﮐﺎﻡ ﺧﺘﻢ ﮐﺮ ﻟﻮ ﮔﮯ ﺗﻮ ﮨﻢ ﺩﻭﺑﺎﺭﮦ ﺑﺎﺕ ﮐﺮﯾﮟ ﮔﮯ، ﺗﻤﮩﺎﺭﮮ ﭘﺎﺱ ﺍﯾﮏ ﮨﻔﺘﮧ ﮨﮯ۔
ﺍﺳﮯ ﻭﮨﺎﮞ ﺑﯿﭩﮭﮯ ﺑﯿﭩﮭﮯ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ ﮐﮧ ﺍﺱ ﮐﺎ ﺑﺎﭖ ﺍﺳﮯ ﮐﺲ ﭘﺮﯾﺸﺎﻧﯽ ﻣﯿﮟ ﮈﺍﻝ ﮔﯿﺎ ﺗﮭﺎ۔

ﺍﺱ ﺑﺰﻧﺲ ﮐﺎ ﺍﮔﻼ ﺗﺠﺮﺑﮧ، ﺣﻤﯿﻦ ﺳﮑﻨﺪﺭ ﮐﯽ ﺯﻧﺪﮔﯽ ﮐﺎ ﺳﺐ ﺳﮯ ﺳﺒﻖ ﺁﻣﻮﺯ ﺗﺠﺮﺑﮧ ﺗﮭﺎ۔ ﻭﮦ ﺍﯾﮏ ﮨﻔﺘﮧ ﮐﯽ ﺑﺠﺎﺋﮯ ﺍﯾﮏ ﺩﻥ ﻣﯿﮟ ﯾﮧ ﮐﺎﻡ ﮐﺮﻧﺎ ﭼﺎﮨﺘﺎ ﺗﮭﺎ ﻟﯿﮑﻦ ﺍﮔﻠﮯ ﮨﯽ ﺩﻥ ﺍﺳﮯ ﭘﺘﺎ ﭼﻞ ﮔﯿﺎ ﮐﮧ ﺳﺎﻻﺭ ﻧﮯ ﺍﺱ ﮐﺎﻡ ﮐﮯ ﻟﯿﮯ ﺍﺳﮯ ﺍﯾﮏ ﮨﻔﺘﮧ ﮐﯿﻮﮞ ﺩﯾﺎ ﺗﮭﺎ۔
ﺣﻤﯿﻦ ﺳﮑﻨﺪﺭ ﺍﮔﻠﮯ ﺩﻥ ﺳﮑﻮﻝ ﻣﯿﮟ ﺍﺱ ﺑﺰﻧﺲ ﮐﮯ ﺫﺭﯾﻌﮯ ﮨﻮﻧﮯ ﻭﺍﻟﮯ ﺑﺰﻧﺲ ﻣﻌﺎﮨﺪﻭﮞ ﮐﻮ ﺧﺘﻢ ﮐﺮﻧﮯ ﻣﯿﮟ ﭘﮩﻠﯽ ﺑﺎﺭ ﺍﺳﮑﻮﻝ ﮐﮯ ﺳﺐ ﺳﮯ ﻧﺎﭘﺴﻨﺪﯾﺪﮦ ﺍﺳﭩﻮﮈﻧﭧ ﮐﮯ ﺩﺭﺟﮯ ﭘﺮ ﻓﺎﺋﺰ ﮨﻮ ﺭﮨﺎ ﺗﮭﺎ۔ ﮐﺎﻣﯿﺎﺑﯽ ﺍﻧﺴﺎﻥ ﮐﻮ ﺍﯾﮏ ﺳﺒﻖ ﺳﮑﮭﺎﺗﯽ ﮨﮯ ﺍﻭﺭ ﻧﺎﮐﺎﻣﯽ ﺩﺱ۔ ﻟﯿﮑﻦ ﺣﻤﯿﻦ ﺳﮑﻨﺪﺭ ﻧﮯ ﭘﻨﺪﺭﮦ ﺳﯿﮑﮭﮯ۔
ﺑﺎﺑﺎ ! ﺁﺋﯽ ﺍﯾﻢ ﺳﻮﺭﯼ۔ ﮔﺎﮌﯼ ﺳﮯ ﺍﺗﺮﺗﮯ ﮨﻮﺋﮯ ﺳﺎﻻﺭ ﮐﻮ ﺩﯾﮑﮫ ﮐﺮ ﻟﭙﮑﺘﯽ ﮨﻮﺋﯽ ﺭﺋﯿﺴﮧ ﺍﺱ ﮐﮯ ﭘﺎﺱ ﺁﺋﯽ ﺗﮭﯽ۔ ﻭﮦ ﺭﺋﯿﺴﮧ ﮐﯽ ﭘﮩﻠﯽ ﻏﻠﻄﯽ ﺗﮭﯽ، ﺟﺲ ﭘﺮ ﺳﺎﻻﺭ ﻧﮯ ﺍﺳﮯ ﮈﺍﻧﭩﺎ ﺗﮭﺎ ﺍﻭﺭ ﺍﺳﮯ ﮐﻞ ﺳﮯ ﯾﮧ ﺑﺎﺕ ﮨﻀﻢ ﻧﮩﯿﮟ ﮨﻮ ﺭﮨﯽ ﺗﮭﯽ۔
ﺳﺎﻻﺭ ﻧﮯ ﺍﭘﻨﯽ ﺍﺱ ﻣﻨﮧ ﺑﻮﻟﯽ ﺑﯿﭩﯽ ﮐﻮ ﺩﯾﮑﮭﺎ، ﺟﻮ ﭘﺮﻭﺍﻧﻮﮞ ﮐﯽ ﻃﺮﺡ ﺍﭘﻨﮯ ﻣﺎﮞ ﺑﺎﭖ ﮐﮯ ﮔﺮﺩ ﻣﻨﮉﻻﺗﯽ ﭘﮭﺮﺗﯽ ﺗﮭﯽ۔
ﺗﻤﮩﯿﮟ ﭘﺘﺎ ﮨﮯ، ﺗﻢ ﻧﮯ ﮐﯿﺎ ﻏﻠﻄﯽ ﮐﯽ؟ ﺳﺎﻻﺭ ﻧﮯ ﺍﯾﮏ ﺩﻥ ﮐﯽ ﺧﺎﻣﻮﺷﯽ ﮐﮯ ﺑﻌﺪ ﺍﺱ ﮐﻮ ﻣﻌﺎﻑ ﮐﺮﻧﮯ ﮐﺎ ﻓﯿﺼﻠﮧ ﮐﺮ ﻟﯿﺎ ﺗﮭﺎ۔
ﯾﺲ ! ﻣﺠﮭﮯ ﺁﭖ ﮐﻮ ﺍﻭﺭ ﻣﻤﯽ ﮐﻮ ﺳﺐ ﺑﺘﺎﻧﺎ ﭼﺎﮨﯿﮯ ﺗﮭﺎ۔
ﺭﺋﯿﺴﮧ ﻧﮯ ﺍﭘﻨﮯ ﮔﻼﺳﺰ ﭨﮭﯿﮏ ﮐﺮﺗﮯ ﮨﻮﺋﮯ ﺳﺮ ﺟﮭﮑﺎ ﮐﺮ ﮐﮩﺎ۔
ﺍﻭﺭ؟ ﺳﺎﻻﺭ ﻧﮯ ﻣﺰﯾﺪ ﮐﺮﯾﺪﺍ۔
ﺍﻭﺭ ﻣﺠﮭﮯ ﺣﻤﯿﻦ ﮐﻮ ﺳﭙﻮﺭﭦ ﻧﮩﯿﮟ ﮐﺮﻧﺎ ﭼﺎﮨﯿﮯ ﺗﮭﺎ۔ﻟﯿﮑﻦ ﺑﺎﺑﺎ ! ﻣﯿﮟ ﻧﮯ ﺍﺱ ﮐﻮ ﺳﭙﻮﺭﭦ ﮐﺒﮭﯽ ﻧﮩﯿﮟ ﮐﯿﺎ۔
ﺗﻢ ﻧﮯ ﺧﺎﻣﻮﺵ ﺭﮦ ﮐﺮ ﺍﺳﮯ ﺳﭙﻮﺭﭦ ﮐﯿﺎ۔ ﺳﺎﻻﺭ ﻧﮯ ﮐﮩﺎ۔
ﺑﺎﺑﺎ ! ﻣﯿﮟ ﻧﮯ ﺍﺳﮯ ﻣﻨﻊ ﮐﯿﺎ ﺗﮭﺎ، ﻟﯿﮑﻦ ﺍﺱ ﻧﮯ ﻣﺠﮭﮯ ﮐﻨﻮﯾﻨﺲ ﮐﺮ ﻟﯿﺎ ﺗﮭﺎ۔ ﺭﺋﯿﺴﮧ ﻧﮯ ﻭﺿﺎﺣﺖ ﺩﯼ۔
ﺍﮔﺮ ﺍﺱ ﻧﮯ ﺗﻤﮩﯿﮟ ﮐﻨﻮﯾﻨﺲ ﮐﺮ ﻟﯿﺎ ﺗﮭﺎ ﺗﻮ ﭘﮭﺮ ﺗﻢ ﻣﺠﮭﮯ ﮐﯿﻮﮞ ﺑﺘﺎﻧﺎ ﭼﺎﮨﺘﯽ ﺗﮭﯽ؟ ﺳﺎﻻﺭ ﻧﮯ ﺍﺱ ﮐﺎ ﮨﺎﺗﮫ ﺍﭘﻨﮯ ﮨﺎﺗﮭﻮﮞ ﻣﯿﮟ ﻟﯿﺎ ﺍﻭﺭ ﮐﮩﺎ۔ ﺗﻢ ﮐﻨﻮﯾﻨﺲ ﻧﮩﯿﮟ ﮨﻮﺋﯽ ﺗﮭﯽ، ﺗﻤﮩﺎﺭﮮ ﺩﻝ ﻣﯿﮟ ﺗﮭﺎ ﮐﮧ ﺣﻤﯿﻦ ﭨﮭﯿﮏ ﮐﺎﻡ ﻧﮩﯿﮟ ﮐﺮ ﺭﮨﺎ۔
ﺭﺋﯿﺴﮧ ﻧﮯ ﺳﺮ ﮨﻼ ﺩﯾﺎ۔
ﯾﮧ ﺯﯾﺎﺩﮦ ﺑﺮﯼ ﺑﺎﺕ ﺗﮭﯽ۔ ﺗﻤﮩﯿﮟ ﭘﺘﺎ ﺗﮭﺎ ﻭﮦ ﺍﯾﮏ ﻏﻠﻂ ﮐﺎﻡ ﮐﺮ ﺭﮨﺎ ﮨﮯ ﻟﯿﮑﻦ ﺗﻢ ﻧﮯ ﺍﺳﮯ ﮐﺮﻧﮯ ﺩﯾﺎ، ﭼﮭﭙﺎﯾﺎ۔
ﻭﮦ ﻣﺠﮫ ﺳﮯ ﻧﺎﺭﺍﺽ ﮨﻮ ﺟﺎﺗﺎ ﺑﺎﺑﺎ۔ ﺭﺋﯿﺴﮧ ﻧﮯ ﮐﮩﺎ۔
ﺗﻮ ﮐﯿﺎ ﮨﻮﺗﺎ؟ ﺳﺎﻻﺭ ﻧﮯ ﺳﻨﺠﯿﺪﮔﯽ ﺳﮯ ﮐﮩﺎ۔
ﻣﯿﮟ ﺍﺳﮯ ﻧﺎﺭﺍﺽ ﻧﮩﯿﮟ ﮐﺮ ﺳﮑﺘﯽ۔ ﺍﺱ ﻧﮯ ﺑﮯ ﺑﺴﯽ ﺳﮯ ﮐﮩﺎ۔
ﺍﺱ ﮐﯽ ﻧﺎﺭﺍﺿﮕﯽ ﺍﺱ ﺳﮯ ﺑﮩﺘﺮ ﺗﮭﯽ، ﺟﺘﻨﯽ ﭘﺮﯾﺸﺎﻧﯽ ﻭﮦ ﺍﺏ ﺍﭨﮭﺎﺋﮯ ﮔﺎ۔ ﺗﻤﮩﯿﮟ ﺍﻧﺪﺍﺯﮦ ﮨﮯ، ﺳﮑﻮﻝ ﻣﯿﮟ ﮐﺘﻨﯽ ﺷﺮﻣﻨﺪﮔﯽ ﺍﭨﮭﺎﻧﯽ ﭘﮍﮮ ﮔﯽ ﺍﺳﮯ ﺍﺏ۔ ﺭﺋﯿﺴﮧ ﻧﮯ ﺍﯾﮏ ﺑﺎﺭ ﭘﮭﺮ ﺳﺮ ﮨﻼ ﺩﯾﺎ۔
ﻭﮦ ﺗﻤﮩﺎﺭﺍ ﺑﮭﺎﺋﯽ ﮨﮯ، ﺩﻭﺳﺖ ﮨﮯ، ﺗﻢ ﺍﺱ ﺳﮯ ﺑﮩﺖ ﭘﯿﺎﺭ ﮐﺮﺗﯽ، ﮨﻮ ﻣﯿﮟ ﺟﺎﻧﺘﺎ ﮨﻮﮞ۔ ﻟﯿﮑﻦ ﺍﮔﺮ ﮐﻮﺋﯽ ﮨﻤﯿﮟ ﻋﺰﯾﺰ ﮨﻮ ﺗﻮ ﺍﺱ ﮐﯽ ﻏﻠﻄﯽ ﮨﻤﯿﮟ ﻋﺰﯾﺰ ﻧﮩﯿﮟ ﮨﻮﻧﯽ ﭼﺎﮨﯿﮯ۔ ﻭﮦ ﺳﺮ ﮨﻼﺗﮯ ﺳﻦ ﺭﮨﯽ ﺗﮭﯽ ﺍﻭﺭ ﺫﮨﻦ ﻧﺸﯿﻦ ﮐﺮ ﺭﮨﯽ ﺗﮭﯽ۔
ﺳﺎﻻﺭ ﺧﺎﻣﻮﺵ ﮨﻮﺍ ﺗﻮ ﺭﺋﯿﺴﮧ ﻧﮯ ﺳﺮ ﺍﭨﮭﺎ ﮐﺮ ﺍﺱ ﺳﮯ ﭘﻮﭼﮭﺎ۔
ﮐﯿﺎ ﻣﯿﮟ ﺍﺏ ﺑﮭﯽ ﺁﭖ ﮐﻮ ﺍﭼﮭﯽ ﻟﮕﺘﯽ ﮨﻮﮞ ﺑﺎﺑﺎ؟ ﺳﺎﻻﺭ ﻧﮯ ﺍﺱ ﮐﮯ ﮔﺮﺩ ﺑﺎﺯﻭ ﭘﮭﯿﻼ ﮐﺮ ﺍﺳﮯ ﺳﯿﻨﮯ ﺳﮯ ﻟﮕﺎﺗﮯ ﮨﻮﺋﮯ ﺍﺱ ﮐﺎ ﺳﺮ ﭼﻮﻣﺎ۔
ﯾﺲ !
ﺭﺋﯿﺴﮧ ﮐﮭﻞ ﺍﭨﮭﯽ۔ ﻭﮦ ﺍﯾﺴﯽ ﮨﯽ ﺗﮭﯽ ﭼﮭﻮﭨﯽ ﺳﯽ ﺑﺎﺕ ﭘﺮ ﭘﺮﯾﺸﺎﻥ ﮨﻮﻧﮯ ﻭﺍﻟﯽ، ﭼﮭﻮﭨﯽ ﺳﯽ ﺑﺎﺕ ﭘﮧ ﺧﻮﺵ ﮨﻮ ﺟﺎﻧﮯ ﻭﺍﻟﯽ۔

جاری ہے۔۔۔۔