۔
ﺳﮑﻨﺪﺭ ﻋﺜﻤﺎﻥ ﮐﮯ ﮔﮭﺮ ﺁﻧﮯ ﻭﺍﻻ ﻭﮦ ﻣﮩﻤﺎﻥ ﻧﺎﻗﺎﺑﻞ ﯾﻘﯿﻦ ﺗﮭﺎ۔ﻭﮦ ﺍﻥ ﮐﮯ ﮔﮭﺮ ﮐﺊ ﺑﺎﺭ ﮔﺌﮯ ﺗﮭﮯ ﻣﺼﺎﻟﺤﺖ ﮐﮯ ﻃﻮﺭ ﭘﺮ . ﺗﻌﺰﯾﺖ ﮐﮯ ﻟﯿﺌﮯ۔ﻟﯿﮑﻦ ﮨﺎﺷﻢ ﻣﺒﯿﻦ ﮐﺒﮭﯽ ﺍﺱ ﮐﮯ ﮔﮭﺮ ﻧﮩﯿﮟ ﺁﯾﺎ ﺗﮭﺎ۔۔ﻭﮦ ﺍﺏ ﺍﺳﮑﮯ ﭘﮍﻭﺱ ﻣﯿﮟ ﻧﮩﯿﮟ ﺭﮨﮯ ﺗﮭﮯ ﻭﮦ ﮔﮭﺮ ﺑﮏ ﭼﮑﺎ ﺗﮭﺎ۔ﺳﮑﻨﺪﺭ ﭘﮩﻠﯽ ﻧﻈﺮ ﻣﯿﮟ ﺍﺳﮯ ﭘﮩﭽﺎﻥ ﻧﮧ ﭘﺎﯾﺎ۔۔ﺍﺳﮑﯽ ﺳﻤﺠﮫ ﻣﯿﮟ ﻧﮧ ﺁﯾﺎ ﮐﮧ ﻭﮦ ﺍﺳﮑﮯ ﺳﺎﺗﮫ ﮐﯿﺎ ﺭﻭﯾﮧ ﺭﮐﮭﯿﮟ۔۔
ﻣﺠﮭﮯ ﺍﻣﺎﻣﮧ ﺳﮯ ﺑﺎﺕ ﮐﺮﻧﯽ ﺍﻭﺭ ﻣﻠﻨﺎ ﮨﮯ۔ﭼﻨﺪ ﮨﯽ ﺟﻤﻠﻮﮞ ﮐﮯ ﺑﻌﺪ ﮨﺎﺷﻢ ﻣﺒﯿﻦ ﻧﮯ ﺍﻥ ﺳﮯ ﮐﮩﺎ ﺗﮭﺎ۔
ﻭﮦ ﯾﮩﺎﮞ ﻧﮩﯿﮟ ﮨﮯ۔۔ﺳﮑﻨﺪﺭ ﻧﮯ ﺑﮍﮮ ﻣﺤﺘﺎﻁ ﺍﻧﺪﺍﺯ ﻣﯿﮟ ﺑﺘﺎﯾﺎ۔
ﻣﯿﮟ ﺟﺎﻧﺘﺎ ﮨﻮﮞ ﻭﮦ ﮐﺎﻧﮕﻮ ﻣﯿﮟ ﮨﮯ ﻣﯿﮟ ﻭﮨﺎﮞ ﮐﺎ ﻧﻤﺒﺮ ﻟﯿﻨﺎ ﭼﺎﮨﺘﺎ ﮨﻮﮞ ﻭﮨﺎﮞ ﮐﮯ ﺣﺎﻻﺕ ﺧﺮﺍﺏ ﮨﯿﮟ ﻭﮦ ﭨﮭﯿﮏ ﺗﻮ ﮨﮯ ﻧﺎ؟؟
ﺍﻧﮩﻮﮞ ﻧﮯ ﺭﮎ ﺭﮎ ﮐﺮ ﺍﯾﮏ ﮨﯽ ﺳﺎﻧﺲ ﻣﯿﮟ ﺳﺎﺭﯼ ﺑﺎﺗﯿﮟ ﮐﮩﯿﮟ۔
ﮨﺎﮞ ﻭﮦ ﺳﺎﻻﺭ ﺍﻭﺭ ﺑﭽﮯ ﭨﮭﯿﮏ ﮨﯿﮟ۔۔۔ﻭﮦ ﻓﻮﻥ ﻧﻤﺒﺮ ﮐﺎ ﻣﻄﺎﻟﺒﮧ ﮔﻮﻝ ﮐﺮ ﮔﺌﮯ ﺗﮭﮯ۔
ﻣﯿﮟ ﺍﺱ ﺳﮯ ﺑﺎﺕ ﮐﺮﻧﺎ ﭼﺎﮨﺘﺎ ﮨﻮﮞ ﺍﯾﮏ ﺑﺎﺭ ﺍﺱ ﺳﮯ ﻣﻠﻨﺎ ﭼﺎﮨﺘﺎ ﮨﻮﮞ۔ﻭﮦ ﺍﭘﻨﺎ ﻣﻄﺎﻟﺒﮧ ﻧﮩﯿﮟ ﺑﮭﻮﻻ ﺗﮭﺎ۔
ﻣﯿﮟ ﺍﻣﺎﻣﮧ ﺳﮯ ﭘﻮﭼﮭﮯ ﺑﻨﺎ ﺁﭘﮑﻮ ﺍﺳﮑﺎ ﻧﻤﺒﺮ ﯾﺎ ﺍﯾﮉﺭﯾﺲ ﻧﮩﯿﮟ ﺩﮮ ﺳﮑﺘﺎ۔۔ﺳﮑﻨﺪﺭ ﻧﮯ ﺑﻼ ﺗﻤﮩﯿﺪ ﮐﮩﺎ۔۔
ﻣﯿﮟ ﺍﺳﮯ ﮐﻮﺋﯽ ﻧﻘﺼﺎﻥ ﻧﮩﯿﮟ ﭘﮩﻨﭽﺎ ﺳﮑﺘﺎ ﺍﺏ۔۔۔۔ﺍﺱ ﻧﮯ ﺗﮭﮑﮯ ﮨﻮﺋﮯ ﻟﮩﺠﮯ ﻣﯿﮟ ﮐﮩﺎ۔۔۔۔
ﺁﭖ ﺍﺳﮯ ﺑﮩﺖ ﺯﯾﺎﺩﮦ ﻧﻘﺼﺎﻥ ﭘﮩﻨﭽﺎ ﮨﯽ ﭼﮑﮯ ﮨﯿﮟ ﻭﮦ ﺍﺏ ﺍﭘﻨﯽ ﺯﻧﺪﮔﯽ ﻣﯿﮟ ﺳﯿﭧ ﮨﮯ ﺍﭘﻨﮯ ﺑﭽﻮﮞ ﮐﯿﺴﺎﺗﮫ ﺑﮩﺖ ﺧﻮﺵ ﻣﻄﻤﺌﻦ ﺯﻧﺪﮔﯽ ﮔﺰﺍﺭ ﺭﮨﯽ ﮨﮯ ﺁﭖ ﮐﯿﻮﮞ ﺍﯾﮏ ﺑﺎﺭ ﭘﮭﺮ ﺍﺳﮯ ﮈﺳﭩﺮﺏ ﮐﺮﻧﺎ ﭼﺎﮨﺘﮯ ﮨﯿﮟ ﺁﭖ ﮐﯽ ﺑﯿﭩﯽ ﻧﮯ ﭘﮩﻠﮯ ﮨﯽ ﺁﭘﮑﯽ ﻭﺟﮧ ﺳﮯ ﺑﮩﺖ ﺗﮑﻠﯿﻒ ﺍﭨﮭﺎﺉ ﮨﮯ ﺁﭖ ﺍﺏ ﺍﺳﮯ ﭼﮭﻮﮌ ﺩﮮ ﺑﺨﺶ ﺩﮮ ﺍﺳﮯ۔۔۔
ﮨﺎﺷﻢ ﻣﺒﯿﻦ ﮐﮯ ﭼﮩﺮﮮ ﮐﯽ ﺟﮭﺮﯾﺎﮞ ﺍﯾﮏ ﺩﻡ ﺑﮍﮬﯽ ﺗﮭﯽ ﭘﮭﺮ ﺍﻧﮩﻮﮞ ﻧﮯ ﻣﺪﮬﻢ ﺁﻭﺍﺯ ﻣﯿﮟ ﮐﮩﺎ۔
ﻣﯿﮟ ﺟﺎﻧﺘﺎ ﮨﻮﮞ ﻣﺠﮭﮯ ﺍﺣﺴﺎﺱ ﮨﮯ۔
ﺳﮑﻨﺪﺭ ﻋﺜﻤﺎﻥ ﺑﻮﻝ ﻧﮧ ﺳﮑﮯ ﺍﺳﮯ ﯾﮧ ﺟﻤﻠﮧ ﺳﻨﻨﮯ ﮐﯽ ﺗﻮﻗﻊ ﻧﮩﯿﮟ ﺗﮭﯽ۔ﺑﺲ ﺍﯾﮏ ﺁﺧﺮﯼ ﺑﺎﺭ ﺍﺱ ﺳﮯ ﻣﻠﻨﺎ ﭼﺎﮨﺘﺎ ﮨﻮﮞ ﺍﺱ ﮐﯽ ﺍﯾﮏ ﺍﻣﺎﻧﺖ ﮨﮯ ﻭﮦ ﺩﯾﻨﯽ ﮨﮯ ﻣﺠﮭﮯ۔ﺍﻭﺭ ﺍﺱ ﺳﮯ ﻣﻌﺎﻓﯽ ﻣﺎﻧﮕﻨﯽ ﮨﮯ۔
ﺁﭖ ﻣﺠﮭﮯ ﺍﭘﻨﺎ ﻓﻮﻥ ﻧﻤﺒﺮ ﺍﻭﺭ ﺍﯾﮉﺭﯾﺲ ﺩﮮ ﻣﯿﮟ ﺍﺱ ﺳﮯ ﺑﺎﺕ ﮐﺮﻭﮞ ﮔﺎ ﭘﮭﺮ ﺁﭖ ﺳﮯ ﺭﺍﺑﻄﮧ ﮐﺮﻭﮞ ﮔﺎ ﺁﭖ ﮐﮩﺎﮞ ﺭﮨﺘﮯ ﮨﯿﮟ ﺍﺏ۔۔۔۔ﺳﮑﻨﺪﺭ ﻧﮯ ﺍﺱ ﺳﮯ ﭘﻮﭼﮭﺎ۔
ﺍﯾﮏ ﺍﻭﻟﮉ ﮨﻮﻡ ﻣﯿﮟ۔۔۔۔۔ﺳﮑﻨﺪﺭ ﭼﭗ ﮐﮯ ﭼﭗ ﺭﮦ ﮔﺌﮯ۔ﮨﺎﺷﻢ ﻣﺒﯿﻦ ﺍﭨﮫ ﮐﮭﮍﮮ ﮨﻮﺋﮯ ﺗﮭﮯ۔
ﺍﻣﺎﻣﮧ ﮐﻮ ﺑﺘﺎ ﺩﯾﮟ ﮐﮧ ﻣﯿﮟ ﻧﮯ ﺍﺳﻼﻡ ﻗﺒﻮﻝ ﮐﺮﻟﯿﺎ ﮨﮯ ۔۔ﭘﮭﺮ ﻭﮦ ﻣﺠﮫ ﺳﮯ ﺑﺎﺕ ﺿﺮﻭﺭ ﮐﺮﮮ ﮔﯽ۔۔
ﺍﭘﻨﯽ ﻧﺸﺴﺖ ﺳﮯ ﮐﮭﮍﮮ ﮨﻮﺋﮯ ﺳﮑﻨﺪﺭ ﻋﺜﻤﺎﻥ ﺍﮔﻠﮯ ﺟﻤﻠﮯ ﭘﺮ ﺩﻡ ﺑﺨﻮﺩ ﺭﮦ ﮔﺌﮯ ﺗﮭﮯ۔۔۔
———
ﺟﯿﮑﯽ ﺑﮯ ﺍﺧﺘﯿﺎﺭ ﮨﻨﺴﯽ۔۔ﺟﻮﺍﺏ ﻏﯿﺮ ﻣﺘﻮﻗﻊ ﻧﮩﯿﮟ ﺗﮭﺎ۔ﮐﻮﺋﯽ ﻣﺮﺩ ﺍﺳﮑﯽ ﮐﺸﺶ ﮐﮯ ﺳﺎﻣﻨﮯ ﻧﮩﯿﮟ ﭨﮭﮩﺮ ﺳﮑﺘﺎ ﺗﮭﺎ۔۔
ﺍﻭﮦ ﻭﺍﺅ ﮔﺮﯾﭧ۔۔۔ﺟﯿﮑﯽ ﻧﮯ ﺷﯿﻤﭙﺌﻦ ﮐﺎ ﺍﯾﮏ ﺍﻭﺭ ﮔﮭﻮﻧﭧ ﻟﯿﺘﮯ ﮨﻮﺋﮯ ﻗﺎﺗﻼﻧﮧ ﻣﺴﮑﺮﺍﮨﭧ ﮐﯿﺴﺎﺗﮫ ﺍﺱ ﺳﮯ ﮐﮩﺎ۔
ﻣﯿﮟ ﺍﯾﮏ ﺭﺍﺕ ﮐﮯ ﺗﻌﻠﻖ ﭘﺮ ﯾﻘﯿﻦ ﺭﮐﮭﺘﺎ ﮨﻮﮞ ﻟﯿﮑﻦ ﺻﺮﻑ ﺣﻮﺭﻭﮞ ﮐﮯ ﺳﺎﺗﮫ۔۔۔
ﺍﺱ ﺷﺨﺺ ﮐﺎ ﺍﮔﻼ ﺟﻤﻠﮧ ﺍﺱ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ۔۔۔
ﺣﻮﺭ۔۔۔ﻭﮦ ﮐﻮﻥ ﮨﮯ۔۔۔ﺍﺳﮑﯽ ﺳﻤﺠﮫ ﻣﯿﮟ ﻧﮧ ﺁﯾﺎ۔۔۔ﺳﺎﻻﺭ ﺳﮑﻨﺪﺭ ﻧﮯ ﺍﭘﻨﮯ ﻭﺍﻟﭧ ﺳﮯ ﺍﯾﮏ ﻭﺯﭨﻨﮓ ﮐﺎﺭﮈ ﻧﮑﺎﻝ ﮐﺮ ﺍﺳﮑﯽ ﭘﺸﺖ ﭘﺮ ﭘﯿﻦ ﺳﮯ ﮐﭽﮫ ﻟﮑﮭﺎ ﺍﻭﺭ ﺍﻧﮕﻠﯿﻮﮞ ﮐﮯ ﻧﯿﭽﮭﮯ ﺩﺑﺎﺋﮯ ﮨﻮﺋﮯ ﺍﺳﮯ ﺟﯿﮑﯽ ﮐﯽ ﻃﺮﻑ ﺑﮍﮬﺎ ﺩﯾﺎ۔ﺟﯿﮑﯽ ﻧﮯ ﻋﺮﺑﯽ ﻣﯿﮟ ﻟﮑﮭﺎ ﺍﯾﮏ ﺟﻤﻠﮧ ﺩﯾﮑﮭﺎ۔
ﯾﮧ ﮐﯿﺎ ﮨﮯ۔۔ﻣﯿﮟ ﺍﺳﮯ ﭘﮍﮪ ﺍﻭﺭ ﺳﻤﺠﮫ ﻧﮩﯿﮟ ﺳﮑﺘﯽ۔ﺍﺱ ﻧﮯ ﮐﻨﺪﮬﮯ ﺍﭼﮑﺎ ﮐﺮ ﺳﺎﻻﺭ ﮐﻮ ﺩﯾﮑﮭﺎ ﺟﻮ ﺍﺏ ﺍﭘﻨﮯ ﮔﻼﺱ ﮐﮯ ﻧﯿﭽﮯ ﮐﭽﮫ ﻧﻮﭦ ﺩﺑﺎﺗﮯ ﮨﻮﺋﮯ ﺍﺱ ﺳﮯ ﮐﮩﮧ ﺭﮨﺎ ﺗﮭﺎ۔ ﻣﯿﮟ ﻧﮯ ﺗﻤﮩﺎﺭﮮ ﮈﺭﻧﮑﺲ ﮐﯽ ﺍﺩﺍﺋﯿﮕﯽ ﮐﺮﺩﯼ ﮨﮯ۔۔ﺟﯿﮑﯽ ﻧﮯ ﺍﻧﮕﻠﯽ ﺍﻭﺭ ﺍﻧﮕﻮﭨﮭﮯ ﻣﯿﮟ ﺩﺑﮯ ﺍﺱ ﮐﺎﺭﮈ ﮐﻮ ﺳﺎﻻﺭ ﮐﻮ ﺩﮐﮭﺎﯾﺎ ﺍﻭﺭ ﺩﻭﺑﺎﺭﮦ ﮐﮩﺎ۔۔ﻣﯿﮟ ﯾﮧ ﭘﮍﮪ ﺍﻭﺭ ﺳﻤﺠﮫ ﻧﮩﯿﮟ ﺳﮑﺘﯽ۔۔۔۔۔
ﺟﻨﮩﻮﮞ ﻧﮯ ﺁﭘﮑﻮ ﺑﮭﯿﺠﺎ ﮨﮯ ﻭﮦ ﭘﮍﮪ ﺑﮭﯽ ﻟﯿﮟ ﮔﮯ ﺳﻤﺠﮫ ﺑﮭﯽ ﻟﯿﮟ ﮔﮯ ﺍﻭﺭ ﺳﻤﺠﮭﺎ ﺑﮭﯽ ﺩﯾﻨﮕﮯ۔
ﺟﯿﮑﯽ ﮐﻮ ﺍﺱ ﮐﮯ ﺟﻤﻠﮯ ﭘﺮ ﮐﺮﻧﭧ ﻟﮕﺎ۔ﺍﺳﮑﯽ ﻣﺴﮑﺮﺍﮨﭧ ﺳﺐ ﺳﮯ ﭘﮩﻠﮯ ﻏﺎﺋﺐ ﮨﻮﺋﯽ۔۔
Excuse me ….
ﺍﺱ ﻧﮯ ﻻﻋﻠﻤﯽ ﻇﺎﮨﺮ ﮐﺮﻧﮯ ﮐﯽ ﮐﻮﺷﺶ ﮐﯽ۔۔۔
Exceesed
ﻭﮦ ﻣﺴﮑﺮﺍﺗﮯ ﮨﻮﺋﮯ ﺍﭨﮫ ﮐﮭﮍﺍ ﮨﻮﺍ۔۔۔
ﺳﯽ ﺁﺉ ﺍﮮ ﮨﯿﮉ ﮐﻮﺍﺭﭨﺮﺯ ﻣﯿﮟ ﺑﯿﭩﮭﮯ ﮨﻮﭨﻞ ﮐﮯ ﺍﺱ ﮐﻤﺮﮮ ﮐﻮ ﮐﻨﮉﮐﭧ ﮐﺮ ﮐﮯ ﺍﻭﺭ ﺧﻔﯿﮧ ﮐﯿﻤﺮﮮ ﺍﻭﺭ ﻣﺎﺋﯿﮑﺮﻭ ﻓﻮﻥ ﮐﯽ ﻣﺪﺩ ﺳﮯ ﮔﻔﺘﮕﻮ ﺳﻨﺘﮯ ﺍﻥ ﭘﺎﻧﭻ ﻟﻮﮔﻮﮞ ﮐﻮ ﭘﺴﯿﻨﮧ ﺁﯾﺎ۔
ﺍﻧﮩﻮﮞ ﻧﮯ ﺑﮯ ﺍﺧﺘﯿﺎﺭ ﺍﯾﮏ ﺩﻭﺳﺮﮮ ﮐﻮ ﺩﯾﮑﮭﺎ ﺍﻭﺭ ﺍﺱ ﺷﺨﺺ ﮐﻮ ﮔﺎﻟﯽ ﺩﯼ ﺗﮭﯽ۔۔ﻭﮦ ﺍﺱ ﺷﺨﺺ ﮐﻮ ﭘﯿﺶ ﮐﯿﺎ ﺟﺎﻧﮯ ﻭﺍﻻ ﺧﺮﺍﺝ ﺗﺤﺴﯿﻦ ﺗﮭﺎ۔ﻭﮦ ﺍﺱ ﭘﮭﻨﺪﮮ ﺳﮯ ﺑﭻ ﮐﺮ ﻧﮑﻠﻨﮯ ﻭﺍﻻ ﭘﮩﻼ ﻣﺮﺩ ﺗﮭﺎ۔
ﺍﺱ ﮐﺎﺭﮈ ﭘﺮ ﮐﯿﺎ ﻟﮑﮭﺎ ﮨﮯ۔۔۔ﺳﯽ ﺁﺋﯽ ﺍﮮ ﮐﯽ ﺳﭩﻨﮓ ﭨﯿﻢ ﮐﮯ ﻟﯿﮉﺭ ﻧﮯ ﺁﺩﮪ ﮔﮭﻨﭩﮧ ﺑﻌﺪ ﺟﯿﮑﯽ ﮐﮯ ﺍﺱ ﮐﻤﺮﮮ ﻣﯿﮟ ﺁﻧﮯ ﺳﮯ ﭘﮩﻠﮯ ﻭﮨﺎﮞ ﺑﻠﻮﺍﺋﮯ ﻋﺮﺑﯽ ﻣﺘﺮﺟﻢ ﺳﮯ ﭘﻮﭼﮭﺎ۔۔۔
ﺍﻋﻮﺫ ﺑﺎﻟﻠﮧ ﻣﻦ ﺍﻟﺸﯿﻄٰﻦ ﺍﻟﺮﺟﯿﻢ۔۔ﻣﺘﺮﺟﻢ ﻧﮯ ﻭﮦ ﺗﺤﺮﯾﺮ ﭘﮍﮬﯽ۔۔
ﻣﻄﻠﺐ؟؟
ﻣﯿﮟ ﺷﯿﻄﺎﻥ ﻣﺮﺩﻭﺩ ﺳﮯ ﺍﻟﻠﮧ ﮐﯽ ﭘﻨﺎﮦ ﻣﺎﻧﮕﺘﺎ ﮨﻮﮞ۔۔ﻣﺘﺮﺟﻢ ﻧﮯ ﺭﻭﺍﻧﯽ ﺳﮯ ﺍﻧﮕﺮﯾﺰﯼ ﻣﯿﮟ ﺗﺮﺟﻤﮧ ﮐﯿﺎ۔
ﺍﻥ ﺳﺐ ﻟﻮﮔﻮﮞ ﻧﮯ ﺟﯿﮑﯽ ﺍﻭﺭ ﺟﯿﮑﯽ ﻧﮯ ﺍﻧﮩﯿﮟ ﺩﯾﮑﮭﺎ۔۔۔ﭘﮭﺮ ﻗﺎﺗﻼﻧﮧ ﺍﻧﺪﺍﺯ ﻣﯿﮟ ﻣﺴﮑﺮﺍﺗﮯ ﮨﻮﺋﮯ ﮐﮩﺎ۔۔
ﻣﺠﮭﮯ ﯾﻘﯿﻦ ﮨﮯ ﮐﮧ ﯾﮧ ﻣﯿﺮﮮ ﺑﺎﺭﮮ ﻣﯿﮟ ﻧﮩﯿﮟ۔۔۔۔
——-+++++++———
ﺁﭘﺮﯾﺸﻦ ﮐﮯ ﺩﻭﺭﺍﻥ ﻧﯿﻮﺭﻭ ﺳﺮﺟﻦ ﭼﻨﺪ ﻟﻤﺤﻮﮞ ﮐﮯ ﻟﯿﮯ ﺭﮐﺎ ۔ﺍﯾﮏ ﻧﺮﺱ ﻧﮯ ﺑﻨﺎ ﮐﮩﮯ ﺍﺳﮑﮯ ﻣﺎﺗﮭﮯ ﭘﺮ ﺍﺑﮭﺮﻧﮯ ﻭﺍﻟﮯ ﭘﺴﯿﻨﮯ ﮐﮯ ﻗﻄﺮﻭﮞ ﮐﻮ ﺻﺎﻑ ﮐﯿﺎ۔۔ﻭﮦ ﺍﯾﮏ ﺑﺎﺭ ﭘﮭﺮ ﺍﭘﻨﮯ ﺳﺎﻣﻨﮯ ﭨﯿﺒﻞ ﭘﺮ ﮐﮭﻠﮯ ﭘﮍﮮ ﺍﺱ ﺩﻣﺎﻍ ﭘﺮ ﺟﮭﮑﺎ ﺟﻮ ﺩﻧﯿﺎ ﮐﮯ ﺫﮨﯿﻦ ﺗﺮﯾﻦ ﺩﻣﺎﻏﻮﮞ ﻣﯿﮟ ﺳﮯ ﺍﯾﮏ ﺗﮭﺎ۔۔ﺍﻭﺭ ﺟﻮ ﺍﯾﮏ ﮔﻮﻟﯽ ﮐﺎ ﻧﺸﺎﻧﮧ ﺑﻨﻨﮯ ﮐﮯ ﺑﻌﺪ ﺍﺱ ﮐﮯ ﺳﺎﻣﻨﮯ ﺗﮭﺎ۔۔ﻭﮦ ﺍﻣﺮﯾﮑﮧ ﮐﯽ ﺗﺎﺭﯾﺦ ﮐﺎ ﮐﻢ ﻋﻤﺮ ﺍﻭﺭ ﺳﺐ ﺳﮯ ﻗﺎﺑﻞ ﺳﺮﺟﻦ ﺗﮭﺎ۔ﻟﯿﮑﻦ ﺁﺝ ﺍﺳﮯ ﭘﮩﻠﯽ ﺑﺎﺭ ﻟﮓ ﺭﯾﺎ ﺗﮭﺎ ﮐﮧ ﺍﺳﮑﺎ ﮨﻨﮉﺭﮈ ﭘﺮﺳﻨﭧ ﮐﺎﻣﯿﺎﺑﯽ ﮐﺎ ﺭﯾﮑﺎﺭﮈ ﺧﺘﻢ ﮨﻮﻧﮯ ﻭﺍﻻ ﮨﮯ۔ ﻭﮦ ﭨﯿﺒﻞ ﺳﮯ ﮨﭩﺎ ۔ﺍﺳﮯ ﮐﺴﯽ ﭼﯿﺰ ﮐﯽ ﺿﺮﻭﺭﺕ ﭘﮍﯼ ﺗﮭﯽ ﺍﺱ ﺁﭘﺮﯾﺸﻦ ﻣﯿﮟ ﮐﺎﻣﯿﺎﺑﯽ ﮐﮯ ﻟﯿﺌﮯ۔۔۔
•••••••••
ﮐﮭﮍﮐﯽ ﺳﮯ ﺳﺎﻻﺭ ﻧﮯ ﻭﺍﺷﻨﮕﭩﻦ ﻣﯿﮟ ﮈﻭﺑﺘﮯ ﮨﻮﺋﮯ ﺳﻮﺭﺝ ﭘﺮ ﺍﮎ ﺁﺧﺮﯼ ﻧﻈﺮ ﮈﺍﻟﯽ۔ﮈﻭﺑﺘﮯ ﮨﻮﺋﮯ ﺳﻮﺭﺝ ﮐﯽ ﻧﺎﺭﻧﺠﯽ ﺷﻌﺎﻋﯿﮟ ﺟﮩﺎﺯ ﮐﮯ ﺩﻭﺩﮬﯿﺎ ﭘﺮﻭﮞ ﮐﻮ ﺑﮭﯽ ﺍﯾﮏ ﺭﻭﭘﮩﻼ ﺭﻧﮓ ﺩﮮ ﺭﮨﯽ ﺗﮭﯽ۔۔ﺟﮩﺎﺯ ﺍﺏ ﮨﺰﺍﺭﻭﮞ ﻓﭧ ﮐﯽ ﺑﻠﻨﺪﯼ ﭘﺮ ﺗﮭﺎ۔ﻧﮧ ﺁﺳﻤﺎﻥ ﭘﺮ ﻧﮧ ﺯﻣﯿﻦ ﭘﺮ۔۔۔ﺍﻭﺭ ﯾﮩﯽ ﮐﯿﻔﯿﺖ ﺳﺎﻻﺭ ﮐﯽ ﺑﮭﯽ ﺗﮭﯽ ۔۔ 37 ﺳﺎﻝ ﮐﯽ ﻋﻤﺮ ﻣﯿﮟ ﻭﮦ ﻭﺭﻟﮉ ﺑﻨﮏ ﮐﺎ ﮐﻢ ﻋﻤﺮ ﺗﺮﯾﻦ ﻭﺍﺋﺲ ﭘﺮﯾﺰﮈﻧﭧ ﺗﮭﺎ۔ﺍﻭﺭ ﺍﺳﮑﯽ ﺗﻌﯿﻨﺎﺗﯽ ﭼﺎﺭ ﺩﻥ ﭘﮩﻠﮯ ﮨﻮﺋﯽ ﺗﮭﯽ۔
ﻭﺭﻟﮉ ﺑﻨﮏ ﮐﮯ ﺑﻮﺭﮈ ﺁﻑ ﮔﻮﺭﻧﺮﺯ ﮐﮯ ﺍﯾﮏ ﮨﻨﮕﺎﻣﯽ ﺍﺟﻼﺱ ﻧﮯ ﻣﺘﻔﻘﮧ ﻃﻮﺭ ﭘﺮ ﺍﺳﮯ ﺍﻓﺮﯾﻘﮧ ﮐﮯ ﻟﯿﮯ ﻧﯿﺎ ﻧﺎﺋﺐ ﺻﺪﺭ ۔۔ﻧﯿﺎ ﭼﮩﺮﮦ ﭼﻨﺎ ﺗﮭﺎ۔۔۔
ﺍﻣﺮﯾﮑﺎ ﮐﺎ ﮨﺮ ﭼﮭﻮﭨﺎ ﺑﮍﺍ ﭼﯿﻨﻞ ﺍﺱ ﻭﻗﺖ ﺍﯾﮏ ﯾﮩﯽ ﺧﺒﺮ ﺑﺮﯾﮑﻨﮓ ﻧﯿﻮﺯ ﮐﯽ ﻃﺮﺡ ﭼﻼ ﺭﮨﺎ ﺗﮭﺎ ﮐﮧ ﺳﺎﻻﺭ ﺳﮑﻨﺪﺭ ﮐﯽ ﺯﻧﺪﮔﯽ ﺧﻄﺮﮮ ﻣﯿﮟ ﺗﮭﯽ ﺍﻭﺭ ﻭﮦ ﻏﺎﺋﺐ ﮐﯿﻮﮞ ﺗﮭﺎ۔ﻭﮦ ﺍﺱ ﺻﻮﺭﺕ ﺣﺎﻝ ﮐﮯ ﺑﺎﺭﮮ ﻣﯿﮟ ﮐﻮﺉ ﺑﯿﺎﻥ ﮐﯿﻮﮞ ﻧﮩﯿﮟ ﺩﮮ ﺭﮨﺎ۔ ﺍﯾﺒﺎﮐﺎ ﮐﮯ ﺑﺎﺭﮮ ﻣﯿﮟ ﺧﺎﻣﻮﺵ ﮐﯿﻮﮞ ﺗﮭﺎ ﺍﺩﮬﺮ ﺳﺎﻻﺭ ﻭﺭﻟﮉ ﺑﻨﮏ ﮐﮯ ﺻﺪﺭ ﺳﮯ ﻣﻼﻗﺎﺕ ﮐﯽ ﺗﯿﺎﺭﯼ ﮐﺮ ﺭﮨﺎ ﺗﮭﺎ۔ﺟﻮ ﻭﺭﻟﮉ ﺑﻨﮏ ﮐﮯ ﺻﺪﺭ ﮐﯽ ﺩﺭﺧﻮﺍﺳﺖ ﭘﺮ ﮨﻮ ﺭﮨﯽ ﺗﮭﯽ۔۔۔ﺻﺪﺭ ﮐﯽ ﻣﻨﺖ ﺑﮭﺮﯼ ﺩﺭﺧﻮﺍﺳﺘﻮﮞ ﮨﺮ ﻭﮨﺎﮞ ﺻﺪﺭ ﮐﮯ ﺫﺍﺗﯽ ﺍﺳﺘﻌﻤﺎﻝ ﻣﯿﮟ ﺁﻧﮯ ﻭﺍﻟﯽ ﮐﺎﺭﻭﮞ ﻣﯿﮟ ﺳﮯ ﺍﯾﮏ ﺷﻮﻓﺮ ﺳﻤﯿﺖ ﻟﯿﻤﻮﺯﯾﻦ ﻣﯿﮟ ﺑﺎﺩﺷﺎﮨﻮﮞ ﮐﯽ ﻃﺮﺡ ﭘﺮﻭﭨﻮﮐﻮﻝ ﮐﯿﺴﺎﺗﮫ ﻭﮨﺎﮞ ﺑﻼﯾﺎ ﺟﺎ ﺭﮨﺎ ﺗﮭﺎ ۔۔۔۔
ﮨﯿﮉ ﮐﻮﺍﺭﭨﺮﺯ ﮐﮯ ﺑﺎﮨﺮ ﭘﺮﯾﺲ ﻣﻮﺟﻮﺩ ﺗﮭﺎ، ﺍﭘﻨﮯ ﻣﺸﯿﻦ ﮔﻦ ﺟﯿﺴﮯ ﮐﯿﻤﺮﻭﮞ ﺍﻭﺭ ﻣﺎﺋﯿﮑﺲ ﮐﯿﺴﺎﺗﮫ۔۔ﺑﺠﻠﯽ ﮐﯽ ﻃﺮﺡ ﻓﻠﯿﺶ ﻻﺋﭩﺲ ﮐﮯ ﺟﮭﻤﺎﮐﻮﮞ ﮐﯿﺴﺎﺗﮫ۔۔۔ﺍﻧﮩﯿﮟ ﺍﻃﻼﺡ ﮐﺲ ﻧﮯ ﺩﯼ ﺗﮭﯽ ﯾﮧ ﺳﺎﻻﺭ ﮐﮯ ﻟﯿﺌﮯ ﺣﯿﺮﺕ ﮐﯽ ﺑﺎﺕ ﻧﮩﯿﮟ ﺗﮭﯽ۔ ﻭﮦ ﺳﺮﮐﺲ ﮐﺎ ﻭﮦ ﺟﺎﻧﻮﺭ ﺗﮭﺎ ﺟﺴﮯ ﺑﻨﮏ ﺍﻭﺭ ﺳﯽ ﺁﺉ ﺍﮮ ﺍﺏ ﻧﭽﺎ ﮐﺮ ﺗﻤﺎﺷﮧ ﻟﻮﭨﻨﺎ ﭼﺎﮨﺘﮯ ﺗﮭﮯ۔ﺍﻭﺭ ﻭﮦ ﺍﭘﻨﯽ ﺍﮔﻠﯽ ﺣﮑﻤﺖ ﻋﻤﻠﯽ ﺗﺮﺗﯿﺐ ﺩﮮ ﺭﮨﺎ ﺗﮭﺎ۔۔۔۔ ۔ﺍﺳﮯ ﺍﮔﺮ ﻧﺎﭼﻨﺎ ﮨﯽ ﺗﮭﺎ ﺗﻮ ﺍﭘﻨﯽ ﺷﺮﻃﻮﮞ ﭘﺮ۔۔۔
ﻭﮦ ﻟﯿﻤﻮﺯﯾﻦ ﺳﮯ ﺍﺗﺮ ﮐﺮ ﺍﭘﻨﮯ ﮐﮭﻠﮯ ﮐﻮﭦ ﮐﮯ ﺑﭩﻦ ﺑﻨﺪ ﮐﺮﺗﺎ ﻓﻠﯿﺶ ﻻﺋﭩﺲ ﮐﮯ ﺟﮭﻤﺎﮐﻮﮞ ﺳﮯ ﮐﭽﮫ ﻓﺎﺻﻠﮯ ﭘﺮ ﮈﺭﺍﺋﯿﻮ ﻭﮮ ﮐﮯ ﺩﻭﻧﻮﮞ ﺍﻃﺮﺍﻑ ﻣﯿﮟ ﻟﮕﯽ ﮨﻮﺉ ﻭﺍﺭﻧﻨﮓ ﭨﯿﭗ ﮐﮯ ﭘﺎﺭ ﮐﯿﻤﺮﮦ ﻣﯿﻨﻮﮞ ﺍﻭﺭ ﺟﺮﻧﻠﺴﭩﺲ ﮐﯽ ﺑﮭﯿﮍ ﮐﯽ ﻃﺮﻑ ﺍﯾﮏ ﻧﻈﺮ ﮈﺍﻟﮯ ﺑﻐﯿﺮ ﻋﻤﻠﮯ ﮐﮯ ﺍﻓﺮﺍﺩ ﮐﯽ ﺭﮨﻨﻤﺎﺉ ﻣﯿﮟ ﻟﻤﺒﮯ ﻟﻤﺒﮯ ﻗﺪﻣﻮﮞ ﮐﯿﺴﺎﺗﮫ ﺍﻧﺪﺭ ﭼﻼ ﮔﯿﺎ۔
ﮐﭽﮫ ﻧﺌﮯ ﻟﻮﮔﻮﮞ ﮐﮯ ﻋﻼﻭﮦ ﺑﻮﺭﮈ ﺭﻭﻡ ﻣﯿﮟ ﻭﮦ ﺳﺐ ﻟﻮﮒ ﻣﻮﺟﻮﺩ ﺗﮭﮯ ﺟﺲ ﺳﮯ ﻭﮦ ﮐﭽﮫ ﺩﻥ ﭘﮩﻠﮯ ﺑﮭﯽ ﻣﻼ ﺗﮭﺎ۔۔ ﻟﯿﮑﻦ ﺍﺏ ﺳﺐ ﮐﭽﮫ ﺑﺪﻝ ﭼﮑﺎ ﺗﮭﺎ۔ ﺳﺎﻻﺭ ﮐﺎ ﺍﺳﺘﻘﺒﺎﻝ ﻭﮨﺎﮞ ﺍﯾﮏ ﮨﯿﺮﻭﮞ ﮐﮯ ﻃﻮﺭ ﭘﺮ ﺗﺎﻟﯿﺎﮞ ﺑﺠﺎﺗﮯ ﺍﻭﺭ ﺧﯿﺮ ﻣﻘﺪﻣﯽ ﻧﻌﺮﻭﮞ ﺳﮯ ﮨﻮﺍ۔۔۔ﯾﻮﮞ ﺟﯿﺴﮯ ﻭﮦ ﮐﻮﺋﯽ ﺟﻨﮓ ﺟﯿﺖ ﮐﺮ ﮐﺴﯽ ﺑﺎﺩﺷﺎﮦ ﮐﮯ ﺩﺭﺑﺎﺭ ﻣﯿﮟ ﺍﭘﻨﯽ ﺧﺪﻣﺎﺕ ﮐﺎ ﮐﻮﺋﯽ ﺍﻋﺰﺍﺯ ﻟﯿﻨﮯ ﺁﯾﺎ ﮨﻮ۔ﺍﻥ ﺳﺐ ﮐﮯ ﭼﮩﺮﻭﮞ ﭘﺮ ﻣﺴﮑﺮﺍﮨﭩﯿﮟ ﺍﻭﺭ ﻧﺮﻣﯽ ﺗﮭﯽ۔ﺁﻧﮑﮭﻮﮞ ﻣﯿﮟ ﺳﺘﺎﺋﺶ ﺍﻭﺭ ﮨﻮﻧﭩﻮﮞ ﭘﺮ ﺩﺍﺩ ﻭ ﺗﺤﺴﯿﻦ۔۔۔ﺳﺎﻻﺭ ﺳﮑﻨﺪﺭ ﺻﺮﻑ ﯾﮧ ﺳﻤﺠﮭﻨﮯ ﺳﮯ ﻗﺎﺻﺮ ﺗﮭﺎ ﮐﮧ ﻭﮦ ﮐﺮ ﮐﮯ ﮐﯿﺎ ﺁﯾﺎ ﺗﮭﺎ ﺟﺲ ﮐﮯ ﻟﯿﺌﮯ ﺍﯾﺴﺎ ﺍﺳﺘﻘﺒﺎﻝ ﮐﯿﺎ ﮔﯿﺎ۔۔۔ﻣﯿﺰ ﭘﺮ ﺻﺪﺭ ﮐﯽ ﺳﯿﭧ ﮐﮯ ﺩﺍﺋﯿﮟ ﺟﺎﻧﺐ ﭘﮩﻠﯽ ﻧﺸﺴﺖ ﭘﺮ ﺍﺳﮯ ﺑﭩﮭﺎﯾﺎ ﮔﯿﺎ ۔۔ ۔
ﺍﺱ ﮐﯽ ﺁﻣﺪ ﮐﮯ ﭘﺎﻧﭻ ﻣﻨﭧ ﺑﻌﺪ ﻭﺭﻟﮉ ﺑﻨﮏ ﮐﺎ ﺻﺪﺭ ﺑﻮﺭﮈ ﺭﻭﻡ ﻣﯿﮟ ﺁﮔﯿﺎ۔۔ﺳﺎﻻﺭ ﺳﮑﻨﺪﺭ ﺑﮭﯽ ﺑﺎﻗﯽ ﺳﺐ ﮐﯽ ﻃﺮﺡ ﺍﺣﺘﺮﺍﻣﺎً ﮐﮭﮍﺍ ﮨﻮﮔﯿﺎ۔۔
ﻭﺭﻟﮉ ﺑﻨﮏ ﮐﻮ ﺁﭖ ﭘﺮ ﻓﺨﺮ ﮨﮯ۔۔۔ﺍﺱ ﮐﮯ ﺳﺎﺗﮫ ﮨﯽ ﺍﺳﺘﻘﺒﺎﻟﯽ ﮐﻠﻤﺎﺕ ﮐﯽ ﺍﺩﺍﺋﯿﮕﯽ ﮐﮯ ﺑﻌﺪ ﺻﺪﺭ ﮐﮯ ﻣﻨﮧ ﺳﮯ ﻧﮑﻠﻨﮯ ﻭﺍﻟﮯ ﭘﮩﻠﮯ ﺟﻤﻠﮯ ﮐﻮ ﺳﻦ ﮐﺮ ﺳﺎﻻﺭ ﮐﺎ ﺩﻝ ﻗﮩﻘﮩﮧ ﻣﺎﺭ ﮐﺮ ﮨﻨﺴﻨﮯ ﮐﻮ ﭼﺎﮨﺎ۔۔ﺻﺪﺭ ﮐﮯ ﺟﻤﻠﮯ ﭘﺮ ﺑﻮﺭﮈ ﺭﻭﻡ ﻧﮯ ﺗﺎﻟﯿﺎﮞ ﺑﺠﺎﺋﯿﮟ ۔
ﺻﺪﺭ ﻧﮯ ﮐﺎﻧﮕﻮ ﮐﯽ ﺻﻮﺭﺕ ﺣﺎﻝ ﺳﮯ ﮔﻔﺘﮕﻮ ﮐﺎ ﺁﻏﺎﺯ ﮐﯿﺎ ﺗﮭﺎ ﺍﻭﺭ ﻭﮨﺎﮞ ﻭﺭﻟﮉ ﺑﻨﮏ ﮐﮯ ﻣﻼﺯﻣﯿﻦ ﭘﺮ ﮨﻮﻧﮯ ﻭﺍﻟﮯ ﺣﻤﻠﻮﮞ ﻣﯿﮟ ﺯﺧﻤﯽ ﺍﻭﺭ ﻣﺎﺭﮮ ﺟﺎﻧﮯ ﻭﺍﻟﻮﮞ ﮐﮯ ﻟﯿﺌﮯ ﺍﯾﮏ ﻣﻨﭧ ﮐﯽ ﺧﺎﻣﻮﺷﯽ ﺍﺧﺘﯿﺎﺭ ﮐﯽ ﮔﺊ۔ﺍﺱ ﮐﮯ ﺑﻌﺪ ﺍﯾﺒﺎﮐﺎ ﮐﻮ ﺷﺎﻧﺪﺍﺭ ﺧﺮﺍﺝ ﻋﻘﯿﺪﺕ ﭘﯿﺶ ﮐﯿﺎ ﺗﮭﺎ ﭼﻨﺪ ﺟﻤﻠﻮﮞ ﻣﯿﮟ ﺍﻭﺭ ﭘﮭﺮ ﻭﮦ ﺳﺎﻻﺭ ﺳﮑﻨﺪﺭ ﮐﯽ ﺭﭘﻮﺭﭦ ﭘﺮ ﺁﮔﯿﺎ ﺗﮭﺎ۔ﺟﻮ ﺑﻨﮏ ﮐﮯ ﺑﻮﺭﮈ ﺁﻑ ﮔﻮﺭﻧﺮﺯ ﻧﮯ ﭘﮍﮪ ﻟﯽ ﺗﮭﯽ ﻧﮧ ﺻﺮﻑ ﭘﮍﮪ ﻟﯽ ﺗﮭﯽ ﺑﻠﮑﮧ ﺍﺱ ﺭﭘﻮﺭﭦ ﮐﯽ ﺗﻤﺎﻡ ﺳﻔﺎﺭﺷﺎﺕ ﮐﻮ ﻣﺎﻧﺘﮯ ﮨﻮﺋﮯ ﺍﯾﮏ ﺍﻧﮑﻮﺍﺋﺮﯼ ﮐﻤﯿﺸﻦ ﺗﺸﮑﯿﻞ ﺩﯾﺎ ﺗﮭﺎ ۔
ﺳﺎﻻﺭ ﺳﮑﻨﺪﺭ ﻧﮧ ﺣﯿﺮﺍﻥ ﮨﻮﺍ ﺗﮭﺎ ﻧﮧ ﻣﺘﺎﺛﺮ۔۔۔ﺍﺳﮯ ﺍﻧﺪﺍﺯﮦ ﺗﮭﺎ ﻭﺭﻟﮉ ﺑﻨﮏ ﺍﺱ ﺳﮯ ﮐﻢ ﻣﯿﮟ ﮐﺎﻧﮕﻮ ﻣﯿﮟ ﺩﺍﺧﻞ ﻧﮩﯿﮟ ﮨﻮ ﺳﮑﺘﺎ۔۔ﺍﻧﮩﯿﮟ ﺍﺏ ﻭﮦ ﭘﺮﺍﺟﯿﮑﭧ ﺧﺘﻢ ﮐﺮﻧﺎ ﮨﯽ ﺗﮭﺎ۔۔۔ﻭﮦ ﺧﺎﻣﻮﺷﯽ ﺳﮯ ﺻﺪﺭ ﮐﯽ ﮔﻔﺘﮕﻮ ﺳﻨﺘﺎ ﺭﮨﺎ۔ﺍﻭﺭ ﮔﻔﺘﮕﻮ ﮐﮯ ﺍﺧﺘﺘﺎﻡ ﭘﺮ ﺳﺎﻻﺭ ﺳﮑﻨﺪﺭ ﮐﻮ ﺩﯼ ﺟﺎﻧﮯ ﻭﺍﻟﯽ ﻧﺌﯽ ﺫﻣﮧ ﺩﺍﺭﯾﻮﮞ ﮐﺎ ﺍﻋﻼﻥ ﮐﯿﺎ۔۔ﺑﻮﺭﮈ ﺭﻭﻡ ﻣﯿﮟ ﺑﺠﺘﯽ ﺗﺎﻟﯿﻮﮞ ﮐﯿﺴﺎﺗﮫ ﻭﮦ ﺑﮯ ﺗﺎﺛﺮ ﭼﮩﺮﮮ ﮐﮯ ﺳﺎﺗﮫ ﺍﭘﻨﯽ ﺑﮯ ﻭﻗﻌﺖ ﺧﺪﻣﺎﺕ ﮐﮯ ﺻﻠﮯ ﻣﯿﮟ ﻣﻠﻨﮯ ﻭﺍﻟﮯ ﺍﯾﻢ ﺗﺮﯾﻦ ﻋﮩﺪﮦ ﮐﯽ ﻗﺪﺭ ﻭ ﻗﯿﻤﺖ ﮐﺎ ﺍﻧﺪﺍﺯﮦ ﻟﮕﺎ ﺭﮨﺎ ﺗﮭﺎ۔ﺳﺎﻻﺭ ﮐﻮ ﻭﮨﺎﮞ ﺑﯿﭩﮭﮯ ﺍﯾﺴﺎ ﻟﮓ ﺭﮨﺎ ﺗﮭﺎ ﺟﯿﺴﮯ ﻭﮦ ﺩﻧﯿﺎ ﮐﮯ ﻃﺎﻗﺘﻮﺭ ﺗﺮﯾﻦ ﻣﺎﻟﯿﺎﺗﯽ ﺍﺩﺍﺭﮮ ﮐﮯ ﮨﯿﮉﮐﻮﺍﺭﭨﺮﺯ ﻣﯿﮟ ﻧﮩﯿﮟ ﮐﺴﯽ ﮔﮭﭩﯿﺎ ﺗﮭﯿﭩﺮ ﻣﯿﮟ ﭼﻠﻨﮯ ﻭﺍﻟﮯ ﻣﺰﺍﺧﯿﮧ ﮈﺭﺍﻣﮯ ﮐﮯ ﺳﺎﻣﻨﮯ ﺑﯿﭩﮭﺎ ﮨﮯ۔۔ ﺟﺲ ﻣﯿﮟ ﮨﺮ ﺍﯾﮑﭩﺮ ﺍﻭﻭﺭ ﺍﯾﮑﭩﻨﮓ ﮐﺮ ﺭﮨﺎ ﺗﮭﺎ۔
ﻣﯿﮟ ﺻﺪﺭ ﺍﻭﺭ ﺑﻮﺭﮈ ﻣﯿﮟ ﻣﻮﺟﻮﺩ ﺗﻤﺎﻡ ﻟﻮﮔﻮﮞ ﮐﺎ ﺷﮑﺮﯾﮧ ﺍﺩﺍ ﮐﺮﺗﺎ ﮨﻮﮞ ﮐﮧ ﺍﻧﮩﻮﮞ ﻧﮯ ﻣﺠﮭﮯ ﯾﮩﺎﮞ ﺁﻧﮯ ﮐﺎ ﻣﻮﻗﻊ ﺩﯾﺎ ﺍﻭﺭ ﻣﺠﮭﮯ ﺧﻮﺷﯽ ﮨﮯ ﮐﮧ ﺍﺱ ﺭﭘﻮﺭﭦ ﮐﻮ ﺑﻨﯿﺎﺩ ﺑﻨﺎﺗﮯ ﮨﻮﺋﮯ ﺍﺱ ﮐﯽ ﺗﻤﺎﻡ ﺳﻔﺎﺭﺷﺎﺕ ﮐﻮ ﻣﺎﻥ ﻟﯿﺎ ﮔﯿﺎ ﮨﮯ۔ﻣﺠﮭﮯ ﺍﻣﯿﺪ ﮨﮯ ﺍﺱ ﻗﺪﻡ ﮐﮯ ﺍﭨﮭﺎﻧﮯ ﺳﮯ ﻭﺭﻟﮉ ﺑﻨﮏ ﮐﻮ ﺍﯾﮏ ﺑﺎﺭ ﭘﮭﺮ ﮐﺎﻧﮕﻮ ﻣﯿﮟ ﺍﭘﻨﯽ ﺳﺎﮐﮫ ﺑﺤﺎﻝ ﮐﺮﻧﮯ ﻣﯿﮟ ﻣﺪﺩ ﻣﻠﮯ ﮔﯽ۔۔۔ﺳﺎﻻﺭ ﻧﮯ ﺑﮩﺖ ﻣﺨﺘﺼﺮ ﺑﺎﺕ ﮐﯽ ﺗﮭﯽ۔ﭨﻮ ﺩﯼ ﭘﻮﺍﺋﻨﭧ۔۔۔ﭘﺮﻭﻓﯿﺶﻧﻞ۔۔۔ﺟﺬﺑﺎﺗﯿﺖ ﮐﮯ ﺑﻐﯿﺮ۔۔۔۔۔ﺍﻭﺭ ﺍﺳﯽ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﺟﺲ ﮐﮯ ﻟﯿﺌﮯ ﻭﮦ ﻣﺸﮩﻮﺭ ﺗﮭﺎ۔۔
ﻣﯿﮟ ﺷﮑﺮ ﮔﺰﺍﺭ ﮨﻮﮞ ﮐﮧ ﻭﺭﻟﮉ ﺑﻨﮏ ﺍﻭﺭ ﺑﻮﺭﮈ ﺁﻑ ﮔﻮﺭﻧﺮﺯ ﻧﮯ ﻣﺠﮭﮯ ﻧﺎﺋﺐ ﺻﺪﺭ ﮐﮯ ﻟﯿﮯ ﻣﻨﺘﺨﺐ ﮐﯿﺎ ﮨﮯ ﻟﯿﮑﻦ ﻣﯿﮟ ﺍﭘﻨﯽ ﺫﺍﺗﯽ ﻣﺼﺮﻭﻓﯿﺎﺕ ﮐﯽ ﻭﺟﮧ ﺳﮯ ﯾﮧ ﻋﮩﺪﮦ ﺳﻨﺒﮭﺎﻝ ﻧﮩﯿﮟ ﭘﺎﺅﮞ ﮔﺎ۔۔ﻣﺠﮭﮯ ﯾﻘﯿﻦ ﮨﮯ ﺑﻨﮏ ﮐﯽ ﭨﯿﻢ ﻣﯿﮟ ﺍﺱ ﻋﮩﺪﮮ ﮐﮯ ﻟﯿﮯ ﻣﺠﮫ ﺳﮯ ﺯﯾﺎﺩﮦ ﻣﻮﺯﻭﮞ ﻟﻮﮒ ﻣﻮﺟﻮﺩ ﮨﯿﮟ ۔
ﺻﺪﺭ ﻧﮯ ﺑﮯ ﭼﯿﻨﯽ ﺳﮯ ﺍﭘﻨﯽ ﻧﺸﺴﺖ ﭘﺮ ﭘﮩﻠﻮ ﺑﺪﻻ۔۔۔ﺍﺳﮯ ﺍﭘﻨﯽ ﺳﺎﮐﮫ ﺑﭽﺎﻧﺎ ﺗﮭﯽ ﺍﻭﺭ ﯾﮧ ﮐﺎﻡ ﺍﺱ ﻭﻗﺖ ﺻﺮﻑ ﺳﺎﻻﺭ ﮐﺮﺳﮑﺘﺎ ﺗﮭﺎ۔ﻣﯿﭩﻨﮓ ﺍﺱ ﮐﮯ ﺑﻌﺪ ﺧﺘﻢ ﮨﻮﺋﯽ ﺍﻭﺭ ﺍﺱ ﮐﮯ ﺑﻌﺪ ﺳﺎﻻﺭ ﻭﺭﻟﮉ ﺑﻨﮏ ﮐﮯ ﺻﺪﺭ ﺳﮯ ﺍﮐﯿﻠﮯ ﻣﯿﮟ ﻣﻼ ﺗﮭﺎ۔۔ﻭﮨﺎﮞ ﮐﺎ ﻣﺎﺣﻮﻝ ﮐﭽﮫ ﺍﻭﺭ ﺗﮭﺎ ﺍﻭﺭ ﺑﺎﺗﯿﮟ ﺑﮭﯽ۔
ﻣﺠﮭﮯ ﺍﭘﻨﮯ ﮐﻤﺮﮮ ﺳﮯ ﭼﻮﺭﯼ ﮨﻮﻧﮯ ﻭﺍﻟﯽ ﺗﻤﺎﻡ ﭼﯿﺰﯾﮟ ﭼﺎﮨﯿﮯ۔۔۔ﻟﯿﭗ ﭨﺎﭖ۔۔ﭨﺮﯾﻮﻝ ﮈﺍﮐﻮﻣﻨﭩﺲ۔۔۔ﻣﯿﺮﮮ ﺑﺎﻗﯽ ﮈﺍﮐﻮﻣﻨﭩﺲ۔۔۔۔ﺳﺎﻝﺍﺭ ﻧﮯ ﺍﺱ ﮐﻤﺮﮮ ﻣﯿﮟ ﻣﯿﭩﻨﮓ ﮐﮯ ﺷﺮﻭﻉ ﻣﯿﮟ ﮨﯽ ﺍﯾﺠﻨﮉﺍ ﺳﯿﭧ ﮐﯿﺎ ﺗﮭﺎ۔۔ﻭﮦ ﺍﭘﻨﯽ ﺑﺎﺗﯿﮟ ﻣﻨﻮﺍﻧﮯ ﺁﯾﺎ ﺗﮭﺎ ﺁﺝ۔۔۔
ﺁﭖ ﮐﮯ ﮐﻤﺮﮮ ﺳﮯ ﭼﻮﺭﯼ ﮨﻮﻧﮯ ﻭﺍﻟﯽ ﭼﯿﺰﻭﮞ ﺳﮯ ﻭﺭﻟﮉ ﺑﻨﮏ ﮐﺎ ﮐﯿﺎ ﺗﻌﻠﻖ۔۔۔۔
ﺻﺪﺭ ﻧﮯ ﺍﻧﺠﺎﻥ ﺑﻨﻨﮯ ﮐﯽ ﮐﻮﺷﺶ ﮐﯽ۔ ﺳﺎﻻﺭ ﻧﮯ ﺍﺳﮑﯽ ﺑﺎﺕ ﮐﺎﭦ ﺩﯼ۔۔۔
ﺍﮔﺮ ﻣﯿﺮﯼ ﭼﯿﺰﯾﮟ ﻧﮩﯿﮟ ﻣﻞ ﺳﮑﺘﯽ ﺗﻮ ﭘﮭﺮ ﻣﺠﮭﮯ ﮐﺴﯽ ﺑﮭﯽ ﺍﯾﺸﻮ ﭘﺮ ﺑﺎﺕ ﮐﺮﻧﮯ ﯾﮩﺎﮞ ﻧﮩﯿﮟ ﺑﯿﭩﮭﻨﺎ۔۔۔۔۔
ﺻﺪﺭ ﻧﮯ ﻟﮩﺠﮧ ﻧﺮﻡ ﮐﺮﺗﮯ ﮨﻮﺋﮯ ﺟﯿﺴﮯ ﺍﺳﮯ ﭼﻤﮑﺎﺭﺍ۔۔ﻣﯿﮟ ﮨﺪﺍﯾﺖ ﺟﺎﺭﯼ ﮐﺮﺗﺎ ﮨﻮﮞ ﮐﮧ ﻓﻮﺭﯼ ﻃﻮﺭ ﭘﺮ ﺁﭘﮑﮯ ﻧﻘﺼﺎﻥ ﮐﯽ ﺗﻼﻓﯽ ﮐﯽ ﺟﺎﺋﮯ ﺍﻭﺭ ﺁﭘﮑﮯ ﮈﺍﮐﻮﻣﻨﭩﺲ ﮐﺎ ﻣﺘﺒﺎﺩﻝ ۔۔۔۔۔
ﺳﺎﻻﺭ ﻧﮯ ﺍﺳﯽ ﺍﮐﮭﮍ ﭘﻦ ﺳﮯ ﺍﺳﮑﯽ ﺑﺎﺕ ﮐﺎﭨﯽ۔۔۔ﻣﺠﮭﮯ ﺍﭘﻨﯽ ﭼﯿﺰﯾﮟ ﭼﺎﮨﯿﺌﮯ۔۔ ﻧﮧ ﺗﻼﻓﯽ ﭼﺎﮨﯿﺌﮯ ﻧﮧ ﻣﺘﺒﺎﺩﻝ۔۔۔ﻣﺠﮭﮯ ﺍﭘﻨﮯ ﺍﻭﺭﯾﺠﻨﻞ ﮈﺍﮐﻮﻣﻨﭩﺲ ﭼﺎﮨﯿﺌﮯ۔۔۔
ﺧﺎﻣﻮﺷﯽ ﮐﮯ ﺍﯾﮏ ﻟﻤﺒﮯ ﻭﻗﻔﮯ ﮐﮯ ﺑﻌﺪ ﺻﺪﺭ ﻧﮯ ﮨﺘﮭﯿﺎﺭ ﮈﺍﻟﺘﮯ ﮨﻮﺋﮯ ﮐﮩﺎ۔۔۔ﭨﮭﯿﮏ ﮨﮯ ﻣﻞ ﺟﺎﺋﯿﮟ ﮔﮯ۔۔۔ﻟﯿﮑﻦ ﻭﺭﻟﮉ ﺑﻨﮏ ﺍﻭﺭ ﺍﻣﺮﯾﮑﮧ ﮐﻮ ﮐﺎﻧﮕﻮ ﻣﯿﮟ ﺁﭖ ﮐﯽ ﺿﺮﻭﺭﺕ ﮨﮯ۔ ﺍﯾﮏ ﺷﺮﻁ ﺍﺱ ﻧﮯ ﻣﻨﻮﺍﺉ ﺍﯾﮏ ﺷﺮﻁ ﺍﻧﮩﻮﮞ ﻧﮯ ﺭﮐﮫ ﺩﯼ۔
ﻣﯿﮟ ﮐﺴﯽ ﮐﯽ ﮐﭩﮫ ﭘﺘﻠﯽ ﺑﻦ ﮐﺮ ﮐﺎﻧﮕﻮ ﻣﯿﮟ ﻭﮨﺎﮞ ﮐﮯ ﺍﻧﺴﺎﻧﻮﮞ ﮐﺎ ﺍﺳﺘﻌﻤﺎﻝ ﻧﮩﯿﮟ ﮐﺮﺳﮑﺘﺎ ﻧﮧ ﮨﯽ ﮐﺮﻭﮞ ﮔﺎ۔ﺍﺱ ﻧﮯ ﺩﻭ ﭨﻮﮎ ﮐﮩﺎ۔
ﺁﭖ ﮐﺎﻧﮕﻮ ﻣﯿﮟ ﺟﺎ ﮐﺮ ﻭﮦ ﮐﺮﯾﮟ ﺟﻮ ﺁﭖ ﮐﺮﻧﺎ ﭼﺎﮨﺘﮯ ﮨﯿﮟ۔۔ﺻﺪﺭ ﻧﮯ ﮐﮩﺎ۔۔۔
ﻣﯿﮟ ﺑﻨﺪﮬﮯ ﮨﺎﺗﮭﻮﮞ ﺳﮯ ﮐﮩﯿﮟ ﮐﭽﮫ ﻧﮩﯿﮟ ﮐﺮﺳﮑﺘﺎ۔
ﻧﺎﺋﺐ ﺻﺪﺭ ﮐﮯ ﻃﻮﺭ ﭘﺮ ﺁﭖ ﮐﻮ ﻻﻣﺤﺪﻭﺩ ﺍﺧﺘﯿﺎﺭﺍﺕ ﺩﯾﺌﮯ ﺟﺎﺋﯿﻨﮕﮯ۔۔ﺁﭖ ﭘﺮﺍﺟﯿﮑﭧ ﮐﻮ ﺭﻭﮐﻨﺎ ﭼﺎﮨﯿﮟ ﺁﭘﮑﻮ ﮨﯿﮉﮐﻮﺍﺭﭨﺮ ﮐﯽ ﻣﻨﻈﻮﺭﯼ ﮐﯽ ﺿﺮﻭﺭﺕ ﻧﮩﯿﮟ ﺁﭖ ﺧﻮﺩ ﻓﯿﺼﻠﮧ ﮐﺮ ﺳﮑﺘﮯ ﮨﯿﮟ۔۔۔۔
ﭼﻨﺪ ﻟﻤﺤﻮﮞ ﺗﮏ ﺳﺎﻻﺭ ﺑﻮﻝ ﻧﮧ ﺳﮑﺎ۔۔ﯾﮧ ﺟﮭﺎﻧﺴﮧ ﺗﮭﺎ ﺗﻮ ﭘﮑﺎ ﺗﮭﺎ۔۔۔۔ﺟﺘﻨﮯ ﺍﺧﺘﯿﺎﺭﺍﺕ ﺁﭖ ﻣﺠﮭﮯ ﺩﯾﮑﺮ ﮐﺎﻧﮕﻮ ﺑﮭﯿﺠﻨﺎ ﭼﺎﮨﺘﮯ ﮨﯿﮟ ﺍﺗﻨﮯ ﺁﭖ ﮐﺴﯽ ﮐﻮ ﺑﮭﯽ ﺩﯾﮟ ﻭﮦ ﺻﻮﺭﺕ ﺣﺎﻝ ﺳﻨﺒﮭﺎﻝ ﻟﮯ ﮔﺎ۔۔ﺳﺎﻻﺭ ﻧﮯ ﮐﮩﺎ۔
ﺍﯾﺸﻮ ﺍﺧﺘﯿﺎﺭﺍﺕ ﮐﺎ ﻧﮩﯿﮟ ﮨﮯ ﻧﯿﺖ ﮐﺎ ﮨﮯ۔۔ﺟﻮ ﮐﭽﮫ ﺗﻢ ﺍﻓﺮﯾﻘﮧ ﻣﯿﮟ ﮐﺮﻧﺎ ﭼﺎﮨﺘﮯ ﮨﻮ ﻭﮦ ﮐﻮﺋﯽ ﺩﻭﺳﺮﺍ ﻧﮩﯿﮟ ﮐﺮﻧﺎ ﭼﺎﮨﮯ ﮔﺎ۔
ﮐﭽﮫ ﻭﻗﺖ ﻟﻮ، ﺳﻮﭼﻮ، ﭘﮭﺮ ﻓﯿﺼﻠﮧ ﮐﺮﻭ۔۔۔۔۔ﺍﺳﮯ ﻗﯿﺪ ﮐﺮ ﮐﮯ ﺁﺯﺍﺩ ﮐﯿﺎ ﮔﯿﺎ ﺗﮭﺎ۔۔۔
ﺍﺱ ﻧﮯ ﻭﺍﭘﺴﯽ ﭘﺮ ﻣﯿﮉﯾﺎ ﺳﮯ ﺑﺎﺕ ﻧﮩﯿﮟ ﮐﯽ۔۔۔ﺍﻟﺠﮭﻦ ﺗﮭﯽ ﮐﮧ ﺍﻭﺭ ﺑﮍﮬﯽ ﺗﮭﯽ۔ﮨﻮﭨﻞ ﻭﺍﭘﺲ ﺁﺗﮯ ﮨﯽ ﺍﺱ ﻧﮯ ﮐﻤﺮﮮ ﻣﯿﮟ ﭨﯽ ﻭﯼ ﭘﺮ ﻧﮧ ﺻﺮﻑ ﻭﺭﻟﮉ ﺑﻨﮏ ﮨﯿﮉ ﮐﻮﺍﺭﭨﺮ ﺟﺎﺗﮯ ﺍﭘﻨﯽ ﻓﻮﭨﯿﺞ ﺩﯾﮑﮫ ﻟﯽ ﺑﻠﮑﮧ ﻧﯿﻮﺯ ﭼﯿﻨﻞ ﭘﺮ ﺍﭘﻨﯽ ﺗﻌﯿﻨﺎﺗﯽ ﮐﯽ ﺑﺮﯾﮑﻨﮓ ﻧﯿﻮﺯ ﺑﮭﯽ ﭘﮍﮪ ﻟﯽ۔
ﻭﮦ ﺍﺳﮑﮯ ﻟﯿﮯ ﺍﻧﮑﺎﺭ ﮐﻮ ﻣﺸﮑﻞ ﺑﻨﺎ ﺭﮨﮯ ﺗﮭﮯ ﺟﺎﻝ ﮐﯽ ﮈﻭﺭﯾﺎﮞ ﮐﺴﺘﮯ ﺟﺎﺭﮨﮯ ﺗﮭﮯ۔۔۔ﺍﺳﮑﺎ ﺳﯿﻞ ﻓﻮﻥ ﻣﻨﭩﻮﮞ ﻣﯿﮟ ﻣﺒﺎﺭﮐﺒﺎﺩ ﮐﮯ ﭘﯿﻐﺎﻣﺎﺕ ﺍﻭﺭ ﮐﺎﻟﺰ ﺳﮯ ﺑﺠﻨﮯ ﻟﮕﺎ ﺗﮭﺎ۔۔۔۔۔۔۔
ﻭﺭﻟﮉ ﺑﻨﮏ ﺟﻮﺍﺋﻦ ﮐﺮﻧﮯ ﮐﮯ ﻓﯿﺼﻠﮯ ﺳﮯ ﺍﻣﺎﻣﮧ ﺧﻮﺵ ﻧﮩﯿﮟ ﺗﮭﯽ ﺍﺳﮑﺎ ﺍﻋﺘﺮﺍﺽ ﻭﮨﯽ ﺗﮭﺎ ﺍﻭﺭ ﻭﮨﯽ ﺗﮭﺎ۔۔۔ﺗﻢ ﺑﯿﺸﮏ ﻭﺭﻟﮉ ﺑﻨﮏ ﮐﮯ ﭘﺮﺍﺟﯿﮑﭩﺲ ﺳﮯ ﻣﻨﺴﻠﮏ ﮨﻮﺭﮨﮯ ﮨﻮ ﻟﯿﮑﻦ ﻭﮦ ﮐﺮﺗﺎ ﺗﻮ ﺳﻮﺩ ﮐﺎ ﮐﺎﺭﻭﺑﺎﺭ ﮨﯽ ﮨﮯ ﻧﺎ۔ﭼﮭﻮﭨﮯ ﺑﻨﮏ ﺍﻓﺮﺍﺩ ﮐﺎ ﺍﺳﺘﻌﻤﺎﻝ ﮐﺮﺗﺎ ﮨﮯ ﺍﻭﺭ ﻭﺭﻟﮉ ﺑﻨﮏ ﻗﻮﻣﻮﮞ ﮐﺎ۔۔۔ﻣﺠﮭﮯ ﺑﺘﺎﺅ ﻓﺮﻕ ﮐﯿﺎ ﮨﻮﺍ۔۔۔ﺁﺳﺎﻥ ﻗﺮﺿﮧ۔۔۔ﺳﺴﺘﺎ ﻗﺮﺿﮧ۔۔۔ﻟﻮﻧﮓ ﭨﺮﻡ ﻗﺮﺿﮧ۔۔۔ﺷﺎﺭﭦ ﭨﺮﻡ ﻗﺮﺿﮧ۔۔۔ﺁﺳﺎﻥ ﺷﺮﺍﺋﻂ ﻗﺮﺿﮧ۔۔۔ﮐﻮﺉ ﺍﯾﺴﺎ ﻗﺮﺿﮧ ﮨﮯ ﻭﺭﻟﮉ ﺑﻨﮏ ﮐﯿﺴﺎﺗﮫ ﺟﺲ ﭘﺮ ﻭﮦ ﺳﻮﺩ ﻧﮧ ﻟﯿﺘﺎ ﮨﻮ۔۔۔۔۔۔۔ﺍﺱ ﻧﮯ ﺳﺎﻻﺭ ﮐﮯ ﺳﺎﺗﮫ ﺑﺤﺚ ﮐﯽ ﺗﮭﯽ۔۔۔
ﺍﮔﺮ ﮨﻢ ﺍﺳﯽ ﻃﺮﺡ ﺍﯾﮏ ﺍﯾﮏ ﭼﯿﺰ ﻣﯿﮟ ﻣﯿﺦ ﻧﮑﺎﻟﺘﮯ ﺭﮨﯿﮟ ﮔﮯ ﺗﻮ ﭘﮭﺮ ﺍﺱ ﻣﻌﺎﺷﺮﮮ ﺍﻭﺭ ﺍﺱ ﺳﺴﭩﻢ ﻣﯿﮟ ﺗﻮ ﮐﮩﯿﮟ ﺑﮭﯽ ﮐﺎﻡ ﻧﮩﯿﮟ ﮐﺮ ﺳﮑﯿﮟ ﮔﮯ ﮐﯿﻮﻧﮑﮧ ﯾﮧ ﺗﻮ ﭘﻮﺭﺍ ﻣﻌﺎﺷﺮﮦ ﺳﻮﺩ ﭘﺮ ﮐﮭﮍﺍ ﮨﮯ ﺍﻭﺭ ﻭﮦ ﮨﻤﺎﺭﮮ ﻟﯿﮯ ﺍﭘﻨﮯ ﺳﺴﭩﻢ ﮐﻮ ﻧﮩﯿﮟ ﺑﺪﻟﯿﮟ ﮔﮯ۔۔ ﺍﺱ ﻧﮯ ﺍﻣﺎﻣﮧ ﮐﻮ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯽ۔۔۔ﭘﮭﺮ ﺗﻮ ﮨﻤﯿﮟ ﺣﻼﻝ ﮐﮭﺎﻧﮯ ﮐﯽ ﮐﻮﺷﺶ ﺑﮭﯽ ﺗﺮﮎ ﮐﺮﻧﯽ ﭼﺎﮨﯿﺌﮯ ۔۔ﭘﮭﺮ ﺗﻢ ﺳﭙﺮ ﺳﭩﻮﺭ ﻣﯿﮟ ﮈﺑﻮﮞ ﭘﺮ ﺍﻥ ﮐﮯ ﺍﺟﺰﺍﺀ ﮐﯿﻮﮞ ﭼﯿﮏ ﮐﺮﺗﮯ ﺭﮨﺘﮯ ﮨﻮ ۔۔ﺑﺲ ﯾﮧ ﺳﻤﺠﮫ ﮐﺮ ﮐﮭﺎ ﻟﯿﻨﺎ ﯾﮧ ﺳﺐ ﮐﭽﮫ ﮐﮧ ﯾﮧ ﮨﻤﺎﺭﺍ ﻧﮩﯿﮟ ﺍﻧﮑﺎ ﻣﻌﺎﺷﺮﮦ ﮨﮯ ﺍﻭﺭ ﺍﭘﻨﮯ ﺳﭙﺮ ﺳﭩﻮﺭ ﻣﯿﮟ ﻭﮦ ﭼﯿﺰﯾﮟ ﺭﮐﮭﯿﮟ ﮔﮯ ﺟﻮ ﺍﻧﮩﯿﮟ ﭘﺴﻨﺪ ﮨﻮ۔۔۔۔
ﺍﻣﺎﻣﮧ ﻧﮯ ﺍﺳﮯ ﻻﺟﻮﺍﺏ ﮐﺮﺩﯾﺎ ﺗﮭﺎ۔۔ﻭﮦ ﺑﺤﺚ ﺟﺎﺭﯼ ﺭﮐﮭﻨﮯ ﮐﯽ ﺑﺠﺎﺋﮯ ﻭﮨﺎﮞ ﺳﮯ ﺍﭨﮫ ﮔﯿﺎ ﺗﮭﺎ۔۔۔ﻟﯿﮑﻦ ﺍﻣﺎﻣﮧ ﮐﯽ ﻧﺎﺭﺍﺿﮕﯽ ﮐﮯ ﺑﺎﻭﺟﻮﺩ ﺍﺱ ﻧﮯ ﻭﺭﻟﮉ ﺑﻨﮏ ﺟﻮﺍﺋﻦ ﮐﺮﻟﯿﺎ ۔ﺍﻭﺭ ﺍﻣﺎﻣﮧ ﮐﻮ ﺍﺱ ﻧﮯ ﺍﭘﻨﺎ ﺍﯾﮕﺮﯾﻤﻨﭧ ﺍﻭﺭ ﺟﺎﺏ ﭘﺮﻭﻓﺎﺋﻞ ﮐﮯ ﮐﺎﻏﺬﺍﺕ ﺯﺑﺮﺩﺳﺘﯽ ﭘﮍﮪ ﭘﮍﮪ ﮐﺮ ﺳﻨﺎﺋﮯ ۔۔ﺍﺱ ﻧﮯ ﺳﺐ ﮐﭽﮫ ﺳﻨﻨﮯ ﮐﮯ ﺑﻌﺪ ﺍﺱ ﭘﯿﭙﺮﺯ ﮐﻮ ﻭﺍﭘﺲ ﻟﻔﺎﻓﮯ ﻣﯿﮟ ﮈﺍﻝ ﮐﺮ ﺍﺳﮯ ﺩﯾﺘﮯ ﮨﻮﺋﮯ ﮐﮩﺎ۔۔
ﺗﻢ ﺳﻮﺩ ﮐﮯ ﭘﯿﺴﮯ ﺳﮯ ﺍﻧﺴﺎﻧﯿﺖ ﮐﯽ ﺧﺪﻣﺖ ﺍﻭﺭ ﺑﮩﺘﺮﯼ ﮐﮯ ﺧﻮﺍﺏ ﺩﯾﮑﮫ ﺭﮨﮯ ﮨﻮ ﺍﻭﺭ ﺗﻤﮩﯿﮟ ﻟﮕﺘﺎ ﮨﮯ ﺍﺱ ﻣﯿﮟ ﻓﻼﺡ ﮨﮯ۔۔۔۔۔ﻧﮩﯿﮟ ﮨﮯ۔۔۔۔۔ﺳﻮﺩ ﮐﺎ ﺛﻤﺮ ﺍﻧﺴﺎﻧﻮﮞ ﮐﯽ ﺯﻧﺪﮔﯽ ﺑﺪﻝ ﺳﮑﺘﺎ ﮨﮯ ﻣﮕﺮ ﺗﺒﺎﮨﯽ ﻣﯿﮟ۔۔۔۔ﺑﮩﺘﺮﯼ ﻣﯿﮟ ﻧﮩﯿﮟ۔۔۔۔ﺍﺱ ﮐﯽ ﯾﮧ ﺑﺮﻣﻼ ﺗﻨﻘﯿﺪ ﺳﺎﻻﺭ ﮐﻮ ﺧﻔﺎ ﺑﮭﯽ ﮐﺮﺗﯽ ﺗﮭﯽ ﺍﻭﺭ ﮐﻤﺰﻭﺭ ﺑﮭﯽ۔۔ﺍﺱ ﺩﻥ ﺍﻣﺎﻣﮧ ﮐﻮ ﻓﻮﻥ ﮐﺮﺗﮯ ﮨﻮﺋﮯ ﺍﺳﮯ ﺍﺣﺴﺎﺱ ﺗﮭﺎ ﮐﮧ ﻭﮦ ﺍﺱ ﺳﮯ ﮐﯿﺎ ﺳﻨﻨﮯ ﺟﺎﺭﮨﺎ ﮨﮯ ﻟﯿﮑﻦ ﺧﻼﻑ ﺗﻮﻗﻊ ﺍﺱ ﻧﮯ ﺍﺱ ﻧﺌﮯ ﻋﮩﺪﮮ ﮐﮯ ﺣﻮﺍﻟﮯ ﺳﮯ ﮐﻮﺋﯽ ﺑﺎﺕ ﻧﮩﯿﮟ ﮐﯽ۔۔ﻭﮦ ﺍﺱ ﺳﮯ ﺟﺒﺮﯾﻞ، ﻋﻨﺎﯾﮧ ﺍﻭﺭ ﺣﻤﯿﻦ ﮐﯽ ﺑﺎﺗﯿﮟ ﮐﺮﺗﯽ ﺭﮨﯽ۔۔۔ﯾﮩﺎﮞ ﺗﮏ ﮐﮧ ﺳﺎﻻﺭ ﮐﺎ ﺍﺣﺴﺎﺱ ﺟﺮﻡ ﺣﺪ ﺳﮯ ﮔﺰﺭ ﮔﯿﺎ۔ﻭﮦ ﺟﯿﺴﮯ ﭼﺎﮨﺘﺎ ﺗﮭﺎ ﮐﮧ ﻭﮦ ﺍﺳﮯ ﻣﻼﻣﺖ ﮐﺮﮮ۔۔ﮐﻮﺉ ﺗﻮ ﻣﺒﺎﺭﮐﺒﺎﺩ ﺩﯾﻨﮯ ﮐﯽ ﺑﺠﺎﺋﮯ ﺍﺳﮑﮯ ﺿﻤﯿﺮ ﮐﻮ ﮐﭽﻮﮐﮯ ﻟﮕﺎﺋﮯ۔۔۔۔۔
ﺗﻤﮩﯿﮟ ﭘﺘﺎ ﮨﮯ ﻭﺭﻟﮉ ﺑﻨﮏ ﻧﮯ ﻣﺠﮭﮯ ﻭﺍﺋﺲ ﭘﺮﯾﺰﯾﮉﻧﭧ۔۔۔۔۔۔۔
ﺍﻣﺎﻣﮧ ﻧﮯ ﺍﺳﮑﻮ ﺑﺎﺕ ﻣﮑﻤﻞ ﻧﮩﯿﮟ ﮐﺮﻧﮯ ﺩﯼ۔۔ﮨﺎﮞ۔۔۔ﯾﮏ ﺣﺮﻓﯽ ﺟﻮﺍﺏ ﺁﯾﺎ۔۔
ﺗﻮ؟؟ ﺳﺎﻻﺭ ﮐﻮ ﺗﺴﻠﯽ ﻧﮩﯿﮟ ﮨﻮﺉ۔۔
ﺗﻮ ﮐﯿﺎ؟؟ ﺍﻣﺎﻣﮧ ﻧﮯ ﻣﺪﮬﻢ ﺁﻭﺍﺯ ﻣﯿﮟ ﭘﻮﭼﮭﺎ۔۔
ﺗﻮ ﺗﻢ ﮐﭽﮫ ﻧﮩﯿﮟ ﮐﮩﻮ ﮔﯽ؟ ﺍﺱ ﻧﮯ ﺟﺎﻥ ﺑﻮﺟﮫ ﮐﺮ ﯾﮧ ﻧﮩﯿﮟ ﮐﮩﺎ ﺗﮭﺎ ﮐﮧ ﺗﻤﮩﺎﺭﺍ ﮐﯿﺎ ﺧﯿﺎﻝ ﮨﮯ۔۔۔
ﯾﺲ۔۔۔ﺍﯾﮏ ﺍﻭﺭ ﯾﮏ ﺣﺮﻓﯽ ﺟﻮﺍﺏ ﺁﯾﺎ۔۔۔۔
ﮐﯿﻮﮞ؟؟ ﻭﮦ ﺑﮯ ﻗﺮﺍﺭ ﮨﻮﺍ۔۔
ﺗﻢ ﮨﺮ ﻓﯿﺼﻠﮧ ﺍﭘﻨﯽ ﻣﺮﺿﯽ ﺳﮯ ﮐﺮﺗﮯ ﮨﻮ ۔۔۔ﭘﮭﺮ ﺭﺍﺋﮯ ﺩﯾﻨﮯ ﮐﺎ ﻓﺎﺋﺪﮦ۔۔۔
ﺳﺎﻻﺭ ﺍﯾﮏ ﻟﻤﺤﮧ ﮐﮯ ﻟﯿﮯ ﺧﺎﻣﻮﺵ ﮨﻮﺍ ﭘﮭﺮ ﺍﺱ ﻧﮯ ﻣﺪﮨﻢ ﺁﻭﺍﺯ ﻣﯿﮟ ﮐﮩﺎ۔۔
ﻣﯿﮟ ﻧﮯ ﺍﺑﮭﯽ ﺁﻓﺮ ﻗﺒﻮﻝ ﻧﮩﯿﮟ ﮐﯽ۔۔۔۔۔
ﮐﺮ ﻟﻮ ﮔﮯ۔۔ﻣﯿﮟ ﺟﺎﻧﺘﯽ ﮨﻮﮞ۔۔۔ﺟﻮﺍﺏ ﻧﮯ ﺍﺳﮯ ﮨﻨﺴﺎﯾﺎ۔
ﺍﺱ ﻣﯿﮟ ﮨﻨﺴﻨﮯ ﻭﺍﻟﯽ ﺗﻮ ﮐﻮﺋﯽ ﺑﺎﺕ ﻧﮩﯿﮟ ﺗﮭﯽ ۔۔ﺍﻣﺎﻣﮧ ﻧﮯ ﮐﮩﺎ۔۔۔
ﻣﯿﮟ ﺟﺐ ﺑﮭﯽ ﺗﻤﮩﺎﺭﯼ ﺑﺎﺕ ﻧﮩﯿﮟ ﻣﺎﻧﺘﺎ، ﻧﻘﺼﺎﻥ ﺍﭨﮭﺎﺗﺎ ﮨﻮﮞ۔۔۔ﺍﺱ ﺑﺎﺭ ﻭﮦ ﮨﻨﺲ ﭘﮍﯼ۔۔ ﺑﮍﯼ ﺧﻮﺷﯽ ﮨﻮﺉ ﯾﮧ ﺑﺎﺕ ﺳﻦ ﮐﺮ۔۔ﻟﯿﮑﻦ ﻣﯿﮟ ﯾﮧ ﺗﻮ ﻧﺎ ﺳﻤﺠﮭﻮﮞ ﻧﺎ ﮐﮧ ﺗﻢ ﺁﺋﻨﺪﮦ ﮨﻤﯿﺸﮧ ﻣﯿﺮﯼ ﺑﺎﺕ ﻣﺎﻧﺎ ﮐﺮﻭﮔﮯ۔۔ﺍﺱ ﻧﮯ ﺳﺎﻻﺭ ﭘﺮ ﭼﻮﭦ ﮐﯽ ﺗﮭﯽ۔
ﺑﺎﻟﮑﻞ۔۔۔۔ﺟﻮﺍﺏ ﺗﮍﺍﺥ ﺳﮯ ﺁﯾﺎ ﺗﮭﺎ۔۔۔
ﺍﺱ ﺑﺎﺭ ﺩﻭﻧﻮﮞ ﮨﻨﺲ ﭘﮍﮮ ﺗﮭﮯ۔۔۔ﭘﮭﺮ ﺳﺎﻻﺭ ﻧﮯ ﺍﯾﮏ ﮔﮩﺮﺍ ﺳﺎﻧﺲ ﻟﯿﺘﮯ ﮨﻮﺋﮯ ﮐﮩﺎ۔
ﯾﮩﯽ ﻭﮦ ﺑﺎﺕ ﺗﮭﯽ ﺟﻮ ﮐﺎﻧﮕﻮ ﺳﮯ ﺁﺗﮯ ﮨﻮﺋﮯ ﺗﻢ ﺳﮯ ﮐﮩﻨﺎ ﭼﺎﮨﺘﺎ ﺗﮭﺎ۔
ﺍﻣﺎﻣﮧ ﮐﻮ ﯾﺎﺩ ﺁﮔﯿﺎ ﺗﮭﺎ ﺍﺳﮯ ﺍﯾﮏ ﺍﻋﺘﺮﺍﻑ ﮐﺮﻧﺎ ﺗﮭﺎ ﻭﺍﭘﺲ ﺁﮐﺮ۔۔۔۔۔۔۔
ﺍﻭﮦ۔۔۔۔ﻣﯿﮟ ﻧﮯ ﺳﻮﭼﺎ ﭘﺘﺎ ﻧﮩﯿﮟ ﮐﯿﺎ ﮐﮩﻨﺎ ﭼﺎﮨﺘﮯ ﮨﻮ۔ﻭﮦ ﺩﮬﯿﺮﮮ ﺳﮯ ﮨﻨﺴﯽ ﺍﻭﺭ ﮐﮩﺎ۔ﺍﯾﺴﺎ ﮐﯿﺎ ﮨﻮﺍ ﺟﻮ ﺗﻢ ﯾﮧ ﺑﺎﺕ ﮐﺮ ﺭﮨﮯ ﮨﻮ ﻣﺠﮫ ﺳﮯ ﯾﺎ ﺗﺐ ﮐﮩﻨﺎ ﭼﺎﮦ ﺭﮨﮯ ﺗﮭﮯ۔۔۔۔
ﺳﺎﻻﺭ ﮐﯽ ﺳﻤﺠﮫ ﻣﯿﮟ ﺍﺳﮑﺎ ﺟﻮﺍﺏ ﻧﮩﯿﮟ ﺁﯾﺎ۔۔۔
ﺗﻢ ﻣﺠﮫ ﺳﮯ ﺷﯿﺌﺮ ﻧﮩﯿﮟ ﮐﺮﻧﺎ ﭼﺎﮨﺘﮯ۔۔ﺍﻣﺎﻣﮧ ﻧﮯ ﺍﺳﮑﯽ ﺧﺎﻣﻮﺷﯽ ﮐﻮ ﺍﯾﮏ ﭘﮩﯿﻠﯽ ﮐﯽ ﻃﺮﺡ ﺑﻮﺟﮭﺎ۔
ﺍﺑﮭﯽ ﻧﮩﯿﮟ۔۔۔ﺍﺱ ﻧﮯ ﺟﻮﺍﺏ ﺩﯾﺎ۔۔
ﯾﮩﺎﮞ ﮐﺐ ﺁﺅ ﮔﮯ؟ ﺍﻣﺎﻣﮧ ﻧﮯ ﺑﺎﺕ ﺑﺪﻝ ﺩﯼ ﺗﮭﯽ۔
ﺍﺑﮭﯽ ﻓﻼﺋﭩﺲ ﺑﻨﺪ ﮨﯿﮟ ﮐﻨﺸﺎﺳﺎ ﮐﮯ ﻟﯿﮯ ۔۔ﻟﯿﮑﻦ ﺗﻢ ﺗﻮ ﭘﺮﯾﺸﺎﻥ ﻧﮩﯿﮟ ﮨﻮ ﻧﺎ؟؟ ﺳﺎﻻﺭ ﻧﮯ ﭘﻮﭼﮭﺎ۔۔۔
ﺍﺏ ﻧﮩﯿﮟ ﮨﻮﮞ ﺍﻭﺭ ﺗﻢ ﺑﮭﯽ ﭘﺮﯾﺸﺎﻥ ﻣﺖ ﮨﻮﻧﺎ۔۔ﻣﺠﮭﮯ ﺍﻭﺭ ﺣﻤﯿﻦ ﮐﻮ ﻋﻼﺝ ﮐﯽ ﺗﻤﺎﻡ ﺳﮩﻮﻟﯿﺎﺕ ﻣﻞ ﺭﮨﯽ ﮨﯿﮟ۔ﺍﻣﺎﻣﮧ ﻧﮯ ﺍﺱ ﮐﮯ ﻟﮩﺠﮯ ﻣﯿﮟ ﻧﻤﻮﺩﺍﺭ ﮨﻮﺗﯽ ﺗﺸﻮﯾﺶ ﮐﻮ ﻣﺤﺴﻮﺱ ﮐﺮﺗﮯ ﮨﻮﺋﮯ ﮐﮩﺎ۔۔۔ﺳﺎﻻﺭ ﻧﮯ ﻣﻄﻤﺌﻦ ﮨﻮﮐﺮ ﮐﭽﮫ ﺩﯾﺮ ﺟﺒﺮﯾﻞ ﺍﻭﺭ ﻋﻨﺎﯾﮧ ﺳﮯ ﺑﺎﺕ ﭼﯿﺖ ﮐﯽ ﺍﻭﺭ ﺍﺳﮑﮯ ﺑﻌﺪ ﮐﺎﻝ ﺧﺘﻢ ﮐﺮ ﮐﮯ ﻭﮦ ﺍﺱ ﻟﯿﭗ ﭨﺎﭖ ﺍﻭﺭ ﮐﺎﻏﺬﺍﺕ ﮐﯽ ﻃﺮﻑ ﻣﺘﻮﺟﮧ ﮨﻮﺍ ﺟﻮ ﺍﺑﮭﯽ ﮐﭽﮫ ﺩﯾﺮ ﭘﮩﻠﮯ ﺍﯾﮏ ﺳﺮ ﺑﮧ ﻣﮩﺮ ﺗﮭﯿﻠﮯ ﻣﯿﮟ ﺍﯾﮏ ﺷﺨﺺ ﺍﺳﮑﮯ ﮐﻤﺮﮮ ﻣﯿﮟ ﺩﮮ ﮔﯿﺎ ﺗﮭﺎ ﺳﺐ ﮐﭽﮫ ﺑﺎﻟﮑﻞ ﻣﺤﻔﻮﻅ ﺣﺎﻟﺖ ﻣﯿﮟ ﺗﮭﺎ۔ﮐﻮﺉ ﭼﯿﺰ ﮈﯾﻠﯿﭧ ﯾﺎ ﻏﺎﺋﺐ ﻧﮩﯿﮟ ﮨﻮﺉ ﺗﮭﯽ۔ﺍﺳﮑﮯ ﺑﺎﻭﺟﻮﺩ ﺳﺎﻻﺭ ﮐﻮ ﺍﻧﺒﺎﮐﺲ ﻣﯿﮟ ﺟﺎﺗﮯ ﮨﯽ ﺍﻧﺪﺍﺯﮦ ﮨﻮﮔﯿﺎ ﺗﮭﺎ ﮐﮧ ﮐﻮﺉ ﺍﺱ ﺳﮯ ﭘﮩﻠﮯ ﺑﮭﯽ ﻭﮨﺎﮞ ﺗﮭﺎ ﮐﯿﻮﻧﮑﮧ ﺍﻧﺒﺎﮐﺲ ﻣﯿﮟ ﻣﻮﺟﻮﺩ ﺳﺎﺕ ﮔﮭﻨﭩﮯ ﭘﮩﻠﮯ ﺗﮏ ﺁﻧﮯ ﻭﺍﻟﯽ ﮨﺮ ﺍﯼ ﻣﯿﻞ ﮐﮭﻮﻟﮯ ﺍﻭﺭ ﭘﮍﮬﮯ ﺟﺎﻧﮯ ﮐﯽ ﻧﺸﺎﻧﺪﮨﯽ ﮐﺮ ﺭﮨﯽ ﺗﮭﯽ۔۔ﺍﻧﺒﺎﮐﺲ ﻣﯿﮟ ﻣﻮﺟﻮﺩ ﺍﯼ ﻣﯿﻠﺰ ﭘﺮ ﺍﯾﮏ ﻃﺎﺋﺮﺍﻧﮧ ﻧﻈﺮ ﮈﺍﻟﺘﮯ ﮨﻮﺋﮯ ﺍﯾﮏ ﺍﯼ ﻣﯿﻞ ﭘﺮ ﺍﯾﮏ ﻟﻤﺤﮧ ﮐﮯ ﻟﯿﮯ ﺍﺳﮑﺎ ﺩﻝ ﺭﮐﺎ۔۔ﻭﮦ ﭘﯿﭩﺮﺱ ﺍﯾﺒﺎﮐﺎ ﮐﺎ ﺁﺧﺮﯼ ﭘﯿﻐﺎﻡ ﺗﮭﺎ۔۔
ﺗﻤﮩﯿﮟ ﭘﺘﺎ ﮨﮯ ﻣﯿﮟ ﺍﺱ ﻭﻗﺖ ﮐﮩﺎﮞ ﮐﮭﮍﺍ ﮨﻮﮞ۔۔۔ﭨﺎﺋﻢ ﻭﺍﺭﻧﺮ ﺳﯿﻨﭩﺮ۔۔۔ﺍﻭﺭ ﮐﺲ ﻟﯿﮯ؟؟ ۔۔۔ﻣﯿﮟ ﺍﺑﮭﯽ ﮐﭽﮫ ﺩﯾﺮ ﭘﮩﻠﮯ ﺍﯾﻨﮉﺭﺳﻦ ﮐﻮﻭﭘﺮ ﮐﯿﺴﺎﺗﮫ ﺗﮭﺎ ﺳﯽ ﺍﯾﻦ ﺍﯾﻦ ﺳﭩﻮﮈﯾﻮﺯ ﻣﯿﮟ۔ﺍﺱ ﮐﮯ ﺷﻮ ﻣﯿﮟ ﺷﺮﮐﺖ ﺳﮯ ﭘﮩﻠﮯ ﺍﺑﺘﺪﺍﺉ ﺑﺎﺕ ﭼﯿﺖ ﮐﮯ ﺳﯿﺸﻦ ﮐﮯ ﻟﯿﺌﮯ۔۔۔ ﻣﺠﮭﮯ ﭘﺘﺎ ﮨﮯ ﺍﺱ ﻭﻗﺖ ﺗﻢ ﮐﮩﻮ ﮔﮯ۔۔۔ﺍﻭﮦ ﻣﺎﺉ ﮔﺎﮈ۔ man you did it
ﺟﺲ ﭼﯿﺰ ﻧﮯ ﺍﺱ ﻭﻗﺖ ﺳﺎﻻﺭ ﮐﯽ ﺁﻧﮑﮭﻮﮞ ﮐﻮ ﺩﮬﻨﺪﻻﯾﺎ ﺗﮭﺎ ﻭﮦ ﻣﺴﮑﺮﺍﮨﭩﯿﮟ ﺗﮭﯽ ﺍﯾﺒﺎﮐﺎ ﮐﮯ ﺟﻤﻠﮯ ﮐﮯ ﺍﺧﺘﺘﺎﻡ ﭘﺮ۔۔ﺍﯾﻨﮉﺭﺳﻦ ﮐﻮﻭﭘﺮ ﺳﮯ ﻣﻠﻨﮯ ﮐﮯ ﺑﻌﺪ ﻣﯿﮟ ﻧﮯ ﺳﺐ ﺳﮯ ﭘﮩﻼ ﻣﯿﺴﺞ ﺗﻤﮩﯿﮟ ﮐﯿﺎ ﮨﮯ۔ ﮐﯿﻮﻧﮑﮧ ﻣﯿﮟ ﯾﮩﺎﮞ ﺗﮏ ﮐﺒﮭﯽ ﻧﮩﯿﮟ ﭘﮩﻨﭽﺘﺎ ﺍﮔﺮ ﻣﺠﮭﮯ ﺗﻤﮩﺎﺭﯼ ﺻﻮﺭﺕ ﻣﯿﮟ ﻭﺭﻟﮉ ﺑﻨﮏ ﮐﯽ ﺑﮯ ﺿﻤﯿﺮ ﺩﻧﯿﺎ ﻣﯿﮟ ﺿﻤﯿﺮ ﮐﯽ ﺟﮭﻠﮏ ﻧﮧ ﺩﮐﮭﺎﺉ ﺩﯾﺘﯽ۔ﻣﯿﮟ ﺍﻥ ﺩﯾﻮﻭﮞ ﮐﮯ ﺳﺎﻣﻨﮯ ﻭﺍﻗﻌﯽ ﺑﻮﻧﺎ ﺗﮭﺎ ﺟﻮ ﻣﯿﺮﮮ ﻣﻠﮏ ﮐﻮ ﻟﻮﭨﻨﺎ ﭼﺎﮨﺘﮯ ﺗﮭﮯ ﻟﯿﮑﻦ ﭘﮭﺮ ﻣﯿﮟ ﺗﻢ ﺳﮯ ﻣﻼ ﺍﻭﺭ ﻣﺠﮭﮯ ﻟﮕﺎ ﮐﮧ ﻣﺠﮭﮯ ﺍﺑﮭﯽ ﮨﺘﮭﯿﺎﺭ ﻧﮩﯿﮟ ﮈﺍﻟﻨﮯ ﭼﺎﮨﯿﺌﮯ۔۔ﻭﺍﺷﻨﮕﭩﻦ ﭘﮩﻨﭻ ﺟﺎﺅ ﺗﻮ ﻣﺠﮭﮯ ﺍﻧﻔﺎﺭﻡ ﮐﺮﻧﺎ ﮨﻢ ﺩﻭﻧﻮﮞ ﮐﻮ ﻣﻠﻨﺎ ﮨﮯ۔ﮐﺎﻓﯽ ﺩﻥ ﮨﻮﮔﺌﮯ ﺳﭩﺎﺭ ﺑﮑﺲ ﮐﯽ ﮐﺎﻓﯽ ﭘﯿﺌﮯ۔ ﺍﻭﺭ ﺍﺱ ﺩﻓﻌﮧ ﺑﻞ ﻣﯿﮟ ﭘﮯ ﮐﺮﻭﻧﮕﺎ۔ﺍﯼ ﻣﯿﻞ ﮐﺎ ﺍﺧﺘﺘﺎﻡ ﺍﯾﮏ ﺍﻭﺭ ﻣﺴﮑﺮﺍﮨﭧ ﺳﮯ ﮨﻮﺍ ﺗﮭﺎ۔ﺍﯾﮏ ﺁﻧﮑﮫ ﻣﺎﺭﺗﯽ ﺷﺮﺍﺭﺗﯽ ﻣﺴﮑﺮﺍﮨﭧ ﺳﮯ۔۔۔
ﮐﺎﻧﮕﻮ ﮐﯽ ﺗﺎﺭﯾﺦ ﮐﻮ ﺍﯾﺒﺎﮐﺎ ﻧﮯ ﺍﭘﻨﮯ ﺧﻮﻥ ﺳﮯ ﺑﺪﻻ ﺗﮭﺎ۔۔۔ﺳﺎﻻﺭ ﻧﮯ ﺍﯼ ﻣﯿﻞ ﺑﻨﺪ ﮐﺮﺩﯾﺎ۔۔۔
ﺍﺱ ﺭﺍﺕ ﻭﮦ ﻣﺼﻠﮯ ﭘﺮ ﺑﯿﭩﮭﺎ ﮔﮍﮔﮍﺍﺗﺎ ﺭﮨﺎ۔۔۔ﺍﻟﻠﮧ ﺳﮯ ﺁﺯﻣﺎﺋﺶ ﻣﯿﮟ ﺁﺳﺎﻧﯽ ﮐﯽ ﺑﮭﯿﮏ،،، ﺳﯿﺪﮬﮯ ﺭﺳﺘﮯ ﮐﯽ ﺑﮭﯿﮏ ﺟﺲ ﺳﮯ ﻭﮦ ﺑﮭﭩﮏ ﮔﯿﺎ ﺗﮭﺎ ﺍﻭﺭ ﺍﻥ ﻟﻮﮔﻮﮞ ﻣﯿﮟ ﺷﺎﻣﻞ ﻧﮧ ﮐﺮﻧﮯ ﮐﯽ ﺑﮭﯿﮏ ﺟﻦ ﭘﺮ ﺍﻟﻠﮧ ﮐﺎ ﻋﺬﺍﺏ ﺁﺗﺎ ﮨﮯ۔۔
ﻓﺠﺮ ﮐﮯ ﻭﻗﺖ ﺍﺳﮯ ﮈﺍﮐﭩﺮ ﺳﺒﻂ ﻋﻠﯽ ﮐﯽ ﺧﯿﺎﻝ ﺁﯾﺎ ﺗﮭﺎ۔ﺍﻭﺭ ﺧﯿﺎﻝ ﻧﮩﯿﮟ ﺁﯾﺎ ﺗﮭﺎ ﻭﮦ ﺟﯿﺴﮯ ﺩﯾﻮﺍﻧﮧ ﻭﺍﺭ ﺍﻧﮑﯽ ﻃﺮﻑ ﻟﭙﮑﺎ ﺗﮭﺎ۔۔۔ﻭﮦ ﺍﯾﻤﺮﺟﻨﺴﯽ ﻣﯿﮟ ﭨﮑﭧ ﺣﺎﺻﻞ ﮐﺮ ﮐﮯ ﺍﮔﻠﯽ ﺭﺍﺕ ﭘﺎﮐﺴﺘﺎﻥ ﺩﻭﮌﺍ ﭼﻼ ﺁﯾﺎ ﺗﮭﺎ۔ ﮈﺍﮐﭩﺮ ﺳﺒﻂ ﻋﻠﯽ ﺍﺱ ﺳﮯ ﮨﻤﯿﺸﮧ ﮐﯽ ﻃﺮﺡ ﮔﺮﻣﺠﻮﺷﯽ ﺳﮯ ﻣﻠﮯ ﺍﻭﺭ ﮐﭽﮫ ﺣﯿﺮﺍﻧﯽ ﺳﮯ۔۔ ﻭﮦ ﮐﺊ ﺳﺎﻟﻮﮞ ﺑﻌﺪ ﺍﭼﺎﻧﮏ ﺍﺱ ﻃﺮﺡ ﺍﻥ ﮐﮯ ﭘﺎﺱ ﺑﮭﺎﮔﺘﺎ ﮨﻮﺍ ﺁﯾﺎ ﺗﮭﺎ۔۔۔ﺍﻧﮩﻮﮞ ﻧﮯ ﺳﺎﻻﺭ ﺳﮯ ﺑﺎﺭﯼ ﺑﺎﺭﯼ ﺳﺐ ﮐﯽ ﺧﯿﺮﯾﺖ ﺩﺭﯾﺎﻓﺖ ﮐﯽ۔۔۔
ﺍﻣﺎﻣﮧ ﭨﮭﯿﮏ ﮨﮯ؟
ﺟﯽ۔۔۔۔
ﺟﺒﺮﯾﻞ ﮐﯿﺴﺎ ﮨﮯ؟
ﻭﮦ ﺑﮭﯽ ﭨﮭﯿﮏ ﮨﮯ۔
ﻋﻨﺎﯾﮧ؟؟
ﻭﮦ ﺑﮭﯽ۔۔
ﺍﻭﺭ ﺣﻤﯿﻦ؟؟
ﻭﮦ ﺑﮭﯽ۔۔۔ﻭﮦ ﺍﯾﮏ ﺍﯾﮏ ﮐﮯ ﺑﺎﺭﮮ ﻣﯿﮟ ﺑﺘﺎﺗﺎ ﮔﯿﺎ ﺍﻭﺭ ﮈﺍﮐﭩﺮ ﺳﺒﻂ ﻋﻠﯽ ﺍﻟﺤﻤﺪ ﻟﻠﮧ ﮐﮩﺘﮯ ﺭﮨﮯ۔ﭘﮭﺮ ﺍﻧﮩﻮﮞ ﻧﮯ ﭘﻮﭼﮭﺎ۔۔۔
ﺍﻭﺭ ﺗﻢ؟؟؟
ﻧﮩﯿﮟ۔۔۔ﻣﯿﮟ ﭨﮭﯿﮏ ﻧﮩﯿﮟ ﮨﻮﮞ۔۔ﺍﺱ ﺑﺎﺭ ﺳﺎﻻﺭ ﺑﭽﻮﮞ ﮐﯽ ﻃﺮﺡ ﺑﻠﮏ ﺑﻠﮏ ﮐﺮ ﺭﻭﻧﮯ ﻟﮕﺎ۔ ﻭﮦ ﺩﻡ ﺑﺨﻮﺩ ﺍﺳﮯ ﺩﯾﮑﮭﺘﮯ ﺭﮨﮯ۔۔ﻭﮦ ﭘﮩﻠﯽ ﺑﺎﺭ ﺍﯾﺴﮯ ﭨﻮﭦ ﮐﺮ ﺭﻭﯾﺎ ﺗﮭﺎ۔۔۔۔
ﻣﺠﮫ ﺳﮯ ﺍﯾﮏ ﮔﻨﺎﮦ ﮨﻮ ﮔﯿﺎ ﮨﮯ ﮈﺍﮐﭩﺮ ﺻﺎﺣﺐ۔ﺍﺱ ﻧﮯ ﺭﻭﺗﮯ ﮨﻮﺋﮯ ﺍﭘﻨﺎ ﭼﮩﺮﮦ ﺭﮔﮍﺗﮯ ﮨﻮﺋﮯ ﮐﮩﺎ۔۔۔
ﻣﺠﮭﮯ ﻣﺖ ﺑﺘﺎﻧﺎ۔۔ﺳﺎﻻﺭ ﻧﮯ ﺣﯿﺮﺍﻥ ﮨﻮﮐﺮ ﺍﻧﮑﺎ ﭼﮩﺮﮦ ﺩﯾﮑﮭﺎ۔۔
ﺁﭖ ﮐﻮ ﺑﺘﺎﻧﮯ ﮐﮯ ﻟﯿﮯ ﮨﯽ ﯾﮩﺎﮞ ﺁﯾﺎ ﮨﻮﮞ۔۔۔
ﻣﯿﮟ ﺗﻤﮩﺎﺭﺍ ﮔﻨﺎﮦ ﺟﺎﻥ ﮐﺮ ﮐﯿﺎ ﮐﺮﻭﮞ ﮔﺎ۔۔ﺍﺏ ﺭﻭﮎ ﻧﮩﯿﮟ ﺳﮑﺘﺎ ﺗﻤﮩﯿﮟ۔۔۔ﭘﭽﮭﺘﺎﻭﺍ ﺩﯾﮑﮫ ﭼﮑﺎ ﮨﻮﮞ۔ﺑﮩﺘﺮ ﮨﮯ ﺍﭘﻨﮯ ﺍﻭﺭ ﺍﻟﻠﮧ ﮐﮯ ﺩﺭﻣﯿﺎﻥ ﺭﮐﮭﻮ ﺍﺳﮯ۔۔۔ﺟﻮ ﭘﺮﺩﮦ ﮨﮯ ﺍﺳﮯ ﭘﮍﺍ ﺭﮨﻨﮯ ﺩﻭ ۔ﺍﻟﻠﮧ ﻏﻔﻮﺭ ﺍﻟﺮﺣﯿﻢ ﮨﮯ۔۔ﺍﻧﮩﻮﮞ ﻧﮯ ﮨﻤﯿﺸﮧ ﮐﯽ ﻃﺮﺡ ﺗﺤﻤﻞ ﺳﮯ ﺍﻧﮩﯿﮟ ﺳﻤﺠﮭﺎﯾﺎ ﺗﮭﺎ۔۔
ﻣﯿﮟ ﺑﺘﺎﺅﮞ ﮔﺎ ﻧﮩﯿﮟ ﺗﻮ ﻣﯿﮞﺮﯼ ﮔﻤﺮﺍﮨﯽ ﺧﺘﻢ ﻧﮩﯿﮟ ﮨﻮﻧﮕﯽ۔ﺁﭘﮑﻮ ﺍﻧﺪﺍﺯﮦ ﻧﮩﯿﮟ ﻣﯿﮟ ﮐﺘﻨﯽ ﺗﺎﺭﯾﮑﯽ ﻣﯿﮟ ﮐﮭﮍﺍ ﮨﻮﮞ۔۔ﻣﺠﮭﮯ ﺍﺱ ﺗﺎﺭﯾﮑﯽ ﺳﮯ ﺧﻮﻑ ﺁﻧﮯ ﻟﮕﺎ ﮨﮯ۔۔۔ﻣﯿﮟ ﻧﮯ ﺳﻮﺩ ﻭﺍﻻ ﺭﺯﻕ ﭼﻦ ﮐﺮ ﺍﻟﻠﮧ ﮐﯽ ﺣﺪ ﺗﻮﮌ ﺩﯼ ﮨﮯ۔ﺍﻭﺭ ﻣﺠﮭﮯ ﺍﯾﮏ ﮐﮯ ﺑﻌﺪ ﺍﯾﮏ ﭘﺮﯾﺸﺎﻧﯽ ﺁﺭﮨﯽ ﮨﮯ۔ﻣﯿﺮﯼ ﺳﻤﺠﮫ ﻣﯿﮟ ﻧﮩﯿﮟ ﺁﺭﮨﺎ ﻣﯿﮟ ﮐﯿﺎ ﮐﺮﻭﮞ۔۔۔۔۔۔۔۔۔۔
ﺗﻮﺑﮧ ﮐﺮﻟﻮ ﺍﻭﺭ ﻭﮦ ﺭﺯﻕ ﭼﮭﻮﮌ ﺩﻭ۔۔۔ﺍﻧﮩﻮﮞ ﻧﮯ ﺑﻼ ﺗﻮﻗﻒ ﺑﮍﯼ ﺳﮩﻮﻟﺖ ﺳﮯ ﮐﮩﺎ۔
ﺗﻮﺑﮧ ﺁﺳﺎﻥ ﮨﮯ ﻣﮕﺮ ﺩﻟﺪﻝ ﺳﮯ ﻧﮑﻠﻨﺎ ﺁﺳﺎﻥ ﻧﮩﯿﮟ ﻣﯿﺮﮮ ﻟﯿﺌﮯ۔۔۔
ﺍﻧﮩﻮﮞ ﻧﮯ ﺳﺎﻻﺭ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﮐﮩﺎ۔۔ﺁﺳﺎﻥ ﺗﻮ ﺩﻧﯿﺎ ﻣﯿﮟ ﮐﭽﮫ ﺑﮭﯽ ﻧﮩﯿﮟ ﮨﻮﺗﺎ ﻟﯿﮑﻦ ﻣﻤﮑﻦ ﺑﻨﺎ ﻟﯿﺎ ﺟﺎﺗﺎ ﮨﮯ۔۔۔۔
ﻣﯿﮟ ﺳﯿﻨﺘﯿﺲ ﺳﺎﻝ ﮐﺎ ﮨﻮﮞ ﺍﭘﻨﯽ ﻋﻤﺮ ﮐﮯ ﺩﺱ ﺳﺎﻝ ﻣﯿﮟ ﻧﮯ ﺩﻧﯿﺎ ﮐﮯ ﺑﮩﺘﺮﯾﻦ ﻣﺎﻟﯿﺎﺗﯽ ﺍﺩﺍﺭﻭﮞ ﻣﯿﮟ ﮐﺎﻡ ﮐﯿﺎ ﺳﺎﺭﺍ ﺭﺯﻕ ﺳﻮﺩ ﺳﮯ ﮐﻤﺎﯾﺎ۔
ﺣﻤﯿﻦ ﺑﮩﺖ ﺧﻮﺵ ﻗﺴﻤﺖ ﺛﺎﺑﺖ ﮨﻮﺍ ﮨﮯ ﺗﻤﮩﺎﺭﮮ ﻟﯿﮯ۔ﺳﮑﻨﺪﺭ ﻋﺜﻤﺎﻥ ﻧﮯ ﻓﻮﻥ ﭘﺮ ﻣﺒﺎﺭﮐﺒﺎﺩ ﺩﯾﺘﮯ ﮨﻮﺋﮯ ﮐﮩﺎ۔ ﻭﮦ ﮔﮩﺮﯼ ﺳﺎﻧﺲ ﻟﮯ ﮐﺮ ﺭﮦ ﮔﯿﺎ۔
ﻭﮦ ﭨﮭﯿﮏ ﮨﮯ ﻧﺎ؟
ﮨﺎﮞ، ﻭﮦ ﺑﺎﻟﮑﻞ ﭨﮭﯿﮏ ﮨﮯ۔ ﺳﭩﯿﺒﻞ ﮨﮯ۔ ﺳﺎﻻﺭ ﻧﮯ ﺍﻧﮩﯿﮟ ﺑﺘﺎﯾﺎ۔ ﺗﺐ ﺳﮑﻨﺪﺭ ﮐﻮ ﺳﮑﻮﻝ ﮐﺎ ﮐﻮﺋﯽ ﭼﻮﮐﯿﺪﺍﺭ ﯾﺎﺩ ﺁﯾﺎ ﺗﮭﺎ۔ ﺟﻮ ﺍﻥ ﺳﮯ ﮐﭽﮫ ﺭﻗﻢ ﺍﺩﮬﺎﺭ ﻟﯿﻨﮯ ﺁﯾﺎ ﺗﮭﺎ۔ ﮐﮩﮧ ﺭﮨﺎ ﺗﮭﺎ ﮐﮧ ﺳﻮﺩ ﭘﺮ ﮐﻮﺋﯽ ﺭﻗﻢ ﻟﯽ ﺗﮭﯽ ﺍﺱ ﮐﮯ ﻣﺎﮞ ﺑﺎﭖ ﻧﮯ، ﺍﺱ ﮐﯽ ﺑﮩﻨﻮﮞ ﮐﯽ ﺷﺎﺩﯼ ﮐﮯ ﻟﯿﮯ۔ ﺍﻭﺭ ﻭﮦ ﺍﺑﮭﯽ ﺗﮏ ﺳﻮﺩ ﺍﺗﺎﺭ ﺭﮨﺎ ﮨﮯ۔ ﺍﺏ ﺷﺎﯾﺪ ﮐﻮﺋﯽ ﺍﻭﺭ ﻣﺴﺌﻠﮧ ﺁﻥ ﭘﮍﺍ ﮨﮯ ﺍﻧﮩﯿﮟ۔
ﺳﮑﻨﺪﺭ ﻋﺜﻤﺎﻥ ﺳﺎﻻﺭ ﮐﻮ ﺑﺘﺎ ﺭﮨﮯ ﺗﮭﮯ ﺍﻭﺭ ﺳﺎﻻﺭ ﮐﻮ ﻟﮕﺎ ﮐﺴﯽ ﻧﮯ ﺍﺱ ﮐﮯ ﮔﻠﮯ ﮐﯽ ﺭﺳﯽ ﻣﯿﮟ ﺍﯾﮏ ﮔﺮﮦ ﺍﻭﺭ ﮈﺍﻝ ﺩﯼ ﺗﮭﯽ۔ ﺑﻌﺾ ﺩﻓﻌﮧ ﺟﺐ ﺍﻟﻠﮧ ﮐﻮﺋﯽ ﭼﯿﺰ ﻣﻨﮧ ﭘﺮ ﻣﺎﺭ ﮐﺮ ﺗﻨﺒﯿﮩﮧ ﮐﺮﻧﺎ ﭼﺎﮨﺘﺎ ﮨﮯ ﺗﻮ ﭘﮭﺮ ﮨﺮ ﺟﮕﮧ ﺳﮯ ﻭﮨﯽ ﺑﺎﺕ ﺑﺎﺭ ﺑﺎﺭ ﮔﺸﺖ ﮐﺮﺗﯽ ﮨﻮﺋﯽ ﺁﺗﯽ ﮨﮯ۔
ﺍﺱ ﮐﮯ ﭘﯽ ﺍﯾﭻ ﮈﯼ ﮐﮯ ﻟﯿﮯ ﺍﻣﺮﯾﮑﮧ ﺟﺎﻧﮯ ﮐﮯ ﺑﻌﺪ ﺳﮑﻨﺪﺭ ﻋﺜﻤﺎﻥ ﮨﯽ ﮔﺎﺅﮞ ﮐﮯ ﺍﺳﮑﻮﻝ ﮐﻮ ﺩﯾﮑﮭﺘﮯ ﺭﮨﮯ ﺗﮭﮯ۔ ﮨﻔﺘﮯ ﻣﯿﮟ ﺍﯾﮏ ﺑﺎﺭ ﻭﮨﺎﮞ ﺟﺎﺗﮯ ﺍﻭﺭ ﺍﺳﮑﻮﻝ ﮐﯽ ﺍﻧﺘﻈﺎﻣﯿﮧ ﺍﻭﺭ ﻣﻼﺯﻣﯿﻦ ﮐﮯ ﻣﻌﺎﻣﻼﺕ ﺩﯾﮑﮭﺘﮯ۔
ﺁﭖ ﺍﺱ ﮐﯽ ﻣﺪﺩ ﮐﺮﯾﮟ، ﺍﺱ ﮐﺎ ﻗﺮﺿﮧ ﺍﺗﺎﺭ ﺩﯾﮟ۔ ﺳﺎﻻﺭ ﻧﮯ ﺍﻥ ﺳﮯ ﮐﮩﺎ۔
ﮨﺎﮞ۔ ﺗﺎﮐﮧ ﻭﮨﺎﮞ ﻻﺋﻦ ﻟﮓ ﺟﺎﺋﮯ ﻗﺮﺽ ﻣﺎﻧﮕﻨﮯ ﻭﺍﻟﻮﮞ ﮐﯽ۔ﮨﻤﯿﮟ ﮐﯿﺎ ﭘﺘﺎ ﻭﮦ ﺳﭻ ﺑﻮﻝ ﺭﮨﺎ ﯾﺎ ﺟﮭﻮﭦ۔ ﯾﮩﺎﮞ ﮔﺎﺅﮞ، ﺩﯾﮩﺎﺕ ﻣﯿﮟ ﺳﺘﺮ ﻓﯿﺼﺪ ﻟﻮﮒ ﺳﻮﺩ ﭘﺮ ﺍﯾﮏ ﺩﻭﺳﺮﮮ ﺳﮯ ﻗﺮﺽ ﻟﯿﺘﮯ ﺑﮭﯽ ﮨﯿﮟ ﺍﻭﺭ ﺩﯾﺘﮯ ﺑﮭﯽ۔ﯾﮧ ﺍﻥ ﮐﯽ ﺯﻧﺪﮔﯽ ﺍﻭﺭ ﮐﺎﺭﻭﺑﺎﺭ ﮐﺎ ﺳﺎﺋﯿﮑﻞ ﮨﮯ۔ ﺗﻢ ﯾﺎ ﻣﯿﮟ ﺍﺳﮯ ﺭﻭﮎ ﺳﮑﺘﮯ ﮨﯿﮟ ﻧﮧ ﺑﺪﻝ ﺳﮑﺘﮯ ﮨﯿﮟ۔ ﺳﺎﻻﺭ ﯾﮧ ﺑﺎﺕ ﺳﻦ ﮐﺮ ﺩﻧﮓ ﺭﮦ ﮔﯿﺎ ﺗﮭﺎ ﮐﮧ ﻭﮦ ﻭﺑﺎ ﮐﮩﺎﮞ ﮐﮩﺎﮞ ﺗﮏ ﻧﺎﺳﻮﺭ ﮐﯽ ﻃﺮﺡ ﭘﮭﯿﻠﯽ ﮨﻮﺋﯽ ﮨﮯ۔
ﺍﺳﯽ ﺭﺍﺕ ﺍﭘﻨﮯ ﮨﻮﭨﻞ ﻣﯿﮟ ﻭﺭﻟﮉ ﺑﻨﮏ ﮐﮯ ﮐﭽﮫ ﺳﺎﺗﮭﯿﻮﮞ ﺳﮯ ﺍﺱ ﮐﯽ ﻣﻼﻗﺎﺕ ﺗﮭﯽ۔ ﺍﻧﮩﯿﮟ ﮐﺎﻧﮕﻮ ﮐﮯ ﻟﯿﮯ ﺍﭘﻨﺎ ﻻﺋﺤﮧ ﻋﻤﻞ ﮈﺳﮑﺲ ﮐﺮﻧﺎ ﺗﮭﺎ۔ ﮔﭗ ﺷﭗ ﮐﮯ ﺑﻌﺪ ﻭﮦ ﺍﺱ ﮨﻮﭨﻞ ﮐﮯ ﻧﺎﺋﭧ ﮐﻠﺐ ﻣﯿﮟ ﺍﻥ ﺳﺐ ﮐﮯ ﺍﺻﺮﺍﺭ ﭘﺮ ﺍﯾﮏ ﺍﺳﭙﯿﻨﯽ ﮔﻠﻮﮐﺎﺭﮦ ﮐﻮ ﺳﻨﻨﮯ ﮐﮯ ﻟﯿﮯ ﮔﯿﺎ ﺗﮭﺎ ﺍﻭﺭ ﻭﮨﺎﮞ ﺟﯿﮑﯽ ﺍﺱ ﺳﮯ ﺁ ﭨﮑﺮﺍﺋﯽ ﺗﮭﯽ۔ ﺍﯾﺴﯽ ﺟﮕﮧ ﭘﺮ ﺍﺗﻨﯽ ﭘﺮﮐﺸﺶ ﻋﻮﺭﺕ ﮐﺎ ﺍﺱ ﭘﺮ ﯾﻮﮞ ﻓﺪﺍ ﮨﻮﻧﺎ ﺍﻭﺭ ﺍﺱ ﮐﮯ ﺳﺎﺗﮭﯿﻮﮞ ﮐﺎ ﺍﺱ ﮐﮯ ﺍﻃﺮﺍﻑ ﺳﮯ ﺍﯾﮏ ﺩﻡ، ﺍﯾﮏ ﺍﯾﮏ ﮐﺮ ﮐﮯ ﻏﺎﺋﺐ ﮨﻮﻧﺎ، ﺳﺎﻻﺭ ﻧﻈﺮﺍﻧﺪﺍﺯ ﻧﮩﯿﮟ ﮐﺮ ﺳﮑﺎ۔ ﺍﺳﮯ ﮨﻨﺴﯽ ﺁﺋﯽ ﺗﮭﯽ۔
ﻣﻐﺮﺏ ﮐﻮ ﮨﺮ ﻓﺮﺳﭩﺮﯾﺸﻦ ﮐﺎ ﻋﻼﺝ ﺍﻟﮑﺤﻞ ﺍﻭﺭ ﻋﻮﺭﺕ ﮐﯽ ﺷﮑﻞ ﻣﯿﮟ ﮐﯿﻮﮞ ﺳﻮﺟﮭﺘﺎ ﮨﮯ؟ ﺍﻥ ﮐﯽ ﮨﺮ ﺗﺮﻏﯿﺐ ﮐﯽ ﺍﺑﺘﺪﺍ ﺍﻭﺭ ﺍﻧﺘﮩﺎ ﻋﻮﺭﺕ ﮨﯽ ﮐﯿﻮﮞ ﮨﻮﺗﯽ ﮨﮯ؟ ﺍﻭﺭ ﺳﯽ ﺁﺋﯽ ﺍﮮ ﮐﻮ ﺁﺧﺮ ﺟﻠﺪﯼ ﮐﺲ ﺑﺎﺕ ﮐﯽ ﺗﮭﯽ؟ ﺍﺱ ﮐﻮ ﭨﺮﯾﭗ ﮐﺮﻧﺎ ﺗﮭﺎ ﺗﻮ ﺍﺗﻨﺎ ﮔﮭﺴﺎ ﭘﭩﺎ ﻣﻨﺼﻮﺑﮧ ﺗﻮ ﻧﮩﯿﮟ ﺑﻨﺎﺗﮯ۔ﻣﺴﺘﻘﺒﻞ ﻣﯿﮟ ﺍﺱ ﮐﻮ ﺍﺳﺘﻌﻤﺎﻝ ﮐﺮﻧﮯ ﮐﮯ ﻟﯿﮯ ﮐﻮﺋﯽ ﮐﻤﺰﻭﺭﯼ ﭼﺎﮨﯿﮯ ﺗﮭﯽ ﺗﻮ ﮐﭽﮫ ﺍﻧﺘﻈﺎﺭ ﺗﻮ ﮐﺮﺗﮯ۔
ﻭﮦ ﻭﮨﺎﮞ ﺳﮯ ﺍﭨﮫ ﺁﯾﺎ ﺗﮭﺎ ﺍﻭﺭ ﺍﺏ ﻭﮦ ﺍﺱ ﺟﮩﺎﺯ ﭘﺮ ﺗﮭﺎ۔ﺍﺱ ﺳﻔﺮ ﻣﯿﮟ ﺍﺱ ﻧﮯ ﯾﮧ ﻃﮯ ﮐﯿﺎ ﺗﮭﺎ ﮐﮧ ﻭﮦ ﺍﭘﻨﯽ ﻧﻮﮐﺮﯼ ﺳﮯ ﮐﻤﺎﺋﮯ ﺟﺎﻧﮯ ﻭﺍﻟﮯ ﭘﯿﺴﻮﮞ ﺳﮯ ﺍﭘﻨﮯ ﺧﺎﻧﺪﺍﻥ ﮐﯽ ﮐﻔﺎﻟﺖ ﻧﮩﯿﮟ ﮐﺮﮮ ﮔﺎ۔ ﺍﺱ ﮐﮯ ﻟﯿﮯ ﮐﺴﯽ ﺑﮭﯽ ﺫﺭﯾﻌﮯ ﺳﮯ ﺍﻥ ﮐﯽ ﮐﻔﺎﻟﺖ ﮐﻮﺋﯽ ﻣﺴﺌﻠﮧ ﻧﮩﯿﮟ ﺗﮭﺎ۔ﻭﮦ ﺑﮩﺖ ﺳﯽ ﺍﻣﺮﯾﮑﻦ ﯾﻮﻧﯿﻮﺭﺳﭩﯿﺰ ﻣﯿﮟ ﻟﯿﮑﭽﺮﺯ ﮐﮯ ﻟﯿﮯ ﻣﺪﻋﻮ ﮨﻮﺗﺎ ﺭﮨﺎ ﺗﮭﺎ۔ ﺍﻭﺭ ﺍﺱ ﮐﮯ ﻟﯿﮯ ﺍﺳﮯ ﻣﻌﺎﻭﺿﮧ ﺑﮭﯽ ﺩﯾﺎ ﺟﺎﺗﺎ ﺭﮨﺎ ﺗﮭﺎ۔

ﺍﺳﮯ ﺍﺏ ﻭﺭﻟﮉ ﺑﻨﮏ ﮐﯽ ﻧﺎﺋﺐ ﺻﺪﺍﺭﺕ ﺻﺮﻑ ﺩﻭ ﭼﯿﺰﻭﮞ ﮐﮯ ﻟﯿﮯ ﺩﺭﮐﺎﺭ ﺗﮭﯽ۔ ﻭﮦ ﻗﺮﺽ ﺳﺮ ﺳﮯ ﺍﺗﺎﺭ ﺩﯾﺘﺎ ﺟﻮ ﺍﯾﺒﺎﮐﺎ ﻧﮯ ﺍﺱ ﮐﮯ ﻟﯿﮯ ﭼﮭﻮﮌﺍ ﺗﮭﺎ ﺍﻭﺭ ﻭﮦ ﮐﭽﮫ ﻣﮩﻠﺖ ﺣﺎﺻﻞ ﮐﺮ ﻟﯿﺘﺎ، ﺳﻮﺩ ﺳﮯ ﭘﺎﮎ ﭘﮩﻠﮯ ﺑﯿﻦ ﺍﻻﻗﻮﺍﻣﯽ ﻣﺎﻟﯿﺎﺗﯽ ﺍﺩﺍﺭﮮ ﮐﯽ ﺗﺸﮑﯿﻞ ﮐﮯ ﻟﯿﮯ۔ ﻣﻘﺼﺪ ﺑﮍﺍ ﺗﮭﺎ۔ﻭﺳﺎﺋﻞ ﺑﮭﯽ ﺍﺗﻨﮯ ﮨﯽ ﺩﺭﮐﺎﺭ ﺗﮭﮯ۔ ﺩﻝ ﮐﮩﺘﺎ ﺗﮭﺎ ﯾﮧ ﺑﮯ ﻭﻗﻮﻓﯽ ﮨﮯ ﺍﻭﺭ ﺿﻤﯿﺮ ﮐﮩﺘﺎ ﺗﮭﺎ ﮐﮧ ﺭﺍﺳﺘﮧ ﮨﮯ ﺗﻮ ﯾﮩﯽ ﮨﮯ۔

ﺍﺳﮯ ﺍﺏ ﻭﺭﻟﮉ ﺑﻨﮏ ﮐﯽ ﻧﺎﺋﺐ ﺻﺪﺍﺭﺕ ﺻﺮﻑ ﺩﻭ ﭼﯿﺰﻭﮞ ﮐﮯ ﻟﯿﮯ ﺩﺭﮐﺎﺭ ﺗﮭﯽ۔ ﻭﮦ ﻗﺮﺽ ﺳﺮ ﺳﮯ ﺍﺗﺎﺭ ﺩﯾﺘﺎ ﺟﻮ ﺍﯾﺒﺎﮐﺎ ﻧﮯ ﺍﺱ ﮐﮯ ﻟﯿﮯ ﭼﮭﻮﮌﺍ ﺗﮭﺎ ﺍﻭﺭ ﻭﮦ ﮐﭽﮫ ﻣﮩﻠﺖ ﺣﺎﺻﻞ ﮐﺮ ﻟﯿﺘﺎ، ﺳﻮﺩ ﺳﮯ ﭘﺎﮎ ﭘﮩﻠﮯ ﺑﯿﻦ ﺍﻻﻗﻮﺍﻣﯽ ﻣﺎﻟﯿﺎﺗﯽ ﺍﺩﺍﺭﮮ ﮐﯽ ﺗﺸﮑﯿﻞ ﮐﮯ ﻟﯿﮯ۔ ﻣﻘﺼﺪ ﺑﮍﺍ ﺗﮭﺎ۔ﻭﺳﺎﺋﻞ ﺑﮭﯽ ﺍﺗﻨﮯ ﮨﯽ ﺩﺭﮐﺎﺭ ﺗﮭﮯ۔ ﺩﻝ ﮐﮩﺘﺎ ﺗﮭﺎ ﯾﮧ ﺑﮯ ﻭﻗﻮﻓﯽ ﮨﮯ ﺍﻭﺭ ﺿﻤﯿﺮ ﮐﮩﺘﺎ ﺗﮭﺎ ﮐﮧ ﺭﺍﺳﺘﮧ ﮨﮯ ﺗﻮ ﯾﮩﯽ ﮨﮯ۔

ﺍﺱ ﮐﺎ ﮨﺎﺗﮫ ﭘﮑﮍﮮ ﺍﺏ ﻭﮦ ﺍﺳﮯ ﮐﺴﯽ ﺭﺍﺳﺘﮯ ﭘﺮ ﻟﮯ ﺟﺎﻧﮯ ﻟﮕﺎ ﺗﮭﺎ۔ ﻭﮦ ﺍﯾﮏ ﺟﮭﯿﻞ ﺗﮭﯽ، ﮨﻠﮑﯽ ﻧﯿﻠﯽ ﺭﻧﮕﺖ ﮐﮯ ﺷﻔﺎﻑ ﭘﺎﻧﯽ ﮐﯽ ﺍﯾﮏ ﺟﮭﯿﻞ۔ ﺟﺲ ﮐﮯ ﭘﺎﻧﯽ ﻣﯿﮟ ﺭﻧﮓ ﺑﺮﻧﮕﯽ ﻣﭽﮭﻠﯿﺎﮞ ﺗﯿﺮﺗﯽ ﮨﻮﺋﯽ ﻭﮦ ﺩﯾﮑﮫ ﺳﮑﺘﯽ ﺗﮭﯽ۔
ﺍﻭﺭ ﺍﺱ ﮐﯽ ﺗﮩﮧ ﻣﯿﮟ ﺑﮯ ﺷﻤﺎﺭ ﺭﻧﮕﻮﮞ ﮐﮯ ﻣﻮﺗﯽ ﺍﻭﺭ ﺳﯿﭙﯿﺎﮞ۔۔۔۔۔۔۔ ﺟﮭﯿﻞ ﮐﮯ ﭼﺎﺭﻭﮞ ﺍﻃﺮﺍﻑ ﭘﺮ ﭘﮭﻮﻝ ﺗﮭﮯ۔ﺍﺱ ﮐﮯ ﻗﺪﻣﻮﮞ ﮐﻮ ﺭﻭﮐﻨﮯ ﻭﺍﻟﯽ ﺷﮯ ﺟﮭﯿﻞ ﮐﮯ ﮐﻨﺎﺭﮮ ﭘﺮ ﻣﻮﺟﻮﺩ ﻟﮑﮍﯼ ﮐﯽ ﻭﮦ ﺧﻮﺑﺼﻮﺭﺕ ﮐﺸﺘﯽ ﺗﮭﯽ۔
ﯾﮧ ﻣﯿﺮﯼ ﮨﮯ۔ ﻭﮦ ﺍﺱ ﺳﮯ ﮨﺎﺗﮫ ﭼﮭﮍﺍ ﮐﺮ ﺑﭽﻮﮞ ﮐﯽ ﻃﺮﺡ ﺑﮭﺎﮔﺘﯽ ﮨﻮﺋﯽ ﮐﺸﺘﯽ ﮐﯽ ﻃﺮﻑ ﮔﺌﯽ۔ ﻭﮦ ﺍﺱ ﮐﮯ ﭘﯿﭽﮭﮯ ﻟﭙﮑﺎ۔ ﻭﮦ ﺩﻭﻧﻮﮞ ﮐﺸﺘﯽ ﻣﯿﮟ ﺑﯿﭩﮫ ﮔﺌﮯ۔ ﮨﻮﺍ ﮐﺎ ﺍﯾﮏ ﺗﯿﺰ ﺟﮭﻮﻧﮑﺎ ﮐﺸﺘﯽ ﮐﻮ ﭘﺎﻧﯽ ﻣﯿﮟ ﻟﮯ ﮔﯿﺎ۔ ﺩﻭﻧﻮﮞ ﺑﮯ ﺍﺧﺘﯿﺎﺭ ﮨﻨﺴﮯ ﺗﮭﮯ۔ ﭘﺎﻧﯽ ﭘﺮ ﺗﯿﺮﺗﺎ ﺍﯾﮏ ﮨﻨﺲ ﺍﺱ ﮐﯽ ﻃﺮﻑ ﺁ ﮔﯿﺎ ﺗﮭﺎ۔ﭘﮭﺮ ﺩﻭﺳﺮﺍ۔۔۔۔۔۔۔ ﭘﮭﺮ ﺗﯿﺴﺮﺍ۔۔۔۔۔۔۔ ﻭﮦ ﮐﺸﺘﯽ ﮐﮯ ﮔﺮﺩ ﺍﺏ ﺩﺍﺋﺮﮦ ﺑﻨﺎ ﮐﺮ ﺗﯿﺮ ﺭﮨﮯ ﺗﮭﮯ۔ ﻭﮦ ﭘﺎﺱ ﺳﮯ ﮔﺰﺭﺗﮯ ﮨﺮ ﮨﻨﺲ ﮐﻮ ﭼﮭﻮﺗﯽ ﮐﮭﻠﮑﮭﻼ ﺭﮨﯽ ﺗﮭﯽ۔
ﺍﻣﺎﻣﮧ ﮨﮍﺑﮍﺍ ﮐﺮ ﺍﭨﮭﯽ ﺗﮭﯽ ﻧﯿﻨﺪ ﺳﮯ۔ ﺍﺱ ﻧﮯ ﺍﭘﻨﯽ ﮐﻼﺋﯽ ﭘﺮ ﮐﺴﯽ ﮐﺎ ﻟﻤﺲ ﻣﺤﺴﻮﺱ ﮐﯿﺎ ﺗﮭﺎ۔ ﺳﺎﻻﺭ ﺍﺱ ﮐﮯ ﻗﺮﯾﺐ ﮐﺮﺳﯽ ﭘﺮ ﺑﯿﭩﮭﺎ ﮨﻮﺍ ﺗﮭﺎ۔ ﻭﮦ ﺧﻮﺍﺏ ﺁﻭﺭ ﺩﻭﺍﺅﮞ ﮐﮯ ﺯﯾﺮ ﺍﺛﺮ ﮨﻮﺗﮯ ﮨﻮﺋﮯ ﺑﮭﯽ ﺍﯾﮏ ﺩﻡ ﺍﭘﻨﺎ ﮨﺎﺗﮫ ﺍﺱ ﮐﮯ ﮨﺎﺗﮭﻮﮞ ﺳﮯ ﮐﮭﯿﻨﭽﺘﯽ ﮨﻮﺋﯽ ﮐﮩﻨﯿﻮﮞ ﮐﮯ ﺑﻞ ﺍﭨﮫ ﮐﺮ ﺑﯿﭩﮭﻨﮯ ﻟﮕﯽ ﺗﮭﯽ ﺳﺎﻻﺭ ﻧﮯ ﺍﺳﮯ ﺭﻭﮐﺎ۔
ﺍﭨﮭﻮ ﻣﺖ !
ﺗﻢ ﻭﺍﻗﻌﯽ ﺁﮔﺌﮯ ﮨﻮ؟ ﺍﺳﮯ ﺍﺏ ﺑﮭﯽ ﺟﯿﺴﮯ ﯾﻘﯿﻦ ﻧﮩﯿﮟ ﺁﯾﺎ ﺗﮭﺎ۔
ﻭﮦ ﺩﮬﯿﺮﮮ ﺳﮯ ﮨﻨﺴﺎ۔ ﺗﻤﮩﯿﮟ ﺑﺘﺎﯾﺎ ﺗﻮ ﺗﮭﺎ ﮐﮧ ﺁﺟﺎﺅﮞ ﮔﺎ۔
ﯾﮧ ﺗﻮ ﻧﮩﯿﮟ ﺑﺘﺎﯾﺎ ﺗﮭﺎ ﮐﮧ ﮐﺐ ﺁﺅ ﮔﮯ؟ ﺍﻭﺭ ﺗﻢ ﻧﮯ ﻣﺠﮭﮯ ﺟﮕﺎﯾﺎ ﮐﯿﻮﮞ ﻧﮩﯿﮟ؟
ﺑﺲ، ﻣﯿﮟ ﻧﮯ ﺳﻮﭼﺎ ﺗﻤﮩﺎﺭﯼ ﻧﯿﻨﺪ ﺧﺮﺍﺏ ﮨﻮ ﮔﯽ۔ ﻭﮦ ﻣﺪﮬﻢ ﺁﻭﺍﺯ ﻣﯿﮟ ﺑﺎﺕ ﮐﺮ ﺭﮨﺎ ﺗﮭﺎ۔ ﺩﻭﺳﺮﮮ ﺑﺴﺘﺮ ﭘﺮ ﺟﺒﺮﯾﻞ ﺍﻭﺭ ﻋﻨﺎﯾﮧ ﮔﮩﺮﯼ ﻧﯿﻨﺪ ﺳﻮ ﺭﮨﮯ ﺗﮭﮯ۔
ﺗﻤﮩﯿﮟ ﮐﯿﺎ ﮨﻮﺍ ﮨﮯ؟ ﺍﻣﺎﻣﮧ ﻧﮯ ﺳﺎﻻﺭ ﮐﮯ ﭼﮩﺮﮮ ﮐﻮ ﭘﮩﻠﯽ ﺑﺎﺭ ﻏﻮﺭ ﺳﮯ ﺩﯾﮑﮭﺎ۔ﺍﺱ ﮐﯽ ﺁﻧﮑﮭﻮﮞ ﮐﮯ ﮔﺮﺩ ﮔﮩﺮﮮ ﺳﯿﺎﮦ ﺣﻠﻘﮯ ﺍﻭﺭ ﺁﻧﮑﮭﯿﮟ ﺳﺮﺥ ﺍﻭﺭ ﯾﻮﮞ ﺳﻮﺟﮭﯽ ﮨﻮﺋﯽ ﺗﮭﯽ ﺟﯿﺴﮯ ﮐﺌﯽ ﺭﺍﺗﻮﮞ ﺳﮯ ﻧﮩﯿﮟ ﺳﻮﯾﺎ ﮨﻮ۔
ﮐﭽﮫ ﻧﮩﯿﮟ۔ ﺑﺲ ﺍﺗﻨﮯ ﺩﻥ ﮔﮭﺮ ﺳﮯ ﺩﻭﺭ ﺭﮨﺎ، ﺷﺎﯾﺪ ﺍﺱ ﻟﯿﮯ ﭘﮭﺮ۔۔۔۔۔۔۔۔۔
ﺳﺎﻻﺭ ﻧﮯ ﺍﺱ ﺳﮯ ﺁﻧﮑﮭﯿﮟ ﻣﻼﺋﮯ ﺑﻐﯿﺮ ﮐﮩﺎ۔ﺍﻣﺎﻣﮧ ﻧﮯ ﺍﺱ ﮐﯽ ﺑﺎﺕ ﮐﺎﭦ ﺩﯼ۔ ﺍﺳﮯ ﯾﮏ ﺩﻡ ﺍﭘﻨﺎ ﺧﻮﺍﺏ ﯾﺎﺩ ﺁ ﮔﯿﺎ۔
ﺳﺎﻻﺭ ﺗﻤﮩﯿﮟ ﭘﺘﺎ ﮨﮯ، ﺍﺑﮭﯽ ﻣﯿﮟ ﮐﯿﺎ ﺧﻮﺍﺏ ﺩﯾﮑﮫ ﺭﮨﯽ ﺗﮭﯽ؟ ﺳﺎﻻﺭ ﻧﮯ ﭼﻮﻧﮏ ﮐﺮ ﺍﺳﮯ ﺩﯾﮑﮭﺎ۔
ﮐﯿﺎ؟
ﻣﯿﮟ ﻧﮯ ﺧﻮﺍﺏ ﻣﯿﮟ ﺍﯾﮏ ﮔﮭﺮ ﺩﯾﮑﮭﺎ، ﺟﮭﯿﻞ ﮐﻨﺎﺭﮮ۔ ﺟﮩﺎﮞ ﺗﻢ ﻣﺠﮭﮯ ﻟﮯ ﮐﺮ ﺟﺎ ﺭﮨﮯ ﺗﮭﮯ، ﺍﯾﮏ ﮐﺸﺘﯽ ﻣﯿﮟ ﺑﭩﮭﺎ ﮐﺮ۔
ﻭﮦ ﺩﻡ ﺑﺨﻮﺩ ﺭﮦ ﮔﯿﺎ ﺗﮭﺎ۔ ﺟﻮ ﮔﮭﺮ ﺍﺱ ﻧﮯ ﺍﻣﺮﯾﮑﮧ ﻣﯿﮟ ﺍﺱ ﮐﮯ ﻟﯿﮯ mortgage ﮐﯿﺎ ﺗﮭﺎ، ﻭﮦ ﺳﻤﻨﺪﺭ ﮐﮯ ﺍﯾﮏ ﺟﮭﯿﻞ ﻧﻤﺎ ﭨﮑﮍﮮ ﮐﮯ ﮐﻨﺎﺭﮮ ﺗﮭﺎ۔ ﺍﺱ ﻧﮯ ﺍﺑﮭﯽ ﺍﻣﺎﻣﮧ ﮐﻮ ﺑﺘﺎﯾﺎ ﻧﮩﯿﮟ ﺗﮭﺎ۔ ﻭﮦ ﺍﺳﮯ ﺳﺮﭘﺮﺍﺋﺰ ﺩﯾﻨﺎ ﭼﺎﮨﺘﺎ ﺗﮭﺎ ﺍﺱ ﮐﯽ ﺍﮔﻠﯽ ﺳﺎﻟﮕﺮﮦ ﭘﺮ۔
ﺟﺲ ﺟﮭﯿﻞ ﮐﮯ ﮐﻨﺎﺭﮮ ﻭﮦ ﮔﮭﺮ ﺗﮭﺎ، ﻭﮦ ﺑﮯ ﭘﻨﺎﮦ ﺧﻮﺑﺼﻮﺭﺕ ﺗﮭﯽ۔ ﺳﻔﯿﺪ ﮐﻨﻮﻝ ﮐﮯ ﭘﮭﻮﻟﻮﮞ ﺳﮯ ﺑﮭﺮﯼ ﮨﻮﺋﯽ، ﻧﯿﻠﮯ ﭘﺎﻧﯽ ﮐﯽ ﺟﮭﯿﻞ۔ﺟﺲ ﻣﯿﮟ ﮨﺮ ﻃﺮﻑ ﺭﺍﺝ ﮨﻨﺲ ﺗﯿﺮ ﺭﮨﮯ ﺗﮭﮯ۔ ﺍﻭﺭ ﭘﺎﻧﯽ ﻣﯿﮟ ﺭﻧﮓ ﺑﺮﻧﮕﯽ ﻣﭽﮭﻠﯿﺎﮞ۔
ﻭﮦ ﺑﻮﻝ ﻧﮩﯿﮟ ﭘﺎ ﺭﮨﺎ ﺗﮭﺎ۔ ﺟﺲ ﺟﮭﯿﻞ ﮐﻨﺎﺭﮮ ﺍﺱ ﻧﮯ ﻭﮦ ﮔﮭﺮ ﺧﺮﯾﺪﺍ ﺗﮭﺎ ﻭﮦ ﺑﮭﯽ ﮐﭽﮫ ﺍﯾﺴﯽ ﮨﯽ ﺗﮭﯽ۔ ﺍﯾﮏ ﻟﻤﺤﮧ ﮐﮯ ﻟﯿﮯ ﺍﺱ ﻧﮯ ﺳﻮﭼﺎ ﺷﺎﯾﺪ ﺍﻣﺎﻣﮧ ﮐﻮ ﺍﺱ ﮔﮭﺮ ﮐﺎ ﭘﺘﺎ ﻟﮓ ﮔﯿﺎ ﮨﮯ، ﺷﺎﯾﺪ ﺍﺱ ﻧﮯ ﻟﯿﭗ ﭨﺎﭖ ﻣﯿﮟ ﺍﺱ ﮔﮭﺮ ﮐﯽ ﺗﺼﻮﯾﺮ ﺩﯾﮑﮫ ﻟﯽ ﺗﮭﯽ ﺍﻭﺭ ﺍﺏ ﺟﺎﻥ ﺑﻮﺟﮫ ﮐﺮ ﺍﺳﮯ ﭼﮭﯿﮍﻧﮯ ﮐﯽ ﮐﻮﺷﺶ ﮐﺮ ﺭﮨﯽ ﮨﮯ۔
ﻟﯿﮑﻦ ﺍﯾﺴﺎ ﺗﮭﺎ ﺗﻮ ﺍﺱ ﻧﮯ ﻟﯿﭗ ﭨﺎﭖ ﮐﺐ ﺩﯾﮑﮭﺎ ﺗﮭﺎ؟ ﭘﭽﮭﻠﮯ ﮐﺌﯽ ﺩﻧﻮﮞ ﻣﯿﮟ ﺗﻮ ﯾﮧ ﻧﮩﯿﮟ ﮨﻮ ﺳﮑﺘﺎ۔ ﮐﯿﻮﻧﮑﮧ ﺍﺱ ﮐﺎ ﻟﯿﭗ ﭨﺎﭖ ﺍﺱ ﮐﮯ ﭘﺎﺱ ﺗﮭﺎ۔
ﺍﻭﺭ ﮔﮭﺮ ﮐﯿﺴﺎ ﺗﮭﺎ؟ ﻭﮦ ﮐﺮﯾﺪﮮ ﺑﻐﯿﺮ ﻧﮧ ﺭﮦ ﺳﮑﺎ۔
ﺷﯿﺸﮯ ﮐﺎ۔
ﺳﺎﻻﺭ ﮐﮯ ﺭﻭﻧﮕﭩﮯ ﮐﮭﮍﮮ ﮨﻮﻧﮯ ﻟﮕﮯ۔ ﻭﮦ ﮔﮭﺮ ﺑﮭﯽ ﺷﯿﺸﮯ ﮐﺎ ﺗﮭﺎ۔
ﺍﺱ ﻃﺮﺡ ﮐﯿﻮﮞ ﺩﯾﮑﮫ ﺭﮨﮯ ﮨﻮ؟ ﺍﻣﺎﻣﮧ ﮐﻮ ﺍﺱ ﮐﯽ ﻧﻈﺮﯾﮟ ﻋﺠﯿﺐ ﺳﯽ ﻟﮕﯽ۔
ﺍﺱ ﻧﮯ ﺍﻣﺎﻣﮧ ﺳﮯ ﻧﻈﺮﯾﮟ ﮨﭩﺎ ﻟﯽ۔ ﻭﮦ ﺍﺳﮯ ﯾﮧ ﻧﮩﯿﮟ ﺑﺘﺎ ﺳﮑﺎ ﮐﮧ ﮐﻨﺸﺎﺳﺎ ﺁﻧﮯ ﺳﮯ ﭘﮩﻠﮯ ﮈﺍﮐﭩﺮ ﺳﺒﻂ ﻋﻠﯽ ﺳﮯ ﻣﻞ ﮐﺮ ﻭﺍﺷﻨﮕﭩﻦ ﺁﻧﮯ ﮐﮯ ﺑﻌﺪ، ﺍﺱ ﮔﮭﺮ ﮐﯽ mortgage ﮐﯿﻨﺴﻞ ﮐﺮﻭﺍ ﭼﮑﺎ ﺗﮭﺎ۔ ﺍﻣﺎﻣﮧ ﮐﮯ ﺧﻮﺍﺑﻮﮞ ﮐﺎ ﮔﮭﺮ ﺍﺱ ﮐﮯ ﮨﺎﺗﮫ ﺳﮯ ﺟﺎ ﭼﮑﺎ ﺗﮭﺎ۔ ﺍﯾﮏ ﻟﻤﺤﮯ ﮐﮯ ﻟﯿﮯ ﺍﺳﮯ ﻋﺠﯿﺐ ﭘﭽﮭﺘﺎﻭﺍ ﮨﻮﺍ۔ ﺍﺳﮯ ﯾﮧ ﺑﮭﯽ ﺧﯿﺎﻝ ﺁﯾﺎ ﺗﮭﺎ ﮐﮧ ﻭﮦ ﺍﺱ ﮔﮭﺮ ﮐﻮ ﻭﺍﭘﺲ ﺣﺎﺻﻞ ﮐﺮ ﻟﮯ، ﻓﻮﺭﯼ ﻃﻮﺭ ﭘﺮ ﺍﻣﺮﯾﮑﮧ ﺑﺎﺕ ﮐﺮ ﮐﮯ۔ ﻭﮦ ﺍﺱ ﻭﻗﺖ ﺟﺲ ﭘﻮﺯﯾﺸﻦ ﻣﯿﮟ ﺗﮭﺎ ﻭﮦ ﯾﮧ ﮐﺮﺳﮑﺘﺎ ﺗﮭﺎ۔ ﻣﮕﺮ ﺩﻭﺳﺮﮮ ﮨﯽ ﻟﻤﺤﮯ ﺍﺱ ﻧﮯ ﺫﮨﻦ ﮐﻮ ﺟﮭﭩﮑﺎ ﺗﮭﺎ۔ﯾﮧ ﺻﺮﻑ ﺳﯽ ﺁﺋﯽ ﺍﮮ ﻧﮩﯿﮟ ﺗﮭﯽ ﺟﻮ ﺍﺱ ﮐﮯ ﻟﯿﮯ ﺟﺎﻝ ﺑﭽﮭﺎ ﺭﮨﯽ ﺗﮭﯽ۔ ﺷﯿﻄﺎﻥ ﺑﮭﯽ ﻭﮨﯽ ﺗﮭﺎ۔ ﺍﺱ ﮐﮯ ﺑﻨﺪﻭﮞ ﮐﻮ ﺍﭘﻨﮯ ﺑﻨﺪﻭﮞ ﻣﯿﮟ ﺑﺪﻟﻨﮯ ﮐﮯ ﻟﯿﮯ ﮐﻤﺮ ﺑﺴﺘﮧ۔ ﺟﺎﻝ ﺳﯽ ﺁﺋﯽ ﺍﮮ ﻧﮯ ﻋﻮﺭﺕ ﮐﺎ ﭘﮭﯿﻨﮑﺎ ﺗﮭﺎ ﺗﻮ ﺷﯿﻄﺎﻥ ﻧﮯ ﮔﮭﺮ ﮐﺎ۔ﺯﻥ، ﺯﺭ، ﺯﻣﯿﻦ۔ ﺍﻧﺴﺎﻥ ﺍﻧﮩﯿﮟ ﺗﯿﻦ ﭼﯿﺰﻭﮞ ﮐﯽ ﻭﺟﮧ ﺳﮯ ﺳﺮﺩﺍﺭ ﺑﻨﺘﺎ ﮨﮯ ﺍﻭﺭ ﺍﻧﮩﯿﮟ ﮐﯽ ﻭﺟﮧ ﺳﮯ ﺳﺮ ﺩﺍﺭ ﺗﮏ ﺟﺎﺗﮯ ﮨﯿﮟ۔ ﺳﺎﻻﺭ ﺳﯽ ﺁﺋﯽ ﺍﮮ ﮐﻮ ” ﺍﻋﻮﺫ ﺑﺎﻟﻠﮧ ﻣﻦ ﺍﻟﺸﯿﻄٰﻦ ﺍﻟﺮﺟﯿﻢ “ ﮐﮩﮧ ﮐﺮ ﺟﻮﺗﺎ ﻣﺎﺭ ﺁﯾﺎ ﺗﮭﺎ ﺗﻮ ﮐﯿﺴﮯ ﻣﻤﮑﻦ ﺗﮭﺎ ﺷﯿﻄﺎﻥ ﺧﻮﺩ ﺍﭨﮫ ﮐﺮ ﺳﺎﻣﻨﮯ ﻧﮧ ﮐﮭﮍﺍ ﮨﻮﺗﺎ۔ ﺍﻭﺭ ﺷﯿﻄﺎﻥ ﮐﮯ ﻣﻨﮧ ﭘﺮ ﺗﮭﻮﮎ ﮐﺮ ﺁﻧﮯ ﻭﺍﻻ ﺟﺲ ﮐﯽ ﭘﻨﺎﮦ ﺍﻭﺭ ﺣﻔﺎﻇﺖ ﮐﺎ ﺩﻋﻮﯼ ﮐﺮ ﮐﮯ ﻭﮦ ﺁﯾﺎ ﺗﮭﺎ ﯾﮧ ﮐﯿﺴﮯ ﻣﻤﮑﻦ ﺗﮭﺎ ﮐﮧ ﻭﮦ ﺭﺏ ﺍﭘﻨﮯ ﺑﻨﺪﮮ ﮐﯽ ﺣﻔﺎﻇﺖ ﮐﮯ ﻟﯿﮯ ﻭﮨﺎﮞ ﻧﮧ ﮨﻮﺗﺎ۔ﻭﮦ ﺣﺎﻓﻆ ﻗﺮﺁﻥ ﺗﮭﺎ۔ ﮔﻨﺎﮦ ﭘﺮ ﺍﺱ ﮐﮯ ﻟﯿﮯ ﺳﺰﺍ ﺯﯾﺎﺩﮦ ﺗﮭﯽ ﺗﻮ ﻧﯿﮑﯽ ﭘﺮ ﺍﺱ ﮐﮯ ﻟﯿﮯ ﺍﻧﻌﺎﻡ ﺑﮭﯽ ﺑﮯ ﭘﻨﺎﮦ۔۔۔۔۔
ﺣﻤﯿﻦ ﮐﯿﺴﺎ ﮨﮯ؟ ﻭﮦ ﺍﯾﮏ ﺩﻡ ﺑﺎﺕ ﮐﻮ ﻭﮨﯽ ﭼﮭﻮﮌ ﮐﺮ ﺣﻤﯿﻦ ﮐﮯ ﺍﻧﮑﻮﺑﯿﭩﺮ ﮐﯽ ﻃﺮﻑ ﺁﯾﺎ ﺗﮭﺎ۔ ﺷﯿﻄﺎﻥ ﻧﮯ ﺍﻓﺴﻮﺱ ﺳﮯ ﮨﺎﺗﮫ ﻣﻠﮯ۔ ﻭﮦ ﺑﺎﺕ ﭼﮭﻮﮌ ﮐﺮ ﮐﯿﺴﮯ ﺍﭨﮫ ﮐﮭﮍﺍ ﮨﻮﺍ۔ ﻭﮦ ﺟﺲ ﺑﺮﻕ ﺭﻓﺘﺎﺭﯼ ﺳﮯ ﺁﯾﺎ ﺗﮭﺎ ﺍﻭﺭ ﭘﻞ ﺑﮭﺮ ﻣﯿﮟ ﻏﺎﺋﺐ ﮨﻮﺍ، ﺑﺲ ﻭﺳﻮﺳﮧ ﺍﻭﺭ ﻭﮨﻢ ﮈﺍﻟﻨﺎ ﺗﮭﺎ، ﻭﮦ ﮈﺍﻝ ﮔﯿﺎ۔
ﺑﺎﻟﮑﻞ ﭨﮭﯿﮏ ﮨﮯ، ﺩﯾﮑﮭﻮ ! ﺳﻮ ﺭﮨﺎ ﮨﮯ۔ ﺍﻣﺎﻣﮧ ﻧﮯ ﻭﮨﯽ ﺗﮑﯿﮯ ﺳﮯ ﭨﯿﮏ ﻟﮕﺎﺋﮯ ﮐﮩﺎ۔
ﺳﺎﻻﺭ ﻧﮯ ﺍﻧﮑﻮﺑﯿﭩﺮ ﮐﻮ ﮐﮭﻮﻝ ﮐﺮ ﭘﮩﻠﯽ ﺑﺎﺭ ﺣﻤﯿﻦ ﺳﺎﻻﺭ ﮐﻮ ﮔﻮﺩ ﻣﯿﮟ ﻟﯿﺎ۔ ﺍﺳﮯ ﺟﮭﮑﮯ ﺟﮭﮑﮯ ﺳﯿﻨﮯ ﺳﮯ ﻟﮕﺎﯾﺎ ﺍﻭﺭ ﭼﻮﻣﺎ۔ ﻭﮦ ﮐﻤﺰﻭﺭ ﺑﭽﮧ، ﺑﺎﭖ ﮐﮯ ﻟﻤﺲ ﭘﺮ ﮐﺴﻤﺴﺎﯾﺎ ﭘﮭﺮ ﺍﺱ ﻧﮯ ﺁﻧﮑﮭﯿﮟ ﮐﮭﻮﻟﯽ۔ ﺳﯿﺎﮦ ﻣﻮﭨﯽ ﮔﻮﻝ ﺁﻧﮑﮭﯿﮟ۔ ﺍﺱ ﻧﮯ ﺑﺎﭖ ﮐﻮ ﺩﯾﮑﮭﺎ۔ ﭘﻠﮑﯿﮟ ﺟﮭﭙﮑﺎﺋﮯ ﺑﻐﯿﺮ ﻭﮦ ﺍﺳﮯ ﺩﯾﮑﮭﺘﺎ ﺭﮨﺎ۔ﺳﺎﻻﺭ ﺑﮭﯽ ﻣﺴﮑﺮﺍﺗﮯ ﮨﻮﺋﮯ ﺍﺳﮯ ﺩﯾﮑﮫ ﺭﮨﺎ ﺗﮭﺎ۔ ﭘﮭﺮ ﺍﺱ ﮐﮯ ﻣﺎﺗﮭﮯ ﭘﺮ ﭼﻨﺪ ﺑﻞ ﺁﺋﮯ ﺗﮭﮯ، ﻧﺎﮎ ﺍﻭﭘﺮ ﭼﮍﮬﯽ ﺍﻭﺭ ﭘﮭﺮ ﺣﻤﯿﻦ ﻧﮯ ﭘﻮﺭﯼ ﻗﻮﺕ ﺳﮯ ﮔﻼ ﭘﮭﺎﮌ ﮐﺮ ﺭﻭﻧﺎ ﺷﺮﻭﻉ ﮐﺮ ﺩﯾﺎ۔ ﺍﺱ ﮐﯽ ﺁﻭﺍﺯ ﺍﺗﻨﯽ ﺑﺎﺭﯾﮏ ﺍﻭﺭ ﺗﯿﺰ ﺗﮭﯽ ﮐﮧ ﭼﻨﺪ ﻟﻤﺤﻮﮞ ﮐﮯ ﻟﯿﮯ ﺳﺎﻻﺭ ﮨﮑﺎ ﺑﮑﺎ ﺭﮦ ﮔﯿﺎ۔ ﺍﺱ ﮐﮯ ﻧﻨﮭﮯ ﻭﺟﻮﺩ ﮐﮯ ﺍﻧﺪﺭ ﺍﺗﻨﯽ ﺟﺎﻥ ﮐﮩﺎﮞ ﺳﮯ ﺁﺋﯽ ﺗﮭﯽ۔ ﺟﺒﺮﯾﻞ ﺍﻭﺭ ﻋﻨﺎﯾﮧ ﺍﺱ ﮐﯽ ﺁﻭﺍﺯ ﭘﺮ ﮨﮍﺑﮍﺍ ﮐﺮ ﺍﭨﮭﮯ ﺗﮭﮯ۔ ﭘﯿﮉﯼ ﺍﯾﮏ ﺩﻡ ﺍﻧﺪﺭ ﺁ ﮔﺌﯽ۔ ﺳﺎﻻﺭ ﺣﻤﯿﻦ ﮐﻮ ﻭﺍﭘﺲ ﺍﻧﮑﻮﺑﯿﭩﺮ ﻣﯿﮟ ﺭﮐﮭﻨﮯ ﮐﯽ ﺟﺪﻭﺟﮩﺪ ﻣﯿﮟ ﻣﺼﺮﻭﻑ ﺗﮭﺎ ﻟﯿﮑﻦ ﻭﮦ ﺍﯾﮏ ﮨﻔﺘﮯ ﮐﺎ ﺑﭽﮧ ﺍﯾﮏ ﺑﺎﺭ ﺍﻧﮑﻮﺑﯿﭩﺮ ﺳﮯ ﻧﮑﻠﻨﮯ ﮐﮯ ﺑﻌﺪ ﺩﻭﺑﺎﺭﮦ ﻭﺍﭘﺲ ﺍﻧﺪﺭ ﻧﮧ ﺟﺎﻧﮯ ﮐﮯ ﻟﯿﮯ ﺟﺘﻨﯽ ﺟﺪﻭﺟﮩﺪ ﮐﺮ ﺳﮑﺘﺎ ﺗﮭﺎ، ﻭﮦ ﮐﺮ ﺭﮨﺎ ﺗﮭﺎ۔ ﺍﺱ ﮐﺎ ﺑﺲ ﭼﻠﺘﺎ ﺗﻮ ﺍﭘﻨﮯ ﮨﺎﺗﮭﻮﮞ ﮐﯽ ﭘﺸﺖ، ﺳﯿﻨﮯ، ﻧﺎﮎ ﺍﻭﺭ ﺟﺴﻢ ﮐﮯ ﮨﺮ ﺣﺼﮧ ﭘﺮ ﻟﮕﯽ ﻧﺎﻟﯿﻮﮞ ﺍﻭﺭ ﺗﺎﺭﻭﮞ ﮐﻮ ﮐﮭﯿﻨﭻ ﮐﺮ ﺍﺗﺎﺭ ﺩﯾﺘﺎ۔ ﻭﮦ ﺍﻥ ﻣﯿﮟ ﺳﮯ ﮐﺴﯽ ﭼﯿﺰ ﮐﻮ ﺗﻮ ﻧﮩﯿﮟ ﺍﺗﺎﺭ ﺳﮑﺎ ﻟﯿﮑﻦ ﻭﮦ ﮨﻠﮑﺎ ﺳﺎ ﮈﺍﺋﭙﺮ ﺍﺱ ﮐﮯ ﺟﺴﻢ ﮐﮯ ﻣﺴﻠﺴﻞ ﺟﮭﭩﮑﻮﮞ ﺳﮯ ﮐﮭﻞ ﮔﯿﺎ ﺗﮭﺎ ﺟﻮ ﺻﺮﻑ ﺭﺳﻤﺎً ﮨﯽ ﺍﺳﮯ ﺑﺎﻧﺪﮬﺎ ﮔﯿﺎ ﺗﮭﺎ۔ ﻭﮦ ﯾﮏ ﺩﻡ ﭨﺎﺭﺯﻥ ﮐﮯ ﺑﭽﮯ ﺟﯿﺴﮯ ﺣﻠﯿﮯ ﻣﯿﮟ ﺁ ﮔﯿﺎ ﺗﮭﺎ۔ ﺑﺴﺘﺮ ﺳﮯ ﭼﮭﻼﻧﮓ ﻟﮕﺎ ﮐﺮ ﺑﺎﭖ ﮐﯽ ﻃﺮﻑ ﺑﮭﺎﮔﺘﮯ ﺟﺒﺮﯾﻞ ﻧﮯ ﺍﭘﻨﮯ ﭼﮭﻮﭨﮯ ﺑﮭﺎﺋﯽ ﮐﮯ ﺍﺱ ﺩﻟﯿﺮﺍﻧﮧ ﺍﻗﺪﺍﻡ ﭘﺮ ﺑﮯ ﺍﺧﺘﯿﺎﺭ ﭼﯿﺦ ﻣﺎﺭ ﮐﺮ ﺁﻧﮑﮭﻮﮞ ﭘﮧ ﮨﺎﺗﮫ ﺭﮐﮭﺎ۔
Baba! baby is naked
ﺑﺎﺑﺎ ! ﺑﮯ ﺑﯽ ﻧﻨﮕﺎ ﮨﮯ
ﻭﮦ ﺁﻧﮑﮭﯿﮟ ﺑﻨﺪ ﻧﮧ ﮐﺮﺗﺎ ﺗﻮ ﺑﮯ ﺷﺮﻣﯽ ﮐﮯ ﺍﮔﻠﮯ ﻣﻈﺎﮨﺮﮮ ﭘﺮ ﯾﻘﯿﻨﺎً ﭘﺘﮭﺮ ﮐﺎ ﮨﻮ ﺟﺎﺗﺎ۔ ﮐﯿﻮﻧﮑﮧ ﺑﮯ ﺑﯽ ﺍﺏ ﺍﺱ ﭘﺎﻧﯽ ﺳﮯ ﻓﺮﺍﻏﺖ ﺣﺎﺻﻞ ﮐﺮ ﺭﮨﺎ ﺗﮭﺎ ﺟﻮ ﭨﯿﻮﺑﺰ ﮐﮯ ﺫﺭﯾﻌﮯ ﺍﺱ ﮐﮯ ﺍﻧﺪﺭ ﻣﻨﺘﻘﻞ ﮐﯿﺎ ﺟﺎ ﺭﮨﺎ ﺗﮭﺎ۔ ﭘﯿﮉﯼ ﮐﻮ ﺣﻤﯿﻦ ﺗﮭﻤﺎﺗﮯ ﮨﻮﺋﮯ ﺳﺎﻻﺭ ﺑﮯ ﯾﻘﯿﻨﯽ ﺳﮯ ﭘﯿﺸﺎﺏ ﺳﮯ ﺑﮭﯿﮕﯽ ﺍﭘﻨﯽ ﺷﺮﭦ ﮐﻮ ﺩﯾﮑﮫ ﺭﮨﺎ ﺗﮭﺎ۔ ﯾﮧ ﮐﺎﺭﻧﺎﻣﮧ ﺍﺱ ﮐﮯ ﭘﮩﻠﮯ ﺩﻭ ﺑﭽﮯ ﻧﮧ ﮐﺮ ﺳﮑﮯ ﺗﮭﮯ۔
ﺗﻢ ﻧﮯ ﭘﺘﺎ ﻧﮩﯿﮟ ﺍﺳﮯ ﮐﯿﺴﮯ ﭘﮑﮍﺍ ﮨﮯ۔ ﮐﺘﻨﮯ ﺳﺨﺖ ﮨﺎﺗﮫ ﻟﮕﺎﺋﮯ ﮨﯿﮟ ﮐﮧ ﻭﮦ ﺍﺱ ﻃﺮﺡ ﺭﻭ ﺭﮨﺎ ﮨﮯ۔ ﭘﯿﮉﯼ ! ﻟﯿﮉﯼ ﮈﺍﮐﭩﺮ ﮐﻮ ﺑﻼﺅ؟ ﺑﻠﮑﮧ ﺍﺳﮯ ﻣﺠﮭﮯ ﺩﻭ۔ ﺍﻣﺎﻣﮧ ﺍﺱ ﮐﯽ ﺣﺎﻟﺖ ﮐﻮ ﻣﮑﻤﻞ ﻃﻮﺭ ﭘﺮ ﻧﻈﺮ ﺍﻧﺪﺍﺯ ﮐﺮﺗﮯ ﮨﻮﺋﮯ ﺍﭘﻨﮯ ﺭﻭﺗﮯ ﮨﻮﺋﮯ ﺑﯿﭩﮯ ﮐﯽ ﻃﺮﻑ ﻣﺘﻮﺟﮧ، ﺍﭘﻨﮯ ﺑﺴﺘﺮ ﺳﮯ ﺑﮯ ﻗﺮﺍﺭﯼ ﮐﮯ ﻋﺎﻟﻢ ﻣﯿﮟ ﺍﺗﺮ ﺭﮨﯽ ﺗﮭﯽ۔
ﺑﺎﺑﺎ ﻣﯿﮟ ﺍﭘﻨﯽ ﺁﻧﮑﮭﯿﮟ ﮐﮭﻮﻟﻮ؟ ﺟﺒﺮﯾﻞ ﺍﻧﺪﮬﻮﮞ ﮐﯽ ﻃﺮﺡ ﮨﺎﺗﮫ ﭘﮭﯿﻼﺋﮯ ﺑﺎﭖ ﮐﻮ ﮈﮬﻮﻧﮉﺗﮯ، ﻟﮍﮐﮭﮍﺍﺗﮯ ﻗﺪﻣﻮﮞ ﺳﮯ ﺁﻧﮑﮭﯿﮟ ﺑﻨﺪ ﮐﯿﮯ ﺳﺎﻻﺭ ﮐﯽ ﻃﺮﻑ ﺁﯾﺎ ﺗﮭﺎ۔ ﻭﮦ ﺍﺱ ﭼﮭﻮﭨﮯ ﺑﮭﺎﺋﯽ ﮐﯽ ﺑﮯ ﭘﺮﺩﮔﯽ ﺩﯾﮑﮭﻨﮯ ﮐﻮ ﺗﯿﺎﺭ ﻧﮩﯿﮟ ﺗﮭﺎ ﺟﻮ ﺍﺱ ﻭﻗﺖ ﻟﭩﻞ ﺳﭩﻮﺍﺭﭦ ﮐﯽ ﻃﺮﺡ ﺍﻧﮑﻮﺑﯿﭩﺮ ﺳﮯ ﺑﺎﮨﺮ ﮐﻮﺩﻧﮯ ﮐﻮ ﺗﯿﺎﺭ ﺗﮭﺎ۔
ﻋﻨﺎﯾﮧ ﺍﯾﮏ ﺑﺎﺭ ﮨﮍﺑﮍﺍ ﮐﺮ ﺟﺎﮔﻨﮯ ﮐﮯ ﺑﻌﺪ ﺳﺎﻻﺭ ﮐﯽ ﻃﺮﻑ ﻣﺘﻮﺟﮧ ﮨﻮﺋﮯ ﺑﻐﯿﺮ ﺩﻭﺑﺎﺭﮦ ﺳﻮ ﭼﮑﯽ ﺗﮭﯽ۔ ﺳﺎﻻﺭ ﻧﮯ ﺟﺒﺮﯾﻞ ﮐﮯ ﭘﮭﯿﻠﮯ ﮨﺎﺗﮭﻮﮞ ﮐﯽ ﻃﺮﻑ ﮨﺎﺗﮫ ﺑﮍﮬﺎﯾﺎ۔
Yes! you can
ﺍﺱ ﻧﮯ ﺟﺒﺮﯾﻞ ﮐﻮ ﺧﻮﺩ ﺳﮯ ﻟﭙﭩﺎﺋﮯ ﮨﻮﺋﮯ ﺑﮭﺮﺍﺋﯽ ﺁﻭﺍﺯ ﻣﯿﮟ ﮐﮩﺎ۔ ﺟﺒﺮﯾﻞ ﻧﮯ ﺁﻧﮑﮭﯿﮟ ﮐﮭﻮﻝ ﮐﺮ ﺳﺐ ﺳﮯ ﭘﮩﻠﮯ ﭼﻮﺭ ﻧﻈﺮﻭﮞ ﺳﮯ ﺍﻧﮑﻮﺑﯿﭩﺮ ﮐﻮ ﺩﯾﮑﮭﺎ ﺟﮩﺎﮞ ﺍﺏ ﺣﻤﯿﻦ ﭘﯿﮉﯼ ﺍﻭﺭ ﺍﻣﺎﻣﮧ ﮐﮯ ﻭﺟﻮﺩ ﮐﮯ ﭘﯿﭽﮭﮯ ﭼﮭﭗ ﮔﯿﺎ ﺗﮭﺎ۔
ﺑﺎﺑﺎ ﺁﭖ ﮐﯿﻮﮞ ﺭﻭ ﺭﮨﮯ ﮨﯿﮟ؟ ﺑﺎﭖ ﮐﯽ ﻃﺮﻑ ﻣﺘﻮﺟﮧ ﮨﻮﺗﮯ ﮨﯽ ﺍﺱ ﻧﮯ ﭘﮩﻠﯽ ﻧﻈﺮ ﻣﯿﮟ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﺴﻮ ﺩﯾﮑﮭﮯ ﺗﮭﮯ۔ ﺍﻭﺭ ﺍﺱ ﮐﮯ ﺟﻤﻠﮯ ﻧﮯ ﺍﻣﺎﻣﮧ ﮐﻮ ﺑﮭﯽ ﭘﻠﭩﻨﮯ ﭘﺮ ﻣﺠﺒﻮﺭ ﮐﺮ ﺩﯾﺎ ﺗﮭﺎ۔

ﺳﺎﻻﺭ ﮐﯽ ﭘﺸﺖ ﺍﺏ ﺍﺱ ﮐﯽ ﻃﺮﻑ ﺗﮭﯽ ﺍﻭﺭ ﻭﮦ ﺟﺒﺮﯾﻞ ﮐﻮ ﻟﭙﭩﺎﺋﮯ ﭼﻮﻣﮯ ﺟﺎ ﺭﮨﺎ ﺗﮭﺎ

ﮔﮭﺮ ﻣﮑﻤﻞ ﻃﻮﺭ ﭘﺮ ﺟﻞ ﮔﯿﺎ ﺗﮭﺎ۔ ﻧﻘﺼﺎﻥ ﮐﺎ ﺍﻧﺪﺍﺯﮦ ﻟﮕﺎﻧﺎ ﻣﺸﮑﻞ ﺗﮭﺎ۔ ﻣﮕﺮ ﯾﮧ ﻭﺭﻟﮉ ﺑﻨﮏ ﮐﯽ ﻃﺮﻑ ﺳﮯ ﻓﺮﺍﮨﻢ ﮐﺮﺩﮦ ﺭﮨﺎﺋﺶ ﮔﺎﮦ ﺗﮭﯽ۔ ﺳﺎﻻﺭ ﮐﻨﺸﺎﺳﺎ ﭘﮩﻨﭽﻨﮯ ﮐﮯ ﺍﮔﻠﮯ ﮨﯽ ﺩﻥ ﺍﺱ ﮔﮭﺮ ﮐﻮ ﺩﯾﮑﮭﻨﮯ ﺁﯾﺎ ﺗﮭﺎ۔ ﻟﻮﭦ ﻣﺎﺭ ﮐﮯ ﺑﻌﺪ ﺍﺏ ﻭﮨﺎﮞ ﺟﻮ ﺑﭽﺎ ﺗﮭﺎ ﻭﮦ ﻣﻠﺒﮧ ﺍﻭﺭ ﺭﺍﮐﮫ ﺗﮭﯽ۔ ﻭﮦ ﭘﮭﺮ ﺑﮭﯽ ﺧﻮﺵ ﻧﺼﯿﺒﻮﮞ ﻣﯿﮟ ﺗﮭﺎ۔ ﮐﯿﻮﻧﮑﮧ ﺍﺱ ﻣﻠﺒﮯ ﻣﯿﮟ ﺍﺱ ﮐﮯ ﮐﺴﯽ ﭘﯿﺎﺭﮮ ﮐﯽ ﮨﮉﯾﺎﮞ ﻧﮩﯿﮟ ﺗﮭﯽ۔ ﮔﮭﺮ ﮐﻮ ﻟﮕﻨﮯ ﻭﺍﻟﯽ ﺁﮒ ﻣﯿﮟ ﻭﮦ ﭼﮭﻮﭨﯽ ﻣﻮﭨﯽ ﺳﺎﺭﯼ ﺟﯿﻮﻟﺮﯼ، ﺳﯿﻮﻧﮓ، ﺳﺮﭨﯿﻔﮑﯿﭩﺲ ﺍﻭﺭ ﺍﺱ ﮐﮯ ﺑﭽﻮﮞ ﮐﯽ ﺍﻧﺸﻮﺭﻧﺲ ﮐﮯ ﭘﯿﭙﺮﺯ ﺭﺍﮐﮫ ﮨﻮﺋﮯ ﺗﮭﮯ ﯾﺎ ﻟﻮﭦ ﻟﯿﮯ ﮔﺌﮯ ﺗﮭﮯ۔ ﻟﯿﮑﻦ ﺍﺱ ﭼﮭﻮﭨﯽ ﻣﻮﭨﯽ ﺟﯿﻮﻟﺮﯼ ﮐﯽ ﻗﯿﻤﺖ ﺑﮭﯽ ﭼﺎﻟﯿﺲ ﻻﮐﮫ ﺳﮯ ﮐﻢ ﻧﮩﯿﮟ ﺗﮭﯽ۔ ﺍﺱ ﮔﮭﺮ ﻣﯿﮟ ﺍﻭﺭ ﺑﮭﯽ ﺑﮩﺖ ﮐﭽﮫ ﭼﻼ ﮔﯿﺎ ﺗﮭﺎ ﺟﺲ ﮐﺎ ﺍﻣﺎﻣﮧ ﮐﻮ ﺻﺪﻣﮧ ﺗﮭﺎ ﻟﯿﮑﻦ ﺳﺎﻻﺭ ﮐﻮ ﻧﮩﯿﮟ۔ ﺍﺱ ﮐﮯ ﻟﯿﮯ ﯾﮧ ﮐﺎﻓﯽ ﺗﮭﺎ ﮐﮧ ﺍﺱ ﮐﺎ ﺧﺎﻧﺪﺍﻥ ﺳﻼﻣﺖ ﺗﮭﺎ۔
ﻭﮦ ﺍﯾﻤﺒﯿﺴﯽ ﺳﮯ ﺍﯾﮏ ﻓﺎﺋﯿﻮ ﺳﭩﺎﺭ ﮨﻮﭨﻞ ﻣﯿﮟ ﻣﻨﺘﻘﻞ ﮨﻮ ﮔﺌﮯ ﺗﮭﮯ۔
ﻣﯿﮟ ﭼﺎﮨﺘﺎ ﮨﻮﮞ، ﺟﺐ ﮈﺍﮐﭩﺮ ﺣﻤﯿﻦ ﮐﻮ ﺳﻔﺮ ﮐﮯ ﻗﺎﺑﻞ ﻗﺮﺍﺭ ﺩﯾﮟ ﺗﻮ ﺗﻢ ﺑﭽﻮﮞ ﮐﻮ ﻟﮯ ﮐﺮ ﭘﺎﮐﺴﺘﺎﻥ ﭼﻠﯽ ﺟﺎﺅ۔
ﺳﺎﻻﺭ ﻧﮯ ﺍﯾﮏ ﺭﺍﺕ ﺍﻣﺎﻣﮧ ﺳﮯ ﮐﮩﺎ ﺗﮭﺎ۔
ﮐﯿﻮﮞ؟ ﻭﮦ ﻧﺎﺧﻮﺵ ﮨﻮﺋﯽ ﺗﮭﯽ۔
ﮐﯿﻮﻧﮑﮧ ﺟﻮ ﮐﺎﻧﮕﻮ ﻣﯿﮟ ﮨﻮ ﭼﮑﺎ ﮨﮯ۔ ﻣﯿﮟ ﺍﺏ ﺗﻢ ﻟﻮﮔﻮﮞ ﮐﮯ ﻟﯿﮯ ﮐﻮﺋﯽ ﺭﺳﮏ ﻧﮩﯿﮟ ﻟﮯ ﺳﮑﺘﺎ۔
ﮐﺎﻧﮕﻮ ﺍﺗﻨﺎ ﻏﯿﺮ ﻣﺤﻔﻮﻅ ﮨﮯ ﺗﻮ ﺗﻢ ﯾﮩﺎﮞ ﮐﯿﻮﮞ ﺭﮨﻨﺎ ﭼﺎﮨﺘﮯ ﮨﻮ؟ ﺗﻢ ﺑﮭﯽ ﻭﺍﭘﺲ ﭼﻠﻮ۔ ﺍﻣﺎﻣﮧ ﻧﮯ ﺟﻮﺍﺑﺎً ﮐﮩﺎ ﺗﮭﺎ۔ ﺳﺎﻻﺭ ﮔﮩﺮﺍ ﺳﺎﻧﺲ ﻟﮯ ﮐﺮ ﺭﮦ ﮔﯿﺎ۔ ﻣﯿﮟ ﻓﯽ ﺍﻟﺤﺎﻝ ﻧﮩﯿﮟ ﺟﺎ ﺳﮑﺘﺎ۔
ﻓﯽ ﺍﻟﺤﺎﻝ؟ ﺍﻣﺎﻣﮧ ﻧﮯ ﺟﻮﺍﺑﺎً ﭘﻮﭼﮭﺎ۔
ﺍﮔﻠﮯ ﭘﺎﻧﭻ ﺳﺎﻝ۔
ﮨﺮﮔﺰ ﻧﮩﯿﮟ۔
ﺍﻣﺎﻣﮧ ﻧﮯ ﮐﺎﻓﯽ ﮐﺎ ﮐﭗ ﺭﮐﮫ ﺩﯾﺎ۔
ﺗﻤﮩﺎﺭﯼ ﺿﺪ ﻣﺠﮭﮯ ﮐﻤﺰﻭﺭ ﮐﺮ ﺩﮮ ﮔﯽ۔ ﺗﻢ ﺍﻭﺭ ﺑﭽﮯ ﯾﮩﺎﮞ ﺭﮨﯿﮟ ﮔﮯ ﺗﻮ ﻣﯿﮟ ﺑﮩﺖ ﭘﺮﯾﺸﺎﻥ ﺭﮨﻮﮞ ﮔﺎ۔ ﺍﭘﻨﮯ ﮐﺎﻡ ﭘﺮ ﺩﮬﯿﺎﻥ ﻧﮩﯿﮟ ﺩﮮ ﭘﺎﺅﮞ ﮔﺎ۔ ﺗﻢ ﻟﻮﮒ ﻣﺤﻔﻮﻅ۔۔۔۔۔۔۔۔۔۔ ﺍﻣﺎﻣﮧ ﻧﮯ ﺍﺱ ﮐﯽ ﺑﺎﺕ ﮐﺎﭦ ﺩﯼ۔
ﺗﻤﮩﯿﮟ ﻟﮕﺘﺎ ﮨﮯ ﺗﻢ ﯾﮩﺎﮞ ﮐﺎﻧﮕﻮ ﻣﯿﮟ ﺑﯿﭩﮭﮯ ﮨﻮ ﮔﮯ ﺗﻮ ﻣﯿﮟ ﺍﻭﺭ ﺑﭽﮯ ﭘﺎﮐﺴﺘﺎﻥ ﻣﯿﮟ ﻋﯿﺶ ﮐﺮﯾﮟ ﮔﮯ؟ ﺗﻢ ﺍﭘﻨﮯ ﺳﮑﻮﻥ ﮐﮯ ﻟﯿﮯ ﻣﺠﮭﮯ ﺑﮯ ﺳﮑﻮﻥ ﮐﺮﻧﺎ ﭼﺎﮨﺘﮯ ﮨﻮ۔ ﻣﯿﮟ ﻧﮩﯿﮟ ﺟﺎﺅﮞ ﮔﯽ ﺳﺎﻻﺭ۔ ﻣﺠﮭﮯ ﻭﮨﯽ ﺭﮨﻨﺎ ﮨﮯ ﺟﮩﺎﮞ ﺗﻢ ﺭﮨﻮ ﮔﮯ۔ﺍﮔﺮ ﯾﮩﺎﮞ ﺧﻄﺮﮦ ﺁﺋﮯ ﺗﻮ ﭘﮭﺮ ﺳﺐ ﮐﮯ ﻟﯿﮯ ﺁﺋﮯ ﺍﻭﺭ ﺍﮔﺮ ﺗﺤﻔﻆ ﮨﻮ ﺗﻮ ﺑﮭﯽ ﺳﺐ ﮐﮯ ﻟﯿﮯ۔
ﻭﮦ ﺍﺱ ﮐﯽ ﺷﮑﻞ ﺩﯾﮑﮫ ﮐﺮ ﺭﮦ ﮔﯿﺎ۔ ﻭﮦ ﺟﺎﻧﺘﺎ ﺗﮭﺎ ﻭﮦ ﺍﺱ ﺿﺪ ﺳﮯ ﻧﮩﯿﮟ ﮨﭩﮯ ﮔﯽ۔
ﺗﻢ ﮐﭽﮫ ﮐﺮﻧﺎ ﭼﺎﮦ ﺭﮨﮯ ﮨﻮ، ﺟﺴﮯ ﻣﺠﮫ ﺳﮯ ﭼﮭﭙﺎ ﺭﮨﮯ ﮨﻮ، ﻟﯿﮑﻦ ﺗﻢ ﭼﮭﭙﺎ ﻧﮩﯿﮟ ﺳﮑﻮ ﮔﮯ ﻣﯿﮟ ﺟﺎﻥ ﺟﺎﺅﮞ ﮔﯽ ﺗﻢ ﻧﮧ ﺑﮭﯽ ﺑﺘﺎﺅ۔ ﻭﮦ ﺍﺏ ﺷﮑﯽ ﺑﯿﻮﯾﻮﮞ ﮐﯽ ﻃﺮﺡ ﺍﺳﮯ ﮐﺮﯾﺪ ﺭﮨﯽ ﺗﮭﯽ۔
ﮐﭽﮫ ﻧﮩﯿﮟ۔ ﻣﺠﮭﮯ ﮐﯿﺎ ﮐﺮﻧﺎ ﮨﮯ۔ ﺟﻨﮕﻠﻮﮞ ﻣﯿﮟ ﻣﺎﺭﺍ ﻣﺎﺭﺍ ﭘﮭﺮ ﺭﮨﺎ ﮨﻮﮞ، ﺍﯾﺒﺎﮐﺎ ﮐﮯ ﺳﺎﺗﮭﯿﻮﮞ ﺳﮯ ﻣﻠﻨﮯ ﺍﻭﺭ ﻣﺬﺍﮐﺮﺍﺕ ﮐﺮﻧﮯ ﮐﮯ ﻟﯿﮯ۔ ﺳﺎﻻﺭ ﻧﮯ ﺑﺎﺕ ﭨﺎﻟﻨﮯ ﮐﯽ ﮐﻮﺷﺶ ﮐﺮﺗﮯ ﮨﻮﺋﮯ ﮨﻨﺲ ﮐﺮ ﮐﮩﺎ۔
ﺍﯾﮏ ﻣﮩﯿﻨﮯ ﺗﮏ ﭘﮭﺮ ﺑﮭﯽ ﭘﺎﮐﺴﺘﺎﻥ ﭼﻠﯿﮟ ﮔﮯ۔
ﺗﻢ ﭼﻠﻮ ﮔﮯ؟ ﺍﻣﺎﻣﮧ ﻧﮯ ﺑﯿﭻ ﻣﯿﮟ ﮨﯽ ﺍﺱ ﮐﯽ ﺑﺎﺕ ﮐﺎﭦ ﺩﯼ۔
ﮨﺎﮞ، ﭼﻠﻮﮞ ﮔﺎ ﯾﺎﺭ ! ﺍﺏ ﺍﺗﻨﯽ ﺑﮭﯽ ﺑﮯ ﺍﻋﺘﺒﺎﺭﯼ ﭨﮭﯿﮏ ﻧﮩﯿﮟ۔
ﺍﺱ ﻧﮯ ﺟﯿﺴﮯ ﺑﺮﺍ ﻣﺎﻧﺘﮯ ﮨﻮﺋﮯ ﮐﺎﻓﯽ ﮐﺎ ﮔﮭﻮﻧﭧ ﻟﮯ ﮐﺮ ﮐﭗ ﺭﮐﮫ ﺩﯾﺎ۔
——————————-
ﮐﺎﻧﮕﻮ ﮐﮯ ﻋﻮﺍﻡ ﮐﮯ ﻟﯿﮯ ﺳﺎﻻﺭ ﮐﺎ ﭼﮩﺮﮦ ﺍﺳﺘﺤﺼﺎﻟﯽ ﺳﺎﻣﺮﺍﺝ ﮐﺎ ﭼﮩﺮﮦ ﻧﮩﯿﮟ ﺗﮭﺎ ﺑﻠﮑﮧ ﻭﮦ ﺍﻥ ﮐﮯ ﻟﯿﮯ ﺍﯾﺒﺎﮐﺎ ﮐﺎ ﻗﺮﯾﺒﯽ ﺍﻭﺭ ﻗﺎﺑﻞ ﺍﻋﺘﻤﺎﺩ ﺳﺎﺗﮭﯽ ﮐﺎ ﭼﮩﺮﮦ ﺗﮭﺎ۔ ﺍﯾﺒﺎﮐﺎ ﮐﮯ ﺧﺎﻧﺪﺍﻥ ﻧﮯ ﺍﺱ ﮐﯽ ﻣﻮﺕ ﮐﮯ ﺑﻌﺪ ﮐﺴﯽ ﺑﮭﯽ ﻏﯿﺮ ﻣﻠﮑﯽ ﺍﺩﺍﺭﮮ ﯾﺎ ﺣﮑﻮﻣﺖ ﮐﮯ ﻧﻤﺎﺋﻨﺪﻭﮞ ﺳﮯ ﻣﻠﻨﮯ ﺳﮯ ﺍﻧﮑﺎﺭ ﮐﺮ ﺩﯾﺎ ﺗﮭﺎ ﻟﯿﮑﻦ ﺳﺎﻻﺭ ﮐﯽ ﻣﻼﻗﺎﺕ ﮐﯽ ﺩﺭﺧﻮﺍﺳﺖ ﮐﻮ ﺍﺱ ﻧﮯ ﺭﺩ ﻧﮩﯿﮟ ﮐﯿﺎ ﻭﮦ ﺍﺱ ﺳﮯ ﺑﮍﯼ ﺧﻮﺷﺪﻟﯽ ﺳﮯ ﻣﻠﮯ۔ﺳﺎﻻﺭ ﻧﮯ ﺍﯾﺒﺎﮐﺎ ﮐﯽ ﺁﺧﺮﯼ ﺍﯼ ﻣﯿﻞ ﺍﺳﮯ ﺩﯼ ﺗﮭﯽ ﺟﻮ ﺍﺱ ﻧﮯ ﺳﺎﻻﺭ ﮐﻮ ﮐﯽ ﺗﮭﯽ۔ ﺍﺱ ﺍﯼ ﻣﯿﻞ ﮐﺎ ﭘﺮﻧﭧ ﺁﺅﭦ ﺍﮔﻠﮯ ﺩﻥ ﺑﮍﮮ ﺑﮍﮮ ﻣﻘﺎﻣﯽ ﺍﺧﺒﺎﺭﺍﺕ ﻣﯿﮟ ﺷﺎﺋﻊ ﮨﻮﺍ۔
ﺍﻓﺮﯾﻘﮧ ﺍﺏ ﭘﯿﭩﺮﺱ ﺍﯾﺒﺎﮐﺎ ﮐﯽ ﺟﺴﺪ ﺧﺎﮐﯽ ﮐﮯ ﺍﺳﺘﻘﺒﺎﻝ ﺍﻭﺭ ﺗﺪﻓﯿﻦ ﮐﯽ ﺗﯿﺎﺭﯾﺎﮞ ﮐﺮ ﺭﮨﺎ ﺗﮭﺎ۔ ﺍﻣﺮﯾﮑﮧ ﺣﮑﻮﻣﺖ ﺍﺑﺘﺪﺍﺋﯽ ﻃﻮﺭ ﭘﺮ ﻣﯿﺖ ﮐﻮ ﻭﺍﭘﺲ ﻧﮩﯿﮟ ﺑﮭﯿﺠﻨﺎ ﭼﺎﮨﺘﯽ ﺗﮭﯽ ﮐﯿﻮﻧﮑﮧ ﺍﻧﮩﯿﮟ ﺧﺪﺷﮧ ﺗﮭﺎ ﭘﯿﭩﺮﺱ ﺍﯾﺒﺎﮐﺎ ﮐﯽ ﺗﺪﻓﯿﻦ ﮐﮯ ﻟﯿﮯ ﺍﮐﭩﮭﺎ ﮨﻮﻧﮯ ﻭﺍﻻ ﻻﮐﮭﻮﮞ ﮐﺎ ﻣﺠﻤﻊ ﺍﯾﮏ ﺑﺎﺭ ﭘﮭﺮ ﺳﮯ ﮐﺎﻧﮕﻮ ﻣﯿﮟ ﻗﺘﻞ ﻭ ﻏﺎﺭﺕ ﮔﺮﯼ ﮐﺎ ﺑﺎﺯﺍﺭ ﮔﺮﻡ ﮐﺮ ﺳﮑﺘﺎ ﮨﮯ۔ ﻣﮕﺮ ﯾﮧ ﺳﺎﻻﺭ ﺳﮑﻨﺪﺭ ﮐﮯ ﺳﺎﺗﮫ ﮨﻮﻧﮯ ﻭﺍﻟﯽ ﻣﻼﻗﺎﺕ ﻣﯿﮟ ﺍﯾﺒﺎﮐﺎ ﮐﯽ ﻓﯿﻤﻠﯽ ﮐﺎ ﺩﺑﺎﺅ ﺍﻭﺭ ﺍﺻﺮﺍﺭ ﺗﮭﺎ ﮐﮧ ﻭﮦ ﺍﯾﺒﺎﮐﺎ ﮐﯽ ﻣﯿﺖ ﮐﯽ ﻭﺍﭘﺴﯽ ﻣﻤﮑﻦ ﺑﻨﺎﺋﮯ ﺍﻭﺭ ﻭﮦ ﺍﺱ ﺑﺎﺕ ﮐﯽ ﮔﺎﺭﻧﭩﯽ ﺩﯾﻨﮯ ﭘﺮ ﺗﯿﺎﺭ ﺗﮭﮯ ﮐﮧ ﺍﯾﺒﺎﮐﺎ ﮐﯽ ﺗﺪﻓﯿﻦ ﭘﺮﺍﻣﻦ ﮨﻮ ﮔﯽ۔ ﺳﺎﻻﺭ ﻧﮯ ﻭﺭﻟﮉ ﺑﻨﮏ ﮐﯽ ﺍﻧﺘﻈﺎﻣﯿﮧ ﮐﮯ ﺫﺭﯾﻌﮯ ﺍﻣﺮﯾﮑﯽ ﺣﮑﻮﻣﺖ ﮐﻮ ﯾﮧ ﺑﺎﺕ ﺑﺎﻭﺭ ﮐﺮﻭﺍﺋﯽ ﮐﮧ ﺍﯾﺒﺎﮐﺎ ﮐﯽ ﻻﺵ ﮐﯽ ﺑﺎﻋﺰﺕ ﻭﺍﭘﺴﯽ ﮐﺎﻧﮕﻮ ﮐﮯ ﻋﻮﺍﻡ ﮐﮯ ﺩﻟﻮﮞ ﻣﯿﮟ ﺍﺱ ﻏﺼﮯ ﮐﻮ ﺧﺘﻢ ﮐﺮﻧﮯ ﻣﯿﮟ ﻣﻌﺎﻭﻥ ﮨﻮ ﮔﯽ۔ ﺍﻣﺮﯾﮑﯽ ﺣﮑﻮﻣﺖ ﺩﻭ ﮨﻔﺘﮯ ﺑﻌﺪ ﺍﺱ ﮐﯽ ﻣﯿﺖ ﺑﮭﯿﺠﻨﮯ ﭘﺮ ﺗﯿﺎﺭ ﮨﻮ ﮔﺌﯽ ﺗﮭﯽ۔
ﻭﺭﻟﮉ ﺑﻨﮏ ﮐﯽ ﺍﻧﺘﻈﺎﻣﯿﮧ ﻧﮯ ﺳﺎﻻﺭ ﮐﻮ ﺍﯾﺒﺎﮐﺎ ﮐﯽ ﺁﺧﺮﯼ ﺭﺳﻮﻣﺎﺕ ﻣﯿﮟ ﺷﺮﯾﮏ ﮨﻮﻧﮯ ﺳﮯ ﺭﻭﮐﺎ ﺗﮭﺎ ﺟﺲ ﮐﮯ ﻟﯿﮯ ﺍﺳﮯ ﺍﯾﺒﺎﮐﺎ ﮐﯽ ﻓﯿﻤﻠﯽ ﻧﮯ ﻣﺪﻋﻮ ﮐﯿﺎ ﺗﮭﺎ ﺍﻭﺭ ﺳﺎﻻﺭ ﻧﮯ ﺍﺱ ﺩﻋﻮﺕ ﻧﺎﻣﮯ ﮐﻮ ﻗﺒﻮﻝ ﮐﺮ ﻟﯿﺎ ﺗﮭﺎ۔
ﺍﻣﺎﻣﮧ ﺑﮭﯽ ﺍﺱ ﻓﯿﺼﻠﮯ ﺳﮯ ﻧﺎﺧﻮﺵ ﺍﻭﺭ ﺧﻮﻓﺰﺩﮦ ﺗﮭﯽ ﺍﻭﺭ ﺍﺳﮯ ﺳﻤﺠﮭﺎﻧﮯ ﮐﯽ ﮨﺮ ﻣﻤﮑﻦ ﮐﻮﺷﺶ ﮐﯽ۔ ﺳﺎﻻﺭ ﺍﺱ ﮐﯽ ﻣﻨﺖ ﺳﻤﺎﺟﺖ ﮐﮯ ﺩﻭﺭﺍﻥ ﺍﺋﯿﺮ ﭘﻮﺭﭦ ﺟﺎﻧﮯ ﺳﮯ ﭘﮩﻠﮯ ﺩﻭ ﻧﻔﻞ ﭘﮍﮬﻨﮯ ﮐﮯ ﻟﯿﮯ ﮐﮭﮍﺍ ﮨﻮ ﮔﯿﺎ ﺗﮭﺎ۔ ﻭﮦ ﺑﮯ ﺑﺴﯽ ﺳﮯ ﺑﭽﻮﮞ ﮐﻮ ﻟﯿﮯ ﺑﯿﭩﮫ ﮔﺌﯽ۔
ﺍﮔﺮ ﻣﺠﮭﮯ ﮐﭽﮫ ﮨﻮ ﮔﯿﺎ ﺗﻮ ﺗﻢ ﺑﭽﻮﮞ ﮐﻮ ﻟﮯ ﮐﺮ ﻓﻮﺭﯼ ﭘﺎﮐﺴﺘﺎﻥ ﭼﻠﯽ ﺟﺎﻧﺎ۔ ﺍﺱ ﺍﻧﺘﻈﺎﺭ ﻣﯿﮟ ﻣﺖ ﺑﯿﭩﮭﯽ ﺭﮨﻨﺎ ﮐﮧ ﻣﯿﺮﯼ ﮈﯾﮉ ﺑﺎﮈﯼ ﻣﻞ ﺟﺎﺋﮯ۔
ﺍﺱ ﻧﮯ ﻧﻔﻞ ﭘﮍﮬﻨﮯ ﮐﮯ ﺑﻌﺪ ﺍﺱ ﺳﮯ ﭘﮩﻼ ﺟﻤﻠﮧ ﯾﮩﯽ ﮐﮩﺎ۔
ﺍﻣﺎﻣﮧ ﮐﮯ ﺩﻝ ﭘﺮ ﭼﻮﭦ ﭘﮍﯼ۔ ﺗﻢ ﺑﮍﮮ ﺑﮯ ﺭﺣﻢ ﮨﻮ۔ ﺍﺱ ﻧﮯ ﺁﻧﮑﮭﯿﮟ ﺭﮔﮍﺗﮯ ﮨﻮﺋﮯ ﮐﮩﺎ۔
ﺗﻢ ﺳﮯ ﮐﻢ۔ ﺳﺎﻻﺭ ﻧﮯ ﮨﻨﺴﺘﮯ ﮨﻮﺋﮯ ﺍﺳﮯ ﺍﭘﻨﮯ ﺳﺎﺗﮫ ﻟﮕﺎﯾﺎ۔
ﺟﺒﺮﯾﻞ ﺑﺎﭖ ﮐﮯ ﺳﺎﺗﮫ ﮨﯽ ﺩﺭﻭﺍﺯﮮ ﺗﮏ ﺁﯾﺎ۔ ﺩﺭﻭﺍﺯﮮ ﺳﮯ ﻧﮑﻠﺘﮯ ﮨﻮﺋﮯ ﺍﺱ ﻧﮯ ﺍﻣﺎﻣﮧ ﮐﻮ ﺧﺪﺍ ﺣﺎﻓﻆ ﮐﮩﺎ ﺗﻮ ﺍﺱ ﻧﮯ ﺍﺱ ﮐﺎ ﺑﺎﺯﻭ ﭘﮑﮍ ﻟﯿﺎ۔
ﺗﻢ ﻭﺍﭘﺲ ﺁﺟﺎﺅ ﮔﮯ ﻧﺎ؟ ﻭﮦ ﺑﺮﺳﺘﯽ ﺁﻧﮑﮭﻮﮞ ﺳﮯ ﻣﻨﺖ ﺑﮭﺮﮮ ﺍﻧﺪﺍﺯ ﻣﯿﮟ ﮐﮩﮧ ﺭﮨﯽ ﺗﮭﯽ۔
ﺍﺱ ﻧﮯ ﺍﻣﺎﻣﮧ ﺳﮯ ﻧﻈﺮﯾﮟ ﻣﻼﺋﮯ ﺑﻐﯿﺮ ﺍﺱ ﮐﺎ ﮨﺎﺗﮫ ﻧﺮﻣﯽ ﺳﮯ ﮨﭩﺎ ﮐﺮ ﭼﻮﻣﺎ۔ ﺍﻥ ﺷﺎﺀﺍﻟﻠﮧ ! ﭘﮭﺮ ﺟﮭﮏ ﮐﺮ ﺍﭘﻨﯽ ﭨﺎﻧﮓ ﺳﮯ ﭼﭙﮑﮯ ﺟﺒﺮﯾﻞ ﮐﻮ ﺍﭨﮭﺎﺗﮯﮨﻮﺋﮯ ﺍﺱ ﮐﺎ ﻣﻨﮧ ﭼﻮﻣﺎ ﺍﻭﺭ ﮐﮩﺎ ﺍﭘﻨﯽ ﻣﻤﯽ ﺍﻭﺭ ﺑﮩﻦ ﮐﺎ ﺧﯿﺎﻝ ﺭﮐﮭﻨﺎ۔
I always do baba
ﺑﺎﺑﺎ ﻣﯿﮟ ﮨﻤﯿﺸﮧ ﮨﯽ ﺭﮐﮭﺘﺎ ﮨﻮﮞ۔ ﺟﺒﺮﯾﻞ ﻧﮯ ﺍﺳﮯ ﯾﻘﯿﻦ ﺩﻻﯾﺎ۔
ﺳﺎﻻﺭ ﻧﮯ ﺍﯾﮏ ﺑﺎﺭ ﭘﮭﺮ ﺍﺱ ﮐﺎ ﻣﻨﮧ ﭼﻮﻣﺎ۔ ﺁﺋﯽ ﺍﯾﻢ ﭘﺮﺍﺅﮈ ﺁﻑ ﯾﻮ ! ﺳﺎﻻﺭ ﻧﮯ ﺍﺳﮯ ﮔﻮﺩ ﺳﮯ ﺍﺗﺎﺭ ﺩﯾﺎ ﺍﻭﺭ ﺳﺐ ﮐﻮ ﺧﺪﺍ ﺣﺎﻓﻆ ﮐﮩﺎ۔ ﺩﺭﻭﺍﺯﮮ ﻣﯿﮟ ﺑﺮﺳﺘﯽ ﺁﻧﮑﮭﻮﮞ ﮐﮯ ﺳﺎﺗﮫ ﮐﮭﮍﯼ ﺍﻣﺎﻣﮧ ﮐﻮ ﺩﯾﮑﮭﮯ ﺑﻐﯿﺮ۔
——-***———-
ﻻﮐﮭﻮﮞ ﻟﻮﮔﻮﮞ ﮐﮯ ﮨﺠﻮﻡ ﻣﯿﮟ ﺳﺎﻻﺭ ﻧﮯ ﺍﯾﺌﺮ ﭘﻮﺭﭦ ﭘﺮ ﺍﯾﺒﺎﮐﺎ ﮐﯽ ﻣﯿﺖ ﻭﺻﻮﻝ ﮐﯽ۔ ﮐﻮﺋﯽ ﮨﺘﮭﯿﺎﺭﻭﮞ ﺳﮯ ﻣﺴﻠﺢ ﺍﺱ ﻗﺒﺎﺋﻠﯽ ﮨﺠﻮﻡ ﻣﯿﮟ ﺟﺎﻧﮯ ﮐﺎ ﺭﺳﮏ ﻧﮩﯿﮟ ﻟﯿﻨﺎ ﭼﺎﮨﺘﺎ ﺗﮭﺎ ﺟﻦ ﮐﻮ ﺟﺎﻥ ﻟﯿﻨﮯ ﺍﻭﺭ ﺩﯾﻨﮯ ﮐﮯ ﻋﻼﻭﮦ ﮐﭽﮫ ﻧﮩﯿﮟ ﺁﺗﺎ ﺗﮭﺎ۔۔
ﻭﮦ ﻭﮨﺎﮞ ﻧﮩﺘﺎ ﺗﮭﺎ۔ ﺍﻭﺭ ﺗﻦ ﺗﻨﮩﺎ ﺍﺳﯽ ﺩﻟﯿﺮﯼ ﺳﮯ ﺍﭘﻨﮯ ﺳﺎﺗﮫ ﺍﯾﮏ ﺑﮭﯽ ﮔﺎﺭﮈ ﻟﯿﮯ ﺑﻐﯿﺮ ﺍﻧﺪﺭ ﭼﻼ ﮔﯿﺎ ﺗﮭﺎ۔
ﺩﻧﯿﺎ ﻣﯿﮟ ﮐﺮﻭﮌﻭﮞ ﭨﯽ ﻭﯼ ﺍﺳﮑﺮﯾﻨﺰ ﭘﺮ ﻻﺋﯿﻮ ﻧﺸﺮ ﮨﻮﻧﮯ ﻭﺍﻻ ﻭﮦ ﺍﯾﻮﻧﭧ ﻻﮐﮭﻮﮞ ﮐﮯ ﺍﺱ ﮨﺠﻮﻡ ﻣﯿﮟ ﺻﺮﻑ ﺍﯾﮏ ﺷﺨﺺ ﮐﻮ ﻓﻮﮐﺲ ﮐﯿﮯ ﮨﻮﺋﮯ ﺗﮭﺎ۔ ﺍﻭﺭ ﺑﺎﺭ ﺑﺎﺭ۔ﻭﮦ ﺍﺱ ﻣﺠﻤﻊ ﮐﮯ ﺳﺎﻣﻨﮯ ﺑﯿﭩﮭﺎ ﺗﮭﺎ ﺟﺲ ﻣﯿﮟ ﺳﮯ ﮐﻮﺋﯽ ﺑﮭﯽ ﺍﺱ ﭘﺮ ﮔﻮﻟﯽ ﭼﻼﺗﺎ ﺗﻮ ﯾﮧ ﺑﮭﯽ ﭘﮩﭽﺎﻧﺎ ﻧﮩﯿﮟ ﺟﺎ ﺳﮑﺘﺎ ﺗﮭﺎ ﮐﮧ ﻭﮦ ﮐﮩﺎﮞ ﺗﮭﺎ ﺍﻭﺭ ﮐﻮﻥ ﺗﮭﺎ۔
ﺍﮔﺮ ﻭﮦ ﻣﺠﻤﻊ ﺍﺱ ﭘﺮ ﭼﮍﮪ ﺩﻭﮌﺗﺎ ﺗﻮ ﺍﻟﻠﮧ ﮐﮯ ﺳﻮﺍ ﮐﻮﺋﯽ ﻧﮩﯿﮟ ﺗﮭﺎ۔ ﺟﻮ ﺍﺱ ﻣﺠﻤﻊ ﮐﮯ ﮨﺎﺗﮭﻮﮞ ﺍﺱ ﮐﯽ ﺑﻮﭨﯿﻮﮞ ﮐﮯ ﺑﮭﯽ ﭨﮑﮍﮮ ﮨﻮﻧﮯ ﺳﮯ ﺭﻭﮎ ﺳﮑﺘﺎ۔ ﺍﻭﺭ ﯾﮧ ﺍﺣﺴﺎﺱ ﺳﺎﻻﺭ ﮐﻮ ﺍﺳﭩﯿﺞ ﭘﺮ ﺑﯿﭩﮭﮯ ﺍﻥ ﻻﮐﮭﻮﮞ ﻟﻮﮔﻮﮞ ﮐﮯ ﺳﺎﻣﻨﮯ ﮨﻮ ﺭﮨﺎ ﺗﮭﺎ۔ ﺍﺱ ﮐﮯ ﺩﻝ ﭘﺮ ﻻﮐﮭﻮﮞ ﻟﻮﮔﻮﮞ ﮐﯽ ﮨﯿﺒﺖ ﻃﺎﺭﯼ ﮨﻮ ﺭﮨﯽ ﺗﮭﯽ ﺍﻭﺭ ﺍﺱ ﮐﯽ ﺯﺑﺎﻥ ﭘﺮ ﻗﺮﺁﻧﯽ ﺁﯾﺎﺕ ﮐﺎ ﻭﺭﺩ ﺗﮭﺎ۔
ﺍﻣﺮﯾﮑﮧ ﻣﯿﮟ ﺳﯽ ﺁﺋﯽ ﺍﮮ ﺍﻭﺭ ﻭﺭﻟﮉ ﺑﻨﮏ ﮐﮯ ﮨﯿﮉ ﮐﻮﺍﺭﭨﺮﺯ ﻣﯿﮟ ﺍﺳﮑﺮﯾﻦ ﭘﺮ ﻧﻈﺮ ﺁﻧﮯ ﻭﺍﻻ ﻭﮦ ﺷﺨﺺ ﺍﻥ ﺳﺐ ﮐﻮ ﺍﭘﻨﯽ ﮨﯿﺒﺖ ﻣﯿﮟ ﻟﮯ ﺭﮨﺎ ﺗﮭﺎ۔ ﺟﻦ ﮐﺎ ﮈﻧﮑﺎ ﭘﻮﺭﯼ ﺩﻧﯿﺎ ﻣﯿﮟ ﺑﺠﺘﺎ ﺗﮭﺎ۔ ﺩﻟﯿﺮﯼ ﮨﻮ ﺗﻮ ﺍﯾﺴﯽ۔ ﺟﺮﺍﺕ ﮨﻮ ﺗﻮ ﺍﯾﺴﯽ۔ﻭﮦ ﮔﻨﮓ ﺗﮭﮯ۔ ﺩﻡ ﺑﺨﻮﺩ ﺍﻭﺭ ﻣﺮﻋﻮﺏ۔
ﻭﮦ ﺷﺨﺺ ﺍﺏ ﭘﯿﭩﺮﺱ ﺍﯾﺒﺎﮐﺎ ﮐﻮ ﺧﺮﺍﺝ ﺗﺤﺴﯿﻦ ﭘﯿﺶ ﮐﺮﻧﮯ ﮐﮯ ﻟﯿﮯ ﻧﺸﺴﺖ ﺳﮯ ﺍﭘﻨﺎ ﻧﺎﻡ ﭘﮑﺎﺭﮮ ﺟﺎﻧﮯ ﭘﺮ ﺍﭨﮫ ﺭﮨﺎ ﺗﮭﺎ۔ ﻻﮐﮭﻮﮞ ﻟﻮﮔﻮﮞ ﮐﺎ ﻣﺠﻤﻊ ﺍﺱ ﮐﮯ ﻟﯿﮯ ﺗﺎﻟﯿﺎﮞ ﺑﺠﺎ ﮐﺮ ﺩﺍﺩ ﻭ ﺗﺤﺴﯿﻦ ﺩﮮ ﺭﮨﮯ ﺗﮭﮯ۔ ﻭﮦ ﺍﺱ ﻭﻗﺖ ﭘﻮﺭﯼ ﺩﻧﯿﺎ ﮐﮯ ﮐﯿﻤﺮﻭﮞ ﮐﺎ ﻣﺮﮐﺰ ﺑﻨﺎ ﮨﻮﺍ ﺗﮭﺎ۔ ﺍﺳﭩﯿﺞ ﮐﮯ ﺑﺎﻟﮑﻞ ﺍﻭﭘﺮ ﮐﺎﻓﯽ ﺑﻠﻨﺪﯼ ﭘﺮ ﺍﯾﮏ ﺑﻠﯿﮏ ﮨﺎﮎ ﮨﯿﻠﯽ ﮐﺎﭘﭩﺮ ﻣﯿﮟ ﺳﯽ ﺁﺋﯽ ﺍﮮ ﮐﮯ ﮐﭽﮫ ﮐﻤﺎﻧﮉﻭﺯ ﺍﺱ ﻣﺠﻤﻊ ﮐﻮ ﭨﯽ ﻭﯼ ﺍﺳﮑﻮﭘﺲ ﺳﮯ ﻣﺎﻧﯿﭩﺮ ﮐﺮ ﺭﮨﮯ ﺗﮭﮯ۔ ﭼﻨﺪ ﺍﻭﺭ ﺑﻠﯿﮏ ﮨﺎﮐﺲ ﺁﺱ ﭘﺎﺱ ﮐﯽ ﻋﻤﺎﺭﺗﻮﮞ ﮐﻮ۔ ﻭﮦ ﺳﺎﻻﺭ ﺳﮑﻨﺪﺭ ﮐﯽ ﺣﻔﺎﻇﺖ ﺍﻭﺭ ﺯﻧﺪﮔﯽ ﮐﮯ ﻟﯿﮯ ﺍﺱ ﻭﻗﺖ ﺍﺱ ﺳﮯ ﺯﯾﺎﺩﮦ ﮐﭽﮫ ﻧﮩﯿﮟ ﮐﺮ ﺳﮑﺘﮯ ﺗﮭﮯ۔ ﺳﺎﻻﺭ ﺳﮑﻨﺪﺭ ﺭﻭﺳﭩﺮﻡ ﮐﮯ ﭘﯿﭽﮭﮯ ﭘﮩﻨﭻ ﭼﮑﺎ ﺗﮭﺎ۔ ﻣﺠﻤﻊ ﮐﻮ ﺳﺎﻧﭗ ﺳﻮﻧﮕﮫ ﮔﯿﺎ ﺗﮭﺎ۔ ﺍﺏ ﻭﮦ ﺑﺴﻢ ﺍﻟﻠﮧ ﺍﻟﺮﺣﻤﻦ ﺍﻟﺮﺣﯿﻢ ﭘﮍﮬﻨﮯ ﮐﮯ ﺑﻌﺪ ﻗﺮﺁﻧﯽ ﺁﯾﺎﺕ ﮐﯽ ﺗﻼﻭﺕ ﮐﺮ ﺭﮨﺎ ﺗﮭﺎ۔۔

جاری ہے