لیلیٰ ادھر سے ادھر چکر کاٹ رہی تھی اور حماد قہر برساتی نگاہوں سے اسے گھور رہا تھا۔۔۔۔۔۔۔

لیلیٰ نے رک کر اچھمبے سے اسے دیکھا۔۔۔۔۔۔

تم مجھے دیکھنے کی بجائے اگر کچھ سوچ لو تو زیادہ بہتر نہیں ہو گا۔۔۔۔۔۔لیلیٰ نے سنجیدگی سے کہا۔۔۔۔۔۔۔

پلان تمہارا تھا نا تو میں کیوں سوچوں تم سوچو۔۔۔۔۔۔تمہارے اس گھٹیا پلان کی وجہ سے ہمیں یونی سے نکال دیا گیا میرے ڈیڈ کی عزت مٹی میں مل گئی اب یہ سب سہی بھی تم ہی کرو گی سمجھی۔۔۔۔۔۔حماد مدھم آواز میں غرایا۔۔۔۔۔۔

لیلیٰ منہ بناتی ہوئی اس کی طرف بڑھ گئی۔۔۔۔۔۔

حماد جو ہو چکا سو ہو چکا۔۔۔۔۔سب کچھ پہلے جیسا نہیں کیا جاسکتا۔۔۔۔۔ابھی ہمیں یہ سوچنا ہے کہ اُفق سے بدلہ کیسے لینا ہے۔۔۔۔۔۔اور بھولوں مت ہماری بربادی کے پیچھے صرف اُفق کا ہاتھ نہیں تھا نینا بھی اس میں شامل تھی۔۔۔۔۔۔لیلیٰ کی بات سن کر حماد نے نفی میں سر ہلایا۔۔۔۔۔۔

تمہے بدلے کی پڑی ہوئی ہے۔۔۔۔۔۔یہاں میں منہ چھپاتا پھر رہا ہوں کب سے ڈیڈ کی کالز آرہی ہیں تنگ آکر میں نے فون سوئچ آف کردیا۔۔۔۔۔۔تمہے زرا بھی اندازہ ہے میڈیا نے اس خبر کو کتنا اچھالا ہو گا تمہے رتی بھر بھی اپنی عزت کا خیال نہیں ہے لیکن مجھے میری عزت کا خیال ہے۔۔۔۔۔۔میں یہاں منہ چھپا کر بیٹھا ہوا ہوں اور وہاں میرے ڈیڈ کو لوگوں کے سوالوں کے جواب دینے پر رہے ہیں۔۔۔۔۔۔

حماد کا غصے سے بُرا حال تھا۔۔۔۔۔۔

ہاں تو کیوں منہ چھپا کر بیٹھے ہوئے ہو جاٶ جا کر بتاٶ سب کو کہ تم بےگناہ ہو تمہارا اور میرا کوئی افیئر نہیں۔۔۔۔۔۔دو سب کو صفائیاں اپنی بےگناہی کی۔۔۔۔۔لیلیٰ چلائی۔۔۔۔۔۔۔

حماد خاموش ہو گیا۔۔۔۔۔۔۔

کیا ہوا؟؟چپ کیوں ہو گئے تم۔۔۔۔۔۔یہی سوچ رہے ہو نا کہ کون کرے گا تمہاری بات پر یقین؟؟لیلیٰ نے استفسار کیا۔۔۔۔۔

حماد نے گہری سانس لی اور سر ہلا دیا۔۔۔۔۔۔

تو تم ہی بتاٶ کہ اب ہمیں کیا کرنا چاہیے؟؟؟

سر جھٹک کر وہ لیلیٰ کی طرف متوجہ ہوا۔۔۔۔۔۔

یہ ہوئی نا بات۔۔۔۔تم میری بات ہی نہیں سن رہے۔۔۔۔۔اب جو میں کہنے جا رہی ہوں غور سے سنو۔۔۔۔۔

دیکھو حماد جو ہو چکا ہے ہم اسے ٹھیک نہیں کرسکتے۔۔۔۔۔۔۔اب ہم چاہے کتنے بھی گواہ کیوں نا پیش کردیں چاہے کتنی بھی صفائیاں کیوں نا دے دیں کوئی ہماری بات کا یقین نہیں کرے گا۔۔۔۔۔۔اس لیے اب یہ سب سوچنے کا کوئی فائدہ نہیں۔۔۔۔۔۔اُفق اور نینا نے ہمارے ساتھ بہت غلط کیا ہے۔۔۔۔۔۔ہماری بربادی کے ذمہ دار وہ دونوں ہیں۔۔۔۔۔تو تم کیا ان سب کے لیے انہے معاف کردو گے؟؟؟

نہیں نا۔۔۔۔۔ہم ان سے بدلہ لیں گے۔۔۔۔۔جیسے انہوں نے ہمیں برباد کیا ویسے ہم انہیں برباد کر دیں گے۔۔۔۔۔۔لیلیٰ نے چہرے پر شیطانی مسکراہٹ سجائے اپنی بات مکمل کی۔۔۔۔۔۔۔

لیکن کیسے۔۔۔۔۔تم اچھی طرح جانتی ہو کہ ایک دفعہ پہلے بھی ہم دونوں کی ایک غلطی کی وجہ سے سارے کیے کرائے پر پانی پھر گیا۔۔۔۔۔تو اس دفعہ کیا گرانٹی ہے کہ ہمارا پلان کامیاب ہو گا؟؟ حماد نے کوفت سے کہا۔۔۔۔۔۔

کیونکہ اس دفعہ میں ان دونوں کے درمیان اتنے فاصلے پیدا کردوں گی کہ وہ دونوں چاہ کر بھی ایک دوسرے کو معاف نہیں کر سکے گے۔۔۔۔۔۔۔آگ لگا دوں گی میں ان کی خوشحال زندگی میں۔۔۔۔۔۔کیا ہوا اگر نینا اُفق سے بدگمان نہیں ہو سکی تو۔۔۔۔۔میں کچھ ایسا کروں گی کہ اُفق نینا کے خلاف ہو جائے گا اور دھکے مار کر اسے گھر سے نکال دے گا۔۔۔۔۔۔

مگر نینا۔۔۔۔۔حماد نے کچھ کہنا چاہا لیکن لیلیٰ نے تلخی سے اس کی بات کاٹ دی۔۔۔۔۔۔

اوہ پلیز اب تم پھر سے اس نینا کی وکالت مت شروع کردینا۔۔۔۔۔اور حماد اس دفعہ تم میرے راستے میں نہیں آٶ گے سمجھے۔۔۔۔۔۔ویسے بھی اُفق نینا کے خلاف ہو یا نینا اُفق کے دونوں صورتوں میں فائدہ تو تمہارا ہی ہے نا۔۔۔۔۔۔اس کے بعد اگر تمہے نینا سے شادی کرنی ہوئی تو بیشک کر لینا۔۔۔۔۔لیلیٰ نے اک ادا سے اپنے بال جھٹکتے ہوئے کہا۔۔۔۔۔

اس کی آنکھوں کی چمک دیکھ کر حماد کو گڑبڑ کا احساس ہوا۔۔۔۔۔۔

کیا کرنے والی ہو تم؟؟؟۔۔۔۔حماد نے اسے مشکوک نظروں سے دیکھتے ہوئے پوچھا۔۔۔۔۔۔

جسٹ ویٹ این واچ۔۔۔۔۔کہ کر لیلیٰ تیزی سے سیڑھیوں کی طرف بڑھ گئی۔۔۔۔۔۔

***************************

وہ دونوں اس وقت پارک میں موجود تھے۔۔۔۔۔۔

اُفق ایک بینچ پر بیٹھا ہوا ارد گرد کا جائزہ لے رہا تھا۔۔۔۔۔جبکہ نینا اس کے ساتھ بیٹھی سامنے کھیلتے ہوئے پچوں کو دلچسپی سے دیکھ رہی تھی۔۔۔۔۔۔

اس کی آنکھوں میں آئی نمی اُفق سے پوشیدہ نہیں تھی۔۔۔۔وہ اچھی طرح سے جانتا تھا کہ نینا کو آج بھی اس بات کا کتنا دکھ ہے کہ وہ کبھی ماں نہیں بن سکتی۔۔۔۔۔۔۔اس کے خیال سے ہر عورت کے لیے دنیا کی سب سے بڑی خوشی یہی ہوتی ہے۔۔۔۔۔۔لیکن نینا سے نہایت بےدردی سے یہ خوشی چھین لی گئی تھی۔۔۔۔۔۔

اس کا دھیان بٹانے کے لیے اُفق نے اس کے کندھے پر سر رکھ دیا۔۔۔۔۔۔

نینا نے چونک کر اسے دیکھا۔۔۔۔۔

یہ کیا کر رہے ہو۔۔۔۔۔نینا نے حیرت سے استفسار کیا۔۔۔۔۔۔

اُفق نے اپنے ہاتھ انگلی سے ایک طرف اشارہ کیا۔۔۔۔۔۔

نینا نے اس کی انگلی کے تعاقب میں دیکھا تو اس کا منہ حیرت سے کھل گیا۔۔۔۔۔۔

وہاں ایک شادی شدہ جوڑا بینچ پر بیٹھے دنیا جہاں سے بےخبر ایک دوسرے سے پیار بھری باتیں کرنے میں مصروف تھے۔۔۔۔۔لڑکی نے لڑکے (جو غالباً اس کا شوہر تھا) کے کندھے پر سر رکھا ہوا تھا۔۔۔۔۔۔۔۔

کیا ہے یار۔۔۔۔ہم دونوں بھی نیو میریڈ کپل ہیں۔۔۔۔۔میں کب سے انتظار کر رہا ہوں تم میرے کندھے پر سر رکھو گی اور ایسے ہی میرے ساتھ پیار بھری باتیں کرو گی لیکن تم تو ان بچوں میں کھوئی ہوئی ہو تو میں نے سوچا میں ہی تمہارے کندھے پر سر رکھ لوں۔۔۔۔۔شاید تم ان بچوں سے نظر ہٹا کر اپنے شوہر پر بھی نظر کرم کر دو۔۔۔۔۔۔اُفق چہرے پر دنیا بھر کی معصومیت سجائے بولا۔۔۔۔۔۔

اُفق تمہے پتہ ہے میں آج تم سے اپنی دل کی بات کہنا چاہتی ہوں۔۔۔۔۔میں تمہے پتانا چاہتی ہوں کہ میرے دل میں تمہارے لیے کیا فیلنگز ہیں۔۔۔۔۔نینا کی بات سن کر اُفق خوشی سے نہال ہو گیا۔۔۔۔۔۔

دل ہی دل میں اس نے خود کو داد دی کہ بات بن گئی۔۔۔۔۔۔۔

میں تمہے بتانا چاہتی ہوں کہ تم فضول ترین انسان ہو۔۔۔۔۔۔ہزار ڈھیٹ مرے ہوں گے جب تم پیدا ہوئے۔۔۔۔۔۔نینا کی تعریفیں سن کر وہ جو خوشی سے پاگل ہو رہا تھا حیران پریشان ہو گیا۔۔۔۔۔۔

ڈارلنگ تم نا بھی بتاٶ تو میں جانتا ہوں میں انتہائی فضول انسان ہوں۔۔۔۔۔مگر جو بھی ہوں جیسا بھی ہوں تمہارا ہوں۔۔۔۔۔۔۔ڈھیٹ ابن ڈھیٹ اُفق مصطفیٰ نے تو جیسے شرمندہ ہونا سیکھا ہی نہیں تھا۔۔۔۔۔۔۔

حد ہے۔۔۔۔نینا غصے سے منہ پھیر کر دوسری طرف دیکھنے لگی۔۔۔۔۔۔

دونوں کے درمیان طویل خاموشی چھا گئی۔۔۔۔۔۔

کافی دیر انتظار کے بعد بھی جب اُفق کچھ نہیں بولا تو نینا کو تشویش ہوئی۔۔۔۔۔

نینا نے سر اُٹھایا تو سامنے کا منظر دیکھ کر غصے سے اس کا بُرا حال ہو گیا۔۔۔۔۔۔

سامنے والے بینچ پر بیٹھی ایک لڑکی اُفق کو سمائل دے رہی تھی جبکہ اُفق ہاتھ سے نجانے کیا کیا اشارے کر رہا تھا اس کی طرف۔۔۔۔۔۔

نینا نے آگ برساتی نظروں سے اُفق کی طرف دیکھا۔۔۔۔۔۔

نینا نے اپنی گود میں پڑی پانی کی بوتل اُٹھائی۔۔۔۔۔۔اور ڈھکن اتار کر سارا کا سارا پانی اُفق کے سر پر گرا دیا۔۔۔۔۔۔۔

اُفق جو کچھ بولنے کے لیے منہ کھول رہا تھا رک گیا۔۔۔۔۔۔

اس نے چونک کر ایک نظر اپنے گیلے بال اور گیلی شرٹ پر ڈالی اور ایک نظر نینا کے غصے سے سرخ چہرے پر ڈالی۔۔۔۔۔

بات سمجھ میں آتے ہی اُفق کا قہقہ بلند ہوا۔۔۔۔۔

اوہ گاڈ مسز اُفق جیلس ہو رہی ہے۔۔۔۔۔۔۔ اُفق نے ہنستے ہوئے کہا۔۔۔۔۔۔

میں کیوں جیلس ہونے لگی وہ بھی اس ڈونگے جیسی شکل کی لڑکی سے۔۔۔۔۔جیلس ہوتی ہے میری جوتی۔۔۔۔۔نینا منہ بناتے ہوئے بولی۔۔۔۔۔۔

کیا یار اب تم میری طرف دیکھ تک نہیں رہی تھی اور وہ لڑکی بار بار مجھے سمائل پاس کر رہی تو میں نے سوچا اس کے ساتھ ہی تھوڑی گپ شپ کر لی جائے۔۔۔۔۔۔ویسے اتنی بھی بُری نہیں ہے وہ۔۔۔۔خاصی کیوٹ ہے۔۔۔۔۔اُفق نے مسکراہٹ دباتے ہوئے کہا۔۔۔۔۔۔

اس کی بات سن کر نینا نے سامنے بیٹھی ہوئی لڑکی کی طرف دیکھا۔۔۔۔۔۔

بلیک ٹاپ کے ساتھ وائٹ ٹائٹ جو گھٹنوں سے زرا نیچے تک تھی۔۔۔۔۔میک اپ سے تر چہرہ اور بال جو کرلی کروائے ہوئے تھے کندھے پر جھول رہے تھے۔۔۔۔۔۔

وہ دیکھنے میں کسی جوکر سے کم نہیں تھی۔۔۔۔۔۔

افق میں ہڈیاں توڑ دوں گی۔۔۔۔۔نینا غرائی۔۔۔۔۔۔

میری یا پھر اس لڑکی کی؟؟اُفق نے چہرے پر جلا دینے والی مسکراہٹ لیے استفسار کیا۔۔۔۔۔۔

پہلے تمہاری اور پھر اس کیں۔۔۔۔۔نینا نے غصیلے لہجے میں کہا۔۔۔۔۔۔

شوق سے توڑنا ڈارلنگ لیکن اس کے لیے تمہے ایک عدد ہتھوڑے کی ضرورت پڑے گی۔۔۔۔۔۔اور وہ تو یہاں نہیں ہے۔۔۔۔۔اس لیے میں تمہے بتا دوں کہ جب تک تم ہتھوڑا لینے جاٶ گی میں اس لڑکی کے ساتھ بھاگ جاٶں گا۔۔۔۔۔۔اُفق نے کمال بےنیازی سے کہا اور پھر سے اس لڑکی کو دیکھنے لگا۔۔۔۔۔۔

لیکن یہ کیا اپنے قریب کسی کی سسکیاں سن کر اس نے حیرت سے نینا کی طرف دیکھا۔۔۔۔۔۔

نینا کو روتے دیکھ کر اس کا منہ حیرت سے کھل گیا۔۔۔۔۔۔۔

نین کیا ہوا ہے یار۔۔۔۔۔میں تو مذاق کر رہا تھا تم تو سیریس ہی ہو گئی۔۔۔۔۔۔نینا کو روتے دیکھ کر اُفق کے ہاتھ پاٶں پھول گئے۔۔۔۔۔۔اسکے آنسو افق کو اپنے دل پر گرتے محسوس ہو رہے تھے۔۔۔۔۔۔

جبکہ نینا کی ری ری اسی طرح جاری تھی۔۔۔۔۔۔

ارد گرد بیٹھے لوگ بھی اسے روتا دیکھ ان کی طرف متوجہ ہو گئے۔۔۔۔۔۔۔

نین ایم سوری میری جان۔۔۔۔۔میں بس ویسے ہی تمہے تنگ کر رہا تھا۔۔۔۔۔۔چپ ہو جاٶ پلیز۔۔۔۔۔۔اُفق اسے ساتھ لگائے چپ کروانے کی کوشش کررہا تھا۔۔۔۔۔۔

ارد گرد کے لوگ دلچسپی سے اس منظر کر دیکھ رہے تھے۔۔۔۔۔۔

تم اس ڈونگے کی شکل والی لڑکی کو کیوں دیکھ رہے تھے تم مجھ سے پیار نہیں کرتے۔۔۔۔۔۔نینا نے سوں سوں کرتے ہوئے کہا۔۔۔۔۔۔۔

جبکہ خود کو ڈونگے کی شکل والی کہنے پر سامنے والی لڑکی پہلو بدل کر رہ گئی۔۔۔۔۔۔

اُفق تو اس الزام پر ششدر رہ گیا۔۔۔۔۔۔۔

نین میں صرف تم سے پیار کرتا ہوں میری جان۔۔۔۔۔تمہارے علاوہ میں کسی کے بارے میں سوچ بھی نہیں سکتا آئی سوئیر۔۔۔۔۔اس لڑکی سے تو میں صرف تمہے تنگ کرنے کے لیے بات کر رہا تھا۔۔۔۔۔سیریسلی میرا اس کے ساتھ کوئی تعلق نہیں۔۔۔۔۔پیار تو دور کی بات میں اسے جانتا تک نہیں۔۔۔۔۔اب تو چپ ہو جاٶ۔۔۔۔۔۔

اُفق نے اس کے سر پر بوسہ دیتے ہوئے کہا۔۔۔۔۔۔

تو پھر ثابت کرو کہ تم مجھ سے پیار کرتے ہو۔۔۔۔۔ان سب کے سامنے مجھے پروپوز کرو ابھی۔۔۔۔۔نینا کی طرف سے ایک نیا حکم آیا۔۔۔۔۔۔۔

سامنے بیٹھی لڑکی نینا کی بات سن کر آگ بگولا ہو گئی۔۔۔۔۔۔

تم اپنی بیوی سے پیار کرتے ہو تو مجھ سے کیوں باتیں کر رہے تھے۔۔۔۔۔۔اس نے اُٹھ کر افق سے سخت لہجے میں پوچھا۔۔۔۔۔۔۔

اُفق نے کھا جانے والی نظروں سے اسے گھورا۔۔۔۔۔۔

اور بغیر اس کے سوال کا جواب دیئے تیزی سے ایک طرف لگے گلاب کے پودے کی طرف بڑھ گیا۔۔۔۔۔۔

اُفق نے وہاں سے ایک سرخ گلاب توڑا اور نینا کے سامنے گھٹنوں کے بل بیٹھ گیا۔۔۔۔۔۔

مسز اُفق مصطفیٰ!۔۔۔۔میں تم سے بےانتہا محبت کرتا ہوں۔۔۔۔۔کیا تم بھی مجھ سے اتنی ہی محبت کرتی ہو؟؟؟اُفق نے پھول اس کی طرف بڑھاتے ہوئے پوچھا۔۔۔۔۔۔

نینا نے مسکرا کر سر ہلاتے ہوئے اس کے ہاتھ سے پھول لے لیا۔۔۔۔۔۔

نینا کی ہاں سن کر ارد گرد کھڑے لوگ تالیاں بجانے لگے۔۔۔۔۔۔

سامنے کھڑی لڑکی پیر پٹکتی ہوئی وہاں سے چلی گئی۔۔۔۔۔۔

چلو اب گھر چلیں۔۔۔۔۔اُفق کے مسکراتے ہوئے کہا۔۔۔۔۔۔

مسکرانے سے اس کے گال پر ڈمپل پڑے۔۔۔۔۔۔۔

نینا نے پہلے ارد گرد دیکھا اور پھر مسکراتے ہوئے اس کے ڈمپل پر اپنے لب رکھ دیئے۔۔۔۔۔۔

جس پر سب نے خوب ہوٹنگ کی۔۔۔۔۔۔

نینا جھنپ گئی۔۔۔۔

پھر وہ دونوں ساتھ چلتے ہوئے اپنی گاڑی کی طرف بڑھ گئے۔۔۔۔۔۔

*****************************

نین جلدی کرو یار کتنا ٹائم لگاٶ گی ڈیڈ ہمارا ویٹ کر رہے ہیں۔۔۔۔۔۔اُفق نے کوئی تیسری دفعہ اپنے کمرے کے دروازے کے باہر کھڑے ہو کر آواز لگائی۔۔۔۔۔۔۔

بس دو منٹ اُفق آرہی ہوں۔۔۔۔۔۔اس دفعہ بھی پہلے کی طرح ہی جواب آیا تھا۔۔۔۔۔۔

تمہارے دو منٹ کتنے گھنٹے بعد ختم ہوں گے یار۔۔۔۔۔کب سے تم یہی کہ رہی ہو لیکن نا تو مجھے اندر آنے دے رہی ہو نا خود باہر آرہی ہو۔۔۔۔۔۔اُفق نے کوفت سے کہا۔۔۔۔۔۔

بس آرہی ہوں نا صبر تو کرو۔۔۔۔۔اندر سے نینا کی جھنجلائی ہوئی آواز آئی۔۔۔۔۔۔

اوکے جلدی کرو میں باہر گاڑی میں تمہارا ویٹ کر رہا ہوں۔۔۔۔۔۔اُفق کہ کر آگے بڑھ گیا۔۔۔۔۔۔۔

آج تیمور صاحب کے دوست کے گھر پارٹی تھی۔۔۔۔۔۔انہوں نے خاص طور پر تیمور مصطفیٰ کی فیملی کو انوائٹ کیا تھا۔۔۔۔۔نینا جانا تو نہیں چاہ رہی تھی مگر تیمور صاحب کے اصرار پر مجبوراً اسے ماننا پڑا۔۔۔۔۔۔

ابھی بھی تیمور صاحب ایک گھنٹہ پہلے انہیں جلدی آنے کی تاکید کرکے نکل چکے تھے۔۔۔۔۔۔

اُفق کب کا تیار ہو چکا تھا۔۔۔۔۔نینا چونکہ اُفق کی نظروں سے خائف ہو کر سہی سے تیار نہیں ہو پا رہی تھی اس لیے اس نے اُفق کو کمرے سے باہر نکال دیا۔۔۔۔۔۔

ایک گھنٹے سے وہ تیار ہونے میں لگی ہوئی تھی۔۔۔۔۔۔

اُفق فرنٹ سیٹ پر بیٹھا بےچینی سے بار بار کلائی پر بندھی گھڑی کی طرف دیکھ رہا تھا۔۔۔۔۔۔

کافی انتظار کے بعد بالآخر نینا آتی ہوئی دیکھائی دی۔۔۔۔۔۔

اُفق کی نظر اس پر پڑی تو وہ نظر پلٹنا بھول گیا۔۔۔۔۔۔

اُفق کے لائے ہوئے سفید فراک میں وہ بےانتہا خوبصورت لگ رہی تھی۔۔۔۔۔۔سر پر ہمیشہ کی طرح حجاب کر رکھا تھا اور دوپٹہ سینے پر پھیلایا ہوا تھا۔۔۔۔۔۔

نینا چلتی ہوئی اس کے قریب آگئی۔۔۔۔۔گاڑی میں بیٹھتے ہی اس نے اُفق چلنے کا کہا۔۔۔۔۔۔

اُفق تو یک ٹک اسے دیکھنے میں مصروف تھا۔۔۔۔۔

اب چلو بھی آگے ہی ہم لیٹ ہو چکے ہیں۔۔۔۔۔نینا نے اس دفعہ زرا اونچی آواز میں کہا۔۔۔۔۔۔

ایک دم اُفق جیسے کسی خواب سے جاگا تھا۔۔۔۔بلکہ یہ کہنا زیادہ بہتر ہو گا کہ حسین خواب سے جاگا تھا۔۔۔۔۔۔

سر جھٹک کر اس نے گاڑی آگے بڑھا دی۔۔۔۔۔۔۔

تیمور صاحب نے ان دونوں کے دیر سے آنے پر ناراضگی کا اظہار کیا تھا۔۔۔۔۔۔

انکل اس کی وجہ سے دیر ہو گئی۔۔۔۔۔۔

اتنا ٹائم لگا رہے تھے تیار ہونے میں۔۔۔۔۔نینا نے سارا ملبہ اُفق کے اُوپر گرا دیا۔۔۔۔۔۔۔

جبکہ اُفق کی نظریں گھوم پھر کر پھر سے نینا پر ٹک جاتیں۔۔۔۔۔۔

وہ سمجھ نہیں پا رہا تھا کہ نینا واقع ہی آج بہت خوبصورت لگ رہی ہے یا پھر اُفق کو وہ آج پہلے سے زیادہ خوبصورت لگ رہی ہے۔۔۔۔۔۔۔خیر جو بھی تھا نینا تھی تو ہمیشہ سے ہی خوبصورت۔۔۔۔۔۔

سارا وقت اُفق نے نینا کو اپنے ساتھ ساتھ رکھا تھا۔۔۔۔۔۔

تیمور صاحب کے ایک بزنس پارٹنر کی بیٹی نے اسے اپنے ساتھ ڈانس کی بھی آفر کی تھی لیکن اُفق نے سہولت سے انکار کر دیا۔۔۔۔۔۔جس پر نینا نے زبان نکال کر اس لڑکی کو چھڑایا۔۔۔۔۔۔

اُفق ہنس دیا اس کی حرکت پر۔۔۔۔۔۔۔

پارٹی اختتام پزیر ہوئی تو وہ تینوں واپس گھر کے لیے نکل گئے۔۔۔۔۔۔

*****************************

مانوس سا لمس محسوس کرکے نینا نے زرا سی آنکھیں کھول دیں۔۔۔۔۔

اُفق کو اپنے اوپر جھکا دیکھ کر نینا کی آنکھیں پٹ سے کھل گئیں۔۔۔۔۔

پارٹی سے آنے کے بعد وہ کافی تھک چکی تھی اسی لیے آرام کی غرض سے بستر پر لیٹ گئی۔۔۔۔۔۔

لیکن اب اُفق کو اپنے اوپر جھکا دیکھ کر نینا کو اپنی غلطی کا احساس ہوا۔۔۔۔۔۔

اسے پہلے اُفق کے سونے کا انتظار کرنا چاہیے تھا۔۔۔۔۔۔

اُفق۔۔۔۔۔نینا نے کچھ کہنا چاہا۔۔۔۔۔

شش جان اُفق۔۔۔۔۔۔۔اُفق نے اس کے ہونٹوں پر اپنی انگلی رکھ دی۔۔۔۔۔۔۔

تمہے دیکھ کر اُفق مصطفیٰ خود پر سے اختیار کھونے لگتا ہے۔۔۔۔۔۔اُفق نے گھمبیر لہجے میں کہا۔۔۔۔۔۔۔

نینا کو گڑبڑ کا احساس ہوا۔۔۔۔۔۔

اُفق وہ مم کافی بنانے جانا تھا کچن میں۔۔۔۔۔نینا نے فوراً بہانہ بنایا اور اُٹھنے لگی۔۔۔۔۔۔

نینا اُٹھ کر جانے لگی جب اُفق نے پھر سے اپنے اوپر گرا لیا۔۔۔۔۔۔

تم کافی پی کر ہی روم میں آئی تھی۔۔۔۔۔اُفق کی بات سن کر نینا پریشان ہو گئی۔۔۔۔۔۔

وہ بھاگنے کے لیے پر تول رہی تھی کیونکہ اُفق کے انداز سے لگ رہا تھا کہ وہ آج اسے چھوڑنے کے موڈ میں نہیں ہے۔۔۔۔۔۔۔

بھاگنے کا کوئی راستہ نہیں اب کیونکہ تم صبح ہی مجھ سے اپنی محبت کا اظہار کر چکی ہو۔۔۔۔افق نے کہا۔۔۔۔۔۔

میں نے کب کیا اظہار؟؟۔۔۔وہ صاف مکر گئی۔

آج صبح جب میں نے تم سے پوچھا تھا کہ تم مجھ سے محبت کرتی ہو تو تم نے سر ہاں میں ہلایا تھا۔۔۔۔۔۔یعنی تم مجھ سے محبت کرتی ہو۔۔۔۔۔اور اگر نہیں بھی کرتی تو میں کوئی بات نہیں میں تو کرتا ہوں نا۔۔۔۔۔وہ آج کسی صورت رعایت کرنے کے موڈ میں نہیں تھا۔

اُفق وہ میں۔۔۔۔۔نینا نے کوئی نیا بہانہ بنانا چاہا۔۔

جان اُفق۔۔۔۔کھانا تم کھا چکی ہو۔۔۔۔۔کافی بھی تم پی چکی ہو۔۔۔۔۔پانی پینا ہے تو یہ پاس ہی جگ موجود ہے پی لو۔۔۔۔۔اس کے علاوہ کچن کے سارے کام بھی تم کر چکی ہو اس لیے بہانے بنانا بند کر دو۔۔۔۔۔۔اُفق باور کرانے کے انداز میں بولا۔۔۔۔۔۔

نینا خجل سی ہو گئی اپنی چوڑی پکڑی جانے پر۔۔۔۔۔۔

اور پھر اُفق کی محبت کے آگے اس کی ساری مزاحمت دم توڑ گئی۔۔۔۔۔۔

اس نے پوری طرح سے خود کو اُفق کے حوالے کردیا۔۔۔۔۔۔

چاند مسکرا دیا اس خوبصورت ملن پر۔۔۔۔۔۔۔

••ﻭﮦ ﭼﺎﻧﺪ ﭼﮩﺮﮦ ﺳﺘﺎﺭﮦ ﺍٓﻧﮑﮭﯿﮟ

••ﻭﮦ ﺯﻟﻒ ﮐﺎﻟﯽ ﮨﮯ ﺭﺍﺕ ﺟﯿﺴﮯ

••ﺣﺴﯿﻦ ﻟﻔﻈﻮﮞ ﭘﮧ ﻣﺸﺘﻤﻞ ﮨﻮ

••ﻭﮦ ﺍﯾﺴﮯ ﺷﺎﻋﺮ ﮐﯽ ﺑﺎﺕ ﺟﯿﺴﮯ

••ﻭﮦ ﮔﺎﻝ ﻧﺎﺯﮎ ﮔﻼﺏ ﭨﮭﮩﺮﺍ

••ﮨﻮ ﺟﺲ ﭘﮧ ﺯﻟﻔﻮﮞ ﮐﺎ ﮔﮩﺮﺍ ﭘﮩﺮﺍ

••ﺳﺮﺍﭘﮧ ﭘﺮﯾﻮﮞ ﺳﮯ ﻣﻠﺘﺎ ﺟُﻠﺘﺎ

••ﮨﮯ ﺣﺴﻦ ﺍُﺳﮑﮯ ﭘﮧ دل پھسلتا

••ﻭﮦ ﺧﻮﺑﺼﻮﺭﺕ ﻭﮦ ﺩﻟﻨﺸﯿﮟ ﮨﮯ

••ﺍُﺳﯽ ﮐﯽ ﺍٓﻧﮑﮭﻮﮞ ﭘﮧ ﺍٓﻓﺮﯾﮟ ﮨﮯ

••ﻭﮦ ﺷﻮﺥ ﻭ ﭼﻨﭽﻞ ﻭﮦ ﻧﺮﻡ ﻭ ﻧﺎﺯﮎ

••ﻭﮦ ﺟﻮ ﮐﮧ ﺩﻟﮑﺶ ﮨﮯ ﻣﺎﮨﺠﺒﯿﮟ ﮨﮯ

••ﻭﮦ ﭘﮭﻮﻝ ﮐﻠﯿﺎﮞ ﺳﺘﺎﺭﻭﮞ ﺟﯿﺴﺎ

••ﻭﮦ ﮨﮯ ﻣﭽﻠﺘﯽ ﺑﮩﺎﺭﻭﮞ ﺟﯿﺴﺎ

••ﻭﮦ ﭼﺎﻧﺪﻧﯽ ﻣﯿﮟ ﮨﮯ ﻋﮑﺲ ﺟﺲ ﮐﺎ

••ﺑﺮﺳﺘﯽ ﺑﺎﺭﺵ ﺳﺎ ﺭﻗﺺ ﺟﺲ ﮐﺎ

••ﻭﮦ ﻟﺐ ﮨﯿﮟ ﻣَﮯ ﮐﺶِ ﺷﺒﺎﺏ ﺟﯿﺴﮯ

••ﻭﮦ ﺳﺮﺥ ﻣﺎﻧﻮ ﮔﻼﺏ ﺟﯿﺴﮯ

••ﺟﻮ ﭼﮭﻮ ﮐﮯ ﮔﺰﺭﮮ ﻓﻀﺎ ﻣﻌﻄﺮ

••ﮨﻮ ﺗﺸﻨﮕﯽ ﺑﮭﯽ ﻋﺠﺐ ﺑﻠﻨﺪﺗﺮ

••ﻻﺯﻭﺍﻝ ﺣﺴﻦ ﻭ ﺟﻤﺎﻝ ﮨﮯ ﻭﮦ

••ﮨﮯ ﺷﺎﻋﺮﯼ ﮐﯽ ﮐﺘﺎﺏ ﺟﯿﺴﮯ

••ﺟﻮ ﻣﺴﮑﺮﺍ ﺩﮮ ﺗﻮ ﺩﻝ ﮨﮯ ﮈﻭﻟﮯ

••ﮨﮯ ﻋﺸﻖ ﺍﺳﮑﺎ ﺳَﺮ ﭼﮍﮪ ﺑﻮﻟﮯ

••ﻧﮩﯿﮟ ﭘﻠﭩﺘﯽ ﻧﻈﺮ ﺟﻮ ﮈﺍﻟﻮ

••ﻭﮦ ﭼﮩﺮﺍ ﭼﺎﮨﺖ ﮐﺎ ﺑﺎﺏ ﺟﯿﺴﮯ

••ﮨﻮ ﺷﺎﻋﺮﯼ ﮐﯽ ﮐﺘﺎﺏ ﺟﯿﺴﮯ

جاری ہے