ماضی۔۔۔۔۔

ارے یار یہ نینا کی بچی ابھی تک نہیں آئی۔۔۔۔۔۔۔پتہ نہیں کہا مری ہوئی ہے۔۔۔۔۔۔۔

حنا کی نظریں یونیورسٹی کے گیٹ پر ٹکی ہوئی تھیں۔۔۔۔۔۔۔۔وہ کب سے نینا کا انتظار کر رہی تھی لیکن نینا تھی کہ آنے کا نام ہی نہیں لے رہی تھی۔۔۔۔۔۔۔

کافی دیر انتظار کے بعد بالآخر نینا یونی میں داخل ہوتی ہوئی نظر آئی۔۔۔۔۔۔۔۔۔

حنا غصہ سے نینا کی طرف بڑھی۔۔۔۔۔۔۔

نینا جو حنا کی طرف ہی آ رہی تھی اسے یوں غصے سے اپنی طرف بڑھتا دیکھ سمجھ گئی کہ آج اس کی خیر نہیں۔۔۔۔۔۔۔

نینا نے فل سپیڈ سے دوڑ لگا دی۔۔۔۔۔۔۔۔۔

حنا بھی اس کے پیچھے بھاگنے لگی۔۔۔۔۔۔۔

رُک جا نینا کی بچی۔۔۔۔۔۔۔آج تو نہیں بچے گی مجھ سے۔۔۔۔۔۔۔رُک۔۔۔۔۔۔۔حنا چلائی۔۔۔۔۔

حد ہے یار ابھی میری شادی بھی نہیں ہوئی تو بچے کہا سے آ گئے۔۔۔۔۔۔۔۔نینا نے مسکراہٹ دبائی۔۔۔۔۔۔۔۔

نینا کی بات پر حنا نے اسے گھوری سے نوازا۔۔۔۔۔۔۔۔

تیرے تو اگلے پچھلے یاد رکھے گے تو ایک دفعہ میرے ہاتھ آجا بس۔۔۔۔۔۔۔چھوڑو گی نہیں تجھے۔۔۔۔۔۔۔۔حنا کا چہرہ غصے کی وجہ سے سُرخ ہو رہا تھا۔۔۔۔۔۔۔۔

ہاں ہاں مت چھوڑنا۔۔۔۔۔۔۔پہلے پکڑ تو لے۔۔۔۔۔۔۔اسی بہانے تم تھوڑی سمارٹ ہو جاٶ گی موٹو۔۔۔۔۔۔۔نینا نے اس کے موٹاپے پر چوٹ کرتے ہوئے کہا۔۔۔۔۔۔۔۔

حنا زیادہ نہیں لیکن تھوڑی موٹی تھی جس کی وجہ سے اسے بھاگنے میں پرابلم ہو رہی تھی۔۔۔۔۔۔۔

وہ دونوں بھاگتے بھاگتے پوری یونی گھوم چکی تھیں۔۔۔۔۔۔۔۔

تھک ہار کر دونوں ہی گھاس پر بیٹھ گئیں۔۔۔۔۔۔۔۔

بیگ سے پانی کی بوتل نکال کر نینا نے پانی کے گھونٹ بھرے اور بوتل حنا کی طرف بڑھا دی۔۔۔۔۔۔۔

پانی پی کر دونوں نے کچھ دیر اپنی سانس بحال کی۔۔۔۔۔۔۔۔۔

حنا نے نینا کی طرف دیکھا اور پھر ایک کتاب اس کے سر پر دے ماری۔۔۔۔۔۔۔۔

آٶچ۔۔۔۔۔۔۔اُف موٹو اتنی زور سے کون مارتا ہے بھلا۔۔۔۔۔۔۔نینا سر سہلاتی ہوئی بولی۔۔۔۔۔۔۔۔

دل تو کر رہا ہے کہ ان ساری کتابوں کو تمہارے سر پر مار کر تمہارا سر پھاڑ دوں۔۔۔۔۔۔۔حنا اسے کھا جانے والی نظروں سے دیکھتی ہوئی بولی۔۔۔۔۔۔۔۔

اچھا نا سوری۔۔۔۔۔۔۔۔تجھے تو پتہ ہے نا میں رات کو لیٹ سوتی ہوں اور پھر صبح ناشتہ بھی بنانا ہوتا ہے۔۔۔۔۔۔۔۔نینا مسکراتے ہوئے بولی۔۔۔۔۔۔۔

یار تمہارے گھر میں اتنے سارے ملازم موجود ہیں پھر بھی تم ناشتہ کیوں بناتی ہو۔۔۔۔۔۔۔۔۔حنا کوفت سے بولی۔۔۔۔۔۔۔۔

تم جانتی تو ہو آنٹی اور سانیہ میرے ہاتھ کا ناشتہ پسند کرتی ہیں۔۔۔۔۔۔۔۔

ہاں جیسے مجھے تو پتہ نہیں ہے نا کچھ بھی۔۔۔۔۔۔۔وہ تم سے ہر کام اس لیے کرواتے ہیں تاکہ تمہے یہ احساس دلاتے رہے کہ تمہاری حیثیت اس گھر میں ملازموں سے کم نہیں۔۔۔۔۔۔۔۔۔اور وہ ثانیہ وہ تو تمہے نیچا دیکھانے کا کوئی موقع ہاتھ سے نہیں جانے دیتی۔۔۔۔۔۔۔۔حنا کی بات سن کر نینا سر جھکا گئی۔۔۔۔۔۔۔۔سچ ہی تو کہ رہی تھی وہ۔۔۔۔۔۔اپنے ہی گھر میں نینا کی حیثیت کسی ملازم سے کم نا تھی۔۔۔۔۔۔۔۔

نینا! کیوں برداشت کرتی ہو تم یہ سب؟۔۔۔۔۔۔۔۔وہ گھر جتنا تانیہ آنٹی اور ثانیہ کا یہ نا اتنا تمہارا بھی ہے۔۔۔۔۔۔۔۔اپنے حق کے لیے لڑنا سیکھو۔۔۔۔۔۔۔۔حنا نے اسے سمجھانا چاہا۔۔۔۔۔۔۔۔

چھوڑو نا یار۔۔۔۔۔۔تم بھی صبح صبح کیا باتیں لے کر بیٹھ گئی ہو۔۔۔۔۔۔چلو کلاس میں ورنہ لیٹ ہوجائیں گے۔۔۔۔۔۔۔۔اور پھر سر سے ڈانٹ کھانی پڑے گی۔۔۔۔۔۔۔۔نینا نے گویا بات ہی ختم کر دی۔۔۔۔۔۔اور اُٹھ کر کلاس کی جانب چل دی۔۔۔۔۔۔۔۔

حنا بس اسے دیکھ کر رہ گئی۔۔۔۔۔۔۔

جب چھپانا نہیں آتا تو کیوں چھپاتی ہو اپنا درد؟؟۔۔۔۔۔۔۔حنا کی بات سن کر نینا کے کلاس کی طرف بڑھتے قدم رُک گئے۔۔۔۔۔۔۔۔

پھر بنا کچھ کہے نینا کلاس کی طرف بھاگ گئی۔۔۔۔۔۔۔۔

کہنے کے لیے کچھ تھا ہی نہیں اس کے پاس۔۔۔۔۔۔۔۔حنا بھی سر جھٹک کر آگے بڑھ گئی۔۔۔۔۔۔۔۔۔

*************************

نینا جیسے ہی گھر میں داخل ہوئی سب لوگ اسے سامنے لاٶنج میں ہی نظر آگئے۔۔۔۔۔۔۔۔

نینا سب کو سلام کر کے اپنے کمرے میں جانے لگی۔۔۔۔۔۔۔۔جب اسد شیرازی کی آواز نے اس کے قدم روک دیئے۔۔۔۔۔۔۔

رُکو نینا۔۔۔۔۔۔۔۔

نینا کے چہرے پر خوشی کے رنگ بکھر گئے۔۔۔۔۔۔۔اک اُمید جاگ اُٹھی تھی دل میں۔۔۔۔۔۔۔۔کہ شاید وہ اس سے اس کا حال احوال پوچھ لیں۔۔۔۔۔۔یا شاید اسے کہ کر پکاریں۔۔۔۔۔۔۔۔اس سے پوچھے کہ بیٹا تمہے کوئی پرابلم تو نہیں ہے اس گھر میں۔۔۔۔۔۔۔۔

اسد شیرازی جب بھی گھر میں ہوتے وہ اسے نظرانداز کرتے تھے۔۔۔۔۔۔آج نجانے کتنے مہینوں بعد انھوں نے نینا کو مخاطب کیا تھا۔۔۔۔۔۔۔۔پل بھر میں نینا خوشی سے جھوم اُٹھی تھی۔۔۔۔۔۔۔

لیکن یہ خوشی بھی شاید چند پلوں کی تھی۔۔۔۔۔۔۔۔

تم میری غیر موجودگی میں تانیہ سے بدتمیزی کرتی ہو؟؟؟۔۔۔۔۔۔۔اسد شیرازی نے سخت لہجے میں پوچھا۔۔۔۔۔۔۔۔

نینا کی ساری خوشی کچھ ہی پل میں ہوا ہو گئی۔۔۔۔۔۔۔۔

ج جی۔۔۔۔۔۔۔نہیں پاپا۔۔۔۔۔۔۔نینا نے نفی میں سر ہلایا۔۔۔۔۔۔۔۔

شٹ اپ۔۔۔۔۔۔۔خبردار جو مجھے پاپا کہا۔۔۔۔۔۔۔۔نہیں ہوں میں تمہارا باپ اوکے۔۔۔۔۔۔۔۔

نہیں میں نے تو کوئی بدتمیزی نہیں کی۔۔۔۔۔۔۔نینا ڈرے سہمی سی بولی۔۔۔۔۔۔۔۔

دیکھا اسد۔۔۔۔۔میں نے کہا تھا نا یہ اپنی غلطی کبھی نہیں مانے گی۔۔۔۔۔۔۔میں ہی پاگل ہوں جو کبھی اسے ماں کی کمی محسوس نہیں ہونے دی۔۔۔۔۔۔۔اپنی سگی بیٹی سے بڑھ کر پیار کیا۔۔۔۔۔۔۔۔اس نے تو مجھے کبھی کچھ سمجھا ہی نہیں۔۔۔۔۔۔تانیہ بیگم جھوٹ موٹ کہ آنسو بہاتے ہوئے بولی۔۔۔۔۔۔۔

نینا نے بےیقینی سے تانیہ بیگم کی طرف دیکھا۔۔۔۔۔۔۔کیا یہ وہی عورت ہے جو دن بھر اس پر ظلم ڈھاتی رہتی ہے۔۔۔۔۔۔۔۔

اور اب اس کے باپ کے سامنے مظلوم ہونے کا ڈھونگ کر رہی ہے۔۔۔۔۔۔۔۔

میں نے تم سے کچھ پوچھا ہے نینا۔۔۔۔۔۔۔اسد شیرازی کے چلانے سے نینا نے خوف سے انہیں دیکھا۔۔۔۔۔۔۔۔

نن نہیں۔۔۔۔۔۔میں نے تو آنٹی سے کچھ نہیں کہا۔۔۔۔۔۔۔۔

تو تمہارا مطلب ہے کہ ماما جھوٹ بول رہی ہیں رائٹ۔۔۔۔۔۔۔۔اب کی بار ثانیہ بولی۔۔۔۔۔۔۔۔

نینا نے نفی میں سر ہلایا اور سر جھکا گئی۔۔۔۔۔۔۔۔

اس کے علاوہ کرتی بھی تو کیا کرتی۔۔۔۔۔یہاں کون تھا جو اس کے سچے ہونے کی گواہی دیتا۔۔۔۔۔۔۔۔اس لیے اس نے خاموش رہنا ہی بہتر سمجھا۔۔۔۔۔۔۔۔

دفع ہو جاٶ میری نظروں کے سامنے سے۔۔۔۔۔۔۔۔اور خبردار جو دوبارہ میری بیوی یا بیٹی سے بدتمیزی کی تو۔۔۔۔۔۔۔

نینا چپ چاپ مرے مرے قدموں سے چلتی ہوئی اپنے کمرے میں چلی گئی۔۔۔۔۔۔اسے تو اس کا قصور بھی نہیں پتا تھا۔۔۔۔۔۔۔وہ کیا کہتی۔۔۔۔۔۔۔۔

کمرے میں آکر اس نے دروازہ بند کر دیا اور بیڈ پر گر گئی۔۔۔۔۔۔۔۔

کمرے میں اس کی سسکیاں گونجنے لگیں۔۔۔۔۔۔۔

ہر بار وہ اسد شیرازی سے پیار کی اُمید لے کر ان کی طرف قدم بڑھاتی۔۔۔۔۔۔کہ شاید وہ اسے بھی اپنی بیٹی مان لیں۔۔۔۔۔۔۔اور اس سے نرمی سے بات کر لیں۔۔۔۔۔۔۔اور ہر اس کی ساری اُمیدیں دم توڑ جاتی۔۔۔۔۔۔۔۔

پھر نئی صبح کے ساتھ وہ ایک نئی اُمید کے سہارے اسد شیرازی سے اپنے تعلق استوار کرنے کی کوشش کرتی اور پھر یہی ہوتا۔۔۔۔۔۔۔۔

آپ کو کیا لگتا ہے اسد؟۔۔۔۔۔۔ہم اپنے مقصد میں کامیاب ہو جائیں گے؟؟۔۔۔۔۔۔۔۔نینا کے جانے کے بعد تانیہ بیگم بولیں۔۔۔۔۔

کیوں نہیں۔۔۔۔۔۔۔تم بس ایسے ہی نینا کو ڈراتی رہو۔۔۔۔۔۔۔

اسے اتنا ڈرا دو کہ جب ہم اس سے جائداد کے پیپرز پر سائن کروائیں تب وہ فوراً ساری جائداد ہمارے نام کر دے۔۔۔۔۔۔۔

اسد شیرازی چالاکی سے بولے۔۔۔۔۔۔۔

لیکن ڈیڈ نینا بھلا اپنی ماں کی جائداد ہمارے نام کیوں کرے گی؟؟۔۔۔۔۔۔۔۔۔

کرے گی۔۔۔۔۔ہم اسے اتنا خوفزدہ کر دیں گے۔۔۔۔۔۔۔۔کہ وہ وہی کرے گی جو ہم اسے کرنے کو کہے گے۔۔۔۔۔۔۔اور اس کے بعد اس کا بھی کچھ نا کچھ کر ہی دیں گے۔۔۔۔۔۔۔اسد شیرازی چہرے پر شیطانی مسکراہٹ سجائے بولے۔۔۔۔۔۔۔

اور پھر سب لاٶنج میں بیٹھ کر خوش گپیوں میں مصروف ہو گئے۔۔۔۔۔۔۔اس بات سے انجان کے ایک وجود ان کی وجہ سے کتنی تکلیف میں ہے۔۔۔۔۔۔۔۔

اسد شیرازی شہر کے مشہور بزنس مین تھے۔۔۔۔۔۔۔۔ان کا بزنس ملک سے باہر بھی پھیلا ہوا تھا۔۔۔۔۔۔۔۔

اسد شیرازی کو یہ بزنس اور جائداد اپنے اباؤاجداد سے وراثت میں ملا تھا۔۔۔۔۔۔۔

اپنے دوسرے شوق مثلاً شراب وغیرہ کو پورا کرنے کے لیے انھوں نے نجانے کتنا پیسا اُڑایا۔۔۔۔۔۔۔

ان کے والد ہمیشہ سے ہی چاہتے تھے کہ اسد شیرازی ان کے بزنس کو آگے بڑھائے لیکن بُری صحبت کی وجہ سے وہ بہت سے غلط کاموں میں ملوث ہو گئے۔۔۔۔۔۔۔

شبیر صاحب نے اسد شیرازی کی شادی اپنے اک دوست کی بیٹی فاریہ سے کر دی۔۔۔۔۔۔۔۔جو کہ مری میں رہائش پذیر تھیں۔۔۔۔۔۔۔۔

فاریہ بیگم کے والد بھی بہت بڑے بزنس مین تھے۔۔۔۔۔۔جبکہ والدہ کی وفات ہو چکی تھی۔۔۔۔۔۔۔

شادی کے بعد بھی اسد شیرازی ان کاموں سے باز نا آئے۔۔۔۔۔۔۔

شبیر صاحب کی موجودگی میں تو ان کا رویہ فاریہ صاحبہ کے ساتھ سہی رہا۔۔۔۔۔۔۔لیکن ان کی وفات کے بعد وہ فاریہ صاحبہ سے بھی اکھڑے اکھڑے رہنے لگے۔۔۔۔۔۔۔۔

اسد شیرازی فاریہ بیگم سے پیسے لے کر اپنے شوق پورے کرنے لگے۔۔۔۔۔۔۔

کچھ عرصہ تو فاریہ بیگم خاموش رہیں لیکن جب ان کی برداشت سے باہر ہو گیا۔۔۔۔۔۔۔۔۔ یہ سب تو انھوں نے اسد شیرازی سے بات کرنے کے بارے میں سوچا۔۔۔۔۔۔۔۔

فاریہ بیگم کے بات کرنے کے باوجود بھی جب اسد شیرازی پر کوئی اثر نہیں ہوا تو فاریہ بیگم نے انھیں پیسے دینا بھی چھوڑ دئیے۔۔۔۔۔۔۔۔

یوں فاریہ بیگم اور اسد شیرازی کے جھگڑوں کا سلسلہ شروع ہو گیا۔۔۔۔۔۔۔۔

وقت گزرتا گیا اور اسد شیرازی کے ہاں بیٹی کی پیدائش ہوئی۔۔۔۔۔۔۔جس کا نام فاریہ بیگم نے نینا رکھا۔۔۔۔۔۔۔۔

لیکن اسد شیرازی کو اپنے کاموں سے زرا فرصت نہیں تھی انہیں نینا کی پیدائش سے بھی کوئی فرق نا پڑتا تھا۔۔۔۔۔۔۔۔

کچھ عرصے بعد فاریہ بیگم کے والد کا بھی انتقال ہو گیا۔۔۔۔۔۔۔۔جس کے بعد ان کی ساری جائداد اور بزنس فاریہ بیگم کے نام ہو گیا۔۔۔۔۔۔۔

اب اسد شیرازی فاریہ بیگم پر تشدد کرنے لگے۔۔۔۔۔۔۔۔کہ وہ اپنی جائداد اسد شیرازی کے نام کر دیں۔۔۔۔۔۔۔لیکن فاریہ بیگم اپنے والد کی حلال کمائی اسد شیرازی کو غلط کاموں کے لیے خرچ نہیں کرنے دے سکتی تھی۔۔۔۔۔۔اور ان کی صحت بھی اب کافی خراب رہنے لگی تھی۔۔۔۔۔۔۔۔

کچھ ہی عرصے میں فاریہ بیگم بھی وفات پاگئی۔۔۔۔۔۔۔۔لیکن مرنے سے پہلے وہ اپنی جائداد اسد شیرازی کی جگہ نینا کے نام کر گئی۔۔۔۔۔۔۔۔یہی وجہ تھی کہ مجبوراً اسد شیرازی کو نینا کو اپنے گھر میں رکھنا پڑا۔۔۔۔۔۔۔۔تاکہ جب نینا بڑی ہو تو وہ اس کے ذریعے جائداد اپنے نام کروا لے۔۔۔۔۔۔۔۔

فاریہ بیگم کی وفات کے کچھ ہی عرصے بعد انھوں نے تانیہ بیگم سے شادی کرلی۔۔۔۔۔شادی کے دو سال بعد اللہ نے انہیں ایک اور بیٹی دی ثانیہ۔۔۔۔۔۔۔۔

اسد شیرازی ثانیہ کی پیدائش کے بعد نینا کو مکمل طور پر بھول گئے اور تانیہ بیگم اور ثانیہ کی طرف مصروف ہو گے۔۔۔۔۔۔۔۔۔

وقت گزرتا گیا نینا اور ثانیہ بڑی ہو گئیں۔۔۔۔۔۔۔۔

نینا خاموش طبیعت لڑکی تھی۔۔۔۔۔۔۔ہر حال میں اللہ کا شکر ادا کرنے والی۔۔۔۔۔۔۔۔جبکہ اس کی نسبت ثانیہ مغرور نک چڑھی سی تھی۔۔۔۔۔۔۔۔ثانیہ شروع سے ہی نینا کی خوبصورتی سے چڑھتی تھی۔۔۔۔۔۔۔خوبصورت تو خیر ثانیہ بھی تھی پر نینا سے زیادہ نہیں۔۔۔۔۔۔

تانیہ بیگم اپنی بیٹی پر تو ہر وقت واری صدقے جاتی جبکہ نینا کی اہمیت اس گھر میں ایک ملازمہ سے کم نہیں تھی۔۔۔۔۔۔۔۔

اسد شیرازی بھی ہمیشہ نینا سے نفرت کا ہی اظہار کرتے۔۔۔۔۔۔۔۔دولت کے لالچ میں وہ اتنے اندھے ہو گئے تھے کہ اپنی بیٹی کو بھی بھول گئے۔۔۔۔۔۔۔وہ ہر وہ کام کرتے جس سے نینا سہم جائے اور ان سے خوفزدہ ہو جائے۔۔۔۔۔۔۔

********************

صبح نینا کی آنکھ دستک کی آواز سے کھلی تھی۔۔۔۔۔۔۔۔۔

وہ تھوڑی دیر پہلے ہی فجر کی نماز پڑھ کر سوئی تھی۔۔۔۔۔۔۔۔مسلسل ہونے والی دستک کے باعث اس کی نیند خراب ہو چکی تھی۔۔۔۔۔۔۔۔۔

جاری ہے