وہ شدید غصے کے عالم میں گھر میں داخل ہوا۔۔۔۔۔۔

صاحب آپ کے لیے کھانا لاٶں؟؟؟

ایک ملازم مودبانہ انداز میں سر جھکائے پوچھ رہا تھا۔۔۔۔۔۔

نہیں چاہیے مجھے کچھ بھی۔۔۔۔۔۔دفعہ ہو جاٶ تم سب اور خبردار جو کسی نے مجھے ڈسٹرب کیا۔۔۔۔۔۔وہ غصے سے چلاتا ہوا اپنے کمرے کی طرف بڑھ گیا۔۔۔۔۔۔۔

ملازم اسے اتنے غصے میں دیکھ کر سہم گیا۔۔۔۔۔۔۔

کمرے میں داخل ہو کر اس نے پوری قوت سے دروازہ بند کیا۔۔۔۔۔۔۔جس سے خاصی آواز پیدا ہوئی۔۔۔۔۔۔

اس کا دل چاہ رہا تھا ہر چیز کو تہس نہس کر سے۔۔۔۔۔۔

آگے بڑھ کر اس نے ڈریسنگ پر موجود ساری چیزیں نیچھے گرا دیں۔۔۔۔۔۔۔

مہنگے پرفیوم کی شیشیاں نیچے گر کر ٹوٹ چکیں تھیں۔۔۔۔۔۔ڈریسینگ پر سے ہر چیز نیچے گر کر فرش پر بکھری پڑی تھی۔۔۔۔۔۔۔۔۔۔۔۔۔۔بیڈ کی چادر جو سلیقے سے پچھائی گئی تھی اب آدھی بیڈ پر تھی اور آدھی نیچے۔۔۔۔۔کشن اور تکیے نیچے فرش پر گرے ہوئے تھے۔۔۔۔۔۔۔

دو منٹ میں ہی کمرے کا نقشہ بدل چکا تھا۔۔۔۔۔۔۔

یہ نہیں ہو سکتا۔۔۔۔۔۔وہ کسی اور کی کیسے ہو سکتی ہے۔۔۔۔۔۔شی از مائن۔۔۔۔۔۔

نینا شیرازی صرف میری ہے۔۔۔۔۔حماد دھاڑا۔۔۔۔۔۔۔

نینا کو حاصل کرنے کے لیے میں کچھ بھی کروں گا۔۔۔۔۔۔اگر کوئی بھی میرے راستے میں آیا تو میں اسے جان سے مار دوں گا۔۔۔۔۔۔۔پھر چاہے وہ اُفق ہی کیوں نا ہو۔۔۔۔۔۔۔۔

حماد پر اس وقت نینا کو حاصل کرنے کا جنون سوار تھا۔۔۔۔۔۔۔وہ ہر حال میں نینا کو حاصل کرنا چاہتا تھا۔۔۔۔۔۔۔

**************************

اُفق گھر میں داخل ہوا تو توقع کے عین مطابق اسے نینا کہی بھی دیکھائی نہیں دی۔۔۔۔۔۔نینا ابھی اس گھر میں ایڈجیسٹ نہیں ہو سکی تھی وہ یونیورسٹی سے آتے ہی کمرے میں چلی جاتی پھر وہی رہتی۔۔۔۔۔۔صرف کھانا کھانے کے لیے نیچے ڈائننگ ہال میں آتی اور خاموشی سے کھانا کھا کر پھر سے واپس کمرے میں چلی جاتی۔۔۔۔۔۔۔

اُفق کمرے میں داخل ہوا تو سامنے کا منظر دیکھ کر اس کی آنکھیں پھٹی کی پھٹی رہ گئیں۔۔۔۔۔۔۔۔۔

وہ منہ کھولے نینا کو دیکھ رہا تھا جو بیڈ پر بیٹھی کتابوں میں گھسی ہوئی تھی۔۔۔۔۔۔۔

بیٖڈ پر کتابیں ہی کتابیں بکھری پڑی تھیں۔۔۔۔۔۔۔کچھ پیپرز اُڑ کر نیچے فرش پر بکھرے پڑے تھے۔۔۔۔۔۔۔کوئی بھی چیز اپنی جگہ پر نا تھی۔۔۔۔۔۔۔

اُفق نے نینا کو گھوری سے نوازا۔۔۔۔۔۔۔

اسے نینا جیسی سلجھی ہوئی لڑکی سے یہ اُمید نہیں تھی۔۔۔۔۔۔۔

نین یہ سب کیا ہے؟؟؟اس نے نینا سے پوچھا۔۔۔۔۔۔۔

اُفق کی آواز سن کر نینا نے فوراً اپنا دوپٹہ سر پر درست کیا۔۔۔۔۔۔۔

کچھ نہیں بس کل میرا ٹیسٹ ہے تو میں ٹیسٹ کی تیاری کر رہی ہوں۔۔۔۔۔۔۔

نینا مصروف سے انداز میں بولی۔۔۔۔۔۔۔

نین تم ٹیسٹ کی تیاری کر رہی ہو یا جنگ کی؟؟۔۔۔۔۔۔۔کیونکہ مجھے تو یہ کمرہ نہیں جنگ کا میدان لگ رہا ہے۔۔۔۔۔۔۔

اُفق پورے کمرے کا جائزہ لیتے ہوئے بولا۔۔۔۔۔۔۔۔

وہ جتنا مرضی لاپرواہ سہی مگر اپنا کمرہ کبھی گندہ نہیں ہونے دیتا تھا۔۔۔۔۔۔۔

اس کے کمرے کی ہر چیز ہمیشہ اپنی جگہ پر موجود ہوتی تھی۔۔۔۔۔۔۔۔

حد ہے اُفق۔۔۔۔۔۔مجھے تیاری کرنے دو پھر کر دوں گی ٹھیک۔۔۔۔۔۔نینا کو اب غصہ آنے لگا تھا۔۔۔۔۔۔۔۔

ایک تو کل اس کا اتنا اہم ٹیسٹ تھا اور اُفق بار بار اسے ڈسٹرب کر رہا تھا۔۔۔۔۔۔۔

نینا کے کہنے پر اُفق نے گہری سانس خارج کی اور بیڈ کی طرف بڑھ گیا۔۔۔۔۔۔۔

نینا کی بکس سائڈ پر رکھ کے وہ تھوڑی سی جگہ پر لیٹ گیا اور نینا کو دیکھنے لگا۔۔۔۔۔۔۔

نینا کے ہاتھ تیزی سے نوٹ بک پر چل رہے تھے۔۔۔۔۔۔۔اس کے بال بار بار چہرے پر آرہے تھے۔۔۔۔۔جنہیں وہ ہاتھ بڑھا کر پیچھے کرتی۔۔۔۔۔۔۔یا سر کو جنبش دے کر پیچھے کرنے کی کوشش کرتی۔۔۔۔۔۔

یونیورسٹی سے آنے کے بعد اس نے دو منٹ بھی آرام نہیں کیا تھا بس اس وقت سے ٹیسٹ کی تیاری میں لگی ہوئی تھی۔۔۔۔۔۔۔

اُفق کچھ دیر نینا کو کام کرتے دیکھتا رہا پھر اُٹھ کر کمرے سے باہر نکل گیا۔۔۔۔۔۔۔۔

وہ تیزی سے کچن میں داخل ہوا۔۔۔۔۔۔

صاحب! آپ کو کچھ چاہیے؟؟ملازمہ نے اُفق کو کچن میں دیکھ کر پوچھا۔۔۔۔۔۔۔۔

ہاں ایسا کرو نین کے لیے ملک شیک بنا دو۔۔۔۔۔اُفق روعب دار لہجے میں بولا۔۔۔۔۔۔۔

ملازمہ سر ہلاتے ہوئے ملک شیک بنانے لگی۔۔۔۔۔۔۔

کچھ دیر بعد اس نے گلاس اُفق کی طرف بڑھایا۔۔۔۔۔

اُفق گلاس لے کر کمرے کی طرف بڑھ گیا۔۔۔۔۔۔۔

نینا کو سر میں شدید درد ہو رہا تھا مگر وہ درد کو نظر انداز کیے کام کر رہی تھی۔۔۔۔۔۔۔

اُفق نے گلاس نینا کی طرف بڑھا دیا۔۔۔۔۔

نینا نے حیرت سے سر اُٹھا کر سوالیہ نظروں سے اسے دیکھا۔۔۔۔۔۔۔۔

پی لو۔۔۔۔تمہارے لیے لایا ہوں۔۔۔۔۔۔۔اُفق نے کہا۔۔۔۔۔۔

ٹھینکس۔۔۔۔۔نینا نے گلاس لیتے ہوئے کہا۔۔۔۔۔۔۔

ویسے نین اگر تم کہو تو میں تمہاری ہیلپ کر سکتا ہوں۔۔۔۔۔۔میں سینئر سٹوڈینٹ ہوں۔۔۔۔۔۔۔اُفق نے اسے مدد کی آفر کی۔۔۔۔۔۔۔

تم میری مدد کرو گے۔۔۔۔۔۔۔تم تو خود نہیں پڑھتے میری مدد کیسے کرو گے۔۔۔۔۔۔۔ویسے اُفق تم پاس کیسے ہو جاتے ہو میں نے تو تمہے کبھی پڑھتے ہوئے نہیں دیکھا۔۔۔۔۔۔۔۔

جان اُفق۔۔۔تمہے یہاں آئے ہوئے ابھی وقت ہی کتنا ہوا ہے۔۔۔۔۔۔اور میں صرف پیپرز کے ٹائم پڑھتا ہوں پہلے نہیں پڑھتا۔۔۔۔۔۔۔

اُفق سنجیدگی سے بولا۔۔۔۔۔۔۔۔

کہی تم اپنے پاپا کی سفارش سے ایسے ہی پاس تو نہیں ہو جاتے؟؟نینا نے مشکوک لہجے میں پوچھا۔۔۔۔۔۔۔

ہاہاہاہاہا۔۔۔۔۔میرے پاپا صرف ایک ویکینڈ پر میرے ساتھ ٹائم سپینڈ کرنے کے لیے ٹائم نہیں نکال سکتے تو میری سفارش کرنے کے لیے کہاں سے ٹائم ہو گا ان کے پاس۔۔۔۔۔۔۔اُفق نے ہنستے ہوئے کہا۔۔۔۔۔۔۔

نینا نے افسوس سے اسے دیکھا۔۔۔۔۔۔

واقع ہی اگر اپنے دور ہوں تو ان کے بغیر رہا جاسکتا ہے اور ان کی کمی اتنی محسوس نہیں ہوتی۔۔۔۔۔۔مگر اپنے اگر قریب ہو کر بھی ہم سے دور رہیں تو ہم ان کی ایک جھلک کے لیے ترس جاتے ہیں۔۔۔۔۔۔۔وہ بھی تو ترس جاتی تھی اسد شیرازی کی ایک جھلک کے لیے۔۔۔۔۔۔اپنا بچپن اس نے اس حسرت میں گزارا کہ شاید کبھی اس کے پاپا اس کو اپنے قریب بلا کر ویسے پیار بھری باتیں کریں جیسے ثانیہ کے ساتھ کرتے تھے۔۔۔۔۔۔۔۔

ملک شیک ختم کرکے اس نے گلاس اُفق کی طرف بڑھا دیا جسے اُفق نے سائڈ ٹیبل پر رکھ دیا۔۔۔۔۔۔۔۔

تمہے یقین نہیں ہے نا کہ میں تمہاری مدد کر سکتا ہوں۔۔۔۔۔۔۔چلو آج تمہے یقین دلاتا ہوں۔۔۔۔۔۔۔

وہ بیڈ پر نینا کے پاس بیٹھ گیا۔۔۔۔۔۔۔

سیریسلی۔۔۔۔تم میری ہیلپ کرو گے؟؟

نینا نے حیرت سے پوچھا۔۔۔۔۔۔اسے لگا تھا شاید وہ مذاق کر رہا ہے۔۔۔۔۔۔۔۔

بالکل۔۔۔۔۔۔بکس دیکھاٶ تم مجھے اپنی۔۔۔۔۔۔۔اُفق کے کہنے پر نینا نے اسے اپنی بکس دیکھائیں۔۔۔۔۔۔وہ دونوں کام کی طرف متوجہ ہو گئے۔۔۔۔۔۔۔

*********************

اُفق ہاتھ میں پین لیے نوٹ بک پر تیزی سے کچھ لکھ رہا تھا۔۔۔۔۔ساتھ ساتھ نینا کو سمجھا بھی رہا تھا۔۔۔۔۔

تبھی اسے اپنے کندھے پر کوئی سخت چیز محسوس ہوئی۔۔۔۔۔۔۔اُفق نے رخ موڑ کر دیکھا تو مہبوت رہ گیا۔۔۔۔۔۔۔۔

نینا نجانے کب سے اس کے کندھے پر سر رکھے سو رہی تھی۔۔۔۔۔تھکان کی وجہ سے کب اس کی آنکھ لگی اسے پتہ ہی نا چل سکا۔۔۔۔۔۔۔

اُفق نے ہاتھ بڑھا کر نینا کے چہرے سے بال ہٹا دیئے۔۔۔۔۔۔اور آہستہ سے اس کے گرد بازو حائل کر دیئے۔۔۔۔۔۔۔

اُفق نینا کے معصوم چہرے میں اس قدر کھویا ہوا تھا کہ اسے ارد گرد کا ہوش ہی نہیں رہا۔۔۔۔۔۔۔

بے اختیار اس نے اپنے لب نینا کی پیشانی پر رکھ دیئے۔۔۔۔۔۔۔نینا زرا سا کسمائی تو وہ پیچھے ہٹ گیا۔۔۔۔۔۔۔

کافی دیر وہ یوں ہی اس کے معصوم چہرے کو تکتا رہا۔۔۔۔۔۔پھر نینا کی نیند خراب ہونے کے خیال سے اس نے کتابیں اور نوٹس سائڈ پر کیے اور احتیاط سے اس کا سر تکیے پر رکھ دیا۔۔۔۔۔۔۔۔

اُفق بہت غور سے اس کے ایک ایک نقش کو اپنے دل میں اُتار رہا تھا۔۔۔۔۔۔بے اختیار اس کا ہاتھ نینا کے چہرے کو چھونے کی غرض سے اُٹھا۔۔۔۔۔۔۔۔

کچھ سوچ کر فوراً اس نے اپنا ہاتھ واپس کھینچ لیا۔۔۔۔۔۔

وہ خود پر سے اختیار کھو رہا تھا۔۔۔۔۔۔ایک تو تنہائی پھر موسم ایسا تھا دوسرا ان کے درمیان جائز رشتہ۔۔۔۔۔۔۔دل گستاخی پر اکسا رہا تھا۔۔۔۔۔۔

اُفق نے گہری سانس خارج کی۔۔۔۔۔۔اور نینا پر کمبل ڈال کر کمرے سے باہر نکل گیا۔۔۔۔۔۔۔

***************************

مغرب کے وقت نینا کی آنکھ کھلی تھی۔۔۔۔۔۔۔

نینا نے حیرت سے اپنے ارد گرد دیکھا۔۔۔۔۔

اُفق کمرے میں موجود نہیں تھا بلکہ گھر میں ہی موجود نہیں تھا۔۔۔۔۔۔۔۔

اوہ میری آنکھ لگ گئی تھی۔۔۔۔۔۔نینا نے سوچا اور اُٹھ کر فریش ہونے واشروم میں گھس گئی۔۔۔۔۔۔۔

واپس آکر اس نے کھلے بالوں کو کیچر میں مقید کیا اور اپنا حولیہ درست کرنے لگی۔۔۔۔۔۔

نیچے سے آتی ہوئی آوازیں سن کر وہ چونکی۔۔۔۔۔۔۔

اُفق تو گھر پر نہیں ہوتا اس ٹائم تو یہ آوازیں کس کی ہیں۔۔۔۔۔۔سوچتے ہوئے اس نے دوپٹہ سر پر درست کیا اور کمرے سے باہر نکل گئی۔۔۔۔۔۔۔

نینا آہستہ سے زینے اُترتی ہوئی نیچے آئی۔۔۔۔۔۔۔

سامنے ایک چالیس پینتالس سال کا بندہ کھڑا نوکروں کو سختی سے کوئی ہدایت دے رہا تھا۔۔۔۔۔۔۔

انہیں دیکھ کر نینا کے تو چھکے چھوٹ گئی۔۔۔۔۔۔۔

وہ غالباً تیمور مصطفیٰ تھے۔۔۔۔۔۔ان کی یوں اچانک آمد پر نینا کو حیرت نہیں ہوئی تھی۔۔۔۔۔ظاہر ہے یہ ان کا گھر ہے تو انہوں نے گھر تو آنا ہی تھا واپس۔۔۔۔۔۔۔

ڈر اس بات کا تھا کہ وہ ان دونوں کے نکاح سے بےخبر تھے۔۔۔۔۔۔۔

اب یہ بات جاننے کے بعد وہ غصے میں آکر نجانے اُفق کے ساتھ کیا کریں گے۔۔۔۔۔۔

جبھی تیمور صاحب کی نظر اس پر پڑی۔۔۔۔۔۔۔

اپنے گھر میں ایک لڑکی کو دیکھ کر ان کی آنکھیں حیرت سے پھیل گئیں تھی۔۔۔۔۔۔۔۔

اسلام علیکم۔۔۔۔۔۔ان کی نظریں خود پر مرکوز دیکھ کر نینا نے فوراً سلام کیا۔۔۔۔۔۔۔

کون ہو تم؟؟۔۔۔۔۔۔تیمور صاحب نے سلام کا جواب دینا ضروری نہیں سمجھا تھا سیدھا اس سے سوال کردیا تھا۔۔۔۔۔۔۔

وہ چلتے ہوئے نینا کے کچھ فاصلے پر کھڑے ہو گئے۔۔۔۔۔۔۔

کون ہو تم لڑکی؟؟اور یہاں کیا کر رہی ہو؟؟۔۔۔۔۔۔تیمور صاحب نے اس کا جائزہ لیتے ہوئے استفسار کیا تھا۔۔۔۔۔۔

ریڈ کلر کا قمیض شلوار پہنے سلیقے سے سر پر دوپٹہ لیے وہ بالکل سادہ سی لگ رہی تھی۔۔۔۔۔۔۔

وہ میں۔۔۔۔۔۔نینا نروس سی انگلیاں مڑوڑ رہی تھی۔۔۔۔۔۔۔

اسے سمجھ میں نہیں آرہا تھا کہ وہ تیمور صاحب کو سچ بتائے یا نا بتائے۔۔۔۔۔۔۔

ایک تو اُفق بھی گھر پر نہیں تھا اور سچ جاننے کے بعد ان کے رد عمل کا سوچ سوچ کر وہ پریشان ہو رہی تھی۔۔۔۔۔۔۔

یااللہ اُفق کو بھیج دیں۔۔۔۔۔میں اکیلی ان کا غصہ نہیں جھیل پاٶں گی۔۔۔۔

اُفق کہاں ہو۔۔۔۔۔اس نے دل میں اُفق کو پکارا۔۔۔۔۔۔۔

خاموش کیوں کھڑی ہو تم جو پوچھا ہے اس کا جواب دو۔۔۔۔۔۔۔تیمور صاحب کو خدشات کھائے جا رہے تھے۔۔۔۔۔۔

کہی اُفق نے لڑکیوں کو گھر لا کر ان کے ساتھ۔۔۔۔۔۔آگے ان سے سوچا ہی نا گیا۔۔۔۔۔۔

دل کو تسلی دے کر وہ پوری طرح سے نینا کی طرف متوجہ ہوئے۔۔۔۔۔۔

وہ سوالیہ نظروں سے نینا کو دیکھ رہے تھے اور اس کے بولنے کا انتظار کر رہے تھے۔۔۔۔۔۔۔

وہ میں آپ کی۔۔۔۔۔۔۔

یہ میری بیوی ہے۔۔۔۔۔۔۔اس سے پہلے کے نینا اپنی بات مکمل کرتی چوکھٹ پر کھڑے اُفق نے کہا تھا۔۔۔۔۔۔۔

تیمور صاحب نے چونک کر اسے دیکھا۔۔۔۔۔۔۔