اُفق ریلینگ پر ہاتھ رکھے ٹیرس پر کھڑا ہوا تھا۔۔۔۔۔۔۔

چہرے کے تاثرات سخت تھے۔۔۔۔۔۔۔ساتھ ساتھ چہرے پر ڈر بھی تھا۔۔۔۔۔نینا کو کھونے کا ڈر۔۔۔۔۔۔

وہ آج تک کسی چیز سے ڈرا یا گھبرایا نہیں تھا۔۔۔۔۔۔۔ مام ڈیڈ کی طلاق کے وقت بھی اسے کوئی ڈر یا دکھ نہیں تھا۔۔۔۔۔۔نا ہی اسے اس چیز سے فرق پڑتا تھا کہ وہ کس کے ساتھ رہے۔۔۔۔۔۔جب اس سے پوچھا گیا تب اس نے تیمور صاحب کے ساتھ رہنے کو ترجیح دی۔۔۔۔۔۔۔

تیمور صاحب کبھی رات دیر سے گھر آتے تھے تو کبھی آتے ہی نہیں تھے۔۔۔۔۔۔

وہ گھر پر اکیلا ملازموں کے رحم و کرم پر ہوتا تھا۔۔۔۔۔۔پھر بھی وہ کبھی خوف زدہ نہیں ہوا تھا۔۔۔۔۔۔

مگر آج اس کے چہرے پر خوف کا سایہ تھا۔۔۔۔۔۔آج والے واقع نے نینا کے ساتھ ساتھ اسے بھی خوفزدہ کردیا تھا۔۔۔۔۔۔

آج اگر وہ گولی نینا کو لگ جاتی تو۔۔۔۔۔۔

یہ سوچ کر ہی اس کی روح کانپ جاتی۔۔۔۔۔۔۔

تبھی اس کے کندھے پر کسی نے ہاتھ رکھا۔۔۔۔۔۔۔

افق کے تنے ہوئے نقوش ڈھیلے پڑے۔۔۔۔۔۔

اُفق۔۔۔۔۔نینا نے آہستہ آواز میں اسے پکارا۔۔۔۔۔۔۔

اُفق کا غصہ دیکھ کر وہ بھی سہم گئی تھی۔۔۔۔۔۔۔۔بظاہر وہ خود کو نارمل دیکھا رہی تھی مگر وہ اب بھی صبح والے واقع سے خوفزدہ تھی۔۔۔۔۔۔

میں ٹھیک ہوں۔۔۔۔۔۔تم پریشان مت ہو۔۔۔۔۔

نینا نے دھیمی آواز میں اسے تسلی دینی چاہی۔۔۔۔۔۔۔

اُفق نے فضا میں گہرہ سانس خارج کی اور پوری طرح سے نینا کی طرف متوجہ ہوا۔۔۔۔۔۔

تم ٹھیک ہو کہی چوٹ وغیرہ تو نہیں لگی؟؟۔۔۔۔اُفق کے پوچھنے پر نینا نے سر نفی میں ہلایا۔۔۔۔۔۔۔

اُفق نے آبرو اُٹھا کر اس کی گہری نیلی سمندر جیسی آنکھوں میں جھانکا۔۔۔۔۔۔

وہاں اسے سوائے خوف کے کچھ دیکھائی نا دیا۔۔۔۔۔۔۔۔

تمہے انکل کے ساتھ ایسے لہجے میں بات نہیں کرنی چاہیے۔۔۔۔۔۔۔نینا نے کہا۔۔۔۔۔۔

اس نے بات سن کر اُفق نے چونک کر اسے دیکھا۔۔۔۔۔۔

تم تو سو رہی تھی نا۔۔۔۔۔۔۔پھر تمہے کیسے پتہ یہ سب۔۔۔۔۔۔۔اُفق نے حیرت سے پوچھا۔۔۔۔۔۔۔

نہیں میں سو نہیں رہی تھی۔۔۔۔۔۔۔میں نیچے آئی تھی لیکن آپ دونوں کو لڑتا دیکھ کر واپس چلی گئی تھی۔۔۔۔۔۔نینا نے تفصیل سے بتایا۔۔۔۔۔۔۔

اوہ۔۔۔۔۔

تم انکل کو سوری بول دو وہ تمہے معاف کردیں گے۔۔۔۔۔۔نینا نے معصوم لہجے میں کہا۔۔۔۔۔۔۔

اُفق نے مسکرا کر اس کے معصوم چہرے کو دیکھا تھا۔۔۔۔۔۔۔قسمت نے کتنے ستم کیے تھے اس پر۔۔۔۔۔۔مگر پھر بھی وہ لوگوں کی سازشوں اور چالاکیوں کو سمجھنے سے قاصر تھی۔۔۔۔۔۔۔

اس معصومیت اور سادگی پر ہی تو فدا تھا وہ۔۔۔۔۔۔۔

تمہے معافی کی پڑی ہے۔۔۔۔۔۔میری تو جان ہی نکل گئ تھی۔۔۔۔۔۔۔اُفق صبح والا واقع یاد کرتے ہوئے بولا۔۔۔۔۔۔۔

پھر بھی تمہے ان سے سوری بولنا چاہیے کیا پتہ وہ سچ کہ رہے ہوں۔۔۔۔۔یہ مخالف پارٹی کی سازش ہو۔۔۔۔۔۔۔نینا ابھی بھی معافی پر اڑی ہوئی ہوئی تھی۔۔۔۔۔۔۔۔

اچھا ٹھیک ہے مانگ لوں گا معافی اب خوش۔۔۔۔۔۔اُفق نے کہا تو نینا نے سر ہلادیا۔۔۔۔۔۔۔۔

وہ نینا کو اور پریشان نہیں کرنا چاہتا تھا۔۔۔۔۔۔نا ہی اسے اس کشمکش میں ڈالنا چاہتا تھا کہ گولی کس نے چلائی۔۔۔۔۔۔۔

تم نے چینج نہیں کیا ابھی تک۔۔۔۔۔۔اُفق اس کے لباس کو دیکھتے ہوئے بولا۔۔۔۔۔۔۔

وہ ابھی تک بھاری میکسی میں ملبوس تھی۔۔۔۔۔۔جبکہ حجاب اُتار دیا تھا اب بال کمر پر پھیلے ہوئے تھے اور اس نے خود شال سے خود کو اچھی طرح ڈھانپا ہوا تھا۔۔۔۔۔۔۔

ہاں وہ میں سو گئی تھی نا۔۔۔۔ابھی اُٹھی ہوں۔۔۔۔۔۔نینا نے عام سے انداز میں کہا۔۔۔۔۔۔۔

اُفق۔۔۔۔۔نینا کے پکارنے پر وہ دل و جان سے اس کی طرف متوجہ ہوا تھا۔۔۔۔۔۔

کہو جان اُفق۔۔۔۔۔۔۔

تم صبح والے واقع سے اتنا غصے میں کیوں آگئے تھے۔۔۔۔۔۔زندگی اور موت تو اللہ کے ہاتھ میں ہے نا۔۔۔۔۔ایک نا ایک دل ہر کسی کو مرنا ہے۔۔۔۔۔۔۔نینا نے اسے حقیقت بتائی۔۔۔۔۔۔۔

پتہ نہیں کیوں۔۔۔۔۔۔پر جب تم پر گولی چلی تو مجھے لگا کسی نے میرے جسم سے روح کھینچ لی ہے۔۔۔۔۔۔۔مجھے لگا میں نے تمہے کھو دیا ہے۔۔۔۔۔۔اس وقت جو حالت میری ہوئی تھی وہ میں ہی جانتا ہوں۔۔۔۔۔۔۔۔وہ اپنی پیشانی نینا کی پیشانی کے ساتھ ٹکاتے ہوئے بول رہا تھا۔۔۔۔۔۔۔

میں تمہے کھونے سے ڈرتا ہوں نین۔۔۔۔۔۔

نہیں رہ سکتا تمہارے بغیر۔۔۔۔۔۔اتنی مشکل سے تم ملی ہو اب میں تم سے دور ہو جانے کے بارے میں سوچ بھی نہیں سکتا۔۔۔۔۔۔۔اُفق کے چہرے پر کرب تھا۔۔۔۔۔۔

اور آنکھوں میں نمی۔۔۔۔۔۔۔

کون کہتا ہے کہ مرد روتا نہیں۔۔۔۔۔۔محبت انسان سے سب کچھ کرواتی ہے پھر وہ چاہے عورت ہو یا مرد۔۔۔۔۔۔یہ روگ بہت تکلیف دیتا ہے۔۔۔۔۔۔۔یہ ایک ایسی قید ہے جس میں انسان چاہے کتنی بھی تکلیف برداشت کرنی پڑے کر لے گا مگر اس قید سے کبھی بھی رہائی پانا نہیں چاہے گا۔۔۔۔۔۔۔

نینا نے افسوس سے اسے دیکھا۔۔۔۔۔۔۔

افق چھوڑ دو یہ سب۔۔۔۔۔۔تم ایک ایسی راہ پر چل رہے ہو جس کی کوئی منزل نہیں۔۔۔۔۔۔۔۔یہ جذبات کبھی کبھی اتنی تکلیف دیتے ہیں کہ سہنا مشکل ہو جاتا ہے۔۔۔۔۔۔۔ابھی بھی وقت ہے دستبردار ہو جاٶ اس جذبے سے۔۔۔۔۔۔۔نینا نے روتے ہوئے کہا۔۔۔۔۔۔

دستبردار ہونے سے بہتر ہے میں موت کو گلے لگا لوں۔۔۔۔۔نینا نے فوراً اُفق کے ہونٹوں پر ہاتھ رکھا تھا۔۔۔۔۔۔۔

میں کبھی نہیں چاہوں گی کہ کوئی میری وجہ سے اتنی تکلیف اُٹھائے۔۔۔۔۔۔۔

اُفق نے نینا کے ہاتھ جو اسنے اُفق کے ہونٹوں پر رکھا تھا بوسہ دیا۔۔۔۔۔۔

ایک بات کہوں۔۔۔۔۔۔تمہارے آنسو مجھے بہت تکلیف دیتے ہیں۔۔۔۔۔انہیں مت بہایا کرو۔۔۔۔۔۔کہتے ہیں جب غم حد سے بڑھ جائے تو رو لینا چاہیے اس سے دل کا بوجھ ہلکا ہوتا ہے۔۔۔۔۔۔لیکن میں تمہے تمہارے کسی دکھ یا غم میں اکیلا نہیں چھوڑنا چاہتا۔۔۔۔۔۔تم بیوی ہو میری۔۔۔۔۔۔اور میرے لیے بہت خاص ہو۔۔۔۔۔۔۔جب بہت دل چاہے نا رونے کا تو میرے پاس آجایا کرو۔۔۔۔۔۔میرے سینے میں منہ چھپا کر جتنا چاہو رو لیا کرو۔۔۔۔۔۔پر کبھی بھی یہ مت سمجھنا کہ میں تم سے دور ہوں۔۔۔۔۔یا کبھی تمہے تنہا چھوڑوں گا۔۔۔۔۔۔۔جب بھی تمہے میری ضرورت پڑے مجھے پکارنا میں تمہاری ایک پکار پر چلا آٶں گا۔۔۔۔۔۔۔اپنی بات مکمل کرکے اس نے نینا کے آنسو صاف کیے۔۔۔۔۔۔۔

لیکن مجھ سے کبھی دور مت جانا نین۔۔۔۔۔۔۔میں سہ نہیں سکوں گا تمہاری دوری۔۔۔۔۔۔۔کہتے ہوئے اس نے نینا کو کھینچ کر اپنے ساتھ لگایا تھا۔۔۔۔۔۔

نینا نے حیرت سے اسے دیکھا۔۔۔۔۔۔

مگر اسے روکا نہیں نا ہی اس سے الگ ہوئی۔۔۔۔۔۔۔

اُفق نے اسے خود میں سمو لیا۔۔۔۔۔۔۔

وہ نینا کو اپنے قریب محسوس کرنا چاہتا تھا۔۔۔۔۔۔۔نینا کی خوشبو محسوس کرنا چاہتا تھا۔۔۔۔۔۔خود کو یقین دلانا چاہتا تھا کہ اس کی جان سے پیاری بیوی اس کے پاس ہے۔۔۔۔۔۔

میں جانتا ہوں آج صبح والے واقع سے تم بہت ڈر گئی ہو۔۔۔۔۔لیکن میرے ہوتے ہوئے کبھی بھی خوفزدہ مت ہونا۔۔۔۔۔۔میں اپنی آخری سانس تک تمہاری حفاظت کروں گا۔۔۔۔۔۔نینا سن کھڑی اسے سن رہی تھی۔۔۔۔۔۔

ہاں وہ شخص اس سے بےانتہا محبت کرتا تھا۔۔۔۔۔۔

کافی دیر وہ یوں ہی نینا کو باہوں میں لیے کھڑا رہا۔۔۔۔۔۔پھر آہستہ سے وہ نینا سے الگ ہو گیا۔۔۔۔۔۔۔

میں تمہاری بات سے سہمت نہیں ہوں۔۔۔۔۔۔نینا کی بات پر اس نے حیرت سے اسے دیکھا۔۔۔۔۔۔

کون سی بات۔۔۔۔۔۔

تم نے کہا کہ میں تمہے بہت مشکل سے ملی ہوں۔۔۔۔۔یہ سراسر جھوٹ ہے۔۔۔۔۔۔۔اس وقت تو مجھے ایسے اُٹھا کر لے آئے تھے جیسے لڑکیوں کو اٹھا کر لانے اور ان کے ساتھ زبردستی نکاح کرنے کا بڑا ایکسپیرینس ہو تمہے۔۔۔۔۔۔نینا قدرے خفگی سے گویا ہوئی۔۔۔۔۔۔۔

اس کی بات سن کر اُفق نے اسے گھوری سے نوازا۔۔۔۔۔۔۔۔

یار نین کم سے کم اب تو مجھ پر شک کرنا چھوڑ دو۔۔۔۔۔۔

نینا نے مسکراہٹ دبائی۔۔۔۔۔۔۔

تبھی ٹھنڈی ہوا کا جھونکا اس سے ٹکرایا۔۔۔۔۔۔

نینا کو ٹھنڈ کا احساس ہوا تو اس نے شال کو سہی طرح سے اپنے گرد لپیٹ لیا۔۔۔۔۔۔

چلو چلتے ہیں یہاں ٹھنڈ ہے۔۔۔۔۔۔۔وہ نینا کو لے کر اندر چلا گیا۔۔۔۔۔۔۔

*********************

وقت دریا کا بہاٶ ہے کہ گزرتا ہے اور گزرتا ہی چلا جاتا۔۔۔۔۔۔

وقت کے ساتھ ساتھ نینا کافی حد تک نارمل ہو چکی تھی۔۔۔۔۔۔ریسیپشن والے واقع کو وہ پوری طرح سے بھول چکی تھی۔۔۔۔۔۔۔

ان دونوں کی زندگی واپس اپنے معمول پر آگئ تھی۔۔۔۔۔۔

نامحسوس انداز میں نینا نے گھر کی تمام ذمہ داریاں اپنے سر لے لیں تھیں۔۔۔۔۔۔۔گھر کی صفائی وغیرہ نینا اپنی نگرانی میں کرواتی تھی۔۔۔۔۔تاکہ ملازمین کسی قسم کی لاپرواہی نا برتیں۔۔۔۔۔اس کے علاوہ ملازمین کے ہوتے ہوئے بھی اُفق کے سارے کام وہ اپنے ہاتھوں سے کرتی۔۔۔۔۔۔۔کوئی کام اگر ملازم کر بھی دیں تو بغیر دیکھے وہ مطمئن نہیں ہوتی۔۔۔۔۔۔

شروع شروع میں وہ تیمور صاحب کا سامنا کرنے سے جھجکتی تھی مگر وقت کے ساتھ ساتھ اسے یہ اندازہ بھی ہو گیا تھا کہ وہ دل کے بُرے نہیں ہیں بس اوپر اوپر سے غصہ دیکھاتے ہیں پھر آہستہ آہستہ نینا کی وقتی جھجک بھی ختم ہو گئی۔۔۔۔۔۔۔

اُفق بہت خوش تھا نینا میں یہ بدلاٶ دیکھ کر۔۔۔۔۔وہ جیسا چاہتا تھا ویسا ہی ہو رہا تھا۔۔۔۔۔۔

مغرب کی نماز پڑھ کر نینا روم میں بیٹھی ہوئی تھی۔۔۔۔۔۔اُفق معمول کے مطابق اس وقت اپنے دوستوں کے ساتھ باہر گیا ہوا تھا۔۔۔۔۔۔

کمرے میں بیٹھی بیٹھی جب وہ بور ہونے لگی تو اُٹھ کر کمرے سے باہر نکل گئی۔۔۔۔۔۔

وہ زینے اُترتے ہوئے نیچے لاٶنج میں آئی تو تیمور صاحب سامنے صوفے پر بیٹھے فائلوں پر جھکے ہوئے تھے۔۔۔۔۔۔۔

اسلام علیکم!۔۔۔۔۔نینا کی آواز سن انہوں نے چونک کر سر اُٹھایا۔۔۔۔۔۔۔

نینا کو دیکھ کر انہیں خوشگوار حیرت ہوئی۔۔۔۔۔۔۔

وعلیکم السلام۔۔۔۔۔۔ارے بہو اچھا ہوا تم آگئی۔۔۔۔۔میں ابھی ملازم سے کہ کر تمہے ہی بلاوانے لگا تھا۔۔۔۔۔۔۔آٶ ادھر بیٹھو زرا۔۔۔۔۔۔تیمور صاحب دوستانہ لہجے میں گویا ہوئے۔۔۔۔۔۔۔

نینا مسکراتے ہوئے ان کے سامنے والے صوفے پر بیٹھ گئی۔۔۔۔۔۔

حیرت انکل۔۔۔۔۔کوئی کام تھا؟۔۔۔۔۔نینا کو پوچھا۔۔۔۔۔۔۔

ہاں مجھے تم سے یہ پوچھنا تھا کہ کھانا پکانا آتا ہے تمہے؟؟تیمور صاحب نے سوال کیا تھا۔۔۔۔۔

جی آتا ہے کیوں۔۔۔۔۔نینا نے عام سے انداز میں کہا۔۔۔۔۔۔۔

تو پھر ٹھیک ہے۔۔۔آج رات کھانا تم پکاٶ گی۔۔۔۔۔۔تیمور صاحب مسکراتے ہوئے بولے۔۔۔۔۔۔

جی۔۔۔۔نینا کی آنکھیں حیرت سے پھیل گئیں۔۔۔۔۔۔

بات یہ ہے بیٹا کہ میں زرا پرانے خیالات کا انسان ہوں۔۔۔۔۔اگر آج اُفق کی ماں زندہ ہوتی تو یہ ذمہ داری اس کی تھی۔۔۔۔لیکن اب چونکہ وہ ہے نہیں تو اس کے حصے کی سارے فرض بھی مجھے پورے کرنے ہوں گے۔۔۔۔۔۔۔تم نئی نویلی دلہن ہو اگرچہ گھر کے سبھی کاموں پر تمہاری نظر بھی ہوتی ہے اور تم اپنی نگرانی میں سارا کام کرواتی ہو لیکن تم نے ابھی تک کچن میں قدم نہیں رکھا۔۔۔۔۔تمہاری اور اُفق کی شادی کو ایک مہینہ ہونے والا ہے۔۔۔تو میں یہ چاہتا ہوں کہ گھر کی ذمہ داریوں کے ساتھ کچن کی ذمہ داری بھی تم سمبھالو۔۔۔۔۔۔اور اب تم کہ رہی ہو کہ تمہے کھانا پکانا بھی آتا ہے تو مجھے اُمید ہے کہ تم ہمیں مایوس نہیں کرو گی۔۔۔۔۔۔۔تیمور صاحب کے لہجے میں اپنائیت تھی۔۔۔۔۔۔۔

نینا کا تو دماغ ہی گھوم گیا۔۔۔۔۔۔

کھانا پکانا اسے آتا تھا لیکن کھانے پکائے ہوئے اسے کافی عرصہ ہو چکا تھا۔۔۔۔۔۔یہاں مری میں تو کھانا وغیرہ ملازمہ ہی بناتی تھی۔۔۔۔۔۔

کہاں پھنس گئی۔۔۔۔۔اگر مجھ سے کوئی غلطی ہو گئی تو۔۔۔۔۔نینا بُری طرح سے پھنس چکی تھی اب نا تو وہ انکار کر سکتی تھی نا ہی کوئی اور راستہ تھا بچنے کا۔۔۔۔۔۔

سن رہی ہو نا بہو؟۔۔۔۔۔

تیمور صاحب نے اسے خاموش دیکھ کر پوچھا۔۔۔۔۔۔

جج جی۔۔۔۔ٹھیک ہے میں بنا دوں گی۔۔۔۔۔۔

نینا نے گہرہ سانس بھرتے ہوئے کہا۔۔۔۔۔۔

ہاں ٹھیک ہے جاٶ۔۔۔۔۔۔اور ہاں میٹھا ضرور بنانا۔۔۔۔۔تیمور صاحب کی تلقین پر وہ سر ہلاتے ہوئے کچن کی طرف بڑھ گئی۔۔۔۔۔۔۔

کچن میں داخل ہوتے ہی اس نے پہلا کام ملازمین کی فوج کو نکالنے کا کیا تھا۔۔۔۔۔

کیونکہ ان کے ہوتے ہوئے تو وہ کوئی کام ڈھنگ سے نہیں کرپاتی۔۔۔۔۔۔۔

پھر اس نے کچن کا اچھی طرح سے جائزہ لیا اور ضرورت کا سامان نکال کر شیلف پر رکھا۔۔۔۔۔۔

نینا کو الجھن ہو رہی تھی۔۔۔۔۔۔کچن میں ہمیشہ ملازمین کی فوج موجود ہوتی تھی تو اسے کبھی ضرورت ہی محسوس نا ہوئی کچن میں جانے کی۔۔۔۔۔۔۔یہی وجہ تھی کہ اب اسے خاصی مشکلات کا سامنا کرنا پڑھ رہا تھا۔۔۔۔۔۔۔

اُف کیا مصیبت ہے۔۔۔۔۔اب مجھ سے یہ چیزیں کیوں گر رہی ہیں بار بار۔۔۔۔۔۔۔

ایک تو اُفق بھی یہاں نہیں ہے۔۔۔۔۔حد ہی ہو گئی ہے ویسے۔۔۔۔۔۔بڑبڑاتے ہوئے وہ تیزی سے ہاتھ چلا رہی تھی۔۔۔۔۔۔۔

دو گھنٹے کی مسلسل محنت سے بالآخر نینا نے تین پکوان تیار ہی کرلیے تھے۔۔۔۔۔۔

اُف سلاد بھی بنانا ہے ابھی۔۔۔۔۔نینا سوچتے ہوئے فریج کی طرف بڑھ گئی۔۔۔۔۔۔۔

تبھی اُفق کچن میں داخل ہوا تھا۔۔۔۔۔۔۔

اس کی نظر نینا پر نہیں پڑی تھی ابھی۔۔۔۔۔اس نے جگ اُٹھا کر پانی گلاس میں انڈیلا اور پینے لگا۔۔۔۔۔۔۔

نینا کو جب کسی کی موجود کا احساس ہوا تو اس نے پلٹ کر دیکھا۔۔۔۔۔۔

اُفق جو پانی پی رہا تھا نینا کو دیکھ کر اس نے منہ سے پانی کے فوارے نکلے۔۔۔۔۔۔۔

وہ حیرت سے آنکھیں پھاڑے نینا کو دیکھ رہا تھا۔۔۔۔۔۔۔

سفید رنگ کے قمیض شلوار میں ملبوس ہم رنگ دوپٹہ کندھوں پر جھول رہا تھا لمبے بالوں کو جوڑے میں مقید کیا ہوا تھا جبکہ کچھ آوارہ لٹیں چہرے کا طواف کر رہی تھیں۔۔۔۔۔اس کی حالت دیکھ کر اُفق نے بمشکل اپنی ہنسی کنٹرول کی۔۔۔۔۔۔

پیشانی پر آٹا لگا ہوا تھا۔۔۔۔۔۔بالوں میں دھنیا گھسا ہوا تھا جس سے اس کے بال عجیب سے لگ رہے تھے۔۔۔۔۔جبکہ وہ تیز تیز ہاتھ چلاتی ہوئی پوری طرح سے اپنے کام میں مصروف تھی۔۔۔۔۔۔۔

نین تم یہاں کیا کر رہی ہو؟؟اُفق نے پوچھا۔۔۔۔۔۔

اُفق کے بےتکے سوال پر نینا نے اسے گھوری سے نوازا۔۔۔۔۔۔

کرکٹ کھیل رہی ہوں کھیلو گے؟؟۔۔۔۔۔خاصے تپے ہوئے لہجے میں کہا گیا تھا۔۔۔۔۔۔۔

اُفق نے شرمندگی سے بالوں میں ہاتھ پھیرا۔۔۔۔۔۔۔

ملازم کہاں ہیں سارے اور تم کیوں کھانا بنا رہی ہو؟؟۔۔۔ اُفق کے چہرے پر تاثرات سخت ہوئے۔۔۔۔۔۔۔

کہاں تھے تم؟؟۔۔۔۔اُفق کے سوال کو نظر انداز کرکے نینا نے استفسار کیا۔۔۔۔۔۔

میں دوستوں کی طرف تھا بتا کر تو گیا تھا تمہے۔۔۔۔۔۔اُفق نے کہا۔۔۔۔۔۔

کم سے کم تم تو رہا کرو گھر پر۔۔۔۔۔تم ہوتے ہو تو میں مطمئن رہ کر سارے کام سہی سے کر لیتی ہوں۔۔۔۔۔۔پتہ ہے میں کتنی پریشان ہوگئی تھی جب انکل نے کہا تھا مجھے کھانا بنانے کے لیے۔۔۔۔۔۔

اور پھر تم بھی گھر پر نہیں تھے اتنی مشکل سے میں نے کھانا بنایا ہے۔۔۔۔۔۔۔نینا بےدھیانی میں کیا بول رہی تھی اور اُفق ہکا بکا کھڑا اسے دیکھ رہا تھا۔۔۔۔۔۔۔

کہی میں خواب تو نہیں دیکھ رہا نین کو آج میری کمی محسوس ہو رہی تھی۔۔۔۔۔اُفق نے دل میں سوچا۔۔۔۔۔

مگر کہا کچھ نہیں مبادا غصے میں اس کا سر ہی نا پھاڑ دے۔۔۔۔۔۔

اُفق کے ہونٹوں پر دلکش مسکراہٹ بکھر گئی۔۔۔۔جس سے اس کا ڈمپل واضح ہو گیا۔۔۔۔۔۔

اب تم کس خوشی میں ڈمپل کی نمائش کررہے ہو۔۔۔۔۔نینا کے پوچھنے پر اس نے فوراً اپنی ہنسی چھپائی۔۔۔۔۔۔۔

نہیں کچھ نہیں۔۔۔۔۔۔

نینا اب سلاد کے لیے سبزیاں کاٹ رہی تھی۔۔۔۔۔۔

وہ قدم قدم چلتا ہوا نینا کے قریب چلا گیا۔۔۔۔۔۔۔

نینا نے سر اُٹھا کر سوالیہ نگاہوں سے اسے دیکھا۔۔۔۔۔۔۔

اُفق نے اپنی جیب سے ٹشو نکالا۔۔۔۔۔اور نینا کی پیشانی سے آٹا صاف کرنے لگا۔۔۔۔۔۔پھر اس نے نینا کے بال صاف کیے جہاں دھنیا لگا ہوا تھا۔۔۔۔۔۔

نینا خاموش کھڑی اس کی ساری کاروائی دیکھ رہی تھی۔۔۔۔۔۔

اُفق آہستہ سے اپنا چہرہ نینا کے قریب لے گیا۔۔۔۔۔۔۔

حجاب میں لپٹے ہوئے شفاف چہرے کا میں دیوانہ ہوں۔۔۔۔۔تمہارے بالوں سے آنے والی یہ دلکش مہک مجھے تمہے طرف کھینچتی ہے۔۔۔۔۔۔تمہاری نیلی سمندر جیسی گہری آنکھوں میں ڈوبنے کا دل چاہتا ہے۔۔۔۔۔۔مگر تمہارا یہ غصہ اُف۔۔۔۔تمہاری ہر ادا پر بھاری ہے۔۔۔۔۔۔مسکراتے ہوئے تم بہت خوبصورت لگتی ہو مگر غصے میں تو تم دل پر چھڑیاں چلاتی ہو۔۔۔۔۔۔تمہارا یہ حسن کسی دن مجھے لے ڈوبے گا جانا۔۔۔۔۔۔۔وہ بھاری گھمبیر کہجے میں کہ رہا تھا۔۔۔۔۔۔

اُفق جس قدر بےباقی سے اس کی تعریف کررہا تھا سن کر نینا کا چہرہ شرم سے سُرخ ہو گیا۔۔۔۔۔۔۔

اُفق نینا کے اور قریب ہونے لگا تھا جب اسے اپنے سینے پر چھبن محسوس ہوئی۔۔۔۔۔۔

اس نے چونک کر اپنے سینے پر دیکھا جہاں نینا نے چھری رکھی ہوئی تھی۔۔۔۔۔۔

یہ کیا کر رہی ہو نین۔۔۔۔۔اُفق فوراً پیچھے ہوا۔۔۔۔۔

کام میں بعد میں کروں گی پہلے تم یہاں سے نکلو۔۔۔۔۔نینا نے اُفق کو بازو سے پکڑا اور کھینچتے ہوئے اسے کچن سے باہر دھکا دیا۔۔۔۔۔۔

نینا کی حرکت پر اُفق کا منہ کھل گیا۔۔۔۔۔۔۔

کچھ تو شرم کر لو کچن میں بھی تمہے رومینس سوج رہا ہے۔۔۔تم باہر رہنے کے ہی قابل ہو اب اندر آئے نا میں اسی چھری سے تماری یہ قینچی کی طرح چلتی زبان کاٹ دوں گی۔۔۔۔۔۔باہر ہی رہنا اب۔۔۔۔۔۔۔نینا مدھم آواز میں غرائی۔۔۔۔۔۔

اُفق نے حیرت سے پیچھے مُر کر دیکھا جہاں حیدر کھڑا اس کی عزت افزائی ہوتے دیکھ کر کھی کھی کر رہا تھا۔۔۔۔۔۔۔

کیا ہے تو کیوں دانتوں کی نمائش کررہا ہے۔۔۔۔۔اُفق نے جل کر کہا۔۔۔۔۔۔

اس کے تاثرات دیکھ کر حیدر نے بمشکل اپنی ہنسی کنٹرول کی۔۔۔۔۔۔

یہاں کیا کررہا ہے تو؟؟اُفق کی طرف سے اگلا سوال پوچھا گیا۔۔۔۔۔۔۔

میں تو بھابی کے ہاتھوں سے بنے پکوان کھانے آیا ہوں۔۔۔۔۔حیدر نے کہا۔۔۔۔۔۔۔

لو آگیا بھوکا۔۔۔مجھ سے زیادہ جلدی تو اسے ہے۔۔۔۔۔اُفق نے سوچا۔۔۔۔۔

تو یہاں کیا کر رہا ہے لاٶنج میں جاکر ویٹ کر۔۔۔۔۔اُفق نے منہ بنا کر کہا۔۔۔۔۔۔۔

نہیں وہ میں نے سوچا بھابی کو ہیلپ چاہیے ہو گی تو۔۔۔۔۔۔۔حیدر کی بات پر اُفق نے اسے گھورا۔۔۔۔۔۔

میری بیوی کو تیری ہیلپ کی ضرورت کیوں ہو گی بھلا۔۔۔۔۔

آجائیں حیدر بھائی مجھے سچ میں آپ کی ہیلپ چاہیے تھی۔۔۔۔۔ٹھینکیو سو مچ۔۔۔۔۔۔۔نینا دوپٹہ سہی طرح سے سر پر ٹکاتے ہوئے بولی۔۔۔۔۔۔

جی بھابی آیا۔۔۔۔۔۔حیدر چہرے پر فاتحانہ مسکراہٹ سجائے کچن میں داخل ہو گیا۔۔۔۔۔۔۔

جی بھابی بتائیں میں کیا ہیلپ کرسکتا ہوں آپ کی۔۔۔۔۔حیدر نے کہا۔۔۔۔۔۔۔

زیادہ کچھ نہیں بس یہ کھا کر بتائیں اس میں نمک مرچ ٹھیک ہے نا اگر کم ہے تو میں اور ڈال دوں۔۔۔۔نینا نے پلیٹ میں سالن ڈالتے ہوئے پلیٹ اس کی طرف بڑھا دی۔۔۔۔۔۔

حیدر نے پلٹ کر اُفق کی طرف دیکھا جو مٹھیاں بھینجے کھڑا ہوا تھا۔۔۔۔۔پیشانی پر بل واضح تھے۔۔۔۔۔۔ایسا لگ رہا تھا وہ ابھی حیدر کو کچا چبا جائے گا۔۔۔۔۔۔۔

حیدر نے مسکراتے ہوئے اسے آنکھ ماری۔۔۔۔۔۔

تجھے تو میں بعد میں بتاٶں گا بچو۔۔۔۔۔اُفق منہ پر ہاتھ پھیرتے ہوئے دھمکی آمیز لہجے میں بولا اور آگے بڑھ گیا۔۔۔۔۔۔

اس نے جانے کے بعد نینا اور حیدر کا قہقہ بلند ہوا۔۔۔۔۔۔

***************************

ڈائینگ ٹیبل پر کھانا لگاٶ تم۔۔۔۔تب تک میں زرا فریش ہو کر آتی ہوں۔۔۔۔۔نینا نے ملازمہ کو ہدایت دی اور کچن سے باہر نکل گئی۔۔۔۔۔۔۔

وہ جیسے ہی کمرے میں داخل ہوئی گھپ اندھیرے نے اس کا استقبال کیا۔۔۔۔۔۔

نینا نے ہاتھ بڑھا کر سوئچ بورڈ ٹٹولا اور لائٹ آن کی۔۔۔۔۔۔جس سے پورا کمرہ روشن ہو گیا۔۔۔۔۔۔

جبھی نینا کی نظر اُفق پر پڑی جو بیڈ پر پیٹ کے بل سویا ہوا تھا۔۔۔۔۔۔۔

نینا کو خود پر شرمندگی محسوس ہوئی۔۔۔۔۔آج اس نے حیدر کے ساتھ مل کر یوں ہی مذاق مذاق میں اُفق کو بہت تنگ کیا تھا۔۔۔۔۔اس کی وجہ سے وہ بھوکا ہی سو گیا تھا۔۔۔۔۔

نینا نے آگے بڑھ کر الماری سے کپڑے نکالے اور اٹیچ باتھروم میں گھس گئی۔۔۔۔۔۔

کپڑے تبدل کرکے اس نے بالوں کو جوڑے میں مقید کیا اور سر پر حجاب لینے لگی۔۔

ان سب سے فارغ ہونے بعد وہ سوئے ہوئے اُفق کی طرف بڑھ گئی۔۔۔۔۔۔۔

اُفق ابھی تک اسی پوزیشن میں سو رہا تھا۔۔۔۔۔۔

نینا نے ہاتھ بڑھا کر اُفق کی پیشانی سے بال ہٹا دیئے۔۔۔۔۔۔نرم گرم لمس محسوس کرکے اُفق نے آنکھیں کھول دیں۔۔۔۔۔۔

اُٹھو کھانا تیار ہے۔۔۔۔۔نینا نے دھیمے لہجے میں کہا۔۔۔۔۔۔

مجھے بھوک نہیں ہے۔۔۔۔۔۔اُفق نے بے رخی سے کہ کر چہرہ دوسری طرف کر لیا۔۔۔۔۔۔

اُفق ضد نہیں کرو میں جانتی ہوں تمہے بھوک لگی ہے۔۔۔۔۔۔چلو اُٹھو نیچے سب ہمارا ویٹ کررہے ہیں۔۔۔۔۔۔۔نینا اس کے بالوں میں ہاتھ پھیرتے ہوئے بولی۔۔

تم جاٶ مجھے بھوک نہیں ہے۔۔۔۔۔۔اُفق نے سختی سے اس کا ہاتھ جھٹک دیا۔۔

نینا کی آنکھوں میں نمی اُتر آئی۔۔۔۔۔اُفق کا لہجہ اسے تکلیف دے رہا تھا آج تک اُفق نے کبھی اس کے ساتھ ایسے لہجے میں بات نہیں کی تھی۔۔

فائن۔۔۔۔پڑے رہو یہاں میں جارہی ہوں۔۔

نینا آنکھوں سے نمی صاف کرتے ہوئے بولی اور دروازے کی طرف بڑھ گئی۔۔

جاری ہے