Awaregaan e Ishq by Malayeka Rafi readelle50004 Awaregaan e Ishq Episode 06

ماضی۔۔۔

وہ بےحد غور سے ۔۔۔ اپنی کتابیں پھیلائے انھیں پڑھ رہی تھی۔۔۔ ساتھ ساتھ وہ نوٹ بک میں لکھتی بھی جارہی تھی۔۔۔

کانچ جیسی سنہری آنکھوں میں۔۔۔ بہت سے خواب سجائے ۔۔ وہ شاید اپنی دنیا بدلنے کے سپنے بنے ہوئی تھی۔۔۔

‘ ہم نے نہیں بیٹھنا اس کے ساتھ سر ۔۔ ‘

‘ اس سےبدبو آتی ہے ۔۔۔ ‘

‘ مما نے کہا ہے بھکاریوں سے دُور رہو وہ گندے اور چور ہوتے ہیں۔۔ ‘

‘ سائنس سبجیکٹس تو ایسے لیے ہوئے ہیں جیسے یہ بھکارن ڈاکٹر بنے گی ۔۔ ‘

‘ میٹرک ہے کوئی کھیل تھوڑی ہے ‘

۔۔۔۔

اس کے دماغ میں۔۔۔ہر روز ہونے والی ان باتوں کا شور برپا تھا ۔۔۔ لیکن وہ پھر بھی زور و شور سے پڑھ رہی تھی۔۔۔ بڑی مشکل سے تو اسے داخلہ ملا تھا اس اسکول میں۔۔۔ مسز سمیرا انعام کی بدولت ۔۔۔

” مہنم آ جا کھانا لگ گیا ہے۔۔”

فہیمہ کی آواز پہ ۔۔۔ وہ ساری کتابیں سائیڈ پہ ۔۔۔ ٹوٹی ہوئی میز کے نیچے کر کے ۔۔۔ اس نیم تاریک کمرے سے باہر نکلی تھی۔۔۔

اور وہیں چھوٹے سے صحن میں۔۔۔اپنی ماں کے پاس زمین پہ آلتی پالتی مار کے بیٹھ گئی تھی ۔۔۔جبکہ اس کا معذور باپ ۔۔۔ وہیں چارپائی پہ لیٹا ہوا تھا ۔۔۔

” کل سے زیادہ کچرا جمع کرنا شروع کر مہنم ۔۔۔ بھیک مانگنے میں تو تجھے شرم آتی ہے ۔۔ مہارانی جو ٹھہری۔۔۔ “

اسکی طرف کھانا رکھتے وہ کہنے لگی۔۔۔ جبکہ مہنم سر جھکا کے۔۔۔ کھانا کھانے لگی ۔۔۔

” اماں بھیک مانگنا شرم کی بات ہے ۔۔۔ لوگوں کے آگے ہاتھ پھیلانا گناہ ہے ۔۔ میں یہ شرمناک کام نہیں کرتی ۔۔۔ “

فہیمہ نے تیز نظروں سے ۔۔۔ اسکے جھکے سر کو گھورا تھا ۔۔۔

” گناہ ثواب سے ہمارا کیا کام ۔۔۔ ہم تو پیدائشی بھکاری ہے ۔۔۔ بھیک مانگنا ہمارے خون میں شامل ہے ۔۔ “

مہنم نظر اٹھا کے اپنی ماں کو دیکھنے لگی۔۔۔

“میرے خون میں نہیں شامل اماں۔۔۔ “

” کیوں؟؟ تیرا خون الگ ہےہم سے کیا ؟؟”

فہیمہ کو تپ چڑھ گئی تھی۔۔۔ جب رمضان نے اسے ٹوکا ۔۔

” نہ کر فہیمہ ۔۔۔ نہ غصہ کیا کر بلا وجہ بچی پہ ۔۔۔ نہ کر “

” ہاں تو تو اٹھ جا ۔۔۔ تو مانگ لیں بھیک ۔۔۔ تو کر لیں کچھ ۔۔۔ “

وہ بھی چٹخی تھی۔۔۔ جبکہ مہنم سر جھکائے اپنا کھانا کھانے میں مصروف رہی ۔۔۔۔

” دن بھر دھوپ میں پڑا تو رہتا ہوں ۔۔۔ خود کو گھسیٹ گھسیٹ کےبھیک مانگتا ہوں۔۔۔تو مہنم پہ زور نہ ڈال۔۔۔ “

وہ پھر سے کہہ رہاتھا ۔۔۔ جبکہ فہیمہ منہ ہی منہ میں بڑبڑاتی۔۔۔۔اسے کھانا دینے لگی ۔۔۔

” بری تو میں ہی ہوں بس ۔۔۔ “

جبکہ مہنم اب بھی ان سنی کیے اپنا کھانا کھا رہی تھی کہ اسے پڑھنا تھا ۔۔۔

اس بستی میں۔۔۔ وہ سب سے الگ ہی تھی۔۔۔ اسکی رنگت ۔۔۔اسکے نین نقش بےحد مختلف اور خوبصورت تھے ۔۔۔

اسکے انداز اور سوچ بھی مختلف تھی۔۔۔ وہ پڑھنا چاہتی تھی تبھی وہ پڑھ رہی تھی ۔۔۔اپنی ماں کی لعن طعن سن کے بھی وہ پڑھ رہی تھی۔۔۔

اس کے ساتھ کی لڑکیاں اس کا مذاق بناتی کلاس میں۔۔۔پھر بھی وہ ان سنی کر کے۔۔۔ بیٹھی رہتی ۔۔۔

وہ کچرا اور تھیلے جمع کر کے ۔۔۔ کچھ نہ کچھ کما لیا کرتی تھی۔۔۔بھیک مانگنے میں اسے شرم محسوس ہوتی ۔۔۔لیکن تھی تو وہ اسی بستی کی ۔۔ بھکاری کی بیٹی۔۔۔

^^^^^^^^^^^^^

” تمہارا نام کیا ہے ؟؟”

وہ کب سے اپنی ائیرکنڈیشنڈ گاڑی میں بیٹھا اسے لڑکی کو ۔۔۔سڑک کنارے دیکھ رہا تھا ۔۔۔

جو تھیلہ ایک ہاتھ سے دوسرے ہاتھ میں منتقل کرتی ۔۔۔گرمی کی تپش سے بچنے کے لئے ۔۔ بار بار اپنا میلہ دوپٹہ سر پہ لیتی ۔۔۔تو کھبی اپنا پسینہ خشک کرتی ۔۔۔لیکن پھر بھی دھوپ کی تمازت میں ۔۔اسکی سفید رنگت دھمک رہی تھی۔۔۔

مہنم حیرت سے ۔۔۔ اس خوبصورت بندے کو دیکھ رہی تھی۔۔۔ جو گاڑی میں بیٹھا۔۔۔ کوئی شہزادہ ہی لگ رہاتھا ۔۔۔ وہ کافی دنوں سے۔۔۔ دیمیر کو یہاں دیکھ رہی تھی۔۔۔ جو اپنی گاڑی میں بیٹھا اسے دیکھتا ۔۔یا پھر پانی کی آفر کرتا ۔۔اور وہ سر جھٹک کے ۔۔ رخ پھیر لیتی ۔۔۔ لیکن آج اسے کیا ہوا تھا نہ جانے۔۔۔ کہ وہ اس خوبصورت شخص سے نظریں نہ پھیر سکی ۔۔۔

” میں مہنم ہے ۔۔۔ “

نرمی سے جواب دیتی ۔۔۔ وہ ادھر ادھر دیکھنے لگی ۔۔ تھیلہ ایک ہاتھ سے دوسرے ہاتھ میں منتقل کرتی ۔۔۔ اپنے خشک لبوں پہ زبان پھیرنے لگی ۔۔

” یہ لو ۔۔ پانی پیو ۔۔ “

منرل واٹر کی بوتل اس کی طرف بڑھاتے وہ نرمی سے کہہ رہاتھا ۔۔

” نو تھینک یو صاب۔۔۔ “

اپنی دھن میں کہتی ۔۔۔ وہ اپنے دوپٹے کے کونے سے ۔۔۔ چہرے کاپسینہ صاف کرنے لگی ۔۔

” وہاٹ ۔۔۔”

دیمیر حیرت سے ۔۔۔اسےدیکھ رہا تھا ۔۔۔

“تم انگلش بھی بول لیتی ہو ۔۔ “

وہ ہنسنے لگا ۔۔۔ جبکہ مہنم نے ناگواری سے اسے دیکھا تھا ۔۔۔

” اتنی خوبصورت ہو کے تم یہ کام کیسے کرتی ہو ؟؟”

وہ رک کے۔۔۔ اب اپنی سوچ اسے بتا رہاتھا ۔۔۔

” صاب ۔۔۔ خوبصورتی یا بدصورتی کا نصیب سے کیا کام ۔۔۔ “

” ہمممم ۔۔۔ آو کار میں بیٹھو۔۔۔ “

وہ اس کے لئے فرنٹ سیٹ کھولتے کہنے لگا۔۔جبکہ مہنم بدک کے پیچھے ہٹی تھی ۔۔۔

” نہ صاب ۔۔۔ میرے کپڑے میلے ہیں۔۔۔آپ کی گاڑی میلی ہو جائے گی ۔۔ “

” اوہ کم آن ۔۔ کچھ نہیں ہوتا ۔۔۔ آو بیٹھو جلدی سے ۔۔۔ “

دیمیر کے دوبارہ اصرار پہ ۔۔۔ وہ جھجھکتی ۔۔۔ادھر ادھر دیکھتی گاڑی میں بیٹھنے لگی۔۔۔

” صاب یہ ۔۔۔ اسے کہاں رکھوں؟؟”

وہ اپنے تھیلے کی طرف اشارہ کرتی بولی ۔۔۔

“یہی چھوڑ دو ۔۔۔ “

دیمیر گلاسز آنکھوں پہ لگاتے کہنے لگا ۔۔۔

” نہ صاب ۔۔یہ میری کمائی ہے ۔۔ “

مہنم بدک کے نیچے اتری تھی ۔۔۔

” اوہ کم آن گرل ۔۔ میں پیسے دوں گا اگر گم ہوئے ۔۔ وہیں رکھ دو ۔۔۔ “

دیمیر کے جھنجھلانے پہ ۔۔۔ وہ دل و نادل اپنا تھیلہ وہیں روڈ پہ رکھ کے ۔۔۔ خود گاڑی میں بیٹھی تھی۔۔۔

اے سی کی یخ ہوا نے اس کا استقبال کیا ۔۔۔

” واو ۔۔۔ کتنی ٹھنڈی ہے ۔۔۔ “

وہ حیرت سے چاروں طرف دیکھتی کہہ رہی تھی۔۔۔ دماغ جیسے پرسکون ہو رہا تھا گاڑی کی ٹھنڈک میں۔۔۔ گرم جسم کو جیسے آرام مل رہا تھا ۔۔۔

دیمیر زیر لب مسکرا کے اسے دیکھ رہا تھا ۔۔۔

” یہ لو پانی پیو۔۔۔ “

مہنم چونک کے اسے دیکھنے لگی اور پانی کا بوتل اس کے ہاتھ سے لے کے ۔۔۔ فورا سارا پانی پی گئی۔۔۔

” میرا نام دیمیر نوفل شاہ ہے ۔۔۔تم مجھے دیمیر کہہ سکتی ہو ۔۔۔ “

وہ کہہ رہا تھا جبکہ مہنم اب بھی گاڑی کو چیک کر رہی تھی۔۔

” یہ بہت ٹھنڈا ہے ۔۔۔”

“ہممممم “

وہ اس پہ نظر ڈالتا۔۔۔ اپنی گاڑی اسٹارٹ کر چکاتھا ۔۔۔ جبکہ مہنم بنا چون چراں کے ۔۔۔ خاموشی سے ۔۔۔ چلتی گاڑی سے باہر کے نظارے دیکھ رہی تھی۔۔۔ آنکھوں میں خوشگوار حیرت تھی ۔۔۔اس بات پہ غور کیے بنا ۔۔۔ کہ وہ ایک غیر مرد کے ساتھ ۔۔۔ اسکی گاڑی میں جا رہی ہے ۔۔۔ کہاں؟؟ نہیں معلوم ؟؟ کچھ لمحوں کے لئے ۔۔وہ جو گرمی کی شدت سے بچ پائی ہے ۔۔۔ اسی کو وہ غنیمت جان رہی تھی۔۔۔

^^^^^^^^^^^^

وہ حیرت سے ۔۔۔ اس گھر کی تزئین کو دیکھ رہی تھی۔۔۔ وہ تین کمروں پہ مشتمل اپارٹمنٹ تھا ۔۔۔ جو دیکھنے میں بےحد خوبصورت اور قیمت بیش بہا کی رکھتا تھا۔۔۔۔

دیمیر اس کے چہرے پہ پھیلے تاثرات کو بےحد غور سے دیکھ رہا تھا۔۔۔ وہ اپنے چیلنج میں کامیاب ہوا تھا ۔۔۔ لیکن اسے سمجھ نہیں آ رہی تھی کہ اتنی خوبصورت اور ماڈرن لڑکیوں کے بیچ ۔۔۔ مہنم ہی کیوں؟؟

شاید اس لئے کہ وہ مڑ کے پھر کھبی اس کے مقابل نہیں کھڑی ہوگی ۔۔۔ یا شاید اس لئے کہ اسے اپنا ٹیسٹ بدلنا تھا۔۔۔ ایک بھکارن کھبی اس کے مقابلے پہ نہیں آئے گی ۔۔۔

” مہنم ۔۔۔ مہنم لسن “

مہنم جو ادھر ادھر گھوم کے گھر کو دیکھ رہی تھی۔۔۔ جب دیمیر اسے آواز دیتا قریب آیا تھا۔۔۔

” تم جا کے شاور لے لو ۔۔۔ باہر بہت گرمی تھی ناں۔۔۔ میں کچھ کھانے کو آرڈر کرتا ہوں۔۔۔ اوکے “

” تم یہاں اکیلے رہتا ہے ؟؟”

وہ خوشگوار حیرت سے ۔۔۔ اسے دیکھتی پوچھنے لگی جبکہ وہ کندھے اچکاتا اثبات میں سر ہلانے لگا ۔۔

” تم چلو یہاں ۔۔۔ “

وہ اسے بیڈروم کی طرف اشارہ کرتے کہنے لگا ۔۔۔اور مہنم بیڈروم میں جا کے ۔۔۔ جیسے بیہوش ہونے کو تھی۔۔۔

” اتنا ۔۔۔۔ زیادہ خوبصورت ۔۔۔ تم۔اس پہ سوتا ہے ؟؟”

وہ اب پھر سے دیمیر کو ۔۔۔ خوشگوار حیرت سے دیکھ رہی تھی۔۔ جبکہ وہ مسکرانے لگا۔۔۔

” تم بھی سو سکتی ہو ۔۔ “

” میں۔۔۔ ؟؟ میں تو میلا ہے ۔۔ “

وہ اداسی سے کہتی ۔۔۔ اپنے دوپٹے کے کونے کو انگلی پہ لپیٹنے لگی ۔۔۔

” شاور لو گی تو فریش ہو جاو گی ۔۔ “

وہ کہتا اسے واشروم لے آیا تھا ۔۔۔

وہ حیرت سے ادھر ادھر دیکھ رہی تھی۔۔۔

” میں امریکا آ گئی ہوں کیا؟؟ یہ سب تو انگلش فلموں میں ہوتا ہے ۔۔۔ اتنا خوبصورت ۔۔۔ خوبصورت سب ۔۔ “

دیمیر کو اس کی بات پہ ہنسی آئی تھی۔۔۔ سر جھٹکتا وہ اس کا دوپٹہ ہٹانے لگا ۔۔۔

” یہ سب ہٹاو اور یہاں شاور لو ۔۔۔ یہ کوئی انگلش مووی نہیں ہے ۔۔۔ تمہارا ہی ہے سب ۔۔۔ وہاں ڈریسنگ روم میں ڈریسز بھی ہے ۔۔۔ تم پہلے شاور لو ۔۔۔ “

اس کے نرم لہجے پہ ۔۔۔ مہنم تیزی سے اثبات میں سر ہلاتی اسے دیکھنے لگی ۔۔۔

” میں باہر جا رہا ہوں۔۔ کھانا آرڈر کرتا ہوں۔۔۔ ہمممم گڈ گرل “

وہ کہتا واشروم سے باہر گیا تھا۔۔۔ زیر لب مسکراتا وہ کھانا بھی آرڈر دے چکا تھا۔۔۔۔

نجانے مہنم کو کیوں اس سے ڈر محسوس نہیں ہو رہا تھا۔۔۔ بلکہ وہ زیادہ پرسکون محسوس کر رہی تھی خود کو دیمیر کے ساتھ۔۔۔

اتنا خوبصورت انسان۔۔۔ اتنا امیر اور کس قدر نرمی سے برتاؤ کرتا ہے ۔۔ وہ اسے سوچتی ۔۔ مسکراتی ۔۔۔ اپنے لئے ڈریس دیکھ رہی تھی۔۔۔ ٹاول کو اپنے گرد ۔۔۔ اوپر نیچے سنبھالے۔۔۔

جب دیمیر وہاں آیا تھا ۔۔۔۔ اسے یوں دیکھ کے وہ ایک پل کو ٹھٹھکا تھا اور وہ بوکھلا کے کبرڈ میں گھسی تھی۔۔۔

دیمیر زیر لب مسکراتا وہیں رکا تھا ۔۔۔ اپنی کنپٹی سہلاتا وہ رخ موڑ چکا تھا۔۔۔

” سوری مجھے لگا تم ڈریس آپ ہو چکی ہوگی ۔۔۔ “

” میں ۔۔ میں ہوتی ہے تم جاو ابھی ۔۔۔ “

کبرڈ سے ہی وہ آواز دیتی ۔۔۔ خود کو کپڑوں کے بیچ چھپانے لگی ۔۔۔

” ہمممم اوکے ۔۔ میں جا رہا ہوں۔۔۔ تم بھی جلدی سے آ جاو ۔۔۔ کھانا بس آنے والا ہے۔۔ “

وہ اپنی بات کہتا ایک نظر اس کبرڈ پہ ڈالتا ۔۔۔ ڈریسنگ روم سے باہر گیا تھا۔۔۔ جبکہ مہنم تھوڑا سا جھانکتی۔۔۔ باہر نکلی تھی ۔۔۔

دل تیزی سے دھڑکنے لگا تھا جیسے ابھی باہر کو آ جائے گا ۔۔۔۔ سامنے قد آدم آئینے پہ نظر پڑتے ہی وہ پل بھر کو رکی تھی۔۔۔

چہرے پہ ہلکی مسکراہٹ در آئی تھی ۔۔۔ دیمیر کو سوچتے ۔۔۔ اس کے چہرے پہ ہلکا ہلکا گلابی پن بکھرا تھا ۔۔۔ وہ کافی دنوں سے دیمیر کو دیکھ رہی تھی۔۔ جو اسے ہی دیکھتا رہتا ۔۔۔ پہلے وہ ڈر گئی تھی اور پھر اسے اچھا لگنے لگا تھا ۔۔۔ وہ بار بار مڑ کے ۔۔۔ دیمیر کو دیکھتی ۔۔۔ خود کو پہلے سے اچھا اور صاف رکھنے لگی تھی وہ اب ۔۔۔ اور آج جب دیمیر نے خود اسے آواز دی ۔۔۔ اس کا نام پوچھا تو وہ جیسے ہواؤں میں اڑنے لگی تھی۔۔

” کتنا اچھا ہے ۔۔۔ہیرو ہے ہیرو ۔۔۔ گندی نظر بلکل بھی نہیں رکھتا ۔۔ “

وہ مسکراتے ہوئے ۔۔ خود کلامی کر رہی تھی اور پھر خیال آنے پہ ۔۔ سر جھٹکتی جلدی جلدی ڈریس لینے لگی اپنے لئے کبرڈ سے ۔۔۔