Awaregaan e Ishq by Malayeka Rafi readelle50004 Awaregaan e Ishq Episode 05 The Bitter Truth No One Owns

” نازو تو یہاں کیوں بیٹھی ہے ؟؟”

شین پاس پڑے کوڑے کے پچھلی طرف ۔۔۔ نازک کو گھٹڑی بنے بیٹھا دیکھ کے ۔۔۔حیرت سے پوچھنے لگی۔۔جبکہ وہ خوفزدہ نظروں سے ۔۔۔ شین کو دیکھنے لگی۔۔۔

” تو بتا دے گی جمیلے کو ؟؟ “

” کیا ؟؟”

وہ اب نازو کے پاس ہی ۔۔۔ جا کے بیٹھ گئی تھی کچرے کے ڈھیر پہ ۔۔۔

” کہ میں یہاں چھپی ہوئی ہوں؟؟”

“تو چھپ کیوں رہی ہے اس ایک آنکھ والے بلا سے ؟؟”

شین اب بھی حیرت سے۔۔۔ اس کی حالت دیکھ رہی تھی ۔۔۔ جبکہ وہ کانپتے ہوئے ادھر ادھر دیکھنے لگی ۔۔۔

” بہت درد ہو رہا میرے کو شین۔۔۔ میرا پورا جسم درد کر رہا ۔۔۔آج پھر پیسے نہیں جمع کیے ۔۔۔ وہ جمیلے ۔۔۔وہ پھر سے سزا دے گا مجھے ۔۔۔ میرے میں اور سکت نہیں ہے شین۔۔۔ میں بہت درد میں ہوں۔۔۔ “

شین نےہاتھ بڑھا کے اس کا جسم ٹٹولا تھا ۔۔۔

” تیرے ساتھ ؟؟”

اور وہ سر جھکاگئی تھی۔۔۔

“نہ بتانا کسی کو ۔۔۔ تجھے قسم ہے شین۔۔۔ تجھے قسم ہے۔۔ “

وہ کہتے کہتے رو پڑی تھی۔۔

” کاش مہنم اس حرام خور کی دونوں آنکھیں اندھا کر دیتی ۔۔۔ کتا ۔۔۔ ذلیل “

شین نے دانت پیسے تھے۔۔۔

” چل اٹھ۔۔۔تو اپن کے ساتھ اپن کے گھر چل ۔۔۔ “

” ن ۔۔۔ نہیں۔۔۔ وہ ۔۔۔ وہ مجھے دیکھ لے گا ۔۔ “

وہ بےحد خوفزدہ تھی۔۔

” کچھ نہیں ہوتا ۔۔۔ اپن تیرے ساتھ ۔۔تو فکر نہ کر ۔۔۔ چل”

شین اسے اٹھانے میں مدد دینے لگی ۔۔۔لیکن اسکے کپڑوں پہ نظر پڑتے ہی ۔۔ وہ جھٹکے سے پیچھے ہوئی تھی۔۔

” نازو یہ خون ؟؟؟ اتنا سارا خون ؟؟؟”

نازو گھبرا کے ۔۔۔ خود میں سمٹنے لگی ۔۔۔

” ت۔۔۔تجھے کیا ہوا ہے نازو ۔۔۔ ؟؟ یہ خون ؟؟”

وہ پھر سے پوچھ رہی تھی۔۔۔ جبکہ نازو لڑکھڑا کے نیچے گری تھی۔۔۔

” نازو۔۔۔ “

شین اسکے قریب آ بیٹھی تھی۔۔۔اور اسے کندھے سے تھام کے۔۔۔ اس کے نقاہت زدہ وجود کو سہارا دیا تھا۔۔۔

” تو ۔۔۔ تو ٹھیک نہیں ہے نازو۔۔۔ “

اندر کو دھنسی ہوئی آنکھوں سے ۔۔۔ اس نے شین کی طرف دیکھا تھا۔۔۔۔

” مجھے بہت درد ہو رہا شین۔۔۔ “

نقاہت زدہ آواز میں کہہ کے ۔۔۔ اس کا سر شین کے کندھے پہ لڑھکا تھا ۔۔

” نازو ۔۔۔۔۔ “

وہ چیخ ہی پڑی تھی۔۔۔۔

༺✾༻ Awaregaan-e-Ishq ༺✾༻

کمرے کے نیم تاریک ماحول میں۔۔۔ دیمیر شاہ بیٹھا۔۔۔ ٹیبل پہ پڑا ڈرگ لے رہا تھا ۔۔۔

جس طرح سے ۔۔۔ مہنم  اجمیر کے ذریعے اس سے انتقام لے رہی تھی ۔۔۔ یہ بات دیمیر کے غصے کو ہوا دے رہی تھی۔۔۔

سرخ ہوتی انکھوں سے ۔۔۔ اس نے سائیڈ پہ پڑی فائل دیکھی ۔۔۔

آنکھوں میں چمک سی در آئی تھی ۔۔۔۔  اجمیر اپنے بیڈ روم میں سو رہا تھا اور مہنم نیچے لاونج میں ٹی وی دیکھ رہی تھی۔۔۔

تبھی وہ جھٹکے سے اٹھا اور فائل اٹھا کے ۔۔۔ لمبے ڈگ بھرتا کمرے سے باہر گیا تھا۔۔۔۔

مہنم جو فرائز سے انصاف کرتی ۔۔۔ کوئی مووی دیکھ رہی تھی۔۔۔ جب فائل اس کے سامنے ٹیبل پہ پھینک گئی ۔۔۔

” سائن کرو ان پہ ۔۔ “

ایک نظر اس نے فائل پہ اور دوسری دیمیر پہ ڈالی۔۔۔ جو اس کے ساتھ والے صوفے پہ جا کے بیٹھ چکا تھا۔۔۔

اور پھر سے نظریں ٹی وی اسکرین پہ جمائی ۔۔۔ جبکہ دیمیر بغور اس کا جائزہ لے رہا تھا۔۔۔

کتنا بدل گئی تھی وہ ۔۔۔ اس کا سراپا اب بھرا بھرا سا تھا ۔۔۔ چہرے کا حسن پہلے سے زیادہ دمکتا محسوس ہوتا۔۔۔ سفید رنگت میں اب گلابی پن کا امتزاج بھی تھا ۔۔۔۔ آنکھیں بےتاثر تھی ۔۔۔ اور اس کے اٹھنے بیٹھنے کے انداز میں کافی فرق محسوس ہوتا تھا۔۔۔

” نائٹ بار کیسے پہنچی تم ؟؟”

اس کی بھاری اواز گونجی تھی۔۔۔ وہ چونکی ضرور تھی لیکن کوئی خاص تاثر نہیں دیا تھا اسے ۔۔۔

”  اجمیر کیا کرنے آیا تھا بار ؟؟ جو تم سے سامنا ہوا؟؟”

وہ پوچھنا رہا تھا اور مہنم اب بھی خاموش ہی تھی۔۔۔

” اسے ہمارے رشتے کا بتایا؟؟؟ نہیں بتایا ہوگا۔۔۔ تبھی تو ۔۔۔ “

وہ اب بھی دیمیر کو نہیں دیکھ رہی تھی۔۔۔ جبکہ دیمیر کے چہرے پہ مسکراہٹ رینگی تھی۔۔۔

” میرے قریب رہنے کے لئے ۔۔ اچھا ڈرامہ کر رہی ہو انتقام کا ۔۔۔ تم اب بھی شاید نہیں بھولی وہ شامیں۔۔۔ وہ راتیں۔۔۔ وہ سب جو ہمارے بیچ ہوا ۔۔۔ “

مہنم اب بھی خاموش رہی ۔۔۔

” ایک بھکارن سے نائٹ بار ویٹرس ۔۔۔ کوڑے کے ڈھیر پہ پلی بڑھی بھکارن سے اتنی ماڈرن بننے کا سفر ۔۔۔۔ اتنی محنت ۔۔۔ میرے گھر تک پہنچنے کے لئے ۔۔۔ مجھ تک پہنچنے کے لئے ۔۔۔ “

پانی کا گلاس منہ سے لگا کے۔۔۔ اس نے ایک نظر دیمیر کو دیکھا جو اسے ہی دیکھ رہا تھا ۔۔۔

گلا کھنکھار کے ۔۔ وہ گلاس رکھ کے اپنی جگہ سے اٹھ کے ۔۔۔ سیڑھیوں کی طرف جانے کے لئے مڑی تھی۔۔۔

” میں جواب کا منتظر ہوں۔۔۔ “

دیمیر کی اواز پہ اس کے قدم رکے تھے ۔۔۔ وہ مڑ کے دیمیر کو دیکھنے لگی ۔۔۔ جو صوفے پہ آرام دہ انداز میں بیٹھا اسے ہی دیکھ رہا تھا ۔۔۔

چھوٹے چھوٹے قدم اٹھاتی وہ دیمیر تک آئی تھی۔۔۔ دیمیر کی طرف جھکتی ۔۔۔ وہ اس کی آنکھوں میں دیکھ رہی تھی۔۔۔

” تم کیا چاہ رہے ہو اس وقت مجھ سے دیمیر شاہ؟؟”

وہ طنزیہ انداز میں کندھے اچکا گیا ۔۔۔

” کیا پھر سے وہ وقت چاہتے ہو تم دیمیر شاہ؟؟”

بنا ڈرے۔۔۔ اس کی انکھوں میں دیکھتی مہنم پوچھ رہی تھی ۔۔۔ جبکہ وہ نشے سے بھاری ہوتے سر کو ۔۔۔ جھٹکتا اپنی جگہ سے کھڑا ہوا تھا۔۔۔

مہنم اس کا راستہ روک گئی تھی۔۔۔

” کہاں؟؟؟ جواب نہیں چاہئے اپنے سوالوں کے تمہیں؟؟ بار بار ہمارے بیچ جو ہوا کا حوالہ دے کے۔۔۔ تم پروف کیا کرنا چاہتے ہو دیمیر ۔۔۔ ؟؟؟ کہ میں تمہارے بھائی سے بیوفائی کا مرتکب ہو جاؤں ۔۔۔ یہی ؟؟؟”

” مجھے تم سے کچھ نہیں چاہنا۔۔۔ سامنے سے ہٹو۔۔۔ “

دیمیر ناگواری سے کہتا ۔۔۔ آگے بڑھنا چاہ رہا تھا ۔۔۔ جب مہنم پھر سے اس کے سامنے آئی تھی۔۔۔

” اب بھی بھکارن ہوں میں۔۔۔ اور آج بھی میرے وجود میں وہی بدبو ہے ۔۔۔ کوڑے کے ڈھیر کی بدبو ۔۔۔۔ بہت بدبودار ہوں میں دیمیر شاہ۔۔ سونگھو مجھے ۔۔ “

وہ دو قدم آگے آئی تھی جبکہ دیمیر بوکھلا کے دو قدم پیچھے ہوا تھا ۔۔۔

” اسی کوڑے کے ڈھیر پہ ۔۔۔ تمہارا بچہ بھی پڑا ہوا تھا جسے چیل اور کتے آ کے ۔۔۔ نوچ نوچ کے کھا گئے ۔۔۔ “

وہ اب بھی دیمیر کے قریب جا رہی تھی جبکہ دیمیر اسے حیرت سے دیکھتا پیچھے جا رہا تھا۔۔۔

” نوچنے مجھے بھی آئے تھے۔۔۔ لیکن تم سے اپنا اور اس معصوم جان کا بدلہ لینے کے لئے میں زندہ بچ گئی ۔۔۔ “

” پیچھے رہو مہنم ۔۔۔ “

دیمیر کو اس لمحے۔۔۔ مہنم کی سرد آنکھوں سے واقع ڈر ہی لگا تھا ۔۔

” کوڑے کا ڈھیر وہ واحد جگہ ہے جو ہر روز گواہ بنتا ہے ۔۔۔ کیسے سنبھال چاہے بچوں کو ڈھیر وہاں گرتا ہے ۔۔۔ اور کیسے چیل ۔۔۔ کوے ۔۔۔ کتے ۔۔۔۔ کیڑے مکوڑے ان ننھی جانوں کو نوچنے آ جاتے ہیں۔۔۔ اور بھیڑیے نما ان کے سو کالڈ باپ ۔۔۔۔ سینہ تان کے سڑکوں پہ چلتے ہیں ۔۔ اور جب اس کوڑے کے ڈھیر کے سامنے سے گزرتے ہیں ۔۔۔ تو اپنی ناک پہ ٹشو رکھ کے ۔۔۔۔ اس بدبو سے خود کو بچاتے ہیں۔۔۔۔ وہ بدبو اسی بھیڑیے کے گلے سے بچے کی ہوتی ہے۔۔۔۔۔ میں نے دیکھا کیسے نوچ رہے تھے اسے ۔۔۔۔ تمہارا بچہ تھا وہ دیمیر تمہارا ۔۔۔۔۔ “

وہ آنکھوں میں وحشت لیے ۔۔۔۔ سرسراتی آواز میں کہہ رہ تھی۔۔۔۔ جبکہ دیمیر لب بھینچے پیچھے ہوا تھا ۔۔۔

” مہنم دور رہو مجھ سے ۔۔۔۔ “

مہنم کے چہرے پہ سرد مسکراہٹ پھیلی تھی۔۔۔

” میں نوچتی نہیں ہوں دیمیر ۔۔۔ ڈرو مت ۔۔۔ تم سے حساب برابر کرنا ہے بس ۔۔۔ سارے حساب۔۔۔ اور میں حساب کتاب میں ہمیشہ سے اچھی رہی ہوں دیمیر نوفل شاہ ۔۔۔ “

اپنی بات کہہ کے ۔۔۔ وہ پھر سے قدم پیچھے لے رہی تھی۔۔۔

” بزدل ۔۔۔۔۔ “

دانت پیستے کہہ کے ۔۔۔ وہ مری تھی۔۔۔۔۔

جبکہ دیمیر وہیں کھڑا۔۔۔ لب بھینچے اسے دیکھ رہا تھا۔۔۔

وہ اب معصوم سی مہنم نہیں تھی۔۔۔ جو اس کی ہر بات ماننے کے لئے۔۔۔ تیزی سے اثبات میں سر ہلا دیتی ۔۔۔

وہ اب بےحد مضبوط تھی ۔۔۔ ایک مضبوط عورت کے روپ میں۔۔۔ اس کے سامنے کھڑی۔۔۔ اسے چیلنج کر رہی تھی۔۔۔ وہ جا چکی تھی اور دیمیر وہیں کھڑا۔۔۔ مہنم سے اپنی جنگ لڑنے کے لئے پلان بنا رہا تھا۔۔۔ شطرنج کی خطرناک بازی پھیلانے کا سوچ رہا تھا وہ اب ۔۔۔۔

༺✾༻ Awaregaan-e-Ishq ༺✾༻

” کیا عمر ہے تیری ؟؟”

اپنی ایک آنکھ سے۔۔۔۔ جمیل اس بچے کو گھور رہا تھا۔۔۔

” صاب بارہ ۔۔۔ “

” ہمممم ۔۔۔ تجھے کوئی پیسے نہیں دیتا ؟؟”

وہ پھر سے اپنی کرخت آواز میں پوچھ رہا تھا جبکہ وہ لڑکا نفی میں سر ہلاتا جھکا گیا ۔۔۔

” تیرے ماں باپ کدھر ہیں؟؟”

وہ پھر پوچھ رہا تھا ۔۔۔۔

” صاب ۔۔۔اس کو اٹھا کے لائی تھی کملی مائی۔۔۔ “

کسی کی اواز پہ اس نے ہنکارا بھرا تھا ۔۔۔ اور مسکراتی معنی خیز نظروں سے۔۔۔ سر سے پاؤں تک اسے دیکھا تھا۔۔۔۔

” کچھ ایسا کروں گا کہ تجھ پہ سب کو رحم بھی آئے گا اور بھیک بھی ملے گی ۔۔۔ “

اس کی آواز میں عجیب سنسناہٹ سی تھی۔۔۔ وہ لڑکا انس تھا جو خوفزدہ نظروں سے اب اس ایک آنکھ والے بلا کو دیکھ رہا تھا ۔۔۔

” انور۔۔۔ ادھر آ “

اس نے اپنے خاص بندے کو آواز دی جو اٹھارہ سال کا نوجوان تھا ۔۔۔

” چل لے جا ۔۔ اور اس کی وہ حالت بنا کہ سب کو اس پہ رحم آ جائے اور اس کو بھیک دیں۔۔۔ “

” ن ۔۔۔ نہیں۔۔۔۔ نہیں۔۔۔ “

وہ روتے ہوئے چلانے لگا ۔۔۔ جبکہ انور اسے زبردستی کھینچتے ہوئے لے جانے لگا ۔۔۔

” چل سالے ۔۔۔۔ “

اور پھر دوسرے کمرے سے ۔۔۔ اس کی چیخیں سنائی دینے لگی۔۔۔ جبکہ جمیل باقیوں پہ نظر ڈال رہا تھا ۔۔۔

” جانتے ہو ۔۔۔ تمہارے اس دوست کے ساتھ کیا ہو رہا ہے ؟؟”

وہ سب خوفزدہ نظروں سے ۔۔۔ اسے دیکھتے سر نفی میں ہلا رہے تھے ۔۔۔

” اسکا ایک کان کاٹا جا رہا ہے ۔۔۔ اور اس کا سر منڈوا رہے ہیں۔۔ تا کہ وہ قابل رحم بھکاری لگے ۔۔۔ اگر تم سب چاہتے ہو کہ تم لوگوں کے ساتھ ایسا نہ ہو ۔۔۔تو اپنی کمائی بڑھاو۔۔۔ بڑھاو ۔۔۔۔ “

وہ اپنی بات کہہ کے ۔۔۔ اب دانت پیستے غرایا تھا ۔۔۔جب سیٹھ حشمت کو اندر آتے دیکھ ۔۔۔۔ وہ اپنی بتیسی کی نمائش کرنے لگا۔۔۔

” ارے آو ۔۔۔ آو سیٹھ حشمت ۔۔ کیسے آنا ہوا ہمارے غریب خانے پہ ۔۔؟؟”

سیٹھ حشمت پہ ۔۔۔ وہاں موجود بچوں اور لڑکیوں پہ طائرانہ نظر ڈالی تھی۔۔۔ ۔

” مال تو بہت جمع کر رکھا ہے تو نے جمیلے ۔۔۔ “

” محنت بھی تو بہت کرتا ہوں ۔۔ “

وہ جمیلے کے پاس ہی آ کے بیٹھ گیاتھا ۔۔۔

” چل تیری محنت کو خراج دینے کا وقت آگیا ہے جمیلے ۔۔۔ تیرے کچھ بچے چاہئے مجھے اڈے پہ ۔۔۔ اور یہ کام تو ہی کر سکتا میرے لئے۔۔۔ بدلے میں بہت پیسہ ملے گا تجھے ۔۔۔ بہت پیسہ۔۔۔۔ “

وہ اب بھی ۔۔۔وہاں موجود بچوں اور لڑکیوں کو ٹٹولتی نظروں سے دیکھ رہا تھا ۔۔۔

” ہممممم ۔۔۔۔ مجھے پیسہ چاہئے بس ۔۔۔ باقی یہ سب تیرے سامنے ہیں۔۔۔ ان میں سے بہت سے چوری کا مال ہیں ۔۔۔ جنہیں اٹھایا گیا ہے راستے سے ۔۔۔۔کچھ یہیں جھونپڑیوں کی پیداوار ہیں۔۔۔ اور کچھ ناجائز۔۔۔ ان کی مائیں امیروں کی عیاشی کا سامان بنی ہے اور پھر ان کی ناجائز اولادیں ہیں یہ ۔۔۔ ان میں سے بہت سوں کے باپ کا نہیں پتہ کہ کس کی عیاشی کا پھل ہے یہ ۔۔۔ جتنے چاہئے لے لو اور مجھے میرا پیسہ یاد سے دو ۔۔۔ “

جمیل نے اپنی بات کر کے ۔۔۔ ایک لمبی جمائی لی تھی جب انور اس کے پاس آیا۔۔۔

” صاب ۔۔۔۔ وہ لڑکا تڑپ رہا ہے درد سے ۔۔۔ کیا کروں۔۔۔”

” تڑپنے دے سالے کو ۔۔۔ اپنے گھر کا شہزادہ تھا ۔۔۔ اب اسے سمجھ آئے گی کہ وہ شہزادہ نہیں رہا اب ۔۔۔ اس جھونپڑی ۔۔۔ اس بستی کا بھکاری ہے وہ ۔۔۔ “

سرد اواز میں کہتا ۔۔۔ وہ اب سیٹھ حشمت کو دیکھ رہاتھا جو کسی بھوکے شیر کی طرح۔۔۔ رال ٹپکاتا ۔۔۔ہر نوعمر لڑکی کو ٹٹول کے دیکھ رہا تھا ۔۔۔ اور ہر لڑکے کو چیک کرتا ۔۔۔ وہ اپنی مرضی کا مال الگ کر رہا تھا ۔۔۔

جبکہ جمیل بتیسی کی نمائش کرتا ۔۔۔ انور کو دیکھ کے ۔۔۔ آنکھ ونک کر گیاتھا ۔۔۔۔ یہ بستی فاقہ زدہ بھکاریوں کی تھی۔۔۔ یہ بستی پسماندہ اور گندگی کا ڈھیر تھی۔۔۔

جہاں کی نہ حکومت کو خبر تھی۔۔۔ نہ انھیں کوئی فکر تھی۔۔۔ یہاں وہ سب ہوتا جو ہمارے معاشرے میں گناہ کے زمرے میں آتا ہے ۔۔۔

خرید و فروخت ۔۔۔ جسم فروشی ۔۔۔ ان چاہے بچے کو کوڑے کے ڈھیر پہ پھینکنا۔۔۔ گندگی ۔۔۔ بدبو ۔۔۔ تعفن زدہ جسم ۔۔۔ اور ان لاچار جسموں پہ رینگتے کیڑے مکوڑے۔۔۔۔

༺✾༻ Awaregaan-e-Ishq ༺✾༻

کڑوا سچ ۔۔۔۔

کڑوی حقیقت ۔۔۔

ذمہ دار کون ؟؟؟

پوچھا جائے تو یہی جواب ملے گا ۔۔۔

ہم تھوڑی ہے ذمہ دار ۔۔۔۔۔ !!!!