Awaregaan e Ishq by Malayeka Rafi readelle50004 Awaregaan e Ishq Episode 03 The Scars She Never Escaped

” کیوں؟؟ ابھی جو تم میرا فیوچر سیکیور کرنے کے پلانز بنا رہے تھے وہ سب کیا ہوا ؟؟ مجھ سے الگ ہونا چاہتے ہو ناں؟؟ ایک بار ویٹرس جو ٹھہری میں۔۔۔ بھکاریوں کی بستی میں پلی بڑھی ایک بھکارن جو ٹھہری میں ۔۔۔ بھکاریوں کو بکنے کا شوق بھی تو ہوتا ہے ۔۔۔ تبھی میری قیمت ۔۔۔۔ “

وہ بپھر رہی تھی۔۔۔ اور اس سے پہلے اس کی بات مکمل ہوتی ۔۔۔ اجمیر اسکے لب اپنے لبوں سے قید کر چکا تھا ۔۔۔ اس کے ہر احتجاج کو ناکام بناتا ۔۔۔۔ وہ مہنم کو اپنے مضبوط بازوؤں کے گھیرے میں لے چکا تھا ۔۔۔

وہ  اجمیر کی بانہوں میں پرسکون ہونے لگی تھی ۔۔۔ تبھی ہر مزاحمت چھوڑ کے اسنے سسکی بھری تھی۔۔۔

” ہششش مہنم ۔۔۔ آئی رئیلی لو یو مائی ہارٹ بیٹ ۔۔۔

You are my special heart beat … “

وہ سرگوشی کرنے لگا ۔۔۔۔

” ہم خود سے متعلق ہر دن ۔۔۔ ہر لمحے کو اسپیشل بنائے گیں  اجمیر۔۔۔۔۔ ساتھ میں۔۔۔ “

مہنم اس کے مضبوط ہاتھ۔۔۔ اپنے ہاتھوں میں لیتی کہنے لگی ۔۔

” میرے لئے تمہارے ساتھ گزرا ہر لمحہ اسپیشل ہے مہنم ۔۔۔ کیونکہ تم جیسے میرے زخموں پہ مرہم بن کے بکھری ہو ۔۔۔ لیکن جس دن تمہیں دیکھ پاؤں ۔۔ وہ دن میری لائف کا اسپیشل دن ہوگا اور اس دن کا ہر منٹ ہمارے لئے اسپیشل مومنٹ بناؤں گا میں۔۔۔ اٹس آ پرامس ۔۔۔ “

اس کی بھاری اواز بوجھل ہو رہی تھی۔۔۔ جب مہنم اس کا ہاتھ تھام کے جھٹکے سے اٹھی تھی ۔۔

” چلو چلو ۔۔۔ کہیں چلتے ہیں۔۔ “

” کہاں؟؟”

وہ حیران سا اٹھنے لگا۔۔

” ایک جگہ۔۔۔ چلو بھی ۔۔ “

مہنم اسکی شرٹ ٹھیک کرتی کہنے لگی ۔۔۔ اس کی آنکھیں مسکرا رہی تھی۔۔۔

༺✾༻ Awaregaan-e-Ishq ༺✾༻

وہ کب سے آئینے کے سامنے بیٹھی۔۔۔ اپنے چہرے کے اس آدھے حصے کو دیکھ رہی تھی۔۔۔ گندمی رنگت پہ وہ آدھا سیاہ داغ ۔۔۔ اسے ان سالوں میں بار بار اپنی کم مائیگی کا احساس دلا رہا تھا ۔۔۔

” تو اس حادثے میں تم اپنے چہرے پہ یہ داغ لگا کے ۔۔۔ میرے پاس کیا کرنے آئی ہے شین؟؟؟ اتنا بڑا دل نہیں میرا کہ تجھے قبول کروں گا ۔۔ “

اس کے درد پھر سے اڈھرے تھے ۔۔۔ وہ شاید آج پھر اصغر کو نیلم کے ساتھ دیکھ کے آئی تھی۔۔۔ اور تب سے خود کو آئینے میں دیکھ رہی تھی۔۔۔

” دیکھ اصغر تو مجھ سے پیار کرتا ہے ناں۔۔ ہم نے مل کے کتنے سپنے ساتھ میں دیکھے ہیں۔۔ تو نے کہا تھا کہ ہم شادی کرے گیں۔۔ “

وہ منت سے بولی تھی۔۔

” پیار کرتا تھا۔۔۔ اب میں نیلم سے پیار کرتا ہوں۔۔۔ تجھے کیا لگا تھا کہ یہ داغ جو تیرے چہرے پہ سجا ہے ۔ میں اس داغ کے ہوتے ہوئے تجھے اپنا لوں گا ۔۔۔ نیلم بےحد خوبصورت ہے ۔۔ “

اصغر کے انداز نے ۔۔۔ اس کے دل کی تپش جیسے بڑھا دی تھی۔۔۔ تبھی وہ تڑپ کے رو پڑی تھی ۔۔

” اپن تجھ سے پیار کرتی ہے اصغر ۔۔ “

” لیکن میں اب نیلم سے پیار کرتا ۔۔۔ تو چھوڑ دے میرا پیچھا ۔۔ “

وہ جھنجھلایا تھا ۔۔۔

” کل کو اگر نیلم کے ساتھ بھی یہ حادثہ ہوا تو ؟؟”

” نہیں ہوگا۔۔ کیونکہ اس کی دوست مہنم جیسی نہیں ہے ۔۔۔ جو اسے آگ میں دھکا دے کے ۔۔ خود پیچھے ہٹ جائے۔۔۔ “

اصغر کا انداز تمسخر بھرا تھا ۔۔ اور ابھی وہ آئینے کے سامنے بیٹھی رو پڑی تھی۔۔۔ زور سے اس نے شیشے پہ مٹھی بنا کے ماری تھی۔۔۔

” مہنم ۔۔۔۔۔ “

شیشے کے ٹکڑے ٹوٹ کے بکھرے تھے۔۔۔ اور وہ چیخ چیخ کے رو پڑی تھی۔۔۔

” اپن تیرے کو دوست سمجھا تھا مہنم ۔۔۔ دوست سمجھا تھا ۔۔۔ تو کتیا نکلی ۔۔۔ “

نگہت دوڑتی ہوئی آئی تھی۔۔ اپنی بیٹی کو تڑپ تڑپ کے روتے دیکھ کے ۔۔ وہ گھبرا کے اس کے قریب ہی بیٹھی تھی ۔۔۔

” کیا ہوا شین؟؟”

” اور کیا ہوگا اپن کے ساتھ ماں۔۔ اور کیا ہونا باقی ہے۔۔۔ اپن برباد ہو گئی ۔۔۔ یہ چہرہ ۔۔۔ یہ چہرہ “

وہ پاگلوں کی طرح نگہت کی طرف دیکھتی رو رہی تھی۔۔۔

” اپن کا سب چھن گیا ۔۔۔ چہرہ ۔۔۔ نصیب ۔۔۔ سب چھین کے لے گئی وہ بدبخت ۔۔۔ وہ کتیا۔۔ “

وہ دانت پیستی غرا رہی تھی۔۔۔ چیخ رہی تھی۔۔۔ اور اس لمحے اس کے چہرے کا وہ سیاہ داغ ۔۔۔ بےحد بھیانک لگ رہا تھا ۔۔۔

༺✾༻ Awaregaan-e-Ishq ༺✾༻

گاڑی اس خستہ حال بستی کے سامنے رکی تھی۔۔۔ اس خستہ حال بستی کے۔۔۔ ہر فاقہ زدہ جھونپڑی سے ۔۔۔ اس کی بھیانک یادیں تھی ۔۔۔

چھوٹے چھوٹے ننگے بچے ۔۔۔ حیرت سے اس نیو ماڈل کی گاڑی کو ذوق و شوق سے دیکھ رہے تھے۔۔۔ یہاں کے فاقہ زدہ مکینوں کے لئے ۔۔۔ وہ گاڑی بہت معتبر تھی۔۔۔

آنکھیں بند کر کے ۔۔۔ مہنم نے گہرا سانس لیا تھا ۔۔۔ جب اسے اپنے کندھے پہ ۔۔  اجمیر کے ہاتھ کا دباؤ محسوس ہوا تو چونک کے ۔۔۔ اسے دیکھنے لگی۔۔

” مہنم ۔۔ کیا ہوا ہے ؟؟ ہم کہاں آئے ہیں۔۔۔ ؟؟”

مہنم کے چہرے پہ تلخ مسکراہٹ آئی تھی۔۔۔

” دوسری دنیا میں۔۔۔ “

ڈرائیور نے نیچے اتر کے ۔۔۔ اس کے لئے گاڑی کا دروازہ کھولا تھا ۔۔۔ نازک سینڈل میں مقید ۔۔۔ سفید پاؤں جیسے ایک پل کو کپکپائے تھے ۔۔ اور پھر وہ نیچے اتر کے ۔۔۔ سامنے اس بستی کو دیکھنے لگی۔۔۔

‘ تیرا روکڑا کدھر ہے لڑکی؟؟’

بھاری اواز اس کے آس پاس گونجی تھی۔۔ اور وہ دو معصوم آنکھیں ۔۔۔

‘ بس یہی ؟؟ باقی کدھر ہے حرام زادی ؟؟’

‘ م ۔۔۔ مجھے نہیں مانگنا کسی سے ۔۔ یہ ۔۔۔ یہ مجھے کچرا جمع کرنے پہ ملے ہیں۔۔۔ میں بھکارن نہیں ہوں۔۔’

اس کی منمناہٹ اور پھر چٹاخ کی آواز گونجی تھی۔۔۔

” کتیا ۔۔۔ بدذات “

مہنم کا دل لرزا تھا ۔۔۔ بلکل ویسے ہی ۔۔۔

‘ تو نے مجھے مارا ۔۔۔ جمیلے کو مارا ۔۔ ‘

ہر طرف خون کی پھوار تھی ۔۔۔ وہ دو معصوم آنکھیں خوفزدہ تھی جمیل کے بہتے خون کو دیکھ کے ۔۔۔ جو اس کی ایک آنکھ سے ۔۔۔ کسی فوارے کی طرح بہہ رہا تھا کیونکہ مہنم نے اس کی انکھ میں چھری گھونپی تھی۔۔۔ اور پھر وہ بھاگی تھی۔۔۔ پھولتی سانسوں کے ساتھ وہ بھاگ رہی تھی۔۔۔

اور اچانک کسی سے ٹکرائی تھی ۔۔۔ اس تاریک رات میں کسی کے چوڑے سینے سے ۔۔۔

” دیمیر نوفل شاہ ۔۔ “

ایک شیطان سے بچ کے ۔۔۔ دوسرے شیطان کے چنگل میں پھنسنے والی معصوم سی چڑیا ۔۔۔

اس نے جھرجھری لی تھی۔۔۔

” مہنم ۔۔ “

اس نے چونک کے  اجمیر کو دیکھا تھا ۔۔۔

جو بار بار اپنی ناک پر سے ۔۔۔ کوئی نادیدہ چیز جیسے ہٹا رہا تھا ۔۔

” عجیب اسمیل ہے یہاں۔۔ کون سی جگہ ہے یہ ؟؟”

وہ ادھر ادھر جیسے کچھ دیکھنے کی کوشش میں ہلکان ہو رہا ہو ۔۔۔

” میری تلخ حقیقت ۔۔۔ “

کوڑے کے ڈھیر پہ نظر پڑی۔۔۔۔ تو اس نے جھرجھری سی لی تھی ۔۔۔ چھوٹا سا بچہ تھا ۔۔۔ خون کی دھار تھی۔۔۔ اور وہ گوشت کا لوتھڑا تھا ۔۔۔ چیل تھے ۔۔۔۔۔ کتا تھا ۔۔۔۔ دھندلائی نظروں سے وہ دیکھ رہی تھی۔۔۔۔ ہر طرف بدبو تھی۔۔۔۔ اور وہ سب مل کے اس بچے کو نوچ رہے تھے ۔۔۔۔۔ شور تھا ۔۔۔۔ وہ شاید مڑ رہی تھی۔۔۔ دل کی دھڑکنیں ڈوب رہی تھی۔۔۔۔ سانسیں مدھم تھی۔۔۔۔۔

گہرا سانس لے کے ۔۔۔ اس نے سر جھٹکا تھا ۔۔۔۔

 اجمیر کا ہاتھ تھامے ۔۔۔ مہنم آگے بڑھ رہی تھی۔۔۔ ساتھ ساتھ اس کی مدد بھی کر رہی تھی کہ ٹھوکر سے وہ نیچے نہ گر جائے۔۔۔

” میری دنیا ہے یہ  اجمیر ۔۔۔ یہاں گندا نالہ ہے ۔۔۔ جس میں سارا دن مکھیاں اڑتی رہتی ہے ۔۔۔ “

اس نے پاس بہتے نالے کو غور سے دیکھا تھا۔۔۔ جس میں کارا پانی تیر رہا تھا ۔۔۔

جھونپڑیوں سے عورتیں۔۔۔ لڑکیاں جھانک جھانک کے دیکھ رہی تھی۔۔۔

” یہاں بہت سی جھونپڑیاں ہیں  اجمیر ۔۔۔ جس میں انسان سانس لیتے ہیں۔۔۔ رک رک کے چلتی سانسیں۔۔۔ تو کھبی تیز چلتی سانسیں ۔۔ اور ان کے بیچ ۔۔۔۔۔ “

رک کے اس نے تھوک نگلا تھا ۔۔۔

” میری جھونپڑی نہیں ہے ۔۔۔ “

اس کی دھیمی آواز ابھری تھی۔۔۔

چیخیں تھی۔۔۔ اگ کے شعلے تھے ہر طرف ۔۔۔ اسکی جھونپڑی جل رہی تھی۔۔۔ اسکا معذور باپ جل رہا تھا ۔۔۔ اس کی ماں چیخ رہی تھی۔۔ اس اپاہج جلتے انسان کو کھینچ رہی تھی۔۔۔ لیکن اس کے ہڈیوں والے جسم سے ۔۔۔ بچی کھچی گوشت پوست ہی اس کے ہاتھ آ رہی تھی۔۔۔۔

اور بھی جھونپڑیاں جل کے خاکستر ہو رہی تھی اور ویسے ہی وہاں زندگی سے بیزار انسان بھی۔۔۔

اور مہنم ۔۔۔ وہ دیکھ رہی تھی۔۔۔ وہ سن رہی تھی۔۔۔ اس کی آنکھیں ساکت تھی۔۔۔ اس کی دنیا جل رہی تھی۔۔۔ وہ اچانک سے بھاگی تھی۔۔۔ بےحد تیزی سے ۔۔۔

” مہنم ۔۔۔ مہنم ۔۔ “

کوئی اسے روک رہا تھا لیکن وہ دیکھ کہاں رہی تھی اور پھر اس نے اپنے سامنے آئی اس لڑکی کو دھکا دیا تھا ۔۔۔

چیخیں گونجی تھی۔۔ اگ کے شعلے لپکے تھے ۔۔۔ وہ چیخ رہی تھی۔۔۔ جل رہی تھی۔۔ لیکن مہنم بھاگ رہی تھی۔۔۔ بھاگتی جا رہی تھی۔۔

” مہنم ۔۔”

 اجمیر کے پکارنے پہ ۔۔۔ وہ چونک کے وحشت زدہ سی اسے دیکھ رہی تھی۔۔۔

” تم ٹھیک ہو مہنم ؟؟”

اپنے ہاتھ کی پشت اور کلائی پہ ۔۔۔ وہ مہنم کے ہاتھ کا دباؤ اور اس کے ناخن محسوس کرتے وہ پوچھنے لگا ۔۔۔

مہنم نے تیزی سے اس کا ہاتھ جھٹکا تھا ۔۔

” ایم سوری ۔۔ ایم سوری ۔۔ “

” اٹس اوکے مہنم ۔۔۔ ایم فائن ۔۔۔ “

 اجمیر پھر سے اس کی طرف ہاتھ بڑھانے لگا ۔۔۔ جسے مہنم نے تیزی سے تھام لیا تھا۔۔

” مہنم ۔۔۔ یہ تو ہے مہنم ؟؟”

نگہت کی اواز پہ ۔۔ وہ جھٹکے سے مڑی تھی۔۔۔ جو اسے سر سے پاؤں تک حیرت سے منہ کھولے دیکھ رہی تھی۔۔۔

” آئی ۔۔ “

وہ اس کے گلے لگنے کے لئے آگے بڑھی تھی جب نگہت پیچھے ہوئی ۔۔

” تیرے کپڑے میلے ہو جائیں گے ۔۔ “

مہنم وہیں رک کے ۔۔۔ بےبسی سے اسے دیکھنے لگی۔۔

” میں مہنم ہوں آئی۔۔۔ مہنم “

جبکہ نگہت اس کی بات نظرانداز کر کے ۔۔  اجمیر کو دیکھنے لگی۔۔

” میں نے شادی کر لی ہے آئی۔۔۔ یہ  اجمیر ہے میرے شوہر “

وہ آہستگی سے بتانے لگی ۔۔۔ جبکہ جھونپڑی کے گھپ اندھیرے سے ۔۔۔ دو آنکھیں اسے دیکھ رہی تھی۔۔۔

” کتنا خوبصورت ہے تیرا شوہر۔۔۔ “

وہ کہہ رہی تھی۔۔ جبکہ مہنم کی آنکھیں کسی کو ڈھونڈ رہی تھی۔۔

” شین کہاں ہے ؟؟”

نگہت کے چہرے کا رنگ بدلا تھا۔۔۔ کچھ دیر پہلے ہی تو شین رو رہی تھی۔۔ بددعا دے رہی تھی مہنم کو ۔۔ چیخ رہی تھی۔۔۔

وہ خاموش ہی رہی ۔۔۔ مہنم کے چہرے پہ درد بھری مسکراہٹ ابھری تھی۔۔

” آج بھی مجھ سے نفرت کرتی ہے وہ ۔۔ “

اس نے بیگ سے کچھ رقم نکالی تھی۔۔ اور نگہت کے ہاتھ تھام کے ۔۔۔ اس کی ہتھیلی پہ رکھے تھے ۔۔۔ نگہت حیرت سے ان پیسوں کو دیکھ رہی تھی۔۔۔

شاید پہلی بار تھا کہ وہ اتنی زیادہ رقم ایک ساتھ دیکھ رہی تھی۔۔۔

” یہ ۔۔۔ یہ “

” آپ کے لئے آئی۔۔ رکھ لیں۔۔۔ “

نرمی سے کہتی مہنم پیچھے ہوئی تھی۔۔۔ اور  اجمیر کا ہاتھ تھام کے ۔۔۔ نم آنکھوں سے اس جھونپڑی کو پھر سے دیکھنے لگی ۔۔۔

” شین سے کہیے گا کہ میرے لئے آج بھی وہ میری دوست ہے۔۔ بہت اچھی دوست ۔۔۔ اس کی نفرت سر آنکھوں پہ۔۔۔ لیکن میں وہ سب نہیں چاہتی تھی وہ سب بلکل ۔۔۔۔ “

وہ کہتے کہتے چپ ہوئی تھی۔۔۔ اس کے قدم کپکپائے تھے تبھی اس نے مضبوطی سے ۔۔۔  اجمیر کے کندھے پہ ۔۔ اپنے ہاتھ رکھ کے ۔۔۔ سہارا لیا تھا ۔۔۔

” مہنم ۔۔۔۔ تم ٹھیک ہو ؟؟”

وہ بےچینی سے ۔۔ مہنم کا چہرہ چھوتے پوچھنے لگا ۔۔

” چلیں  اجمیر ۔۔ “

آہستہ آواز میں کہتی ۔۔۔ وہ ایک آخری نظر اس جھونپڑی پہ ڈال کے ۔۔۔ وہاں سے جانے لگی تھی۔۔۔ جبکہ اندر بیٹھی شین۔۔۔ بھیگی آنکھوں میں کرب اور نفرت لیے اسے جاتے ہوئے دیکھ رہی تھی۔۔۔ وہ حاسد نہیں تھی لیکن آج وہ حاسد بننے لگی تھی۔۔

༺✾༻ Awaregaan-e-Ishq ༺✾༻

وہ جھونپڑی باقی جھونپڑیوں سے ہٹ کے تھی ۔۔۔ جہاں وہ ایک آنکھ والا جمیلے ۔۔۔ کرسی پہ براجمان تھا۔۔۔ چہرے پہ خباثت لیے ۔۔ وہ ایک آنکھ والا انسان ۔۔۔ کراہیت بھری نظر سے ۔۔۔ وہاں موجود ۔۔۔ بچوں اور لڑکیوں کو دیکھ رہا تھا۔۔۔

اپنے پورے دن کی جمع پونجی ۔۔ وہ اس ایک آنکھ والے جمیل کے آگے رکھ رہے تھے ۔۔۔ کپکپاتے ہاتھ۔۔۔ نقاہت سے لڑکھڑاتے پاوں۔۔۔ اور بھوک و گرمی سے بےحال ان کے کمزور۔۔۔ کالے پڑتے جسم ۔۔۔

” یہ کیا ؟؟”

وہ دھاڑا تھا ۔۔۔ سولہ سال کی وہ کمزور سی لڑکی سہم گئی تھی اور خوفزدہ نظروں سے اسے دیکھ رہی تھی۔۔۔

” اتنا کم ۔۔ کیسے ؟؟ کتیا “

وہ پھر سے غرایا تھا ۔۔ اس کی غراہٹ سے ۔۔ وہاں موجود سب ڈر گئے تھے ۔۔۔

” م۔۔۔۔ معاف کر دیں۔۔۔ “

” چپ ۔۔ “

اپنی ٹانگ اس کے پیٹ پہ رسید کرتا وہ چیخا تھا اور وہ لڑکی پیچھے جا گری تھی۔۔۔

” تجھے تو میں بتاتا ہوں اب ۔۔ “

اور پھر سب چلے گئے تھے ۔۔ اپنی اپنی جھونپڑیوں میں۔۔۔ لیکن جمیل کی جھونپڑی سے ساری رات ۔۔۔ اس لڑکی کی درد بھری چیخیں اور سسکیاں سنائی دیتی رہی ۔۔۔ نہ جانے کتنی دفعہ اسے ہوس کا نشانہ بناتا رہا تھا وہ ہولناک آدمی۔۔۔ اپنے ساتھیوں کے ساتھ ۔۔۔ اس کمزور لاچار لڑکی کے برہنہ وجود پہ ۔۔۔ جشن مناتے رہے ۔۔۔ اور نوچتے رہے ۔۔