Awaregaan e Ishq by Malayeka Rafi readelle50004 Awaregaan e Ishq Episode 02 Farishtey aur Shetan

صبح ناشتے کی ٹیبل پہ ۔۔۔ مہنم ناشتہ کرتے ہوئے ۔۔۔ اجمیر کو چائے کی پیالی تھما رہی تھی۔۔۔ اور اس کی کاروائی کو ۔۔۔ دیمیر نے نہایت خشمگین نگاہوں سے دیکھا تھا ۔۔۔ ” اجمیر ہمیشہ سے ۔۔۔ خود ہی ناشتہ کرتا آ رہا ہے ۔۔ ” بظاہر لہجہ نارمل ہی رکھا تھا لیکن آنکھیں جیسے آگ برسا رہی تھی۔۔۔ جسے مہنم نے طنزیہ انداز میں ملاحظہ فرمایا تھا۔۔۔ ” گڈ مارننگ سر یہ فائلز ۔۔ ” اس سے پہلے اجمیر کوئی جواب دیتا ۔۔۔ اس کا اسسٹنٹ فائلز لیے حاضر تھا ۔۔۔ ” کیسی فائلز ہیں یہ ؟؟” دیمیر نے اچنبھے سے دیکھا تھا ۔۔۔ جبکہ اجمیر احتیاط سے ۔۔۔ وہ فائلز لیتا مسکرانے لگا ۔۔ ” بتاتا ہوں۔۔۔ تھینک یو یوسف ۔۔ اب آپ جا سکتے ہیں۔۔ ” ” اوکے سر ۔۔ ” یوسف جا چکا۔۔۔ تو اجمیر ہاتھ بڑھا کے ۔۔ مہنم کا ہاتھ ٹٹولنے لگا ۔۔ ” مہنم ۔۔ ” ساتھ ہی اس کا ہاتھ اپنے لبوں سے لگایا تھا ۔۔ ” کیا ہوا ہے اجمیر ؟؟” ” یہ فائلز تمہاری ہے مہنم۔۔” اجمیر نے دونوں فائلز مہنم کی طرف بڑھائی تھی۔۔۔ ” کیا ہیں اس میں؟؟” دیمیر بےچین ہو رہا تھا کہ اس کا بھائی کون سی بیوقوفی کرنے جا رہا ہے ان فائلز میں۔۔۔ جبکہ مہنم حیرت سے تمام پیپرز کو دیکھ رہی تھی۔۔۔ ” میں نے اپنے حصے کے تمام شئیرز مہنم کے نام کر دیے ہیں۔۔۔ اب بزنس میں برابر کی حصہ دار ہے مہنم اور آفس بھی جایا کرے گی ۔۔ ” دیمیر کے سر پہ جیسے بم پھوڑا گیا تھا ۔۔۔ ” وہاٹ؟؟” تبھی اچانک سے چلایا تھا۔۔۔ مہنم جو حیرت سے پیپرز کو دیکھ رہی تھی ۔۔۔ اب سب چھوڑ کے ۔۔۔ دیمیر کو دیکھ رہی تھی۔۔ جیسے اس کی حالت سے محفوظ ہو رہی ہو ۔۔۔ ” کیا ہوا دیمیر ؟؟ مہنم میری بیوی ہے ۔۔۔ میرا ہی بزنس سنبھالے گی ۔۔ ” اجمیر کے لہجے میں حیرت اور ناگواری محسوس کر کے ۔۔۔ وہ جلدی سے سنبھلا تھا ۔۔۔ ” نہیں اجمیر ۔۔۔یہ تو اچھی بات ہے لیکن مہنم ابھی نیو یے ۔۔۔ یہ ابھی بزنس کی اے بی سی بھی نہیں جانتی۔۔۔ کیسے سنبھال پائے گی ۔۔ ” مہنم اپنی مسکراہٹ روکے ۔۔۔ اسے ہی طنزیہ نگاہوں سے دیکھ رہی تھی۔۔ ” آپ ہیں ناں دیمیر ۔۔۔ آپ سمجھائے گیں۔۔۔ آپ کے ساتھ مل کے کام کرے گی ۔۔۔ ” اجمیر کہہ رہا تھا اور پھر ہاتھ بڑھا کے ۔۔۔ وہ مہنم کے وہاں ہونے کا یقین کرنے لگا ۔۔ ” مہنم یہیں ہو ؟؟ ” ” جی اجمیر ۔۔ ” مہنم نے چونک کے اس کا بڑھا ہاتھ تھاما تھا۔۔۔ ” خاموش کیوں ہو ؟؟” وہ پھر سےپوچھ رہا تھا ۔۔ ” میں شاک میں ہوں اجمیر ۔۔۔ یہ سب ؟؟ میرے نام ؟؟ مجھ سے پوچھا تک نہیں۔۔۔ میں کیسے یہ سب ہینڈل کروں گی ؟ میں تو کچھ نہیں جانتی ان سب کے بارے میں۔۔۔ اور نہ ہی میں اتنی ایجوکیٹڈ۔۔۔۔ ” مہنم نرمی سے ۔۔۔ اپنی مشکل بتانے لگی ۔۔۔ ” دیمیر ہیں ناں۔۔۔ مل کے ہینڈل کریں گے تمہارے ساتھ ۔۔۔ ” اجمیر کے چہرے پہ مسکراہٹ تھی۔۔۔ وہ دیمیر کی سرد نگاہوں میں لو دیتے شعلوں کو دیکھنے لگی۔۔۔ ” لیکن مجھے تمہارے ساتھ ہی سب ہینڈل کرنا ہے اجمیر ۔۔۔ہم دونوں مل کے کریں گے سب ۔۔ ” ” میرا سب تمہارا ہی ہے مہنم ۔۔۔ میں۔۔ میرا گھر ۔۔ میرا بزنس ۔۔۔ میرے شیئرز۔۔۔ ” اجمیر نرمی سے ۔۔۔ اس کا ہاتھ تھامے کہہ رہا تھا ۔۔۔ دیمیر جھٹکے سے اٹھ کے جاچکا تھا۔۔۔ جبکہ مہنم نرمی نگاہوں سے اس شخص کو دیکھ رہی تھی۔۔۔ جو اسکے لئے فرشتہ ہی تھا ۔۔۔ دو بھائی ۔۔۔ ایک شیطان تو دوسرا فرشتہ۔۔۔ کتنی عجیب بات ہے ناں۔۔۔ایک نے نوچا تھا اسے جبکہ دوسرے بھائی نے مرہم بن کے ۔۔۔ اس کے وجود پہ اپنی محبتیں نچھاور کی تھی ۔۔۔۔ ” میرے لئے تم کافی ہو اجمیر ۔۔۔ مجھے کچھ نہیں چاہیئے ۔۔۔ ” بھرائی آواز میں۔۔۔ وہ بس اتنا ہی کہہ پائی تھی۔۔۔جبکہ اجمیر اس کی بات پہ مسکرا دیا تھا ۔۔۔ ” میں تمہارے پاوں کے دھول جیسی ہوں اجمیر ۔۔۔ مٹی پر سے اٹھا کے ۔۔ مجھے تم نے یہ شرف بخشا ہے ۔۔۔ میرا ماضی تم جانتے ۔۔۔۔ ” ” ہششش ۔۔۔ ” اجمیر نے اس کے لبوں پہ ۔۔۔ اپنی شہادت کی انگلی رکھ کے ۔۔۔ اسے کچھ بھی کہنے سے روک دیا تھا ۔۔۔۔ ” تم کچھ نہیں مہنم ۔۔۔تم بس میری بیوی ہو ۔۔۔میری محبت ہو ۔۔۔مجھے بس وہ دن یاد ہے جب میں اس نائٹ بار میں آیا تھا ۔۔۔ میری ذہنی حالت بےحد ابتر تھی اور تم نے اس دن مجھے سہارا دیا تھا۔۔۔ میں پینا چاہتا تھا لیکن تمہاری باتوں نے جیسے مجھے زندگی بخشی تھی۔۔۔مہنم بےحد محبت کرتا ہوں تم سے ۔۔۔ جانتی ہو ناں تم ۔۔۔ ” ” ہمممم ۔۔۔ ” وہ اثبات میں سر ہلانے لگی ۔۔۔ ‘ یہ اجمیر ہے دیمیر نوفل شاہ کا بھائی ۔۔۔ اسکی حالت کیوں خراب ہے آج اتنی ۔۔ ؟؟’ اسے وہ شام یاد آئی تھی۔۔۔ اور تب اس نے اجمیر کی زندگی میں شامل ہونے کا پلان بنایا تھا۔۔۔لیکن اجمیر کی محبت۔۔۔ اس کا التفات ۔۔۔ مہنم کے ہر پلان پہ بھاری پڑ رہی تھی۔۔ اور وہ صادقانہ اجمیر کے ساتھ اس رشتے کو نبھانا چاہ رہی تھی اب ۔۔۔ ༺✾༻ Awaregaan-e-Ishq ༺✾༻ غزل جب اس کے آفس داخل ہوئی ۔۔۔ تو آفس کی حالت ابتر ہی تھی۔۔۔ غصے میں فائلز اس نے نیچے پھینک دی تھی۔۔۔ میز پہ رکھا ڈیکوریشن پیش زمین بوس ہو چکا تھا۔۔۔ اور وہ خود سگریٹ نوشی کرتا ۔۔۔ وہیں ٹہل رہا تھا۔۔۔ غزل پورے کمرے کو حیرت سے دیکھتی آگے بڑھی تھی ۔۔ ” یہ کیا ہے دیمیر ؟؟؟ تم ٹھیک ہو ؟؟” دیمیر مڑ کے اسے دیکھنے لگا ۔۔۔ اس کے کانپتے ہاتھ ۔۔۔ اس کا اندرونی اضطراب بتا رہے تھے ۔۔۔ ” کیا ہوا ہے ؟؟” غزل پھر سے پوچھ رہی تھی۔۔۔ جبکہ وہ سگریٹ کا ادھورا ٹکڑا پھینک کے ۔۔۔ صوفے پہ جا کے بیٹھ گیا تھا ۔۔۔ اضطرابی انداز میں۔۔۔ اپنی انگلیاں بالوں میں چلانے لگا ۔۔۔ ” بتاو گیں کچھ ؟؟” غزل کی آواز اب کے تیز تھی۔۔۔ دیمیر اسے دیکھنے لگا ۔۔۔ ” اجمیر نے جس لڑکی سے شادی کی ہے وہ کوئی اور نہیں۔۔ مہنم ہے ” غزل کی آنکھوں میں حیرت ابھری تھی۔۔ ” مہنم ؟؟ ” اور پھر اچانک سے ہنسنے لگی ۔۔۔ ” مہنم ۔۔۔۔ وہی مہنم ۔۔۔ واو ” ” شٹ اپ غزل ۔۔۔ ” دیمیر کی دھاڑ پہ وہ چپ ہو گئی تھی۔۔۔ اور کمر پہ دونوں ہاتھ رکھ کے ۔۔۔ وہ کمرے کا پھر سے جائزہ لینے لگی ۔۔۔ ” کمرے کی یہ حالت۔۔۔ مہنم کی وجہ سے ہے۔۔۔ اوہ افسوس ۔۔۔ ” اس بار دیمیر خاموش ہی رہا ۔۔۔ تو غزل کو بھی سنجیدہ ہی ہونا پڑا۔۔۔ ” تم تو اسے پھینک چکے تھے۔۔۔ پھر اجمیر سے وہ کہاں ملی ؟؟” سوال کرتی۔۔ وہ اس کے قریب ہی صوفے پہ جا کے بیٹھی تھی۔۔۔ دیمیر سر نفی میں ہلانے لگا ۔۔ ” نہیں پتہ ۔۔۔ بلکل بھی نہیں پتہ ۔۔ کہ اجمیر اس سے کہاں ملا ۔۔۔ اور کیسے شادی کا ڈیسژن لیا ۔۔۔ ڈیم اٹ ۔۔۔۔ کاش اس رات اس بچ کا گلا گھونٹ کے ختم کر دیتا اسے ۔۔۔۔ ڈیم اٹ ” غصہ پھر سے اسے چڑھ رہا تھا ۔۔۔ ” تو تم بھی عجیب انسان ہو ۔۔۔ ایک کوڑے اٹھانے والی لڑکی کو تم ۔۔۔۔ ” غزل کہتے کہتے خاموش ہو گئی تھی۔۔۔ دیمیر بھی خاموشی سے۔۔۔ ہاتھ کی مٹھی بنا کے ۔۔ اس پہ ٹھوڑی ٹکائے وہ کچھ سوچ رہا تھا ۔۔۔ ” آئی کانٹ ۔۔۔ ڈیم اٹ ” وہ اچانک سر نفی میں ہلاتا ۔۔۔ اپنی جگہ سے اٹھ کھڑا ہوا تھا ۔۔۔ سنگل صوفے کو ٹانگ رسید کرتا ۔۔۔ وہ اب کمرے کے بیچ و بیچ کھڑا تھا ۔۔۔ ” اسے قتل کرنا ہے اب ۔۔۔ جب تک وہ نہیں مر جاتی۔۔۔ مجھے سکون نہیں ملنا ۔۔۔ اجمیر اسے میری برابری دے کے بہت غلط کر رہا ہے ۔۔۔ اس بچ کو ایک سیکنڈ کے لئے بھی میں اس آفس میں نہیں برداشت کر سکتا۔۔۔ ” ” کیا مطلب ؟؟” غزل نے اچنبھے سے اسے دیکھا تھا ۔۔ ” مطلب یہ کہ اجمیر اپنے سارے شئیرز اس کے نام کر کے ۔۔۔ اسے اس بزنس کا ۔۔۔ اس آفس کی پارٹنر شپ سونپ چکا ہے ۔۔ ” دیمیر دانت پیستے غرایا تھا ۔۔ ” وہاٹ ؟؟” غزل اپنی جگہ سے اچھل ہی پڑی تھی۔۔ ” کیا چیز ہے یہ مہنم میڈم۔۔۔ اجمیر کو کچھ ہی دنوں میں۔۔۔۔ اپنی انگلیوں پہ نچانے لگ گئی ہے ۔۔۔ ” غزل مسکراتی آنکھوں سے ۔۔۔ دیمیر کے سرد تاثرات بھرے چہرے کو دیکھ رہی تھی ۔۔۔ ” تم میرا غصہ مزید بڑھا رہی ہو ۔۔۔ ” غزل کندھے اچکا گئی ۔۔ ” عجیب ہے ناں۔۔۔ بیڈ پہ لے جاتے عورت کا اسٹیٹس مرد کو نظر نہیں آتا۔۔ لیکن جب فیملی پہ آتی ہے تب اسی عورت کا اسٹیٹس دوکوڑی کا لگتا مرد کو ۔۔۔ خیر ” اپنی بات کہہ کے ۔۔۔ غزل ادھر ادھر دیکھنے لگی ۔۔ ” مجھے جانا ہے ۔۔ ایم گیٹنگ لیٹ ۔۔۔ ” وہ اپنا بیگ اٹھا کے جانے لگی۔۔۔ جب جھٹکے سے۔۔۔ دیمیر نے اس کا بازو پکڑ کے اسے روکا تھا ۔۔ ” تمہیں یہاں اس لئے نہیں بلایا تھا کہ کمنٹس پاس کر کے چلتی بنو ۔۔۔ ” ” تو ؟؟” غزل کی سوالیہ نظریں اس پہ تھی۔۔۔ ” مجھے اس مہنم کو قتل کرنا ہے ۔۔ تمہارا ساتھ چاہیئے مجھے ۔۔۔ ” اب کے لہجہ پرسکون تھا۔۔۔ غزل کچھ دیر اس کی آنکھوں میں دیکھتی رہی ۔۔۔ ” انگلش موویز دیکھ لو ۔۔۔ ایک سو ایک طریقے مل جائیں گے تمہیں ۔۔۔ میں کوئی سیریل کلر تھوڑی ہوں۔۔ ” وہ کندھے اچکا گئی ۔۔۔ ” ملوانا ہےتمہیں اس سے ۔۔۔ ” وہ ہلکا سا مسکرایا تھا ۔۔ ” ڈونٹ بی ۔۔۔ پاگل تو نہیں ہوئے ؟؟ میں کیا کروں گی اس سے مل کے۔۔ ” غزل منہ بنا کے بدکی تھی۔۔۔ ” دوستی ۔۔۔ ” آنکھ ونک کرتا ۔۔۔ وہ غزل کو لیے باہر کی طرف گیا تھا ۔۔۔ جبکہ غزل تاسف بھری نظروں سے ۔۔۔ اسے دیکھتی آگے بڑھی تھی ۔۔۔۔ ༺✾༻ Awaregaan-e-Ishq ༺✾༻ ” کتنے مزے سے سناتی ہو تم یہ گوسیپز ۔۔۔ جوکس ۔۔۔۔ امیزنگ ” اسے خود سے لگائے ہنستے ہنستے اجمیر کہنے لگا ۔۔۔ مہنم کی شرارت بھری نظریں موبائل پہ تھی۔۔۔ ” ایک ۔۔۔ ایک اور بھی ہے ۔۔ بہت مزے کا ہے سنو ۔۔ ” ” ارے نہیں پلیز ۔۔۔ بس ” اجمیر نے اس کے ہاتھ سے موبائل لینا چاہا لیکن مہنم ہاتھ پیچھے کر چکی تھی۔۔۔ “ارے سنو تو یار ۔۔۔ ” ” نہیں مجھے اب تمہیں سننا ہے ۔۔ ” اس کے چہرے کو ۔۔۔ اپنے ہاتھ سے چھوتا اجمیر کہنے لگا ۔۔۔ مہنم نے کچھ سوچ کے موبائل سائیڈ پہ رکھ لیا ۔۔ ” کیا سننا چاہتے ہو ؟؟” ” کچھ بھی ۔۔۔ ” اجمیر نے کندھے اچکائے تھے۔۔۔ جبکہ مہنم نرم نگاہوں سے اسے دیکھ رہی تھی۔۔۔ ” کچھ گنگناوں ۔۔۔ سنو گیں؟؟” ” یس ۔۔۔ آف کورس ” اسکے گرد بازوؤں کا گھیرا تنگ کر کے ۔۔۔ اجمیر مسکرایا تھا۔۔۔ ” ہممممم ۔۔۔ آو حضور تم کو ۔۔۔ ستاروں میں لے چلوں۔۔۔ دل جھوم جائے ایسے ۔۔۔ بہاروں میں لے چلوں۔۔۔ ” اس کی گنگناہٹ سرگوشی میں تھی۔۔۔ لیکن اجمیر کو ایسے لگ رہا تھا ۔۔۔ جیسے اس کی روح میں اتر رہی ہے۔۔۔۔ ” ہمراز ۔۔ ہم خیال تو ہو ۔۔ ہم نظر بھی بنو ۔۔ طے ہوگا زندگی کا سفر ۔۔ ہم سفر بنو ۔۔۔ ” اس کے لب ۔۔۔ اس کی سانسیں اجمیر کی گردن کو چھو رہی تھی۔۔۔ جبکہ اجمیر نرمی سے ۔۔۔ اسے بانہوں میں سمیٹے اسے سن رہا تھا۔۔۔۔ ” چاہت کے اجلے اجلے ۔۔۔ نظاروں میں لے چلوں۔۔ دل جھوم جائے ایسے ۔۔۔ بہاروں میں لے چلوں۔۔۔ آو حضور تم کو ۔۔۔ ستاروں میں لے چلوں۔۔ دل جھوم جائے ایسے ۔۔ بہاروں میں لے چلوں۔۔۔ ” وہ خاموش ہوئی تو اجمیر بھی دھیرے سے مسکرایا تھا ۔۔۔ ” تمہاری مدھم سانسیں۔۔۔ تمہارے لبوں کا مبہم لمس ۔۔۔ اور تمہاری یہ خوبصورت آواز۔۔۔ مجھے تمہیں محبت کرنے پہ اکسا رہے ہیں۔۔۔ ” اسکی گھمبیر۔۔۔ بھاری اواز پہ ۔۔۔ مہنم کے دل کی دھڑکنیں مدھم ہوئی تھی۔۔۔ تبھی مسکرا کے آنکھیں موند گئی تھی ۔۔ ” تو محبت کرو بہت ساری مجھے ۔۔۔ ” اجمیر نے جھک کے ۔۔۔ اس کے لبوں پہ اپنے لب رکھ کے ۔۔۔ اس کے سانسوں کی خوشبو۔۔۔ اپنی سانسوں میں اتاری تھی اور پھر نرمی سے پیچھے ہوا تھا ۔۔۔۔ ” افس نہیں جانا آج میری مسز نے ؟؟” نرمی سے اس کی بالوں میں انگلیاں چلاتا ۔۔۔ وہ سامنے دیوار کو دیکھ رہا تھا ۔۔۔ لیکن آنکھیں ساکت نہیں تھی آج۔۔۔بلکہ آنکھیں مسکرا رہی تھی۔۔۔۔ ” مجھے کہیں نہیں جانا ۔۔۔ ” مہنم اب اس کی شرٹ کے بٹن سے کھیلنے لگی۔۔۔ ” لیکن تمہیں یہ سب سنبھالنا ہی تو ہے اب ۔۔” ” کہہ تو ایسے رہے ہو جیسے کہیں دور جا رہے ہو تو اس سے پہلے سب مجھے سکھا کے ہی جاو گیں۔۔ ” مہنم کا منہ بن گیا تھا ۔۔۔ اجمیر نرمی سے اپنی انگلیوں سے ۔۔۔ اس کے بالوں اور گردن کو سہلا رہا تھا۔۔۔ ” میں چاہتا ہوں جب مجھے موت آئے تو تم ۔۔۔ تمہارا فیوچر سیکیور ہو مکمل ۔۔۔ ” مہنم جھٹکے سے الگ ہو کے ۔۔۔ اسے دیکھنے لگی۔۔جسکی آنکھوں میں نمی ٹھہری ہوئی تھی۔۔۔ “یہ کیا بات ہوئی اجمیر ؟؟ مجھے ایسی باتیں بلکل نہیں پسند ۔۔ ” اس کی آواز میں کپکپاہٹ سی تھی ۔۔۔ ” تم نے میری زندگی میں جو رنگ بھرے ہیں مہنم ۔۔۔ ان کے آگے یہ سب بہت کم ہیں۔۔۔ ” اجمیر ہاتھ بڑھا کے نرمی سے کہہ رہا تھا جبکہ مہنم نے اس کے ہاتھ جھٹکے تھے ۔۔ اجمیر کی بات سے ۔۔۔ دل بےحد عجیب سوگوار سا ہوا تھا ۔۔۔ ” میری قیمت لگا رہے ہو تم اجمیر ؟؟” اسکی آواز میں غصہ تھا۔۔ ” م۔۔۔ مہنم ۔۔۔ نہیں مہنم ” وہ کہنا چاہ رہا تھا لیکن مہنم نے اس کی بات کاٹ دی تھی۔۔۔ ” میرے سامنے یہ سب فضولیات بول رہے ہو ۔۔۔ مرنے کی باتیں کر کے ۔۔ کون سا سکون مل رہا تمہیں اجمیر ؟ تمہارے ہونے سے ہی میں سیکیور ہوں اجمیر ۔۔۔ مجھے یہ بینک بیلنس ۔۔۔دولت ۔۔۔ بزنس کچھ نہیں چاہئے ۔۔ ” وہ غصے میں تیز تیز کہہ رہی تھی۔۔۔ اجمیر نے پھر سے ۔۔۔ اسے بانہوں میں بھرنا چاہا لیکن مہنم پھر سے ۔۔۔ اسکے ہاتھ جھٹک گئی تھی۔۔ ” مہنم ۔۔۔ مہنم پلیز لسن ٹو می ۔۔۔ ” وہ بےچین ہوا تھا۔۔۔ مہنم بار بار اس کا ہاتھ جھٹک رہی تھی ۔۔ ” مہنم پلیز ۔۔۔ ایسے نہیں کرو ۔۔۔ ایم۔سوری۔۔۔۔ لیکن پلیز ایسے نہیں کرو بار بار ۔۔۔ خود کو مجھ سے دور نہیں کرو ۔۔ مجھے قریب آنے دو اپنے پلیز ۔۔ “