Hum Dil Se Haare Hain By Samira Shareef Tor Readelle50065 Episode 9

ہم دل ﺳﮯ ﮨﺎﺭﮮ ﮨﯿﮟ
ﭘﺎﺭﭦ 9
ﻭﮦ ﺍﮎ ﺷﺨﺺ ﺟﻮ ﮐﻢ ﮐﻢ ﻣﯿﺴﺮ ﮨﮯ ﮨﻢ ﮐﻮ
ﺍٓﺭﺯﻭ ﮨﮯ ﮐﮧ ﮐﺴﯽ ﺭﻭﺯ ﻭﮦ ﺳﺎﺭﺍ ﻣﻞ ﺟﺎﺋﮯ
ﺍﺳﮯ ﮐﮩﻨﺎ ﮐﮧ ﻣﻼﻗﺎﺕ ﺍﺩﮬﻮﺭﯼ ﺗﮭﯽ ﻭﮦ
ﺍﺳﮯ ﮐﮩﻨﺎ ﮐﮧ ﮐﺒﮭﯽ ﺁ ﮐﮯ ﺩﻭﺑﺎﺭﮦ ﻣﻞ ﺟﺎﺋﮯ
ﺣﯿﺪﺭ ﺻﺎﺣﺐ ﮐﻮ ﺍﭘﻨﯽ ﺑﯿﮕﻢ ﺻﺎﺣﺒﮧ ﺳﮯ ﺷﮩﺒﺎﺯ ﺣﯿﺪﺭ ﮐﮯ ﻋﯿﺸﮧ ﮐﮯ ﻟﯿﮯ ﺍﻋﺘﺮﺍﺿﺎﺕ ﮐﺎ ﻋﻠﻢ ﮨﻮﺍ ﺗﻮ ﺍﻧﮩﻮﮞ ﻧﮯ ﺷﮩﺒﺎﺯ ﺳﮯ ﺧﻮﺩ ﺑﺎﺕ ﮐﯽ، ﺷﮩﺒﺎﺯ ﺣﯿﺪﺭ ﺟﻨﮩﻮﮞ ﻧﮯ ﺍﻣﯽ ﮐﮯ ﺳﺎﻣﻨﮯ ﺻﺎﻑ ﺍﻧﮑﺎﺭ ﮐﺮ ﺩﯾﺎ ﺗﮭﺎ ، ﺑﺎﭖ ﮐﮯ ﺳﺎﻣﻨﮯ ﮐﭽﮫ ﺑﮭﯽ ﻧﮧ ﮐﮩﮧ ﺳﮑﮯ۔ ﺣﯿﺪﺭ ﺻﺎﺣﺐ ﺷﮩﺒﺎﺯ ﮐﮯ ﺳﺎﻣﻨﮯ ﺩﻧﯿﺎ ﮐﯽ ﺍﻭﻧﭻ ﻧﯿﭻ ﺳﻤﺠﮭﺎﺗﮯ ﺭﮨﮯ، ﺭﺷﺘﻮﮞ ﮐﯽ ﻧﺰﺍﮐﺖ ﻭ ﺍﮨﻤﯿﺖ ﺑﺎﻭﺭ ﮐﺮﺍﺗﮯ ﺭﮨﮯ۔ ﺷﮩﺒﺎﺯ ﻧﮯ ﻟﺐ ﺑﮭﯿﻨﭽﮯ ﺑﺎﭖ ﮐﯽ ﺳﺐ ﺑﺎﺗﯿﮟ ﺳﻨﯿﮟ۔
’’ ﺗﻮ ﭘﮭﺮ ﻣﯿﮟ ﺑﮭﺎﺋﯽ ﺻﺎﺣﺐ ﮐﻮ ﮨﺎﮞ ﮐﮩﮧ ﺩﻭﮞ۔۔ ‘‘ ﺍﯾﮏ ﻃﻮﯾﻞ ﻟﯿﮑﭽﺮ ﮐﮯ ﺑﻌﺪ ﺍﻧﮩﻮﮞ ﻧﮯ ﺑﯿﭩﮯ ﮐﮯ ﭼﮩﺮﮮ ﮐﺎ ﺟﺎﺋﺰﮦ ﻟﯿﺎ۔ ﺷﮩﺒﺎﺯ ﻧﮯ ﮔﮩﺮﯼ ﺳﺎﻧﺲ ﻟﯽ۔
’’ ﺍﮔﺮ ﺍٓﭖ ﮐﻮ ﻟﮕﺘﺎ ﮨﮯ ﮐﮧ ﺍٓﭖ ﮐﺎ ﯾﮧ ﻓﯿﺼﻠﮧ ﺩﺭﺳﺖ ﮨﮯ ﺗﻮ ﺟﻮ ﺟﯽ ﭼﺎﮨﮯ ﮐﺮﯾﮟ۔۔ ‘‘ ﺍﻥ ﮐﮯ ﺍﺱ ﺍﻧﺪﺍﺯ ﻣﯿﮟ ﺑﮭﯽ ﺍﻥ ﮐﮯ ﺩﻟﯽ ﺟﺬﺑﺎﺕ ﺍٓﺷﮑﺎﺭ ﮨﻮ ﮔﺌﮯ ﺗﮭﮯ۔ ﺣﯿﺪﺭ ﺻﺎﺣﺐ ﻣﺴﮑﺮﺍﺋﮯ۔
’’ ﺗﻤﮩﯿﮟ ﻓﯽ ﺍﻟﺤﺎﻝ ﯾﮧ ﻣﻨﺎﺳﺐ ﻧﮩﯿﮟ ﻟﮓ ﺭﮨﺎ ﻣﮕﺮ ﻭﻗﺖ ﮔﺰﺭﻧﮯ ﮐﮯ ﺳﺎﺗﮫ ﺳﺎﺗﮫ ﺗﻢ ﺧﻮﺩ ﮨﻤﺎﺭﮮ ﺍﺱ ﻓﯿﺼﻠﮯ ﮐﻮ ﺳﺮﺍ ﮨﻮ ﮔﮯ۔۔ ‘‘ ﻭﮦ ﺍﺱ ﮐﺎ ﮐﻨﺪﮬﺎ ﺗﮭﭙﮏ ﮐﺮ ﭼﻠﮯ ﮔﺌﮯ ﺗﮭﮯ۔ ﺷﮩﺒﺎﺯ ﺣﯿﺪﺭ ﻧﮯ ﻟﺐ ﺑﮭﯿﻨﭻ ﻟﯿﮯ۔
’’ ﻋﯿﺸﮧ ﻭﺍﺟﺪ۔۔ ‘‘ ﮐﭽﮫ ﺗﻠﺦ ﺳﻮﭼﺘﮯ ﺳﻮﭼﺘﮯ ﺍﻧﮩﻮﮞ ﻧﮯ ﺳﺮ ﺟﮭﭩﮑﺎ۔ ﺑﺎﭖ ﮐﮯ ﺳﺎﻣﻨﮯ ﻭﮦ ﺑﮩﺖ ﮐﭽﮫ ﮐﮩﮧ ﺳﮑﺘﮯ ﺗﮭﮯ ﻣﮕﺮ ﻋﯿﺸﮧ ﻭﺍﺟﺪ ﮐﯽ ﭘﯿﺶ ﻗﺪﻣﯿﻮﮞ ﮐﻮ ﺭﻭﮐﻨﮯ ﮐﯿﻠﺌﮯ ﺍﻧﮩﯿﮟ ﺻﺮﻑ ﯾﮩﯽ ﺣﻞ ﺳﺠﮭﺎﺋﯽ ﺩﯾﺎ ﺗﮭﺎ ﮐﮧ ﻓﯽ ﺍﻟﺤﺎﻝ ﺧﺎﻣﻮﺷﯽ ﺍﺧﺘﯿﺎﺭ ﮐﺮﯾﮟ۔۔ ﺟﻮ ﮨﻮ ﺭﮨﺎ ﮨﮯ ﮨﻮﻧﮯ ﺩﯾﮟ، ﻋﯿﺸﮧ ﻭﺍﺟﺪ ﺳﮯ ﺍﻧﮩﯿﮟ ﮐﻮﺋﯽ ﺫﺍﺗﯽ ﭘﺮﺧﺎﺵ ﻧﮩﯿﮟ ﺗﮭﯽ ﻣﮕﺮ۔۔
ﺍﮔﻠﮯ ﺩﻥ ﺩﻭﻧﻮﮞ ﮐﯽ ﺑﺎﻗﺎﻋﺪﮦ ﺑﺎﺕ ﻃﮯ ﮨﻮ ﺟﺎﻧﮯ ﮐﯽ ﺧﺒﺮ ﭘﻮﺭﮮ ﮔﮭﺮ ﻣﯿﮟ ﭘﮭﯿﻞ ﭼﮑﯽ ﺗﮭﯽ ۔ ﺍﻭﭘﺮ ﻧﯿﭽﮯ ﺳﺐ ﮐﻮ ﭘﺘﮧ ﭼﻞ ﭼﮑﺎ ﺗﮭﺎ ۔ ﻋﯿﺸﮧ ﯾﻮﻧﯿﻮﺭﺳﭩﯽ ﺳﮯ ﻭﺍﭘﺲ ﻟﻮﭨﯽ ﺗﻮ ﭼﭽﯽ ﻧﮯ ﭘﺎﺱ ﺑﭩﮭﺎ ﮐﺮ ﺧﻮﺏ ﭘﯿﺎﺭ ﮐﯿﺎ۔ ﻋﯿﺸﮧ ﺗﻮ ﮐﺘﻨﯽ ﺩﯾﺮ ﺗﮏ ﻭﺭﻃﮧ ﺣﯿﺮﺕ ﻣﯿﮟ ﻏﺮﻕ ﺭﮨﯽ۔ ﮐﻞ ﺻﺒﺢ ﮐﺎ ﺷﮩﺒﺎﺯ ﺣﯿﺪﺭ ﮐﺎ ﺭﻭّﯾﮧ ﺍﺗﻨﺎ ﺍٓﺗﺶ ﻓﺸﺎﮞ ﺍﻭﺭ ﻏﻀﺒﻨﺎﮎ ﺗﮭﺎ ﮐﮧ ﻭﮦ ﺩﮨﻞ ﮔﺌﯽ ﺗﮭﯽ، ﺍﻭﺭ ﺍﺏ ﯾﮧ ’’ ﮨﺎﮞ ‘‘ ﻭﮦ ﺑﮯ ﯾﻘﯿﻦ ﺗﮭﯽ ۔ ﭘﺘﮭﺮ ﺍﺱ ﮐﮯ ﻟﯿﮯ ﻭﺍﻗﻌﯽ ﻣﻮﻡ ﮨﻮﺍ ﺗﮭﺎ ﯾﺎ ﭘﮭﺮ۔۔ ﺟﻮ ﺧﻮﺍﺏ ﺍﺱ ﻧﮯ ﮐﮭﻠﯽ ﺍٓﻧﮑﮭﻮﮞ ﺳﮯ ﺩﯾﮑﮭﺎ ﺗﮭﺎ ﮐﯿﺎ ﻭﮦ ﻭﺍﻗﻌﯽ ﺳﭻ ﮨﻮ ﺭﮨﺎ ﺗﮭﺎ ۔ ﻣﮩﻮﺵ ﮐﮯ ﮐﻤﺮﮮ ﻣﯿﮞﭙﮩﻨﭽﯽ ﺗﻮ ﺑﮭﯽ ﺑﮯ ﯾﻘﯿﻦ ﮨﯽ ﺭﮨﯽ۔
’’ ﻣﮩﻮﺵ ﭼﭽﯽ ! ﯾﮧ ﺭﺷﺘﮯ ﻃﮯ ﮨﻮ ﮔﯿﺎ ﮨﮯ۔۔ ﮐﯿﺎ ﻭﺍﻗﻌﯽ ۔۔ ﻣﯿﮟ ﮐﻮﺋﯽ ﺧﻮﺍﺏ ﺗﻮ ﻧﮩﯿﮟ ﺩﯾﮑﮫ ﺭﮨﯽ۔۔ ‘‘
’’ ﯾﮧ ﺑﺎﻟﮑﻞ ﺧﻮﺍﺏ ﻧﮩﯿﮟ ﮨﮯ۔۔ ﺭﺍﺕ ﺍﺑﻮ ﻧﮯ ﺧﻮﺩ ﺷﮩﺒﺎﺯ ﺑﮭﺎﺋﯽ ﺳﮯ ﺑﺎﺕ ﮐﯽ ﺗﮭﯽ ، ﭘﮭﺮ ﻧﯿﭽﮯ ﺍٓ ﮐﺮ ﺗﺎﯾﺎ ﺍﺑﻮ ﻭﻏﯿﺮﮦ ﺳﮯ ﯾﻮﮞ ﺑﺎﺕ ﻃﮯ ﮨﻮ ﮔﺌﯽ۔ ۔ ﺍﺏ ﺗﻮ ﺑﺎﻗﺎﻋﺪﮦ ﮨﺎﮞ ﮨﻮﺋﯽ ﮨﮯ۔۔ ‘‘
’’ ﻣﮕﺮ ﻭﮦ ﺷﮩﺒﺎﺯ۔۔ ﺍﻧﮩﻮﮞ ﻧﮯ ﺍﻋﺘﺮﺍﺽ ﺗﻮ ﮐﯿﺎ ﮨﻮ ﮔﺎ۔۔ ‘‘
’’ ﮨﻮﮞ۔۔ﺑﮩﺖ ﺳﮯ ﺍﻣﯽ ﺑﺘﺎ ﺭﮨﯽ ﺗﮭﯿﮟ، ﻣﮕﺮ ﺍﺑﻮ ﮐﻮﻥ ﺳﺎ ﺍﻥ ﮐﮯ ﺍﻋﺘﺮﺍﺽ ﺧﺘﻢ ﮐﺮﻧﮯ ﮔﺌﮯ ﺗﮭﮯ۔ ﺍﻧﮩﯿﮟ ﺑﭩﮭﺎ ﮐﺮ ﺳﻤﺠﮭﺎﯾﺎ ﺗﮭﺎ۔۔ ﺍﻭﺭ ﺑﺲ۔۔ ‘‘ ﻣﮩﻮﺵ ﭼﭽﯽ ﮐﮯ ﺍﺱ ﺟﻮﺍﺏ ﭘﺮ ﺍﺱ ﮐﮯ ﺩﻝ ﮐﮯ ﺍﻧﺪﺭ ﺧﻮﻑ ﭘﯿﺪﺍ ﮨﻮﻧﮯ ﻟﮕﺎ۔
’’ ﺍﺱ ﮐﺎ ﻣﻄﻠﺐ ﮨﮯ ﭼﮭﻮﭨﮯ ﺩﺍﺩﺍ ﺟﺎﻥ ﻧﮯ ﺍﻧﮩﯿﮟ ﻣﺠﺒﻮﺭ ﮐﯿﺎ ﮨﮯ۔ ‘‘
’’ ﯾﮧ ﺗﻮ ﻣﺠﮭﮯ ﻧﮩﯿﮟ ﭘﺘﺎ۔۔ ﺍﻟﺒﺘﮧ ﺻﺒﺢ ﻧﺎﺷﺘﮯ ﭘﺮ ﻣﻨﮧ ﺑﮍﺍ ﺳﻨﺠﯿﺪﮦ ﺑﻨﺎﯾﺎ ﮨﻮﺍ ﺗﮭﺎ ۔۔ ﻣﯿﮟ ﻧﮯ ﭼﮭﯿﮍﻧﺎ ﭼﺎﮨﺎ ﺗﻮ ﺟﮭﮍﮎ ﺩﯾﺎ۔۔ ﭘﮭﺮ ﭼﺎﺋﮯ ﭘﯽ ﮐﺮ ﻧﮑﻞ ﮔﺌﮯ ﺗﮭﮯ۔۔ ﻣﮕﺮ ﺗﻢ ﮐﯿﻮﮞ ﻓﮑﺮ ﮐﺮﺗﯽ ﮨﻮ۔۔ ﺗﮭﻮﮌﺍ ﺑﮩﺖ ﻏﺼﮧ ﺗﻮ ﻭﮦ ﺩﮐﮭﺎﺋﯿﮟ ﮔﮯ ﮨﯽ ۔۔ ﺍﺑﻮ ﻭﻏﯿﺮﮦ ﮐﮩﮧ ﺭﮨﮯ ﺗﮭﮯ ﮐﮧ ﺷﮩﺒﺎﺯ ﮐﻮ ﮐﻮﺋﯽ ﺑﮭﺮﻭﺳﮧ ﻧﮩﯿﮟ ۔۔ ﺷﺎﺩﯼ ﻧﮩﯿﮟ ﺗﻮ ﻧﮑﺎﺡ ﮐﯽ ﺗﻘﺮﯾﺐ ﺗﻮ ﺿﺮﻭﺭ ﮐﺮﯾﮟ ﮔﮯ۔۔ ﯾﻮﮞ ﺳﻤﺠﮭﻮ ﺗﻢ ﺩﻭﻧﻮﮞ ﮐﻮ ﭘﮑﯽ ﺑﯿﮍﯾﺎﮞ ﮈﺍﻟﻨﮯ ﮐﺎ ﺍﺭﺍﺩﮦ ﮨﮯ۔۔ ‘‘ ﻣﮩﻮﺵ ﻧﮯ ﺍٓﺧﺮ ﻣﯿﮟ ﺍﺳﮯ ﭼﮭﯿﮍﺍ ﺗﻮ ﻭﮦ ﻣﺴﮑﺮﺍ ﺑﮭﯽ ﻧﮧ ﺳﮑﯽ۔ ﺷﮩﺒﺎﺯ ﺭﺍﺿﯽ ﻧﮧ ﺗﮭﮯ، ﺻﺮﻑ ﻭﺍﻟﺪﯾﻦ ﮐﯽ ﻭﺟﮧ ﺳﮯ ﭼﭗ ﺗﮭﮯ، ﺍﺳﮯ ﯾﻘﯿﻦ ﮨﻮ ﮔﯿﺎ ﺗﮭﺎ۔
X X X
ﺭﺷﺘﮧ ﻃﮯ ﮐﯿﺎ ﮨﻮﺍ، ﺑﺎﻗﯽ ﺳﺐ ﮐﭽﮫ ﺍٓﻧﺎً ﻓﺎﻧﺎً ﻃﮯ ﮨﻮﺗﺎ ﭼﻼ ﮔﯿﺎ۔ ﻋﺒﺪﺍﻟﻠﮧ ﺻﺎﺣﺐ ﺍﻭﺭ ﺣﯿﺪﺭ ﺻﺎﺣﺐ ﮐﯽ ﻣﺸﺘﺮﮐﮧ ﺭﺍﺋﮯ ﮐﮯ ﻣﻄﺎﺑﻖ ﻣﻨﮕﻨﯽ ﮐﮯ ﺑﺠﺎﺋﮯ ﮈﺍﺋﺮﯾﮑﭧ ﻧﮑﺎﺡ ﮐﯽ ﺗﻘﺮﯾﺐ ﮐﺎ ﺍﮨﺘﻤﺎﻡ ﮐﯿﺎ ﮔﯿﺎ ﺗﮭﺎ ۔ ﺷﮩﺒﺎﺯ ﺣﯿﺪﺭ ﻧﮯ ﺍﻣﯽ ﮐﻮ ﮐﺎﻓﯽ ﺭﻭﮐﺎ ﺗﮭﺎ ، ﮐﮧ ﺑﺎﺕ ﻃﮯ ﮨﻮ ﮔﺌﯽ ﮨﮯ، ﮐﺎﻓﯽ ﮨﮯ، ﺍﺱ ﺟﮭﻨﺠﮭﭧ ﮐﯽ ﺑﮭﻼ ﮐﯿﺎ ﺿﺮﻭﺭﺕ ﮨﮯ۔ ﻣﮕﺮ ﻭﮦ ﺑﮭﯽ ﺳﺐ ﭘﮑﮯ ﮐﺎﻡ ﮐﺮﻧﮯ ﭘﺮ ﺑﻀﺪ ﺗﮭﮯ۔۔ ﮐﯿﺎﭘﺘﮧ ﮐﺐ ﺷﮩﺒﺎﺯ ﻣﮑﺮ ﺟﺎﺋﮯ، ﺑﺎﺕ ﻃﮯ ﮨﻮﻧﮯ ﮐﮯ ﺑﻌﺪ ﺷﮩﺒﺎﺯ ﮐﺎ ﺍﯾﺴﺎ ﮨﯽ ﺭﻭّﯾﮧ ﺗﮭﺎ ﮐﮧ ﺳﺐ ﮐﻮ ﮨﯽ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ ﮐﮧ ﻭﮦ ﺧﻮﺵ ﻧﮩﯿﮟ ﮨﯿﮟ۔ ﺧﺎﺹ ﻃﻮﺭ ﭘﺮ ﻋﯿﺸﮧ ﺗﻮ ﮨﺮ ﻭﻗﺖ ﮨﻮﻟﺘﯽ ﺭﮨﺘﯽ ﺗﮭﯽ۔ ﺍﺳﮯ ﮐﮭﻮﻧﺎ ﻣﺤﺎﻝ ﺗﮭﺎ ﺍﻭﺭ ﭘﺎﻧﺎ ﺍﺱ ﺳﮯ ﺑﮭﯽ ﺯﯾﺎﺩﮦ۔
ﻧﮑﺎﺡ ﮐﯽ ﺗﻘﺮﯾﺐ ﺧﺎﺻﯽ ﭘﺮ ﺭﻭﻧﻖ ﺗﮭﯽ ، ﻗﯿﻮﻡ ﮐﯽ ﺷﺎﺩﯼ ﮐﮯ ﺑﻌﺪ ﺍﺱ ﮔﮭﺮ ﻣﯿﮟ ﮐﻮﺋﯽ ﭘﮩﻠﯽ ﺧﻮﺷﯽ ﺩﯾﮑﮭﻨﮯ ﮐﻮ ﻣﻞ ﺭﮨﯽ ﺗﮭﯽ ، ﺳﻮ ﺳﺒﮭﯽ ﺧﻮﺵ ﺗﮭﮯ۔ ﺷﮩﺒﺎﺯ ﺣﯿﺪﺭ ﮐﺎ ﺍﻧﺪﺍﺯ ﻭﮨﯽ ﺗﮭﺎ۔ ﺧﺎﻣﻮﺵ ، ﺳﻨﺠﯿﺪﮦ ﺍﻭﺭ ﮐﭽﮫ ﻧﺎﺭﺍﺽ ﺳﺎ۔۔ ﻭﮦ ﺍﺱ ﺳﺎﺭﮮ ﺷﻮﺭ ﺷﺮﺍﺑﮯ ﭘﺮ ﺧﻮﺵ ﻧﮧ ﺗﮭﮯ۔ ﻣﮩﻮﺵ ﻋﯿﺸﮧ ﮐﻮ ﭘﺎﺭﻟﺮ ﻟﮯ ﮔﺌﯽ ﮨﻮﺋﯽ ﺗﮭﯽ ، ﺟﺐ ﺩﻭﻧﻮﮞ ﻟﻮﭨﯿﮟ ﺗﻮ ﺳﺒﮭﯽ ﻣﮩﻤﺎﻥ ﺍٓ ﭼﮑﮯ ﺗﮭﮯ ۔ ﺗﻘﺮﯾﺐ ﮐﺎ ﺍﮨﺘﻤﺎﻡ ﺗﮭﺎ ، ﺳﺎﺭﺍ ﺻﺤﻦ ﺟﮕﻤﮕﺎ ﺭﮨﺎ ﺗﮭﺎ۔ ﻋﯿﺸﮧ ﻧﮑﺎﺡ ﮐﮯ ﮔﻮﻟﮉﻥ ﻣﮩﺮﻭﻥ ﺷﺮﺍﺭﮮ ﻣﯿﮟ ﺑﮭﺎﺭﯼ ﺟﯿﻮﻟﺮﯼ ﮐﮯ ﺳﺎﺗﮫ ﻋﺎﻡ ﺣﻠﯿﮯ ﮐﮯ ﺑﺮﻋﮑﺲ ﮐﻮﺋﯽ ﺍﻭﺭ ﮨﯽ ﭼﯿﺰ ﻟﮓ ﺭﮨﯽ ﺗﮭﯽ ، ﺍﻣﯽ ﺍﻭﺭ ﻣﮩﻮﺵ ﻧﮯ ﺍﺳﮯ ﺧﺼﻮﺻﯽ ﺑﻨﺎﺋﮯ ﮔﺌﮯ ﺍﺳﭩﯿﺞ ﭘﺮ ﻻ ﺑﭩﮭﺎﯾﺎ ﺗﮭﺎ۔ ﻭﮦ ﮨﻤﯿﺸﮧ ﺳﺎﺩﮦ ﺳﮯ ﺣﻠﯿﮯ ﻣﯿﮟ ﺩﮐﮭﺎﺋﯽ ﺩﯾﻨﮯ ﻭﺍﻟﯽ ﻋﯿﺸﮧ ﻭﺍﺟﺪ ﺍٓﺝ ﭘﻮﺭ ﭘﻮﺭ ﺳﺠﯽ ﮨﺮ ﺍﯾﮏ ﮐﯽ ﻧﮕﺎﮦ ﮐﻮ ﺧﯿﺮﮦ ﮐﺮ ﺭﮨﯽ ﺗﮭﯽ ۔ ﻭﮦ ﺑﮩﺖ ﮐﻨﻔﯿﻮﮊ ﮨﻮ ﺭﮨﯽ ﺗﮭﯽ ، ﺩﻝ ﮐﯽ ﺩﮬﮍﮐﻦ ﮐﺎ ﺗﻮ ﮐﻮﺋﯽ ﺟﻮﺍﺏ ﮨﯽ ﻧﮧ ﺗﮭﺎ ، ﺍﺱ ﻧﮯ ﺍﭘﻨﯽ ﺑﮩﻦ ﺷﮩﻼ ﮐﻮ ﻣﺴﻠﺴﻞ ﺍﭘﻨﮯ ﭘﺎﺱ ﺑﭩﮭﺎﺋﮯ ﺭﮐﮭﺎ۔ ﺷﮩﻼ ﻭﺍﺟﺪ ﮐﯽ ﺩﻭﺳﺮﯼ ﺑﯿﻮﯼ ﮐﯽ ﺍﻭﻻﺩ ﺗﮭﯽ ، ﺍﻭﺭ ﺑﯽ ﺍﮮ ﮐﯽ ﺍﺳﭩﻮﮈﻧﭧ ﺗﮭﯽ۔ ﻧﮑﺎﺡ ﮐﯽ ﺗﻘﺮﯾﺐ ﮐﮯ ﺑﻌﺪ ﮐﮭﺎﻧﮯ ﭘﯿﻨﮯ ﮐﺎ ﺳﻠﺴﻠﮧ ﭼﻞ ﻧﮑﻼ ﺗﮭﺎ ۔ ﻧﮑﺎﺡ ﺳﮯ ﭘﮩﻠﮯ ﺗﮏ ﻭﮦ ﻣﺴﻠﺴﻞ ﺧﻮﻓﺰﺩﮦ ﺗﮭﯽ ، ﻧﮑﺎﺡ ﮐﮯ ﺑﻌﺪ ﻭﮦ ﺍﯾﮏ ﺩﻡ ﭘﺮ ﺳﮑﻮﻥ ﻭ ﻣﻄﻤﺌﻦ ﮨﻮ ﮔﺌﯽ۔ ﺷﮩﺒﺎﺯ ﺣﯿﺪﺭ ﺍﺏ ﺍﺱ ﮐﺎ ﺗﮭﺎ ، ﻣﮑﻤﻞ ﻃﻮﺭ ﭘﺮ ﺍﺱ ﮐﺎ ۔۔ ﯾﮧ ﺍﯾﺴﯽ ﺧﻮﺷﯽ ﺗﮭﯽ ﮐﮧ ﺟﺲ ﮐﯽ ﺍﺱ ﻧﮯ ﺭﺍﺗﻮﮞ ﮐﻮ ﺟﺎﮒ ﺟﺎﮒ ﮐﺮ ﺍﭘﻨﮯ ﺭﺏ ﺳﮯ ﭘﻮﺭﯼ ﮨﻮﻧﮯ ﮐﯽ ﺩﻋﺎ ﻣﺎﻧﮕﯽ ﺗﮭﯽ،ﺍﻭﺭ ﺍٓﺝ ﺭﺏ ﻧﮯ ﺍﺱ ﮐﯽ ﺩﻋﺎ ﺳﻦ ﻟﯽ ﺗﮭﯽ۔ ﺷﮩﺒﺎﺯ ﺣﯿﺪﺭ ﮐﻮ ﮐﮭﻮ ﺩﯾﻨﮯ ﮐﺎ ﺍﺣﺴﺎﺱ ﺑﮩﺖ ﭘﯿﭽﮭﮯ ﺭﮦ ﮔﯿﺎ ﺗﮭﺎ ۔
’’ ﺍﻟﺴﻼﻡ ﻋﻠﯿﮑﻢ ! ﮐﯿﺴﯽ ﮨﯿﮟ ﻋﯿﺸﮧ۔۔ ‘‘ ﻭﮦ ﺍﺳﭩﯿﺞ ﭘﺮ ﺑﯿﭩﮭﯽ ﺍﭘﻨﯽ ﺳﻮﭼﻮﮞ ﻣﯿﮞﻤﮕﻦ ﺗﮭﯽ ﺟﺐ ﺍﺱ ﺍٓﻭﺍﺯ ﭘﺮ ﺍﯾﮏ ﺩﻡ ﭼﻮﻧﮏ ﮐﺮ ﺩﯾﮑﮭﺎ ، ﺍﺱ ﮐﮯ ﺳﺎﻣﻨﮯ ’’ ﻣﺤﺴﻦ ﺟﺎﻭﯾﺪ ‘‘ ﮐﮭﮍﺍ ﺗﮭﺎ۔
’’ ﺍٓﭖ ۔۔ ‘‘ ﻭﮦ ﺣﯿﺮﺍﻥ ﮨﻮﺋﯽ۔
’’ ﺟﯽ۔۔ ‘‘ ﻭﮦ ﻣﺴﮑﺮﺍﯾﺎ ۔ ﺑﮩﺖ ﺑﮩﺖ ﻣﺒﺎﺭﮎ ﮨﻮ، ﯾﮧ ﯾﻘﯿﻨﺎ ﺷﮩﺒﺎﺯ ﺑﮭﺎﺋﯽ ﮨﯽ ﺗﮭﮯ ﺟﻦ ﮐﮯ ﻟﯿﮯ ﺍٓﭖ ﻧﮯ ﺍﻧﮑﺎﺭ ﮐﯿﺎ ﺗﮭﺎ۔ ‘‘ ﻭﮦ ﻣﺴﮑﺮﺍ ﮐﺮ ﮐﮩﮧ ﺭﮨﺎ ﺗﮭﺎ ، ﻋﯿﺸﮧ ﻧﮯ ﮔﮭﺒﺮﺍ ﮐﺮ ﺍﭘﻨﮯ ﺳﺎﺗﮫ ﺑﯿﭩﮭﯽ ﺷﮩﻼ ﮐﻮ ﺩﯾﮑﮭﺎ ، ﺟﻮ ﻣﺤﺴﻦ ﺟﺎﻭﯾﺪ ﮐﻮ ﺩﯾﮑﮫ ﺭﮨﯽ ﺗﮭﯽ ﺩﻟﭽﺴﭙﯽ ﺳﮯ۔۔ ﻣﺤﺴﻦ ﺟﺎﻭﯾﺪ ﮐﯽ ﭘﻮﺭﯼ ﻓﯿﻤﻠﯽ ﺍﺱ ﺗﻘﺮﯾﺐ ﻣﯿﮟ ﺍﻧﻮﺍﺋﯿﭩﮉ ﺗﮭﯽ ، ﺩﺍﺩﺍ ﺟﺎﻥ ﮐﮯ ﺟﺎﻭﯾﺪ ﺻﺎﺣﺐ ﺳﮯ ﺗﻌﻠﻘﺎﺕ ﺟﻮﮞ ﮐﮯ ﺗﻮﮞ ﺗﮭﮯ ، ﺍﺱ ﺗﻘﺮﯾﺐ ﻣﯿﮟ ﻣﺤﺴﻦ ﺟﺎﻭﯾﺪ ﮐﻮ ﺩﯾﮑﮫ ﮐﺮ ﺣﯿﺮﺍﻥ ﺿﺮﻭﺭ ﮨﻮﺋﯽ ﺗﮭﯽ ، ﻣﮕﺮ ﭼﻮﻧﮑﯽ ﻧﮩﯿﮟ ﺗﮭﯽ۔
’’ ﺑﮩﺖ ﻟﮑﯽ ﮨﯿﮟ ﺷﮩﺒﺎﺯ ﺑﮭﺎﺋﯽ۔۔ ‘‘ ﻭﮦ ﻣﺰﯾﺪ ﮐﮩﮧ ﺭﮨﺎ ﺗﮭﺎ۔
’’ ﻭﯾﺴﮯ ﺍٓﭖ ﮐﯽ ﺗﻌﺮﯾﻒ ۔۔؟ ‘‘ ﻭﮦ ﺍﺏ ﺷﮩﻼ ﮐﯽ ﻃﺮﻑ ﻣﺘﻮﺟﮧ ﮨﻮﺍ ﺗﮭﺎ ۔
’’ ﺷﮩﻼ ﻭﺍﺟﺪ۔۔ ‘‘ ﺍﺱ ﻧﮯ ﻣﺴﮑﺮﺍ ﮐﺮ ﺍﭘﻨﺎ ﻧﺎﻡ ﺑﺘﺎﯾﺎ ﺗﮭﺎ۔
’’ ﺍﻭﮦ۔۔ﯾﻌﻨﯽ ﮐﮧ ﻭﺍﺟﺪ ﺑﮭﺎﺋﯽ ﮐﯽ ﺑﯿﭩﯽ ۔۔ ‘‘ ﺍﺱ ﻧﮯ ﻋﯿﺸﮧ ﮐﻮ ﺩﯾﮑﮭﺎ ﺗﻮ ﺍﺱ ﻧﮯ ﺳﺮ ﮨﻼﯾﺎ۔
’’ ‘ ﻣﯿﮟ ﺫﺭﺍ ﺍﻣﯽ ﮐﮯ ﭘﺎﺱ ﭼﮑﺮ ﻟﮕﺎ ﻟﻮﮞ ، ﭘﮭﺮ ﺍٓﺗﯽ ﮨﻮﮞ۔۔ ‘‘ ﺍﮔﻠﮯ ﮨﯽ ﻟﻤﺤﮯ ﻭﮦ ﺍُﭨﮫ ﮐﺮ ﭼﻠﯽ ﮔﺌﯽ ﺗﮭﯽ۔
’’ ﺍٓﭖ ﻧﮯ ﻣﺠﮫ ﺳﮯ ﺍﻧﮑﺎﺭ ﮐﺮﺗﮯ ﮨﻮﺋﮯ ﺟﮭﻮﭦ ﺑﻮﻻ ﺗﮭﺎ ، ﺍٓﭖ ﮐﯽ ﮐﺴﯽ ﺳﮯ ﮐﻤﭩﻤﻨﭧ ﻧﮩﯿﮟ ﺗﮭﯽ ۔۔ ‘‘ ﻣﺤﺴﻦ ﺟﺎﻭﯾﺪ ﮐﯽ ﻧﻈﺮﯾﮟ ﺷﮩﻼ ﮐﮯ ﺗﻌﺎﻗﺐ ﻣﯿﮟ ﺗﮭﯿﮟ ﺟﺐ ﻋﯿﺸﮧ ﮐﯽ ﺍﺱ ﺩﮬﯿﻤﯽ ﺍٓﻭﺍﺯ ﭘﺮ ﻣﺘﻮﺟﮧ ﮨﻮﺍ۔
’’ ﺍٓﭖ ﮐﻮ ﮐﺲ ﻧﮯ ﮐﮩﺎ۔۔؟ ‘‘ ﺩﮬﯿﺎﻥ ﺳﮯ ﭘﻮﭼﮭﺎ۔
’’ ﻓﻮﺯﺍﻥ ﮐﮯ ﭘﺎﭘﺎ ﻧﮯ۔۔ ‘‘
’’ ﻣﺎﺋﯽ ﮔﺎﮈ ۔۔ ﮐﺘﻨﺎ ﻧﯿﭽﺮﻝ ﺍﻧﺪﺍﺯ ﮨﮯ۔۔ ‘‘
’’ ﺳﭻ ﺳﭻ ﺑﺘﺎﺋﯿﮟ ﻋﯿﺸﮧ ! ﺍٓﭖ ﺗﻮ ﮐﮩﮧ ﺭﮨﯽ ﺗﮭﯿﮟ ﮐﮧ ﯾﮑﻄﺮﻓﮧ ﻣﺤﺒﺖ ﮨﮯ ﻣﮕﺮ ﺷﮩﺒﺎﺯ ﺑﮭﺎﺋﯽ ﻧﮯ ﻣﯿﺮﮮ ﺍﻧﮑﺎﺭ ﺳﮯ ﻣﺘﻌﻠﻖ ﺩﺭﺳﺖ ﺧﺒﺮ ﺍٓﭖ ﮐﻮ ﮐﯿﺴﮯ ﺩﮮ ﺩﯼ۔۔ ‘‘ ﻭﮦ ﺟﮭﯿﻨﭗ ﮔﺌﯽ ﺗﮭﯽ۔
’’ ﯾﮧ ﺍﺏ ﺑﮭﯽ ﯾﮑﻄﺮﻓﮧ ﻣﺤﺒﺖ ﮨﮯ۔۔ ﺑﺲ ﮔﮭﺮ ﻭﺍﻟﻮﮞ ﮐﺎ ﺗﻌﺎﻭﻥ ﺗﮭﺎ ﮐﮧ ﺍٓﺝ ﯾﮧ ﺗﻘﺮﯾﺐ ﺭﻭﻧﻤﺎ ﮨﻮ ﮔﺌﯽ ﮨﮯ ﻭﺭﻧﮧ ’’ ﺍُﻥ ‘‘ ﺳﮯ ﺗﻮ ﮐﻮﺋﯽ ﺑﻌﯿﺪ ﻧﮩﯿﮟ ۔ ‘‘
ﺷﮩﺒﺎﺯ ، ﻣﮩﻮﺵ ﺍﻭﺭ ﻗﯿﻮﻡ ﮐﮯ ﺑﻌﺪ ﯾﮧ ﭼﻮﺗﮭﺎ ﺷﺨﺺ ﺗﮭﺎ ﺟﻮ ﺍﺱ ﮐﮯ ﺩﻝ ﮐﺎ ﺭﺍﺯ ﭘﺎ ﮔﯿﺎ ﺗﮭﺎ ۔ ﺍﺱ ﮐﺎ ﺑﮯ ﺗﮑﻠﻒ ﺍﻧﺪﺍﺯ ﻋﯿﺸﮧ ﮐﻮ ﺍﭼﮭﺎ ﻟﮕﺎ ﺗﮭﺎ ، ﺳﻮ ﺩﻭﺳﺘﺎﻧﮧ ﺍﻧﺪﺍﺯ ﻣﯿﮟ ﺍﺱ ﻧﮯ ﺑﮭﯽ ﺑﺘﺎ ﺩﯾﺎ۔
’’ ﻭﯾﺴﮯ ﺷﮩﺒﺎﺯ ﺑﮭﺎﺋﯽ ﺟﺎﻧﺘﮯ ﮨﯿﮟ۔۔ ‘‘ ﻭﮦ ﭘﻮﭼﮫ ﺭﮨﺎ ﺗﮭﺎ ، ﺍﺱ ﻧﮯ ﮔﺮﺩﻥ ﮨﻼ ﺩﯼ۔
’’ ﻣﮕﺮ ﻣﺎﻧﺘﮯ ﻧﮩﯿﮟ ﮨﯿﮟ۔۔ ‘‘ ﺍﺱ ﮐﯽ ﺍٓﻭﺍﺯ ﺑﮭﺮﺍ ﮔﺌﯽ ، ﻭﮦ ﮨﻨﺲ ﺩﯾﺎ۔
’’ ﺗﻮ ﻓﮑﺮ ﮐﯿﻮﮞ ﮐﺮﺗﯽ ﮨﯿﮟ۔۔ ﺍﺗﻨﺎ ﻣﻀﺒﻮﻁ ﺗﻌﻠﻖ ﺑﻦ ﮔﯿﺎ ﮨﮯ ﺩﻭﻧﻮﮞ ﻣﯿﮟ۔۔ ﻭﻗﺖ ﮐﮯ ﺳﺎﺗﮫ ﺳﺎﺗﮫ ﻣﺎﻥ ﺟﺎﺋﯿﮟ ﮔﮯ۔۔ ‘‘ ﺍﺱ ﻧﮯ ﺍﺳﮯ ﺩﻻﺳﺎ ﺩﯾﺎ ﺗﻮ ﻭﮦ ﺳﺮ ﮨﻼ ﮔﺌﯽ۔
’’ ﻭﯾﺴﮯ ﻋﯿﺸﮧ ! ﺍٓﭖ ﮐﯽ ﺑﮩﻦ ﺑﮭﯽ ﺍٓﭖ ﮐﯽ ﻃﺮﺡ ﺑﮩﺖ ﮨﯽ ﭘﯿﺎﺭﯼ ﮨﯿﮟ۔۔ ﮐﯿﺎﺧﯿﺎﻝ ﮨﮯ۔۔؟ ‘‘ ﺍﺱ ﮐﯽ ﺍﺱ ﺑﺎﺕ ﭘﺮ ﺍﺱ ﻧﮯ ﺣﯿﺮﺍﻥ ﮨﻮ ﮐﺮ ﺍﺳﮯ ﺩﯾﮑﮭﺎ۔
’’ ﮐﯿﺎ ﻣﻄﻠﺐ۔۔؟ ‘‘
’’ ﺍٓﭖ ﮐﯿﻠﺌﮯ ﺍﻧﮑﺎﺭ ﭘﺮ ﺍﻣﯽ ﺍﺑﻮ ﺍﺏ ﺗﮏ ﻣﺠﮫ ﺳﮯ ﻧﺎﺭﺍﺽ ﮨﯿﮟ۔۔ ﺷﮩﻼ ﮐﻮ ﺩﯾﮑﮭﻨﮯ ﮐﮯ ﺑﻌﺪ ﺳﻮﭺ ﺭﮨﺎ ﮨﻮﮞ ﮐﮧ ﮐﯿﻮﮞ ﻧﮧ ﺍﻣﯽ ﺍﺑﻮ ﮐﻮ ﺭﺍﺿﯽ ﮐﺮ ﻟﻮﮞ۔۔ ﺍٓﺧﺮ ﮐﻮ ﺭﺷﺘﮧ ﻟﮯ ﮐﺮ ﻭﺍﻟﺪﯾﻦ ﮨﯽ ﺍٓﺗﮯ ﮨﯿﮟ۔۔ ‘‘ ﻋﯿﺸﮧ ﻧﮯ ﺑﮯ ﺣﺪ ﺍﻧﺒﺴﺎﻁ ﻭ ﺣﯿﺮﺕ ﺳﮯ ﺩﯾﮑﮭﺎ۔
’’ ﻭﺍﻗﻌﯽ۔ ‘‘ ﺍﺱ ﻧﮯ ﭘﻮﭼﮭﺎ ﺗﻮ ﺍﺱ ﻧﮯ ﻓﻮﺭﺍً ﺳﺮ ﮨﻼﯾﺎ ﺗﮭﺎ ۔ ﻭﮦ ﭘﮭﺮ ﺩﻭ ﺗﯿﻦ ﺑﺎﺗﯿﮟ ﮐﺮ ﮐﮯ ﻧﯿﭽﮯ ﺍُﺗﺮ ﮔﯿﺎ ﺗﮭﺎ ، ﮐﮭﺎﻧﮯ ﮐﮯ ﺑﻌﺪ ﻓﻮﭨﻮ ﮔﺮﺍﻓﯽ ﮐﺎ ﺳﻠﺴﻠﮧ ﭼﻞ ﻧﮑﻼ ﺗﮭﺎ ، ﺷﮩﺒﺎﺯ ﺣﯿﺪﺭ ﮐﻮ ﻗﯿﻮﻡ ﺣﯿﺪﺭ ﻧﮯ ﺯﺑﺮﺩﺳﺘﯽ ﻋﯿﺸﮧ ﮐﮯ ﺳﺎﺗﮫ ﻻ ﺑﭩﮭﺎﯾﺎ ﺗﮭﺎ۔ ﻭﺍﺟﺪ ﺻﺎﺣﺐ ﮐﺎ ﺑﯿﭩﺎ ﺩﻭﻧﻮﮞ ﮐﮯ ﻣﺨﺘﻠﻒ ﭘﻮﺯ ﻟﯿﻨﮯ ﻟﮓ ﮔﯿﺎ ﺗﮭﺎ۔
’’ ﭼﺎﭼﻮ ﭘﻠﯿﺰ ! ﭼﮩﺮﮮ ﭘﺮ ﺍﺳﻤﺎﺋﻞ ﻻﺋﯿﮟ۔۔ ﯾﻮﮞ ﻟﮓ ﺭﮨﺎ ﮨﮯ ﺟﯿﺴﮯ ﺍٓﭖ ﮐﻮ ﺯﺑﺮﺩﺳﺘﯽ ﺑﭩﮭﺎﯾﺎ ﮔﯿﺎ ﮨﮯ ﻣﺎﺭ ﮐﺮ ۔۔ ‘‘ ﻭﮦ ﭼﮭﯿﮍ ﺭﮨﺎ ﺗﮭﺎ، ﺷﮩﺒﺎﺯ ﺣﯿﺪﺭ ﮐﮯ ﭼﮩﺮﮮ ﮐﮯ ﺳﻨﺠﯿﺪﮦ ﺯﺍﻭﯾﻮﮞ ﻣﯿﮟ ﻣﻄﻠﻖ ﻓﺮﻕ ﻧﮩﯿﮟ ﺍٓﯾﺎ ﺗﮭﺎ۔
’’ ﺟﯿﭩﮫ ﺻﺎﺣﺐ ! ﺍﺏ ﺍﯾﺴﯽ ﺑﮭﯽ ﮐﯿﺎ ﺳﻨﺠﯿﺪﮔﯽ ، ﺍﺗﻨﯽ ﭼﺎﻧﺪ ﺳﯽ ﭘﯿﺎﺭﯼ ﺩﻟﮩﻦ ﺍٓﭖ ﮐﻮ ﺩﮮ ﺭﮨﮯ ﮨﯿﮟ ﻣﮕﺮ ﻣﺠﺎﻝ ﮨﮯ ﭼﮩﺮﮮ ﮐﮯ ﺗﺎﺛﺮﺍﺕ ﺑﺪﻝ ﺟﺎﺋﯿﮟ ۔۔ ‘‘ ﻣﮩﻮﺵ ﺑﮭﯽ ﺳﻨﺠﯿﺪﮦ ﺷﮑﻞ ﭘﺮ ﺗﺒﺼﺮﮦ ﮐﺮﻧﮯ ﺳﮯ ﺑﺎﺯ ﻧﮩﯿﮟ ﺍٓﺋﯽ ﺗﮭﯽ ، ﻋﯿﺸﮧ ﮐﺎ ﺩﻝ ﺗﻮ ﺷﮩﺒﺎﺯ ﮐﯽ ﻗﺮﺑﺖ ﭘﺮ ﺗﻤﺎﻡ ﺩﯾﻮﺍﺭﯾﮟ ﺗﻮﮌ ﮐﺮ ﺑﺎﮨﺮ ﺍٓﻧﮯ ﮐﻮ ﺗﮭﺎ۔ ﻓﻮﭨﻮ ﮔﺮﺍﻓﯽ ﮐﮯ ﺑﻌﺪ ﺳﻼﻣﯽ ﺍﻭﺭ ﺗﺤﺎﺋﻒ ﮐﺎ ﺳﻠﺴﻠﮧ ﭼﻼ ﺗﮭﺎ ، ﺭﺍﺕ ﮐﮯ ﺑﺎﺭﮦ ﺑﺠﮯ ﮐﮯ ﻧﺰﺩﯾﮏ ﺗﻘﺮﯾﺐ ﺍﺧﺘﺘﺎﻡ ﮐﻮ ﭘﮩﻨﭽﯽ ﺗﮭﯽ، ﻋﯿﺸﮧ ﮐﺎ ﺍﯾﮏ ﮨﯽ ﺯﺍﻭﯾﮯ ﺳﮯ ﺑﯿﭩﮫ ﮐﺮ ﺑﺮﺍ ﺣﺎﻝ ﮨﻮ ﺭﮨﺎ ﺗﮭﺎ ، ﮐﻤﺮ ﺗﺨﺘﮧ ﺑﻦ ﭼﮑﯽ ﺗﮭﯽ، ﻣﮩﻮﺵ ﺍﺳﮯ ﺳﮩﺎﺭﺍ ﺩﮮ ﮐﺮ ﮐﻤﺮﮮ ﻣﯿﮟ ﻟﮯ ﺍٓﺋﯽ۔
’’ ﺳﻨﻮ ! ﺍﺏ ﮐﭽﮫ ﻧﮩﯿﮟ ﺍﺗﺎﺭﻧﺎ ، ﻣﯿﮟ ﺍٓﺗﯽ ﮨﻮﮞ ، ﺷﮩﺒﺎﺯ ﺑﮭﺎﺋﯽ ﺑﻼ ﺭﮨﮯ ﺗﮭﮯ، ﺍﻥ ﮐﯽ ﺑﺎﺕ ﺳﻦ ﻟﻮﮞ۔۔ ‘‘ ﻭﮦ ﺍﺳﮯ ﺑﭩﮭﺎ ﮐﺮ ﭼﻠﯽ ﮔﺌﯽ ﺗﮭﯿﮟ ، ﺷﮩﺒﺎﺯ ﮐﮯ ﻧﺎﻡ ﭘﺮ ﺩﻝ ﮐﯽ ﺩﮬﮍﮐﻦ ﺑﮍﯼ ﻧﺮﺍﻟﯽ ﺗﮭﯽ، ﻭﮦ ﺧﻮﺩ ﮨﯽ ﻣﻌﺠﻮﺏ ﺳﯽ ﮨﻨﺲ ﺩﯼ۔
’’ ﺍﻭﺭ ﮐﺘﻨﯽ ﻧﻔﺮﺕ ﮐﺮﯾﮟ ﮔﮯ ﻣﺠﮫ ﺳﮯ ﺍٓﭖ ۔۔ ﻣﯿﺮﮮ ﺑﻦ ﭼﮑﮯ ﮨﯿﮟ۔۔ ﺍﯾﮏ ﺩﻓﻌﮧ ﺍٓﭖ ﮐﯽ ﺯﻧﺪﮔﯽ ﻣﯿﮟ ﺍٓ ﺟﺎﺋﻮﮞ ﭘﮭﺮ ﺳﺎﺭﯼ ﻧﻔﺮﺕ ﺩﻭﺭ ﮐﺮ ﺩﻭﮞ ﮔﯽ۔۔ ﺻﺮﻑ ﺍﯾﮏ ﺩﻓﻌﮧ۔۔ ‘‘ ﺍﭘﻨﮯ ﺧﯿﺎﻝ ﭘﺮ ﻭﮦ ﺧﻮﺩ ﮨﯽ ﺷﺮﻣﺎ ﮔﺌﯽ۔۔ ﺑﯿﮉ ﮐﯽ ﭘﺸﺖ ﺳﮯ ﺳﺮ ﭨﮑﺎ ﮐﺮ ﺍﺱ ﻧﮯ ﮐﻤﺮ ﺑﮭﯽ ﺗﮑﯿﻮﮞ ﺳﮯ ﭨﮑﺎ ﮐﺮ ﭘﺎﺋﻮﮞ ﺳﯿﺪﮬﮯ ﮐﯿﮯ۔ ﻣﮩﻮﺵ ﺍﺳﮯ ﺑﭩﮭﺎ ﮐﺮ ﺧﻮﺩ ﭘﺘﮧ ﻧﮩﯿﮟ ﮐﮩﺎﮞ ﮔﻢ ﮨﻮ ﮔﺌﯽ ﺗﮭﯽ ، ﺍﺱ ﻧﮯ ﺧﺎﻣﻮﺷﯽ ﺳﮯ ﺍٓﻧﮑﮭﯿﮟ ﻣﻮﻧﺪ ﻟﯿﮟ ۔ ﺗﮭﻮﮌﯼ ﺩﯾﺮ ﺑﻌﺪ ﺩﺭﻭﺍﺯﮮ ﭘﺮ ﮐﮭﭩﮑﮯ ﮐﯽ ﺍٓﻭﺍﺯ ﭘﺮ ﻭﮦ ﻣﺘﻮﺟﮧ ﮨﻮﺋﯽ۔
’’ ﻣﮩﻮﺵ ﭼﭽﯽ ﮐﮩﺎﮞ ﺭﮦ ﮔﺌﯽ ﺗﮭﯿﮟ ﺍٓﭖ ۔۔ ﻣﺠﮭﮯ ﮐﭙﮍﮮ ﺑﺪﻟﻨﮯ ﺗﮭﮯ۔۔ ﺗﮭﮑﻦ ﺳﮯ ﺑﺮﺍ ﺣﺎﻝ ﮨﻮ ﺭﮨﺎ ﮨﮯ ﻣﯿﺮﺍ۔۔ ‘‘ ﺍٓﻧﮑﮭﯿﮟ ﮐﮭﻮﻟﮯ ﺑﻐﯿﺮ ﻭﮦ ﮐﮩﮧ ﺭﮨﯽ ﺗﮭﯽ ، ﻣﮕﺮ ﺩﻭﺳﺮﯼ ﻃﺮﻑ ﺳﮯ ﮐﻮﺋﯽ ﺟﻮﺍﺏ ﻧﮧ ﻣﻠﻨﮯ ﭘﺮ ﺍﺱ ﻧﮯ ﭘﭧ ﺳﮯ ﺍٓﻧﮑﮭﯿﮟ ﮐﮭﻮﻝ ﺩﯼ ﺗﮭﯿﮟ۔
’’ ﺍٓﭖ۔۔؟ ‘‘ ﺷﮩﺒﺎﺯ ﺣﯿﺪﺭ ﮐﻮ ﺍﭘﻨﮯ ﺳﺎﻣﻨﮯ ﮐﮭﮍﮮ ﺧﺎﻣﻮﺷﯽ ﺳﮯ ﺩﯾﮑﮭﺘﮯ ﭘﺎ ﮐﺮ ﻭﮦ ﻓﻮﺭﺍً ﺳﯿﺪﮬﯽ ﮨﻮﺋﯽ ﺗﮭﯽ ۔
’’ ﻣﺠﮭﮯ ﺗﻢ ﺳﮯ ﺿﺮﻭﺭﯼ ﺑﺎﺕ ﮐﺮﻧﯽ ﮨﮯ۔۔ ‘‘ ﺍﭘﻨﮯ ﭘﯿﭽﮭﮯ ﺩﺭﻭﺍﺯﮦ ﺑﻨﺪ ﮐﺮ ﮐﮯ ﻭﮦ ﺍﻧﺪﺭ ﭼﻠﮯ ﺍٓﺋﮯ ﺗﮭﮯ ۔ ﻋﯿﺸﮧ ﮐﮯ ﺗﻮ ﻭﮨﻢ ﻭ ﮔﻤﺎﻥ ﻣﯿﮟ ﺑﮭﯽ ﻧﮧ ﺗﮭﺎ ، ﺣﯿﺮﺕ ﺳﮯ ﺷﮩﺒﺎﺯ ﺣﯿﺪﺭ ﮐﮯ ﺍﻧﺘﮩﺎﺋﯽ ﺳﻨﺠﯿﺪﮦ ﭼﮩﺮﮮ ﮐﻮ ﺩﯾﮑﮭﮯ ﮔﺌﯽ۔ ﻭﮦ ﺑﺴﺘﺮ ﭘﺮ ﺑﯿﭩﮭﮯ ﺗﻮ ﺍﺱ ﻧﮯ ﺗﯿﺰﯼ ﺳﮯ ﭨﺎﻧﮕﯿﮟ ﺳﻤﯿﭩﯿﮟ، ﭘﮭﺮ ﭼﮩﺮﮦ ﺑﮭﯽ ﺟﮭﮑﺎﯾﺎ ، ﺷﺮﻡ ﺍﯾﮏ ﺩﻡ ﺩﺭﻣﯿﺎﮞ ﻣﯿﮟ ﺍٓ ﭨﮭﮩﺮﯼ ۔
’’ ﻣﯿﮟ ﺍﺏ ﺗﮏ ﺳﻤﺠﮫ ﺭﮨﺎ ﺗﮭﺎ ﮐﮧ ﺗﻤﮩﺎﺭﯼ ﺩﯾﻮﺍﻧﮕﯽ ﺍﯾﮏ ﻭﻗﺘﯽ ﺟﺬﺑﺎﺗﯿﺖ ﮨﮯ ، ﺍﺳﯽ ﻟﯿﮯ ﻣﯿﺮﺍ ﺧﯿﺎﻝ ﺗﮭﺎ ﮐﮧ ﻣﯿﺮﮮ ﺗﻠﺦ ﺭﻭّﯾﮯ ، ﮈﺍﻧﭧ ﭘﮭﭩﮑﺎﺭ ﺳﮯ ﺗﻤﮩﯿﮟ ﻋﻘﻞ ﺍٓ ﺟﺎﺋﮯ ﮔﯽ ﻣﮕﺮ۔۔ ‘‘ ﺍﻥ ﮐﯽ ﺑﺎﺕ ﻋﯿﺸﮧ ﮐﻮ ﮐﭽﮫ ﭘﻠﮯ ﻧﮧ ﭘﮍﯼ ﺗﮭﯽ ، ﺍﻭﭘﺮ ﺳﮯ ﺍﻥ ﮐﺎ ﭨﮭﻨﮉﺍ ﺳﻨﺠﯿﺪﮦ ﻟﮩﺠﮧ۔
’’ ﯾﮧ ﺭﺷﺘﮧ ﺑﻈﺎﮨﺮ ﺟﺘﻨﺎ ﻣﻀﺒﻮﻁ ﮨﮯ ﺍﺗﻨﺎ ﮨﯽ ﮐﻤﺰﻭﺭ ﮨﮯ۔۔ ﻣﯿﮟ ﮐﺒﮭﯽ ﺳﻨﺠﯿﺪﮦ ﻧﮧ ﮨﻮﺗﺎ ﺍﮔﺮ ﺍﻣﯽ ﺍﺑﻮ ﺍﺱ ﻗﺪﺭ ﺳﻨﺠﯿﺪﮔﯽ ﺳﮯ ﺍﺱ ﻣﻌﺎﻣﻠﮯ ﻣﯿﮟ ﺍﻧﻮﺍﻟﻮ ﻧﮧ ﮨﻮﺗﮯ۔ ﮨﻤﺎﺭﺍ ﻧﮑﺎﺡ ﻣﯿﺮﮮ ﻧﺰﺩﯾﮏ ﮐﻮﺋﯽ ﺍﮨﻤﯿﺖ ﻧﮩﯿﮟ ﺭﮐﮭﺘﺎ ﺍﻭﺭ ﯾﮩﯽ ﺑﺎﺕ ﻣﯿﮟ ﺗﻤﮩﯿﮟ ﺑﺎﻭﺍﺭ ﮐﺮﻭﺍﻧﺎ ﭼﺎﮨﺘﺎ ﮨﻮﮞ، ﻣﺠﮫ ﺳﮯ ﺗﻢ ﮐﺴﯽ ﺑﮭﯽ ﻗﺴﻢ ﮐﯽ ﺗﻮﻗﻌﺎﺕ ﻭﺍﺑﺴﺘﮧ ﻣﺖ ﮐﺮﻧﺎ ۔۔ ﻓﻮﺯﺍﻥ ﮐﮯ ﻟﯿﮯ ﺗﻢ ﻣﯿﺮﯼ ﺯﻧﺪﮔﯽ ﻣﯿﮟ ﺩﺍﺧﻞ ﮨﻮﻧﺎ ﭼﺎﮨﺘﯽ ﺗﮭﯽ ، ﻣﯿﺮﮮ ﮔﮭﺮ ﻭﺍﻟﻮﮞ ﮐﺎ ﺑﮭﯽ ﯾﮩﯽ ﻣﻮﻗﻒ ﮨﮯ، ﺍﺳﯽ ﻟﯿﮯ ﺗﻢ ﺍٓﺝ ﺳﮯ ﻓﻮﺯﺍﻥ ﮐﮯ ﻟﯿﮯ ﮨﯽ ﻣﺨﺼﻮﺹ ﮨﻮ۔۔ ﺭﮦ ﮔﺌﯽ ﺑﺎﺕ ﺭﺧﺼﺘﯽ ﮐﻮ ﺗﻮ ﻣﺠﮭﮯ ﺍﺱ ﺳﮯ ﮐﻮﺋﯽ ﻓﺮﻕ ﻧﮩﯿﮟ ﭘﮍﻧﮯ ﻭﺍﻻ۔۔ ﺗﻢ ﻧﮯ ﺟﺲ ﻃﺮﺡ ﻗﯿﻮﻡ ﺍﻭﺭ ﻣﮩﻮﺵ ﮐﻮ ﺍﭘﻨﮯ ﺳﺎﺗﮫ ﻣﻼ ﮐﺮ ﯾﮧ ﺳﺎﺭﺍ ﮈﺭﺍﻣﮧ ﺍﺳﭩﯿﺞ ﮐﯿﺎ ﮨﮯ، ﻣﯿﺮﮮ ﺩﻝ ﻣﯿﮟ ﺗﻤﮩﺎﺭﮮ ﻟﯿﮯ ﺟﻮ ﺗﮭﻮﮌﯼ ﺑﮩﺖ ﻋﺰﺕ ﺍﻓﺰﺍﺋﯽ ﺗﮭﯽ ﻭﮦ ﺑﮭﯽ ﺧﺘﻢ ﮨﻮ ﮔﺌﯽ ﮨﮯ۔۔ ﺗﻤﮩﺎﺭﮮ ﻧﺰﺩﯾﮏ ﺭﺧﺼﺘﯽ ﮐﯽ ﺑﺎﺕ ﮐﻮﺋﯽ ﺍﮨﻤﯿﺖ ﺭﮐﮭﺘﯽ ﮨﻮ ﻣﮕﺮ ﻣﯿﺮﮮ ﻟﯿﮯ ﺗﻢ ﮐﻞ ﺑﮭﯽ ﮐﭽﮫ ﻧﮩﯿﮟ ﺗﮭﯽ ، ﺍٓﺝ ﺑﮭﯽ ﮐﭽﮫ ﻧﮩﯿﮟ ﮨﻮ ، ﻧﮧ ﮨﯽ ﮐﻞ ﮐﭽﮫ ﮨﻮ ﮔﯽ۔۔ ‘‘ ﺗﻠﺨﯽ ﺳﮯ ﮐﮩﮧ ﮐﺮ ﻭﮦ ﺍُﭨﮫ ﮐﮭﮍﮮ ﮨﻮﺋﮯ ﺗﮭﮯ۔ ﻋﯿﺸﮧ ﺟﯿﺴﮯ ﭘﺘﮭﺮ ﺍ ﮔﺌﯽ ﺗﮭﯽ ، ﮐﯿﺎ ﻣﺤﺒﺖ ﮐﺮﻧﺎ ﻭﺍﻗﻌﯽ ﺟﺮﻡ ﮨﮯ۔۔ ﮐﯿﺎ ﺍﺱ ﻧﮯ ﺷﮩﺒﺎﺯ ﺣﯿﺪﺭ ﺳﮯ ﻣﺤﺒﺖ ﮐﺮ ﮐﮯ ﻭﺍﻗﻌﯽ ﮐﻮﺋﯽ ﺟﺮﻡ ﮐﯿﺎ ﺗﮭﺎ ۔ ﻭﮦ ﺑﺎﻟﮑﻞ ﺳﺎﮐﺖ ﺗﮭﯽ۔
ﺟﺎﺭﯼ ھے