No Download Link
Rate this Novel
Episode 6
ﺩﻝ ﺳﮯ ﮨﺎﺭﮮ ﮨﯿﮟ
تحریر سمیرا شریف طور
ﭘﺎﺭﭦ 6
ﺍﮎ ﭘﺎﮐﯿﺰﮦ ﻣﺤﺒﺖ ﮐﮯ ﻃﻠﺒﮕﺎﺭ ﺗﮭﮯ ﮨﻢ
ﺍٓﺯﻣﺎ ﮐﮯ ﺩﯾﮑﮭﺘﮯ ﺑﮩﺖ ﻭﻓﺎﺩﺍﺭ ﺗﮭﮯ ﮨﻢ
ﮨﻢ ﻧﮯ ﺑﮭﯽ ﺩﺍﻣﻦ ﻣﯿﮟ ﺧﻮﺷﯿﻮﮞ ﮐﻮ ﺳﻤﯿﭩﻨﺎ ﭼﺎﮨﺎ
ﺷﺎﯾﺪ ﺍﺳﯽ ﺧﻮﺍﮨﺶ ﮐﮯ ﮔﻨﮩﮕﺎﺭ ﺗﮭﮯ ﮨﻢ
ﻣﺤﺴﻦ ﺟﺎﻭﯾﺪ ﮐﮯ ﻭﺍﻟﺪﯾﻦ ﻧﮯ ﻓﻮﻥ ﮐﺮ ﮐﮯ ﺍﺱ ﺭﺷﺘﮯ ﺳﮯ ﻣﻌﺬﺭﺕ ﮐﺮ ﻟﯽ ﺗﮭﯽ،ﺑﺎﺕ ﮨﯽ ﺍﯾﺴﯽ ﺗﮭﯽ ﮐﮧ ﮐﺘﻨﮯ ﺩﻥ ﺗﮏ ﮔﮭﺮ ﻭﺍﻟﮯ ﺍﻓﺴﺮﺩﮦ ﺭﮨﮯ ﺗﮭﮯ ، ﭼﻨﺪ ﺩﻥ ﺯﻭﺭ ﻭ ﺷﻮﺭ ﺳﮯ ﺍﺱ ﻣﻮﺿﻮﻉ ﭘﺮ ﺗﺒﺼﺮﮮ ﺑﮭﯽ ﮨﻮﺋﮯ ﻣﮕﺮ ﭘﮭﺮ ﺭﻓﺘﮧ ﺭﻓﺘﮧ ﺳﺐ ﺑﮭﻮﻝ ﮔﺌﮯ ، ﮐﭽﮫ ﺩﻥ ﻣﺰﯾﺪ ﺳﺮ ﮐﮯ ﺗﻮ ﺗﺎﺋﯽ ﺟﺎﻥ ﮐﻮ ﺍﺏ ﺍُﭨﮭﺘﮯ ﺑﯿﭩﮭﺘﮯ ﻋﯿﺸﮧ ﮐﮯ ﺭﺷﺘﮯ ﮐﯽ ﻓﮑﺮ ﺳﺘﺎﻧﮯ ﻟﮕﯽ ۔۔ ﻭﮦ ﮐﻮﺋﯽ ﮐﻢ ﻋﻘﻞ ، ﮐﻢ ﺻﻮﺭﺕ ﺟﺎﮨﻞ ﻟﮍﮐﯽ ﻧﮧ ﺗﮭﯽ ﮐﮧ ﺭﺷﺘﮯ ﻣﯿﮟ ﭘﺮﯾﺸﺎﻧﯽ ﮨﻮﺗﯽ ، ﻣﮕﺮ ﻣﺤﺴﻦ ﺟﺎﻭﯾﺪ ﮐﯽ ﻓﯿﻤﻠﯽ ﮐﮯ ﺍﻧﮑﺎﺭ ﮐﮯ ﺑﻌﺪ ﻭﮦ ﺧﻮﺍ ﻣﺨﻮﺍﮦ ﮨﯽ ﺍﻟﭩﺎ ﺳﯿﺪﮬﺎ ﺳﻮﭼﻨﮯ ﻟﮕﯽ ﺗﮭﯿﮟ۔ ﺍﻧﮩﻮﮞ ﻧﮯ ﮐﺌﯽ ﻟﻮﮔﻮﮞ ﺳﮯ ﻋﯿﺸﮧ ﮐﮯ ﺭﺷﺘﮯ ﮐﺎ ﮐﮩﮧ ﺭﮐﮭﺎ ﺗﮭﺎ۔ ﻋﯿﺸﮧ ﺳﺐ ﺩﯾﮑﮫ ﺭﮨﯽ ﺗﮭﯽ ﻣﮕﺮ ﺧﺎﻣﻮﺵ ﺗﮭﯽ ، ﺍﺱ ﻧﮯ ﺳﻮﭺ ﻟﯿﺎ ﺗﮭﺎ ﮐﮧ ﮐﭽﮫ ﺑﮭﯽ ﮨﻮ ﻭﮦ ﺷﮩﺒﺎﺯ ﺣﯿﺪﺭ ﮐﮯ ﻋﻼﻭﮦ ﮐﺴﯽ ﺍﻭﺭ ﮐﯽ ﺯﻧﺪﮔﯽ ﻣﯿﮟ ﺩﺍﺧﻞ ﻧﮩﯿﮟ ﮨﻮ ﮔﯽ، ﺍﺱ ﮐﮯ ﭘﺎﺱ ﺍﻧﮑﺎﺭ ﮐﺎ ﺑﮩﺖ ﺍﭼﮭﺎ ﺟﻮﺍﺯ ﻓﻮﺯﺍﻥ ﮐﯽ ﺻﻮﺭﺕ ﻣﯿﮟ ﻣﻮﺟﻮﺩ ﺗﮭﺎ ، ﺳﻮ ﻭﮦ ﻣﻄﻤﺌﻦ ﺗﮭﯽ۔ ﺍﺱ ﺩﻥ ﺑﮭﯽ ﻭﮦ ﯾﻮﻧﯿﻮﺭﺳﭩﯽ ﺳﮯ ﻭﺍﭘﺲ ﻟﻮﭨﯽ ﺗﻮ ﻣﮩﻮﺵ ﻧﮯ ﺍﺳﮯ ﺍﭼﮭﯽ ﻃﺮﺡ ﮈﺭﯾﺲ ﺍﭖ ﮨﻮ ﮐﺮ ﮈﺍﺋﻨﮓ ﺭﻭﻡ ﻣﯿﮟ ﭼﻠﻨﮯ ﮐﺎ ﮐﮩﺎ ﺗﮭﺎ ، ﻭﮦ ﺗﮭﮑﯽ ﮨﺎﺭﯼ ﻟﻮﭨﯽ ﺗﮭﯽ ، ﮐﺌﯽ ﺩﻥ ﺳﮯ ﺍﺱ ﻧﺌﮯ ﺭﺷﺘﮯ ﮐﮯ ﻣﺘﻌﻠﻖ ﺳﻦ ﺭﮨﯽ ﺗﮭﯽ ، ﺍﺏ ﺳﺎﻣﻨﮯ ﯾﮧ ﻣﺼﯿﺒﺖ ﺩﯾﮑﮫ ﮐﺮ ﺍﺱ ﮐﮯ ﺍﻋﺼﺎﺏ ﭘﺮ ﻣﻨﻮﮞ ﺑﻮﺟﮫ ﺍٓ ﭘﮍﺍ ۔
’’ ﻣﮩﻮﺵ ﭼﭽﯽ۔۔ ﺿﺮﻭﺭﯼ ﮨﮯ ﮐﯿﺎ۔۔؟؟ ‘‘ ﺍﺱ ﮐﮯ ﻣﻨﮧ ﺑﻨﺎﻧﮯ ﭘﺮ ﻭﮦ ﮨﻨﺴﯿﮟ۔
’’ ﮨﺎﮞ ﺑﮩﺖ ﺯﯾﺎﺩﮦ۔۔ ﺩﻭ ﮔﮭﻨﭩﮯ ﺳﮯ ﻭﮦ ﻟﻮﮒ ﺍٓﺋﮯ ﺑﯿﭩﮭﮯ ﮨﯿﮟ، ﭼﺎﺋﮯ ، ﻭﻏﯿﺮﮦ ﺳﮯ ﻓﺎﺭﻍ ﮨﻮ ﭼﮑﮯ ﮨﯿﮟ۔۔ ﺑﺲ ﺗﻢ ﭼﯿﻨﺞ ﮐﺮ ﮐﮯ ﻓﻮﺭﺍً ﺍﻧﺪﺭ ﺍٓﺋﻮ۔۔ ‘‘ ﺍﺱ ﮐﮯ ﺭﺧﺴﺎﺭ ﭘﺮ ﭼﭩﮑﯽ ﺑﮭﺮ ﮐﺮ ﻣﺴﮑﺮﺍ ﮐﺮ ﻭﮦ ﭼﻠﯽ ﮔﺌﯿﮟ، ﺗﻮ ﻭﮦ ﺑﮭﯽ ﻟﺐ ﺑﮭﯿﻨﭽﮯ ﮐﮭﮍﯼ ﺭﮨﯽ۔ ﭘﮭﺮ ﺑﺠﺎﺋﮯ ﮐﭙﮍﮮ ﺑﺪﻟﻨﮯ ﮐﮯ ﻭﮦ ﺍﻧﺪﺭ ﭼﻠﯽ ﺍٓﺋﯽ۔ ﻣﻮﮈ ﺍٓﻑ ﺗﮭﺎ ، ﺳﻮ ﺍﺳﯽ ﺍﻧﺪﺍﺯ ﻣﯿﮟ ﺳﻼﻡ ﮐﯿﺎ۔ ﺩﻭ ﻋﻮﺭﺗﯿﮟ ﺍﯾﮏ ﻟﮍﮐﯽ ﺍﻭﺭ ﺩﻭ ﻣﺮﺩ ﺗﮭﮯ۔ ﻟﮍﮐﯽ ﺍﺱ ﺳﮯ ﻣﺨﺘﻠﻒ ﺳﻮﺍﻝ ﮐﺮﺗﯽ ﺭﮨﯽ، ﺟﻨﮩﯿﮟ ﻭﮦ ﺍٓﻑ ﻣﻮﮈ ﮐﮯ ﺳﺎﺗﮫ ﺟﻮﺍﺏ ﺩﯾﺘﯽ ﺭﮨﯽ۔ ﭘﮭﺮ ﺟﯿﺴﮯ ﮨﯽ ﺍﺱ ﮐﯽ ﺟﺎﻥ ﭼﮭﻮﭨﯽ ﻭﮦ ﺍﭘﻨﮯ ﮐﻤﺮﮮ ﻣﯿﮟ ﺑﮭﺎﮔﯽ ۔ ﻭﺍﺟﺪ ﺻﺎﺣﺐ ﻧﮯ ﺍﭘﻨﯽ ﺳﺎﺭﯼ ﺫﻣﮧ ﺩﺍﺭﯼ ﺍﭘﻨﮯ ﻭﺍﻟﺪﯾﻦ ﭘﺮ ﭼﮭﻮﮌ ﺭﮐﮭﯽ ﺗﮭﯽ ، ﻋﯿﺸﮧ ﮐﮯ ﺍﻧﺪﺭ ﺩﺍﺩﯼ ، ﺩﺍﺩﺍ ﮐﮯ ﺳﺎﻣﻨﮯ ﺍﻧﮑﺎﺭ ﮐﺮﻧﮯ ﮐﯽ ﮨﻤﺖ ﻧﮩﯿﮟ ﺗﮭﯽ، ﺍﻭﭘﺮ ﺳﮯ ﺷﮩﺒﺎﺯ ﺣﯿﺪﺭ ﮐﮯ ﺭﻭّﯾﮯ۔۔ ﺟﺐ ﻭﮦ ﺍﺳﮯ ﺑﺮﯼ ﻃﺮﺡ ﻧﻈﺮ ﺍﻧﺪﺍﺯ ﮐﺮﺗﮯ ﺗﻮ ﺍﺱ ﮐﺎ ﺩﻝ ﻟﮩﻮﻟﮩﺎﮞ ﮨﻮﻧﮯ ﻟﮕﺘﺎ ﺗﮭﺎ ، ﮐﻮﺋﯽ ﺭﺍﺯ ﺩﺍﮞ ﻧﮧ ﺗﮭﺎ ، ﺟﺲ ﺳﮯ ﻭﮦ ﮐﮩﮧ ﺳﻦ ﮐﺮ ﺩﻝ ﮐﺎ ﺑﻮﺟﮫ ﮨﻠﮑﺎ ﮐﺮ ﻟﯿﺘﯽ۔۔ ﺍﻭﺭ ﺟﻮ ﺑﺎﺧﺒﺮ ﺗﮭﺎ ﻭﮦ ﺍﯾﮏ ﻧﻈﺮ ﮈﺍﻟﻨﺎ ﺑﮭﯽ ﮔﻮﺍﺭﮦ ﻧﮧ ﮐﺮﺗﺎ ﺗﮭﺎ ۔ ﺍﺩﮬﺮ ﺳﮯ ﯾﮧ ﻟﻮﮒ ﺑﮭﯽ ﺟﺎ ﮐﺮ ﻟﮍﮐﺎ ﺩﯾﮑﮫ ﺍٓﺋﮯ ﺗﮭﮯ، ﻟﮍﮐﺎ ﺑﯿﻨﮏ ﻣﯿﻨﺠﺮ ﺗﮭﺎ ۔۔ ﺧﺎﻧﺪﺍﻥ ﺑﮭﯽ ﺑﮩﺖ ﭘﺴﻨﺪ ﺍٓﯾﺎ ۔۔ ﭼﻮﻧﮑﮧ ﺑﺎﻟﮑﻞ ﺍﻧﺠﺎﻥ ﺍﻭﺭ ﻏﯿﺮ ﻟﻮﮒ ﺗﮭﮯ، ﺳﻮ ﻋﺒﺪﺍﻟﻠﮧ ﺻﺎﺣﺐ ﮐﻮﺋﯽ ﺑﮭﯽ ﺣﺘﻤﯽ ﻓﯿﺼﻠﮧ ﮐﺮﻧﮯ ﺳﮯ ﭘﮩﻠﮯ ﺧﻮﺏ ﭼﮭﺎﻥ ﭘﮭﭩﮏ ﮐﺮﻭﺍ ﻟﯿﻨﮯ ﮐﮯ ﺣﻖ ﻣﯿﮟ ﺗﮭﮯ، ﺍﻧﮩﻮﮞ ﻧﮯ ﺟﺎﻧﭻ ﭘﮍﺗﺎﻝ ﮐﯽ ﺫﻣﮧ ﺩﺍﺭﯼ ﺷﮩﺒﺎﺯ ﺣﯿﺪﺭ ﮐﮯ ﺳﭙﺮﺩ ﮐﯽ ﺗﮭﯽ ، ﻋﯿﺸﮧ ﮐﻮ ﻋﻠﻢ ﮨﻮﺍ ﺗﻮ ﮐﻠﺲ ﮐﺮ ﺭﮦ ﮔﺌﯽ۔
ﻣﺤﺴﻦ ﺟﺎﻭﯾﺪ ﮐﻮ ﺍﺱ ﻧﮯ ﮐﺴﯽ ﻃﺮﺡ ﺍﻧﮑﺎﺭ ﭘﺮ ﺍٓﻣﺎﺩﮦ ﮐﺮ ﻟﯿﺎ ﺗﮭﺎ ﻣﮕﺮ ﺍﺏ ﮐﯿﺎ ﮐﺮﮮ۔۔ ﺍﺳﮯ ﮐﻮﺋﯽ ﺭﺍﮦ ﺳﺠﮭﺎﺋﯽ ﻧﮧ ﺩﮮ ﺭﮨﯽ ﺗﮭﯽ۔ ﺭﺍﺕ ﻓﻮﺯﺍﻥ ﺷﮩﺒﺎﺯ ﺣﯿﺪﺭ ﮐﮯ ﭘﺎﺱ ﺗﮭﺎ، ﮐﮭﺎﻧﮯ ﮐﮯ ﺑﻌﺪ ﻭﮦ ﺍﺳﮯ ﺍﻭﭘﺮ ﻟﮯ ﮔﺌﮯ ﺗﮭﮯ ، ﻋﯿﺸﮧ ﮐﺎ ﺧﯿﺎﻝ ﺗﮭﺎ ﮐﮧ ﻭﮦ ﺧﻮﺩ ﮨﯽ ﭼﮭﻮﮌ ﺟﺎﺋﯿﮟ ﮔﮯ، ﺍﺏ ﻭﮦ ﺍﺳﮯ ﺭﺍﺕ ﮐﻮ ﺍﭘﻨﮯ ﭘﺎﺱ ﺳﻼﻧﮯ ﮐﯽ ﻏﻠﻄﯽ ﻧﮩﯿﮟ ﮐﺮﺗﮯ ﺗﮭﮯ ﻣﮕﺮ ﺍٓﺝ ﺭﺍﺕ ﮔﯿﺎﺭﮦ ﺑﺠﮯ ﺗﮏ ﻭﮦ ﺍﺳﮯ ﭼﮭﻮﮌﻧﮯ ﻧﮧ ﺍٓﺋﮯ ﺗﻮ ﻭﮦ ﺍﻟﺠﮫ ﮔﺌﯽ۔ ﻧﯿﭽﮯ ﺑﮭﯽ ﺍﯾﮏ ﺍﯾﮏ ﮐﺮ ﮐﮯ ﺳﺐ ﺳﻮ ﮔﺌﮯ ﺗﮭﮯ، ﺍﻭﭘﺮ ﻭﺍﻟﮯ ﭘﻮﺭﺷﻦ ﻣﯿﮟ ﺑﮭﯽ ﺑﺎﻟﮑﻞ ﺍﻧﺪﮬﯿﺮﺍ ﺍﻭﺭ ﺧﺎﻣﻮﺷﯽ ﺗﮭﯽ ، ﻋﯿﺸﮧ ﻧﮯ ﻓﻮﺯﺍﻥ ﮐﮯ ﺍﻧﺘﻈﺎﺭ ﺳﮯ ﺍﮐﺘﺎ ﮐﺮ ﺳﻮ ﺟﺎﻧﺎ ﭼﺎﮨﺎ ﺗﻮ ﻧﯿﻨﺪ ﮐﻮﺳﻮﮞ ﺩﻭﺭ ﺗﮭﯽ ، ﺍﺳﮯ ﺭﮦ ﺭﮦ ﮐﺮ ﺷﮩﺒﺎﺯ ﺣﯿﺪﺭ ﭘﺮ ﻏﺼﮧ ﺍٓﻧﮯ ﻟﮕﺎ ، ﻧﺠﺎﻧﮯ ﻭﮦ ﮐﯿﺎ ﭼﺎﮨﺘﮯ ﺗﮭﮯ ۔ ﺍﯾﮏ ﺩﻡ ﮐﺴﯽ ﺧﯿﺎﻝ ﺳﮯ ﭼﻮﻧﮏ ﮐﺮ ﮐﭽﮫ ﺩﯾﺮ ﺳﻮﭼﻨﮯ ﮐﮯ ﺑﻌﺪ ﻭﮦ ﮐﻤﺮﮮ ﺳﮯ ﻧﮑﻞ ﮔﺌﯽ۔
ﺳﯿﮍﮬﯿﺎﮞ ﭼﮍﮪ ﮐﺮ ﺍﻭﭘﺮ ﭼﻠﯽ ﺍٓﺋﯽ۔ ﺷﮩﺒﺎﺯ ﺣﯿﺪﺭ ﮐﮯ ﮐﻤﺮﮮ ﮐﮯ ﺩﺭﻭﺍﺯﮮ ﭘﺮ ﺩﺳﺘﮏ ﺩﯾﺘﮯ ﮨﻮﺋﮯ ﻭﮦ ﮐﭽﮫ ﺧﻮﻓﺰﺩﮦ ﺗﮭﯽ ﺩﺭﻭﺍﺯﮦ ﮐﮭﻼ ﺗﮭﺎ ، ﺍﺱ ﮐﮯ ﮨﺎﺗﮫ ﻟﮕﺎﻧﮯ ﺳﮯ ﮐﮭﻠﺘﺎ ﭼﻼ ﮔﯿﺎ۔
’’ ﮐﻮﻥ۔۔؟ ‘‘ ﻭﮦ ﺳﺎﺋﯿﮉ ﭘﺮ ﺗﮭﯽ ، ﻭﺭﻧﮧ ﺷﮩﺒﺎﺯ ﺣﯿﺪﺭ ﮐﯽ ﻧﮕﺎﮦ ﺿﺮﻭﺭ ﭘﮍﺗﯽ۔ ﻋﯿﺸﮧ ﮐﯽ ﻃﺮﻑ ﺳﮯ ﺑﺎﻟﮑﻞ ﺧﺎﻣﻮﺷﯽ ﺗﮭﯽ ﺷﮩﺒﺎﺯ ﺣﯿﺪﺭ ﺍُﭨﮫ ﮐﺮ ﺩﺭﻭﺍﺯﮮ ﮐﮯ ﻗﺮﯾﺐ ﭼﻠﮯ ﺍٓﺋﮯ ﺍﺳﮯ ﺩﯾﮑﮫ ﮐﺮ ﭼﻮﻧﮑﮯ ، ﭘﮭﺮ ﺣﯿﺮﺍﻥ ﮨﻮﺋﮯ۔
’’ ﺗﻢ ۔۔ ﺍﺱ ﻭﻗﺖ ۔۔؟ ‘‘ ﻧﮧ ﭼﺎﮨﺘﮯ ﮨﻮﺋﮯ ﺑﮭﯽ ﺍﻥ ﮐﺎ ﻟﮩﺠﮧ ﺗﻠﺦ ﮨﻮ ﮔﯿﺎ۔
’’ ﻭﮦ ﻓﻮﺯﯼ۔۔ ‘‘ ﻣﻠﮕﺠﮯ ﺍﻧﺪﮬﯿﺮﮮ ﻣﯿﮟ ﺍﭘﻨﮯ ﺳﺎﻣﻨﮯ ﺷﮩﺒﺎﺯ ﺣﯿﺪﺭ ﮐﮯ ﺗﻮﺍﻧﺎ ﻭﺟﻮﺩ ﮐﻮ ﺩﯾﮑﮫ ﮐﺮ ﻭﮦ ﭘﮭﺮ ﮨﻤﺖ ﮨﺎﺭ ﮔﺌﯽ۔ ’’ ﻭﮦ ﺳﻮ ﮔﯿﺎ۔۔ ‘‘ ﺳﺨﺖ ﻟﮩﺠﮯ ﭘﺮ ﻋﯿﺸﮧ ﻧﮯ ﻧﻈﺮﯾﮟ ﺍُﭨﮫ ﮐﺮ ﺍﻧﮩﯿﮟ ﺩﯾﮑﮭﺎ۔ ﮐﮭﺎ ﺟﺎﻧﮯ ﻭﺍﻟﯽ ﻧﻈﺮﻭﮞ ﺳﮯ ﮔﮭﻮﺭﺍ ﺟﺎ ﺭﮨﺎ ﺗﮭﺎ ﻭﮦ ﻓﻮﺭﺍً ﺳﺮ ﺟﮭﮑﺎ ﮔﺌﯽ۔
’’ ﻭﮦ ۔ ﻭﮦ ﻣﺠﮭﮯ ﺍٓﭖ ﺳﮯ ۔۔ ‘‘ ﺍﻧﮕﻠﯿﺎﮞ ﭼﭩﺨﺎﺋﮯ ﺍٓ ﺗﻮ ﮔﺌﯽ ﺗﮭﯽ ﻣﮕﺮ ﺍﺏ ﺳﺎﺭﯼ ﮨﻤﺖ ﭘﺎﻧﯽ ﮐﺎ ﺑﻠﺒﻠﮧ ﺛﺎﺑﺖ ﮨﻮ ﺭﮨﯽ ﺗﮭﯽ ۔
’’ ﺍٓﭖ ﺩﺍﺩﺍ ﺟﺎﻥ ﮐﻮ ﻣﻨﻊ ﮐﺮ ﺩﯾﮟ ، ﻣﺠﮭﮯ ﺷﺎﺩﯼ ﻧﮩﯿﮟ ﮐﺮﻧﯽ ۔۔ ﻣﺠﮭﮯ ﯾﮧ ﺭﺷﺘﮧ ﭘﺴﻨﺪ ﻧﮩﯿﮟ۔۔ ‘‘ ﮨﻤﺖ ﮐﺮ ﮐﮯ ﮐﮩﮧ ﺩﯾﺎ ، ﺷﮩﺒﺎﺯ ﺣﯿﺪﺭ ﮐﺎ ﺩﻣﺎﻍ ﺑﮭﻨﺎ ﺍُﭨﮭﺎ۔
’’ ﺗﻤﮩﺎﺭﺍ ﺩﻣﺎﻍ ﺗﻮ ﭨﮭﯿﮏ ﮨﮯ۔۔ ﺭﺍﺕ ﮐﮯ ﺍﺱ ﭘﮩﺮ ﺗﻢ ﻣﺠﮭﮯ ﯾﮧ ﺑﺘﺎﻧﮯ ﺍٓﺋﯽ ﮨﻮ۔۔ ‘‘ ﺍﻧﮩﻮﮞ ﻧﮯ ﺍﭘﻨﮯ ﻏﺼﮯ ﮐﻮ ﺑﻤﺸﮑﻞ ﮐﻨﭩﺮﻭﻝ ﮐﺮﺗﮯ ﭼﺒﺎ ﭼﺒﺎ ﮐﺮ ﮐﮩﺎ ﺗﮭﺎ ، ﻭﮦ ﺳﺮ ﺟﮭﮑﺎ ﮔﺌﯽ۔
’’ ﺍٓﭖ۔ ‘‘
’’ ﺑﮑﻮﺍﺱ ﺑﻨﺪ ﮐﺮﻭ۔۔ ﺟﺎﺋﻮ ﺍٓﺭﺍﻡ ﺳﮯ ﺟﺎ ﮐﺮ ﺳﻮ ﺟﺎﺋﻮ۔ ﻓﻮﺯﺍﻥ ﺳﻮ ﯾﺎ ﮨﻮﺍ ﮨﮯ۔۔ ﺍﮔﺮ ﺭﺍﺕ ﮐﻮ ﺗﻨﮓ ﮐﯿﺎ ﺗﻮ ﺗﻤﮩﺎﺭﮮ ﭘﺎﺱ ﭼﮭﻮﮌ ﺍٓﺋﻮﮞ ﮔﺎ۔۔ ‘‘ ﺍﭘﻨﮯ ﻏﺼﮯ ﭘﺮ ﺑﻤﺸﮑﻞ ﮐﻨﭩﺮﻭﻝ ﮐﺮﺗﮯ ﺍﻧﮩﻮﮞ ﻧﮯ ﮐﮩﺎ ۔ ﺍﻭﺭ ﺟﮩﺎﮞ ﺗﮏ ﺍﺱ ﺭﺷﺘﮯ ﮐﯽ ﺑﺎﺕ ﮨﮯ ﻣﯿﮟ ﺍﻧﮑﺎﺭ ﻧﮩﯿﮞﮑﺮﻭﮞ ﮔﺎ ، ﺗﻢ ﺍﮔﺮ ﺧﻮﺩ ﮐﺮﻧﺎ ﭼﺎﮨﺘﯽ ﮨﻮ ﺗﻮ ﺗﺎﯾﺎ ﺍﺑﻮ ﺳﮯ ﺑﺎﺕ ﮐﺮﻭ، ﻣﯿﮟ ﺍﺱ ﺳﻠﺴﻠﮯ ﻣﯿﮟ ﮐﭽﮫ ﻧﮩﯿﮟ ﮐﺮ ﺳﮑﺘﺎ ۔۔ ‘‘ ﺗﻠﺨﯽ ﺳﮯ ﺑﺎﻭﺭ ﮐﺮﻭﺍ ﮐﺮ ﺍﻧﮩﻮﮞ ﻧﮯ ﺩﺭﻭﺍﺯﮦ ﺑﻨﺪ ﮐﺮﻧﺎ ﭼﺎﮨﺎ ﺗﻮ ﻋﯿﺸﮧ ﻧﮯ ﺗﯿﺰﯼ ﺳﮯ ﺍﭘﻨﺎ ﮨﺎﺗﮫ ﺩﺭﻭﺍﺯﮮ ﮐﮯ ﮨﯿﻨﮉﻝ ﭘﺮ ﺭﮐﮫ ﮐﺮ ﺍﻥ ﮐﯽ ﮐﻮﺷﺶ ﻧﺎﮐﺎﻡ ﺑﻨﺎ ﺩﯼ ﺗﮭﯽ۔
’’ ﺍٓﭖ ﭘﻠﯿﺰ ﻣﯿﺮﯼ ﺑﺎﺕ ﺗﻮ ﺳﻦ ﻟﯿﮟ۔۔ ‘‘ ﻋﯿﺸﮧ ﮐﺎ ﺟﯽ ﭼﺎﮨﺎ ﮐﮧ ﭘﮭُﻮﭦ ﭘﮭُﻮﭦ ﮐﺮ ﺭﻭ ﺩﮮ ، ﯾﻮﮞ ﺩﮬﺘﮑﺎﺭﮮ ﺟﺎﻧﮯ ﭘﺮ ﺩﻝ ﻣﭽﻞ ﺍُﭨﮭﺎ۔ ﺍﻧﺠﺎﻡ ﮐﯽ ﭘﺮﻭﺍ ﮐﯿﮯ ﺑﻐﯿﺮﺗﯿﺰﯼ ﺳﮯ ﮐﮩﺎ۔
’’ ﻋﯿﺸﮧ ۔۔ ‘‘ ﺷﮩﺒﺎﺯ ﺣﯿﺪﺭ ﺩﮬﯿﻤﯽ ﺍٓﻭﺍﺯ ﻣﯿﮟ ﭘﮭﻨﮑﺎﺭﮮ ۔ ﺳﺎﺗﮫ ﻭﺍﻻ ﮐﻤﺮﮦ ﻗﯿﻮﻡ ﺍﻭﺭ ﻣﮩﻮﺵ ﮐﺎ ﺗﮭﺎ ، ﺍﮔﺮ ﺭﺍﺕ ﮐﮯ ﺍﺱ ﭘﮩﺮﺍﻥ ﻣﯿﮟ ﺳﮯ ﮐﻮﺋﯽ ﺑﺎﮨﺮ ﻧﮑﻞ ﺍٓﺗﺎ ﺗﻮ ﺍﻧﮩﯿﮟ ﮐﺘﻨﯽ ﺳﺒﮑﯽ ﮐﺎ ﺳﺎﻣﻨﺎ ﮐﺮﻧﺎ ﭘﮍﺗﺎ ، ﻣﮕﺮ ﯾﮧ ﻟﮍﮐﯽ ﺍﻥ ﻧﺰﺍﮐﺘﻮﮞ ﮐﻮ ﻧﮩﯿﮟ ﺳﻤﺠﮫ ﭘﺎ ﺭﮨﯽ ﺗﮭﯽ ، ﮐﺴﯽ ﭼﯿﺰ ﮐﯽ ﭘﺮﻭﺍ ﮨﯽ ﻧﮧ ﺗﮭﯽ۔
’’ ﺍٓﭖ ﯾﻮﮞ ﭼﯿﺦ ﮐﺮ ﻣﯿﺮﯼ ﺯﺑﺎﻥ ﺭﻭﮎ ﻧﮩﯿﮟ ﺳﮑﺘﮯ ، ﯾﻮﮞ ﺩﮬﺘﮑﺎﺭ ﮐﺮ ﻣﯿﺮﮮ ﺍﻧﺪﺭ ﻣﻮﺟﺰﻥ ﺟﺬﺑﻮﮞ ﮐﻮ ﻧﻮﭺ ﻧﮩﯿﮟ ﺳﮑﺘﮯ۔۔ ﮐﯿﺎ ﻣﺎﻧﮓ ﺭﮨﯽ ﮨﻮﮞ ﻣﯿﮟ ﺍٓﭖ ﺳﮯ ۔۔ ﺍٓﭖ ﮐﺎ ﻋﻤﺮ ﺑﮭﺮ ﮐﺎ ﺳﺎﺗﮫ ﺗﻮ ﻧﮩﯿﮟ ﻣﺎﻧﮓ ﺭﮨﯽ ﺍﻭﺭ ﻧﮧ ﺍٓﭖ ﮐﻮ ﺷﺎﺩﯼ ﮐﯽ ﺍٓﻓﺮ ﮐﺮ ﺭﮨﯽ ﮨﻮﮞ۔۔ ﺟﻮ ﺍﺱ ﻃﺮﺡ ﻃﯿﺶ ﺳﮯ ﻣﺠﮭﮯ ﺩﺭﻭﺍﺯﮮ ﺳﮯ ﮨﯽ ﺩﮬﺘﮑﺎﺭ ﺭﮨﮯ ﮨﯿﮟ۔۔ ‘‘ ﺷﮩﺒﺎﺯ ﺣﯿﺪﺭ ﺟﺘﻨﯽ ﺩﮬﯿﻤﯽ ﺍٓﻭﺍﺯ ﻣﯿﮟ ﭘﮭﻨﮑﺎﺭﺍ ﺗﮭﺎ ، ﻭﮦ ﺍﺗﻨﯽ ﮨﯽ ﺗﯿﺰﯼ ﺳﮯ ﭼﯿﺨﺘﯽ ﺗﮭﯽ۔ ﺷﮩﺒﺎﺯ ﮐﺎ ﺩﻣﺎﻍ ﮔﮭﻮﻣﺎ ﺗﮭﺎ ، ﺍﯾﮏ ﺩﻡ ﺍﺱ ﮐﺎ ﺑﺎﺯﻭ ﺩﺑﻮﭺ ﮐﺮ ﺍﻧﺪﺭ ﮔﮭﺴﯿﭧ ﻟﯿﺎ۔
’’ ﺗﻢ ﻣﯿﮟ ﺷﺮﻡ ﻧﺎﻡ ﮐﯽ ﮐﻮﺋﯽ ﭼﯿﺰ ﻧﮩﯿﮟ ﮨﮯ۔۔ ﻣﯿﮟ ﺳﻮﭺ ﺑﮭﯽ ﻧﮩﯿﮟ ﺳﮑﺘﺎ ﺗﮭﺎ ﮐﮧ ﺗﻢ ﺍﺗﻨﯽ ﮔﮭﭩﯿﺎ ﺣﺮﮐﺖ ﭘﺮ ﺍُﺗﺮ ﺍٓﺋﻮ ﮔﯽ۔۔ ‘‘ ﺍﺳﮯ ﺩﯾﻮﺍﺭ ﮐﮯ ﺳﺎﺗﮫ ﺩﮬﮑﺎ ﺩﮮ ﮐﺮ ﻭﮦ ﮐﻤﺮﮮ ﻣﯿﮟ ﺳﺨﺖ ﺍﺿﻄﺮﺍﺏ ﺳﮯ ﭨﮩﻠﻨﮯ ﻟﮕﮯ ﺗﮭﮯ ، ﻋﯿﺸﮧ ﻧﮯ ﺩﯾﻮﺍﺭ ﮐﺎ ﺳﮩﺎﺭﺍ ﻟﮯ ﮐﺮ ﺧﻮﺩ ﮐﻮ ﮔﺮﻧﮯ ﺳﮯ ﺑﭽﺎﯾﺎ۔
’’ ﯾﮧ ﻣﯿﺮﯼ ﺯﻧﺪﮔﯽ ﮐﺎ ﻣﻌﺎﻣﻠﮧ ﮨﮯ ۔۔ ﺍٓﭖ ﮐﻮﻥ ﮨﻮﺗﮯ ﮨﯿﮟ ﻣﺠﮭﮯ ﻣﺠﺒﻮﺭ ﮐﺮﻧﮯ ﻭﺍﻟﮯ۔۔ ﻧﮩﯿﮟ ﮐﺮﻧﯽ ﻣﺠﮭﮯ ﮐﺴﯽ ﺑﮭﯽ ﺍﯾﮑﺲ ﻭﺍﺋﯽ ﺯﯾﮉ ﺳﮯ ﺷﺎﺩﯼ۔۔ ‘‘ ﻭﮦ ﮨﺎﺗﮭﻮﮞ ﻣﯿﮟ ﭼﮩﺮﮦ ﭼﮭﭙﺎﺋﮯ ﺑﺮﯼ ﻃﺮﺡ ﺭﻭ ﺭﮨﯽ ﺗﮭﯽ۔ ﺍﻥ ﮐﺎ ﺩﻣﺎﻍ ﺍﻟﭩﻨﮯ ﻟﮕﺎ۔
’’ ﺗﻮ ﭨﮭﯿﮏ ﮨﮯ ۔۔ ﺗﻢ ﯾﮧ ﺍﻧﮑﺎﺭ ﺍﭘﻨﮯ ﺑﺎﭖ ﺍﻭﺭ ﺩﺍﺩﺍ ﮐﻮ ﮐﺮﻭ۔۔ ﯾﮩﺎﮞ ﮐﯿﻮﮞ ﺍٓﺋﯽ ﮨﻮ ۔۔ ‘‘ ﻭﮦ ﭘﮭﺮ ﭘﮭﻨﮑﺎﺭﮮ ﺗﮭﮯ ، ﻭﮦ ﻗﻄﻌﯽ ﻟﻮﺯ ﭨﻤﭙﺮﺍﻣﻨﭧ ﮐﮯ ﻣﺎﻟﮏ ﻧﮧ ﺗﮭﮯ ،ﻣﮕﺮ ﯾﮧ ﻟﮍﮐﯽ ﮨﺮ ﺑﺎﺭ ﺍﻧﮩﯿﮟ ﺍﺳﯽ ﻃﺮﺡ ﺟﮭﻨﺠﻮﮌ ﺭﮨﯽ ﺗﮭﯽ ﮐﮧ ﻭﮦ ﺑﻠﺒﻼ ﺍﭨﮭﺘﮯ ﺗﮭﮯ ۔ ﺍﺏ ﺑﮭﯽ ﭘﮭﻨﮑﺎﺭﮮ ﺗﮭﮯ۔ ﺯﯾﺮﻭ ﭘﺎﻭﺭ ﮐﮯ ﺑﻠﺐ ﮐﯽ ﺭﻭﺷﻨﯽ ﻣﯿﮟ ﺳﺒﺰ ﮨﻠﮑﯽ ﺭﻭﺷﻨﯽ ﻣﯿﮟ ﮐﻤﺮﮦ ﻋﺠﯿﺐ ﻣﻨﻈﺮ ﭘﯿﺶ ﮐﺮ ﺭﮨﺎ ﺗﮭﺎ ۔
’’ ﺍٓﭖ ﺍﺱ ﺭﺷﺘﮯ ﮐﯽ ﺟﺎﻧﭻ ﭘﮍﺗﺎﻝ ﮐﺮ ﺭﮨﮯ ﮨﯿﮟ۔۔ ‘‘ ﺭﻭﺗﮯ ﮨﻮﺋﮯ ﺍﺱ ﻧﮯ ﻭﺟﮧ ﺑﺘﺎﺋﯽ ، ﺗﻮ ﺷﮩﺒﺎﺯ ﺣﯿﺪﺭ ﮐﺎ ﺟﯽ ﭼﺎﮨﺎ ﮐﮧ ﺍﺱ ﺳﺮ ﭘﮭﺮﯼ ﮐﻢ ﻋﻘﻞ ﻟﮍﮐﯽ ﮐﺎ ﺳﺮ ﭘﮭﺎﮌ ﺩﮮ۔ ’’ ﺗﻮ ﮐﯿﺎ ﻓﺮﻕ ﭘﮍﺗﺎ ﮨﮯ۔۔ ‘‘ ﭘﮩﻠﮯ ﺑﮭﯽ ﺗﻮ ﺍﻧﺘﮩﺎﺋﯽ ﺩﯾﺪﮦ ﺩﻟﯿﺮﯼ ﮐﮯ ﺳﺎﺗﮫ ﺟﺎ ﮐﺮ ﻣﺤﺴﻦ ﺟﺎﻭﯾﺪ ﮐﻮ ﺍﻧﮑﺎﺭ ﮐﺮ ﺍٓﺋﯽ ﺗﮭﯽ ، ﺍﺏ ﺑﮭﯽ ﮐﻮﺋﯽ ﻧﯿﺎ ﮈﺭﺍﻣﮧ ﺭﭼﺎ ﻟﯿﻨﺎ ۔ ﻋﯿﺸﮧ ﺭﻭﻧﺎ ﺑﮭﻮﻝ ﮐﺮ ﺑﺮﯼ ﻃﺮﺡ ﺣﯿﺮﺍﻥ ﻧﻈﺮﻭﮞ ﺳﮯ ﺍﻧﮩﯿﮟ ﺩﯾﮑﮭﮯ ﮔﺌﯽ۔ ﺟﻮ ﺻﺮﻑ ﮔﮭﻮﺭ ﺭﮨﮯ ﺗﮭﮯ۔ ’’ ﺍٓﭖ۔۔ ﺍٓﭖ ﺟﺎﻧﺘﮯ ﮨﯿﮟ۔۔ ‘‘ ﺍﺱ ﺟﯽ ﺣﯿﺮﺕ ﮐﺎ ﺳﮑﺘﮧ ﭨﻮﭨﺎ۔
’’ ﻣﺤﺴﻦ ﺟﺎﻭﯾﺪ ﺳﮯ ﻣﯿﺮﯼ ﺍﭼﮭﯽ ﺧﺎﺻﯽ ﻋﻠﯿﮏ ﺳﻠﯿﮏ ﮨﮯ۔۔ ﺍﺱ ﺩﻥ ﻣﯿﮟ ﺍﺱ ﺳﮯ ﻣﻠﻨﮯ ﮔﯿﺎ ﺗﮭﺎ ، ﻣﮕﺮ ﺍﺱ ﮐﮯ ﺍٓﻓﺲ ﺳﮯ ﺍٓﺗﯽ ﺗﻤﮩﺎﺭﯼ ﺍٓﻭﺍﺯ ﺳﻦ ﮐﺮ ﭘﻠﭧ ﺍٓﯾﺎ ﺗﮭﺎ ، ﺍﻭﺭ ﺍﺳﯽ ﺭﺍﺕ ﺟﺐ ﺍﺱ ﻧﮯ ﮐﺎﻝ ﮐﯽ ﺗﮭﯽ ، ﺗﻢ ﺳﮯ ﭘﮩﻠﮯ ﻻﺋﻮﻧﺞ ﻣﯿﮟ ﺭﮐﮭﺎ ﻓﻮﻥ ﻣﯿﮟ ﺍُﭨﮭﺎ ﭼﮑﺎ ﺗﮭﺎ ۔ ﻣﺤﺴﻦ ﮐﻮ ﻣﯿﮟ ﺍﭼﮭﯽ ﻃﺮﺡ ﺟﺎﻧﺘﺎ ﮨﻮﮞ ، ﺍﺱ ﮐﯽ ﮐﺴﯽ ﺳﮯ ﮐﻤﭩﻤﻨﭧ ﻧﮩﯿﮟ ﺗﮭﯽ ، ﻭﮦ ﺻﺮﻑ ﺗﻤﮩﺎﺭﯼ ﻭﺟﮧ ﺳﮯ ﻧﮑﺎﺭ ﮐﺮ ﺭﮨﺎ ﺗﮭﺎ ، ﺍﺱ ﮐﮯ ﻭﺍﻟﺪﯾﻦ ﺍﺱ ﺳﮯ ﺟﺲ ﻗﺪﺭ ﻧﺎﺭﺍﺽ ﮨﯿﮟ، ﮐﺎﺵ ﺗﻢ ﺍﭘﻨﯽ ﺣﻤﺎﻗﺖ ﮐﺎ ﺍﻧﺪﺍﺯﮦ ﻟﮕﺎ ﺳﮑﻮ۔۔ ﺍﻭﺭﺍﺏ۔۔ ‘‘ ﻣﭩﮭﯿﺎﮞ ﺑﮭﯿﻨﭻ ﮐﺮ ﻏﺼﮯ ﺳﮯ ﺍﺳﮯ ﺩﯾﮑﮭﺘﮯ ﻭﮦ ﭼﭗ ﮨﻮ ﮔﺌﮯ ﺗﻮ ﻭﮦ ﭘﮭﺮ ﮨﺎﺗﮭﻮﮞ ﻣﯿﮟ ﭼﮩﺮﮦ ﭼﮭﭙﺎ ﮐﺮ ﺭﻭ ﺩﯼ۔
’’ ﻣﯿﮟ ﻣﺮ ﺟﺎﺋﻮﮞ ﮔﯽ۔۔ ﺍٓﭖ ﮐﯿﻮﮞ ﻧﮩﯿﮟ ﺳﻤﺠﮭﺘﮯ ﺍٓﭖ ﮐﮯ ﺑﻐﯿﺮ ﻣﯿﮟ ﻣﺮ ﺟﺎﺋﻮﮞ ﮔﯽ۔۔ ﻭﮦ ﺟﺬﺑﺎﺗﯿﺖ ﮐﯽ ﺍﻧﺘﮩﺎ ﭘﺮ ﺗﮭﯽ، ﺷﮩﺒﺎﺯ ﺣﯿﺪﺭ ﮐﺎ ﺟﯽ ﭼﺎﮨﺎ ﮐﮧ ﻟﻤﺤﻮﮞ ﻣﯿﮟ ﺍﺱ ﻟﮍﮐﯽ ﮐﻮ ﻏﺎﺋﺐ ﮐﺮ ﺩﯾﮟ۔
’’ ﺩﻣﺎﻍ ﺧﺮﺍﺏ ﺗﻤﮩﺎﺭﺍ ۔۔ ﺍﻭﺭ ﮐﭽﮫ ﻧﮩﯿﮟ۔۔ ﺧﻨﺎﺱ ﺑﮭﺮ ﭼﮑﺎ ﮨﮯ ﺍﺱ ﻣﯿﮟ ۔۔ ‘‘ ﺍﺱ ﮐﯽ ﺟﺬﺑﺎﺗﯿﺖ ﭘﺮ ﻭﮦ ﭘﮭﺮ ﺍٓﺋﻮﭦ ﮨﻮﺋﮯ۔
’’ ﯾﮧ ﺻﺮﻑ ﻣﯿﺮﯼ ﮈﮬﯿﻞ ﮨﮯ ، ﺗﻢ ﻣﯿﺮﯼ ﻧﺮﻣﯽ ﮐﺎ ﻧﺎﺟﺎﺋﺰ ﻓﺎﺋﺪﮦ ﺍﭨﮭﺎ ﺭﮨﯽ ﮨﻮ۔۔ ﺷﺮﻡ ﺗﻮ ﻧﮧ ﺍٓﺋﯽ ﺗﻤﮩﯿﮟ ﯾﮧ ﺳﺐ ﺑﮑﻮﺍﺱ ﮐﺮﺗﮯ ﮨﻮﺋﮯ۔۔ ﻣﯿﺮﯼ ﺍﻭﺭ ﺍﭘﻨﯽ ﻋﻤﺮﻭﮞ ﮐﺎ ﮨﯽ ﺧﯿﺎﻝ ﮐﺮ ﻟﯿﺎ ﮨﻮﺗﺎ۔۔ ﮐﻢ ﺍﺯ ﮐﻢ ﺍﺗﻨﺎ ﮨﯽ ﺟﺎﻥ ﻟﯿﺎ ﮨﻮﺗﺎ ﮐﮧ ﮨﻤﺎﺭﺍ ﺍٓﭘﺲ ﻣﯿﮟ ﮐﯿﺎ ﺭﺷﺘﮧ ﮨﮯ۔۔ ﺍﻭﺭ ﺗﻢ ﺍﺱ ﺭﺷﺘﮯ ﮐﮯ ﺣﻮﺍﻟﮯ ﺳﮯ ﻣﯿﺮﮮ ﻟﯿﮯ ﮐﺘﻨﯽ ﻣﺤﺘﺮﻡ ﮨﻮ۔۔ ‘‘ ﻭﮦ ﺗﺎﺳﻒ ﺳﮯ ﮐﮩﮧ ﺭﮨﮯ ﺗﮭﮯ۔
’’ ﺑﺎﺕ ﮐﺮﺗﺎ ﮨﻮﮞ ﻣﯿﮟ ﺗﺎﯾﺎ ﺟﺎﻥ ﺳﮯ۔۔ ﺍﺏ ﭘﺎﻧﯽ ﺳﺮ ﺳﮯ ﮔﺰﺭ ﭼﮑﺎ ﮨﮯ۔۔ ﺗﻤﮩﺎﺭﮮ ﻣﺎﺳﭩﺮ ﮐﺎ ﺍﻧﺘﻈﺎﺭ ﮐﺮﻧﮯ ﮐﮯ ﺑﺠﺎﺋﮯ ﺗﻤﮩﯿﮟ ﮐﻞ ﮨﯽ ﺭﺧﺼﺖ ﮐﺮﯾﮟ۔۔ ﯾﮧ ﺭﺷﺘﮧ ﮨﺮ ﻟﺤﺎﻅ ﺳﮯ ﻣﻌﻘﻮﻝ ﮨﮯ۔۔ ‘‘ ﺍﻧﺘﮩﺎﺋﯽ ﺳﻔﺎﮐﯽ ﺳﮯ ﮐﮩﺘﮯ ﺷﮩﺒﺎﺯ ﺣﯿﺪﺭ ﻧﮯ ﮔﻮﯾﺎ ﺍﺳﮯ ﺍٓﮒ ﻣﯿﮟ ﺩﮬﮑﯿﻞ ﺩﯾﺎ ﺗﮭﺎ ، ﻭﮦ ﺑﮯ ﯾﻘﯿﻨﯽ ﺳﮯ ﺩﯾﮑﮭﮯ ﮔﺌﯽ ، ﭘﮭﺮ ﻧﻔﯽ ﻣﯿﮞﺴﺮ ﮨﻼ ﯾﺎ۔
’’ ﺍٓﭖ ﺍﯾﺴﺎ ﮐﭽﮫ ﻧﮩﯿﮟ ﮐﺮﯾﮟ ﮔﮯ۔۔ ﻣﺠﮭﮯ ﯾﮧ ﺷﺎﺩﯼ ﻧﮩﯿﮟ ﮐﺮﻧﯽ۔۔ ‘‘ ﺳﺨﺘﯽ ﺳﮯ ﮐﮩﺎ۔
’’ ﻣﯿﮟ ﺍﯾﺴﺎ ﮨﯽ ﮐﺮﻭﮞ ﮔﺎ۔۔ ‘‘ ﺍﺱ ﻧﮯ ﺯﯾﺎﺩﮦ ﺳﺨﺘﯽ ﺳﮯ ﺟﻮﺍﺏ ﻣﻼ ﺗﮭﺎ۔
’’ ﻣﯿﮟ ﮐﭽﮫ ﮐﮭﺎ ﻟﻮﮞ ﮔﯽ۔۔ ‘‘ ﺑﻼ ﺳﻮﭼﮯ ﺳﻤﺠﮭﮯ ﺍﺱ ﻧﮯ ﺩﮬﻤﮑﯽ ﺩﯼ ﺗﮭﯽ ، ﻭﮦ ﮐﺘﻨﮯ ﭘﻞ ﺣﯿﺮﺍﻥ ﻧﻈﺮﻭﮞ ﺳﮯ ﺍﺳﮯ ﺩﯾﮑﮭﮯ ﮔﺌﮯ ، ﭘﮭﺮ ﺍﯾﮏ ﺩﻡ ﻏﺼﮯ ﺳﮯ ﺑﺮﺍ ﺣﺎﻝ ﮨﻮﺍ ﺗﮭﺎ ۔ ’’ ﺗﻮ ﭘﮭﺮ ﺟﻮ ﮐﭽﮫ ﺑﮭﯽ ﮐﮭﺎﻧﺎ ﮨﮯ ﺍﺑﮭﯽ ﺟﺎ ﮐﺮ ﮐﮭﺎ ﻟﻮ ۔۔ ﮐﯿﻮﻧﮑﮧ ﻣﯿﮟ ﻣﻮﻗﻊ ﻣﻠﺘﮯ ﮨﯽ ﺗﺎﯾﺎ ﺍﺑﻮ ﺳﮯ ﺑﺎﺕ ﮐﺮﻭﮞ ﮔﺎ۔۔ ‘‘ ﺍﺱ ﮐﺎ ﺑﺎﺯﻭ ﭘﮑﮍ ﮐﺮ ﺑﺎﮨﺮ ﺩﮬﮑﯿﻞ ﮐﺮ ﺳﺨﺘﯽ ﺳﮯ ﮐﮩﮧ ﮐﺮ ﺍﻧﮩﻮﮞ ﻧﮯ ﺩﺭﻭﺍﺯﮦ ﺑﮭﯽ ﺑﻨﺪ ﮐﺮ ﻟﯿﺎ ﺗﮭﺎ ۔
’’ ﻧﮩﯿﮟ ۔۔ ﺷﮩﺒﺎﺯ ﭘﻠﯿﺰ ﻣﯿﺮﯼ ﺑﺎﺕ ﺳﻨﯿﮟ ۔۔ ﺍٓﭖ ﺍﯾﺴﺎ ﻧﮩﯿﮟ ﮐﺮﯾﮟ ﮔﮯ۔۔ ﻣﺮ ﺟﺎﺋﻮﮞ ﮔﯽ ﻣﯿﮟ۔۔ ‘‘ ﮨﺘﮭﯿﻠﯿﻮﮞ ﺳﮯ ﺩﺭﻭﺍﺯﮦ ﭘﯿﭩﺘﮯ ﺍﺳﮯ ﮐﺴﯽ ﺑﺎﺕ ﮐﺎ ﺑﮭﯽ ﮨﻮﺵ ﻧﮧ ﺭﮨﺎ ﺗﮭﺎ ۔
’’ ﻣﺮ ﺟﺎﺋﻮﮞ ﮔﯽ ﻣﯿﮟ ۔۔ ﺧﺪﺍ ﮐﮯ ﻟﯿﮯ ﺷﮩﺒﺎﺯ ۔۔ ‘‘ ﺍﺱ ﮐﯽ ﺣﺎﻟﺖ ﺍﺱ ﻭﻗﺖ ﺩﯾﮑﮭﻨﮯ ﮐﮯ ﻻﺋﻖ ﺗﮭﯽ ۔
’’ ﻋﯿﺸﮧ ۔۔ ‘‘ ﮐﺴﯽ ﻧﮯ ﻋﻘﺐ ﺳﮯ ﺍﺱ ﮐﮯ ﮐﻨﺪﮬﮯ ﭘﺮ ﮨﺎﺗﮫ ﺭﮐﮭﺎ ﺗﮭﺎ ، ﻭﮦ ﺍﯾﮏ ﺩﻡ ﺳﺎﮐﻦ ﮨﻮ ﮔﺌﯽ ۔ ﻓﻮﺭﺍً ﮨﻮﺵ ﻣﯿﮟ ﺍٓﺋﯽ ﺗﻮ ﻟﻤﺤﻮﮞ ﻣﯿﮟ ﺍﺣﺴﺎﺱ ﮨﻮﺍ ﮐﮧ ﻭﮦ ﺍﺱ ﻭﻗﺖ ﮐﮩﺎﮞﮩﮯ۔
’’ ﻋﯿﺸﮧ ۔۔ ‘‘ ﺩﻭﺑﺎﺭﮦ ﭘﮑﺎﺭﺍ ﮔﯿﺎ ﺗﮭﺎ ، ﺍٓﻭﺍﺯ ﭘﮩﭽﺎﻥ ﮐﺮ ﻭﮦ ﻓﻮﺭﺍً ﭘﻠﭩﯽ ﺗﮭﯽ ۔ ﺍﭘﻨﮯ ﺳﺎﻣﻨﮯ ﮐﮭﮍﮮ ﻭﺟﻮﺩ ﮐﻮ ﺩﯾﮑﮫ ﮐﺮ ﻭﮦ ﭨﮭﭩﮏ ﮔﺌﯽ ﺗﮭﯽ ۔
ﺟﺎﺭﯼ ﮨﮯ