Humnava Tu Humraaz Mera

By Nishal Aziz

رات بھر وہ سویا نہیں تھا اور ابھی صبح وہ خاموشی سے مشال کے برابر میں ایک کوہنی کے بل لیٹے اسے تک رہا تھا۔۔۔وہ اسکی گہری نظروں سے بے خبر نیند کی وادیوں میں تھی۔۔۔۔مسلسل بنا پلک جھپکائے دیکھتے رہنے سے اسکی آنکھیں سرخ ہورہی تھیں۔۔۔۔۔مگر اس نے پلک نہیں جھپکائیں بس یونہی اسے تکتا رہا۔۔۔۔۔کتنی اہمیت تھی اسکی زندگی میں اس لڑکی کی۔۔۔بچپن سے لے کر اب تک وہ اسکی فرسٹ پرییورٹی رہی تھی۔۔۔دوستی سے لے کر محبت تک کا سفر اس نے کب طے کیا وہ نہیں جانتا تھا۔۔۔شاید وہ اس سے بچپن سے ہی محبت کرتا تھا۔۔۔پر پاس رہنے پر اسے اتنا احساس نہیں ہوتا تھا اسکا۔۔۔لیکن جب مشال کی منگنی ہوئی۔۔۔ہاں اسی دن۔۔۔اس ہی دن تو التمش زمان کو یہ احساس ہوا تھا کہ وہ مشال کا دوسروں کے بارے میں سوچنا تک برداشت نہیں کرسکتا تھا۔۔۔۔وہ صرف اسکی تھی۔۔۔۔صرف اسکی۔۔۔
التمش کی گہری نظریں مسلسل اسکے چہرے کا طواف کررہی تھیں۔۔۔۔اس نے یونہی آہستگی سے ہاتھ اٹھا کر چھوٹی انگلی سے مشال کی ساکت گھنیری پلکوں کو چھوا۔۔۔پھر تھوڑا سا نیچے ہاتھ کر کہ اسکے گال کو اپنے ہاتھ کی پشت سے سہلایا۔۔۔اسے مشال کے سرخ و سفید گال شروع سے بہت پسند تھے۔۔۔تبھی وہ اکثرو بیشتر اسکے گال کھینچتا جس پر مشال چڑ جاتی۔۔۔۔یہ سوچتے سوچتے اسکی نظر مشال کے کٹاؤ دار گلابی لبوں پر پڑی تو اسے آج اپنی پسند تھوڑی غلط لگی۔۔۔مشال کے بھرے بھرے لبوں کا جوڑ اسکے گال سے بھی زیادہ حسین تھا۔۔۔وہ مشال کے نچلے ہونٹ کو اپنی انگلی سے سہلاتے ہوئے انکی نرمی محسوس کرنے لگا۔۔۔نگاہ تھوڑی اور بھٹکی تو سیدھا اسکی گردن سے تھوڑا نیچے ابھری ہوئی بیوٹی بون پر ٹکی۔۔۔اب کے وہ اپنا ہاتھ نرمی سے ان پر پھیر رہا تھا۔۔۔
وہ کتنی حسین اور نازک تھی بلکل کسی موم کی گڑیا کی طرح مگر کون جانے اندر سے یہ معصوم لڑکی کس قدر سنگ دل نکلی تھی۔۔۔صرف ایک غلط فہمی میں اس نے بچپن سے لے کر اب تک کی ساری دوستی ختم کر کے رکھ دی تھی۔۔۔بنا کچھ سوچے سمجھے التمش کو بھری محفل میں ذلیل کردیا تھا اس نے۔۔۔یہ سوچ آتے ہی التمش جھٹکے سے اسکے پاس سے اٹھا۔۔۔
کچھ دیر والی تپش بھری نظریں بدل چکی تھیں۔۔۔اب وہ ناگواری سے مشال کو دیکھ رہا تھا۔۔۔۔اسکی زندگی عذاب کرکے کیسے وہ سکون سے سوسکتی تھی۔۔۔۔۔التمش نے ہاتھ بڑھا کر اسے جھنجھوڑ دیا۔۔۔وہ ہڑبڑاتے ہوئے اٹھی۔۔۔پھر خمار زدہ آنکھوں سے التمش کو دیکھنے لگی۔۔۔مگر اسے اتنے قریب بیٹھے دیکھ مشال بوکھلاتے ہوئے کھڑی ہوئی تھی۔۔۔نظر اٹھا کر ٹائم دیکھا تو سات بج رہے تھے۔۔۔اسنے پھر التمش کو دیکھا۔۔۔کچھ بحث بےکار ہی تھی اسی لیے خاموشی سے واشروم میں چلی گئی۔۔۔تبھی التمش کا فون رنگ کرنے لگا۔۔۔
عالیہ بیگم نے اسے نور کی طبیعت کا بتایا جسے سن کر وہ تھوڑا پریشان ہوا پر انہوں نے اسے تسلی دی کہ خطرے کی کوئی بات نہیں جس پر وہ مطمئن ہوا اور انہیں ابھی آنے کا بتاکر کال رکھ دی۔۔۔
کچھ دیر بعد مشال نہا کر نکلی تو التمش اسے اگنور کرتا ہوا فریش ہونے چلا گیا۔۔۔وہ بال سلجھا کر کمرے سے نکلنے ہی لگی تھی کہ التمش کا فون پھر رنگ ہوا۔۔۔ہادی کی کال تھی۔۔۔
ہیلو۔۔
اس نے ریسیو کرتے ہوئے کہا
ہاں۔۔۔مشال بھائی کو بول دینا کہ نور کو ڈسچارج کروا کر ہم لوگ گھر لے جارہے ہیں تو بھائی گھر پر ہی آجائیں۔۔۔اوکے۔۔
ہادی کی بات پر مشال کو حیرت کا جھٹکا لگا
کیا مطلب ہادی نور کو ڈسچارج۔۔۔۔کیا ہوا ہے اسے۔۔۔۔
اس نے گھبراکر جلدی سے پوچھا تو ہادی نے اسے بھی نور کی بے ہوشی کا بتایا جس پر مشال کی آنکھیں بے ساختہ بھر آئیں۔۔۔مگر ہادی نے اسے فوراً تسلی دی۔۔۔۔۔وہ روتے ہوئے فون رکھ کر پریشانی سے روم میں چکر لگانے لگی۔۔۔آنسو تھم ہی نہیں رہے تھے اسکے۔۔۔نور کے بارے میں سن کر وہ بہت بری طرح گھبرائی تھی۔۔۔کاش ابھی وہ اسکے پاس ہوتی۔۔۔
تبھی التمش واشروم سے باہر نکلا مشال جو لپک کر اسکے پاس پہنچی تھی۔۔۔اسے بنا شرٹ کے دیکھ کر گھبراکر نظریں جھکاگئی۔۔۔جبکہ التمش اسکا گریز سمجھ کر سر جھٹکتا ہوا وارڈروب سے شرٹ نکال کر پہننے لگا۔
آپ نے ہمیں بتایا کیوں نہیں۔۔۔
اسکی بھرائی ہوئی آواز پر وہ پلٹ کر اسے دیکھنے لگا جس آنکھیں رونے کی وجہ سے سرخ ہورہی تھیں۔۔۔
کس بارے میں۔۔
واشروم سے نکلتے ہوئے وہ مشال کے ہاتھ میں اپنا فون دیکھ کر سمجھ چکا تھا کہ پھر گھر سے کسی کی کال آئی ہوگی مگر پھر بھی جانتے بوجھتے وہ انجان بنا۔
نور کے بارے میں۔۔۔آپ کو پتا ہے کل رات۔۔۔۔اسے فوڈ پوائزن ہوگیا تھا۔۔۔۔ابھی کچھ دیر پہلے اسے ہوش آیا ہے اور ہادی لوگ اسے گھر لے کر جارہے ہیں۔۔۔۔اور ہمیں کسی نے بتایا بھی نہیں۔۔۔
ایسا کریں آپ جلدی سے تیار ہو جائیں پھر ہمیں لے کر چلیں نور کے پاس۔۔۔
مشال نے سب کچھ بتا کر آخر میں آنسو پونچھتے ہوئے جلدی سے کہا
تمہیں کس نے کہا کہ میں تمہیں لے کر جارہا ہوں۔۔
التمش نے بالوں پر برش کرتے ہوئے پوچھا اسکی بات پر مشال ٹھٹھکی۔
کیا مطلب۔۔آپ ہمیں لے کر۔۔۔ہم بھی جائیں گے۔۔
مشال نے بوکھلا کر کہا یہ وہ کیا کہہ رہا تھا آخر نور اسکی بہن تھی۔۔۔
تم نہیں جاؤ گی۔۔۔۔نور اب بلکل ٹھیک ہے۔۔۔امی نے بتایا ہے مجھے۔۔۔تو زیادہ ایموشنل ہونے کی ضرورت نہیں ہے۔۔۔گھر پر رہو۔۔
وہ اپنی آستین فولڈ کرتے ہوئے بے نیازی سے بولتے ہوئے روم سے نکلنے لگا
وہ ابھی ٹھیک ہے یا نہیں۔۔۔ہمیں صرف اتنا پتا ہے کہ کل وہ ہوسپٹل میں ایڈمٹ تھی۔۔۔۔۔ہمیں اس سے ملنا ہے ابھی۔۔۔۔بہن ہے وہ ہماری۔۔۔آخر کیوں کررہے ہیں آپ ہمارے ساتھ ایسا۔۔۔
چیختے چیختے مشال کا گلا رندھ گیا۔آنسو متواتر سرخ عارضوں پر پھسل رہے تھے۔
اپنی آواز نیچے رکھو۔۔۔بہرہ نہیں ہوں میں۔۔۔
التمش کو اسکا اونچا بولنا تپا رہا تھا
بہرے نہیں ہیں۔۔۔پھر بھی ہماری باتوں کو نظر انداز کررہے ہیں آپ۔۔۔
مشال نے اسکے سامنے آکر روتے ہوئے کہا
نظر انداز نہیں کررہا سوئیٹی۔۔۔بس اب میری نظر میں تمہاری باتوں کی ویلیو نہیں رہی۔۔۔
التمش سرد لہجے میں کہتا نکلنے لگا تبھی مشال نے غصے میں اسکے مضبوط کندھے کو اپنے دونوں ہاتھوں سے تھام کر التمش کو جھٹکے سے اپنی طرف موڑا۔۔۔
آخر چاہتے کیا ہیں آپ ہم سے۔۔۔دودن سے آپکی بے رخی برداشت کررہے ہیں ہم۔۔۔معافی مانگ تو رہے ہیں نا۔۔۔پھر کیوں اتنا اگنور کررہے ہیں ہمیں۔۔۔ہم سے یہ رشتہ بناکر بھی آپکے دل کو ٹھنڈک نہیں پڑی جو اب اسطرح اگنور کر کے ہمیں تکلیف دے رہے ہیں۔۔۔
اسکے لہجے میں سرکشی دیکھ التمش کا دماغ ہی گھوم گیا۔۔۔اس نے پھر مشال کو تھپڑ مارا۔۔۔اور اسکے سنبھلنے سے قبل ہی غصے میں مشال کو دونوں بازوؤں سے پکڑ کر دیوار سے لگا گیا۔۔
ایک تھپڑ ہی سے مشال کے چودہ طبق روشن ہوگئے۔۔۔غصہ سارا اڑن چھو ہوگیا۔۔۔وہ خوف سے آنکھیں پھیلائے التمش کو دیکھ رہی تھی۔۔۔جسکی لہو رنگ آنکھیں اس کے چہرے پر گڑی تھیں۔۔۔۔
تکلیف۔۔۔تکلیف کیا ہوتی ہے یہ تمہیں پتا ہے مشال۔۔۔۔تمہاری ایک غلط فہمی نے مجھے معاشرے میں بدنام کر کے رکھ دیا۔۔۔اور بابا۔۔بابا کس حال کو پہنچ گئے۔۔۔اس سب کے بعد بھی تم کہتی ہو کہ معافی مانگ تو رہی ہوں۔۔۔تم نے جو کیا ہے۔۔۔اسکی معافی ہوتی ہی نہیں ہے مشال۔۔۔اسکی تو سزا ہوتی ہے وہ بھی عبرتناک۔۔۔
التمش نے پھنکارتے ہوئے کہا۔۔۔اسکی باتوں سے مشال شرمندگی سے خود کو زمین میں گڑتا محسوس کررہی تھی۔۔۔اسکی ہچکیاں کمرے میں گونجنے لگی۔
آپ بھلے ہمیں عبرتناک سزا دیں۔۔۔بھلے ہمیں معاف نہ کریں۔۔پر ابھی پلیز۔۔۔ہمیں نور سے ملوانے لے چلیں۔۔۔آآ۔۔آپ جو بولیں گے ہم وہ کریں گے پر۔۔۔ابھی پلیز ہمیں بھی لے چلیں۔۔
اس نے روتے ہوئے التمش سے التجاء کی جس پر التمش کے چہرے پر استہزیہ مسکراہٹ پھیل گئی۔۔
جو کہونگا وہ کروگی۔۔۔
اسکے لبوں پر نظریں جمائے التمش نے معنیٰ خیزی سے پوچھا
اسکا اچانک بدلا لہجہ مشال کا خون سُکھا گیا۔۔وہ اسکی گہری نظروں کا مطلب سمجھتے ہوئے جلدی سے نفی میں سر ہلانے لگی۔۔۔مگر التمش اسکے بوکھلانے کو اگنور کرتا ہوا آہستگی سے اسکے کٹاؤ دار لبوں پر جھکنے لگا۔۔۔۔مشال نے اسکے ارادے کو بھانپتے ہوئے اپنا منہ پھیر لیا۔۔۔وہ اسے دور کرنا چاہتی تھی۔۔مگر التمش کے مضبوط ہاتھوں میں مقید اپنے نازک ہاتھوں کو دیکھ وہ بے بسی سے رودی۔۔۔تبھی مشال کو اپنی گردن پر اسکے ہونٹوں کا لمس محسوس ہوا۔۔۔
وہ تڑپ کر اپنے ہاتھ چھڑوانے لگی۔۔۔مگر التمش نے اور مضبوطی سے انہیں تھام لیا۔۔۔اور مشال کی صراحی دار گردن پر جابجا اپنا لمس چھوڑنے لگا۔۔۔
اس نے اچانک مشال کا ایک ہاتھ چھوڑا اور اسکی تھوڑی تھام کر اسکا آنسوؤں سے بھیگا سرخ چہرہ اپنی طرف کیا۔۔۔مشال حد درجہ خوفزدہ ہوگئی تھی اسکی خمارزدہ آنکھوں سے۔۔۔
اسکے کچھ بھی کرنے سے پہلے ہی وہ مشال کے کٹاؤ دار گلابی لبوں پر جُھک گیا۔۔۔
مشال کے پورے وجود میں جیسے ایک برقی لہر دوڑ گئی۔۔۔۔دھڑکنیں سست روی سے چلنے لگیں۔۔۔۔۔جبکہ دماغ بلکل ماؤف ہونے لگا تھا اسکا۔۔۔وہ اپنے ایک آزاد ہاتھ سے اسے دور ہٹانے کی کوشش کرنے لگی۔۔۔مگر اسکی مزاحمت کی پرواہ کیے بنا وہ مشال کی کمر پر بازو حائل کرتے ہوئے اسے اور قریب کر گیا اور دیوانہ وار اس پر جُھکا رہا۔۔۔
ایک نشہ سا تھا مشال میں جو التمش کو مد ہوش کیے جارہا تھا۔۔اسکی شدتوں پر ضبط سے مشال نے اسکی شرٹ کا کالر دبوچ لیا۔۔۔
اپنی بوجھل ہوتی آنکھوں کو ہونٹوں پر ہوتی تکلیف سے مشال نے جھٹکے سے کھولا۔۔۔۔وہ تڑپ کر التمش کو دھکا دینے لگی۔۔۔۔جو کسی چٹان کی طرح اس پر حاوی تھا۔۔۔۔بڑھتے ہوئے درد سے مشال نے اپنی آنکھیں میچ لیں۔۔۔۔۔تبھی وہ جھٹکے سے اسے چھوڑتا ہوا دور ہوا۔۔۔
پھر دونوں ہاتھوں کو پینٹ کی جیب میں گھسا کر دلچسپی سے مشال کو دیکھنے لگا جو اپنی اتھل پتھل ہوتی سانسوں کو متواتر کرنے کی کوششیں کررہی تھی۔۔۔اسکا سرخ چہرہ مزید ٹماٹر ہوگیا۔۔۔دھڑکنیں حد درجہ بڑھی ہوئی تھیں۔۔۔۔
کچھ دیر بعد تھوڑا سنبھلنے پر اسے لبوں پر شدید جلن محسوس ہوئی۔۔۔انگلی سے چھو کر اسنے دیکھا تو خون نکل رہا تھا۔۔۔خون دیکھ کر وہ وحشت سے التمش کو دیکھنے لگی۔۔۔۔اسکے لبوں پر بھی مشال کا خون لگا تھا جسے وہ طنزیہ مسکراہٹ سمیت مٹا گیا۔۔۔مشال بھبھک کر روتے ہوئے وہیں بیٹھ گئی۔۔۔کچھ کہہ بھی نہیں سکتی تھی اسے۔۔۔اس لیے بے بسی سے سر جھکائے آنسو بہانے لگی۔
جب نہیں لے جارہا تھا تو ضد کررہی تھی۔۔۔اب تو میری بات مان چکی ہو تو پھر نخرے کیوں۔۔۔کار میں بیٹھا ہوں چلنا ہے تو دو منٹ میں آؤ۔۔
سرد لہجے میں کہتا وہ باہر نکل گیا تھوڑی دیر بعد مشال بھی اٹھی اور بے دردی سے آنکھیں رگڑتے ہوئے ڈریسنگ ٹیبل پر گئی۔۔۔اور ڈارک پنک کلر کی لپسٹک اٹھا کر اپنے لبوں پر لگی چوٹ کو چھپانے کے لیے لگانے لگی۔۔پھر چھوٹے قدم اٹھاتے ہوئے باہر نکل گئی۔۔۔
اسکے کار میں بیٹھنے پر التمش نے ایک نظر اسکو دیکھا جو چہرہ جھکائے بیٹھی تھی۔۔آنکھوں سے مسلسل نکلتے آنسو اسکا چہرہ بھگورہے تھے۔۔۔غصے میں مشال کا چہرہ ہاتھ میں دبوچتے ہوئے اس نے اپنی طرف کیا۔
کیا جتانا چاہتی ہو تم وہاں جاکر سب کو۔۔۔کہ بہت ظلم کیا ہے میں نے تم پر۔۔۔۔۔اگر اب ایک بھی آنسو تمہاری ان آنکھوں سے نکلا تو یقین کرو یہی پر چھوڑ کر چلا جاؤں گا۔۔۔پھر جاری رکھنا اپنا رونے کا شغل۔۔۔
اسکی انگلیوں کی پکڑ سے مشال کو اپنا جبڑہ ٹوٹتا ہوا محسوس ہوا۔۔۔اس نے تکلیف کی شدت سے جلدی سے اثبات میں سر ہلایا تو التمش اسے چھوڑتا ہوا گاڑی اسٹارٹ کرنے لگا۔