Mafia Wars by Uzzai Zehan Episode01
Mafia Wars by Uzzai Zehan Episode01
[ چھ مہینے بعد ]
یہ کافی پکڑو اور ٹیبل نمبر چار پہ سرو کر آئو محترم کچھ زیادہ ہی جلدی میں لگ رہے ہیں !
کیسی عجلت میں اسے ڈش تھماتی ہوئی ریسپشن کی جانب بڑھی ۔اس نے اثبات سر ہلایا اور ڈش لیئے ٹیبل پر دھر آئی ۔ پھر سے نوٹ بک اور پین اٹھائے آرڈرز لینے لگی ۔ وہ سیاہ ہوڈ سر پر پہنے آنکھوں پر گوگلز سجائے شاید ابھی ابھی آکر بیٹھا تھا ۔نبیشہ نے ایک ٹھنڈی آہ بھری اور اسکی جانب بڑھی ۔
آپ کیا لیں گے سر ؟؟
اس کی زبان سے بمشکل ‘سر’ ادا ہوا تھا ۔
بتا دوں ؟؟؟ وہ شریر ہوا ۔۔ بظاہر موبائل پر تیزی سے انگلیاں چلاتا سنجیدگی سے بولا ۔
مطلب آپ کھانے میں کیا لیں گے ؟ ڈرنکس ؟ یا کچھ اور۔۔۔
نبیشہ نے بمشکل خود کو کچھ انتہائی کہنے سے روکا ۔
میں دل کا مریض ہوں صرف ڈاکٹر کی صلاح اور مشاورت سے کچھ کھا سکتا ہوں ،
وہ شرارتا مسکرا کر سر جھٹکتا ہوا بولا ۔
دماغ کے بھی لگتے ہو؟؟؟؟ نبیشہ وہ بڑبڑائی ۔۔
سوری؟؟؟ وہ سوالیہ گویا ہوا.
کافی لیں لے گے آپ ؟؟؟ اس نے جان چھڑانا چاہی
اگر تم اسرار کر رہی ہو تو ، اس نے زرا سی گردن اٹھا کر مسکراتی آنکھوں سے اسے دیکھ کر کہا
نبیشہ رسپشن سے گزرتی کافی بنانے لگی ۔
آج پھر آگیا !
کیسی کمپیوٹر پر نظریں جمائے شوخی سے بولی ۔
کب نہیں آتا ! وہ سنجیدگی سے اسکی بات کے جواب میں بولی ۔
دو دن سے نہیں آرہا تھا میں نے نوٹ کیا ! وہ آنکھ دباتی ہوئی بولی ۔
میں نے نوٹ نہیں کیا ! وہ سپاٹ لہجے میں کہتی کافی کی اٹھائے لے آئی ۔
eh ? What’s going on ?
وہ آنکھوں سے چشمہ ہٹاتا ہوا بولا ۔ وہ ایسے بولا جیسے خالا کے گھر گپیں لڑانے آیا ہو ۔۔۔
نبیشہ نے کافی ٹیبل پر رکھتے ہوئے اچھنبے سے اسے دیکھا ۔ یہ کیا ہوا ؟؟؟ اسکی آنکھ کے قریب بڑا سا نیل کا نشان تھا ۔میچ کا ہینگ اوور ،
وہ کافی اپنی طرف گھماتا ہوا بے نیازی سے کندھے اچکا کر بولا ۔
گیٹ ول سون! وہ آہستگی سے کہتی واپس مڑ گئی ۔
یشم کی نظروں نے بہت دور تک اسکا پیچھا کیا ۔وہ یہی کیا کرتا تھا۔ یہاں آکر اسے کام کرتے دیکھنا اسکا پسندیدہ مشغلہ تھا ۔نبیشہ نے گھڑی میں وقت دیکھا شام کے چھ بج رہے آدھے گھنٹے تک انہیں کیفے بند کرنا تھا ۔کیسی ریسپشن چھوڑ کر کچن سمیٹنے لگی اور اس نے ٹیبل سے ڈشز اٹھانا شروع کیا ۔اسکی نظروں کی تپش وہ آتے جاتے خود پر محسوس کر سکتی تھی ۔ مگر وہ اسکی عادی ہو چلی تھی کئی بار منع کر چکی تھی ۔ غصے سے ، پیار سے ، ڈپٹ کر ۔مگر وہ ضدی شخص تھا کہ ماننے کو تیار نہیں تھا ۔
سنو ؟؟؟؟ کیسی ، تم باقی کا کام دیکھ لوگی ،مجھے آج جلدی جانا ہے اسائمنٹ کمپلیٹ کرنی ہے! وہ ایپرن اتارتی ہوئی بولی ۔
ہاں کوئی مسلہ نہیں ہے تم آرام سے جائو ! وہ ڈشز ریک میں سجاتی ہوئی مسکرا کر بولی ۔تو نبیشہ اسکے گال سے گال مس کرتی اپنا بیگ اٹھائے باہر آگئی ۔ وہ ابھی بھی وہیں موجود تھا نبیشہ سرے سے اسے نظر انداز کیئے آگے بڑھ گئی ۔
ہے ویٹ ؟ میں تمہیں ڈراپ کردیتا ہوں ! وہ پیچھے سے ہانک لگاتا ہوا اسکے ہم قدم ہوا ۔اسکے چلتے قدموں کو بریک لگی ۔
اسکی ضرورت نہیں ہے ! ناگواری سے کہتی ہوئی واپس مڑی ۔
رک جائو ، اس وقت اکیلے جانا سیف نہیں ہے میں تمہیں چھوڑ دیتا ہوں ! وہ نرمی سے اسکی کلائی تھامتا ہوا بولا ۔اسکی آنکھوں میں ابھری ناگواری یشم کو اپنے دل میں چبھتی ہوئی محسوس ہونے لگی ۔
تمہارا مسلا کیا ہے ؟؟؟ وہ اسکی ہٹ دھرمی پر طویل سانس کھینچتی ہوئی بولی ۔ غصہ اسے اب نہیں آتا تھا ۔تم ۔۔۔۔ ہو میرا مسلا ! وہ آنکھوں میں محبت کا سمندر لیئے دو قدم نزدیک ہوا ۔
تم مزاق کر رہے ہو میرے ساتھ؟؟؟ وہ سختی سے گویا ہوئی ۔۔۔ساتھ ہی اپنا ہاتھ واپس کھینچا
یشم نے سرخ آنکھوں سے اسکا ہاتھ تھاما اور اپنے دل کے مقام پر جمایا ۔
Do you hear??
وہ اسکی آنکھوں میں جھانکتا سرگوشی کرنے لگا ۔ اسکے کلون کی خوشبو اسے مدہوش کیئے دے رہی تھی ۔
نبیشہ نے نظریں چرا کر اسکی آنکھوں میں دیکھنے سے گریز کیا ۔
سن رہی ہو نا؟؟؟ یہ مزاق نہیں ہے !
وہ سنجیدہ تھا
Don’t follow me ;
وہ درشتگی سے اپنا ہاتھ واپس کھینچتی آگے بڑھ گئی ۔اسکے بدن جیسے آگ نے اپنے لپیٹے میں لے لیا ہو۔ آنکھوں میں شرارے سے بھرنے وہ اسکی محبت میں ڈوب چکا تھا۔ کب؟ کیسے ؟ کسی کو علم نہیں ہوا ۔ اب اسے صرف وہ چاہیئے تھی ۔ اور وہ تھی کہ اسکی محبت کی نفی کا کوئی موقع ہاتھ سے جانے نہ دیتی ۔ جان بوجھ کر انجان بنی ہوئی تھی ۔یہ بات اسکے دل پر چھریاں چلادینے کے مترادف تھی ۔
*************************************
ہم میں سے ہر کوئی کہیں نہ کہیں ایک بے نام اذیت میں مبتلا ہے ، جو بیان نہیں کی جا سکتی ، کبھی تو تکلیف کی شدت اتنی بڑھ جاتی ہے کہ انسان کے پاس الفاظ ختم ہوجاتے ہیں ۔۔ کچھ حادثات انسان کی زندگی میں ایسے رونما ہوجاتے ہیں کہ وہ چاہ کر بھی اسے نہیں بھلا پاتا ۔۔۔لوگ کہتے ہیں وقت ہر زخم بھر دیتا ہے ۔۔۔ مگر کیا وقت کسی کی کمی کو پورا نہیں کرسکتا تھا ؟؟؟ ۔۔نہیں ۔ کسی عزیز از جان شخص کا ہمیشہ کے لئے بچھڑ جانے کا غم کبھی کم نہیں ہوتا ، ایسا ہی ایک حادثہ اسکے ساتھ بھی ہوا تھا ۔۔جب اسے لگا کہ اسکی زندگی ختم ہوگئی ہے۔۔ اسے لگا وہ جلتے کوئلوں پر ننگے پائوں کھڑا ہو ۔۔ مگر نہیں یہ تکلیف بھی اس تکیلف سے کہیں کم ہے جو اپنے باپ کو کھو کر اسے محسوس ہوئی تھی ۔۔۔ ہاں وہ نا پسند کرتا تھا اپنے باپ کو ، ہاں اسکا باپ اسکی ماں کا گنہگار تھا ۔۔ مگر!!! تھا تو اسکا باپ ہی وہ بلکل اکیلا پڑ گیا تھا۔۔۔مختلف سوچیں اسکے دماغ میں آجا رہی تھی اسکا
بدن پسینے سے شرابور ہورہا تھا مگر وہ نہ تو تھکا نہ رکا
بڑے سے گراِونڈ میں کنٹینر ہر جگہ نظر آرہے تھے ۔جہاں وہ ورک آئوٹ میں مصروف تھا ۔جسم سیاہ رنگ کی کارگو پینٹس اور سر پر ایک سیاہ کیپ پہن رکھی تھی ۔
اس نے سر جھٹک کر ٹائمر پر نظر ڈالی تو آدھا گھنٹہ ہوچکا تھا ۔وہ ہاتھوں سے ہینڈ ریپ اتارنے لگا ۔سانسوں کی آمدورفت معمول سے زیادہ بڑھ چکی تھی ۔وہ بڑے سے ٹائر پر ہینڈ ریپ پھینکنتے ہوئے وہیں بیٹھ گیا ۔سر سے کیپ اتاری اور گہرے گہرے سانس لینے لگا ۔ گہری آنکھوں میں تھکن اور بے چینی واضع تھی ۔
pardon patron !
(معذرت باس؟؟؟ )
نسوانی آواز اسکی سماعتوں سے ٹکرائی ۔
ہوں؟؟؟؟ وہ مڑے بغیر بولا ۔چہرے پر کسی گہری سوچ کا تاثر لہرا رہا تھا ۔
آج ناشتہ باہر گارڈن میں لگا دوں ؟ دیبورا نے ڈرتے ڈرتے پوچھا۔
Hai un ospite speciale stasera ????
(do you have a special guest ??)
بحرام نے سوچوں کو جھٹکتے ہوئے رخ موڑ کر اچھنبے سے اپنی مینیجر کو دیکھا ۔ دیبوار نے جھٹ سے سر نفی میں ہلایا ۔بحرام نے اچٹتی نگاہ اس پر ڈالی اور شرٹ اٹھا کر پہننے لگا ۔جسکا مطلب تھا ‘گیٹ آئوٹ ۔
دیبورا اپنا سا منہ لے کر واپس مڑگئی ۔آج موسم بہت حسین تھا ۔ اسے لگا ‘باس’ گارڈن یا ساحل سمندر پر ٹیبل لگا دے گی تو ہو سکتا اسکا موڈ بہتر ہوجائے . مگر وہ غلط تھی ۔اتنے بڑے جزیرے پر اسکا کہیں قیام نہیں تھا سوائے اپنے کمرے کے ۔ اس نے کیپ سر پہنی اور منہ پر ہاتھ پھیرتا ہوا اپنے کمرے میں آگیا۔
اسکے کمرے میں پورا ایک گھر سما جاتا اتنا وسیع اور شاندرا کمرہ تھا ۔اسنے کیپ سمیت شرٹ اتار کر ایک طرف پھینکی اور شاور لینے واشروم میں گھسا ۔دیبورا تب تک ناشتے کا ٹیبل اسکے کمرے میں ہی سجا چکی تھی ۔اس نے شاور لیا اور ٹاول سے بال رگڑتا ہوا آئینے کے سامنے آکھڑا ہوا ۔لوگوں کا کہنا تھا وہ بلا خوبصورت ہے ۔تو کیا غلط کہتے تھے ؟ کسرتی بدن ، مضبوط چوڑے شانے ، سفید رنگ پر اسکی گہری آنکھیں ، سرخ لب موتیوں کی لڑی جیسے دانت جب وہ مسکراتا تو لوگ عش عش کر اٹھتے ۔وہ کسی بھی لڑکی کے خوابوں کا شہزادہ ہو سکتا تھا ۔ دیبورہ نے بمشکل اپنی نظریں ہٹائیں اور خود کو لا عم ظاہر کرنے لگی ۔کجا کہ وہ اسکی جانب مخاطب نہیں تھا مگر جانتا تھا اسکی نظریں اسی پر ہیں ۔
کیا چاہیئے دیبورہ ؟؟ وہ آنکھوں میں ناگواری سمیٹے ہوئے تھا ۔
نازلے میڈم صبح سے کئی بار آپ کے لیئے فون کر چکی ہیں ، آپ انہیں کال کرلیں !
اور کچھ ؟؟؟ وہ سفاکی سے گویا ہوا ۔ دیبورہ نفی میں سر ہلاتی الٹے قدموں واپس ہولی ۔اس نے برش دوبارہ ڈریسر پر پھینکا اور کرسی سنبھال لی ۔اور لقمے لینے لگا ۔نظریں گلاس وال کے اس پار سیاہ درختوں پر گرتی برف پر تھی ۔کس قدر حسین منظر تھا ۔ اب اسے سمجھ آیا کہ دیبورہ کیوں کہہ رہی تھی ۔تبھی دروازے پر دستک ہوئی ۔
آئو ملک ! نیپکن سے ہاتھ صاف کرتے ہوئے جوس کا گلاس لبوں سے لگایا ۔
شپ منٹ کا وقت ڈیلرز کو دے دیا ہے باس ، آپ چاہیں تو خود ۔۔۔۔
نہیں اسکی ضرورت نہیں تم دیکھ لینا ، میں آج ‘نازلے میڈم’ سے ملونگا ، وہ جیبوں ہاتھ اڑستے ہوئے گلاس وال کے پاس آکھڑا ہوا ۔لہجے میں ناگواری واضع تھی
باس سب خیریت ہے ؟ ملک کے چہرے پر فکر مندی کے تاثرات ابھرے ۔
خدا ہی جانے ! بحرام نے لاعلمی سے کندھے اچکائے تو وہ سر ہلاتا ہوا واپس مڑ گیا ۔اس نے مڑ کر فون اٹھایا اور نمبر ملاتے ہوئے کان سے لگایا ۔دوسرے جانب کال رسیو کرلی گئی تھی مگر وہ شاید انتظار میں تھی کہ پہلے بحرام بولے ۔ سلام ! کیا ہوا سب خیریت ؟ آپ نے فون کیا تھا ؟ وہ لٹھ مار انداز میں بولا ۔
رومان کی شادی ہے ، نازلے نے گہرا سانس اندر دھکیلا اور آہستگی سے بولی ۔نہ جانے ان دونوں کے بیچ کی سرد کب ختم ہوگی ۔ بحرام نے چونک کر فون کی اسکرین کو دیکھا ۔ بھلا اسکا رومان کی شادی سے کیا لینا ؟؟
تو ؟؟ وہ سپاٹ لہجے میں بولا ۔
تو رومان چاہتا ہے کہ شادی اٹلی میں ہو ! نازلے نے بلی تھیلے سے باہر نکالی ۔
ٹھیک ہے ہوجائے گا انتظام ! بحرام نے سردمہری سے کہتے ہوئے فون بند کردیا ۔اور قدرے غصے سے فون ٹیبل پر پٹخ کر کوٹ اٹھا کر پہننے لگا ۔اسکا ارادہ آفس جانے کا تھا ۔
*************************************
آج کی زندگی اور کئی مہینے پہلے کی زندگی بہت مختلف تھی ۔اس نے خود کو مصروف رکھنے کی خاطر میں چھوٹی سے جاب لے لی تھی صبح یونیورسٹی جاتی شام کو کیفے اور سات بجے کے قریب گھر کو لوٹ آتی گھر آکر وہ ہوم ورک کرتی اور سو جاتی یہی اسکی بے مقصد سی زندگی تھی ۔وہ زندہ لاش بن کر رہ گئی تھی ۔ البتہ اس نے رونا دھونا چھوڑ دیا تھا ۔ نہ خوشی کااظہار کرتی نہ غم کا ۔اور نہ ہی لوگوں سے ملتی جلتی ۔
یہ ان تینوں کی مشترکہ تصویر تھی ۔ ہنستی ،مسکراتی زندگی سے بھرپور ۔ اس نے نرمی سے تصویر پر انگلیاں پھیریں ۔اور لیپ ٹاپ کی دائیں جانب سے پینڈرائو نکال کر ڈرار میں رکھ دی ۔وہ آج بھی پاسورڈ کھولنے میں ناکام ہوچکی تھی ۔ مگر اسے یقین تھا وہ جلد ہی کھول لے گی ۔ سکرین بجھا کر کچن سے پانی کا گلاس لیا ۔اور کئی سلیپنگ پلز ہاتھ پر الٹتے ہوئے پانی کے ساتھ نگل لی ۔وہ Insomania کا شکار ہوچکی تھی ۔سلپنگ پلز لیئے بغیر اسے نیند نہیں آتی تھی ۔
*************************************
آج اسکی فٹبال ٹیم کا میچ تھا ۔دور کہیں شائیقین کے بیچ میں آنکھوں پر سیاہ گوگلز سجائے بیٹھا یمان ہاتھ میں کافی کپ تھامے تجسس سے اپنی ٹیم کو کھیلتا ہوا دیکھ رہا تھا ۔ تبھی اسکے فون کی بیل بجی ۔ ناگواری کے کئی بل اسکے ماتھے پر یک دم ابھرے ۔اس نے فون کی اسکرین پر نظر ڈالی تو مارشل کالنگ جل بج رہا تھا ۔
کیا تکلیف ہے مارشل؟؟؟ وہ چھوٹتے ہی غصے سے بولا ۔
سر لڑکی کو ہوش آگیا ہے ! اتنا کہنا تھا کہ وہ چونک کر اپنی سیٹ چھوڑتا اٹھ کھڑا ہوا ۔
Block the seen marshal , I’ll be there soon
جسٹ میک شیور کہ وہ ہوش میں ہی رہے ! ورنہ میں اسکی بچی کچی سانسیں بھی چھین لونگا ! دھمکی آمیز لہجے میں کہتے ہوئے فون بند کردیا ۔
زندگی اور موت اوپر والے کے ہاتھ کے میں تھی اب بے چارہ مارشل اس میں کیا کر سکتا تھا ۔وہ کئی مہینوں سے کسی لڑکی کے تعاقب میں تھے جو کومہ میں جا چکی تھی ۔ یمان انتہائی بے صبری سے اسکے ہوش میں آنے کا انتظار کر رہا تھا ۔اور اس لڑکی کی بد قسمتی تھی کہ وہ آج ہوش میں آچکی تھی ۔ وہ لوگوں کے بیچ سے اٹھا اور اسٹیڈیم سے باہر نکل آیا ۔ باہر گاڑیوں میں اسکے لوگ پہلے سے موجود تھے ۔ اس نے ریوالور اٹھائی اور انہیں وہیں رہنے کا اشارہ کرتے ہوئے گاڑی اڑاتے ہوئے آگے بڑھ گیا ۔
ہاسپٹل کے آگے گاڑی کے ٹائر چرچرائے ۔۔۔ اس نے عجلت میں ریوالور اٹھا کر پشت میں اڑسی اور زور سے گاڑی کے دروازے کو ہاتھ مار کر سیڑھیاں پھلانگتا ہاسپٹل کے اندر داخل ہوگیا ۔ تیزی سے راہداری سے گزرتے ہوئے وہ مطلوبہ کمرے کے سامنے آکھڑا ہوا ۔ وہ اتنی بار اس کمرے کے چکر لگا چکا تھا کہ اب اسے کمرہ نمبر بھی حفظ ہو چکا تھا ۔اس نے لاک گھماکر کمرے کا دروازہ کھولا اور خاموشی سے اندر داخل ہوگیا ۔ یہ کیا کر رہے ہیں ؟آپ اندر کیسے ۔۔۔۔ شششششش. ! آواز نیچی ، نرس کے لفظ زبان پر ہی دم توڑ گئے جب وہ ریوالور نکال کر اسکی کنپٹی پر رکھتا ہوا بولا ۔ اٹھائو اسے ! وہ بندوق کے نوک سے اسٹریچر پر پڑے وجود کی جانب اشارہ کرتا ہوا بولا ۔
ایسے کیسے اٹھائو؟ سر یہ ہمارے ہاتھ میں نہیں ہے ! وہ خوف سے گویا ہوئی ۔
اچھا ! ابھی تو یہ ہوش میں تھی۔۔۔ وہ چیخا ساتھ ہی اس نے طیش میں آکر آکسیجن ماسک اسکے منہ سے ہٹا دیا ۔کئی لمحے اسی طرح گزر گئے ۔ وہ دونوں بغور اسکے چہرے کو تک رہا تھا ۔ پھر اچانک اسکے جسم میں جنبش پیدا ہوئی اور وہ گہرے گہرے سانس لینے لگی ۔نرس نے بوکھلا کر آکسیجن ماسک اسکے منہ پر جمایا ۔یمان نے قہر بھری نگاہوں سے یہ منظر دیکھا ۔
ایک بات کان کھول کر سن لو میری ،آدھا گھنٹہ ہے تمہارے پاس ، آدھے گھنٹے میں یہ لڑکی میرے سوالوں کے جواب دیتی نظر آنی چاہیئے ورنہ کھوپڑی کھول دونگا تمہاری سمجھی تم؟؟؟؟ وہ گن اسکی پیشانی پر پوائنٹ کرتے ہوئے گرجا ۔ اور دھاڑ کی آواز کے ساتھ دروازہ بند کیئے جیسے آیا ویسے ہی آندھی طوفان کی طرح غائب ہوگیا ۔نرس نے بے بسی کے عالم میں مشین میں جکڑے وجود کو دیکھا ۔غالبا اس لڑکی کے پاس انکی کوئی بیش قیمتی چیز تھی ۔تبھی وہ لوگ مہینوں میں بیسیوں بار یہاں چکر لگا چکے تھے ۔
*************************************
[ چھ مہینے پہلے ]
پولیس اسٹیشن سے وہ قدرے غصے میں ریش ڈرائیونگ کرتے ہوئے گھر پہنچا ۔ یشم کا غصہ اور نفرت بھری نگاہیں اسکی سمجھ سے باہر تھی ۔ بچپن سے اسکے سینے میں بے پایا سی آگ جل رہی تھی ۔ اسکی ماں نے اسکے ساتھ زیادتی کی تھی جس وقت اسے سب سے زیادہ ضرورت تھی رشتوں کی تبھی وہ چھوڑ گئیں ۔آج اتنے سالوں بعد اسے دیکھ کر اسکا دل بھر آیا ۔ اسکا دل کیا انہیں سینے لگا لے ۔ انکے ہاتھوں پر بوسے دے انہیں محسوس کرے ۔ مگر شاید وقت بہت آگے نکل چکا تھا ۔ وہ سب اپنی اپنی زندگیوں میں آگے بڑھ چکے تھے ۔صرف ایک وہی تھا ۔ جو ماضی میں جی رہا تھا ۔ وہ جیسے ہی گھر پہنچا ایک انہونی اسکا انتظار کر رہی تھی ۔فرمان انتہائی غصے کے عالم میں لائونج میں چکر کاٹ رہا تھا ۔ یمان اسے نظرانداز کیئے اپنے کمرے کی جانب کی بڑھنے لگا ۔
رکو برخوردار ، مل آئے تم اپنی ماں اور بھائی سے ! فرمان کی آواز میں تنز واضع تھا ۔یمان نے ریلنگ کو سختی سے دبوچہ ۔مارشل سے کہا بھی تھا اس بات کی خبر کسی کو نہیں ہونی چاہیئے ۔
آپ سے کس نے کہا! وہ خود کو نارمل ظاہر کرتا صوفے پر آ بیٹھا ۔ مجھے سے کسی نے بھی کہا ہو ! ہے تو سچ ہی! فرمان نے طیش کے عالم میں مناظر کی لی گئیں ساری تصوریں اسکے سامنے اچھال دیں ۔ یمان نے سرخ آنکھوں سے یہ منظر دیکھا۔ اسکا باپ اسکے معاملے میں بہت کٹھور تھا ۔
***** بحرام ! اسکے لبوں سے بحرام کے لیئے گالیاں برآمد ہونے لگیں ۔ورنہ اور کسی میں اتنی ہمت نہیں تھی ۔
بحرام کو اسکا زمہ دار ٹھہرانا بند کرو ، تم اپنی نا اہلی اس پر تھوپ نہیں سکتے ! فرمان گرجا ۔
بس بابا بس ! میں کوئی دودھ پیتا بچہ نہیں ہوں جو آپ مجھے درس دے رہے ہیں، ! میں جس سے چاہوں ملو اور جس سے چاہوں نہ ملوں آپ کے حکم کا غلام نہیں ہوں ! وہ اسکی آنکھوں میں آنکھیں ڈال کر مضبوط لہجے میں کہتا سیڑھیاں چڑھ گیا ۔فرمان غصے سے بل کھا کر رہ گیا ۔ وہ اس عورت کو اپنا بیٹا چھیننے نہیں دے گا ۔ اتنے سالوں بعد وہ کیونکر یمان سے ملنے آئی تھی؟ اسکا پتا لگانا بہت ضروری تھا ۔ وہ فون پر کوئی نمبر ملانے لگا ۔اسے ابھی گھر آئے دیر ہی کتنی ہوئی تھی مارشل کی کال آنے لگی ۔اس نے منہ پر پانی کے چھنٹے مارتے ہوئے ٹاول سے منہ رگڑتا اور فون اسپیکر پر ڈال کر آئینے کے سامنے آ کھڑا ہوا ۔
سر ویئرہائوس میں گھس آیا ہے ، ہمارے سسٹم کے ساتھ چھیڑ چھاڑ کی گئی ہے آپکا یہاں ہونا بہت ضروری ہے ! مارشل کی پریشان کن آواز اسکی سماعتوں سے ٹکرائی ۔ یمان کی دل کیا سب کچھ درہم برہم کردے ساری مصیبتیں آج ہی آنی تھی ۔
ٹھیک ہے تم نظر رکھو میں آتا ہو ؛ وہ ہاتھوں پر زور ڈالتا ہوا سیدھا ہوا ۔ اور ڈرار سے گن نکالی ، کوٹ اٹھاتے ہوئے باہر نکل گیا ۔آج وہ اپنے حواسوں میں نہیں لگ رہا تھا ۔گاڑی فل اسپیڈ میں بھگاتے ہوئے ویئر ہائوس پہنچا تو ایک اور بری خبر اسکا انتظار کر رہی تھی ۔اسکے لیپ ٹاپ سے کسی سارا ڈیٹا چرا لیا تھا ۔اگر ڈیٹا پولیس کے ہاتھ لگ جاتا تو باپ بیٹا ختم تھے بس ۔اس نے غصے کے عالم میں کنٹرول روم میں لگی اسکرین پر تابڑ توڑ مکے برسانے شروع کردیئے ۔مارشل نے عرصے دراز کے بعد اسکو اتنا غصے میں دیکھا ۔ یعنی قیامت قریب تھی ۔
کون آیا تھا یہاں؟ وہ سانس بحال کرتا ہوا بولا ۔مارشل نے لا علمی سے کندھے اچکائے ۔
یمان نے بندوق اٹھائی اور بے خوفی سے سارے کمروں کی تلاشی لینے لگا ۔ یہ اس حصے کا آخری کا کمرہ تھا ۔ اس نے بے صبری دروازہ بجایا ۔مگر اندر سے کوئی جواب نہیں دے رہا ۔اصولنا دروازے کو باہر سے بند ہونا چاہیئے تھا ۔ لیکن اس وقت دروازہ اندر سے بند تھا یعنی گڑبڑ ضرور تھی ۔وہ دو قدم پیچھے ہوا اور پوری قوت سے لات مار کر دروازہ آر پاکر کردیا ۔ سامنے کا منظر دیکھ کر اسکی آنکھوں میں خون اتر آیا ۔ کھڑکی کے پٹ وا تھے ۔ غالبا یہاں قید لڑکی بھاگ چکی تھی ۔اور لمبے سے قد میں سیاہ بال والی لڑکی اسکے سامنے کھڑی تھی ۔ یعنی وہی اس سب کی زمہ دار تھی ۔اس نے غصے میں گن اسکی جانب پوائنٹ کرتے ہوئے ٹرگر دبا دیا۔ ٹھاء کی آواز کے ساتھ خون میں لت پت لڑکی زمین بوس ہوگئی ۔ مارشل نے بے یقنی سے یہ منظر دیکھا ۔ وہ بلاجواز کسی کو نہیں مارتا تھا یقننا وہ آج کسی چیز سے اپ سیٹ تھا ۔
سارے کیمراز کی فوٹیج چیک کر لی ہے ہم اس لڑکی کے سوا یہاں کوئی نہیں آیا ! یہ ضرور اس لڑکی کی کارستانی ہے؟؟؟ بے چارگی سے بھرپور نظر زمین پر گری لڑکی پر ڈالتے ہوئے بولا۔ جو اسکے غصے کا شکار ہوچکی تھی ۔
تو کیا کریں اب ؟؟ یہ تو مرگئی؟؟؟ یمان ہاتھوں کے مکے سر پر برساتے ہوئے بے چینی سے ٹہلنے لگا ۔مارشل نے بڑھ کر دو انگلیاں اسکی گردن پر جماتے ہوئے نبض محسوس کی جسکی رفتار بہت دھیمی چل رہی تھی ۔
زندہ ہے یا مرگئی؟؟؟ یمان نے چونک کر مارشل کو دیکھا ۔ نبض بہت دھیمی چل رہی ہے اسکا بچنا مشکل ہے ! وہ مایوسی سے بولا ۔
اسے اٹھائو اور ہاسپٹل لے جائو ! اسکا بچنا ضروری ہے مارشل ! وہ سختی سے تنبیہ کرتا ہوا بولا ۔ مارشل نے اثبات میں سر ہلاتے ہوئے سرعت سے اسے اٹھایا اور کندھے لادتے ہوئے گاڑی میں ڈالنے لگا ۔یمان نے زور سے لات دروازے کو ماری ۔ ایک نئی مصیبت گلے پڑ چکی تھی ۔ابھی تو فرمان کو اس بات کا علم نہیں ہوا تھا ۔نہ جانے وہ کیا رد عمل ظاہر کرتا ۔ الیکشن سر پر تھے ۔ کیمپِن کامیاب جارہی تھی ۔ایسے میں یہ مسلہ سلجھانا انکے لیئے بہت ضروری تھا ۔
*************************************
روم شہر میں اس وقت شام اتر رہی تھی ۔ لوگ قہقہے لگاتے کھلکھلاتے ،بے فکری سے بانہوں میں بانہیں اپنے ہم سفر کے ہمراہ سیر سپاٹوں پر نکلے ہوئے تھے۔انہی سے زرا فاصلے پر بیٹھا گہری آنکھوں والا نوجوان اطمینان سے کافی کا کپ لبوں سے لگائے آس پاس کے نظاروں سے لطف انداز ہورہا تھا ۔
ecco che arriva il ragazzo
mafioso !
(Here comes the mafia boy)
اسکے کان میں موجود آلے پر چہکتی ہوئی نسوانی آواز گونجی ۔ بحرام پرکشش انداز میں مسکرایا ۔جیسے وہ اسی کی توقع کررہا ہو۔
e il ragazzo delle stelle !
(& the star boy )
آواز پھر سے اسکی سماعتوں سے ٹکرائی ۔
آنہناں! وہ مسکراتے ہوئے کافی کے سپ لینے لگا ۔اسکی توقع کے عین مطابق وہ دنوں بھائی آج آمنے سامنے تھے ۔ ایسا کیسے ممکن تھا کہ کیمرے کی آنکھ سے حسین منظر محروم رہے ۔
آگے کیا کرنا ہے ؟؟؟ وہ کھچا کھچ تصوریں نکالتی ہوئی بولی ۔
کچھ خاص نہیں بس فرمان کو یہ تحفہ میری طرف بھیج دو ، ہم اس فیملی کے چوتھے اور آخری افراد کو کیسے اس تاریخی ملاقات سے محروم رکھ سکتے ہیں بھلا ! وہ مزے سے بولا۔
Sei sicuro? Patron !
(Are you sure? ,boss)
جایون کو جیسے یقین نہیں آیا ۔اسے لگا وہ تڑکتی بھڑکتی نیوز کے ساتھ تصوریں میڈیا کو دے دے گا ۔ آخر کار لوگوں کو بھی پتا چلنا چاہیئے ۔یشم الیم فرمان کا دوسرا بیٹا ہے ۔ ہمممم ! وہ اثبات میں سر ہلاتے ہوئے اٹھ کھڑا ہوا ۔
as you order !Boss!
کی صدا سنتے ہی اس نے آلہ کان سے نکال کر مٹھی میں جکڑا اور چلتے چلتے کافی کا آخری سپ لیتے ہوئے خالی مگ گاربیج کی نظر کردیا اور کچھ دور کھڑی سیاہ گاڑی میں جا بیٹھا ۔جسکا ڈرائیور ہمیشہ کی طرح تیار گاڑی آگے بڑھا لے گیا ۔
