Tum Bin Nahi Lagay Jiya by Amna Writer NovelR50667 Tum Bin Nahi Lagay Jiya (Episode 01)

Tum Bin Nahi Lagay Jiya by Amna Writer

باہر بارش ہورہی تھی۔۔۔۔۔آج بارش نے نہ رکنے کی قسم کھائی ہوئی تھی۔۔۔۔صبح سے ہی بارش ہورہی تھی۔۔۔۔وہ کچن میں کھڑی پکوڑے تل رہی تھی۔۔۔۔

پکوڑے تل کر وہ ایک پلیٹ میں رکھ رہی تھی جب صائمہ بیگم کچن میں چلی آئی۔۔۔۔۔دامیہ بیٹا پکوڑے بن گئے۔۔۔۔۔جی ماما بس میں چائے کپ میں ڈال لو۔۔۔۔دامیہ نے جلدی سے چائے کپ میں ڈال کر پکوڑے کی پلیٹ ٹرے میں رکھی۔۔۔۔

باہر ہی لاؤنج میں لے آو تمہارے بابا وہی بیٹھے ہوئے ہے ۔۔۔۔۔۔صائمہ بیگم باہر چلی گئی۔۔۔تو دامیہ ٹرے اٹھا کر لاؤنج میں ہی لے آئی ۔۔۔۔۔۔ اور ٹرے لاکر ٹیبل پر رکھ دی۔۔۔۔

میری بیٹی تو بنا کہے ہی جان جاتی ہے کہ کب اس کے بابا کو کیا چاہیے۔۔۔۔۔عالم صاحب نے مسکرا کر دامیہ کو دیکھا۔۔۔۔۔

بابا اب میں نہیں آپکا خیال رکھوگی تو اور کون رکھے گا۔۔۔۔۔دامیہ نے عالم صاحب کی گردن میں بڑے ناز سے دونوں ہاتھ ڈال کر کہا۔۔۔۔۔۔

ہاں بلکل ہماری ایک ہی تو بیٹی ہے جو ہماری کل کائنات ہے۔۔۔۔۔عالم صاحب نے دامیہ کے دونوں ہاتھ چوم کر کہا۔۔۔۔۔۔

اور آپ دونوں بھی میری زندگی ہے ماما بابا۔۔۔۔دامیہ نے دونوں کا ہاتھ پکڑ کر کہا۔۔۔۔

عالم صاحب چائے ٹھنڈی ہورہی ہے ۔۔۔۔۔ نہیں تو بعد میں آپ کہے گے کہ چائے ٹھنڈی دی تھی مجھے۔۔۔۔۔صائمہ بیگم نے عالم صاحب کی پیچھلی بات ان کو یاد کروائی۔۔۔۔۔

بیگم صاحبہ تب آپ نے واقعی چائے ٹھنڈی دی تھی۔۔۔۔عالم صاحب کو اپنا بھولا ہو درد دوبارہ یاد آگیا۔۔۔۔۔

جی اس لیے ہی تو اب کہا ہے کہ گرم پکوڑوں کے ساتھ گرما گرم چائے پییے۔۔۔۔۔۔صائمہ بیگم نے ان کو تنگ کیا۔۔۔۔۔

دیکھ لو دامیہ بیٹا تمہاری ماما میری ٹانگ کھینچنے کا کوئی بھی موقع ہاتھ سے جانے نہیں دیتی۔۔۔۔۔عالم صاحب نے دامیہ سے صائمہ بیگم کی شکایات لگائی۔۔۔۔۔

دامیہ ان کی پیار بھری لڑائی دیکھ کر مسکرا دی۔۔۔۔۔۔۔۔

************

عالم صاحب اور صائمہ بیگم کی ایک ہی بیٹی تھی دامیہ ۔۔۔۔۔۔دامیہ کے بعد کچھ مسئلوں کی وجہ سے ان کے ہاں دوبارہ اولاد نہ ہوسکی۔۔۔۔۔پر وہ اس نعمت پر ہی خدا کا شکر ادا کرتے نہیں تھکتے تھے۔۔۔۔

دامیہ کی منگنی اپنی ماموں زاد کزن عاہد سے تین سال پہلے ہوئی تھی۔۔۔۔دونوں ہی ایک دوسرے سے محبت کرتے تھے ۔۔۔۔۔ پر دامیہ نے کبھی عاہد کے سامنے اظہار نہیں کیا تھا ۔۔۔۔۔

اور عاہد نے بھی اسرار نہ کیا تھا اظہار کرنے کو۔۔۔۔کیوں کی وہ جانتا تھا کہ لڑکیاں کم ہی اپنی محبت کا اظہار کرتی ہے۔۔۔۔۔

منگنی کے فورا بعد ہی عاہد لندن چلا گیا تھا۔۔۔۔شادی عاہد کے آنے کے بعد ہی ہونی تھی۔۔۔۔۔ دونوں گھرانے اس رشتے سے بہت خوش تھے۔۔۔۔۔۔

***********

دامیہ اپنے کمرے کی چھوٹی سے لائبریری میں بیٹھی بکس پڑھ رہی تھی۔۔۔۔۔جب وہاں صائمہ بیگم چلی آئی ۔۔۔۔۔۔

دامیہ بیٹا باہر تمہاری پھوپھو آئی ہے باہر آجاو تم۔۔۔۔۔۔ صائمہ بیگم کہ کر چلی گئی۔۔۔۔دامیہ نے بکس کا پیج ایک سائیڈ سے فولڈ کردیا۔۔۔۔تاکہ دوبارہ آکر یہی سے پڑھ سکے۔۔۔۔اور خود بیڈ سے ڈوپٹا اٹھا کر باہر چلی آئی۔۔۔۔۔۔۔۔۔

اسلام و علیکم پھوپھو۔۔۔۔دامیہ نے مسکرا کر عابدہ بیگم پر سلامتی بھیجی۔۔۔۔۔۔وعلیکم اسلام پھوپھو کی جان کیسی ہو۔۔۔۔عابدہ نے دامیہ کو اپنے گلے سے لگا کر پیار بھرے لہجے میں پوچھا۔۔۔۔۔۔۔۔

میں ٹھیک ہو آپ سنائے۔۔۔۔۔دامیہ نے ان سے جدا ہوتے ہوئے کہا۔۔۔۔۔میں بھی بلکل ٹھیک ہو ۔۔۔۔۔

ابرار بھائی آپ کیسے ہے۔۔۔۔۔دامیہ نے مسکرا کر ابرار کو دیکھا۔۔۔۔۔میں ٹھیک ہو۔۔۔۔ابرار کا ہر مرتبہ کی طرح اس مرتبہ بھی دامیہ کے بھائی بولنے پر موڈ خراب ہوگیا تھا۔۔۔۔۔۔

صائمہ بیگم چائے کے لوازمات لے آئی۔۔۔۔۔تو دامیہ نے صائمہ بیگم کو بیٹھا کر خود چائے سرو کی۔۔۔۔۔ چائے سرو کرنے کے بعد دامیہ صائمہ بیگم کے ساتھ صوفے پر بیٹھ گئی۔۔۔۔۔

عاہد کب تک آرہا ہے پھر بھابھی۔۔۔۔۔عابدہ نے عاہد کے بارے میں دریافت کیا۔۔۔۔ عباس بھائی تو کہ رہے تھے کہ اس سال کے آخر تک آجائے گا عاہد۔۔۔۔۔پھر ہی شادی کی تاریخ رکھی جائے گی۔۔۔۔۔ صائمہ بیگم نے مسکرا کر کہا۔۔۔۔

چلو اللہ بہتر کرے گا انشاءاللہ۔۔۔۔۔عابدہ نے دل سے دعا دی۔۔۔۔ انشاءاللہ بس آپ بہن بھائیوں کی ہی دعا چاہیے ۔۔۔صائمہ نے انھیں لوزامات پیش کرتے ہوئے کہا۔۔۔

عاہد کے نام پر دامیہ کے چہرے پر ایک رنگ آرہا تھا ایک رنگ جارہا تھا۔۔۔۔۔ جیسے ابرار نے بہت باریکی سے نوٹ کیا۔۔۔۔۔

اچھا بھابھی اجازت دے اب چلتے ہے۔۔۔۔۔عابدہ اور ابرار جانے کے لیے کھڑے ہوگئے۔۔۔۔۔۔ عابدہ بیٹھ جاؤ کھانا کھا کر جانا۔۔۔۔۔صائمہ نے اسرار کیا۔۔۔۔

نہیں بھابھی پھر کبھی سہی ابھی ابرار کو کسی ضروری کام کے لیے جانا ہے۔۔۔۔۔عابدہ بیگم نے اپنی چادر درست کرتے ہوئے کہا۔۔۔۔۔

اچھا بیٹا چلتی ہو تم بھی چکر لگا لیا کرو ۔۔۔۔۔عابدہ بیگم نے دامیہ سے پیار بھرا شکوہ کیا۔۔۔۔۔جی پھوپھو لگاوگی چکر مامابابا کے ساتھ۔۔۔۔

صائمہ بیگم ان کو گیٹ تک چھوڑنے چلی گئی۔۔۔۔جبکہ دامیہ برتن سمیٹ کر اپنے کمرے میں آکر دوبارہ وہی سے کتاب پڑھنے لگی ۔۔۔۔ جہاں سے چھوڑ کر گئی تھی۔۔۔۔۔۔۔

***********

آج تین سالوں بعد عاہد لندن سے آرہا تھا۔۔۔۔۔عاہد کو ائیرپورٹ سے لینے عباس صاحب عالم صاحب اور عادل (عاہد کا چھوٹا بھائی ) جارہے تھے۔۔۔۔۔

صائمہ بیگم بھی اپنے بھائی کی طرف آئی ہوئی تھی۔۔۔۔۔صائمہ بیگم نے دامیہ کو بھی چلنے کا کہا۔۔۔۔

پر دامیہ نے طبیعت کا بہانہ کرکے جانے سے منا کردیا۔۔۔۔دامیہ اتنے سالوں کے بعد عاہد کے سامنے جانے پر شرما رہی تھی۔۔۔۔۔

**********

سب لوگ تقریبا پانچ بجے عاہد کے ساتھ گھر پہنچے۔۔۔۔عدینہ بیگم نے آگے بڑھ کر عاہد کو اپنے سینے سے لگایا۔۔۔۔ایمن بھی اپنے بھائی سے خوشی سے ملی۔۔۔۔۔

عاہد چل کر صائمہ بیگم کے پاس آیا۔۔۔۔اور ان کے سامنے اپنا سر جھکادیا۔۔۔۔صائمہ بیگم نے عاہد کے سر پر پیار دے کر عاہد کو اپنے گلے سے لگالیا۔۔۔۔عاہد کی نظریں اردگرد کسی کو تلاش کرنے لگی۔۔۔۔

ایمن جو اپنے بھائی کی کارروائی دیکھ رہی تھی۔۔۔۔عاہد کے کان میں سرگوشی سے بولی۔۔۔۔بھائی دامیہ نہیں آئی۔۔۔۔اس لیے اس کو ڈھونڈنا بند کرے۔۔۔۔ایمن نے شرارت سے کہا۔۔۔۔۔

وہ کیوں نہیں آئی۔۔۔۔عاہد دامیہ کا نہ آنے کا سن کر اداس ہوگیا تھا۔۔۔۔۔۔۔بھائی اداس مت ہوئے ۔۔۔۔۔ دامیہ کی طبیعت ٹھیک نہیں تھی اس لیے نہیں آئی۔۔۔۔۔۔

ایمن نے بھائی کا اداس چہرہ دیکھ کر تنگ کرنے کا ارادہ ترک کردیا تھا۔۔۔۔۔۔

************

خوش گوار ماحول میں کھانا کھایا گیا تھا۔۔۔۔عاہد نے بھی اپنا موڈ ٹھیک کرلیا تھا۔۔۔۔اپنی خوشی کے لیے وہ دوسروں کو پریشان نہیں کرنا چاہتا تھا۔۔۔۔۔۔۔

کچھ دیر بیٹھنے کے بعد عالم صاحب اور صائمہ بیگم نے جانے کی اجازت چاہی۔۔۔۔۔عاہد ان کے ساتھ گیٹ تک آیا تھا۔۔۔۔ان کے جانے کے بعد عاہد اپنے کمرے میں آکر لیٹ گیا تھا۔۔۔۔

**************

دس بجے کے قریب عالم صاحب اور صائمہ بیگم گھر میں داخل ہوئے تھے۔۔۔۔ماما اتنی دیر کیوں لگا دی آپ لوگوں نے۔۔۔۔۔ دامیہ نے انھیں آتے ہی گھیرلیا۔۔۔۔

کیوں ہماری بیٹی بور ہورہی تھی کیا گھر میں۔۔۔۔عالم صاحب نے دامیہ کو اپنے ساتھ لگا کر کہا۔۔۔۔میں نے اسے کہا تو تھا کہ چلے ہمارے ساتھ۔۔۔۔صائمہ بیگم نے دامیہ کو دیکھا۔۔۔

ماما طبیعت ٹھیک نہیں تھی میری۔۔۔۔بابا آپ چائے پیے گے کیا۔۔۔۔دامیہ نے کچن کی طرف جاتے ہوئے پوچھا۔۔۔۔

نہیں رہنے دو میں چائے پی کر آیا ہو۔۔۔۔صائمہ بیگم کمرے کی طرف چل دی ۔۔۔۔ تو عالم صاحب نے دامیہ کو اشارے سے چائے بنانے کا کہ دیا۔۔۔۔۔

دامیہ مسکراتی ہوئی کچن میں چلی گئی۔۔۔۔۔آدھے گھنٹے بعد عالم صاحب اپنے کمرے سے نکل کر باہر لان میں آگئے۔۔۔۔

دامیہ بھی چائے لے کر وہی آگئی۔۔۔۔۔دامیہ ان کے ساتھ والی چیئر پر بیٹھ گئی۔۔۔۔۔بابا ماما سو گئی کیا۔۔۔۔دامیہ نے چائے کا کپ لبوں کو لگا کر پوچھا۔۔۔۔

ہاں بیٹا سوگئی ہے تمہاری ماما آگر جاگ رہی ہوتی نہ تو میں اسے باہر آکر چائے نہ پیتا۔۔۔۔عالم صاحب نے مسکرا کر کہا۔۔۔۔ عالم صاحب نے دامیہ کو دیکھا ۔۔۔۔ جو اب ان کے گھر کچھ دنوں کی ہی مہمان تھی۔۔۔۔آج عباس صاحب نے شادی جلدی ہی کرنے کی بات کی تھی۔۔۔۔۔۔

ایسے کیا دیکھ رہے ہے بابا۔۔۔۔۔دامیہ نے عالم صاحب کو دیکھا۔۔۔کچھ نہیں بس دیکھ رہا تھا کہ ہماری بیٹی اتنی بڑی ہوگئی۔۔۔۔۔کہ شادی کر کے دوسرے گھر چلی جائے گی۔۔۔۔بات کرتے ہوئے عالم صاحب کی آنکھوں میں نمی آگئی۔۔۔جو انھوں نے چہرہ دوسری طرف کرکے چھپانے کی کوشش کی۔۔۔۔

پر دامیہ نے پھر بھی دیکھ لی تھی۔۔۔۔یہاں دیکھے بابا میری طرف۔۔۔۔دامیہ نے ان کا چہرہ اپنی طرف کیا۔۔۔بابا آپ کیوں رو رہے میں کونسا ابھی جارہی ہو۔۔۔۔ دامیہ کی آنکھوں میں بھی آنسو آگئے۔۔۔۔

ارے میر ی بیٹی رونا نہیں۔۔۔۔عالم صاحب نے دامیہ کے آنسو صاف کرکے کہا۔۔۔۔

بابا آپ بھی تو رو رہے ہے۔۔۔۔دامیہ نے ان کے آنسو دیکھ کر کہا۔۔۔۔۔اچھا میں بھی نہیں روتا اب خوش۔۔۔

۔عالم صاحب نے اپنے آنسو صاف کرکے کہا۔۔۔۔۔ہاں اب ٹھیک ہے دامیہ مسکرا دی۔۔۔۔۔

************

دامیہ کچن میں برتن دھو رہی تھی۔۔۔۔جب ابرار وہاں چلا آیا۔۔۔۔۔۔ابرار بھائی آپ یہاں کیوں آئے۔۔۔۔لاؤنج میں جاکر بیٹھے نہ۔۔۔۔۔دامیہ نے صاف برتن کیبن میں رکھتے ہوئے کہا۔۔۔۔

تم مجھے بھائی نہ کہا کرو۔۔۔۔ابرار نے منہ بنا کر کہا۔۔۔۔۔

آپ مجھ سے بڑے ہے تو بھائی ہی کہوگی نہ۔۔۔۔۔دامیہ نے مسکرا کر کہا۔۔۔۔۔

ضروری تو نہیں جو بڑا ہو اسے بھائی ہی کہنا چاہیے۔۔۔۔۔تم مجھے ابرار بھی کہ سکتی ہو۔۔۔۔۔

نہیں مجھے ابرار بھائی ہی کہنا اچھا لگتا ہے۔۔۔۔۔دامیہ نے اپنے کام میں مصروف ہی کہا۔۔۔۔پر مجھے تمہارے منہ سے اپنے لیے بھائی سننا پسند نہیں۔۔۔۔۔ابرار نے ضدی لہجے میں کہا۔۔۔۔۔۔

دامیہ نے مشکوک نظروں سے ابرار کو دیکھا۔۔۔۔جس کا لہجہ کچھ اور ہی کہ رہا تھا۔۔۔۔۔ابرار چلتا ہو دامیہ کے نزدیک آگیا۔۔۔۔دامیہ دو قدم پیچھے ہوئی۔۔۔۔۔

دامیہ مجھے تم سے بات کرنی تھی۔۔۔۔ابرار نے دامیہ کے چہرے کی طرف دیکھا۔۔۔۔۔جہاں اس وقت ڈر نظر آرہاتھا۔۔۔۔۔

دامیہ تم ڈور نہیں مجھ سے میں تمہیں کھا نہیں جاو گا۔۔۔۔ابرار نے دامیہ کا ہاتھ پکڑ کر کہا۔۔۔۔

دامیہ نے جھٹکے سے اپنا ہاتھ ابرار کے ہاتھ سےچھڑوایا۔۔۔۔

یہ کیا بدتمیزی ہے ابرار بھائی۔۔۔۔۔۔دامیہ آہستہ آواز میں بولی۔۔۔۔تا کہ کوئی سن نہ لے۔۔۔۔۔یہ بدتمیزی نہیں یہ محبت ہے جو میں تم سے کرتا ہو۔۔۔۔۔ابرار نے پھر سے دامیہ کا ہاتھ پکڑ کر کہا۔۔۔۔

اس مرتبہ دامیہ نے اپنا ہاتھ غصے سے نکالا۔۔۔۔۔ ابرار بھائی کچھ شرم کرے میں کسی کی منگیتر ہو۔۔۔۔دامیہ نے آہستہ آواز میں چلا کر کہا۔۔۔۔۔

تو منگنی ہی ہوئی ہے کونسا نکاح ہوا ہے۔۔۔۔تم منگنی تھوڑا بھی سکتی ہو۔۔۔۔۔ابرار نے آرام سے کہا۔۔۔

دامیہ نے چونک کر ابرار کو دیکھا۔۔۔۔جیسے اس کی دماغی حالت پر شبہ ہو۔۔۔۔۔یہ کیا بکواس کر رہے آپ۔۔۔۔۔میں محبت کرتی ہو عاہد سے سنا آپ نے محبت کرتی ہو۔۔۔۔۔۔دامیہ جس نے کبھی عاہد کے سامنے اظہار نہیں کیا تھا۔۔۔۔۔ آج ابرار کے سامنے اپنی محبت کا اظہار کررہی تھی۔۔۔۔۔۔۔

ابرار کے تو تن من میں آگ ہی لگ گئی۔۔۔۔دامیہ کے منہ سے عاہد کے لیے محبت کا لفظ سن کر۔۔۔۔۔۔اور آئیندہ آپ میرے راستے میں آنے کی غلطی مت کیجئے گا۔۔۔۔۔دامیہ نے غصے سے ابرار کو دیکھا۔۔۔۔۔ابرار غصے سے پاؤں پتخٹا ہوا کچن سے باہر نکل گیا۔۔۔۔۔۔۔۔

دامیہ کے آنکھوں میں آنسو چمکنے لگے۔۔۔۔۔۔ جیسے ہمیشہ بھائی سمجھا تھا وہ آج یہ پاکیزہ رشتہ بدلنا چاہتا تھا۔۔۔۔دامیہ نے دکھ سے سوچا۔۔۔۔۔۔اسے ابرار کی سوچ پر بہت افسوس ہوا تھا ۔۔۔۔۔

**********

عاہد لان میں بیٹھا اپنے موبائل میں دامیہ کی تصویر دیکھ رہا تھا ۔۔۔۔۔ جب وہاں ایمن چلی آئی۔۔۔

ہممم ہممم کس کی تصویرے دیکھی جارہی ہے ۔۔۔۔۔ ہمیں بھی دکھائے نہ بھائی۔۔۔۔ایمن نے شرارت سے بھر پور لہجے میں کہا۔۔۔۔۔۔

تم کیا ہر وقت میری جاسوسی ہی کرتی رہتی ہو کیا۔۔۔۔عاہد نے مسنوئی گھوری سے ایمن کو نوازا۔۔۔۔۔نہیں بھائی وہ تو امی نے آپکو بلانے بھیجا تھا۔۔۔۔اس لیے ساتھ آپکی جاسوسی بھی ہوگئی۔۔۔۔ایمن نے ہنس کر کہا۔۔۔۔۔

اچھا امی کہاں ہے۔۔۔عاہد نے موبائل اپنی جینز کی جیب میں ڈالتے ہوئے پوچھا۔۔۔۔۔وہ اپنے کمرے میں ہے آجائے ۔۔۔۔۔

امی نے آپکو ساتھ لانے کا ہی کہا ہے۔۔۔۔۔۔اچھا چلو پھر۔۔۔۔دونوں اندر کی طرف چل دیے۔۔۔۔۔۔

______________

امی آپ نے بلایا۔۔۔۔عاہد نے عدینہ بیگم کے کمرے کے دروازے کے پاس رکھ کر پوچھا۔۔۔۔۔ہاں بیٹا آو اندر۔۔۔۔۔عاہد چلتا ہوا عدینہ بیگم کے پاس آکر بیٹھ گیا۔۔۔۔۔

بیٹا آج شام کو ہم تمہاری پھوپھو کی طرف جارہے ہے۔۔۔۔۔تم نے جانا ہے ہمارے ساتھ۔۔۔۔۔عدینہ بیگم نے عاہد کے چہرے کی طرف دیکھا۔۔۔۔۔

عاہد کا دل دامیہ کو دیکھنے کے لیے مچل رہا تھا۔۔۔۔ اس لیے بنا کچھ سوچے جواب دیا۔۔۔۔ہاں امی میں آپکے ساتھ چلوگا ویسے بھی پھوپھو کے گھر گئے ہوئے کافی ٹائم ہوگیا۔۔۔۔۔عاہد نے سنجیدگی سے کہا۔۔۔۔

پھو پھو کے گھر جانا ہے یہ پھو پھو کی بیٹی دیکھنی ہے۔۔۔۔ایمن نے دروازے سے جھانک کر کہا۔۔۔۔۔

تمہاری زبان کچھ زیادہ ہی چلنے لگی ہے تمہیں میں بتاتا ہو۔۔۔۔عاہد ایمن کی طرف بڑھا۔۔۔۔ایمن بھاگ کر اپنے کمرے میں غائب ہوگئی۔۔۔۔۔

عدینہ بیگم کے ہونٹوں پر مسکراہٹ آگئی۔۔۔۔عدینہ بیگم نے دل ہی دل میں اپنے بچوں کی نظر اتاری۔۔۔۔۔۔اور ہمیشہ خوش رہنے کی دعا دی ۔۔۔۔