Qalbi Mohabbat By Husny Kanwal 

اس کی آنکھ کھلی ۔۔۔تو سر شدید بھاری ہورہا تھا۔۔۔ایک دو ثانیوں کے لیے وہ سر پکڑۓ بیٹھی رہی۔۔۔۔ پھر ذرا حواس بحال ہوۓ۔۔۔تو اپنے قریب اپنی بڑی بہن کی لاش خون میں لت پت پڑٸی دیکھ۔۔۔اس کی روح فنا ہوٸی۔۔۔ وہ اپنے گھر میں تھی۔۔۔اپنی بڑی بہن رخسار کے کمرے میں۔۔۔ اس کی لاش فرش پر پڑٸی تھی۔۔خون مسلسل بہہ رہا تھا۔۔۔ ۔۔۔اس کے پیٹ میں چھری لگی دیکھ۔۔۔وہ بدحواسی کے عالم میں چیختی ہوٸی اس کے پاس آٸی۔۔۔ ”آپی۔۔۔آپی۔۔۔آپی۔۔۔یہ سب کیا ہوگیا؟؟۔۔۔“اس نے چھری اس کے پیٹ سے نکالنے کی کوشش کی۔۔۔اس کا پورا جسم لرز رہا تھا۔۔۔۔ چھری خود سے دور پھینک کر۔۔۔کپکپاتے ہاتھوں کے ساتھ اپنی جان سے پیاری بہن کا چہرہ تھپتھپانے لگی۔۔۔ ”آپی۔۔آنکھیں کھولو۔۔۔آپی۔۔“اس کا جسم ٹھنڈا پڑچکا تھا۔۔۔۔یہ دیکھ وہ بدحواسی کے عالم میں روتے ہوۓ چیخنے لگی۔۔۔۔ اس کے اپنے ہاتھ و کپڑے بھی اب رخسار کے خون میں رنگ گٸے تھے۔۔۔ وہ صرف پندرہ سال کی تھی۔۔۔۔اپنی بہن کو اپنے سامنے خون میں لت پت پڑا دیکھ۔۔۔اسے سمجھ نہیں آرہا تھا وہ کیا کرۓ۔۔۔ اس کا ذہن مفلوج ہوکر رہ گیا تھا۔۔۔ ”آہ۔۔۔۔تم نے اپنی بہن کو قتل کردیا۔۔۔“ابھی وہ پھوٹ پھوٹ کر رو ہی رہی تھی کے اچانک کمرے کا دروازہ کھلا۔۔۔۔اور اسکی سوتیلی ماں رومیسا بیگم اپنے منہ پر ہاتھ رکھ کر چیخیں۔۔۔ ”نہیں۔۔نہیں۔۔۔نہیں۔۔۔۔میں نے کچھ نہیں کیا۔۔۔میں جب اٹھی تو ۔۔۔“وہ تیزی سے خوف کے سبب بولی۔۔۔مگر اس کی بات مکمل ہونے سے پہلے ہی رومیسا بیگم چیخ اٹھیں۔۔۔ ”تم نے ہی کیا ہے۔۔۔تمھارے علاوہ ہے کون یہاں؟؟۔۔۔میں ابھی پولیس کو فون کرتی ہوں۔۔۔“وہ کہتی ہوٸی.... تیزی سے وہاں سے چلی گٸیں۔۔۔ ”پولیس “پولیس کا لفظ سنتے ہی۔۔۔اس کے اوسان خطا ہوۓ۔۔۔۔ ”آپی اٹھو۔۔۔دیکھو امی مجھے پولیس کے حوالے کررہی ہیں ۔۔۔آپی اٹھو۔۔۔بچاٶ مجھے۔۔۔آپی۔۔۔اٹھ جاٶ ناں۔۔۔۔“وہ مسلسل اس کا چہرہ تھپتھپاکر اٹھانے کی کوشش کررہی تھی۔۔۔ مگر مردے بھی اٹھا کرتے ہیں بھلا۔۔۔۔ وہ چیختی رہی ۔۔۔یہاں تک کے پولیس آن پہنچی۔۔۔۔ دوسری جانب وہ آٸینے کے سامنے کھڑا کوٹ پہن رہا تھا۔۔۔۔ اس کے سفید شرٹ پر نیلے رنگ کا کوٹ بڑا جج رہا تھا۔۔۔چہرے پر بڑی سی مسکان رقصا تھی۔۔۔ اس خوبرو نوجوان نے اپنی محبوبہ کا تحفے میں دیا ہوا پرفیوم اٹھاکر۔۔۔خود پر چھڑکا۔۔۔۔ یہ پرفیوم بھی اسے ...اس حسین لڑکی کی یاد دلا رہا تھا۔۔۔۔ ”سر نعمان۔۔۔مس رخسار۔۔۔“اس کا خاص ملازم کمرے میں تیزی سے آکر اسے اطلاع دینا چاہتا تھا۔۔۔۔مگر اس کے ری۔ایکشن کے خوف سے الفاظوں کو مجال نہ ہوٸی منہ سے ادا کرنے کی۔۔۔ ”کیا ؟؟“وہ غصے کا کتنا تیز ہے یہ بات کون نہیں جانتا تھا۔۔۔ ”مس رخسار کا قتل ہوگیا ہے۔۔۔“بس اتنا سننا تھا کے وہ حواس باختہ ہوا۔۔۔۔ ”کیا بکواس کررہے ہو؟؟“اس نے پلٹ کر۔۔۔اپنے ملازم زوبیر کو ۔۔۔اپنی سیاہ آنکھوں سے گھورتے ہوۓ بےیقینی سے کہا۔۔۔۔ ”سر ۔۔۔یہ سچ ہے۔۔۔“اس نے نظریں جھکاکر۔۔۔آہستگی سے جواب دیا۔۔۔ اسکے جملے ایٹم بم کی طرح گرۓ تھے اس پر۔۔۔۔ ”تم جانتے بھی ہو۔۔۔۔ تم کیا بول رہے ہو اِس وقت؟؟“وہ زوبیر کا گریبان دونوں ہاتھوں سے پکڑ کر۔۔۔چنگھاڑا۔۔۔۔ اس کی آنکھیں سرخ انگارے کی مانند لال تھیں۔۔۔۔ اس کا حسین چہرہ شدید غضب ناک ہوچکا تھا۔۔۔۔ ”جی سر۔۔۔یہی سچ ہے۔۔۔“اس کے تصدیق کرتے ہی۔۔۔نعمان کے ہاتھ پاٶں سے جان نکلی۔۔۔ وہ اگلے ہی لمحے زمین پر گرا۔۔۔۔ اپنے کانوں پر اسے یقین نہیں آرہا تھا۔۔۔۔ رخسار کی خوبصورت گرے آنکھیں اس کی آنکھوں میں گھوم رہی تھیں۔۔۔۔ ان ہی آنکھوں سے تو پیار ہوا تھا اسے۔۔۔

COMPLETE DOWNLOD PDF LINK AVAILABLE