Parishay by Manal Ali Episode02
Parishay by Manal Ali Episode02
پریشے ۔۔پریشے۔۔
کہاں ہو تم ۔۔؟؟
میں یہاں ہوں امی ۔۔
کچن سے آواز آئی تو نوربانو وہی چلی آئی ۔۔
کیا کر رہی ہو یہاں ۔؟؟
پریشے نے ہاتھ میں پکڑی کوئی مٹھائی انہیں دکھائیں ۔۔
مٹھائی کھا رہی ہو امی ۔۔
باہر سب تمہارا پوچھ رہے ہیں ۔۔ اور تم یہاں پر کھڑی ہو کر مٹھائیاں کھا رہی ہو۔۔۔
میں باہر بور ہو رہی تھی امی ۔پریشے نے فورا وضاحت کی۔
یہ سارے بڑے لوگوں کی رسمیں کب تک چلیں گئی ۔۔؟
پریشے نے اپنی ماں سے پوچھا۔۔۔۔۔
میں کب سے اپنی باری کا انتظار کر رہی ہوں لیکن میری باری آ ہی نہیں رہی۔۔
اس لئے میں بور کے اندر آگئی ۔۔۔۔۔
وہ اپنی بیٹی کی بات پر مسکرا ئی ۔تم سب سے چھوٹی ہو اس لیے تمہاری باری آخر میں آئے گی ۔۔اب چلو ۔۔
اچھا آئی ۔۔۔۔۔
پریشے بعد میں کھا لینا ۔۔۔ نور بانو نے اپنی بیٹی کو ڈانٹا ۔۔
اوکے اوکے چلیں ۔۔۔۔۔۔۔
وہ نور بانو کے ساتھ لان میں آئی جہاں ابھی بھی سب رسم کرنے میں مصروف تھے۔وہ ایک بار پھر سے اپنی باری کا انتظار کرنے لگی ۔۔۔۔جب پیچھے سے کسی کی مردانہ آواز سنائی دی ۔۔
اپنی باری کا انتظار ہو رہا ہے ۔۔؟؟
وہ بغیر اس کی طرف رخ کئے وہی کھڑے کھڑے مسکرا ئی ۔۔۔پریشے کی بوریت اچانک ہی ہوا ہوئی ۔۔۔۔ پریشے کا دل اس شخص کی آواز پر بہت زور سے دھڑکا ۔۔۔۔
اپنی باری کا انتظار ہورہا ہے۔؟ سوال پھر سے دہرایا گیا ۔۔
جی ۔۔۔۔
اس نے مختصر جواب دیا ۔۔
کس کے ساتھ کروں گی رسم اپنے بھائی اور بھابھی کی۔۔ ؟؟
اکیلے کر لوں گی یا پھر بڑی بھابھی کے ساتھ ۔۔
کیا ۔۔۔ہم ساتھ مل کر رسم کریں ۔۔۔۔۔؟؟
خاور کی بات پر وہ رخ موڑ کر اسے دیکھنے لگی۔۔۔
پریشے کی آنکھوں میں ایک دم چمک ای ۔۔ رخسار ایک دم سرخ ہو گئے ۔۔
اس کی سبز آنکھوں میں شرارت کے سارے رنگ آۓ۔۔۔۔۔۔
کس لئے ہم ساتھ رسم کرینگے اور کیوں کریں گے وجہ جان سکتی ہوں ۔۔۔۔۔؟؟؟
کیونکہ میں تمہارا منگیتر ہوں ۔۔
خاور بھی مسکرا کر اسے بتا رہا تھا ۔۔۔۔
ہاں ٹھیک ہے اپ میرے منگیتر
ہیں۔
لیکن اگر یہ بات میں امی سے کہو کہ خاور کہہ رہے ہیں کہ ہم ساتھ مل کر رسم کریں گے تو پتہ ہے کیا ہوگا مسٹر خاور ۔۔۔۔۔
وہ اپنے سینے پر ہاتھ باندھے خاور سے کہہ رہی تھی ۔۔۔
خاور بھی سینے پر ہاتھ باندھے پریشے کو دیکھ رہا تھا۔
پھر بولا ۔۔
اچھا کیا ہوگا ۔۔۔۔؟؟
پھر۔۔۔۔۔
امی مجھے گھورگھور کر دیکھیں گی اور میری بےعزتی کریں گی جو میں نہیں چاہتی۔۔۔
تو یہ بات تو رہنے ہی دیں کہ ہم ساتھ مل کر رسم کریں گے۔۔
پریشے نے اپنی مسکراہٹ روکی اور دوبارہ اپنا رخ اسٹیج کی طرف کر لیا ۔۔۔خاور کی شکل دیکھنے لائق تھی ۔۔۔۔۔۔
اس نے بمشکل اپنی ہنسی روکی ۔۔
اگر ہم نے سات رسم کی تو۔؟ خاور نے پریشے کو کھلا چیلنج کیا۔۔
ہو ہی نہیں سکتا امی کبھی نہیں مانیں گی ۔۔
چلو دیکھتے ہیں ۔۔۔
خاور پریشے کا منگیتر تھا ۔
مرحوم” شاہد صاحب” جو کہ پریشے کے والد صاحب تھے۔
خاوران کے بزنس پارٹنر کا بیٹا تھا ۔۔۔ اور ان کا اکلوتا بننے والا داماد ۔۔ مگر چند سالوں بعد ۔۔
پریشے اسٹیج کے دوسرے صوفے پر جا کے بیٹھی تو حیران رہ گئی خاور تیرے صوفے پر بیٹھا ہوا تھا۔۔۔۔
اس نے ایک نظر نیچے کھڑی امی کو دیکھا جو مسکرا کر انہیں دیکھ رہی تھی ۔۔۔
پھر پریشے کچھ پر سکون ہو کر خود بھی بیٹھ گئی اور رسم ادا کرنے لگی۔۔۔۔
آپ نے کس سے بولا تھا خاور۔؟؟ تمہارے بڑے بھائی “احمد” سے ۔۔اچھا اچھا ۔۔۔۔
تو اسی وجہ سے اجازت مل گئی آپ کو خاور ۔۔۔۔۔۔
پریشے واپس جانے کے لئے موڑی۔۔۔
پریشے۔۔۔
خاور نے اسے پکارا۔۔۔
بہت پیاری لگ رہی ہو۔۔ ۔
خاور اس کی ہری آنکھوں میں دیکھ کر کہہ رہا تھا۔۔
پریشے نے بے ساختہ اپنی نظریں چرائی۔ وہ خاور سے شرما رہی تھی ۔۔وہ ہمیشہ ہی اس سے شرماتی تھی۔۔۔۔
خاور کو اس کی یہ ادا بہت پسند تھی وہ کبھی بھی اس کو بہت زیادہ دیکھ کر باتیں نہیں کرتی تھی ایک دو بار دیکھ کر نظر جھکا لیتی تھی۔۔
مگر خاور اسے مسلسل دیکھا تھا ۔۔
وہ تھی ہی اس قدر خوبصورت ۔
میری نظر لگ جائے گی تمہیں ۔۔۔۔
پریشے زمین پرنظریں گاڑے کھڑی تھی۔۔شرم سے اس کے رخسار سرخ ہو گئے تھے کان کی لو گرم ہو گئی تھی ۔۔
پریشے کیلئے اب مزید وہاں کھڑا ہونا مشکل ہو رہا تھا ۔۔۔پریشے خاور کو بغیر دیکھے اب وہاں سے جا چکی تھی ۔۔
خاور اس کی اس حرکت پر پورے دل سے مسکرایا ۔۔۔
پریشے نے گھر کے اندر جاتے ہوئے اپنے آپ کو ذرہ رک کر لاؤنج میں لگے بڑے سے شیشے میں خود کو دیکھا ۔۔۔
پریشے پیلے رنگ کی فراک پہنی ہوئی تھی اور بالوں کی چٹیا بنا کر اس میں چھوٹے چھوٹے پھول لگائے تھے ۔ کانوں میں پھولوں والے زیور اور ہاتھ میں پیلی چوڑیاں ہری آنکھوں میں گہرا کاجل اور ہلکے سے میک اپ میں وہ بہت پیاری لگ تھی۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دوپہر میں پری کالج سے واپس آئی۔ کپڑے بدل کر نیچے کچن میں دیکھا کوئی نہیں تھا ۔وہ شکر کا سانس لیتی اندر کچن میں داخل ہوئی ۔گلاس میں پانی نکالا اور گھونٹ گھونٹ پینے لگی ۔۔۔
ہیلو بیوٹیفل ۔۔۔
کسی کی آواز سے وہ بری طرح چونکی۔۔۔
سامنے کھڑا شخص چہرے پر مکاری والی ہنسی لیے اب کچن میں داخل ہو رہا تھا۔۔۔۔
بال ہمیشہ کی طرح چوٹی میں بندھے ہوئے تھے ۔سینے تک اپنی شرٹ کے بٹنوں کو کھولے منہ میں سگریٹ دبائے گلے میں اپنے نام کی مخصوص چین پہنے جس پر اس کا نام “ولید” لکھا ہوا تھا۔ سینے پر ہاتھ باندھ کر بڑی دلچسپی سے اسے دیکھ رہا تھا ۔اور سامنے کھڑی لڑکی اسے
بے حد ناگواری سے دیکھ رہی تھی۔ یہ شخص اسے انتہائی زہر لگتا تھا ۔۔
کیا حال ہے ۔۔؟وہ سامنے کھڑی لڑکی سے پوچھ رہا تھا ۔۔
دو دن سے میں یہاں نہیں آیا میں نے تمہیں بہت مس کیا۔۔
کیا تم نے مجھے مس کیا ۔۔؟؟
ولید اپنے منہ سے سگریٹ کا دھواں باہر نکالتا ہوا اس سے پوچھ رہا تھا ۔۔۔
وہ اس کو بغیر جواب دیے خاموشی سے پانی کا گلاس لے کر آگے جانے لگی ۔
تو ولید فورا اس کے راستے میں آ گیا۔ اوراپنے دونوں ہاتھ کھول کر اس نے اسے جانے سے روکا ۔۔
سامنے کھڑی لڑکی نے دانت پر دانت زور سے جمائے غصے اور ضبط سے اپنی مٹھی زور سے بند کی ۔۔
میرا راستہ چھوڑیں مجھے جانا ہے ۔۔۔
ولید اس کی بات پر زور سے ہنسا ۔یہ ہنسی اس کے کانوں کو بالکل بھی پسند نہ تھی ۔۔
وہ ایک بار پھر سےجانے کے لیے آگے بڑھنے لگیں۔توولید نے اچانک پر ی کا ہاتھ پکڑ لیا ۔۔
ڈر کے مارے گلاس ہاتھ سے چھوٹا اور زمین پر جا گرا ۔۔۔
ہاتھ چھوڑیں میرا پری نے بہت سختی سے کہا ۔۔میں نے ہاتھ چھوڑنے کے لئے تھوڑی پکڑا ہے۔ ولید نے فوراً جواب دیا ۔ میں نے کہا میرا ہاتھ چھوڑیں اس بار وہ خاصی زور سے بولیں ۔
ہمت ہو تو چھڑا لو ۔۔
میں شور مچاؤ گی ۔ میرا ہاتھ چھوڑیں آپ ۔۔
مچا ؤشور زور زور سے مچاؤ ۔۔ ۔مگر اس وقت گھر میں کوئی بھی نہیں ہے خالہ اور ثمن شاپنگ پر گئے ہیں خالو آفس اور فرحان شاید سو رہا ہے۔۔
وہ بے حد کمینے پن سے بولا اس کی آنکھوں میں شیطانی چمک دیکھ کر اس کو اپنا سانس رکتا ہوا محسوس ہوا ۔
پھر پوری ہمت جمع کرکے پری نے ایک زور دار تھپڑ اس کے منہ پر مارا ۔وہ اس سے اب اپنا ہاتھ چھڑوا چکی تھی ۔۔ولید غصے سے اس کے قریب بڑھا تو اس نے سلپ پر رکھی ہوئی پانی کی بوتل اٹھا کر اس کے منہ پر ماری اور بھاگتے ہوئے کچن سے نکل گئی۔ اپنے پیچھے اسے ولید کی آواز سنائی دی جو اسے گالی دے رہا تھا ۔۔۔
وہی گالی جو وہ بچپن سے سنتی آئی تھی ۔۔۔
گندے خون کی پیداوار۔۔۔۔
_________________________
رنجِ فراقِ یار میں ، رسوا نہیں ہوا
اِتنا مَیں چپ ہوا ، کہ تماشا نہیں ہوا
ایسا سفر ہے
جس میں کوئی ہمسفر نہیں… !
رستہ ہے اِس طرح کا ، جو دیکھا نہیں ہوا
مشکل ہوا ہے رہنا ہمیں
اِس دیار میں… !
برسوں یہاں رہے ہیں ، یہ اپنا نہیں ہوا
وہ کام شاہِ شہر سے
یا شہر سے ہوا… !
جو کام بھی ہوا ہے ، وہ اچھا نہیں ہوا
مِلنا تھا ایک بار اُسے
پھر کہیں مُنیرؔ … !
ایسا میں چاہتا تھا ، پر ایسا نہیں ہوا
*****
*****
شاعر : مُنیرؔ نیازی
مجموعہ کلام : »» ایک مسلسل ««
جاری ہے ۔۔۔۔
