اک زمانہ ہوا اسے بچھڑے ہوئے اب بھی مگر
راہ چلتے ہوئے،،،، ،،،،،،،،،لوگوں میں نظر آتا ہے

وہ دھیمے قدموں سے چلتی اپنے میکے کے اس شہرِ خموشاں میں داخل ہوئی تھی۔۔ چاروں طرف گہرا سناٹا تھا۔۔ بس اس کے قدموں کی آہٹ قبروں کے بیچ و بیچ چلتی ابدی نیند سوئے ان لوگوں میں اپنی موجودگی کا پتہ دے رہی تھی۔کالی چادر سے چہرہ اور خود کو اچھی طرح ڈھانپا ہوا تھا۔۔وہ لرزتے قدموں سے ایک قبر تک آئی۔۔ مٹی کے ڈھیر کو کافی دیر تک دیکھتی رہی۔۔ ایک مدھر بھاری گھمبیر آواز کانوں میں گونجی۔

پتا سانوں پچھے کسی یاد وی نی کرنا
بہوتا ہویا کین گے ایتھے ساریاں نے مرنا
سوچیا اے تایوں ایتھے لائیے کانوں دیر وے
اساں ایس رات دی نئیں ویکھنی سویر وے

خود اپنا وجود نیل ونیل ہوچکا تھا۔ مگر اب اس شخص کے نام کے مٹی کے اس ڈھیر کو دیکھ کر دل کر رہا تھا کاش اس کا خود کا وجود ریت کا ڈھیر بن جائے اور اس کا یہ وجود دنیا کی مٹھی سے سوکھی ریت کی طرح پھسل جائے۔
جیسے غم سے کلیجہ پھٹ چلا تھا کاش وہ جاہل ہوتی تو سینہ کوبی کر لیتی،، کاش وہ جاہل ہوتی تو اپنے بال نوچ کر خود کو نوچ کر چیخ چلا کر روتی۔۔ شاید کچھ سکون مل جاتا۔
مگر وہ تو مومن کی گڑیا تھی۔۔ جو اس کے سکھائے گئے صبر کے درس بھول جاتی تو اس کے عشق کی توہین ہوتی۔ اسی لئے ساون بھادوں کی طرح برستی نگاہیں لیے قبر کے سر والی سائیڈ پر زرا سا جھکی۔
لرزتے لبوں سے لفظ ادا ہوئے۔
سنو،، انتظار کرنا،، بہت جلد ملیں گے۔۔

وہ ایک وعدہ ایک عہد یاد کراتی وہاں سے اٹھی تھی قبرستان سے جاتے جاتے بار بار پیچھے مڑ کر دیکھ لیتی،، جیسے محسوس ہوا ہو کہ کوئی پکار رہا ہو۔اس نے دل میں جواب دینا ضروری سمجھا۔

تاریو جے میل توڈا ہووے ماہی نال وے
دس دینا تسی میرا ویکھیا جو حال وے
حشر دیہاڑے اونوں ملاں گی میں فیر وے
اساں ایس رات دی نئیں ویکھنی سویر وے

💓💓💓💓💓💓💓💓💓💓💓💓💓💓💓💓

وہ سفید یونیفارم پہنے بڑی سی چادر سے خود کو مکمل ڈھانپے تیز قدموں سے چل رہی تھی اسے کافی دیر سے محسوس ہو رہا تھا جیسے کوئی اس کا تعقب کر رہا ہے۔ پیچھے مڑ کر دیکھا تو ایک منحوس سی شکل کا بھدا سا آدمی اس کا پیچھا کر رہا تھا اب تو وہ بے تحاشہ گھبرائی تھی۔۔ تبھی اسے کے پیروں میں بائیک چرچرائی تھی۔۔ وہ چونکی۔
تو سامنے ہی وہ شخص بائیک پر ہمیشہ کی طرح نگاہیں جھکائے بیھا تھا۔ مگر اب وہ اس کے تعقب میں آنے والے کو بہت بری طرح گھور رہا تھا۔

بیٹھو گڑیا،، گھر چھوڑ دوں،، اس نے ایک جملے میں بات مکمل کی۔ بھاری خوبصورت احترام میں ڈوبا لہجہ،، ادھر ادھر دیکھتا وہ ہمیشہ کی طرح گڑیا کا دل بہت بری طرح دھڑکا گیا تھا۔ مگر ہمیشہ کی طرح ہی گڑیا نے ان بے نام جزبوں کو اپنے دل میں کہیں دفنا دیا۔۔

مجھے ڈر لگتا ہے بائیک پر مومن بھائی،، وہ منمنائی۔
بیٹھو گڑیا،، حتمی فیصلہ سناتے اب کی بار ماتھے پر بل آئے تھے۔۔ وہ بنا چوں چرا کیے اب بائیک پر کافی سے زیادہ اس سے فاصلہ رکھتی بائیک پر بیٹھ چکی تھی۔ جانتی تھی اس شخص سے زرا سا بھی ٹچ ہو گئی تو ناصرف اسے خود بہت برا لگے گا بلکہ وہ بھی بری طرح جھڑک دے گا ۔۔
الله کا نام لے کر مضبوطی سے پچھلے ہینڈل کو پکڑ لیا۔۔ راستے میں ایک جگہ جمپ آیا تو گڑیا کے ہاتھ نے بے اختیار مومن کے کندھے کو تھاما تھا۔۔ گڑیا نے فوراََ سے پہلے ہاتھ پیچھے ہٹایا تھا۔ جانے کیوں گڑیا کو محسوس ہوا کہ اس سنجیدہ سوبر سے شخص کے گھنی مونچھوں تلے لبوں کو مبہم سی مسکان نے چھوا تھا۔

وہ تمام رستے اس احتیاط سے بائیک چلاتا آیا کہ پیچھے بیٹھی لڑکی کا زرا سا بھی توازن نا بگڑے اور وہ نا ڈرے نا اس کو چھوئے۔۔
منزل پر پہنچ کر مومن نے نرمی سے بائیک روکی۔۔
شکریہ مومن بھائی،، اس نے اتر کر شکریہ ادا کیا۔ آیئے ناں اندر، امی کو پتہ چلے گا کہ آپ دروازے سے واپس لوٹ گئے تو ان کو بہت برا لگے گا۔۔
کوئی بات نہیں ،،دکان پر جا رہا ہوں،، دیر ہو رہی ہے،، اب چلتا ہوں،، بول کر اس نے بائیک سٹارٹ کی۔ اسے سٹل ادھر ہی جمے دیکھا تو
گڑیا اندر جاؤ،، ناگواری سے کہا گیا۔۔ وہ گڑبڑا کر اندر بھاگی۔۔
دل تیزی سے دھڑک رہا تھا سامنے ہی ماں کچن میں مصروف نظر آئی تو خود کو کمپوز کر کے اپنے کمرے میں آ کر اپنے سنگل بیڈ پر ڈھے گئی۔۔
افففففففف،، کتنا برداشت کرتی۔۔ دل خون کے آنسو روتا تھا۔ کتنی آسانی سے اس کی بچپن کی محبت اس کی منگ کو کسی اور کی جھولی میں ڈال دیا گیا تھا۔
وہ بھی کس کی خاطر؟

باہر مومن خاموشی سے اپنے گھر کی جانب رواں دواں تھا۔ بچپن سے بابا نے دل و دماغ میں بٹھایا تھا کہ گڑیا تو مومن کی ہے۔۔ ہمیشہ یہی سننے کو ملا تھا۔ جانتا تھا گڑیا نے خود کو کیسے چھپا کر اور سینت سینت کر رکھا ہے تبھی تو خود کا دامن پاک صاف رکھا ہميشہ ،،کیونکہ ہمیشہ اسے یہی بولا جاتا رہا تھا۔

کہ وہ تو مومن کی گڑیا ہے۔

💓💓💓💓💓💓💓💓💓💓💓💓💓💓💓💓

ماسٹر شبیر کی شخصیت شہر میں کافی محترم جانی جاتی تھی۔۔ غریب تھے مگر خودار،، بہت بلند اخلاق و کردار کے مالک۔۔ شھوٹی سی فیملی تھی۔۔ بیگم زہرہ اور چار بچے، سب سے بڑا مومن،، پھر احمد پھر ردا (ایک بیٹی) اور پھر علی تھے۔۔

کچھ سال پہلے بہن کوثر بیوہ ہوئیں تو شبیر نے انھیں سہارا دیا۔ اور اپنے گھر میں پناہ دی۔ کوثر کی ایک ہی بیٹی تھی گڑیا۔۔
گڑیا اور ردا میں بہت گہری دوستی تھی۔۔
اب جب مومن بڑا ہو کر تعلیم یافتہ ہوا تو کئی جگہ جاب ڈھونڈی مگر سفارش اور رشوت کے بغیر نہیں ملنی تھی نا ملی پھر اپنے ابو کی مشاورت کے بعد اس نے اپنی خود کی موبائل فونز کی مین روڈ پر بڑی شاندار سی دکان بنا لی۔۔
وہ جوان کیا ہوا کہ ماسٹر شبیر کی تو قسمت ہی بدل گئی۔اتنی سی عمر میں مومن نے دن رات محنت کی،، اور پہلے جو مین بازار میں ایک چھوٹا سا گھر تھا اب اس نے اپنی محنت کی کمائی سے ایک کنال پر موجود ایک چھوٹی سی کوٹھی نما گھر بھی لے لیا تھا۔ پھر اپنے والدین کو عمرہ کروایا۔ اور پھر ایک گاڑی بھی لے لی۔۔

مومن پانچ وقت کا نمازی تھا۔ شریعت کے مطابق زندگی گزارنے والا، شریعت کے معاملے میں کوئی سمجھوتا نہیں۔ بے حد شرم و حیا والا وہ شخص ہمیشہ نگاہیں نیچی رکھتا تھا کہ کہیں ان نگاہوں سے کوئی گستاخی کر کے اپنے لئے عزاب کے طوق نا تیار کر لے۔سانولے رنگ اور بے تحاشا پر کشش نقوش والا ۔۔اونچا سر و قد ۔۔نگاہیں نیچی رکھنے والا۔ وہ مومن تھا ۔۔ پاکیزہ مرد ۔۔پاکیزگی پسند کرنے والا۔۔ اسی لئے اصولا وہ گڑیا کے لئے نامحرم تھے تو اپنا پرانا مکان مومن نے کوثر بیگم کے نام لگوا دیا اب وہ دونوں وہاں رہتے تھے۔ اور یہ لوگ نئے گھر میں شفٹ ہو گئے تھے۔۔
اب کبھی کبھی وہ پھپھو سے ملنے آ جایا کرتا تھا۔

ادھر گڑیا کو شبیر بار بار بولتے رہتے تھے کہ تم دلہن بن کر ہمارے گھر آؤ گی تو بچپن سے اس کے دل میں یہ بیٹھ چکا تھا کہ اسے مومن کی دلہن بننا ہے۔
مگر زہرہ بیگم کو جب اپنے لائق فائق بیٹے کے لئے بہت اونچے اونچے گھرانوں سے رشتے آنا شروع ہو گئے تو ان کی نیت بدل گئی ۔ اور خاص کر اپنے امیر و کبیر بھائی کی بیٹی کا رشتہ مومن کے لئے سامنے سے آیا تو انھوں نے ہنگامہ کھڑا کر دیا اور شبیر اور مومن سے اپنی بات منوا کر چھوڑی۔۔

مومن کی منگنی دھوم دھام سے ہوئی۔۔ وہ جو دل میں ایک طوفان چھپائے بیٹھا تھا سمندر کی طرح باہر سے خاموش ہو گیا بلکل خاموش۔۔ اب جب الله تعالیٰ سے اتنا ڈرتا تھا تو اپنے والدین کی نافرمانی کہ سے کر سکتا تھا؟ کیسے اپنے والدین کو دکھی کرتے ہوئے ان کی بات سے انکار کر کے اپنی محبت کا اظہار کرتا سو خاموش ہو گیا۔۔

اور جو گڑیا کے سر پر بم گرا وہ بھی کسی صدمے سے کم تو نہیں تھا۔۔ تقدیر کا لکھا سمجھ کر صبر کر گئی۔ کونسا کبھی اس شخص نے کوئی ہلکا سا اشارہ یا کوئی بات کر کے امید کا سرا ہاتھ میں تھمایا تھا۔ جس کی بنا پر وہ کسی سے شکایت کرتی۔ ہاں پوری منگنی میں اپنے ماموں کو شکایتی نگاہوں سے ضرور دیکھ لیتی جو اس سے نظریں چرائے پھرتے رہے۔ اگر اسے بیٹی بنایا تھا تو پوری طرح باپ بن کر دکھاتے۔ مگر وہ صبر کر گئی۔۔
ہاں گڑیا صبر کر گئی۔۔

💓💓💓💓💓💓💓💓💓💓💓💓💓💓💓💓

منگنی ہو گئی اب مومن کے سر پر ایک اور عزاب مسلط ہو گیا۔
اس کی منگیتر عائشہ چاہتی تھی کہ وہ دن رات اس سے رابطہ میں رہے اس سے فون ہر بات کیا کریں۔ مگر وہ یہ کہہ کر ٹالتا رہا کہ ابھی ہم نامحرم ہی ہیں تو اس نے بات کرنے سے صاف انکار کر دیا۔
کچھ عرصے تو وہ برداشت کرتی رہی۔ مگر پھر اس نے اپنی اپنے ماں باپ سے یہ کہہ کر شکایت لگا دی کہ مومن کے ساتھ زبردستی کی گئی ہے۔ وہ اس منگنی سے خوش نہیں تبھی اسے اگنور کر رہا ہے۔۔
شکایت زہرہ بیگم تک پہنچی۔۔اور زہرہ بیگم نے واویلا مچا دیا۔
مومن نے اپنا مسئلہ بتایا کہ وہ کیوں بات نہیں کرتا مگر زہرہ بیگم نے سمجھایا بجھایا کہ اب دیر یا سویر وہ تمھاری بیوی تو بن ہی جائے گی تو بات کر لیا کرو۔۔
تب اس نے دل پر بڑا سا پتھر رکھ کر بات کرنا شروع کر دی۔ مگر صرف دن میں مختصر سی۔مگر رات کو بات کرنے سے صاف انکار کر دیا۔۔

آج معمول کا ہی دن تھا جب وہ اپنے دوست کے ساتھ ایک ہوٹل میں گیا تھا۔۔جس نے جاب ملنے کی خوشی میں اسے ٹریٹ دی تھی سو وہ یہاں چلے آئے۔۔
ابھی وہ اندر داخل ہوئے تھے جب اس نے ایک کونے میں عائشہ بی بی کو دوپٹہ گکے میں ڈالے بال کھولے ایک لٹکے کے ساتھ انتہائی قریب یٹھے قہقہے گا کر باتیں کرتے دیکھا۔۔ لڑکا بار بار بہانے سے اس کا ہاتھ بھی تھام لیتا تھا۔

اس سے زیادہ وہ نہیں دیکھ پایا اور دکان پر لوٹ آیا۔۔ اب لال انگارا اشکبار آنکھیں لیے وہ تھا اور اس کی تنہائی۔
جب بے چینی حد سے سوا ہوئی تو مسجد چلا آیا ۔ کافی دیر سجدے میں اپنے لیے دعائیں مانگتا رہا۔
وہ مومن تھا۔ پاکیزہ مرد،، پاکیزگی پسند کرنے والا
تبھی اس بات پر ایمان کامل تھا کہ پاکیزہ مردوں کے لئے پاکیزہ عورتیں ہوتی ہیں ۔ اپنا معاملا الله تعالیٰ کے سپرد کر کے واپس چلا آیا۔

ان دنوں مسلسل اسے اپنی کمر میں درد محسوس ہوتا تھا۔کبھی ہلکا کبھی شدید،، کبھی کبھی تو جان لیوا۔مگر وہ غم کار دنیا میں ایسا الجھا رہا کہ لاپرواہی سے کبھی کسی ڈسپنسری سے میڈیسن لے آتا کبھی کسی حکیم سے دوا لا کر کھا لیتا تھا۔

پھر وقتا فوقتا عائشہ بی بی کے ایکسٹرا افئیرز کی کہانیاں اس تک پہنچتی رہیں۔۔ فونز پر بھی اور کافی دفعہ اسے ہوٹلز اور پارکوں میں بھی مختلف لڑکوں کے ساتھ قابلِ اعتراض حالت میں دیکھا گیا ۔۔ اس کی ماں کو بھی پتا چلا تو الٹا اسے ہی سنایا گیا۔
ماں نے بھی اسے ہی دوش دیا ساس سسر کا بھی یہی کہنا تھا کہ اب جب تم منگیتر ہونے کے باجود اسے وقت نہیں دو گے تو وہ تو بھٹکے گی ہی ناں۔۔ شادی کے بعد ٹھیک ہو جائے گی۔۔
مومن صبر کر گیا۔
ہاں سچ سنا،،
مومن صبر کر گیا۔۔

💓💓💓💓💓💓💓💓💓💓💓💓💓💓💓💓

اج اتوار کا دن تھا چھٹی تھی اور وہ گھر کی صاف صفائیوں میں مصروف تھی۔درمیانہ قد،، نازک جان،، صاف رنگت،، تیکھے نقوش وہ دلجمعی سے پائپ لگا کر دوپٹہ تار پر لٹکائے فرش دھو رہی تھی۔۔ہینڈ فری لگائے موبائل شرٹ کی پاکٹ میں ڈالا ہوا تھا۔

جب مومن کسی کام سے آیا۔۔ دروازے پر تین مرتبہ دستک دے کر وہ اندر داخل ہوا۔ مگر اندر کا منظر دیکھ کر وہ بھناتا فوراَ اس پاگل لڑکی کی جانب سے رخ پھیر چکا تھا۔ گڑیا بھی سامنے اسے دیکھ کر بری طرح گڑبڑائی۔ اور بھاگ کر دوپٹہ اٹھا کر حجاب سٹائل میں اوڑھا۔ ہینڈ فری اتار کر برآمدے میں رکھی مسہری پر اچھالی۔۔
یہ کیا بےہودگی ہے گڑیا،، میں نے تین مرتبہ دستک دی،، یہ کیا طریقہ ہے،، وہ لال سرخ چہرہ لیے غرایا۔
سس،، سوری،، مم،، مومن بھائی،، وہ میں ہینڈ فری لگائی ہوئی تھی،، شرمندگی سے سر جھکایا۔
اور سن کیا رہیں تھیں،،؟ وہ پھنکارا۔

کک،، کچھ نہیں ،، وہ دوبارہ گڑبڑائی۔
مومن نے اپنے لب کاٹے اور واپسی کے لئے قدم اٹھائے کیونکہ محسوس کر چکا تھا کہ وہ گھر میں اکیلی ہے۔۔وہ مڑا جب
آپ امی سے ملبے آئے تھے مومن بھائی،، انتظار کر لیں،، وہ منمنائی
نہیں چلتا ہوں نہیں تو دیر ہو سکتی ہے،، جواب مبہم تھا وہ سمجھ نا پائی۔الجھی سی اس کی پیٹھ کو دیکھا۔
جب وہ دروازے پر پھر رکا۔

سنو گڑیا،،
جی،،
میں چاہتا ہوں تمھارے پاکیزہ دامن پر کسی غیر یا نا محرم کی نگاہ بھی نا پڑے،، جانے کونسی حسرت لفظوں کی صورت ادا ہوئی تھی اس کی زبان سے۔
گڑیا نے حیرانی سے اس کی پیٹھ کو دیکھا جو اب لب کچکتا وہاں سے نکلتا چلا گیا تھا۔

💓💓💓💓💓💓💓💓💓💓💓💓💓💓💓💓
شادی کی مصروفیات کی وجہ سے B. L کی ایپی نہیں لکھ پا رہی تو سوچا اسے written میں دے دوں۔ رسپونس اچھا آیا تو کل صبح سیکنڈ اینڈ لاسٹ ایپی پوسٹ کردوں گی۔ اچھے اچھے reviews دے کر موٹیویٹ کریں۔۔