Madhoshi by Mirha Kanwal

میں تیری آنکھوں کا ساحل

میں تیرے دل کے قابل

تو مسافر میں تیری منزل

وہ کلب میں ایک بازو صوفے پر پھیلاۓ اور دوسرے ہاتھ میں وائن کا گلاس لیے بیٹھا تھا اور بہت سی لڑکیاں اس کے آگے ڈانس کر رہی تھیں۔۔

عشق کا دریا ہے بہتا

ڈوب جا تجھ سے ہے کہتا

آ میری باہوں میں آ کے مل

ایک لڑکی ان سب سے آگے میوزک کے ساتھ ساتھ اپنے بازؤوں کو ہلاتی اسے آنکھوں سے اٹھنے کے اشارے کر رہی تھی۔۔

وہ شرابی کیا شرابی

دل میں جس کے غم نہ ہو

لٹ گیا سمجھو شرابی

پاس جس کے ہم نہ ہوں۔۔

اب لڑکی نے ڈانس کے سٹیپ کے ساتھ اسے آنکھ ماری تو اس کے ہونٹوں پر ایک سائیڈ کی قاتلانہ مسکراہٹ رونما ہوئ۔۔

او ساقی۔۔۔ ساقی۔۔۔ رے ساقی۔۔۔ ساقی۔۔۔

آ پاس آ رہ نہ جاۓ کوئ خواہش باقی

او ساقی۔۔۔ ساقی۔۔۔ رے ساقی۔۔۔ ساقی۔۔۔

آ پاس آ رہ نہ جاۓ کوئ خواہش باقی

وہ اپنی دل نشیں اداؤں سے ڈانس کرتی اس کے دل کو بھا رہی تھی۔۔۔۔

اس نے گلاس ایک لڑکی کی طرف بڑھایا اور اٹھ کر اس لڑکی کے پاس آیا اب وہ اس کے ساتھ ڈانس کرنے لگا تھا۔۔۔

تیرے جیسی معشوقہ مجھے اور چاہیے

نہ پیسا چاہیے نہ ہی قرار چاہئے

اس نے لڑکی کی کمر پر ہاتھ مارتے ہوۓ ساتھ گانا گایا تو لاؤڈلی میوزک میں بھی لڑکے اور لڑکیوں کی ہوٹنگ نے کلب میں شور مچایا۔۔۔

یہ حسن کا ہے خمار میرا تجھ پہ چھایا جو

قربان ہوا مجھ پہ جو خوش نصیب بڑا ہے وہ

اب لڑکی اس کی گردن میں ہاتھ ڈالے اس کے قریب آ کر ڈانس کرنے لگی۔۔

وہ شرابی کیا شرابی دل میں جس کے غم نہ ہو

لٹ گیا سمجھو شرابی پاس جس کے ہم نہ ہو

وہ دونوں سٹیپ باۓ سٹیپ ڈانس کر کے قلب میں فل ماحول بناۓ ہوۓ تھے۔۔

اب وہ لڑکی کے پیچھے کھڑا اس کے ساتھ لگ کر ڈانس رہا تھا۔۔۔ اس کے ڈانس سٹیپ بہت کمال کے تھے۔۔

او ساقی۔۔۔ ساقی۔۔۔ ساقی رے ساقی۔۔۔ ساقی۔۔۔

آ پاس آ رہ نہ جاۓ کوئ خواہش باقی

لاسٹ سٹیپ کے ساتھ اس نے لڑکی کو کمر سے پکڑ کر اٹھالیا اور گھمانے لگا۔۔

اب سونگ ختم ہو چکا تھا مگر کلب میں ابھی تک ہوٹنگ ہو رہی تھی۔۔

کلب میں فاریہ داخل ہوئی تو سب کو ہوٹنگ کرتا دیکھ کر حیران ہوئی۔۔

کیا آج کلب میں کچھ خاص ہوا ہے؟ اس نے ریحان سے پوچھا

ہاں فاریہ آج کلب میں کچھ بہت خاص ہوا ہے۔۔ریحان بولا

خاص وہ کیا۔۔ فاریہ نے حیرانگی سے پوچھا

وہ یہ کہ آج ہمارے آحِل سلطان خانزادہ نے کلب میں ڈانس کر کے دھوم مچا دی ہے۔۔۔

آحِل نے ہونٹوں میں سگریٹ لیتے ہوۓ ایک سایئڈ سمائل دی۔۔

اوہ ماۓ گاڈ کیا واقعی آحِل۔۔ شٹ یار میں نے یہ موقع کیسے مس کر دیا۔۔ فاریہ کو اپنے لیٹ آنے پر خوب افسوس ہوا۔۔

وہ آحِل کی طرف حسرت سے دیکھنے لگی۔۔

آحِل چھبیس سال کا ایک خوبصورت نوجوان تھا لمبا قد اور چوڑا سینہ۔۔۔ اس کی آنکھوں کا رنگ نیلا تھا جو اسے سب سے الگ ظاہر کرتا تھا۔۔ سفید رنگت سلِم چہرا اور ہلکی بڑھی شیو۔۔ لائٹ براؤن بال جو اس کے ماتھے پر گرتے اسے اور بھی خوبصورت بناتے۔۔

لڑکیاں اس سے دو منٹ بات کرنے کے لیۓ بھی ترستی تھیں اور جس سے وہ بات کر لیتا تھا وہ اپنے آپ پر غرور کرنے لگتی۔۔

فاریہ کا بھی یہی حال تھا وہ آحِل کی دیوانی تھی مگر آحِل اسے دوست سے زیادہ اہمیت نہیں دیتا تھا اور یہی بات فاریہ کو اندر ہی اندر کھا رہی تھی۔۔

آحِل نے فاریہ اور ریحان کے علاوہ کسی کو دوست نہیں بنایا تھا کیوں کہ وہ تینوں سکول کے زمانے کے دوست تھے اب تو ان کی سٹڈی دو سال سے مکمل ہو چکی تھی۔۔۔

ریحان اور فاریہ بھی امیر خاندان سے تعلق رکھتے تھے مگر آحِل سے زیادہ یہاں کوئی رئیس نہ تھا۔۔

آحِل کی راتیں رنگ برنگی لڑکیوں کے ساتھ گزرتی تھیں جنہیں وہ قیمتی تحفے تحائف بھی دیتا تھا۔۔۔

چلو یار کچھ پیتے ہیں۔۔۔ریحان نے ان دونوں کو چپ کھڑا دیکھ کر کہا ۔۔۔

تو آحِل نے سر ہاں میں ہلایا۔۔

سڑک پر فل سپیڈ سے چلتی گاڑی میں سے ایک لڑکی کی چینخنے چلانے کی آوازیں آ رہی تھیں۔۔

پلیز پلیز گاڑی روکو پلیز مجھے معاف کر دو میں آئندہ کبھی آپ کے آگے آونچی آواز میں بات نہیں کروں گی کبھی آپ پر تنز نہیں کروں گی آپ کو اللہ کا واسطہ ہے گاڑی روک دو۔۔

وہ لڑکی گڑگڑا رہی تھی پر سننے والے کو جیسے سنائ ہی نہیں دیا تھا۔۔۔

گاڑی اپنی اسی سپیڈ سے ہوا کے ساتھ اڑ رہی تھی۔۔

پلیز مجھے معاف کر دیں پھر وہ لڑکی اٹھی اور اس کے پاوؤں کو ہاتھ لگاۓ رونے لگی۔۔۔

اس نے بریک پر پاؤں رکھا اب سڑک پر جیسے سناٹا چھا گیا تھا ۔۔

آج تمہیں پتا چل گیا نا کہ اگر کوئ ماہا ویرا سلطان کے ذات پر انگلی اٹھاۓ گا اور اس سے اونچی آواز میں بات کرے گا تو اس کا کیا انجام ہوگا۔۔

ماہا ویرا یونی کی سب سے زیادہ خوبصورت اور رئیس زادی تھی جسے اپنے آگے سب اس کے برانڈڈ شوز کی دھول لگتے تھے۔۔ اس میں لڑکیوں والی کوئی بات نہ تھی اس کے سبھی شوق لڑکوں کے جیسے تھے یہاں تک کہ وہ دکھنے میں بھی کہیں سے لڑکی نہ لگتی تھی۔۔

جوگر شوز کے کے ساتھ جینز۔۔ اس کے اوپر ٹی شرٹ۔۔ہاتھوں میں جینٹس واچ۔۔ اور سب سے زیادہ چیز جو اسے لڑکا ظاہر کرتے تھی وہ تھے اس کے بوائز ہئیڑ کٹ۔۔۔

مگر وہ ہر دل دھڑکانے والا حسن رکھتی تھی اس کی گھنی پلکوں کے ساتھ بڑی نیلی آنکھیں تھیں ۔۔۔ سلِم فیس کے ساتھ سرخ و سفید رنگت۔۔ وہ اسکے چہرہ 80٪ اپنے بڑے بھائ آحِل سلطان سے مشابہت رکھتا تھا۔۔

اس کے علاوہ وہ نیچر سے بھی لڑکا تھی اسے شرمانے اور گبھرانے کے بارے میں دور دور سے کچھ پتا نہ تھا۔۔

جس لڑکی کو وہ فل سپیڈ سے گاڑی چلا کر ڈرا رہی تھی اس نے ماہا ویرا کو اس کے لڑکے جیسا حلیہ ہونے پر طنز کیا تھا اس کی سزا کیا ہو گی یہ اس کے وہم و گمان میں بھی نہ تھا۔۔

جی جی مجھے معاف کر دیں آئندہ کبھی ایسا نہیں ہو گا آئی آئی پرامس۔ ۔۔ لڑکی نے ہکلاتے ہوۓ کہا

ہممم ناؤ یو گیٹ لاسٹ فروم می کار۔۔۔

اتنا سننے کی دیر تھی وہ لڑکی اپنی جان بچاتی بھاگ نکلی

ایڈیئٹ ۔۔ماہا ویرا تنز سے ایک سائیڈ کی سمائل پاس کی۔۔

اب کا اردہ لونگ ڈرائیور کا تھا جو کہ وہ ہر دو یا تین دن بعد کرتی تھی ۔۔۔

سلطان صاحب اوفس میں بیٹھے ضروری فائلز کو دیکھ رہے تھے جب ان کی توجہ فون بیل نے لی۔۔

ہیلو کون۔۔

ہاں ہاں اب تو تم مجھے پہچاننے سے بھی رہے میاں۔۔ شگفتہ بیگم نے کہا

ارے آپا آپ کیسی باتیں کر رہی ہیں میں بھلا آپ کو کیوں بھولوں گا میں بس ضروری فائلز دیکھ رہا تھا تو موبائل دیکھے بغیر کال ریسیو کی۔۔

ارے رہنے دو یہ صفائیاں مجھے بتانا تھا کہ میں کل شام آ رہی ہوں تمہارے ہاں۔۔ سلطان صاحب اسلام آباد رہتے تھے اور شگفتہ بیگم کراچی میں۔۔

ہاں ہاں کیوں نہیں آپا آپ کا گھر ہے جب چاہیں آئیں۔۔ سلطان صاحب نے کہا

ارے مجھے نہیں بتاؤ کس کا گھر ہے آئی سمجھ۔۔۔ شگفتہ بیگم نے اپنا حق جتا کر کہا

ٹھیک ہے آپا آپ ناراض تو مت ہوں۔۔

ہاں اب تو میں ناراض بھی نہیں ہو سکتی ارے تم چھوٹے سے تھے جب تمہیں نہلانا کھانا پلانا سلانا سب میں کرتی تھی اور اب تم مجھے باتیں سنا رہے ہو۔۔

سلطان صاحب کے کان کھڑے ہوۓ۔۔۔

آپا میں تو چراغ لے کر بھی ڈھونڈوں تو مجھے آپ کے جیسی بہن نہیں ملے گی اتنی محبت کرنے والی پر خلوص ۔۔۔۔ سلطان صاحب نے آپا کو ٹھنڈا کرنے کی کوشش کی جس میں وہ کامیاب بھی ہو گۓ ورنہ ان کو پتہ تھا کہ ایک بار وہ ناراض ہو گئیں تو مہینوں تک نہیں مانے گی۔۔۔

ہاں اب کر رہے ہو نہ سولہ آنے ٹھیک بات میرے جیسی بہن تو پورے جگ میں نہیں ملے گی ۔۔۔ چلو میں کل شام آ رہی ہوں پھر سے بتا دوں

اوکے آپا اوکے۔۔۔ سلطان صاحب نے کال کٹ کی۔۔۔

وہ گاڑی میں میوزک لگاۓ ڈرائیو کا مزہ لے رہی تھی۔۔

جب سے اس نے گاڑی چلانا سیکھی تھی ایسے ہی لونگ ڈرائیو کرتی یہ اسکا ہوبی تھا۔۔

وہ گاڑی ڈرائیو کرتی کہیں دور نکل گئی جسکا اس کو احساس تک نہ ہوا۔۔

انجان راستہ دیکھ کر اس نے کار روکی سامنے ایک بستی تھی سڑک کے کنارے پر چھوٹا سا چاۓ کا ڈھابہ تھا جہاں کچھ غنڈے نما لڑکے بیٹھے چاۓ پی رہے تھے ۔۔۔

وہ آج اپنی گاڑی میں پانی کی بوتل رکھنا بھول گئی تھی پیاس کی شدت نے اسے اس غریب ڈھابے میں جانے پر مجبور کر دیا۔۔۔

اس نے گاڑی کو لاک کیا اور ڈھابے کی طرف قدم بڑھاۓ۔۔ کسی سے ڈرنا اس کے بس کی بات نہیں تھی وہ بچپن سے ہی نڈر لڑکی تھی۔۔۔

بھائ ایک گلاس پانی ملے گا۔۔۔ اس نے ڈھابے والے آدمی سے پوچھا۔۔۔

ارے پانی چھوڑو یہاں آؤ تمہیں کڑک سی چاۓ پلاتا ہو اسی بہانے تھوڑی جان پہچان بھی ہو جاۓ گی۔۔۔ پھٹے پر بیٹھے تین لڑکوں میں سے ایک بولا

ماہا ویرا نے اس کی طرف تیکھی نظروں سے دیکھا۔۔۔

ہاۓ کیا ادا دکھائی ہے کم سن بلبل نے۔۔۔ یہ فکرہ دوسرے لڑکے نے بولا

ماہا ویرا نے اگنور کیا کیوں کہ وہ اس طرح کے آوارہ لڑکوں کی منہ نہیں لگنا چاہتی تھی۔۔

آؤ نہ بیبی ڈرتی کیوں ہو۔۔۔ اس بار تیسرا بولا

اب ماہا ویرا کی برداشت نے جواب دیا کیوں کہ اس کی بات میں چیلنج تھا اور ماہا ویرا کسی بھی قسم کے چیلنج سے پیچھے نہیں ہٹتی تھی چاہے اس کی جان کو ہی خطرہ کیوں نہ ہو۔۔۔

وہ ان کے سر پر آن کھڑی ہوئی۔۔

اپنی سلامتی چاہتے ہو تو چپ چاپ یہاں سے نکل جاؤ ورنہ صحیح سلامت گھر نہیں جا سکو گے۔۔۔

ہاہاہاہا تینوں نے قہقہ لگایا۔۔

ارے بلبل ایسا کیا چلو یہ لو مارو مجھے۔۔۔ پہلے لڑکے نے اپنا رخسار آگے کرتے ہوۓ کہا۔۔

تمہارے ان نازک ہاتھوں کے تو میں دس تھپڑ بھی کھانے کو تیار ہوں مارو نہ۔۔۔

ماہا ویرا نے اپنے ہاتھ کا مکا بنایا اور اپنی پوری قوت سے اس کے جبڑوں پر دے مارا۔۔

آااااا ۔۔۔۔ لڑکے کی چینخ فضا میں بلند ہوئ اور وہ زمین پر جا گرا۔۔

درد کی شدت سے اس کا دماغ سن ہو گیا تھا جب اس نے زمین پر تھوکا تو اس کا دانت زمین پر گرا۔۔۔

میرا دانت ۔۔اس نے بے یقینی سے چلاتے ہوۓ ماہاویرا کی طرف دیکھا۔۔۔

اس کے دوستوں نے جب اس کا یہ حال دیکھا تو وہ کبھی ماہا ویرا کو اور کبھی اپنے دوست کو کھلے منہ کے ساتھ دیکھنے لگے۔۔۔

ماہا ویرا نے ڈھابے والے کی طرف دیکھا تو اس کے ہاتھ سے پانی کا گلاس گر گیا اس بیچارے کے ہاتھ تھر تھر کانپنے لگے۔۔۔

سب کو ساکت کھڑا دیکھ کر وہ آرام سے چلتی ہوئی اپنی گاڑی میں بیٹھی اور اپنے گھر کی طرف مڑ گئی۔۔۔

میں ابھی بھائی کے پاس جاتا ہوں وہی اس لڑکی کو سبق سکھاۓ گا سمجھتی کیا ہے اپنے آپ کو کسی انڈر ورلڈ ڈون کی اولاد ہے کیا ۔۔۔وہ اٹھا اور بھائی کی طرف بھاگا۔۔

یار کیا یہ لڑکی ہی تھی؟ دوسرے والے نے بڑبڑانے کے انداز میں تیسرے سے کہا

میں بھی یہی سوچ رہا ہوں ۔۔۔

اور میں بھی۔۔۔ اس بار آواز ڈھابے والے کی تھی۔۔۔

وہ تینوں ہی سکتے کی حالت میں تھے۔۔۔

صبح آحل کی آنکھیں کھلیں تو وہ اکیلا بیڈ پر تھا۔۔۔

آحِل رات کو اسی ڈانسر لڑکی کو اپنے پرسنل ہاؤس میں لایا تھا یہاں وہ اکثر ہی لڑکیوں کو لاتا تھا اور انہیں قیمتی تحفائف دے کر خوب پیسہ لٹاتا تھا۔۔

وہ فریش ہونے کے لیے اٹھا اب اسے گھر کی طرف نکلنا تھا۔۔۔۔

وہ تیزی سے جنگل میں بھاگ رہی تھی۔۔ اس وقت وہ بری طرح ڈری ہوئی تھی۔۔۔

اوۓ وہ لڑکی کہاں گئ کہیں نظر نہیں آ رہی۔۔ایک لڑلے نے کہا

یہیں ہے وہ مجھے پتا ہے جلدی جلدی ڈھونڈ اسے ۔۔دوسرا لڑکا بولا

ٹھیک ہے تو ادھر جا اور میں ادھر۔۔۔ پہلے نے کہا

وہ دونوں شکاری کتوں کی طرح اسے ڈھونڈ رہے تھے

وہ ڈری سہمی ایک درخت کی آڑ میں چھپ گئی۔۔ کالج سے تو اسے بارہ بجے چھٹی ہو گئ تھی مگر وہ دو لڑکے جو روز اس کا راستہ روکتے تھے آج اس کا پیچھا کرنے لگے سنسان جگہ دیکھ کر وہ اس کی طرف بھاگے تو سواۓ جنگل میں چھپنے کے اس کے پاس کوئی اور چارا بھی نہیں تھا وہ تین گھنٹوں سے مسلسل بھاگ رہی تھی۔۔

اب اس کی حالت ایسی تھی کہ کسی بھی وقت ہوش کی دنیا سے بے گانہ ہو سکتی تھی ۔۔۔

تھوڑا سانس بحال کرنے کے بعد اس نے اپنے آس پاس نظر دوڑائی اس نے دیکھا کہ سڑک بلکل پاس ہی ہے لیکن وہ اس راستے سے انجان تھی ۔۔۔

یا اللہ میری عزت کی حفاظت کرنا تو ہی میرا پروردگار ہے۔۔وہ کہتی ہوئی اٹھی اور سڑک کی طرف چلنے لگی وہ اس کا جسم تھکاوٹ سے نڈھال تھا وہ ایک ایک قدم بہ مشکل اٹھا رہی تھی۔۔

جب وہ سڑک پر پہنچی اس نے دیکھا کہ ایک لڑکا اپنی گاڑی کے پاس کھڑا فون پر کسی سے بات کر رہا ہے۔۔۔

وہ اس سے مدد نہیں لے سکتی تھی کیوں کہ وہ کسی بھی نامحرم سے مخاطب نہیں ہوتی تھی اس کے علاوہ وہ بھی ایک مرد تھا اس کی عزت کو اس سے بھی خطرہ ہو سکتا تھا۔۔

اس نے جنگل کی طرف دیکھا تو اسے ان لڑکوں کے ہونے کا احساس ہوا۔۔

وہ بنا سوچے سمجھے اپنی جان بچاتی گاڑی کے پاس آئی۔۔۔ وہ لڑکا فون پر بات کرتا گاڑی سے تھوڑے فاصلے پر چلا گیا۔۔

موقع پا کر اس نے گاڑی کی ڈگی کھولی اور اس میں لیٹ کر ڈگی واپس بند کر لی۔۔۔

آحِل کو آواز سنائی دی تو اس نے مڑ کر دیکھا مگر کوئ نہیں تھا اس نے کال بند کی اور گاڑی سٹارٹ کر دی۔۔۔

آحِل فریش ہونے کے بعد گھر جا رہا تھا جب اس کو راستے میں کسی لڑکی کی کال آئی سنگلز پرابلم ہونے کی وجہ سے وہ گاڑی سے نکل کر بات کرنے لگا۔۔۔ تب ہی وہ لڑکی اس کی گاڑی کی ڈگی میں داخل ہو گئی۔۔۔

کہاں ہیں میرے بچے نہ گھر میں آحل ہے اور نہ ہی ماہا تم ان دونوں کا زرا خیال نہیں رکھتے جوان اولاد ہے بگڑ جاۓ گی۔۔ شگفتہ بیگم نے سلطان صاحب کو ڈانٹتے ہوۓ کہا

آپا مجھے اپنے بچوں پر پورا بھروسہ ہے وہ کبھی کچھ ایسا ویسا نہیں کریں گے بچے ہیں یہی دن ہیں ان کے زندگی کو انجواۓ کرنے کے شادی کے بعد تو بس ذمہ داریاں ہی رہ جاتی ہیں۔۔

آحل تو لڑکا ہے اس کا کوئ ڈر نہیں لیکن ماہا تو لڑکی ہے نہ اس کو پتا ہونا چاہیے کہ لڑکیوں کو کس طرح سے رہنا چاہیے اوپر سے اس نے جو اپنا لڑکوں والا حلیہ بنایا ہوا ہے نہ یہ اس کو میرے گھر آ کر بدلنا ہو گا پہلے بتا دوں۔۔۔ شگفتہ بیگم ہاتھ سے اشارے کر کے بات کرتی ہوئی بولیں

کیا مطلب آپا میں کچھ سمجھا نہیں ۔۔۔ سلطان صاحب تھوڑا پریشان ہوۓ

ارے سمجھنے والی کونسی بات ہے ماہا میری بیٹی بس اب اسے میرے گھر میں رہنا ہو گا میری بہو بن کر۔۔۔

سلطان صاحب کے سر پر ہزاروں پہاڑ ٹوٹے کہاں ان کی خوبصورت اور ٹیلینٹڈ بیٹی اور کہاں ان کا بھانجا شکل اور عقل دونوں سے فارغ۔۔۔

لیکن آپا کاشف تو۔۔۔

ماشااللہ کاشف میں کسی چیز کی کمی نہیں بس تھوڑا سا نادان ہی تو ہے اور شادی کے بعد جب ذمہ داریاں پڑیں تو بلکل ٹھیک ہو جاۓ گا۔۔۔۔ ان کی بات منہ میں ہی تھی جب شگفتہ بیگم نے ٹوک دیا۔۔۔

سلطان صاحب اس بات سے پریشان تھے کہ وہ ماہا ویرا کو بہو بنانا چاہتی ہیں کیوں کہ وہ جانتے تھے اگر انہوں نے انکار کیا تو آپا ساری زندگی ان سے ناراض رہیں اس کے علاوہ خاندان میں طرح طرح کی باتیں بھی کریں گی۔۔۔

اسے ہوش ایا تو کچھ دکھائی نہیں دے رہا تھا۔۔۔

اس نے محسوس کیا کہ اس کی آنکھیں اور ہاتھ بندھے ہوۓ ہیں۔۔

وہ پریشان تھی کہ اس کے ساتھ یہ کیا ہو رہا ہے۔۔۔

دماغ پر تھوڑا زور ڈالنے پر اسے یاد آیا کہ وہ صبح اپنے گھر سے واک کے لیے نکلی تھی۔۔

اور کسی نے پیچھے سے آکر اس کے منہ پر رومال رکھا تھا جسے سونگھتے ہی وہ بے ہوش ہو گئی تھی۔۔۔

مگر اب وہ کہاں تھی اس کو کوئی خبر نہ تھی۔۔۔

دوازہ کھلنے کی آواز سے اس نے سر اوپر اٹھایا مگر کچھ دیکھ نہ سکی۔۔

کچھ لوگوں کے قدموں کی آواز اس کے کانوں میں پڑی۔۔۔۔

آگئی ہے ہوش میں لڑکی۔۔۔ ایک لڑکے کی آواز اس کو سنائی دی۔۔

چل اچھے سے سمجھا دینا اس کو۔۔۔ ایک لڑکا اس کو کہہ کر شاید چلا گیا تھا ۔۔

وہ ابھی سوچ ہی رہی تھی کہ یہ لوگ کون ہے اور اسے کیوں اٹھا کر لاۓ ہیں کہ ایک لڑکا اس سے مخاطب ہوا۔۔

سن لڑکی ہم عورت زات کی عزت کرتے ہیں اس لیے جو کہوں گا چپ چاپ مان لینا ورنہ بات منوانے کے لیۓ ہمارے پاس اور بھی بڑے طریقے ہیں

کون ہو تم اور کیوں لاۓ ہو یہاں تم ایک بار میرے ہاتھ کھولو پھر تمہیں سخت پچھتاوا ہو گا مجھے کڈنیپ کرنے کا۔۔۔۔ اس نے بنا ڈرے کہا

بہت زبان چلتی ہے اس کی اس کا منہ باندھ۔۔۔ اس نے دوسرے لڑکے سے کہا

ہیے یو باسٹرڈ کھولو مجھے تمہیں ابھی سبق سکھاتی ہوں۔۔۔

پھر کسی نے اس کے منہ پر سکاچ ٹیپ چپکا دی۔۔ اب اس کی دبی دبی آواز ہی بمشکل نکل رہی تھی۔۔

اب میری بات دھیان سے سن ہم تجھے بھائی کے سامنے لے کر جا رہے ہیں یہ ان کا علاقہ ہے ان کے سامنے عزت سے پیش آنا۔۔۔

اور اگر تو نے ان کے سامنے اپنے یہ چھوٹے چھوٹے ہاتھ پاؤں چلانے کی کوشش کی تو تمہارے لیے یہ بہت برا ہو گا۔۔

اس لیے ان کے سامنے انہیں حرکت دینے کی زحمت نہ ہی دو تو تمہارے لیے بہتر ہے۔۔۔

اسے اس وقت ان لڑکوں پر شدید غصہ آرہا تھا جو اس پر حکم چلا رہے تھے کیوں کہ اس نے آج تک صرف حکم چلانا سیکھا تھا حکم سننا نہیں۔۔۔

ایک لڑکے نے اس کو کرسی سے کھولا اور اسے پکڑے چلنے لگا مگر اس کے ہاتھ ابھی بھی بندھے تھے۔۔۔

پھر اسے دروزہ کھلنے کی آواز سنائی دی۔۔

بھائی یہ ہے وہ لڑکی۔۔۔

وہ دیوار کی طرف رخ کیے کھڑا تھا اس نے ہاتھ سے اشارہ کیا تو وہ لڑکے مڑے اور دروازہ بند کر کے چلے گئے۔۔۔

اب وہ اس سوچ میں مبتلا تھی کہ یہ کون شخص ہے۔۔۔