گڑیا اٹھ بھی جاؤ
کب تک سونا ہے؟
کالج نہیں جانا کیا؟
ہانی ساتھ ساتھ کمرا بھی سمیٹتی جا رہی تھی. اور حیا کو اٹھانے کا کام بھی سرانجام دے رہی تھی جو اٹھنے کا نام نہیں لے رہی تھی۔
آپی پلیز بس تھوڑی دیر… حیا نے مُندی مُندی آنکھوں کو کھول کر معصومیت سے کہا
ہانی کو اس وقت اس کی معصومیت پر بہت پیار آیا
وہ تھی ہی اتنی معصوم کوئی اگر اسے ایک بار دیکھ لیں تو دوبارہ کبھی بھی سخت لہجے میں بات نہ کرے۔
لیکن ہانیہ کو پتا تھا اگر اب اس کی معصومیت میں آگئی تو یہ آج بھی کالج نہیں جائےگی
جب سے ہانی کالج سے فارغ ہوئی تھی تب سے حیانےکالج جانا بند کر دیا تھا۔ لیکن آج ہانی نے بھی یونیورسٹی جانا تھا۔
آج اس کا پہلا دن تھا۔ اور وہ نہیں چاہتی تھی
اس کے جانے کے بعد چاچی پورے گھر کا کام اس سے کروائے۔
پچھلی بار بھی ایسا ہی ہوا تھا حیانے کالج سےچھٹی کی تھی اس کے سر میں درد تھا لیکن جب چاچی کو پتہ چلا تو سارے گھر کا کام اس سے کروایا۔
اور حیا بیچاری کچھ بھی بولے بغیر کام کرتی رہی….
جب ہانی گھر آئ تو حیا بخار میں تپ رہی تھی ۔
بخار اتنا زیادہ تھا کہ ہسپتال لے جانا پڑا۔
ہانی اپنی چھوٹی سی گڑیا پر کسی قسم کا ظلم برداشت نہیں کرسکتی تھی ۔ اسے حیا اپنی جان سے بھی زیادہ عزیز تھی ۔ ایک حیاء ہی تو تھی جس کی معصوم باتیں اور حرکتیں اسے ہنسنے پر مجبور کر دیتی تھی.
ہنی جلدی کرو کالج کے لئے دیر ہو رہی ہے. حور بھی آتی ہوگی. وہ بےچاری روزانہ آتی ہے اور تم روز کوئی نہ کوئی بہانہ بنادیتی ہو۔
اُففففففففففف………..حیا کون سے گدھے گھوڑے بیچ کر سوئی ہو جو اٹھنے کا نام نہیں لے رہی؟ ہانی نے جھنجھلا کر کہا….
……. ٹھیک ہے” حیا تیمور نہیں اٹھنا تو نہ اٹھو کالج نہیں جانا نہ جاؤ اب میں تمہیں فورس نہیں کروں گی۔
یہ کہہ کر ہانی الماری سے کپڑے نکالنے لگی
حیا جانتی تھی جب بھی ہانی غصے میں ہوتی تو حیا کو حیا تیمور کہتی…..
. اسے پتہ تھا حیا اب ایسے ہی اٹھے گی اور پھر وہی ہوا. حیاء جلدی سے بستر سے اٹھی اور اپنی بہن کے گلے لگ گئی وہ اپنی بہن کی ناراضگی برداشت نہیں کر سکتی تھی ایک اس کی بہن اور حور ہی تو تھی جو حیاء کی ذندگی میں اہمیت رکھتی تھیں۔
اگر یہ دونوں نہ ہوتی تو حیاء کبھی بھی کالج نہ جاسکتی۔
حیاء 17 سال کی تھی اور ہانیہ 19 کی ۔
حیاء شروع سے بہت حساس تھی یہی وجہ تھی وہ لوگوں سے ڈرتی تھی، زیادہ ہجوم والی جگہ سے اسے خوف محسوس ہوتا تھا، ہانی ہمیشہ اس کے ساتھ ہوتی تھی اور جب پہلی بار حیاء کالج گی تو ہانی اس کے ساتھ ہی تھی۔
لیکن دونوں کی کلاسز الگ الگ تھی حیاء first year میں تھی. اور ہانیہ second year میں تھی. حیاء کو اکیلی کلاس میں جانے سے ڈر لگ رہا تھا ۔
بہرحال جانا تو تھا اللّہ کا نام لے کر کلاس میں داخل ہوئی ۔ کلاس میں آتے ہی سب کی توجہ کا مرکز وہ ہی بنی ہوئی تھی۔سب کی نظروں سے گھبرا کر جو کرسی خالی نظر آئی اس پر بیٹھ گئی ۔
سب لوگ اس کی طرف متوجہ تھے وہ تھی ہی اتنی خوبصورت کہ کوئی بھی متوجہ ہو جاتا ۔
ہیلو میرا نام حوریہ ہے حیاء نے آواز کے تعاقب میں دیکھا اس کے ساتھ ایک خوب صورت سی لڑکی بیٹھی ہوئی تھی جو لگ بھگ حیا کی عمر کی لگ رہی تھی. اس نے ہاتھ آگے بڑھایا. جسے جھجکتے ہوئے حیاء نے تھام لیا۔
میرا نام حیاء ہے. اس نے مسکرا کر کہا ۔
بیوٹیفل، بہت پیارا نام ہے تمہارا ۔اپنی تعریف پر حیاء کے گال سرخ ہو گئے وہ ایسی ہی تھی شرمیلی سی نازک سی گڑیا.
Ohh my god you are blushing Sooooo cute😘😘
حور نے تعریف کے بعد اس کے گال کھینچے ۔یہ حرکت حیاء کو بہت ناگوار گزری۔ لیکن یہاں پروا کِسے تھی
پھر باتوں باتوں میں پتہ چلا ان کے گھر آس پاس ہی ہے ۔وقت کے ساتھ ساتھ ان کی دوستی پکی ہوتی گئی اب حور ہمیشہ حیاء کے ساتھ رہتی۔اور اس کا خیال بھی رکھتی تھی ۔
حور کو یہ نازک سی لڑکی بہت اچھی لگی تھی ۔
آپی آپ ناراض ہو مجھ سے؟
حیاء نے مصومیت سے پوچھا۔
ہانیہ نے مصنوعی غصے سے منہ پھیر لیا۔
تو کیا نہیں ہونا چاہیے؟ اپنی مسکراہٹ کو روکنے کیلئے ہانی نے چہرا موڑ لیا کیونکہ حیاء کی آنکھوں میں پانی آ گیا تھا اور چھوٹے بچوں کی طرح ہونٹ فولڈ کرکے دیکھ رہی تھی۔
ہانی کو اپنی ہنسی روکنا مشکل ہو رہی تھی.
. حیاء اب پھوٹ پھوٹ کر رونے لگی
یا اللہ
ہانیہ نے ہڑبڑا کر حیاء کی طرف دیکھا جو رونے میں مصروف تھی ہانیہ تو اس کے ساتھ مذاق کر رہی تھی. اسے جگانے کی کوشش کر رہی تھی
اوہ میرے خدایا میں کیسے بھول گئی میری بہن میرے معاملے میں بہت حساس ہے چھوٹا سا مزاق بھی نہیں سمجھتی۔میری چھوٹی سی جان۔ ہانی نے مسکرا تے ہوئے سوچا۔.
.
میری جان میں مذاق کر رہی تھی تم رونا بند کرو تمہیں پتہ ہے نا تمہاری آنکھوں میں آنسو مجھے بالکل بھی اچھے نہیں لگتے لیکن (ہانیہ کو نہیں پتا تھا کوئی بہت جلد اس کی آنسوؤں سے بھری آنکھوں پر مرمٹنے والا ہے)
بڑی بڑی آنکھوں میں آنسو لیٔے حیاء اپنی بڑی بہن کو دیکھ رہی تھی آپ پلیز مجھ سے ناراض نہ ہوا کریں حیا یہ کہتے ہی ہانی کے گلے لگ گئی حیاء کی آنکھوں میں خوف تھا۔
اوکے اب نہیں ہو نگی تم اپنی آنکھیں صاف کرو شاباش جلدی کرو۔
اور دوبارہ میں تمہاری ان پیاری پیاری آنکھوں میں آنسو نہ دیکھوں! ٹھیک ہے؟
جی ٹھیک ہے۔ حیاء نے اچھے بچوں کی طرح ہاں میں سر ہلایا
ہممممم گڈ…..
چلو جلدی سے تیار ہو جاو میں ناشتہ تیار کرتی ہوں پھر مجھے بھی یونی جانا ہے……..
…………………………….
بیسٹ آج پھر کچھ لڑکیاں غائب ہوئی ہے زین نے بیسٹ کو کہا جو اپنے پالتو بھیڑیے کے سر پر ہاتھ پھیر رہا تھا
یہ بھیڑیا دیکھنے میں ہی بہت خطرناک لگتا تھا اور اس کا کالا رنگ دیکھ کر ایسا لگتا تھا کہ اگر اسے رات میں کھڑا کیا جائے تو یہ بھی رات کا حصہ لگے
ہمیں سوچ سمجھ کر قدم اٹھانا ہو گا وہ جو بھی لوگ ہیں بہت چالاک ہیں بیسٹ کا چہرہ ابھی بھی بھیڑیے کی طرف تھا.
ہممممممم ٹھیک کہہ ریے ہو تم ۔زین نے ہاں میں سر ہلایا.
ٹھیک ہے پھر رات کو ملتے ہیں ابھی مجھے کچھ کام ہے زین کہتے ہی اٹھ کر چلا گیا
بیسٹ بھیڑیے کو چھوڑ کر کسی گہری سوچ میں گُم ہو گیا…
…………………………………………………………………………..
کاکا جلدی سے ناشتہ لگا دیں۔۔۔
آج مجھے جلدی یونیورسٹی جانا ہے
بس بیٹا ناشتہ تیار ہے میں لگانے لگا ہوں کاکا نے کہا.
تھوڑی دیر بعد کاکا ناشتہ لے آئے اور ٹیبل پر ناشتہ لگانے لگے۔
بیٹا آج کچھ خاص بات ہے؟ کاکا نے عادل سے پوچھا جو کھانا کھانے میں مگن تھا اور ایسے کھا رہا تھا کہ آج کے بعد اسے ناشتہ نصیب نہیں ہو گا
عادل نے چہرے پر الجھن لے کر کاکا کی طرف دیکھا انداز ایسا جیسے پوچھنا چاہتا ہو”کیا مطلب اس بات کا”
کاکا نے اس کے چہرے پر الجھن دیکھی تو کہنے لگے میرا مطلب ہے آپ ہمیشہ یونیورسٹی لیٹ جاتے ہو
اس لئے پوچھا آج کچھ خاص وجہ ہے؟
کاکا نے وضاحت دیتے ہوئے کہا، عادل کے چہرے پر مسکراہٹ پھیل گئی
کیا کاکا میں ایک شریف اور معصوم سا بچہ ہوں تو کیا میں یونی جلدی جا کر ساری کلاسسز نہیں لے سکتا؟
عادل نے معصومیت سے پوچھا…
کاکا عادل کے اتنے بڑے جھوٹ پر کانوں کو ہاتھ لگانے لگے عادل وہ بھی معصوم اور شریف توبہ توبہ. کاکا نے دل میں سوچ کر کہا.
اب عادل صاحب اتنا زیادہ بھی جھوٹ نہیں بولتے “یعنی منہ پر بےعزتی عادل نے دل میں سوچا …. نیو اسٹوڈنٹ آ رہے کاکا، عادل نے دوبارہ ناشتہ کرتے ہوئے کہا
تو بیٹا اس میں کون سی بڑی بات ہے اور اس سے آپ کے جلدی جانے کا کیا تعلق؟ کاکا نے پوچھا
میرے پیارے کاکا اتنا مت سوچئے_
بس آج کچھ لوگوں کی شامت آنے والی ہے عادل نے ایک آنکھ دباکر کہا
اور پتہ ہے میرے ان پیارے پیارے ہاتھوں سے اب اور انتظار نہیں ہو رہا۔ کاکا ہنس پڑے باز آجاؤ عادل صاحب کاکا نے ہنستے ہوئے کہا
اففف کاکا اگر میں باز آگیا تو پوری یونی سنسان ہو جائے گی اور یہ ظلم میں ہونے نہیں دے سکتا عادل نے کھڑے ہو کر ایک عزم سے کہا جیسے مسئلہ کشمیر پر بات ہو رہی ہو.
کس کی شامت آنے والی ھے۔ عادل نے اپنے بھائی کی آواز سنی تو اس کے چہرے کی ہوائیاں اڑ گئیں
ایسا نہیں تھا کہ آہل نے کبھی عادل کو ڈانٹا ہو عادل میں تو آہل کی جان بستی تھی.
عادل شرارتی قسم کا لڑکا تھا جب کہ اس کی نسبت آہل سنجیدہ قسم کا تھا اور آہل خان کےچہرے کی سنجیدگی اور سخت مزاج سے سب ڈرتے تھے ان لوگوں میں عادل خان بھی شامل تھا.
بھائی………… یہ کب آئے؟ یہ تو دو دن بعد آنے والے تھے نا؟
عادل نے کاکا کے کان میں سرگوشی کے انداز میں پوچھا ۔
کاکا نے مسکراہٹ دبائی اور کندھےاچکائے پتہ نہیں.
ووہ بھائی میں تو کاکا کو اپنی کلاسز کا بتا رہا تھا آپ بتائیں آپ نے مجھے بتایا ہی نہیں آپ واپس آگۓ ہیں؟
عادل نے پوری کوشش کی بات کو گھمانے کی.
ہاں میں رات کو آگیا تھا کام جلدی ہو گیا تھا
Ok……
بھائ میں جاؤں یونی سے لیٹ ہو رہا ہے؟
عادل نے تابعداری سے پوچھا؟
ہمم جاؤ آہل نے ناشتہ کرتے ہوئے کہا.
جی بھائی اللہ حافظ.
اس کے بعد عادل ایسے غائب ہوا جیسے گدھے کے سر سے سینگ….
عادل نے باہر آکر ایک لمبا سانس لیا اور یونی کے لئے نکل گیا………
جاری ہے