Dil Ke Aangan Mein Novel by Shazia Rafiq Novel20805

University Romance | Enemies to Lovers | Strong Heroine | Family Drama | Misunderstanding Based | Emotional Romance

Genre

Romance, University Romance, Family Drama, Emotional, Social Fiction, Contemporary Fiction

Short Description

دل کے آنگن میں شازیہ رفیق کا ایک جذباتی اور رومانوی اردو ناول ہے جو زونیرہ علی خان اور اسفند یار شاہ کے درمیان انا، غلط فہمیوں، یونیورسٹی اسکینڈل، عزتِ نفس اور بدلتے جذبات

انا، عزتِ نفس اور غلط فہمیوں کے درمیان جنم لیتی محبت کی خوبصورت داستان۔

کی دلچسپ کہانی پیش کرتا ہے۔

مسٹر اسفند یار شاہ! میں یونیورسٹی آئی ہوں یا نہیں، یہ میرا ذاتی معاملہ ہے اور اس میں مداخلت اور پوچھ گچھ کی اجازت میں کسی کو نہیں دیتی۔” اسے اپنے ارد گرد آگ کی لپٹیں سی محسوس ہو رہی تھیں۔ طیش کے مارے دل چاہ رہا تھا کہ سامنے کھڑے شاندار بندے کا منہ نوچ لے۔ آخر کیا سمجھ کر وہ اس کے راستے میں آن کھڑا ہوتا ہے؟ اسفند یار شاہ اس کے تنے ہوئے چہرے پہ نظر ڈال کر دلفریبی سے مسکرایا۔ “آپ واحد خاتون ہیں جن کا غصہ ہمیں بے حد بھاتا ہے۔” “اوہ، شٹ یور ماؤتھ اسفند یار شاہ!” اس کی بات کاٹ کر وہ دھیمے سے چلائی۔ اردگرد سے لڑکے اور لڑکیاں انہیں معنی خیز انداز میں دیکھتے ہوئے گزر رہے تھے۔ زونیرہ کے اس جملے پہ اسفند یار شاہ کے چہرے پہ سرخی چھا گئی۔ پیشانی سے ابھرتی رگ اور بھینچے ہونٹ دیکھ کر اندازہ ہو رہا تھا کہ وہ کس طرح خود پہ قابو پانے کی کوشش کر رہا ہے۔ “آج تک یہ لفظ ہم سے کہنے کی کسی کو جرات نہیں ہوئی۔ اب جانے کیسے برداشت کر گئے ہیں، لیکن آئندہ احتیاط کیجیے گا۔” انگلی اٹھا کر قدرے سخت لہجے میں تنبیہ کی اور وہ سر جھٹک کر اس کے سامنے سے نکل گئی۔ اسفند یار شاہ وہیں کھڑا دور تک اس پر نظریں جمائے کچھ سوچتا رہا۔ “کیا کہہ رہا تھا اسفند یار شاہ؟” زونی ڈیپارٹمنٹ میں پہنچی تو لان میں موجود سبین اور سویرا نے بیک وقت فکر مندی سے اس کے تپے ہوئے سرخ چہرے کو دیکھتے ہوئے پوچھا۔ اور وہ جو اتنی دیر سے خود کو کمپوز کرنے کی کوشش میں تھی، اس میں ناکام ہو کر صرف نفی میں سر ہلا کر کلاس روم کی طرف بڑھنے لگی۔ “زونی، پلیز یار۔” سبین تو اندر تک اترنے کا فن جانتی تھی، اسی لیے دو قدم پر ہی اسے جا لیا۔ “آئی ایم اوکے۔” قصداً مسکرا کر اسے مطمئن کرنا چاہا لیکن وہ سبین ہی کیا جو اس طرح بہل جاتی اور اس کے مسکراتے چہرے کے پیچھے چھپی پژمردگی کو نہ جان جاتی۔ “ہمم۔” “میں نہیں جانتی وہ کیا چاہتا ہے، بٹ آئی ہیٹ ہم، آئی ہیٹ ہم ویری مچ! جس نے مجھے یونیورسٹی میں بدنام کرنے میں کوئی کسر نہیں چھوڑی۔” سبین اور سویرا اسے لان کے قدرے کم رش والے کونے میں لے کر آئی تھیں اور وہ جیسے پھٹ پڑی تھی۔ اپنے آنسو روکنے کی کوشش میں ناکامی پر وہ سر جھکا کر انہیں بہانے لگی۔ سویرا اٹھ کر کینٹین سے اس کے لیے جوس لینے کے لیے چلی گئی۔ سبین اس کا ہاتھ اپنے ہاتھ میں لے کر اسے تسلی دینے لگی۔ کیا بات ہے، بہت خوش نظر آ رہی ہیں؟” آج وہ عادی ہو گیا تھا اس کے جواب نہ دینے کی عادت سے، اس لیے دوسرا سوال کر ڈالا۔ زونیرہ نے بے اختیار اپنے چہرے پہ ہاتھ پھیرا تھا اور اسفند یار کا قہقہہ فضا میں بلند ہو گیا۔ “آپ کے چہرے پہ سچی خوشی لکھی ہے، یہ میرا تجربہ کہتا ہے، تو کیا کہتی ہیں میں صحیح ہوں ناں؟” کہتے ہوئے قدرے جھک کر اسے دیکھا۔ اس نے فیصلہ کر لیا تھا کہ کچھ نہیں بولنا، اس لیے محض گھور کر دیکھا۔ باپ کے ملنے کے بعد خود کو بہت محفوظ تصور کرنے لگی تھی، اسی لیے سامنے کھڑے شخص کا خوف ختم ہو چکا تھا۔ “مس زونیرہ علی خان! کیا آپ مجھے اپنی دوستی کے بھی لائق نہیں سمجھتیں؟ بیلیو می، میں اتنا برا نہیں ہوں۔” زونیرہ نے اب بھینچ کر سر اٹھایا، وہ بھی اس کی طرف دیکھ رہا تھا۔ نگاہوں کا تصادم بہت زبردست تھا، اس نے گھبرا کر پلکیں جھکا لیں۔ “میرا راستہ چھوڑیں اسفند یار شاہ!” خود کو سنبھال کر ناگواری سے کہا۔ “امپاسیبل زونیرہ! میں آپ کو ہر اس جگہ ملوں گا جہاں سے آپ گزریں گی۔” اس کے جملے کا مفہوم اپنے مطالب کا نکالتے ہوئے بولا۔ “تم حد سے زیادہ ڈھیٹ انسان ہو اسفند یار شاہ! آخر چاہتے کیا ہو تم؟” اس کا جملہ اچھا خاصا تپا گیا تھا اسے، اسی لیے ساری مروت اور لحاظ بالائے طاق رکھ کر دانت کچکچا کر بولی۔ “ارے اسفند یار شاہ، تم یہاں ہو؟ میں تمہیں پوری یونیورسٹی میں ڈھونڈ آئی ہوں۔” اس سے پہلے کہ جواب میں وہ کچھ کہتا، کرن ضیاء اسفند یار کے برابر آ کھڑی ہوئی۔ “اوہو، مس زونیرہ علی خان بھی موجود ہیں۔” خاصے معنی خیز انداز میں ‘موجود’ پہ زور دیا۔ زونیرہ نے صرف ایک نظر اسے دیکھا، پھر دوسری طرف متوجہ ہو گئی۔ “کوئی کام تھا مجھ سے؟” اسفند یار شاہ نے اس کے جملے کو نظر انداز کر کے اس سے پوچھا۔ “ہاں، مجھے اکاؤنٹنگ کے نوٹس چاہیے تھے۔ بقول سب کے کہ تمہاری طرح کے نوٹس آج تک یونیورسٹی میں کوئی نہیں بنا سکا۔” لاپروائی سے بال جھٹکتے ہوئے وہ بولی۔ “تو پھر تمہیں یہ بھی پتا ہوگا کہ میں اپنے نوٹس کسی کو نہیں دیتا۔” کرن ضیاء کو شاید اتنی بدلحاظی کی امید نہیں تھی، اسی لیے ایک دو پل کے لیے تو رہ گئی، لیکن جلد ہی سنبھل کر بولی، “بٹ یو ہیو پاسڈ یور پریویس ایگزام اینڈ آئی تھنک یو ڈو ناٹ نیڈ دیٹ اینی مور۔” “جو چیز میری ضرورت کی نہ ہو، اسے میں ضائع کر دیا کرتا ہوں۔” اس کا لہجہ بہت سنجیدہ تھا، لگتا ہی نہیں تھا کہ یہ وہی اسفند یار ہے جو کچھ دیر پہلے اتنا شوخ ہو رہا تھا۔ “اگر کوئی اور کہے تب بھی نہیں دو گے؟” کرن اور ہار مان جائے؟ جیتنے کے لیے تو وہ اپنی عزتِ نفس کو بھی داؤ پہ لگا سکتی تھی اور شاید وہ اب آخری کارڈ کھیلنا چاہتی تھی۔ “کیا مطلب ہے تمہارا؟” اس نے ابرو چڑھا کر اسے دیکھا۔ زونیرہ علی ابھی تک یہاں موجود تھی اور یہ بات اسے مزید الجھن میں مبتلا کر رہی تھی، کہاں تو وہ ایک پل کے لیے کھڑا ہونے کو تیار نہیں تھی اور اب یوں جمی ہوئی تھی گویا اس کے پاؤں کے نیچے الفی لگ چکی ہو۔ “کیوں زونیرہ، تم میری سفارش کر سکتی ہو، مجھے پتا ہے اسفند یار تمہاری بات نہیں ٹالے گا۔” “شٹ اپ! آئی سے جسٹ شٹ یور ماؤتھ کرن۔” وہ غصے سے پاگل ہو گئی تھی۔ “آخر کیا سمجھ کر تم نے ایسی بات کی ہے؟ کیا سمجھتی ہو تم؟ تمہاری ہر بات، ہر بکواس برداشت کر جاتی ہوں تو تم نے اسے میری کمزوری بنا لیا ہے کہ جب چاہو اور جہاں چاہو میری انسلٹ کر جاؤ اور میں خاموش رہوں گی؟ کیا چیز ہو تم؟ اور کون سے سرخاب کے پر لگے ہیں اسفند یار شاہ میں؟ کہاں پہ مجھے تم نے اس کے ساتھ گھومتے ہوئے یا ہوٹلنگ کرتے دیکھا ہے؟” خاموش کھڑے اسفند یار شاہ کی طرف اشارہ کیا۔ “جو تم میری ذات کو اس کے ساتھ انوالو کر کے پوری یونیورسٹی میں اسکینڈل مشہور کرتی پھر رہی ہو۔ تمہارا مسئلہ صرف یہ ہے کہ تم اس کی توجہ حاصل نہیں کر سکیں اور اب غلط قسم کے ہتھکنڈوں پر اتر آئی ہو۔ یہ تمہارا اسفند یار شاہ تمہیں ہی مبارک ہو۔ میرے نزدیک اس کی اہمیت نہ کل تھی، نہ آج ہے اور نہ ہی کل ہوگی۔ لیکن ایک بات یاد رکھنا، ایک چیز ہوتی ہے عزتِ نفس اور جو لڑکی خود کو اتنا گرا دے کہ اس سے بھی محروم ہو جائے، تو میرے نزدیک یہ اس کی فتح نہیں بدترین شکست ہوتی ہے۔” غصے میں بے ربط جملے منہ سے نکلتے چلے گئے۔ کسی بھی نتیجے کی پروا کیے بغیر اپنے اندر کا لاوا نکال کر تیز قدموں سے بجائے کیمپس میں جانے کے واپس اسٹاپ کی طرف چلی آئی۔ اسفند یار شاہ کیسے اسے دیکھ رہا تھا، کرن ضیاء کس طرح پیچ و تاب کھا رہی تھی، اسے کسی چیز کی پروا نہیں تھی، لیکن یہ تھا کہ وہ اب خود کو بہت حد تک پرسکون محسوس کر رہی تھی اور شام کو وہ اپنے دماغ کو بوجھ سے آزاد کیے پاپا کے ساتھ گاؤں جانے کی تیاری کر رہی تھی۔