Rate this Novel
Episode 39
وہ ساکت نظروں سے سکرین کو گھورے جا رہی تھی جب مرینہ کی آواز پہ چونکی۔۔۔
جب یہ سب خود طے کر کے آئی ہو تو اب اسطرح ششدر کیوں ہو؟؟ سب کچھ خواہش کے مطابق ہی تو ہو رہا۔۔۔۔۔۔۔۔ پرسوں جب وہ مٹے میک اپ، بکھرے حلیے اور سرخ آنکھوں کے ساتھ گھر واپس آئی تو اسکی حالت دیکھ کے وہ سب سمجھ گئی لیکن کچھ نہ کہا۔۔۔۔
لیکن اب رہ نہ سکی تو بول اٹھیں۔۔۔۔۔
انکی بات سن کے اسکا دل سسک اٹھا، دل میں کہیں دور اسکی جدائی کا درد زور سے جاگا تھا۔۔۔۔
وہ بچھڑا تو یوں لگا۔۔۔
میری منت کا دھاگا ٹوٹ گیا۔۔۔
اسکی آنکھ سے آنسو ٹپکا۔۔۔۔
کیوں کیا ایسے علیزے۔۔۔کیوں؟؟ یقین تو رکھتی؟؟ انکے سوال پہ وہ ضبط کھوتی چٹخ اٹھی۔۔۔۔
کیا دیتا یہ یقین۔۔۔آپکو دیا اس یقین نے آپکی بیٹی کا ساتھ، ژالے کو ملا انکا بیٹا واپس؟؟ ماما بابا آ گئے واپس؟؟ اسنے انکی روح کھینچی۔۔۔۔۔
نہیں نا۔۔۔ اسنے استہزائیہ کہا۔۔۔۔
کچھ نہیں دیتا یہ یقین اور میں نہیں کر سکتی یہ سب۔۔۔نہیں بن سکتی کسی کی موت کا باعث کبھی نہیں۔۔۔۔ وہ چلائی۔۔۔۔۔۔
نفرت کرتی ہوں میں اس سے کیوں آئے وہ زندگی میں۔۔۔کیوں؟؟ نفرت ہے مجھے۔۔۔۔۔۔
وہ روتی چلاتی کمرے میں بھاگی۔۔۔۔۔۔
سکرین پہ ابھی بھی اسکی روانگی کے مناظر دکھائے جا رہے تھے۔۔ . سیاہ سوٹ، آنکھوں میں ویرانگی، گارڈز کا جھرمٹ فل سیکیورٹی لیکن وہ بے نیاز سا سامنے نظریں مرکوز کیے چلتا رہا۔۔۔۔ اسکی نگاہوں کا سرد تاثر اور ویرانی سب سے نمایاں تھی۔۔۔۔
میری قوسِ قزح کے رنگوں میں
آٹھوآں رنگ ہے اداسی کا۔۔۔۔
وہ سسکتی ہوئی بہتی آنکھوں سے نیوز کاسٹر کی آوازوں سے پیچھا چھڑاتی سیڑھیاں چڑھتی جا رہی تھی۔۔۔۔
جان جاتی تھی جس کے جانے سے
اسکا جانا بھی ہم نے دیکھا ہے۔۔۔۔۔
کمرے میں آ کے وہ پھوٹ پھوٹ کے رونے لگی۔۔۔اچانک نوٹیفیکیشن کی آواز پہ اسکی ہارٹ بیٹ مس ہوئی۔۔۔۔
نجانے دل نے کس کے ہونے کا سگنل دیا تھا۔۔۔۔اسنے لپک کے موبائل پکڑا تو وائس تھا۔۔۔اسنے لرزتے ہاتھوں سے وہ اوپن کیا تو آنیوالی اسکی آواز دل کے تار ہلا گئی۔۔۔۔۔۔
تو سفر میرا،ہے تو ہی میری منزل
تیرے بنا گزارا اے دل ہے مشکل،۔۔
تو میرا۔۔۔۔۔۔۔، تو ہی دعا میں شامل
تیرے بنا گزارا اے دل ہے مشکل
مجھے آزماتی ہے تیری کمی
“میری ہر کمی کو ہے تو لازمی”
جنون ہے میرا بنوں میں تیرے قابل
تیرے بنا گزارا اے دل ہے مشکل۔۔۔۔۔
وہ بہتے آنسووں سے اسکو سنے جا رہی تھی۔۔۔۔ اسکے کانوں میں زوریز کی آواز آئی”بھابھی آپ نے جے کو گاتے نہیں سنا۔۔۔گاتے کم ہیں لیکن جب گاتے جان لے لیتے”۔۔۔۔ اور ابھی اسے یونہی لگ رہا تھا۔۔۔۔۔۔
یہ روح بھی میری، یہ جسم بھی میرا
اتنا میرا نہیں جتنا ہوا تیرا
تونے دیا ہے جو وہ درد ہی سہی
تجھ سے ملا ہے تو انعام ہے میرا۔۔۔
میرا آسماں ڈھونڈھے تیرء زمیں
میری ہر کمی کو ہے تو لازمی۔۔۔۔۔
زمین پہ نہ سہی تو آسماں میں آ مل
تیرے بنا گزارا اے دل ہے مشکل۔۔۔۔۔۔
مانا کے تیری موجودگی سے یہ زندگانی محروم ہے
جینے کا جوئی دوجا طریقہ نہ میرے دل کو معلوم ہے
تجھ کس میں کتنی شدت سے چاہوں
چاہے تو رہنا بےخبر،
محتاج منزل کا تو نہیں ہے یہ ایک طرف میرا سفر
سفر خوبصورت ہے منزل سے بھی
میری ہر کمی ہے تو لازمی
ادھورا ہو کے بھی، ہے عشق میرا کامل
تیرے بنا گزارا اے دل ہے مشکل
مجھے آزماتی ہے تیری کمی
“میری ہر کمی کو ہے تو لازمی”
اسنے شاید اپنے جذبات ان الفاظ کے زریعے اس تک ایسے طریقے سے پہنچائے تھے کہ وہ پاگل ہو گئی۔۔۔۔۔
موبائل وہیں پٹختی وہ بیڈ کے ساتھ ٹیک لگائے فرش پہ بیٹھی بلکنے لگی۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ جہاز کی سیٹ سے ٹیک لگائے بیٹھا گزرے لمحوں کو سوچ رہا تھا جب جہان نے اسے ساتھ لے جانے سے منع کیا۔۔۔۔۔۔
تم کہیں نہیں جاو گے خان۔۔۔۔ تمہیں یہیں رہنا ہے سب کا خیال رکھنا ہے۔۔۔۔۔۔وہ تھما اور پھر رخ موڑتے بولا۔۔۔
علیزے کا خیال رکھنا ہے اسکی سیکیورٹی سب سے اولین کام ہے تمہارے لیے۔۔۔۔۔۔ اسنے تاثرات چھپاتے کہا۔۔۔۔۔
سر آپ نے ہی کہا تھا کہ آپ سے زیادہ بھابھی میم کی بات کو فوقیت دی جائے تو یہی سمجھیں کہ بھابھی میم کی بات کا مان رکھتے ہوئے میرا آپ کے ساتھ جانا ضروری ہے۔۔۔یہ انکی ریکویسٹ تھی۔۔۔۔ اسنے مٶدب انداز میں کہا تو وہ ساکت ہوا۔۔۔۔۔۔
لیکن پھر رک گیا اور سر جھٹکتے کچھ نہ پوچھا۔۔۔
ہوئے دل کے جب پاس پاس
تو ہم بچھڑ گئے۔۔۔۔
اسے پھر سے گزرے لمحے کی یاد تڑپا گئی کہ کیسے اسنے محبت ہوتے اسکی محبت کو آزمائش میں ڈالا۔۔۔۔۔
اور جہاں تک انکی سیکیورٹی کی بات ہے آپ کے کہنے کے مطابق اس کو اسکی نیشنیلیٹی کے زریعے ہی الیگل کام کرنے کے جرم میں اریسٹ کروا دیا ہے اب وہ پانچ سات سال سے پہلے نہیں نکل سکتا لیکن ہم اسے ٹارچر کر کے میم کی بھتیجی کا پتہ نہیں کروا سکتے اسکیلیے اسکا ہونا ضروری تو اسلیے اسے جسٹ اریسٹ کروایا ہے۔۔۔۔ اسکی نقل و حمل ہمیں ان محترمہ تک لے کے جا سکتیں۔۔۔
اسکے علاوہ بھابھی میم کی سیکیورٹی کیلیے سپیشل ٹیم ریڈی کر دی ہے اور انکے گھر کیمراز بھی لگوا دیے۔۔۔۔۔ اسنے تفصیلا اسے بتایا ۔۔۔۔۔۔۔۔
اس منظر کو سوچتے اسکی آنکھوں کے سامنے کا منظر یک لخت بدلا اور ایک نازک وجود اسکے سامنے ابھرا جو بھرائی آنکھوں سے سراپا التجا بنا کھڑا تھا۔۔۔۔۔۔
خان تم کیوں جا رہے لالے کے ساتھ؟؟ روتے ہوئے کہا۔۔۔
پہلی دفعہ تھوڑی جا رہے ہم مہرو بی بی اور آپ کیوں پوچھ رہیں ہیں یہ سب؟؟ اسنے بے حسی سے پوچھا۔۔۔۔
اسکی بات پہ اسنے زخمی انداز میں اسے دیکھا وہ نظریں چرا گیا۔۔۔۔
خان لالے کیوں جا رہے اس طرح شادی کی بات چھوڑ کے؟؟ اسنے اب کے سوال بدلا۔۔۔۔
پتہ نہیں۔۔۔۔ اسنے لاعلمی ظاہر کی جو بہت ضروری تھی۔۔۔
خان مت جاو۔۔۔۔۔ اسکا دل انہونی کے خیال سے ڈرا تھا یوں لگا کے اگر آج یہ چلا گیا تو لوٹ کے نہیں آئے گا۔۔۔۔۔
آپ پاگل ہو گئی ہیں مہرماہ بی بی۔۔۔۔ اپنے وقار کو یوں مت ضائع کریں آپکو زیب نہیں دیتا اور آج کے بعد ایسی گفتگو سے پرہیز کیجئے گا۔۔۔۔۔
اسکے دل پہ چرکے لگاتا وہ وہاں سے نکلتا چلا گیا۔۔۔۔
اور جہان شاہ اور علیزے سکندر کے ساتھ وہ تیسرا فرد مہرماہ شاہ تھی جسے وہ ہجر کا سانپ ڈسنے والا تھا۔۔ . . ۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔ . . . ۔۔۔۔۔
فریاد کررہی ہے ترستی ہوئی نگاہ
دیکھے ہوئے کسی کس بہت دن ہو گئے۔۔۔۔۔
وقت کا کام ہے گزرنا سو وہ گزرتا رہتا تھا۔۔۔۔۔ وقت سب سے بڑا مرہم ہوتا دل کے زخم بھر دیتا ہے۔۔۔۔۔
وہ بھی خود کو کمپوز کر چکا تھا۔۔۔۔ اسے آئے ابھی ایک مہینہ ہوا تھا جب گھر سے واپسی کا پوچھا جانے لگا لیکن اسکے ایک جملے نے شاہ مینشن والوں کی زبانوں کو تالے اور دل پہ ضبط کی سلیں رکھ دیں۔۔۔۔
آج کے بعد کسی نے مجھ سے واپسی کا پوچھا تو میں کبھی واپس نہیں آونگا اور مجھے ملنے کیلیے اگر کوئی ادھر آیا تومیں ایسی جگہ جاونگا جہاں سے مجھے ڈھونڈنا آپ کیلیے مشکل ہوگا۔۔۔۔
اسکے ڈوٹوک انداز پہ سب چپ کر گئے ۔۔۔۔ لیکن سب یہ جان گئے کہ اسکے پیچھے بڑی وجہ”علیزے سکندر” ہی ہے لیکن وہ کچھ نہ کر سکتے تھے ۔۔
اسکے بعد کبھی کسی نے اس سے ایسی کوئی بات نہ کی تھی۔۔۔۔۔۔
دل چاہا تب بھی نہیں۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تین سال کا طویل دردناک عرصہ گزر گیا۔۔۔۔ زجاح اور علینہ کی شادی بھی ہو چکی تھی۔۔۔۔۔
وہ دسمبر کی ایک ٹھٹرتی ہوئی صبح تھی جب وہ جاگی اور معمول سے ہٹ کے اسنے موبائل پکڑا تو نوٹیفیکیشن پہ لاتعداد میسجز شو ہوئے۔۔۔۔۔
اسکا دل سکڑ کے پھیلا۔۔۔اسنے بے ساختہ تاریخ کو دیکھا اور پھر ٹھٹھک گئی۔۔۔۔ دل میں کہیں کسک جاگی۔۔۔۔۔
اسنے میسجز اوپن کیے تو توقع کے عین مطابق اسکی اور جہان کہ تصویریں تھیں۔۔۔۔
آج کا دن انکی جدائی کا دن تھا اور اس دن جہان نے اسکے ساتھ اتنی تصویریں بنائیں کہ وہ پاگل ہونے لگی تھی۔۔۔۔
اب گزشتہ تین سال سے اسکا یہ معمول تھا کہ وہ آج کہ دن اسے کچھ تصویریں بھیجتا تھا گویا یادیں تازہ کرتا تھا۔۔۔۔ اور اسکی برتھڈے پہ گفٹ کورئیر کرتا تھا جسے وہ دیکھے بغیر الماری میں رکھ دیتی۔۔۔۔۔
وہ نہیں جانتی تھی مرینہ نے ان گفٹ کا گھر میں کیا بتایا تھا لیکن اس سے کبھی کچھ نہ پوچھا جاتا۔۔۔۔۔۔
ان تین سالوں میں انکا یہی تعلق تھا۔۔۔۔ وہ اسے نہ بھول پا رہا تھا نہ بھولنے دے رہا تھا۔۔۔۔۔۔
شدت عشق کے باوجود
تعلق صرف چپ کا ہے۔۔۔۔۔۔۔۔۔
تصویریں دیکھتی وہ اپنے سے زیادہ اسکے چہرے پہ نظریں جمائے ہوئے تھی اور اس بات سے انجان تھی کہ اسکی آنکھیں مسلسل گریہ و زاری کر رہی تھیں۔۔۔۔۔
اسکی نظر پھسلتی اسکے میسج پہ آئی۔۔۔۔۔
تیرا وصل بات نصیب کی، میرا بخت خاک میں لپٹا ہوا
کوئی زندگی کی سبیل کر مجھے انتظار ہی سونپ دے۔۔۔
اسکا دل کرلایا وہ سدکنے لگی۔۔۔۔۔۔۔
۔
کچھ لمحوں کے بعد وہ موبائل وہیں رکھتی بے دلی سے اٹھ گئی۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
علیزے نہ کرو یار آج تو تم شاہ رخ کی مووی بھی نہیں دیکھ رہی۔۔۔۔ایک جگہ پہ رکھو نا۔۔۔۔۔ مسلسل چینج کر رہی چینل۔۔مزہ تو آنے دو۔۔۔۔۔۔۔
اسکی حرکتوں سے تنگ آتے علینہ چیخی تو وہ بے دلی سے مسکرائی۔۔۔۔۔
بھابھی یار دل بہت بے چین۔۔۔۔کچھ اچھا نہیں لگ رہا۔۔۔۔ ایسے دل کو کوئی ججج۔۔۔۔۔۔۔۔ وہ بے زاری سے بولتے جا رہی تھی جب ایک چینل پہ اسکے ہاتھ تھمے جبکہ دل رک سا گیا۔۔۔۔۔۔۔
معروف شخصیت اور سیاسی رہنما احمد شاہ کے بیٹے جہان حیدر شاہ کا لندن میں خطرناک ایکسیڈنٹ۔۔۔۔۔۔
جہان شاہ کی حالت انتہائی تشویشناک۔۔۔۔
لندن کے منسٹر کا فورا ہاسپٹل روانہ ہونا۔۔۔۔۔۔۔
پاکستانی چیف آفیسر کا لندن کیلیے فورا روانہ ہونا۔۔۔۔۔۔
انکے گھر والوں کی ان کے مداح کی حالت درد ناک۔۔۔۔۔۔
وہ سکرین کو ساکت نظروں سے دیکھے جارہی تھی جس پہ ہاسپٹل کا منظر دکھائی دے رہا تھا۔۔۔۔۔ ہائی پولیس فورس کی نفری۔۔۔
اسکے گارڈز۔۔۔۔۔
ہلچل۔۔۔۔۔۔۔
جہان حیدر شاہ کا رات کے دو بجے انتہائی دھند میں رش ڈرائیونگ کرنا باعث بنا انکے شدید ایکسیڈنٹ کا۔۔۔۔۔۔۔۔۔۔ اسکی آنکھوں کے سامنے صبح کے میسجز گھومے جو بارہ کے بعد کے تھے۔۔۔۔۔۔۔۔۔۔۔۔۔
اسکی ایسی حالت پہ وہ سب تشویشناک ہوئیں لیکن وہ کسی کی سنے بغیر لڑکھڑاتے قدموں سے اٹھی اور چل پڑی۔۔۔۔۔۔۔۔
اسکے کان سلگتی سرگوشیوں سے جل اٹھے۔۔۔۔۔۔۔۔
راپنزل۔۔۔۔۔میں چاہتا ہوں یہ زلفیں کسی دن مجھ پہ بکھرے۔۔۔۔۔۔۔
سفید رنگ پہنے دیکھ کے کنفرم ہو گیا کہ شادی کا ڈریس سفید ہو گا۔۔۔۔
شادی کریں گی مجھ سے۔۔۔۔۔
مت کریں ایسا۔۔۔مر جاوں گا میں۔۔۔۔۔۔ اسکے وجود پہ اسکے سلگتے لمس جاگے۔۔۔۔۔۔
اسکا بھیگتا چہرہ اسکے لمس سے پرتپش ہو چکا تھا۔۔۔۔۔۔۔۔
وہ سب سے بے نیاز لڑکھڑاتے اکھڑتے قدموں سے چلتی جا رہی تھی۔۔۔۔۔۔
ہمیشہ کیلیے بچھڑا ہے کوئی۔۔۔۔
جدائی گونجتی ہے جسم و جان میں۔۔۔۔۔۔
اسکی کیفیت نے انہیں لرزا دیا اور تب ان پہ انکشاف ہوا کہ کہیں یہ مریض عشق نہ ہو۔۔۔۔۔۔۔۔۔
آنکھیں بھی دھڑکنوں کی زبان بولنے لگیں
اوجھل ہوا وہ شخص تو کہرام مچ گیا۔۔۔۔۔۔۔
جاری ہے۔۔۔۔۔۔۔۔۔۔