Rate this Novel
Episode 37
وہ اک عارضی سا تعلق
میری روح کی دھجیاں بکھیر گیا۔۔۔۔۔۔
اسکی گود اسکے آنسووں سے بھیگتی جا رہی تھی اور وہ گھٹنوں کے بل بیٹھا اسکی آغوش میں درد بھلانے کی کوشش کرنے لگا.۔۔۔۔۔
پاگل تھا نا جس نے درد دیا اسی کے سائے میں سکون چاہیے تھا اسے۔۔۔۔۔
حح۔۔۔حیدر پلیز۔۔۔۔۔اسنے اسکے گھنیرے بالوں پہ اپنا کانپتا ہاتھ رکھا۔۔۔۔۔ وہ ٹھٹکا اور پھر چہرہ اٹھایا۔۔۔وہ دھک سے رہ گئی۔۔۔۔
شدت گریہ سے سرخ پڑتا چہرہ اور آنکھیں دل کا درد بیان کر رہیں تھیں لیکن اسے یہ سب برداشت کرنا تھا۔۔۔بے حدی کی حدوں کو چھونا تھا۔۔۔۔۔۔
پلیز۔۔۔۔۔۔اسنے ہاتھ جوڑنے چاہے تو اس سے پہلے اسنے اسکے ہاتھ تھامتے اس پہ اپنا چہرہ ٹکایا۔۔۔۔۔۔۔
آپ ایسا مت کریں۔۔۔۔آپ جیسا کہیں گیں ویسا ہی ہو گا۔۔۔میں یہ شہر، یہ ملک چھوڑ دونگا۔۔۔۔۔۔۔ اسکی آواز گہری کھائی سے آتی محسوس ہو رہی تھی اور آنکھیں ۔۔۔۔۔۔۔۔۔
دھتکار گیا جب وہ شخص مجھے۔۔۔
تب دیکھا اپنی آنکھوں کا رنگ
حیران الگ۔۔۔۔
پریشان الگ۔۔۔۔
سنسان الگ۔۔۔۔
بیابان الگ۔۔۔۔۔۔
اسکی آنکھوں میں ایک ٹھرا ہوا سکوت تھا جو سب نے آنیوالے پانچ سالوں میں جمود کی طرح دیکھا۔۔۔۔۔
وہ ہلکا سا رخ موڑتے اٹھ کھڑا ہوا جب وہ جھجھکتے ہوئے بولی۔۔۔۔۔
آ۔۔۔آپ کسی سے شاد۔۔۔۔۔۔ بات اسکے لبوں میں تھی جب وہ درشتگی سے مڑا اور اسکا بازو پکڑتے ہلکا سا قریب کیا۔۔۔۔۔
میں کروں گا شادی۔۔۔۔ضرور کروں گا لیکن آپ سے کروں گا جب بھی کروں گا۔۔۔۔۔ اسنے اسکی آنکھوں میں دیکھتے لفظ ادا کرتے اسکی سانسیں کھینچیں۔۔۔۔۔
آ۔۔آپ۔۔۔۔۔اسنے لب کھولنے چاہے لیکن اسنے اسکے ہونٹوں پہ انگلی جمائی۔۔۔۔
میں آج کے بعد یہ کلر آپ کے ہونٹوں پہ نہ دیکھوں۔۔۔جب تک مجھ سے دور ہیں اسے خود سے دور رکھیں۔۔۔ہاں کوئی بات منوانی ہوئی یا میرے پاس آناہوا تو اسے ہتھیار بنا لینا۔۔۔۔۔۔۔ اسنے اسکی طرف جتاتے لفظ انڈیلتے اپنے انگوٹھے سے اسکی لپ اسٹک مسل کے رکھ دی۔۔۔۔۔۔۔
سفید چہرے پہ پھیلی ہوئی سرخ لپ اسٹک ایک پر کیف سا منظر دیکھا رہی تھی اسنے نظریں جمائیں۔۔۔۔
اسکے لب کچھ کہنے کو لرزے۔۔۔جب وہ بولا۔۔۔
ابھی ایک التجا کروں تو مانیں گیں۔۔۔۔۔۔ اسنے سر جھکاتے پوچھا۔۔۔۔۔۔
آسنے خوفزدہ نظروں سے اسے دیکھا۔۔۔اسکی نظروں میں چھپا خوف اسکو چیر گیا۔۔۔۔۔
یقین رکھیں۔۔۔آپ کی طرح ظالم نہیں ہوں آپکی زندگی نہیں چھینوں گا۔۔۔۔ لیکن آپکی زندگی کا یہ دن چھین کے اسے زندگی بنانا چاہتا۔۔۔۔پلیز۔۔۔۔۔۔
یہ ایسا دن جس میں ہجر کا کوئی خوف نہ ہو۔۔۔جہاں صرف وصل ہو۔۔۔زندگی سے بھرپور دن۔۔۔جہاں بچھڑنے کا غم نہ ہو۔۔۔۔۔ایسا دن دے دیں آج مجھے۔۔۔۔پلیز۔۔۔
اسکے لفظ اس پہ قطرہ قطرہ زہر بنے اثر کر رہے تھے۔۔۔۔۔ وہ ہاتھ اسکی طرف بڑھائے منتظر کھڑا تھا۔۔۔۔۔
وہ کچھ دیر نجانے کیا سوچتی رہی پھر اپنا ہاتھ اسکے ہاتھ پہ رکھ دیا۔۔۔۔ وہ اب اسکی یہ امید نہیں توڑنا چاہتی تھی۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب سے علیزے کی کال آئی تھی کہ وہ لیٹ آئے گی تب سے وہ خوش گمان ہو چکی تھی کہ شاید سب ٹھیک ہو چکا تھا۔۔۔۔۔۔
وہ اسکیلیے بہت خوشنما خواب بننے لگی۔۔۔۔لیکن وہ یہ نہ جانتی تھی کہ خواب تو شاید ٹوٹنے کیلیے ہی ہوتے ہیں۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بہت خوبصورت ہے یہ منظر۔۔۔۔۔۔ وہ اسے لیے فارم ہاوس کا کونا کونا گھما رہا تھا جب بائیں جانب بنے گازیبو کا خوبصورت منظر دیکھ کے وہ مبہوت رہ گئی اور بے ساختہ بولی۔۔۔۔
اسنے اسکے دمکتے چہرے پہ نظریں جمائیں۔۔۔
کیا دیکھ رہے ہیں؟؟ اسکی نظروں کے ارتکاز سے گھبرا کے اسنے سوال کیا۔۔۔۔
آپکی نظر اتار رہا۔۔۔۔۔ اسکے جواب پہ وہ بلش ہوئی۔۔۔۔
بآندھ کر بازو پہ نظر کا تعویذ۔۔۔
وہ خود ہم پہ نظریں جمائے بیٹھے ہیں۔۔۔۔۔
اسکے بے ساختہ کہنے پہ وہ بھرپور انداز پہ مسکرایا اور پھر اسکے قریب ہو کے اسکے کان کی طرف جھکا۔۔۔۔
یوں آکے نہ بیٹھیے۔۔۔
صبر تو صبر ہے لیکن ہر بار نہیں ہوتا۔۔۔۔۔
اسنے گویا اپنے لفظوں سے اسے ہی قصوروار ٹھرا دیا۔۔۔۔وہ سرخ ہوتا چہرہ اور اتھل پتھل سانسوں کو سنبھالتی رخ موڑ گئی۔۔۔۔۔
آپ ۔۔۔آپ۔۔۔بیت بازی بعد میں کیجئے گا۔۔۔مجھے گازیبو دیکھنے دیں۔۔۔۔۔اسنے گویا اسے پٹری پہ لانا چاہا ہو۔۔۔۔۔
آپ اپنا کام کریں میں اپنا کام کرتا۔۔۔۔ اسنے اس پہ نگاہیں جمائے ہوئے کہا۔۔۔۔۔
وہ ناسمجھی کا تاثر دیتے ہوئے بھی اپنے چہرے پہ بکھرے رنگ محسوس کر سکتی تھی۔۔۔۔
چلیں آئیں لنچ کریں پہلے۔۔۔اسنے دوٹوک انداز میں کہا۔۔۔۔
لیکن مم۔۔۔۔۔۔ اسنے کچھ کہنا چاہا لیکن اسکے چہرے کے تاثرات۔۔۔توبہ۔۔۔۔
وہ بڑبڑاتی آگے بڑھی۔۔۔۔۔
یہ ٹیپیکل بیویوں والے گٹس آپ نے کہاں سے سیکھے؟؟ میں تو آپکو معصوم سمجھتا تھا۔۔۔۔۔
اسکی مخصوص سنجہدہ آواز گونجی۔۔۔۔۔وہ مزاق بھی ایسے لہجے میں کرتا تھا کہ اگلے کو غش آجائے۔۔۔۔۔
اسکی بات پہ اسکے قدم تھمے لیکن آج کا یہ دن وہ سب بھول کے گزارنا چاہتی تھی سو خود کو کمپوز کرتی وہ اسکے ہمراہ ڈائننگ ہال میں آئی۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جے۔۔۔۔۔جے۔۔۔۔۔۔وہ ابھی کھانے سے فارغ ہوئی تھی کہ کسی کہ زور سے چلانے کی آواز پہ اسنے ڈر کے فورا مقابل پڑی کرسی پہ بیٹھے جہان کے بازو کو جکڑتے اسکی طرف دیکھا تو اسنے فورا اسکے کندھے پہ ہاتھ رکھتے گویا تسلی دی ہو۔۔۔۔۔۔۔
یہ لمحوں کی بے اختیاری تھی لیکن اس بے اختیاری کا اندازہ انہیں تب ہوا جب باہر سے آیا فرد ہال کے دروازے پہ بت بنا کھڑا دکھائی دیا۔۔۔۔۔
اسکے بیگ گرنے کی آواز پہ وہ چونکے اور پھر ہوزیشن کا خیال کرتے وہ فورا پیچھے ہوئی جبکہ وہ اسی طرح اپنے مخصوص انداز میں بیٹھا اسے دیکھنے لگا۔۔۔۔ ۔
پلیزنٹ سرپرائز بھابھی۔۔۔۔۔وہ چہکتا ہوا قریب آیا۔۔۔۔
آپ کے چہیتے خان سے آپکی اور آپکی بیگم کی قسم دے کے آپکے بارے میں پوچھا تب جا کے اسنے بتایا۔۔۔۔۔ جہان کے گلے ملتا وہ پرجوش انداز میں بولا۔۔۔
اور پھر علیزے کے سامنے سر جھکایا تو وہ گھبرا کے پیچھے ہوتی نامحسوس انداز میں جہان کے پیچھے چھپ گئی۔۔۔۔۔ اسکے ایسے ردعمل پہ وہ ہونق ہو گیا۔۔۔۔
جہان نے نرمی سے اسکا بازو پکڑتے اسے سامنے کیا۔۔۔۔
علیزے یہ زوریز ہے۔۔۔سٹڈی کیلیے لندن ہوتا شاید ابھی سیدھا ادھر آیا ہے۔۔۔۔۔ اسنے تعارف کروایا تو وہ ہلکا سا مسکرائی۔۔۔۔
جبکہ وہ اندر سے پریشان تھی کہ نجانے وہ کیا سوچے اسکی وہاں موجودگی کو لے کر لیکن وہ بہت نارمل تھا اور کچھ دیر میں وہ اسے مکمل تعارف کروا چکا تھا۔۔۔۔۔
وہ اسے لیے صوفے پہ بیٹھا شاہ مینشن کے ایک ایک فرد بائے فوٹو تعارف و خصوصیات بتا رہا تھا جبکہ جہان خاموشی سے انہیں دیکھے گیا۔۔۔۔۔۔۔
میں نے اسے اتنا دیکھا، جتنا دیکھا جا سکتا تھا۔۔۔
مگر پھر بھی دو آنکھوں سے کتنا دیکھا جا سکتا تھا۔۔۔۔۔۔
اسکی آنکھوں کا پرتپش ارتکاز اسکی توجہ بھٹکانے کا باعث بن رہا تھا۔۔۔۔۔۔
شام کے ساڑھے چار ہو چکے تھے جب زوریز چلا گیا اور شاہ اسے لیے پھر سے ایک طرف چل دیا۔۔۔۔۔۔
ایک کمرے کے سامنے کھڑے ہو کے وہ اسکی سمت مڑا۔۔۔۔
میں چاہتا تھا یہاں ادھر میں آپکو تب لیکر آتا جب آپ پہ میری مہر لگ چکی ہوتی لیکن آج میں یہ چاہتا ہوں کہ یہاں کہ چپے چپے پہ آپکی یادیں نقش ہوں اسلیے یہاں لانا پڑا وقت سے پہلے۔۔۔۔۔۔۔۔۔۔ اسنے نگاہیں سامنے دیوار پہ مرکوز کرتے لفظ ادا کیے اور کمرے کا دروازہ کھولا۔۔۔۔۔
کمرہ کیا تھا گویا لگژری پیلیس تھا۔۔۔ سٹنگ ایریا اسکے بعد پرسنل ایریا۔۔۔۔۔نرم و گداز ڈارک کلر کے کارپٹ جس میں پاوں دھنسے جا رہے تھے۔۔۔۔۔
کمرے میں بلیک اور گرے کلر کا کمبینیشن تھا تب ہی اسکی توجہ کمرے میں لگی اپنے انلارج سفید رنگ کے لباس میں تصویر پر گٸی۔۔۔۔
اسے پوچھنے کی ضرورت ہی نہ پڑی کیونکہ وہ جانتی تھی یہ تصویر اسکی مری کی ہے۔۔۔۔۔۔۔اپنی تصویر کیساتھ لگی سیاہ لباس میں اسکی شاندار تصویر نے اسے بتایا کہ یہ کمرہ اس شاندار شخص کا ہے۔۔۔۔۔ ۔۔۔
یہ میں چاہتا ہوں کہ آپ کبھی بھی خود سے دور نہ کریں۔۔۔اسے میری منت کا دھاگا سمجھیے گا۔۔۔۔۔۔۔ وہ تصویروں کو دیکھنے میں اتنی مگن تھی کہ اسکی آنکھیں جلنے لگی تبھی یہ سلگتی سرگوشی اسکے کانوں میں گونجی تو وہ چونک گئی اور دیکھا تو اسکے ہاتھ میں ایک خوبصورت چین تھی۔۔۔۔جو ڈائمنڈ کے نگینوں سے سجی H لفظ کو اتنی خوبصورتی سے ڈیزائن کیے ہوئی تھی کہ وہ ایک پل کو مبہوت رہ گئی۔۔۔۔۔۔۔
اسنے چین کا ہک کھولتے اسکی طرف منتظر نظروں سے دیکھا تو وہ سر جھکا گئی گویا اجازت دے دی گئی ہو۔۔۔۔ اور آج واقعی اس وقت جو کچھ وہ اس سے مانگ چکی تھی اسکے بعد وہ اسے روک نہیں پا رہی تھی۔۔۔۔۔۔
آسنے اسکی طرف جھکتے ایک ہاتھ سے اسکے بالوں کو اکٹھا کیا اور پھر دھیرے سے اسکی صراحی دار گردن کی زینت وہ چین کی۔۔۔۔۔۔۔
اسکی سلگتی انگلیوں کے لمس نے اسکے بدن میں پھریری سی دوڑا دی۔۔۔۔۔۔۔۔
چین کا ہک بند کرتے وہ اسکی گردن پہ جھکا، اسکی سانسوں کی تپش سے وہ پگھلنے لگی۔۔۔۔
Thanks Rapunzil….
اور دھیرے سے اسکی کان کی لو اپنے ہونٹوں سے چھوتا سیدھا ہوا۔۔۔۔۔ وہ تڑپ گئی اور اسکی طرف دیکھنا چاہا لیکن اس سے پہلے ہی اسکے سلگتے لمس نے اسکی آنکھوں کو بوجھل سا کر دیا۔۔۔۔۔۔
وہ جھکا اور اسکی تڑپتی آنکھوں پہ مرہم رکھا۔۔۔۔۔
اسکے لبوں کا سلگتا لمس اسے لرزنے پہ مجبور کر گیا اسنے اسکی شرٹ کندھے سے دبوچی۔۔۔۔۔۔
ح۔۔۔۔حیدر۔۔۔۔۔۔اسکی بھینچی سے آواز گونجی۔۔۔
یہ کون پکارا ہے عدم اتنی چاہ سے
احساس برتری سے میں خدا ہو گیا ہوں۔۔۔۔۔۔
اسنے بےساختہ کہتے اپنے لب اسکی دمکتی پیشانی پہ رکھتے گویا محبت کی مہر لگا دی۔۔۔۔۔۔
جو چیخ چیخ کے بیان کرےگی کہ تم چاہے محبت سے انکاری ہی کیوں نہ ہو یہ میری محبت کی مہریں تمہیں پل پل اس محبت کی یاد دلائیں گیں جو آپ دفن کرنے جا رہی ہیں۔۔۔۔۔۔۔۔۔
وہ اسکی شرٹ دبوچے گویا اسی کے سہارے کھڑی تھی۔۔۔۔اسکے اندر اپنے پاوں پہ کھڑے ہونے کی سکت نہ رہی تھی۔۔۔۔۔۔۔
وہ دھیرے سے سیدھاہوا اور دونوں ہاتھوں میں اسکا چہرہ تھاما اور بغور تکنے لگا گویا حفظ کرنا چاہا ہو۔۔۔۔۔۔اسکی پرتپش نظروں سے وہ قطرہ قطرہ پگھلنے لگی۔۔۔۔۔
وہ دھیرے سے اسکے چہرے پہ جھکا جب وہ بول اٹھی۔۔۔۔۔
گ۔۔گھر جانے۔۔۔کک۔۔۔کا وقت ہو گیا۔۔۔۔۔۔۔ اسکی دھیمی لرزتی آواز اسکے دل کو چیر گئی۔۔۔۔۔
تو گویا وقت ہجر آن پہنچا تھا۔۔۔۔وصل کے لمحات اتنے مختصر تھے۔۔۔۔۔۔
تیری قربتوں کے لمحے پھولوں سے
اور پھولوں کی زندگی مختصر سی۔۔۔۔۔۔
ہجر کا ہیولہ منہ پھاڑے اسکی خوشیاں نگلنے کو کھڑا تھا۔۔۔اور وہ بے بس تھا۔۔۔۔۔۔۔۔ اسکا دل مٹھیوں میں جھکڑنے لگا۔۔۔۔۔۔۔۔
چاہنے کے باوجود زنجیروں سے جھکڑا ہوا۔۔۔
وعدوں اور قسموں سے جھکڑا بے بس اور بد نصیب انسان کیونکہ وہ کچھ نہیں کر سکتا تھا کہ
جدائی کا لمحہ آن پہنچا تھا۔۔۔۔۔۔
جاری ہے۔۔۔۔۔۔۔۔