Rate this Novel
Episode 32
کسی کی نگاہوں کی تپش اسے ہوش کی وادیوں میں لیکر آئی۔۔۔ اسنے دھیرے سے آنکھیں کھولیں۔۔۔۔
گزرا لمحہ اسکے زہن میں گردش کرنے لگا۔۔۔
اس انجان شخص کا اسے پرپوز کرنا۔۔۔۔اسکا وہاں سے بھاگنے کی کوشش میں پکڑے جانا۔۔۔
اسکا اسے کمرے میں لا کے دروازہ بند کرنا اور اسکی طرف بڑھنا۔۔۔۔۔
اخری خیال کے زہن میں آتے ہی وہ پھرتی سے اٹھی لیکن سامنے نظر پڑتے ہی رک گئی، وہ صوفے پہ بیٹھا ایک ہاتھ تھوڑی پہ جمائے اسکی حرکات و سکنات ملاحظہ کر رہا تھا۔۔۔۔
اس پہ نظر پڑتے ہی خوف کی ایک سرد لہر اسکے رگ و پے میں دوڑ گئی۔۔۔۔
وہ اٹھ کے دروازے کی اوڑ بڑھنے لگی جب اسکی پرسکون آواز نے اسکے قدم جما دیے۔۔۔
بھآگنے کی فضول کوششیں ترک کر کے میری بات سننے کی کوشش کریں تو شاید زیادہ بہتر ہو گا۔۔۔۔۔ اسکی بات پہ تھم گئی اور طیش کی ایک لہر اسکے اندر دوڑ گئی۔۔۔۔۔
کیوں۔۔۔کیوں سنوں میں آپکی بات؟؟ کیا ۔۔۔۔۔۔لگتے ہیں آپ میرے؟؟جانے دو مجھے پپ۔۔پلیز۔۔۔۔۔
وہ غصے سے بولتی سسک پڑی۔۔۔
آپ کا کچھ لگنا ہی تو چاہتا ہوں۔۔۔ اسلیے پھر سے وہی التجا ہے۔۔ مجھ سے شادی کریں گی علیزے؟؟
اسکی گھمبیر آواز پہ وہ ساکت ہوئی لیکن پھر اتنے سالوں کا پکتا لاوا اسکے اوپر انڈیل دیا۔۔۔۔۔
نہیں۔۔۔نہیں کرونگی شادی۔۔۔ جان سے ۔۔جان سے مار دونگی میں اگر پھر سے یہی فضول سوال مجھ سے کیا تو۔۔۔نفرت ہے مجھے آپ سے، شادی کے نام سے۔۔۔جان لے لوں گی میں آپکی۔۔۔ زندگی۔۔زندگی تباہ کر دی میری۔۔سس۔۔سب کو مار دیا۔۔۔دور ہو جاو یہاں سے۔۔۔جان چھوڑو میری۔۔۔ وہ ہسٹرائیک ہو چکی تھی جب اسکے آواز پہ اسکا دل سہما۔۔۔۔
خان!!
اسنے آواز دی تو وہ فورا نمودار ہوا اور اسے اشارے سے ریوالور سامنے رکھنے کو بول کے جانے کا اشارہ کیا تو وہ کسی انہونی کے احساس سے وہیں دروازے پہ رک گیا۔۔۔۔۔
اسے لگا شاید وہ اسے مارنا چاہتا ہو لیکن وہ کھڑی رہی شاید وہ چاہتی یہی تھی لیکن دل کہیں اندر خوف سے ٹھٹھرایا۔۔۔۔
یہ لیں۔۔۔ اور ماریں۔۔۔۔۔۔اسنے ریوالور کی طرف اشارہ کیا تو وہ ہونق بنی اسے دیکھنے لگی۔۔۔۔
سر۔۔۔۔ خان نے کچھ بولنا چاہا تو اسنے ایک ٹھنڈی نگاہ اسکی طرف کی جسکی ٹھنڈک سے اسکی ریڑھ کی ہڈی تک سنسنا اٹھی۔۔اسکے بڑھتے قدم اور ابلتے الفاظ وہیں دم توڑ گئے۔۔۔۔۔
ماریں مجھے۔۔۔ میں نے سب کو مارا ہے مجھے ماریں ہری اپ۔۔۔ وہ پچکارتا بولا، وہ جانتا تھا اسکو اس کیفیت سے کیسے نکالنا ہے اسلیے وہ اپنی جان داٶ پہ لگا رہا تھا۔۔۔۔
جلدی کریں۔۔۔کیونکہ شادی مجھے آپ سے ہی کرنی ہے اور اس بات سے آپ مجھے کبھی بھی نہیں روک سکتی۔۔۔۔ اسکی بات پہ اسے کرنٹ لگا تو اسنے گویا حفظ ماتقدم کے طور پہ لرزتے ہاتھوں سے پسٹل اٹھا لیا۔۔۔۔۔
مم۔۔مجھے یہاں سے جج۔۔۔جانے دو۔۔میں مار دونگی واقعی۔۔۔اسنے گویا اسے یقین دلانے کے ساتھ ساتھ خود کو یقین دلایا۔۔۔
چلائیں اسے۔۔۔ اسنے گویا اکسایا۔۔
مارنا چاہتی ہیں تو سوچیں مت کیونکہ میرے جزبات آپ کی کسی مزاحمت سے نہیں رکنے۔۔۔۔ اسکی بات اسکے چلانے سے رکی۔۔۔
بند کریں۔۔۔یہ فضول باتیں۔۔۔نفرت ہے مجھے اس سے۔۔۔ آپ سے۔۔۔۔ وہ چلائی۔۔۔
اسکی بات سے وہ کھڑا ہوا اور اسکی طرف بڑھنے لگا تو وہ فورا بولی۔۔۔
ر۔۔رک جائیں ادھر ہی۔۔۔ مم۔۔۔۔ وہ ابھی کچھ بولنا چاہ ہی تھی جب اسکا لرزتے ہاتھ کا شدت ضبط سے دباو ٹریگر پہ پڑا اور سامنے کھڑے وجود نے ایک جھٹکا کھایا۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی علیزے سے بات ہوئی؟؟ مجھے بہت پریشانی لگی ہے اسکا نمبر مسلسل بند ہے؟؟ مرینہ نے فائل دیکھتے معاز سے پوچھا جہاں سب بیٹھے تھے۔۔۔
ہاں میرا رابطہ ہو چکا ہے۔۔۔۔ انہوں نے مبہم سا جواب دیا۔۔۔۔
میری بات بھی کروائیں اس سے۔۔۔ وہ فوراً بولیں تو انہوں نے ژالے اور مرینہ دونوں کو کھانے کا بول کے منظر سے ہٹایا۔۔۔۔
بات کرواتا ہوں پہلے آپ کھانا لگوائیں۔۔۔ تو وہ خفگی سے اٹھ گئیں۔۔۔
کیا بات ہے؟ کوئی پریشانی تو نہیں ہے؟؟ زجاح نے پوچھا تو وہ ہولے سے بولے۔۔۔
ہاں سب ٹھیک ہے۔۔۔ راستہ بھول گئی تھی لیکن خبر یہ ہے کہ جہان شاہ کے پاس ہے تاکہ راستے بلاک ہونے کی وجہ سے کالج والوں تک پہنچا سکے ۔۔۔ میری بات ہوئی تھی جہان سے پریشانی کی بات نہیں ہے لیکن علیزے سے میں نے بات اسلیے نہیں کی کہ وہ ضد کریں گی حالات ٹھیک ہوتے تو رابطہ کر لیتا۔۔۔۔۔ انہوں نے تفصیلی جواب دیا تو سب مطمئن ہو گئے وجہ جہان حیدر تھا۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ّوہ زرد چہرہ لیے ساکت کھڑی تھی۔۔۔ وہ اسکے جسم کو دیکھنے لگی وہ نہیں جانتی تھی لیکن وہ ہو گیا اور اب وہ بتدریج اسکے خون سے سرخ ہوتے بدن کو دیکھتی رہی وہ نہیں جانتی تھی گولی کہاں لگی ہے لیکن وہ اس پل مرنے لگی۔۔۔۔۔
مم۔۔۔میں۔۔۔مجھے۔۔۔پتہ نن۔۔نہیں۔۔کیسے۔۔۔۔میں جج۔۔۔جان بوجھ۔۔۔۔۔۔۔۔ وہ ٹوٹتے الفاظ میں بولی اور ریوالور اسکے ہاتھوں سے پھسل کے نیچے جا گرا۔۔۔۔
تب ہی ساکت کھڑے خان کو ہوش آیا اور وہ اسکی طرف لپکا لیکن اسنے ہاتھ کے اشارے سے اسے روکا تو وہ بے بسی سے وہیں رک گیا۔۔۔۔۔۔ وہ ابھی تک اسی طرح کھڑا تھا اسکی شرٹ بھیگتی گٸی جبکہ وہ روتے ہوئے سہمی نظروں سے اسے دیکھتی رہی جو اب اسکی طرف بڑھ رہا تھا۔۔۔۔
وہ پیچھے ہونا چاہتی تھی لیکن پاوں کسی نے گویا جھکڑ رکھے ہوں۔۔۔۔ وہ اسکے قریب آیا اور پھر بہت قریب اور پھر وہ لڑکھڑایا۔۔۔۔
تب لاشعوری طور پہ اسنے اسے تھاما لیکن اسکو سنبھالنا اسکے بس کی بات نہ تھی ۔۔۔۔ اس لیے اسے سنبھالتی وہ اسکو تھامے نیچے بیٹھتی چلی گئی۔۔۔
خآن بے چین سا کھڑا تھا کہ اسکا ہاسپٹل جانا ناگزیر تھا لیکن آج وہ سب حدیں بھولے درد بھولے مسرور پڑا تھا۔۔۔۔۔
مم۔۔ مجھے ممم۔۔معاف کر دیں۔۔۔مم۔۔میں۔۔۔جان کے نن۔۔پتہ نہیں کیسے ہوا۔۔۔۔۔ وہ روتے ہوئے بولی جب وہ اسکے ہونٹوں پہ اپنی انگلی رکھ گیا۔۔۔۔
ششششششش۔۔۔۔۔ چپ۔۔۔۔۔ اسکے سلگتے لمس پہ وہ سن ہو گئی۔۔۔۔۔
آپ کو سفید رنگ میں دیکھ کہ ایک بات تو فائنل ہو گئی ہمارے نکاح کے دن آپکا ڈریس اسی رنگ کا ہو گا۔۔۔۔۔۔ اس سچویشن میں اسکی اس سرگوشی پہ جہاں کی تہاں رہ گئی دل کہیں ڈوب کے ابھرا۔۔
وہ روتی ہوئی بمشکل اسکا ہاتھ ہٹا پائی جب اسکی آنکھیں اسنے بند ہوتی محسوس کیں۔۔۔
نن۔۔۔نہیں۔۔۔پپ۔۔پ۔۔۔پلیز۔۔ آنکھیں کھولو۔۔۔اد۔۔ادھر دیکھو۔۔۔۔۔پلیز مرنا نن۔۔نہیں۔۔۔ آنکھیں۔۔بب۔۔بند مت کرنا پلیز۔۔۔میں۔۔مر جاوں گی۔۔۔۔۔۔۔ وہ نہیں جانتی تھی وہ کیوں یہ سب کر گئی لیکن اسکے لرزتے لبوں سے یہ سسکتے الفاظ نکلے۔۔۔۔
شاید کسی کے خون سے ہاتھ رنگنے کا ڈر تھا یا کوئی پنپتا ہوا جذبہ لیکن اسے آنکھیں بند کرتے دیکھ کے وہ واقعی ادھ موئی ہونے لگی۔۔۔۔۔
اسکی آہ و زاری پہ اسنے بمشکل سلگتی آنکھیں کھولیں اور دھیمے سے مسکرایا۔۔۔۔
اسکی آنکھوں کی ناقابل برداشت چمک اور اسکی مسکراہٹ نے اسے اس وقت اُس مقام پہ کھڑا کیا تھا کہ وہ آج تک وہاں سے ہل نہ سکی۔۔۔۔
واللہ اب تو۔۔۔موت کو۔۔۔روکناپڑے گا۔۔بانہوں میں لیے آپ حکم دے رہی ہیں ۔۔۔کچھ تو پاسداری کرنی پڑے گی۔۔۔۔۔ اسکی ٹوٹتی آواز اور مدہم ہوتی سانسیں محسوس کر کے خان سب احتیاط بالائے طاق رکھتا آگے بڑھا۔۔۔۔۔
جبکہ اسکی بات سن کے دل اس اتنی گہرائی میں ڈوبا کہ ابھرنا مشکل تھا۔۔۔۔ اسے اپنی بانہیں ٹوٹتی محسوس ہوئیں جن میں وہ اسے سنبھالنے کی ناکام کوشش کر رہی تھی۔۔۔۔
انکو دیکھیں پلیز۔۔۔۔انکو۔۔ٹھیک کریں۔۔۔ خان کو دیکھ کے وہ فورا ہوش میں آئی اور بلک اٹھی تب اسکی آنکھوں میں نظر آنیوالے تاثر نے اسے منجمند کر دیا۔۔۔۔
اسے آنکھیں پڑھنا نہیں آتیں تھی لیکن اسکی آنکھوں میں نظر آنیوالے شکوے نے اسے لاجواب کر دیا۔۔۔ وہ اسکی بانہوں سے اسے آٹھا کے اسے لے گیا لیکن وہ اسی شکوے کے زیر بار وہیں زمین پہ بیٹھی رہی۔۔۔۔
منجمند،، ساکت۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راستے بلاک ہونے کی وجہ سے وہ اسکا گھر ہی ٹریٹمنٹ کر رہے تھے۔۔۔خان کے ساتھ دو باڈی گارڈز کمرے میں گھسے تھے۔۔۔۔۔
اسکے کپڑے بلیک ہونے کی وجہ سے وہ یہ تک نہ جانتی تھی کہ اسے گولی کس جگہ پہ لگی ہے۔۔۔۔ اسکے خون سے بھیگے کپڑے اسکی نظروں میں گھوم رہے تھے اور اسکی سانسوں کا زیروبم ٹوٹ رہا تھا۔۔۔۔۔
وہ کمرے میں ایک کونے میں بیٹھی مسلسل اس شخص کیلیے دعاگو تھی جسکا وہ نام بھی نا جانتی تھی۔۔۔۔ وہ دعا مانگتے خود کو، خدا کو، وہاں موجود ہر شخص کو۔۔۔اپنے دل کو یہی یقین دلانے کی کوشش میں تھی کہ اسکی یہ کیفیت صرف
اس ستم کا ازالہ ہے۔۔۔شرمندگی ہے جو وہ انجانے میں اس پہ کر چکی تھی۔۔۔۔
لیکن وہ یہ نا جانتی تھی کہ اسکے خوف کے باوجود، مردوں سے نفرت کے باوجود۔۔۔اسکی شیطانی انسان کی وحشت کے باوجود محبت کہیں بہت اندر پنجے گاڑھ کے بیٹھ چکی تھی۔۔۔۔
جس سے وہ پانچ سال کے بعد بھی سمجھنے اور ماننے سے قاصر تھی۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب مزید خود پہ کنٹرول نہ رہا تو وہ خود کو گھسیٹتی باہر نکلی تب ہی دوسرے کمرے سے خان باہر نکلا۔۔۔۔ اسے دیکھ کے اسکا دل کسی انہونی کے خیال سے لرز اٹھا۔۔۔۔۔
کیسی ہیں آپ؟؟ اسنے دھیمے سے پوچھا کہ وہ تب سے اب تک کمرے میں چھپی تھی۔۔۔
وہ۔۔۔وہ کیسے۔۔۔ہہ۔۔ہیں؟؟
ٹھیک ہیں۔۔۔ ابھی کچھ دیر تک آپ تک آپ کے ڈریسز پہنچ جاتے ہیں۔۔آپ چینج کر لیں، سر کا آرڈر ہے۔۔۔۔۔۔ وہ نرمی سے بولا۔۔۔۔۔
اسکی بات پہ اسنے ایک نظر خود پہ ڈالی تو اپنے کپڑے دیکھ کے تھم سی گئی۔۔۔۔۔
اسکے کپڑے خون آلود تھے۔۔۔۔
اسکا خون دیکھ کہ اسکا دل کانوں میں دھڑکنے لگا۔۔اسے محسوس ہوا کہ خون نہیں وہ خود لپٹا ہو اس سے۔۔۔۔ اس خیال کے زہن میں آتے ہی وہ مضطرب ہوئی اور فورا کمرے میں بھاگی۔۔۔۔۔۔
دس منٹ بعد ہی ایک بھیگی سی لڑکی کمرے میں ناک کرتی آئی اور خاموشی سے اسے کپڑے تھمائے ۔۔ اسنے بغیر دیکھے سوچے ایک سوٹ نکالا اور واش روم گھسی۔۔۔۔۔
وہ بس اس وقت اپنے کپڑے بدلنا چاہتی تھی اسکے احساسات سے چھٹکارا چاہتی تھی۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسے کمرے میں بیٹھے نجانے کتنی دیر ہو گئی جب دروازہ ناک ہوا اور خان اجازت لیتا اندر آیا۔۔۔۔۔
اسے دیکھ کے وہ فورا کھڑی ہو گئی۔۔۔
آپ کو سر بلا رہے ہیں روم میں؟؟ اس نے پیغام دیا۔۔۔
وہ۔۔وہ ٹھیک ہیں؟؟ وہ ڈرتے ہوئے بولی۔۔۔۔
جی۔۔۔ہوش میں ہیں۔۔۔۔ وہ دھیرے سے بولا اور ایک منٹ کے وقفے کے بعد پھر سے گویا ہوا۔۔۔۔
آپکو پتہ ہے بھابھی میم۔۔۔۔ میں ہمیشہ کہتا تھا کہ سر کے چہرے پہ کوئی تاثر دیکھوں لیکن ہمیشہ ناکام رہا ۔۔۔۔۔بیس سال سے اسی تمنا میں رہا۔۔۔ یہ تمنا میری پوری ہوئی دو دن پہلے جب آپکو دیکھا۔۔۔ میں خوش ہوا، بہت خوش۔۔۔ لیکن آپ نے غلط کیا۔۔۔
مجھے برا لگا آپ پہ غصہ بھی آیا کیونکہ سر میرے لیے بہت اہم ہیں لیکن اب سر ٹھیک ہیں۔۔۔سوری میں تھوڑا روڈ ہو گیا۔۔۔۔۔ وہ جو اسکے”بھابھی میم”پہ منجمند تھی اسکی باتوں نے اسے شاک کر دیا۔۔۔۔
حیرانی۔۔۔شاک اور شرمندگی سب کیفیات نے اکٹھے وار کیا تھا۔۔۔۔۔
آ جائیں۔۔۔ آپ پلیز۔۔۔ سر سے بدظن مت ہوں۔۔۔وہ خود کو مات دے سکتے لیکن آپکو زخم نہیں پہنچائیں گے، یقین رکھیں۔۔۔۔۔ اسنے التجائیہ کہا۔۔۔
وہ یونہی کھڑی رہی تو وہ پھر بولا۔۔۔۔
پلیز۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کمرے میں مدھم سی روشنی پھیلی تھی لیکن اسکی موجودگی کو محسوس کرتے ہی لائٹس اون کر دی گئیں ۔۔۔اسنے ہولے سے نظریں اٹھائیں تو وہ بیڈ کراؤن کے ساتھ ٹیک لگاے شاید اسی کے لئے محؤ انتظار تھا۔ ۔۔
اس پہ نظر پڑتے وہ ٹھٹھک گیا۔۔۔ لائیٹ پنک کلر کے کرتے اور کیپری میں، سفید حجاب لپیٹے وہ ایک بار پھر سے اسے اسی لمحے پہ لے گئی جو اسکی زندگی کا سب سے بھاری لمحہ تھا۔۔۔۔۔
اسکی گہری اور جذبات سے پر آنکھوں کا ارتکاز اسکی دھڑکنوں کی رفتار متزلزل کر گیا۔۔۔۔
اسکی پریشانی دیکھتے اسنے بمشکل نظریں ہٹائیں اور خود پہ قابو پاتا ٹھنڈے انداز میں بولا۔۔۔
آ جائیں۔۔۔ اسنے اشارہ کیا اور سامنے پڑی کرسی پہ بیٹھنے کو کہا۔۔۔
تب ہی اسنے دیکھا کرسی کے سامنے میز پہ کھانا لگا تھا وہ وہیں رک گئی۔۔۔۔
کھانا کھائیں ریلیکس ہو کے… اگر آپ نے کھانا کھا لیا تو میں معاز سے آپ کی بات کروا دونگا لیکن شرط یہ ہے کہ کھانا کھائیں۔۔۔۔۔ وہ زرد چہرے کے ساتھ مدہم آواز میں کہہ رہا تھا۔۔۔ اسکی مدہم آواز اسکی تکلیف کو ظاہر کر رہی تھی لیکن وہ پرسکون تھا۔۔۔۔
وہ خاموشی سے کرسی پہ جا بیٹھی لیکن کھانے کو دیکھا تک نہ اور چاہنے کے باوجود اسکی خیریت بھی دریافت نہ کر پائی۔۔۔
جب وہ اسی طرح بیٹھی رہی تو وہ تکلیف کو نظرانداز کرتا اٹھ کے سٹڈی کی جانب چلا گیا کہ وہ اسکی موجودگی میں کبھی نوالہ بھی نہ لیتی۔۔۔۔
اسے منظر سے ہٹتے دیکھ کے وہ اسکی وجہ تلاش کرتی وہیں بیٹھی رہی۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مم۔۔۔مجھے یہاں سے لے جائیں ۔۔۔بھائی۔۔۔۔ میرا۔۔۔میرا دم گھٹ رہا۔۔۔ مم۔۔۔بہت غلطی کی۔۔۔ پپ۔۔پلیز بھائی۔۔۔۔۔ موبائل فون سے لگاتے ہی وہ سسک اٹھی جبکہ وہ گلاس ونڈو کے پاس کھڑا خود پہ ضبط کے کڑے پہرے بٹھا رہا تھا۔۔۔۔
نن۔۔نہیں۔۔۔مجھے ادھر۔۔۔نہیں۔۔ر۔۔رکنا۔۔۔مجھے لے جائیں۔۔۔۔اسکے تسلی دینے پہ وہ اور سسکی۔۔۔
بیٹا میں شاہ صاحب کو کہہ دیتا ہوں کہ وہ کالج والوں سے کنٹیکٹ کر کے حالات بہتر ہوتےہی آپکو ادھر پہنچا دیں۔۔۔ آپ جانتی ہو نا کہ راستے بند اسلیے میرا آنا مشکل۔۔۔ آپ پریشان مت ہوں۔۔۔۔ اسنے بےبسی سے تسلی دی کہ حالات کی وجہ سے وہ اس سے دور ہے۔۔۔۔
لل۔۔لیکن۔۔بھائی۔۔۔ اسنے کچھ بولنا چاہا۔۔۔
بھائی کی جان بھائی پہ یقین ہے نا ۔۔۔تو پلیز میری بات سمجھیں۔۔۔یہ آپکو نقصان نہیں پہنچائیں گے۔۔۔ ریلیکس رہیں۔۔۔ اسنے اب کے آرام سے سمجھایا تو وہ ہچکیاں بھرتی خاموش ہو گئی۔۔۔ اور پھر خفگی سے کال کاٹ کے موبائل اسکے بیڈ پہ پھینکتی بھاگتی دوسرے کمرے میں چلی گئی۔۔۔۔
جبکہ گلاس ونڈو کے پاس کھڑے ساکت وجود میں تب بھی کوئی ہلچل نہ ہوئی۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسے وہاں آئے ہوئے تین راتیں اور دو دن ہو چکے تھے لیکن ابھی تک حالات میں کوئی خاطر خواہ تبدیلی نہ آئی تھی۔۔۔۔۔۔
اسے موجودہ حالات سے زیادہ اس شخص کے جذبات سے ڈر لگتا تھا۔۔۔وہ جو سمجھ رہی تھی خود پہ ہونے والے حملے کے بعد وہ اس سے متنفر اور بد ظن ہو جائیگا تو یہ اسکی زندگی کی سب سے بڑی بھول ثابت ہوئی تھی۔۔۔۔
اسکے جذبات میں مزید شدت محسوس ہوتی تھی، اسکی آنکھوں میں اتنی شدت اور جنون تھا کہ وہ آنکھیں پڑھنے کے ہنر سے نابلد ہونے کے باوجود محسوس کر جاتی اسی لیے وہ اسکے ہزار کہنے کے باوجود اس کمرے سے باہر نہ نکلتی نہ اسکے آنے پہ کمرہ کا دروازہ کھولتی۔۔۔۔
اسکی خواہش کی تکمیل وہ مر کے بھی نہ کر سکتی تھی اور جب وہ لمحہ اسکی آنکھوں میں جاگتا تو وہ تڑپنے لگتی۔۔۔۔
مما آپ سے بات کرنا چاہتی ہیں؟؟ اس واقعہ کے اگلے دن وہ اسکے روبرو تھا۔۔۔
کک۔۔۔کونسی ماما۔۔۔۔ وہ بوکھلائی۔۔۔
ہماری ماما۔۔۔ اسکی گھمبیر آواز پہ اسکی سانس کہیں اٹکی ۔۔۔۔
نہیں۔۔۔نہیں کرنی۔۔مم۔۔مجھے کسی سے بات۔۔۔۔ کیوں تت۔۔تنگ کرتے آپ مجھے۔۔۔۔جان چھوڑ دیں۔۔۔۔ وہ درد سے چلائی۔۔۔۔
وہ اسکے پاس آیا اور دھیرے سے اسے تھاما تو اسکی شدید مزاحمت کا سامنا کرنا پڑا لیکن اسے ناکام بناتے وہ اسے سامنے کرتا وہ اسکا چہرہ دونوں ہاتھوں میں تھام گیا۔۔۔۔
شششش۔۔۔ رویا مت کریں۔۔۔۔نہیں دیکھے جاتے ان میں آنسو مجھ سے۔۔۔ اسنے شہادت کی انگلی اسکے بھاری پپوٹوں پہ رکھی تو وہ سسکی۔۔۔
پپ۔پلیز۔۔چھوڑو۔۔۔۔۔
آپ بات کرنا نہیں چاہتیں ۔۔کوئی بات نہیں۔۔لیکن شادی آپ ضرور کریں گیں۔۔۔یہاں سے جاتے سب سے پہلے ماما آپ کے گھر آئیں گی۔۔۔ اسنے اسکے سر پہ دھماکہ کیا۔۔۔۔
مینٹلی تیار رہیں میری ہونے کیلیے راپنزل۔۔۔۔ اسکے ساکت وجود کو دیکھتے اسنے جھکتے ہوئے ہولے سے سلگتی سرگوشی اسکے کانوں میں انڈیلی اور پھر اسکے سر کو ہولے سے لبوں سے چھوتا کمرے سے چلا گیا۔۔۔
جبکہ وہ اسی طرح بے حس و بے جان کھڑی تھی۔۔۔۔ نہ اسکے لمس پہ ، نہ سرگوشی اور نہ ہی اسکی نگاہوں نے اسکے ساکت وجود کو متحرک کیا۔۔۔۔۔۔
تب سے ہی وہ کمرہ پوش تھی کچھ دیر پہلے خان اسے پرنسپل کے آنے کی اطلاع دے کے گیا تھا وہ انکے انتظار میں بیٹھی تھی۔۔۔۔
وہ چاہتی تھی کہ جلد از جلد اس سحر انگیز شخص کی قید سے چھوٹے اسلیے جب سر آن موجود ہوئے تب وہ کمرے سے باہر نکلی۔ ۔
وہ چھوٹے چھوٹے قدم اٹھاتی لاونج میں آئی لیکن اسے دیکھنے کی غلطی نہ کی۔۔۔۔
اسے دیکھتے ہی سر نے جانے کی اجازت لی تب بھی اسنے سر نہ اٹھایا۔۔۔۔
لاونج کا دروازہ پار کرتے دو سلگتی نگاہیں اسکی پشت پہ جمی محسوس ہوئیں تو اسکے قدم تھمے تب ہی وہ پلٹی۔۔۔۔۔
آپ۔۔آپکا نام کیا ہے؟؟
جاری ہے۔۔۔۔۔